+0 به‌ین
موللانصرالدین و آرپانی هدفلی لندیرمه حیكایه سی
یازان: دوكتورجئری
كئچمیشلرده ،دونیا چاپیندا تاخیل فییاتی نین آرتدیغیندان موللانصرالدین آرپانی هدفلی لندیرمك فیكرینه دوشور. بو اوزدن ائششگی نین گونده لیك آرپا جیره سینی یارییا كسیر. بیر ایكی گون كئچیر. موللا ائششگین حالیندا بیر دگیشیكلیك گؤرمه یینجه دوشونور هدفلی لندیرمه نین آردینی توتسون. بونا گؤره یاری آرپا جیره سینی یئنه یاری ائدیر. ائششك یئنه اؤز حالیندا قالیر . بونو گؤرن موللا آرتیق، هدفلی لندیرمه یین آردینی بوراخمیر. بئش اون گون سونرا موللا یئنه هدفلی لندیرمك اوچون آغیلا گیرنجه گؤرور ائششك اوزون – اوزون اوزانیب اؤلوب. موللا اوزونتو ایله اؤز اؤزونه دئییر :” یاخشی هدفلی لندیرمه یه اؤیرنمیشدی آمما نه یازیق دوشوب اؤلدو.”
دئییرلر موللانین بیر آغیللی آروادی وار ایدی. اولایی اؤیره نیجه اوزونو موللایا توتوب : ” آ باشی داشلی كیشی! آرپانی هدفلی لندیرمك یئرینه یاخشیسی بو ایدی ائششگین گؤزونه بیر یاشیل گؤزلوك وورایدین سونرا سامانی یونجا یئرینه باسایدین قاباغینا یئیَیدی كئف ائلییَیدی.” دئییر…
1389/8/16
بؤلوم: ساتیریک یازیلار