+0 به‌ین
کئفلی ایسکندر
ساتیریک ادبیات
بو سؤزلری اوخویاندا سن ائله بیلمه
مشهدی قاسیما، یادا اسمرین اری
تقی عمیه گولورسن! یادا گول نیسه نین
بوشانماسینا! جاببارین تیریاکی لیغینا!
یاداکی احمدین یاخالانماسینا گولورسن!
بیر آز فیکیر وئرسن حتمی بیل کی،
سن سحردن اؤزونه گولورسن!!.
چونکو اؤزونده اونلار ایله یاشاییرسان!
ملا نصرالدینین نوه سی
عابباس ائلچینله بیر موصاحبه اینتیخابات عرفه سینده
آپاران :ائلچی بئی
ترجمه سی:دوکتور جئری
ائلچی بئی:زحمت اولماسا اوزوزو تانیددیراسیز.
عابباس ائلچین:سیزین خادیمیز، عابباس ائلچین، آتا طرفدن قوم دا آغا شیخین قیز نوه سی، آنا طرفدن اصفهاندا میرزاده نین اوغلان نوه سی یم .قیرخ ایله یوووقدو تورک ماحاللاریندا، بوتون ایداره لرده سیزین قوللوقوزدایام. محاربه زامانی بسیج مردمی دن توتوب ، فرمانداری- جهاد سازندگی جان ،سیز اهالی آذربایجانین خیدمتینده وارام.
ائلچی بئی:نئجه اولدی، بیزیم آذربایجانی سئچمیسیز؟
عابباس ائلچین:واللاه بو بیر تصادفه باغلیدی، بیر گون محصصیل زامانیمدا عادیل عمی نین محضرلرینده اولدوم، او بویوردولار کی: بو زامان چوخ بیر حسساس زاماندی، آذربایجانی ایسته یرلر بیزلردن آیرسینلار، بیزلر گره ک جانفیشانلیق از خود گذشته لیک! اوزوموزدن کورسه دک ، بو اجنبی لری آذربایجاندان قووا بیلک.
ائلچی بئی :بو ایشده نالییتلره ال تاپمیسیز؟
عابباس ائلچین:نییه بعضی ایشلر گورموشوق، ایلک ایشیمیز آذربایجانی بیر نئچه اوستانا بولمه سیدی، شهر- کند-محلله لرین آدلارین عوض ائتمه سیدی .آللاهین حول قووه سیله تبریزلی جاواد داداشیمیز بو ایل اوستاندار اولسا، خوی شهرین بیر اوستان ائیلییه جه یک، اوزوده ایندیدن سیزه قولون وئریره م اؤزوم اورا اوستاندار گئده جه یم.
ائلچی بئی:اوزوموزه گلن ایل ،جمهور باشقانی سئچیمیدیر، اؤزوزی نه حالدا بیلیرسیز؟
عابباس ائلچین:بیر پارا مجلیسلرده دییه نلره گوره، بویوکلرین امریلرینه خاطیر، تکلیف اولوندی ، قالان ایشلریمیزی قوتارماق نامینه، بو تزه ایشده انجام وظیفه ائدک.
ائلچی بئی:نه تزه ایشیز اولاجاق؟ خالقیمیزا آچیقلاماق لازیمدی؟
عابباس ائلچین:او ساده ایشلری بو سازمان ملل- ارتش- اسرائیل- عربستان- سورییادی، آغروپا- آبوش- اینگلیس مسئله لریدی، ایه ر محبتیز اولسا ،چیخا بیلسه م ،اؤزومو بونلاریلا مشغول ائتمییه جه یم، ائله بونلاری اؤز آتا- آنامیز، بویوک بابامیز ائوده حل ائدرلر. قالدی تزه ایشلر تزه ایش چوخ واریمدی ، بیر نئچه سین سیزخالقیمیزا دئییره‌م:
1-تبریزده بیر تاریخ انجمنی احمد کسروی آدیلا قورماقیله طبس لی احمد، سبزوارلی حوسین ،شیرازلی حورییه خانیم اولماقلا، باشجی میز تبریزلی جاواد کیشی نی ،مامور ائده جه یم تزه دن آذربایجانا، بیر اؤزوموز ایسته ین تاریخ یازیلسین! ایه ر بو ایش یئرینه اوتورا بیلسه، شاید ایندی کی آذربایجان خالقین اؤز دیلین اورگتمک اوچون تاجیکیستاندان -افغانیستاندان بیر قوروپلار بورا گتیریب ،مسکن سالدیراق. بو ایش آذربایجانلیلارین دا ائله خئیریلرینه دیر.
2-آذربایجاندا اولن آتا- بابالارین سیجیللرین ییغیب آدلارین کوروش -داریوش آدلاریلا بیرده اونلارین نوه لرینه وام وئرمه گیله، قبریستانلاردا اونلارین آدلارین بیرده تورکی یازیلان شعیرلری فردوسی نین شعیرلرینن عوض ائدمکدی.
3-تمام یئمک خانا ، کتابخانا، تلویزییون ،کیتاب اوخوماق میزلرین بوتون گوشوارا، سیلسیله ،اوزوگ قولباقی شکیللری، تخت جمیشید -کوروش نقشلرین اوستونده چکیلیب قازیلسین.
4-بوتون سیره لرده، دسته لرده، چایخانالاردا تورکی دانیشماق مومکن اولماسین ،جیب - ثابیت تیلفونو تورکی دانیشماقا حسساس اولسونلار، دانیشاندا بیر خطا -ایکی خطادا تیلفون کسیلسین.
5-جاواد عمی نمونه اولاراق بوجور اینسانلاری آختاریب تاپباق لازیمدی، باش ردیفه قیزیل -ایکینجی سینه جوموش میدال ،اوچونجو- دوردونجولارا یاردیم ائدن سازمانلارا تانیدیرماق ،هر ایکی آیدان یئتمیش ایکی مین تومن آلسینلار. بو آذربایجانین اوزونه ده بیر سلامتلیق گلجکده گتیریر.
5-تورک یازیچی لاری کی فارس دیلینده گوزل گوزل داستانلار- شعیرلر یازیرلار، تاپیب تانیماق بیزیم بورجوموزدی، اونلارا ائو- ایش- مقام وئرمکله اوبیرسیله ره عبرت درسی اولسون -
6- اوشاق باغچالاریمیزی گوزلجه اوشاق شعرلریله (یه توپ دارم قل قلییه –تولد تولد تولدت مبارکه جان )چوخالسین، کیمسه اوشودوم ها اوشودومو اوخودو بیر کاغیذا تنبل یازماقیله سینه سینه ووروب ، کیلاسلاری دولاندیرماقیله، اونلاری ترکیدسینلر.
7-او قدر تره وز، یئر- یئمیش، قارپیز، بادینجان ،خییار جنوبدان توکولسون، آذربایجانلیلار داها سوغان ، قارتوپی، ساریمساق، تره وز اکمک یادلاریننان چیخسین.
8-بوتون آذربایجان دلک خانالار، خییاط چیلارا سیمنان- شیراز- اصفهاندان اوستادلار گتیریب هم خانیم همده آغالار اوچون اؤز مودللرین اورگتسینلر.
9-او غلیظ عار ناموس یامانلار، توپراق آندلاری یادداشلاردان سیلینیب، یئرلرینه ای وای! نکن !جان من! خالقین آراسیندا یئرینه سالینسا گوزل دوشر.
.........ائله عابباس ائلچین دئییردی ،ائلچی بئی قولاق آسیردی. اورتالاردا بولوندی کی ائلچی بئی فارسی بیلیر، عابباس ائلچینده ائله بو مددتده بیر آز تورکی اورگشمیشدیلر،اؤز کوکلرین سودان چیخاردیردیلار.
اورتادا اوتوران دوکتور جئری بئکار قالماقینا گوره،مئبیل دا دیرسکله نیب، بیر آغیر یوخویا گئتمیشدی. بیردن اوبیرسی بویرو اوسته دوننده بیر برکیدن آلتیندان اسه مس سس چیخارتدی! اؤز سسینه دیک قوزانیب، دئدی: نه اولدی بو نه قوخودو !بوردا سحردن نئجه اوتورموسوز!!
گرگرلی آراز
نوشته شده در چهارشنبه هجدهم اسفند ۱۳۹۵ساعت 23:41 توسط محمد علی برزگر(گرگرلی آراز)
اوشاق ادبییاتی
اینتیخابات قاباقی عابباس ائلچینین بیر حزب یاراتماسینا خاطیر
قیرخ یاشار
بیر گولبه سر توخومو
دوشدو هیوا دیبینده
گوزلجه او قوزاندی
ائله قوناق ائوینده
بیرآیدا او قوزاندی
بوتالارین او آلدی
هریانا او گئدیردی
هیوا بئله مات قالدی
ایکینجی آی یئمیشلر
هریانا چوخ سریلدی
سحر گلن ساعاتدا
سبد سبد دریلدی
اوچونجو آی او باغدا
یونجالاری درنده
ال گئتدی گولبه سره
آخشام اونو گؤرنده
بیچیب توکولوب یئره
قول قانادی آلیندی
گولبه سردن خبر یوخ
یئرده هیوا قالیندی
چوخ اوزگه نین یئرینده
اؤزگه مالین دیشله مه
حاققی آلیب ناحاققا
موفته سینه ایشله مه
هر نئیله سه گولبه سر
قیرخ یاشار آرتیق قالماز
ریشه سیز هر شئی بالام
سبد سبد هی سالماز
صبر ائیله دی هیوادا
اؤز آتین او اویناتسین
آخیردا هیوا گولدو
گولبه سری گویناتسین
آی منیم کؤرپه لریم
سیزده گره ک بوله سیز
هیوایا باراکاللاه
گولبه سره گوله سیز
گرگرلی آراز
نوشته شده در سه شنبه دهم اسفند ۱۳۹۵ساعت 9:50 توسط محمد علی برزگر(گرگرلی آراز)
قورخاق آدام تز وورار آمما تز دانیشماز!
عابباس ائلچینینین سوزلرینده هممشه تزه لیک واریدی. چونکو عابباس ائلچین هم قازئت اوخویاردی، همده رادیویا قولاق آساردی، بیرده هر گون آخشام خاریجی اولکه لرین رادییوسوندا توتا بیلردی، اودورکی بویونده هامیدان قباقجیل تزه خبرلری اشیدمیشدی. او دئییردی: دونن آی کورره سینده اینسان اله گئچیددی، اورا آیاق باسیلدی.
آبوشلی نیل آرمیسترانگ ،ایلک آدامدی کی آی کورره سینه قدم قویدو.اوقدر علم ایره لیده دی کی نیل آی کورره سینه قدم قویاندا ، اونا خبر وئردیلر: اولمویا قورخموسان؟ دئدی: یوخ ،منه هیجان ال وئریب !عابباس ائلچین بو سوزلری دئیردی، بیزده بیر- ایکی نفر علی اکبرین توکانیندا قولاق آسیردیق ،اودا حاجی علی محممدین باش -گوزون ووروردی.
حاجی علی محممد ،اؤزو بیر دیندار موسلمان ،آدلی - سانلی بیر آدامدی. عابباس ائلچین دئدیقی سوزلری، اصلا قبول ائیله مزدی. آمما بولنمه دیم نییه حاجی علی محممد، عابباس ائلچین نین سوزلرینه ،او آن اعتیراضی یوخودو، هئچ بیر سوز دئمیردی.
منیم بیر قولاقیم عابباس ائلچینین سوزلرینده ،بیر قولاقیم ایکی گوزومله برابر، ائله حاجی علی محممدین جوابینا تیکیلمیشدی، کی ایندیجه عابباس ائلچینی بو سوزلرینه خاطیر، سویه جک .
علی اکبر حاجی نین باش- گوزونو ووردو، فیته نی آچیب ،حاجییا ،دئدی: بویور حاجی قورتولدی. حاجی دورا- دورا باشلادی میددانماقا،عابباس ائلچینه ،دیشیندن قوپانی دئدی. چوخ پیس سوزلرینن کی بیر حاجی نین دانیشماقیندان اوزاقیدی.
خیلاصه آخیر سوزو بویوموش: بیز آی کورره سینی گورنده ،بیر اوچ صالاوات چوندرمک بورجوموزدی، سیز بوردا نئجه نققاللیق ائدیرسیز، آللاهین ایشلرینه ال آپاریرسیز. دئدی- دئدی بیرده تس- تس علی اکبرین اوزونه باخیب، قارتاردی:علی اکبر، گوناهلارین هامیسی سن وله ده هیزده دی، نییه باخیرسان؟ یاز دفتره ،خرمن اوستو!
حاجی گئدندن سونرا ،علی اکبر بیر برک گولدو ،دئدی: اونو کی حاجی دئیردی: گوناه سنده دی، دوز دئیردی .سیز بوردا نیل آرمیسترانگیدان دانیشاندا، حاجی ایسته یردی ائله او آن سیزه اؤز اعتیراضین بیلیندیرسین، آمما من اولگوزیله اونون ساققالینین آلتین ووروردوم ،دوز هولقومونون اوستونده یدیم، دانیشسایدی ،اولگوز بوغازین کسه جاقیدی، بیر آزدا او آن من گوج وئردین یاپ قورخدو ،هئچ بیر سوز دئمه دی !
اوندا کی بوغازیندان اولگوز گوتورلندی ،خاطیرجمع لیقا چیخدی ،اولگوز بوغازیندا دئییر، بوغازین کسمییه جک ،اوندا سیزه اعتیراضین باشلادی ! نه اعتیراض بیزیده سیزه قاتدی!!
گرگرلی آراز
نوشته شده در یکشنبه بیست و چهارم بهمن ۱۳۹۵ساعت 9:25 توسط محمد علی برزگر(گرگرلی آراز)
بیزیم بویوک بابامیز آدم حضرتلری هانسی دیلله دانیشیردی؟!
تابناک سایتیندا بو مطلبی ترجمه عنوانیندا
بیزیم بویوک بابامیز آدم حضرتلری هانسی دیلله دانیشیردی؟!
بو دیل دانیشما سوزونده ، آدم حضرتلری هانسی دیلده دانیشیردی؟ تاریخی روایتلر الده دئییل ،آمما آللاهین وحی زامانی، پیامبرلریله دانیشماغی، حتمی گره ک بو دیللرین بیریله اونلاریله دانیشیق آپاریب. قران پیامبرلره یوخاری گونده ریلن بیرده کی اؤز وئریلن پیامبرلارینا دئییر: "و ما أرسلنا مِن رسول إلاّ بلسان قومه لیبین لهم ...؛بیز هر کسی گوندرنده، اؤز خالقینین دیلیله برابر یوللامیشیق، بونا گوره حقیقت لری اونلارا آیدین- آشیکار بیان ائتسین. مومکوندی تانرینین آدم حضرت لریله دانیشماسی، آدمیله -حاووا اؤز آرالاریندا نئجه دانیشیرمیشلا، او دیل اولا.
یوخاریدا بو باره ده دانیشیلان سوزلره خاطیر،آدم حضرتلرین هانسی دیلده دانیشماسینا خاطیر، سوز آپاریلدی. ایلک نظرییه دئییر:بویوک پروردیگاریمیز تام دیللری بویوک بابامیزا اورگه دیب. قرآن دئییر: «و علّم الادم الأسماء کلّها؛ تانریمیز بوتون دیللری اونا اورگه دیب... »بعضی لر بو آیه نین تفسیرینده دئییللر:بویوک آللاه ،آدم حضرتلرینین توره مه لرینه، لغت لری بوتوولوقدا اورگه دیب .
ایکینجی نظرییه دئییر:اسکی سریانی دیل ،سامی لرین دیلینین آناسی، بیرده عربجه دیل بویوک بابامیزین دیلی اولوب.
اوچونجی گوروب دئییر:احتیمالی واربعضی روایت لرده دئییلیب -عنوان اولوب ،جننت اهلی عربجه دانیشیرلار.روایت اولونوب آدم حضرتلرینین دیلی عرب دیلی اولوب. بو احتمال وارکی بویوک بابامیزین دیلی عربجه اولا.
بویوک پروردیگاریمیز هئچ بیریئرده بیزه فرقی قویماییب ،آمما ائله بیل یارادیلمیش یئراوزه رینده، بیزیم آنا دیل ،مرتدینین اوگی بالاسی اولوب!!
گرگرلی آراز
نوشته شده در جمعه هشتم بهمن ۱۳۹۵ساعت 10:46 توسط محمد علی برزگر(گرگرلی آراز)
کریستیین اولکه لرده موسلمانچیلیق؟!
برجام دان سونرا دونیا قاپیلاری اوزوموزه آچیلدی ،قوولوقلار(پرونده لر)،میز اوسته قویولوب، بعضی ایسته مه لر –آلمالار باشلاندی. دولتیمیز، دولت- سازمانلاریله بو باره ده بوتون دادگاهلاردا، اؤز حاقلارینا یئتیشمک اوچون، دانیشیق آپاریلانیردی. عابباس ائلچینده ائله بو شخصلرده نیدی، اون ایل برجامدان اونجه ،عممه سی توکذ خالا، آبوش اولکه سینده وفات ائتمیشدی.توکذ خالانین، ائولادی اولمادان قارداش- باجیلاری قالمادان، دادگاهدا وراثتده ،اوچونجی طبقه ده بیر نفر عابباس ائلچین قالماقدا، بوتون مال- دولت ایکی میلیارد دولار سایاقیندا، قالمیشدی.
آبوشیله آرامیز اولماماقدا، بعضی بهانه لری گتیرمکده ،بو میقدار پولی عابباس ائلچینه وئرمیردیلر. آمما برجامدان سونرا ائله بیل دادگاهدا، رای ،عابباس ائلچینه وئریلندن سونرا، دئمیشدیلر: گلسین ایکی میلیارد دولاری آپارسین.
بو سفر عابباس ائلچین بیر دادخواست- لایحه دادگاها وئرمه گیله ،ایکی میلیارد دولارین بهره سینده ایسته یردی. ایلک دادگاهین قوتارمامیش جلسه سینه جان، کارشیناس قراری وئریلدی. ایلک دادگاهین، ایکینجی بولومونده قاضی بئله حکم وئردی: توکذبان خالانین تنها ورثه سی، عابباس ائلچین ،موسلمان اولکه سینده اولماقیله، آبوشون دادگاهی بئله قراره گلدی: موسلمان مملکت لرینده ریبا یئمک، حرامدی! توکذبان خالانین مال- دولتی اون ایل اونجه ساتیلیب ،بانکا قویولوب، اونا بهره یئتیشمه ز! عابباس ائلچینین شیکایتی بهره اوچون رد اولونور !!
گرگرلی آراز
نوشته شده در دوشنبه ششم دی ۱۳۹۵ساعت 21:44 توسط محمد علی برزگر(گرگرلی آراز) |
خوشقدم خانیم هدایت قیزییا تقدیم اولونور
آذربایجانیمیزدا
سنی آختاریرام !
خوشقدم خانیم بیر یوزیله یاخین اولار، بیر غفتیله بیلمه دیم ،نئجه اولدی؟ الیم -الیندن اوتورلندی، کوچه نین باشیندان اندیریلدی، خییاواندان گوتورلنیب، محلله میزدن آپاریلاندی .
خوشقدم خانیم ،داها اونو ایندییه جان اوزونی گورمه میشم. چوخ بیر شیرین ایستمه لیدی، یا بو دوربرده یاخوت چوخ اوزاقلارا آتیلیب .هاردا اولسا، ذهنیمه گلمیر، هله وفات ائتمیش اولا،آخی بیزلرین اولمه سی اوزون زامان آپارار. سیزدن ریجام وار ،سن آللاه، آللاه تعالا خاطیرینه ،بیر گوزی یاشلی آنا- آتا عشقینه، کند- شهر- اولکه لرده، ایتگینلری آختاریش ائدنده، بیزیم بو ائولادا یاس گلسه ز ،دئیین : آتا -آنان سنین یولوندا آغلار گوزلی، یولووی گوزله یر.
خوشقدم خانیم نیشانه لری بئله دیر: اوجا بوی، گولر اوز،ائنلی کورکلی،قارا ساچلی،ایکی قاتار فیشنگ دوشونده ،ائنلی کمر بئلینده ،بوغی بیرما ،دیزه چکیلمیش چکمه لر،آینالی تفنگ چینینده ،هممشه آب ا - نان ا ،سو- چورک دئمیش.
خوشقدم خانیم ،بیلمیرم کوسوب گئدیب، بیلمیرم بیزلری او آتیب، شاید اولکه میزده آدلار عوض اولماقا، یولون آزیب تاپا بیلمیر؟
خوشقدم خانیم ،سن اللاه سنی ایناندیقین، گورسه ز، دئیله: آنان آغلاماقدان کور اولوب، آتاوین قددی بوکولوب، جاناوارلار دوربرده، مئیدان وئریر، تئز اؤزون، بیزه یئتیر. سیزین بویوزا آتا-آنالار قوربان اولسون.
گرگرلی آراز
عابباس ائلچین دن خواهیشیم بودور زحمتین چکیب ترجمه ائدیب خوشقدم خانیما یئتیرسین
نوشته شده در دوشنبه پانزدهم آذر ۱۳۹۵ساعت 18:33 توسط محمد علی برزگر(گرگرلی آراز)
بیزیم بو توکانچی حمدی عمی ،مئیداندا ائله ایلک بینادان گوزل رفتاری اولماقدا، هممشه الی دستمازلی- ذیکریلی بیر اینساندی. هممشه اذان وئره ن آن، جاماعات نامازیندا صفه دوروب سونرا ائله شام نامازین گوزتله یه ر. خیلاصه هامی نین رای ین اله آلیب ،حتتا اون گون محررلملیقین هر بیر ماتیرالین زنجیردن توتوب طبیل ینه جان، زحمتیله تاپیب بیزیم الیمیزه چاتدیرار!
او گون بیلمیرم هاردان بیر قره یاخا آخوند کیف الینده، اونا قوناقیدی. ایکی سینین سوزلری بیر- بیرینه خوش گلیب، بیر یاریم ساعات اولاردی، دانیشیردیلار.
حمدی عمی :من هممشه سیزلره احتیرامیم وار، سیزلر گوزل بیر اینسانلارسیز، سیزلر اولماساز هر بیر شئی یاتیب ،اؤز یولون ایتیرر.
قره یاخا:سیزین لوطفوزوار،واللاه هامی ائله سیزین تک اولالار،مملکتیمیز گولوستانا دونر.
حمدی عمی (بیر یاشیل اوشاق کوینگی ساتا -ساتا) عایب اولماسین هارالیسیز؟ هارا گئدیرسیز؟
قره یاخا:مرکزده یم، امما ائله اصلینده بو دور برده نم. ایستیرم بیر پاساپورتومون معافییتیندن ایستفاده ائدم ،بیر اویانا باش وورام !
حمدی عمی:واللاه ایشیم اولماسایدی، ائله سیزیله گئدردیم، من سورییایا -کربلایه اوچ دفعه ،مشهدده کی هر ایل گئده رم .
قره یاخا :خوش حالیزا ،دوغوردان ائله هر یئری گزیب دولانمیسز؟
بو زامان حمدی عمی نین یولداشی علی آغا، بیر- ایکی دیقه اولاردی، گلیب دورموشدی اونلارین یانیندا،( حمدی عمی دیرسکله نیب، قاباغیندا میزین اوستونه) دئییردی: آغاما قوربان اولوم، کربلایه دوغسان کیلومئتر پای پییاده یول دویموشه م، اورا یئتیشنده باخ اصلا یورولماق بیلمه دیم .
بوراجان اصلا یولداشی علی آغا قاتیشمیردی، گاهدان یولداشی حمدییه ،گاهداندا او ناتانیش قره یاخییا، باخیردی. آمما گوردی کی او قره یاخا ،هردن حمدینین سوزلرینین اورتاسیندا تعجوبله ،دئییر: آفرین! بوجور مومن دیندار قارداشیمیزا! برادریمیزه! داها دوزنمه دی، دیله گلدی :حمدی؟! حمدی،دئدی: بلی علی آغا، علی آغا اوز دوندردی او قره یاخییا ، دئدی:قارداش،بولمورم سیز کیمسیز ،آمما بو حمدی هامیسین یالان دئییر! هر آی بیز ایکی میز ناخجیوانا گئده ریک! اورا یئتیشن آن ،ایکیمیزین یاری پوللاری ،اورانین میخاناسیندا قورتولار!!
گرگرلی آراز
نوشته شده در پنجشنبه یازدهم آذر ۱۳۹۵ساعت 23:35 توسط محمد علی برزگر(گرگرلی آراز)
ترامپ ین چیخماقی موناسیبت ینه گوره
باشارمایان پیس وورار!
بیزیم بو گون چیخان طرفده اولان کندیمیز، ائله قاجار دووروندن بویوک آداملاری، یوخاری یئرلرده وارلاریدی. توتاق دادگاه لاردا ،دارایی-اوستانداریده،سئجیل خانا- پاسگاهلاردا، بیر چوخلی آیری ایداره لرده ،بونلاردان بیر- ایکی نفر ایستخداملاری، یاخوت دوست- تانیشلاری حتمی واریدی.
بو جهتدن هممشه اؤز قونشو کندلریله، چول –چووونده، آتیشیب- دویوشنده، اؤز ساوادلارینین گوجونه قلم لری، بیرده تانیشلاریله دویوشلرده غالیب ،گلردیلر. چوخدا برکینه گئتمه دن بیر قولاق بورماسی، بیر آز جریمه- تورمه ده ساغلاماقیله قورتاریب، سوووشوب ،گئدردی. بو ایش بیر خورا تک قونشو کندین جانینا دوشموشدی :
نئجه بیر چارا تاپیلماقیله بو درد -بلادان یاخا قوتارسینلار!?
قونشی کند بیر هفته اونجه دن ائشیتمیشدی : شاه شهریستانیمیزا گله جک! بونلارین دیل بیله نلری اؤز اورتالاریندا جلسه قوروب -دانیشاندان سونرا ،صاباحی همن شخص قالین قوولوق(پرونده)قولتوقوندا، صفده دورموشدی، شاهین الین اوپسون!
نوبت بونا یئتیشنده، شاهین الین اوپندن سونرا ،پرونده نی آچیب ،بوتون کندین قباله لرین شاها کورسه ده -کورسه ده ،دئیردی: بوکندیمیزده آشاغا محلله له ده ائولرین- باغلارین قباله لری، بو یوخارینین، بو گون باتانین، بو گون چیخانین، بیزیم ولیهده پیشکش!!
شاه بیر بو رعییته باخیب، گولومسولندی! یانینداکینا بیر سوزلری دئدی.
او ایشدن بو قدر بیلیره م ، دالیسی نه اولوب؟ نه لر سوووشوب بیلمیره م!
آمما اونو بیلیرم: او گونون آخشامی گون چیخان طرفده اولان کندچیلر، مچیدلرینده ییغیشیب، بویوک ییغینجاق واریدی. هامی ساکیت اولاندان سونرا بویوک آغساققاللاری منبرین دیبیندن دوروب، دانیشماقا باشلادی :
منیم عزیزلریم، منیم قارداش -باجیلاریم ،منیم بوتون هم کندلریم، بویونه جان هر نه ایش گورموشوق، بوتون داوالاردا- دویوشلرده، آداملاریمیز- پولوموز- تانیشیمیز اولاراق، هر یئرده قونشو کنده غالیب گلمیشیق. اونلاری بیر آزجا ادب ائیله ماقیله ،یئرله رینده اوتوتدوروردوق .
بوندان سونرا آزجا، اؤز رفتاریزا دیقت نظریز اولسون .بیزیم اونلارا (اؤزلرین شاهین ولیهدینه رعییت ائیلییه ندن سونرا) گوجوموز چاتماز! اونلار بیزی کووشنده ووراجاقلار، آمما چون باشارمیللار نئجه ووراللار؟ ووراندا پیس ووراجاقلار! شاید اورتادا اولومدا اولا بیر! آزجا گوزتله یین ،گورک باشیمیزا نه گلیر!!
گرگرلی آراز
نوشته شده در دوشنبه یکم آذر ۱۳۹۵ساعت 19:13 توسط محمد علی برزگر(گرگرلی آراز)
دوکتور جئری نین تهران ملهمی نه بیر جواب!
تبریز ملهمی !
بیر هفته اونجه دن، تورک شیناس عابباس ائلچین له- شیخ آغامیز آخوند امیرحوسین (بهبود) مورادی یه خبر وئریلمیشدی، پایتخت ده اولان فارس دیلی قورومو باشقانی ،مجلیسیمیزده تورک دیللی اولان دئپوتادلاریمیز(ماده اون بشه گوره ایمضا ائدنلر) اوچون، هم بیر محللی معاینه همده بیر محللی تحقیقات ائیلمک ، اولکه میزه گلمه لری لازیم دوشوب. بیردن خبر وئریلدی: بش دیقه چکمه میش قوناقلاریمیز دئدییمیزآدرسه یئتیشه جک.
او زامان گلیب چاتدی، ماشیندان قوناقلار دوشوب چوخ گوزل قارشیلاندیلار، اوپوشوب -گوروشندن سونرا، گئچیب ایستراحت ائتدیلر.
صاباحی بویوک بیر مجلیس قورولموشدی. مجلیسیمیزین آشاغی باشدان -یوخاری باشاجان بویوک آداملار ،جراحی دوکتور-ایقتیصادجی-زاوودچی-داواناخاناچی-کوره چی لر بیر طرفده ، یازیچیلار- شاعرلر -نوحه خانلار-سیره چی-دسته چی لرده بیر طرفدن ،جابه جا -ردیفله اؤز یئرلرینده اوتوروب گوزلری –اوزلری پایتخت دن گلن فارس دیلی قورومو باشقانینا زیلله یب –باخیردیلار. هردن بیری قوناقیله اوز-اوزه یاسلاشاندا ،قوناق بیر گولومسوله نیب ،مجلیسده اوتوران شخص، الین سینه یه آپاریب، یئریندن بیر قاریش دوروب، اؤز ایراده تین بیلدیریردی.
ایلک آخوندوموز ، دانیشماقا باشلادی :خداوند مهربان و رحیم ، بر ما خیر و برکت زیاد بخشیده است. پس برای پروردیگار نماز بگزارید و قربانی کنید، محققا دشمن تو مقطوع النسل است .آخوند امیر حوسین(بهبود) مورادی دوشمنی دیله گتیرنده، بیر ناراحات حالتده ،عابباس ائلچینه باخدی، سیره چیلردن بیری اوجا سسله بیر صلوات چونده رین،دئمکده.... دوشن آخیر هاوا مجلیسدن بیرده عابباس ائلچینین اوستوندن، گوتورلندی.
سونرا شهرلریمیزدن بیر نئچه گوزل بویوک آداملاردان، فارس دیلیمیزین فلسفه سیندن نییه اونو اوخویوروق؟ افسانه وی قهرمانلاریندان چوخلی دانیشیق آپاریلدی. آخیردا کندلرین بیریندن بیر قوجا کدخدایا نوبت یئتیشدی. تریاکی بوغلارینا بیرده قارا رنگ قویان باشینین توکلرینه ال چکیب، دانیشماقا باشلادی: مهمان ما خوش آمدند! به عرض ملوکانه موبارک می رسانم، در ادامه کار شما ما هم در دهکدهای خود خدماتی به انجام رساندیم. نام پیش از هزار دهکده- شهر-منظقه- کوه -رودخانه ترکی را عوض کردیم اسم فارسی گذاشتیم .نمونه آنرا می آورم !سییاری را سیه رود، یام را پیام، آراز را ارس، کمچی را کیامک، علمدار گرگر را هادیشهر، ......قراردادیم. بونلاری دییه نده فارس دیلی قورومو باشقانی آلما یئییردی، بیر قاچ پیچاقیله قوپاردیب، الیله اوزادیب گوله- گوله اونا طرف اوزادیب،دئدی: بییا جان دلم ،بفرما حق شماست، بفرما بخور! کدخدانین ایکی الی سینه ده ،قاچا- قاچا قاچیب، تیکه آلمانی اوندان آلیب، ائله اونون یانیندا یئدی!
عابباس ائلچین سوزی اله آلاندا قوناقی چوخ یاغلادی، اورتا سوزونده بئله دئییردی: .....مهمان گرامی ما همگی از شما جنابعالی انتیظار داریم به درخواست ما که تدریس زبان ترکی در مدارس است توجه نمایید. ائله بو سوزی دییه نده فارس دیلی قورومو باشقانی یئرینده بیر قرنشدی، ائله بیل عقرب شالوارینا گیرمیشدی، آخوند امیرحوسین مورادی نین ناراحاتچیلیقی چوخالمیشدی، اوتوران قوناقلارین هامی سی ولولییه
دوشموشدولر،خیلاصه عابباس ائلچین سوزون چوخ عذابلا قوتاردی..... .
سوز ایندی قوناقینیدی، قوناق دیله گلدی: به نام خدا، من خیلی مفتخرم که امروز اینجا در قلب تپنده مملکت عزیزمان هستم از روحانی مجلس از بزرگان به خصوص کدخدای دهستان مربوطه سپاسگزارم از کدخدا می خواهم بیشتر تلاش کنند. کدخدا یئریندن دوردی، بیر گوزل اییلیب- دوزلدی .قوناق دیله گلدی خواهیش دارم ازت، آخر جلسه یک روگرفت(فتوکپی!) از آن لیست برام بدهید. کدخدا الین گوزونون اوستونه قویدی. قوناق آخیر سوزلرینده یدی: .....آخر سر باید در جواب امثال عباس ائلچین ها باید به گویم: ما نمی توانیم به عقب برگردیم، نمی توانیم ترمز این ماشین را بکشیم ،برای اینکه دو سه نفر اجنبی پرست به امیالشان برسند، من در اینجا می گویم به جرس قاطع در این عمل خود می مانیم !به کوری چشم دشمنان این مرز بوم .هامی صلوات چونده ریب ، قوناق دوراندا آیاقا هاهی قوناقلار آیاقا دوردولار. هره بیر یولیله اؤزون قوناقا یاخینلادیردی، بیری جیبیندن خودکار چیخاردیب هدییه ائیله ماقیله ،بیری گوروشماقیله اؤز ایراده تین بولوندوروردی. کدخدا یاخینلاشیب جیبیندن بیر قیش امرودی چیخاردیب ،وئردی .خیلاصه قاپییاجان خوداحافیظ لشمه لر ایدامه سی واریدی.
اون دیقه دن سونرا بیر آخوند امیر حوسین مورادی بیر عابباس ائلچین بیرده قوناق قالمیشدی. قوناق قاش قاباغین ساللاماقیله معلومودی عابباس ائلچیندن ناراحاتدی، ایسته میر گئجه نی قالسین ،آمما بو طرفدن ده گئجه دن خیلک گئتمیشدی ،دیله گلدی: یه جایی هست استراحتی کنیم اما با این اوضاع احوال، تنهایی می ترسم ،یک نفر هست که با من در اینجا بخوابد؟ تالارین نگهبانی کئفلی ایسگندر جوابیندا، دئدی: قوربان من اینجا هستم باهم می خوابیم .
گئجه یاری سی بیر- ایکی پیشیک ائشیکده بوغوشوردولار. قاناق یوخودان آییلیب، چوخ هاراسان کئفلی ایسگندری اویادیب، دئدی: برادر مثل اینکه در بیرون عملییات خرابکارانه است!؟ کئفلی ایسگندر یوخودان آییلدی، بیر قولاق آسیب ،سونرا دئدی: عملییات خرابکارانه هست اما به ما ربطی ندارد! اما اگر می ترسی؟ بیا پیش من بخواب. قوناق ائله بو سوزی ایسگندردن ائشیتدی، تز اؤزون وئردی اونون یانینا،کئفلی ایسگندر یئرینین ایچینده بیر گوزلرین آچیب قوناقا باخدی، ائله اوجورسونا یوخی باسدی .
چونکی گئچن جلسه نین هاواسینا یوخلامیشدی ،یوخودا گوردی بیر یولدا گئدیر، ایسته یر بیر یئرده ایشله سین. بیردن بیر دگیرماندان بونو سسله دیلر، سسه ساری گئدیب- دانیشاندان سونرا اونلارا باشلایب ایشله دی .بوغدالاری دگیرماندان گتیریب خاورماشینینا وورودولار، بیردن بیر پاسیبان سوت چالدی کی:اوغرولاری قویمایین، دگیرمانی بوشاتدیلار. هره بیر طرفده گیزلندی، اودا قاچیب دگیرمانین ایچه ریسینده گیزلندی.
اوردا بیر قوجا کیشی ایشله ییردی، اون بش باجادان اون توکولوردی، بیریندن چوخ- بیریندن آز- آخیرداکیندان چوخ آز اون گلیردی. قوجادان خبر آلدی: بونلار ندیر؟ باجادان توکولور؟ قوجا ،دئدی: ائولادیم، بونلار هر اینسانین روزوسودی، باخ او چوخ توکولن باجا هامییا، خیدمت ائیلییه ن جلیل ممدقلی زاده نیندی، اوندان سونراسی نیما یوشیج ، او بیرسی جواهر نعل نهرو، او بیرسی ده شکسپییریندی، سانییا- سانییا گلیب یئتیشدی یاپ او آخیرداکی باجییا، هردن بیر توزاناق گلیب یرتیقدان دوشوردی! اوردا قوجا دایانیب، باشین آشاغا سالدی. کئفلی ایسگندر سوروشدی: بو بس؟ قوجا ،دئدی: او یرتیق سیزین قوناقیزین روزی یرتیقی دی! کئفلی ایسگندر چوخ تاسف ائیله دی، ناراحاند حالدا ،دئدی: یوخ، بو دوز ایش دئییل ،ایندی او یرتیقی من بیر آز گئنیشله ده رم! بارماغین اوزادیب ایسته دی یرتیقی بیر آز گئنیشلتسین، اوندا بیر هاوار سسی بونو یوخودان آییدیب گوردی کی: وای آتاوین ائویله! قوناقین شالواری آشاغی، بارماغی قوناغین دالیدا آیری یئرینده !
عابباس ائلچینده قاپینی آچیب، آیاق اوسته ،هاراسان- هاراسان اونلارا، باخماقدا !!
گرگرلی آراز
نوشته شده در دوشنبه بیست و چهارم آبان ۱۳۹۵ساعت 19:10 توسط محمد علی برزگر(گرگرلی آراز) |
عابباس ائلچینین ایستک –سئوگی سی ،قیرخ ایلدن سونرا نه حالدا!
عابباس ائلچین دئییردی: بهبود مورادی گیله ،او ایل کی ایللرده قوهوم اولاندا ،بیر دورد آی نیشانلی قالدیم. بیر گون نیشانبازلیقا ترساوا کندینه گئتمیشدیم، بهبود گیلین حیه تلرینه ساری یولاناندا گوردوم، نیشانلیمین قارداشی بهبود، تپه نین باشیندا، دمات یئرلرین سورور. تله سیک حیه ته ساری گئدیب، حیه تین قاپیسین ین کیلیدگانین سالیب ،اؤزومی ایوانا ساری وئردیم.
دئمه لی بهبودون بیر گوزی اوکوزلرده، بیرگوزی حیه تلرینده یدی، منی ده گورور! ائله تزه ایواندا جیبیمدن شالی چیخاردیب ،نیشانلیمین باشینا سالمیشدیم ، قنادی پاکتین آچمیشدیم، ایکی میزده بیر شیرنی آغزیمیزا آپاراندا، بیر دیه نک دیواردان حیه ته دوشدی! نیشانلیم تز آیاقا دوروب، دئدی :داداشیم گلدی! من دیوارا ساری باخاندا ،گوردوم بلی دا ابن المولجم مورادی دیواردان آشیب، ده یه نه یی اییلیب گوتوروب، گوزله رین آغاردا- آغاردا منه ساری قدملرین باسیر.
خیلاصه حیه تده بیر- ایکی دوور منی دولاندیردی ،بیر- ایکی سین اندیرندن سونرا دیواردان آتیلیب قاچدیم. بو دورد آی ائله بو جور سوودی، گاهدان دامنان قووالیریردیلار، گاهداندا باجادان!
آمما او گونلر چوخ شیرین خاطیره لر، منیم اوچوندی. حتتا بونودا دئمه لییه م :بهبود مورادی گیلین بیر هوندور قاپاغان ایت لری واریدی، هوره ینده بیر کره نی سسی چیخارداردی، ائله او ایتین سسیندن خوشوم گلردی ،او هوره ینده ائله بیل منیم قولاغیما نه نغمه لر نوازیش ائتمیردی! خیلاصه قاینیم بهبودون وورمالاری- قورخوتمالاری منیم جانیما چوخ شیرین گلیردی !
او ایل کی ایللردن ،دوز قیرخ ایله یاخین ،اوتوز سکگیز ایل سوووشور.ایندی ندن ائله اولموشام ، کوللی-بوتون طایفالاریندان، زهله یه - زندیم گئدیر! اوزلرین گورمه گه گوزوم یوخدی! نییه؟ بیلمیرم!!
گرگرلی آراز
بهبود مرادی موعللیم
نوشته شده در دوشنبه دهم آبان ۱۳۹۵ساعت 22:11 توسط محمد علی برزگر(گرگرلی آراز
اولکه میزده هارالار پول ساخلاماقا یاخشی دی!
اللی ایل بوندان اونجه ،هم یئرلیمیز عبداللاه جنابلاری گوزل بیر چتیرباز ،نظامدا تانینیردی. چوخ گولمه لی اینسان اولماقدا ،اوندان بیر مزه لی حکایه دئمک ایسته یرم. عبداللاه جنابلاری، دئییردی: بیرگون مرکزده- پادگاندا مشغول اولاندا، آتام میزا خلیل یانیما گلدی. آخشامی چوخ سورغو -سوالدان سونرا، ایکی آیاغین بیر باشماغا تیخیب دئییردی: ایندی سنین ماآشین کفایت قدردی، بیر آز وئر منه ،من اوردا سنه یئر- یورد آلیم، تقایت اولاندان سونرا گه ل، اکینه جه یه باشلا. آتاما نقدر دئدیکجه: من یئری نئیله یرم؟ داها منه او ایشلر صرف ائیله مه ز، قولاغینا گئتمیردی کی گئتمیردی.
خیلاصه هر یئره پول قویوردوم، تاپیب اونلاری مصادیره ائدیردی! هریئره ائوده گومانیم گئدیردی گیزله دیردیم ،ائله بیل اؤز الیله قویموشدی ! بو بیر بش گون ایدامه تاپدی ،منیم مین تومنه جان الیمدن چیخدی.
بیر گون بیر- ایکی یوز آیلیق آلمیشدیم ،ایسته دیم گوزگونون دالیسیندا گیزله دیم ،بیرآن بیر فیکیر باشیما گلدی، گوزگونون دالیسیندان پوللاری گوتوردوم -آپاردیم آتامین آرخالیقیندا گیزله تدیم !هردن لازیم اولاندا خلوتجه گئدیب، اوردان لازیمی قدر گوتوروب خشله یردیم! بونون اوستوندن بیر اون گون گئچمیشدی، آتام دیله گلدی: عبداللاه؟ دئدیم نه دیر آتا ؟آتام قایدیب، دئدی: عبداللاه سن پوللاریوی، هاردا گیزله دیرسن؟ دئدیم: آتا منده پول قالیب ؟هامیسین تاپیب گوتورموسندا؟
کاش ائله او مین تومنی ده آتامین آرخالیقیندا گیزله دردیم! اورا باخان کیمدی ؟!!
گرگرلی آراز
نوشته شده در چهارشنبه پنجم آبان ۱۳۹۵ساعت 19:39 توسط محمد علی برزگر(گرگرلی آراز) | 8 نظر
اوگون طلبه تانیشلاریملا یاسلاشاندا ،گوردوم چوخ ناراحاتدی. عللتین سوروشاندان سونرا ،گوردوم لحند باغلاریندا ،باغلارینا اوغرو گئچیب، عمله گلن وسایللردن، بیرده محصوللاریندان، چکییه گلن گوتوروب –گئدیبلر. او بئله دئییردی: آتام چوخ ناراحاند اولماقدا کی من ،بیرینه نئیله میشه م ؟بوجور ایش باشیما گلدی .هر نئیله دی بونو اودانمادی، دوروب ،ماشینیمیزی مینیب، پاسگاها بیر شیکایت یازیب –وئردی. بیر اوچ ساحات گئچمیشدی، پاسگاهدان بیر آلتی نفر گلیب،باغا گئچن یئرلردن ،آپاران تاخیل، یئر-یئمیشدن لیست توتوب ،سونرا بیر نفردن شیکایتیز یوخدی؟ اولماماسین یادداشت ائیله دیلر. ایش گئچدی چای ایچمه یه، باغین دامیندا چای ایچیردیق آتام گورور، دورد عسگر هر جیبیندن ایکی بویوک قارا نایلون چیخاردیب، باغی ییغیب ییغیشدیریرلار! خیلاصه آتام گیل چای ایچیب قورتارانجان ،بیر- ایکی سفر عسگرلر الی بوش گلیب، الی دولی ماشینلارینا طرف گئدیللر.باغین قالانلاریندا بو عسگرلر ییغیب -آپاریب ،باغی بوشالدیللار! اوچ گوندن سونرا پاسگاهدان سیفاریش گلیر کی: ائله بیل پرونده تکمیل اولماقدا، یئنه دن او باغا گئتمه ییمیز لازیمدی !!
گرگرلی آراز
+ نوشته شده در شنبه بیست و چهارم مهر ۱۳۹۵ساعت 12:4 توسط محمد علی برزگر(گرگرلی آراز) | 8 نظر
آذربایجانیمیزین بویوک عالیمی -شاعیری محممد فضولی نین اوتوز بیته شامیل اولان کربلا حادثه سیندن ،اوچونجی بندیندن بیر پارچالار
تدبیر قتل آل عبا قیلدین ای فلک!
فکر غلط، خیال خطا قیلدین ای فلک!
برق سحاب حادثه دن تیغلر چکیب
بیر بیر حواله ی شهدا قیلدین ای فلک!
بیر رحم قیلما دین جگری قان اولانلارا
غربتده روزگاری پریشان اولانلارا!
محممد فضولی
نوشته شده در چهارشنبه بیست و یکم مهر ۱۳۹۵ساعت 12:16 توسط محمد علی برزگر(گرگرلی آراز) | یک نظر
خاریجی ایشلر ناظری نین ساختیمانیندا ، آیری اولکه لرده اولان کوچری لرین(مهاجرلرین) باش مودیری، عابباس ائلچین له بیر دانیشیق.... آپارران، بهبود مورادی.
گورورسوز عللتی واریمیش!
ژورنالیست بهبود مورادی:سلام عابباس ائلچین جنابلاری، چوخ ممنونام بو دعوتی قبول ائیله میسیز ،بیزیم سوالاتا جاواب وئریرسیز.
عابباس ائلچین:علیکم السلام ،سیزدن ده من تشکور ائیله ییرم، وظیفه میزدی مللت یانیندا جاواب وئر ن اولاق!
ژورنالیست بهبود مورادی:ایلک سورغوم سیز جنابدان، بو اولاجاق : کوچری لریمیز بو اون ایلده چوخالیب ،بو ندن اولا بیلر؟
عابباس ائلچین:چوخ ایشلر بونا باعیث دی، ساوادین چوخلوقی- دانیشگاهلاریمیزین آرتیرماسی -ماهواره لر، آمما هامیدان اثری چوخ، جمییت یمیزین چوخالماسی دی. بو اؤز نوبه سینده ،بیر پیشرفت ساییلیر!
ژورنالیست بهبود مورادی:بو کوچرلرین چوخو نییه آیری بیر اولکه نی یاشاماقا اینتیخاب ائدیللر؟
عابباس ائلچین:حتمی بونلارین بیزلریله بیر موشکوللری وار،آد آپارساز موشکولون دییه رم.
ژورنالیست بهبود مورادی:میثال اوچون سوئدده، استهکلم دانیشگاهیندا علیرضا رضایی جغرافییا اوستادی ، نه اوچون کوچری اولوب ؟
عابباس ائلچین :گوزل میثالدی، علیرضانین دول آناسین، بویوک باباما ائلچی گئتمیشدیم، آناسی منی باشماق تاییله صوراتیمدان ووروب، قزوین دابان داشیله باشیمی چاپمیشدی. بو عائله نین بو عملیندن سونرا، بو اولکه ده یاشاماق حاققی وار؟
ژورنالیست بهبود مورادی:شیکاکو دانیشگاهینین خسته خاناسیندا ،دوکتور وظیفه سینده ایشله ین ،دوکتور جئری بس؟
عابباس ائلچین:اونون داستانی باشقادی ،اونیله منیم قارداشیم همکیلاسیدیلار، دوکتور جئری هممشه هر بیر درسیده اون نومره منیم قارداشیمدان چوخ آلاردی، هئچ بیر دفعه ده ایمتحان باشیندا قارداشیما کورسدمه زیمیش، پئندیر- چوره گین اؤزو تک ییه رمیش. آیا بوجور شخصی بو اولکه ده یاشاماقا قویماق اولار؟قارداشیم مندن بیر خواهیش ائیله دی ،منده کی اؤزوز بولورسوز قارداشیمین سوزون یئره سالمارام!
ژورنالیست بهبود مورادی:قودرت ابوالحسنی نییویورک فضایی- موخابیراتی دانیشگاهیندا ،اوستاد عنوانیندا ایشله ین نه جور؟ بو اولکه دن کوچری اولوب.
عابباس ائلچین:بالاجا قارداشیمی تانیرسیزدا؟ بیرگون تاسوعا گونی اؤز مچیدیمیزده عاشورامیزا ،علی اکبر سئچیردیلر، اونو سئچیب منیم قارداشیم قالدی.او گون اونون آننینا بیر پرونده یاپیشدیردیم، تورمه سین چکندن سونرا، داها اولکه میزده قالمادی، گئدیب اوردا مشغول اولدی. ائله بیر رتبه سی یوخدی آمما او گئدندن ،قارداشیم هر ایل عاشورادا علی اکبر اولور.
ژورنالیست بهبود مورادی:کانادادا اولان ،اوتاوا شهرین بلدییه باشقانی ، قالایچی مورتوض نییه کوچری اولوب ؟
عابباس ائلچین:بو شخص قدیمدن بیزیم همسایایدی ،آناسی توکذبان هممشه محررم لیقدا اون گون آیری عزادارلیقدا، احسانی- سیره سی اولاردی. بولموره م نه اولموشدی؟ اوقدر خانیملاردان منیم آنامی احسانا- سیرییه چاغیرمازدی. بونو عنوان ائیله میشدی، منیم آنام غیبت ائیله یندی –نامازقیلمییاندی- اوروج توتمور. اینقیلاب اولاندان سونرا، آنام خواهیش ائیله دی توکذبانین اوره یین بیر داغلاییم، منده کی قالانین اؤزوز گورورسوزدئماقا گلمه ز.
ژورنالیست بهبود مورادی:عابباس ائلچین جنابلاری بوجور صداقتیله سوالاتا جاواب وئردیز، نهایت سیز ممنون قالدیم .ایه ر سون سوزوز وار اوخوجولارا دییه سز.
عابباس ائلچین :سیزدن ده من ممنونام اؤز قیمت لی زامانیزی، منه گوره ایشله تدیز. بیرده بونو دئمه لییه م : بو کوچری لرین بوجور حاق اوزی توتمالارینا باخمایین، اؤز اولکه لریندن دیگرگون دوشمه لرینه گوره حتمی بیر عللت وار! آیری سوزوم یوخدی آللاهین آمانیندا!!
گرگرلی آراز
نوشته شده در پنجشنبه پانزدهم مهر ۱۳۹۵ساعت 9:34 توسط محمد علی برزگر(گرگرلی آراز) | 7 نظر
نئجه ایلده بودجه میز باغلانیر!
بیزیم کندلی درگاه قولی عمی، چولچی اولماقدا ،هردن کنده -مئیدانا گلنده، بیر- ایکی آی لیق ایشله دن ارزاقین آلیب ،اولدوقو یئره آپاراردی. ائله سیگارتینده بو شکیلده، اوتوز- اوتوز، قیرخ- قیرخ ،آلاردی.هردن سیگارت لری آیری ماتیراللاردان تز قورتولماقدا ، درگاه قولی عمی نی شککه سالیب، فیکره آپاریردی. آمما تز بیر یول تاپیب اونو ایشه سالدی، ساوادی اولماماقدا، حئسابدان باش آچماماقدا،اوتوز سیگارت آلاندا، اوتوز داش بیر کاسییا آتیب ،هردن اوردان بیرسیگارت گوتورنده ،کاساداندا بیر داش گوتوروب، ائشیکه آتیردی! بیر گون باخیب گوردی سیگارت قورتولوب، آمما داشلاردان کاسادا یئددی سی قالیر. او آن اوغلی احمدی سسله ییب ، قولاقین بورا- بورا ،دئدی: سیگارت لر هانی؟ احمد چوخ آند -آمان ائیله یندن سونرا کی من سیگارت لری گوتورمه میشم،درگاه قولی عمی ، دئدی: سیگارت لردن یئددی سی آزدی! داشلارا باخ ،سیگارت لره باخ!احمد اوندا گورور کی، پا آتونان بو سفر تلییه دوشوب! آمما بو چوخ چکمه دی، بوندان سونرا هر سفر احمد آتاسیندان سیگارت اوغورلویاندا، بیر داشدا ،کاسادان گوتورورموش!!
گرگرلی آراز
نوشته شده در دوشنبه دوازدهم مهر ۱۳۹۵ساعت 9:21 توسط محمد علی برزگر(گرگرلی آراز) | 3 نظر
خیراللاه عمی بازاردان بیر اون دست چینی بوشقاب آلمیشدی. بیر حامبال یاخینلاشیب ،دئدی :خوجام، قوی من ائویزه بو یوکی آپاریم. خیراللاه عمی، دئدی: آپار ایشکالی یوخدی ،آمما من عوضینه پول وئره ن دئییلم، چوخ یالوارسان بیر بش جومله دییه رم، بلکه حیاتدا کاران گله بیلدی. حامبال فیکیرلشدی: ایندییه جان ایشله میشه م پول آلمیشام، نه اولوب ؟بو سفرده پول آلمارام عوضینه بش کلمه اورگه شه رم. حامبال، خیراللاه عمی یه دئدی: ایشکالی یوخدی. چینی یوکون آلدی بئلینه ،خیراللاه عمی نین دالیجا یولا دوشدی .خیراللاه عمی نین ائوینه یئتیشنده آسانسور خاراب اولموشدی، قیرخ پیلله نی گره ک چیخیب ،اؤز واحیدلرینه یئتیشردیلر. اون بئشینجی پیلله ده حامبال دیله گلدی: خیراللاه عمی ایلک نصیحتین سویله سن؟ خیراللاه عمی، دئدی :بیر زامان دئدیلر:قارداش شهریمیزین بلدییه باشقانی عابباس ائلچین بو ایل بلدییه - ایکی ایلدن سونرا استان - دورد ایلدن سوایی جمهور باشقانلیقین پوللارین سیلیب سوپوروب، ائشید، اینانما! حامبال قارداش بیر یوکون بئلینده آتیب- توتوب، یولونا ایدامه وئردی .ایرمی پیلله ده دونوب ،خیراللاه عمی یه ،دئدی: ایکینجی سوزون؟ خیراللاه عمی، دئدی: ترساوا کندینده اوتوز ایلدن سونرا بیردن دئدیلر: ائلچی بئی دن سوایی بیر آیری آدام مجلیس باشقانی چیخیب، ائشید ،اینانما! حامبال قارداش بیر دوداقلارین بوزوشدوروب، یولونا ایدامه وئردی. اوتوز بئشینجی پیلله ده دالی دونمه میش ،اوجا سسله، دئدی: اوچونجی سوزون نه دی؟ خیراللاه عمی دئدی، اللی ایلدن سونرا بیردن ائشیددین ،حاکیم قدرت جنابلاری ،شهریستانیمیزین دادگاه باشقانینا ،گوزون اوستونده قاشین واردئیبلر، ائشید، اینانما! آخیر پلله ده حامبال قارداش چینی یوکون قویمامیش یئره، دئدی: دوردونجی جومله ن؟ خیراللاه عمی، دئدی: بیردن گوردون بیزیم اولکه ده تورک قارداشلاریمیزا، بیر تورک مکتب خاناسی.......-........ حامبال قارداشیمیز داها دوردونجی جومله نی قویمادی، خیراللاه عمی قوتارسین، آخیر پیلله ده حامبال قارداش بئلیندن چینی لری یئره قویوب، آیاقیله اونلارا بیر تپیک ووردی، اوستن یئنیشه چینی لر گله- گله حامبال قارداش، اوز توتوب خیراللاه عمی یه ،گوله- گوله ،دئدی: آشاغیدا بیر نفر سنه دئسه بوگلن اون دست چینی بوشقابدان دوققوزی سینیب، بیر دستی سالیم قالیب !ائشید ،اینانما!!
گرگرلی آراز
*ائشید اینانما بیر آتابابا سوزودی بو آتا-باباسوزون بیر یارادیجی حکایه سی وار من اونو بیر بالاجا ایجازه زله عوض ائتمیشه م
نوشته شده در دوشنبه پنجم مهر ۱۳۹۵ساعت 14:1 توسط محمد علی برزگر(گرگرلی آراز) | 6 نظر
ایکینجی بولوم بلدییه باشقانیمیز عابباس ائلچین له بیر مصاحبه
بوراسین دئمه لییه م عابباس ائلچین جنابلاری مصاحبه وئرمه میشدن بو یازی نی منه گونده ریب سیز ائله فیکیرله شین بو یازی اؤزو بیر مصاحبه حساب اولونور!
بسم الله الرحمن الرحیم
وَکَذَلِکَ نُوَلِّی بَعْضَ الظَّالِمِینَ بَعْضًا بِمَا کَانُواْ یَکْسِبُونَ
ایشده بیز قازندیقلاری سوچ اوزوندن ظالیم‌لرین بیر قیسمینی بیر قیسمینه بئله مسلط ائده‌ریک. (انعام سوره‌سی121-نجی آیه)
آغیر بلدییه باشقانلیغی گؤره‌وینی اؤزه‌ریمه گؤتورندن بری، یاخیندان- اوزاقدان ماحالیمیزین باشا باشیندان، دوستلار، تانیشلار، قوهوملار، یادلار کانادا- پئپسی قوتلامالاری آچاندان سونرا سوروشموشلار بیزه نه ایش گؤره‌جکسیز؟!
سورغونون یانیتیندا دئمه‌لی‌یم:
بو گون میللتیمیزین باشلیجا پرابلئمی چؤرک موشکولودور. تاسفله، بو گون چؤرک آتلی اولوب میللت پیادا!... بو اوزدن چؤرکداری‌نین باشقانلیق اوتوراجاغایندا اوتورارکن، تندیر ایستی ایکن چؤرگی تندیر یاپیب میللتی چؤرگه چاتدیرتدیراجاغام! چؤرگی چؤرکچی‌یه وئره جگم بیرینی ده اوسته‌لیک. کسدیگیم چؤرگه آند اولسون بورج آلتیندا قالمایاجاغام؛ کیسمه منه چؤرک بورج وئرسه ایکی قاتینی گئری قایتاراجاغام. میللتیمیز یاخشی بیلیر منیم چؤرگیم دیزیم اوسته دئییل. من چؤرک یئییب سوفره ییرتانلاردان دئییلم. چؤرگی چؤرکله قایتارماسام چؤرک توتسون منی! کیسمه ایسته‌ییر بال -چؤرک اولسون منه دال- کوره‌ک!
میللتیمیزین آغزی ایستی چؤرگه یئتیشسین دئیه، باشدا قلئیچی مورتوض، قودرت موعللیم، حاجی محمدعلی اغا برزگر اولماق اوزه‌ره سوفره داشلاریمین هره‌سینه بیر چؤرکخانا آچاجاغام. یاخشی چؤرکچی‌نین ( ایندیدن بللی دیر قلئیچی مورتوضدور) هئیکلینی شهرین اورتاسینا تیکدیره‌جگم!
سون سؤز اولاراق من بورادا سؤز وئریرم، میللتیمیز دؤزوملو اولسا، سوفره‌سی‌نین باشینا ایلک اولاراق چؤرک سونرا خامالی کئیک گتیره‌جگم!
والسلام
چؤرکداری‌نین باشقانی : عابباس ائلچین
گرگرلی آراز
نوشته شده در جمعه دوم مهر ۱۳۹۵ساعت 10:40 توسط محمد علی برزگر(گرگرلی آراز) | 3 نظر
تزه گلن جمهور باشقانینا تقدیم اولونور!
ایلک دفعه شهریمیزین تزه بلدییه سی(شهرداری سی)عابباس ائلچین یله بیر دانیشیق!
ژورنالیست ائلچی بئی:عابباس ائلچین موعللیم، چوخ خوش گلیبسیز بیزیم دعوتیمیزی قبول ائتمکده ممنونام!
عابباس ائلچین: من سیزدن گره ک تشکورومو بیلدیرم جامعه میزین قیدینه قالیرسیز، بو زحمتی قبول ائتمیسیز.
ژورنالیست ائلچی بئی:ایلک ایشیز بو مسندده نه اولاجاق؟
عابباس ائلچین: واللاه ایلک هدفیم اوتاقیمین دوکورون، میز -صندلین بیرده اوتاقین اؤزون عوض ائیله مکدی .ائله کی گورسه نیر گئچمیش بلدییه بیر آز ،بلکه ده چوخ، بو شهره خیانت ائدیب، بو میز- صندلی ،دکوری ،اوتاقی جاماعات گورنده یاخجی دوشمور.
ژورنالیست ائلچی بئی: ایکینجی ایشیز؟
عابباس ائلچین :گئچمیش بلدییه نین ایز -توزون ،هواردارلارین بو بلدییه ده ،کوکون قوروتماق نظریم وار. چونکی بونلاریلا بیر ایش گورمک اولماز.
ژورنالیست ائلچی بئی: شهرین ایچه ریسینده نه ایش گوره جکسینیز؟
عابباس ائلچین :واللاه گئچمیش بلدییه شهریمیزی گون باتان طرفه سورموشدی. او یئرلر کی قارداشینینیدی شهر آراسی (محدوده شهر) قرار وئرمیشدی ،ایندی معلوم اولور شهر چوخ قولای شکیلده گون باتان طرفه گئدیب ،گره ک گون چیخان طرفه بیزیم قارداش گیلین یئرلرینین طرفینه گئده، شهرین گوزل اولماسینا بو ایشین چوخ تاثیری وار.
ژورنالیست ائلچی بئی : شهرین ایچه ریسینده، شیرکتلر آسفالت ائدنلره گوره بیر سیفاریش؟
عابباس ائلچین: بونلار اؤزلرینه بیر آیری ایش تدارک گورسونلر، چونکی گئچمیش بلدییه میز بونلاری گتیرمیشدی، من بونلاری تانیمیرام، بیزیم اؤزوموزون گوزل شیرکتلریمیز- کوچه لریمیزی آسفالت ائدنلریمیز وار.
ژورنالسیت ائلچی بئی: تاکسی -چوره ک خانالارا گوره نه سوزوز وار؟
عابباس ائلچین:گئچمیش بلدییه دوورونده آلان تاکسی -چوره کخانالارینان چوخ ایشیمیز وار، ایکی خط اوتوبوس سالماقیله بیرده بیر بویوک چوره ک زاوودی ایشه سالماق عمیم اوغلونون توسطیله قبللیکیلر اؤز- اؤزیله آرادان گئتمه لیدیلر.
ژورنالیست ائلچی بئی:خانیملار کوچه ده اوتوروب بیرلیکده پئنجر آریداماقلارینا بیر دستور وار؟
عابباس ائلچین :وار! گئچمیش بلدییه نین ننه سی توکذ، یاپ شور- شودانانین چیخارتمیشدی، او اوتوران یئرلرده میله قویلاماقیله نگهبان قویماقیله بیر ممنونییتلر یارادا بیله ریک !بو طرفدن گوزل پارکلاردا سحر ایدمانی بیزیم محلله نین خانیملار باشجی سی، اسمرخانیم قاباقدا اولماقدا گوزل وضییتیمیز اولا بیلر!
ژورنالیست ائلچی بئی:مئیدانلاریمیزا گوره بیر دوروموز وار؟
عابباس ائلچین: باخین، گئچمیش بلدییه ، بیزیم بیر عومورلوک گوزل اوس مئدانیمیزی تجارت مئیدانچاسیندان چیخارتدی، آشاغادا اؤزونه بیر مئیدان تیکدی ،آدیندا قویدی قیام مئیدانی، بو بیر بویوک خییانت حساب اولور بونو ایلک دورومودا گوتورمک لازیمدی.
ژورنالیست ائلچی بئی : بلدییه نین اموالی نه حالدادی ؟
عابباس ائلچین: گئچمیش بلدییه ، بلدییه نین اموالین چوخ گرگین حالا سالیب، کوروش باسقین ائدن یئرلری اوجور خراب ائتمه میشدی، گئچمیش بلدییه اوجور اموالی چول له یب .
ژورنالیست ائلچی بئی:خییابانلاردا -بولوارلارا هیکللر بیرده کوچه لرین آدلاری اوچون بیر تدبیریز وار؟
عابباس ائلچین: واللاه بو باره ده نه دئییم آخی، گئچمیش بلدییه گتیریب قبریستانین قاباغینا فیردوسی نین هیکلین ،مدرسه میزه نه بیلیم دقیقی یاراشدیریب- یازیب .خیلاصه بونلاری ایلک پول اله گلن آن، عوض ائدیب ،گوزلجه آدلار سعدی دن –حافیظدن ،حدداد عمی دن- نصیر جیناسدان قازیب یاراشدیراجاییق.
ژورنالیست ائلچی بئی :سیزین دووورده خییابان-کوچه لرده دیوارلاری خراب ائدنده ،دالی چکیلمه، نئجه محاسبه اولوناجاق ؟
عابباس ائلچین:گئچمیش بلدییه چوخ قولای اولچوب- بیچیب، متفاوت اولچی لری واریمیش. بعضی یئرده بیر –بیر یاریم- ایکی مئتیر محاسبه اولونوب. بعضی یئر وار اصلا دالی گئتمه یبلر. بیزیم دووروده بئله اولمویاجاق ،من شهری بوله جه یم ،بعضی یئرلر بیر - بیر یاریم - ایکی مئتیر اولاجاق، بعضی یئرلرده وارکی اصلا دالی گتئمک اولماز.
ژورنالیست ائلچی بئی :دیلنچی لر- دووایازان لار اوچون نه ایضاحات وئره بیلرسیز؟
عابباس ائلچین:دیلنچیلرین بیرده دووایازانلارین اتحادییه سی اولماماقدا ،هله بیزیم حمایتیمیزده دی گئچمیش بلدییه لیقدا بیر اؤز باشینالیقلار واریدی ،امما منیم دوورومده بو اولا بیلمه ز، دیلنچی الوش گونده بش یوز قازانیر، شهردارین اوردا حاققی وار. دووایازانلار اوچون منیم دوورومده ترتیباتیله قاباقا گئده جه ییک، قورخو- محببت آراقاریشدیرما دووالاری فرق ائیله یر، یازیلیب آخیردا اؤزونه گوره حئساب اولوناجاق!!
آردی وار.....
گرگرلی آراز
نوشته شده در پنجشنبه بیست و پنجم شهریور ۱۳۹۵ساعت 14:52 توسط محمد علی برزگر(گرگرلی آراز) | 8 نظر
خیراللاه موعللیمیله هردن اوتوروب ،دانیشاریق. اوگون بیریئرده یدیک ،بو سوزو دئییردی: یونی وئرسیتیده طلبه اولان زامان، بیر جوغرافییا اوستادی، نووروزی آدلی واریمیزیدی .جلسه لرین بیرینده بیر مناسیبته گوره، فیرانسادا باشینا گلن احوالاتدان بیر پارچا، دانیشدی. او بئله دئییردی :فیرانسا بورسییه سینده قبول اولموشدوم، اورانین دیلینی بیر آی مدتدینده گئچیتمک زوروندایدیم. ایلک گونو هامی اوزون تانیددیریدی ،دونیانین هر بیر بوجاغیندان ،اورتا آسییادان- آفریقادان- اوزاق گونی آسییادان –باشقا یئرلردن واریدی. نوبت بیر قوجا خانیما یئتیشدی ،دوردی اوزون تانیددیردی ،سونرا، دئدی: من کانادا مملکتیندن بورایا گلمیشه م. بیزیم اوستاد بیر اللرین اوفکالادی ، گوله- گوله سوروشدی: خانیم سیزین نئچه یاشینیز وار؟ خانیم، دئدی: اوستاد سیز ایندییه جان بیلمه میسیز بیر خانیمین یاشین خبر آلمازلار؟! امما چون سوردوز، دئییرم :منیم یئتمیش دوققوز یاشیم وار! بیر هوی دوشدی! گولوشمه دن سونرا ،اوستاد دئدی: آخی بو یاشدا آیری اولکه؟ بوجور بیر چتین درس اوخوماق ؟خانیم کی آیاق اوسته دورموشدی، دالیجا دئدی:عف ائدین اوستاد ،منیم نه زامانیمدی؟ من عمورومون یاریسین ائیله میشه م ،یاریسی هله قالیر !
بو دانیشیقدا ، منیم آنام کندیمیزده، یادیما دوشدی .هله او دئدیقیم ایلده قیرخ یاشی تامام اولمامیشدی، هی دییه ردی:ائولادلاریم ، بیر بئکار زامان تاپین، من سیزه وصییه تیمی ائیله ییم ،داها بیر عومور مندن قالماییب!
اوجور مملکتلریله بیزیم مملکتین گوره سیز نه فرقی اولا بیلر؟!!
گرگرلی آراز
نوشته شده در چهارشنبه دهم شهریور ۱۳۹۵ساعت 0:17 توسط محمد علی برزگر(گرگرلی آراز) | 11 نظر
اولکه میزین اولمپیک باشجی سی، عابباس ائلچین یله ریو اولمپیکدن سونرا بیر آچیق صمیمی دانیشیق!
ژورنالیست:چوخ خوش گلمیسیز عابباس ائلچین قارداشیمیز، ایلک سواللاری سورمادان اوخوجولاریلا نه دئمک ایسته یرسیز؟
عابباس ائلچین :چوخ ممنونام هم سیزدن همده عزیز اوخوجولاردان ،بیرده بو بویوک اودماقی رییو اولمپیکده اولکه میزه تبریک دئمک ایسته یرم!
ژورنالیست:سیز دییه ن ائله ده قاباقجیل اولمپیکده اولمادیق؟
عابباس ائلچین:یوخ هایلا دئمه یین ،سیزدن بو سوز بعیددی، ائله بایراق داریمیزی نظرده توتولسا بیر ویلچه رلی قیز اینتیخاب ائیله میشدیق. او دورومدا بیر ایدمانچیمیز چادیرالی موحکم قدملرین گوتوروردی، بیزه هر بیر شئی یدی. بیرده اولمپیکه گئتمه ییمیز بیر حوسنو واریدی ،چوخ ریشته لری اوردا تانیدیق- اورگشدیق، بو ریشته لر وار.
ژورنالیست:آخیر چه کیده اولان وزنه برداریده چوخ قولای وضییت ده آسیلی قالدیق. بو ندن اولا بیلر؟
عابباس ائلچین:بو مومکون دئییل بیزلر آخیر چه کیده اولان وزنه لری اینشااللاه سورییادا –یمنده- عراقدا گوتورنده، اوندا بیله جکسیز، نه خبر واریمیش ؟
ژورنالیست: قیلینج اویناتماقدا چوخ گوزل گلمیشدیق ،امما آخیرلاردا چول له دیک ،نه اولموشدی؟
عابباس ائلچین :او ایدمانچی یا اؤزوم سیفاریش ائیله میشدیم ، اودوزسون. اورتا آسییادا دییه رلر: نه خبردی؟ بونلار بئله قیلینج اوینادیللار. باخما اودوزماسینا ائله قهرمانلارا نه وئرمه لیدی، اونادا شامیل اولاجاق!
ژورنالیست: سیزین بو ضعیف ایش آپاردیقیز باعث اولماز ،سیزی اولمپیک مقامیندان کنارا قویالار ؟
عابباس ائلچین:یئنه قایتاریرسیز ضعیف ایشله میشه م، بو سوز دوز دئییل ،منیم دوورومدا بیر آزاد گولشجی میز ،اوتوز ایکی ثانییه ده بیر آبوش گولشجی نین بئلین یئره یاپدی، بو بیزیم قوولوقوموزدا(پرونده میزده) بویوک بیر پواندی .
ژورنالیست:آخی اوبیرسی گولشجی میز آبوش گولشجی سینه اودوزدی.
عابباس ائلچین:او سرعتده حئسابا گلمه ز، هله دئمه دیم: او شوعالارکی اولمپیک اویون یئرلرینده، آذرکشلر وئریردیلر، او الهی دانیشیقلار –راز،نییازلار گئچیتمه لر- جومعه آخشامی دووالاری آموزون چای کناریندا، طنین انداز اولوردی، بیزه هر بیر میدالدان اوسکون ساییلیر. بیرده ایکی کافیر اولمپیک کندینده موسلمان اولدولار در حال بیزیم بایراق آلتیندا یاریشا باشلادیلار،روتبه سی ایرمی دوقوزونجونا باخمایاراق،اونا بیز بیر قهرمان تک باخیریق.
ژورنالیست:یئمه یز ایشمه یز نئجه اولوردی ؟
عابباس ائلچین:یئمه یمیزده اؤز مملکتیمیزدن ،ایکی توناژا یاخین ،ایندییا- پاکیستان دوگوسی، بیر توناژا یاخین اؤز تاجیرلریمیزدن عمله گلمیش اولان ،بریزیل اتی، آزاد بازارلاردان عمله گلن، شیمالی آبوشدان- کانادادان نخود -لوبییا ،کویر مارکالی اولان سو احتییاجاتیمیزی، چوخ گوزل وجهیده باشا آپاردیق. اورانی بیر قورمه سبزی اییی گوتورموشدی کی گل گوره سیز!
ژورنالیست:ائله بیل بیزیم اولمپیک کاروانیندا بیر روانشیناس یوخیدی ؟
عابباس ائلچین:واللاه سیز بوردا دوز دئییرسیز، بیز اوردا بو مطلبی اوخویوب دوشوندوق ، هر بیر کارواندا گره ک بیر روانشیناس اولا، ایه ر بیز ایلک بینادان بونو بیلسه یدیک، بیزده نه بول روانشیناس ،قومدان بیر کاروانا جان هره یه بیر نفر آپاراردیق. بیرده بیزه ائله روانشیناس لازیم اولمور، اؤز اولکه میزدن قاچمیش ایدمانچیلار آیری اولکه بایراق آلتیندا یارش ائدنلره باخاندا ،ایکی قات بیزه قووت وئریب بیز شارز اولوردوق!
ژورنالیست:روتبه میز چوخ اولکه لردن دالی اولدو، بونا نه سوزوز وار؟
عابباس ائلچین:سیز فخر ائدین آز اولکه لردن دالی اولساق، چوخ اولکه لردن دالی قالمامیشیق اونلاردان ایره لیده ییق.
ژورنالیست:بیر جامایکالی بیر آبوشلی ایدمانچی اؤز تک لیقلاریندا بیر اولکه دن چوخ میدال گتیریبلر، بونا نه سوزوز وار؟
عابباس ائلچین:نه سوزوم اولاجاق، آللاه تعالا او آدامی کی ایسته مه ز بو دونیادا هر بیر شئیی باشیندان توکر! امما بیزیم تک آللاه آدامین بو دونیادادا ایمتحانا چکر ، گورسون نئجه رفتاری وار؟ راضی هستیم به رضای پروردیگار!
ژورنالیست:رییو المپیک کاروانیندا اولان شخصلر بیر تهر سیزیله دوسلوقو- قوهوملوقی وار. میثال اوچون: ائلچی بئی کومکچیز، باجاناقین- دوکتور جئری ،کاروانین دوکتوری- قدرت ابولحسنی اذان وئره نیز، کوره کنیز- قزوینلی علیرضا رضایی ،مساژوروز باجی اوغلونوزیدی. چوخلی آداملار کی چیخاردان لیسته وار.
عابباس ائلچین:گئدیب آیری اولکه دن گتیرمه یه جه ییق کی! اونلاردا بو اولکه نین آداملاریدی. بیزیم اولکه نین- مملکتیمیزین بویوک باش باکانلاریمیزا باخاندا، گوروروک ائله بیر- بیریله قوهوم -قارداشدیلار بوجور اولاندا چوخ گوزل اولور ،هر بیر سوز اؤز آرالاریندا قالیر، سوز کنارا چیخمیر.
ژورنالیست:رییو اولمپیکده اوداندا آغلایردی، اودوزاندا، خاص آغالارین آغلامالاری چوخ اوره ک یاندیرانیدی؟
عابباس ائلچین:بو موسلمانین گوزل عمللریندن بیریدی. دوز دئییرسیز آقای خاصصین آغلاماقی منی ده آغلاتدی! ایدمان باشجی سیندان، کتبی صورتده ایسته میشه م اونا بیر قهرمان جاسینا بیر گوزل خاص بیر کادو ،خاص آغلاماقینا گوره نظرده توتولسون!
ژورنالیست:آخیر سوز؟
عابباس ائلچین:ائله بوگوندن قوزانیب گئدیب بویوکلریمیزین حضورونا چاتیب الیندن اوپوب ، گلن دورد ایله فیکیرله شه جه یک!! والسلام علیکم
گرگرلی آراز
نوشته شده در پنجشنبه چهارم شهریور ۱۳۹۵ساعت 14:21 توسط محمد علی برزگر(گرگرلی آراز) | 6 نظر
همدانین پایگاهیندا سس نه سس یدی !
گون هایاندان چیخمیشدی، گئچن هفته ائلچی بئی- دوکتور جئری- عابباس ائلچین بیزه قوناق گلمیشدیلر. ائله بیل پارس آباددا قوناقیمیشلار، یوللارین آراز قیراغی سالیب تاکی منیده گوره بیلسینلر. خیلاصه شامی نوشی جان ائیله یندن سونرا ،حیه تیمیز کندیستان حیه تیدی اولماقدا ، عابباس ائلچین، دئدی: من کی ایواندا یاتاجه یم !هامی راضی اولاندان سونرا، هامی قوناقلار ایواندا ییغیشیب یئریمیز سالیندی.
بیر ساعات اولاردی یئریمیزده یدیق، امما هله یاتمامیشدیق .منیم عادتیمدی یئریمده ائشینه -ائشینه بیر آز آشاغا چکیلیب ،آیاقلاریم ایوانین دیره گینه یاپیشاندا، دایانار. بیردن ائلچی بئی خبر آلدی: ایسگندر، ییغیشا-ییغیشا بیر کونده اولدون، آیاغین دیره گه یاپیشدی! قوناقلاردان قورخدون؟ هامی گولوشوب -قورتولاندان سونرا ،دئدیم: یوخ بونلار نه سوزدی ،یاری گئجه یاتمیش زامانی ،مندن بیر سسله ری چیخار! آیاغیم بو درنه یه یاپیشاندا او سسین تووون آلار، سس پراکنده اولوب سسی یانیمداکی لاری ناراحاند ائیله مه ز! عابباس ائلچین دئدی: ایسگندر بولدوقونجا چکه سن!امما هامی گوردی، ائلچی بئی ییغیشا- ییغیشا چکیلیب آیاغین ایوانین درنه یینه یاپیشدیردی.
بیر آزدان سونرا هامی یاتمیشدی هردن بیر قونشونون پیشیکی نین سسی ،بیرده اون دیقه دن -اون دیقه یه گوزی دن گلن آیریپیلانین سسیندن سوایی بیر سس یوخیدی.
یاری گئجه یه بیر اوچ ساعات ایشله میش ایراده لرینده، بیر بویوک پاتلایشینان هامیمیز یوخودان قوزاندیق! سس ائلچی بئی ین طرفیندن گلیردی .هامی کی ائلچی بئی ین اوزونه باخیردی ،ائلچی بئی بیردن هاراسان، دئدی: ایسگندر؟ سن کی دئییردین: آیاقی درنه یه ده یه نین سسی چیخماز؟بونون کی سسی هامیدان بتریدی !!
گرگرلی آراز
نوشته شده در سه شنبه دوم شهریور ۱۳۹۵ساعت 10:10 توسط محمد علی برزگر(گرگرلی آراز) | 6 نظر
او اولماسین بو اولسون (مشهدی عباد )فیلمیندن بیر پارچا!
یئددی دفعه دونیا –اولمپیک قهرمانی اولان، بو سفر ریو اولمپیکده ایکی گولشده اودوزوب، کوره یی یئره ده یدی. گوره سن نییه او اودوزدی؟
1-مربی سی بیلمییه نیدی؟ یووووخ من بیلن مربی سی چوخ بیلندی ،دونیادا نئچه دفعه بیرینجی چیخیب .
2-پول وئرمیللر؟ یووووخ بودا اولا بیلمه ز ،تزه قاتلانان پوللاری برجامدان سونرا آلمیشیق ،حتمی بو ریشته یه ده یئتیشیب.
3- باجاناقیله ساواشمیشدی؟ قایین آناسیله آراسی یوخیدی ؟یوووخ بودا اولا بیلمه ز، ایتفاقا بو گوزل دوشر، آخیر زامانلار فیکری راحاند اولا بیلر .
بس نه اولا بیلر؟ سیزدن خبر آلیرام، آز تمرین ائیله میشدی؟ برزیل اولکه سینده یادا داوردن آجیقی گلیرمیش؟ یوووخ ،اولا بیلمه ز ،نه برزیلله ،نه ده داوریله ،نه قونشو اولموشوق ،نه بیر- بیریمیزین دیلین قانیریق.
بس آغالار- خانیملار، قوجالار- جاوانلار، نه اولا بیلر؟ بو گولشجی بئله اودوزسون؟ هن، نه اولا بیلر؟ شاید یاشی گئدیب یوخاری؟ سیننی حددن آشیب؟ بودا دوز اولا بیلمه ز. بیزیم سییاست یاریشلاریندا، بو ایدمانچیدان دا یاشلی گورمک اولور.
یاریش مئیدانلاریندا دوغسان نئچه یاشدا اولان شخصلرین فیکیرلری، یاریش صحنه لرده چوخ جاوانلارین بئلین ،یئره سورتور.
یوخ بودا اولا بیلمه ز، بس گوره سن بیزیم بو ایدمانچیمیز نییه ریو اولمپیک یاریشیندا اودوزدی؟
سیز بیلمه دیز من بیلیرم، بو گولشچی میز آلتی –یئددی گوندی اولکه میزدن چیخیب، برزیل مملکتینده ریواولمپیکده یاریشلاردادی.
گوزلری هر یئری آختاریردی کی ایکینجی کانالدا سککیز یاریم اخباری، بیر -ایکی دیقه ده اولسایدی قولاق آسیب ،بیر موعتاد تک اؤزون دوزتسین- شارز ائیله سین! حایف کی بونو ریو اولمپیکده بیری بیلمه دی !!
گرگرلی آراز
................................................................................................................
بسمه تعالی
اؤلکه‌نین اولمپیک باشچیسی: عابباس ائلچین- دن
استکبار جهانی شئیپورو : آراز گرگرلی- یه
سالاملارلا:
وطنداشلاریمیز یاخشی بیلیرلر: "هنر نزد ایرانیان است و بس". یعنی بیز ایرانلی‌لار تاریخ بویو بوتون ساحه‌لرده؛ فرهنگ، ادب، فلسفه، اقتصاد، سیاست ، طبابت، موسیقی، تئاتر، سینما، نقاشی،معماری، ایدمان و سایره ده همیشه بیرینجی اولموشوق. باشقا میللت‌لرین هرنه‌یی وار بیزدن اوغورلاییب‌لار یا گؤتوروبلر.
ریو اولمپیک اویونلاریندا قارشیلاشدیغیمیز اوغورسوزلوقلارا گلینجه، دئمه‌لی‌یم؛ بیز بوتون قیزیل مدال‌لاری قازاناجاغیق ایدیک آنجاق رقیب ( یعنی بوتون دونیا اؤلکه‌لری) ال- اله وئریب بیزیم ایدمان اوردوموزدا، "یاریشچی‌لارین یارانه‌لری کسیله‌جک" دئیه شاییعه یایاراق ایدمانچی‌لاریمیزین روحیه‌سینی پوزولماسینا سبب اولموشلار. بیز بو شاییعه‌نی ساعات سککیزیاریم خبرلرینده یالانلاییب روحی-روانی جهتدن ایدمانچی‌لارین اوزه‌رینده ایشله‌دیک آنجاق فایداسیز اولدو. ایدمانچی‌لارین احوال- روحیه‌سینی یوکسلتمک اوچون قرار اولوب تهراندان، ایدمانچی‌لارین یارانه‌سی‌نین کسیلمه‌یه‌جگی آدینا بیر قورآن مؤهورله‌ییب گؤنده‌ره‌لر آمما تاسفله مسافه‌نین اوزاقلیغینا گؤره هله الیمیزه چاتماییب. چاتینجا خبری میللتین حضورلارینا چاتدیراجاغیق.
ایمضا: @
نوشته شده در چهارشنبه بیست و هفتم مرداد ۱۳۹۵ساعت 8:52 توسط محمد علی برزگر(گرگرلی آراز) | 3 نظر
دونیا اولمپیکین باشقانی ،مئستر دوکتور جئری
اولکه میزین اولمپیک باشجی سی، عابباس ائلچین
تای سیز آللاهین آدیلا
1365/5/24
ریو اولمپیکه گوره ،بیر نئچه مورد
سلاملار
احتیراملا سیزین حضوروزا بو نامه نی یازان، بهبود مرادی ،ائلچی بئی –قالایچی مورتوضا تانینان، اولکه میزین دلواپسان گوروپون تانینان باش دیل بیله نی، سیز دونیا اولمپیک باشقانی مئستر دوکتور جئری ،بیرده عابباس ائلچین اولکه میزیمن اولمپیک باشجی سی اولاراق، سیزدن ریجا ائدیرم دستور بویوروب ،دییه سیز: الف- ریو اولمپیک ده اولان تام ایدمانچیلار، در حال ،یاریشدان سونرا ایمتییازلارین، اودوب –اودوزمالارین، اعلان ائتمه ییب- بولوندورمه سینلر. اونلاری بیزیم اولکه نین، اورت- باسدیر کندینین،گزینش ایداره سینین عهده سینه قویسونلار. بیر ایرمی بش گون مددتینده، سونرادان دئییلمه ایجازه سی صلاح بیلن لری وئریلیب -دئییل سین. ب-بو گوروپ سیزدن اینتیظاری وار، بعضی خانیم ریشته لرینده، اورنک اوچون: 1-اوزمک تمام ریشته لر-قاشماق بوتوت یاریشلار3-گولشمک4-ژیمیناستیک5-فوتبال6-واترپلو7-وزنه گوتورمک8-بوتون او یارشلار –ریشته لرکی خانیملارین نامحرم یئرلری آتیلیب -دوشنده بولونور،قداغان ائدییل سین پ-بیر زامان بیر سوز –حرکت بیزی دلواپسه سالدی،یئنه دالیجا سیزجنابلاری جریاندا قویاجاییق!! ......سیزین هممشه دلواپسیز اولان بهبود مرادی!
گرگرلی آراز
...................................................................................................
بسمه‌تعالی
برادر بهبود مرادی
سیزین دگرلی اؤنری‌لرینیزی اوخودوقدا وطن‌پرورلیگینیزی، تعصوبونوزو، تالواسازی آلقیشلایاراق دریندن غورور دویدوم. قوهوملوق حؤکمو ایله سیزی بیرینجی و جناب آراز گرگرلینی ایکینجی یاردیمجیم اولاراق تعیین ائدیرم.
برادر مرادی!... اؤنرلرینیزین بیر بؤلومونو گئرچکلشدیرمک هله‌لیک ایمکان‌سیزدیر. بیز "اینترنت ملی-ماهواره‌‌ی ملّی"-نی الده ائتمه‌یینجه یابانچی‌لارین یالانچی خبرلری‌نین قاباغینی آلا بیلمه‌ییب گوزینیش اداره‌سی‌نین اؤنلم‌لری یارارسیز اولاجاقدیر. بیلدیگینیز کیمی قدیم‌لر بیرلشمیش میللت‌لر تشکیلاتی‌نین بیناسی‌نین باشیندا" بنی آدم اعضای یکدیگرند- که در آفرینش ز یک گوهرند" یازیلدیغینی دئینده هامی اینانیب فخر ائدیردی آنجاق ایندی وضعیت دگیشیب میللت جیب تلفونو ، اینترنت ایله دونیانین اوباشینداکی یالان خبرلردن آگاه اولوب بیزیم دوز خبرلریمیزه اینانمیرلار. بو اوزدن سیز کیمی بیلگین برادرلرین ایشه آلماسی ایله اینشااله بو انگل‌لر اورتادان قالخیب قهرمان پرور میللتین اورکلری گلن اولمپیک اویونلاریندا شادمان اولاجاقدیر. قادینلار مسئله‌سینه گلدیکده سیزدن ایسته‌ییرم بومؤهوممو شئیخ آغا ایله مشورت ائله‌ییب نتیجه‌نی بیزه اعلان ائله‌یه‌سینیز.
اولمپیک باشجی سی، عابباس ائلچین
امضا: @
+ نوشته شده در یکشنبه بیست و چهارم مرداد ۱۳۹۵ساعت 19:47 توسط محمد علی برزگر(گرگرلی آراز) | 3 نظر
گوره سن قیلینج اویونونده نییه اودوزدوق...او کی اؤز اویونوموزدی؟!
اللی ایل اولار،ایندی ده گوزل یادیمدادی آخشامی بیزیم محلله ده های- سس -کوی قوپدی .سس حاجی حسن گیلدن گلیردی. یانلاریندا ایشله ین قوربانی، سالمیشدی تپیکین آلتینا، وورا –وورا، دئییردی: سن کوپک اوغلی یعنی ائله قودورموسان، منیم کل- جامیشیمی اوجور وورورسان. پاییز زامانلاریدی داها ائوده- چول- چوونده ایش قورتولان گونلر گلیب چاتیردی، خرمن- بیچینلر- تاخیللار سوووشموشدی. خیلاصه قوربانین داها ائوده قالماسی ضرر گوتورمکدیدی ،گره ک شرری باشدان اولایدی. کوچه قاپیسی آچیلدی، ایلک قوربان، دالیسی حاجی ،قاریش الینده دالییا -دالییا قوربانی شیلایردی. حوسین عمیم کوچه دن گئچیردی ، قوربانی حاجی حسنین الیندن آلیب بیر آز حاجییا توختاقلیق وئریب ،ساکیتلشدیردی، سونرا اوز دوندریب قوربانا ،دئدی: قوربان یئنه نه اولوب؟ قوربان چوخ ناراحاند ،دئدی: حوسین عمی ماللاری انزوودان گتیریردیم، باش توت آغاجین یانیندان گئچنده ،کل- جامیشلار، بیر- بیریله آتیشیب –دویوشدیلر. بیرینین بودوندان بیر پارچا ال ایچی جان، دری، گوتورلندی، حاجی منی موقصصر بیلیب، بو گونه سالیبر.
حاجی حسن ده ،حوسین عمیم ده ،هامیدان یاخشی قوربان اؤزی ده بیلیردی کی بو بیر بهانه دیر، قوربان پاییزی اوردا قالماسین .امما یازیق هی آند ایچیردی کی یوخ من ائیله مه میشه م.
اللی ایل بوندان اونجه بیر کل -جامیشین بودوندان بیر ال ایچی جان دری گئدنده، قوربان دویونجان کوتک یئیردی .اون مئتیردن تاپانچایله خالا وورمایان بیر ایدمانچی ،گوره سن نه یه آند ایچیب وورمامازلیقین ،بیزه بهانه گتیره جک! البتده چئر ملانین اعتیراض حققی وار ،چونکی اون –یئددی تیرآلتی تنه بینین او باشیندان ،ایستکان آتیر، بو باشدا گوز چیخاردیر!!
گرگرلی آراز
نوشته شده در پنجشنبه بیست و یکم مرداد ۱۳۹۵ساعت 17:32 توسط محمد علی برزگر(گرگرلی آراز) | 7 نظر
اولکه میزه قوربان اولوم هر بیر شئی مومکوندی!
عابباس ائلچین گیلین ایلک فامیلییالاری سبقت الهی دی .ائله اوبیرسی قارداشلاری بو
فامیلده قالیب ،آمما مدیر اولاندان عابباس ائلچین فامیلین دئییشیب. ائله بو شهرت ده
قارداشی قیزی ،ایندی ریو اولمپیکده ، تاپانچا- اون مئتیر یاریشیندا ،اللی ایدمانچی نین
آراسیندا ،بیلمییرم ایرمی یاخوت اوتوز نئچه نجی اولدی .
بو ایدمانچی نین گوزل بو ریشته یه گلمه ماجراسی وار.
دورد ایل بوندان اونجه، سبقت الهی خاتینلاری، تیلویزییادان، اینگلیس اولمپیک
رئکلانلارینا باخیردی، بیردن بو ریشته ده تاپانچا ریشته سینده، یاریشلاری گوزه
چیرپیلاندی. بیر ایکی دیقه آنیندا، تصویرلر تیویزییادا، گوز قامیشدیردی. بیر قیزی
گوردی، تاپانچا الده اون مئتیردن خالا وورور! داها سبقت الهی نی ساخلاماق اولمازدی
،مئبل اوستونده آتیلیب- دوشوردی. او طرفده اولان آتاسیله- عمی سی عابباس ائلچینه اوز
توتوب ،دئدی: منده گره ک بویون اولمپیکه گئدم! بو رفتار چوخ تیکرار اولوندی،
آخیردا عابباس عمی سی قیزی دیزی اوسته اوتوتدوروب، دئدی: عمی جانی بو سن دییه
ن ایشی ،جمهور باشقانی دا اؤز اطرافییانینا گوره بیلمه ز. سن صبر ائله، بو اولمپیک
انگیلیستاندادی،قورتولسون،گلن اولمپیک عمی سنی یازدیرسین فدراسییونا، اورداندا
بیر باشا دورما- گلدیم ریو اولمپیکه، اوزوده سن بالاما ،دئییم :ریو اولمپیکی چوخ اوزاقدی چوخ آدام
باش چیخارتماز، بیر نفر بیلمه ز، او ایش من عمی لن !
بوعممه م ایسقت مصمه یله -خالام چئر ملان ،چوخدان یالواریلار اونلاری بیرموقدس
مشهده آپاریم . دئییرم :بیر بالاجا بو عابباس ائلچین یله آشینالیقیم وار، ائله بونلاری
بیرفدیراسییوندا یئر وئرسین! منده مربی عنوانیندا اونلاریله گئدیم، ائله لیقلارینا باخمایین
ها، ایسقت ده -چئرده اولسالار،اؤز کوکلرین سودان چیخارداللار،هله نه زامانلاریدی
چئر ملان خالام بیر گون اون یئددی تیر آلتی تنبی نین بو باشیندان او باشینا ایستکانی
تولازلادی ،آلتینجی ارینین گوزونون اوستوندن دئیب خسته خانالیق ائیله دی اون مئتیری
تاپانچایله وورا بیلمه یه جک! عمه م یئتمیش یاشدا ،خالام یئتمیش بشده دی.
قالیب بیر آللاها بیرده عابباس ائلچینه امما اونو بیلیرم عابباس ائلچین ائله بیر ایشده دیر
کی سوزون اصلا یئره سالان اولماز!!
گرگرلی آراز
....................................................................................................................
برادر گرگرلی آراز!
بو یاخشی ایش دئییل خالقین سوابیقینی ائشیشگه تؤکه‌سیز! من کیم ایدیم ، سبقت آلیب کیم اولموشام هئچ کیمه دخلی یوخدور. بودا حقوق فیش‌لری دئییل آبیریمیزی آپاراسیز!... گؤرمه‌دینیز سونوندا جناب وزیر بویوردو: بیزلر سرمایه‌‌های نظامیق! سرمایه‌نین کی پته-پوته‌سین ائشیگه تؤکمزلر!...
قارداش قیزیمدان سؤز دوشدو، دئمه‌لی‌یم بیزیم بو قارداش قیزی‌نین چوخلو قابلییت‌لری واردیر. لاپ بؤیوک قابلیتی ده بودور من عمیسی‌یم. البته توپ- توفنگ آتماغی دا یاخشی دیر. سوروشاجاقسیز: یاخشیدیرسا نییه اولمپیکده او باشدان اوّل اولدو؟! دئمه‌لی‌یم : بیزیم قارداش قیزی تکجه اؤز تاپانجاسی ایله خالا وورا بیلر. بیلدیگینیز کیمی، اؤلکه‌میزین دوشمنلری مخصوصا کویت دؤولتی قویمامیشدی او، اؤز تاپانجاسینی ریو-یا آپارسین. طیاره‌ده توتوپ الیندن آلمیشدی! ریودا باشقا تاپانچایا اؤیره‌شینجه ایش- ایشدن گئچمیشدی.
آمما قارداش قیزی‌نین ریویا گؤندرمه جریانینا گلدیکده، گئچنلرده جاماعت نامازی قیلاندا، ایلک سجده‌ده قارداش قیزینا وئردیگیم سؤز یادیما دوشدو. اؤز- اؤزومه دئدیم الهی منی قوهوم- اقربانین یانینیدا شرمنده ائله‌مه. بو فیکرلرده ایدیم بیردن گؤردوم بیری منی دومسوکله‌ییر. باشیمی قووزادیم گؤردوم؛ برادر قالایچی مورتوض دور. برادر دئدی: اشی ناماز قورتاریب! یاتمیشدین؟ احوالاتی اولدوغو کیمی برادره آنلاداراق دئدیم: بو بیر حیثیتی مسئله‌دیر، قوهوم اقربا منیم اوستومده حساب گئدیر، دئییرسن نئیله‌ییم؟!
برادر مورتوض گولوب دئدی:
- هئچ داریخماا! من گولو بورنوندا خالامی ایسگندره سوخموشام، قورخورسان سنین قارداش قیزینی ریو ورزشکارلاری‌نین آراسینا سوخا بیلمه‌ییم؟!
من ده دئدیم: بئله اولسا سنین برزیل سووقاتین منیم قارداش قیزیمین گؤزو اوسته!
والسلام. اجرکم عندالله
عباس ائلچین
نوشته شده در چهارشنبه بیستم مرداد ۱۳۹۵ساعت 9:54 توسط محمد علی برزگر(گرگرلی آراز) | 4 نظر
دونن اوچونجی کانالدا، آرژانتین ایدمان اولمپیک خبرلرینه، تیلویزییادان، باخیردیم .بیر ایدمانچی خانیم، دئییردی :چوخ زحمت چکمیشدیم ،بیلمه دیم نییه ایلک دووورده اودوزوب ،کنارا آتیلدیم. سونرا باشلادی آغلاماغا کی حتتا بو آخیر ایکی آیدا، اوشاقیمداندا اوزاقیدیم .اونون دالی سی ائله خبرلر، اولمپیک دنیدی .ایلک دوورده پینک پونکیدا اودوزوب ،دالی چکیلدیق .تیر آتمادا -قایق سورمکده ایلک دوورده کنارا آتیلدیق. موقدس ایدماندا اوچ نفریمیز، آخیر خطده بیلمیرم یئتیشدیک یا یوخ، آمما اونو بیلیرم یاخشی اولمادی ،کنارا قویولدوق.
امما بیر سوز یادیما دوشدی .آی گوزل اولار بیر بیزیم ایداره ده ده بوجوربیر یاریش گئچیردردیلر. آی گوزل اولاردی یاخشی –پیس ائله ایلک گونونده بیلینردی. اوتوز نئچه ایلدی بو عابباس ائلچین بیزیم باش مدیریمیزدی ،الیندن ده بیر ایش گلمه ز ها ،یالنیز مدیردی کی مدیردی .بهبود مرادی اوندان بش- بتر، آدام اونو گورنده ،جانی چیخیر. دوکتور جئری ده کی بیزیم ایداره ده همه کاره دی، هئچ بیزیم ایداره ایشجی سی دئییل ها آیری سازماندان بورا گلیب.
بو اوچ ائو ییخان قارا مثللث ،بیلمیرم هاردان سو ایچیر. قورخورام ائله اولمپیکه ده گئده لر، اوردادا بیر بویوک رتبه گتیره لر! آمما یوخ ائله بیل اونلارین ایچه ریده تزک لری تولانباردا یانیر!!اوردا بیر .....
گرگرلی آراز
نوشته شده در سه شنبه نوزدهم مرداد ۱۳۹۵ساعت 9:23 توسط محمد علی برزگر(گرگرلی آراز) | 5 نظر
قوردون آدی بدناما چیخیب ،تولکی وار باش قوپاردیر!
او گون یوخاری قونشو کندیدن گلن جاببار عمی،هر گون گلدیی کیمین، گلیب میر بهبودون چایخاناسیندا اوتوروب، دورد دنه چای دال بادال ایسی -ایسی نعلبکی یه توکوب، قورتو- قورتو ایچیب سونرا پاپیروس قوتوسون چیخاردیب بیرین اشیب، داماغینا قویوب ،کیبریتین ترسه سینه یاندیریب، او بالاجا چایخانانین گویونده آیری توسسولره قاتیشدیردی.
جاببارعمی بیر یئتمیش یاشدا کیشی اولان ،قالین بوغ - آزساققال اونا یاپیشماقیلا، بیر کش بویک باشیندا ،او بویکون قیراقلاریندان اوزون باش تورکلری ائشیکه وورماسی، بیرده کی بیر بالاجا اوبیرسی کیشی لردن قددی- وزنی آز ، بلکه ده چوخ آز اولماسی ،چایخانادا اونو، اورداکی لاردان فرق لندیریردی.
جاببارعمی نین سیگارتی قورتولموشدی، امما هله چای ایشمک دن باشی عاید اولمامیشدی، پی دم میربهبود سوروشاندا کی یئنه ایچیرسیز؟ باشیلا هنین یئتیریردی. چایخانا بیر آز ساکیت لشمیشدی، میربهبوددا یئره اوتوروب اویان- بویانا باخیردی. جاببارعمی چایین ایچیب، اوز دوندردی چایچییا ،دئدی :میر بهبود بیرینده وئرسه ز سکگیز اولار! چایچی میر بهبود قارداش بیر جاببارعمی نین جثثه سینه باخیب، اؤز عالمینده فیکیرلشیردی: آی جانیم بو بالاجا قارنیندا بو سکگیز بویوک چایی نئجه یئرلشدیریر؟! میربهبود چایی توکه- توکه ،سوروشدی: جاببارعمی ائولنمیسیز؟ جاببارعمی دیک باشین گویه قوزایب، دئدی: بونا باخه، ایندییه جان من ائولنمه سه یدیم، منی بو اوتوز نئچه ایلده ،ساخلاماق اولایدی!!
گرگرلی آراز
نوشته شده در شنبه شانزدهم مرداد ۱۳۹۵ساعت 19:28 توسط محمد علی برزگر(گرگرلی آراز) | 4 نظر
ایتین پوخ یئمک لییی ائله پوخ یئمکلیکدی
اولکه میزده یوخاری ماآش آلان مدیرلریمیزه تقدیم اولونور!
ایتین پوخ یئمک لییی ائله پوخ یئمکلیکدی
رضا دایی دئییردی: بیر گون بیر نفر برک اوغرویدی، بیر مدت اوستوندن گئچندن سونرا آییلیر، اؤز- اؤزونه دئییر: داها ایندییه جان اوغورلوق ائیله میشه م توتولمامیشام، بو مددتده ائله گوزل قازانمیشام ،گل بو ایشدن ال چک. نئیله یم -نئجه ائیله ییم تصمیم توتور، گئدسین موقدس مشهدده، بو ایشه سون قویسون.
خیلاصه مشهده یئتیشیر،غسل -نمازدان سونرا بویوک غریب ایمام رضانین حرمینده، ساعاتلارینان دوروب آغلایر ،یالواریر –یاخاریر، اؤز اوره یینده راضی قالیر ،بلی من بیر بئله یالوار-یاخاردان سونرا پاکلانا بیله رم. دالی -دالی چکیلیب پاک -مطهر صحنه دن ائشیکه چیخیر. سوغات آلماغا ،فرش بازارینا گئدنده گورور، بیر صاحابسیز باهالی خالچا دیوار کناریندا یئره دوشوب. گئدیر خالچانین یانیندا دورور، اللرین قوزایر گویه، دئییر: یا رببیم بوراجان پاکا –پاک! بوردان یویانا بو خالچانی یاز حئسابا!!
گرگرلی آراز
نوشته شده در یکشنبه سوم مرداد ۱۳۹۵ساعت 8:55 توسط محمد علی برزگر(گرگرلی آراز) | 6 نظر
قالایچی مورتوضون یوز میلیون آیدا آلدیقی ماآش، آشیکار اولدیقی موناسبته
عابباس ائلچین موعللیم یله- بهبود مرادی بئی ین ایلک بینادان دوسلوقلارینا ،هامینین پاخیللیقی گلردی. بیر یئرده یئیب -ایچیب بیر یئرده یاتیب –دواردیلار.ائله بیر روح ایکی جسمیده دئمک اولاردی.
نئجه اولور عابباس موعللیمین بیر بویوک قضا باشینا گلیر،خسته له نیر ، خسته خانادا بیر اوچ آی مددتینده یاتیردیللار، اوستونده جور به جور جراحی عمللر باشلانیر. حتتا دئدیکلره گوره بعضی عمللره اوره کلر اوزولور، اومید کسیلیرمیش.
بو طرفدن خسته لیین اوزون چکمه سی ،پولون قورتولماسی ،داوا -درمانین یوخاری فییاتی اولماسی ،قوهوم- اقرابانین، یار- یولداشین گلیب- گئتمه سی، دیلدارلیق وئرمه سی، اوزه چیخیب بیر بویوک نعمت حئسابلانیرمیش.
خیلاصه نه باشیزی آغریدیم ،بو اوچ آی مددتینده ،عاباس ائلچین خسته خانادا یمیش، بهبود مرادی بئی لری نه بیر باش چکمیش، نه بیر یولدا اولموش اولسادا ،اورایا یولداشینی گورمه یه، گئتمه میشدی !حتتا ،دئییللر: بیر تیفوندا -زنگیده وورمامیشدی. امما بو طرفدن دئییم: زحمت لر کولگه سینده ، عابباس ائلچیندن بیرگوزل عابباس ائلچین یارانیر، ائوینه گلیر، ائوده ائو آدامی، بیر سیناتورییا تک ،اونا باخیب اونو ائشیکده اؤز ایشینه یوللایر.
بیر هفته اولاردی دوزلمیشدی ،کوچه ده گئدیردی، بیردن دونگه لرینده بهبود مرادی لا یاسلاشیر، بیر قوجاقلاشیب -اوپوشندن سونرا ،بهبود بیرده عابباسی قوجاقلایر، آغلایا –آغلایا، دئییر: عابباس ائلچین منی اؤز بویوکلوقوزا گره ک باغیشلاسیز ، عزرائیلین اوزو قره قالسین منی سنین یانیندا یامان شرمنده ائیله دی !!
گرگرلی آراز
نوشته شده در شنبه بیست و ششم تیر ۱۳۹۵ساعت 0:49 توسط محمد علی برزگر(گرگرلی آراز) | 7 نظر
بیر گون عاباس عمی بیر آز قویروق یاغی آلیر، ایسته یر ائوده بونو ایشلتمه سینلر، ائوده سوروشاندا :بونو کیمدن آلمیسان؟ دئییر: محممد بیر داوار کسمیشدی ،اوندان آلمیشام. بیزیم یئرده هامی بیلیر ،محممد چوخ بیر پینتی بیر آدامدی، بیلمه ز بورنون هارا سیلسین! هممشه کر-کثافتین هاراسیندا دولانار .هردن ده محلله لرده -مئیداندا دولانیب کلله دن -قاریندان -قویروقدان ساتار. اونون سسین ائشیدن خانیم ،ائودن ائشیکه چیخماز. بونو من بیلیردیم ،فتتاحین توکانیندا چوره ک آلاندا، یادیما دوشدی .ایکی بسته یاغلی دستانا آلیب ،ائوه گلنده ،ائوده کیلر سوروشدولار: کیمدن آلیبسان ؟نه گوزل دستانالاردی! دستانالار یئییلمه مک اوچون، صاباحی من آپارا بیلیم داغا ،دئدیم: چوپور فیضضه نین قیزی، قوطور ممصمه یاپیب، اوغلی سیسقا کریم مئیداندا ساتیر!داغدا قویونچوموزا آلمیشام . خیلاصه نه باشیزی آغریدیم ،من دییه- دییه الین آتمیشدی ایکی سین کوتورموشدی اویان-بویانینا باخیردی، تز یئرینه قایتاریب، حسرتیله اونلارا باخیب دوداقلارین بوزدی .یعنی بو کی یئمه لی دئییل!فیلانکس یاپیب!
قادازی آلیم هر ایش بئله دی. کیشی ایسته یر ماآشدان بیر آی باشی اؤزونه خشله سین، اعداد- ارقاما گره ک بیر ال آپارا. آرواد ایسته یر خوت -دامنین عوض ائتسین، کیشی نین باشینا بورک قویمالیدی .حتتا اوشاق بیر جیبینه پول گلسین ،هی آناسینین یاخاسین سیلکه لیر: آی آنا مکتبخانادان پول ایسته یللر.
هله ایشکالی یوخدی آرواد یئمه سه کیشی یئییر، یاخوت کیشی یئمه سه خانیم یئییر، یادا هئچ بیرینه یئتیشمه ینده اوشاق قاپیر قاچیر! امما ائله بیل بیزیم بوتهنه ده قالان دستانالاریمیز، داغدا قویونچوموزا گئتمیر، چوخ اوزاق اولکه لرده ،اوزاق داغلاردا –یئییلیر!خانیمدان دا اولور کیشی دن ده!!
گرگرلی آراز
نوشته شده در جمعه هجدهم تیر ۱۳۹۵ساعت 21:20 توسط محمد علی برزگر(گرگرلی آراز) | 4 نظر
اسکی(قدیم) سییاست چیله رین یئنه دن گلمه یین نییه آرزولاییریق!
سکینه خالا بیزیم محلله ده یاپ اولوم حالیندایدی. اوغلو دوکتور جئری نین ترکیدمک اعتییاد کلنیکی اولماقدا الی آچیقیدی، هردن مئتادوندان–تیرامادوندان–قره دن قارداشی ائلچی بئی یه وئریب، اودا کندیمیزه گلنده، فرصتدن ایستفاده ائدیب ،سیم–سنجاقی حاضیرلایب، بیر –ایکی نفس ووروب، آناسی سکینه خالانین اوزونه پوفله ییردی. او حالدا سکینه خالا دوزه لیب ،یئریندن قوزانیب، دالی چکیلیب، یاستیقلارا دایانیردی. هله هردن ایشارتیله چوبوق آلتی نی ایسته یب، بیر سیگارتده چکیردی.
خیلاصه سکینه خالا دوزه لیب ،ایش اوچ -دورد ایل بئله سوووشدی. بیر گون ائلچی بئی ایشی بیر جوره دوشدی کی اوچ آی خارجی اولکه لره گئتمه لی اولدی. بونون اوستوندن بیر اون بش گون گئتمه میشدی ،سکینه خالا تشویشه دوشوب، بدنی قاشینماقا باشلادی. تام اوغلانلاریندان بیرجه- بیرجه گلیب- گئدنده اوغلی ائلچی بئی یی سوروشوردی. بیر گون اوغلی قدرت گلمیشدی، یئره اوتورمامیشدان اوندان ایسته دی، ائلچی بئی دن بیر خبر توتسون. قدرت زورلا- بلاییله ائلچی بئی یی توتوب، ایلک اونا ،دئدی: قارداش، ائلچی بئی آنام سنی چوخ اوره یی ایسته ییر، ائله بیل آخیر آنلاریدی، سنی چوخ گویلی ایسته ییر، بیر جور ائیله، گل بو آخیر واقت لاریندا اونو بیر گور.ائلچی بئی او طرفدن تیلفونون دالیسیندان، گوله -گوله ،دئدی: آی قارداش نه دئییرسن؟ نه گویلی ایستمک؟ قوتار بو سوزلری، منی گویلی ایسته میر ، آنام سیم- سنجاقی گویلی ایسته ییر! اودور قویموشام قالاقلیقدا باجایا ،گئدرسن گوتوررسن، بیر- ایکی نفس وورارسان سونرا پوفله رسن اوزونه !گویلی ایسته مکده قویتاریب گئدر!!
گرگرلی آراز
+ نوشته شده در سه شنبه یکم تیر ۱۳۹۵ساعت 23:3 توسط محمد علی برزگر(گرگرلی آراز) | 8 نظر
بعضی آنلار دانیشیقلار گوره سن کیمین اوچوندی !
بو حکایه نی یوزلر سئری، قیشدا کورسی باشیندا، آتا ننه مدن ائشیتمیشه م !
سولیمان حضرتلری بیر گون سئرچه نی ایش باشیندا (قئروولچولوقدا)، یوخلاماق اوچون، اوردا اولان یئره، گئدیر. آمما گورور اؤز تاپیشیران یئرده، دئییل. سلیمان حضرتلری اوز دونده ریب سئرچه یه ،دئییر: سئرچه ،بس نییه دئدیقیم یئرده یوخسان؟ گئدیب او طرفده یولداشیله اوینایرسان؟ سئرچه باخمادان، اوجا سسله، دئییر: یاخشی ائیله یره م ،هئچ بیر کسه ربطی یوخدی! سولیمان پیامبرلری اوچ دفعه تیکرار ائدیر، ائله اوچ دفعه ده بو سوزلری سئرچه نین طرفیندن ،ائشیدیر. سولیمان آتامیز چوخ ناراحاند حالدا ،کاخینا گلیب، بیر –ایکی مامور گونده ریب قول–قانادین باغلی حالتده سئرچه نی سولیمان پیامبرین یانینا گتیریرلر. آللاهین پیامبری اوز دونده ریب سئرچه یه، دئییر: سن، یعنی او قدر بویوموسن کی منه سوز قایتاریرسان ؟یازیق سئرچه تیتیره- تیتیره یاخینلاشیب، اوز بویوگونون الیندن اوپوب، دئییر: یا پیامبریم بیر غلطی دی ائیله دیم، اوز بویوکلوقوزا گره ک منی باغیشلایاسز. بولوسوز نه واریدی؟ من بئله خانیمیمین یانیندایدیم !سیز سئوال ائدنده ،خانیم منه اوز دونده ریب، دئدی: او قوجا نه دئییر؟ یئری بیر موحکم جاواب وئر! منده بیر جسارت ائیله دیم !
من بیر خانیمین یانیندا ،اوجور بتردن دانیشماقا حاققیم یوخدی؟!!
گرگرلی آراز
نوشته شده در دوشنبه بیست و چهارم خرداد ۱۳۹۵ساعت 11:23 توسط محمد علی برزگر(گرگرلی آراز) | 6 نظر
ایشتیباه اولونموش دئپوتادلاری مجلیسه آپارمازلار یاری یولدان قایتمالیدیلار!
همسایادا سس -کوی قوپاندا، ایلک ائلچی بئی گیله من اؤزومو یئتیردیم، ائلچی بئی یی اودون ایچیندن چیخاردیب بیر ایسلانمیش کوهنه یورقانیله ،اتکیندن اودو سوندوردوم .خیلاصه های –کوی یاتیب، همسایالار گئدندن سونرا، ایچه ری گئچیب بیر چایلاشاندا ، اوندا سوروشدوم :ائلچی بئی نه اولدی ائو اود آلدی؟ قددی اییله -اییله بیر چای قویوب قاباغیما ،قندی ایته له دی چایین یانینا ،اؤزو چونبه لن اوتوروب، بیر سیگارت آلیشدیردی، سونرا دانیشماقا باشلادی: ائوه گلنده بیر نفر یوخودی ،منقلی آلیشدیریب بیر- ایکی نفس او زهرماردان ووردوم، ائله آخیر نفسله ریمده یدی، بیر طرفدن یورغونلوق بیر طرفدن بو زهرمارین تاثوراتی، منی منقلین یانیندا یوخلاددیردی.
او زامان گوردوم کی بیر نفر الیمدن یاپیشیب، منی گویه چکیر. بیر دیقتیله باخدیم گوردوم، ملاکه لردندی، منی گویه، گورونتولرینه آپاریللار. قورخودان چیخاندان سونرا ایسته دیم بیر کئف- احوال ائیله یم ،اوز دوندردیب اونلارا ساری، دئدیم: احسن- احسن، مرحبا- مرحبا ،کیف حالک،شکرا! منیم جوابیمدا دئدیلر:لا ادری کیف اشکرک یا سییدی! ملاکه لر بیر منه باخیب بیر اؤزله رینه ،سونرا سوروشدولار: موسولمان؟! دئدیم :بلی!سوروشدولار: اسم الاب؟دئدیم :ائلچی بئی بن قالایچی مورتضی !یئنه خبر آلدیلار: اسم الام؟ دئدیم :رحمتیکه گولثوم آخیر سورغولاری بئله اولدی: بلد الا قامه ؟اونو دییه نده گوردولردئدیقیم عربی بیر مملکت دئییل بیر- بیرینین اوزونه باخدیلار، سونرا بیر ایستیگاهدا ساخلایب بیر مترجیم گتیردیلر ،مندن سورغو- سئوالاتدان سونرا گوردولر من ائلچی بئی یم !
ائله بیل ایشتیباه اولموشدی ملک لرین بیری بیر فندیله هیرسین توکوب ،بیر یوموروق سینه مه چکدی!امما بیله نمه دیم نییه ایشتیباه اولونموشدی.
داها هئچ بیر زاد یادیما گلمیر! اوندا گوردوم منقلین اوستونده چابالیریرام! سیز یئتیشمه سیدیز یانیب ،قوتولموشدوم !!
گرگرلی آراز
نوشته شده در یکشنبه نهم خرداد ۱۳۹۵ساعت 21:21 توسط محمد علی برزگر(گرگرلی آراز) | 11 نظر
شاه دوورونده مرکزین دوره کندلرین بیرینده بیر پاسگاهدا خیدمتیمیزیدی. ائلچی بئی پاسگاهیمیزین باشجی سی تعیین اولونوب، دوکتور جئری پاسگاهیمیزین بهداری سینا یئتیشیر، منده پاسگاهیمیزین وکیلی دیم(گوروهبانی دیم). بیر اون گون اولاردی بیر کندلی پاسگاها ساری اوز دوندرمه میشدی، اؤزوموزه اوتوروب چایلاشیردیق. بیردن کندین رشبرلریندن بیری اون دانا فتیر دستانا –اون بش کند یومورتاسی، بیرده کیلو یاریملیق ساری یاغ الینده ،پاسگاهین حیه تینه قدم قویدی. یاواش- یاواش بیزده تاماشا ائدیریک، گلیب اوتوردی، اونلاری ائلچی بئی یه تقدیم ائیله دی، سونرا جیبیندن بیر شکایت چیخاردیب ایکی اللی میزین اوستونه قویدی. ائلچی بئی ین ساوادی اولمادان، دوکتور جئری تورکی باشارمادان ،مجبورن من اوخودوم .اوردا یازیلمیشدی: من کربلایی احد اوغلی مشهدی زینال ،آروادیم سکینه قیزی گولثومدن شکایتیم وار! بو گونلر منه ساری باخماییر! پاسگاه مودیریندن خواهیشیم وار، بو باره ده بیر فیکیر قیلالار. ائلچی بئی خبر آلدی: نئجه یعنی باخمیر؟ مشهدی زینال دئدی: نئجه سی یوخدی کی باخمیردا !ائله آچیم هر زادی دئییم؟ائلچی بئی یه اللریمین ایشارتیله دوشوندوردوم کربلایی احد اوغلی مشهدی زینال نه دئییر!ائلچی بئی بیر آز اییلیب مشهدی زینال عمی یه ساری اونا یاواشجا دئدی:بیر گوزل هولو عمه م وار ایشیندی ؟مشهدی زینال دئدی: یوخ. ائلچی بئی ،دئدی: اوندان سونرا بیر خالا خانیمدا وارها؟او ،دئدی: یوخ جانیم منیم کی اونلاردان چوخ گوزل –جانی سولودی .ائلچی بئی سوروشدی: بس دردین نه دیر ؟مشهدی زینال عمی دئدی :ایش منده دی داها او سوزدا ،منده بیر شئی یوخدی !ائلچی بئی دئدی :بس شیکایتین ؟زینال عمی جوابدا یاواشجا دئدی:هئچ اولماسا قیدیغلاماقا نه گلیب؟ منی بیر قیدیقلاسین ،هیرسیم سویوسون!ائلچی بئی یومورتالاری –ساری یاغی –دستانالاری میزین اوستوندن گوتوروب یانینداکی میز اوسته قویدی سونرا عسگرلر اولمادان منیله –دوکتور جئری نی مشهدی زینال عمی نین ائولرینه اونیله برابر گوندردی ،برک -برک تاپیشیردی: بو ایشی حل ائتمه مه دن پاسگاها قایتمایین .
او زامان یئتیشدیق کی مشهدی زینال عمی نین خانیمی بیژووی بیزوولوقا سالیردی، یاشماقی اوزونه چکیب، بیزیم یانیمیزدا هاراسان دوروب ،هامیمیزا باخدی .آنا -باجیم اولسون، اینصافن گوزل- دوروشوقلی خانیمیدی. شیکایتی اوخویاندا ،یاریدا سوزومو ساخلادی، گولثوم خالا ،دئدی :عیبی یوخدی من او میده شوری قیدیقلارام! منی کیم قیدیقلاسین؟!
من بیر سوز تاپیب، دییه بیلمه دیم. بیر الیم قولاقیمین دیبینه گئدیب، گولثومه چاسگ قوزادیم، دئدیم: گئدیب مرکزدن، ائلچی بئی دن سوروشوم، گلیم دئییم!!
گرگرلی آراز
نوشته شده در جمعه بیست و چهارم اردیبهشت ۱۳۹۵ساعت 23:48 توسط محمد علی برزگر(گرگرلی آراز) | 10 نظر
دونیا بیرلشمیش اولکه لر سازمانینا تقدیم اولونور
قالیب قییامته !
ریضا دایی دئییردی:اوشاقلیقدا آنامیله –آتام هردن ساواشیب، سونرا گوزل گونلرین موناسبت- بهانه سیله باریشاردیلار. بو عادت ائله عومورلرینده بو ایلدن او ایله جان پئشه لری اولموشدی. هردن ساواشاندان سونرا ناقافیلدان بیر قوناق گلمه ،دوربردن بیری دونیاسین دئیشمه ییله یاخوت بیر قضا -قدر اوز وئرمه یین اوزه رینده،مجبورن –ایستکدن- یورولمکدن باریشیب غایله سوووشوب گئدردی. بو ایش اونلارین یاپ او جاوانلیق دووروندن باش وئریب، ائویمیزده بیر عادته دونموشدی.
بیر اون ایل اولاردی بو آخیرلاردا مرکزه کوچموشدوم. هردن گلیب گئدنده ،آتام- آنامیله ساواشمالارین گیزله دردی. امما بو یاخینیقلاردا بیلیردیم آلتی آی اولاردی، ساواشیب باریشمامیشدیلار.
شامی یئیب آتامین یانینا اؤزومی وئرندن سونرا، بیر گوزل زاماندا آتامدان خبر آلدیم: آتاجان، قاباقجالار ساده بهانه یله ساواشسایدیزدا، بیر ساده بهانه یله باریشاردیز،بو سفر چوخ بواختا قویموسوز قالیب. آتام چایین یاریسین نعلبکی ده ایچمیشدی، بیر الینده ایستیکانی بیر الینده ده نعلبکی نی ساغلایا -ساغلایا گولومسوله نیب،دئدی: ریضا بالا، آنایله منی باریشدیران چوخدان اولوبدی! داها اونیله منیم باریشماقیم قالیب قییامته!!
گرگرلی آراز
نوشته شده در یکشنبه نوزدهم اردیبهشت ۱۳۹۵ساعت 0:19 توسط محمد علی برزگر(گرگرلی آراز) | 8 نظر
آرزی بلاگین فیلتر اولماسی موناسبتیله
بیزیم شهرده ائله بیر دیلنچی واریدی. آللاه تعالا اونا ایرحمت ائیله سین ،دیلنچی ده اولسایدی، آلیش –وئریشده ،یئمکده چوخ دوولتدی آداملاردان –حاجی لاردان قاباق ساییلیردی. گولبه سرین گولو بورنوندا ،یئر-یئمیشین آلماسیندا ایلک نوبتلرده نوبارین ،اسمر باجی کند یومورتالارین، محلله میزده توکذ خالانین بئچه لری، ائله بو شخصه علی کیشی یه بئجرله نیردی. هردن یورغون لوقون آلماق اوچون ،مچیدیمیزین قاپی سینین سکگی سینده اوتوروب ،دینجه لردی.
دئدیغیم گون علی عمی اوردا اوتوروب ،اؤزونه دینجه لیردی. امیرینده میرتی دوران واخت گوردی بابا قونشی کندیدن قیشلارین سوروتله یه- سوروتله یه آشاغیدان گلیر. ائله بابادا دیلنچی دئییردی آمما بیر پولی چیخاردیب وئرسه ردین، آلیب جیبینه قویاردی .امیر اوز دونده ریب بابایا، دئدی :بابا ایه ر گئدیب علی عمی نین یانیندا اوتورسان ،گلیب اوچ –دوردنفر سنه پول وئره جه ییک. بابا دئدی: دئییرسیز گئدیمدا. بابا دوزلدی یولا دوز گئدیب علی عمی نین یانیندا اوتوردی. امیر تئز گئدیب اونا بیر بش یوزلوق وئردی. امیر گله -گله ائله بابادادان قاباق علی کیشی الین امیره طرف اوزادمیشدی، امما امیر علی کیشی نی قویوب بابایا پولی وئرمیشدی. بو هی نیده علی کیشی بیر بابانین اووجوندا بش یوزلوقا باخدی ،بیرده بابانین اوزونه، بیردن بیر دومسوک بابانین بویرونه چالیب، دئدی :دور بوردان گئدگینن! امما امیرین ایشارتینن یئنه دن بابا اوتوردی .امیرین یولداشی محممدریضا بو سفر بیر بش یوزلوق آپاریب بابایا وئردی. هر سفر امیر گیلدن بیر نفر گئدیب بابایا پول وئرنده ،علی کیشی دیشی -دیشین کسیردی بیر دومسوک بابانین بویرونه یئندیریب، دئییردی: دور بو مکاندان آیری یئره گئدگینن.
خیلاصه آخیر سفر صمد آپاریب بیر بش یوزلوق بابایا وئرنده ،علی کیشی آیاقا دوروب، بیر تپیک بابایا ووردی، سونرا الین قوزایب امیره بیرده امیرین یولداشلارینا ،دئدی :یئرلی نی قویوب یئرسیزه وئرن یئرده ،سیزین تعصبوزه من دورتوم!!
گرگرلی آراز
نوشته شده در چهارشنبه هشتم اردیبهشت ۱۳۹۵ساعت 13:40 توسط محمد علی برزگر(گرگرلی آراز) | 7 نظر
ایسگندر یه مه نه گئتمک نظرین اولسا، منی ده یازین!
گرگر محالیندا بیر مجلیسده رحمتلیک حوسین قلی موعللیمین دئییلن خاطیره سیندن بو یازی گوتورله نیب
دوکتور جئری دئییردی :اوتوز ایل بوندان قاباق دوکتوراولمامیشدان ، ایلک ایشله ین ایللریمده ، دووره قونشو کندیده موعللیم وظیفه سینده یم . هر هفته آخیری اؤز کندیمیزه گلیرم.هفته لرین بیرینده ، مئیداندا شیخ ایسگندریله مچیدین قاباغیندا یاسلاشاندا،مندن سوروشدی :آی حوسین قلی ائشیتمیشم، قونشو کندیده موعللیم سیز. بونلاری دییه- دییه الین آتیب جیبیندن بیر کاغاذی چیخاردیب، منه ساری اوزاددی، او حالدا دئدی: مومکن اولسا ،بونودا اوردا منیم دوستوم شیخ مورتوضا وئررسیز. احتیراملا کاغاذی آلیب، اوپبک اوچون دوداقلاریما آپاریب، سونرا کاغاذی گوزومه یاپیشدیردیم ،یعنی بو کی حتمی بیل اونا یئتیره جه یم.
سحر کند یولوندا پییادا فیکریم او کاغاذا گئتدی، ایسته دیم آچیب بیر اوخویام گورم شیخه نه یازیلیب .
بیرآز گئدندن سونرا استغفرواللاه دئیب، کاغاذی آچدیم. شیخ ایسگندر اوردا یازمیشدی: شیخ مورتوض ایه ر کندیزده صیغه اولسا آلتی سین منه یازارسیز !بیر گولومسولندیم ،سونرا کاغاذی همن حالا سالیب ،کنده یئتیشن زامان ، شیخ مورتوضو تاپیب، اونا وئردیم .
بیر ایکی گوندن سونرا شیخ مورتوضدا بیرکاغیذ وئردی، دئدی: ایه ر ممکن اولسا بونو یئتیره سیز منیم دوستوما .ائله او کاغاذیدا شیخ ایسگندرین کاغاذی تک آچیب اوخودوم.
شیخ مورتوض بیزیم شیخ ایسگندرین جوابیندا یازمیشدی: ایه ر ناخیرا گئتمک نظرین وار منی ده یاز!!
گرگرلی آراز
نوشته شده در شنبه بیست و هشتم فروردین ۱۳۹۵ساعت 22:37 توسط محمد علی برزگر(گرگرلی آراز) | 6 نظر
ایه ر تصادفی قیراغا قویساق ،ار- آروادلیق مسئله سینده قدیم زامانلار، خانیملار جاوان اولماقدا، بیرده کیشی لر چوخ ایشلمکدن، کیشی لر تز آرادان گئدیب، اولوردولر.او زامانلار ار هئچ اولماسا اون بش- ایرمی ایل خانیملاردان یئکه یمیشلر. اسکی گونلردن بری دئیب لر:رسمیمیش، چیلله گونو آتا کورسی باشیندا، پاپاغی تپه سیندن گوتوروب قیزینا طرف آتسایدی، ایه ر او قیز یخیلماسایدی، او قیزین اره گئدمک زامانی گلیب چاتمیشدی .قیز اوشاقی چوخ زامانلار ائله چیچیک اولاردی کی او گئجه اریندن قورخوب آتا ائوینه قاچیب یوللاناردی. حتتا منیم یادیمدادی حوسین عمی نین قیزی قاچیب گلمیشدی آتاسی گیله، دییه نده : دور گئدک ارین ائوینه ،آغلایا -آغلایا دئییردی: من گئدمیرم، منیم عوضیمه آنامی گونده رین! یاکی محمدجعفرین قیزی ار ائویندن قاچاندا، اوچ گون آختاریب تاپانمامیشدیلار، آخیردا آتاسی گیلین سامانلیقیندان تاپمیشدیلار. آمما شهربانی خالا ائله ایلک بینادان زیرک -فیرووون قیزیدی، اره گئدندن سونرادا هئچ بیر نفر اونیله باشارا بیلمزدی. آمما دئیب لر: فیرووونون تز بورنی اوولار. یازیق آللاه رحمت ائیله سین تز اولدی .اری حوسین عمی ائله آغلایردی، ائله آغلایردی ،آدامین اوره یی کاباب اولوردی. حتتا مییتی قاپیدن چیخارداندا، حوسین قاپییا قیفیل ووردی، آچارلاری داما آتیب ، دئدی: آتاما لعنت بو قاپینی بیرده من آچام .
شهربانی نین قیرخی گونی هامی سویوموشدی، حوسین کیشی ده آراملاشمیشدی، آداملارین شاما لیستین توتاندا ،حوسین کیشی دئدی: قولی نیدا یازارسیز! حوسین کیشی نین قارداشی دئدی: هانسی قولی؟ حوسین کیشی دئدی: بابانین اوغلو قولی .قارداش یئنه دن سوزه گلدی: قارداش او کی نه بیزیم قوهوموموزدی، نه ده دوستوموز، نه ده تانیشیمیز! حوسین کیشی تس- تس قارداشین اوزونه باخیردی، ائله گوزلریله قارداشینا دئیردی: سنه نه سن یازدا ،شاید قوهوم اولاق. قارداش تز سوزو آنلادی ،بولدی ،گوله-گوله قولونون آدین لیسته یازدی. هامیدان بتر مجلیسده حوسین کیشی قولویا احتیرام- محبت ائیله یردی. بش آیدان سونرا قولونون باجیسین ملاحت خانیمی، اؤزونه خانیم ائیله میشدی. بونون عکس حالی دا اولور، سیم زر خانیمین اری تصادیفده آللاه رحمتینه گئدمیشدی ،مییتی محلله یه گتیرنده هامی گلمیشدی ،هامی آغلایاندا ،سیم زر خانیم هامیدا بتر آغلایردی، توتولوب –توتولموردی. من اؤز گوزومله گوردوم قونشوموز نغی کیشی، سیم زرخانیمین یانینا گئچیب یاواشجا هی دئیردی: سیم زر سن آللاه سن آغلاما !سن آغلاما !دورد آیدان سونرا گوردوم سیم زری، نغی بی بی اوغلی آلیبدی.
بیزیم محالدا ار- آروادلاردان بیر آزین چیخاندان سونرا ،چوخلاری هم کیشی لردن همده خانیملاردان یالان دئییللر.گوره سن نییه بئله دیر؟ آمما گوره سن بو دورد ایدن سونرا بیزیم بو عزیز، محبتلی،سئویملی ، هر بیر شئی یه صادیق اولان دوولتیمیز .......!!
گرگرلی آراز
نوشته شده در یکشنبه بیست و دوم فروردین ۱۳۹۵ساعت 13:3 توسط محمد علی برزگر(گرگرلی آراز) | 4 نظر
بؤلوم: