تونقال

قلئیچی مورتوض

۱۴۰۱

قیرخ ایللیک عنعنه.............

ایلین سونجونو جمعه سی دئییه بیرریکده نامازی قیلیب چوله چیخاندا گوردوم بو دونه قالایچی مورتوضو گویه آتیب توتان جاماهات الده ائله دیگی نایلییتدن دانیشیرلار؛ایره لی له ییب هممشه اولدوغو کیمین بودونه ده شیخ آغا اوغوللوغو قالایچی مورتوضون ایللر بویوالده ائله دیگلری نایلییت لری گوزومون قاباغا گتیرنده اوزو اوزومه فیکیررشدیم کی یئنه ده گوره سن خارجده اولان موخالفت چی لری بوبملاییب یاخود قهبه دولاره نین اوخاری چکدیگی تومانینی آشاغی کتیریبدیر؛امما بودونه جاماتین آغزینا دوشن نایلییت قالایچی مورتوضون عربستان اولکه سی باشدا اولماغینان عرب امیرریک لرینن دء دانیشیق آپاراراق ایکی طرفلی علاقه یاراتماسی اولموشدور؛جاماهات داغیلاراق منده یولومو توتوب ائوه گلنده اوول اینقیلابدان بیر به بیر قالایچی نین نایلییت لرینه فیکیرره شرک بیر حکایه دیققتمی چکدی؛نئچه ایل قاباق گون اورتا چاغی ایشدن چیخیب ائوه گلنده ماشروط اوزره تیخاجلا اوزلشمه لی اولدوم؛بیرجور بیر طهر ماشینی یانا وئریب آشاغی اننده گوردوم جاماهات قالایچی مورتوضو ال اوستو دولاندیران کیمین یاشاسین ایش بیلن قالایچی و یاشاسین موعتبر ددده ددلیگی شیخ آغاااااااااا شوعارلارینی سسلندیرلر؛ بیر نفری یانالاییب داها نه اولوب سووالینی وئرنده گوله گوله دئدی نه اولاجاق قالایچی باشینین دسته سینن عربستان سفیرریگینه یوروشه ائله ییبدیر؛بو سوزو ائشیده رک ماشینیما دوغرو گئدنده اوز اوزومه دئدیم یاشاسین قالایچی...................

+ نوشته شده در شنبه بیست و هفتم اسفند ۱۴۰۱ ساعت 9:23 توسط (قلئی چی مورتوض)  | یک نظر

مانقال باشیندا...............

قالایچی مورتوض:

دده آی دده دئییرم اللاها شوکورلر اولسون اولکه داخیلی باهادا اولسا هله تیرگک زاد تاپیلیر....................

ددده ددلیگی شیخ آغا:

آی مورتوض اؤن یول دئمه میشم آدام کیمین دانیش اولکه داخیلی نه قیتلیغی وارکی.....................

قالایچی مورتوض:

آی حورمتدی دده ددلیگیم دئییرم بو اولکه داخیلی قارشی دورمالار لنگیمه بیلمه ییر هاااااااااااااااااااااا

الله ائله مه میشدین قوچو نیظامین باشینا بیر ایش گلسه هارا قاچاجاییق....................

ددده ددلیگی شیخ آغا:

مورتوض سارساق سارساق دانیشیب دوشمان ناریمیزی آغزینا سوز قویما.....................

قوچو نیظامین بوینو ائله یوغون ناییب دیر کی هئچ کیمسه اونون بورا بیلمز.....................

قالایچی مورتوض:

بلی شیخ آغا حضرت دری سیز دوز بویورسونوز امما اولکه داخیلی باهالیق زاد ماخلوغون آخیرینی چیخاریبدیر باخ ددده ددلیگی شیخ آغا:مورتوض ماخلوق شاددیغینا شین نیک ائله ییر باخ بیزیم اولکه داخیلی هئچ موشکولوموز یوخدور....................

قالایچی مورتوض:

شیخ آغا حضرت دری ائله دئییرسیز موشکولوموز یوخدور کو آدام بوینوز چیخارتماق ایسته ییر................

دولار 60 مین تومن ماخلوق گونده لیک مشعیت درینی یئتیریب ال ایاغ ائله یه بیلمه ییرلر.............................

ددده ددلیگی شیخ آغا:

مورتوض ائله ماخلوق ماخلوغون داشی نین سینه نه وورورسان کی........................

آدام ائله بیلیر جاماهات آجدیر...............

قالایچی مورتوض:

شیخ آغا حضرت دری وئر بافیرین کوزمه سینی گوتوروم سانکی یاخشی جیزجیز ائله مه ییر............

بو سانجاق شو قریبینده گولوفو آرتیق گنلدن کیمین لاپ بئله لال دئیین اولوب...............

نه ایسه آلتون باش بافیرین سس وئرمه سی بیزیم داغیدیجی دؤرون ناریمیزین(پهباد)سسینی وئرمه لیدیر...................

قالایچی مورتوض:

آی موعتبر شیخ آغامیز دئییرلر بو قیز مکتب لرینینین زهرلنمه لرینی حوزه یئنن اورسییت الینین آلتیندا باخ ددده ددلیگی شیخ آغا: قالایچی مورتوض آی اونو دئییه نین آغزیناا.......................

ددده ددلیگی شیخ آغا

شوکولر اولسون کو ایندی بیزیم موشکلریمیزین اوجو دونیانین او باشینا چاتیر باخ....................

قالایچی مورتوض:

شیخ آغا افندی توتاق کی موشکلرزیمیزین اوجو یئنگه دونیایا چاتیب اورانیدا داغیتدیق بونون اولکه داخیلی ماخلوغا نه عایداتی اولاجاق.................

ددده ددلیگی شیخ آغا:

قالایچی مورتوض سن گرک بیله سن کی جنگ و قارما قاریشیق لیق بیزیم چین نعمت سایلیر ...................

قالایچی مورتوض:

یوخ یوخ شیخ آغا حضرت لری باشینداکی آغ عمامه نه آند اولسون منی ایسیرافیل زاد اورگتمه ییب ائله سوز گلیشی دئدیم ....................

ددده ددلیگی شیخ آغا:

الله دئیین اولسا اؤروپانی توپا توتوب داغیدان نان سونرا یئنگه دونیانی دا اله کئچیرتمه لی اولاجاییق قالایچی مورتوض:شیخ آغا حضرت دری ائشیتمیشم یئنگه دونیانی آلان نان سونرا آغ ائوی زنن نریچین ایروضه خوان نیق ائوینه چئویرجک سینیز ددده ددلیگی شیخ آغا:هه مورتوض بالا باشلادیغیمیز اینقیلابین سون آماجی آغ ائوین هئیته چئویریلمه گینن باشا چاتاجاقدیر...............

قالایچی مورتوض:

شیخ آغا حضرت دری منده ائله اونو دئییرم دااااااااااااااااااااا

ائربئله مومنه زنن نری باشی کسیک قویماق اولمازکی اون تویوغا بیر خوروز گرکدیر یا یوخ.................

سون سوزوم بودور کو اولسا منی بافیر باشی یوخ یوخ باغیشلایین چاشدیم او توپلوما باشجی تایینات ائله سیز..........................

ددده دلیگی شیخ آغا:

کس سسینی آخماغین بیری آخماق اوندا مقام عالیه نین بافیرینی..........

+ نوشته شده در شنبه بیستم اسفند ۱۴۰۱ ساعت 8:44 توسط (قلئی چی مورتوض)  | یک نظر

خایین دوست...................

اورتا یاش نریمان بیزیمله ایشله یه لی بیله سینن یاخین نان تانیش اولموشدوم؛ظاهیرده دئییب گولمگینه باخمایاراق چوخ درددی آداما اوخشاییردی؛گئت گئده اوز ایچینده اولان درد آغیررینی بروزا وئرن نریمان منده شوبهه یاراتمالی اولوردو؛درددی آدام اولدوغونا گوره گاهدان بیله سینن قونوشوب دانیشماغی خوشلاییردیم؛هر دن درد قالاسی دئییه نریمانین اوره گینده اولان ساری سیمه توخوناندا ناکام سئوگی سینن حکایه لر دانیشیردی؛بیرگون نریمانین دردی دئشیلن کیمین اوزونو بیله مه توتوب دئدی آی فلانکس سن منیم اوتوما یانما کی اوزونده یانمالی اولارسان؛بیردونه اوزومو نریمانا توتاندا نه دردین وار سووالی وئرنده درین نن آه چکه رک یاراسی دئشیلمه لی اولدو؛سوزونون داوامیندا دئدی منیم تای توشلاریم ائوله نرک اوت اوجاق اولوردورلار؛من ایسه هله ده سئوگی هاواسی باشیمدا اولاراق واقدیکان اورک وئردیگیم بویوک ذلیم خان دئمیشکن بیر الله سیزین یولونو گوزلمه لی اولموشدوم؛آخی بیلیرسیزخالقین ایچینده بیزیم بیربیریمیزه اولان سئوگیمیز آشیق قریب شاه صنم ناغیلینا چئویریلمیشدیر؛گاهدان قارداشلارینین گوزونو اوغورراییب واقدیکان قو.یدوغوموز قرارا گلن یئر ملگی اوزویین گله جگیمیزه قوجاق دولوسو اومود گتیرردی؛آراسیرا گوروشوب هیجانلا بیربیریمیزدن آیریلاندا قول بوینوما دولاییب دئییردی سحرین دان ایشیغی کیمین قارین نیقلاری یاریب بیله نه سارینا سارینا گون اوزو آخشام و گئجه نی ایسه سحر ائله مک ایسته ییرم؛؛بو پازیتیو عباره لری اون نان ائشیده رک هئچ عاغلیما گلمزدی کی زامان قاتیندا دوشن اولایلار بیزی بیربیریمزیده آییراجاقدیر؛من گئت گئده یئر ملگی نین گوزللیگینه قیسقاناراق اونو اوگئی گوزلردن قورماق ایسته ینده گله جکده خوشبخت اولدوغوموزو دوشونوردوم؛نه بیلیردیم کی تانیمادیغیم کیمسه لرله دوست ائله ییب ائویمه یول وئرنده دوستولوغونان گلیب خایین نیغینان چیخمالی اولاجاقلار؛دانیشدیقجا گوزلرین نن قم قادا یاغان نریمان علاوه ائله دی کی حیات یولداشیم واقت آشیری اوز تئلفونینان مشقول اولاندا منده شوبهه لر یاراتمالی اولوردو؛بیر زامان آییلیب اوزومه گلنده بیلدیم کی ائویمه یول وئردیگیم دوست فارسلار دئمیشکن حیات یولداشیمین ایکی قیران نیغی اوغوراییبدیر؛اوز اوزومه فیکیررشدیم کی اگر بیر اوشاغیمیز اولسا حیات یولداشیم اون نان باشینی قاتیب ائله دیگی سهویدن قایتمالی اولار؛من اوز عالمیمده بو پیلان ناری قوراندا بیرآندا خبردار اولدوم کو حیات یولداشیم اوشاغ قالیبدیر؛زامان گئدیشاتیندا داها حیات یولداشیما قایقی گوزتررک خایین دوستودا اوزومن نن اوزاقلاشدیرماغا چالیشدیردیم؛واقت وعده باشا گلن کیمین حیات یولداشیمین سانجیسی توتوب بیله سینی دوغوم ائوینه آپارمالی اولدوم؛گون یاریم نان سونرا بیر قیز اوشاغیمیز دونیایا گله رک آغلاماقلاییب ال ایاق چالماقلارینان آناسی نین ایستی قوجاغینی طلب ائله ییردی؛نه یازیق کی ذاتی قیریق آنا منی و کورپه سینی خسته خانادا قویوب واقدیکان ائویمینن قوودوغوم خایین دوستودونان قوشولوب گئتمه لی اولدو؛باشیمنان اوت قالخان کیمین ایللری نئجه یاشاییرسان سووالینی وئرنده بیر دونه باشینی آشاغی سالاراق دئدی ایللردی دوست آدینین لکلنمه سینن ووجدان عذابی چکیرم ................

+ نوشته شده در شنبه سیزدهم اسفند ۱۴۰۱ ساعت 8:53 توسط (قلئی چی مورتوض)  | یک نظر

باشیمیزا کئچن بؤرک................

بیرینجی دونه دولت طرفین نن کندیمیزه سپاه دانیش گوندرمک تکلیفینی وئرمیشدیرلر؛سپاه دانیشین گلمه گینه اعتراض ائله یین نرین ایچینده ماللا غنی هرگون ائویمیزه گله رک آتاما دئییردی سن بو دوره برین ضیالی و ساواددیسی سان بیر ایش گور کو بو دویلت آدامی کندیمیزه گلیب دین ایمانیمیزی الیمیزدن آلماسین؛آتام سولچو دوشونجه لی اولماغینا باخمایاراق دوربر دین آدام نارینا حورمتله یاناشان کیمین ماللا غنی یه ده ال توتماغینان بیله سینه حورمتله ائله ییردی؛او ماللا غنی کی کوند تاپاندا آتامین علیهینه تخریبات آپاریب بیله سینی جاماهات آراسی اللاه سیزکمونیست کیمین تانیتدیرماق ایسته ییردی؛آتام گنج یاشلارینان باکی شهرینه گل گئت ائله مه گینن ایلکن عدالت پارتییساسینی عضوو اولاراق ماللا نصیرالدین ژورنال ایشچیلری او جمله دن جلیل مممد قولوزاده و میرزه علی اکبر صابیرین اثرلرین نن ده تانیش اولوب آنا دیلینی یاخشی اوخویوب یازا بیلردی؛؛ماللا غنی ایسه ماللالیغی آتاسین نان ارث آپاران کیمین خالق آراسی ایروضه خان نیق دان توتموش دعا زاد یازیب و کتاب باشی آچماغینان گوذران ائله ییردی؛آتام تک لیکده ماللا غنی یه حریف اولسایدیدا دوره بر جاماهاتین ساوادسیز اولدوقلارینی دوشونوب اونلارینان باش باشا قویماغی بئله عبس بیلردی؛سپاه دانیشین گلمه گینن گئت گئده ماللا غنی ده لورو دیلینده دئسک توتگین دیلینی چکمه لی اولوردو؛چونکو سیپاه دانیش گلن گون نن اوزوینن یئنی یاساق گتیررک کیشی لر ساققال قویمامالی و قازاق بورکو باشلارینا قویمالیدیرلار؛قیز قادین نار باشلارینی آچیب اجتماعیتده ظاهیر اولمالیدیرلار؛یئنی یئتمه لر مکتب گله رک آنا دیلینده یوخ بلکه اجنبی دیلینده تحصیل آلمالیدیرلار؛اره گئدن قیزلارین دوشلری یوخلانیلیب سوندان اره گئتمه لیدیرلر؛دعا یازدیریب کتاب باشی آچدیران کیمسه لر جازالاندیریلیب و خسته لر و اوزللیک دوغمایان قادین نار شهرده حکیم نره مراجیعه ائله مه لیدیرلر؛گئت گئده اوزو دئمیشکن اینظیباطی ایشله رینن مشقول اولان سیپاه دانیش کند جاماهاتی نین نئجه یاتیب دورماقلارینا قدر باش اوزاتمالی اولوردو؛زامان گئدیشاتیندا کند کیشی لری اوزلرینی قیرخیب قازاغی بورک قویسایدیلاردا ماللا غنی نین عمامه سینی قورماق ایسته ییرک آتاما موراجیعه ائله ییردیرلر؛بئله لیک آتام کندین ماللاسینی اوز حمایه سینه گوتورمه گینن پال پالتارین نان توتموش گونده لیک جیب خرج لیگینه کیمین وئرمه لی اولوردو؛بیرآییری ناراضی چیلیق کی کند عایله لرینی دیله گتیرمیشدیر سیپاه دانیشین گونده لیک اونلارین اوشاقلارینا اورگدیگی اجنبی دیلینی اولوردو؛گاهدان اولوردو اجنبی دیلینی باشا دوشمه یین کند یئنی یئتمه لری سیپاه دانیشین قضبینه توش گلن کیمین بیله لرینی ووروب ائولرینه گوندرمه لی اولوردو؛واخت آشیری آتام ایرضاشاه اوغلونون خالقیمیزا قارشی یوروتدوگو ائنتنیک تمیزله مه سیاستینه قارشی چیخاراق تک لیگینه سیپاه دانیشینان دالاشماق مجبوریتینده قالیردی؛گاهدان آتام کند جاماهاتینی ییغیب بیله لرینه دئیینده کی اوشاقلاریزی مکتبه گوندرمه یین بعضی قاب قالاق کتدیلر آتامی قیناییب اوزلرینی آچیق فیکیرری تانیدیرماق ایسته ییردیرلر؛گاهدان اولوردو آتام باشیمیزا کئچن قازاق بورکون نن عصبله شیب اوز اوزونو قیناییردی؛آخی آتام سیپاه دانیشین کندیمیزه گلمه گینده فعال رول اوینامیشدی؛یادیمدادیر اولوم یاتاغینا دوشن آتام واقدیکان یئتیردیگی طلبه لره اومود باغلاییب اونلار بیزیم گله جگیمیزدیر دئییه دئییه ابدی اولاراق حیاتا گوز یوممالی اولدو؛دوغورداندا آتام گنج یاشلارینان نئچه طلبه یئتیرمه گینن اسیر خالقیمیزا اوز بورجونو اوده مه لی اولموشدور؛آتام حیاتینی دَیشن نن سونرا وال دونه رک اینقلاب باش وئرمه گینن بو دونه ماللا غنی ایسلامی حکومت ورینن کند مچید باشجیسی تایین اولوندو؛انقلاب دورو دور دئییه آتامین یئتیردیکلری طلبلر گاهدان مزاری اوسته ییغیشاراق وار اولسون دیلیمیز دئییه کیم لیگیزی قورماق ایسته یینده بو دونه ماللا غنی نین قیسناغینا معروض قالمالی اولوردورلار؛امما نه دئمک کی ایللر اوتدوگجه پهلوی لرین یاریمچیلیق قویوب گئدیکلری سیاستی ماللا غنی ایره لی سوررک آتامین اونا ائله دیک لری یاخشی لیق لاری نظره آلمادان دونه دونه مزار داشینا قدر سیندیریب ..............................

+ نوشته شده در جمعه پنجم اسفند ۱۴۰۱ ساعت 17:29 توسط (قلئی چی مورتوض)  | یک نظر

اوغرو واهاب.............

1369نجی ایل رودبار منجیل زیلزیله سی دئییه بیزده محله دوسلارینان بیرگه ییغیشیب یاردیم ائله مک مقصدی ایله قضا توره ن ن بولگه یه گئتمه لی اولدوق؛بئش آلتی نفرریک توپلوما قاتیلان واهاب دا بیزه قاتیلاراق ایلکن خلاص ائله مه ایشلرینن مشقول اولدوق؛قضانین ایلک گون نرین نن رودبار شهر وکندلرینده فعالیت گوزتررک دام دووار آلتیندا قالان ناری چیخاریب حیاتا قایتارمالی اولاراق اوزاقدان یاخین نان گلن ارزاغی دا زیان گورموشلر آراسی پای بولوش ائله ییردیک؛من عومور بویو کتابلاردا اوخودوغوم داغیدیجی دئپرم دهشتینی بیرینجی دونه اوز گوزومونن گورمه لی اولوردوم؛ایلک گون نرده گلن یاردیمچی قووه لرینن آزلیغینان قورد قوش توکولوب قانشارا چیخاریلان جنازه لرینی بودامالی اولوردولار؛بیزده یولداشلیغان اوز ایشیمیزینن مشقول اولاراق گونده لیک اوچان دام ناری قازیب آلتیندا دیری قالان ناری آختارسایدیقدا چوخلو سایدا اولن نرینن اوزلشمه لی اولوردوق؛لاپدان اولوردو اوچان ائولری قازیب کورپه بالالی آنانین جنازه سینی چیخاراراق طبعیتین نه قدر رحمسیز اولدوغونو گوزلریمیزینن گورمه لی اولوردوق؛یادیمدادیر من نن واهاب بیر اوچوق دامی قازیب ایچینه یول تاپاندا یئددی سکگیز نفرریک بیر عایله نین اولدوکلرینن اوزلشمه لی اولدوق؛من اوزوله اوزوله اولن نرین هایینا قالاراق بیر اوندا گوردوم واهاب الینده کی پیچاغینان قیز قادینین بیله گینی کسیب اوسته لرینده اولان زینت اشیالارینی چیخارتمالی اولور؛یول بیر اولدوغوموز واهابین خوشا گلمز ایشلرینه اعتراض ائله یینده اوزونو بیله مه توتوب عاغلین یوخدور دئییه بیله می سوسدورماغا چالیشیردی؛نهایت کی عوهده میزه قویولان ایشلری تاماملاییب ائو ائشیگیمیزه قاییتمالی اولدوق؛قاییدان نان بیر مودت سونرا من عصب خسته لیگی توتاراق داوا درمان نیق اولسایمدیدا گئت گئده واهاب تالاییب گتیردیگی باهالی باهالی اشیالاری ساتیب آوادان نیق آل وئرینن مشقول اولوردو؛رودبار منجیل دئپریمنن سونرا شالوارینین اوتوسو قارپیز کسن واهاب گئت گئده اجتماعیتده اوزونه یئر آچماسی خالق طرفینن بیر معما کیمین دئدی قودولارا سبب اولموشدور؛ایللر اوتدوکجه طبیعتین قهرین نن یوخ بلکه ده واهابی گوردوگو ایشلردن اوزومه قاپانیب انسان قددارریغینا نیفرت ائله مه لی اولوردوم؛مالی دورومو یاخشی لاشان واهاب سونرالار بیزیم کیچیک محله یه سیغمادان کوچوب یاشادیغیمیز رایونون باش کندینه گئتمه لی اولدو؛بیر گون محله میزه های دوشن کیمین بللی اولدوکو اوغرو واهاب بو دونه مکه یه گئده رک حاجی لقبی ایله اوزونه آد سان قازانمالی اولوردو؛بو خبری ائشیده رک شیرازلی سعدینین واقدیکان دوزدوگو شعیر سیراسینین بندی یادیما دوشه رک اوز اوزومه دئدیم

(کجا شکر به ین نعمت گذارم ................که زور مردم آزاری ندارم)

نه یاخشی کی عومرو فهله ایشله ییب عایله مه حالال چورک قازانمالی اولموشدوم؛بو سوزلر خیالیما گله رک بو دونه اوغرو یوخ بلکه حاجی واهابین خئیرات مجلیسینه وارمالی اولدوم.......................

+ نوشته شده در جمعه بیست و هشتم بهمن ۱۴۰۱ ساعت 17:11 توسط (قلئی چی مورتوض)  | یک نظر

ایثباتین سئوگی حکایه سی.............

ایکی یوز ایل کئچه رکدن باشیمیزا گلن اولایلارین اَن دهشت دیسی چارز روسییاسی نین اولکه میزه باسقین ائله مگی اولموشدور؛چونکو اوقارشی دورمالار عرفه سینده جان پارچامیز اولان اولکه میز ایکی یئره بولونوب عومورروک قارداش قارینداشدان آییری دوشن کیمین تانری وئرن عومورو حسرتله یاشامیشدیرلار؛او قاننی قادالی گون نردن الیمیزه گلیب چاتان تکجه سارا نیسگیلی یوخ بلکه گول بنیز کیمین گلین نریمیزین ده توی بوساطداری یاسا دونموشدور؛بوگونده خالقیمیز او دوروده دوشن ایتفاقلارا رغمن تاریخ یادداشتلارینا موراجیعه ائله ینده اورک آغریسین نان بو تایدان او تایا و اوتایدان بوتایا بولانیب باخمالی اولورلار؛یوز نئچه ایل آدی گئدن اولایین اوستون نن کئچسه ده من بو یازیدا واقدیکان دوشن اتفاقلارینان بیرین نن سوز آچماق ایسته ییرم؛دئییلن نر گوره چارز قوشونو آراز چایی نی کئچن نن سونرا موغان زاهرالی(ظاهیرعلی)بولگه سی دئییه ایکی قاباق قانشار اولان اوتایلی موسی کندی بو تایلی ایسه آزاددی کتدرینین آراسینا سیم خاردار چکیب ایکی قارداش آراسیندا آیریلیق یاراتمالی اولور؛موسی کندینده یاشایان قارداشین ایثبات آددی اوغلو واقدیکان آزاددی کند ساکین نی عمی سی قیزی گول بنیز خانیما اورک وئریب بیربیررینی سئومیشدیرلر؛آیری دوشن ایثبات اوز ایلقارینا صادق قالان کیمین ایکینجی دونه ائولنمه گی اوزونه قباحت بیله رک سینیر سرحددین آچیلماغینی گوزله مه لی اولور؛سوزون اصل معناسیندا ایکی قارداشین آراسیندا یارانان آزاجیق مصافه بو ایکی گنجین دوگون نو طالیعینه گتیریب چیخارتمیشدی؛گاهدان ایثبات قویونا گئدیرم دئییه اوزونو دره نین اوتایینا چاتدیریب چوبان توتدیگینن آجی ایللر حسرتینی گول بنیز خانیما یوخ بلکه ده آییر دوشموش ائللرینه چاتدیرماق ایسته ییردی؛هفته لر آیلار اوتدوکجه ایثبات نئچه یول اوزونو تهلوکه یه سالاراق بو تایا کئچمک ایسته ینده شوروی سرحد سالدات داری ورین نن قاباغی آلینمالی اولوردو؛نهایت بیر گئجه قاران نیغی دئییه مئشه لیک اراضی سین نن آزاددی کندینه کئچنده بو دونه سالدات گولله سینه توش گلن کیمین آدینی سئوگی قوربانی اولان نار سیراسینا سالمالی اولور؛او تایلی بو تایلی کند جاماهاتی گولله سسینه چیخان کیمین دهشتله اوزلشمه لی اولورلار؛ایثباتین آتاسی ایشی بئله گورنده دوزمه دن اوزونو دمیر مفتیللر ووروب اوغلونون جنازه سینی گوتورمک ایسته ینده اوزوده گولله یاراسی آلمالی اولور؛اولوم دیریم آن نارینی یاشایان ایثباتین آتاسی هارداسان چاغیرا چاغیرا آزاددی کندین نن یاردیم ایسته ینده گول بنیزین آتاسی ایکی الینن باشینا ووراندا اوجا سسینن دئییر؛قارداش قارداشین بوگونونده.......................

+ نوشته شده در جمعه بیست و یکم بهمن ۱۴۰۱ ساعت 17:32 توسط (قلئی چی مورتوض)  | نظر بدهید

قونشو قیزی...........

اون بیرینجی صینیفه گئدرکن قیشین قار بورانیندا قونشو قیزینی مکتبه آپاران آتاسی گاهدان منی میندیررک مدرسه میزه چاتدیرمالی اولوردو؛بو گل گئت داوام ائله ییرک قونشو قیزی ماشینین قاباق صندلی سینده اوتورماغینا باخمایاراق گاهدان دونوب دالا باخاندا نه ایسه آندیرماق ایسته ییردی؛گئده گئت هاوا خوشلوقلاری اولاندا قونشو قیزی کوچه باشیندا دوروب من نن یول بیر اولماغینی گوزله ییردی؛گاهدان اولوردو قونشو قیزی یول گئده گئده اوزونو بیله مه سورتوب ایچریمده اولان یاتمیش کیشی لیک حیسسیمی اویاتماق ایسته ییردی؛امما من تکجه اونا بیر قونشو قیزی کیمین باخیردیم؛او ایل مکتبی قورتاریب یای موسومو دئییه قونشو قیزینین آتا آناسی هر گون سحر تئزدن کتده گی زراعات ایشلری اوستونه گئده رک آخشام ناردا به واخت چاغی قاییتمالی اولوردورلار؛قونشوموز ائوده اولمایان گون نری آنام قونشو قیزینان یئنی یئتمه قارداشینین قایدینا قالان کیمین آج قالماسین نار ناهارا ائویمیزه گتیرردی؛هفته لر گون نر بئله کئچدیگجه بیر گون ائشیتدیم کی آتام آنامی قیسناغا قویان بیله سینه دئییر آی خانیم قونشو گونده لیک اکینه جک ایشینه گئدرکن ندن بو ایکی اوشاغینی اوزلرینن آپارماییرلار؛آنام آتامین بئله سرت یاناشماسینی ائشیدنده اوستونه قی ووروب دئییردی سن اونلارا بیر تیکه چورک وئریب اوستوله رین آد قویماق ایسته ییرسین؛آتام دئدیگی سوزون جاوابی آلیب ائوده چیخاندا بیر دونه اوزونو آناما توتوب دئدی آی خانیم من نن دئمک سن نن ده ائشیتمه مک من اوزاق یولا یوک آپاراجاغام گلمه گیم اوچ دورد گون چکسه ناگیران قالمایاسیز؛آتام یوک ماشینینا اوتوراراق خوتدایان کیمین یا اللاه سنه توکل گاز وئریب گئتمه لی اولدو؛آتام گئدن گونون نن آنام بیله می گوز آلتی ساخلایاراق قونشو قیزینان یاخین موناسیبتیمیزین نئجه اولماسینی بیلمک ایسته ییردی؛چونکو قونشو قیزی واخت تاپاندا قیلیغیما گیریب سئویب سئویلمک سوز صوحبت آچماق ایسته ییردی؛منده کی بقول قدیم کیلر هله بورنوما ایشه مه میشدیم بو کلیک قات قیزین نه ائله دئدیگینی باشا دوشمه ییردیم؛دوزونو خبر آلساز قونشو قیزی ائرکن یاشلارینان بیر دونه اره گئدیب بوشانمیشدیر؛قوروم قونشو قیز آناسینی قیناییرکن دئییردیرلر اؤن اؤن بیریاشیندا قیزی اره وئریب باشین نان ائله مک ایسته سن نهایت قایدیب تندیرینین دیبینی گوزلمه لی اولاجاق؛قونشو قیزی اره گئتمه میشدن شاماما کیمین خیردا دوشه لری گورسنمه سئیدی اره گئدیب آلتی آیین گلینی اولان نان سینه لری قاباریب بالدیراری دا دورد ایللیک قوچ قویروغونا دونموشدور؛قونشو قیزی اوز گوزونو بزه ییب تنگه یه چیخاندا هایاندا اولماغیمنان آسیلی آنام بیله می چاغیریب تک اوتاغا سالمالی اولوردو؛سانکی آنام آتامین سوزونو جیددی توتان کیمین قورخوردوکو قونشو قیزی فارس دئمیشکن منیم ایکی قیران نیغیمی اوغوررایب سئوگی تورونا سالماسی اولسون؛امما سوزون دوزونو دئسم منده بورونو یئللی لر کیمین قونشو قیزینین داورانیشین نان اوزومو اله آلمالی اولوردوم؛او گون نر عرفه سینده کتده گی خالام بیزه قوناق گلرکن من نن قونشو قیزینی بیر یئرده گوروب کیم اولدوغونو سوروشاندا آنا م اوزونو بیله سینه توتوب دئدی واللاه بو بیزیم قاپی بیر قونشونون بوشانمیش قیزیدیر؛خالام قونشونون بوشانمیش قیزیدیر سوزونو ائشیدن کیمین عصبله شیب دئدی سن اولدن ائله پاخما اولموسان؛ بورا باخ گوروم گوزونون آغی قاراسی بیر اوغلان اوشاغینی قورداررین آغزینا آتماق ایسته ییرسیز؛بیرده ائشیدم بیله م بو قیزی دوره برینه قویورسان من بیلیرم سن؛اوندا بیلدیم کی خالانیندا من نن باغلی اوز پیلانی واردیر؛آخی اونوندا بیرقیزی واریدی کی منه وئریب آتامین یوک ماشینی و شهرده کی ائو ائشیگینه صاحاب چیخماق ایسته ییردی؛چونکو عایله ده من تک اوغلان اوشاغی اولاراق خالام بئله دوشونوردوکو قیزینی منه وئرسه آتامین وار ثیروتی منه توخداییب و قیزیدا گله جکده خوشبخت اولاجاقدیر؛منده بئله موضوعلارین جاننی تانیغی اولارکن سوزلرینن سوز سئچمه لی اولوردوم؛لُری دیلده دئسم بورونوما ایشه مه لی اولوردوم؛هردن گیزلین یئر تاپیب قونشو قیزینان حاللاشاندا الیمنن شوه تئللرینی سیغاللایا شیغللایا پورتموش یاناقلارینی اوپمک ایسته ییرک تئز دیر دئییه دالا چکیلیب هله لیک اوزونو آغیر آپارماق ایسته ییردی؛گئت گئده قونشو قیزی منی سئوگی سازینا کوکله ییرک سانکی آتامین واقدیکان قورخوب هشدار وئردیگی آننار دوغرولمالی اولوردو؛او چاغدان بری قونشو قیزی منیم سئوگی پاییما دوشن کیمین یوخولاریمدادا هله لیک سالمادیغی گوللو ایپارری باغچا گوللرینی درمک حسرتینده اولوردوم؛آخی بیلیرسیز بو آللاه سیزین قیزی توتولا توتولا دانیشسادا گئییک باخیشلاری-شوه ساچلاری-پی بالدیرراری-تر ممه لری-قایماق قات دوداقلاری و پورتموش یاناقلاری.........................

+ نوشته شده در جمعه چهاردهم بهمن ۱۴۰۱ ساعت 16:26 توسط (قلئی چی مورتوض)  | یک نظر

پاسارگاد ایمامزاداسی..........

هر ایل اولدوغو کیمین بو ایلده پاسارگاد داش قالاغی زیاراتینا گئدن نر شوعارلار سسلندیررک اوز میللی کیم لیکلرینه گؤونج میتینگی کچیریردیرلر ؛داخیلدن علاوه اولکه دن کانار تلویزیا کانال لاریدا بو زیارت دن گورونتولر یاییملاییر؛بو ایل کی زیارت جوشقوایلا تلویزیالاردا گئدنده ار کویون قیز نوه م بیله مه یاخین ناشاراق دیزیمی سیلکه ییب دئدی آتا پارساگاد نه دئمکدیر الیمینن اوشاغین باشینی سیغاللایا سیغللایا قارشیداکی اوستولون اوستونده اوتوردوب دئدیم منیم بالام اوزاق کئچمیشده آریاچیلارین کوروش آدلی سرکرده لری اولموشدور؛بو کوروش هله گنج یاشلارین نان بیر عیدده یول کسن نن زاددان باشینا ییغماغینان حکومتی الینه آلیب اوز هنده ورده یاشایان قونشولارینی هده له مه گه باشلامیشدیر؛دونیا خالقیلارینی اوز بایراغی آلتینا گتیرمک ایسته یین کوروش بیر واقتلار باشینا ووران کیمین بوگونکو قافقاز بولگه لرینده یاشایان ساککا تورکلرینه یوروش ائله ییب اونلاریدا اوزونه تابع ائله مه گه چالیمیشدیر؛ساککا تورکلرینین باشجیسی تومروس آنا خبری ائشیدن کیمین کوروش لفندی یه مکتوب یازاراق دئییر بیز مین ایللردیر بیر دینج اهالی کیمین اوز آتابابا توپراقلاریمیزدا یاشاییریق؛سنه دئمه لی سوزوم بودور کو باشیندا اولان قوشون لشکرینی گوتوروب بورادا گئده سن؛کوروش کو اوز عسگرلرینین گوجونه آرخاییندی؛تومروس آنانین یازدیغی مکتوبا محل قویمادان یوروشه کئچیب تومروس آنانین اوغلونو آلداداراق گیرو گوتورور؛تومروس آنا ایشین گئدیشاتینی بئله گورنده قاباقلاییجی تدبیر گورن کیمین اوزده عملیات کئچه رک قاننی قادالی قارشی دورما یارانیر؛نهایت کی کوروشون قوشون یاریلیب اوزوده تورک حربیچی لرینین قضبینه توش گلن کیمین اولدورولور؛تومروس آنا غلبه دن سونرا کورو.شون باشینی کسدیریب قان تولوغونا سالدیرران نان سونرا لئشینده قودوز ایت درین قاباغینا آتدیرمالی اولور؛کوروشون باشیندا اولان نار اولن اولوب قاچان نار هله لیک تهلوکه دن قوتارمالی اولور؛نئچه ایل بواولایین اوستون نن کئچن نن سونرا کوروشون آدام نفری ییغیشیب قصاص آلاراق ساککالارین بیر ایتی اولدوروب بوگون کو پارساگاد دئییلن خارابلیقدا باسدیرمالی اولورلار؛چونکو اونلارین باشجی لارین لئشینی اونلارین ایتلری یئمیشدیر؛اونا گوره گئت گئده واقدیکان باسدیریلان ایت لئشی اوسته داش قالاق یاپمالی اولورلار؛ مین ایللر آرخاسیندا باش وئرن آجی اولایین اوستون نن کئچسده ایندی ده وار گوندمده ساخلاماق ایسته ییرک اورایا ییغیشیرلار؛نوه م سوزلریمی ائشیدن نن سونرا شیللاق آتاراق اوجا سسین نن دئدی بس دئنن..............

+ نوشته شده در جمعه هفتم بهمن ۱۴۰۱ ساعت 18:23 توسط (قلئی چی مورتوض)  | یک نظر

بیزده آبیش دان؟............

نئچه گون قاباق خبر گلدی کی ترس آوا کندینین باش بیله نی شهر ساکیننی دوکتور جئری نی ایت قاپیبدیر؛کند جاماهاتی قویون قولتوق زاد گوتوروب یانینا گئدنده منده دسمالچی قونشولاردان دالا قالماییم قورو اریکدن زاددان گوتوروب بیرینجی حیات یولداشیم خان قیزی خؤیلوخانیمنان بیرگه قضایا توش گلمیش دوکتور بی یین یانینا وارمالی اولدوق؛شهره چاتارکن اوزدن ایراق ائششه گی کارانسارلارین بیرینه تاپیشیریب آخساق قیچینان خورجون چینیمده دوکتور بی یین عنوانینا گئتمه لی اولدوق؛قاپییا چاتاراق باشی آچیق اولماسین خانیم زنن نرین اوتاغینا کئچه سده من قیچ پاچاسینا آغ ملفه چکدیگی دوکتور بی یین ساغ یانیندا اوتورمالی اولدوم؛تانری بد وئرمه سین دوکتور بی دئییه دوره نظر سالاندا گوردوم من نن قاباق گلن نرین ایچینده قاپی آغزیندا اوتورموش قارا قاباق قوربان تئز تئز آییلیب آلتدان دوکتور بی یین ایت قابان یئرینه باخاندا دیز ووروب اوجا سسینن دئییردی شو قریبه قالان پیس یئردن قاپیب هاااااااااااا یئییب ایچیب سوز صوحبندیمیز سیاستدن و اولکه داخیلی قارشی دورمالارین نان زاددان داوام ائله ییرک لاپ بئله شیرین یئرینه چاتاندا بیر اوندا قارشیداکی اوتاغیندا قیسسا بوی قیللی کوپک اوستومه جومدو؛قورخاراق تئی بو ایاق ایکی الیمی شئییمین اوستونه چوله قاچاندا اوزومو هله لیک دوکتورو جئرینی توتان قضادان قورتارمالی اولدوم ؛خان قیزی های هاراییما چیخیب بوغازیما موم یای زاد ازن نن سونرا کور پئشمان کنده قاییتمالی اولدوق؛یول اوزونو گله گله اوز اوزومه تعجوبله نرک شو قریب ایت منیم اوستومه نییا جومدو مسله سینی بیرلیکده آراشدیراندا اوزدن ایراق ائششگ اوستن خان قیزی گوله گوله اوزونو بیله مه توتوب دئدی واقدیکان آتالار دوز دئمیشدیرلر کی (ایت قورخان هورر)آروادین سوزونو ائشیدیب بیر دونه قورخوب الیمی شئییمی اوستونه قویوب سوروشدوم کو سن یانی بویوران بیز؛......................

+ نوشته شده در جمعه سی ام دی ۱۴۰۱ ساعت 19:25 توسط (قلئی چی مورتوض)  | یک نظر

2500ایل لیک شاهنشاهلیق....................

نئچه واخت اولاردی کی اولکه باشجبیسی ایسته ییردی کی اوز دوغوم گونونو طمطراغینان قید ائله سین؛بوآرا قیبله ی عالمین خانیمی چوخلو گوتورائله یین شهرین قالایچیسی نی چاغیریب بیر آت آراباسی آلتون قاب قاجاغانی حصه حصه چکه رک بیله سینه وئرنده امر ائله ییرکی هئچ کس بیلمه سین بونلاردان قیبله ی عالمه بیر هئیکل دوزلدکی قویوم شهری باش میدانی دئییه میناره نین باشینا؛اوز ایشی نین اوستاسی اولان قالایچی باشلاییب هئیکلی دوزلدنده شیطاننان آلدانان کیمین ایکی اوچ کیلوو قاب قاجاغدان آییریب اولوب قالانینان کیمین هئیکلی یامییب باشا وورمالی اولور؛؛بو ایشین اوستونده ایکی اوچ هفته کئچن نن سونرابیرگون اولکه باشیجی خزانه بوشالماغینی گوروب طئی بو ایاق گوزلچه سینی تاپاراق موضوع حاققیندا ایضاح وئرمه سینی ایسته ییر؛گوزلچه اوزونو ایستدمه گیچین اولوب قالان سوزو قیبله عالمه دئییه رک آرالاریندا موباحیثه یارانیر؛قیبله یعالم گوزلجه سینه اوز توتوب دئییر؛ سن کی بیر آت آراباسی قاب قاجاغی حیصه حیصه چکیب قالایچی یا وئردین آلاندادا هوندور بوی هئیکلی چکیب آلاسانمی؟گوزلچه نین نین بئینینه سوز ایشله یین اوز اوزونه فیکیرله شیر یلاخیجیسی بودور من قالایچی المیر وئریم هئیکلی چکیب منه تحویل وئرسین؛بئله لیک گوزلچه هئیکلین دوزلیب باشا دوشمه سینی ائشیدن کیمین قالاچی یا ایماریش یوللور کو بازارگونو آدام گوندریم هئیکلی چکیب منه گتیرسن؛ قالایچی قاب قاجاغدان اوغوررایاندا بوراسیینی فیکیرلشمه دی قورخو.سون نان قاچیب شهرده کی باش میناره سی نین باشینا چیخمالی اولور؛شاه مامورراری قالایچی نین حیات یولداشینی قیسناغا قویوب اوغرو باشینی طلب ائله ینده یازیق آرواد قالایچی نی آختارماغا باشلاییر؛کوچه کوچه شهری دولاناندا نهایت کی یورولوب جاماهاتین ییغیشیدیغی شهرین باشی میدانینا وارمالی اولور؛لاپدان قالایچی نی میناره نی باشیندا گوروب هیم جیمینن آندیراندا کی اورادا نه ائله ییر سین؛قالایچی اوستن بیله سینه های باسیر کی قاچ باخیجی میر عابباس یانیما گتیر؛چاراسی اوزولن آرواد سوروشاندا کی باخیجی میر عابباسی نئنیرسن قالایچی اوجا سین نن باغیری بیر دوعا اوخویاراق منی بورادا داش ائله سین....................

+ نوشته شده در جمعه بیست و سوم دی ۱۴۰۱ ساعت 19:58 توسط (قلئی چی مورتوض)  | یک نظر

سیاست دیلی.............

نئچه واقت اولاردی کی گوبک آغریسیننان گئجه لر یاتا بیلمه ییردیم؛بیر گون پیه دن بیر بوینوزلو کئچی آییریب شهرین مال میدانینا گله رک اوز اوزومه دئدیم کئچی ساتیب گوبه گیمده ایلکدن تانیشمیز اولان دوکتورجئری یه گوزتریم؛مال مئیدانینا گورودوم من نن قاباق مال قارا گتیریب نوباتا دوران چوبان ننار سیاسی موباحیثه ائله ییرک مرگ بر آمیرکه مرگ بر ترس آواد دئییه دئییه بیربیرلرینه دئییرلر قارا یولا کامینیزیم(کمونیست) یارانایدی باخ دونیالیق گوجلو دویلت در ییغیشیب کاتدا ایسلامی و قوچو نیظامی وطالیبلر(طالبان) گتیردیلر کی اونون قاباغینی آلسین نار؛ائله او سئی بئی ده جیب تلفونوم زنگ چالان کیمین بللی اولدوکو اولکه داخیلی قارشی دورمادا تانیشیمیز دوکتور جئرینیده یاخالاییبلار؛تئز کئچینی ساتیب پول ائله یین نن سونرا شهرین باش توره مه سینه(زندان)گئتمه لی اولدوم؛چوخلو ماورولارین گوزلرینه دورتوله نن سونرا نهایت کی شوشه آرخاسین نان اولسادا دوکتور بی ینن قونوشمالی اولدوم؛حین دء دانیشیغیدا ال اشاره سینن دئدیم دوکتور سن کی ایش یئرین نن چوله چیخمازدین بورادا خئیر اولا؛دوکتور بی درین نن آه چکه رک سیگارارئیتینی آلیشدیریب دئدی نه اولاجاق او گون نری یولو یومرولموش قالایچی مورتوض یانینا گلیب اولکه قارشی دورمالارا توخون ناندا کاتدا ایسلامنان توتموش دده ددلیگی شیخ آغانین عاماماسینه قدر یامان یووز دئدی؛منده بیله سینه قوشولوب اوچ دورد آغیز گیلئی گوذار ائله یینن سونرا هله لیک دئییب بوروغو دونمه لی اولدو؛قالایچی خسته خانانین قاپیسین نان چیخمامیش یاخا دویمه لیلر توکولوب بیله مه ضد شیخ آغا دئییه دویه دویه بورایا گتیردیلر؛بئله گوزنیلمز اولایی دوکتور بی دن ائشیدنده عصبله شرک دئدیم اشی سن اللی ایلین دوکتورسن ایندی ده بیلمیرسن سوین نر سویولن نرین آدامی دیر..................

+ نوشته شده در سه شنبه بیستم دی ۱۴۰۱ ساعت 12:47 توسط (قلئی چی مورتوض)  | یک نظر

چانقیل ..........

​​​

دوغولوب دونیایا گوز آچدیغیم کندیمیز قارلی داغلارین احاطه سینده اولدوغونا گوره آدینا داغلی کتده دئییردیرلر؛من گوزومو آچان نان دونیانین سونونو آدی گئدن داغلارین دالیندا اولدوغونو دوشونه رک زیروه لرینه چاتماق آرزیسیلا یاشایاردیم؛عایله میزده آنام من نن بالاجا قارداشیمی دیزینین اوستونه سالیب اونا لایلای چالاندا دئییردی؛

گورونن اوجا داغدی

دونیادان قوجا داغدی

اوغلوم دوروب یئریسه

خالق بیلر نئجه داغدی؟

***

شیلش باشی قار اولار

قار اولار؛هامار اولار

قیش گئدیب بایرام گلر

باغچالاردا بار اولار

***

گونش یولو دان یولو

اوجالیق دومان یولو

آدینا قارداش دئدیم

باشی اوجا چانقیلی

گاهدان آنامین کندیمیزی احاطه ائله یین داغلارین حاققیندا سویله دیگی ناغیللارین ایچینده ائویمیزه قاباق قانشار یوکسک لیک اولاراق چانقیل آدی داها منیم دیققتیمی چکردی؛بئله واقتلار اولاردی کی کند جاماهاتی یوخودان دورارکن اوزلرینی آدی گئدن داغا توتوب اوننان نه ایسه ایسته ییرک قارشیسیندا باش اَییردیرلر؛من یئنی یئتمه چاغلاریم نان کند آهیللارینین داغا تاپینماق ایشنه مات قالان کیمین جاوابسیز سوواللارینان اوزلشمه لی اولاردیم؛تنگه باجادا من نن تای توشلاریم ایچینده موباحیثه یارانارکن بیربیریمیزه دئییردیک هر کیمسه چانقیل داغینین باشینا چیخا بیلسه اونون ائولنمک شانسی اولاجاقدیر؛بیرگون آنامین بوینون قوجاقلاییب چانقیل داغینی گورنده ندن اوز بورویوب یاشماق توتورسان سوروشاندا بویومو اوخشایاراق دئدی اسگی چاغلاردان آتابابالاریمیز گوردوگون داغا تاپیناراق اونو مکه ومدینه یئرینه پرستش ائله ییردیرلر؛آدین گئدن داغ قوتسال اولدوغونا گوره یئنی ائوله نن گنج لری اونون باشینا چیخارداراق سونرادان توی بوساطلارینی قوراردیرلار؛یاخود حالی پیسله شن آهیل کیشی لری اونون باشینا چیخارداراق اورادا جان تاپشیرماغینی ال وئرشلی گوروب نفسیز جانینی اورادا باسدیراردیرلار؛نهایت یئددی سکگیز یاش اراده لریمده بیرگون آتام الیمنن توتاراق بیرلیکده چانقیل داغی نین زیارتینا چیخمالی اولدوق؛من بیرینجی دونه آدی گئدن داغین زیروه سینه چیخیب غرورلاناراق دور دونیانی ایاغیمین آلتیندا گورمه لی اولدوم؛اللی ایلدن سونرا او گون آلدیغیم مثبت انرژی دنمی دئییه کئچن گون نرده چانقیل آدینا یازدیغیم سوزلوگون چاپدان چیخماغینی گوررکن بیردونه اوشاقلیق چاغلاریما قایدیب او حیسلری اوزومونن یاشاتمالی اولدوم.................

*شیلش کندیمیزده بیر یوکسک لیک آدیدیر

+ نوشته شده در شنبه دهم دی ۱۴۰۱ ساعت 12:5 توسط (قلئی چی مورتوض)  | یک نظر

قالایچی نین وصییتی............

نئچه واقت اولاردی کی فتق شیشگین نیگینه گوره خسته خانالیق اولوب عملیات اولونماق نوباتینا قالمیشدیم ؛آراواد تئز تئز بویان اویانیما کئچیب گوزونون لیلیغین آخیداراق وصیت ائله مه گیمی مصلحت گوروردو؛کئچی جان قایغیسیندا قصاب پیین آختاریر دئییه ییر جور بیر طهر آرواد الینن قورتارماق ایسته ییردیم؛ نهایت بیر مولاقات گونو اوشاق بویوگو خسته خانایا گتیرن آروادین بیله مه قوردوغو تله سین نن قورتارانمادیم؛آروادین آلتدان آلتدان گؤز آغارتماغینان قورخان کیمین وصیت ائله مه گه باشلایاندا لاپدان قارشیداکی اوسطولون اوستونه قویدوغوم جیب تئلفونوم زنگ چالدی؛اوشاق بویوک تئلفون زنگینن چاش باش قالان دا معلوم اولدوکو معتبر دده ددلیگیمیز کوچه دن گئدنده گوروروک کو نئچه دلی قاننی گنج یاخین ناشیب عمامه سینی گوتورمک ایسته ییرلر؛تهلوکه نی دویان شیخ آغا ایکی الینن عمامه سینی توتوب یولونا داوام ائله یینده کوپَی اوشاقلاری آغ ساققالی کیشی نین شالوارینی سییریب آرادان چیخمالی اولورلار؛طئی بو ایاق اینیمده کی شالواری چیخاریب تومانچاق شیخ آغانین هارایینا چاتماق ایسته یینده قارشیمداکی خسته خانا قاپیلارینین باغلی اولدوغوینان اوزلشدیم؛پنچره زاددان آتیلیب معتبر ددده ددلیگیمه هایینا چاتماق ایسته سم آرواد یاخامی توتوب چکه چکه یاتدیغیم تاخدین اوستونه قایتارمالی اولدو؛ایش بئله گلدیکده شالواریمی الیمده توتوب بیربه بیر اولان واریوخومو پای بولوش ائله ییرک بیر باشدان دئدیم

1-بورکومو آروادین باشینا قویارسینیز

2-چاناغیمی دیلنچی یه وئررسینیز

3-ائویمی کیمسه سیزلره وئررسینیز

4-موشلوکومو اوروجلوق گونلری دئییه گویده آیپارا آختاران نارا وئررسینیز

5-ایاق قابیلاریمی شهرین گیره جک تاغینانین اوستون نن آسلایارسینیز

6-اولوم ایسه بیرلیگه گئدن ایاقلار آلتیندا باسدیرارسینیز

7-سوندا الیمده کی شالواری آروادین اوزونه چیرپان کیمین اوجا سسینن دئدیم بوندا شیخ آغایا گئیدیررسیز

+ نوشته شده در شنبه سوم دی ۱۴۰۱ ساعت 9:45 توسط (قلئی چی مورتوض)  | یک نظر

اعتراف اجباری...........

شهر گزمه سی(پاسبان) اولاراق پولوس بولمه سینده اوتورموشدوم کو لاپدان شهرین باش اداره سینن هیجان سیقنالی چالینماغا باشلادی؛مسله نی آراشدیرندا باشا دوشدوم کو دینجلیگی پوزان نار قاچاق یوللارینان اولکه میزه گوندریلیب لر ؛خبری آلان کیمین کشفیاتچی یولداشلارینان عملیاتا کئچنده گوردوم ناواقدیر کی بیر قیسسا بوی کیشی اوجماندا(بهشت)کی سوت گولونه سو قاتیب حوریلره ایچیردیر هله هئچ چایدان آخین ائله یین بال شیرلرینی چللک چللک قابلاشدیریب ساتماغین نان مشقولدور؛بیر آز آختاریشان نان سونرا بللی اولدوکو قیسسا بوی کیمسه تکجه سود گولونون تخریباتینان یوخ بلکه دولایی سی یوللارینان بورادا کی خوشونا گلمه یین آداملاری تاموغا(جهنم)و اوجماندا کی اوز آدام نفرلرینی بورایا گتیرتدیرمه لی اولور؛گاهدان سوزونه باخمایان نارین آراسیندا گرگین نیک یاراداراق اوجمان داخیلی حوریلرینن قیلمان نار آراسیندا قارشی دورمالار یارادیر؛بیر مودت گیزلی عملیاتدار نتیجه سینده قیسسا بوی کیشی نی یاخالاییب پولوس بو.لمه سینه گتیرمه لی اولدوق؛ایلکن دیندیرمه لر باش وئرنده آغزینا قؤود آلمیش بو خایین سوسماق قرارینا گله رک دانیشماق ایسته میردی؛بیر نئچ آی قاران نیق تورمه ده ساخلایان نان سونرا بیر گون شهر میدانینا گتیررک دالی اوسته ییخیب گوده نینه قایناق قیر توکنده دیله گله رک اعتراف ائله ییرم ایاغادوردو؛ ژورنالیست لر آراسیندا اعتراف ائله یین کیمسه نین سوزلرینه قولاق آساندا بللی اولدوکو ترس آوا کند ساکین نی قالایچی مورتوض دور؛آتالار دئمیشکن یوموروق یوخ باغیشلایین قایناق قیر بو گوندریلن جاسوسو اعتراف ائله مک زوروندا................

ایلک باشدان دئدی &-کالبایی ایزرایل من نن معتبر ددده ددلیگیمه بهشت وعده سی وئررک گوندردی کی ایسلامی اولکه جاماهاتی آراسیندا قارشی دورمالار یاراداق؛

&-بیزده اونلارین یالان سوزلرینه آللاناراق بیر گئجه قاران نیغی قیل کورپوسونون باشینا وارمالی اولدوق؛

&-پرونده میزی یوبادان کیمین بیر نئچه آی کورپونون قولاغیندا سفیل سرگردان قالیب اوتایدا کی گئدن چال چاغیرا حسرتله باخیردیق &-آخیردا یورولان کیمین ایلکن دده ددلیگیم اوزون ئ منه دئدی سن یات من سنین اوستون نن کئچیم اوتایا؛

&-گوردوم کو دده ددلیگیم مئشه عیباد کیمین بئلیمه چیخسا شیکاست اولاجاغام

&-اوزومو بیله سینه توتوب دئدیم سن اوول دورقوزاغینان کورپو دوزلت من کئچیم ؛

&-اوزوم ایاغیزین آلتینا دده ددلیگیم شئیی نی دورقوزروب اوتایا اوزاداندا مونکور باشجیسی نین گوزونو اوغوررویاراق ایرانا یوخ یوخ باغیشلایین چاشدیم اوجمان(بهشت)تایینا کئچمه لی اولدوم؛

&-بوتایا کئچن نن سونرا چاغیریب معتبر دده ددلیگیمه دئدیم سنه گلدیگیمیز دونیایا کیمین جهنم مالیکی اولماق یاراشیر گئت اوز ایشینن مشقول اول؛

&-اودورکو گلن گون نن اوجمانین امکان نی آدام نارینان میز آلتی پول پارا آلاراق اونلارین عومورلوک تاموغا(جهنم) محکوم اولونموش آدام نفرلرینی اوجمانا گتیریردیم؛

&- گلن گون نن دووار اوستون نن بویلانیب چال چاغیر ائوینده باشی آچیق زننلره باخان نارین ایاغ آلتدا قویدوقلاری چللک لری تپیگینن ووروب ییخیردیم

&-اوکرایین اوچاغینا گولله آچیردیم &واقت تاپاندا عراق کوردلرینی گولله بوران ائله ییردیم &- ایسلامی اولکه میزه چؤ سالیب قارشی دورما یارادیردیم &-ائوین زیندانینا اوت ووروب سو بولاندیرماسی سالماسی دئیینده لاپدان ال اوزو قارا ددده ددلیگیم چیخدی کی.................

+ نوشته شده در جمعه بیست و پنجم آذر ۱۴۰۱ ساعت 17:35 توسط (قلئی چی مورتوض)  | نظر بدهید

فئرماچی قالایچی...........

یر خئیلی واقت اولاردی کی من- اوستاد دفتری – قالایچی مورتوض ونئچه لری معللیم اولاراق بیر مکتب ده اورگنجی یئتیشدیریریک؛اوچ دورد ایل قاباق دیلینی دینمز یئرینه سوخمایان قالایچی حکومتین قویوغونو ایاقلایاراق ایشدن چیخاریلیب و شهرده کی ائو ائشیگینیده تالامالی اولدولار؛هردن یولداشلارینان مکتبده قالایچی دان دانیشاراق باشینا نه گلدیگینن سوز صحبند آپاراریردیق؛نهایت کی کئچن گونلرده دوسلارینان دوروب ترس آوا کندینه گئتمه لی اولدوق؛کند جاماهاتین نان کهنه دوستوموزون عنوانینی سوروشاندا آتابابا باغلاریندا اینگ بئجرمه فئرماسی قورماغینی سویله دیلر؛ماشینین باشینی چئویریب آدی گئدن فئرمایا چاتاندا ایچریدن گلئی گوذار سوزلری دیققتیمیز چکدی؛من تر تله سیک ایرلییه کئچه رک یاخشی قولاق آساندا گوردوم قالایچی طویله نی باشینا آلان کیمین اوجا سسینن دئییر آی منیم الیمنن یؤوشو(قلم)آلیب کورک وئرنین................. سوزونو تاماملامیش بیرلیکده ایچری کئچیب اوستو باشی پئیین نی دوستوموزونان گوروشمک ایسته ینده مورتوض بی اسکی دوسلارینی گوروب دویوخان کیمین الینده کوره گی قارشیداکی دوورادایایاراق بیربیریزیمینن گوروشمه لی اولدو؛سئویجک قالایچی گلن قاناقلارین شرفینه باغ ائوینده مانقال دوزوب بیزؤو اتین نن بیزدن قوناق آوارن نیق ائله دی؛یئییب چکیب نعشه له نن سونرا اوزومو وئریب کوهنه همکاریمین ایش گوذرانین نان سوروشاندا زاده گان کیشی سیگارئیتینی آلیشدیراراق دئدی شوکولر اولسون کو گلیرم قناعت بخشدیر؛چونکو هفته سونو ساخلادیغیم اینکلرین سوتونو دودندورماچیلار(بستنی)دریسینی گؤنچولر؛اتینی یئمک خاناچی لار؛ایشکلرینیده آریاچی لار گلیب آپاریرلار؛فئرماچی قالایچی سوزونو قورتاران کیمین تعجوبله نرک سوروشدوم اینکلرین اتینی سوتونو هارایا وئرمه گینی باشا دوشدوک بس سودوگونو هارا آپاراریرلار؛سوز آغزیمنان قورتارمامیش اوستاد دفتری قالایچی مورتوضون کوره گینن ووراراق گوله گوله دئدی اونیدا آپاریرلار کوروشون فردوسی نین قبرینی................

+ نوشته شده در جمعه هجدهم آذر ۱۴۰۱ ساعت 17:13 توسط (قلئی چی مورتوض)  | 2 نظر

قاننی قادالی گونلریمیز..................

آتامدا آیری هم یئرلی لریمیز کیمین وطن موحاریبه سی دئییه روسییا آلمان قارشی دورمالارینا چاغیریلمیشدیر؛دئییلن نره گوره آتام موحاریبه یه چاغیرلاندا من بیر یاشار اولاراق آنامین قوجاغیندا سوت امر اوشاق اولموشدوم؛آتام قارشی دورمالارا قاتیلان ایللردن حربی حیصه لرده قوللوق ائله ییرک آراسیرا مکتوبلاری گلسه ده سونرالار بو ایلگی قورمالار کسیلمیشدیر؛عایدات قوروملار هفته لیک آیلیق عایله میزدن حمایه ائله سه لرده گئت گئده ائویمیزده آتا بوشلوغو اوزونو بروزا وئرمه لی اولوردو؛زامان گئدیشاتیندا آتامین اولمه گینی دوشونن آنام عایداتی قوروملارا موراجیعه ائله ییردیرکی بیلگی زاد الده ائله یه بیلسین؛منیم اوچ یاشیم تامام اولاندا آتام نان یئنی بیر مکتوب گله رک سیلاح داشلارینان بیرگه اسیر دوشدوگونو یازمیشدیر؛سونکو ایللر من اوزونو گورمه دیگیم آتامین شیلتاقلغینی ائله یینده آنام بیله می قوجاغینا باساراق بیرگون قایداجاغینی دئییه بیله مه توخداقلیق وئرمه گه چالیشیردی؛چونکو من چئویرمیزده یاشایان قوروم قونشو یاشیدتایلاریمین آتالارینی گورنده اوزو اوزومه فیکیرلشدیرم کی بس منیم باشیما ال چکن آتاما نه گلیبدیر؛گاهدان عایله میزه خور باخان نار خوشا گلمز سوزلر یایماغینان آنامین اراده سینی قیرماق ایسته ییرلردیرلر؛چونکو آنام اَر تپرلی بیر قادین اولاراق چالیشردی کی عایله میزده هئچ اولماسا منیم چین آنالیق دا علاوه آتا بوشلوغونا دولدورسون؛باش کله قاییلی آنام عومورونون اَن چیچکلی واختلارینی آتام ایاغینا توکه رک گئری دونمه گینه اومود باغلامیشدیر؛نهایت کی دونیالیق خاچ اداره ایشچیلرینین ایاغ ایره لی قویمالارینی چوخلو سایدا اسیر بوراخیلیب وطنه اوز توتمالی اولورلار؛یادیمدادیر بیر گون یاز لئیسان آیی دئییه ایکی دولت آدامینین موشاعیتینن گلن آتام کندین کورپوسونو سئل آپارماغینان اوزله شیب قودورقون سئل احاطه سینده قالمالی اولموشدولار؛کند جاماهات آغیر هیجان ایچینده اولسادا من تئز تئز آنامی یانالاییب قارشیداکی اوچ نفردن هانسی آتام اولدوغونو سوروشوردوم؛فلگین ترس ایشی دئییه قولو گیرلی کیشی لر آتا مینه رک ایکی دولت آداملارینی سئل دن قورتارسالاردا نه یازیق کی آتامین میندیگی آت بوردوره ییب کندیمیزین قانلی قادالی آخان سئلینده بوغولاراق عومورولوک منی آتا اوزونه حسرت قویمالی اولموشدور؛او چاغدان بری هر یئرده آخار چای سسینی ائشیدنده بیر دونه اوزونوگورمه دیگیم آتامین خاطیره لرینه................

+ نوشته شده در جمعه یازدهم آذر ۱۴۰۱ ساعت 17:29 توسط (قلئی چی مورتوض)  | یک نظر

یئنه ده خان قیزی.............

کئچن هفته لرده بیله میزه عایله وی بیر خاریجی قوناق گلمیشدی؛نئچه گون قوناق آواران نیق ائله رک بیر گون بیله لرینی گوتوروب ترس آوا کندینین گزمه لی یئرلرینی گوزترمه لی اولدوق؛اَییلنجه یئرلرینی دولانیب یورولان نان سونرا بیر کافئیده(قهوه خانا)اوتوراراق چای ایچیب قلیان چکنده خاریجی قوناغین عایله عضولری اسکی دن قالمیش کافئ دووار رسم لرینه باخیب جیب تلفون نارینان شکیللر چکمه لی اولدولار؛یئنی دن قالیانی چکیب خورولدادان قوناق افندی لاپدان اوزونو بیله مه توتوب سوروشدو آی قالایچی مورتوض اولکه نیزده نئجه یئر آلماق اولار؛من هممشه اولدوغو کیمین سوزو دال قاباق دئیینده بیر دونه حیات یولداشیم خان قیزی خؤیلو خانیم سوزموزه قاتیلاراق دئدی واللاه اورت باسدیر ماحالی دئییه منبر دیبینده اوزونوزه دایمی یئر آلماق ایسته سز اوغورروقدان دوغورروقدان پول پارا ییغیب بیر دونه مکه یه گئدیب حاجی اولماغینیز کیفایت ائله ییر؛یاخود کند ایمامزادسیندا یئنی اوله نیزه یئر آلماق ایسته سز بولگه ماللاسی شیخ آغانین بیر دونه زنگ آچماسی ایشیزی بیتیرر؛چورک صفینده زاددا یئر آلماق ایسته سز ساغ الینن قوناغین حیات یولداشینی گوزتررک دئدی اؤوانیز(خانیمیز) آلین قاشینی آلدیریب چوره گه گئتسه تئزراق اوزونه یئر ائله یه بیلر؛امما نه دئمک کی اورت باسدیر ماحالی دئییه اولکه باشقان نیغینی اله کئچیریب اوزون ایللر حکم سورمک ایسته سه نیز دانیشانین باشینا وورماغینیز......................

+ نوشته شده در جمعه چهارم آذر ۱۴۰۱ ساعت 18:25 توسط (قلئی چی مورتوض)  | یک نظر

بیر خالقین طالئعی2

دونیالیق اویون بازلارین الینن میللی حوکومت داغیلان نان سونرا صفرخاندا اله کئچمه سین دئییه اوزونوقارلی قادالی آلواتان داغلارینا ووروب عراق کوردوستانی دئییه سرحددی آشمالی اولور؛نئچه واخدان سونرا اورادا توتوقلانیب حبسه معروض قالسادا آز زامان کسیگینده اوزونو قورتاریب قاچماغینان وطنه اوز توتمالی اولور؛بیر ایل نئچه آی اورمو شهری هنده ورینده گیزلیجه یاشاماغینا باخمایاراق خایین کیمسه نین خیانت عرفه سینده توتوقلانیب بو دونه اولوم جزاسینان اوزلشمه لی اولور؛خالق فدایی سی نین آغزی یاشماقلی حیات یولداشی اوز طالئعینه دوشن گلین نیک گون نرینی هیجانلار ایچینده یاشاسادا آتا اوزونو گورمه یین ایلک قارنینا دونیا گتیردیگی مهین آدلی قیزینا آنالیق ائله مه گه باشلاییر؛صفرخانین حیات یولداشی ملوک خانیم گاهدان کورپه بالاسینی گوتوروب حیات یولداشینی اولوم تهلوکه سین نن قورتارماغی چین تئهران تبریز عدلییه ایداره لرینه موراجیعه ائله ییرک وار گوجوینن خالق فدایی سینی مدافیعه ائله مه گه باشلاییر؛صفرخان آغیرلی آجیلی ایللرینی یاشایاراق گاهدان حیات یولداشینا موراجیعه ائله ییب دئیینده کی سن کورپه بالامیزی ساخلاگینان ملوک خانیم سنی قورتارمایینجا گئری اوتورمایاجاغام بیله سینه سوز وئرمه لی اولور؛ملوک خانیم ایللر اوزونو یوللار خسته سی اولسادا نهایت کی صفرخانی اولوم جزاسینی نان قورتارمالی اولور؛صفرخانین پرونده سی ایران باش کند محکمه سی ورین نن محمد ایرضاشاهین یانینا گوندریلنده عومورلوک حبس اولونماغینا امیر وئرمه لی اولور؛اولوم تهلوکه سین نن جان قورتاران فدایی باشجیسی اون ایله یاخین اوروم تبریز زیندان ناری دئییه باغلی قاپیلار آرخاسیندا قالمالی اولور؛بیر دونه ایاق ایره لی قویوب پهلوی شاهی نین گوزونه بارماق اوزادان ملوک خانیم حیات یولداشی نین حبس جزاسینی سیندیرماق قرارینا گلنده شاه سارایی نین دیره گینی لاخدالادان صفرخانی آذربایجان نان اوزاقلاشدیرماغیچین برازجانی شهری نین قورخونج زیندانینا گوندرمه لی اولورلار؛حاقسیزلیقلارا معروض قالمیش ائوین قادینی سون واخلار حیات یولداشینا مکتوب یازاراق برازجان شهری گئدیب بیله سینن گوروشمک ایسته مه گین نن خبردار ائله ییر؛صفرخان مکتوبون جاوابینی وئررک بو قورخونج زیندان نان قورتارا بیلمه یه جه گینی دیله گتیریب ملوک خانیما یازیر(منیم سئودیجه گیم ائشیتمیشم کی گوزوموزون آغی قاراسی اولان مهین قیزیمیزی اره وئرمک قرارینا گلمیسن؛قاباقجاداندا وورقولادیغیم کیمین سن منیم اوتوما یانمادان سئودیگین هر کیمسه یه نن حیات قوراراق اولوب قالان عومرونو شن یاشایا بیلرسن)مکتوبونون جاوابینی آلان ملوک خانیم قیزینی کرج شهری دئییه ار ائوینه کوچورمه لی اولور؛سونرالاردا بیر آز سر سوقات گوتوروب تک باشینا برازجان شهرینه یولا دوشرک تئهران شهرینه قدر وارمالی اولور؛امما نه دئمک کی بو خالقین یئنیلمز و یورولماز قیزی آدی گئدن شهره چاتارکن خسته له نیب اولوم یاتاغینا دوشمه لی اولور؛گون به گون حالی پیسله شن ملوک بیرگون قیزینی یانینا چاغیریب آتاسی نین اونا آمانات ائله دیگی آل دسمالی الینین ایچینه قویاندا گوز اشارتی له دئییر بو دسمالی آتانا چاتدیرارکن بیله سینه دئییرسن ایلکن منه ایتحاف ائله دیگین بوسئوگی دسمالی قوی صفرخان آدینان گله جکده چالیشیب اوزگورلوگه چاتان خالقیمیزین اونده آپاریلان قیزیل بایراغی اولسون؛بئله لیک گوزلرینی یوموب بیردونه صفرخانلا گوروشمک آرزیسینی گورا آپارمالی اولور.............

+ نوشته شده در شنبه بیست و هشتم آبان ۱۴۰۱ ساعت 17:32 توسط (قلئی چی مورتوض)  | یک نظر

بیر خالقین طائعی.............

شئشه وان کند ساکیننی گنج صفرخان اوزاقدان اوزاغادا اولسادا اورک وئردیگی اصلی نئجابتلی ملوک خانیمی گوزو آلتیندا یاتیرمیشدیر؛ائرکن چاغلارینان صفرخانین طلاطوملو روحو اونو سئوگی تورونا ایلیشدیرمه لی اولموشدور؛امما صفرخانین سئوگی له دولو اوره گینده ظولمکارلارا قارشی نفیرتده واریدی؛چونکو اوشاقلیغینان اونون گوزو قارشیسیندا قارا خالقین امگینی یئییب عار نامیسلارینان ال اوزادان خان خوانین نن هئچ باریشماق ایسته میردی؛نه ایسه ایسته دیگی قیز زادگان عایله نین یئتیرمه سی اولاراق اورک ائله ییب بیله سینه یاخین ناشا بیلمه ییردی؛اوزون بیر واخت اورک سئوگیسینی گیزلتسه ده نهایت آراسیرا قیزین دالینا دوشوب باغ بولاغا وارمالی اولور؛ملوک خانیم دا اورکدن اوره گه یول واردیر دئییه گنج صفرخانی تای توشلارینا رغمن میللی روحدا اولدوغونا گوره به یینمیشدیر؛چونکو فدایی لیغین باشلانقیج دورو دئییه اوگونونکو آذربایجان اجتماعیتی یئنی بیر اوزگولوک تاریخ صفحه سینی آچماق قرارینا گلمیشدیر؛گاهدان اولوردو الی آفداماتلی صفرخان اورک وئردیگی ملوک خانیمنان قاریشیلاشاندا اوزاق مصافه دن آتین نان انه رک بیله سینه نه ایسه دئمک ایسته ییردی؛بو گوروشلرین بیرینده قاباقجادان آلیب جیبینه قویدوغو آل دسمالی قیزین یول آغزینا آتیب اوتاندیغینان باشینی آشاغی سالاراق آرا توتمالی اولور؛ملوک خانیم صحنه نین جاننی تانیغی اولاراق ایره لی له ییب دسمالی گوتورونده ایچینده بیر مکتوبون اولدوغونو باشا دوشور؛او مکتوبدا ملوک خانیما یازدیغی سوز بو اولموشدور کو سئودیجه گیم بو نشان سئوگی رمزی اولاراق من نن سنه آمانات اولسون؛ال اوزادیب گوتورسن عایله قوراراق سنی خوشباخت ائله مه گیمه ضمانت کیمین قبول ائله ییرسن؛آذربایجانین هیجانلا اوزگورلوگه دوغرو گئدن گون نرینده بو جوتلوک عایله قورمالی اولورلار؛امما نه دئمک کی صفرخان عایله قوردوغو گون نن بیر خالق فدایی سی اولاراق عجب شیر ماراغا بولگه لرینده کی قوردوغو حربی موحافیظه چی دسته لرینه باشجیلیق ائله ییرک میللی حوکمتی مدافیعه ائله مه گه باشلاییرلار؛باشی آل دوواقلی تزه گلین هفته لر آیلار صفرخانین یولونو گوزله سه ده سنین سئچدیگی آمال قورتولوش یولودور دئییه اوزو اوزونه توخداقلیق وئرمک قرارینا گلیردی؛صفرخان 1324نجی قورولان میللی حکومتین قؤروجوسو اولاراق آغزی یاشماقلی حیات یولداشی نان اوزگولوک گون نرینی آغیز شیرین نیگینن یاشامالی اولوردورلار؛امما نه دئمک کی والی دوندرن نر تکجه صفرخانین یولداشینی یوخ بلکه ده ملوک خانیمین تمثالیندا بیر خالقین طالئعینی داشا چالیب باشا وورماق قرارینا گلمیشدیرلر.....................

***

فدایی لیق:شئشه وانلی محمد حسین اوغلو صفرخان 32 ایله یاخین بیر باشا قددار محمد ایرضاشاهین زیندانینی چکمه لی اولموشدور ملوک خانیم:صفرخانین آرزی گؤز اولموش حیات یولداشی بو حکایه نین آردینی گلن هفته لرده ایزله یین لوطفا

+ نوشته شده در جمعه بیستم آبان ۱۴۰۱ ساعت 17:45 توسط (قلئی چی مورتوض)  | نظر بدهید

قونشو خؤروزو............

قالایچی عمی:اشی سن نه مردم آزار خوروزسان گئجه یارسین نان قوققولو قو قوققولو قو بانلاماغیندا بیر واختی اولار؛ قونشونون خوروزو:هه نه اولوب قالایچی عمی یئنه سسینی آلمیسان باشینا؛ قالایچی عمی:آی اوتانمازین بیری اوتانماز یوز یول سنه دئمیشم سحرسحر سسینی سوخ دینمز یئرینه قوی یاتاق؛من هله هئچ واخت به واخت بانلاییب خان قیزی خؤیلو خانیمین یوخوسونو کال ائله ییرسن؛ قونشونون خوروزو:آی ددم قوربان ایتینن صاباح آچمیشیق آآآآآ؛ سن محمد اومتی اولاراق سحرسحر دوروب ایکی روکت ناماز قیلمیرسان هله هئچ منیم خئیر ایشیمه ده بادالاق آتیرسان؛ قالایچی عمی:من بونو اونو بیلمه رم بیر دونه سحر تئزدن بانلایاسان توتوب بوزوگونه بَزَرَک یاغی سورته جه یم قونشو خوروزو:اَ اَ ا َا َاَ هه بونا منی بیر قاناتدی خوروز سن بیر قارتالمیش قوجا منی نه طهر توتاجاقسان؛ قالایچی مورتوض خوروزون بئله سرت جاواب قایتارمالارینی گؤرن نن سونرا بولگه ماللاسی اولاراق ددده ددلیگی شیخ یانینا گئدیب قونشو خوروزونون الین نن شیکایتلنمه گه باشلادی؛ددده ددلیگی شیخ آغانین یانینا واریب معروضه وئررک دئییر آی شیخ آغااااااا هارداسان کی قونشو خوروزو یئرسیز یئرسیز بانلاماقلارینان یئنگه دونیا خئیرینه ایسلامی اولکه میزدن جاسوسلوق ایشینن مشقول دور؛قالایچی مورتوض ددده ددلیگی ایش بیلن شیخ آغانین تدبیرینن خوروزو توتاراق محکمه ایاغینا گتیرمک ایسته ییر؛قونشونون خوروزو کو آلنی داغلی شیخ آغانین قورخونج حاکیم اولدوغونو ائشیتمیشدی یولو اوزونو قالایچی نی دیله توتاراق یالوار یاخار ائله ییر؛اشی من بیر مسلمان کیمین بو ایل نذیر ائله میشدیم ایاق یالین باش آچیق کربلایا گئدم؛مالی امکانیم اولمادان زیاراتا گئتمک عوضینه اوزومه سوز وئردیم کی بو گون نن او گونه ایکی اوچ آغیز آرتیق بانلاماغین نان اوز گوناهلاریمی باغیشلاتدیرمالی اولوم؛قالایچی مورتوض قونشو خوروزونون یئرسیز دیل توکمه لرینی ائشیده رک اونو برک قولتوغونا سیخیب دئییر؛ بو سویله دیکلرینن فاطی تومان اولماز باخ؛یول اوزونو قالایچی عمی بولگه ماللاسی شیخ آغانین اونون گوتونه سورته جک بزیر یاغین نان حکایه لر دانیشاراق بیله سینی آرتیقراق قورخوتماغا چالیشیر؛گئت گئده قالایچی عمی یه سو قیراغینا اوتورماق ال وئررک شالوار لیفه سی دئییه بئل باغیسینی آچیب بیر اوجوینان قونشو خوروزونون قیچینا باغلامالی اولور؛راحات جیلیغینان شالوارینی سییریب سو قیراغینا اوتوراندا بیر آنلیق بونلاری اوزاقدان اوزاغا ایزله یین تولکو قونشو خوروزونو قویوب قالایچی عمی سوپورنده.......................

+ نوشته شده در جمعه سیزدهم آبان ۱۴۰۱ ساعت 18:49 توسط (قلئی چی مورتوض)  | یک نظر

شمی دایی نین موشلوکو................

سحرسحر ایشه گئدنده قونشوموز کابلا قدرتی گوردوم کو حیات یولداشینان بیرگه سفره چیخماق ایسته ییرلر؛قونشونون به کئف اولدوغونو دویاراق ایاق ایره لی سوروشاندا کی خئیر اولا بئله تر تله سیک؛دوره بورکونو گوتوروب الینده توزونو سیله سیله دئدی نه اولاجاق باش کتده جاماهاتینان ایسلامی حکومتیمیزین قارشی دورمالاری باش وئررک بیزیمده کورکه نی یاخالاییبلار؛کوره که نین کورا فهله اولدوغونو بیله رک نه یه گوره توتوبلار سووالینی وئرنده علاوه ائله دی کی ائله بیل مکتبه گئدن قیز اوشاغی کتابینین ایلک واراغی جیریلماغینا اوشاغی سورقو سووالا توتاندا والدینین مکتبه گلمه سینی طلب ائله ییبلر نه ایسه مکتبه گئدنده اونودا دویه رک نامعلوم یئره آپاریبلار؛

قونشو سوزونو دئییب یولا دوشن نن سونرا تعجوبله نرک یادیما شمی دایی نین حکایه نی سالدی

هم یئرلیمیز شمی دایی نین پاپوروز ائشیب چکمه سی کند ایچینده آغیزلارا دوشموشدو؛چونکو شمی دایی هر ندن آرتیق اوز پاپوروز دم دسگاهینا یئتیشرک هند مارکالی قوطوسو توتونو و کاغیذی اولاردی؛توتونو کاغاذ آراسینا توکه رک ایکی بارماغی آراسیندا بورماغینان سانکی اوزون نن بدیعی اثر یاراداردی؛پاپوروزو موی آغاجین نان دوزلدیگی موشلوکه قویوب بیر باشا سوموراردی کی چکدیگی توتون اونا قانیق لیق وئرسین؛هردن موشلوکو گوزونون قاباغینا توتوب دلیگینی آنالیز ائله ینده سانکی گوی اولدوزولارینی گوزدن کئچیرتمک ایسته ییردی؛پاوپوروزو چکیب قورتاران نان سونرا سول الینن موشلوکو قیسیب ساغ الینن اونو ووراندا توپ گولله آتیلماسینی گوز قاباغینا گتیرردی؛اورتا یاش کیشی نین پاپوروزو چکیب آلدیغی نعشه داها منیم کیمین یئنی یئتمه اوشاقلارین ماراغیناسبب اولاردی؛ایللر بویو پاپوروز چکدیگینه گوره بورنونون دلیک لرینن چیخان توتون قاپ قارا بوغلارینی حیات یولداشی جئیران خالانین خینالی ساچینا چئویرمیشدیر؛بیز اوشاق ایکن تای توشلارین نان بیرگه شمی دایی نین موشلوکو دئییه بیربیرلریمیزینن سوز پایلاشیمی ائله ییردیک؛من و صینیف داشلاریمین تکجه آرزیمیز بو اولاردی کی کئشگه شمی دایی نین موشلوگونو اله کئچیریب تکجه دنه پاپوروزچکه بیلردیک؛کند ایچینده هر واقت شمی دایی گیلین ائوین نن قال ماغال سسی گلئیسیدی بیلردیک کی کاغاذدان توتون نن نه ایسه آرتیق اسکیک واریدی؛بیر دونه ائولرینده پاپوروز کاغاذی اولمادان گوتوروب بیرینجی مکتبه گئدن اوغلونون کتاب واراغینی جیراراق پاپوروزونا لوله ائله میشدیر؛نئچه گون نن سونرا اوغلو مکتبده معللیمین ایسطینتاغینا معروض قالاراق کتابین نان اعلا حضرت دئییه شاهین شکیلی جیریلاراق گوتورولوبدور؛اوغلانی سیخما بوغمایا سالان معللیم اولکه باشجیسی نین شکیلی نی ندن قوپارتمیسان سورقوسونو وئرنده عایله عوضولرینین مکتبه گلمه کلرینی طلب ائله ییر؛صاباحیسی گون شمی دایی پاپوروز قوطوسین نان مکتبه گلنده بللی اولور کو کتابین جیریلمیش واراغی اونون پاپوروز قوطوسوندادیر؛معللیم موضوعونو باشا دوشن کیمین کیشی نی تپیک آلتینا سالیب ووراراق اوجا سسینن دئییر وای کوپک اوغلو اولکه باشجیسی نین..........................

+ نوشته شده در شنبه هفتم آبان ۱۴۰۱ ساعت 9:41 توسط (قلئی چی مورتوض)  | یک نظر

باتان گمی ده ....................

اؤنووئرسته گئده رک یئنی تاپدیغیم یولداشلاریمین ایچینده اوزاق رایون نان گلمیش قوربان حسین ده واریدی؛آیلار اوتدوگوجه سویوموز بیربیریمیزه خوش گلن کیمین صینیف ده بیر اوتوروب شهردده بیر گزردیک؛من سونرالار آتامین مصلحتینن تحصیلی بوشلاییب بازاردا ایشه باشلایاراق دوستوم قوربان حسین تحصیلینی داوام ائله ییب عالیه تحصللی اولموشدور؛سونرالار قوربان حسین اوز یاشادیق لاری رایونا قاییداراق داها بیربیریمیزدن خبرسیزقالمیشدیق؛من بازاردا ایشله ییرک ایشیم چتین اولدوغونا واراندا دوستوم قوربان حسینه قیبطه ائله ییردیم کی او موطلق درسینی اوخویوب دولتی ایشلرینن مشقول اولمالیدیر؛نئچه ایل بیربیریمیزدن خبرسیز اولان کیمین من قوربان حسین دوستومو گورمک آرزیسیلا یاشاییردیم؛تصادوف اوزرین نن بیر گون تلفونوما زنگ آچان قوربان حسین له یئنی گوروشوب بیرلیکده کئچیردیگیمیز خاطره لی بولوشمه لی اولدوق؛هر حالدا دوستومون عایله لی اولوب بیر اوشاق آتاسی اولدوغونودا باشدا دوشدوم؛قوربان حسین نین گوذرانین نان سوروشاندا اللرینی اوکه له ییب بئکار اولدوغونو سویله ییرک دئدی کیرایه منزلده یاشادیغیمیزا هر ایلده شله کوله واری بو محلده او بیری محلله داشینمالی اولور؛علاوه دن بیله سینی سوزه توتوب یئنی ماراقلارینی باشا دوشنده بیردونه کسه یوللارینان اؤروپایا گئده بیله جه گین نن دانیشمالی اولدو؛قوربان حسین دوستومون اؤروپادا یاشاماق رویالارین نان خبر آلاندا آغیر اوزونتویله دئدی هئچ اولماسا سیغیندیغین دولت بیله نه صاحاب دوروب سنی ایش پئشه ینن تامین ائله مه ل اولور؛سونرالار خبرداار اولدوم کو قوربان حسین دوستوم حیات یولداشی نین آتان ائوین نن گتیردیگی جئر جئییزی دَییرین دَیمه زه ساتاراق آرواد اوشاغینی گوتوروب قارلی قادالی یولا چیخمالی اولور؛نئچه واقت سونرا تورکیه دن آدام قاچاق ائله ین نرین گمی سینه اوتوروب یونان آدلارینا دوغرو کئچه رک قودورقون دالغالارا توش گلمه لی اولورلار؛گمیده ده بوغولان وطنداشلاریمیزین سیاهی لارین ائشیدیب قوربان حسین آدینین اولدوغونو باش دوشنده اوز اوزومه دئدیم فارسلارین تاریخاَ تورکوستاندا گئدن یوللارینی قورخونج گوزترمه لری بو دونه.....................

+ نوشته شده در جمعه بیست و نهم مهر ۱۴۰۱ ساعت 17:17 توسط (قلئی چی مورتوض)  | نظر بدهید

سئحیرلی چانتا............

هر ایل اولدوغو کیمین بو ایلده پاییز موسومونون ایلک گون نری دئییه مدرسه لر آچیلماغا دوغرو گئدیردی؛منیم بو ایل کی مکتبین تئز آچیلماغینا ماراغیمین سببی یئنی صینیف داشلارینان تانیش اولماغیم اولوردو؛آنام هر ایل اولدوغو کیمین قاباقجادان مکتبه گئتمه گیمه حاضیرلیق ایشلری آپارارکن بو دونه قوتازلی یون چانتاسی دا بیله مه توخوموشدور؛مکتبه گئدن گون نن صینیف داشلاریما رغمن درسلریمی اوخویوب اوغور الده ائله مه لی اولوردوم؛منیم درسلیک لریمده ایره لیله ییشلریم اولارکن گاهدان تای توشلاریمین قیسناغینا معروض قالیردیم؛بعضی تانیمادیغیم یئنی صینیف داشلار درسلیک لریمده قاباغا دوشمه گیمی گوروب اوغورلاریمی سئحیرلی چانتامنان اولچمه لی اولوردولار؛ ؛چونکو اونلارین دفتر قلم قویوب مکتبه گتیردیکلری چانتالار پار پاریللایاراق گاهدان اجنبی مارکالی اولوردو؛من ایسه اوشاقلارین بیله مه سرت یاناشماسینی گوره رک اونلارین نان دیالوگ آپارماق ایسته ینده چوخ واقتلار معللیم قارا تاخدا قارشیسینا چاغیریب بیله می سورقو سووالا توتماق ایسته ییردی؛صینیف داشلارین منه قارشی قیسقانجیلیق لاری توتاندا ائله مه دیگیم گوناهین جاوابینیوئرمه لی اولوردوم؛نه ایسه آنامین ایاق ایره لی قویوب مکتب معللیمینه موراجیعه ائله مه گی داها منیم اوغورولاریمی آرتیرمالی اولوردو؛امما نه دئمک کی بیله مه قیسقانجیلیق ائله یین اوشاقلارین بیری چانتاما پارتلاییجی ماده قویاراق پارتداماسی اوز گوزومو یاندیریب بیله می خسته خانانلیق ائله میشدیر؛نئچه واقت خسته خانادا یاتیب اوز گوزوموزون یانیغی آزاجاق دوزه لنن سونرا یئنی دن مکتبه وارمالی اولدوم؛داها عیبه جر اوز گوزونن مکتبه گئدنده منه قیسقانان اوشاقلار اوستومه یورومه لی اولوردولار؛داواملی دوزوملو اولماغیمی گورن معللیم بیله مه آرخا دوراندا تای توشلاریمین سرت موناسیبتدیرینده اونوتمالی اولوردوم؛نهایت بیر گون شهر بلدییه ورین نن مکتبیمیزه گله رک سئحیرلی چانتا هئیکلیمی شهر میدان نارینین بیرینده قویولما خبرینی وئرمه لی اولدولار؛ایللر اوستون نن کئچن نن سونرا عالی تحصیللی اولوب اوجالدیلمیش سئحیرلی چانتا هئیکلیمین آلتیندا گله رک منه قیسقانیب فهله یاشایان صینیف داشلاریمی گورنده بیر داها اؤز اؤزومه دئییرم............................

+ نوشته شده در جمعه بیست و دوم مهر ۱۴۰۱ ساعت 17:0 توسط (قلئی چی مورتوض)  | یک نظر

آغ گویرچین..................

یادیما گلن نن ائله ده چول حیوان لارینا موناسیبتیم سرت اولمامیشدیر؛نه ایسه یئتمه چاغلاریمدا بیر جوت بالا گویرچین آلیب ساخلامیشدیم؛آنا اوشاغی نین نازینی چکن کیمین منده هر گون بو ات قانات گویرچین بالالارینا دن سو وئررک بویوتمه لی اولوردوم؛بونلاری بویوتمکدن مقصدیم سونسوز گویلره اوچورداراق اوزومده اونلارین تیمثالیندا اوزگولورک تامینی یاشاییب دویماق ایسته ییریم؛گویرچین لریمین رنگینه گلدیگجه بیریسی دوم آغ و بیری ایسه قاناتی خاللی اولموشدور؛هفته لر آیلار گئچدیکجه گویرچین لردن چوخ اوزوم تله سیردیم اونلاری اوچورتماغینان اوز روح یوکسک لنمه لریمه گتیریب چیخاردا بیلیم؛چونکو یئل قانات قوشلارین گوی قاتلارینا یوکسلمکلری انسان احوال روحیه سیندده دَییشیک لیکلر یاراتمالی اولور؛گاهدان اوز اوزومه فیکیرله شیردیم آدی قوشلار من نن چوخ اوچماق آنلارینا فیکیرله شیب و تله سه بیلرلر؛گئت گئده قاناتلاری برکه ییرک هردن اولوردو کواونلاری چول باییرا آپاراراق دار قفسین آغزینی آچیب اوچماق لارینی گورمک ایسته ینده قاناتی خاللی گویرچین قانات ووروب اوچماق ایسته سه ده نه سببدن آغ گویرچین قفسدن بئله ائشیگه چیخماق ایسته مه ییردی؛چونکو من ائشیتمیشدیم آغ گویرچین لر سئوگی رمزی اولاراق ایلکن قانات ووروب ارکه گینی اوز داللارینجا چکمه لی اولولار؛امما منیم ساخلاییب بئجردیگیم آغ گویرچین نه قدر گوزل اولسادا ارکه گینن ماراقلانمادان قفس ده یاشاماغی خوشلاییردی؛آغ گویرچینین سوسقونلوغونوگورنده اوز اوزومه قاپاناراق دئییردیم بو قوش ندن بئله آزاد اوزگور یاشاماقدان چکینمه لی اولور؛بیر گون یئنی یئتمه خیالیمنان قفسلرینی گوتوروب یاشادیغیمیز بولگه نین اَن یوکسک زیروه سینه چیخدیم کی کوچری قوشلارا یاخینلاشمالی اولوم؛چونکو بئله دوشونوردوم آغ گویرچین چوخ سایلی کوچری قوشلارین اوچماقلارینی گؤرسه هوس له نیب اونلارینان بیرگه اوچاراق آزادلیق نغمه سینی اوخومالی اولاجاقدیر؛قفسی بیر داش اوستونه قویوب قاپیسینی آچماق دان اؤنجه موشاهیده ائله دیگیم صحنه داها منی تعجوبلندیرمه لی اولدو چونکو بو دونه آغ گویرچین باشینی قفسه دویرک ارکه گینه اورک وئرمه گینن بیرلیکده اوچماقلارینی طلب ائله ییردی؛بو ایش منی ماراقلاندیران کیمین تئز قفسین قاپیسینی آچاراق قانات ووروب اوچماقلارینا شرایط یاراتمالی اولدوم؛امما نه یازیق کی بیرینجی دونه آزادلیق تامینی گورمک ایسته یین آغ گویرچین بیر آنلیق ییرتیجی قوزقون جیرناغینا توش گله رک عومورلوک آزادلیق حسرتینی اوزینن گورا آپارمالی اولدو؛من ایسه ایللر بویو او طالئعین آجیسی نی اوزومده یاشاداراق کئچن گونلرده مهسا امینی و حدیث نجفی بالالاریمیزین اوزگولوک قوربانی اولدوقلارینی گورنده بیر دونه................

+ نوشته شده در جمعه پانزدهم مهر ۱۴۰۱ ساعت 17:21 توسط (قلئی چی مورتوض)  | یک نظر

فرقیلی دردلر................

و دونه ده باش کتده اسلامی حکومتینن جاماهات آراسیندا قارشی دورمالار یاراناراق منده یاشیدتایلاریم نان بیرگه اعتراضلارا قاتیلمیشدیم؛نئچه گون کوچه لر چیخیب هر کیمسه اوز باتمیش حاققینی طلب ائله ییرک شعارلار سسلندیرمه لی اولوردوق؛نه ایسه بو قارشی دورمالارین بیرینده نئچه وطن داش دویلت مامورونون گولله سینه توش گله رک یارالانیب و حیاتینی قایب ائدنده اولموشدور؛ من ایسه مامور الینه کئچه رک هله لیک حبسه معروض قالمیشدیم؛یئنی توتوقلانیب توره مه یه گتیریلن اعتراض چیلار کوچه لرده باش وئرن اولایلاری بیله میزه چاتدیرمالی اولوردولار؛توتوقلانان نار قورتولوش گون نرینه بیربیرلرینن دیالوگ آپاراراق سوز پایلاشیمی ائله ییردیرلر؛بیرگون علاوه دن نئچه نفر دوره اوتوروب سوز پایلاشیمی ائله ینده کورد وطنداشینین ناحاقجاسینا اولدورمه سینه گوره اعتراض ائله دیگینی سویله ییب بوجور اولایلار سون قویماق ایسته ییردی؛لور وطنداش گونده لیک ایش سیزلیک و ارزاق باهالیغینا گوره اعتراض ائله دیگینی سویله ییب باهالیغی و ایش سیزلیگی آرادان قالدیرماغی حکومتدن طلب ائله ییردی؛منیم سول یانیمدا اوتوران فارس وطنداش آنا باجیسی چارقات اوردوگونه گوره اعتراض ائله دیگینی دیلینه گتیرنده نه ایسه منده سوزلرینه قاتیلان کیمین دئدیم کئشگه تورک وطنداش اولاراق منیم ده ایسته گیم سیز دئیین نر اولاردی.........................

+ نوشته شده در جمعه هشتم مهر ۱۴۰۱ ساعت 16:48 توسط (قلئی چی مورتوض)  | یک نظر

دووارادا.............

بو قارشیلیق لی گون نرده خبر گلدی کی کاتا یئزنه میز نوخودعلی نین ده توتوبلار؛باجیم گوزلرینین لیلیغینی آخیدا آخیدا بیله مه زنگ آچیب دئیینده کی اوشاق لارین دده سی باشا دوشدوم کو بو دونه ده معتبر دده لیگیمه اوز ووروب آزادلیغینی ایسته مه لی اولاجاغام؛آخی بیلیرسیز منیم معتبر دده ددلیگیم(شیخ آغا) اورت باسدیر ماحالی نین باشجیسی کاتدا ایسلامین بافیر داشی دیر؛باجیم اوشاقلارینا گوره ده اولسا ناچارچیلیق دان یوز گیرام قارا قیزیل(تیرگک)آلیب شیخ حضرت درینین قوللوغونا وارمالی اولدوم؛تیرگه گی زادی چکیب نعشه له نن سونرا معتبر دده دلیگیمی گوتوروب پولوس بولومه سینه گئتمه لی اولدوق؛ددده ددلیگیم ایریسین اوتاغینا واریب نوخودعلی نین آزاد اولونماغینی ایسته ینده لاپدان پولوس بولومه ایریسی شیخ آغانی الینی اوپه اوپه دئدی اوزوم ایاغی نین آلتینا شیخ حضرت لری بو دونه اولماز؛هاچان نان هاچانا دوشوموآریدیب پولوس بولمه ایرسینن سوراندا کی جورمه نمنه دیر کی یئکه باش شیخ آغامیزین سوزونو یئره سالیرسان؛پولوس بولمه ایرسی دئدی واللاه سیزین یئزنه نی توتاندا گوناه سیز اولدوغو نظره گلیردی؛امما بیله سینی گتیریب تک داما سالان نان نه ایسه ایسلامی حکومتیمیزین علیهینه دانیشیر؛من آغزیمی آچیب دانیشماق ایسته ینه ددده ددلیگیم پولوس بولمه ایرسینی هایا باسدی کی نوخودعلی تک دامدا نه دئییرکی؛علاوه دن پولوس بولمه ایریسینین ال ایاغینی یشیغیشان کیمین اوتانا اوتانا دئدی؛سیزین یئزنه تک داما سالینان نان اوزونو دووارا توتوب دئییر؛ آی باشی داشلی به ناواقت آدام اولاجاقسان؛ آی یولو یومرولموش ندن دانیشانین آغزینا وورورسان؛ آی سامان آلتی نین سویو ندن اوغرولارین قاباغینی آلمیرسان؛ آی قوچاق اوغلو ندن باشیمیزدان ال چکمیرسن؛ پولوس بولمه ایرسینین سوزلرینی ائشیدن شیخ آغا استفوروللا دئییه دئییه یولادوشمه لی اولدو؛منده کورو پئشمان دوروب یول اوزونو شیخ آغانین عصبلشمه گینی گورنده اوز اوزومه دئدیم بو اولکه ده..................

+ نوشته شده در شنبه دوم مهر ۱۴۰۱ ساعت 19:16 توسط (قلئی چی مورتوض)  | نظرات

حوزون نو گونلریمیز...............

شاهین آدام اولدورن قوشون ناری آزاربایجانین باش کندی اولاراق تبریزی اله کئچیرن نن سونرا آییری بولگه لریمیزده کی فدایی دسته لری ده لنگیمه گه باشلامیشدیرلار؛قیشین سویوق گون نری دئییه تبریز کوچه لرینه چیخاندا یوزلرجه دینج اهالی اولدورولوب باراتالارینین دونوب یئرده قالدیقلاری گورونورودو؛منیم آتام دا تهرانین علیهیمیزه ائله دیگی یوروشه قارشی چیخاراق آفدامات گوتوروب میللی حکومتیمیزی قوروماغیچین حربی دسته لره قوشولموشدور؛او گون نری تکجه تبریز اهالیسی یوخ بلکه آذربایجان بولگه لرین نن اولوم دیریم خبرلری یایلاراق داها جاماهات تشویش ایچینده یاشاماغا معروض قویوردو؛آنام آتامین هله لیک قددار شاه مامورولارینین الینن قورتاریب قاچماغینی ائشیده رک بیر گون گله جه گینی دوشونوردو؛چاراسیز آنام بیزی قاناتی آلاراق گون نرینن قاپینی دالدان باغلاییب ائوده قالماغیمیزی مصلحت گوروردو؛امما بو قارشی دورما باشلان نان فدایی آختارماق آدی آلتیندا شاه مامورلاری جاماهاتین ائولرینه سوخولوب اولان ارزاغینی گوتوررک قیز گلینینده ال اوزاتماق ایسته ییردیرلر؛گاهدان اولوردو آنام گئجه قاران نیغی ال وئرن کیمین کیشی پالتاری گئینیب یاخین ناریمیزا موراجیعت ائله ییرک آتام نان خبر توتماق ایسته ییردی؛آنامین گئدیب گئج گلمه سی داها من نن باجی قارداشلاریمی تشویشه سالاراق آغلاییب سس کوی سالماقدان چکین مه لی اولوردوق؛هفته لر سویوق اوجاق قارشیسینا ییغیشیب آج قالاندا یازیق آنام بیله میزی دوره سینه آلاراق یامان گونون عومورو آز اولار دئییه بیله میزه توخداقلیق وئرمک ایسته ییردی؛میللی حکومتیمیزداغیلان نان سونرا شاه مامور باشجیلاری متمادی اولاراق هر جوم آخشامی شهرین باش میدانیندا فدایی لری دارا چکمه گینن قاچیب داغ دره یه سیغینانلاریمیزین اراده لرینی قیرماق ایسته ییردیرلر؛بو آجیناجاقلی گون نرین بیرینده آتامین یاخالانما خبری عایله میزه چاتیب آنامین گوزلرینه اوتوران اومودسوزلوق آنناری دویاراق بون نان سونرا عایله میزین باشینا نه لر گله جک دئییه گوز یاشلاریمی توکمه لی اولوردوم؛آتامین یاخالانما خبری گلن نن سونرا آنام متمادی اولاراق جوم آخشامیلار سحر تئزدن اوزونو قیشین قار بورانینا وورماغینان شهر باش میدانینا چاتدیریب یئنی دن دارا چکیلن نرین کیم اولدوغونو بیلمک ایسته ییردی؛بیر گون علاوه دن قاپینی اوزوموزه باغلاییب حیات یولداشی نین سالیق سوراغینا گئدن آنام گورنده کی بو دونه دارا چکیلن اونون عومور گون یولداشی دیر دایانمادان اوزونو دار ایاغینا چاتدیریب بیله سینی قورتارماق ایسته ینده اودا شاهین آدام اولدورن مامور باشجی سینین گولله سینه گله رک آدینی وطن قوربان ناری سیراسینایازدیرمالی اولور؛او گرگین نیک لرینن اوستون نن سکسن نئچه ایل کئچسه ده ایندی ده وار یادیما دوشنده بیر دونه ......................

+ نوشته شده در جمعه بیست و پنجم شهریور ۱۴۰۱ ساعت 19:51 توسط (قلئی چی مورتوض)  | نظرات

نیکاح سیز دوغولان اوشاق............

دلی قاننی ایرحمان آشاغی طبقه لی بیر عایله نین یئتیرمه سی اولسایدیدا شهرده وارری کارری عایله دن بیر قیزین سئوگی تورونادوشموشدور؛آرا سیرا قیزی گورنده سنی سئویرم دئییه نه ایسه آرالارینداسوز پایلاشیمی ائدیردیرلر؛گاهدان اولوردو کو قیز قارداشلارینین گوزونو یاییندیراراق اوزونو ایرحمانین قویدوغو عنوانا چاتدیریب بوش واقتلارینی بیربیررینن کئچیرتمه لی اولوردورلار؛بو گوروشمه لرده ایرحمان گله جک یاشایشلارین نان سوز آچاندا نه ایسه قیز الین الینه سورته رک اوزونو ایرحمانا توتوب دئییردی آتاسیزاولدوغوما قارداشلاریم ایذن وئرمه سه لر بیز چتین عایله قورا بیله جه ییک؛چونکو دوغورداندا قیزین قارداشلاری شهرین تانینمیش خالچا تاجیرلری اولاراق اللرینن آلتیندا هئچ اولماسا ایرحمان کیمین اؤن اؤن بئش نفر ایشله یین نری واریدی؛بیر نئچه واقت بونلارین گوروشمه لری داوام ائله ییرک سوندا ایرحمان قیزی قاچیرتماق قراری گلمه لی اولور؛قیز ایرحمانین تکلیفینی ائشیده رک تشویشه ایچینده یاشاسادا نهایت کی اوغلانا قوشولوب بیرریکده شهردن چیخمالی اولورلار؛نئچه گون یاخین شهرجیکلرین بیرینده اَیله نیب قالماغال یاتان نان سونرا یاشادیقلاری شهره دوننده یول اوزونودئییه پولوس بولمه لرینین بیرینده ساخلانیلاراق قیزین آدام نفرینن اوزلشمه لی اولورلار؛چوخلو کئشمه کئشدن سونرا قیزی اوغلانین الینن آلاراق اوزونوده قصداَ آدام اوغورراماق آدینان محکمه یه وئرمه لی اولورلار؛ایرحمانین آتاسی اوغلو تورمه یه دوشمه سین دئییه ایاق ایره لی قویوب قیز قاپیسینا آدام گوندرسه ده یئنی دن قیزین قارداشلاری سرت موناسیبت گوزترمه گینن گلن کیمسه نی اوزلرین نن اوزاقلاشدیرمالی اولورلار؛بیر نئچه آی تورمه یه دوشن ایرحمان نهایت تانیش لارینین ضمانتینه گوتوروله رک هله لیک حبس جزاسی چکمکدن جان قورتارمالی اولور؛بو ایش اوزاندیقجا قارا یازی قیزین قارنی بویویوب اوشاغاقالماغی بللی اولاراق قارداشلاری باشیمیزی آشاغی ائله دین دئییه بو بیر آبیرچیلیغا سون قویماق قرارینا گلیرلر؛ائله لیک بیر دونه ایشلرینی محکمه یه سالیب بو دونه باجی لارینین ایرحمانا وئریلمه گینی محکمه باشجی سین نان طلب ائله ییرلر؛ایرحمانین آتاسی کی دونه دونه قیز قاپیسینا گئدیب اونلارین سرت موناسیبتدرینن اوزلشمه گینه گوره بودونه ایاغین یئره وئرن کیمین اوزونو اوغلونا توتاراق دئییر من محکمه زور تطبیغینن قارنی بورنودا گلینی ائویمه گتیره بیلمه رم؛بئله لیک له قارنی بالالی گلین محکمه نیظارتی آلتیندا قالاراق واقت وعده سینه قدر دوزوب نهایت کی اوشاغینی دونیایا دونیایا گتیرمه لی اولور؛قیزی تانییان نارین دئدیکلرینه رغمن سونرالار عایله قوروب اوزون ایللر یاشاسادا امما نه دئمک کی ایرحمانین و یئنی نیکاح سیز دوغولان اوشاغین طالئعی هله ده وار..................

+ نوشته شده در شنبه نوزدهم شهریور ۱۴۰۱ ساعت 10:53 توسط (قلئی چی مورتوض)  | نظرات

قاپالی سیر............

- باغیش دا گنج لیک ایللرینی یاشایاراق واقت وعده سی باشا گلن کیمین همرریسی خاتای خانیما اورک وئریب یئری گلنده سنی سئویرمه دئییه بیله سینه مراجیعت ائله ییردی؛خاتای خانیم تای توشلارلارینا رغمن گؤزللیگینن علاوه گیرری قوللو واننی کورک لیگینن تانینیردی؛خاتای خانیم آتا عایله سینین گونده لیک ایشلرینه قاتیلاراق یئری گلمیشکن اللی کیلولوق بوغدا تایینی گوتوروب آت قاطیر بئلینه وورماغینان اوز قولونون گوجونو گوزترمه لی اولوردو ؛خاتای خانیم گاه گودار اوبا ارلرین نن تشکیل اولونموش آت یاریش مالارینا قاتیلاراق بیر دونه اوز باجاریغینی اورتایا قویمالی اولوردو؛گئت گئده خاتای خانیمین آدی دیللره دوشه رک اوزاق دان یاخین نان اوغلونو ائولندیرن خان و بی لرین دیققت مرکزینده اولور؛باغیش بی سئودیجه گیم الدن گئتمه سین دئییه ایاق ایره لی قویاراق اوز ائلچی لرینی گوندرمه لی اولور؛چوخلو گل گئت دن سونرانهایت کی بو جوتلوک ائوله نیب حیات قورمالی اولورلار؛امما نه دئمک کی باغیش بی ائوله نن سونرا حیات یولداشی نین جنسی مسله دئییه قادین اولمادیغینی باشا دوشه رک ایکی یول آیریجیلیغیندا قالمالی اولور؛باغیش بی اوچ دوردایل بئله جه یاشاییب دفعه لرله حیات یولداشینی بوشاماق ایسته سه ده اوز خیالیندا کی خاتای خانیمنان واز کئچه بیلمه ییر؛نه دئمک کی ار آرواد آراسیندا اولان بو چاتیشمامازلیق گئت گئده بویوک فیضولی دئمیشکن عشق گوجوینن آسان اولماغا باشلاییر؛داها سونرالار خاتای خانیم ایاق ایره لی قویاراق حیات یولداشینی ائولندیریب اوزوده عایله نین بیر عضوو کیمین یاشاملارینا داوام ائله ییرلر؛یئنی گلن گلین باغیش بی یین عایله سینه اوغور گتیررک دال بادال اوشاغا قالماغینان خاتای خانیمیندا بوشلوغونو دولدورمالی اولور؛خاتای خانیم باغیش بی یین عایله سینده قادین دونوندا یاشاسادا آتاسی ائوی کیمین حیات یولداشینین چاتیب ائله مه دیگی آغیر ایشلرینی یئردن گوتورمه لی اولور؛ایللر اوزونو دئییه گوله یاشایان بو جوتدوک گئت گئده خاتای خانیمین خسته له نیب دونیاسینی دَییشمه گینن نتیجه له نیر؛باغیش بی ایلک سئوگیسینی الدن وئرسه ده آرالاریندا سیرری اولان سیرری اولونجه قاپالی ساخلامالی اولور ....................

+ نوشته شده در جمعه یازدهم شهریور ۱۴۰۱ ساعت 19:37 توسط (قلئی چی مورتوض)  | نظرات

شام آغاجی.................

هر دونه باغیمیزا گئدنده آتام پیردیر دئییه اورتادا کی قولاج دولانماز شام آغاجینی اوپه رک سوندان ایشینه باشلایاردی؛گئت گئده بو ایش عایله عوضولریمیزه کئچیب عنعنه اولاراق داوام ائله ییردی؛منی ایسه گوزوموآچان نان آتامین یوز آغاجدان بیریسینی قوتلاماغینا فیکیررشرک اوز اوزومده باغلی سوواللارینان اوزلشمه لی اولاردیم؛یادیمدادیر ابتدایی صینیفه گئدنده بیر گون ائویمیزده باغ باغاتدان سوز دوشرکن آتامین بویان او یانینا کئچیب جاوابسیز سووالیما ایضاح وئرمه گینی خواهیش ائله دیم؛آتام ساغ الینن دن دوشموش ساچینی سولا دارایاراق درین خییالا گئتمه لی اولدو؛هاچان نان هاچانا اوزونو اله آتام منی یانینا چاغیریراق دئدی؛سوزونو سالدیغیمیز شام آغاجی باغیمیزین سوی کوکو اولاراق واقدیکان دوره سینه اکدیگیمیز هر نه وار اونون حال هاواسین نان قول بوداق آچیب اؤن ایللردیرکی بار وئرمه لی اولورلار؛آتام بو سوزلری دانیشدیقجا اوز عایله میزین حکایه سیدیر دئییه سانکی جاوابسیز سوالیما چاتمالی اولوردوم؛اوز اوزومه فیکیررشیردیم کی شام آغاجی ائله آتامین اوزو اولمالیدیر؛او چاغدان بری باغیمیزداکی تاپیناجاق شام آغاجی دا منیم ده سجده گاهیم اولموشدور؛سیراوی هر ایلین تزه لنمه سینده گؤرردیم کی باغیمیزین آغاجلاری شام آغاجینین دوره سینه ییغیشیب یئنی بار اوتورماقلارینا اون نان خئیر دوعا آلماق ایسته ییردیرلر؛ایللر اوتدوکجه بیزیم گوللو ایپارری باغین حکایه لری خالچا رسساملیغی اوزره چالیشان صنعتکارلارین دا دیققت مرکزینده اولاراق شلاله سنفونییا صادالاری آلتیندا آداق بازلیق ائله یین ساری کوینک قوشلارین نان رسملر چکردیرلر؛بئله لیک له بیزیم باغین ال الوان چیچک رسم لری سوبای قیزلارین توخودوقلاری ایپک خالچالارین نار ناققیشینا چئویرلردی؛آخی بیلیرسیز بیزیم باغدا آلما قیرمیزی یاناغینان هیوا آی بنزلیگینن اوتانقاج سویود اوزون ساچلارینان یولدان گلیب کئچن نری موشاعیت ائله ییردیرلر؛هر ایل پاییز اراده لری دئییه یاپراق قیزیللیغی نی گؤررک شام آغاجیناندا ودالاشیب علاوه دن یاز گلیشینی گؤزله مه لی اولوردوق؛قیش گون نری باغیمیزین آغاجلار گوی چارقاتدارینی آغ اورپه گینن عوضله ینده سانکی بویوک شهریار دئمیشکن طاهیر بی چیخاراق آغ ایواندا دوروب آغ دوواقلی زوهره نی گوزله ییردی؛یادیمدادیر سونون کو ایللر قار قیرؤو ارییب باغ اجماسی شام آغاجینین دوره سینه ییغیشاراق بیر دونه خئیر دوعا ایسته یینده سانکی آدی گئدن کولک لی قیش اوز ایشینی گؤرموشدور؛دوزونو دئسم او یاز باغیمیزداکی آغاجلار یاشیللانیب بارا اوتورسالاردا اینانج یئریمیز اولان شام آغاجی یوخ بلکه ده آتامین خسته لنمه گی...................

*

بویوک تورکولوژ و عالیم محمد حسین زاده صدیغین اولوی روحونا ایتحاف یازدیم

+ نوشته شده در جمعه چهارم شهریور ۱۴۰۱ ساعت 19:43 توسط (قلئی چی مورتوض)  | نظرات

هله ده وار...............

فدایی لیق باشلانان نان بیزیم ده بولگه میزین مولکه دار خانی قاچیب هله لیک جانینی ظلم ائله دیگی قارا خالقین الین نن قورتارمالی اولموشدور؛عدالت اوزرینده قورولان ملی حوکومتیمیز قاچان مولکه دارین اکینه جک یئر یوردونو یئرری جاماهات آراسیندا پای بولوش ائله ییرک بیر ایلین ایچینده بویوک آردیملار آتمالی اولموشدور؛کاپیتال(نظام سرمایه داری) اوستونده قورولموش دونیالیق اویونبازلارینین الینن هده له نن ملی حوکومتیمیز نهایت کی 1325نجی پاییز اراده لرینن محمد ایرضاشاهین هوجومونا معروض قالمیشدیر؛بو آمانسیزقارشی دورمادا مین نرجه الی آفداماتدی فدایی لریمیزین قانی توکوله رک ملی حوکومتیمیزده دارما داغین اولموشدور؛فدایی لیق داغیلان نان سونرا خایین خاننارین بلدچیلیگینن قددار پهلوی رئژیمی آییری بولگه لره رغمن بیزیم یاشادیغیم رایوندادا پاسگاه قوراراق گونده لیک جاماهاتین نه ایشلرینن مشقول اولدوقلارینی کشفیات اداره سینین نظارتی آلتینا آلمیشدیر؛بیزیم بولگه یه گونده ریلن مامور باشجیسی مرکزدن تاپشیریق آلاراق باجاردیغی قدر یئرری جاماهاتا اذییب آزار ائله ییرک بو دونه یئردن چیخان بولاق سویونا قدر مالیات آلمالی اولوردو؛پهلوی قاپیسی نین قاب یالاقچیسی کئچمیش بولگه مولکه داریمیز(خان) بیر دونه بولگه میزه قایداراق مامور باشجیسینان ال بیر اولاراق کیمی توتوب و کیمی سینی اولدورمکده ایشتیراک ائله ییردی؛مولکه دار دویلت ماموروینان بیرریکده بوش واقتلارینی فدایی آختاریریریق دئییه کتدری دولانیب اؤزگه نین قیز گلینینه بئله ال اوزاتمالی اولوردورلار؛دونه لرله یئرری جاماهات ورین نن بو مامور باشجیسی نا خبردارلیق اولونسادا جاماهاتین اعتراضلارینا باخمایاراق باشیندا مودافیعه ائله ینن دویلتی اولمایان وطن داشلارین آرواد اوشاغینا اوجشمه گه بئله سون قویماق ایسته میردیرلر؛ ؛نهایت کی مامور باشجیسی و خانین الین نن زینهارا گلن نئچه قیرتدی گنج قرآن اوستونه ال قویاراق آند قسم ائله ییرلرکی ظلمه قارشی چیخماغینان بیر دونه خالقیمیزی بئلن چیلیک مامور و ذاتی خاراب خانین الینن قورتارمالی اولسونلار؛آندلارینا صادق قالان کیمین بیر قیش گئجه سی آرخا آرخایا وئریب خانین یاشادیغی ائوی گول له آغزینا وئررک نوکر نئییبی اولدوروب اوزونده یارالایاراق هله لیک گیرو گوتورورلر؛امما نه یازیق کی جاماهاتین عرضه سینی اوخومایان مامور باشجیسی هله ده وار ظلمکار خانین آزاد اولونماسینی طلب ائله ییرک میللتچیلر آراسیندا نیفاق یاراتماق ایسته ییرلر..................

+ نوشته شده در جمعه بیست و هشتم مرداد ۱۴۰۱ ساعت 20:52 توسط (قلئی چی مورتوض)  | نظرات

یئنی دوغو.لان اوشاق(2)...............

آتالار دئمیشکن بالالی قارقا بال یئمز میراحمد ده اوشاغی اولان نان سونرا داها تئز تئز ائولرینه باش وورمالی اولوردو؛نهایت بوواقتسیز گل گئتدرین بیرینده حوزه مامورونون الینن توتوقلانیب عسگرریک آدینان سانکی گئدر گلمز یوللارا گونده ریلیر؛میراحمد عسگرریک گون نرینی کئچه ررک عایله سینین پیس دورومودااولدوقلارینی دوشونوب دفعه لرله ساخلو(پادگان)دمیر مفتیللری آراسین نان قاچماق ایسته ینده بیر دونه گوزتچی ورین نن گولله نیب حیاتینی دَییشیر؛میر احمدین عایله سینده دوغولان اوغلان اوشاغی گؤزونو آچان نان عایله ده آتابوشلوغونو گؤروب آناسینا موراجیعت ائله ییرک آتام ناواقت گله جک سورقوسونو وئرنده سانکی ائولرینده ایمام حسین مصیبتی باش وئریردی؛چونکو میر احمدین قوجا آناسی هله ده وار اوغلونون دویلت مامورو ورین نن اولدورمه سینه اینانماق ایسته میردی؛آتا بیر یوللوق گوزتچی گول له سینه توش گلیب اولوم بورجونو اوده سه ده اوغلو هر گون صینبف داشلارینین اورک آغریدان سوز صحبتدرینی ائشیتمه لی اولوردو؛ آتاسیزلیق ایللرینی یاشایان اوغلان جیقاز اوره گی سیخیلاندا آناسینا اوزونو توتوب آتاما نه گلیبدیر سورقوسونو وئرنده هر دونه عاغلینا سیغماز جاوابلارینان اوزله شیردی؛اوغلان جیقاز بالتا یاراسی آلمیش جاننی آغاج کیمین بویودوکجه آجی آغریلارینان قول قانات آچمالی اولور؛سونرالار اونو وئرسئته داخیل اولوب باشا دوشنده کی آتاسی عایله قایدینا قالاراق اؤتلو سیلاحینان اولدورولوب(سیلاح سیز دونیامیز) آدلی بیر کتاب یازاراق دونیالیق اولکه لردن اؤتلو سیلاح سوروساتین ییغیشدیریلماق دوشونجه سینی اورتایا قویور .......................

+ نوشته شده در شنبه بیست و دوم مرداد ۱۴۰۱ ساعت 21:0 توسط (قلئی چی مورتوض)  | نظرات

یئنی دوغولان اوشاق..............

آتاسیز میر احمدین آدی عسگرلیگه چیخسادا نهایت کی اورک وئردیگی قیز گوتوروب قاچیرتمیشدیر؛قیزی گوتوروب قاچمامیشدان اؤنجه آناسینا سوز وئرن کیمین دئمیشدیر سن نیگران قالما اللاه دئیین اولسا ایشله ییب حیات یولداشیما پال پالتاردان توتموش سیرقا بیلزلیگینه قدر آلاجاغام؛امما نه دئمک کی تای توشلاری ییغیشیب عسگرلیگه گئده رک میراحمد عایله می باشی کسیک قویوب گئده بیلمه رم دئییه دونه دونه حوزه مامورونون الین نن قورتاریب قاچمیشدیر؛قوجا آناسی و قاچیرتدیغی آغزی یاشماقلی حیات یولداشینین قایدینا قالاراق گئت گئده قاچاق عومرو یاشامالی اولوردو؛ ائولی میر احمد گون اوزو داغ دره نی دولانیب اوز دالدالیغا ووروراق بعضاَ گئجه لر جاماهاتی یوخویا وئرن نن سونرا ائولرینه گلسه ده آناسی و حیات یولداشی نین تشویشه ایچینده اولدوق لارینی دوشونوردو؛دونه دونه دوست تانیشین قیناغینا معروض قالان میراحمد قاچاق عومرو یاشاماقدان یورولاراق گاهدان دا اوز اوزونه فیکیرله شیردی کی عسگرلیگه گئتسه قوجا آناسین نان آغزی یاشماقلی حیات یولداشینی نی کیمین اومودونا قویمالی اولاجاق؛چونکو میراحمدینن آدداری چیخان تای توشلاری نین پاینا دوشن عسگرلیک لرینی قورتاریب گله رک آلنی آچیق اوز گونده لیک حیاتدارینا داوام ائله ییردیرلر؛دونه دونه کند جاماهاتینان چوغوللوق ائله ییرک میر احمدی توتدورماق ایسته سه لرده آمما اوقارتال قاناتینان اوزونو حوزه مامورونون الین نن قورتاریب قاچمالی اولوردو؛کند یئرینده دونه دونه میراحمدین دالینجا دوشوب حوزه مامورونا یول بلدچیلیگی ائله یین نرین سایی آز اولسادا خایین نیقلارین نان اونو قیسناغا قویماق ایسته ییردیرلر؛بو یانناندا میر احمدین حیات یولداشی اوشاغا قالاراق داها شله سینین آغیر اولدوغونو دوشونوردو؛ ؛دره دربتدن علاوه داغ یوکسک لیک لرینده گونون کئچیردن میراحمد اوزاق اوزاقدان کتدن گلن سس لری ائشیدیب نه اولدوغونا باشا دوشمک ایسته ینده بیرگون ناهاردان سونرا واقتسیز وئریلن آدان سسی داها اونون دققتینی چکیر؛گئجه نین بیر یاریسی کنده یاخین ناشیب واقتسیز وئریلن آذانین سببینی سوروشاراق حیات یولداشینین اوغلان اوشاغی دوغماسین نان خبردار اولور؛امما گئت گئده دوغولان اوشاغین طالئعی......................

*

بو حکایه سیراوی اولاراق گلن هفته لرده آردی یازیلاجاق

+ نوشته شده در شنبه پانزدهم مرداد ۱۴۰۱ ساعت 17:42 توسط (قلئی چی مورتوض)  | نظرات

اوزاق تانیش............

باشیما قاخینج اولان بوخؤیلو خانیمنان ائوله نن بری یئری گلمیشکن طئئئئئئئئ بیله سینه دئییرم آی ایرحمتدیگین قیز نوه سی سن ائوین قادینی اولمالیسان؛منیم نه دئمه گیمه دوداق بوزه رک ایتینن پیشیک کیمین یوخ باغیشلایین گشت ارشادینان جاماهاتین زنن اوشاغی کیمین یاشاییریق ؛نئچه ایل بو مسله نین اوستون نن کئچن سونرا بیر گون طبیعت قوینونا چیخاراق اوتوز ایلدن سونرا اوزاق تانیشلارین بیرینن گوروشمه لی اولدوق؛چونکو گوروشدوگوموز عایله باشجیسی بیعار به نامیس اولاراق ائوله نن سونرا چیخارتدیغی پول پارانی قهبه قیلماش یولونا قویوب تورک کیشی سینه یارامایان ایشلرین نن مشقول اولوردو؛اوتانیب قیزارمادان داها سونرالار اوزاق رایون نارین بیرینده بیر یازیق کیشی نین آروادینی بوشاتدیراراق ایکینجی دونه ائوله نیب اول کی حیات یولداشینی ایکی بالاسی نان باشی کسیک قویمالی اولور؛امما عکسینه گوردوگوموز اوزاق تانیشین اوشاقلارینین آناسی اوزونو ائوین قادینی ساناراق بیر قیرتدی شرفلی تورک قادینی کیمین ائولرده ایشله مه گینن اوشاقلارینی بویودوب عالیه تحصیللی ائله ییرک ائل طایفا ایچینده شرفله یاشامالی اولور؛ امما نه دئمک کی ایکینجی دونه آلدیغی آرواد اوزاق تانیشین چاش اولدوغونو باشا دوشوب ساغ قولونو کبینینه سالدیراراق ائوینه ار یوخ بلکه ده ائوینه قوللوقچو گتیرمه لی اولور؛ائو اوغلو گئدن اوزاق تانیش ایللر بویو یاشاییب قارتالان نان سونرا آرواد گوتونه بیر تپیک ووروب ائوین نن چیخارتمالی اولورلار؛یئنی دن اوز ایلکن قوردوغو عایله یه اوز توتوب حیات یولداشی ورین نن قبول اولوناراق بیر دونه دئییه گوله یاشامالی اولورلار؛دئییرم گوره سن بو گوروشدن خؤیلو خانیم.....................

+ نوشته شده در شنبه هشتم مرداد ۱۴۰۱ ساعت 8:44 توسط (قلئی چی مورتوض)  | نظرات

دیلنچی باخشی..............

زیندانا دوشن نن هر جوم آخشامی بیر حکایه هم بندیلره دانیشاراق بو هفته نین حکایه سینی ده بئله باشلامالی اولدوم؛کئچمیشدن بیزیم ترس آوا کندینه اوز توتان گزینتی سئیده و دیلنچی یه اوز وئرمزدیرلر؛ایل به ایل خرمن اوستو گلن بو دیلنچی لرین ایچینده بیر بیج بالاسی واری ایمیش کی آدینا باخشی علی دئییردیرلر؛دیلنچی باخشی علی نین سیرتیق لیغی اورت باسدیر جاماهاتینا بللی اولان کیمین بیزیم بو ترس آوا کندینده ایشی قاباغا گئتمز ایمیش؛بیر گون قاپیلاری دولان ناندا گورورکو بیر قادین حییت اوجاغی اوستو سوت آسیب پیشیرمک ایسته ییر؛باخشی علی هممشه کی کیمین ال ایاغینی اسدیررک ائوین قادینین اوز توتوب دوعا سانا ائله یه ائله یه دئییر؛آی مئشه باجی اللاه یولوندااو سوتدن بیر چاشقا توک ایچیم؛قادین دیلنچی نین ایسته گینه قولاق وئرمه دن ایچری کئچیب نه گتیرمک ایسته یینده باخشی علی گؤزه گؤزه ائله ییب سوت قازانی ایچینه الینده اولان قیرمیزی بویادان توکوب ایرد اولاندا اوجا سسین نن دئییر قانا دونسون قانا دونسون؛بئله لیک اوز ایشینی گؤروب تر تله سیک بوروغو دونمه لی اولور؛قادین دیلنچی نین قان دونسون سوزونو ائشیدیب قازانا یاخین ناشاندا گؤرورکو سوتو قانا دونوبدور؛تورکه سایا آرواد خافلاناراق باش گؤزونو یولا یولا قیشقیر باغیر سالماغا باشلاییر؛کند جاماهاتی ییغیشیب قازانین قانا دوندوگونونن دهشته گلن کیمین نئچه گنج آتدینی باخشی علی نین دالینجا گوندرمه لی اولورلار؛چاپاررالار یولون بیر یاریسیندا دیلنچی نی تاپیب احترام حورمتین نن کنده قایتارمالی اولورلار؛او چاغدان بری ترس آوا کند جاماهاتی سیرتیق دیلنچی نین مورودو اولاراق اونو جاننی ایمازادا کیمین قبول ائله ییرلر؛اولدوقجا نذیر نیازلارینی وئریب یولا سالاندا بیر یول عوضینه ایلده ایکی اوچ یول کنددرینه گلمه سینی خواهیش ائله ییب احترام حورمتینن یولا سالمالی اولورلار؛بازاری توتان باخشی علی هر ایل خرمنی اوستو چیین تورباسین نان کنده گلسئیدی سونون کو ایللر آت قاطیرینان گلیر کی جاماهاتین اونا بخش ائله دیگی نذیر نیازی حیوان نارا چاتیب آپارمالی اولسون؛هر ندن اؤنم نیسی اودورکو باخشی علی کند جاماهاتی ورین نن جاننی ایمامزادا کیمین قبول اولون نان کند قادین ناری ایل باشینا دوغوب جاماهات آرتیمینی دا چوخ ائله میشدیرلر؛سوزوم قورتاریب قورتارمامیش بیر زیندانی یولداشیمیز الینی قالدیرراق های باسدی دئییرم آخی ترس آوا کندینده ندن ماللا سیخلیغی وار..............

+ نوشته شده در جمعه سی و یکم تیر ۱۴۰۱ ساعت 20:32 توسط (قلئی چی مورتوض)  | نظرات

بوینوز چیخارتمیشام.............

هممشه اولدوغو کیمین او گونده سحر تئزدن مطبی آچمیشدیم؛دوکتور بی جئری ده واقدیندا گلیب بیربیر خسته لری قبول ائله ییرک مایناتدان کئچیردیردی؛بیر اوندا هوندور بینانین حیه تین نن قیشقیریق سسی دیققتیمی چکدی؛سیرا نوباتا اوتوران کیمسه لر قورخماسین نار دئییه دوروب آلیشقادان باخاندا گؤردوم دوکتور بی ین هم یئرریسی ترس آوا کند ساکیننی قالایچی مورتوض آشاغیدان اوخاری باخاراق اوجا سسین نن باغیریر آی دوکتور ائویم ییخیلدی؛آی دوکتور بالالاریم ساغیر قالدی؛های کویون نن اوزونو مطب بیمیز اولان مرتبه یه چاتدیران قالایچی دوکتور بی آروادیم بوشانیر دئییه بیر باشا ماینات اوتاغینا گیردی؛دوکتور بی قالایچی نین اوزولمه گینی دویاراق توخداقلیق وئره وئره سوروشدو؛جانیم سنه نه گلیبدیر بئله سسینی باشینا آلیرسان؛ قالایچی دوکتور بی ی ائشیدن کیمین باشینی گؤزونون قارشی سینا توتاراق علاوه دن های باسدی کی دوکتور بی تئز اول ماینات ائله بوینوز چیخارتمیشام؛دوکتور بی کی قالایچی نین حال خویونو یاخشی بیلیردی گولومسه ییرک سوروشدو؛اولما اولکه داخیلی ایختیلاس لاری ائشیده رک بوینوز چیخارتمیسان؛ قالایچی باشینی توولایا تؤولایا یوخ دوکتور بی ؛دوکتور بی اوستولون نان دوروب خسته یه یاخین ناشاراق بیر دونه سووال وئردی یوخسا ولایی دولتیمیز گونون گون اورتا چاغی ماخلوغون جیبینی وورماغین نان بوینوز چیخارتمیسان؛یئنی دن قالایچی آت باشلیق ائله ییرک یوخ دوکتور بی؛دوکتور بی گئت گئده تعجوبله نرک آرتیردی بس اوندا اولکه داحیلی اوشاقلاریمیزی نجور نه طهر فارس ائله مکلرینه بوینوز چیخارتمیسان؛سون اولاراق دوکتور بی آهان باشا دوشدوم اورومو گولونون نجور نه طهر قوروتماقلارین نان بوینوز چیخارتمیسان؛بو دونه قالایچی عصبله شرک ایاغا دوروب دئدی یوخ دوکتور بی؛آدیمیزی بو اولکه نین اوستونده اولا اولا سونرادان گلمه گیمیزی دئیین نرین سوزلرینه................

+ نوشته شده در شنبه بیست و پنجم تیر ۱۴۰۱ ساعت 8:25 توسط (قلئی چی مورتوض)  | نظرات

ایش بیلن حاکیم.............

قالایچی مورتوض دئییردی دوردونجو صینیفه گئدنده ایوب آددی بیر صینیف داشیم واریدی؛بللی اولان کیمین ایوبون آتاسی انقلابین اوللری دئییه توتوقلانیب داش قالاق اولونماغا معروض قالمیشدیر؛بللی اولان کیمین ایوبون آتاسی پهلوی دونمین نن باش کند قهبه خانا ایشچیلرین نن بیری اولموشدور؛بونو دئمه لییم کی هر زامان ایوبون آتاسین نان سوروشاندا یازیق اوشاق باشینی آشاغی سالاراق آتاسینین حاققیندا دانیشماقدان بئله واز کئچمک ایسته ییردی؛بیر گون صینیف داشلارینان بیرگه مکتب دن چیخیب ائوه دوغرو گلنده های دوشدو یاشادیغیمیز شهرجیک قبرستانیندا کیمسه نی داش قالاق(سنگسار) ائله مک ایسته ییرلر؛یولداشیمدا بیزیمله بیرگه جاماهات ییغیشان یئره چاتاندا بللی اولدوکو بو دونه داش قالاق اولونان یازیق ایوبون آتاسی اولاجاقدیر؛مورتوض علاوه ائله ییردی کی محکمه ضابیطی صحنه ده حاضیر اولاراق داش قالاق اولوناسی کیمسه نین ائله دیگی گوناهلارین نان دانیشیب جاماهاتی ایناندیرماق ایسته ییردی؛محکمه چی نین سون قراری قورتاران کیمین بیر آندا ایوب آتاسینی چکه چکه گتیریب قاباقجادا قازیلمیش چالایا سالاراق گوبکدن آشاغیسینی قویلامالی اولدولار؛بیر هوندور بوی اوغلان سوپوروب کیشی نین باشینا تلیس(کیسه) کئچیررک ایلک داشی داشی ووراندا ایوب آتاسی اوجا سسینن دئدی آی جاماهات الیمین آلتیندا ایشله یین قادین ناری بیری بو منه داش وورانین آناسی اولموشدور؛بیر آندا محکمه چینین دوره سین آلان نار توکولوب سسینی کسمه گیچین اللرینه گلن داشینان کیشی نی وورماغا باشلادیلار؛قالایچی مورتوض علاوه ائله ییردی کی بو دهشتی گورن کیمین چانتامی قولتوغوما ووراراق صحنه نی ترک ائله مه لی اولدوم؛مورتوض اوزوله اوزوله سوزونون داوامیندا دئییردی او صحنه نی گورن سونرا گئجه یوخومدادا قارا باسمالاریمی اولوردو؛ایللر اوزونو ایوبون نئج اولدو دئییه اوزومه سورقو سووال وئرنده فیکیررشیردیم کی دوستوم دیری قالمیش اولسا اولکه نی ترک ائله ییبدیر؛اوتوز نئچه ایلدن سونرا تصادوفاَ یئنی آچیلیمیش سیقه خانالارین بیرینده ایوبو گوروب بورادا نه ائله ییرسن سوروشاندا الیمنن یاپیشاراق شخصی اوتاغینا آپارمالی اولدو؛ایکی صینیف داش بوردان اوردان دانیشاندا لاپدان ایوب اوزونو بیله مه توتوب دئدی؛تحصیلاتیمی قورتاران نان سونرا قهبه خانا آدینی اوستوموزدن گوتورن نن سونرا سیقه خانا آدی آلتیندا دده بابا ایش پئشه میزه داوام ائله مک مجبوریتینده قالمیشام؛اوشاقلیق دوستوم نان آییریلیب یولو اوزونو گله گله تزه باشا دوشدوم کو گوناه ایوبون آتاسیندا یوخ بلکه پهلوی لر دونمینده چاش آد قویان ناردا اولموشدور......................

+ نوشته شده در جمعه هفدهم تیر ۱۴۰۱ ساعت 18:59 توسط (قلئی چی مورتوض)  | نظرات

دونیادا نه خبر ...............

1-دونیادا نه خیر

2-ژاپونییادا دمیردن آدام یاراتدیلار

3-افغانستاندا عمارت ایسلامی مامورلاری ساققالی قیرخیق کیشی لری هده له دیلر

4-آمئرکان دا گوی پیلانتئرینین بیرینه قاناتسیز اوچاق گوندردیلر

5-افغانستاندا کیشی سیز ائودن ائشیگه چیخماغی زن نره قاداغا ائله دیلر

6-سویس ده بیر افغانستان نی قادین میللی مجلسه دئپتداد سئچیلدی

7-افغانستاندا عمارت ایسلامی حکومتی قادین معللیمه لری اوز ایشلرین نن اوزاقلاشدیرلار

8-چاینادا(چین)اوزو اوخویان جاماناز قاییریلیب مسلمان اولکه لرینه ایدخال ائله دیرلر

9-افغانستاندا عمارت ایسلامی گلن نن سونرا باش بیلن نر اولکه دن قاچماق مجبوریتینده قالدیلا

10-آلمانییادا افغانستان نان گلن باش بیلن نره تمناسیز ائو ائشیک وئردیلر

11-افغانستان بیر آفتابوس آشماق عرفه سینده اوتوز بئش مولکو شخص اوز عایله لرینن هلاک اولدولار

12-عربستاندا هر وطنداش حسابینا نئفت پولودور دئییه اؤن میلیون توکدورلر

13-افغانستاندا سازمان میللینین گوندردیگی ارزاغی تانینمایان کیمسه لر تالاردیلار

14-دانیمارکادا زینداناری شاددیق سارایینا چئویردیلر افغانستاندا مکتبه گئتمه گی قیز اوشاقلارینا قاداغا ائله دیلر

15-گونئی(جنوب)کارییادا(کُره) دنیز آلتی دؤرد باندا یول چکدیرلر

16-افغانستاندا قاطار یولونون دمیرلرینی چیخاریب ساتدیلار

17-تهران شهرجیک لرینین بیرینده چورک صف سیخیلین نان نئچه مولکو وطنداش ایاقلانیب خسته خانالیق اولدولار

18-گیلان انزلی لیمانین نان دوققوز گمی اؤن قارداش اولکه اوروسییته یولا سالدیلار

19-فیرانسادا یایلیق قویماغی زنن نره قاداغا ائله دیلر

20-ایراندا گشت ایرشاد یئددی یایلیق سیز خانیمی یاخالاییب ووراوورا پولوس آپاردیلار

21-تورکیه ده سوریه قاچقین نارینا شهرجیک دوزلدیلر

22-ایراندا بلدییه قول چوماقلاری بیر ارسیز قادینین دوزلدیگی کومانی اوچورتدولار

سونونجو خبر

23-ترس آوا کندینده اوشاق اکه بیلمه یین کیشیلرین زنن نرینی ییغیب کربلایا آپارماق آدینان عراق کیشی لرینه ..............................

+ نوشته شده در دوشنبه سیزدهم تیر ۱۴۰۱ ساعت 11:1 توسط (قلئی چی مورتوض)  | نظرات

سئوگی یانیغی.............

بیز کتده یاشایارکن هردن اولوردو آتام واقدیکان انزلی شهرینده اره گئتمیش عمی سی قیزی گویچک فاطمادان سوز آچاردی؛چونکو اونلار یئنی یئتمه چاغلارینی بیر حَییت ده یاشامیشدیرلار؛اوزون ایللر اوستون نن کئچمه گینه باخمایاراق گاهدان یولوموز آدی گئدن شهره دوشنده (1)کلیور(کؤلو یئری)(2)نویر(نور یئری)(3)قارویر(قارقو یئری)آدلی محله لری دولانیب بیله سینی آختارارکن عنوانینی اورگنمک ایسته ییردی؛یادیمدادیر بیر یول اوزومو آتاما توتوب گویچک فاطمادان سوروشاندا جوشقولاناراق دئدی عمیم قیزی فاطما عایله نین تک اوشاغی اولاراق یئنی یئتمه چاغلارین نان آناسینین الدن وئرمیشدیر؛علاوه ائله ییردی کی آلتی یئددی یاشیمیزا قدر بیر حَییت ده یاشاییردیق؛سونونجو ایللر عمیم انزلی دنیز قیراغی تورچولوق ایشینده وارانداچاراسیزلیقدان گویچک فاطمانیدا اوزوینن آپارمالی اولموشدور؛1328نجی(گونش) ایللری دئییه بولگه میزقیتلیغا اوغراییب آجلیق ال وئرنده خالخال کند جاماهاتی گیلانا اوز توتاراق قالاننارینی جانینی آجلیق تهلوکه سین نن قورتارماق ایسته ییردیرلر؛هردن گویچک فاطمانین گؤزللیک لرینن دانیشاراق قولاج ساچلی- چاتما قاشلی- آلما یاناقلی-آیاز بوخاق لی اولدوغونو سویله ییردی؛علاوه ائله ییردی کی گویچک فاطما اؤز دورونون اَن گؤزللر گوزلی اولاراق اوچ یوز آلتمیش پارا خالخال ایزلیگین بولگه سی دئییه آدی دیللره دوشموشدور؛امما آتالار دئمیشکن آل تون نان تاخدین اولسادا باختین سن نن دوز دئمه سه خاساباخت اولا بیلمه ییجکسن؛خان زاده و بی زاده لر اوغلان تارگویچک فاطمانین سوراغینا گلیب اوزلرینه عومور گون یولداشی ائله مک ایسته سه لر طالعین ترس گلمه سینن انزلی شهری دئییه بیر عیبه جر کیمسه شانسینا چیخاراق گویچک فاطمانین اوز سئویب و سئچیم حاققینی الین نن آلمالی اولموشدور؛ایللر بویو آتامین تصویر ائله دیگی گویچک فاطما گؤزللیگی منیمده خیالیمین ایپک قات خالچا شکیلینه چئویریلمیشدیر؛گنجلیک دورونه ایاق قویدوقجا گویچک فاطما گوزللیگی سانکی منی ده ایتیردیگیم یئر ملگی دالینجا آختارماغا معروض قویموشدور؛چونکو قارشیما چیخان قیزلاری گؤیچک فاطمانین گؤزللیگینن اولچمک ایسته ییردیم؛آختاران تاپار دئییه آتام نئچه ایل اوخاریدا آدلارینی صادالادیغیم محله لری آختاران نان سونرا نهایت کی قارویر(قارقویئری)محله سینده اوز قانداش کسگینی تاپمالی اولموشدور؛یادیمدادیر بیرینجی دونه آلتمیشدان اوخاری یاشی اولان فاطما عمی قیزینی گورنده ایللر بویو آتامین تصویر ائله دیگی گؤزللیک هله ده اونون سیماسیندا خزله دونموش باغ کیمین اوزونو گؤزتریردی؛آتام اللی ایل آیریلیقدان سونرا ایتگینی تاپسادا من گئت گئده او عایله ده بیرآییری گویچک فاطمانین سئوگی تورونا دوشه رک هله ده وار اؤزومده او محله لرین آختاریجیسی اولموشام ...............

*

ایضاح: 1-کلیویر(کؤلویئری)انزلی رضوانشهر ورین نن گلنده بیر محله آدیدیر کی کئچمیشده اورایا هند سویلو قاراچی لار گله رک اوتراق ائله ییردیرلر؛ایرضاشاه دورون نن بئله اداره یازی پوزولاریندا محله نین آدینی ت کلیویر یازیرلارکی آنلامسیزدیر 2-نویر(نور یئری)کؤلو یئری محله سین نن انزلی شهرینه ساری ایندی ایسه بیر محله دیرکی چوخ اسکی چاغلاردان کاروان یولو اولدوغونا گوره اورادا صفوی سولاسله سین نن آغا پیر آدلی بیر سئیدین توربه سی اولموشدور؛اوزاق کئچمیشدن یولدان گل گئت ائله یین کیمسه لراو توربه یه اوز توتاراق چیراق زاد قویوب یاندیرماقلارینا گوره اورانیندا آدی نور یئری قالمیشدیر؛تاسوفلر اولسون کو اونوندا آدینی اداری بلگه لرده نویریازیرلار ؛ قارویر(قارقو یئری)نور یئری(نویر) محله سینین گون چیخانا دوغرو مردابا مرداب هنده وری سایلیر کی اوزاق کئچمیشدن اوراقمیشلیک اولدوغونا گوره(قارقو یئری)دئمیش دیرلرکی اورانی دا ترس اولاراق قارویر دئییه یازیرلار

+ نوشته شده در جمعه سوم تیر ۱۴۰۱ ساعت 18:18 توسط (قلئی چی مورتوض)  | نظرات

دا دا داش باشیمیزا...........

دا دا داش باشیمیزا...........

بیر گون میرتداشا میرتداشا قیز یولداشیم نان پارکدا گزیردیک کی لاپدان بیر تانیش سس قولاغیما دَییدی

یاخشی قولاق آساندا گوردوم بدییه ایشچی سی سوپورگه چی مورتوض عمی دیر

یاخشی قولاق آساندا گوردوم اوز اوزونه دئییر

ددده لاپ بئله دددددد دده نی دئییرم باخ ددده اولنده یورقان دوشه گینی باتیرمایادیمنده دئمه ییدیم

ددده بون نان سونرا واقتلی واقیتیندا یورقانیمی قیزدیرماسان ددده ددنین یورقانینی دئییه جگم بئش ده آرتیق

بیله سینه یاخینناشاراق مورتوض عمی دای نه اولوب دئییه سوروشاندا سیگارئتینه فندک چاخیب ددددددئدی؛

آی باشینا دولانیم بیزیم ائوده لاپدان قاریخیب دددده سوزونون ایلک حرفینی آغیزما گتیرنده هفته لر آیلار آروادینپپ تحریماتینا معروض قالیرام

چونکو اونون دددده دددسی اولنده یورقان دوشه گینی باتیرمیشدی.................

گوله گوله بیله سین نن آرالانیب پارکداکی ایاق یولونا یاخین ناشاراق گوردوم اونون قاپیسیندا دوکاره کیشی اوتوراراق اوجا سسین نن دئییر

دی دی دی دی ماخلوغون ائوینی ییخدی باخ

قیز یولداشیم ایچری کئچیب ایشینه بیتیره نه بیله سین نن سوروشدوم آی عمی سنه گلیب دیر

بورکونون ایچینه توکولن پوللاری گوتوروب جیبینه قویاندا علاوه ائله دی گورمورسن کوچمه لیسیز دئییه اورمو گولونو قوردوب خوزستان رایونونودا توز توپراف فیرتیناسینا معروض قویورلار؛

آغزیمی آچیب نه ایسه دئمک ایسته ینده یازیق کیشی اونکور اونکور آغلاماغا باشلادی؛

قیز یولداشیم چیخیب آغلاماغینین سببینی سوروشاندا یئنی دن اوزونو اله آلیب داوام ائله دی

یوز ایله یاخین دیر کی اولکه داخیلی تورکو- عربی و بلوچو کوچوروب تئهران کرجه گتیرمه گینن فارسلاشدیرما سیاستینی آپاریرلار

اوزوله اوزوله اوننانداساغوللاشیب یولوموزا داوام ائله ینده قیز یولداشیم اوزونو بیله مه توتاراق خبر آلدی

سن نه دئییرسن

سوپورگچی مورتوضون ددددد ده داواسینی و ایاق یولوندا اوتوران یازیق کیشی نین دی دی دی دیل داواسین نان بوگونکو اوکرایینا دُ دُ دُ دُ دُلار داواسینی بیربیرینه باغلاماق اولار؛

قیز یولداشیمین سوزلرینی ائشیبدن نن سونرا ایکی اللی باشیما ووراراق دئدیم بس اوندا  دا دا دا داش باشیمیزا.....................

+ نوشته شده در جمعه بیست و هفتم خرداد ۱۴۰۱ ساعت 16:19 توسط (قلئی چی مورتوض)  | نظرات

خالچاچی احمد............

قارین خرجینده اولسا احمدین آناسی یئنی یئتمه اوغلونو بیر وارری کارری عایله تاپشیرمیشدیر؛چونکو احمدین گئتدیگی عایله باشجیسی شهرین خالچا آل ساتی ائله یین تاجیر باشلارینان بیری سایلیردی؛احمدسحرتئزدن یئرین نن دوروب خالچا آرقاجینین قانشارینا اوتوراراق خیردا بارماقلارینان بویوک ناققیشلار خالچا اوزرینه سالماغینان کیچیک یاشلارین نان اوز باجاریغینی اورتایا قویموشدور؛احمدین توخددوغو خالچالار گئت گئده بازارلار چیخاراق اَن باهالی قیمتینن ساتیلیب تاجیرباشینا پول پارا گتیریردی؛سئوگینی سینیر سرحد تانمیر دئییه احمد یاشادیغی ائوده تاجیرباشجی نین قیزی خومار خانیم اورک وئررک گئت گئده سئومه گه باشلاییرلار؛گاهدان احمد خالچا آرخاسیندا اوتوروب اوز ایشین نن مشقول اولاندا خومار خانیم مین بزه گینن بیله سینه یاخیناشاراق ((جان وئرمه غم عشقه کی عشق آفت جاندیر)) سیراسینی آذربایجانین داهی شاعیری فضولی دن اوخویاندا احمد ایکینجی سیراسینا جاواب اولاراق(( عشق آفت جان اولدوغو مشهور جاهاندیر))دئییه سوز پایلاشیمی ائله ییردیرلر؛بازاردا خالچا آل سات ائله یین نرخالچاچی احمدین توخودوغو خالچالارین اینجه لیک لرینی بیلمک ایسته یین ده دفعه لرله ایش صاحابینا موراجیعت لر ائله ییردی؛چونکو اونلار بیلمه ییردیرلرکی احمدین خالچا اوزرینه سالدیغی تئلی قیوریم گوزللرین شکیلی اونون اورک وئردیگی خومارخانیمی تمثیل ائله ییرلر؛خالچاچی احمدسون ایللر اثناسیندا آناسیندا الدن وئریب یئتیم قالدیغی گوننرین آجیسینی خومار خانیمین شوخ باخیشلارین نان آلاراق اورک بوشلوغونو دولدورماق ایسته ییردی؛خومار خانیم عایله نین ناز پرورده اوشاغی اولسادا عکسینه خالچاچی احمد اونلارین قاپسیندا بیر قارا فهله کیمین ایشله ییب گوذران ائله ییردی؛گئت گئده قیزین آتاسی احمدین دیله گینی باشا دوشه رک بیله سینی عایله سین نن اوزاقلاشیم پیلان نار توکوردو؛ چونکو اونون قیزینی شهرین اَن وارری کارری خالچا تاجیرلری اوغلان نارینا آلیب اوزلرینه گلین ائله مک ایسته ییردیرلر؛نهایت کی خالچاچی احمد ایسته گینه نایل اولمایاندا کونوللو عایله نی ترک ائله ییب کرم کیمین دیاربا دیار گئتمه لی اولور؛ امما اونون خیالینداکی ال الوان بویالارر هیوا گولو کیمینخالچالار اوزرینه کوچورولوب بیر دونه ناکام سئوگیلیلر جرگه سینه قوشولمالی اولموشدور ...................

+ نوشته شده در شنبه بیست و یکم خرداد ۱۴۰۱ ساعت 11:49 توسط (قلئی چی مورتوض)  | نظرات

ائششکلرین سایی..........

نئچه واقت اولاردی کی قونشو اولکه لرینین بیرین نن عایله وی دوستوموز بیزه قوناق گلمیشدیر؛عزیز گرامی قوناغین قاباغینا چیخان کیمین شرفینه اَییلنجه قوراراق هر گئجه باشینا قوناق چاغیرمالی اولوردوم؛گاهداندا بیله سینی گوتوروب یاشادیغیمیز شهری دولاندیریردیم خالقیمیزینان تانیش اولسون؛بیرگونده نذیریمیزوار دئییه قویون قوربانی زاد گوتوروب داغ دوشو امامزادالارین بیرینه گئتمه لی اولدوق؛باسا باس زیارت عینینده قویونو کسیب آزمازینی کباب ائله یین نن سونرا قالانینی احساندیر دئییه ایمامزادینین شیلی شوققاق زووارلاری آراسیندا پایلامالی اولدوق؛داغ شهرجیکی دولاناراق ایمامزادانی احاطه ائله یین ائششکلر ایلخیسی قوناغیمیزین دیققتینی چکدی نئچه گون گزیب دولان نان سونرا بیرگون گئدیرم دئییه بیله سینی یولا سالاندا بیله سوروشدوم کو معللیم بیزیم اولکه میزی نئچه گوردون؛الینی چیینمه قویاراق دئدی ایسلامی اولکه نیز یاخشی دیر نه ایسه ..................

+ نوشته شده در شنبه چهاردهم خرداد ۱۴۰۱ ساعت 10:14 توسط (قلئی چی مورتوض)  | نظرات

بیریسی ده..............

نئچه واقت اولاردی کی تئز تئز اؤرت باسدیر ماحالینی توز توپراق بورویوردو؛بو هاوا قاتقین نیغیننان قاری قوجا خسته له نیب تویوش(نفس) وورماقلاریندا چتین نیک یارانیردی؛هفته لیک یاشادیغیمیز شهرین خسته خانالاری دولوب بوشالان کیمین آراسیرا قونشولار عایله عوضولرینی الدن وئریردیرلر؛جاماهات حکومتین لاقئید لیگینه سرت موناسیبت گوزتررک کوچه لر آخین ائله ییب شوعالار سسلندیرمک مجبوریتینده قالمیشدیرلار؛عاصی کیفیری اولان میللت هاوا کیرلندیرن توز توپراغین قاباغینین آلینماسینی حکومتدن طلب ائله ینده بولگه باشیجیسی شیخ آغانین داااااا باییرا باسماغینی ایسته ییردیرلر؛هاوا دَییشمی اولاراق توز توپراق قالخیمی آرا وئرن کیمین بیر گون ناماز جومعه خوطبه لرینده موعتبر شیخ آغامیزعربدن عجمن نن دانیشان نان سونرا اوزونو بولگه جاماهاتینا توتاراق دئدی؛ای علی شیعه لری و اسلامی مملنکدیمیزین یورولماز خالقی سیز هئچ نایراحاند اولوب ائله مه یین هاوا توتقونلوغو کو ناواقدان بولگه میزده یارانیر سکگیز ایل جنگمیزین موقدس توپراغی دیر کی باشیمیزا توکولور؛بو شوراننیق توپراغی هر بیر وطن داشین باشینا توکولسه اوتایدا بهشته گئده رک جننت باغیندااااا بیله سینه یئر وئریله جکدیر؛شیخ آغانین سوزلرین نن جوشقولانان آلنی داغلی کیمسه لرین موناسیبت درینی گورن کیمین گولمک منی توتوب بیر حکایه نی سالدی؛ کئچمیشدن بیزیم ترس آوا کندینده بیر کوهنه ایمام زادا قالیغی واریدی؛گاهدان اوشاق باز احمد مال قارا اوتاران اوشاقلاری اورایا آپاریب توربه توپاراغی دیر دئییه باشلرینا توکردی؛گاهدان ایکی قات ثواب ایسته یین اوشاغین گوزونه توپراق آتیب اوز ایشینی گؤرردی؛امما بونودا دئییم هااااااااااااااا گوت احمد قاییران اوشاقلار سونرالیقدا بیری وکیل- بیری –وزیر و .................

+ نوشته شده در شنبه هفتم خرداد ۱۴۰۱ ساعت 10:22 توسط (قلئی چی مورتوض)  | نظرات

شاواتدی طایفاسی............

بیزیم قونشولوقدا شاوات دی طایفاسی دئییه بیرنئچه عایله یاشاییر؛آدی گئدن عایله ارکک لری اوغورلوق زاد ائله ییرک حارام خورلوغونان عومور گون کئچیردرلر؛گاهدان بیربیرلرینه اولان خوش مناسیبت دری قونوم قونشونون قیسقانجینا سبب اولار؛چونکو عایله عوضولرینین کئفلی گلنده بیربیرلرینه قویون قولتوق باغیشلاماغینان جان دئییب جان ائشیدرلر؛امما اللاه گؤزترمه سین بونلارین اوزلری دوننده آغیزلارینا گلن نالایق سوزلری دئمه گینن بیربیرلرینین پاسلارینی آچماقدا یاریش کئچیردرلر؛گاهدان دئدیکلری نالایق سوزلر اورک لرینی سویوتماسا بیربیرلرینین دده بابالارینی قبیردن خورتدادیب آت اولاق دالینا باغلایارلار ؛هله قالسین کی قارشی دورمالاریندا قیز قادین ناری تومانی چیخاریب آغاجین باشینا کئچیرتمه گینن داوا دالاشلارینی هامار یئره چکرلر؛منیم چین اَن انم نیسینی بونلارین تئز تئز داولاشیب باریشماقلاریدیر ؛ چونکو بونلار باریشماق ایسته ینده آختاریشیب داوا دالاشدان اوزاق قالمیش بیر کیمسه نی تاپارلار ؛اؤردادیرکی بوتویلوکده یاران نان قارشی دورمانی او یازیغین بوینونا ییخاراق بیر دونه ایکیله شیب نالایق سوزلرینی اونا دئییرلر؛سیز تصور ائله یین آدی گئدن طایفادان بیر ارکک کنده باشقان باغیشلایین چاشدیم کاتدا سئچیلسه نه باش وئررررررررررررر......................

+ نوشته شده در شنبه سی و یکم اردیبهشت ۱۴۰۱ ساعت 10:53 توسط (قلئی چی مورتوض)  | نظرات

ایشیغی ایسه...........

 آتام دا آییری هم یئرلی لری کیمین کند حیاتینی قویاراق شهره کوچکمک مجبوریتینده قالمیشدیر؛کوچ کوله واری آچدیغیمیز شهر گؤزوموزه جننت گلسه ده آدامناری منه چوخ قانی سویوق گلیردیرلر؛چونکو من اوشاق اولاراق کند یاشامیندا کیمسینه دایی کیمیسینه خالا دئییه موناسیبت قورمالی اولوردوم؛کند اجتماعینده کیمسه نین آدامی اولسئیدی هاممیلیغان ییغیشیب اونو یئردن گوتورردیرلر؛عکسینه شهریاشام قایدا قانونودا قاپی قونشو بیربیرلرین تانیسالاردا یاخین موناسیبت قورا بیلمه ییرلر؛یادیمدادیر بیر یول من نن کیچیک قارداشیم پارکا گئدیرم دئییه یاشادیغیمیز شهرجیکین دولانبا دولان کوچه لرینده ایتمیشدیر؛آتاما زنگ آچان مامور باشجیسی دئییده کی ایتن اوغلونوز پولوس بولمه سینه گتیرمیشیک؛کیشی پولوس آدینی ائشیده رک هیجاننانیب اوزونو ایتیرمیشدیر؛منده بیر عایله عوضوو اولاراق کندجاماهاتینین ایستی قاننی لیغینان بویویرک شهر تای دئشیک مدنییتینن باریشا بیلمه ییردیم؛گؤزومو آچان نان عایله میزده عنعنه اولاراق آنام اوجا سسین نن ماهینلار اوخویاندا آتام ال دَیینیگینی دوشونه باسیب خوش اوقات یاراداردیرلار؛نه یازیق کی شهره کوچن نن سونرا نه آتام ائو سوپورگه سینی دوشونه دایایییب چالیردی نه ده کی آنام اوجا سسین نن ماهنیلارینی اوخویا بیلیردی؛گاهدان محله میزین ایشیغی سوننده آنام کتدن گتیردیگیمیز اؤنلوق چیراغی نی گتیریب یاندیرماق ایسته سئیدیده نؤیوت(نفت)زاد تاپا بیلمه ییردی؛گاهداندا آیلیق اوده نیشیمیز یوبانیب ایداره ورینن سویوموز قط اولون ناندا کندین دورنا گوزلو بولاق سولاری خاطیریمه گلیردی؛من اؤزلوگومده کتددی قالماق ایسته سئیدیمده شهرده یاشایان سویوق قاننی اینساننارین موناسیبتی کولتور و مدنییت باخیمنان منی دری بوغاز ائله مه گه چالیشیردیرلار؛چونکو کند اجتماعیتینده یاشایان کیمسه لر دانیشدیقلاری کیمین یاشاییب و یاشادیقلاری کیمین ده دانیشیرلار؛امما شهرده یاشایان اینسانین سوزونده ایکی اوزلولوک و داورانیشیندا ساختارکارلیق واردیر؛گاهدان آنام منیم دوشونجه لریمی دویوب تارتیشمالاریما قاتیلاراق اوزوده عین حس ده یاشاماغینی دیله گتیریردی؛آز زامان کسیگینده اؤرتا یاش آتام حیاتینی ایتیریب منی و باجی قارداشلاریمی شهرین اوگئی باخیشلی اینساننارین تک باشینا بوراخمیشدی؛آتام حیاتینی قاییب ائله ین نن بیر ایکی ایل سونرا آنام علاوه دن کند قاییتماغیمیزی مصلحت گؤررک بیر دونه آتا بابا یوردونا اوز توتمالی اولدوق؛شهره رغمن کندین گونده لیک ایشلری آغیر گئده رک گاهدان من نن کاتا(بویوک))باجی قارداشیم عاصی کیفیری اولاراق آنامی قیسناغا قویوردورلار ندن بیزی بورایا گتیریب دینج یاشاماغیمیزا مانع اولدون؛تمکیننی آنام چوخلو اعتراض لاردان واز کئچن کیمین بیر گون باجی و ایکی قارداشیمی یانینا چاغیراراق دئدی اونا گوره سیزی قایتاردیم کی کندین روح وئریجی هاواسی بولوتدان-سرین سولاری بولاقدان-آییرانی سوتو قاتیغی دولابدان.................

+ نوشته شده در جمعه بیست و سوم اردیبهشت ۱۴۰۱ ساعت 20:39 توسط (قلئی چی مورتوض)  | نظرات

یئنی ایمامزادا.............

شیخ آغا ائوینین دلی قاننی قارا چوخاسی قالایچی مورتوض بیر گون خیردا خانیمنان دده ددلیگین بیر یورقان دوشکده گورور؛او چاغ دان بری اوغوللوغونان ددده ددلیگ آراسیندا چات عمله گلن کیمین قارشی دورمالار یارانیر؛یئری گلمیشکن جومعه نامازیندا زاددا دونه دونه بولگه باشجیسی نین آغزی گؤزونو اَیین قالایچی شیخ آغانین کوتگینه معروض قالیر؛بو داوا دالاش لارین بیرینده یئنی دن بونلارین آراسیندا موباحیثه یاران نان کیمین شیخ آغا وورا وورا قالایچی مورتوضو ایته قاتیب شهردن چیخاردیر؛دییار با دییار گئدیب اوزاق چول ماغارا سیغینان قالایچی گاهدان بو مرکب مسله نین اوستونده گؤتور قوی ائله ییرک نه گوناهین صاحابی اولدوغونا فیکیرله شیر؛گئت گئده یازیغین باشینا هاوا گلن کیمین چول باییر داش کسه گینی اوست اوسته قالاییب هوندورجه سینه کلک(نشان)قورمالی اولور؛آجیغی توتاندا شیخ آغانین دورقوزاغی دیر دئییه اوستونه ایشیین نن سونرا قوردوغو کلگی داشا باسیر؛قالایچی نین قوردوغو کلک اوزاقدان گورسه نن کیمین طئییییییی بولگه ده یاشایان نارین ماراغینان سبب اولور؛گون نرین بیرینده جاماهات ییغیشیب بیر باش بیله نی بولگه باشجیسی شیخ آغانین یانینا گوندریب بو عابیده نین نه اولدوغونو دوشونمک ایسته ییرلر؛شیخ آغایا عجب گلن کیمین بیر گون اوزدن ایراق اولاغینی مینیب قورولان داش کلگه دوغرو گئتمه لی اولور؛گوز دولاندیران کیمین قالایچی نین بو ایشده الی اولدوغونو دوشنه رک طئ بو ایاق اولاغدان دوشوب ا داش قالاغی اوپه اوپه دوره سینه دولانیر؛شیخ آغانین بو ایشین نن هیجانا گلن جاماهات داش قالاغی اورتایا آلاراق قارشسیندا قوربان زاد کسمه لی اولورلار؛اوچاغدان بری بولگه باشجیسی نین امرینن نئچه قولو چوماغی او عابیده نین یانیندا قویوب بورایا حورمتسیزلیک ائله ییه نی یانیما گتیرین دئییه اوز گونده لیک ائو ائشیگینه قاییتمالی اولور؛بو وردن قالایچی مورتوض هفته لیک دئو یوخوسون نان آییلیب یول گله گله اتگینه چار چانقیل ییغیر کی یئنی دن داش آتما عنعنه سینی یئرینه یئتیرسین؛عابیده قوروچولاری بو حورمتسیزلیگی گورن کیمین پوسقودان چیخاراق یازیق قالایچی نین ال ایاغینی باغلاییب بیر دونه شیخ آغانین محضرینه گتیرمه لی اولورلار؛شیخ آغا قضییه نی باشا دوشن کیمین بو حورمتسیزلیگی باغیشلاماز اولماز دئییه بیر گون علی اوممتینی ییغیب قوللاری باغلی قالایچی نی اورایا گتیررک اوجا سسینن سوروشور آی جاماهات سیز بویورون گورک بو مورتد اوغلو مورتدین جازاسی ندیر................................

+ نوشته شده در شنبه هفدهم اردیبهشت ۱۴۰۱ ساعت 11:37 توسط (قلئی چی مورتوض)  | نظرات

کاپیتال دونیاسی..........

قالایچی مورتوضونان سیرتیق سیچانین احوالاتی

سیرتیق سیچان:وای دده بوینوم وای دده بوغازیم

قالایچی مورتوض؛هه بئله ایلیشرسن هااااااا؛بیرده سن اولاسان ایجازه سین بیرینین ائو ماممارینا گیرمه یسن 

سیرتیق سیچان:قالایچی عمی منی تله دن قورتار بون نان سونرا سنین یان دوره نه دولانمارام؛

قالایچی مورتوض:اهوووووو سنی قورتاریم؛ بونا باخ؛ایندی قویروغونو کسیب آغزینا وئرمه گینن طئییییییی ایسلامی بانک ایخیلاصی نین آجیغینی سن نن چیخاجاغام؛

سیرتیق سیچان:اشی منیم آروادیم اوشاغیم وار؛اوزومده دده ددلیگین شیخ آغا کیمین محله نین موعتبری آدامی یام

قالایچی:سسین کس اوتانمازی بیری اوتانمازایجازه سیز امماریما گیریب اوزوم ننده دالاشیرسان

سیرتیق سیچان:یاخشی دالاشمارام سنده لوطف ائله قویروغوم کسدیگین قویروغومو قوی یئرینه چونکو بو بیله واریث آروادین کبینینده دیر

قالایچی مورتوض:یوخ جانیم اولماز؛ کسدیگیم قویروغونو آغزینا وئره جگم کی بیرده ایجازه سیز ایجازه سیز آدام اوغلونون اممار ماممارینا گیرمه یسن

سیرتیق سیچان:اشی من باشیما نه داش سالیم باغین گیرد کانین چالیب اممار ائله ین نن سونرا بیرده پئشریسینه دونورسن؛نئفت قویولارینین اوستونه کلک قورورسان؛خرمنی دویوب گتیرن نن سونرا دونوب یئرینه سوپورگه چکیرسن هله هئچ اللاه وئرن ایروزونو ییغیب احتکار ائله دیگین اممارین دوره سینه تله قورورسان

قالایچی مورتوض:استقفوروللا اوروج آغیز منی ایت ائله مه هااااااااااااااااا یوخسا بیله نه ائله قارا یاخارام کی یئددی قات توره ن آلتین نان چیخا بیلمرسیز

سیرتیق سیچان:اوروج توتماغینی باشیما چالما باخ؛سوروشورام سنین اکیب بئجردیگین باغ بره ده منیم کیمین ال ایاقسیز قورد قوشونداااااااااا حاققی وار یا یوخ

قالایچی:اوزون دانیشما هااااااااااااا؛من نن باغ شریکیسن و تارلا شریکیسن کی ایندی گلیب حاق طلب ائله ییرسن

سیرتیق سیچان:سنه اللاه بالام دئییب باخ؛چول باییردا بیتن دؤوشان آلماسینی دا بیزه چوخ گوروب الیمیزدن آلیرسان

قالایچی:خوب سن بویوران طئیییییییییی تانری وئرن وار کاری ییغیرام گوتومون آلتینا گئت الین نن نه گلیرسه ائله

سیرتیق سیچان:قویروغوم وئر گئدیم؛یوخسا بو ایش سنه چوخ باهااااااااااااااااا قورتارا بیلر

+ نوشته شده در شنبه دهم اردیبهشت ۱۴۰۱ ساعت 11:11 توسط (قلئی چی مورتوض)  | نظرات

کوهنه چی مورتوض..............

قارداش اوروسییت اؤکرایینا اولکه سینه یوروش ائله ین نن سونرا بولگه شیخ آغامیزدا گئجه لر یوخوسونو چلپه شیک گوروردو؛هر گون ناماز اوستونده زاددا اللرینی تانری درگاهینا قالدیریب دئییردی؛یا ربیم قارداش پوتینی ظفرلی و آبیش(آمئرکا)اؤروپا دولت باشچیلارینی محو نابود ائله؛سارایین گولمه شکری نایئتیک قالای مورتوض دا قارقودان بزه دیگی آتینی مینیب جانامازینین یانینا چاتاندا آمین آمین دئییه اوجادان اوستوروب قاچیردی؛اوروسییتین یوروشو باشلان نان گون نن بولگه باشجیمیز شیخ آغا ناماز جومعه زاددا اوممته هممشه در صفده یه موراجیعت لر ائله ییردی کی شرعی مسله اولاراق بیزه گرکدیر کی بوگون نری اؤوروسیتین عسکرلرینه قوشولوب چیین چیینه اوکرایینا جاماهاتینا قارشی دوراق؛چونکو اونلار آبیش دن امیر آلاراق دایمی متفقیمیز اولان کربلایی پوتینین آغیزی گوزونو اییرلر؛موعتبر شیخ آغامیزین منتظم موراجیعت لرینن سونرا طئی قتیل گونو زاد باش یاران گنجلریمیز آد یازدیریب حربی بولومه لرینه گئتمکلرینی طلب ائله ییردیرلر؛ گئت گئده ایکی اوچ مین دلی قاننی علی شیعه سی آدیازدیریب گونده لیک بولگه باشجیمیزین اوتوردوغو خان سارایی قارشیسینا ییغیشاراق تئزلیگینن یولا سالینماقلارینی طلب ائله ییردیرلر؛واقت وعده باشا چاتان کیمین بیر گون جمعه نامازینی قیلیب حاق علیه باطیل ووروشونا گئتمک ایسته یین نره یولا سالما مراسیمی قورولدو؛ چپییه باغلاییب آل بایراق گوتورن حربیچیلر ییغیشاراق شیخ آغامیز بیر بیر اونلاری قرآن آلتین نان کئچیرتمه گینن خئیر دوعالارینی وئریب یولا سالیردی؛کروانین قاباغی گئدیب دالی اوزولمه میش بیر اوندا گوردوم قالایچی مورتوضو کوهنه تلیسینی چیینینه آتاراق حربیچیلره قوشولوب گئتمک ایسته ییر؛شیخ آغا اوروسوای اولدوم دئییه اوغوللوغونون دالینا قاچاراق های باسدی کی سن هارا گئدیرسن؛قالایچی مورتوض دده ددلیگی شیخ آغانین الینی تلیسین نن قوپاراقوپارا اوجا سسین نن دئدی منده گئدیرم حربی بولمه لرینده دردمیر دوشورم..................

+ نوشته شده در جمعه دوم اردیبهشت ۱۴۰۱ ساعت 19:52 توسط (قلئی چی مورتوض)  | نظرات

ساچاقلی یایلیق...........

اورخان گنج اوغلان اولاراق هفته لر آیلار آناسی زوبا(زیبا) خالایا ایمساریش گوندیریرکی قونشو قیزی اورجانی سئویرم؛اورجان خانیم وارلی کارلی عایله نین اوشاغی اولدوغیچین مین ناز نئعمت ایچینده بویوموشدور؛دوزونو دئسم اورجان خانیم قیزلار ایچینده اوجا بویو- خوش یئریشی-شلاله ساچاغی وگیلاس چیچگلی یاناقلارین نان ساییلیب سئچیلیردی؛عکسینه اورخان آتاسیز اولاراق اوزگه لرین قاپیسیندا نوکر قالماغین نان آناسینین ماییش گتیرن اولموشدور؛اورخان نان اورجانین کند آراسی سئویشمه لری داوام ائله ییرک گاهدان قیز آدامی زوبا خالانی چاغیریب قیسناغا قویودورلار کی بو ایشه سون قویمالی اولسون؛سئویب سئویلمک واردی یوخدو تانمیر دئییه نهایت اوغلانین آناسی ایاق ایره لی قویوب قیز قاپیسینا ائلچی گوندرسه ده قیز ائوینین طلباتینا ایمکانی چاتمیردی؛الی یئردن گویدن الی اوزولن زوبا خالا گون نرین بیرینده گلین نیک یشیگینی(صاندیق)آچاراق آتاسی ائوین نن گتیردیگی قیر قیزیلین حئسابینا اوغلونو آداقلامالی اولور؛اورخان سئودیجه گینی بویوک شهریار دئمیشکن قووالاییب قورد آغزین نان قاپدیغینا گوره یاشیدتایلارینین دئدی قؤدولارینا معروض قالیردی؛بو سئچیمه قیسقانان نار یازیق اوغلانی گورنده گولوشه رک بیربیرلرینه دئییرلر؛بو یازدا اورخان آناسینی اره وئره بیلسه بلکه ده اوز تویونا پولو قازانمالی اولاجاق؛امما اورخان تپرلی گنج کیمین ائلچی سینی قیز قاپیسینا گوندرمه دن اونجه آناسینا سوز وئرمیشدیرکی من ایشله ییرک اوز بیله گیمین گوجونه یاشایا بیلرم؛یایین قورتاران گون نری دئییه پره یه(تورچولوق) یازیلان نار ایچره گنج اورخانیندا آدی واریدی؛واقت وعده باشا گلن کیمین پره چی کاروانی دوزولوب سفربر اولماق ایسته یینده زوبا خالادا اورخانین دالینجا سو سپیب گئت بالا ایشین آواند اولسون دئییه یولا سالمالی اولور؛اورخان هفته لر آیلار ایشینه داوام ائله ییب گاهدان آناسینین تک داملاردا یاشادیغینی تویوشونه(خیال) گتیرنده اوز اوزونه دئییر من دئیین اولماسین اللاه دئیین اولسون اوزوموزه گلن یاز قازاندیغیم پولون نان توی ائله ییرک اورجانی گتیرسم آنامی تک لیکدن چیخارتمالی اولاراق؛گاهدان دهنز(دنیز) قیراغین نان گلیب گئدن کیمسه لره مکتوب وئررک آناسینا چاتدیرماقلارینی خواهیش ائله ییردی؛مکتوب لارینین بیرینده آناسینا خیطاباَ یازیر؛جان آنا؛ جانیم آنا؛ جان سنین جان اورجانین آمانتی؛هله لیک ایشلریمیز یاخشی گئدیر؛پره نی قورتاریب کنده قایداندا سنه ده سنه ده ساچاقلی یایلیق آلارام؛دونه دونه یازدیقلاری مکتوبلارینا جاواب آلسادا سونونجو دونه یازدیغی مکتوبدا آناسینین خسته له نیب یورقان دوشه گه دوشمه گینن خبردار اولور؛خیری آلان کیمین پره باشجیسین نان ایذن آلاراق شله کوله وارین ییغیب دورد آی قاباق گلدیگی یولو گئری دونمه لی اولور؛یول آغزی شهرلرین بیرین نن آناسینا سوز وئردیگی ساچاقلی یایلیق آلیب کسه یوللارین نان اوزونو کنده چاتدیرمالی اولور؛نه یازیق کی اورخان گلیب چاتانا خسته آنا دونیاسینین یئرینی بوش گورمه لی اولور؛ ؛کند جاماهاتی ییغیشیب بیردونه یاس توره نی قورسالاردا اورخان نان آناسینی آراسیندا اولان سوز صوحبت گوزلری قارشسینا گلیر؛اورخان دده بابا عنعنه سی صادیق قالاراق آناسینین ایل دونومه قدر قارا کوینک گئییب اوز باشینی دا قیرخماق دان بئله واز کئچیر؛تپرلی اورخان آناسینین ایل خش خئیراتینی وئرن نن سونرا قیز ائوینین ایراضی چیلیغینان آداقلیسینین الین نن یاپیشیب یاخین نیقداکی سئید درایمامزاداسینا گئتمه لی اولورلار؛گونبذ قارشیسینا چاتاندا آناسینا آلدیغی ساچافلی یایلیغی بوغچادان چیخاریب اوراجانین باشینا اورتنده دئییر......................

+ نوشته شده در جمعه بیست و ششم فروردین ۱۴۰۱ ساعت 21:9 توسط (قلئی چی مورتوض)  | نظرات

آتیلان اوشاق..........

نئچه ایل اولاردی من حیات یولداشیمی سئچیب سئوه رک بیرلیک ده حیات قورموشدوق؛سئچیب آلدیغیم دونیا گوزلی حیاتیما سئوینج گتیرسه ده اوشاغیمیزین اولماماسی آرامیزدا سرین نیک یاراتمیشدیر؛واقدیکان خسته خانالاری دولانیب اوزوموزه داوا درمان ائله سک ده اوشاغیمیز اولماییردی؛ چوخلو گؤتور قوی ائله ینن سونرا بو قرارا گلدیک کی اوشاق باغچاسین نان بیر جوجوق گتیریب حیاتیمیزا داها داد دوز قاتمالی اولاق؛هفته نین استراحت گون نری دئییه اوشاق باغچالارینا باش ووروردوق کو بلکه حیات بوشلوغوموزو دولدورا بیلدیک؛بو فیکیر آرامیزدا اولان کیمین بیر گون های دوشدوکو یاشادیغیمیز شهرین زیبیل خاناسی نان یازیسی قارا بیراوشاق تاپیلیبدیر؛من نن حیات یولداشیم خبر ائشیدن کیمین پولوس بولومه سین گئدیب اوشاغی گورمه لی اولدوق؛ ائوه قاییدیب چوخلو گوتور قوی ائله یه نن سونرا بیر دونه عایدییاتی قوروملارا موراجیعه ائله ییب اوشاغی بیزه وئرمک لرینی خواهیش ائله دیک؛نئچه گون عایله میزین حاقفیندا آختاریشائله ینن سونرا بیر گون بیله میزی ایسته ییب دیلیمیزدن التزام آلاراق اوشاغی بیزه وئرمه اولدولار؛جوجوغو گتیرن نن سونرا حیاتیمیز شیرین نش سه ده اونون ترس طالئعی بیزی قیجیلاندیریردی؛هفته لر آیلار اوتدوکجه بو فیکیر من نن حیات یولداشیمی اوزونه مشقول ائله ییردی؛گون نرین بیرینده یئنی دن بو اوشاغین کیم اولدوغونو اورتایایا قویوب عومور گون یولداشیم نان سوز پایلاشیمی ائدنده آغزیماگلن اوزومو بیله سینه توتوب دئدیم؛ییرتیجی حیوان ناردا اوز دوغدوق لاری کوچوگو چوله بوراخمیرلار؛حیات یولداشیم هیوا یاپراغین نان حاضیرلادیغی چایی چاشقاما توکه توکه دئدی؛چونکو وحشی طبیعتده دیشی حیوان بهره قالماق ایسته یینده اؤن ارکک دن بیرینی سئچه رک اونونلا جوتدشیب دؤل توتمالی اولور؛او جهتدن دیر کی آنا دونیایا گتیردیگی بالاسینی جان باهاسینادا اولولسادا بویوتمه لی اولور..............

+ نوشته شده در شنبه بیستم فروردین ۱۴۰۱ ساعت 10:13 توسط (قلئی چی مورتوض)  | نظرات

آروادین جئییز یورقانی...............

یاز قاباغی دئییه سحر سحر فهله میدانینان قالایچی مورتوضو گوتوروب بیرلیکده باغا گئتمه لی اولدوق؛یول اوزونو گئده گئده اوقات تالخ ائله ییب تئز تئز سیگارئتینی آلیشدیرماغینان بیر دونه حیات یولداشی خویلو خانیمنان سوزه گلمکلرینی باشا دوشدوم ؛ایش بیلن فهله پال پالتارینی عوضله یین نن سونرا باغین چرچپرینی دوزلتمه گیمیزی خواهیش ائله دیم؛یا اللاه سنه توککول دئییه قالایچی مورتوض چپرین چول اوزونه کئچه رک منی ایسه ایچری اوزون نن ایشله مه گه باشلادیق؛ایش اثناسیندا قولاغیم چالاراق هردن بیر ائشیدیردیم کی قالایچی مورتوض اوز اوزونه دئییردی؛ قارا ایلان ووردو گوی ایمان وئردی آغ ساققالیق ائله ییب بیزی باریشدیرماسایدین اولمازدی؟ من ایندی آروادا نه جاواب وئره جه ییم؛گون نن بیرآز کئچمیش قفدان چایینی چاغلاییب چپر آرخاسین نان چاغیردیم کی آی قالایچی مورتوض گل قالیان یئییک؛سیفرا باشیندا اوتوروب یارپیز چایینی چاشقاسینا سوزه رک بیله سین نن سوروشاندا دئدی؛نه اولاجاق هممشه اولدوغو کیمین بو دونه ده ائو آدامینان دالاشیب آرانی قاتمیشیق؛من دئییرم طایفا باشجیمیز ایمان وئردی ایاق ایره لی قویوب بیزی باریشدیرماسایدی بلکه ده آروادین دده ائوین نن گتیردیگی جئییز یورقانی یانمازایدی؛ایش بیلن فهله نین سوزلرینه گولومسه ییرک اوزومو بیله سینه توتوب دئدیم یورقانین یانماسینین طایفا باشیجیسی ایمان وئردی کیشی یه نه داخلی واردی؛بیر دونه قالایچی مسله یه آچیق لیق گتیرن کیمین وورقولادی؛هفته لر آیلار ائو آدامین نان کوسولو قالدیغیمیزیچین باریشان گئجه سی یئریمیزی یانار سوبانین(بخاری) یانیندا سالدی؛آرواد منی سوپوروب سوبانین دیبینه قیساراق سنه دئمه کی یورقانین بیر اوجو یانیب یارارسیز حالا قالیر؛ بیر دونه یورقانین یانماسی بهانه اولاراق تانری تانیمازین قیزی گونومو گوی اسگی یه دونگون له ییرک دئییر آتام ائوین نن گتیردیگیم جئییز یورقانیمی سن یاندیرمیسان؛قالایچی نین سوزلرینی باشا دوشن نن سونرا بیر سیگارئت یاندیریب بیله سینه وئرنده سوروشدوم؛بوکو بیر زاد دئییل بیر یورقان بیله سینه آل داوا دالاشیز قورتارسین؛ قالایچی سوزومو ائشیدن کیمین بیر دونه اوجا سسین نن دئدی یوخ جانیم بو دونه یورقانی طایفا باشجیسی آلمالی اولاجاق؛ من یوخ.....................

+ نوشته شده در جمعه دوازدهم فروردین ۱۴۰۱ ساعت 18:38 توسط (قلئی چی مورتوض)  | نظرات

بویالی یومورتدا...............

یوخ آخی اوزیچین دئییر او کیمدیر کی منه گولسون بویالی یومورتدا اوزونو حیات یولداشینا توتاراق دئدی ایده خانیم اوزونوز نایراحاند ائله مه کی تضعییق(فشار)قالخار دوره ده اوتوران نار دیله گلن کیمین یاغلی قوز اوزونو ایده خانیما تواراق دئدی بورا هانپا ائویدی سوزوزده اولسا چولده دانیشارسیز اویان نان یئمیش باجی اوزونو ایده خانیما ساری توتوب دئدی آتالار دئییبلرکی بایرام گونو اوقات تاخلیق ائله مه گین شوکومو اولماز گئت گئده سوز صوحبند اوزان نان کیمین بویانان یاغلی قوز علاوه دن اورتایا گیررک آغیزینا گله نی یاغلی قوزا دئییب اوره گینی بوشالدی عزیز گون دئییه بیر دونه پوسته خانیمین گولمه گی یئنی دن شرشبئی یاراتدی سس کویلری تنگه باجانی گوتورن کیمین قونشولارین بیری 110پولوسینه زنگ آچاراق قالماغال یارادیب آسایشی پوزان ناری محکمه یه وئرمه لی الولدولا بیر دونه محکمه زالیندا دالاشان قونشولارین سس کویو موحترم حاکیمین گلیشینن سونا چاتدی محکمه باشجیسی قاررینی بورانی عباسینی چینینه سالاراق دالاشیب ساولاشان ناری بیربه بیردینله مک ایسته ینده اؤنجه بویالی یومورتدا ایاغا دوروب حیات یولداشی ایده خانیمین حاقلی اولدوغونو سویله ییرک پوسته خانیمین کار کاسیبا گولمه سینی تنقید آلتیندا آلدی یاغلی قوز اعتراض اولاراق ایاغا دوروب بویالی یومورتدانین جاوابین وئرمک ایسته ینده موحترم حاکیم ال اشاره سینن یئرینده اوتورماغینی سویله دی بو دونه عدلیه یارقیسی(وکیل مدافع)قارا بادیمجان ایشه قاتیلان کیمین موحترم حاکیم نن اجازه آلاراق زالداکیلاری سورقو سوالا توتاراق محکمه داوام ائله دی بویالی یومورتدا بیر دونه اوزونو و حیات یولداشینی مودافیعه ائله مک ایسته ینده قارا بادیمجان دئدی ساکیت اولون جانیم؛ بو ایشه نئچه موعتبر تانیق(شاهد)گرک اولاجاقدیر یوخسا کی محکمه بو هاسادیغا پوسته خانیمین گوناهکار اولدوغونو تصلیق ائله یه بیلمز ایده خانیم بو سوزو ائشیدن کیمین ایاق ایره لی قویاراق الین قالدیردی کی موحترم یاریقیچی تانیغیم وار دئییه محله زن نن نرین نن اولان فیندیق خالانی- یئمیش(کشمش) باجی نی و انجیل گلین باجینی زالا گتیردی حاکیم صحنه نی گورن کیمین بیزیم شرعیتده زنن نن تانیق اولماز دئییه قاپی قوللوچوسون نان امیر وئریب چوله چیخاریلمالارینی طلب ائله دی؛ نهایت موحترم حاکیم پوسته خانیمی حاقلی بیلیب سون قرارینی وئرمک ایسته ییرک قارا بادیمجان حاکیمه یاخین ناشیب ال اشاریسینن گوزتره گوزتره دئدی قوربان پوسته خانیم ائله بیل سیزده گولور...............

*

قاررینی بورانی-محکمه چی قارا بادیمجان- محکمه نین کومکچیسی ایشینی محکمه سالان بویالی یومورتدا و انون حیات حیات یولداشی ایده خانیم ماخلوغا دولاشیب بیله لرینی لاغا قویان یاغلی قوز کیشی و اونون حیات یولداشی پوسته خانیم تانیق(شاهد)گلن نر:قونشو زنن نری- فیندیق خالا-یئمیش(کشمش)باجی-و انجیل گلین باجی

+ نوشته شده در جمعه پنجم فروردین ۱۴۰۱ ساعت 19:45 توسط (قلئی چی مورتوض)  | نظرات