دوکتور جئری
ساتاشما ادبیاتی
گؤروش‌لر : 0
تاريخ : پنجشنبه 9 بهمن 1393 | یازار : دوکتور جئری
+0 به‌ین

 

بو سؤزلی اوخویاندا سن ائله بیلمه 

مشهدی قاسیما، یادا اسمرین اری
تقی عمیه گولورسن! یادا گول نیسه نین
بوشانماسینا! جاببارین تیریاکی لیغینا!
یاداکی احمدین یاخالانماسینا گولورسن!
بیر آز فیکیر وئرسن حتمی بیل کی،
سن سحردن اؤزونه گولورسن!!.
چونکو اؤزونده اونلار ایله یاشاییرسان!

ملا نصرالدینین نوه سی

کئفلی ایسکندر

 


بعضی آنلار دانیشیقلار گوره سن کیمین اوچوندی !

بو حکایه نی یوزلر سئری، قیشدا کورسی باشیندا، آتا ننه مدن ائشیتمیشه م !

سولیمان حضرتلری بیر گون سئرچه نی ایش باشیندا (قئروولچولوقدا)،  یوخلاماق اوچون، اوردا اولان یئره، گئدیر. آمما گورور اؤز تاپیشیران  یئرده، دئییل. سلیمان حضرتلری اوز دونده ریب سئرچه یه ،دئییر: سئرچه ،بس نییه دئدیقیم یئرده یوخسان؟ گئدیب او طرفده یولداشیله اوینایرسان؟ سئرچه باخمادان، اوجا سسله، دئییر: یاخشی ائیله یره م ،هئچ بیر کسه ربطی یوخدی! سولیمان پیامبرلری اوچ دفعه تیکرار ائدیر، ائله اوچ دفعه ده بو سوزلری سئرچه نین طرفیندن ،ائشیدیر. سولیمان آتامیز چوخ ناراحاند حالدا ،کاخینا گلیب، بیر –ایکی مامور گونده ریب قول–قانادین باغلی حالتده سئرچه نی سولیمان پیامبرین یانینا گتیریرلر. آللاهین پیامبری اوز دونده ریب سئرچه یه، دئییر: سن، یعنی او قدر بویوموسن کی منه سوز قایتاریرسان ؟یازیق سئرچه تیتیره- تیتیره یاخینلاشیب، اوز بویوگونون الیندن اوپوب، دئییر: یا پیامبریم بیر غلطی دی ائیله دیم، اوز بویوکلوقوزا گره ک منی باغیشلایاسز. بولوسوز نه واریدی؟ من بئله خانیمیمین یانیندایدیم !سیز سئوال ائدنده ،خانیم منه اوز دونده ریب، دئدی: او قوجا نه دئییر؟ یئری بیر موحکم جاواب وئر! منده بیر جسارت ائیله دیم !

من بیر خانیمین یانیندا ،اوجور بتردن دانیشماقا حاققیم یوخدی؟!!

 

گرگرلی آراز

 نوشته شده در  دوشنبه بیست و چهارم خرداد ۱۳۹۵ساعت 11:23  توسط محمد علی برزگر (گرگرلی آراز) 

 

 

 

ایشتیباه اولونموش دئپوتادلاری مجلیسه آپارمازلار یاری یولدان قایتمالیدیلار!

همسایادا سس -کوی قوپاندا، ایلک ائلچی بئی گیله من اؤزومو یئتیردیم، ائلچی بئی یی اودون ایچیندن چیخاردیب بیر ایسلانمیش کوهنه یورقانیله ،اتکیندن اودو سوندوردوم .خیلاصه های –کوی یاتیب، همسایالار گئدندن سونرا، ایچه ری گئچیب بیر چایلاشاندا ، اوندا سوروشدوم :ائلچی بئی نه اولدی ائو اود آلدی؟ قددی اییله -اییله بیر چای قویوب قاباغیما ،قندی ایته له دی چایین یانینا ،اؤزو چونبه لن اوتوروب، بیر سیگارت آلیشدیردی، سونرا دانیشماقا باشلادی:  ائوه گلنده بیر نفر یوخودی ،منقلی آلیشدیریب بیر- ایکی نفس او زهرماردان ووردوم، ائله آخیر نفسله ریمده یدی، بیر طرفدن یورغونلوق بیر طرفدن بو زهرمارین تاثوراتی، منی منقلین یانیندا یوخلاددیردی.

 او زامان گوردوم کی بیر نفر الیمدن یاپیشیب، منی گویه چکیر. بیر دیقتیله باخدیم گوردوم، ملاکه لردندی، منی گویه، گورونتولرینه آپاریللار. قورخودان چیخاندان سونرا ایسته دیم بیر کئف- احوال ائیله یم ،اوز دوندردیب اونلارا ساری، دئدیم: احسن- احسن، مرحبا- مرحبا ،کیف حالک،شکرا! منیم جوابیمدا دئدیلر:لا ادری کیف اشکرک یا سییدی! ملاکه لر بیر منه باخیب بیر اؤزله رینه ،سونرا سوروشدولار: موسولمان؟! دئدیم :بلی!سوروشدولار: اسم الاب؟دئدیم :ائلچی بئی بن قالایچی مورتضی !یئنه خبر آلدیلار: اسم الام؟ دئدیم :رحمتیکه گولثوم آخیر سورغولاری بئله اولدی: بلد الا قامه ؟اونو دییه نده گوردولردئدیقیم  عربی بیر مملکت دئییل بیر- بیرینین اوزونه باخدیلار، سونرا بیر ایستیگاهدا ساخلایب بیر مترجیم گتیردیلر ،مندن سورغو- سئوالاتدان سونرا گوردولر من ائلچی بئی یم !

ائله بیل ایشتیباه اولموشدی ملک لرین بیری بیر فندیله هیرسین توکوب ،بیر یوموروق سینه مه چکدی!امما بیله نمه دیم نییه ایشتیباه اولونموشدی.

 داها هئچ بیر زاد یادیما گلمیر! اوندا گوردوم منقلین اوستونده چابالیریرام! سیز یئتیشمه سیدیز یانیب ،قوتولموشدوم !!

 

گرگرلی آراز

 نوشته شده در  یکشنبه نهم خرداد ۱۳۹۵ساعت 21:21  توسط محمد علی برزگر (گرگرلی آراز) 

 

 

آخیر سوزو مرکز دئییر!

 شاه دوورونده مرکزین دوره کندلرین بیرینده بیر پاسگاهدا خیدمتیمیزیدی. ائلچی بئی پاسگاهیمیزین باشجی سی تعیین اولونوب، دوکتور جئری پاسگاهیمیزین بهداری سینا یئتیشیر، منده پاسگاهیمیزین وکیلی دیم(گوروهبانی دیم). بیر اون گون اولاردی بیر کندلی پاسگاها ساری اوز دوندرمه میشدی، اؤزوموزه اوتوروب چایلاشیردیق. بیردن کندین رشبرلریندن بیری اون دانا فتیر دستانا –اون بش کند یومورتاسی، بیرده کیلو یاریملیق ساری یاغ الینده ،پاسگاهین حیه تینه قدم قویدی. یاواش- یاواش  بیزده تاماشا ائدیریک، گلیب اوتوردی، اونلاری ائلچی بئی یه تقدیم ائیله دی، سونرا جیبیندن بیر شکایت چیخاردیب ایکی اللی میزین اوستونه قویدی. ائلچی بئی ین ساوادی اولمادان، دوکتور جئری تورکی باشارمادان ،مجبورن من اوخودوم .اوردا یازیلمیشدی: من کربلایی احد اوغلی مشهدی زینال ،آروادیم سکینه قیزی گولثومدن شکایتیم وار! بو گونلر منه ساری باخماییر! پاسگاه مودیریندن خواهیشیم وار، بو باره ده بیر فیکیر قیلالار. ائلچی بئی خبر آلدی: نئجه یعنی باخمیر؟ مشهدی زینال دئدی: نئجه سی یوخدی کی باخمیردا !ائله آچیم هر زادی دئییم؟ائلچی بئی یه اللریمین ایشارتیله  دوشوندوردوم کربلایی احد اوغلی مشهدی زینال نه دئییر!ائلچی بئی بیر آز اییلیب مشهدی زینال عمی یه ساری اونا یاواشجا دئدی:بیر گوزل هولو عمه م وار ایشیندی ؟مشهدی زینال دئدی: یوخ. ائلچی بئی ،دئدی: اوندان سونرا بیر خالا خانیمدا وارها؟او ،دئدی: یوخ جانیم منیم کی اونلاردان چوخ گوزل –جانی سولودی .ائلچی بئی سوروشدی: بس دردین نه دیر ؟مشهدی زینال عمی دئدی :ایش منده دی داها او سوزدا ،منده بیر شئی یوخدی !ائلچی بئی دئدی :بس شیکایتین ؟زینال عمی جوابدا یاواشجا دئدی:هئچ اولماسا قیدیغلاماقا نه گلیب؟ منی بیر قیدیقلاسین ،هیرسیم سویوسون!ائلچی بئی یومورتالاری –ساری یاغی –دستانالاری میزین اوستوندن گوتوروب یانینداکی میز اوسته قویدی سونرا عسگرلر اولمادان منیله –دوکتور جئری نی مشهدی زینال عمی نین ائولرینه اونیله برابر گوندردی ،برک -برک تاپیشیردی: بو ایشی حل ائتمه مه دن پاسگاها قایتمایین .

او زامان یئتیشدیق کی مشهدی زینال عمی نین خانیمی بیژووی بیزوولوقا سالیردی، یاشماقی اوزونه چکیب، بیزیم یانیمیزدا هاراسان دوروب ،هامیمیزا باخدی .آنا -باجیم اولسون، اینصافن گوزل- دوروشوقلی خانیمیدی. شیکایتی اوخویاندا ،یاریدا سوزومو ساخلادی، گولثوم خالا ،دئدی :عیبی یوخدی من او میده شوری قیدیقلارام! منی کیم قیدیقلاسین؟!

من بیر سوز تاپیب، دییه بیلمه دیم. بیر الیم قولاقیمین دیبینه گئدیب، گولثومه چاسگ قوزادیم، دئدیم: گئدیب مرکزدن، ائلچی بئی دن سوروشوم، گلیم دئییم!!

 

گرگرلی آراز

 نوشته شده در  جمعه بیست و چهارم اردیبهشت ۱۳۹۵ساعت 23:48  توسط محمد علی برزگر(گرگرلی آراز) 

 

 

قالیب قییامته !

دونیا بیرلشمیش اولکه لر سازمانینا تقدیم اولونور

قالیب قییامته !

 

ریضا دایی دئییردی:اوشاقلیقدا آنامیله –آتام هردن ساواشیب، سونرا گوزل گونلرین موناسبت- بهانه سیله باریشاردیلار. بو عادت ائله عومورلرینده بو ایلدن او ایله جان پئشه لری اولموشدی. هردن ساواشاندان سونرا ناقافیلدان بیر قوناق گلمه ،دوربردن بیری دونیاسین دئیشمه ییله یاخوت بیر قضا -قدر اوز وئرمه یین اوزه رینده،مجبورن –ایستکدن- یورولمکدن باریشیب غایله سوووشوب گئدردی. بو ایش اونلارین یاپ او جاوانلیق دووروندن باش وئریب، ائویمیزده بیر عادته دونموشدی.

 بیر اون ایل اولاردی بو آخیرلاردا مرکزه کوچموشدوم. هردن گلیب گئدنده ،آتام- آنامیله ساواشمالارین گیزله دردی. امما بو یاخینیقلاردا بیلیردیم آلتی آی اولاردی، ساواشیب باریشمامیشدیلار.

 شامی یئیب آتامین یانینا اؤزومی وئرندن سونرا، بیر گوزل زاماندا آتامدان خبر آلدیم: آتاجان، قاباقجالار ساده بهانه یله ساواشسایدیزدا، بیر ساده بهانه یله  باریشاردیز،بو سفر چوخ بواختا قویموسوز قالیب. آتام چایین یاریسین نعلبکی ده ایچمیشدی، بیر الینده ایستیکانی بیر الینده ده نعلبکی نی ساغلایا -ساغلایا  گولومسوله نیب،دئدی: ریضا بالا، آنایله منی باریشدیران چوخدان اولوبدی! داها اونیله منیم باریشماقیم قالیب قییامته!!

 

گرگرلی آراز

نوشته شده در  یکشنبه نوزدهم اردیبهشت ۱۳۹۵ساعت 0:19  توسط محمد علی برزگر(گرگرلی آراز) 

 

 

سیزین تعصبوزه دورتوم!

آرزی بلاگین فیلتر اولماسی موناسبتیله

سیزین تعصبوزه دورتوم!

بیزیم شهرده ائله بیر دیلنچی واریدی. آللاه تعالا اونا ایرحمت ائیله سین ،دیلنچی ده اولسایدی، آلیش –وئریشده ،یئمکده چوخ دوولتدی آداملاردان –حاجی لاردان قاباق ساییلیردی. گولبه سرین گولو بورنوندا ،یئر-یئمیشین آلماسیندا ایلک نوبتلرده نوبارین ،اسمر باجی کند یومورتالارین، محلله میزده توکذ خالانین بئچه لری، ائله بو شخصه علی کیشی یه بئجرله نیردی. هردن یورغون لوقون آلماق اوچون ،مچیدیمیزین قاپی سینین سکگی سینده اوتوروب ،دینجه لردی.

 دئدیغیم گون علی عمی اوردا اوتوروب ،اؤزونه دینجه لیردی. امیرینده میرتی دوران واخت گوردی بابا قونشی کندیدن قیشلارین سوروتله یه- سوروتله یه آشاغیدان گلیر. ائله بابادا دیلنچی دئییردی آمما بیر پولی چیخاردیب وئرسه ردین، آلیب جیبینه قویاردی .امیر اوز دونده ریب بابایا، دئدی :بابا ایه ر گئدیب علی عمی نین یانیندا اوتورسان ،گلیب اوچ –دوردنفر سنه پول وئره جه ییک. بابا دئدی: دئییرسیز گئدیمدا. بابا دوزلدی یولا دوز گئدیب علی عمی نین یانیندا اوتوردی. امیر تئز گئدیب اونا بیر بش یوزلوق وئردی. امیر گله -گله ائله بابادادان قاباق علی کیشی الین امیره طرف اوزادمیشدی، امما امیر علی کیشی نی  قویوب بابایا  پولی وئرمیشدی. بو هی نیده علی کیشی بیر بابانین اووجوندا بش یوزلوقا باخدی ،بیرده بابانین اوزونه، بیردن بیر دومسوک بابانین بویرونه چالیب، دئدی :دور بوردان گئدگینن! امما امیرین ایشارتینن یئنه دن بابا اوتوردی .امیرین یولداشی محممدریضا بو سفر بیر بش یوزلوق آپاریب بابایا وئردی. هر سفر امیر گیلدن بیر نفر گئدیب  بابایا پول وئرنده ،علی کیشی دیشی -دیشین کسیردی بیر دومسوک بابانین بویرونه یئندیریب، دئییردی: دور بو مکاندان آیری یئره گئدگینن.

 خیلاصه آخیر سفر صمد آپاریب بیر بش یوزلوق بابایا وئرنده ،علی کیشی آیاقا دوروب، بیر تپیک بابایا ووردی، سونرا الین قوزایب امیره بیرده امیرین یولداشلارینا ،دئدی :یئرلی نی  قویوب یئرسیزه وئرن یئرده ،سیزین  تعصبوزه من دورتوم!!

 

گرگرلی آراز

نوشته شده در  چهارشنبه هشتم اردیبهشت ۱۳۹۵ساعت 13:40  توسط محمد علی برزگر (گرگرلی آراز) 

 

 

ایسگندر یه مه نه گئتمک نظرین اولسا، منی ده یازین!

گرگر محالیندا بیر مجلیسده  رحمتلیک حوسین قلی موعللیمین دئییلن خاطیره سیندن بو یازی گوتورله نیب

ایسگندر یه مه نه گئتمک نظرین اولسا، منی ده یازین!

 دوکتور جئری دئییردی :اوتوز ایل بوندان قاباق دوکتوراولمامیشدان ، ایلک ایشله ین ایللریمده ،  دووره قونشو کندیده موعللیم وظیفه سینده یم . هر هفته آخیری اؤز کندیمیزه گلیرم.هفته لرین بیرینده ، مئیداندا  شیخ ایسگندریله مچیدین قاباغیندا یاسلاشاندا،مندن سوروشدی :آی حوسین قلی ائشیتمیشم، قونشو کندیده موعللیم سیز. بونلاری دییه- دییه الین آتیب جیبیندن بیر  کاغاذی چیخاردیب، منه ساری اوزاددی، او حالدا دئدی: مومکن اولسا ،بونودا  اوردا منیم دوستوم شیخ  مورتوضا  وئررسیز. احتیراملا  کاغاذی آلیب، اوپبک اوچون دوداقلاریما آپاریب، سونرا کاغاذی گوزومه  یاپیشدیردیم ،یعنی بو کی حتمی بیل اونا یئتیره جه یم.

 سحر کند یولوندا پییادا فیکریم او کاغاذا گئتدی، ایسته دیم آچیب بیر اوخویام گورم شیخه نه یازیلیب .

بیرآز گئدندن سونرا  استغفرواللاه دئیب، کاغاذی آچدیم. شیخ ایسگندر اوردا یازمیشدی: شیخ مورتوض ایه ر کندیزده صیغه اولسا آلتی سین منه یازارسیز !بیر گولومسولندیم ،سونرا کاغاذی همن حالا سالیب ،کنده یئتیشن زامان ، شیخ مورتوضو  تاپیب، اونا وئردیم .

 بیر ایکی گوندن سونرا شیخ مورتوضدا بیرکاغیذ وئردی، دئدی: ایه ر ممکن اولسا بونو یئتیره سیز منیم دوستوما .ائله او کاغاذیدا شیخ ایسگندرین کاغاذی تک آچیب اوخودوم.

شیخ  مورتوض  بیزیم  شیخ ایسگندرین  جوابیندا یازمیشدی: ایه ر ناخیرا گئتمک نظرین وار منی ده یاز!!

 

گرگرلی آراز

 نوشته شده در  شنبه بیست و هشتم فروردین ۱۳۹۵ساعت 22:37  توسط محمد علی برزگر(گرگرلی آراز

 

 

هر بیر شئی یه صادیق اولان !

ایه ر تصادفی قیراغا قویساق ،ار- آروادلیق مسئله سینده قدیم زامانلار، خانیملار جاوان اولماقدا، بیرده کیشی لر چوخ ایشلمکدن، کیشی لر تز آرادان گئدیب، اولوردولر.او زامانلار  ار هئچ اولماسا اون بش- ایرمی ایل خانیملاردان یئکه یمیشلر. اسکی گونلردن بری دئیب لر:رسمیمیش، چیلله گونو آتا کورسی باشیندا، پاپاغی تپه سیندن گوتوروب قیزینا طرف آتسایدی، ایه ر او قیز یخیلماسایدی، او قیزین اره گئدمک زامانی گلیب چاتمیشدی .قیز اوشاقی چوخ زامانلار ائله چیچیک اولاردی کی او گئجه اریندن قورخوب آتا ائوینه قاچیب یوللاناردی. حتتا منیم یادیمدادی حوسین عمی نین قیزی قاچیب گلمیشدی آتاسی گیله، دییه نده : دور گئدک ارین ائوینه ،آغلایا -آغلایا دئییردی: من گئدمیرم، منیم عوضیمه آنامی گونده رین! یاکی محمدجعفرین قیزی ار ائویندن قاچاندا، اوچ گون آختاریب تاپانمامیشدیلار، آخیردا آتاسی گیلین سامانلیقیندان تاپمیشدیلار. آمما شهربانی خالا ائله ایلک بینادان زیرک -فیرووون قیزیدی، اره گئدندن سونرادا هئچ بیر نفر اونیله باشارا بیلمزدی. آمما دئیب لر: فیرووونون تز بورنی اوولار. یازیق آللاه رحمت ائیله سین تز اولدی .اری حوسین عمی ائله آغلایردی، ائله آغلایردی ،آدامین اوره یی کاباب اولوردی. حتتا مییتی قاپیدن چیخارداندا، حوسین  قاپییا قیفیل ووردی، آچارلاری داما آتیب ، دئدی: آتاما لعنت بو قاپینی بیرده من آچام .

شهربانی نین قیرخی گونی هامی سویوموشدی، حوسین کیشی ده آراملاشمیشدی، آداملارین شاما لیستین توتاندا ،حوسین کیشی دئدی: قولی نیدا یازارسیز! حوسین کیشی نین قارداشی دئدی: هانسی قولی؟ حوسین کیشی دئدی: بابانین اوغلو قولی .قارداش یئنه دن سوزه گلدی: قارداش او کی نه بیزیم قوهوموموزدی، نه ده دوستوموز، نه ده تانیشیمیز! حوسین کیشی تس- تس قارداشین اوزونه باخیردی، ائله گوزلریله قارداشینا  دئیردی: سنه نه سن یازدا ،شاید قوهوم اولاق. قارداش تز سوزو آنلادی ،بولدی ،گوله-گوله قولونون آدین لیسته یازدی. هامیدان بتر مجلیسده حوسین کیشی قولویا احتیرام- محبت ائیله یردی. بش آیدان سونرا قولونون باجیسین ملاحت خانیمی، اؤزونه خانیم ائیله میشدی. بونون عکس حالی دا اولور، سیم زر خانیمین اری تصادیفده آللاه رحمتینه گئدمیشدی ،مییتی محلله یه گتیرنده هامی گلمیشدی ،هامی آغلایاندا ،سیم زر خانیم هامیدا بتر آغلایردی، توتولوب –توتولموردی. من اؤز گوزومله گوردوم قونشوموز نغی کیشی، سیم زرخانیمین  یانینا گئچیب یاواشجا هی دئیردی: سیم زر سن آللاه سن آغلاما !سن آغلاما !دورد آیدان سونرا گوردوم سیم زری، نغی بی بی اوغلی آلیبدی.

 بیزیم محالدا ار- آروادلاردان بیر آزین چیخاندان سونرا ،چوخلاری هم کیشی لردن همده خانیملاردان یالان دئییللر.گوره سن نییه بئله دیر؟ آمما گوره سن بو دورد ایدن سونرا  بیزیم بو عزیز، محبتلی،سئویملی ، هر بیر شئی یه صادیق اولان دوولتیمیز  .......!!

 

گرگرلی آراز

 نوشته شده در  یکشنبه بیست و دوم فروردین ۱۳۹۵ساعت 13:3  توسط محمد علی برزگر(گرگرلی آراز

 

بورک قویما!

برک ناخوشلامیشدیم، یاپ اولوم یئرده قالمیشدی. داوا- درمان ائیله یندن ساوایی، بیر تهر دوزلمیشدیم کی،هره بیر نوسخه یازماقا باشلادیلار .ایرضا موعللیم تیلفونیله حالیمی سوراندان سونرا، دئدی :ایندی هاوا برک سویوقدی، بیر زامانی ائشیکه چیخسان ،باشان بیر بورک قویگیلان.بو فیکیر  یاخشی دوشدی ،منی فیکره آپاردی.هر جوره بورک قویمالاری ذهنیم دن گئچیردیردیم :آتام ائشیکه چیخاندا هانسی سین،ائوده نئجه بورک قویاردی؟آمما داییم ائله چوخ زامانلار، میثال اوچون قیشدا، بئکار اولاندا ،بورک قویاردی .عمیم  تزه مود اولان بورکلردن، فخریله باشینا قویوب، آداملارین اوزونه گوله –گوله باخیب گئچردی.ذهنیمده چوخ اشخاصلارین بورک قویمالاری ، گلیب گئچدیلر .ابراهیم آغا چوخ گوزل سوروجو اولماقدا ،رنگ به رنگ بورکلردن قویوب ،برک یاراشاردی.کان کان  آغارضا بیر قمر رنگیده درییه اوخشاربویکی، واریدی .او بورکی هم ایشده -همده ائشیکده قویاردی ،یالنیز ایشدن چیخاندان سونرا ،الی –اوزون یویاندا ،اونو باشیندان گوتوروب ،بیر الیله او بیرسی الینه، اوچ دفعه موحکم چالیب ،توز-تورپاغی گئدندن سونرا ،یئنه باشینا گئچردردی.چایچی میر علی،توکانچی مشهدی احمدین ،قصصاب علی حوسینین ،چورکچی محممدعلی نین ،مخصوص اؤزلرینه بورک قویمالاری،واردی.بعضی بورک قویمالار،بعضی اشخاصیلر اوچوندی.میثال اوچون دریدن –تیفتیک بورکلر مخصوص نوحه خانلار اوچوندی .عممامه ده کی ،اؤز تکلیقیندا، بیر دین بورکی ،حئسابا گلیر .عممامه لرین آغ رنگلری، رعییت لر اوچون ،قارا رنگیده اولانلار ،سییدلره عایددی.یاشیل عممامه لر –یاشیل کش بورکلر،ساوادسیز سییدلردن اوتوردی ،یالنیز اونلار، روضه خواندیلار.بعضی بورک قویمالار ،باشلاری آغریمادان ،بعضیلر مجبوری حالتده،یا بیر یارادان ، یاخوت بیر باغلاما- قابلاما -زیدداما کئچللیقدان اوتوردی.بعضی لرده مود اوچون ،بیزیم بو رضا موعللیم تک، هایاندان بیر انتیقه بورک تاپیب، قویوب باشینا .بعضی لریده منیم تک خسته دیرلر،بیر کانفا سین بش-اون گونلوقا ،باشلارینا قویوبلار.یادا ایش بیر جوره دیرکی گره ک ،باشا بیر بورک،قویا.یادا ایشی اوتوران ائویندن اوزاق دوشوب،موتورسیکلتیله گئدنده باشینا بورکو قویور.او قدر بورک قویمالار چوخالیب ،دوولت ایشچی لرینه ده گئچیب ،دییه للر:پهلوی رئژیمین ایلک دوورولرینده ،بورک قویمالار واریدی ،هامیسین ییغیشدیریب پهلوی!بورکون مود ائیله میشدی.دوولتی بورکلر یا چوخ داریشلیق ،یا چوخ گئنیشلیک اولار.یئر ،گوی،دنیز،اود سوندورن ،مئشه بئی،موتورسیکلت،آیروپلان،ماشین سورجولرین بورک قویمالاری فرق ائیله یر.بیزیم محلله نین اون گون محررملیقدا، دسته میزین بورکلری، اوبیرسی محلله لریله فرقی وار.بیزیم دسته ده ده ایکی نوع بورک قویما وار ،بیری کش، اوبیرسی ایکی مئتیر قارا رنگیده پارچادیرکی ائله کش بورکون صوابین وئریر.بیزیم اولکه ده بورک قویمالار، اؤزو بیر یاخشی عادته دونوب.هره نین اؤز مشخصاتین اؤز باشیندا، بورک قویماقیله تانیماق اولار .میثال اوچون کیم آغ رنگیده باشینا بورک قویسا، معلومدی کی او شخص تزه مککه دن گلیب، یادا او گوی پارچالی بورکلردن بولونر بو شخص او شیرکتین باش موهندیسلریندن دی .بیزیم بو نجف، هایاندان بیر بورک تاپیب -باشینا قویوب، محلله ده خججه یله –مستانا پوز وئریر، سونرا متوجه اولموشام یول چکن شیرکتلرین فعله لری قیرمیزی پرچم گوتورن لر،اونلاری  قویاللار باشلارینا  .آمما بعضی لری ائله بو بورکلره عادت ائیله یبلرکی،گئجه یاتاندا خججه خالا نجف عمی نین بورکون تاپانمایاندا  ،اؤز باش چرقاتین آچیب نجف عمی نین باشینا باغلایاردی.حتتا ائشیدمیشم بیز موسلمانلار، او بعضی هشت پر- دیمدیکلی بورکلری باشیمیزا قویمایاق، اونلار آدامی دیندن -مسلکدن چیخاردا بیلر.

خیلاصه بو بورک قویمالار، نجورکی سییاقساران-لیوارجانیله فرقی وار، گرگر-علمدار تبریزیله فرقی وار. مازندران -سیستانیله ،سیبرییا -آفریکایله فرقی حتمی کی گره ک اولسون.من بیر ایشه بو باره ده مات قالمیشام اودورکی هممشه آتام- آنام دییه ردیلر:بو جبیده اؤزون گوزتله، سوروشاندا نییه ؟دییه ردیلر: او جبی برک باشا بورک قویار.ائله ریضا موعللیم دییه نده :باشان بیر بورک قویگولا ،ائله بو جبی یادیما دوشدی .گئتدیم جبی نین باشینا ،گوردوم نه بورک ساتاندی -نه ده توکانی وار، اوردا گئچن احمد عمی دن خبر آلدیم:

ایسگندر:احمد عمی جبی نی تانیرسیز؟

احمد عمی :تانیرام

ایسگندر :نه ایش گورر؟

احمد عمی گوله-گوله:برک باشا بورک تیکر،بورک قویاندی، ایشین اولسا گوزتله ،اودور با اوتوروب اوردا .

ایسگندر:هانی بس بورکلری ؟

احمد عمی :قولتوغوندا !

ایسگندر:احمد عمی اوردا ائله بیر –ایکی بورک آنجاق یئرلشه ر.

احمد عمی :ائله سنین تک پخما آداما ،او بیر –ایکی بورک آخیر عومرونه جان بسدی!

دئیبلر: سوز ائشیتمک ادب دندی، بورک آلماقدان فیکریم دوندی، ائله خسته لییمده جانیمدان چیخمیشدی، بورک قویماقدا باشیمدان چیخدی.آمما چوخ اشخاصیلری آدام گورور، بورک قویمادان ائله بورک قویوللار کی او شخصین گوزلریده یومولور .جبی نی دئیب لر آدام تانییب، او بیر سین آدام نئجه تانیسین ؟آمما بونودا بویوک شاعیریمیز نیظامی دئیب کی :آدام قولای بورک تیکن عوضینه ،یاخشی پالان تیکن اولسا گوزلدی!

وای آتامین ائوی تیکیلسین اوندا وای بیزیم حالیمیزا !!

گرگرلی آراز

 یکشنبه 8 فروردین 1395

 

ساوادلاری اولمادان ،

یازار : گرگرلی آراز

عالیم اینسانلار کناردا دوران زامان ،اولکه میزده اولان بعضی  تئلویزییادا -خبرچیلیک لر،سینامادا-آرتیس لر ،تیم لرده –توپچولاریمیز، ساوادلاری اولمادان ،مونجوقلاری آلنی لاریندا  گزیر

 بیزیم شهر ،جولفا  آزاز آدلی آزاد منطقه سینه ،چوخ یاخیندی .بو جهت دن منطقه نین چوخ ایشچی لرین ائله دور بر کند – شهرلردن  گوتوررلر. تخته  کورپونون گئد- گلیشینه گوره، قاپیدا آختارماقا، خانیملار اوچون آللاه تعالا رحمت ائیله سین ،اسمر خانیمی  توتموشدولار. اسمر خانیم بیر اللی - اللی بش سیننینده، گوزل سیمالی ،چوخ شوغلوق ائیله ین آدامیدی. هئچ بیر کسین ناراحاند اولماسینا راضی اولمازدی .او چتین ایشده هئچ بیر کس اوندان او مددتده اینجیمه دی .

 خیلاصه او گون بو قاپی(تخته کورپو)، شولوقودی .هامی صفده نوبتیله ماللارین گوتوروب ،خانیملار طرفینده، یاواش -یاواش اسمرخانیم اولان طرفه گلیردیلر. نوبت خدیجه خانیما یئتیشدی کی ناخجیوانا اوچ گون بوندان قاباق گئتمیشدی ،ایندی قاییدیب ،گلیردی. اسمر خانیم کیف لری آچیب باخیردی،باخا -باخا دا ائله خدیجه خانیمیله کئف -احوال ائیله یردی. کیف ده  ائله بیر قدغن اولان بیر شئی لر یوخودو ،بیرده کی اوچ  دوگی تورباسی ،بیرده ساماوار قوطوسوندا ،او طرفدن آلان شئی لری ییغیب ،باغلامیشدی.  وسایلین آختاریشی ،قورتولاندان سونرا ،ایش خدیجه خانیمین اؤز آختارماسینا، یئتیشدی.

 خدیجه خانیم چوخ بیر یئکه ،هوندور وزلی ،خوش سیما ،انداملی بیر خانیمیدی. یوز ایرمی بش کیلو اولاردی .اسمر خانیم ،اونو ،خانیملاری آختاران یئره ،هدایت ائیله دی .اسمر خانیم اللرین آپاریب، اونو آختاراندا ،خدیجه خانیم اللرین گویه قوزایب  ،اسمر خانیمین اوزونه گولومسونه رک، دئدی: اسمر خانیم نئجه کی کیف لرده ،دوگی توربالاریندا، بیر شئی لر یوخودی، ائله منده ده بیر شئی یوخدی. خدیجه خانیم بونلاری دییه -دییه اسمر خانیم  اونون پاچالارینین آراسینا ،یئتیشمیشدی. هاوا ایسسی اولماقدا ،بیرده خدیجه خانیمین یوخاری وزنیده اولماقدا، آلت پار-پالتار گیمه میشدی، ائله بیر دون گییب، هر بیر زادین توتموشدی. او زامان کی خدیجه خانیم دئییردی:  منیم بیر شئی یم یوخدی،نه یه آختاریرسیز؟ اسمر خانیم  دونو قوزایب، الی ،خدیجه خانیمین ایکی پاچاسینین آراسین ،دولانیردی. بیردن اسمر خانیم  الین موحکم بیر ایکی دفعه، شاپپیلدایا –شاپپیلدایا  برک ووردی بوش اته ، دئدی: خدیجه خانیم دئییرسیز بس، منیم بیر شئی یم یوخدی، بس بو نه دیر بوردا؟!!

گرگرلی آراز

سه شنبه 3 فروردین 1395

 

 

جمهور باشقانلیقا کاندیدا!

یازار : گرگرلی آراز


جمهور باشقانلیقا کاندیدا!

 

مشهدی عباد عمی نین آروادی توکذباجی ،سیره دن آخشام اوستو گلنده ،گوردوم .سلام علیک ائیلییه ندن سونرا، توکذ باجی بیر سوز دئدیکی یئککین لریم قالدی- کاللاریم توکولدی. توکذباجی ،دئییردی:بالا اوغلوم، عباد عمین جمهور باشقانلیقا، ایسته یر یازیلا !گوروم او اسمرین ارین، جهننمین اورتاسیندا ،یورقان دوشه گین سالسینلار. گئدنده مککه یه، کندین کدخودالیقین، قیرخ گونلوقا ،مچیدین موهریله برابر، عباد عمی وه وئردی. آمما اوغلوم اونو دئییم ها، او قیرخ گونو یامان کئیفه عباد عمیله باخدیق ! بولوسن نئجه؟ دئییم سنده بیل؟ قاپینی آچ ،گئچک ایچه ری ،هم بیر عمی گلینی گوروم ،همده او قیرخ گونون ناغیلین سنه دئییم ،قیرخ ایل دئسه م قورتولماز .

ائوی آچاندان –چای ایچندن سونرا ،باشلادی ناغیلین ایدامه سین :هن اوغلوم ،او قیر گوندن سنه دئییردیم: او قیرخ  گونون- ایلک هفته لری ،هامی کی بیلدی بو ایکی آچار بیزده دی، سلام علیک لر باشلاندی. بیر گون قاپی دویولدی، گوره م  کیم اولا؟ شیدا بی بی دی، الینده بیر خوم ساری یاغ ،منه مجال وئرمه میش ،سوزه گلدی: سن اللاه توکذباجی ،باخ گور، بو ساری یاغ اصلی دیر یا یوخ ؟من بیر بارماقلادیم، دئدیم :پیس دئییل، گوزلدی. زورلا –بلانان خومو یئره قویوب ،دئدی: حاجی ایکی دنه سیفاریش وئرمیشدی ، بیرین ائله سیزین آدیزا آلیب، الیمی قئیترسن ، بیر عومور کوسه رم. سونرا اللرین اوفکالادی، اللریمی- اللریله توتدی. اللریله توتان کیمی ،بدنیمه بیر الوو گلدی، ایندییه جان او ایسسی نی گورمه میشدیم .بولمه دیم اونون ایسسی سیدی ،یادا ساری یاغین ،اوردا نه دئسه ردی قبولومودی. شیدا بی بی ،دئدی :توکذباجی سن اللاه، بو کاغاذی وئر مشهدی عباد عمی یه، ایمضالاسین . بیزیم اوغلان گومروکه ایمتحان وئریب، قبول اولوب ،مچیدیمیزینده موهور –ایمضاسی اولسا، دئییللر ایش موحکم اولور .منده اوزومو اونون یانیندا ائله شیشیتدیم، دئدیم: مشهدی عباد لازیم دئییل! اونو من اؤزوم ایمضالارام ،موهور ووررام. بو قیرخ گونو مشهدی عباد عمین کیشی له ره، منده عورت لریمیزه ،مچیدده -سیره لرده خیدمت ائدیردیک، اونلاردا اینصافن، برک بیزه حرمت قویوردولار.بیر گونو بو قیرخ گونو ائوده ناهار- شام ایکی میز  یئمه دیک ،هامیسین بو ائوده قوناق- او ائوده قوناق،  گوزوزدن ایراق ،گویلوزا دوشمه سین، قله مه یین صاحابی اوزومو-ماربایا نین مجیدی قووونو، بیزیم ائودیدی.

 خیلاصه  اؤز گوزومله گوردوم ،بو قیرخ گونون آخیر هفته لری، قاپی دالیندا، بعضی اشخاصی لرده بیزیم ائوین قاپیسینین دویوب -گیریردیلر قاپی دالیندا، بیزیم مشهدی عبادا نه دئیب- نه قویوردولار، آخیر دفعه ده ال گئدیردی، مشهدینین جیبینه،مشهدی ده اونلاری ، گیزلینجه  قاپیدان، یولا سالیردی .هر زادیمیزی تزه له دیق، آشاقا موهره دیواری ،پیشمیش کربیچ ائیله دیق، بو باشدان بیر اوتاق-اوتاقلارا علاوه ائیله دیق، حامام- ال اوزیئریمیز یاخشی دئییلیدی ،بیر بالاجا ساهمانا سالدیق .

خیلاصه نه باشیزی آغریدیم ،آداملاردا -مسئوللاردا گوردولر، مشهدی عباد عمین کارا گلن آدامدی، بونیله یولا گلمک اولار. اورادان دیپلومون آلدی، شهریمیزین شوراسینا یول تاپیب، بیر مددت شهرداریمیزی ایشلتدی. عباد عمین  بو گونلر اوزاقدان ،تئلکیرافی، لیسانسین -فوق لیسانسین –دوکتوراسین  آلیبدی .ایندیده قورخورام، جمهور باشقانلیقینا چیخا ،بولورم حتمی چیخاجاق. نییه چیخاجاق؟ ائله بیر دیلی وارها، هامینی حتتا ایلانیدا یوواسیندان ائشیکه چیخاردار. هامینین دیلین بیلیر، هامینین ایشین یوللاندیریر، مملکته بوجور آدام لازیمدی.

 او آغام قولسوز ابولفضل یدن ایسته میشه م، بیر-ایکی یئره نذیر دئمیشه م اینشااللاه نذیرلریم قبول اولار.تزه ده بیر یاشیل سوفره ،بو اسمرین گلینی چیخاردیب ،یاشیل سوفره دی، یاشیل جیلدیلی قرآن -یاشیل تسبیع -یاشیل شعمدان ،هرزادی یاشیلدی. ائله پول ییغیشیر- ائله پول ییغیشیر، تامام حاجتلریده قبول اولور.

او گونلری بیزیم قونشودا ،آدین دئمیره م پیس اولار، غیبت دی، آروادین بوشویوردی .آدین دئمه سه مده ،سیزه پیس اولار، سکینه نین اوغلونو دئییره م .گلینی چوخ بیر پیس- ایندیکی گلینلرده ندی، اورا بیر بویوک نذیر دئیب ،همی ده آیاق یالین پیریمیزه گئده جک .داها من مشهدی عباد  عمیندن اوترو، آیاق –یالین پیره گئدنمه رم .آمما بیر نذیر دئییرم او یاشیل سوفره یه، بو مشهدی عباد عمین جمهورباشقانیندان چیخماسین، سنی ده مشهده گوندررم. بالا اوندان قورخوم یوخدی کی، اوزومدن قورخورام. مشهدی عباد عمین جمهور باشقالیقا چیخسا ،توکذ خالان ،داها قبول ائیله مز.

 اللاه گوروم بو اسمرین ارینین یورقان- دوشه گین، جهننمین اورتاسیندا سالسین .بونو توکذ خالا دییه- دییه ائودن چیخیب گئتدی. آمما او گئجه اصلا من یاتا بیلمه دیم ،چونکی منی ده مچیدین هئیت اومناسیندان بیر نفر حاجی عمواوغلی، مچیده چاغیرمیشدی، آچاری وئرسین ،بو هفته مککه یه یولا دوشوردی. گوره سن من مچیده گئدیم ،آچاری آلیم یا یوخ!!

 

گرگرلی آراز


سنه وئرمک لازیم دئییل کی

یازار : گرگرلی آراز

+1 به یه ن

سنه وئرمک لازیم دئییل کی

چایخانادا اوتورموشدوق بیر نفرغریبه- اورتا بوی - ساک الینده چایخانایا وارید اولدی. بیر یئرده اوتوروب ،چای ایچه- ایچه گوز آلتی ،اویان -بویانا باخیب، هامی نی ورنداز ائیله یردی .ایکینجی چایی مهدی گتیره نه جان ،هی اللرین اوفکالایب،بیردن ، چایچییا اوز توتوب، دئدی: اینجا اگر در یک گاوداری –مرغداری کاری پیدا بشه من می توانم کار کنم .بو سوزلری دییه- دییه اللرینده کورسه دیردی ،یعنی بو کی ،باخین، ایشله ین آدامام. سونرادان او دئدی ،از ولایت دوری آمدم ،به  جلفا سی روزی هست آمدم، اما کاری نتوانستم پیدا کنم .بو ایش اولمویان زامانلاردا ،چایخانادا هامی  چوخ فیکره گئتدی ،هره ده بیر سوز آغزینا گتیریردی. مشهدی حسن ،دئدی: بایرامین گاودارلیقیندا ایش اولار. احمد دئدی :او گئچن هفته بیرین تاپدی ، صالع گلیب اونیله  ایشله یر. هره بیر آدرس وئریب، او بیرسی جوابین وئریردی. غریبه قارداشیمیز بیردن قایدیب، دئدی: حالا که کار نیست، آغا مهدی یه پولی از این آغایان برام جمع کن، تا من مرخص شم !اوندا معلوم اولدی ،بو قاردا ش نه اوچون گلیب!چایچی میز، مهدی ده سوزده قالمییان آدامدی ،اوز توتوب بیزه ساری،گولومسونه رک، دئدی: آی جانیم منیم کی او اوزوم اولسایدی، سنه پول ییغیم -دیله نیم ،اؤزوم ییغاردیم اؤز جیبیمه قویاردیم! نییه داها سنه وئریردیم !!

 

گرگرلی آراز


بیز هارای چکیب ، دییه نده هانسی کئفلی ائشیدیر!

یازار : گرگرلی آراز

+0 به یه ن

بیز هارای چکیب ، دییه نده هانسی کئفلی ائشیدیر!

 

ائلچی بئی له –دوکتور جئری جاوانلیقدا، اونلاردان بتری کئفلی ایسگندر، بیر آز سس-صدالی جاوانیدیلار. بیر گون پوللاری خرجله مه یه قورتولور ،هئچ بیر یئره گومانلاری قد  وئرمیر ،بیر- بیریله  قرارلاشیللار مئیداندا ،احمد عمی نین توکانینا، بیر ال دولاندیرسینلار. یاری گئجه ، ساعات اوچ ایراده له رینده ،احمد عمی نین توکانینین دامیندا، نوودانین دیبیندن بیر قلبیر انینده یئر آچیب ، دوکتور جئری آریق اولماقدا، ایچه ری سوخولور.اوردان ، آلتی قوتو  کیبریت –آلتی شوشه  کانادای –آلتی پاکت   زر سیگارتی –آلتی بسته بیسکیویت –آلتی دست سورمالی شیرنی گوتوروب بیرجه –بیرجه، او باجادان وئریر، قالایچی مورتوض آلیب ،کنارا قویور. توربا دولاندان سونرا، قالایچی مورتوضون ایشارتیله، دوکتور جئری ائشیکه چیخیب ،کئفلی ایسگندرین چینینده ،بیرگه کئفلی ایسگندر گیلین باغینا یولا دوشللر. اوردا ،اوچو بیر گیزلین یئرده، یئره قویلایب، گلیب شامی یئیب ،مچید قورتولاندان سونرا ،باغدا توربانین باشینا گئدیب – گوروللر، هر بیر شئی دن، ایکی جوت یعنی دوردی ،قالیر. اوچونون آراسیندا، کئفلی ایسگندره ظن گئدیر، اودا قبول ائیله مه مکده ،هی دئییردی: سیز ائله بو سایاقدا، احمد عمی نین توکانیندان ،گوتورموسوز. اوچوده قرار قویوللار، سحر احمد عمی دن بیر تهر ،خبر آلسینلار .

سحر اون ایراده لرینده ،کندیده هامی بیلندن سونرا، اوچوده  دوکتور جئری- قالایچی مورتوض –کئفلی ایسگندریله  برابر،احمد عمی نین توکانینا ،وارید اولورلار. آمما سوروشوب- سئوال ائدنلر دوکتور جئریله -قالایچی مورتوض اولور. قاپی یانیندا کئفلی ایسگندر دوروب، تاماشا ائیله یر . چوخ سوزدن سونرا دوکتور جئری،احمد عمی دن سوروشور: احمد عمی بو گئجه نه ییز گئدیبب ؟

احمد عمی : جئری بالا ،آلتی قوتو کیبریت

دوکتور جئری :کئفلی ایسگندر ائشید!

احمد عمی :مورتوض بالا، آلتی شوشه کانادای

قالایچی مورتوض: کئفلی ایسگندر ائشید!

احمد عمی: جئری بالا، آلتی پاکت زر سیگارتی

دوکتور جئری :کئفلی ایسگندر ائشید!

احمد عمی :مورتوض بالا، آلتی بسته بیسکیویت

قالایچی مورتوض: کئفلی ایسگندر ائشید !

احمد عمی:  جئری بالا !آلتی دست سورمالی شیرنی

دوکتور جئری :کئفلی ایسگندر ائشید!

اوندا گورورلر ، کئفلی ایسگندر یوخدی. قالایچی مورتوض ائشیکه چیخیب ،اوجا سسله ،دئییر :کئفلی ایسگندر! آی کئفلی ایسگندر! ائشیتدین؟ !!

 

گرگرلی آراز


موسلمانچیلیق!

یازار : گرگرلی آراز

+2 به یه ن

موسلمانچیلیق!

 

وحید آدلی جاوان، قونشو کندیدن ،پاسبانچیلیقا یازیلمیشدی .ایمتحان وئریب ،اوردان گوزل رتبه یله بیرده کی اوجابوی –قد-قامت لی- ساوادلی اولماقدا، قبول اولموش، بیر مصاحبه سی قالمیشدی .گئجه یاتمامیش ،بوتون اندییه جان نه مه نه اوخویوب- اورگشمیشدی، منبردیبیندن نه گوروب -ائشیتمیشدی، ذهنیندن بیر- ایکی یول گئچیتدی.

ائله ال- ایاق ائیله مه میشدن ،گوردی سحر اولوب، گزینشده بونون آدی سسله ندی. او صندل ده کی اوتورموشدی، قاباغیندا بیر نورانی- اورتا یاشلی آدام اوتورموشدی .بیر- ایکی دفعه پرونده نی آچیب –بوکدی، سونرا منه باخیب چایین ایچه –ایچه،دئدی: اوغول آدین- فامیلین بیرده هاردان گلیبسن ؟هامیسین جابجا، دئدیم .سونرا پرونده نی دولدورماق اوچون، بیر پارا اساسی سوزلر سوروشدی ،اونلاری دا دئدیم. پرونده نی بوکوب ،بیر آیری دفتری آچیب سوروشدی: اولو کفنی نئچه تیکه اولار؟ عورتیله –کیشی نین کفنده نه فرقی وار؟ اؤزومه ها زور گتیردیم، تاپیب دییه نمه دیم. بیردن قایدیب او کند لهجه میزله، دئدیم :حاج آغا سیز پاسیبان گوتورورسوز؟ یا میده شور ایستیخدام ائیله یرسیز؟!حاج آغا سوزه گلدی :یوخ بیر موسلمان گره ک هر بیر شئی دن باشی چیخا .

چاره سیز بیر فیکیر باشیما دوشدی .کندیدن گلنده مشهدی رحمان، تراختوروندان بیر کهنه تسمه یله –ایستارت وئرمیشدی، ایشیم قورتولاندان سونرا اونلارا تای، اونلاری آلیم گتیریم، تز اوایکی سین چیخاردیب ،کورسه –کورسه ده دئدیم: بونلار نه دی ؟بیر باشین قوزایب باخدی ،باشین توولادی، دئدی: گره ک بیله م ؟دئدیم موسلمان دئییرسیز؟!بیر موسلمان گره ک هر بیر سوزو بیله !

  اوچ -دورد ایل اولاروحید جنابلاری  همن پاسیبانچیلیقدان تاقایوت اولوب !!

 

گرگرلی آراز


بانکیدان یئددی میلیون

یازار : گرگرلی آراز

+2 به یه ن

بانکیدان یئددی میلیون

 

بو یاخینلاردا بانکلارین بیریندن ،منیم آدیما ،یئددی میلیون پول جایزه چیخمیشدی. من اؤزوم چورکچییم ،اؤز ریشته مده بیر قووتلی ایش بیله نم ،اوتوز ایلدی بو ایشده یم ،ایسته ردیم چورکچیخانادا بیر سرمایه گذارلیق ائدم، یادا بیر کیتابخانا آچام کی چوخ بونا ایسته یم وار، یادا کورپه لر اوچون بیر نمایش ائوی تیکه م. بو سوزلری ائوده دییه ندن سونرا، چوره گیم زهر اولوبدی. آخیر سوز بو فیکیرده یدیم ،قاپی دویولوب ،اوچ موعللیم یولداشلاریم -اسکی همکیلاسلاریم  ،ایچه ری گئچدیلر. چوخ اویان -بویاندان سوز آچیلدی ،سونرا مطلب یئددی میلیون اوستونده دانیشیق دایاندی. بیر -بیر موبارک دئدیلر، چای ایچیلیب، آلما سویا -سویا سوز آچیلدی. حسن موعللیم، دئدی: بیزیم بو شاطیر اوغلان ،باشارماز چوره گی هاردان آغزینا آپارسین ،یا آپاریب بیر قالاق کیتابا وئره جک، یادا بیر تئاتیرخانا آچاجاق، ایندی پول پتکده دی -تاکسی دادی -گاودارلیقدادی .هانسی سینا رایین وار، بیسم اللاه ،من ائله اوندان اوتور گلمیشه م .

اکینچی دی بوستانچی دی دامداردی ،

سوپورگه چی بادینجانچی باغداردی ،

پتکچی دی تاکسی چی دی گاوداردی ،

هارا باخیب گورورسن موعللیمی .

فیروز موعللیم ،دیله گلدی: بونلار نه دیر؟ نه سوزدی؟ بورا باخ، بو یئددی میلیون جان وئریر دره دوزده بش قطعه یئره- ایرمی دورد ساعات سویا، اوچ دورد ایلدن سونرا، ایجاره سیله برابر، اوتوز- بش میلیونی آشوب یوخاریسینا گئدر .حاضیرسان ؟بلی سین دئگینن، آخشاما یازیم گئدسین .

بیردن گوردون جوراب توربا بئلده دی ،

دره دیزده بئل چینینده سئل ده دی ،

قار بوراندا قار یاغیشدا  یئل ده دی ،

هارا باخیب گورورسن موعللیمی .

محممد موعللیم بوتیکخانا، بیرده توکاندا پول یاتیتماقی ،مصلحت گوردی .

بوتیک خانا قویوب ساتیب پالتاری ،

روس ماشینی پییانونی گیتاری ،

هاواق گئده جاق مکتبه ساری ،

هارا باخیب گورورن موعللیمی .

 

بیر گون بققال اولوب اینه تئل ساتیر ،

سیمیندی له ! قازما ساتیر بئل ساتیر ،

ایسوتیله ساری کوکلی هئل ساتیر ،

هارا باخیب گورورسن موعللیمی .

بونلار منی چوخ دانلایب ،یویوب -یویوب آریددیلار. آخیر سوز، گئدندن سونرا ،اؤزومیله بیر فیکره گئدیم .اؤز- اؤزومه دئییردیم :بو موعللیم لر اؤزلری بیر بویوک اشخاصیلردندیلر، گور، بو مین -بش یوز موعللیمدن بیزیم محالدا، بیری فرهنگیده -هنر خطدینده -پوللارین ایشه سالیب لار؟ بیر کیتاب توکانی یا بیر تییاتیر- سینماخانا بیر چالیب- اوینایان یئر، فعالییت کورسه دیبلر؟ من کی گورمه میشم ،هامیسی ماشااللاه ،اودور باخ هزی موعللیمه ،یئریشیقین باشارماز، اوتوز -ایکی حروف الیف به یی دوز یئرینه جابجا گتیره بیلمه ز، یئر آلیش وئریش مغازاسی آچیب، ایندی میلیوندان دانیشیر. نییه اونو دییه ک  ائله توتاق اکبر موعللیمی،آژانس  قویوب ،اشیدیرم ایکی ماشین سوروجی موسسه سینده اوزوندندی .ناهاردا تیلته سین خانیمی دوغرایب قاباقینا قویار.بونلار اوزلری بویوک فیکیر صاحابیدیلار، پوللی ایشلری اوزلری گوتوروبلر . محالیمیزین انجمن لرین –آرا یاتیردان ایداره سی- دوولتیله میللتین آراسیندا اولان ایداره لر- ماشین ساتان ماغازالار- کاشی –سرامیک- جوربه جور توکان- ماغازالار- آخیراجان دییه بیلر سیز.

 واللاه ماشااللاه نه دئییم آخی، بیر سنه قالیب ائله بیر کیتابخانا یا بیر نمایش ائوی تیکه سن؟ سنین او آلچاق باشان گویدن کوللر اله نسین !بونلار گوزل اولسایدیلار، اونلارین آغیللاری سندن چوخدی ،اونلار بو ایشی گورردیلر .

آلتی گونیدی ،ائوده  گوسولوردوم ،خانیمیله کوسی ساخلامیشدیم .بیردن دئدیم :خانیم!منیم بیگ جانیم !کیتابحانا بی کیتابخانا- تیاتیرخانا بی تییاتیرخانا ایجازه زله ایستیرم فیروز موعللیمیله بیر یئر- یورد، آلیش- وئریش توکانی آچام .خانیم نه دئییرسیز؟ ایجازه وئریرسیز ؟خانیم بی تس -تس باخدی، اوز- اوزه ساتاشاندا، بیر یالاندان گولومسولندی، دئدی: کیشی! نه دییه جه یم، ائله بیل تزه آغیلا گلیرسن! چوخ موبارکدی !

ائله بیل تزه آنادان اولوردوم، بیر بویوک خاطادان یاخام قورتولدی !!

 

گرگرلی آراز

قیغلاسادا دئییل میر!

    سیفی له –ال اکبرین ائله ایشله ری اوشاقلیقدا، یوخودان دوراندا، ال -اوز یومه دن بیرله شیب ، چوله گئتمه ییدی .سیفی نین بیر اون -بش دنه قویونو -بیر ائششکی، ال اکبرینده ایکی اینکی واریدی. قاتیب بیرگه  کووشنده -او گوده یئرلری- بیچیله ن زمیله ری  نوبیله اوتاریب ،حتتا توربالاریندا چای –چورکلرینده  بیرگه  قاتیب بولردیلر. هردن ناهار زامانی عابباسدا ،بونلارا قوشولوب، دیل -خوشلوق ائیلردیلر. عابباس بو ایکی سیندن بیر آز یئکیدی،آمما بونلارا خاطیر  چول- چووه نی، بیر- بیرینه ووروب ،بونلاری تاپاردی. هردن یوخ اولوب ماشینلاردا شوفر- شاییدلیق، یادا ائله اؤزو هردن گزماقا –ایشلاماقا تهرانا، گئدردی .سیفی له –ال اکبرین یانینا گلنده ده، ایسته ردی بیر آز سوزلرینده، فارس کلمه لر ایشله دسین. او گونده ائله او گونلردن بیری سیدی، اوزاقدان سسله یه- سسله یه عابباس آغا گلیب یئتیشدی.

 عابباس :سلام آغا پسرها !

سیفی له –ال اکبر :علیکوم سلام عابباس بی بی اوغلی .

عابباس :بی بی اوغلی چییه؟صدا بزنید  آغا عباس یا برادر عباس!

برادر عباس! جیبیندن بش لاواش چورک ،بیرده بیر یئکه دویمک لیق سووزی، یئره قویدی. هممشه کی کیمین قاتیب، یئدیلر.  هردن گئچی دن -قویوندان یاخینلاشاندا ،هامیدان قاباق عابباس دیلله نیب، دئییردی :بز خر -گوسفند کورخر !برین گم شوید! گول ها گول دوشوب ،اوچ یولداش بیر- بیریله نهایت سیز کئیفه باخیردیلار. بیردن عابباس، دیله گلدی: سیف اللاه ائوده مادریوی ،هانسی اسم یله صدا ائیله یرسن ؟سیفی دئدی :آنامی، آبا سسله رم  .عابباس دئدی: یوخ من داها ائوده مادر نجیمه می ،مامان نجیمه سسله ییرم !ال اکبر دئدی :عابباس اوجور سسله مه ،احمدین تزه آروادی اولوب ،ائشیدر -ائلر نجیمه خالانی سنین الیندن آلار ها !چوخ سوزلری ،عابباس ،سیفی له- ال اکبره اورگتدی. زیره ،نعلبکی- ائششکه ،خر- گئچی یه، بز -قویونا ،گوسفند دئسینلر. بیردن سیفی عابباسدان ،خبر آلدی :برادر عابباس، بو فارس دیلینده گئچیله -قویونون قیغینا نه دییه ر؟ عابباس بیر فیکره گئتدی، سونرا  دئدی: نه سیز پخما تشریفیز وار، اونلارین گوسفند -بزلاری قیغلاماز کی اونلارا بیر سوز دئییل‌سین!!

گرگرلی آراز

 سه شنبه 4 اسفند 1394

 

موختارنامه نین صاحا بییه م!

    اینتیخابات زامانیدی، هامی مونتظیریدی گوره سن کیم نئجه  تبلیقات ائیلییه جک، کیم اینتیخاباتدا غلبه  گله جک . بیزیم موحالدا، چوخلو اؤزون دئپوتاد سئچیمینه  یازمیشدی. هله تبلیقاتا بیر -ایکی هفته قالیردی، ائولرده- قوناقلیقلاردا- مجلیسلرده، دانیشمالار- گوروشلر گئچیرله نیردی. بو سفر قاسیما* گوره احمدین ائوینده یدیک. قاسیم قوناقلار گلمه میشدن، اؤزون منیم یانیما وئریب، بیر- ایکی عکس لریندن- یازیلاریندان منه وئردی. عینکی عوض ائیله دیم،کاغیزلارا بیر- بیر باخیردیم، اونلار چوخ گوزل رانگیده -ماتیرالدا ،سالینیب یازیلمیشدی، گوزل سوزلر دئیلمیشدی. بیزیم بو قاسیم زمین شیناسلیقدا ، فوق لیسانس یدی، اون آلتی ایل محیط زیست ایداره سینده ایشله ییر. شهریمیزین شوراسینا ایکی دفعه چیخیب، مچیدیمیزده هئیت اومنادندی. بیر -ایکی دفعه ، بش  گونلوک  اوردویا گئدیب، میرده شورخانامیزین چوخداندان کفنداریدی .بونلارین هامی سی بیر- بیر قید اولونموشدی ،هامی سیدا دوزودی، یازیق قاسیم بو یولدا چوخلی زحمته دوشموشدی. ژئستی پارتلئتلرینده ده گوزلیدی، ائله عکس یده دورموشدی، او پیچاق- قمه  ده ین یئرلر گورسنمیردی! آمما بیر- ایکی سوز گوردوم یازمیشدی، سیزه دئمه ییم پیس اولماز. ایلک اویودی کی اؤز عکسینین آلتیندا یازمیشدی: ایه ر منه رای وئرسه نیز، من مجلیسه چیخا بیلسه م، مشهدی قوربانیله -کربلایی نجفی اوتوز ایلدن سونرا باریشدراجاقام! کند چشمه سین آریددایاجه یم، قصصاب مشهدی حسنی باغلادلایاجه یم .....قاسیما، دئدیم:بونلار نه سوزدی یازمیسان؟ دئدی: نئجه کی؟ دئدیم: قاسیم، سن قانون وئره ن سن، بیرده قانونون نگهبانی، داها هئچ. دئدی: یوخ، بونلاری یازمیشام، بونلار چوخ مهم بیر سوزلردی. میثال اوچون مشهدی قوربانیله- کربلایی نجف باریشسالار، ائله بیل آبوشیله- بیزیم دوولت باریشیب. کند چشمه سی آرینسا ،ائله بیل اورمو گولو دوزه لیب.  قصصاب مشهدی حسنی باغلاسام، ائله بیل وبا ناخوشلوقون حصارا سالمیشام !بو او قدر بیزه ائششک- آت اتی یئدیردیب ها ،باغلاماق سهلیدی- بوینون وورماقا حققی میز وار! بابت منی سوزلریلن ایناندیردی، آمما ایکینجی سوزلرین داها نقدر دئسه ده اینانمارام، او بئله یازمیشدی :موختارنامه نین- گلستانین - حیدربابانین صاحبی! قانیم کلله مه چیخدی، دئدیم: آی جانیم موختارنامه نی یا او بیر سی کیتابلاری  سن یازیبسان؟ نییه یالاندان دانیشیرسان؟ قاسیم چوخ اوزی قیرمیزی، دئدی: دوزون دئمیشم دا ،من اونلارین صاحبی یم، اونلارین اوچونده آلمیشام. بیر باخدیم تاقچایا، دئدیم :نییه بس استغفراللاه نهج البلاغه نی- قورآنی یازمامیسان؟ بیر باشین  آشاقا سالدی، دئدی: قورخدوم اینانمییالا او جهتدن یازمادیم !دئدیم بونلاری ایناناللار؟ دئدی :نییه اینانماسینلار؟ کیم نه بیلیر ایندییه جان بونلاری کیم اوخویوب؟ بیرده کی یالان دئمیرم اونلارین صاحبی یم.  بیر باخدیم قاسیمین اوزونه، اؤز- اؤزومه دئدیم: گور بیزه کیم ایسته یر صاحاب اولسون!!

 گرگرلی آراز

قاسیم =خییالی بیر آد

 جمعه 30 بهمن 1394

 

چاققالا آشی

   بیزیم بو آنا بیگیم ین اری، چوخ بیر گوزل سیننی گئچمیش آدامدی. اکینچیدی، یئکه- یئکه باغلاری، چوخلی یئمیش- تاخیلی ایل باشی اوزونه توپلایار. آمما اؤز مالینداندا گوزل موغایات اولان اینساندی، قویماز اونا بیر نفر زور دئسین. آمما بولمورم بو خیردا خانیم گیله ،نییه هئچ بیر سوز دئمیر، هرنه قدر باغدان یئر- یئمیش آپاریللار، اصلا ایشی یوخدی. بیر گون بو مسئله نی حاجی عمی دن خبر آلدیم .او بئله سوزه گلدی:

 بالا اوغلوم بیر گون باغدا گزیردیم، باغین آشاقا باشیندا ایکی آرواد گوردوم، یاواش -یاواش اوزومی قیزیل گوللرین دیبینه وئردیم ،گوروم نه دریب- آپاریللار. خیرداخانیم بیرده گلینی گلثومودی، ائله بیل خیردا خانیم ایلک گلمیشدی چاققالالاردان ییغیب آپارمیشدی ،ایکینجی دفعه گلنده،گلینی گلثوموده گتیرمیشدی.

 چاققالالاری دره -دره گلینینه بئله دئییردی: گلثوم بالا تئز اول، حاجی نین گلن زامانیدی ،او تبرزه لردن درگیلن، اونلارین گوزل آشی اولور، آدام بارماقلاریندا یئییر.من بیر تعججوب ائیله دیم، چاققالا نه دیر؟ آش نه دیر؟ آمما سونرا گوردوم کی دوز دئییر، بیر- ایکی یئرده اؤز یئریمیزده یوخ، آیری کند قونشوموزدا چاققالا آشی یئمیشه م. آللاه نه دئییم -نئجه ائیله ییم بونلار بیر آداما بو چاققالا آشین دئمه سینلر، قیزیل گوللرین  دیبیندن بیردن چیخدیم ائشیکه ،عوضین کی بونلاری پاشوتلاییم ،باغدان ائشیکه اوتوروم ،سلام وئردیم، حتتا بیر گولومسولندیم ده. اللریمی اوفکالییا -اوفکالییا بیر آز یاخینلاشدیم. خیردا خانیم -گولثوم گلینی  ایلک قورخدولار، بیر آز هویوخوب دالییا چکیلدیلر .خیردا خانیم سوزه گلدی :حاجی یولو باغلاما،دالییا گئت ،بیز سن دییه ن دئیریک ها. چکیلدیم دالییا، دئدیم: خیردا خانیم، باجی ،بونلار نه سوزدی؟ ریجا ائیله یرم بیر آز چوخ درردیز،بونلار نه دیر؟ آمما بیر ریجام وار، بو سوزی کی گلین یزله دانیشیردیز چاققالالاردان آش اولار، چاققالا آشینین صوحبتین بیر نفره محلله ده دئمییه سیز. سن آللاه هاچان چاققالا آشی گویلوزا دوشدی ،گلین اؤز باغیزدی، درین آپارین. بو سوزی محلله ده بیلسه لر ،منه باغ -باغاتدا بیر چاققالا قویمازلار !اوزاماندان اونلار محلله ده چاققالا آشدان بیر سوز دئمیللر ،منده اونلارا باغدا چاققالالار زامانی چاققالا درمه یه بیر سوزوم یوخدی.

 بو سوز هر صینفه عاید اولور. بیزیم محلله ده چورکچی میز چورکخانادا آدامیله ائله رفتارائیله یر، چورک آلماقی اوردان آدام ایسته یر بیر یوللوق ترکیدسین. او گونلری گوردوم احمدین نوبه سیده اولمویاندا ،بیر بش دانا کوره نین او گوزل یئریندن، چورکلردن آرییر ،دالیلارین سیلیر، کاغیز آراسیندا آداملار دورا -دورا احمدی چاغیریر، اونا وئریر. او گونلری احمددن ماجرانی خبر آلدیم ،احمد، دئدی: واللاه بیر سوز یوخدی بیر- ایکی دفعه او گونلرده چورکچی نی اون ساتاندا -ماشینا اونلاری ووراندا گورموشم ،باشیمی آشاقی سالیب بیر سوز-بیر یئرده دئمه میشم .چورکچی میز او زاماندان منی نوبه سیز یولا سالیر. احمد بونو دییه ندن منده ایشیمین اوجون تاپمیشام. بش -آلتی گون بوندان قاباق گوددوم -گوددوم بیر- ایکی دفعه چورکچی میزی اون ساتاندا، بهانه یلن کوچه میزدن گئچدیم، حتتا قاشدیم اونلارا کومکلیقدا ائیله دیم. او زاماندان منله ائله دوست اولوب ها ،اوشاقینا چورکلری وئریر، ائویمیزه گتیری. داها ایشیمی تاپمیشام، بیر گون بانک رئیسین گودورم، بیر گون ثبت مامورون- بیر گون دارایی ایشچیلرین -بیر گون اونو- بیر گون بونی گودورم .بوتون ایشلریم ساهمانا دوشوب .ایکی گوندی شهردارینین دالیسینجایام بیر بالاجا حیه ت برنامه سینده شهردارلیق ایشیم وار، ایستیرم الیمین آلتی ندا بیر سوزی اولسون، گوزل منی تحویل آلسین. اوندان سونرا حوسینقولی عمی له بیر ایشیم وار.  حوسینقلی عمی دن بورداکیلار تکین ضعیف نوکته تاپام ،ضعیف نوکته تاپا بیلسه م،نه جور  شعیر وئرسه م ،مجلیسلرده اوخوماقا بیر سوز دئمه ز. بیر شعریم وار عومورده ائله اونو دئمیشه م، آدین عوض ائدنده تمام مناسبت لره دوشور .باری تعالادان ایسته میشه م، نئجه بو چاققالا آشی ماددی  قیسمتینده منه یاردیجی اولوبدی، معنوی ایشیمده ده منه  کومکلیقی اولسون !!

 گرگرلی آراز

 چهارشنبه 21 بهمن 1394

 

قاباق ردیف لر فرق ائیله یر

 

 ((((سالن اجرا: آمفی‌تئاتر پتروشیمی (تبریز)
تاریخ اجرا: ۱۵ بهمن ۹۴ و ۱۶ بهمن ۹۴
ساعات اجرا: 18:15، 20:30
قیمت: از 30,000 تا 100,000 تومان
 
کنسرت ارکستر فیلارمونیک تبریز
پنجشنبه 15 و جمعه 16 بهمن ساعت 20:30
اجرای دو شاهکار جاودانه از ولفگانگ آمادئوس موتزارت
سمفونی شماره 40 و کنسرتو برای کلارینت و ارکستر
با ایفای بیانی مدرن از یک قطعه موسیقی فولکلوریک آذربایجانی
رهبر ارکستر: یاشار شادپور / کنسرت مایستر: الیاس نیکو
فروش بلیت از طریق سایت و گیشه های معتبر خرید سطح شهر    قیمت بلیت:
ردیف 1 تا 5: 100.000 تومان
ردیف 6 تا 9: 80.000 تومان
ردیف 10 تا 14: 60.000 تومان
بالکن:
ردیف 1 تا 4: 40.000 تومان
ردیف 5 تا 8: 30.000 تومان))))

قاباق ردیف لر فرق ائیله یر

اوشاقلار چوخ آتیلیب دوشوردولر: آغا بابا -آغا بابا ؟ خبرین وار؟ خبرین وار؟ هممشه قولاق آسارسان ها ،سمفونی قیرخین جی شوماره –موتزارتیدان، اونو تبریزین فیلارمونیک آدلی ارکستری ،پتروشیمی آمفی تاتریندا ،چالیناجاق .هله بو هاراسی دی ،بیر قطعه ده اوز موسیقی میزدن چالیناجاق. نوه مین الیندن کاغیذی آلدیم اوخودوم ،بلی، دوزودی، اوشاق نئجه دئیردی اوجور یازیلمیشدی.  آمما بیر آیری سوزده یازیلمیشدی ،بیرینجی ردیفدن - بشینجی ردیفه جان  یوز مین قید اولونموشدی ،سکسن - التمیش –قیرخ مینی ده واریدی ،یاپ آخیردا اوتوز مین ،بالکونون آخیر ردیفلرینده تاپیلاردی .اوز –اوزومه فیکیرلشیردیم: آللاه من نئجه ائیله یم، ایه ر بوتون عایله نی آپارسام ،هله آخیر ردیفده بالکوندا اوتوردسام، بو  آی ماآشین یاری سی گئتمه لیدی.
 بو آندا قاپی دویولدی، قونشو  آزاد منطقه ده  ایشله ین مدیریمیزین خانیمیدی.  الینده بیر آلتی دنه بیلیت یوز مین لیق ،قاباق ردیفده واریدی . گولومسوله نه رک، دئدی :کیشییه دئدیم: آلماها !آمما گئدیب آلیب. کیشییه دئدیم: آلما ها !بونون عوضینه یاما گئدک، بیر آز کئیفه باخاق. آمما گئدیب آلیب. دئدی -دئدی سونرا چیخیب گئتدی.
 خانیم ائوه گلنده سوروشدوم :کیمیدی؟ دئدی: نازیلا خانیمیدی. دئدیم: هانسی نازیلا ؟دئدی : او قونشو کی سیز هممشه بو سمفونی دان قویوب، قولاق آساندا ،زنگ آتیب دییه ردی: اونون سین کسین. دئدیم :بس نئجه او بیلیت لری آلیبلار؟ خانیم دئدی: آلیب لاردا ،اودا قاباق ردیفده!
 دوباره دن اوشاقلار دیله گلدیلر: آغا بابا ؟آغا بابا ؟هاچان گئده جه یک ؟ایسته یردیم بیر سوز دئییم، خانیم سوزو آلدی اله ،دئدی: جانیم -جیکریم گئتمییه جه ییک، ائله گئچین اوز سی دی میزی قویون ،هانسین آچیرسیز آچین .بیر آزگئچمه میشدی ،او سمفونی  قیرخ دایدیق، بیر دن زنگ آچیلدی .نازیلا خانیمیدی، اوجا سسله، دئیردی: آغا  بابازا، دئیین: او نه دیر آچیب؟ سن اللاه اونون سسین کسین! من سوروشدوم :کیمدی ؟خانیم دئدی :نازیلا خانیم ،او بیلیت آلاندی !!

گرگرلی آراز

 پنجشنبه 15 بهمن 1394

 

بعضی لری دیل –آغیزسیز حیوانلاردان قاباق کورسه نیر!

     بو ایل قیش برک اولماقدا، قار داغلاردا هر بیر کول - کوسون اوستون اورتموشدی . اوولار داغلاریمیزدا ،کورلوق چکیردیلر. میر عاباس عمی اوغلو ائله خیر ایشلرده ،هممشه قاباغا دوشوبدی، بو ایشده ده قاباقا گئچیب ،هامیدان باشلایب پول ییغدی. سونرا بیر – ایکی نیسان یونجا آلیب، نئچه نفرین کومکلیقیلا ،دره دوزده -اوولارا آپاردیلار. آخیر  جومعا آخشامی او شخصلر کی بو ایشده زحمت چکمیشدیلر، کربلایی ماحمودون حئسابینا، آیران دیبینه گئدیب ،بیر ناهار یئدیله ر.

آمما چوخلاری بیلمیردیلر بو ناهارین پولون، آیری بیر شخص وئریب ، خییال ائیردیلر اووا ییغان پولدان بو حئسابلانیب. اودور کی قرار قویولدی  اعتیراض ائدنلره، باشدا ایسکندر اولماقدا، صاباحی ناهار وئرسینلر. بو آندا کربلایی ماحمود چایخانایا وارید اولدی. حاجی میر عاباس عمی اوغلو گولومسونه رک، دئدی: واللاه دونن کربلایی ماحمود آتاسینین خیرینه -صوابینا بیر بش نفره احسان وئردی، بوسفرده سیزه آناسینین خیراتینا بیر ناهار آلاردا !هامی ساکیت، کربلایی ماحمود سوزه گلیب، دئدی: واللاه ناهار آلماقدا سوز یوخدی، امما رسمیدی کیم اولونو قویلاماقا –یاخوت اونون مچیدینده، فاتحه وئره نه ،احسان یئتیشر.

بوردا داها بیر نفردن سوز چیخمادی ،هامی باشین آشاقا سالدی. امما هردن باش  قوزایب باخاندا ،یالنیز ایسکندرین   اوزونه باخیردیلار. ائله بیل ایسکندر –ایسکندرین یولداشلاری ، اوولارین یونجالارینا  کومکلیق ائیله مه میشدیلر. واللاه نه بیلیم بلکه اوولاردان واجیب، بعضی ایسکندر تک شخص لر اولور !!

 گرگرلی آراز

چهارشنبه 14 بهمن 1394

 

 ناصرالدین شاهین آغروپا سفری !

     گئجه بیر اسه مس گلدی ، اوزوموزه گلن هفته یه حاضیرلاش، آغروپا سفرینه گئده جکسن .اؤزیله ده بیر اوچ نفر اولاجاق. گئجه یارییا قدر یاتا بیلمه دیم ، آللاه کیمی آپاریم -کیم قالسین. ذهنیمدن چوخلاری گئچیردی: دوکتور جئری ؟یوخ جانیم، او دوکتوردی هر شئی یه ایراد چیخارداندی .ائلچی بئی نئجه ؟پیس دئییل ،مسلکی گئنیشلیک دی، بیر تهر آدامیله اوتوشر.حاجی مسعود نئجه ؟یوخ جانیم ،همی قوجادی همده حاجی ،اونون یانیدا بیر ایش گورمک اولماز. اؤز-اؤزومه، دئدیم :سنده حاجی دئییل سن؟ سونرا اؤزومه، دئدیم: حاجی وار حاجی! خیلاصه بش- اون نفر ذهنیمدن گئچیردی، گوردوم تلفن زنگی چالیندی. ساعادا باخدیم گوردوم  اونیکی دی، زنگی آچاندان سونرا گوردوم ائلچی بئی یله- دوکتور جئری دی .نوبتیله بیر- بیر حالیمی سوردولار، آخیردا دوکتور دئدی :اوزون بیلیرسن من بیرینه اوندان اوطرفه زنگ آتمارام ،دئماقیم اودورکی  بیردن چاشیب ائیله رسن، بو بیر کند –شهر سفری دئییل، خاریجی آغروپا سفریدی، گره ک بیر خاریجی دیل –بیرده ادبییاتچی یانیندا اولماقی لازیمدی. اوز- اوزومه  دئدیم: آی سیز اولمییه سیز، سیزی آپاران کیمدی. آمما ایسته مه سمده اونلاری آپارام آپارمارام ،آمما اوراسیندا دوز دئیردیلر، بو آغروپا سفریدی ،بوردا بیر آز چاشیب ائیله سه م ،وای حالیما .سحری دئدیم: بیر اعلان یاپیشدیرسینلار، آغروپا سفرینه بیر ایمتحان آلیناجاق. آخشامی ایداره زامانیندان سونرا بیر- بیر گلیردیلر، منده بیر سوزلری سوروشوردوم، هئچ بیری قبول اولمادیلار. آخیر دورد نفر هامینین یانیندا ،اوتاغیما وارید اولدولار.ایلک  ائلچی بئی دن سوروشدوم: عراقین پایتختی هارادی؟ ائلچی بئی بیر نم- نوم ائیله دی، دوکتورون اوزونه باخدی، دوکتوردا بیر الین یاریمده نه آچیب -یوماندا ،بیردن ائلچی بئی، دئدی: بغدادی ؟دئدیم: ی حرفی یوخدی. ائلچی بئی اوزدن گئتمه دن، دئدی: دئیرم یعنی بغدادی دئیرسیزدا؟ دوز دئماغینا، گئچیب دوردو منیم یانیمدا. دوکتور جئری دن سوروشدوم: پاکیستانین پایتختی هارادی؟ دوکتور جئری تقلب لره باخدی ،گوردو پاکیستانین پایتختی یوخدی، قایدیب ،دئدی: بیر آغروپایا گئدیریک؟ یا آسییا مملکتلرینه ؟دئدیم سنه ربطی یوخدی،سئوالین جوابین وئر. ائلچی بئی بیر اوزیله میزیلدادی، دئدی: آللاه ایسلامین پرچمین آباد ائیله سین .بیردن دوکتور جئری اوشاق تک آتدانیب -دوشدو دئدی: ایسلام آباد؟ دوکتور جئریدن بتر، ائلچی بئی سئوینیردی. اودا گئچیب ،ائلچی بئی ین یانیندا دوردو. ایش یئتیشدی علیریضا رضای یا .اوندان سوروشدوم :سن اوزون بیر پایتخت آدی دئگیلن. بیر بارماغین آغزینا آپاریب ،منیم یانیمدا دورانلارا باخدی، دوکتوریله -ائلچی بئی بیر ادا- اطوار گتیریردیلر، منکی باش تاپابیلمه دیم، امما بیردن علیرضا اوجا سسله، دئدی :قزوین !قزوین !دوردوم آیاغا ،دئدیم: نمه نه ؟!یاواشجا ،دئدی :قزوین !چاره یوخودی، ایسته یردیم آپارام، دئدیم: دوزدی، قزوین بیر زامان پایتخت اولوب. ایش یئتیشدی قدرت ابولحسنی یه .بیر- بیریمیزین اوزونه باخیب، قراریمیز اویودی کی اونو سالاق.  حقیمیزدا واریدی یازیلارینا باخسانیز، کندلرینین هامیسینین اللرینده، شنه –بئل –قازمادان ساوایی بیر شئی یوخدی، آغروپایا گئدسه بلاسیز اولمویاجا ییق! اوندان سوروشدوم: لیختن ایشتایینین پایتختی –ایلک سلسیله سینین پادیشاهینین  –ایندی کی پادیشاهینین – اونون خانیمیسینین آدی نمه نه دی؟ یازیق قدرت دوزلدی یولا گئتسین، سوروشدوم :بس هارا؟ نییه بس دئمه دین؟ قدرت گئده -گئده ،دئدی: کئفلی ایسکندر بیر یوللوق دئیلن سنی آپارمیریقدا، دور- برین گوزل سئچمیسن، چولمک دیغیرلانار، دوواغین تاپار .بیرده کئفلی قارداش عرق ایچندن شاهید ایسته دیلر، بوردا مندن اوز دونده ریب ،یولداشلاریم دوکتور جئریله -ائلچی بئی یه باخیب، دئدی :گئتدی اوزوم آیاغلایانلاری گتیردی !اونلار گتیردیلر آمما سیز آپاریرسیز!!

(بو حکایه نی بیر گولمه لی سوزدن گوتورموشه م)

 گرگرلی آراز

 شنبه 10 بهمن 1394

 

عسکرین الی قامانده رینین فیکری سایلیر!

   اللی ایل دئدیقیم احوالاتدان گئچیر:حوسینقولی عمی هممشه ایشله مه یه جولفایا، دمیر یولوندا -واگونلارا طرف، گئدردی .واگونلار یونگول اولاندا ،بش- بش آغیر اولاندا، اون نفرلیک دسته یه بولونوب، اونلاری بوشالدایدیلار. جولفا هممشه قیشی برک سویوق اولار. اودا ایه ر سزاقیلا اولاندا، یاپ سوموگه ایشله یه ر. او گونده ائله  دئدیقیم گونلره تای، واگونلارین یوکو شکریدی.یوکو هامیلیقدا  بوشاتمیشدیلار، هره سمرین گوتوروب واگوندان یئره انیردی. حوسینقولی عمی گوردو ائشیک سویوقدی، ایسته دی واگونون ایچه ریسینده پالتارلارین دئیشسین .او آندا ،سمری یئره آتیب ، پالتارلارین سویونوب، تورباسیندان ائشیک لباسین چیخاردیب ،اینینه تاخدی .سونرا ایسته یردی  یئره یئنسین، بیر سالدات قاپیلاری باغلایا -باغلایا گلیردی ،حوسینقولی عمی نی گوردو، ایشارتیله دوشوندوردی : آچ توربانا باخیم. حوسینقولی عمی آچمامیش ایسته دی، بیلیندیرسین: توربانین ایچینده  شکر دئییل ،کوهنه ایش پالتاریدی. اوندا سالدات دوشونمه دن الین قوزایب ،حوسینقولی عمی نین قولاغینین دبین ناللادی، سونرا توربانی آلیب ایچه ریسینه باخیب ، کنارا تولازلادی. حوسینقلی عمی نین بیر الی قولاغیندا، ایلیب ،او بیر سی الیله توربانی گوتوروب، باشین توولایا -توولایا  یولا دوزلدی. دمیر یولوندان چیخیب، یولداشلاریندان کناردا اوتوروب، بیر پاپیروس ائشیب چکماغا باشلادی. یولداشلاریندان بیری یاخینلاشیب ،دئدی: حوسینقلی نه اولوب؟ نییه حالین قارادی ؟حوسینقولی عمی آچیب ،احوالاتی دئدی .سونرا سیگارتینه  بیر اوزون نفس ووروب ، اوزاقلارا باخدی یولداشینا ،دئدی: سالدات ائله بیر منه سیلله ووردو کی ایستالین دن زهله م گئتدی!!

گرگرلی آراز

دوشنبه 5 بهمن 1394

 

بیر گولده

کربلایینین توکانیندا اوتورموشدوق کی؛ بیر کیشی عائیله سی ایله وارید اولدولار. سؤزلریندن کربلایی بولدوکی، ایکی تخته کند فرشی، اودا بیر گولده ایسته ییرلر. کربلایی بیر بئش - آلتی فرشی اندر-دؤندر ائیله دی؛ار- آرواد ایکیسین به ین دیلر. کیشی فرش تانییانیدی. کربلاییدان مئتری آلیب، فرشلرین اندازه سین هم بوتؤولوکده، همده اورتا گولون و کناردا کی گوللرین اؤلچماغا باشلادی. اؤلچه - اؤلچه بیر پارا سورغولارائیله ییردی؛ اؤرنک اوچون: اورتا گول بیر اوچ سانتی گلیب سولا. گوشه ده سول گول ساغ ایله یئمیر. کنار خطلر بیر - بیری ایله دوز گلیب، توتمور. و بو سؤزلره تایین هئی خبر آلیردی. آخیردادا ائله او ایکی فرشی به یه نیب، بیر آز قیمتین سیندیراندان سونرا؛پولون وئریب آپاردیلار. هر زاد بئله دی. ایسته ییرسن ائوین پرده لرین دییشه سن، اوچ پنجره ن وار؛ اوچونده بیر رانگیدا سئچمه لیسن؛ یادا بیر میز آلیرسان، صندل لرینده اونا تای بیر مودئلده بیر رانگیدا سئچیب، انتخاب ائله یه سن. بوجورانتخابلار گؤزل دوشور.ائوده ده گؤزل گورسه نیر. آما بئله اولمایاندا بیر یارا چیبان تک ائشییه وورور.دوزون دئسک سئت اولمور.هر زاد بئله دی بیر دسته بننا - فهله دی، سکگیز-دوققوز نفری بیر ائوی تیکیرلر؛ او سکگیز – دوققوز بننا- فهله نین آراسیندا ایکی سی سؤزه باخماسا؛ایش قاباغا گئتمز، هئچ. بیر آزدا ایش خارابلاشار.ایش صاحابی گره ک، ائله بیر آداملار سئچیب ایش باشینا گتیره کی، هامینین اعمالی- رفتاری وعقیده سی بیر- بیرایله جور یییه. خیلاصه، آخیر سؤز: قادیندا، دوستدا و ایداره ده رئییس ده، معاوینده بئله دی. حتتا مرکزده وزیرلرده گؤرورسن باش وزیرین رائی ایله انتخاب اولونور. ایشه باشلاییر. هله بونداندا یئکه سی،مرکزده مجلیسیمیزده گره ک بئله اولا. اوندا گؤرنه گؤزل گورسه نر؛ هامیسی بیر فیکرده ، بیر بویدا، بیر یاشدا،بیر مرامدا – مسلکده بیر یئره یغیشالار؛ تا کی بیر ایشی عزیز مملکتیمیزده قاباغا آپارالار.

 گرگرلی آراز

  شنبه 3 بهمن 1394

 

قارداش اولاندا نه اولار !

جیبوتی –کومور –سورییا باشجیلارینا تقدیم اولونور

کوچه لرینده مممد عمی، غلام  باجی سی ارینی ،چوخ سسله یه ندن سونرا غلام بئل الینده ،ائشیکه چیخدی. دوننکی ایشه گوره ایکی سینینده قانی کلله لرینه، چیخمیشدی. بیر- بیرینین اوزونه تس -تس باخاندان سونرا ،توتاقلاشیب -یئرده سوپورلشدیلر. ساواشین شیرین یئرینده ،دویوشده مممد عمی زور گلیردی .او آندا کی غلامین اوستونده اوتورموشدی اونو  ووروردی ، بیردن گوردی دالیدان باش گوزونو یوموروغون دمینه وئریبلر. دالییا باخاندا گوردو ،ووران اوز باجیسی غلامین خانیمی دی. غلامی بوشلایب باجیسینا، دئدی: توکذبان سن نییه ؟بیر اوزگه دن اوترو اوز قارداشین وورورسان ؟توکذبان وورا -وورا ،دئدی :نییه وورمایم! غلام چوره گیمی- پارپالتاریمی- یئمه یمی- ایشمه ییمی وئریر! هله اوسته لیک بیر آیری بیر شئی ده وئریر !سن ،نه وئریر سن منه !!

گرگرلی آراز

 دوشنبه 28 دی 1394

 

قورخو باشا بلادی!

   دونن دوسلارین بیریندن بیر اس- مس گلدی، بیر آز اونو ایضافه له دنده بئله بیر  یازی دوزلیندی.

ائلچی بئی ین بویوک باباسی، پوللی –قدرتلی بیر ایداره ده مدیر کل وظیفه سینده ایشه یردی. هممشه بیر قارا اوزون تسبیع –یاخاسی  آغ کوینک-قارا یاخوت سرمه یی خوت –شالوار، صالاوات چوندره- چوندره اوتاقلارین قاباقیندان گئچیب ،اؤز اوتاغینا گئچردی. بو گونلرده بتر خسته له نیب، ائوده یاتمیشدی. یاتمامیشدان قاباغ چوخ دوکتورلارا گئدیب، حتتا خارجی دوکتورلاریندا  یانیا آپارمیشلار، آمما ندن حلاجی تاپیلمامیشدی. حتتا دووا نویس رضا دایی نین  یانینا آپارمیشلار، بلکه اولکه میزده اویاندان- بویاندان بیر شخص لری تاپا بیلسین، بیزیم بو ائلچی بئی ین بویوک باباسینین درمانین بلکه  تاپا بیلنلر اولدو، خیلاصه اولمامیشیدی.بو ایشلردن  سونرا ایش وصییته یئتیشدی.حقوق شناس  ایسکندر کی بیر آز حقوق اوخوموشدی، هامیدان قاباغ خبردار اولوب، یئرین اورا سالمیشدی. آخشامی هامی جمع اولموشدی. دورد کوره کنلر قدرت –علیرضا –سلمان –احمدجنابلاری ردیفله آشاغا باشدا، اوتورموشدولار. خیردا کوره کن سلمان ین گوزلری ده گولوردو! عمه سی اری جمیشید – قارداشی جابر- قونشولاری حاجی مسعود جنابلاری  خسته نین  یانین، کسمیشدیلر .دین خادیمی صابر موعللیم  یاسین آیه سین اوجادان اوخویوردی، بیردن اورتادا ائلچی بئی ین بویوک باباسی الین گویه قوزادی، قوزویان آن، هامی ساکیت اولدی.بویوک بابا بیر آزدان سونرا دانیشماقا، باشلادی . بیر –بیر دانیشا- دانیشا قاباغا گلیردی. یئرلری بولدی، توکانلاری بولوشدوردی، اوشاقلارین –اوغلانلارین –قیزلارین –خانیمین مالین بولدی. ایش یئتیشدی دینی مسایلینه، بویوک اوغلان نوه سین  چاغیردی:ائلچی بئی!

 ائلچی بئی گلیب ،ادب- ارکانیله دیزه کوچوب، اوتوردی. بویوک بابا باشلادی: اوغول من اولسم فیلان یئرده قویلارسان، فیلان یئرده مجلیسه اوتورارسیز، بیر بئله احسان وئررسیز. دئدی -دئدی ایش یئتیشدی اؤز دینی اعمالینا، اوندا دئدی: ائلچی بئی! ائلچی بئی آغلایا -آغلایا دئدی: ندیر آغا بابا! بابا دئدی: ائلچی بئی بیر اوتوز ایل شام نامازیلا- خیفته نامازی منه قیلارسان یادا قیلدیددیرارسان! بیردن ائلچی بئی آغلاماغین کسدی، دئدی:  هامیسین شام بیردن خیفته نامازی؟ نییه بس سیزین هئچ ناهار نامازلاریز زامانی گئچمه یب؟ ائلچی بئی ین بویوک باباسی  او خسته دیلیله، دئدی: یوخ اونلاری هممشه ایداره ده قورخودان قیلمیشام! یالنیز شام –خیفته نامازلاریم قالیر!!

گرگرلی آراز

  پنجشنبه 24 دی 1394

 

گئچینیریقدا!

    دونن آخشامی چایخانایا وارید اولاندا، احمد  عمی ایشارتیله منه یئر آچدی.من اللریمی اوفکالییا -اوفکالییا اونون یانینا یئتیشیب، کورسه دن یئرده اوتوردوم.احمد عمی، دئدی: نئجه سن ایسکندر؟ دئدیم: پیس دئگیلم سیزین کولگه زده گئچینیرم. احمد عمی گولومسولندی. دئدیم: احمد عمی نییه گولومسولنیرسیز؟ احمد عمی دئدی: بیر سوز یادیما دوشدی، بیر مجلیسده ائشیتمیشه م.

 منده بیلمیرم بو حکایه کیمنندی، یادا ائله بیر خالق یازیلارینداندی، خیلاصه سیزه ده دئمه ییم گوزل دوشر.

 احمدعمی دئیردی:

بیر گون بیر کندیده بیر کولچی هممشه کندیدن- ائولردن زمیله ره کول داشیرارمیش .بیر گون ایسته یر ناهار یئسین، بیر کولگه یئر تاپا بیلمیر،ائله ائششکین بیر داشا باغلایر، خورجوندان یئمه ین گوتوروب، ائله ائششکین کولگه سینده اوتوروب، یئمه یه باشلایر. یئمه یین اورتا- اورتالاریندا ائله چوره یین تیکه له یب آغزینا آپاراندا، گورور، پادیشاه اوز اطرافلاریله اوردان گئچیر. پادشاه بیر ایشاره یله آتین دایاندیریر، اوز دونده ریب کولچی یه، دئییر: آی اینسان کیم سن؟

 کولچی : منیم آدیم دوکتور جئری دی

 پادشاه : بس دوکتورسان نییه بس کول داشییرسان؟

 دوکتورجئری : کول داشیما دوکتورلوقدان قازانج لیدی

پادشاه:بس کول داشیما قازانجی لی بیر ایشدی؟

دوکتور جئری :یوخ قارداشیم موهندیس قالایچی مورتوضون ایشی مندن قازانج لیدی

بو دانیشیقدا هردن ائششک باشین آلت -اوسته آپاریب، هردن آغزیندان بیر سسلری چیخاردیردی. ائششک هایلا ائلییه نده،  پادیشاه اونا باخیب، آغیز- دوداغین بوزوشدوروب، دسمالین آپاریب آغزین بورنون توتوردی.

 پادیشاه ایزن وئردی، آت یولا دوشسون. آت یولا دوشه- دوشه اطرافییانینا، دئدی: گورورسوز منیم اولکه مده کول داشییانلار، دوکتوردولار.اطرافییانلار اوجا سسله دئدیلر:اللاه تعالا بوندان دا آرتیق ائیله سین !پادیشاه گئده -گئده آخیر سئوالین دوکتور جئریدن سوروشدی: بس  وضییتیندن  را ضی سان؟ دوکتور جئری ائله ائششکین کولگه سینده دورا- دورا، دئدی: پیس دئییل سیزین کولگه نیزده گئچینیریقدا!!

 گرگرلی آراز

    پنجشنبه 17 دی 1394

 

آتا-بابادان قالان بیر شئی دی!

یوخاری کندیمیزین  داغ یولوندا ،چشمه باشیندا  سیاه عاباس، اوروجلوغا حاضیرلاشیب، چیمیب غسل قویوردو. یازیق بیر آز کی گؤزدن معافیدی، اؤزونه بیر خلوت گاه تاپیب قمیشله رین آراسیندا اؤز – اؤزونه چیمیردی. اوشاقلارین آراسیندان بیری  آیریشیب،  یئردن بیر  گیردکان یئکه لیکده، داش گؤتوروب، بیر گؤزون قیرپیب، بیر آیاغ یئردن گؤتوردوکده ،دوز سیاه عاباسین قاباغیندا شئی – شئپیین نیشانلادی. داش دوز - مئشت گئدیب ده یدی سیا عاباسین جان ائوینه !! یازیق سیاه عاباس زورلا - بلاییله اؤزون  گؤلده ساخلادی بیر گؤیه باخیب دئدی:  زینال -  زینال  سنی گؤروم یاناسان منی یاندیردین !!

دوزودو، ائله سیاه عاباس گؤرمه دن دوز دئمیشدی اوشاقلارین ایچینده ائله داش آتان  زینالیمیش !! سونرالار بو اوشاق  چوخ گؤزل بیر اوشاغا دؤندو،بیر بویوک عالیم –دانیشمند   تک ائلیمیزده چالیشماغا باشلادی، آمما داشی دوز آتماسی ایندیده ائله الینده دی!!

 گرگرلی آراز

سه شنبه 15 دی 1394

 

سن اللاه بیرین ووراندا، بسم اللاهسیز وورمایین!

  مهدی دئیردی :بیر گون اوشاقلیقدا حیه تیمیزه وارید اولاندا گوردوم،  بیر اجنبی پیشیک پنجره میزده اوتوروب .رحمت لیک آنامدا ائوده ناهار تدارکی گوروردو. من یاواش -یاواش ایوانا ساری گئدنده ،آیاقیمنان بیر تای باشماغیمی چیخارتمیشدیم، یاپ الیمله پیشیکین هیکلین دوزله یب بیردن گوزل آندا اونا طرف تولازلادیم. آمما اجراف پیشیک زیریک چیخیب ،بوروق وئرمه گیله باشماق تایی اونا دئمه دی. باشماغ تایی دوز -مئشت گئدیب ،سفره ده  نه مه نه واریدی بیر –بیرینه ووردی،  حتتا سو تونکونده جالایب ،بویرو اوسته دوشوب سیندیردی.

من ایواندا بو صحنه یه باخیردیم بیردن آنام سینی الینده مطبخدن گلیردی بو سسه دیسگینیب یئره  اوتوردو،  بیر منه ساری باخدی- بیر سفره یه ساری نظر گئچیتدی دینمه ز- سوله مه ز(دینیب دانیشمازدان-  سوال ائتمه زدن )دوردو آیاغا ،چادیراسین باشینا سالیب ،دئینه- دئینه باشماقلارین گیردی ،اوندا منه ساری باخیب، دئدی: داها سنیله بیزلر  باشارا بیلمه ریک، سنینکی قالیب آللاها ،دوز ایمامعلی موعللیمیزین یانینا گئدیره م. نه یاخینا گئدیب قوجاغلایا بیلیردیم نه ده یالوارماغیله دایانیردی.

 بوردان- بویاناسین ایمامعلی موعللیم عمیمه ،صوحبت ائتمیشدی. ناهار زامانی دی، مرضییه خالا اوتاغا وارید اولدی .نقدر باجارا بیلیردی ،او قدر مهدی دن منه شکایت ائیله دی. آخیردا دوروب گئدنده آخیر سوزو او اولدی کی: وورارسیز  اولوسو قالار! مرضییه خالا بونو دئدی، دوروب باشماقلارین گئیب، گئتدی. بیر بش دیقه دن سونرا دوباره دن قاپی دویولدو، یئنه مرضییه خالایدی. بو سفر نه فیکر ائیه میشدی :بیردن مهدی دن موعللیمینه شکایت ائیله میشم ایمامعلی مهدی نی برک وورار، دوباره دن گلمیشدی بیر سوزلری تاپیشیرسین .بو سفر پنجره دن منه ساری اوز دوندردی ،مرضییه خالا دئدی: ایمامعلی من  ناراحاند  اولدوم ،دئدیم :مهدی نی بیر وورارسیز. امما سن اللاه اونو ووراندا ، بیر بیسم اللاه دئگینن ها !!

 گرگرلی آراز

 شنبه 12 دی 1394

 

حرمت !

حرمت !..........(بابک زنجانی بئی لرینه تقدیم اولور!)

  نغی موعللیم دئیردی :دبستاندا بوتون موعللیم لر قرار قویموشدولار ،ایمتحاناتدا کریمه کومکلیقلاری گئچسین.بیلیردیک  داها کریم گلیب درسین ایدامه وئرمییه جک . ائله بش کیلاس ین آلا بیلسه ،او مدرکیله ائیله یه بیله ر دمیریولونا –آموزش پروریشه یازیلیب ،ایستدخدام اولا.

 بونا گوره موعللیم لرمن کی بیر آز الی -ایاقلیدیم ،قاباغا وئریب  ایمتحانلار زامانی کریمین    ورقه سین آلیب، بیر اون دوردلوق- اون بشلیق یازیب اونا وئریردیم .

هردن مدیریمیز ذبیح اللاه موعللیم گورنده ،تس -تس بیزه باخیب، کریمی سویوب باشین توولایردی .

ایمتحانلار قورتولدی، کریم اون اوچ یاریمیله ترگیدسیز(تجدیدسیز) قبول اولدو.

صاباحی موعللیملرین هامی سیله دفترده اوتورموشدوق  شیشه یه بیر تاققیلدی دئییلدی، باخدیم گوردوم کریمدی. گئچیب، دئدیم: نه دیر کریم؟ کریم دیله گلدی: نغی دایی سن آللاه بیر سوز دییه جه یم سوزومو یئره سالما .دئدیم :دئگینن .کریم دئدی :من سیزین زحمتیزین مقابیلینده نه گتیرسم  گوزل دوشر؟ بیر آز فیکیرلشدیم، یاواش دئدیم: مدیریمیز ذبیح اللاه سیزین قونشودو اونون حیه تینه بیر قوزو اوتوررسن !هامیمیز آپاریب ییه ریک! ایکی الین قویدو گوزونون اوستونه بیر ایلدی -دوزلدی قاچیب گئتدی .آخشامی مئیداندا موعللیم دوستومیله  گلیردیم ،ذبیح اللاه موعللیم منی دالیدان چاخیردی، دئدی: گورورسوز ایشله ریزی؟ دئدیم: نه اولوب؟ مدیر دئدی: نه اولاجاق !کریم بیر قوزو گتیرمیشدی ،بیزیم حیه ته اوتورموشدو .

من بیر گولومسوندوم ،دئدیم: یاپ گوزل اولوب ،بو جومعه باغا آپاریب شیشه چکه ریق.  الین اوووشلایب، قاباغا گتیردی ،دئدی: آلا! گور یئمه میسیز؟ دئدیم:نئجه کی؟ ذبیح اللاه موعللیم دئدی: آپاریب قوزونو کریم گیلین آتاسی گیله اوتوردوم، کریمی ده توتوب بیر خوب دویونجان ووردوم. من قایدیب سویله دیم :داها او یازیقی نییه ووروردون؟ دئدی: یعنی دئییرسیز کی بو کریم بو قوزو وئرمه ین ،هم تویدا دئسین هم یاسدا!!

 گرگرلی آراز

 شنبه 5 دی 1394

 

بیزیم بو قصابین نقدر ورثه سی واریمیش!

محلله میزده عماد الدین عمی او ایل کیللرده ،وفات ائتمیشدی .چوخ بویوک عضمت له ،تعزییه سی قورولموشدو. آغالار حیه تین بیر طرفینده ، خانیملار دا بیر طرفده گلیب گئدنلره –قوناقلارین قارشیسینا چیخیب، اوتاقلارا هدایت ائیله یردیلر. خانیملارین طرفی شولوغودی ،هردن بایاتی چکن -هردن بعضی قوناقلاریلا قوجاقلاشیب –آغلاشاندا، اولوردو .

وفات ائدن قصابیدی.  ایکی آروادی اولماقدا بیری فاطما خانیم یوخاری باشدا ،اوتورموشدی.  مستان خالادا آشاغی باشدا اوز باجیلاریله ،بیرده بالدیزیلا ،ایله شمیشدی. دئییلنللردن  معلومودو، ایکی سیغه سیده بیری  شیخ سورا- بیریده سید قیزی سکینه یوخاری باشدا آیری، اوتورموشدولار.اونلار  هردن نوبتیله اوجادان فاتعه سسله یب، چئویریردیلر.

 مجلیسین شیرین یئرینده فاطما خالا ،بیر بایاتی چکدی: (کوینکین آغ ساخلارام) ایسته یردی اوبیرسی مصرع سین دئسین، اوبیرسی اوتاقدان کی تزه قونشو کندیدن گلمیشدیلر، بیر خانیم اوجا سسله، دئدی: (یووارام آغ ساخلارام !) ایواندان بیر آیری دسته کی آیری بیر قونشو کندیدن گلمیشدیلر ،بیر خانیم  اونلارا قوشولوب ،دئدی: بیرده گلسن بیزیم کنده  سنی واللاه (اوزوم قوناق ساخلارام )هیییییییی! فاطما خالا ائله اوجور  چادیرانی اوزونه چکمیشدی،  دییه نلره قولاق آسیردی .بیردن چادیرانی قیراقا وئریب  یانینداکیننان، سوروشدو:  بونلار کیمدی؟ او دوروب گئتدی سونرا ائله او آن قاییدیب ، فاطماخالایا دئدی: ائله بیل رحمت لیک عمادالدین عمی نین قونشودان گلن سیغه لریدی! فاطما خالا آغیر آروادیدی بیر ایسته دی حیرصلانسین، ایلک میددانماغا باشلادی: آی جانیم هله بیز ایکیمیز ،یانیمیزدا ایکی سیغه سی ،هله اوچوده قونشو کندلردن گلیب، آی بونون جیکری یانسین !نه مخلوقوموش نه جاناواریمیش !یانیندا اوتورانلار قویمادیلار دورسون، بیری دلی -نصیحت بیری گئچدی  کوره ین- بئلین اوودولار، قال یاتدی .

مستانین باجیلاریندان بیری مستانا گوز ائیله دی کی یئریدی ، بیر اوجادان بایاتی چک. مستان چادیرانی اوزونه چکدی  ،اوجادان هاراینان اوخودو: عمادالدین هارداسان ؟(یئریوی سالارام ایواندا) عماد الدین( سسین گلیرباخ لیوارجاندا )....بو هی نیده بیر دسته آرواد ایواندان، اوتاقا وارید اولدولار . بیری اوزون یئره چیپدی ، اللرین یئره وورا -وورا اوجا سسله، دئیردی: داها نه دن سسین گلمیر( گله م قاباغیوا داراندا!)

اوخوجولار  ،گوزوز  گورمه سین! بیر دن فاطما خالا دوردو ،چادراسین بوینونا باغلادی، ایلک ال آتدی بیر دسته استکان نعلبکی سینی له  پنجره دن خییاوان آلتینا ،تولازلادی .سونرا ال آتدی ساماوارا ،اونودا اوتاقدا فرشین اوستونده جالایب، ایسسی سویو توکدی، یئریله یکسان ائیله دی .

بیر آز اوجور آیاق اوسته دوروب سونرا ایکی الین داراقلادی  پنچره نین چرچیوالارینا، دئدی :داها تعزییه نی ییغیشدیرین !من ایسته مه دیم بو تعزییه نی! بو تعزییه ایکی گونده ایدامه تاپسا ،بوتون کندیلردن نه مه نه دول آرواد وار، توکولوب بورا گله جکلر!!آی هاراییییییییییییی!!

 گرگرلی آراز

یکشنبه 29 آذر 1394

 

بعضی یئرده دانیشاندا آدام آبیر – حیادان دوشور

بعضی یئرده دانیشاندا آدام آبیر – حیادان دوشور........(دادگاهلاردا بویوک ایختیلاس ائیله ینلره تقدیم اولونور!)

 کاسیب چیلیقین اوزو قارا قالسین. آلقلی  گیلین آتاسی اولنده ،بیر طرفدن کاسیب چیلیق- بیر طرفدنده ورثه نین چوخ اولماغی ،اونلار   بیر هفته تعزییه دن گئچمه میش، بیر- بیرینین جانینا دوشدولر.

اوغلانلاریله -کورکنلر ائوده ، قیزلاریله -گلین لر ائشیکده ،هردن  دانیشیب – دالاشیردیلار.

 خیلاصه هامی باتمان اولوب ،نردواندان یئره انمک بیلمیردیلر. مهدی دئیردی: او گون توکانی آچاندا گوردوم، توکانین قاباغیندا آلقلی ،قارداشی جلیلی توتموشدی دانلایردی، او دئیردی: سنین آروادین چوخ آت اوینادیر، ایسته یرسن  آبیر- حیادان دوشمه یک ،آبیریمیز گئتمه سین، قان توکولوب اورتادا بیری اولمه سین ، جلیل قارداش ،سنده گره ک سلیته وی یئرینده اوتورداسان !منده ایفریته مه جواب وئره م! اوز دونده ریب آلقلی منه ساری ، دئدی:  مهدی قارداش پیس سوزدی، سیز دئیین  پیس دانیشیرام !!

 گرگرلی آراز

      چهارشنبه 25 آذر 1394

 

میرزا صمدین ائششه یی

داییم آروادی دئیردی: ائوده اوشاقلار اون گونودو بیر -بیریله ساوشیردیلار.هر نه قدر دلیل-نصیحت ائله ییردیم، سؤزه باخماییب؛ گونو گوندن بترله شیردیلر. داها لاپ جانا گلمیشدیم! قونشوموز زرافشان خالا بیزه گلنده اوشاق لارین ساواشینین اوستونه چیخدی. یاخشی اولدو، او بولدو. او دئییردی :او گونلری بیزیمده اوشاقلار سیزین اوشاقلار تک بیر- بیرینه دَیمیشدیلر. گئدیب میرزا صمددن دوعا آلاندان سونرا هامیسی قوزویا دؤنوبلر.

داییم آروادی بئله دئییردی:آخشامی زرافشان خالا ایله، میرزاصمدین توکانیندا اوتورموشدوق بیرنورانی آدامیدی. نه آدامین اوزونه باخیردی، نه ده چوخ دانیشیردی. بیرآلتی بسته دوعا وئردی. ائله ده پول آلمادی. بیر گونلوک فهله پولو آلدی. بونلاری منه دئدی: یادیمدا قالمادی. گتیرمیشم ایسکندراوخوسون. بیرده اونلاری اؤیره نیم.آنام منی سسله دی، گلیب اونلاری اوخویوم.من گلندن سونرا بیر داییم آروادینا باخدیم، بیرده آنامین اوزونه.بیرده دوعالارا نظر سالدیم. سونرا بیر-بیر اوخوماغا باشلادیم.

بیر- بیراوخویوب، یئره قویوردوم.«بونی قویلارسان»، «بونی یئدیرده رسن»،«بونودا حا لوایا قاتیب یئددی تیکه یه بؤلوب وئررسن یئیرلر». «بونودا سودا قاتیشدیریب ایرمی بیر گون؛ او بیریسینده قیرخ گونده قاشیق- قاشیق چایلارینا،یئمکلرینه تؤکوب،ایچدیریب یئدیردرسن»؛ « بونودا خمیره قاتیب وئررسن بیر ائششک یئیر».داییم آروادی ائششه یی ائشیدنده دئدی:دوز دئییر؛ میرزا صمد ده دئدی: بو یئکه دوعانی خمیره قاتیب ، وئررسن ائششک یئیر. سونکی گون داییم آروادی هامیسین یئربه یئر یئرینه گتیرمیشدی. بیر ائششه یین دوعا ایله بارابار خمیر یئماغی قالمیشدی!آنام حاضیرلاشا-حاضیرلاشا داییم آروادی دئیردی: زورلا- بلاایله بیرائششک تاپمیشام؛ شهرده بیر ائششک یوخدو!. فقط دئیرلرگولثومون اوغلونون بیری وار.تیلفون ائیله دیم، قبول ائیله دی کی، آپاراق خمیری دوعا ایله بارابار ائششک یئسین!آنام دئیردی کی گولثوم گیله کی وارد اولدوق، بیر یئددی- سگگیز آدام واریدی! هامیسی دا تانیشیدی. گولثومون گلینی نوبت ایله چاغیریب، خلوت ایله طؤیله یه آپاریردی. بیر یاریم ساهاتدان سونرا چیخیب گئدیردیلر. گئتمه میشدن قاباق گولثومون گلینینه ده بیر شئ لر وئریردیلر.تئز دائین آروادینا دئدیم: گولثومون گلینی یادیندان چیخماسین ها.

بیزیم نوبتیمیز یتیشه نده طؤیله نین قاباغیندا، دائین آروادی گولثومون گلینینه  قاباقجا پول وئردی. اونوندا بیزه بترکومکلییی دَیدی. او دئییردی: خمیری وئرین منه؛ من بولورم اونو نه جور وئریم ائششک یئسین. دوعا یئره دوشمه سین. یئره دوشسه یئرینده اوتورماز. دوعانین اثری اولماز.ائششک گؤزل وجهیده خمیری یئدی! دوعادا اونلا بارابار ائششه یین قارنینا گئتدی! آنام دئیردی: ائششک ائله گؤزل توتوقلانمیشدی کی قارین- بوغازی،قیشلاری،پئیسری او بیرسی ائششک لرایله فرقی واریدی. گولثومون گلینین ائششه یی هم یئکه، همده گؤزل گؤرسه نیردی.

آنام بونلاری تعریف له ینده اؤز- اؤزومه فکیرله شیردیم کی، آدامین بیر میرزا صمد تکین بیریئرده ،ایداره ده، سازیماندا، پارتی اولسا آدامین اؤزوده طؤیله ده ائششه ییده یامان کئفه باخار!!

گرگرلی آراز

 شنبه 21 آذر 1394

 

اولکه ده هانسی ایشلر منیم اوچوندو هانسی ایشلر یوخ!

دونن مهدی نین چایخاناسیندا حاجی رضا دئیردی :گئچن هفته مشهدی رحمان جاماعات نامازین گوزتله یردی، قوتارسین .نامازچیلار مچیدین  پیلکانلاریندان یئننده، اورتالاریندا  آخوندوموزو گوردو. امما گوزتله دی اؤز کوچه لرینه دونسون. دونن آن، مشهدی رحمان اونون  قاباغین کسیب ،سلام وئردی .حاجی میرزا حسن چوخ مهربانچیلیقیله رحمانیله گوروشوب، احوالاتین خبر آلدی. چوخ سوزدن سونرا، گزه- گزه حاجی له  قاپیلارینا یولا دوشدولر. یولدا مشهدی رحمان آچیب مطلبین، دئدی:منیم آغام چوخ عذر ایسته یرم نئچه واقتی بیزیم عورت اعمالین یئرینه گتیرمیر،نامازلارین قیلمایر !

 حاجی میرزا حسن :استغراللاه ،نییه آخی ؟

مشهدی رحمان:بولمورم کی

 حاجی میرزا حسن :بیر دلی نصیحت ائیله گینن ،بلکه دینه -ایمانا گلدی او قیزی من تانیرام مشهدی  فضلعلی نین قیزیدی، دین -ایمانلی عایله دندی.

مشهدی رحمان :اوزومده دلی -نصیحت ائیله میشم ،حتتا آنامدا -آناسیدا گون اولمایب کی اوزون دانلاماسینلار.

 حاجی میرزا حسن:اونو بعضی شئی لریله توولا. میثال اوچون بیر چادیرالیق – دونلوق آل، بلکه ایپه -ساپا گلدی.

مشهدی رحمان :آلمیشام ،نقدر دئسه ز بو ایشلردن گورموشم،حتتا  بو تزه چیخیب مانتولارداندا آلمیشام،کار وئرمه یب.

حاجی میرزا حسن داها ائولرینه یاخینلاشیردی، سوزه آخیر کلامی وئرسین ،دئدی :مشهدی رحمان  بس بونون آخیر سوزو- منظورو نه دیر؟ هئچ بیر سوز دئمیر؟اوندا مشهدی رحمان  الین آپاردی اوزونه، ایکی بارماغین بورنونون ایکی طرفینه یاپیشدیریب، اوچ بارماقیله چنه سین توتوب، دئدی: منیم آغام، نییه دئییر. مشه خججه دئییرکی:  سنده نامازلارین قیل ! منده قیلیم!  ائله بو ایش ناماز قیلماق منیم اوچون دئییل کی!!

گرگرلی آراز

جمعه 13 آذر 1394

 

سککیز یاریم اخباری

فیتیله برنامه سینین  آپاراجیلارینا تقدیم اولونور

 

سککیز یاریم اخباری

(آپاران :دوکتور جئری)(چوخوردان کناردان  آپارانی:ائلچی بئی)(بیردن باش وورما آپارانی :کئفلی ایسکندر)

سلام....

 سیز بو ساعات بوتون دونیانین – اولکه میزین اخبارین ائشیده جکسینیز. سونرا  چوخوردان کناردا (خارج از گود )-بیردن باش وورما (سرزده )خبرلرین ، حضوروزا چاتدیراجاغیق .

ایلک  اولکه میزین خبرلری

1-بیر دادگاهلارین بویوک شخص لرین طرفیندن ، خبر وئردیلر:ایندییه جان  دادگاهلاردا ایاق یولونا چوخ فیکیر وئریلمه میشدی .اودا بوندان اوتور اولموشدو، اوردا  هئچ ایاق یولونا فیکیر گئتمیردی، هامی جان هاینا قالمیشدی. بوندان سونرا قورخو گوتورله نیب، داها  ایاق یولو لازیم اولاجاق.

2-بویون مجلیسیمیزده بئله بیر دانیشیق واریدی. بوتون مجلیسده اولان  ژورنالیست لر اعتیراض ائدیردیلر: مجلیسین  ایاق یولولاری ،مجلیس آچیلان  موقعی، باغلانیر. یالنیز  ایاق یولولار دئپوتاتلارا عایددی. اونلاری  هئچ اولماسا بیر  یاریم ساهات بیزه گوره ، آچیق قویالار .

3-بیزه خبر گلدی چاتدی کی دونن، جمهور باشقانی سارای یندا، تله سیک بیر اونده نه خارجی ایاق یولو قوروب- ایشله دیللر. آغروپادان بو هفته بیر قوروپ  دئپوتات دانیشیق اوچون، اولکه میزه  گله جکلر.

4-اوستانداریدا تاکید اولونوب : اوستاندارینین قاپیسین  آچمامیش ایاق یولولارین قاپیسین آچالار.  دووره همسایالار اوستاندارییا  بو باره ده شکایت گلیب .

(خبرلری اوخویان بیر – بیر  ورقلری  اوخویور  قویور کنارا )فرمانداریلارین ایاق یولوسو...- بخش دارینین ایاق یولوسو... –شهرداریلارین ایاق یولوسو ...–شورالارین ...–دهداریلارین ایاق یولوسو... )عزیز دینله یجیلر – گورنلر، ایندی گئچک  خاریجی خبرلره .

خاریجی خبرلر

 

1-سورییه ده بیر ایاق یولو قالمایب ....بیزیم آلدیقیمیز خبره گوره  بو باره ده  قاچقینلار چوخ چتینلیک چکیللر .

2-لوبناندا بو ایل یوزه  اوتوز بش ایاق یولو چوخالیب .....

3-آلماندا – ایسکاندیناوی  اولکه لرده-اسپان یئرلرینده  چوخ  حیاسیزجا ،ایاق یولو لارین یوللارین، دنیزه اوتوروب،  دنیزلری  بو کثافتلریله بولاشدیریب،  باتیریللار

4-دییه نلره گوره  هله بویونه جان  آ.ب.ش (آمریکا بیرلشمیش شتاتلار)دا بیردنه ده اولسون ایاق یولو یوخدو.

 

چوخوردان کناردا(خارج از گود )خبرلری

خبر منبع یمیزدن وئردیی خبره گوره بوتون فیدراسییون لاردا  تامام ایاق یولولار توتولوب . ایندی چوخوردان کنارلاردا  گئدیب اوتوروللار .

 

بیردن باش وورما (سرزده )خبرلری

 

بیزیم توتدوقوموز خبره گوره  ،بوتون ایداره لرده – سازمانلاردا  ایاق یولولارین  قاپیسی باغلانیب . کلیدی  رئیسین اوتاغیندا دیواردان آسلانیب .

بویون  بو ساعاتدا  بو خبرلر ......اومیدوارم کی اولکه میزین – دونیانین مهم خبرلرین  ائشیدیب  قولاق آسدینیز.... ساغ قالین !

 نه دئییم واللاه دوکتور جئری –ائلچی بئی  - کئفلی ایسگندرین خبر دئدیی بوندان آرتیق اولمازکی!!

گرگرلی آراز

دوشنبه 9 آذر 1394

 

قانونلاریمیز نه یه باغلیدی!؟

حسن دئیردی: بیرگون تبریزده، آذربایجان مئیدانیدا ، جولفا کاراژیندا منیم نوبتیم یئتیشدی .ماشینیمی  دالیدان گتیردیم، قاباقدا دایاندیردیم کی گلن موسافرلربیلیب، گئچیب  اوتورسونلار .بو هی نیده دورد نخجوان خانیمی اؤز وسایلیله تاکسی دان یئنیب، اوردا دورانلاردان سوروشدولار، نوبت کیمیندی؟ منی کورسه دندن سونرا ،وسایل لرین قویوب ،گئچیب  اییله شدیلر.

 اوچو دالی صندلده بیری  قاباقدا اوتوردو. آللاهی بیر دیلیمده اوجادان آد آپارماقیله  ،ماشینی ایشله دیب یولا دوشدوم. یول  پولیسینه  یئتیشمه میش اوز توتوب قاباقداکی خانیما ،دئدیم: خانیم ایه ر ممکن دی کمریزی باغلاین. اینتیظاریم واریدی کمرین باغلایا، آمما باغلامادی هئچ ، دونوم منه ساریدا باخمایب  بیر سوز دئمه دی .

بیر آز گئچمه میشدی بیرده دونوب ،دئدیم: خانیم زخمت اولماسا کمریزی باغلاین، باغلاماساز  یوخاری جریمه سی وار. گوله- گوله ،دئدی :بیلیرم آمما باغلامیرام. بیرده کی سیزین نه ایشیز بیر سوز یاخوت جریمه ائیله سه لر ،من جواب وئررم .

خیلاصه گئد به گئد  اؤز ایچیمده چوخ ناراحاند اولوردوم، تاکی بیر ایستگاهی گئچیب بیر آز نفسیم آچیلدی. بیر ایستگاهیدا گئچمیشدیم آللاه -آللاه ائله ییردیم آخیر ایستگاهیدا گئچسه یدیم، یاخام قورتولاردی.

 آمما بو اولمادی منیم ماشینی می ساخلادیلار. حتتا بیزی یئره اندیریب ، ایچه ری گئچیتدیلر.چوخ سوزدن سونرا ایسته دیلر اؤز جریمه سین یازسینلار ، قاباقداکی خانیم بیردن عسکره قایدیب، دئدی: نئجه اوره ین قبول ائیله یر بو سینه ده کیله رین اوستونه او کمری باغلاددیراسیز؟!!

 گرگرلی آراز

 جمعه 6 آذر 1394

 

آدامین اؤزونده یئیرلر

 منیم چوره کچی خانامدا بیر نفر ایشله ییردی. سیننی آلتمیش اولدو. اون- اونیکی ایلدن سونرا  تقاعدلوغا یئتیشیب، اوز کندینه گئتدی. چوخ بیر گوزل مومن، دیندار آدامیدی .بو وضیعته بئکار قالماسین، کند ینده بیر میوه توکانی قویموشدی. استوندن بیر ایل سووشمامیشدی، یانینا گئدیب، سورشدوم: بس نییه توکانیندا بیر شئ داها یوخدور؟ او باشینا گلن ایشلری منه بئله سویله دی:

سندن آیریلاندان سونرا بیر توکان آچدیم. کتده هامی تانیشدی، هامینیندا ائله بیر زامان الینده پول اولماز. ائله،آلیش وریشیم اولموردو. باشلادیم نیسیه ورمه یی، یاواش-یاواش جاماهات باشیما دولدو. ایشیم ، کاسیب چیلیغیم یامان رونقه میندی. بیر آزدان سونرا بوتون سرمایه نی نیسیه یئدی قورتاردی. داها نیسیه ییغماقا بیر زاد قالمادی. ائوده گومانیمیز بیر شئ یه گئت مه دی، بیر ائششک، اوچ قویون،بیرده اینک واریدی؛ ائششه یی ساتیب دوباره دن بیر ایکی دفعه لیق میوه آلدیم. توکانی رونقه میندیریم. همده نیسیه له ری ییغابولوم. نیسیه له ر یغیشمادی هئچ، ائششه یین پولودا نسیه ده گئتدی. آداملار هم اؤز پولومو یئدیلر،همده ائششه یی. بو سؤزدن بیر آز کئچمیشدی یئنه گوزاریم حسن عمینین یانینا دوشدو. گؤردوم برک-برک بیر نیسیه دفتری وار. ایکی اوشاغی دیزه چوکدوروب حسن عمی کؤهنه دفتردن آداملارین آدین، بیرده نیسیه سینین پولون دئیر؛ تزه دفترده اوشاقلار یازیرلار. گئچد یم قاباغا، هم کؤهنه دفتری حسن عمی دن آلیم، همده او ایکی دفتری اوشا قلارین قاباغیندان گؤتوروم. اودون پونجونون قاپیسین آچد یم؛ اودونلا رین اوستونه تولازلادیم. بیر- ایکی دَیقه ده یانیب کول اولدولار. منیم بوعملیمدن اوشاقلار، بیرده آرواد چوخ راضی قالدیلار. حسن عمیده بیر آزدان سونرا چوخ راضیلاشدی کی بونلار منه پول وئر ن دئییلدیلر.بو سؤزلرین آچیلیب دئییلمه سیندن بئله دوشونولورکی، کندیستان یئرینده فقیر - فوقرا چوخدو. اوردا یاشایان گلیب، نیسیه موز،گیوی،قیرمیزی آلما،تامسون پورتاغال مئیل ائیله سه یاپبا یاپیب، سئشمه ساتماغینان حسن عمی نین نسیه سین وئره بیلمز. چونکو اونلارین نیسیه آلماغی، بؤیوک شهرلرین آداملارینین نیسیه آلماغی ایله کوللی فرقی وتفاوتی وار . نئجه کی آوروپا اؤلکه لرینین نئفت آلماغی، سودان ،ایندیا،سومالییانین نیسیه نئفت آلماسیندا کوللی فرقی تفاووتی اولا بیلر!!

گرگرلی آراز

جمعه 29 آبان 1394

 

مدیرلریمیز نییه ساواشیللار !

  کاسیب چیلیقین اوزو قارا قالسین. علی گیلین آتاسی اولنده ،بیر طرفدن کاسیب چیلیق- بیر طرفدنده ورثه نین چوخ اولماغی ،اونلار   بیر هفته تعزییه دن گئچمه میش، بیر- بیرینین جانینا دوشدولر.

اوغلانلاریله -کورکنلر ائوده ، قیزلاریله -گلین لر ائشیکده ،هردن  دانیشیب – دالاشیردیلار.

 خیلاصه هامی باتمان اولوب ،نردواندان یئره انمک بیلمیردیلر. مهدی دئیردی: او گون توکانی آچاندا گوردوم، توکانین قاباغیندا علی ،قارداشی جلیلی توتموشدی دانلایردی، او دئیردی: سنین آروادین چوخ آت اوینادیر، ایسته یرسن  آبیر حیادان دوشمه یک ،آبیریمیز گئتمه سین قان توکولوب اورتادا بیری اولمه سین ، جلیل قارداش ،سنده گره ک سلیته وی یئرینده اوتورداسان !منده ایفریته مه جواب وئره م! اوز دونده ریب علی منه ساری ، دئدی:  مهدی قارداش پیس سوزدی دئگیله پیسدی !!

 گرگرلی آراز

 سه شنبه 26 آبان 1394

 

دین سیزین الیندن ایمان سیز گلر!

دونن آخشام دان  خئیلک گئچمیشدی، آمبولانس سسی کوچه میزین ساکیت اوجاغین آلیشدیریب سس –کویو قوزادی .دئمه لی خیراللاه ائله بیردن  اوزو قویلو زکییه خالانین قاباغیندا دوشوب ،اوزوندن گئتمیشدی.

 خیلاصه قونشو اولماقدا اونلارین دالیسیجا ،بیزده خسته خانایا یولا دوشدوق .من اوزامان یئتیشدیم کی خیراللاه دایی نی تخت اوسته ،اوزاتمیشدیلار. اوزونه  گلیب، چوخ هارای- داد ائیله یردی. ائله هی دئیردی: ای وای زکییه اولوره م! زکییه هارداسان؟ زکییه- زکییه من آخی اونون آدامییام؟! زکییه ؟

هامیدا ائله ائشیکده- ایچه ریده صفیله ادب- ارکانیله ایاق اوسته ،دورموشدولار . دوکتورلاریله - طیب باجیلاری ائله تله سیک اویان -بویانا قاچیردیلار .من اوزاقدان گوردوم خیراللاه دایی نین قدیم یولداشلاریندان بیری مهدی عمی، سالندا گلیر.یولداشی  یئتیشن آن ،خیراللاه برکیدن هاوار تپیردی ،زکییه خانیم دا اونون الیندن یاپیشیب، هی دئیردی :خیراللا بیر آز دوز دوکتورلار دئیرکی ایندی داوالار اثرین قویار.

 خیراللاه دا دال با دال دئیردی: یوخ منیم کی داها داوادان- دووادان سوووشوب، اولمه لییه م .

بو هی نیده مهدی عمی یاخینلاشیب، زکییه خالایا دئدی: سیز بیر کنار اولون منیم بو خیراللاهیله بیر ایشیم وار.  یازیق زکییه ده چکیلدی کنارا، مهدی عمی یه یول آچدی. مهدی عمی یاخینلاشیب خیراللاهین قولاغینا یاواشجا،دئدی خیراللاه .....

خیراللاه،دئدی: نه دی مهدی؟ مهدی دئدی: خیراللاه کوپک اوغلی سن نه دی؟ بو ایش نه دی؟ سنه هئچ یاراشار ،کس سسین! داها خیراللاه دان بیر سس چیخمیردی ! ائله باشین ایب ،گوزله رین یوموب ،دینیب- دانیشمادان ،سس سیز- صداسیز یاتمیشدی!

 زکییه خالا اللرین قوزایب گویه اللاها مین شوکورلر ائیله یردی، دئیردی: مهدی عمی اللاه سنی هایاندان یئتیردی سحردن گلردیندا!

گرگرلی آراز

     دوشنبه 25 آبان 1394

 

باریشیق

باریشیقدان سونرا صنعتی اولکه لردن سرمایادارلارین بیزیم اولکه یه گلمه سی مناسبتیله!

 

دانشگاهین سالونوندا  اؤز طلبه یولداشیملا بیرگه اوتورموشدوم ،داغدان – باغدان دانیشاندا او بیر گولمه لی سوز، دئدی. سیزینده ائشیتمه یز پیس اولماز. او دئییردی:

محلله باشیندا بش – آلتی جاوان دورموشدوق ،اصغر قاچا-قاچا بیزه ساری گلیب ،او اوشاق دیلیله دئدی :بیر قارداشیم اولدو!بیزده اونون سوزونه قووت وئرمک له ،هامیمیز دئدیک :چوخ موبارکدی .

بیری دئیردی : آدین نه قویاجاقسیز؟ بیری سوروشوردی :بس بوندان سونرا عائله ده چوخ اولدوز.

 بوجور سوزلر کی اصغر او اوشاقلیقیله آتیلیب – دوشوب، هره یه بیر جواب وئریردی .

سوزلرین اورتاسیندا جاوانلارین بیری دئدی :اصغر خبرین وار بو قارداشین کی آنادان اولوب سنه ناهار – شام آز یئتیشه جک .اصغردئدی :یوخ بابا بس نه اولسون ؟یولداشیمیز دئدی :من سنه بیر یول اورگه درم ،اوشاقدان یاخان قورتولار .یولداشیمیز سوزلرینین ایدامه سینده سویله دی :اصغر ایه ر ایسته یرسن بیر آز آلماسویو  آنان دوشلرینه  ووراجاقسان ، او زامان قارداشین سوت ایسته یه جک  یئسین،  او آن، اوله جک !اصغر او شیرین دیلیله بیزه باخیب، دئدی:بو ایش جور گلمه ز !چونکو بالاجا قارداشیمدان قاباق قورخورام، آتام اوله !!

گرگرلی آراز

  جمعه 22 آبان 1394

 

آذربایجان

 

بیر تورک  اولاراق منده اوز ایگیدلریمه قوشولاراق اوجا سسله دئمک ایسته یرم دونیادا هئچ بیر شخص اوزونه جرات وئرمه مه لیدی بیر آیری شخصین جانیندان عزیز اولان مقدسلرینه توهین ائیله یه ...نه این کی موسلمانچیلیقدا بلکه هئچ بیر دین - مسلکده  بوجور ایشله ره یئر یوخدو....

 

آذربایجان

 

سولماز دیلیم چیخماز جانیم

قورتارینجا قطره قانیم

سن سن منیم آدیم سانیم

سن اؤلمزسن هئچ بیر زامان

آذربایجان- آذزبایجان

 

کمچی دوروب قاباغیندا

یامچی میشوو آیاغیندا

کامتال قافلان سوراغیندا

سنده وار سهند، ساوالا ن

آذربایجان - آذربایجان

  

ارلر بابک قئیرتینده

وطن جوشسون قودرتینده

قیزلار سارا عیصمتینده

اوغلانلاریندا خان چوبان

آذربایجان - آذربایجان

نسیمینی سویان زامان

آغلادی توپراق، آسمان

سؤزه گلدی هر قطره قان

سوسماز دیلیم، چیخسادا جان

آذربایجان- آذربایجان

گرگرلی آراز

دوشنبه 18 آبان 1394

 

ائله بیل الیمیز اوخونوب!

  چایخانانین ایچه ریسینده ، قاپییا ساری ، اوتورموشدوم ،هم ایچه رینی همده ائشیکی گوروردوم. چایخانا انگینه جان  دولویدو،همیشه کی کیمین  بتر سس -کوی قوزانمیشدی .بو هی نیده گوردوم حوسین عمی نین توکانبنا، بیر- ایکی نخجوان  موشتری سی گلدی.

 حوسین عمی یه ایشاره ایله یندن سونرا ،حوسین عمی چایخانادان دوروب  اونلارا ساری گئتدی. اوزاقدان گوزودوم ،حوسین عمی نین گوزل آلیش -وئریشی اولدو .ایکی باردان یون- اوچ تخته ماشین فرشی بیرده چوخلو آری- پتک وسایلی –ساتدی. احتیرام اوچون مهدی دن بیربش- آلتی چای سیفاریش وئردی.

 بو آندا نخجیوانلی آرواد لاردان بیری کی چوخ هیبت لی – هیکللی دی، چایخانایا وارید اولدو. او خانیم  حوسین عمی یه بیرده مهدی یه اوز توتوب ،دئدی:چایخاناچی قارداش  ائله بیل قلیانیندا وار، بیرین چاغلا، من بیر ایکی نفس ووروم! مهدی بیر گولومسولندی، حوسین عمی یه باخدی. حوسین عمی آنلادی ،خانیما  اوز توتوب، دئدی: گول نیسه خانیم بورا یاخجی دئییل، گئچ  منیم توکانیما ، من قلیانی دولدوروم ،گتیریم .

گول نیسه خانیم ،دئدی :نئجه کی؟! حوسین عمی ایسته دی باشا سالسین کی کیشیله رین یانیندا اولماز، دئدی :گول نیسه خانیم بیر بئله کیشیلرین یانیندا یاراشماز،  گورموسن نقدر کیشی وار، بیر آرواد اوتوروب قلیان چکمک عایب دی.

 گول نیسه خانیم او اوجا سسیله، کلمه -کلمه حوسین عمی نین جوابیندا، دئدی :آی حمین عمی ائشیکدن بیر نفر گلمه سه،  من بوردا بیر کیشی گورمورم! هامی گولوشدی بعضی لریده خانیمین سوزونه مات قالمیشدی.

 حوسین عمی سوزون دالیسین توتوب ،دئدی: آی جاماعات دییه بیلرسیز  بو خانیم بیزیم الیمیزی نه تئز اوخودو!!

گرگرلی آراز

پنجشنبه 14 آبان 1394

 

گوره سن هارا گئدیریک!

   دوکتورون مطبینده ،منشی نین میزینین اوستونده زنگ چالینان آن، منشی اوز توتوب ائلچی بئی یه ، دئدی :بویورون سیزین نوبتیزدی، ایچه ری گئچه بیلرسیز. ائلچی بئی  یئریندن ادب -ارکانیله دوردو ایچه ری گئچدی وارید اولان لحظه، دوکتور جئری صندلی گورسه دیب بویور، دئدی .ائلچی بئی باشا سالدی کی خسته دئیل ،خسته لیکدن اوتور گلمه یب، بازرسدی، زحمت اولماسا ایجازه نامه زی همان پروانه کسب اولا ،کورسه ده سیز. دوکتور جئری  الی آیاغین ایتیرمیشدی، تئز اوزونه گلیب الین آتیب جیبینه، سانامامیشدان بوتون بسته  تیراوئلله ری ائلچی بئی ین جیبینه باسدی .

خیلاصه دوکتور جئری آلنینین ترین سیلیب، ائلچی بئی یه اوز توتوب ،بیر گولومسولندی. ائلچی بئی دوکتور جئری دن آیریشیب، پیلله لری بیر- بیر آشاغا یئننده ،خسته لردن بیری علیرضا رضایی اولموش اولا، ائلچی بئی ین  قاباغین کسیب، دئدی :نییه بیزیم بو دوکتور جئری یه اذییت وئریرسن - ائلچی بئی علیرضا رضایی نی کنارا چکیب، یاواشجانا، دئدی: من بازرس دئییلم، بوردان گئچیردیم ایسته دیم بو دوکتوردان بیر پولی کسه م !بونلاری دییه ندن سونرا ائلچی بئی اوز توتوب علیرضا یا ،دئدی :ایندی کی بیلدین بو دوکتور دئییل ، بس نه یه ایچه ری گئدیرسن ؟علیرضا رضایی، دئدی :یوخ بابا منده هئچ خسته دئییلم ،ایستیرم بیر اون بش گون مرخصی ایداره میزه آلام !اودورکی بوردایام !!؟

 گرگرلی آراز

 یکشنبه 10 آبان 1394

 

نییه بئله چتین سئوال!

اینقلابدان  بیر ایکی ایل سوووشموشدی، محلله مچیدیمیزده جوانلار تصمیم توتدولار، قوجالار دسته سینن علاوه بیر جوانلار دسته سیده ،چیخارتسینلار.

 قرار قویولدی قوجالاریمیزی مئیدان مچیدینه آپاریب ،او دسته یله سینه ووروب قورتاراندان سونرا، گلیب همان یئرده اوز دسته میزله مئیدان مچیدینه ،گئدک .

خیلاصه بیر اونده نه  دوزگونلی - اوتوز قیرخ دانا تختادان شمشیر، هرنفره  بیر قره یاشیل چارقاد، اورک یاندیران نوحه لر، دسته میز دوزه لیب یولا، دوشدو  . دسته میزین آدی( اکبرییه) دسته باشجی میز حسن آغا اولدو .

دسته میزله گوزل کوچه لری دولانیب،  مچیده وارید اولوردوق .اورتالیقدا یانیقلی نوحه لر دئیلیردی. جوانلار سینه ووروب ،دور –بردن بتر پول ییغیشیردی.

 نه باشیزی آغریدیم بیزیم  اوزوموزونده بتر کمک لیقی دسته میزه گئچیردی .آتا -آنامیزدان آلان پول -باغ باغاتدان ساتان میوه –ائودن  گوتورن پوللار - اوغورلادیقیمیز پوللار -هامیسی دسته باشجیمیزین جیبینه ،گئدیردی.

 بلی دئمک اولار ، گوزل دوورانیدی. ایندی اوندان چوخلوجا زامان اوتوب گئچیبدی. بونون اوستوندن بیر ایرمی ایل سوووشموشدی، همان حسن آغا دسته باشجیمیزلا ، آگتوبوسدا تهران یولداشی ،اولموشدوم.او یولدا منه آچیب، دئدی: ایسگندر سیز بیرده جاماعات دسته میزه ، او قدر پول وئریردی،  او اون گونو هر گون  گلیب منی گئجه سی  اوچ دفعه قومارا آپاریردیلار، سیز وئرن پول قوتولماییردی!

 بیر گولوشدن سونرا داها حسن آغانین سوزلرین ،ائشیتمیردیم .اوز -اوزومه دئیردیم :بوراباخ من بو به ساواد حسن آغانین سررین ایرمی ایلدن سونرا بولورم بو ساوادلی بویوکلرین سوزلرین هازامان ائشیده جه یم  بوله جه یم آللاه بیلیر !!

گرگرلی آراز

      پنجشنبه 7 آبان 1394

 

حقوق اساسی

از کتاب حقوق اساسی 1-نوشته دکتر حسن خسروی –ص 19

 

حقوق اساسی به عنوان یکی از شعبات گرایش حقوق عمومی ،به مطالعه نحوه تحدید و تنظیم قدرت سیاسی و تضمین حقوق و آزادیهای ملت می پردازد . در واقع در پرتو قواعد و اصول حقوق اساسی است که قدرت سیاسی شکل می گیرد و بر اساس آن اعمال می گردد و حقوق و آزادیهای ملت به رسمیت شناخته و تضمین می گردد.

حقوق اساسی در پی شکل گیری جامعه سیاسی و یوجود آمدن قدرت عالی سیاسی و تفکر انتظام بخشی قدرت بوجود آمده است تا به موجب آن قدرت سیاسی بر آساس اصل حاکمیت بر مردم اعمال گردد .اصولا قواعد حقوق اساسی از طرق مختلف بیان می شود .به بیا ن دیگر ،منابع مختلفی بیان کننده قواعد و اصول قانون اساسی می باشند که عبارت اند از :

1-قانون اساسی که به عنوان میثاق ملی مردم و تنظیم کننده روابط قوای حاکم با مردم می باشد .

2-قانون عادی که مصوبات پارلمان می باشد .

3- قوانین و مقررات قوه مجریه .

4-عرف که منبع نانوشته تلقی می شود .

5-رویه قضایی.

6-آرا و نظرات اندیشمندان .

7- فرامین روسای کشور.

 

دانشجوی رشته حقوق –محمدعلی برزگر

       جمعه 1 آبان 1394

 

عومرومون باغیندان

بیر-ایکی گون قاباق ائلچی بئی جنابلارین حالین سوردوم گوردوم ،چوخ حالی پریشان -یورغون گورسه نیر .بیر آز دانیشاندان سونرا بو شعری منه گوندردی ایسته یرم ائلچی بئی جنابلاری نین حال - احوالیندا اولان آنلاری،اوزومله برابر  سیز گوزل اوخوجولاریدا شریک ائدم.

عومرومون باغیندان

ا

سوروشما حالیمی پوزقونام *آراز
خیالیم دالینجا یول گئدیر ایندی

عومور بویی زحمتینی چکدیگیم
گوزومون اونونن بیل گئدیر ایندی

بالا قایقی کشی آتایام منده
آرزیلاریم ایاق سالدی دوننده
یاراقلانیبب ائودن یولا دوشنده

دئدیم یورت یئریندن ائل گئدیر ایندی

بیر سفیل بوتایام داغدا بیتمیشم
دالینجا آغلاییب حالدان گئتمیشم
یئدی یول آراسی بئله ایتمیشم

عومرومون کاروانی ول گئدیر ایندی

زحمت چکدیم باغ بئجردیم بئش گوله
اءییلمه دیم باش وئرنده موشگوله
نه بیلییدیم گلجکدیر ایش بئله

باشیمی چولقاییب یئل گئدیر ایندی

دئیللر کی گئدن کسی ساخلاما
*یولچو-لارین دالیسیجان آغلاما
آی (ائلچی بئ) سنده منی دانلاما

باشیما چکیلن ال گئدیر ایندیر
عومرومون باغیندان گول گئدیر ایندی

ائلچی بئی

*اورتانجیل اوغلوم مرادین آوروپا سفرینه چیخماق موناسبیتنه یازدیم
*آراز بئی--حورمتلی قلمداشیم گرگرلی آراز جانابلارینا اوز توتاراق یازدیم
*یولچو--تورکودیلینده سفربر اولان کیمسه یه دئییلن سوزدور

 جمعه 24 مهر 1394

 

قرارداد یازدیرماقا اوروجعلی عمی نی آپارین!

نغی موعللیم دئییردی :سحرباشی توکان قونشوم ،کاظیم عمی له توکانین قاباغیندا اوتورموشدوق ،اوروجعلی عمی گلدی ، کاظیم عمی دن بیر جوت چکمه آلسین .هانسی شوماره -نئچه اولماسی بیلین دن سونرا ،اوروجعلی اوز دوندردی کاظیم عمی یه، دئدی: اوچ مین تومن باهادی ،بیر آز سینسان آپاررام .کاظیم عمی ده سینمادی، اودا چکمه لری قویدو یئره، ائشیکه چیخدی. آمما گوله گوله، دئدی: کاظیم بویون سنین بو چکمه لرین هامیسی ساتیلاجاق !کاظیم عمی ،دئدی: یوخ فیکر ائیله میرم ،سن سیفته نی کور ائیله دین. اوروجعلی دئدی :یوخ کاظیم ،اوجور دئییل ،من عسگرلیقدان گلندن سونرا آنام منه هانسی قیزا ائلچی گئتدی ،اونو وئرمه دیلر،سنین تک یوخ دئدیلر ،آمما او قیز ائله او هفته سی اره گئتدی بوجور ایشلرده الیم یونگولدی.

هامیمیزگولوشدوق، اوروجعلی عمی ده چکمه لری آلمامیش گئتدی. من آخشامی کاظیم عمی دن خبر آلدیم :کاظیم عمی بویون هئچ چکمه ساتدین؟ کاظیم عمی گوله -گوله ،دئدی: سحردن ایندییه جان بش جوت ساتمیشام،بیری قالیر.اونودا ایسته ین واریدی جیریق اولماغینا ساتیلمادی!!

گرگرلی آراز

چهارشنبه 22 مهر 1394

 

نجف عمی نین گوللو تومانی!!

نجف عمی نین گوللو تومانی!!

 

بیر گون دمیرچی دوستومون یانینا گئتمیشدیم، دمیرچی دوستوم اؤز خاطیره لرین گوزلجه سؤیله ین بیر آدامیدیر. او منه چوخ سؤزلر دئمیشدی، آما بیر خاطیره سی هئچ واخت یادیمدان چیخماز. دمیرچی یادیما دوشنده اونون خاطیره سیده یادیما دوشر.

اونون خاطیره سی بئله یدی:

 

بوتون کندلرده، یاز باشلاناندا بو ایش بیر عادته دؤنوب. زمیلری سووارماق واختی اولاندا، کند اهلی بؤلوشوب، چئشمه دن زمیلره دک آرخلاری آریدیب، تمیزله یرلر. یئددینجی گونودور. نؤوبه بیزیم کوچه نینیدی. دوققوز نفریدیک؛ ایکی یوز مئتیر ائل آرخیندان آردیدلاییب، تمیزله یه جه یدیک. منده آتامین یئرینه گئتمیشدیم؛و نجف عمی ایله ایشله ییردیم.نجف عمی یئتمیش یاشیندا، آریق، جیلاز، بوغلو- ساققاللی،آز دانیشان وبرک ایشله ین بیر کیشییدی. عادلریندن بیری بو ایدی کی، ایش باشینا یئتیشنده همیشه پنجه یین، شالوارین، کؤینه یین اَینیندن چیخاردیب؛ تمیز بوکوب؛ بیر آغاجین هاچاسینا قویوب؛ سونرا زیر  شالوارین اَتکلرین جورابلارینین آلتیندا بوغوب؛ اَللرینه توپوروب؛ بسم الله دئییب؛ باخیب یولداشینین اوزونه؛ ایشه باشلایاردی.

او گون من چوخ یورغون ایدیم. نجف عمی منی بیر یومشاق یئره سالمیشدی. اؤز حالیمدا ایشله ییردیم؛ هاوا یاواش- یاواش ایشیقلانیردی. گونش داغین بؤیروندن بیر بالاجا اؤزونو نیشان وئردی. منیم قیریشیغیم آچیلدی. آیاغیمی بئلین لاپاققاسیندان گوتوروب؛ اویان- بویانا باخدیم. هامی ایشله ییردی. دالی دونوب؛ نجف عمی یه باخدیم؛ او همی اؤزونه اوخویوردو؛ همیده اَلی- آیاغی ایکی منجه چالیشیردی. آما نجف عمیده بیر شئی گؤردوم کی، منه چوخ گولمه لییدی. گؤزلریم کلله مه چیخدی. ائله بیل قمیش کیمی قوروموش جانیم قاشینیردی. گوله- گوله  نجف عمی نی ایشدن دایاندیردیم. او مندن سورشدو: هه دمیرچی نه اولوب؟ نه گؤرموسن؟ اوزون بارماغیم ایله اونون اؤزونه اشاره ائله دیم. اوست- باشینا باخاندا، بیلدی کی؛ ایشه گلنده اؤز تومانینین یئرینه، آروادی خججه نین تومانین گئییب! اودا نه تومان! پاچاسی گئن، قیرمیزی چیت، بوتون گوللر و رنگلر اونون اوستونده واریدی. بیرده کی سول قیچینین اوستونده آیری رنگده بیر جیب واریدی، زیپی چکیلمیشدی. یازیق نجف عمی! بئلی بوراخیب؛ یوموشوب؛ اوتوردو یئره. اویان- بویانا باخیب؛ دئدی: یاناسان خججه، یاناسان سنی!  

اشاره ایله منه دوشوندوردو کی، پالتارلاریمی گتیر. گتیردیم. ائله اوتوردوغو یئرده، گؤج ایله اونلاری اَینینه تاخیب؛ دوردو آیاغا.

دئدی: دمیرچی!

دئدیم: هن نجف عمی!

دئدی:دمیرچی! سن نه گوردون؟

«سن نه گؤردونو» دئیه- دئیه؛ گؤزلری بیر یانا اَییلیب؛ بیر اَلی وورماق اوچون گؤیه گئتدی.نجف عمی نین گؤزلری بیر طرفه دؤننده؛ کند اهلی، اؤزللیکله خججه خالا یاخشی بیلردی کی؛ او ایتی له شیب. بیر شئیی آدامین باشیندا سینمالیدیر.

بو سؤزلری دئیه- دئیه بوینوم کئچمیشدی اونون اَلینه. بیر آز بارماقلارین آچدی، نفس یئریم آچیلدی.

دئدیم:هئچ زاد گؤرمه دیم.

بیرده سوروشدو، دئدیم:نجف عمی گئتدییین مقدس مشهده آند اولسون؛ من، خججه خالانین تومانین سنین اَینینده گورمه دیم!

برک آند ایچمه ییمه گؤره؛ منله ایشی اولمادی. آما ایندی دک بئش- آلتی سئری نجف عمی دن کؤتک یئمیشم. بیردن اوز به اوز چیخاندا؛ یولداشیم اونا باخیب گولنده، نجف عمی اونون گولمه سین مندن گورووب، منی بیر دیرناقدان گئچیدردی.

 

آما بونو دئییم سیزه:

 

هامینین بیر گوللو تومانی اولوب؛ اودا شانسینا قالیب؛ چیخا ائشییه؛ یا، قالا ایچریده.

یازیق نجف عمی! دمیرچی اونون گوللو تومانین، اؤز کندی هله هئچ؛ قونشو کندلره ده تعریف ائدیب.

بعضیلری گوللو تومانین سؤزون اوردا- بوردا و بعضیلری قوخمادان، گوللو تومانین سؤزون طرفین اؤز یانیندا تعریف ائله ییرلر.

آما من بو کربلایی معصوما مات قالمیشام!!!

چونکو او او همیشه ائشییه چیخاندا؛ گوللو تومانین اؤز شالوارینین اوستونه چکیب، چیخیر ایشییه!!!

 دوشنبه 20 مهر 1394

 

قیل کؤرپوسو

صفدر معللیم، بیر گون ساهاتی یوخولو اوخوموشدو؛ اونا گؤره او چؤره ک خانایا بیر ساهات تئز گلمیشدی. خمیر ائله ییب؛ تندیری سوپورندن سونرا، اوتوروب، بیر چایلاشدیق. سؤز اویان- بویانا گئدیب، صفدر معللیمین کوردوستاندا سیپاهی دانیش اولدوغو گؤنلره چاتدی. او بئله سؤیله ییردی:

بیر گون کتده ایدیک، دئدیلر کاک عبدالله دونیادان گئتدی، ائو ییه سی منه دئدی: صفدر معللیم سنینده گئتمه یین یاخشی دوشر؛ بیرلیکده گئدک.

او زامان یئتیشدیق کی، قبیر قازیلیب، اؤلونون یویولماسیدا قوتاریردی. بیر آز دایاندیق. اوچ- دؤرت نفر اونا خلعت بیچیب، و کفن ائله ییردیلر؛ بیردن بیزیم یانیمیزدا دورانلاردان بیری ائوه ساری قاچدی. او بیر آز سونرا اَلینده بیر اوچ اولدوز صابین ایله قاییدیب؛ اونو کفه نی باغلایانا وئردی؛ اودا صابینی آلیب، قویدو اولونون آیاقلارینین آلتینا، و سونرادا کفه نین اوجلارینی باغلادی.

اؤلو نامازی قیلیندی؛ اؤلو قبیره تاپشیریلدی؛ و بیر فاتیحه دن سونرا بیزده ائوه ساری قاییتدیق.

یولدا حاجی عوثماندان خبر آلدیم؛ حاجی عوثمان! من بو ایشلرین هامیسینی باشا دوشدوم؛ چوخو ائله بیزیم دبلریمیزه تایدی؛ آما بو، اؤلونون آیاغینین آلتینا صابین قویماغی باشا دوشمه دیم؛ او نه اوچوندور؟!

دئدی: بو صابین قویماق چوخ گرکلی بیر ایشدیر. قیل کؤرپوسون ائشیتمیسن؟ دئدیم: ائشیتمیشم، آما یانی نه اولسون کی؟

:صابین اوندان اؤترودور کی، اؤلو قیل کورپوسونون یانینا یئتیشنده، تئزجه نه زوووب، اورادان کئچسین.

او زامان حاجی عوثمانین بو سؤزوندن بیر زادلار باش چیاخارا بیلمه دیم. آما تازالیقدا بو ایشین  سیررینا ال تاپمیشام.

و ایندی اینانیرام کی صابین اؤلونون یانیندا، اونا غوسلداندا واجیب اولور کی هئچ؛ بلکه اوندان قاباغادا دوشه بیلر. چونکو ایشین لاپ چتین یئری قیل کؤرپوسوندن کئچمکدیر، و غوسل، ناماز، ،کفن، فاتیحه... هئچ بیری بورادا اؤلونون دردینه ده یمیر. قیل کؤرپوسونده، اوچ اولدوز صابینین یئرین هئچ زاد وئرمه ییر. آمان بو قیل کؤرپوسوندن!

 

آلتی آی بوندان قاباق قیچیمین آغریسینا کؤره خسته خانادا جرراحلیق اولوندوم. ایکی- اوچ ساهات جرراحلیقدان سونرا، هوشه گلدیم. چوخ آداملار گلمیشدی. هم کاغیذ قوحوملاری؛ همده قان قوحوملاری.

دوستلاریمداندا بیر نئچه سی گلمیشدی؛ «رشید» ده گلمیشدی؛ اورادا نوخوش منیدیم؛ آما هامی بیرینجی « رشید» ه باخیب، اونا سالام وئریردیلر؛ سونرا منیم کئفیمی سوروشوردولار. دوزو منیم اؤزومونده دردیم یادیمدان چیخمیشدی. چونکو منیم گؤرمه ییمه « رشید» گلمیشدی. اونون گلدییینه گؤره من هامییا پوز وئریردیم. آخی او بؤیوک مقاملی، و روتبه سی اوجا بیر آدامیدی.

«رشید» ین گلمه سینی اورانین پرستارلاری ائشیدیب، خسته خانانین باشکانینا ودوختورومادا خبر وئردیلر. اون دقیقه دن سونرا رئییس،دوختور و پرستارلار بیرگه منیم یانیما یئتیردیلر.آدی مینم کئفیمی سوروشوب، اؤزلرین «رشید» ین گؤزونه سوخوردولار. «رشید» بیر بونو سوروشدو: بیزیم بو خسته نین دورومو نئجه دیر؟ و اونو خسته خانادان هاچان بوراخاجاقسینیز؟

دوختور منه گؤره بیر نئچه سؤزلر دانیشیب، سونرادا بیر نوسخه یازدی. رئییس تئزجه نوسخه نی آلیب وئردی پرستارا، دئدی: فیکرینده اول!

پرستار تئز قاچدی، داوالاری گتیرسین.

 

رئییس آخیر سؤزه گلدی: آغا« رشید» سیز بونا گؤره فیکیر ائتمه یین. سیزین خسته نیزین حئسابی وئریلب. ساباح ائله یه بیلر ائولرینه گئتسین.

 

نه جرراحلیق پولو، نه خسته خانا پولو، نه تخت پولو، نه درمان پولو، هئچ بیرین بیزدن آلمادیلار!

چونکو بیزیم ده اؤلوموزون آیاقلارینین آلتیندا بیر اوچ اولدوز صابین واریدی؛

قیل کؤرپوسونه یئتیشنده، اورانی زوووب گئچدی.

 

گرگرلی آراز

 شنبه 18 مهر 1394

 

قره له مک!

منیم دوستوم فتح عالی ،دئییردی :بیر گون پولوموز قورتولموشدی ،بیر یئره گومانیمیزدا گئتمیردی. قیش اولماقدا چول-چوونده ده بیر شئی لر ،یوخودو.

 بیر گون چوله عمی مین ائششکیله زمی میزه کول آپاراندا ،ذهنیمه بیر فیکیر دوشدو. آخشامی ائودن بیر قاب قره رنگ کی قویونلاریمیزا  نیشان وورماغا آلمیشدیم ،گوتوردوم ،یولداشلاریملا بو آغ ائششکی قره رنگیله بویادیق، آپاریب یولداشیمین تویله سینه سالدیق. سونرا هاراسان ائوه قایدیب  ،های –کوی سالدیق :ائششکی باغدا قوردلار پارچالادیلار .

صاباحی عمیم پول وئردی ، گئدیب مال بازاریندان بیر ائششک آلاق  تاکی کول لری چوله داشییا بیلک .  ائرته سی  ائششکی تویله دن چیخاردیب ائشیکه گتیرنده ،عمی می سسله یه رک کی :گلین  گورون  نئجه ائششک دی.عمیم گلیب بیر ائششکین اویان –بویانینا، بئل –بوغومونا باخیب، بیر عیب چیخارتمادی. سونرا عمی مه بیر بهانه یله دئدیم :سیز بویون باغ -باغاتا کولو داشیرین ،بیزیم مدرسه ده ایمتحانیمیز وار. عمیم ایشیم  اولماقدا، اودا راضی قالدی .

 ائششکی عمیمه تحویل وئریب ،اوزوموز پولی خشله مگه گئتدیک .بیر -ایکی گوندن سونرا عمی میله راسلاشاندا ،عمیم، دئدی :آی فتح عالی ائششک غریبه ده اولسا ،ائله بیل اون  ایلدی بو قاپیدادی.ائششکه  کولی یوکله یندن سونرا دوز باغا گئدیر ،باغداندا دوز ائومیزه گلیر، اؤزو قاپینی آچیر، اوزو تویله یه گئدیر!فتح عالی ائله آغ –قره سی فرق ائیله میر!

 فتح عالی ماجرانین دالیسین دییه نده بوردا بیر دایاندی، سونرا دئدی: عمیمه بیر سوز تاپیب دییه نمه دیم، الیمی چنه مه قویوب، دئدیم :اولاردا!بعضی ائششک لر آغیللی اولار، بوردا بیز شانس گتیرمیشیک !یادا ائله ایندی کی ائششک لر بئله  آغیللیدیلار!!

 گرگرلی آراز

     یکشنبه 12 مهر 1394

 

کم*

اوشاق شعری

کم*

تورک لرین  طایفاسیندا

بیرده  کم لر  اولوبدی

بارلیقادا *  چای گئدیر

کم ده* بالیق دولوبدی

 

کیمیری لر –ساقالار*

بیر عصریده یاشارمیش

هردن بیر باریشاردی

هردن بیر قاریشارمیش

 

قافقازدان گئچیب گلر

اونلار آذربایجانا

آخشری* زامانیدا

آشوری قاتار قانا

 

تورک کیمیک لرده دئسک

بیر داش وار اؤزلرینده

گویدن یاغیش یاغدیرار

یالوارسا سوزلرینده

 

ایندی کم ی تانیدیق

گئچک کمچی* داغینا

گرگردن خاروانایا

کمتال*جننت باغینا

 

اوردان دوروب باخارکن

کمالا*بیر سلام وئر

دئیین بورا گوزلدی

جننت آذربایجان یئر

 

گرگرلی آراز

.......................................

1-کم-تورک طایفا آدیدیر

2-بارلیقا-اورتا آسییادا هم اولکه همده چای آدیدیر

3-کم-بیر چای آدی

4-ساقالار-تورک طایفا آدی-سکالار-اسکئیت ده دئییرلر

5-آخشری –ماننا پادیشاهی

6-کمچی –گرگر یاخینلیغیندا بیر داغ آدیدیر اته کینده شمال طرفینده آرازا ساری داران کندی یئرله شیر

7-کمتال-خاروانانین یاخینلیقیندا بیر گوزل داغ آدیدیر

8-کمال-سهندیده داغ آدیدیر

 جمعه 10 مهر 1394

 

اوتوز- قیرخ ایلدن سونرا بانلاماق!

    دوز قیرخ ایکی ایل اوستوندن کئچیر؛ کیلاسدا،اوچ- اوچ، دؤرد- دؤرد اوتوراردیق. ائله بیل دونن ایدی، اوچونجو سیرادادا بیز اوتورموشدوق.معللیمیمیز درسی دئییب، اؤز یئرینده اوتوروب، ائشییه باخیردی. بیزده سسسیز دن، گاه معللیمه، گاهدا پنجره دن ائشییه باخیردیق. قار یاغمیشدی، هامیمیز سئوینیردیک. چونکو گلن زنگ ورزیشیمیز واریدی، و بیز قار گولـله سی اوینایاجاغیدیق. زنگ وورولدو. بیر آز دینجه لندن سونرا هامیمیز دؤزومسوزلوک ایله ورزیش معللیمین گؤزله ییردیک. او کیلاسا گیردیکده هامیمیز آیاغا قالخدیق؛ اوتورون، دئدی. اوتوردوق. معللیم باشلادی: اوشاقلار، بویون ائشییه گئتمه یه جه ییک؛ و ائله کیلاسین ایچینده ورزیش ائده جه ییک! بو سؤزو ائشیده رک، هامیمیزین قول- قانادیمیز سیندی.


بیر آز دئییب- گولمکدن سونرا دئدی: ایندی باشلایاق ورزیش ائتمه یه. هامیمیز هویوخموشدوق! نئجه ورزیش؟

معللیم باشلادی:

اوشاقلار! سیز ایندی بیر بیر بانلایاجاقسیز! یانی خوروز سسی چیخارداجاقسیز! منده سیزین بانلاماغیزا گؤره، سیزه ورزیش نومره سی وئره جه یم! بللی دیر کی هانسینیز یاخشی بانلاساز، یاخشی نومره آلاجاقسیز!

ائله حسین دن باشلایاق.

حسین! بانلا گؤروم؛ او بانلاماغا باشلادی، چونکو او بیرینجی بانلایانیدی؛ هامیمیز، اونا گولدوک! معللیم اؤزوده گولدو!

معللیم دئدی: پیس بانلامادین؛ سن 15 آلارسان!

تقی ده، پیس بانلامادی؛ اودا 16 آلدی.

13 آلان، 10 آلان، 18 آلان دا واریدی! تویوقچو حسینین نوه لری هامیدان یاخشی بانلادیلار! اونلار 19 آلدیلار.

نوبت مهدی یه یئتیشدی؛ مهدی بانلاماغی ائله اوزاتدی کی، هامیمیز گیج قالمیشدیق!معللیم دئدی: ساغ اول مهدی! بودا 20! حاققیندی؛ گؤزل بانلادین!

منده 16 آلدیم!

نوبت حبیبه یئتیشدی، هامی گؤزله ییردی کی او نئجه بانلایاجاق!

حبیب ها زور وئردی، بانلایا بیلمه دی! او یالنیز بیر دورتمه ده مهدی یولداشیندان یئدی! اَده بانلا! بانلاماسان نومره یوخدو ها!


معللیم دئدی: حبیب! بانلا، بانلاماسان، ورزیشده تجدید اولاجاقسان!

او زاماندان دوز قیرخ ایکی ایل سوووشور. مهدی ده، منده، حبیب ده بیر اداره ده یدیک، سحر یئمک یئییردیک. حبیب بیردن قاییدیب دئدی: بو تازا رئییس، اؤزون برک توتور! بللی دئییل هارانین نوباریدی؟ بیزی تاخیب شیشه، توتوب تندیره.

بیلمیرم هانسی جانی یانمیش بو سؤزو رئییسین قولاغینا چاتدیریر!

او آی رئییس اونون آیلیغیندان بیر آز کسمیشدی! حبیب نه ده نین سوروشماق اوچون، رئییسین یاناینا گئدیر!

رئییس اونا بیر جومله سؤز دئییر:

حبیب! ائله بیل اوتوز- قیرخ ایلدن سونرا بانلاماغی اؤیره نمیسین؟


گرگرلی آراز

شنبه 4 مهر 1394

 مدیرلریمیز اوخوماسینلار پیس اورگشمه سی وار!

هممشه بو سوز واردی کی، دییه للر: بو ایمامزادالاردان بیر شئی لری گوتورولسه -اوغورلانسا او اوغورلانمیش شئی لر، اوغورنون بدنینه یاپیشار،اوندان آیریلماز.

حتتا بیر سفر قونشوموز توکذبان خالا، دئییردی: بیرنفراوغرولار جرجیس پیامبرین مرقدیندن بیر –ایکی مس قازانیله -بیر قاپی گوتورموشدولر. اوغرولار گلیب مقصده چاتاندا قاپینی –مس قازانلاری ایسته یرلر یئره قویسونلار، قاپی- مس قازانچالار یئره قویولمور، قاپی اوغرونون بئلینه مس قازانچالار اوغرولارین باشلارینا ،یاپیشمیشدی .تزه دن او اوزون یولو قایدیب جرجیس پیامبرین مرقدینه یئتیشن آن ،مس قازانچالار- بیرده قاپی اوغرولارین بدنلریندن آیریشیر، اوغرولار اونلاردان آیریشاندان سونرا قویوب قاچیرلار.

 حتتا بو سوزلری بیزیم توکذبان سهلیدی، مدرسه ده آغا موعللیم نن-ائوده بویوک حقان ننه مدن –منبرده آخوندلاریمیزدان ائشیدمیشیک .داها  اوجور قاپیلار- مس قازانلار لازیم اولموور.ایندی بو زاماندا داملاردان ماهواره لرین ائلمبی سین، کومیته نین صاندیقیندان ساققیزلی میلیله پوللارین اوغورلاسالار،گوره سن اوغورلارین هارالارینا یاپیشار، تاکی بوبیرسی لره عیبرت درسی اولا!!

یازار : گرگرلی آراز

پنجشنبه 2 مهر 1394

 

      بعضی سوزلری اوجادان سسله مه ین!

بیزیم کندیده، آشاغا مئیداندا ،حاجی بابا گیلین محلله سینده ،هانسی آلیش-وئریشچی گلیب سسله ننده، حاجی بابا ائوده اولاندا ،ائودن چیخیب هارایداد ائیله یب ،اونو محلله لریندن چیخاردایدی .اونو قویمازدی اوردا آلیش-وئریشه باخسین.

 بیر گون حاجی بابا داغدا سوروده اولاندا ،گیل ساتان سسله یه -سسله یه محلله یه قدم قویور .آروادلار بیر- بیر چیخیب ،اونلاردان آلیللار .آمما حاجی بابا نین خانیمی گیللری بئگنمیر ،گیل ساتانا ،دئییر: گلن هفته گیل گتیرنده منه او گوی گیل لردن  گتیررسن ،منیم ده آدیم سریه دی ،سسله سن گله رم.

 گلن هفته گیل ساتان محلله یه قدم قویان آن، بیر سسله یردی :آی گیل آلان !بیرده سسله یردی :سریه !گوی گیلین گتیرمیشم ،گل آپار !

حاجی بابا ائوده یدی ،گورور ائله گیل ساتان بیر سفر، سسله یر: آی گیل آلان، بیر سفرده سسله یر:سریه !گل ،گوی گیلین آپار .

حاجی بابا تویله قاپیسینین قاباغیندان، آغاجی گوتورور ،محلله یه چیخیر.اؤز -اؤزونه دئییردی :من بیر آلیش- وئریشچی نی محلله یه قویمورام بو آلیش- وئریشچی هله منیم آروادیمین آدینی  سسله ییر!!

 یازار : گرگرلی آراز

یکشنبه 29 شهریور 1394

 

الهی بو ایشه نه دئمک اولار !

گئچن ایللرده ،آتاسیندان یئتیشن مال-دوولتی علی بیر اتوز  ایلده ساتیب -سوووب قوتارمیشدی، سونرا ناچارچیلیقدان بیر چوخ آلچاق دوولت ایشینه یازیلیب بیر آز مددتدن ساوایی هوشه گلیب آییلمیشدی.او گون ائوده  اصل سند-قباله لره باخاندا گوردو حاجی علی یه ساتان یئر ،گول تپه ده ائله بیل اولچوسو آز حئسابلانیب .

سندلری گوتوروب حاجی علی نین یانینا گئدیر،دئیر:حاجی سیزه ساتان یئری اون-بش باتمان آدینا ساتمیشام ،آمما گئدیب اورانی تزه لیکده اولچموشم، اون –یئددی  باتماندی .حاجی دئدی:علی اورانی من اییرمی ایلدی فیروزا ساتمیشام، من اونا نئجه دئیم :گتیربیزیم یئرین تفاووتین وئر.چوخ دئیب آز ائشیتدیلر، قباله ده بیر دویون آچمادی، اوردا بیر قواره یازیلمیشدی .

خیلاصه اوقدر علی دئدی، دئدی، آخیردا حاجی علی قبول ائیله دی ،فیروزا دئیلسین فیروز قبول ائیله سه ،گورسونلر نئیله مه لیدیلر .

بویون ناهاردان قاباق حاجی علی له -فیروز علی نی گوزه تله یردیلر. علی گلیب چاتاندا فیروز اونا اوز دونده ریب ،اوجا سسله ناراحات حالتده ،دئدی: من سنین تک بئکار دئییلم. مچیدی نامازا گره ک آچام .اوردان اوقافا ،حوسینییه نین ایشیندن اوتروگئده جه یم. بیرده مچیدین خیمه سین -علملرین محررملیقا تعمیره وئره جه یم .تئز اول سوزون دئینه،ایشیم وار.

 علی آچدی ماجارانی دئدی، آخیردادا حاجی علی، دئدی: ائله بیل سنه وئردیقیم یئر، ایکی باتمان چوخدی. فیروز بیر بوزاردی –قیزاردی، بیردن نه آلدی -نه ساتدی ،دئدی :سیز وئردیغیز - ساتدیغیز یئرین اولچوسو دوزدو ، او ایضافه نی  یئره من یولدان قاتمیشام  سیزه اصلا ربطی یوخدی!!

  یازار : گرگرلی آراز

دوشنبه 23 شهریور 1394

 

ائله بیل قایناتادا کوره کنه تایدی!

سلیمان گوزلجه تویو باشا چاتمیشدی، هامی بو تویدان دانیشیردی .اوغلان –قیز طرفی دانیشاندا ،اوز راضیلیقین بیلدیریردیلر.

 بئله بیر عادت وار تویون اوچو گونو، اوغلان قیزی گوتوروب، قیزگیله گئدیللر، آیاق آشمالارین آلسینلار. سلیماندا اؤز نیشانلیسن اوچو گونو گوتورموشدی ،شاما قایناتاسی  گلیلده قوناقیدیلار.

 خیلاصه شامدان سونرا چای ایچدیلر ،یئر-یئمیش یئییلیب قورتولاندان سونرا قایناتاسی اوز دوندردی سلیمانا ،دئدی : سلیمان ایه ر راضی سیز تویله ده او قره دانانی آیاق آشماقا گوتورون آپارین .یوخ ایه ر ایسته میرسیز بش ده نه قویون قوزولاری یانیندا ،سورودن اؤزن آییر.

نه سلیماندان سس چیخدی نه ده قیزدان ،چوخ دییه ندن سونرا سلیمان دیله گلدی :من نه قره دانانی ایستیرم نه ده بش ده نه قویون قوزولاری یانیدا ،من او تزه گتیره ن آلا ایتی ایستیرم !بیردن سس اوتاقدا کسیلدی، هئچ کسدن بیر سس چیخمادی .قایناتا  بیردن اؤز دوندریب آروادینا، یاواش دئدی :مصمه  ائله بیل کوره کنده اودوزموشوق !اوزون دونردی سلیمانا ،دئدی: سلیمان ده ده مالین بوتووون منه وئره سن او ایتی سنه وئرمه رم !!

 یازار : گرگرلی آراز 

 جمعه 20 شهریور 1394

 

 

مدیرلرین مئتیرلری نئجه ایشله نیر؟!


دوکتور جئری آپارتمانی دوزه لدیب قورتاراندان سونرا ،پیمانکار موهندیس ائلچی بئی ایله ایش باشینا گلیب ،ائشیکده داشلار کی قالمیشدی ،ایسته دیلر مئتیرله یب حئساب گئتسینلر.
ائلچی بئی ماشیندان اولچو اوچون مئتری گتیردی .باش اوجون دوکتور اله آلیب آپارتمانین بیر طرفینه گئددی .بو باشدان ائلچی بئی سوروشدو ،دوکتور جئری نئچه مئتیر اولدو ؟دوکتور بیر الینن عینکین توتوب بیر آز ایلیب، دئدی: یوز یئتمیش مئتیر .
ائلچی بئی اعتیراض ائیله دی ،دئدی :یوخ چوخ اولار بیر -ایکی دفعه اولچندن سونرا گوردولر اولمادی ،ائلچی بئی دئدی :دوکتور جئری سیز منیم یئریمه گلین ،من سیزین یئریزه گئچیم.
 .یئرلرین بیر بیریله عوض ائله یندن سونرادا یئنه اولچو  دوز اوخونمادی ائلچی بئی ده ایضافه گتیردی.
یولدان سهلانلی قدرت گئچیردی، اوندان کومک آلدیلار. او آپارتیمانین اولچوسون ایکی یوز اون مئتیر گتیردی .هم دوکتور جئری همده ائلچی بئی دینمه دن راضی قالدیلار .
اوندا ایکی سیده اوز توتوب سهلانلی قدرته ، دئدیلر : بیزده بس نییه مئتیر دوز چیخمیردی ؟قدرت دئدی: او زامانا کیمین کی ائلچی بئی اووجوندا ییغدیغین مئتیری اوتورمه یه ،بیرده کی دوکتور جئری اوتوردوقلارین مئتیردن ییغمایا  بو ایش جور گلمییه جک!!

یازار : گرگرلی آراز

   یکشنبه 15 شهریور 1394

گوره سن آخیر سوزو کیم دئیر!

صابر معللیم دئیردی :دونن آخشام ائوه گلنده خانیم دئدی : قونشوموز نادیرگیل سنی شامنان سونرا ائولرینه ایسته یبلر.سوندان بیلدیم کی ائله بیل قیزلارین قبول ائیله یبلر کی کاظیمین اوغلونا وئرسینلر آمما نادیر کی بیر آز آغلی باشیندا اولماماقیندا کبینی تعین ائله مک اوچون بش -آلتی نفر لازیمدی، دانیشاندان سونرا، کبین  تدارکی گورسونلر .
من نادیر گیله وارید اولاندا ،قوناق اوتاقی دولیدی .منده اوزومه بیر یئر تاپیب اوتوردوم.
 من نادیرین آتاسینین یانیندا اوتورموشدوم ، اوغلان طرفیندن ده بیر بش نفر گلمیشدی .چوخ بیر اوزون دانیشیق گئچدی بیزیم بو نادیرین آتاسی اوز تک لیقدا او بش نفرین قاباغیندا دایانمیشدی، دئیردی :گره ک قیزین کبینی یئدی یوز سکه اولا ،اوغلان طرفیده دئیردی :یوخ کبین گره ک اوچ یوز سکه بسدی ،گورر .
اوغلان طرفی گوردی قبول ائیله میرلر، ایسته دیلر دوروب گئتسینلر .قیز طرفیندن بیری دوروب اوبیرسی اوتاقا گئدیب ،هاراسان نادیره دئدی :اوغلان طرفی گئدیللر ها !
 بیردن نادیر اوتاغا گلیب اوز توتدو جاماعاتا اوغلان طرفینه ،دئدی :آتام بوغ یئیر !کبین نه قدر اولور اولسون!!
یازار : گرگرلی آراز

پنجشنبه 12 شهریور 1394

 

اولار ائله اوولدن دینمییه سن !



او گونلری چنگی معللیمه باغلاریندا قوناغیدیم .دئیردی :گئچن هفته مممدجعفر تیراختورو گوتوروب شهره گئدنده ،قاسیمدا اونیله شهره گئدیردی .یولدا رحیم عمی جامیشلاری آپاراندا مممدجعفر مجبور اولور تیراختورو ساخلاسین. گئده -گئده جامیشلارین بیری یولو باتیردی. بو ایش مممدجعفرین باشینا بیر سوز سالدی سونرا اوز دوندردی قاسیما دئدی: قاسیم ایه ر بو جامیشین کین  گئدیب ییه بیلسن بو تیراختورو سنه وئررم !قاسیم ادب- ارکانیله تیراختوردان یئندی  ،بیر ایکی اوچ دیقه چکمه دی اونو اوتوردو ایچه رییه .مممدجعفر سوزونون اوستونده دوروب تیراختورون کیلیدین قاسیما وئردی .
گئدیب شهرده ایشله رین گوروب آخشامی گلنده قاسیم تیراختورو سوروردو.یئنه کندین یانینا چاتاندا ،رحیم عمی جامیشلاریلا گلیردی ،مجبور اولدولار ساخلاسینلار .بو سفرده جامیشلارین بیری یولو باتیردی  اوندا قاسیم اوز دوندردی مممدجعفره ،دئدی :مممدجعفر ایه ر اونو یئسن بو تیراختور سنیندی !مممدجعفر مجبور اولدو یئنسین ،جامیشین کین میل ائیله سین .
او ایش ائله اولدو مممدجعفر اوز تیراختورون اله آلدی .یولدا گله -گله دئیردی :بو نه ایشیدی سن گوردونپوخ یئمکلیگی قالدی !!
مممدجعفر گئدنده ده تیراختورو سن سوروردون ،گلنده ده ،آمما سنه  ائله جامیشین

یازار : گرگرلی آراز

دوشنبه 9 شهریور 1394

 

اوشاق ادبییاتی

بیرینجی سای

آتابابا سوزلری اوسدونده یازیلان(اوشاق شعری)

یازانی-م-ع-ب-گرگرلی آراز

اومیدیم وار سیز اوخوجولار راضی قالمیش اولاسیز

قدیردانلیق

بهبود مرادی ائلچی بئی جنابلاری

سیز جنابدان نهایت سیز تشککور ائلیرم کی بو زحمتی اوزه ریزه گوتورموسوز منیم اوچون سئویندیریجی حال کی بوجور قارداشیم اولماقدا راضی قالمیشام

قارداشیز -گرگرلی آراز

یازار : گرگرلی آراز

سه شنبه 13 مرداد 1394

 

قیر قیز

اوشاق ادبییاتی
قیر قیز

ساغان خاقانین قیزی
اوتوز دوققوز  قیزیلا
سیره چیخیر گزمه یه
آچیق سما   یازیلا


قیزلار گونش شوعاسی
پاریلدایان گولونده
کوپو گونه ال وورور
یویلانیللار   گلنده


دوققوز آیدان سونرادا
قیرخ قیز بیردن دوغولور
اوشاق گتیرمکدنده
آنالار چوخ یورولور


دوغولان کورپه لرده
قیرقیز لارین باباسی
سایلیر چوخ اسکی دن
دئیر بویوک آتاسی


قیرقیزلارین آتاسی
گونش   ایشیق   گوی   اولور
بویوک ننه لر سایان
قیر خ قیزدان   قیرقیز دولور
یازار : گرگرلی آراز

دوشنبه 12 مرداد 1394

 بو گوزل مسئوللاریمیزین –مدیرلریمیزین چنته لرینده نه وار ؟!

 

راهنمایی نین ایکینجی دوورونده اوخورام. صاباحی ایملا ایمتحانی واریمیزدی. اؤز دوسلاریمیزلا قرارلاشدیق ایمتحان یازاندا، بیر- بیریمیزه کورسه دک .اوردان مهدی دئدی: دئییللر کیم دیلینین آتینا سرو آغاجیندان بیر بند یاپراق قویسا، ایمتحان وئره نین هر زاد یادینا دوشر، گوزل یازیب نومره آلار.

 درسی بوشلایب، بیر اوچ نفر خیلی مسافه قاچیب ،خانیم خالاگیلدن بیر – ایکی قاناد سرو آغاجیندان آلیب، بولوشدوروب،  جیبلریمیزه قویدوق.

 دونه سی گون سحر ساعات اوندا، ورقه لر پایلاندی . اؤز موعللیمیمیز گلیب، اورتادا دوروب، کلمه- کلمه دئیردی، بیزده یازیردیق .هامیدان قاباقجا احمد الین آتدی جیبینه سرو یاپراقین آغزینا قویسون. بیر- بیر ائله بو ایشی گوروردوق، ایش منه  یئتیشدی . من الیمی جیبیمه آتاندا یاپراقی قویوم آغزیما، قرووولچو موعللیملردن بیری گوروب ،منه ساری گلیب، دئدی: ایسکندر اونه یدی جیبیندن چیخاردیب آغزینا آپاردین؟ بیر ایکی دفعه دییه ندن سونرا، من آغزیمی آچیب دیلیمین اوجونده یارپاغی قرووولچو موعللیمه کورسددیم. موعللیم بونون نه اولدوقون مندن سوردو، دئدیم: واللاه آغا موعللیم دئییللر: بو سرو آغاجیندان بیر دیلیم دیلین آلتیندا اولسا، آدامین هر شئی یادینا دوشوب گوزل یازار! موعللیم قاش- قاباقلا منه، دئدی: آخی ایسکندر سنین چنتنده بیر شئی وار اوخوموسان کی بو یاپراغی قویماقیله یادیوا دوشسون!!؟

یازار : گرگرلی آراز

 دوشنبه 29 تیر 1394

 

پیشیک لره بیر دیقت نظریز اولسون !

 

 

دونن هاوا ایسسی اولماقدا بیر یئلان ایوانا سالیب ،اؤزومه اوتورموشدوم. هردن چای ایچیب، هردن بیر کیتاب اوخویوردوم .هردنده یورولاندا قیشلاریمی اوزادیب اویان – بویانا باخیردیم. ائله بو حاللاردا هردن بیر سئیچه- یاکریم لر دولانیب سس ائیله ییردیلر. بعضی واقتلاردا  حیه تین گوشه سیندن بیر پیشیک پیدا اولوب، بیر باش ییرمی مئتیر دوواری قدمله یب، گون باتان طرفدن دونوب یئنه بیر ییرمی مئتیر دوواری یئرییب،  دامیله ،او بیرسی قونشو دامینا آشیردی. قونشویا آشمامیش، بش -اون مئتیر قالان من اوتوران یئره یاخینلاشاندا، بیر دوروب منه باخیب، اوندان سونرا گئچیب گئدیردیلر. حتتا بعضی واقتلار  بیر سس ائیله یب،سونرا  گوروردولر کی بیر زاد یوخدور، یوللارینا ایدامه وئریردیلر.

 خیلاصه ایفطاردان سونرا ایواندا، بیر اوچ ساعادا قدر کی من اوردایدیم،  بیر بش- آلتی پیشیک اوردان گئچدیلر. ائله هامیسینا من دیقت نظر ائیله دیم، هامیسی توکذین - اسمرین –خجه نین پیشیکلری بیر دری بیر سوموکودولر چوخ قاریشیق حاللاری  واریدی. بیردن دئدیم: آی جانیم دولانیشیق قیدیق اولاندا، ائله پیشیک لرده موصیبتده اولوللار. اوردان آتا ننه م دئدی: آمما او گونلری تعزییه  یئریندن گلیردیم، گوردوم تویوق ساتان ریضانین توکانینین قاباغیندا، بیر پیشیک دوروب ائله بیل بیر پلنگ یدی! هله اونون یانیندا قصاب یوسوبون پیشیکی  بیر آسلانا بنزه یردی! دئدیم: آنا اونلارا باخما، بیزیم شهرده  بش- آلتی قصابیله - تویوق ساتان اولار. هر قاپیسیندا بیر پیشیک دورسون، بش پیشیک کئیفه باخاردا.

 بیزیم شهرده ائله توتاق بیزیم محلله ده یوز پیشیک وار. پیشیک لرین ایچینده بش پیشیک قصاب - تویوق ساتانین قاپیسیندا دورا بیلسه، یوزه بش فاییزی کئیفه باخیر، قالانی ائله بو اسمرین –توکذین پیشیکی تک یامان گونده دیر!!

 

یازار : گرگرلی آراز

دوشنبه 8 تیر 1394

 

خورما بوشلاماق اولار ؟!

 

 

ابولفضل قبریستاندا  هامیدان بتر آغلایردی. بو گون عمی اوغلوسونون هفته سی اولماقدا ، هامی صفه دوروب، ادب- ارکانیله آخود موللا عمی نین سوزلرینه قولاق آسیردیلار.

 ایلک بیر صلوات چوندریب  فاتعه اوخوندو. اوندان سونرا حاجی عمی اوغلو بیر شعیریله مجلیسی اله آلدی . دالیسی یاسین آیه سیندن مجلیسین واختینا گوره اوخویوب ، اللر گویه گئدیب، وفات ائده نین ،آتا-باباسینین درحقینده دووالار– صلواتلار چوندردیلر. یاپ آخیردا بیر فاتعه وئرمه گیله مجلیس قورتولدو، تاکی خورمالار حالوالار پایلانسین.

 ائله هر زامان صلوات چوندرنده، دووا اوخوناندا، ابولفضلی اوووتماق اولموردو. دال با دال بایاتی چکیب، آغلاییردی. خورمایله -حالوانی ابولفضلین قارداشلاری پایلایردی، ابولفضله یئتیشنده گوردولر حالی بیر آز قولایدی، خورما- حالوا یییه بیلمز،  اونو گئچیب ، اونون یانیندا دورانا خورما توتدولار. دئمه لی ابولفضل گوز آلتی خورمایا باخیر. اوندا کی گوردو بونا خورما توتمادیلار، اوجا سسله،آغلایا –آغلایا، دئدی: هارابس گئدیرسن؟! گوروم اوردان بیر خورما !!

یازار : گرگرلی آراز

 دوشنبه 1 تیر 1394

 

قورو-قوروسونا نه محببت!

 

محممد دئیردی :او ایل باجیم کی قونشو کنده ار ائوینه گئتمیشدی.  بیزبوتون عائله یله اونلارا قوناق گئدنده، باجیمین قاینی،  منیم بو بیرسی باجیمی گورنده ،گولومسوله نیب ،گوز آلتی باخاندا، بیر بهانه یله قاباغا گلیب، منی دیندیریب ، آتامدان ایزن ایسته دی : منی  دولاندیرماغا آپارسین. آتام ایجازه وئرندن سونرا، او گون باجیمین قای نیله هر یئره گئدیب، باغچا- باغا باش ووروب، حتتا محلله توکانیندا نقدر یئر- یئمیش، کیشمیش- نخود واریدی، منه یئدیددی، یادا جیب لریمه دولدوردو.خیلاصه هر شئی یی مندن خبر آلیب، منه محببت ائیله دی. بونون اوستوندن بیر آلتای کئچمه میشدی، بو بیرسی باجیمین ائلچی لرینه، آتام راضیلیق وئردی. بو  بیرسی خیردا  باجیمدا  ار ائوینه کوچدو. دونه سی ایل بویوک باجیم گیله قوناق گئتمیشدیم ،گوردوم باجیمین قاینی همان آدام دئییل. داها منی دولاندیرماقا، یاخوت بیر شئی آلیب یئمکه، بیر یئره  آپارمیر هئچ،هردن دوداق آلتی دا بیر-ایکی یامان یوووزمنه آتیر. باجیمدان خبر آلدیم: نه خبر اولوب؟ دئدی: محممد، باجیمیز اره گئدندن سونرا، سن سهلی سن ،منی ده داها دانیشدیرمیر !

قدیم ایللرده اوروجلوق گلنده، دوولت بش آلتی گون اوروجلوقا   قالان  دوگو –یاغ- قند –آیری لوازیمات موفته سینه،یاخوت اوجوز قیمته  وئریب، او بیرسی جینسیلرینده قیمتین ثابیت ساخلاماق اوچون بیر فیکیر چکردی. آمما بولنمیرم نه اولوب بونلاری کی هله داها وئرمیر، هئچ ، رایانه میزیده بو سفر بواختا ساخلانیب. بلکه محممد باجیسین ار ائوینه گونده ریب!!

 

یازار : گرگرلی آراز

چهارشنبه 27 خرداد 1394

 

یولداش چیلیق

 

چایخانادا سیفی الین موحکم میزین اوستونه چالیب، دئدی :یعنی  منیم، سنین یانیندا، ییرمی شیشک جاندا اعتیباریم یوخدو؟ گلن هفته بویونکو گون گلیب، بوردا چایخانادا مندن پوللارین  آلارسان، قالدی قویونلار،  آلتای چکه وئریرسن؟ اودور رحمت ایسته یر، ایسته یرسن چاغیریم گلسین .

حوسین بیر یئرینده قیوریشدی، سونرا باخیب سیفی نین اوزونه، دئدی :کوپک اوغلو سنین سوزلره ن اعتیبار یوخدو. دئیرسن گلن هفته، من راضییام سن بو شیشکلرین پولون ایکی آیدان سونرا وئرگیلن! اونودا وئرمیسن آخی .

سیفی بیر ناراحات اولدو، دئدی :من سنین بورجون گلن هفته وئرمه سم؟ گل بو جاماعاتین یانیندا، منیم اوزومه توپور!حوسین گوله –گوله، دئدی :هئچ سنی تاپا بیله جه یم کی اوزه ن توپورم. سیفی دالیسین توتوب ،گولومسوله نیب یانیندا فتع اللاه اوتورموشدو، اوز دونده ریب اونا ، دئدی :حوسین منی ده تاپا بیلمه سن بو فتع اللاهین اوزونه توپور رسن! هامی گولنده، فتع اللاه ناراحات اولوب، دئدی: سیفی منیم اوزومه نییه توپورسون؟ سیفی باشی آشاغا گوله – گوله، دئدی: فتع اللاه یولداش چیلیق بس نه یه دئیبلر؟!سنیله یولداشیق دا بس!!

 

یازار : گرگرلی آراز

دوشنبه 18 خرداد 1394

 

ائششکی آتینان تانییاللار

گرگرلی آراز

 

اوشاق ادبییاتی......اوشاق صحفه لره بیر باخیش....نئچه حیوانلار اوچون آتا-بابالار سوزلری شعریله

.......................ائششکی آتینان تانییاللار.................................................................

 

 

 

 

ائششک گیردی  تؤیله یه

باخدی او یولداشلارا

باشلادی   تانیشلیقی

سوزو وار قارداشلارا

 

چوخ دئدی هئچ کس اونو

تانیمادی بیر حیوان

هئچ کس اونو گورمه یب

توتولدو اونا دیوان

 

قاپی آچیلیب آندا

دالیجان گلدی چیخدی

ائششکی بیر بوجاقدا

تورا سالیب برک سیخدی

 

تؤیله ده بیر طرفده

اوکوز باخیب سسله دی

آت قارداش خوش گلیب سیز

بویوک توتوب بسله دی

 

ائششک ائششکلیقیندا

دوردو بیر سوز دئمه دی

چکدی میشقوتلاری او

آرپا- یونجا یئمه دی

 

آتا بویور دئدیلر

یونجا- آرپا بوشقابدا

توفنگیله عکسیلر

قابا سالیب ایشقابدا

 

آچیلسینلار خیصلت لر

بولوندو دال بادالدان

آت- ائششکلر تانینسا

قورتولاق قالماقالدان

 

آت کی تانیندی اوردا

او بیر سی اولدو ائششک

ائششکی تانیدیلار

ائششکه اولمادی شک !

 

 

 

سوت گونون یئمه گی  موفته دی!

 

قولو موعللیم دئیردی :  جولفادا موعللیم عنوانیندا ، دبیریستاندا  درس دئیره م.تعریف ائیله ین گونو  اوچ نفر هم یئرلی احمد موعللیم- حق وئردی موعللیم- بیرده من درسیمیز قوتاراندان سونرا ،گلیب دمیر یولونون یئمکخاناسیندا ناهار یئمکه   وارید اولدوق. حق وئردینین یئمکخانایا گلمه سی ایلک دفعه سیدی. مندن خبر آلدی: بورانین آیاق یولوسو هاردادی؟ منده نیشان وئردیم. او هی نیده احمد موعللیم دوردو، اوچ ناهارین ژئتونون اورانین مسئولوندان، صمد آغادان کی اوز هم یئرلیمیزیدی،  آلدی. حق وئردی گلن آن ، ناهاریدا گتیردیلر. یئیب- ایچیب  قورتاراندان سونرا دوروب گئدنده، حقوئردی قاچدی حسابلاسین، احمد موعللیم دئدی: نه قایریسان؟ بویون سوت گونودو پول آلمازلار!

 ائشیکه چیخاندا، حقوئردی سوروشدو، دوغوردان گوزلدی من هر سوت گونو بورا گله جه یم!

 بوردان سونرا بیزه صمد آغا تعریف له یر. او دئیردی:  سیزین بو یولداشیز حقوئردی موعللیم، سوت گونو گلدی، ادب ارکانیله ناهارین یئیب قورتاراندان سونرا، پول وئرمه میش دوروب گئدنده ،من دئدیم :حق وئردی موعللیم بی زحمت یئمه ییزین پولو قالدی! او بیر اوجا سسله دئدی: مه یر بویون سوت گونو دئییل؟ دئدیم: دوز دئیرسیز بویون سوت گونودو .حقوئردی موعللیم اللرین آچدی، دئدی: اوندا بس نه پولو؟ مه یر سیز سوت گونو یئمه یی موفته وئرمیرسیز؟ !!

 

گرگرلی آراز

 

جمعه 8 خرداد 1394

 

گوره سن کیم حسابلادی !

اینقیلابیمیزین ایلک دووره لرینده، هامی سئچیم دوورونده، شورا مجلیسیمیزه کاندید اولوردولار.من دییه ن دووور موهندیس صراف جنابلاریدا کاندید اولموشدو. قولو موعللیم دئیردی:  مهدینین چایخاناسیندا اوتورموشدوق، صرراف جنابلاری  چایخانایا وارید اولدو. چایخانا انگینه جان دولویدو. هامیله بیر- بیر گوروشوب، دئیردی: من موهندیس صرراف! من صررافام! من صرراف بو دووره ده کاندید اولموشام. هامینان گوروشوب قورتاراندان سونرا ،گئچیب آشاقا باشدا باشماقلارین چیخاردیب، چونبه لن اوتوروب، دئدی :مهدی بئی چایخاناداکیلارین هامیسینا چای وئر! بوتون اوردا اوتورانلار  چای ایچیب،ایچه -ایچه  هره اؤز سوال –جوابلارین ائیله یردیلر. دوروب گئدنده، دئدی: هامیزدان چوخ تشکور ائیله یرم. اینشااللاه کی بو دووره منه رای سالاجاقسیز. بیرده بی زحمت منیم ده بو ایکی چاییمی بیریز حسابلایارسیز!!

گرگرلی آراز

دوشنبه 12 مرداد 1394

 



گوره سن کیم حسابلادی !

گوره سن کیم حسابلادی !

 

اینقیلابیمیزین ایلک دووره لرینده، هامی سئچیم دوورونده، شورا مجلیسیمیزه کاندید اولوردولار.من دییه ن دووور موهندیس صراف جنابلاریدا کاندید اولموشدو. قولو موعللیم دئیردی:  مهدینین چایخاناسیندا اوتورموشدوق، صرراف جنابلاری  چایخانایا وارید اولدو. چایخانا انگینه جان دولویدو. هامیله بیر- بیر گوروشوب، دئیردی: من موهندیس صرراف! من صررافام! من صرراف بو دووره ده کاندید اولموشام. هامینان گوروشوب قورتاراندان سونرا ،گئچیب آشاقا باشدا باشماقلارین چیخاردیب، چونبه لن اوتوروب، دئدی :مهدی بئی چایخاناداکیلارین هامیسینا چای وئر! بوتون اوردا اوتورانلار  چای ایچیب،ایچه -ایچه  هره اؤز سوال –جوابلارین ائیله یردیلر. دوروب گئدنده، دئدی: هامیزدان چوخ تشکور ائیله یرم. اینشااللاه کی بو دووره منه رای سالاجاقسیز. بیرده بی زحمت منیم ده بو ایکی چاییمی بیریز حسابلایارسیز!!

گرگرلی آراز

+ نوشته شده در  سه شنبه پانزدهم اردیبهشت ۱۳۹۴ساعت 19:48  توسط محمد علی برزگر(گرگرلی آراز)  |  13 نظر

 
 
 

 

خسارتیمی ایسته یرم

بیر گون مهدی له چایخانادا اوتورموشدوق، ناصیر تنگ نفس اوزون یئتیردی. یازیق بو ناصیرین  تزه لیک جه، بیر اون دورد داوارین اوغرولار آپاریبلار.  هردن بیر کندیدن – شهردن  بیر خبرلری گلیر، یازیق بیر بوللو پول خشله یر سونرا باخیر گورور کی یوخ، یالانیمیش. بو تزه لیکده دئیردیلر:مرکزده چوخلو داوار  تاپیلیب، هره گئدیر اؤز داوارین اوردا اؤز انی نن تاپیر، آیریلیشدیریر. ائله بو فیکیرده  بیردن ناصیر بیر چای ین ایشمیشدی بیر چای ینا گلنده  مهدی یه اوز توتوب دئدی: مهدی منه بیر شکایت یازا بیلرسن؟ مهدی دئدی: نه شکایتی؟ ناصیر جواب وئردی: بیر شکایت یازکی من بو اوغرولاردان، داوارلاردان سونرا  خسارتیمی ده ایسته یرم! مهدی بیرده قایدیب دئدی : سن داوارلارین تاپیبسان: دئدی: یوخ! مهدی قایدیب، دئدی:  بس ایسته یرسن کیمدن خسارت آلاسان ؟!!

گرگرلی آراز

+ نوشته شده در  دوشنبه ششم بهمن 1393ساعت 18:26  توسط محمد علی برزگر(گرگرلی آراز)  |  23 نظر

 

خسارت پوللاری !

خسارت پوللاری !

مهدی دئیردی: بیر گون مچیدیمیزین قاباقیندا ، اعلامییه لری اوخوردوم، گوردوم ، فرمانداریمیز بیر  کاغیذ  یاپیشدیریب : کیمین  گئچن آی  چیخیمین  سئل آپاریب،  گلسین  دفترده چکین  یازاق ، آپاریب کشاورزی بانکیندان آلسین . آخیردادا  منطقه میزدن  بیر اون سکگیز نفر آد آپاریبلار کی بونلار خسارت آلماقا  موراجعه ائیله سینلر. من باخدیم گوردوم بیر اوچ – دورد نفر وار اونلار هئچ اکینچی دئییل! یادا او سئل توتان یئرده کؤوشنی یوخدو. اما  اونلارا پول تعلوق توتوب.

 فرمانداریدا یازان شخصیله  آرام یوخدور،  اونو بهانه ائیله دیم فرماندارییا یولا دوشدوم.فرمانداریدا خسارت یازان   دفتره وارید اولاندا ، حسن آیاقیما دوردو ، دئدی: بویورون؟ دئدیم : کندیمیزده سئل خسارتین  کیم یازیر؟ دئدی: من    دئدیم : بس اوردا حوسینعلی نین  زمیسین یادا خرمنین  سئل آپاریب؟حسن بیر بوزاردی- قیزاردی سونرا دئدی:  من  بیلمیرم  منه  بیر لیست وئریبلر من اونیله ایشله یرم. او ایلک لیستی دی، ایکنجی لیسته سیزینده آدیزی وئریبلر! من نه بیلیم  سیزین اوردا یئریزی سئل آپاریب یاخوت یوخ ؟ من اوردا بیر آز ساکیت لشدیم توخدادیم !خیلاصه  منه ده بیر دوغسان تومن خسارت یازیلدی.

ایندی گلن هفته سی  کشاورزی بانکین قاباقیندا صفه دورموشوق  خسارت چکیمیزی  نقد پولا دونده رک.  حوسینعلی یا  یئتمیش بش تومن یازمیشدیلار. ولی عمییه کی  تمام زیندگانلیقین سئل آپارمیشدی اون سکگیز تومن وئرمیشدیلر.  من ائله بیل هامیسیندان چوخ خسارت گورموشدوم !

 ایچه ریده  منیم نوبتیمده  پوللاری سانییب تحویل آلیردیم ،ائشیکدن  ولی عمی نین سسین ائشیدیردیم ، حوسینعلی یه  دئیردی: سئل بو فتتاحین اوغلونا نه قدر خسارت ووروب ؟ حوسینعلی  دئیردی: بیلمیرم نئجه کی ؟ ولی عمی جوابیندا دئیردی: آی جانیم ایکی ساعاتدی اوردا مهدی پول سانیریر آخی !!

گرگرلی آراز

+ نوشته شده در  دوشنبه پانزدهم دی 1393ساعت 15:49  توسط محمد علی برزگر(گرگرلی آراز)  |  7 نظر


قره کوت چور کی

قره کوت چور کی

آللاه تعالا جمیع اولنلره ایرحمت ائیله سین.آنام ساغ اولان دووروده ،چؤره یی اؤز ائویمیزده پیشیرردیک.  او دؤوروده، دان اولدوزو زامانی، آنام ،خمیری ائیله ین آن،تندیریده یاندیراردی .خمیریمیز  یئتیشن واختی، چورکچیمیز گلیب تندیری  سیلیب -تمیزله یندن سونرا  ،یاواش – یاواش، لاواشلار  تندیرده  پیشیرله نیب، ائشیکه آتیلاردی. خمیرین آخیرلاریندا کی خمیرین واختی  کئچردی ، چورکچیمیز تاپییا دؤنده رردی. تاپیدا  گوزل چیخماسایدی  بیر آز اون قاتیب برکیدندن سونرا ، اوننوجالار  بیر –بیر صفیله  تندیریمیزه دوزولردی. گؤره سن او آن، قونشو فیضضه یاخوت خانیم خالا بیر آز خمیر ائیله یب ، آخیردا هره سی  یاغلیجادان -سولوجو– سودلوجه دن پیشیریب  بیر دسترخانایا یغیب، ائولرینه آپاراردیلار .

آمما هردن بو چورکلردن بیری ایسسی تندیره گئدیب ، قره لیب، کوته دونردی. بیزیم بوغدا آنباریندا  چورکلری  سریب- قوروداندا ،بیر تهنه ده  بو قره کوتلری یغاردیق. قاباقجادان ائشیتدییمیز سوزه گؤره ، هی آنامیزدان قره کوت چوره یی ایستردیک تاکی اونو یئیب  ائشیکدن  پول  تاپاق .خیلاصه  یئیب – قورتاراندان سونرا او آن حایاتا چیخیب  پولوموزو تاپاردیق. چوخ سونرالار  گؤردوک بویوک ننه میز اؤزو بش– اوچ قوروش  ائشیکه آتیرمیش،  بیزلر ایلک  قره کوت چورکلری  سفره ده ییه ک .

قدیم  بیر اللی – آتمیش ایل موندان قاباق بیزیم  کندیده  دمیر یولو ایداره سی اوجورودو. تمام سینیق – ساخلاق لارین عائیله لری  یوز تومندن توتوب - بش یوزتومنه جان ، دمیریولو ایداره سینین رئیسینه وئریب اونو وئردیکی پولا لایق، فعله –کشیکچی –رهبان-چایچی  یازیب او  ساغلام  آداملاردان قاباق کئچیب ایشله یردی. ماددی دورومو نظرده توتساق ایندی کی زاماندا  او سینیق – ساخلاقلارین  وضعییتی او سالیم قارداشلارین وضعییت یندن گوزلدی.ایندی هئچ  قره کوت چوره یی سهلیدی ،یاغلیجاسی –سودلوجاسیدا  آغیزدا داد  وئریر !!

گرگرلی آراز

+ نوشته شده در  سه شنبه هجدهم آذر 1393ساعت 10:20  توسط محمد علی برزگر(گرگرلی آراز)  |  19 نظر


مال ایه سینه چکمه سه حارامدی !

 

مال ایه سینه چکمه سه حارامدی !

آللاه وئردی دئیردی:بابامین اولوموندن بیر دورد آی کئچمه میشدی ، بابامین ورثلری اعتراض قولون گویه قوزادیلار: مال بولونه گره ک.بو جهتدن  بویوک عمیم تمام قارداشلارین  بیر یئره یغدی ، بابامین مالین بولدو. هره نین مالین  یئرلر – سولار-حیاتلاردان   ظولم شاخصی له  آیردی. اما چونکو اؤزو بیر آز ایشله مییه نیدی ، ائله بولوملری سالدی کی اوبیرسی قارداشلار همیشه  بونا موحتاج اولسونلار.  حتتا اوکوزلریده – ائششکلریده  بیر بیر بولدو،  ایش واقتی  همیشه  قارداشلار بونون سوزونون  آلتیندا  چابالاسینلار .

خیلاصه ایش بئلنچی  یولونا گئدیردی. سو زامانی گلنده ، گره ک بونون سهمی سووارلاناردی، اوندان سونرا اؤز زمیمیز توپارلانیب سو اوزو گورردی . خرمن موقعی، اوکوزلر ایلک بونون خیرمانی  گویه سوورلانیب، اوندان سونرا  قاپان –یاخوت خوی یئلی گلسه یدی ، بیزیم کی یئردن گوتورله نه جکیدی.  بئله لیکله همیشه کؤوشنده ایشی –زحمتی بیز گوروب ،کوته یی  بیز یئیردیک.

 بیر گون بویوک عمیمدن  ائششکی بورج آلمیشیق، کؤوشندن  چیخیم  ووراق گتیرک. ائششکلری چاتیب یولا قوشاندان سونرا، عمی مین ائششکی قاچیب ائششکلرین قاباقیندا حرکت ائیله دی! آتام بیر گولدو. دئدیم: نه یه گولورسن؟ دئدی : مال ایه سینه چکمه سه حارامدی ! قارداشیمین  ائششکی قاباقا کئچیر کی کوته یی او یئمه سین! دالی داکی ائششکلر یئسین !!

گرگرلی آراز

+ نوشته شده در  چهارشنبه دوازدهم آذر 1393ساعت 17:55  توسط محمد علی برزگر(گرگرلی آراز)  |  10 نظر


گلین همیشه بیر– بیریمیزی تعریف ائدنده شاد اولمایاق ،تنقیدیمیزده اوندان بتر سئوینک !

گلین همیشه  بیر– بیریمیزی تعریف ائدنده  شاد اولمایاق ،تنقیدیمیزده اوندان بتر سئوینک ! 

تاریخ دوزلدیب - یارادانلارا تقدیم اولونور

شیرکتدن دوروب ائوه گئدنده، یادیما دوشدو  رئیس دئیب:  منیله  گئدرسن. بیر آزدان سونرا  رئیس یله  گلیردیک  بیردن سوزه گلدی  :خانیم بیر لیست یازیب، بودور آلین  اوخو یون . مرکزه گئدیب همی اونلاری آلارسیز همیده  اوردا نه جور کهنه بیر شئی لر گؤزووه  درسه، اونلاری بیر تهر آلیب بیزه گتیررسیز  .بیرده یادیمنان چیخاجاغیدی   اونو دئییم:  اؤز ائویزه باخارسان  اوردا قدیمدن نه وار بیزه ده آلارسیز.

  خیلاصه باشا دوشدوم ایسته یر ائو–ائشیکی  بیر آز اسکی  دوولتدی ائولره بنزه یی اولسون . صاباحی چوخ شئی لر آلمیشدیم قارپیز مودلینده  تزار مهرلی، کومور ساماواری –ایکی پیلته لی شوشه سی اوزون، یئددیلیک چیراق –ایکی یون گیلیم –جئجیم –تاج مهرلی قاشیق – چنگال –تاریخلی  مئژمئیین –قازان – قازانچا – چوخلو شئی لر کی بورا  یازماقی مجال اولماز. اونلاری آلیب  گتیردیم، اوز سلیقه میننده اونلاری  یئرینه  دوزدوم .یالنیز بیری قالمیشدی بیر شکیل  قابی . اونون یئرینه ده  بیر تاریخ یازیب دوزلدن ریضا دایی نی گتیرمیشدیم. آخشامی شامدان سونرا  ریضا دایی دیله گلدی : سیز مندن نه ایسته یرسیز؟ من ایضاح ائیله دیم ، بیزیم بو رئیسی بیر جوره مشروطییت دؤوره سینه آتا- آناسین یاخوت بابا -ننه سین بو اینقیلابی آداملارا یاپیشدیر. بیر اونلاریله شکیلیده  اولسا پیس اولماز. خجالتیزدن موحکم چیخاریق. ریضا دایی دئدی: او مومکوندو، اولار ،چونکو سیزین کند ،قدیم آبادانلیقلارداندی . بولورم ناصیرالدین شاه آغروپایا گئدنده، بوردان کئچیب. بیردن رئیسیمیز، دئدی: یوخ شاهلاردان اولماسین ، عاقبتی  یوخدو، دردیسری وار. ریضا دایی دئدی:  محمدسعید اوردوبادی ده بوردان  کئچیب.  اونودا رئیسیمیز قبول ائیله مه دی ،دئدی: اودا او تای لیدی  آدامین باشینا ایش وئرر.ریضا دایی دئدی  شاعر صابر نئجه دی ؟رئیس دئدی یوخ  کاسیب –کوسوب آدامدان فایدا یوخدو . ریضا دایی بیر الین آغزینا آپاریب، دئدی: تاپبیشام  مشروطییت  دویوشچولریندن  بیری  اوتایا  قاچاندا ، سیزین کندیلی بیر آرواد  او طرفه  کئچمه یه قویمامیشدی ، اونیله ائوله نیب  بوردا ساخلامیشدی . رئیس دئدی: او کیمدی ؟ ریضا دایی دئدی: اونون آدی بنناء ولی جانیدی رئیس دئدی : سکینه خانیمین اری؟ من اورتایا گیردیم، دئدیم: ایش دوزلدی دا !رئیس دئدی :منیم آنام اونیله  بیر گون چورک یاپیردیلار، کونده  سالاندا شکیللری  وار. ریضا دایی دئدی:اوندادا بس  من ستارخانیله –بیر پارا  دویوشچولر کی  ولی جاندا اوردادی  شکیلین  سیزه یوللارام بیرده وئبلاگیمدا بو سوزدن – حکایه دن بیر سوز آچارام .رئیس چوخ شاد اولدو ، بیر منه گوز ائیله دی، یعنی : ریضا دایی نی  راضی یولا سالارسان !

بیر ایکی آیدان سونرا بیر بویوک قوناقلیق رئیس وئرمیشدی.  اوردا بویوک -بویوک تاجر-توججارلار  هم اؤز اولکه میزدن همده خاریجی اولکه لردن واریدی.  او قدیم اشیالاری بیر- بیر کورسه دیردی ،همده آخیردا کئچیب او دیواردا قابین یانیندا  دوروب دئیردی : بو ستارخاندی ، بو اونون دوستو – او بوجاقدا دوران ولی جاندی، بودا اونون دوستونون خانیمی سکینه خانیمدی  باخ! باخ! بودا سکینه خانیمین یانیندا اوتوران منیم آنامدی! ریضا دایی نین دوزلدن تاریخه بیزیم رئیس ائله فخر ائدیردی !ائله فخر ائدیردی! گل گوره سن!!

گرگرلی آراز 

+ نوشته شده در  چهارشنبه پنجم آذر 1393ساعت 10:44  توسط محمد علی برزگر(گرگرلی آراز)  |  12 نظر


اوتوز ایلدن سونرا دئمه سه لر ،یئنه بولمه سن!

اوتوز ایلدن سونرا دئمه سه لر ،یئنه بولمه سن!

بیزیم مچیدیمیز بیر آز قوجالار مچیدیدی .حتتا دسته سی ده او بیرسی مچیدلره – دسته لره گوره، آرام- ساکیت دی. آمما اینقیلابدان سونرا بیزیم مچیدیمیزین جوانلاریدا ساکیت اوتورمامیشدیلار.  قوجالاریلا بارابار، مئیدان مچیدینه گئدیب، اونلاری یولا سالاندان سونرا، اؤز مچیدیمیزه قایدیب ،اینقلابی اوجا سسله موحکم – یانیقلی ،جوان سئون سوزلر- نوحه لریله بیر آیری دسته چیخارتماق فیکری  کلله میزه دوشموشدو . بو خئییر ایشده مچیدیمیزده چوخ آداملار چالیشیردیلار. بو ایشین باش رهبرلریندن بیری، دسته باشی  حسن آغایدی. هامیمیز بو بش گون محررم لیقدان قاباق ،هر یئره گئدیب، دسته میزه پول توپلایردیق. حتتا یادیمدادی بیر آی  جیب خرجیمی وئردیم ،بیرگونده آنامین صاندیقیندان پول اوغورلایب – آپاریب ،یاردیم ائیله دیم. بیر دفعه ده آتامین جیبینه الیم گئتدی!  خیلاصه او بیرسی جوانلاردا منه تای اویان – بویاندان پول تاپیب، گتیریردیلر. دسته میز گون به گون محررملیقا یاخیناشمادا  ایره لی گئدیردی. بیر یوز   دنه  رحمتلیک مراد عمی تختادان شمشیر وئردی. محلله دمیرچی میز آلتی شمشیر شابئه شمشیرله رینه ایضافه ائیله دی. بزاز محبوبدان اون مئتیر یاشیل یادا قاره رنگیده  پارچا آلیب  اوتوز  سانت- اوتوز  سانت  بولوب ، دسته اوشاقلارینا پایلایب ،ایکی نوحه کیتابی ، بیر نوحه خوان تاپباقیله ،ایلک گونو  شمشیرلرین اوجلری  قیرمیزی  رنگیله بویانمیش ،دسته میز مئیدانا چیخدی .او قدر یئنی چی  گورسه نیردی هامی بیزیم دسته نین دالیجا دوشوب ،گلیردی .اؤزمچیدیمیزدن - مئیدان مچیدینه جان  پولودو کی دسته میزین باشینا  یاغیردی. وارید اولوردوق مئیدان مچیدینه اوردادا شور – نواییله سینه یه باشلایردیق .

خیلاصه بو اون گونو هم راز – نییاز ائیله یردیک ،همده باشیمیز مشغول اولوردو، بیرده یامان کئیفه باخیردیق. چونکو اؤز دسته میزیدی، اؤزوموز اونو ویجوده گتیرمکده ایفاچی لیقیمیز اولموشدو. بلی چوخ آداملار او دسته دن ایش تاپدیلار. چوخلاری  اوردان ائولندیلر. تماشا ائیله ین قیزلار بخت ائوینه کوچدولر. آما هر هاردا اولسایدیق، کندیمیزده ، او اون گون محررمی   گوزتله ردیک!

بو سوزلرین اوستوندن ، اوتوز ایل سوووشور. بیر گون آگتوبوسیله  مرکزه گئدیرم ، سوروجوموز  همان دسته باشی حسن آغایدی . بیر آز مسافتدن سونرا منی یانینا  چاغیردی، بیر آز  قدیم خاطیره لری یادا سالیب    فیکریمیز دورولسون. سوزلرین اورتاسیندا  او دئدی: ایسکندر ایسته یرم  بیر سوز او دسته دن آچیم، سنه دئییم. حتمی ایندییه جان قولاقیوا دئیمه یب. گوله – گوله دئدیم: تمام سوزلرین ائشیتمه لیدی. او دئدی: دسته دوزه لیننده چوخ پول یغیشیردی. دسته میز چیخیب مئیدانا گئدنده ،چوخ جاماعات پول وئریردی .دسته قورتولوب هامی سوووشاندا ،بیر اوچ – دورد نفر گلیب منی ماشینلاریله بیر باغا یاخوت بیر ائوه آپاریب، قومارا باشلایردیق. پول مه یر قورتولانیدی .بیر گون اوچ دفعه  منی گلیب مچیددن قومار یئرینه آپاردیلار، یئنه پول قورتولمادی! سحر اولدو گون چیخدی، یئنه قومار سوووشمامیشدی !

خیلاصه داها سوزلرین ایسته میردیم ائشیدم .داها دوداقلاریم گولموردو. بو سفر اوره ییم اؤزومه آجی گولومسوله نیب دئیردی: سن کی اؤز محلله مچیدیزین- دسته زین سیررین- دسته باشیزین ایشین اوتوز ایلدن سونرا بوله جکسن! اودا حسن آغا کی بش کیلاس سوادی یوخدو! سن بو وکیللرین – وزیرلرین دیلین هاردان  آچیب قاناجاقسان!!

گرگرلی آراز

+ نوشته شده در  چهارشنبه بیست و هشتم آبان 1393ساعت 11:27  توسط محمد علی برزگر(گرگرلی آراز)  |  18 نظر


اشتون خانیملاری بیزیم اوامانتی ....!

اشتون خانیملاری  بیزیم اوامانتی  ....!

یازیق سکینه خانیم  سککیز آی گلینی، اولمادی.  کیشی سی آللاه رحمتینه گئده جک لی اولدو  . یاسدان بیر دورد آی گئچمه میشدی، بویوک قایینی  قرار قویموشدو ، گلیب  ائوده دانیشیقدان سونرا   سکینه خانیمین حق – حقوقون وئریب ، آتاسی ائوینه یولا سالسینلار .

اوگون  ائله  سکینه گلیلده  هامی  واریدی. چوخ سوزلر دانیشیلدی . گوزل قرار – مدارلار قویولدو ،هامیلیقدا راضی قالدیلار .بیر چای ایچیب دوروردولار، سکینه خانیم حوسین قایینین ،ایواندا بیر بوجاغا  چاغیریب ،دئدی:  قارداشین اولمه میش وصییت ائیله دی ، تک سیزه بیر امانت وئرم .اؤزوده  چوخ – چوخ قیمت لیدی .حوسین ال – ایاقین ایتیرمه مکدن  یاواشجا، دئدی: قوی قالسین سحر گلیب دانیشاریق .

سحری  ناهارا یوووق، حوسین سکینه گیلده یدی. گلمیشدی قارداشینین امانتین آلسین. سوز بورا گلیب چاتاندا سکینه خانیم دئدی:  واللاه حوسین قارداش بو امانت قارداشیوین  بوتون عمرونون ثمره سیدی،  اونودا هئچ بیر کسه وئرمه یب،  تکی  سیزه وصییت ائیله یب. اما بیر شرطیله سیزه او امانتی وئررم، اودا بودور کی منی سیز آلاسیز. چوخ چاکیج – باکیجدان سونرا  حوسین راضی قالدی ، سکینه نی آلسین  سکینه ده او امانتی  گیزلینجه حوسینه وئرسین .

کبین کسیلیب ،مختصر توی توتولدو، چالیب – اویناماقدان سونرا  حوسینیله – سکینه ار – آرواد اولدولار. ایلک گئجه سیندن سونرا سحری  چای – چورک یئمک زامانی،  حوسین اوز توتوب سکسینه یه، دئدی: سکینه دور او امانتی گتیر گوره ک،رحمتلیک  قارداشیمیز بیزه نه قویوب گئدیب  .سکینه چوخ آرام –ساکیتجه  سوزه گلیب، دئدی: نییه!؟ من گئجه قارداشین امانتین سنه وئرمه دیم؟! ائله قارداشین امانتی اویودوردا!!

گرگرلی آراز

+ نوشته شده در  شنبه بیست و چهارم آبان 1393ساعت 18:22  توسط محمد علی برزگر(گرگرلی آراز)  |  15 نظر


ایندی کی خانیم لار – کیشی لرین وفالاری!

ایندی کی  خانیم لار – کیشی لرین  وفالاری!

او گونلری ، قونشو کندیمیزده  حوسینقلو عمی ، وفات ائتمیشدی.  داها مییتی  یئردن گؤتوروتمکده   ائولادلاری – خانیمی  ،باجی –قارداشلاری، اؤزلرین دیدیب – توکدولر.ائیله ،اوچه میده هایلایدی. داها هئچ بیرینین بوغازلاریندا سس اترآتی قالمامیشدی. جوم آخشامی سی  گئچیرله نیردی، ناهاری قورتولمادایدی، بخشعلی دایی  حوسینقولونون خانیمی گول نیسه یه  یاخینلاشیب ،بولقونون بیر بوجاقیندا اللرین اؤوکالییا – اؤوکالییا ،قارنینین اوستونده ،اللرین بیردن  ساخلایب، دئدی :گول نیسه خانیم  ،آللاه حوسینقولو قونشوموزا رحمت - آللاه تعالا یئرین جننت مکان ائیله سین.  چوخ ناراحات اولمایین هامی اوله جک . بو سوزه یئتیشنده اللری قیفیل بند اولا – اولا،  بیر آز اوسته آپاردی ، دوداقلارینین  یانیندا دایاناندا ، دوباره دن، دئدی:  گول نیسه  خانیم ،ایه ر زحمت اولماسا او سیجیللیزی منه وئرین یاسدان سونرا گئده ک  محضره،کبینی  کسیب قورتاراق !( ائیله بیل بونلاردا بئیله بیر عادت وارکی کیمین  اری اولسه  بیر مددت دن سونرا مایل اولان  شخص اری اولن  خانیمین  سیجیللی سین آلارکی داها بو منیم کی دی، هامی بیل سین !)خیلاصه  بوردا قالدیق : بخشعلی دایی  گول نیسه خانیمدان سیجللی سین  ایسته دی . گول نیسه  بوراجان ، ساکیت  دوروب قولاق آسیردی . بخشعلی دایی نین  سئوالینین قاباقیندا او توتقون سسیله ،دئدی: بخشعلی قارداش  باخیشلایین، واللاه من بیلسه یدیم سیزین   رای یز وار قاباقا گله جک سیز ، هئچ بیر ایقدام ائیله مزدیم. اما حایف کی  حوسینقولونون اوچه می  احمد آغا سیجیللیمی آلیبدی !ایددم قورتولسون  اونیله کبینی دانیشمیشام ! دوغوردان اؤز بویوکلوقوزا سن آللاه ،باخیشلایین !!

گرگرلی آراز

+ نوشته شده در  دوشنبه نوزدهم آبان 1393ساعت 10:21  توسط محمد علی برزگر(گرگرلی آراز)  |  17 نظر


قویو قزمه لر

قویو  قزمه لر

 

هامیمیز مئیدان مچیدینده اوتورموشدوق، تزه شهرداریمیزین سوزلرینه قولاق آسیردیق .شهرداریمیز چوخ گوزل دانیشدی، آخیردادا بیزدن کومک لیک آلماق اوچون، آخیر سوزلری بئله قوتاردی: ائله بولون  منده بو شهرلییه م، احمدم،ولی نین اوغلو .اینشااللاه بیر لیکده ال اله وئره ریک شهریمیزی قاباغا آپارریق.

سوزلر، سورغو- سئواللار قورتولدو .هاممی دوروب ایکی قات شهردارا طرف گئدیردیلر. منیم یانیمدا اوتوراندان خبر آلدیم :بو احمد کیمدی؟ قوربان دئدی: ولی نین اوغلو، بیزیم محلله ده اولاردیلارها ؟ کان کانچی ولی نین اوغلو. دئدیم: یوخ بابا! احمد یانی بیر بئله  یئکه لیب ؟دئدی: هاراسین هله گوروبسن ؟!

آخشامی اؤز محلله مچیدیمیزده جلسه یدی .نئجه بو تزه شهردارین اوره یین اله گتیرک ؟ تاکی بیزه ساری بیر آز ایشله سین .

هامی نین سوزلری کان کانچی ولی نین اوستونده یدی. شهردار یاددان چیخمیشدی. هره بیر جوره ایسته یردی، ولی عمی نین اوره ین اله گتیرسین.

فیروز دایی آیاقا دوردو .هاممی ساکیت- هئچ کسدن بیر سوز چیخمادان - فیروز دایی سوزه گلدی: آی جانیم بو ولی عمی قالیر؟! من واللاه دییردیم بس او چوخدان اللاه رحمتینه گئدیب. نه بیر احساندا نه بیر تویدا – یاسدا بیر مجلیسده من اونو بو اوچ – دورد ایلده گورمه میشم .ایندی نئجه  ائیله یک؟ یئنه سوزونه فیروز دایی ایدامه وئردی:  آهای کیمین بو هفته مچیدده احسانی وار؟ سولیمان دئدی: بیزیم وار. فیروز دئدی: او کارتلاردان بیر- ایکی سین  وئررسن منه ،من اؤزوم ولی عمی گیلین قاپیسینا آپاررام ، گلسین گورک نه دئیر- نه قویور .

جوماخشامیدی، آخشامی مچیدده- احساندا هامی یئر به  یئر اوتورموشدولار. کان کانچی ولی یوخاری باشدا منبرین یانیندا ایله شمیشدی .هاممی بیر – بیر وارید اولاندا  ایلک ولی عمی له کیف – احوال ایله یردی ،سونرا گئچیب اوتوروردو .

مجلیسین  باشلانیشی ولی عمی له باشلانیردی، سوزون آخیری ولی عمی له قورتاریردی .

آخیردا جاماعات دوراندا ، ولی عمی  فیروزا، دئدی: فیروز؟ مچیدین قویولارینین زامانیدی ، هئچ فیکرینده وارسیز؟! فیروز دایی دئدی: بلی کی  فیکرینده واریق . هرزامان  واقتینیز وار، گلین –باشلایین. هله مچیدیمیز دن سونرا ،حوسینییه نین حیا تینده بیر – ایکی دنه  وار.  قونشولاردا دئیبلر، اونلاردادا بیر – ایکی قویو وار . هاچان باشلاساز- باشلایین .نوبته قویون ائله سیز ووراجاقسیز!

حدودن ولی عمی یه بیر دورد آی، ایش چیخدی .ولی عمی بیرده آروادی اسمرده احسانلاریمیزا وارید اولدولار. اوغلو احمدده بیزدن چوخ راضی قالدی. اونلاریندا اینتیظارلاری آزیدی ،ائله بیزیمده اونلارینان ایشیمیز یوخودو، هره اوز ایشینده دولانیردی.

بو ولی عمی نین قویو قزمه لری هره نی بیر تهر بیر مددت اوز ایشینده ساخلاشدیردی !!

 

گرگرلی آراز

+ نوشته شده در  چهارشنبه هفتم آبان 1393ساعت 17:49  توسط محمد علی برزگر(گرگرلی آراز)  |  14 نظر


نجه باشارمیسان ؟!

 

نجه باشارمیسان ؟!

 

 

حاجی عباسعلی قدیم خاطیره لریندن دانیشاندا،  سوزلرینده بیر  خاص  معنی داشیراردی. بیر گون او دئیردی: مرکزده- پایتختده ، عسگرلیق دوره می گئچیردیرم . من  کئشیک دوران خسته خانایا بیر روس گلدی. بیزیم بویوگوموز  قاباغا گئچیب ، نه قدر  ایله دی،  بونون سوزلرین باشا دوشمه دی. حتتا  دوکتور-  خسته خانانین  رئیسی ده ، بونون الینده، آوارا قالدی. او جمعیده بیر نفر منیم کیم – هاردان اولدوغومو بیلیردی .بیلیردی کی من یاپ او مملکتیمیزین  شمالی طرفیندن ، ساوئت حکومتیله   قونشویوق. منی آد آپاراندان سونرا،  منیم دالیمجان  یوللایب  تاکی منی گتیرسینلر. من اورا وارید اولدوم . بیر احتیرامنان سونرا  منه دستور وئریلدی : گئچ، بو روسلا دانیش، گور نه دئیر. من بیر روسون اوزونه بیرده اطرافدا دورانلارین اوزونه باخیب، تزه دن بیر احتیرام ایله دیم، دئدیم: جناب من روس باشارمیرام.  منیم بویوگوم دئدی:  نجه یانی روس باشارمیرام ؟گئچ دانیش! بیرده قارتاردیم واللاه من روس باشارمیرام. اوندا  بیر  سیلله – شاپالاق  اوزومه گلدی ، فرماندهیم دئدی:  مه یر سن  بونلارینان قونشو دئیلسن؟ نجه روس دانیشماغی  باشارمیسان ؟ گئچ دانیش!

 

گرگرلی آراز

+ نوشته شده در  چهارشنبه سی ام مهر 1393ساعت 18:7  توسط محمد علی برزگر(گرگرلی آراز)  |  18 نظر


دوغوردان گوره سن ائله او گوزلیدی ؟!

دوغوردان گوره سن  ائله او گوزلیدی ؟!

 

دشتبان عاباس عمی بیر نئچه گونودو ، سیید قیزی گیلین  محلله سین  ورگلله یردی ،بلکه  اونو گوره بیلدی .آخی اونا ائلچیلیکده دئمه لی بیر سوزو واریدی. بونودا دئمه لییه م :سیید قیزی  بیر  یئتمیش سیننیده بیر  دول خانیمیدی اما گوزل سیماسی بیرده گوزل چوره کچیدی . لواشلار  یاپاردی  او ال بو الینه ال یئتیشمه زدی. عاباس عمی گلن گون ائله سیید قیزی گیلین محلله سینده  توپ اوینایردیق .عاباس عمی سیید قیزی نین نوه سینه یاخینلاشیب، دئدی : احمد بالا  آنان ائوده ؟احمد  دئدی :هن ائوده . عاباس عمی بیر اللرین بیر- بیرینه اؤوکالایب ،گولومسه یب ،دئدی :اونو بیر قاش، قاپییا چاغیر. احمد قاچاندان بیر آز سونرا ،اللری  خیزلی سیید قیزی  قاپییا گلدی. ائله بیردن کی  عاباس عمی نی گوردو،  دالی- دالی قایدیب، قاپینین دالیندان گوله- گوله، دئدی: ای وای ائویم یخیلدی!  عاباس داداش  بوردا نه قایرسیز!  اونلار  اوردا  ائله   دانیشیردیلار. منیم باشیم  توپا قال اولدو،  داها بیلمه دیم نه دئدیلر دانیشدیلار.  اما بیر آزدان سونرا اوشاقلارین بیریسی ، دئدی: ساخلایین عاباس عمی  گئچسین. بیز توپو ساخلایاندا  ،عاباس عمی  داها او گلن عاباس عمی دئیلیدی ، گوله- گوله دئدی:  واللاه اوتانیب ایله مه سیدیم ،سیزیله بیر بوردا سییدقیزینین یانیندا، توپ عربی اویناردیم!  بیر پالتووون چینینده آتیب توتدو ، سونرا اوز توتوب سیید قیزا کی هله قاپی قاباغیندا دورموشدو، اللری گویده  دئدی: اللاه بیز بو پیس بنده لره ن  گور نه  گوزل نعمت لر یاراتمیسان !!

گرگرلی آراز

+ نوشته شده در  یکشنبه بیست و هفتم مهر 1393ساعت 16:40  توسط محمد علی برزگر(گرگرلی آراز)  |  13 نظر

سحره آللاه کریمدی

سحره آللاه کریمدی

 

بیر گون دوسلاریله  یغیشیب ، مهدی گیلین باغلارینا  گئتمیشدیق .دووره میز جور   بیرده سفره میز  رهلی اولماقدا ، صوحبت شیرین  گلدی ، چوخ  بواختا  قالدیق. اوشاقلاریله آیریشاندان سونرا بیر تهر  دیواردان  حیطه آشدیم اما  ائوه گئچمه یه  گره ک بیر قاپی واریدی،  اورانی آچایدیم .او قاپینیدا آچسئیدیم تام موصیبتلر او آن، ائله باشیما  گله جاقیدی .خیلاصه بیر تهر ایسته دیم جیریلداماسینین سسین  کسیم ، قاپی نین بیر تایین قوزایب ،  گویده اولان  آن، ایسته دیم قاپینی آچام . اما بو ایشی گوره ن زامان ،  یاری گئجه ده ، دئمه لی آتام دالیدان  دوروب منه باخیر. ائله ایسته یردیم یئریمه گئچه م ، آتام دئدی:  هن ایسکندر؟ ایندییه جان هاردایدین؟ من اوزومو ایتیردیم ، اما تز اوزومه گلیب دئدیم: هئچ  ،قبیر اوسته گئتمیشدیم  . آخشام اوستو  اوشاقلاریله ائوه گلیردیم ،فیروز عمی  بیزی گوندردی گئدین  محمدین قبرین قبیرستاندا قازین . اودا داشا چیخدی بئله بواختا قالدیق. آتام تز دئدی: هانسی محمد؟ دئدیم: قونشوموزدا. آتام چوخ ناراحات اولدو . چوخ مهریبانچیلیقلا منه باخیب، دئدی: چوخ گوزل ایش گورموسوز  ساغول بالا! بیر بویوک بلادان یاخام قورتولدو هله نئیله یک ، سحره اللاه کریمدی!!

گرگرلی آراز

+ نوشته شده در  پنجشنبه بیست و چهارم مهر 1393ساعت 12:10  توسط محمد علی برزگر(گرگرلی آراز)  |  12 نظر


ائله بیل ائشیک ایچه ریدن یاخشیدی!

ائله بیل ائشیک ایچه ریدن یاخشیدی!

 

 

شرکتین دفترینده اوتورموشدوم، بیر  خانیمین سسی گلدی . سونرا چایچی میز گلیب،دئدی: سیزی ائشیکده   بیر خانیم چاغیریر. دوروب گئتدیم ،گوردوم بیزیم،  تریلر سوروجو حسنین خانیمیدی. یازیق او قدر آغلامیشدی کی گوزلریندن بولونوردو.  آخیر سوزو منه او اولدو کی  حسنین پولونون یاریسین هر آی منه وئرین . سئوال وئرندن سونرا  نییه  بو ایشی من گوروم؟ دئدی: حسن ائوه پول خرجله میر، هامیسین او زهرمارا تریاکا وئریر .من اؤزوم  چوخ ناراحات اولدوم، دئدیم: مدینه خانیم بو ایش اولماز هئچ حسنین بئله قییافه سینه یئمیر. خیلاصه منی  قانع ایله دی  ثبوت – سندیله  اونون تریاکلیقین منه دوشوندوردو. من دئدیم :سیز هئچ مدینه خانیم ناراحات اولمایین هم سیزین بو اوچ آی  آیلیغیزی وئره جه یم، همده  حسنی توتدوروب،  اونو تورمه یه سالیب ترگیددیره جه یم. ائله ده اولدو  اوچ آی ماعاشین توکدوم همده  حسنی بیر تهر توتدوردوم ،بلکه گئدیب ترگیده .

 اوچ آی  سوووشدو  حسن چیخیب گلمیشدی،  منیم یانیمدا  آیاق اوسته دفترده دایانمیشدی.  نه دایانماق  ائله زورلا – بلایله دورموشدو. دئدیم: حسن  تورمه دن قاباق هئچ تریاکلیقین بللی ایله میردی، ایندی نییه بو وضعه دوشموسن؟ ائله تریاکیلار نجه دانیشاللار اوجور منه جواب وئردی، دئدی: واللاه یعقوب آغا نه دئییم  ائشیکده  اولاندا،  ائشیکده  سیزدن ، ایچه ریده ده مدینه دن قورخوردوم!  زینداندا کیمدن قورخاجاقیدیم؟ ائشیکده  گونده بیر دفعه چکنده، ایچه ریده  دورد دفعه چکیردیم. دئدیم :حسن؟ سن بس  تورمه ده دئیلیردین؟ اوردا تریاک نه قایریر ؟ حسن بیر گولدو، سونرا دئدی:  یعقوب داداشا باخه! اوردا بوردان بولدو. دئدیم: بس حسن پولون هاردان تاپیردین؟ حسن بیر  دسمالیله الین بوینونا چکدی، دئدی : او دولتدیلرین قاب – قاجاقلارین پار- پالتارین یویوردوم، ایشلرین گوروردوم، اونلاردا منه حرمت ائدیردیلر.

 داها بولموردوم  حسنه نه جواب - مدینیه نین  جوابین نه جور  وئریم .

 

گرگرلی آراز

+ نوشته شده در  شنبه نوزدهم مهر 1393ساعت 8:45  توسط محمد علی برزگر(گرگرلی آراز)  |  19 نظر


گوزل کیتابلاری تانییاق

بسم الله الرحمن الرحیم

 

گوزل کیتابلاری تانییاق

 

کیتابین آدی

فرهنگ تطبیقی کنایات دلدار

فرهنگ تطبیقی دوسویه ی کنایات (ترکی – فارسی )(فارسی – ترکی )

آختاریش آپاریب – یازانی  : میر حسین دلدار بناب

نشر وئره نی  : انتشارات صداقت – 1391-500 (ص)

حروفچینی :موسی رحیم زاده

 فنی چاپ ناظری :هادی رحیمی

ساتیشی : 18000 تومن

بو کیتاب ایلک شمس تبریزی – شیخ محمود شبستری – حکیم ابولقاسم نباتی عارفلرینین اوجامان  روحلارینا، تقدیم اولونوب .

میر حوسین دلداربناب  ایلک مقدمه ده  کنایه نین  جامعه ده اولماسی ، لازیم گورسنمه سی – نجه بو حس اوندا  یارانماسی، مختصر شرح وئریر .سونرا  کنایه دن ایستفاده ائتمه سینه، دلیللر گتیریر. کنایه نین مرتبه لرین – تئز ،بواخت دوشونمه سی –کنایه دن ایستفاده ائده نده بعضی ایشله ری رعایت ائتمه سی –کنایه لری  دسته بندی سین گوزلجه بیان ائدیر .آخیردا  او شخص لر کی بونو بو ایشده  کومک لیق ائدیبلر ، هامیسیندان  اوزه لیکله اوز عائله سیندن تشکور ایله یبلر . کیتاب ایکی قیسمت دن تشکیل تاپیر 1-نجی  فرهنگ تطبیقی کنایات( ترکی – فارسی)

نمونه لر

آجی دیشینه سالماق (لاتین الیفباسیندا یازیلماسی )=بیرینین حاققین یئمک ،بئلی یارالئق  ائله مک /بالا کشیدن ،هپولی کردن

اتک آلتدان وئرمک(..............................)=بیر شئیی گیزلینجه وئرمک /زیر میزی دادن

باسدی گئچدی (..............................)=زوربازورلوق ،قانون سوزلوق /شهر هرت

تندیردن نئجه چئخماق (................................... )=بیرینین سیناقدان نئجه چئخماسی ،بیر زادین بللی اولماماقی /چه چیز از تنور بیرون آمدن ،چه چیز از آب درآمدن

………………………..

………………………..

………………………..

2اینجی  قیسمت فرهنگ تطبیقی کنایات (فارسی – ترکی )

نمونه لر

آب که از سر گذشت چه یک وجب چه صد وجب /سو کی باشدان آشدی یا بیر قارینج یا مین قارینج /(............................... )ایسلاموشون یاغیشدان نه باکی (.......................)...........

از چاه درامدن به چاه افتادن /یاغیشدان قوتاریب دامجئیا دوشمک(.................................)

باد توی دماغ افتادن /قولتوق یئللنمک(.................................. )

..................................

..................................

...................................

من یاخیندان  بو گوزل یازیچیله  تانیشام  بونو آرخا یین اولاق کی  حتمی گله جکده  بو کیتاب  تئزلیکله اوز قودرتیله  بیزیم کیتابخانالاریمیزین  گوزل بزه یی اولاجاق بو یولدا آمیر حوسین دلدار بنابا  جان سالیقی  - اوزون عومور دیله یرم .

+ نوشته شده در  سه شنبه پانزدهم مهر 1393ساعت 10:9  توسط محمد علی برزگر(گرگرلی آراز)  |  6 نظر


جیلیز پیی شورباسی نقدر سو ایچیردر

 

 

جیلیز پیی شورباسی نقدر سو ایچیردر

 

حبیب اللاه یله ابولفضل ین او ایل برک بوستانلاری، توتموشدو. بیر خاور   ماشینیله بویوک تیغ قوهون، مرکزه آپاردیلار . گوزل  ساتیشدان سونرا ابولفضل  حبیب اللاها، دئدی : بتر آجمیشیق، اوسفر  مورتوضیله  گلنده ، گوزل  بیر ناهار یئدیک ، گل گئدک  بازارین قیراغیندا سنیله ده، اوندان ییه ک. ایکی سی  داشقا اوستونده جیز–بیز(جیز-ؤیز) ساتان فرمان عمی نین یانینا ،یولا دوشدولر. دوزگونلو یئیه ندن سونرا ، اوز کندیمیزین  یاتاق خاناسینا ، گئتدیلر. اورا یئتیشنده  حسن عمیله ال وئریب گوروشنده ،ابولفضل  اوز توتدو حسن عمی یه، دئدی: حسن آغا  بیز بویون ناهاریمیز برک  آخیر – یاغلی اولوب ! برک ها ! بیزیم اوتاقیمیزا ایکی پارچ سو قویارسان !!

بو زمانه ده  جیز –بیز ییه ن حبیب اللاهیله – ابولفضل ایکی پارچ سو ایچیر!  گوره سن  بیزیم  بو شهریمیزین گوزل شوراسی  هر گون قوناقلیقلاردا ، ناهاردا – شامدا  جیلیز پیی شورباسی یئییر،  او نئچه پارچ سو ایچیر ؟!!

 

گرگرلی آراز

+ نوشته شده در  چهارشنبه نهم مهر 1393ساعت 16:31  توسط محمد علی برزگر(گرگرلی آراز)  |  19 نظر


آللاه سنین کؤمه یین اولسون!

 

 

تقدیم اولونور  تزه عرصییه گلن  شاعرلر ه کی  هر نه یازماقی   شعیر حئساب ائدیللر

آللاه سنین کؤمه یین اولسون!

 

 

بعضی آنلار من اؤزوم بو آنا دیلینده بعضی جومله لره حال، حیران قالمیشام . بیر میثاللا بونو ایستیرم بیان ائدم .   آللاه سنین کؤمه یین اولسون! آللاه سنین کؤمه یین اولسون! من اؤزوم بیر چؤره کچی یم. اورادا ، اوندان هم گؤزل همده اوجوز چؤره یی یاپیب خالقین الینه وئریرم. بیردن گؤردون بیر قوجا  توکذ ننه ، یا بیر آیری  یئره گئتمه ین ، قونشو اسمر خالا گلیب چؤرک آلاندا، یادا بیردن گؤردون زینت خانباجی نی نوبه سیز  یولا سالاندا ، چوره یی آپارا - آپارا دوداق آلتی دئییر:ایسکندر ، آللاه سنین کؤمه یین اولسون ! آللاه سنین کؤمه یین اولسون!ایندی بو طرفینه باخ؛ سانکی رشیدین ، ایرضانین نوبه سی اولاندادا چوره یین وئرمه یه سن! یادا سعیدین چؤره یین قاش -  قاباغینان وئریب، اونو یولا سالاسان؛یادا اوسته لیک آخیردا بیری ایله، حتتا حسینقلوایله ساواشیب جاوادینان قارقا بوغوشدوروب، قاب -  باجانی توکاندا بیر بیرینه ووراسان. او آدام چوره یی گؤتوروب گئدنده دئییر: ایسکندر، آللاه سنین کؤمه یین اولسون! آللاه سنین کؤمه یین اولسون! بو دورومدا  یورغون - آرغین توز-توفانلی  قاپینی باغلاییب ائوه گئدنده ، ایسته ییرسن بیر جومله  آغزیندان قوپسون کی من چؤرکچی خانانی قورتاریب  گلمیشم؛ سیز هله یورقان - دوشه یی یغیشدیریب یئرینه قویمامیسیز، ائوده کی منه  تس – تس گؤزآلتی  باخیب دئییر :  ایسکندر ،آللاه  سنین کؤمه یین اولسون !آللاه  سنین کؤمه یین اولسون ! چوخ یئرلرده بو جومله نی منه ساری ایشله دیرلر؛ بعضی واختلار ، معناسین بیله - بیله، بعضی زامانلار معناسین بیلمه یه - بیلمه یه بو جومله نی  منیم قارشیما آتیرلار .آما بو جومله نی بیر یئرده آیری جوره ایشله دیب منه چوخلو احتیرام قاییل اولورلار، او زامان کی بو  جومله نی اؤزونه ساری گؤتورور. اودا او زاماندی کی رشیده تیلفون ائیله ییب، اؤز شعیرلریمدن بیرین اوخویورام، رشید یاواشجاسینا  یانیندا اوتوران دوستو چنگی معللیمه دئییر:  زنگ  ووران ایسکندردی  ایسته ییر اؤز شعیرلریندن بیرین اوخوسون . آللاه بیزیم کؤمه ییمیز اولسون! آللاه بیریم کؤمه ییمیز اولسون!!

 

گرگرلی آراز

+ نوشته شده در  شنبه پنجم مهر 1393ساعت 9:19  توسط محمد علی برزگر(گرگرلی آراز)  |  14 نظر


……………….

……………….

 

چوخ حایف اولدو، احمدیله - سکینه بوشانیب، آیریلدیلار.  حتتا اؤزلری ده سونرالاردا پئشمان اولموشدولار. اما نیله مک اولار؟  ایشیدی، اونلارین باشینا گلمیشدی. اما اوغلانین آناسی اختر خالا ،بئکار اوتورمامیشدی. هی جان آتیردی ، اوغلونو ائولندیرسین . اما داها احمد ائولنمکین آلتینا گلمیردی .خیلاصه اختر خالا بیر قونشودان  خانیم گوتوروب،  دووا نویس مشهدی صمدین  یانینا،  گئتدی. تاکی  گورک کیتاب نه دئیر!

او گون مشهدی صمدین    یانیندایدیلار. دووا نویس مشهدی صمد بیر یاریم ساعات اولاردی، کیتابدان باش قوزامامیشدی. اختر خالا  برک  ترله میشدی.  داها دؤزومو یوخودو هردن چادیرا اوجلریله، اؤزونه  یلپیک ووروردو، هردن ده ائله اونیله ،  آننینین ترین سیلیب ، مونتظیر باخیردی. دووانویس مشهدی صمد  بارماقیله کیتابی ورقلایب، دئدی:  خانیم او ائوده بیر قووه لر وار کی منی قویموللار،  اوردان بیر سوزلری سیزه دییه م !ایلک گئدین اونو تاپین  اما بیر شئی ایله مه ین ها ، اونلاری گؤتوروب  منه گتیرین !

ائله ائوه یئتیشن دیقه ، ائوین آختارماقی باشلاندی. بیر – ایکی دووا حیط  دیواریندان  بیرده  اوچ یومورتا ، دورابا یئریندن، تاپدیلار. بیر بویوک آغلاشما دوشدو. برک – برک یامان- یاؤوز - لعنت له مه لر، اولوندو. صاباحی  یئنه دووا نویسین  یانیندایدیلار. مشهدی صمد  دانیشیب دییه ن مبلغی آلاندان سونرا احمده  بیر گوزل  دووا یازیلدی . چوخ ریضایت له اختر خالا  اوردان دوروب ائوله رینه گلدی.

 او گون آخشامی  بیزه زنگ وورولدو، اختر خالایدی ، ایسته یردی احمدی گوتوروم  قبیرستانا آپاریم، اوردا اونو اوچ دفعه دولاندیریم.  دووا نویس مشهدی صمد دییه ن سوزلری  اوردا  یئر به یئر  یئرینه گتیریم .

ائله بیر زامانا  قرار قویدوق کی بیر آدام گورمه سین. قبیرستاندا اوچ دفعه  احمدی دولاندیردیم، دئدیقی  سوزلری تیکرار ایله دیم. احمد ده منیله برابر تیکرار ایله دی سونرا آخیر دفعه دولاندیرماقدا ، قاپینین یانیندا احمدین الین بوشلایب،  جیبیمدن پیچاقی آچیب  تییه سی طرفدن، یئره ووردوم، دئدیم:  سنی نجه  من آچدیم ، او باغلانمیش پیچاق، سنده آچیل. خیلاصه سوزلری یئر به یئر  یئرینه گتیریب، ائوه قایددیق.

 بیر هفته دن سونرا احمدین باختی آچیلدی ، اؤزو دئدی:  تئز اولون منی ائولندیرین! کاش بختی احمدین آچیلمییایدی بو ییرمی ایلده  ایندییه جان بختور،  دوردون آلیب ! هله او هفته  بیر عائله کندیمیزه گلمیشدی  دئیردی: من احمدین اوشاقلاریرام! 

آغزیما توپراق او   مشهدی صمدین  ایشینه  سوز یوخ، اما بونا  مات قالمیشام، اختر خالا گیلده دورابالارینین یئرینده او اوچ یومورتا نه قایرمیش ؟!!

 

گرگرلی آراز

+ نوشته شده در  یکشنبه سی ام شهریور 1393ساعت 15:10  توسط محمد علی برزگر(گرگرلی آراز)  |  13 نظر


آدامین اؤز باشینا گلینمه سه، قورخوسون بیلمز

آدامین اؤز باشینا گلینمه سه، قورخوسون  بیلمز

 

 

حسن بدل بیر گون بیر مجلیسده ، اؤز خاطیره له ریندن بیرین  بئله دئیردی :گون اوگوندو من عمی نین (بیر سوروجو لقبیدی ) ماشینیندا،  شاگیرد عنوانیندا ایشله یرم. بیر  ماشینین یورغونلوغو، بیرده محلله توکانیندا یاری گئجه یه جان،  اؤز تای – توشلاریملا  انگه – انگه وئرمه کیم ، بیرده  جوانلیق ، ال – اله وئریب، سحر  ایشیمه گئج گلیرم.  عمی بیر گون  آخیر حججت ین تمام ایله دی، دئدی:  حسن  بیرده بئله گلسن ، داها ائشیکه  اوتورجه یم. بو سوزدن قورخاراق ،اؤزومه سوز وئردیم:  داها او گوندن ، گئجه نی، ماشیندا یاتیم .ایلک گونو دئمه لی عمی گلیر ماشینی ایشله دیر، مئیدانا گتیرسین ، یولدا من آییلدیم. او آندا کی  کؤینکیم ائشیکه چیخیب ، شالواریم آز قالیر دوشسون ، باشیم بیر – بیرینه  دولاشیب ، دالیدان  یاواش – یاواش قاباغا ، عمی نین یانینا گلیرم. بیردن قاباقدا پیدا اولاندا ، عمی منی او حالدا گوروب ، بیر هارای چکدی. ماشینی ساخلایب، یئندی  قورخودان  بیر بویوک مسافه  قاشدی. من او زامان تعجب لندیم، قورخو یعنی نه مه نه؟!

 بوندان چوخ زامان اوستوندن گئچیب گئتدی . اؤزوم ماشین آلیب  اوستونده ایشله یردیم بیر گون ماشینی مرکزده باخدیراجاقیدیم، اوشاق ال چکمه دی کی منی ده آپار.  قبول ایله مدیم. ماشینیله  گئدیردیم ، کندیمیزین چیخان  یئرده - تونئلده  او قارانلیقدا، بیردن  ماشینین ایچه ری سیندن بیر اوجادان  سس گلدی : پارت! پارت !! بابا منده گلمیشم! دئمه لی اوشاغیمدی ، ایچه ریده گیزله نیب. خیلاصه اوندا بولدوم کی قورخو نه یه دییه للر !!

 

گرگرلی آراز

+ نوشته شده در  پنجشنبه بیست و هفتم شهریور 1393ساعت 17:47  توسط محمد علی برزگر(گرگرلی آراز)  |  11 نظر


 

آفتاب آذربایجان  نشرییه سینین گوزل  ایشچیلرینه – تقدیم اولونور

 

آتام گئچن رژیمده (شاه دوورونده )بیر مددت کاندیشن  شرکتینده، حسابدارعنوانی داشییردی.اللی اوچده بو شیرکت شیراز شهرینده چوخلو ایشچی لرله–آتامیله برابر سعدی  خسته خاناسین، یِِیرتیق – یاماق ایشله رین، آپاریردی.  بونودا دئمه لییه م: کاندیشن شیرکتی  تام  ایشله ینلری ،چکمیش سییاسی دوستاقلاردان  جومله شیردی. آتام او   یای یدا منی اؤزیله اورا آپارمیشدی .

بیر گون  زند کوچه سینده  ،آتامیله  گزیردیک ، بیر نفر  شگیل چی  توکاندان  چیخیب ، آتامین  قاباغین  کسدی  .اوز شیرین  دیلیله  طلب ایله دی : سیزین  گوزل دوروشوز -سیماز وار . سیزدن بیر – ایکی عکس  سالام . بیر آزین  سیزه تقدیم  ائدیم ، ایه ر ایجازه وئرسه نیز  بیر – ایکی سینده  مغازانین  قاباقیندا  گؤسترمک اوچون  سرگییه   قویام . آتام ایمتیناع ایله دی  اما  او شخص او قدر  دیلین  ایشه سالدی ، آتام راضی قالیب، ایچه رییه گئچدی.اوردا   چوخلو آتامدان عکسیلر سالدی. آخیردا  آتام اونا دئدی : سیز ائله مندن  بونلارین پولون آلین، توکانیزین  قاباغینا وورمایین .او گولوب بیر سوز دئمه دی .

اوستوندن  بیر هفته گئچمه میشدی ،سیفاریش گوندردی، گلیب عکس لریزی آپارا بیلرسیز.  گئدیب  گوردوق ، دوغوردان  ایشی چوخ گوزلیمیش. بیر بوللوجا بیزه  عکس وئردی ، سونرا بیزی ایچه ریده  بویوک تابلونون یانینا  هیدایت ایله دی. آتام اوردا  چوخ گوزل دوشموشدو! ائله بیزیم یانیمیزدا شکیلی  گوتوروب  ،ویترینه قویدو. قاپیدان  ائشیکده ائله او آن، آداملار  یغیشیب ، هیکلین  گوزللییی اونلاری تاماشایا دایاندیریردی .خیلاصه  بو ایشدن بیر اون گون گئچمیشدی  من هردن  گئدیب ، او مغازییا باخیب کئف ایله یردیم. ائله هردنده  آتامیله اوردان  گئچنده، اورا باخیب  آتامین اوزونه باخاندا ، گوروردوم اودا یئره باخیب ،گولومسوله نیردی .

بیر گون  آخشام اؤستؤ ، اوردان گئچنده، گوردوم ، شکیل  اوردا یوخدو. دئمه لی آتام مندن قاباق گورموشدو  گئچیب ایچه ری ، دئدی  :من آخه به شما گفتم عکسو به ویترین  نگذارید!شکیل چی  یئریندن  سیچره نیب ، بیردن اوجا سسله دئدی: آقا بفرمایید!بفرمایید من شما را نمی شناسم!

دئمه لی آتام  بیر سییاسی  آدام اولماقدا بیزدن سونرا بو عککاسی گلیب  توتوب آپاریبلارکی  گره ک دییه سن :  بو شخصی هاردان تانیریرسان؟ بیرآزدان سونرا  گوروللر  بدبخت  هئچ بیر علاقه سی آتامیله اولا بیلمه ز  اونو  بیر آز  دویمکدن سونرا  شکیلی اوردان گوتورمک تاعاههدیله بوراخیللار !

بونو ایسته یرم، دییه م : آفتاب آذربایجان  نشرییه سی  مندن بیر حکایه (نجف عمی نین  گوللو تومانی) آددا  بیر  یازی  چاپ ایله دی.  بیزده بونو چوخ سئوینجیله هر مجلیسده  هر ییغینجاقلاردا اونا – بونا  گورسه دیب، پوز وئریردیک ! اوزیده هله دئیردیک : آردی وار ! سونرالار  چوخ یازیلار  چاپ اولوناجاق ! اما  بیلنمه دیم  گوره سن نییه  داها چاپ اولونمادی ؟!!

 

گرگری آراز

+ نوشته شده در  سه شنبه بیست و پنجم شهریور 1393ساعت 12:22  توسط محمد علی برزگر(گرگرلی آراز)  |  13 نظر


 

.........................

........................

خورشید خالا ، تزه جوغاز قونشو  کنده ، گلین گئتمیشدی. ائله داستانی  تعریف ایله ین گونو خاطیرلایاق!   خورشید خانیم، ارینه ، خرمنه ، چای – چورک آپاریرمیش.  خورشید خانیمی  او هی نیده ، یونگول  ائشیگه گئتمک، یاخالیر. اریندن ایجازه آلاندان سونرا  خیرمانین  دالی طرفینه گئچیر،  اؤزؤن راحاتلاسین. دئمه لی او یئرده اوتورور ، اوردا  ائششک آری لارین یوواسیدی. یووانی خورشید خانیم ، سویونان دولدوران آن ، ائششک آریلاری ائشیکه   چیخیر. بیری خورشید خانیمین ، یاپ او حسساس یئریندن، آشاغیدان  دالیریر.خیلاصه  بیر آزدان سونرا  خورشید خانیمین حالی یامان پیس اولور.  گرگینلیی او یئره چاتیر ،  او سانجان یئردن  تا بوغازیناجان  شیشیب یئلله نیر. بو یئلله نمه نین داواسیدا ، آرپا سامانینین توستوسودو. تز  کؤوشندن بیر- ایکی نفر   قوزانیر ، کندین  باشیندان،  علی حوسینین قاپیسین دویوللر. علی حوسین قاپییا گلندن سونرا  ماجرانی آچیب دئیللر :خورشید خانیمین  او  یاپ حسساس یئریندن  ائششک آریسی سانجیب . ایه ر آرپا خیرمانین دویموسن ؟ بیر آز وئر  آپاریب یاندیراق، بلکه توستوسو، خورشید خانیمین   دردین، سوندوردو.اما  بو سوزو کی خورشید خانیمی ائششک آری سی او حسساس یئریندن سانجیب بیر نفره دئمییه سن ها عایبدی!! علی حوسین عمی  دئیر: واللاه  من هله خیرمانی دویمه میشم،  گئچین  قونشوم  قدرته، بلکه او دویوب . بیرده نیگران قالماین  بیر نفره دئمه رم !بئله لیکله  کندین بو باشیندان علی حوسین عمی دن توتوب، نوبتیله  کندین آشاغی  باشیندان قاپی – قاپی  محبوب عمی یه تک ، گئدیب آرپا سامانی آلماغا  خورشید خانیمین ائششک آریسی  او حسساس یئریندن دالاماسین ، تعریف له یللر. اما  هئچ کس  هله او زاماناجان آرپا خیرمانین  دویمه میشدی ، گتیریب  اونو یاندیریب  توستوسون  وئرسینلر، بلکه خورشید خانیمین دردی آزالیب،  سونسون. اما هامییا  بیلدیریللر کی   خورشید خانیم کنده گلمه میش ائششک آری سی  او حسساس یئریندن ، سانجیب!!

ایندی  بوراسینا دونک  سیزی بیر حسساس یئریزدن  بیری دالادی اوندا سیز  بونون یئلین یاتیتماقا  حرصیزا توستو وئریب  آزاتماقا، نه یاندیریب   توستوسون  وئره جکسینیز؟!!تزه آرپا سامانی تاپیلیر !!

 

گرگرلی آراز

+ نوشته شده در  پنجشنبه بیستم شهریور 1393ساعت 10:35  توسط محمد علی برزگر(گرگرلی آراز)  |  12 نظر


نیر شهرینده ،یورد نشرییه سینین امکداشلارینا  - تورک صحیفه سینین  مسئولو، روزبه صمدی( نیر اوغلو) جنابلارینا، تقدیم اولونور.

 

 

گول نیسه خالا، داها قوجالمیشدی . زورلا او کوچه نی دونوب،اؤزون  مشهدی  صمدین توکانینا ، سالدی. اوردا اونیله ،کیف – احوال ایله یندن سونرا آشدی دردین، دووا نویس  مشهدی صمده، دئدی :آی مشهدی صمد ، من داها  نئهره چالاندا ،  نئهره نین یاغی ، نم- نییه اوزه  چیخمیر . اونا سن اللاه بیر دووا  یاز،  بلکه  بو یاغلار،اوزه گلدی. مشهدی.صمد بیر  گول نیسه نین اوزونه باخیب ، دایاندی.  تز گول نیسه خالا ایشی آنلادی چادیرانین اوجوندن ، دوینچه نی آچیب،  پولو میزین اوستونه قویدو. مشهدی صمد  بیر کیتابی آچیب  بیر آزدان سونرا ، قلمداننان قلمی،  بیر تیکه کاغاذین اوستونده، یازماغا باشلادی.  آخیردادا گوزلجه اوز  طریقله رینه تای ،دووانی  بوکوب گول نیسه خالایا  وئردی. ائله او گوندن  مشهدی صمد، یازدیقی دووانی، گول نیسه خالا،  نئهره نین یانینا ، باغلامیشدی. بیر ایکی گوندن سونرا  گول نیسه خالانین، راهنمایی اوخویان قیز نوه سی  اونلاردا قوناقیدی.  بیردن گوزو او دووایا ساتاشاندا ،  آچیب اونو  اوخودو. اوندا گول نیسه خالا  ایچه ری ائوده ، ناهار قویوردو، نوه سی  اوجادان اوخویاندا ائله  گول نیسه خالادا اشیدیردی.  اما بیلمیردی کی او دووا کاغاذین اوخویور.  نوه بئله اوخویوردو:گول نیسه خالا – دابانین باس چاتداقا – گوج وئر  نئهره چالماقا !!بیردن گول نیسه خالا ایچه ری ائودن  گلیب، دئدی : بالا نه اوخویورسان؟  نوه سی دئدی: بو کاغاذی اوخویورام . گول نیسه خالا گوردو، دووادی . الینده مالاغان  بیر فیکره گئتدی،  اوز- اوزونه دئدی:  ایه ر من دابانیمی  باسسایدیم اورا ، مشهدی صمد؟ سندن نییه دووا آلیردیم؟ هان !!

 

گرگرلی آراز

+ نوشته شده در  جمعه چهاردهم شهریور 1393ساعت 10:20  توسط محمد علی برزگر(گرگرلی آراز)  |  14 نظر

............................

............................

بیزیم اوزوم  باغی او ایل کیللرده   ،چوخ گوزل  گتیرمیشدی. وره زن سرمکدن  ، بازارا وئرمکدن ، میلاق  آسماقدان ،قاپی - قونشویا پایلاماقدان ، یاپ جانا  یئتیشدیریردی. خیلاصه ائله آللاه تعالا بیر طرفدن  توکوردو باشیمیزا  کی، گل گوره سن ! یغیشدیرماق اولموردو. گئجه لرین بیریسی  باغدا ، باغبانیله  اوتورموشدوم،  آی ایشیقیندا،  شام  یئییردیم. گوردوم بیر تولکو باغا گیردی . باغبان ایسته دی،  الین  درنه یه، آپارسین ، ایشاره یله  دوشوندوردوم کی  دینیب دانیشماسین. تولکو قارداش ائله بیل اوز باغیدی ،هاردا بیر گوزل  پئشته دن – قانادان  گوزل اوزوملر واریدی، ائله بیل اوز الیله  دوزموشدو، گئچیب میل ائدیردی. بیر آز  عسگریدن سونرا صاحابیدان ائله نوبتیله  هامیسیندان،  بیر داددی. نوبت  قیرمیزی گولابییا، بیرده یئتیم دویرانا ،یئتیشدی.بیلمه دیم هانسی سی  بونون قارنین خراب ایله دی،واقیلداماقا  باشلادی.  دال بادال  تکلیقدا هی واقیلدایردی.  اوردان گئچن  ایکی تولکو ،دیرماشیب دیوارا ، دیوارین او الیندن  تعججوبله  حالین سوروشدولار. باغدا اولان تولکو دئدی:  بیلمیرم اوزوملرین هانسی سی  قارنیمی قاریشدیریب بئله واقیلدایرام  . ائله او آندادا  واقیلدایردی!  آخیر واقیلداماقیندا  او ایکی تولکو بیر بیرینه باخیب  بیری باغداکی  تولکویه  دئدی:آی تولکو قارداش ؟باغداکی تولکو جاواب وئردی :بلی !ائشیکده کی تولکولرین بیری دئدی : زهرمار!! آز ییه ردین دا اوز دونده ریب  او بیرسی یولداشینا دئدی : قوی گل گئده ک ،ایندی بونون سسینه  بیزیده،  گلیب ،توتاللار  !!

 

گرگرلی آراز

+ نوشته شده در  یکشنبه نهم شهریور 1393ساعت 17:3  توسط محمد علی برزگر(گرگرلی آراز)  |  16 نظر


 

.................................

.................................

 

اللاه تعالا  همیشه گوزل اینسانلارا رحمت ایله سین . آللاه  اسد عمی یه ده رحمت ایله سین، بیزیم کندیمیزین  زحمتین چوخلو  بوینونا گوتورموشددو.

گون اوگون دو کی اسد عمی  بیر گوزل آگتوبوس، تهران خطدینه کندیمیزدن سالیب . گوزل سوروجو  بیر گوزل اونا  شاگیرد توتوب . غلام حوسین جان – دیلدن  آگتوبوسدا شاگیرد عنوانیندا ایشله یر.  قدیم زامانلاردان  بو سوروجولرین  اورتاسیندا تصددیق وئرمک ، بیر عادته دونوب. او زامان کی یولدا ، تولکو – یا ایت یاخوت دووشان  گوزه گورسندی ، بیر  تصددیق  عنوانیندا  پول  چیخارلار. خیلاصه  اسد عمی ده ائله غلام حوسینه تاپیشیرمیشدی ، بیر زامان بونلارا، یاس گلدین  بیر پولو چیخارسان.

ایندی هفته نین آخیری حئسابا   اوتوروبلار. غلام حوسین  دفتری بیر میقدار پولونان ، میزین اوستونه قویدو.  اما اسد عمی احساس ایله دی  پول  آز گورسه نیر ، غلام حوسینه اوز توتوب، دئدی : غلام حوسین؟ پول آز دئییل؟ بیر بئله بیزیم خرجیمیز  اولماز،  ماشین تزه ماشیندی. غلام حوسین بوینوندا  دسمالی اوینادا – اوینادا  دئدی:  واللاه نه خرج ایله دیقیمیزی ، اوردا یازمیشام. اسد عمی  دفتری  گوتوروب  باخدی گوردو  بیر اون صحیفه اولار  ائله یالنیز بو اوچ سوزو-کلمه نی یازیبلار .سگ  صد تومان!روباه پنجاه تومان!خرگوش  بیست و پنج تومان!!

خیبلاصه  ماشینین بودجه سی او هفته  یالنیز ائله  ایته  - تولکویه – بیرده دووشانا ،تصددیق چیخیلمیشدی !!

 

گرگرلی آراز

+ نوشته شده در  دوشنبه سوم شهریور 1393ساعت 19:52  توسط محمد علی برزگر(گرگرلی آراز)  |  16 نظر


.................................

 

.................................

 

او گون  شیخ زینالعابدینین ائوی،  یاپ انگینه جان  باسیلیقیدی. بوتون  باجیلاری – قارداشلاری بیرده  ائولادلاری– یاخین قوهوم –اقراباسی ،اوز عائله سیله،  اورادایدیلار.اونلار او گون  حاضیرلاشیردیلار،شیخ زینالعابدینین  سون بئشیک  قیزینین ائلچی سینه ، هن جوابی وئرسینلر. یوخاری باشدا اوتوران، شیخ زینالعابدین بیر – بیر قوناقلاری  گوزدن گئچیردنده، هردن اونلارا بیر گولومسوله نیردی، هردنده بیر  شئی لر تعاریف ائدیردی. قرارسیز منتظریدی ، قیزینین ائلچی لری  گلسین. اما هردن  کوره کنی  جبرائیلا گوزو ساتاشاندا، چوخ قاش – قاباقیله اونو قارشیلایردی. شیخ ناحارات چیلیقیندان اوزون  چونده ریب،  آیری طرفه باخیردی. اصلن  شیخ ین بو  کوره که نیندن ، زهله سی گئدیردی. خیلاصه  سوز – صوحبت  اوردا دایاندی کی اوغلان کیملردندی ؟ نجه دی؟ هاردا اولار ؟ هره اوز بولدوقونجا بیر سوزلری دئیردی .اطرافییانلار  هردنده  شیخین -آروادینین خوشونا گلن سوزلردن، قاتیب دانیشیردیلار. سوزلرین اورتاسیندا ، چؤمبه لن اوتوران  جبرائیل بیر آلما سورا – سورا  اوز توتوب  قایناتاسی شیخ زینالعابدینا دئدی :منیم آتام ،او چوخ گوزل – متین بیر اوغلاندی. اوجا بوی  - گوزل بیر ایشی، اخلاقیدا کی دئمه یین  عین ائله بیل منم!! بو سوزو دییه نده شیخ  یئریندن بیر سیچرندی، دئدی: نه؟ سنین تک؟  های هاوار!!  ائلچی لره دئیین گلمه سینلر ! ائلچی لر سنین تکین اولسالار من ایسته میرم! ایسته میرم !!

 

گرگرلی آراز

+ نوشته شده در  چهارشنبه بیست و نهم مرداد 1393ساعت 11:32  توسط محمد علی برزگر(گرگرلی آراز)  |  16 نظر


.............................

 

.............................

 

 

حاجی حسن اوغلو،علی عسگر دئیردی: بیر گون یاپ او جوانلیقیمین دوز  زامانی ، باغدان اشییه چیخمیشدیم، گلیردیم ، حاجی علی محمد اوغلو علی عسگری گوردوم . اونیله ائله  هم یاشدا  همده بدنده ، ترازی گلردیک . یاخینلاشاندا ، گوردوم، الینده  گوزل بیر ذوغال ال آغاجی وار. ایسته دیم اونا، اوز گوجومو بیلدیرم کی  من سندن گوجلویم، دئدیم: علی عسگر ایکی میزده  ایاق اوسته دوروب، بیرین سن بیرینده من ،بو ذوغالیله نوبتیله کوره ییمیزه  اندیره جه یک .گورک کیم گوجلو – قووتلی دی. او قبول ایله دی ذوغالی  یئره آتدی ، کوینه یین چیخاردیب بیر فیگور توتوب، منه اوجا سسله دئدی: وور گلسین! من یئردن ذوغالی گوتوردوم ، ایکی الیمده بیر اویان – بویان ایله یندن سونرا سرراست بیر آخیر آغاج، کوره ینین اورتاسینا یئندیردیم. ووران آن، گوزلریمی یومموشدوم، آچاندا گوردوم هئچ حاجی علی محمد اوغلو ، یئریندن اندیش ایله مه یب. بیر بوینون گویه قوزایب چی ینلرین   یالاندان ساغ – سولا آتیب، توتدو،  گوله – گوله ذوغالی الیمدن آلیب،  دئدی: حاجی حسن اوغلو  حاضیرلاش کی  گلیرم! من بیر اؤزونه باخدیم  گوردوم  دیشلرین  قیزاردیب، گؤزلریله، کوره یمده ، او ووران یئری سامانلایب آختاریر.  بیر الیله کوره یمه ووروب،  دئدی: بئله دورسان  گوزلدی ! من بیر علی عسگرین اوزونه باخدیم، سونرا دئدیم: علی عسگر ؟کوره یمه باخا – باخا، دئدی:  نه دیر؟  دئدیم:  علی عسگر،  من پوخ یئمیشم !داها علی عسگر  سوسلاشدی، آغاجی  یئره آتیب ، سونرا دئدی:  دووا ایله کی پوخ یئدین، یوخسام  کوره ین ایکی پارچا اولاجاقیدی!  بیر بویوک خطا باشیمدان سوووب گئتدی. او زاماندان  سوزلریمه دانیشاندان قاباق، بیر فیکیر وئره رم .بو ایش حاجی علی محمد اوغلو علی عسگرینن دانیشاندا ، ایکی قات گورسه نر !!

 

گرگرلی آراز

+ نوشته شده در  شنبه بیست و پنجم مرداد 1393ساعت 11:46  توسط محمد علی برزگر(گرگرلی آراز)  |  16 نظر


.............................

.............................

 قدیم زاماندان دییرلر: ائودن بیر نفر بؤیوک اؤلنده ، او ائوده بیر دییشیک لیک اولار. بعضی شئی لر آرادان گئدر، بعضی شئی لر وجوده گلر. میثال اوچون بیری اؤلنده، اونون حتمی باغ – باغاتی ، توکان – موکانی ، ائو – ائشیی بؤلونوب داغیلار. آیری شکیلده ته زه دن تیکیلر. بو سؤز آتاسی اؤلموش یئتیم قنبردن ده آیری دوشمور. خیلاصه آتانین اؤلوموندن بیر – ایکی آی سونرا باغین سویونون ویجه سی قاتیشدی ، توکان باغلاندی. ایش ساتمالیلارا یئتیشدی . او گون یئتیم قنبر آتاسینین آغ ائششه یین ساتمیشدی . ائوده شامدان قاباق دئییشمه باشلانمیشدی. من اوزامان یئتیشدیم کی قنبرین آناسی اللریله دؤشلرینه دؤیه – دؤیه دئییردی: قنبر – قنبر سنی گؤروم! آناوین سن آددا اوغلو اؤلسون ! او آغ ائششه یی نییه ساتدین؟ او کی آتاوین یادیگاریردی هر ائوه کی اونلاردان بیری لازیمدی. آغلایا آغلایا دئیردی: ایندی هر ائوه بو ائششکلردن بیری لازیمدی! دور گئت هئچ اولماسا اونو قایتار. بیزیم ائو ایندییه جان ائششک سیز اولماییب بالا !! دور تئز اول !!

 

گرگرلی آراز

+ نوشته شده در  سه شنبه بیست و یکم مرداد 1393ساعت 11:6  توسط محمد علی برزگر(گرگرلی آراز)  |  21 نظر


 

............................

............................

 

یاریم ساعات اولاردی ایوب عمی  حیات لاریندا  ورگل له ییردی،  هیسلی  قدم ووروردو خیلاصه هم اؤزونون همده دؤربر اوتورانلارین  باشلارین  گیجت میشدی او هئینیده بؤیوک اوغلو  تیمور وارید اولدو  آناسی  ایشاره ایله  دوشوندوردو کی  بیر یاریم ساعات اولار آتان  حیاتدا  قدمله ییر تیمور یاخینلاشیب  دئدی: آتا  گئچ بیر ایله ش اؤزونوده – اطرافلارینیدا  ناراحات ائله ییرسن چوخ ناراحات حالتده ایوب عمی دیله گلدی تیمور هاردا اوتوروم  یئر وار؟ تیمور او آندا  بیر اتاغین ایچه ریسینه باخدی، گؤردو قارداشلارینین بیری آتاسینین یئرینده اوتوروب اوندا بیلدی کی نییه آتاسی ناراحات حالتده یاریم ساعاتدان چوخ  حیاتدا  قدم وورورموش!! سیزه ده  تاپیشیریرام هر یئرده اؤزگه آدامین یئرینده اوتورمایین گلیب او یئر صاحابی  گؤرنده کی  میثال اوچون سیز  چایخانادا – مجلیسده – مچیدده – سایر یئرلرده  اونون یئرینده اوتورموسوز  یا کوسوب گئده جک  یادا  بیر تس – تس باخیب  میل سیز  گئدیب آیری یئرده اوتوراجک اودا هئچ  نه اونا نه ده سیزه  او  مجلیس یاپیشمایاجاق.

 

گرگرلی آراز

+ نوشته شده در  چهارشنبه پانزدهم مرداد 1393ساعت 11:1  توسط محمد علی برزگر(گرگرلی آراز)  |  17 نظر


 

....................................

....................................

 

محلله میزده  قونشوموز  توکذبان خالا گیلده ،علی عمی-  عیسی یله، بیر سو قویوسو  ووروردو.  بئش – آلتی مئتیرده  بیر بویوک  قایا- داشا راس گلیر.  نه علاج ائله ییر،  باش توتماییر، اونو سیندیریب،  ائشیکه گتیرنمه یللر. خیلاصه ایندی کی تک  وسایل قاباقجیل  - بول دئیلدیرکی  بیر دیژبور وورماق ایله ، داشی  تیکه لییه بیلسینلر. اودورکی  علی عمی توکذبان خالایا  دئیر:  یا بو قویودان ال چک، اوتور گئدسین آیری جا یئرده بیرین باشلایاق، یادا  بیر – ایکی گون ال ساخلایاق، قونشو کندیده، جعفری گتیر، بلکه باخیب داشی پارتدادا بیلدی. توکذبان خالا  ائشیتمیشدی جعفرین یامان  بد نظر گوزلری وار. قبول ایله دی کی گلسین بیر  قویا باخسین .صاباح آخشام اوستو، چوخ آدام واریدی . اونلارین اورتاسیندان ، جعفر عمی بیر بویلانیب  قویا باخدی. بیردن آغزیندان  چیخدی کی ای وای گؤر نه  یئکه داشدی ! او یئکه لیقدا داش اولار ! او دیقه  داش  پارچالانیب  مین تیکه اولدو! هامی شاد اولوب  توکذبان خالایا  خبر وئریلدی کی  چای – شیرنینی یوللا گلسین داش پارتلادی! چای – شیرنی نی  ایچه – ایچه  جعفرین یانیندا اوغلو  علی اکبر، بیردن آتاسینین اوزونه باخیب دئدی:  وای آتونان  گوزه باخه ای ! او دیقه  جعفر عمی نین گوزلری  چیخیب، یئره  دوشدو. عیسی، علی عمی نین  شاگیردی  تئز منه باخیب، دئدی:  ایسکندر سن تئز بوردان چیخ گئت ، سن بیرده نه سن .علی اکبر سنه باخیب بیر شئی اولار. عیسی عمی یه گوله – گوله دئدیم : واللاه  نه توکذ بان خالا تکین قویوموزدا  داش وار  نه جعفر عمی تک گوزوموز ، منه نه اولاجاق !!

 

گرگرلی آراز

+ نوشته شده در  چهارشنبه هشتم مرداد 1393ساعت 11:30  توسط محمد علی برزگر(گرگرلی آراز)  |  16 نظر


یئددینجی  یازی

 

.....................................

 

نغی  موعللیم دئیردی: بیرگون دبیریستان دووره سینده، ایمتحان واخت لاری، ناظیمی  گودوردوک. اوچ نفریدیق . منیدیم ، داداشدی، بیرده محمدیدی.  او دیقه چاتدی کی   ناظیم، ایستن سئر ورقه سین ، گتیریب  قویا آتدی.  او قویوب گئدندن سونرا قویونون باشینا  گلیب، داداشی  ساللادیق  قویودان  اونو گوتوروب  داداش گیلین ائولرینده، قالاقلیقا آپاردیق. چوخ موصیبت یله سئوالاتی  آراشدیریب ، آیری بیر  وره قییه کوچورددوک. سئوالاتی بیر –بیر ازبرله یندن سونرا  قرار قویدوق  سئوالاتین هامیسین یازمایاق.  هره اوز توانینا گوره  یازسین. من دئدیم:  من اون آلتیلیق یازاجه یم. داداش دئدی : من اون ایکی لیق یازاجه یم. محمد دوستوموز  دئدی: یوخ  من ائله ییرمیلیق  یازاجه یم! بوجور بیر ایش اله دوشمز. چوخ یالوار – یاخار ایله دیق  کار وئرمه دی. کور – پشیمان ، نیگران سحری ایمتحانا یولا دوشدوق. ایمتحاندان بیر ایکی ساعات گئچمه میشدی ، ناظیم کیلاسا گلدی  بیزیم ردیفه بیر تس- تس باخدی!  سونرا اوجا سسله دئدی:  وئردیغیز ایمتحان  لغو اولوندو. گلن هفته  ایندی کی ساعاتدا  یئنه دن  ایمتحان وئره جک سینیز.   اوشاق لارین بیری خبر آلدی:  نییه آقا ناظیم؟  ناظیم گئده- گئده دیله گلدی : اونو  یولداشیز محمددن خبر آلین!هامی بولدو حتمی بوردا بیر ایش وار،  تقللوب اولوب ! ائله بیل  محمد فیزیکده  ییرمی آلمیشدی!   اودا محمد ؟ فیزیکده ؟!!اما ایسکندردن  هئچ  خبر آلماق اولار؟ ایسکندر ؟ سن دونه نه جان پامبیق زمیله رینده جانین  چیخیردی  ایندی  نییه البتده گومروکه گئدندن بری ،آز مدت زامانی  بیر میلیاردلیق ماشین سورورسن ؟ایمتحانین لغو ایله مک اولار ؟؟!!

 

گرگرلی آراز

+ نوشته شده در  چهارشنبه یکم مرداد 1393ساعت 12:13  توسط محمد علی برزگر(گرگرلی آراز)  |  24 نظر


آلتمیشلار ، یئتمیشلر...


بسم الله الرحمن الرحیم

گوزل کیتابلاری تانییاق

کیتابین آدی

آلتمیشلار ، یئتمیشلر...
60و70- نجی گونش ایللرینده سؤیله نیلن شعرلردن سئچیلمیش مجموعه
اوستاد غلامرضا مجدفر
نشره حاضیرلایان:دوکتور مرتضی مجدفر
علمی ناظیر :دوکتور حوسین محمدزاده صدیق
تایپ – کرافیک ایشلری :آرزو صفرخانلو
نشرین موشخصاتی:طهران – پیشگامان دانش – 1393-220 (ص)
ساتیشی :12000 تومن
کیتاب ایلک  مقدمه یئرینه  یورولماز شاعرعنوانلی بیر یازیلا دوکتور مرتضی مجدفرین قلم یله باشلانیر.  اوردا رحمتلی  اوستاد غلامرضا مجدفرین دوغومونا-حیاتینا-عسگرلیقینا- دوسلارینا – اولان انجمنلرده – عائله سی – سبک لرینه  اؤتری بیر باخیش گئدیر .
ایلک شعری( قوجامان شاعریمیز هشتاد یاشیندا) شعریله باشلانیر .گوزل – گوزل ،درین مضمونلو – یوخاری  معنالی  صورتده ایدامه تاپیر .....آخیردادا( سون شعرله) سونا یئتیر  --آذربایجانیمیزین فخری سایلان دوکتور مرتضی مجدفرین  اللری آغریماسین ، گوزل آتاسینا رحمت ایله سین . حتمی  هامیمیز  بو سوزه اینانیمیز وار کی  دوکتور مرتضی مجدفر  نه اینکی بو آتاسیدی یوخ  بوجور  فیکر صاحبی اولان اینسانلارین  همیشه فیکرینده  اوزه لیکله  آذربایجانیمیزین ادبییاتینا  گئجه– گوندوز زحمتی وار بوندان  بویانادا  اولاجاق.
بیر نمونه شعر بو کیتاببدان

حیات یولداشیما

غملی زندانیم

جهاندا هر کسه نین بیر شیئه  علاقه سی وار
منیم ده طره-ی مویینله بسته دیر جانیم
نه گلدی،قول-قانادین سیندی،شهپرین یولونوب
نییه اوچانمیسان ای پر شکسته طرلانیم
زمانه صیادی تئز اوخلادی ،نه گلدی سنه
سورودن آیری دوشوبسن ،گول اوزلو جئیرانیم
بو عهدوپیمانیمیز قبره دک گئده ر بیزیله
اینانمیشام بونا من ،یوزده یوز وار ایمانیم
خزان یئلی گوزه لیم  اسمه میش نه تئز سولدون
نه تئز گلیر باهاریم ،اوتمه میش زمستانیم
سوساندا سن گوروسن روحومون قوشو سوسالیر
حیاتدا دویورام ،ترسه ایشله ییر قانیم
بهشت و روضه-ی رضوانی،سن سیز ایسته مه رم
سنیله جیلوه له نیر ،گلشنیم،گلستانیم
اوتوز بئش ایل ده ،اوزون عومردور ،چوخ آزدا دئیل
هله یئنه تازادیر خلق ایچینده دستانیم
یوز ایللریله قالار دادلی دوزلو خاطیره لر
اینانما تئز چیخا یاددان سوزوم ،آدیم ،سانیم
طبیب لر چکه صف ،دردیمه علاج اولماز
خومار باخیشلی قاراگوزلرین دی درمانیم
بو ائویمین نورو سنده دیر،دو دولان
یاتاندا سن ،دا ائو اولمور بو توزلو سامانیم
اینان عزیز-ی دیلیم ،بیر گون اولماسان ائوده
بو مسکنیم ،اولاجاق ،دردلی –غملی زندانیم

+ نوشته شده در  سه شنبه بیست و چهارم تیر 1393ساعت 19:45  توسط محمد علی برزگر(گرگرلی آراز)  |  20 نظر


آلتینجی یازی

..................................


آشاغا مئیداندا خلیل عمی بیر گوزل چایخانا قویموشدو.او گون اوردا ، چوخلو آدام واریدی.  اما آغا بئی عمی گئجه دن، هامی نی قوماردا اوتموشدو. اوردا اوتورانلارادا ، مئیدان  وئرمکده ، اوجا سسله دئیردی :کیمین جراتی وار، اونا قنیمم،اورتایا چیخسین. خیلاصه بیر نفر اولمادی، آغا بئی عمی نین قاباغینا چیخسین.  بو هی نیده آغا بئی عمی نین اوغلو  چایخانایا  گلدی.  خلیل اونا گوز – قاشیله آندیردی کی آتان هامییا مئیدان وئریر.  آغا بئی عمی نین اوغلو  بیر گولدو، دئدی : خلیل پولو مندن، کئچ اوینا. خلیل بیر اوچ روبدا،  آغا بئی عمی نی  لوت ایله دی!ایندی ایش قورتولاندان سونرا ، تزه چای دمله نیب، هامی ساکیت، آغا بئی اوس ردیفده قاش – قاباقلی اوتوروب. بیردن آغا بئی عمی نین اوغلو  چیخدی، بوغدا خاراللارین  اوستونده کی چایخانانین آشاغا باشیندا ،بش –آلتی  چووال  بیر- بیرینین اوستونه  قالاغلانمیشدی،  اوتوردو،یوخاری باشا باخیب  بیر گولومسولندی. آغا بئی  اوغلویله - خلیلین پوسان اولماغین بولوردو. بیردن دیله گلدی . پول آدامی گؤر نه قودوردور! .... وئرن قوش تکین  بوغدالارین اوستونده اوتوتدورور  !!

گرگرلی آراز

+ نوشته شده در  پنجشنبه نوزدهم تیر 1393ساعت 18:33  توسط محمد علی برزگر(گرگرلی آراز)  |  12 نظر

 

بئشینجی یازی

 

...................................

 

آللاه تعالا رحمت ایله سین امیرین آتاسی، سحر تزدن ائششکلری  تؤولادان  چیخاردیب، دولو خورجونلاری آتیب، اونلاری ائششکلرین بئلینه برکیدندن سونرا، امیری چاغیردی، کی گئدسینلر زمیلرینده،بوستان اوچون، بیر – ایکی آرخ، چکسینلر.گون چیخا – چیخدا ،زمییه یئتیشمیشدیلر. ائششکلرین یوکلرین داشییاندان  سونرا ،اونلاری  کناردا باغلادیلار. شئی لری جابه جا یئرینه قویدولار.  هره اوز وسایلین گوتوروب، زمیده ، بوستان چکن  طرفه، یولا دوشدولر. امیرین آتاسی کردیواری باش طرفیندن، دسته سین امیره  وئردی ،توپراغی  بو باسسین، امیر چکسین. امیر بیر کردیوارا، بیرده آتاسینین اوزونه، باخدی. قاش – قاباغیله ایشله مه یه  باشلادی. اما امیر بیلیردی ، کردیوار ایشی ، زور ایشیدی.  یارییا یئتیشمیشدیلر،امیر  بیر آرخین باشینا، بیرده بوستان ایله ین یئرین دیبینه باخدی،  گوردو بابا ، چوخ قالیر. ائله ایلک آرخین یاری سیندا،  کردیوارین دسته سین یئره آتیب ، دابانا قؤووات قاشدی.  امیرین آتاسی دئدی: امیر؟ هارا بس ؟ آی جانیم بس هارا؟ امیر قاچا – قاچا دئدی : باش آرخی قوتارسان، دییه جکسن، کئچ او بیرسی، آتداکی آرخا، منیم ایشیم دئیل !!

 

گرگرلی آراز

+ نوشته شده در  جمعه سیزدهم تیر 1393ساعت 19:13  توسط محمد علی برزگر(گرگرلی آراز)  |  آرشیو نظرات


دوردونجو یازی

…………………..

کوچه ده اوشاقلاریله اویناییردیق . محلله نین باشیندان بیر – ایکی – اوچ خانیم پیدا اولدو. گلیب بیزیم یانیمیزدان گئچنده، گؤردوک، هاراساندیلار. بیرده کی دئیرلر :ای وای ائویمیز ییخیلدی او بیرسی دئییر: قاپیمیز باغلاندی. محمدین یانینا یئتیشنده بیری محمدی قوجاقلادی، اوجا سسله دئدی : آخی بو اوشاغا من نئجه دئییم: آتان اؤلدو! اوندا بیز بیلدیک کی محمدین آتاسی آللاه رحمتینه گئدیبدی. او گون ائله محمدین آتاسین توپراغا تاپیشیردیلار. اوچه می – هفته سی – قیرخی سوغوشدو، گئتدی. اوشاقلاریله اوینایردیق محمد دئدی: آنام دستانا پیشیریر، گلین گئدک اونلاردان یئیک. محمد گیلین تندیره سر ائولرینه وارید اولاندا، هله چؤرکدن خبر یوخودو. بیر آز اوتورمالی اولدوق. بیر محمدین آناسی دی بیرده منیم آنام بیرده اسمریله – توکذ خالایدی. هئچ کسدن سس – صدا یوخودو! بیردن توکذ خالا قایدیب محمدین آناسینا دئدی: قیزیب ائله مه میسن ؟محمدین آناسی ال ساخلادی تعجبله دئدی: نئجه کی توکذ ؟ توکذ گولمه دن دیله گلدی:هئچ ائله بئله سوروشدوم! آما منیم آنامیله – اسمر خیمیر – خیمیر گولومسه نیردیلر !بیرده محمدین آناسی عیللتین سوروشدو. توکذ دئدی :واللاه دئیرلر کیمین اری آللاه رحمتینه گئتسه دول اولسا، ایده لر گول آچاند ا او خانیم قیزار! بو سفر محمدین آناسی بیر سؤز دئمه دی بیر – ایکی سفر تندیره اییلیب – دوزه لندن سونرا، بیردن الین قوزادی گؤیه اورکدن دئدی :یا آللاه تعالا سنی آند – قسم ائله ییرم، من بو ایده لر گول آچاندا قیزماییم! بیر بویوک احسان سوفره سی آچاجاغام!!

 

گرگرلی آراز

+ نوشته شده در  سه شنبه سوم تیر 1393ساعت 18:21  توسط محمد علی برزگر(گرگرلی آراز)  |  آرشیو نظرات


اوچونجو یازی

...........................................

هردن بئکار اولاندا   شهریمیزده بیر چایخانایا گئده رم. او چایخانایا  گؤزل – مزه لی آداملار گلیر بیرده کی  چایخانا صاحیبی ائلدار اولماقدا، مشتری سی قات – قات چوخالماقدادی. هردن بیری سی  بیر یئکه یالان دئمک ایله اورتایا سؤز آتماق ایله  چایخانانین احوال – روحییه سین قیزیشدیریب، چایخانا هاواسین  ایسسی ساخلاللار. بو سفر آخشامی اوتورموشدوق، چایخاناچی (مهدی)  اؤزو بیر سؤز اورتایا آتدی. او دئدی : گئچن آخشام بیر قابلاما قوش اوزومو(بالاجا کول کی داغدا گؤوه رر میوه سیده گیله ناردان بیر آز  کیچیک اولار ) دولماسی ائوده پیشیرمیشدیلر ، گؤیلوزه دوشمه سین ،دویونجا  یئدیم. باش ردیفده رحمت لیک حمد الله عمی اوتورموشدو، کی اؤزو  چوخ یئکه  یالاناردان دانیشاردی،  بیردن یانیداکی نغی اوندان خبر آلدی:  آی حمد الله  عمی قوش اوزوموندن ده دولما اولار؟ او اؤزو نه یئکه لیکده دیر کی هله بیر دولماسیدا اولسون؟ حمد الله عمی بیر اویان – بویانا   بیر چپ-چپ چایخاناچینین اوزونه باخدی، سونرا نغی یه دوداق آلتی دئدی :بابا مهدی دیدا،  بیر پوخودو، یئدیدا !!

گرگرلی آراز

+ نوشته شده در  پنجشنبه بیست و دوم خرداد 1393ساعت 19:12  توسط محمد علی برزگر(گرگرلی آراز)  |  آرشیو نظرات


ایکینجی یازی

..............................................


کوچه میزده  علی نی گؤردوم . کئف – احوال ایله یئندن سونرا دئدی :منیله بیر  مدرسه یه گئدک موعللیملر قارداشیمدان گیلئیلی دیلر. بیر تهر اونو یویوب آپاراق. اون دیقه دن سونرا مدرسه ده دفترده اوتورموشدوق، علی نین قارداشینین موعللیمی بیرده ناظیم ایله – مدیر نوبت ایله دئییردیلر. خیلاصه  او یئره چاتدی کی  موعللیم دئدی:بو کی ایندی  دوردونجو کیلاسدا اَیله شیب، هئچ  الفبا حروفاتیندا باشارمیر! دوز یازانمیر اوردا  علی  بیر محترمانه اعتراض ائله یب، دئدی:  یوخ آقا موعللیم بو اولابیلمز، علی نین بو سؤزوندن بئش دیقه سونرا علی نین قارداشی دفترده بیزیم یانیمیزدا الینده دفتر – قلم اوتورموشدو. موعللیم دئدی: علی آغا سیزین اؤزونوزون کی دیپلوموز وار،  بویورون الیفبادان بیر – ایکی – اوچون دئیین بلکه من یالان دئییرم! علی آنلینین ترین سیله – سیله قارداشینا دئدی: یاز گؤروم الیف قارداشی یازدی؛ سونرا ب- ت – پ ییده  گوج – بیللاه ایله یازدی! ایش یئتیشدی دالا! دالی دئینده علی نین قارداشی میدادی دیشلرینین آراسیندا چئینه یه – چئینه یه دئدی:  قادا واللاه بو دالی  بیز بو دؤرد ایلده اوخومامیشیق! هئچ بیزیم کیتابدا  یوخدو! مدیر ایله ناظیم بیرده آغا موعللیم حاضیرلاشیردیلار کی  علی نی بیرده علی نین قارداشین دانلاسینلار، کی دیپلوم علی قادا دیله گلدی: آغا موعللیم! آغا مدیر!  اوشاق نئیله سین؟  بو دالی بو سهلیدی،  منده هئچ اوخومامیشام! بیزیم کیتابدادا یوخودو!! بو درسلری  چوخ چتینلتمیسیز! اوشاق نئیله سین؟!

گرگرلی آراز

+ نوشته شده در  چهارشنبه هفتم خرداد 1393ساعت 10:26  توسط محمد علی برزگر(گرگرلی آراز)  |  آرشیو نظرات


بیرینجی یازی

بیرینجی  یازی

..............................

 

بهروز تزه دیشلرین قویموشدو. ماحمود عمی نین توکانیندا اوتوروب، یولداشلارینا،نئجه دیشلرین قویولماسین ، تعریف ائدیردی.  خیلاصه اونون قیمتین ،نئچه گون چکمه سین، هانسی دوکتوردا دیشلریین  قویولماسین، دئییردی. هردنده بعضی  یئرینده،  دیشلرده چتینلیک چکمه سین، بارماقی ایله ، آغزیندا ، نیشان وئریردی. بو اونون ائله  دؤرد- بئش گون ایشی اولموشدو.  اؤز تانیشلارینا بیر –بیر دئییب،  دانیشیردی. بیر گون احمد ایله  اوتوروب،  آلت  دیشلریندن، سؤز آچمیشدی. اونو  احمده  بارماقلارایله  گؤرسه ده – گؤرسه ده، تعریفله ییردی. شمی  اونلارین یانیندا دایاندی. شمی یه بهروزون سؤزلری،  شیرین گلمیشدی . دایانیب ، اونون دانیشیغینا  قولاق آسیردی. بهروزون سؤزلری قورتولاندا، شمی  بیر پارا سؤزلر، خبر آلدی. هاردا ؟ نجه ؟ نئچه یه دیشلریوی ، قویموسان؟ چونکو اودا ایسته ییردی، دیشلرین چکدیریب ، یئنیدن قویدورسون. آخیردا بیر  عجیب ، سئوال وئردی. بهروزدان ایسته دی کی دیشلرین چیخارتسین،  او بیر آغزینا تاخسین . گؤرسه  سؤزلری دوزدو، بودا ائله  او دئین  دوکتورا ، گئتسین . بهروز اوزه قالدی. تزه دیشلرین چیخاردیب ، آرخالیغین اوجلاری ایله ، سویون آلیب ، شمی یه وئردی. شمی آلیب  بیر - بیر  دیشلری، آغزینا قویدو. شانسیدان چونکو شمی نین آغزیندا بیر دیش اولمادان، بو دیشلر  چوخ گؤزل آغزیندا  اوتوردو. بیر دیشلری آغزیندا، بیر – بیرینه  ووردو سونرا دئدی:  چوخ گؤزل! بونلار ائله  منیم آغزیما  تیکیلیب!  بونلار منیم!!  بو سؤزدن سونرا  بهروزون  رنگی آتدی . یالوار – یاخار ، کار وئرمه دی. بیر – ایکی دفعه،  شمی  الدن قورتولوب  قاچدی ، آما  آخیردا بهروز ،بیرده بهروزون  یولداشلاری،  شمی نی  یاخالاییب،  دیشلری  آغزیندان چیخارتدیلار. او زاماندان  اوچ – دؤرد ایل سوووشور  داها من گؤرمه میشم  بهروز  دیش صؤحبتی  بیر یئرده سالیب، دانیشسین .!!

گرگرلی آراز

+ نوشته شده در  چهارشنبه بیست و چهارم اردیبهشت 1393ساعت 10:27  توسط محمد علی برزگر(گرگرلی آراز)  |  آرشیو نظرات


سایین قلمداشلار...

سایین قلمداشلار، بیر  نئچه گون  وئب دونیاسیندان اوزاقدایدیم. ندنلرین(علت) دئمک ایسته میرم، هر حالدا یئنیدن یولداشلارین جمعینه قاییتماق ایسته ییرم. منیم باغلانتیلاریم، یازیلاریم بوتونلوک ایله سیلیندییینه گؤره یئنیدن ایلگی قورماق ایسته ییرم.  بیر –بیر آدلارینیز یادیما دوشدوکجه آرتیراجاغام؛ آما بیر پارا  اولایلارین(حادثه) آرایا گلمه سینه گؤره تانینمامیش آدلاری، ماسکا دالیسیندان دانیشان یازارلاری باغلانتیلاریما آرتیرماغا قاباقجادان عوذر ایسته یه جه یم.

دئمه لی یم، بیر ایله یاخین یازدیغیم یازیلارا چئشیدلی(مختلف) اؤنرلر وئردیلر، اؤزل(مخصوص) دوشونجه لر اولدو. هر کسین نه سایاق دووشوندویو اؤزونه باغلی بیر مسئله دیر.

آما دئمه لی یم کی منیم یازیلاریم اؤز شخصی دوشونجه لریمدیر، یاشادیغیم حیاتین شیرینلییی، آغری- آجیسیدیر. منیم اینانجیم، مسلکیم چیرکینلیکلردن قاچیب، گؤزللیکلره ساری گئتمکدیر؛ و بو تمیز یولدا هئچ بیر شخصه، هئچ بیر توپلوما(جمع)باغلیلیغیم یوخدور.

+ نوشته شده در  شنبه بیستم اردیبهشت 1393ساعت 21:2  توسط محمد علی برزگر (گرگرلی آراز) 

 

 





    بؤلوم:
آرشیو
سون یازی‌لار
یولداش‌لار
سایغاج
ایندی بلاقدا : نفر
بوگونون گؤروشو : نفر
دونه‌نین گؤروشو : نفر
بوتون گؤروش‌لر : نفر
بو آیین گؤروشو : نفر
باخیش‌لار :
یازی‌لار :
یئنیلنمه چاغی :