تونقال

قلئیچی مورتوض

مزاردان مزارا............

یازیق خانم ننه م اللی ایله یاخین قارداشیم گلر دئییه یول گوزله ییردی؛؛چونکو آتا اوجاغیندا گومانی تکجه دنه قارداشا گلیردی؛قارداش گنج یاشلارین نان اوستو آچیلمامیش سببلره گوره ترک وطن ائله ییب دوغما دوغار ایکی باجیسینی باشی کسیک قویموشدور؛ ایتیگی اولانین گوزو آختارار دئییه یازیق آرواد هر کندیمیزه گلن یاد کیمسه نی یانالاییب قارداشینی سالیق سوراق ائله ییردی؛ عومورونون سون گون نرینه قدر یول گوزله ییرک مچیده منبره ییخینتی دوشردی کی بلکه ده- دده بالاسی تاپیلیب گلمه گینن بو آیریلیغیا سون قویسون؛یادیمدادیر سون ایللر خسته له نرک اولوم یاتاغینا دوشنده داییمی یانینا چاغیریب سون وصییت اولاراق دئدی قارداشیم گلمه یینجه اولومو یئردن گوتورمرسن؛مین بیر اومودله گله جه گه گوز تیکن باجی نهایت کی عومورونون سکسن(هشتاد) ایراده لرینده حیاتینی دَییشیب گیلئیلی اولدوغو حیاتینا گوز یوممالی اولدو؛ایل یاریم باجی نین اولومون نن سونرا نهایت قارداشین سس سوراغی گلدی؛خبر گلن گونو ائل آراسی سئوینج یارانسادا عکسینه آنامین گوز یاشلارینا سبب اولموشدور؛او گون نن بری آنام عایله عوضولریمیزی قیسناغا قویان کیمین منی ایتگین دایی یا چاتدیرین دئییه بیله میزه موراجیعت ائله ییردی؛قانی سووق دایی نین سس سوراغی قارلی داغلار آرخاسین نان گلمه سینه باخمایاراق گون نرین بیرینده ییغیشیب اولدوغو عونوانینا گئتمه لی اولدوق؛او گئتمه گیننده دایی نی گوتوروب کنده گتیرمه اولدوق؛ یدی دایی اللی ایلدن سونرا دوغما آتا بابا یوردونا قایداراق ساغینجیندا (خیال)اولان عزیزلرینین یئرلرینی بوش گورمه گینه دوزمه دن آز زامان چرچیوه سینده حیاتینی دَییشدی؛نهایت کی قارداشی باجینین ساغ ورینده توپراغا تاپیشیریب مزاردان مزارا گوروشدورمه لی اولدولار..............

+ نوشته شده در شنبه بیست و هشتم اسفند ۱۴۰۰ ساعت 12:36 توسط (قلئی چی مورتوض)  | نظر بدهید

شیخ آغاااا سنده؟..........

آلتی یئددی گون اولاردی کی بی بی سی ویاخود منو تو تلویزی یالارین نان خبر یایلاندا گوروردوم کو ددده ددلیگیم شیخ آغااااااا اوزونو ایتیرن کیمین دیل دوداق آراسی اوغوللوغو قالایچی مورتوض یوخ یوخ باغیشلایین چاشدیم کاترین شکدم دئییه آد ائله ییرک دئییر گوروم سنی قان قوسوب قان اندره سن؛گوروم سنین قاغان آرخان یئره گلسین؛گوروم سنی منیم یانیما گونده رنی........؛ددده دلیگیمین ال ایاغ اوراغا وئرمه سینی گوررک بیر حکایه نی یادیما سالدی دئییلن نر گوره سابیق بیزیم ترس آوا کند ساکین نی عابداللانین آتی دوغورموش؛جاماهات ییغیشیب آتین یانیندا گلنده گورورلرکی عابدوللا کیشی ساحه نی اتکدن باشا وَردَم له یین کیمین دئییر بیر خوروز دلیک داش ایمامزادسینا نذیر ائله ییرم؛ یا آت دوغسون یاداکی قاطیر؛صحنه نین جان نی تانیغی(شاهد) اولان یومور حیسسیلی ایبیشی ایاق ایره لی قویاراق عابداللایا دئییر؛اشی ندن ال ایاغینی داغیدیرسان یا آت دوغاجاق یادا قاطیر؛عابداللا ایبیشی نین سوزونو ائشیدن کیمین اَییلیب قولاغینا دئییرآخییییییییییییی اؤزومده بیر یول...........

+ نوشته شده در شنبه بیست و یکم اسفند ۱۴۰۰ ساعت 10:0 توسط (قلئی چی مورتوض)  | یک نظر

زئلئنئسگییه آچیق مکتوب ............

سالاملار قاغا نه طهرسن؛

دئییرم صنعت آدامی سیاسته قوشولاندا عجب اولورهاااااااااااا

اولسوندا نئی نیه جک ایندی کی اولکه باشجیسی وظیفه سینده چالیشیرسان؛

چالیش منجه سیاست دیلی اینجه صنعتی دیلینی باشا دوشمز بلکه ده من سهو ائله ییرم؛

هر وطنداش پئرزدنت اولاراق منسوب اولدوغو خالقین قوچاق قهرمانی نیدا اولار بیلر؛

نئچه گوندور کو هیجان کئچیریرم

آخی ائشیتمیشم بو دونه اولکه نیزه باسقین ائله مک ایسته ییرلر؛

اونلار اللاهسیز قووت اولاراق جوجوق اولدورمه دن چکینمزلر؛

اونلار دونیا باخیشلارینی چولده کی قارینچا یئیین(مورچه خور) ییرتیجی حیوان نان آلیرلار؛

چونکو اونلارین قیداسی قارینچا جمده گی سایلیر؛

قاریینچا دئییرکن نه یاخشی کی یادیما دوشدو؛

قارینچالار دونیانین اَن چالیشقان و جسور جاننیلاری دیرلار؛

چونکو اونلار گئجه نی گون اوزو دایانمادان اوز ایشلرین نن مشقول اولارلار؛

بو قارینچقا یئین جنه وارلاردان قورخماق گرک؛

چونکو من بونلارین ایاق سسینی یاخشی تانییرام؛

بونلار بیر واقتلار اولکه میزه یوروش ائله ییرکن سومسونه سومسونه گنجه قالاسی اته گینه قدر باسقینا کئچمیشدیرلر؛

نه دئییم کی او یوروشده پولاددان برک قالا داشلارینی سرکرده جاواد خانین باشینا اوچورتماغین نان اوغلو حسین قولو تای مینرجه گنجلریمیزی گولله بوران ائله میشدیرلر؛

هه قارداش سن دوز ائشیتدین من بو ایاق سسینی یاخشی تانییرام؛

بو ایشگالچی قوه بیر زامان نار آراز چایی نی یاریب یاشیل موغان دوزلرینه باسقسن ائله ییرک الی قیلینج توتانیمی اولدورمه گینن آل دوواقلی سارامی گیرؤو گوتورمشدورلر؛

ایندی ده وار او قاننی قارشی دورمالار یادیما دوشنده نباتینین دوزدوگو بو سیرالار یادیما دوشور

گئدین دئیین خان چوبانا

گلمه سین بو ایل موغانا

گلسه باتار ناحاق قانا

آپاردی یادلار(سئللر) سارانی

بیر آلا گوزلو بالامی

بو ایاق سسینی من یاخشی تانییرام

هله ده وار یاشلی نسیل جولفا کورپوسونون دهشتینی اونوتماییبلار کی اوراداکی سرحد قورویان اوچ عسگریمیز قول قولا وئریب ایشکالچی قووه نین قاباغین آلماق ایسته ییرکن قددارجاسینا اولدورولموشدورلر

بو ایاق سسینی من یاخشی تانیرام

آییراندی؛بو ووراندی؛بو اولدورندی؛بو قارینچا یئیین دی

سن عسگرلرینه امیر وئرکی سون نفسلرینه قدر ووروشوب اولکه نیزی پارچالانماقدان قوروسون نار چونکو بونلار ایکی یوز ایله یاخیندیر کی توپراغیمی پارچالایارکن باکینی تربیزدن؛ اورمونو ناخجیوان نان؛ ارده بیلی شاماخی دان؛دوزونو دئسم قارداشی قارداش دان آییرمیشدیرلار

او قارشی دورمالاردا مین نرجه حوسین قولویا تای اولدورولن گنجلریمیزین یاراسی توخداییب ناغیل اولسالاردا

هر دونه اولکه تاریخیمین کتابینی واراقلادیقجا اوره گیمده اولان آییریلیق یاراسی هله ده وار قؤر ائله ییر

هله ده وار قؤر ائله ییر

سن ووروشوب جانینی ایتیرسنده قوی سن نن سونرا زئلئنسگی آدینی اوزگولور و بوتوی اوکرانیانی یاشاسین؛

من نن بو قدر

حورمتله ترس آوا کند ساکینلی قالایچی مورتوض

3/4/2021مارت آیی

+ نوشته شده در شنبه چهاردهم اسفند ۱۴۰۰ ساعت 17:46 توسط (قلئی چی مورتوض)  | یک نظر

اؤدونچو کیشی.............

 هر گون اولدوغو کیمین بو آخشام آتام ائوه گلنده باجی قارداشلاریم نان بیرگه قاباغینا قاچاراق قاریشلاماق ایسته دیک؛قان قالاغی قاریشمیش آتام بیزه محل قویمادان ائوه گیرمه لی اولدو؛آنام بئله صحنه نی گوررک آی کیشی ندن اوشاقلاری دیندیرمه دین سووالینی بیله سینه وئرنده الینده قازئتینی ماسانین اوستونه آتیب اوجا سسینن دئدی یئنه دالاشماق یئنه ساواشماق یئنه ووروشوب قان توکمه؛آنام ایاق ایره لی قویوب عصبلشمه گینین سببینی سوروشاندا حیات یولداشی ایکی الینن باشینی توتاراق اوجا سسین نن دئدی نه اولاجاق واقدیکان ایگیدلریمیزین قانینی توکن تاریخی دوشمنیمیز بو دونه دمیر یوموروغونو اوزگور یاشاماق ایسته یین اوکرایینا خالقی نین باشینا قالدیرماغینان بیر دونه موستملَکه سیاستینی یوروتمک ایسته ییر؛آنام حیات یولداشینی اوزگون حالدا گوررک قان توکن نر عار اولسون دئییه یانیندا اوتورمالی اولدو؛آنام توخدالیغینان موضوعونو دَییشیب آتامی گرگین حالدان چیخارتماق ایسته یینده عایله میزین سون بئشیگی بالاجا قارداشیم درسلیک کتابیندا اولان بیر آیی شکیلینی گوزونون قارشیسینا توتاراق خبر آلدی آتا بوگونکو درسیمیزده معللیمه خانیم بیر اودونچو کیشینن خینزیر آیینین دوسلوغون نان دانیشاراق دئدی اوشاقلار کئچمیش ده بیر الی دهره لی اودونچو کیشی مئشه دن اودون دوغراییب گتیرمه گینن امیر ماییشینی کئچیرتمه لی اولوردو؛مئشه حیوان نارینان اولان آسلان قابان تونقا(ببر) ادونچونون دهره سینی گوررک گله جکلرینه نیگران قالیردیرلار؛بو های کوی مئشه یه دوشن کیمین بیر خینزیر آیی اوزاقدان اوزاغا الی دهره لی اودونچونو گوزو آلتیندا ساخلاماغا باشلاییر؛(کولک اوز(پاییز) فصلی اراده لری اودونوچو بیر دونه ایپ دره سینی گوتوروب مئشه یه گئتمه لی اولور؛مئشه آغاجلارینان اوز شله سینی دوزلدن نن سونرا گوجو پیسلیگینن گوتوروب یولا دوشمه اولوور؛چن دومان هاوایا دوشن اودونچو بو دونه یولونو ایتیریب گئجه قارانی نیغینا جانینی تهلوکه ده گورور؛خینزیرآیی دایانمادان اوزونو قورخو باسمیش کیشی یه یئتیررک شله سینی گوتوروب دوز یولونا چیخارتمالی اولور؛او چاغدان بری اودونچو خینزی آیی نین یاخشیلیغین ایتیرمه رم دئییه بیله سینن دوسلوق ائله مه گه باشلاییر؛ایشینین اوستاسی اولان آیی بو دوسلوقدان استفاده ائله ییرک گاهدان گوز گوز ائله ییب اودونچونون ال دهره سینی آنالیز ائله مه گینن ندن بئله کسرلی اولدوغونو باشا دوشمک ایسته ییر؛گون نرین بیرینده ایکی دوست بیر کوکلو ساچاقلی سویود آغاجی نین کولگه سینده اَییله نرک یئییب ایچین نن سونرا اوزانیب او یئرده یاتمالی اولورلار؛خینیزیر آیی جان بیر دوستونو یوخویا وئرنده گورور کو بیر میلچک گلیب دوستونون اوزونده قوناراق یوخوسونو قاتماق ایسته ییر؛آیی اوز اوزونه فیکیرله شیب فورصتی فوتا وئرمه رم دئییه بیر گوجو چاتار چاتماز داشی گوتوروب دوستونون اوزونه ووراراق نه ایسه میلچگی اولدومه لی اولور؛من کی عایله میزین بویوک اوشاغییام بو حکایه نی ائشیدن کیمین اوزومو آتاما توتاراق سوروشدوم سونرالارخینزیر آیینی محکمه یه وئرن اولدومو؛ منی توخداقلیغینان یانینا آلاراق جاواب وئردی کی هه منیم بالام خینزیر آیینی محکمه یه وئردیلر؛آنجاق الی دوستونون قانینا باتان آیینی یارقی(وکیل)ائله یین نر محکمه گونو ییغیشیب جناب آیینین حاقلی اولدوغونا چالیشدیلار؛چونکو اونلار دوشونوردولر خینزیر آیی دوستونون اوزونده کی میلچه گی ووروب بیله سین نن اوزاقلاشدیرماق ایسته میشدیر..................

+ نوشته شده در شنبه هفتم اسفند ۱۴۰۰ ساعت 9:42 توسط (قلئی چی مورتوض)  | یک نظر

ایلانین ایشی................

آلتی یئددی گون اولاردی کی ائویمیزده باکی تئلویزی یا کاناللاری قاریشاراق بو دری دیللیلرین یایدیقلاری تئلویزییا کاناللارینا باخماق مجبوریتینده قالمیشدیم؛کئچن گئجه آپیشدان(آمئرکان) یاییملانان ایران فرادا آدلی تئلویزی یادا اولکه داخیلی اویماقلار دیلی حاققیندا سوز صحبت گئدیردی؛وئرلیشه چاغیریلان دری دیللی بیر ننه سی نین اوغلو ایران چرچیوه سینده یاشایان تورک اویماقلارینی آدی گئدن اولکه یه سونرادان گلیبلر دئییه بیر دونه وارلیغیمیزی شیعه چیلیک بایراغی آلتیندا یاشایان آریا چیلارا تهلوکه سانماغین نان اوز مکیرلی سیاستلرینی یوردوتمک ایسته ییردیرلر؛ایران دویلت چیلیگی نین تورک تاریخ و مدنییتی حاققیندا مسولییت داشمادیغینی وورقولایان گئده چه بیزلرین وطنداش حقوقوموزودا کولگه ده قویماق ایسته ییردی؛

قان قالاغیم قاریشان کیمین تئلویزییانین خوتون آلاراق ایرحمتدیک ایسماعیل حیدرینین دانیشدیغی بیر حکایه نی یادیما سالدی؛

او ایرحمتدیک دئییردی

بیر گون ایاغ اوستو ال وئر ائله یین بیر *چودارین یولو اوزاق کتدن بیرینه دوشرکن گورور جاماهات بیرباشی دوگونلو تلیسی گتیریب تونقالدا یاندیرماق ایسته ییرلر؛آهیل کیشی تلیس ده نه اولدوغونو سوروشاندا کتدیلر دئییرلر بیر ایلاندیر کی مئشه قضنفرین اینگینی چالیبدیر؛بیز ایسه اونو جازالاندیرماغیچین اوتدا یاندیرماق ایسته ییریک؛چودار ایاق ایره لی قویاراق دئییر آی کورمال جاماهات سارساخلامایین کی ایلانین ایشی چالماقدیر؛ خولاصه کتدیلری بوایشدن چکیندیرن کیمین ایلانی اونلارین الینن آلاراق اوزینن آپارمالی اولور؛ اوزون مسافه یول گئدن نن سونرا بیر بولاغین باشینا چاتیر؛ال اوزونو یویوب سودان ایچینن سونرا ایرحمی گلن کیمین اوز اوزونه دئییر یاخشی سی بودور بو اللاهین دیلسیز آغیزسیز حیوانی تلیسی دن چیخاریب آزادلیغا بوراخیم؛ایلانی تلیسدن چیخارداراق حیوان بولاغین گوزونن سو ایچینن سونرا کوشوللویه کوشوللویه کیشینی اوستونه قالخیب بیله سینی چالیر؛کیشی حیاتینی تهلوکه ده گورن کیمین اوزونو ایلانا توتاراق سوروشور من سنی کتدیلرین الینن آلماغینان اولومنن قورتاردیب سن ندندیر کی یاخشیلیغا یامانلیق ائله ییب منی چالماغینان اولدورمک قرارینا گلدین؛ایلان زهرین توکن نن سونرا جاواب وئریر؛سنین سهوین اودورکو ایندی یه کیمین بیلمه ییبسن کی تولکونون ایشی بوداماقدیر؛اولاغین ایشی تپیک آتماقدیر؛ایتین ایشی قاپماقدیر؛و ................ 

___________________

چودار:مال قارا ال ساتی ائله ییم کیمسه

+ نوشته شده در جمعه بیست و نهم بهمن ۱۴۰۰ ساعت 18:43 توسط (قلئی چی مورتوض)  | یک نظر

کوهنه دوستوم..........

 قالایچی مورتوض دئییردی گنج لیک ایللرینن ایسمعلی آدلی بیر کوهنه دوستوم وار ایدی؛ائوله نیب عایله صاحابی اولان نان قایین آتاسینا ائو اوغلو گئتمیشدیر؛آرامیزدا اوزون مسافه یاراناراق ایللر بویو بیربیریمیزدن خبرسیز یاشاییردیق؛کئچن واقتلار خبردار اولدوم کو آرواد مالینین حئسابینا یاشایان ایسمعلی چتبین نیگه قالیبدیر؛بیر آز سالیق سوراق ائله یه نن سونرا بللی اولدوکو قایین آتا حیاتینی ایتیرن نن سونرا امک حاققی وئرمه دن باجاناقلار ییغیشیب بیله سینی ائودن چیخاردیبلار؛دوستومون آغیر دورومونو ائشیدن کیمین اوز اوزومه عصبله شرک دئدیم واقدیکان آتالار دوز دئمیشدیرلر کی آرواد مالینین حئسابینا یاشایان کیشی بیر گون ییخیلار؛ایش میشیمین ال ایاغینی بیر یئره ییغان نان سونرا بیر آز سر سوقات گوتوروب دوستومون یئنی کوچ کوله وار آچدیغی شهره گئتمه لی اولدوم؛نئچه گون بیله سینی آختاران نان سونرا نهایت باش کند شهرجیک لرینده بیرینده مچید آوان قالماغینی دوشونوب یانینا وارمالی اولدوم؛ایسمعلی منی گورن کیمین اوز دالدالیغا وورماق ایسته سه ده نهایت ایکی یولداش قول بویون اولوب بیر دونه گوروشمه لی اولدوق؛نئچه گون بیله سینه قوناق اولوب یاشایشینین پیس دورومونو گورنده ایسمعلی یازیق دا اوز اوزونه ائحوالیق چکیب آجی گولوشلرینن مسله نی اورت باسدیر ائله مه گه چالیشیردی؛بیر گون دوستومون یاراسی دئشیلن کیمین اوزونو بیله مه توتوتاراق دئدی آی قالایچی مورتوض تانری هئچ بنده سین یوخاریدان آشاغی گتیرمه سین من اگر اوز آتامین واری اوستونده یاشایش قورسایدیم بلکه ده بوگونه قالماز ایدیم؛ایجتیماعیتیمیزده هر ایشین اوزونه باغلی چتین نیگی اولسادا ایسمعلی نین مچید آوان نیغی دا بئش قات چتین اولموشدور؛چونکو اورتا یاش دوستوم هر گون مچیده گلن نرین نازین نان اویناییب اونلارین ایاق قاپی توز توپراغینا کیمین سیل سوپور ائله مه لی اولمالیدیر؛قالسین کی هله بعضی آلنی داغلیلار بیله سینی لاغا قویوب سنه پناه وئرمیشیک دئییه ائله دیکلری یاخشی لیغی باشینا چالیردیرلار؛بیر جوم آخشامی چوخ سایلی جاماهات وسایلیمیز ایتیبدیر دئییه مچیده توپلاشمیشدیرلار؛ایسمعلی مچیدین بلندگوسونو ایشه سالاراق سسله نیردی؛شیل علی نین اینصافی ایتیبدیر اونو آپاران نار گتیرسین نر؛حاجی ایبراهیمین ایمانی ایتیبدیر اونو تاپان نارگتیرسین؛باشی یئکه مممدباغیرین شرفی ایتیبدیر اونو تاپان نار گتیرسینلر؛بیربه بیر سیاحی دا یازیلان نارین چاغیریب قورتاران نان سونرا مچیدین قاپیسینی داررا مالی اولدو؛ایشیمیز بیتیب چوله چیخاندا الیمی چینینه قویوب سوروشدوم سن بیر شئی ایتیرمه میسن؛ایشی بئله گورنده اوزومه باخاراق اوجا سسین نن دئدی منده اوزومو ایتیرمیشم....................

+ نوشته شده در شنبه بیست و سوم بهمن ۱۴۰۰ ساعت 16:42 توسط (قلئی چی مورتوض)  | یک نظر

شرف اؤردنی...............

گؤزومو آچان نان اردملی و ذاکیننی آتام عایله داخیلی موناسبتیمیزده سوزو بوتویلوگونن تانینیردی؛ظاهر گوروشونو آرام نظر گلسئیدی امما دانیشدیغی سوزون آرخاسیندا دوروب قاباغا آپارمالی اولوردو؛عکسینه آنام بیر تورک قادینی کیمین اوز داوام دوزوموینن آتاما دئییشلرینه عمل ائله مه گینن سوز اوستونوگونو قازانا بیلیردی؛ گاهدان آنام باجی قارداشلاریمی بیر یئره ییغاراق آتامین عایله سینه گلین گلیب نئجه داورانماغینان حکایه لر دانیشاردی؛دانیشدیغی سوزلرینین بیرینده دئییردی آتانیزین عایله سی دئییه ایلک گلدیگیم گون نن قایین آتا و قایین نارینین گوزلرینه گورسنمکدن بئله قباحت ائله یردیم؛گلدیگیم عایله ده اوزمنن کیچیک قایی ناریمین یانیندا اوز بورویوب اوشاق قوجاغیما آلمازدیم ؛سوزونون داوامیندا دئییردی عایله عوضولرینی یوخویا وئرمه یینجه اوز ایستیراحت اوتاغیما بئله کئچمزایدیم؛دان یاریلان کیمین یوخودان دوروب قایین آتامین آفتافاسینا سو توکمه گینن گونده لیک ایشلریمه باشلاییردیم ؛یادیمدادیر بیر دونه بئله سوزلردن دانیشارکن اوزونو منه توتوب دئدی بیر یول سنی قوچاغیما آلیب دالدا یولدالارینیان باغا گئتمک ایسته یینده قایین آتا قاباغیما چیخاراق اوشاغی یئره سالیب اوز دالدالیغا وورمالی اولدوم؛آتامین سرت باخیشلاری آتا بالا موناسیبتمیزده آرا ساخلاسادا من عاغلیم کسن نن چالیشاردیم آتا بالالیق دان علاوه آتامنان یاخین ناشیب آرامیزدا اولان مسافه نی دوسلوغا چئویره بیلیم ؛نه ایسه آتام اوز اقتدارینی هئچ کیمسه ینن بولمک ایسته مزدی؛تای توشلاریما باخاندا منیم آتامی اونلارین آتالارینان نه فرقیلندیریر دئییه حسرت چکردیم کی بیر یولدا اولسا الینی باشیما چکیب بویومو اوخشامالی اولسون؛زامان گئدیشاتیندا گاهدان آتامین شخصی دوشونجه سینه فیکیرله شرک اوز اوزومه دئییردیم بو کیشی چوره گیمیزی گتیریب بیله میزی مین قات ناز نعمت ایچینده بویوتسه ده ندندیر کی قیزیل کرپیچدن اورولموش قالا کیمین سوزونون قاتینا گیرمک اولماییر؛هله گنج یاشلاریمدا اوزاقدان اوزاغا هنیرتیسینی ائشیدن کیمین ایاغینا دوروب وئردیگیم سالامین جاوابینی آغزین نان ائشیتمک ایسته ییردیم؛امما سیزدن نه گیزلین نئچه واقت اولار آتام بیله مه یاخین ناشاراق سانکی اقتدارینی منیم له بولمک ایسته ییر؛یادیمدادیر قاراباغ ظفرین نن قاییداندا خئیلی مسافه نی ایاغ یالین قاباغیما گلیب تار تانیشین ماراغینا سبب اولموشدور؛هر دونه چولدن ائوه گیرنده ایاغیما دورماغی آرتیق بیله می اوتانیریردی؛ تعجوبله نرک بیر گون اوتانا اوتانا سوروشدوم کو ندن منیم ایاغیما دورورسان؛الینی چینیمه قویوب ائویمیزین دووارین نان آسلانان اؤردنی گوزتررک دئدی من وطنه لیاقتلی اوغول بخش ائله میشم سه بللی دیر کی ایاغینا دورمالی اولاجاغام؛آخی بیلیرسینیز من ایکینجی قاراباغ ووروشماسینین ایشتیراکچیسی اولاراق شوشا آزادلیغی آدینا دویلت باشجیمیزین الینن قیزیل قات (شوشا اؤردنی) آلماغا لایق گورونموشدوم..................

+ نوشته شده در شنبه شانزدهم بهمن ۱۴۰۰ ساعت 12:13 توسط (قلئی چی مورتوض)  | یک نظر

گولله لنمیش هئیکل...........

چالیشیردیم کی آفتابوس یولا دوشمه میشدن اوزوموزو و آتامین آناسی بویوک ننه می آفتامازالا چاتدیریم؛چونکو ننه م ایگیرمی دوققوز ایلدن سونرا اوز الین نن باغلادیغی ائوین قاپیسینی آچماق ایسته ییردی؛یول بیر اولدوغوموز آتامین هم یئرلی لرینن بیرگه آفتابوسا اوتوروب سورقو صالاواتین نان یول دوشمه لی اولدوق؛مقصدیمیز مین نرجه شهیدلریمیزین قان باهاسینا آزاد اولون نان شوشا شهری اولدوغونا گوره هیجان ایچینده یاشاییردیق؛ساغ سولوموزده اَییله شن یاشلی کیشی و قادین نار ایشکالدان قاباق کی گون نرینی خاطیرلایاراق دوغولوب بویا باشا چاتدیقلاری شهرین اعجازکار طبیعتین نن و سرین سولو بولاقلارین نان دانیشیب تاثوراتلارینی پایلاشیردیرلار؛من بیر یئنی یئتمه اولاراق اوز اوزومه دئییردیم کئشگه آتام ساغ اولوب بو آنلاری هم یئرلی لرینن بیرگه پایلاشا بیلردی؛سحر تئزدن چیخدیغیمیز یولا نهایت کی گون اورتا آذانی چاتمالی اولدوق؛مکه مینا زیارتی کیمین آفتابوس دان ان نن موقدس توپراغا دیز چوکوب بو گونوموزه شوکورلر دئدیلر؛یولداشلار اوز ایشلرینین دالینجا گئده رک منده باشی چارقاتلی ننه مین الین نن یاپیشیب ائولرینه دوغرو گئتمه لی اولدوق؛بویوک ننه م اوتوز ایله یاخین باشی کسیک قویوب گئدیگی ائو ائشیگی بر باد وضعیتده گورسه ده بیر دونه فلکدن گیلئی گوذار ائله مه باشلادی؛شهره باش ووراق دئییه کوچه لری دولان ناندا خان قیزی ناتوانین گولله نمیش هیکلین نن قارشیلاشمالی اولدوق؛بیر دلی قاننی زیارتچی کیمین قوللاریمی مئتال پارچاسین نان دوزلمیش هیکلین بوینونا دولادیم؛بو آندا ننه م بیله مه یاخین ناشاراق اوزونو اوزومه داییاراق دئدی اوغلوم قازیلریمیزه و عسکرلریمه دَیین گولله یاراسی ساغالسادا هله ده وار خان قیزینین یاراسی توخداماییبدیر ...........................

+ نوشته شده در یکشنبه دهم بهمن ۱۴۰۰ ساعت 16:43 توسط (قلئی چی مورتوض)  | یک نظر

آدم بیرلشمه لری

خئیلی واخت اولاردی کی صمد عمی نین قهوه خاناسیندا وردست(شاگرد)ایشله ییردیم؛گونده لیک قهوه خانایا گلن نره قوللوق ائله مکدن علاوه اونلارین دِء دانیشیقلارینا قولاق آسییب نه ایسه بیلمه دیکلریمی اورگنمک ایسته ییردیم؛موشتریلریمیز بیربیرلرین نن سوز پایلاشیمی ائدنده گاهدان اولکه داخیلی و اولکه دن کاناردا باش وئرن اولایلار موناسیبتلرینی گوزتریب آچیقلامالار وئردیرلر؛کئچن گون نرده یئنی اولایی دئییه اسراییل و عرب بیرلشمه لری گوندمده اولاراق اولکه جاماهاتینین دیققتینی اوزونه جلب ائله میشدیر؛نئچه گون قاباق موشتریلریمیزین ایچینده دونیا تاریخینی درین نن بیلن اوستاد دفتری بیر دونه تاریخ بویو بشرّیتین باش گلن موصیبتلردن دانیشیب ایضاحلار وئرمه لی اولدو؛سوزونون داوامیندا تاریخین ایلک قورولوشون نان محمد(ص)آدی آلتیندا شیعه وسوننو داواسی؛عیسی خاچ پرست لیک آدی آلتیندا کاتولیک و پورتستان داواسی؛بئن لادین و باغدادلی ابوبکر آدی آلتیندا القاعیده و داعیش داواسی؛موسا آدی آلیتیندا یهودی مسلمان داوالارینا اشارت ائله ییب آیدین نیق گتیرمه لی اولدو ؛بیربیرلرینن سوز پایلاشیمی ائدن ایچره بیردونه خئیره ایشلرینن مشغول اولان ایش صاحابیم صمد عمی اوزونو اوستاد دفتری یه توتوب سوروشاندا کی بو بیرلشمه نه آدی آلتیندا باش اولاجاقدیر؟؛دایانمادان اوستولون ساغ تؤووندا اوتوران ایمان وئردی دایی قاباقلایاراق جیبین نن چیخاردیغی سیگارائتی آلیشدیریب دئدی سانکی ایبراهیم پیغبر آدینا آلتیندا صولح موقاویله سی اولاجاقدیر؛سوز سونا چاتان کیمین اوستاد دفتری الینده کی قازئتی لوله له ییب آرخالین قولتوق جیبینه قویاراق علاوه ائله دی کئشگه ایبراهیم آدی آلتیندا گئدن یرلشمه لر یاخین شرقیده امن آمان نیق یاراداردیرلار ؛صولح موقاویله و ایبراهیم سوزو بئنیمده دولان نان کیمین اوچ دؤرد گون نن سونرا اوزومو آلنی داغلی ایش صاحابیما توتاراق خبر آلدیم صمد عمی بس آدام بیرلشمه لری ناواخت باش توتاجاقدیر...................

+ نوشته شده در جمعه یکم بهمن ۱۴۰۰ ساعت 17:58 توسط (قلئی چی مورتوض)  | یک نظر

اینان............

گنج اینان بی ینن اینانج خانیم بیر توی یئرینده تانیش اولموشدورلار؛بو ایکی گنجین سئویشیب بیربیرلرینه اورک وئرمه لری گئت گئده ائل اؤبادا یایلیردی؛گنج اینان بیر ائلات بالاسی اولاراق گاهدان آت یاریشینا چیخاراق اوز چئویک لیگینی تای توشلارین نان علاوه سئوگیلیسینه گوزترمک ایسته ییردی؛قوشو اوچان اوغلانجیقاز گاهدان طبیعت قوینو دئییه اوخویوب سسینی داشلارا سالاندا سانکی سئودیگی قیزین آتاسین نن موثبت جاوابلار ایسته ییردی؛اینان بی قیز قاپی سی نین چوبانی اولدوغونا اینانجین آتاسی بو سئویشمه گه قارشی چیخاراق یوخ قیزیمی قاپی قوللوغچوما وئرمه رم دئییه قیزینی شهره اره وئرمک آرزیسی ایلا یاشاییردی؛نهایت قیزی ایسته مه دن باش کند ساکین نی بیر اوغلانا وئریب یولا سالمالی اولورلار؛ایش بئله گلن کیمین اینان بی ده ائولنمه دن اوز گونده لیک حیاتینا داوام ائله ییر؛ایللر اوزونو آناسیلا بیرگه یوک یاپینی چاتیب یایلاغا چیخان سئوگی یانیغی اینان ایسته دیگی قیزین نان اولدوغو گون نری خاطیرلایاراق چوبان توتگینی گوتوروب یانیق لی سسینن فلک دن گیلئی گوذار ائله مه باشلاییر؛اینان بی اوزون ایللر سئوگی حسرتینی اوره گینده یاشاتسادا باشینین آغ واختیندا خبردار اولور کو سئودیگی خانیم بؤورک خسته لیگینه دوشوب اولوم دیریم آن نارینی یاشاییر؛اوزون نن آرخایین اولان کیمین باخدی چونموش اینانج خانیمین یاتدیغی خسته خانانی تاپیب اوره گیمی سئوگیلیمه وئررم دئییه دوکتور باشجیسینا موراجیعت ائله ییر؛ خسته خانا ایشچیلری کیشی نین تکلیفینی گؤرنده بیربیرلرینن مصلحت دشمه گه باشلایرلار؛آنا اوره گی دوزمز دئییه بیر گون اینان کیشی نین آناسی اوزونو خسته خانایا یئتیررک اوغلونو بو ایشدن چکیندیرمه گه چالیشیر؛خسته خانا قارشسیندا بو آنا بالانین سس ساوی شهر جاماهاتی نین آغزینا دوشن کیمین گؤزنیلمز صحنه لر یارانیر؛ساهات ثانیه لری کیمین خسته نین اورک دویونتولری لنگیمه سین دئییه نهایت کی بیر گون خسته خانا ایشچیلری بؤورک پیوندینی وورماغینا بیر آنلاما گلیرلر؛اینان کیشی آناسین نان ویدالاشیب جراحییات اوتاغینا کئچنده خبردار اولور کو خسته دونیاسینی دَییشدی؛اینان بو آجی خبری ائشیدن کیمین سنه چاتارام دئییه گؤز قارشیسیندا کی گزلیگینن اوزونو اینتحار ائله ییب آدینی سئوگی قوربانی اولان نار سیراسینا یازمالی اولور........................

+ نوشته شده در شنبه بیست و پنجم دی ۱۴۰۰ ساعت 16:32 توسط (قلئی چی مورتوض)  | یک نظر

آناسینیدااااا اوسته لیک.........

بیر گون مریخ پیلانئتینه کوچوب اورادا یاشایان جالماهات آراسیندا های دوشور کو یئر اوزون نن دورد حاق ائلچی لری(پیغبر) گلیب لرکی اوز اینانجی لاری بورادا تبلیغ ائله سین نر؛ماخلوق دا تویوق آلاینا(صف)دوران کیمین جان آتیرلار کی دورد اینانج دان بیریسینی قبول ائله ییب یئنی پیلانئتده مورتد یاشاماسین نار؛اولده حضرت موسا ایاق ایرلی قویوب اوزونو جاماهاتا توتاراق سوروشور کیملر منیم گتیردیگیم اینانجی قبول ائله مک ایسته ییرلر؛اوچ دورد یوز باش آلای دان آیریلیب تبلیغ ائله دیگی اینانجین شرطلرینی سوروشاندا حضرت موسا چینین نن آسلادیغی چانتادان آغ بئزه بوکولموش اولگوجو چیخارداراق دئییر؛ سوننتینی(ختنه)کسدیرن منیم دینیمه داخیل اولور؛ ایکینجیسی حضرت عیسی ایاق ایره لی قویوب عین سووال وئرنده یئنی دن اوچ دورد مین باش جاماهات آیریلیب حضرتین شرط لرینی طلب ائله ینده عیسی پیغبر بیر دونه تعمید سویوندا چیم مکلرینی ال وئریشلی گورور؛ اوچونجو دونه جانینا قوربان اولدوغوم حضرت محمد(ص) ایاق ایره لی قویوب جاماهاتی او دینینه چاغیرارکن بویورور بیر دونه (اشهد أن لا إله إلا الله وأشهد أن محمدا رسول الله)دئیین نر اسلام دینینه مشرّف اولورلار؛ سوندا زرتوشت پیغبر چلینگین یئره تاپدایا تاپدایا صحنه یه گیررک جاماهاتی اوز اینانجینا چاغیریر؛ آریاچیلار مریخ کوره سینی اشکال ائله یین کیمین سوروینن دوره سینه توپلاشیب اینانجی نین شرطلرینی طلب ائله ییرلر؛زرتشت پیغبر دوه دریلرینده گتیریلن تولوقلاری گوزتررک دئییر هر کس منیم دینیمی قبول ائله مک ایسته سه سیفرا باشیندا اینک سودوگونو ایچیب ها هفته اوچ دورد یول قوسول ائله سه لر.......................

+ نوشته شده در جمعه هفدهم دی ۱۴۰۰ ساعت 17:46 توسط (قلئی چی مورتوض)  | یک نظر

قایین آتا...............

نئفت علی دئییردی قایین آنام ایرحمته گئدن نن سونرا کتده تک قالماسین دئییه حیات یولداشیم آتاسینی باش کنده گتیریب قاپی قانشاریمیزدا بیله سینه ائو توتمالی اولدوق؛نئفتعلی علاوه ائله ییردی کی شهرقایین آتانین گوزونه یاد گلن کیمین قوجالار پارکینا گئدنده گاهدان ائوی ایتیریب باشیمیزا اویون آچیردی؛او سببدن ائوده بیر اضافه جیب تلفونوم اولاراق راهلاییب بیله سینه وئردیم کی بیر دونه شهرده ایتیب ائله سه بیله میزینن علاقه ساخلاسین؛خئیلک واخت اوستون نن کئچن نن سونرا بیرگئجه گوردوم حیات یولداشیم ال ایاغینی داغیداراق اوز اوزونه دئیینیر؛عصبلشمه سینین سببینی سورشاندا بللی اولدوکو قایین آتا گونده لیک گئتدیگی پارکدا بیر دیرناغی ایرنگلی نن تانیش اولوب؛دیرناغی ایرنگلی قایین آتایا بهشت وعده سی وئرن کیمین قیسیر کیشینی آل ائله ییب الینده اولان پول پاراسینی چکیر؛ داها سونرالار تلفونونا جاواب وئرمه ینده کیشی ایکی هاوالی اولوب نئینیم نئجه ائله ییمه دوشور؛اوزونو قیساراق مسله نی بیزدن گیزلی ساخلاماق ایسته سه ده نهایت بیر گون زیان گورموش قایین آتا اوزونو بیله مه یاخین ناشدیراراق جیبینده کی دیرناغی ایرنگلینین شکیلینی گوزتریب دئدی هرگون یانیما گلن نئچه واقدیر کی تلفونوما جاواب وئرمه ییر؛آف توف ائله ییب یاراسی دئشیلن کیمین منی قیسناغا قویودو کو ایسته دیگی دیرناغی ایرنگلینی بیله سینه تاپیم.؛قایین آتانین حالینی چاش گورنده تک قالیب باشینا هاوا گلمه سین دئییه بیله سینه آییری کتدی یؤوسون خانیم آلمالی اولدوق ؛بو قضیه نین اوستون نن بئش گون کئچن نن سونرا قایین آتا یئنی گلن آروادا محل قویمادان جیبینده کی شکیلی گوتوروب پولوس بولمه لره موراجیعه ائله ییردی کی .................

+ نوشته شده در شنبه یازدهم دی ۱۴۰۰ ساعت 18:25 توسط (قلئی چی مورتوض)  | یک نظر

پارتین گوجو.............

قوللوغوزا چاتدیریم کی ایسلامی اولکه میزده بوگون کو گون هر وطنداش دول ننه سینی ایش باشیندا کی ماللاباشی لارا وئرمک آرزیسیندا اولمالیدیر؛چونکو سامان آلتی نین سویو کیمین فارسلار دئمیشکن زیر آبی ووروب بیت المالی ال قاپ ائله مه گینن تئز چوره گه چاتمالی اولور؛بو فیکیر عایله لرده لیسانسی قولتوغوندا بئکار به صنعت دولانان اوغوللارین باشیندا دولان نان کیمین ترس آوا کند ساکینلی قالایچی مورتوض هاممی سینی قاباقلاماغینان دول ننه سینی بولگه ماللا باشینا اره وئرمه لی اولور؛کتده کورا فهله لیک ائله ییب جانی چیخان قالایچی مورتوض او تاریخ بری موعتبر دده ددلیگین پارت بازلیغینان اولکه میزدن بیر مین گلیری گتیرن شهر قبیرساندینادا ایشه دوشمه لی اولور؛ اولو یوماق ایش پئشه سی آدی آلتیندا ایشه دوشن قالایچی مورتوض اوممت هممشه در صحنه نین قوللوغوندا اولاراق اولکه میزین ایسلامی اوغورلوق لارینا باغیشلایین چاشدیم ماراقلارینادا خیدمت ائله مه لی اولور؛؛باجاریق لارینی اورتایا قویوب ایشه باشلایان قالایچی مورتوض گاهدان وارلی کارلی اولولری یویوب گومله ینن سونرا اولو صاحابلارینا بارماق باسیلمیش بلگه لر گوزتررک حاجی منه بوشلودور دئییه اولو صاحابلارینان ایکی قات پول طلب ائله ییر؛گئت گئده کورا مال قالایچی شهر میلیونچولارینا قوشولوب هوندور بینالار(بُرج) تیکمک ایشینن مشغول اولاندا متمادی اولاراق یوخاری مبلغ ده پول طلب ائله دی گی عایله لرینده سر صاداسی قوزانماغا باشلاییر؛ایستر ایسته مز قالایچی مورتوض کشفیات اداره چیلرین نیظارتی آلتیندا قالاندا بللی اولور کو اَتدی جاننی اولولری یوواندا قاباقچادان یازدیغی بلگه لره آدی گئدن ایرحمتدیگلرین بارماغلارینی کاغاذا باسیر؛بو های کوی درگیلره چکن کیمین اولو یووان قالایچی نی اولکه ایقتیصییاتیندا انگل تورتمک آدینان گوناهلاندیریب هله لیک دده ددلیگی شیخ آغاینان شریک تیکدیگی هوندوربینالارین بیرینده گوز آلتی ساخلاماغی مصلحت گورورلر؛قالایچی مورتوض حبس گونلرینی اوز الینن تیکدیگی سارایدا یاشایاراق قاپیسیندا قاوول کئشیکچی قویورلار؛واخت آشیری کشفیات اداره مامورو بیله سینه موراجیعه ائله مه گینن ایسلامی اولکه میزین چوکموش اقتصاتینین قاباغینی آلماق ایسته ییر؛گونلرین بیرینده منده بیر ژورنالیست کیمین کشفیات اداره مامورونا قوشولوب قالایچی نین حبس اولدوغونو نئچه مرتبه لی بینایا واراندا ایمان عزیزدیر بیله میزه سیفرا آچاراق قوناق قاریشلاماق دب توره سینی یئرینه یئتیردی؛مامور باشجیسی موز دنه لرینی یئییه یئییه ایلکن قالایچی نین حیات یولداشینی دیله توتان کیمین سوروشدو؛سیز بویورون گورک بو اوغرو باشجیسی نئچه گون نن بیر حاماما گئدیر؟؛ایکینجی دونه سوال وئردی کی قالایچی کیشی قولاغینی نه یینن قوروتدایار؟؛اوچونجو سورقو؛قالایچی دیشینی قورتدایاندا کیمین سوزون دانیشار؟؛سون اولاراق سووال وئرنده کی قالایچی دابانینی هارا داشینا سورتر؟؛کشفیاتچی سوروشان ناری من تئز تئز یازاراق لاپدان اوزومو بیله سینه توتوب اوجا سسینن دئدیم اشی بو نه سورقولاردیر ائله ییرسن باخ؟؛کشفیاتچی مامور قان قالاغیمی قاریشیق گورن کیمین آغزین قولاغیما ساری گتیریب دئدی؛سسین چیخارتما کی بویوک باش اوغرولاری...................

+ نوشته شده در جمعه سوم دی ۱۴۰۰ ساعت 18:47 توسط (قلئی چی مورتوض)  | یک نظر

اوز کئفیم............

آخشام چاغی ساچی قیویریم شاعیره لرین بیری زنگ آچدی کی ائرته گونو اوغلومون آدی گونودور؛تلفونون دستگی الیمده بیر آز دانیشان نا سونرا بیله مه تکلیف ائله دی کی شهردن قیراق دا کی باغ ائولرینه گئدیب اَییلنجه لرینده ایشتیراک ائله ییم؛گئجه نی سووب اوزوموزه آچیلان گون شاعیره خانیمین وئردیگی عنوانینا گئتمه لی اولدوم؛توپلوما قاتیلان دوست تانیش بیله می دوره له یین کیمین خوش گلیب سیز دئییه ماسانین باش توندا یئر وئردیلر؛چالان نار اوخویان نار اَییلنجه میزه خوش اوقات بخش ائله مه گینن منیم حیس حالیم اوز یئرینه گلیردی؛چونکو ناکام سئوگی تورونا دوشن نن بری هئچ بیر توپلوما قاتیلماغا دیل داماغیم اولمامیشدیر؛قارشیمیزدا قول آچیب اوینایان گوزلجه لر گاهدان بیله مه یاخین ناشاراق ساچلارینی بوینوما سرنده سانکی طاهیر زوهره ناغیلینی یئنی دن جاننادیرماق ایسته ییردیرلر؛چال چاغیریمیز اوزونا چکمه گینه باخمایاراق هردنده شاعیر و شاعیره دوسلار یئنی یازدیقلاری قوشقولاردان اوخویوب سوز پایلاشیمی ائله ییردیرلر؛هردنده اوستول اوستونه دوزولموش چئشیتدی ایچیگیلردن ایچن نر بیر ساهاتدیق دا اولسادا کئف گوذار حالینی یاشاماق ایسته ییردیرلر؛اَییلنجه میزده احاطه لی سوز صحبت گئدن نن بئله هاممی راضی قالمیشیق دئییه بیربیرلرینه موراجیعه ائله ییردیرلر؛سوندا منی بو اَییلنجه یه چاغیران شاعیره خانیم یاریم چاناق چاخیردان توکوب بیله مه یاخین ناشاراق تکلیف ائله دی کی بیر لیکده چاناق قالدیریب اَییلنجه میزی باشدان سالاق؛خانیم شاعیره نین تکلیفی گورنده آلنین نان اوپوب دئدیم سیز ایچیب کئف حالینی یاشاماق ایسته سزده من ایچمه میشلر کئفی نی یاشاماق ایسته ییرم.................

+ نوشته شده در جمعه بیست و ششم آذر ۱۴۰۰ ساعت 18:33 توسط (قلئی چی مورتوض)  | یک نظر

شالواریمی گیرو؟.............

هه نه اولوب یئنه ده شو قریبین دورمور اولما بو دونه ده آروادین نان باریش میسان

آی جانیم واللاه سن خانیم نیغینی یئرینه یئتیردین باخ تاقصیر منده دئییل بیزیم ائوه گلن آهیل آغ ساققال قوناقدادیر

بیر ساهاتدیق سیقه ائله دیگیم دیرناغی ایرکلی ایکی اللی باشیما قاراپبا سالاراق دئدی یوز یول سنه دئمیشم گوت بوشلوغونو منیم یانیما گتیرمه باخ؛

عملیات اولمادان ال آتدیم شالواریمین جیبینن بیر ایکی یوز تومن دیرناغی ایرکلی یه وئررک ائوینی ترک ائله ییم؛

الیمی شالوارین او جیبینه بو جیبینه سوخاراق آییریب قویدوغوم پولو تاپا بیلمه ینده دیرناغی ایرکلی نین اوزونه باخا باخا دئدیم

آی منیم جیبیم نن پولو گوتورن گوروم سنی چالاغان وورسون؛

بیر ساهاتدیق سیقه ائله دیگیم دیرناغی ایرگلی صحنه نین تانیغی اولان کیمین قاپینین آغزینی کسیب دئدی

هه خئییر اولا شئیین کی دورمادی هله هئچ پولدا گتیرمه میسن؛

دیلیم توتار توتماز دئدیم آی خانیم او ددده ددلیگیمین گورونا آند اولسون گئجه یاتاندا ائو آدامینان گیزلین دورد اللی لیک تیراولی آییریب قویدوم شالوارین گیزلی جیبینه کی سنین یانینا گلنده اوزوم یئره دوشمه سین؛

دیرناغی ایرکلی حالیمی چاش باش گورنده شالواریمی الیمنن آلاراق دئدی بودا او دونه کی دئییل دور باس ائشیگه

ماللانین اوغلوغو اوتانماز پولسوزدا سیقه اولار؛

یئنه چاراسیزلیقدان ایاق ایره لی قویوب یالوار یاخار ائله ییرک دئدیم آی خانیم سنی آت وئرمیشم سیقه میزین کسن شیخ آغانین باتمان بورکونه شالواریمی وئر گئدیم پولونو گتیریم

بئله لیک له قهبه دوستوم باغیشلایین چاشدیم بیر ساهاتدیق سیقه ائله دیم دیرناغی ایرکلی دوستوم شالوارسیز بیله می ائوینن چوله آتاراق های باسدی کی امک حاققیمی گتیرینجک شالوارینی گیرو ساخلایاجاغام؛

من یازیق گئجه قارانلیغی شالوارسیز ائولرینه دوغرو یولا دوشنده اوز اوزومه دئییردیم

کول سنین کیشی باشینا باخ ؛

اده اوزاق یولدان آهیل آغ ساققال گلمیشدی گلمیشدی دا

سن ندن ائو آدامینان باریشیردین؛

آخی سن کی بیلیرسن یئنگه دونیاینان کوسولو قالماغین اممت هممشه در صحنه یه خئییری وار

بیر جور بیر طهر اوزاق یولدان گلن قوناغین باشینی قاتیب سوزو آلتینان قاچاردین

آی جانیم عایله داخیلی ار آروادین کوسولو قالماقلاری ایلک باشدا کیشی نین جیبینه خئییرائله ییر؛

ایکینجی سی دورقوزاغینان خئییر ائله ییر

اوچونجوسو نیظام مقدسین داوامینا خئییر ائله ییر

دؤدونجوسو بولگه داخیلی اورت باسدیر جاماهاتین کورا ماللیغینا خئییر ائله ییر

بو فیکیرلر باشیما دولاناراق گئجه یاریسی ائویمیز چاتاندا لاپدان قونشولاردان بیله می شالوارسیز گؤررک سوروشدو؛

آی قالایچی مورتوض گئجه نین بیر یاریسی هارادان(نه یئردن)گلیرسن

اوتانا اوتانا الیمی تؤولاق شئیی مین اوستونه قویاراق دئدیم

سسین چیخارتماکی برجام گلیرم................

+ نوشته شده در جمعه نوزدهم آذر ۱۴۰۰ ساعت 17:20 توسط (قلئی چی مورتوض)  | یک نظر

ایزو کیشی..............

گون نرین بیر گونو خالقین قوز گیرده کانین ییغیب هامپالیق مقامینا یوکسه لن آلا قارقا ایکی گوز خورجون قوزو گوتوروب بولگه ماللاسینین(ایمام جمعه) یانینا گله رک دئییر ای یئر اوزونون بیلگه نی ممکون اولسا منیم مالیمی تمیزله سن کی مکه منا زیاراتینه گئتمک ایسته ییرم؛بولگه ماللاسی نین کی زهله سی آلا قارقادان گئدردی بو صحنه نی گورن کیمین اوز اوزونه فیکیرله شیب دئییر آی حوققا باز قارقا ایللر بونون اونون مالینی ییغیب تک یئدیگینی گوره ایندی بیله وی پیشیکلریمه توشاتدیریب آجیغینی جانیمنان چیخاردارام؛بولگه ماللاسی دیشین دیشینه قیسیب آلا قارقانی جازالاندیرماق ایسته ینده لاپدان یادینا دوشور کو شرع مقدس ده توبه آچیقدیر؛بئله لیک له اوزونو آلا قارقایا توتوب دئییر من سنین مالینی تمیزله گه هئچ سوزوم یوخدور؛گرکدیر کی مالینی تمیز ائله مه دن اونجه ترس آوا کند جاماهاتین نان حالاللیق آلاسان؛بیلیرسن کی ایللر بویو اوغورلادیغین مال صاحابلاری بیله نی باغیشلاماسالار سن تانری ائوی دئییه مکه منا زیاراتینا گئده بیلمه یه جکسیز؛آلا قارقا بولگه ماللاسینین سرت یاناشماسینی گوررکن گتیردیگی قوز خورجونون دالینا آتیب گئتمک ایسته ینده بولگه ماللاسی ایاق ایره لی قویوب دئییر هله لیک یوک یاپی قوی یئره گوروم سنه ایش گوره بیلرم؛قوز تایلاری بولگه ماللاسینین گوزونو توتان کیمین طئیییی کند جاماهاتینا موراجعیت ائله ییرک قارقا افندیمیزه حالاللیق آلیر؛تکجه کند جاماهاتین نان اولان ایزو(عزیز)آدلی بیر کیمسه آلا قارقایا حالاللیق وئرمک ایسته میر؛بئله لیک له بولگه ماللاسی مورتضا علی ورینن عدالت تاخینا اوتوروب آلا قارقاینان ایزو کیشی نی محکمه ایاغینا چاغیرمالی اولور؛ محکمه قورولان کیمین بولگه ماللاسی یئنی دن اوزونو ایزو کیشی یه توتوب دئییر اشی قانی قانینان یومازلارکی اولسون کو کئچمیش ده آلا قارقا سهو اولاراق سنین بیر یومورتدانیزی سیندیریب ایچمیشدیر؛سن بویوکلوک ائله ییرک اونون گوناهین کئج کی خئییر ایشی یئرده قالماسین؛ایزو کیشی بولگه ماللاسینین سوزلرینی ائشیدن کیمین ایاغا دوروب دئییر جناب حاکیم دوزدور کو قارقا افندی منیم گیرده کانیم اولمادان تک بیر یومورتدامی ایچمیشدیر؛جناب حاکیم زیان گورموشون سوزونو ائشیدن کیمین چککوشو مئتال پارچاسینا ووراراق دئییر؛ایزو کیشی هر جانلی نین الینن خطا چرتن کیمین قارقا افندی ده کئچمیش ده سیزین تکجه بیر یومورتدانی ایچمیشدیر ایندی امیر وئریرم بیر یومورتدانیزا بئشین سیزه قایتارسین؛ایزو کیشی محکمه نین سون قرارینی بئله گورنده اعتراض اولاراق دئییر جناب حاکیم واقدیکان من بیر یومورتدانی تویوق آلتینا قویسایدیم که کوللو جوجه چیخارتمیشدیر؛که کوللو جوجه بویوب تویوق اولاندا گونده بیرینی یومورتداسایدی آی باشی اوتوز یومورتدا قازانجیم اولاردی؛ آی باشی اوتوز یومورتدانی ساتیب بانگیدا قویسایدیم ایل باشینا بیر اینک آلاردیم؛ایل باشینا بیر اینگین سوتونو ساغیب بالاسینی ساتسایدیم شهره کوچوب باشیمی سنین کیمین یئکه باشلارا قاتاراق قوزلارا شریک اولاردیم..................

+ نوشته شده در جمعه دوازدهم آذر ۱۴۰۰ ساعت 17:39 توسط (قلئی چی مورتوض)  | یک نظر

آنانین رؤلو...........

قالایچی مورتوض دئییردی اوزون اایللر آتا وصییتی اولاراق هردن عایله داخیلی اوشاق بویوگو بیر یئره ییغیب کیم لیگیمیز حاققیندا دانیشاراق فارسلاشماغا دوغرو گئدن یئنی یئتمه لریمیزی قوروماغا چالیشاردیم؛هردنده قیز گلینه اوز توتوب آی بالا اوشاقلارینان اجنبی دیلده دانیشمایین دئییه بیله لرینه موراجعیتلر ائله ییردیم؛گاهدان منیم بئله داورانلاریما سرت موناسیبت گوزترن حیات یولداشیم بیله مه قارشی چیخاراق آنانین الینده نه وار دئییه اوزوده نوه نتیجه ینن تای دئیشیک دیلده دانیشاردی؛قالایچی مورتوض علاوه ائله ییردی کی کئچن واقلار بیر دونه اوشاق بویوک دوره مه ییغیشیب دیل و پارلاق تاریخیمیز حاققیندا سوز صوحبند آچاندا گلین نری بیری ائو آدامینین دوشونجه سینه رغمن اوزونو بیله مه توتوب سووال وئردی آی آتا بیر آنانین اوز دیلی و مدنییتینی قوروماق حاققیندا نقدر موثبت تاثیر اولا بیلر؛قالایچی مورتوض دئییردی علاوه دن بئله بیر سوواللا راستلاشاندا گوزلوگومو تاخیب اوستولون اوستونده کی اوستاد شهریارین حیدربابایا سالام پوئماسینی گوتوررک اوخوماغا باشلادیم؛نئچه کوبلئت او شعیرلردن اوخویان نان سونرا کتابی بوکه رک اوزومو گلینه توتوب دئدیم اوستاد شهریار گنج یالاشلاریننان تئهرانا گئده رک اؤوئرسیته یه داخیل اولوب حکیم لیک درسی اوخویاراق فارسجا شعیرلر یازماغا باشلاییر؛سونرادان تئهرانین دری دیللی تانینمیش شاعیرلرینه قووشولور؛ایللر اوته رک اوستادین آتاسی دونیاسینی دَیشن نن سونرا آناسی تک قالماسین باش کند دئییه اوغلونون یانینا گئتمه لی اولور؛شاعیرین آناسی گونده لیک اوغلونون یانینا گلیب گئدن کیمسه لردن سوروشاندا گنج شهریار آناسی نین بوینونو قوجاقلایاراق دئییر من یانیما گلن نر شعیر اوخویوب بیله لرینن قونوشورام؛اوردادیر کی شهریارین آناسی اوزونو اوغلونا توتوب دئییر سن اگر شاعیر اولموسان سا بیر شعیر دئنن کی منده باشا دوشه بیلیم؛سورقو وئرن گلین سوزلریمی ائشیدن کیمین اوزونو اوتوران نارا توتاراق دئدی بس بیر آنانین رولو دیل و مدنییتی قوروماقدا حل ائدیجیدیرسه بیز ندن اوز دیل و مدنییتیمیز قورومایاق..................

+ نوشته شده در سه شنبه نهم آذر ۱۴۰۰ ساعت 12:40 توسط (قلئی چی مورتوض)  | یک نظر

تئشت داواسی..........

آخشام باشی گور بولاغ باغیمیزین چر چپرین دوزلده رک قاران لیغا قالمیش ایدیم؛به واخت چاغی اولماغینا باخمایاراق بئل دهره نی گوتوروب نهایت کی ائوه قاییتمالی اولدوم؛ حه یته گیررک ال ایاغیمی یوماق ایسته ینده قولاغیم چالدی کی ائو ایچی حیات یولداشیم خؤیلو خانیم یاد کیشی نن دانیشیق ائله ییر؛ال ایاغیمی قوروللاییب ایچری کئچمک ایسته ینده ائشتدیم کی ائو آدام قارشی طرفده کینه خیطاباَ دئییر؛ سنده منیم قارداشیم آتالار واختین نان دوز دئمیشدیرلرکی (توکه توکه گئدن یالایا یالایا قاییدار)ایچری کئچنده گوردوم کندیمیزین سابیق کی دگیرمانچی سی دانعلی(داناعلی) کیشی دیر؛دنعلی منی گؤررک ایاغا دوروب سالام وئرنده منده خوش گلیبسیز دئییه ایکیمیز چیین به چیین اوتورمالی اولدوق؛سوزونون داوامینی منیم له قاباغا آپاران دانعلی اوجا اوجا دانیشیب عصبله شنده بیله مه آندیردی کی اللی آلتمیش ایلدن بری کندیمیز ترس آوادان کوچن سابیق کی هم یئرلریمیز بو دونه کوچ کوله وارلارین گوتوروب علاوه دن کنده قاییتماق ایسته ییرلر؛اوندا باشا دوشدوم کو ائو آدامی آتالار سوزونو یئرینه سالیب دئمیشدیر؛سوزون داوامیندا دگیرمانچی آف توف ائله ییرک اوزونو بیله مه توتدوکو آی قالایچی مورتوض شهر کوچوب نئچه ایل اورادا یاشایان هم یئرلی لریمیزین قادینلاری اوز گوزلرینه عملیات ائله ییرک کنده قاییتسالار بیزیم قادینلارا پیس تاثیر قویاجاقلار؛بیز کی بویوک طایفا توخوم اولاراق ائله دده بابادان ترس آوا کندینین باش بیلن کاتداسی اولموشوق بیر دونه کندیمیز تهاجومو فرهنگی یه معروض قالماسین دئییه دنعلی کیشی نین های کویونه اؤنم وئررک بو قناعته گلدیم کی قؤروم قؤنشون بیرله شیب یئنی دن کنده قاییدان لارین قاباغینی آلمالی اولسونلار؛سسیمیز کنده جار اولان کیمین سحر تئزدن گوردوم طئییییییی چوبان ایتلرینن -ناخیرچی ال آغاجیسینان –خرمنچی شنه سینن-سو سوواران بئلی نن- الی یالین کؤوسوینان -دیزی گیرتوتان قادین اتک داشینان قاپیمیزا ییغیشیب منیم امریمنن ساواشا گیرمک ایسته ییرلر؛منده بویان نان چلیگیمی گوتوروب ائششه گه مینه رک تئش چالما مارش صادالاری آلتیندا کتدیلریمیزه یوروش امرینی وئردیم؛اوچ دؤرد ساهاتلیق آتیشیب ووروشمادان سونرا بیر اوندا گؤردوم کو جاننان باشینان اؤن جهبه ده ووروشان دنعلی کیشی بیر اوز گوزو یارالی و قولو یتدی اسیری یانیما گتیردی؛ B-M-Tقانون ایله اسیر آماندادیر دئییه بیله سینی سورقو سووالا چکنده بللی اولدوکو بو طالئعی چونموش آلتمیش ایل قاباقدان شهر کوچوب دِءدانیشیغینی ایتیرن ایرحمتدیک بورنو یئکه ایسماییلین اورتانجیل اوغلودور؛آرا قاریشان کیمین اولاغیم دالا دالا گئدیب بیر تپیک بیله سینه ووراندا منده اوجا سسینن باشینا قیشقیریب دئدیم نه ایستیرسیز بیزیم یاخامیزدان ندن قاییدیب کتدیمیزی ایشکال ائله مک ایسته ییرسینیز؛یازیق کیشی منیم عصبلش مه گیمی گوؤرنده انگی اسه اسه دئدی آی ترس آوانین باش کاماندانی واللاه شهرده نفس چکمه گه هاوا یوخ- یول یئریمه بت بره یوخ-ایچمه گه بولاق سویوخ-یئمه گه بوغدا چوره گی یوخ- دورمنجه یاخماغا جامیش قاتیغی یوخ-آفدافا گؤتورمه گه ایاق یولو یوخ-ایرحمیم گلن کیمین آتش کس اعلان ائله ییب عسکرلریمی آرخا جهبه ی چاغیراندا بیر اوندا گوردوم حیات یولداشیم خؤیلو خانیم جانی بی نفس اوزونو بیله مه یئتیریب دئدی اشی نه ایش گورورسن بونلارینان باریشیب کنده یول وئرسه نیز ایللر بویو باش کتده اورگندیکلری تای دئشیک دیللرینی اوشاقلاریمیزا اورگه دیب دیلیمیزی ده الیمیزدن آلاجاقلار؛ آرتیق خؤیلو خانیمین سوزلرینی تصلیق له ییب دوره می آلان اعتراضچی عسکرلری گؤرنده اوز اوز دئدیم یاخشی سی بودور کو سیزلره موراجعه ائله ییم؛ایندی سیز بویورون گؤرک خؤیلو خانیم دئمیشکن (توکه توکه گئدیب یالایا یالایا)قاییدان نارینان باریشاراق کنده یول وئرک یا یوخ..................

+ نوشته شده در شنبه بیست و نهم آبان ۱۴۰۰ ساعت 17:13 توسط (قلئی چی مورتوض)  | یک نظر

ساسیق دده سی...........

بوگونکو سحر گونشلی هاوا شرایطینی گورنده چلیگیمی گؤتوروب بیر دونه ده قارشیداکی قوجالار پارکینا گئتمه لی اولدوم؛من نن قاباق گلن دوسلار بیله می گؤرن کیمین یا اللاه مورتوض کیشی خوش گلدین دئییه یاننارین یئر وئردیلر؛هر کس اوز ووردوغون نان یخدیغین نان دانیشاراق گئت گئده سوز صوحبتیمیز قیزیشیدی؛بو توپلوما قاتیلان آهیل کیشی لر بیر یئره ییغیشارکن اوقاتلارینی دئییب گولمه گینه باشا وورماق ایسته ییردیرلر؛دوسلاریمیزین ایچینده ایزنعلی کیشی داها کارراماچی اولاراق گاهدان لوغالانیب آجی آغریلاریمیزی شیرین گولوشلرینینن توخدادماغا چالیشاردی؛هاچان نان هاچانا بوگون کو جرگه دن دالا قالمیش باشی لبه دوره بورکلو اوستاد دفتری یانیمیزا چاتاندا چاشقین نظر گلیردی؛اوستاد بیله مه یاخینلاشاندا بو دونه من یانیب قوزاییب خوش گوردوک اوستاد بی دئییه اوز یانیمدا یئر وئردیم؛دوسلارین بیری اوستاد دفترینین چاشقینلیق سببی سوروشاندا الینده کی لوله لنمیش درگینی آچیب اوخوماغا باشلادی؛ایسلامی اولکه میز ایش اوستونه گلن نن آمئرکان باشدا اولماغینان ایگیرمی یئتدی اؤروپا دولتلرینن آرانی ووروب سینیر سرحددی اوزلرینه باغلامیشیق؛نئچه ایل قاباقداندا یمن شالوارسیزلارینی سیلاح لانندیرماغیمیزا گوره عرب لرینن دوروشوب علاقه لریمیزی کسمیشیک؛کئچن هفته لردده یاخین قونشولاریمیز اولان تورک دولتلرینن آرانی قیریب اقتصادی آلیش وئریش علاقه لریمیز کسمه گه نایل اولموشدور؛بو سوز صحبته درینن قولاق آسان صفی قولو کیشی لاپدان آغزین اوستاد دفترینین قولاغینا یاخین نادیب سوز دئمک عوضینه دیشله ینده یازیق کیشی نین قانینا غلطان ائله دی؛قاباغا گلن بو آجی صحنه دن کدرله نرک دوروب ائوه دوغرو گئدنده بیر حکایه نی منیم سالدی؛ نئچه ایل قاباق بیر گون زیرپی یئزنه میزیزین آتاسی علی خالدار بیله مه موراجیعه ائله یرک دئدی آی قالایچی مورتوض دئییرم قاباغمیزا دوشوب بیزینن کنده گئده سیز؛بو تکلیفین سبینی سوروشاندا بللی اولدوکو آتاسی ایرحمته گئدیبدیر؛من ایاق سالیب زامانی فوتا وئرمک ایسته ینده گوردوم یئزنه نین آتاسی چوخ ال ایاغینی داغیدیر؛نهایت یولا دوشوب علی خالدار گیلین دده بابا کندینه چااندا گوردوم اوله نین ایی قوخوسو هنده وری گوتوربدور؛نهایت اوچ دورد یان نان اولونو باسدیریب مجلیسینه اوتوراندا دده بابا قونسوسو دئییه کند جاماهاتین نان بیر نفرده اولسون بومراسیمی قاتیلمادیلار؛سونونجو گون قبیر اوستون نن گلنده یول اوزونو هر بیر قونشونون قاپیسینی گوزتریب کیملیگینی سوروشاندا علی خالدار دالی دالی چکیلیب دئدی بیز اونلارینان وار گل ائله مه ریک اوندا بیلدیم کی................... _____________________________________________

ساسیق-اسکی تورکوده گندیده آنلامیندا ایشله نردی

+ نوشته شده در جمعه بیست و یکم آبان ۱۴۰۰ ساعت 18:26 توسط (قلئی چی مورتوض)  | 2 نظر

ایش بیلن شیخ آغا..............

بیرایکی ایل اولاردی کی یولو یومرولموش قالایچی مورتوض قونشو قیزینان آداقلانمیشدیر؛گئجه نی گون اوزه قاتیب ایشله یین مورتوض چالیشیردی کی ائلین قایدا قانون ایلا توی ائله ییب حیات یولداشینی کیرایه ده یاشادیغی ائوینه گتیرسین؛امما نه دئمک اولارکی قالایچی نین چیغاردیغی پول پارا اونون گونده لیک خرجینی بئله اوده مه ییردی؛گئت گئده قیز آدامینین سسی چیخان کیمین گاهدان اوغلان جیقازی قیسناغا قویوردورلار کی ایاق ایره لی قویوب دئدی قودو ائله یین نری آغیزلارینی باغلامالی اولسون؛ایسلامی اولکه میز جاماهاتی کیمین گونده لیک ال قاپ شرایطینده یاشایان قالایچی مورتوض باش کند بورس معامیله لرینه گیریب بئش اؤن مانات یاتیرتسایدیدا ایلدن ایله ضرر له اوزلشمه لی اولوردو؛نهایت بیر گون گرگین لیک آنلارینین اوستاسی اولان موعتبر ددده ددلیگینه موراجیعه ائله ییرک هممشه اولدوغو کیمین بو دونه ده گوزته ریشینی طلب ائله ییر؛یول یؤندم بیلن ددده ددلیگی باشینی قالدیراراق آی اوغول بوگونلری اولکه داخیلی توی بوساط یولا سالماق آغیر پول طلب ائله ییردئییه فیکیرینی بیلدیرنده وورقولاییر کی الی جیبینه گئدن ائل طایفانی یانیما چاغیرکی بو باره ده اونلارینان گه ییشمه لریم(مشورت)اولسون؛قالایچی مورتوض ددده ددلیگی شیخ آغانین بویوروغونو یئرینه یئتیرن کیمین طییییییی تار تانیشینی بیر مجلسیه توپلامالی اولور؛الی تسبئی لی دده ددلیگی بو دونه ده مجلیسی الینه آلاراق جیبلریزی گوزله یین دئییه شرعییاتدان شکییاتدان دانیشاراق گلن نرین باشینی قاتمالی اولدو؛سوندادا قالایچی نین توی خرجی قویوب ایسلامی اولکه میزین جارییه ایل بودجا آزلیغی حاققیندا اوزون بیر سیاهی توتوب جاماهاتیچین اوخویور؛گئجه کئچیب گلن نر دوعا سانا ائله یه ائله یه اوز ائولرینه یولا دوشنده جیبلرینین بوشالدیغینی باشا دوشورلر؛بیر آی اون نان سونرا ایش بیلن ددده ددلیک اوغوللوغو قالایچی مورتوضا طمطراقلی توی توتاراق یئنی دن قوهوم قودانی بیر یئره ییغمالی اولور؛تویا اینداک(دعوت) اولان نار قززه ده سوریادا و یمن ده آتیلان توپ توفنگیمیز صادالاری موشاعیتینن توی ائوینه کئچنده بیر دونه ده ایش بیلن شیخ آغامیزین الینی اوپمه گه نایل اولورلار.......................

+ نوشته شده در جمعه چهاردهم آبان ۱۴۰۰ ساعت 17:44 توسط (قلئی چی مورتوض)  | یک نظر

بؤینونا سالیم.............

قارا یئزنه گوی یئزنه آخی بونا دئیین یوخدو سنه داخلی وار کی ایش باشینداکیلار قیرخ ایلدیر پیشیک بزه ییب ماخلوغون باشینا بورک قویورلار؛اشی دئیین یوخدو سن بو اولگه نین قوروجوسو سان موسطنتیغی سن یا نه سن؛قوچجاق اوغلوآخشام جاماهات نامازینی قیلیب چوله چیخاندا لاپدان مچید ماللامیزین بوینونا سالیب دئییر تانری ماللا عمره نهلت ائله سین؛پئش نامازیمیزدا اوزون یئمه دن بیله سینی توتدوروب توره مه یه سالدیریر؛نئچه گون اوستون نن کئچن نن سونرا بیر گون سحر تئزدن طایفا باشجیمیز دده ددلیگیمی اوزدن ایراق اولاغا میندیریب شهره دوغرو گئتمه لی اولدوق؛ بو گئتمکده مقصدیمیز بو اولدوکو یئزنه جیقازا بیر ایش گورمه لی اولاق؛یول اوزونو آی هؤوچه تئز ائله کی دالا قالمیشیق دئییه ایلک یول آییرینیجا چاتاندا بیر دیلی پلتک دیلنچی قارشیمیزا چیخدی؛چوخلو هه یه یه یه ائله یه نن سونرا نه دئمه گینی باشا دوشمه دن یولوموزا داوام ائله دیک؛گئت گئده بو فیکیر بئینیمده دولانان کیمین موعتبر ددده ددلیگیمه سوال وئردیم بو گوناهی کیمین بوینونا سالماق اولار؛آهیل کیشی گوزنیلمز سووالیمی ائشیدن کیمین جوت ایاقلارینی ائششه گین قارنینا قیساراق بیزلن گوج ووروب دئدی بونو سال تانرینین بوینونا؛ شهره چاتان کیمین شهر ماللاباشجیسی نین(امام جمعه) عنوانینا یؤنه لیب سورقو صالاواتینان ایچری کئچمه لی اولدوق؛باشی یئکه لر مجلیسینه واریب یولو یانمیش یئزنه نین سوزونو سالاندا قضا عرفه سین نن بو دونه ددده دلیگیمی گور اوستوراق سسی اوتورانلارین دیققتینی چکدی؛دوره اوتورانلارین گولمه گی بیله مه آغیر گلن کیمین ددده دلیگیمین یانینی باسدیم کی بونو کیمین سالیم؛ددده ددلیگیم اوزونو گولن لره قاتاراق اوزونو بیله مه توتوب دئدی بونودا سال دوشمنین بوینونا؛ بیر جور بیر طهر باجیم ارینی خلاصت ائله ییب کنده دوننده یول اوزونو ددده ددلیگیم بیله سینی توتدو دانناغاکی اشی سنه نه وارکی باشی آمامالیلار طیییییی آدتام نفرلرینی ایش اوسته گتیریرلر؛سنه نه داخلی وار کی محصوللاریمیز اوغرولوق امامزادا دوزلدیرلر؛سنه نه وارکی هر هفته ارزاق باهالیق یارادیب اولانیمیزی یمن شالوارسیزلارینا گوندریرلر؛آخشام گونون ساریسی چکیلنده نهایت کی کنده چاتمالی اولدوق؛ائششکدن انه رک ددده ددلیگیم بیرین منیم بوینوما سالیم یئزنه نین هده له ینده الیم قالدیریب اوجا سسینن دئدیم به من کیمین...................

+ نوشته شده در جمعه هفتم آبان ۱۴۰۰ ساعت 18:5 توسط (قلئی چی مورتوض)  | یک نظر

بیزیم بو گولمه چه...................

هر ایل اولدوغو کیمین بو ایلده کوچری قوشلار سورو قالخاراق قیش دوشرگه سی دئییه ماوی گولمه چه سینه دوغرو قانات چالماغا باشلامیشدیرلار؛ قاطار قاطار اوچان قوشلارا کاروان باشجیلیق ائله یین آناج دونیانی قاناتینا آلتینا آلاراق آدی گئدن گولمه چه یه یاخینلاشاندا گوزله نیلمز بیر صحنه ینن اوزلشمه لی اولدو؛ بیر دونه قولاج قاناتلارینی بیربیرینه ووروب اوج آلاندا گورور کو دوم دورو گولمه چه پیسمیریق حیوانلار ورین نن اشکال اولونوبدور؛ اوزون یوللار یورقونو اولان کاراوان باشی بئله گؤزنیلمز صحنه ینن اوزله شرک بو دونه باشینین دسته سینی آییریجا شورانلی- لئحمه لی گولمه چه لرین بیرینده یئندیرمه لی اولور؛ یئندیکلری لئحمه لی گولمه چه نین یارارسیز شرایطینه دوزمه لی اولسایدیلاردا قارشیداکی اشکال اولونموش ماوی گولمه چه دن گلن نعره نکره سسلری داها کوچری قوشلاردسته لرینی قورخودوب تشویش سالممیش اولوردو؛ گونده لیک بیربیرلرینین موباحیثه یه گیررک ماوی گولمه چه لری هانسی یاد قووه الینن اشکال اولونوب دئییه قارشیدا کی چتین لیگی آرادان قالدیرماغا پیلانلار توکوردورلر؛ گاهدان موباحیثه لری اوزونا چکنده بیری دئییردی گولمه چه میز ییغان(فیل)دسته لرینین هجومونا معروض قالیبدیر؛بیر آییریسی بو سوزه قارشی چیخاراق دئییردی گولمه چه میز ناققالار دسته سی ورینن توتولوبدور؛یئنی دن بیرآییریسی سوزه قاتیلاراق اوزوله اوزوله دئییردی یوخ گولمه چه میزسو آتی دسته ورینن اشکال اولونوبدور؛ واقت آشیری چئویک قوشلاردان گوندریب بیلگی الده ائله مک ایسته ینده نه ایسه گوندردیکلری قوشلاردا دوزگون خبر الده ائل یه بیلمیردیرلر ؛ اوزون واقتلار تشویش ایچینده یاشایان قوشلار دسته سی بیر گون آند قسم ائله ییرلر کی بیرلیکده اشکالچی قووه نین اوستونه یورش ائله ییب ماوی گولمه چه نی گئری آلسینلار؛ واقت وعده باشا گلن کیمین نهایت بیرله شن قوشلار جانلارینی گوزلرینه آلاراق مقصده دوغرو اوچمالی اولورلار؛ یارارسیز حالا قالمیش ماوی گلمه چه نی لرینی دوره له ییب گئری آلماق ایسته یینده گورورلر بورانی اشکال ائله یین قووه بالاق دسته لریدیر کی بوینوزسوز جامیش اونلارا باشجیلیق ائله ییر.......................

____________________________

*بالاق-جامیش بالاسی

+ نوشته شده در شنبه یکم آبان ۱۴۰۰ ساعت 11:40 توسط (قلئی چی مورتوض)  | یک نظر

پیسینن یاخشی.............

سابیق بیزیم بو ترس آوا کندی دئییه بیر عایله ده دیبیش و جیبیش آدلی ایکی یئنی یئتمه قارداش یاشاییردیرلار؛دیبیش قارداش خئیرخواه بیر اوشاق اولاراق هممشه تای توشلارینا یاردیم ائله مه گینه باخمایاراق گوجو چاتان قدری مچید و منبر ایشلرینین قاباغا گئتمه سینه قایقی کئش لیک ائله ییردی؛امما عکسینه اولاراق جیبیش قارداش خالقین باغ باغاتین تالاییب یئری گلنده کند مچید دووارینا زادا ایشه ییردی؛زامان اوتدوکجه دیبیش قارداش اوز حشرینه قارق اولان کیمین مکتبه گئدن نن سونرا ائله دیگی خئیر ایشلرین نن دالی قالمالی اولور؛ جیبیش قارداش دا ائله دیگی زیانکارلیق دان ال چکیب داها مچیدین دام دووارینا ایشه مه گی ترگیدمه لی اولور؛گئت گئده تای توشلارین گوزون نن دوشن دیبیش پیس آدام کیمین قارشیلانیر؛امما عکسینه جیبیش قارداش زیانکارلیغینی ترک ائله مه گینه گوره یاخشی آدام تانینیب حورمتله قارشیلانیر؛سونرالار بو ایکی قارداش آد باتیران باش کنده گئتمه لی اولورلار؛اوزون ایللر باش کتده یاشایان دیبیش قارداشی عالیه تحصیللی و جیبیش قارداشی ایسه قارا مال و قارا ساواد کیمین قالاراق ایکی قاغان ایگیت کیمین کنده قاییتمالی اولورلار؛دیبیش قارداشی علاوه دن خئیریه ایشلرینی قاباغا آپاریب نئچه ایل تمناسیز اوز منسوب اولدوغو کوتله سینه قوللوغ ائله سه ده امما نه دئمک کی جیبیش قارداشی خالقین یادداشیندا یاخشی آدام کیمین دوشوب عومورلری بویو ائله ده یاشاتمالی اولورلار...................

+ نوشته شده در جمعه بیست و سوم مهر ۱۴۰۰ ساعت 19:8 توسط (قلئی چی مورتوض)  | یک نظر

جدمالی...................

 نئچه گون قاباق قاپیمیزین زینقیروو سسله نن کیمین من دست آلات ائله ییب یئریمنن دورانا آرواد چارقاتینی باشینا قویاراق قاپینی آچمالی اولدو؛ آروادین قاپی آغزی سوز صوحبتدی اوزونا چکن کیمین منده آتیشقان آرخاسینان تئز تئز بویلانیب باخیردیم کی اولمایا بو دونه ده ایشیق ایداره سینن گلیب سیم ساپیمیزی قطع ائله مک ایسته ییرلر؛قاپی چالانی یولا سالیب ایچری دوننده دیلیم توتار توتماز آی خانیم قاپیدا نه هاییدی سوزونو وئرنده بیر باشی پوچاتدی کاغاذی اوتوردوغوم اوستولون آتیب ماطباخا کئچمه لی اولدو؛احمالجاسینا پاکاتی آچیب اوخویاندا گوردوم کئچمیش باجاناقلاریمین بیری میروت کیشی دن تکلیف وار؛ائله ساندیم کی ایمامین قیرخی دئییه تزه کربلادان گلمه گینه گوره بیزیده خش خئیراتینا اینداک(دعوت)ائله ییرلر؛قارال قویولان گون گلیب چاتان کیمین اوشاقلارین آناسی نی گوتوروب شام تداریکی وار دئییه میروت کیشی نین عنوانا گئتمه لی اولدوق؛ائو آدامی یولون آییریب زنن مجلیسینه کئچنده ایمان عزیزدیر منده کیشی لر اوتوران مجلیسین قاپیسین آچاراق دوره امله شن تار تانیش ایاغیما دوروب ائوین باش تووداندا بیله مه یئر وئردیلر؛اوتوران نارینان خوسانناشیب بیر دونه سابیق کی باجاناغی آد ائله ییب کئفینی سوروشمالی اولدوم؛یئنی دن مجلیس اهلی یاریمچیلیق سوز صوحبندی داوام ائله ینده گوردوم میروت کیشی اوتااوتانا اوزونو اوتوران نار توتوب دئدی واللاه بو دونه مئشد زیارتینا آپاردیغیم موسافیرکئش لیک هئچ اوغرونان قاریشی لاشمادی؛من نن آراخادا اوتوران کالبای اسماییل نه باش وئریبدیر سوزونو بیر دونه سوروشاندا میروت کیشی ایضاح وئردی کی بیلیرسیز ایللردیر من سوروجولوک ائله ییرک طییییییی مئشد شهرینه گئدن زووارلاری آپاریب و گتیررم؛اوشاقلارین بیری سوزونو تسلیق له ینده اوگئی باجاناق یئنی دن علاوه ائله دیکی بو دونه مئشده گئدنده یول اوزونو بیر ماللاچانین باهالی ماشینان توققوشماغیم الیمه ایش وئره سی اولموشدور؛قارشی طرف سوپوروب ماشینیمی الیمن نن آلسادا علاوه دن بیله می قیسناغا قویوب بیر اتک پول طلبه ائله ییر؛جاماهات الیمیزدن نه گلر دئییه مجلیسی ترک ائله یرک منیم ده ائوه گله گله بیر حکایه نی یادیما سالدی؛ اورت باسدیر بولگه سی دئییه کئچمیشده بیرتانینمیش ماللا عایله سینن اولان گنج اوغلان اوزاق کتدرین بیرینه معللیم گئتمه لی اولور؛ماللا وغلو معللیم اوچ دورد آی بو کتده اوشاقلارا تعلیم وئرمه گینه باخمایاراق بیرگون صینیفی خلوت ائله یین کیمین کند ساکین نی اوغلان اوشاقلارینین بیریسینه اوچشمه گه باشلاییر؛نئچه واخدان سونرا بو سوز بولگه ده یاییلان کیمین کندین تعصیب کئش کیشی لری اوغلانی آتاسی ایلا بیرگه گوتوروب شهر ماللاباشجیسینا موراجعیت ائله ییرلر کی سنین چورک وئریب تربیه ائله دیگین گئده چه بو اوغلان اوشاغینا اوچه شیبدیر؛آماماسی باشیننان یئکه اولان ماللا باشجیسی ایشی بئله گورنده اوزونو گلن نره توتوب سوروشور؛آی کیشلر منیم کرخانام ایشله ییر؛اوتوران نار جاواب وئریرلر خئیر؛ علاوه دن ماللا باشجیسی سوروشور من مالداریغینان مشغولام یئنه ده موراجیعه ائله یین نر دئییرلر خئیر؛ اوچونجو دونه ماللا باشجیسی خبر آلیر من اکینه جک ایشینن مشغولام یئنه اوتوران نار جاواب وئریرلر کی خئیر؛ سون اولاراق ماللا باشجیسی آماماسینی باشیننان گوتوروب یئره چیرپاندا های باسیرکی دورون دورون سیز منه گتیردیگیز..................

+ نوشته شده در جمعه شانزدهم مهر ۱۴۰۰ ساعت 19:6 توسط (قلئی چی مورتوض)  | یک نظر

آنانیزین لاواش یاپانی

سحر تئزدن سوت قارداشیم صادیغینان قوزولاری بیر بیرینه قاتیب چوله آپارماق ایسته ییردیک؛نه ایسه آنامین یاپدیغی بوی قاتلی لاواش چوره گینین ایی بیر دونه ده قاپی باجانی بوروموشدو؛آنام قرآن واراغی کیمین کونده نی یاییب لاواش یاپان اوستونه سرنده قاپیدان کئچن هر کیمسه ای وورماسین دئییه باش اوزادیب سلمی خالانین آغ لاواشینی یئمک ایستردیرلر؛صادیق آناسیزبیر اوغلان اوشاغی اولدوغونا گوره آتاسی اونو هله کورپه چاغلارین نان آناما تاپیشیرمیشدیر کی ننه لیک تاپداغینان آماندا قالا بیلسین؛چونکو صادیغین آناسی او سوت دورونو یاشایاندا نه ایسه آغیر بیر خسته لیک اوجوباتین نان دونیاسینی دَییشمیشدیر؛صادیغین آتاسینین مالی دورومو یاخشی اولاراق سونرالار اوغلونو باش کنده گوندریب عالیه تحصیلی ائله میشدیر؛من ایسه آتا بابا یوردو دئییه کتده قالیب مالدارلیغینان مشغول اولموشدوم؛زامان گئدیشاتیندا صادیق کند ساکینلی آتاسینی ایتیرسه ده منده آنامی الدن وئریب اونون لم یئسیر قویوب گئدیگی اوت اوجاغی ایستی ساخلاماق ایسته ییردیم؛حاخدان کئچمه یه سن دئییه آنام ساغ ایکن هر دونه صادیق کنده گلنده سلمی خالا آدینان یئرلی یئرینده اونون سر سوقاتینی گتیرردی؛کند گوروشو باش توتوب هر واخت آنامی گورنده اوجا حیات یولداشینی صادالاییب اوجا سسینن دئییردی سلمی خالانین یاپدیغی بوی قات لاواشین تامی هله ده وارمنیم داماغیمنان گئتمه ییبدیر؛سونداندا بیز ایکی یولداش ائوین بیر بوجاغینا سیخیلاراق زمانه میزین آجیلی شیرینلی اولایلارینان دانیشیب آرخادا قویدوغوموز گونلری حسرتله یاد ائله ییردیک؛ایللر اوتدوگجه کند یاشامیدا چهره سینی دَییشیب داها تندیر قالاییب چورک یاپما عنعنه سی شهردن چورک آلینماغینان یئر =عوضله مه گه باشلامیشدیر؛بو ایلده قیزمار یایین گیره جگی دئییه یولداشیم صادیغین گلمه گینی گوزل ییردیم ؛واخت وعده باشا چاتان کیمین اوتن گون قولاغیم چالدی کی صادیقدا آرواد اوشاغی ایلا بیرگه گلیب هله لیک آتا ائولرینده اوتورموشدو دوغما دوغار باجی سینین قوناغیدیر؛گئجه یا الله قارداش دئییب قاپمیزدان گیرنده بیر دونه ده کئچمیش گونلری خاطیرلایاق بیر ائوین اوشاغی کیمین بیربیریمیزه قوجاق آچیب بیر دونه ده گوروش مه لی اولدوق؛چای زاد ایچین نن سونرا کوهنه دوستومون گوذارانین سوروشوب هله نه ایشینن مشغول اولدوغونو دوشوننده او.دا یادینا دوشن کیمین چانتاسین نان بیر کیتاب چیخارداراق بیله مه ساری اوزاداندا دئدی بو یئنی کتابی سلمی خالانین آغ لاواشی حاققیندا یازمیشام؛یولداشیمین بو قدیر شیناسلیغینان مورگوله نرک کتابی واراقلایاندا گوردوم حیات یولداشیم ایللر بویو آماندا ساخلادیغی آنامین لاواش یاپانین گتیررک دئدی بوداایرحمتدیک .....................

+ نوشته شده در جمعه نهم مهر ۱۴۰۰ ساعت 18:21 توسط (قلئی چی مورتوض)  | یک نظر

باجارا بیلمه میشیک............

.پاییزین گیره جک گون لرایدی؛مکتبه گئده سی نوه لره تحصیل ایداره سی ورین نن کتاب دفتر وئرمیشدیرلر؛گئجه نوه لرین بیری سئوینه سئوینه چانتاسین یانیما گتیرنده بیربه بیر کیتابلارینی چیخاریب بیله مه گوزتره سی اولدو؛منده اوشاغین باشینی سیغارلایا سیغارلایا کیتابلارینی گوتوروب واراقلاماغا باشلادیم؛بیر کیتابین قاتیندا گئدن آنماردان باسمالاری گورنده اوز اوزومه کورله ردیم؛چونکو بیر دونه فارسلار تای دئشیک مدنییت لرینن دانیشیب کوروشو سیاستده و فردوسی نی شعیرده دونیانین گوبه گی کیمین یووشا(قلم) آلمیشدیرلار؛ بیر دونه اوز اوزومه قاپانان کیمین یاخیلدیم کی بونلار یئنی یئتمه چاغلارین نان اوشاقلاریمیزین بئیینلرینی یالان سوزلرینن زهرله مک ایسته میشدیرلر؛تاریخی فاکتلار گوزترن کیمین کئچن مین ایل کئچه رکدن تورک و اوزللیک له عرب سویلولار بواولکه یه خیدمت ائله ییب اونم گتیرمه لری گونش کیمین گوز قاماش دیریجی اولموشدور؛بو سوزلر بئینیمده دولانان کیمین کیتابی قاتداییب علاوه دن ماسانین اوستونه قویمالی اولدوم؛سوندان نوه نی دیزیمین اوستونه آلاراق بویونو اوخشایا اوخشایا دئدیم آی منیم گول بالام سن بویا باشا چاتاندا آختاریشیب اوز تاریخینا و دوپ دولو مدنییتینه صاحاب چیخمالی اولاجاقسان؛سوزلریمی ائشیدن اوشاغین آناسی ایاق ایره لی قویاراق سوروشدو آی آتا بیز تورکلرین اگر مین ایل کئچه رکدن دوپ دولو مدنییتیمیز و گونش کیمین پارلایان ضییالیلاریمیز اولوبدورسا ندن اولکه داخیلی یوز کئچه رکدن دالا قالیب هئچ اولماسا اوشاقلاریمیز اوز آتا بابا دیللرینی دانیشماقدان بئله چکین مه لی اولورلار؛بیر دونه آجی نیفرت ایچیمی دوغرایان کیمین اوزومو اله آلیب دئدیم گلین فارسلارین دیل و مدنییت لری اولماسادا پیشیک لرینی آسلان گوزترمکده چوخ باجاریقلاری واردیر؛امما بیله سن کی تاریخ بویو بیز تورک لر بونو........................

+ نوشته شده در جمعه دوم مهر ۱۴۰۰ ساعت 18:26 توسط (قلئی چی مورتوض)  | یک نظر

آچیق سمئت(سیمان) ..................

ایش یئریم ده دیم کی اوزاق تانیشیمیزین حیات یولداشی قمرخالا گلدی آی قالایچی مورتوض دئییرم اهلییتدیک دیر گئدک منیم چین بیر 10 پاکات سئمت(سیمان)گتیرک؛باشیم قالدیریب دئدیم ایرحمتدیگین قیزین او گونلری منه داش کسسک داشیرتدین اوز امک حاققیم هئچ بئش تومن یاناجاق(بنزین) پولودا اولسا اوتوروما(ماشین) وئرمه دین؛قمرخالا بیله می اوسته له یه کیمین علاوه ائله دیکی یوخ او گئتدیگیم ایمام میرزه یه آند اولسون بو دونه سمئت لری گتیرسن ماشین کیراانی دا اوسته لیگینجه اوده جه گم؛آتالار دئمیشکن یالانچی طاماحکار آللادان کیمین اوز اوزومه دئدیم یاخشی سی بودور کو گئدیم بلکه کئچمیشده کی یول کیرایه می ده بیله سین نن قوپاردا بیلدیم؛قمر خالانی اوتوردوب ماشینی خودایاندا دئدیم من بئل آغریما گوره سمئت زاد ماشینا ووران دئییلم هااااااااااا یئنی دن قمرخالا یولو گوزترن کیمین دئدی اشی من ناماز قیلان بیر کیمسه هئچ سنی تک باشینا بوراخارام کی؛خئیلک یول گئدیب شهردن کانار بیر سمئت انبارینا چاتمالی اولدوق؛گوجو پیسلیگینن ماشینی ساخلاییب انبار صاحابینی چاغیراندا بیر دوکاره کیشی اوزاقدان جاواب وئردی کی آغزی آچیق سمئت وورماق ایسته ییرسیزسه موطلق انبارا گیرمه اولاجاق سیز؛ باشیمی آنبارا اوزاداندا قمرخالا تلیس لری بویورمنن ایچری سوخازاق وورقولادی اشی سن خیردا خیردا توکه بیلسن من تلیس لری دولدورب ماشینادا ییغا بیله رم؛ایش بئله گلنده اوزو اوزومه فیکیرلشدیم کی ائله بیل بو دونه ده قمر خالانین اوزادیغی بالیق قیرماغینا یوخ بلکه مفتیل تورونا ایلیشمیشم؛ایسته دیم خالانی گوزون نن یایینیب بوروغو دونم؛یئنه فیکیرلشدیم؛ من کی بیر بئله یولو گلمیشم بوش قاییتسام یئنه ضررل ائله ین من اولاجاغام؛چاراسیز سیزلیق دان بیر جور بیر طهر سمئت پاکاتلارینی قان تر ایچینده دولدوروب بیر بیر ماشینا داشییاندا دیشیم باغیرساغیمی کسیردی کی قمر خالا ناچاغ ایسته سه قالایچی نی آل ائله یه بیلر؛یوکو ماشینا وورماق ایشیمیز بیتن نن سونرا علاوه دن ماشینی خوداتداییب مقصده دوغرو گله گله فرمانی دویوردوم کو آی فئل باز قمر من اگر سن نن ایکی قات کیرایا آلماسام هئچ ده آتامین اوغلو دئییلم؛ماشینی قاپیلاریندا ساخلاییب دئدیم قمرخالا پولو اوده مه سن سمئت لرینی یئندیرمه جه گم؛قان قالاغیمی قاریشمیش گورن قمرخالا یوموشاق داماریم نان یاپیشاراق بیر دونه ده قیلیغیما گیرمه لی اولدو؛نهایت تلیسین اوجون نان یاپیشیب آشاغا سوروینده دئدی سن بونلاری یئندیره من قرآن آراسینداآییریب قویدوغوم پولو آرتیغینجا گتیریب کیراین نن اوسته لیک اووجونا قویاجاغام؛اون پاکات سمئندی یئندیره نن سونرا ال ایاغی توزلو ماشیندا اوتوردوم کو قمرخالا پولومو گتیرسین؛خئیلک بیر واخت گوزله ییرک چاراسیزلیق دان سس سالدیم کی آی قمرخالا آی قمرخالا؛هاچان نان هاچا ائوین گلینی چیخدی؛ آی قارداش نه سسینی قالدیرمیسان؛باشیمی آشاغا سالاراق اوتانا اوتانا سمئت لری گوزترنده گلین اوجا سسینن دئدی سن اوچونجو سمئت پاکاتی نی یئندیرنده قمرخالا دال قاپی دان چیخاراق بویوغو دوندو؛بو دونه ده کور پئشمان یولوم توتوب ایش یئریمه قاییداندا اوز اوزومه دئدیم اولسون قمرخالا بیر یولدا گوروشه ریک؛بیر ایکی آیدان سونرا قمرخالاینان راستلاشیب نه دئمه گیمی باشا دوشنده گوله گوله بیله مه یاخینلاشاراق دئدی خالان قوربان آدامی ائله سینه قاییرارلاراوندا بیلدیم کی ی ی ی ی ی.............

+ نوشته شده در جمعه بیست و ششم شهریور ۱۴۰۰ ساعت 20:18 توسط (قلئی چی مورتوض)  | یک نظر

قالباز حسین قولو.................

یستیراحت گونو اولماغی چین مئبیلین اوسته اوزانیب جیب تلفونومنان ایسنیتاگیرام صفحه لرین نن گوروش کئچیریردیم؛بیر بیر گورونتولری آشاغی یوخاری ائله ینده گونده لیک قونشو اولکه دئییه افغانیستاندا بُمب اینتهاراوجو باتین نان اولن نرین چوخ سایلی اولماسین نان اوزومه قاپارنیردیم؛بو خالقین طالئعی ندن بئله دیر دئییه کورپه قیز اوشاقلارین آغلاماقلارینی گورنده اوزوله اوزوله ایشیق گله جکلرینه اومود باغلاییردیم؛ اوزاقدان اوزاغا ماسا آرخاسیندا کیتاب اوخویان حیات یولداشیمی گوز آلتی ساخلاییردیم کی تلفونومدا گئدن دهشتلری گوروب کدرلنمه سین؛خئیلک واخت اوستون نن کئچن نن سونرا بیر آندا خانیم بیله مه یاخینلاشاراق اوزونو حاخلی بیله رک دئدی آی آغا بو کرتکه له خور عربلر ایرانا گلنده نه جرم جنایت کی ائله مه ییبلر؛ندن بئله دوشونورسن سورقوسونو وئرنده علاوه ائله دی کی تزه مسلمانلارین کیتابلاریمیزی یاندیرماقلاری هئچ گونده لیک دِء دانیشیقلاریمیزدا قاداغا قویورموشلار؛کیتابی الینن آلیب باخاندا گوردوم (زرین کوب) آدلی یازیچی نین (دو قرن سکوت)آدلی اثریدیر؛علاوه دن کیتابی ائو آدامی نین اوستونه آتاراق قاباقلار محله میزده باش وئرمیش بیر حکایه نی یادیما سالدی؛ ایران ایسلام اینقلابی نین ایلک ایللری دئییه بیزیم قونشولوغوموزدا حسین قولو آدلی یولوق بیرعایله باشجیسی کوچ آچمیشدیر؛حسین قولو کیشی شهرجیک بیر بوجاغی دئییرک کوهنه چللکدن زاددان اوزونه بیر کوما دوزلدیب اوغورلوق دوغورلوناندا اولسا گونده لیک آرواد اوشاغینی اَیین و قارینلارینان شوغلوزوممه یاشاییردی؛ایشی قهوه خانالاری دولانماق اولان حسین قولو چای پولوسون نان سونرا سیگارئتینی ده قهوه خانا دوسلارینانین شوتونا چکیردی؛بیر گون قاچاقاچ دوشن کیمین بللی اولدوکو حسین قولونون کوماسی یانیبدیر؛دویلت آدامی ایاق ایره لی قویوب تحقیقات زاد آپاران نان سونرالار بللی اولدوکو عایله باشجیسی اوزو کوماسینی اوتداییبدیر؛او چاغدان بری آدی قالباز حسین قولو قالان کیشی چورکچی دن چورک؛قصابدان ات؛باققلادان صابین تایید؛یئمیش ساتان نان خیار یئرکوکو آلسایدی پولونو اوده مه دن یولون توتوب گئدردی؛بیر یول یادیمدادیر تاکسی یا مینیب پول اوده مه دن بوروغو دوننده سوروجو اَنیب یاخاسین نان توتورکو پولومو وئرگینن؛ قالباز حسین قولو ایشی بئله گورنده های کوی سالاراق دئییر اشی هر نه ییمی یاندیریبلارداااا گئت گئده قالباز حسین قولونون شیکایتچیسی چوخالاندا بیر گون بیله سینی مچیده چاغیریرلار کی آی قونشو دِء گورک سنین نه یین یاندیریبلار؛ چانتاسی چینیده حسین قولو مچیدی باشینا آلان کیمین قهبه شوونی سالاراق دئییرائویمی-سویودوجوم -کانسانیریم(کولر)یاندیریبلار؛ائویمی -بیر صاندیق کاغاذ پولوم یاندیریبلار؛ائویمی-یاتاجاغیمی- پالتاریمی یاندیریبلار ؛ائویمی-دده منن قالمیش اوچ بونجاق بلگه می(قباله) یاندیریبلار؛دده می -دیلیمیز حاققیندا یازیلمیش اون کیتابیمی یاندیریبلار؛سوندا چانتاسینین آغزینی آچیب یئره توکه توکه علاوه دن های باسدی کی آروادیمین شالوارینا کیمین یاندیریبلار.......................

+ نوشته شده در جمعه نوزدهم شهریور ۱۴۰۰ ساعت 18:25 توسط (قلئی چی مورتوض)  | یک نظر

قایین آنایا...............

بیزیم بو ائو آدامی نین متمادی اولاراق هفته سونلارینا گوردوک تدارک چوخ ماراقلی اولار؛چونکو ایستیراحت گونونه کئچن گئجه طییییییی گلین کوره کن چولپا مولپالارینان بیرگه ائویمیزه ییغیشیب قایین آنانین طایفا باشجیسی اولدوغونو بیر دونه قبول ائله مک مجبوریتینده قالارلار ؛بو یغیشمالاردا گلن نر سویودوجو زاددا اولانیمیزی ییئیب تالایان نان سونرا هر کیمسه اوز ووردوغون نان یخدیغینان دانیشیب آتالار دئمیشکن گئجه یه کورپو قویماق ایسته ییرلر؛بو هفته نین اولایی دئییه باش کند ائوین زیندانینان یایلان محبوس لارین تحقیرجه سینه دویولمک گورونتولری اوستونده قیزقین موباحیثه لر گئدیردی؛ بو دونه ده الی مالاغالی آرواد باشلاری اوستونده دوروب دء دانیشیانلار قولاق آساراق گاهداندا اوز سوزونو دئییب یئریتمه لی اولوردو؛ تک نفرلیک مئبیلین اوستونده اوتورموش بویوک کوره که نیمیز بو آدام دویونلری وظیفه لرینن اوزاقلاشدیرماق سوزونو اورتایا چکنده ائو آدامی ایاق ایره لی قویوب دئدی یوخ یوخ آماندی ائله دئمه کی بونلار بیزیم قوچو نیظامیمیزی قورویانناردیرلار؛لاپدان اورتانجیل کوره کنمیز سوزه قانیلان کیمین بو گورونتو لرین دهشت درجه آجیناجاقلی اولدوغونا موناسیبت گوزترمک ایسته ینده بو دونه آرواد آغا قوللارینی چیرمایاراق دئدی یوخ یوخ ائله دئمه کی بونلار اولکه داخیلی موسلمانچیلیغی میزی یولونا قویان زحمت کئش مسئوللاریمیزدیرلار؛من آروادین گوز آغارتماسین نان قورخوب موباحیثه یه قاتیلا بیلمه ینده بو دونه او یان نان اوونوئرسته قورتارمیش بویوک اوغلان بو جنایتی توره دنلری دونیالیق اینسان حاقلارینی قورویان قوروملارا وئرمه لرینی اورتایا قویاندا یئنه ده ائو آدامی سوزه قاتیلیب بیر جور بیر طهر اوغلانین آغزینی بوزا وئرمه لی اولدو؛یئنی آداقلانمیش قیزین حیات یولداشی بیر سوز دانیشماق ایسته سه ده قلندر قایین آناسینین هیم جیم ائله مه گینن سوسماق مجبوریتینده قالدی؛سون قراری وئرن ائو آدامی مالاغاسینی قالدیرا قالدیرا دئدی؛ منیم بالالاریم سیز بیلیرسیز کی موققدس ایسلامی حوکومتیمیزین ناققارتا دوشمانی واردی؛منجه بو گورونتولری یایانلار اولکه داخیلی خایین ایشچیلردیرلر لازیم دیر کی اونلاری تئزلیگیجه توتوقلاییب محکمه جایناغینا وئرسینلر؛سوزونو داوامیندا بو اولاییدا خاریجده کی خایین قووه لر بزه ییبلردئییه آرتیردی کی حورمتدی کاتدا ایسلامین و قوچو نیظامی میز آبیرینی آپارماق ایسته ییرلر؛سون اولاراق سوزونو هده قورخویا چکنده اوجا سسینن دئدی من بیر مومونه وطنداش اولاراق ایجازه وئره بیلمه رم کی خایین دویلت ایشچیلری بئله گورونتولرینی یاییملاییب اولکه داخیلی بیلدیکلرینی ائله سینلر؛ گئجه کئچیب دئییه اوشاقلاری اوتورنده قاپی آغزیندا دیلیم توتار توتماز زیرپی کوره که نیمیزی یانالایاراق دئدیم گوره سن حوکومتیمیزین بئله ایشلرینن سیزین بو قایین آنایا نه چاتیر........................

+ نوشته شده در جمعه دوازدهم شهریور ۱۴۰۰ ساعت 19:35 توسط (قلئی چی مورتوض)  | یک نظر

یئر کوکو................

او گونلری بازاردان تکجه دنه سینه 30 تومن اوده ییب الیمد دورقوزا دورقوزا ائوه گلنده اوز اوزومه دئییردیم؛ شور گوز یئرکوکو؛ ناماز قیلان یئرکوکو؛ خئیریه چی یئرکوکو؛ بد شالوار یئر کوکو؛سنده بوگونلر اصول گرالار کیمین تئز تئز آنتن اوستونه چیخیرهااااااااااااااااااااااااا ائوه چاتان کیمین ال ایاغیمی یویوب مئبیلین اوستونده اوزاناندا بو دونه باشیمی جیب تلفونوما سوخمالی اولدوم؛بیر ایکی ساهات سوسیال شبکه لرده یایلان یئنی خبرلری ایزله یین ده گوردوم بودونه هاممی طالیب لری افغانلاری قویوب یئرکوکو زادگانلیغینان دانیشیرلار هاچاغدان هاچاغا ائوآدامی بیر ایستیکان چای گتیریب یانیمدا اوتوراندا ایضاح وئردیکی خبرین وار آشاغی تنگه قونشوموز بال قاباق خانیم مئشد زیاراتینا گئدیر؛بال قاباق خانیمین سیقاخانامیزی باشچیلیق ائله دیگی گونلر یادیما دوشن کیمین گولومسه ییرک دئدیم آی آرواد بال قاباق خانیم مئشده گئتمه میشدنده زیاراتی قبولدو؛هونودور بوی بوخونلو بال قاباق خانیم یولا دوشن گونو طییییییییییییی ترس آوا کند کوتله سی(جاماهات) بیله سینی چووش قاباغینا قاتیب یولا سالان نان سونرا قاییدیش گونلرینه ده حاضیرلیق ایشلری آپاریردیرلار؛قارپیزعلی کیشی ایپ دهره نی گوتوروب اودونا گئدنده حیات یولداشی نار خانیمدا سو داشییب تنگه باجانی سیل سوپور ائله مک ایسته ییردی؛داغ آرمودو مئشه دن های باسیردی کی آی کند کوتله سی گلین یئمیش لریمی درین کی بیرآز رنگ روب تاپیب شیرینله شه نیم اوزونو کورپودن آتماق ایسته ییر؛بال قاباق خانیمین قاییدیش گونو طییییی کند جاماهاتی ییغیشمیشدیرلار؛فیندیق قولو شالوارسیز گئده سینی قولتوغونا ووروب- قوزآغادا نامیس ناحیه سیه سینه یاپراق توتوب؛اننی بورانیدا یاننارینی باسا باسا بیرلیکده زووار قاباغینا گئدیردیرلر؛بو آرادا بال قاباق خانیمین هئیت یولداشی بادمجان خالا جاماهاتدان دالا قالماسین دئییه جان بی نفس اوزونو آفتابوس ایاغینا یئتیردی؛آرا سیخلاشان کیمین یئتیشن هم یئرلی لر ایمامیرزه زووارینان اوپوش گوروش ائله ییرک تانری زیاراتیز قبول ائله سین دئییه زننلر بو یان اویانینا کئچیردیرلر؛ بودونه ده الی گوی الم لی زادگان یئرکوکو قاباغا دوشوب قاییدیش کروانینادا چووشلوق ائله مه گه باشلادی؛یول اوزونو مین دردین درمانی بیلن ساریمساق گلین باجی بال قاباق خانیمین یانالایان کیمین مئشدده نه خبر اتر وار سوروشاندا؛ مئشه بال قاباق خانیم بوینونداکی آغ دسمالینان اوز گوزونون ترین سیله سیله دئدی؛آی گلین خانیم داها سوروشما؛ من بو اون گونو جانینا قوربان اولدوغوم آغام میرزه نین هر قاپیسین نان گیرنده اوزو نورلو یئرکوکونو اورادان چیخار گوردوم؛ساریم ساق خانیم تعجوبلنمه دن مئشه بال قاباغین سوزلرینی تصلیق یه تصلیق یه دئدی هه واللاه دوز دئییرسن یئرکوکو قارداش بو تزه لیکده آد تاپان کیمین اورت ترس آوا آدینی دا دیللره سالمیشدیر؛گله گله قضایانین تانیغی(شاهد) اولان موز جانابلاری اوزونو باسمادان کاروان باشینی سوپوروب المی الین نن آلاندا اوجا سسینن دئدی حاییف کی بیزینن عمی اوشاغیسان یوخساکی......................

+ نوشته شده در یکشنبه هفتم شهریور ۱۴۰۰ ساعت 13:55 توسط (قلئی چی مورتوض)  | یک نظر

دووشان داش ایمامزاداسی.............

بوایلده محرم گونلری گلیب چاتماغینان کند کوتله سی مچیده ییغیشیب شاه حسین وا حسین دئییه باش دوشلرینه ووروردولار؛ ایللر بویو چای وئرن تاغی- باشماق جوده یین ناغی- آرادا دولانان صابعلی- الم گوتورن اورفت- طبیل چالان خئیبر- پول ییغان قولو- آرادا عرشه خانا سس وئرن ایسماییل-جاننان باشینان بو قوروما قاتیلیب عوهده لرین گوتوردوکلری وظیفه نی لاییقینجه یئرینه یئتیریردیرلر؛ طیییییی عزا باشلاناننان آرادا دولان نان صابعلی کیشی کئچن بیر ایلین ایچینده کند ساکینلرین نن اولوب ایتن حسین چیلری خاطیرلایاراق سورقوساولاتینان آدلارینی چکیردی؛آراسیرا ایروضه خان شیخ آغانی و باشینا قارا دولامیش عرشه خانی دا اوست اوسته قویوب ایکیسی نین بوینونا بیر ساوالات یوکله ییردی؛ حوزونلو گونلرین بئله گئتمه گینه باخمایاراق یئنه ده قتیل گونو زنجیر ووروب باش یارانلار دسته سی دوزولوب بو ایلده دووشان داش ایمامزاداسینا گئتمه گه حاضیر اولوردورلار؛امما یولا چیخمامیشدان اونجه طبیل چالان خئیبر المی اورفته کیشی یه اونودا اوچ دورد قولاج قیل قات ایپینن اوزدن ایراق بیردیزی گیرلی ائششه گین پالانینا باغلادی؛آلای (صف)دوزولن کیمین اورفتی ائششک قاریشیق دسته قاباغینا کئچیرتسه لرده منده اوچ دورد یاشلی اوشاق اولدوغوموچون قار ننه مین الین نن یاپیشیب آلایین دالینجا یولا دوشمه لی اولدوق؛حسینیم وای قزیبیم وای دئییه دئییه آدی گئدن ایمامزادیا یئتشیب قتیلی اورادا سیندیرمالی اولدوق؛امما قاییدیش باش اوز اوزومه تعجوبله نرک قار ننه نی سوزه توتدوم کو ندن المی اورفت کیشی یه و اونودا ائششه گین یانینا باغلادیلار؛قار ننه م دسته دن دالا قالاراق تویشون آلماغیچین یول قیراغی بیر داش اوستونده اوتوروب منی قوجاغینا آلاندا بئله بیر حکایه نین باشینی آچمالی اولدو؛ ایلکن باش کله قاییسی نین اوجوینان اوز گوزومون توز توپراغین سیله سیله دئدی اوغلوم اورفت گیل دده بابادان کندین الم داری اولماقلاریچین اونون بویوک باباسی موروت کیشی ده الم گوتورردی؛او ایللرین بیرینده یئنی دن دسته چیخیب مقصده دوغرو گئدنده الم جوشور دئییه موروت کیشینی داشدان آتاراق او یئرده دونیاسینی دَییشمه لی اولور؛جاماهات بو صحنه نئینن اوزلشنده مورفت کیشی ایمام حوسین قوربانی دیر دئییه اونو قایا اوستونده باسدیرمالی اولورلار؛سونرالار موروت کیشی نین مزار اوستونده بیر بینا تیکیلیب جوشه گئدن المی ده گونبذینین باشینا تاخمالی اولورلار؛اوچاغدان بینانین آدینی الم جوشان ایمامزاداسی قویاسالاردا گئت گئده خالق آراسیندا دووشان داش ایمامزاداسی آدی کیمین دیللره دوشور؛او چاغدان بری ایمامزادینین عایداتینی ایرحمتدیک موروتین آدام نفرینه وئریلسئی دیده ایسلامی حوکومتیمیز باش توتان نان بئله قوو قاپ(اوقاف) ایداره سی اوستونه ال قویوب؛اوتوز ایل کئچه رکدن اورفت کیشی عایداتی قوروملار موراجعیت ائله ییردی کی بلکه امامزادینین پول پاراسیننان بئش اوچ تومن الده ائله یه بیلسین؛بیر ائله چالیشماقدان سونرا آغزی بوزا گئدن اورفت کیشی اوچ دورد ایلدیر کی الم گوتورنده اوزونو آت اولاغا باغلاییرکی بیر دونه ده الم جوشور دئییه داشدان دوشوب ایکینجی ایمامزادینین تیکیلمه سینه ایمکان یاراتماسین ..............

+ نوشته شده در شنبه سی ام مرداد ۱۴۰۰ ساعت 10:2 توسط (قلئی چی مورتوض)  | یک نظر

بیر ائششک...............

منی قارا یولا آد قازانیب ائششک صاحابی اولایدیم باخ ؛

اون یول دئدیم آیی قوچو نیظام منی بو ایشه قاتمایین؛

سوز آغزیمنان چیخمامیش مجلیس باش ورین نن کاتدا ایسلام قوزاندی سنین نه یین *گوتش بی دن آزدی باخ ؛

اللاه ائله مه میشدن قونشو کتدر آراسی داوا دالاش دوشسه بیرنفر آراچی گرکدیر یا یوخ

ایشی یوغوروب بوینوما وئرن کیمین طی دوبرده گئدن طایفا داواسینا قاریشیب یاتیرماغیچین اوز جانیم هله هئچ دیلسیز آغیزسیز ائششه گیمده تهلوکه آغزینا سالیرام؛

نئچه ایلدیر قازانجیمی بی ادبچیلیکدی بو اوزون قولاغا یئدیردیب کتدر آراسیندا گئدن چکیش برکیشلره قاریشاندا اوزومده چارق پته وادان چیخمیشام؛

یازیق آرواد دوز دئییردی داااااااااا

من ناققارتا خوروزساواشدیرانلار و ایت بوغوشدورانلار کل دویشدورونن آراسیندا قالیب آراچیلیق ائله یجگم؛

نئچه یول بو ایشدن باش قاچیرتماق ایسته سمده اوستو آچیلمایان سبب لر ه گوره کاتدا ایسلام بیله می یانینا آلیب اورت باسدیر بولگه سینه سن گرک سن دئییه ائششه گیمینده قیریب قاچماغیما مانع اولوردو؛

نئچه گون قاباق یئنی دن قوچو نیظام بیله مه خبردارلیق ائله دی کی گلن گونلرده کاتدا ایسلام طایفاسینان بیزیم آدام نفر آراسیندا پیشیک بزه مه و ایت بوغوشدورما یاریش موسابیقه سی اولاجاق؛

بو سوزو ائشیدن کیمین بو دونه ده اولو یویانلاری تابوت داشییانلاری و قبیر قازانلاری چاغیریب عاغلیما گلن قاباقلاییجی تدبیرلر گورمه لی اولدوم؛

واخت وعده باشا چاتان گونو اوزوزدن ایراق اولاغیمی مینه رک اولدوغو قدر قبیر زاد قازماغیچین بئل کولونگ ال ایاق ائله ییب اولو داشییانلارینان بیرگه موسابیقه یه قاتیلدیق؛

یاریش باشلان نان کیمین قوچو نیظام آدام نفرینن کاتدا ایسلام توره سی آراسیندا کی ایت بوغوشدورمالار ایکی طایفا داواسینا چوننده منیمده ائششه گیمی آرادا ووروب قیچ پاچاسینی ازدیلر؛

بو ساواشدا باشی سینان قولو سینان ایاق التدا قالیب کئچینن چوخالماسین دئییه کومکچیلریم ایاق ایره لی قویوب گوجو پیسلیگینن ایکی طایفا ساواشینی دء دانیشیق یولوینان سون قویماق ایسته دیک؛

بو دونه ده ایکی ایت بوغوشدورانلار آراسیندا اوتوروب اولوب ایتن نر  ورینن دانیشمالی اولدوم؛

بونلار بیربیرلرینین باشینا چیغیریراراق ساواش اثناسیندا شیلی شوققاق اولان ایت و آتلارینی بیربیرلرین نن طلب ائله ینده  گاهدان قوزانیب اوجا سسینن دئییردیم؛ منده....................

_______________________________________

گوتش بی-گوتئرئش سازمان میللین باش ایرییسی

+ نوشته شده در شنبه بیست و سوم مرداد ۱۴۰۰ ساعت 9:25 توسط (قلئی چی مورتوض)  | یک نظر

سن بو اوجاغین................

خان اوغلان اؤونیورسته داخیل اولان نان تکجه بیر آمالی واریدی کی قایقی کئش آتاسینین اونا چکدیگی عذاب اذییتینی جبران ائله یه بیلسین؛خان اوغلان آتاسی حیات قوران نان سونرا اون نان بالاجا باجیسینی دونیایا گتیرن آناسی عومرون نن یارییا بیلمه یینلر کیمین گنج یاشلاریندا دونیاسینی دَییشیر؛گاهدان آناسی چین داریخان خان اوغلان گوز یالاشلارینان اوز اوزونه دئییردی؛یازیق آتام اوزو ننه لیک قاپازی آلتیندا بویودوگونه گوره آنامنان سونرا ائوله نیب اوشاقلارینین باشی اوسته اوگئی باخیشلی یال یاماق گتیرمک ایسته مه ییردی؛خا اوغلانین آتاسی کند یئرینده مالدارلیق ایشینن مشغول اولسایدیدا اوزاق گؤرنلیگی و آچیق فیکیری واریدی؛کیشی اوجاغینین تک گوزو اولان بیر تک اوغلونون هله یئنی یئتمه چاغلاری دئییه ایکینجی اوچونجو صینیفه گئتمه سینی گوررک بیله سینی ازدیره ازدیره دئییردی سن درس اوخویوب اؤوئرسته داخیل اولسان من دونیالیق آرزی آمالیمام چاتمالی اولاجاغام؛خان اوغلانین دیلنجه دئسک عومرونو من نن باجیمین ایاغینا قویان آتام دئمک اولار کی منی اؤنووئرسته گوندرمه گینن اوز آمالینا چاتیردی؛امما خان اوغلان ایسه بیر یاراشیقلی ارکک گنج اولاراق اؤز تای توشلارینا قوشولوب هفته سونو اَییلنجه لر گئمه لی اولور؛گئت گئده اوزو بیلمه دن سئوگی تورونا دوشن خان اوغلان خاتین آدلی بیریار یاراشیقلی- آل یاناقلی- اوزون ساچلی- قی باخیشلی صینیف یولداشی اولان بیر قیزا اورک وئریب بوش واختلارینی اون نان کئچیرتمه اولور؛خان اوغلان هرگون سحر تئزدن دوروب اؤنووئرسته گئتمک ایسته یینده خاتین خانیمدا دئییه یول آغزی سئودیگیجه گینی گوزله مه لی اولوردو کو بو سحرینده اونون گونش قاتلی باخیشلارینان آچیلمالی اولسون؛بو گوروشمه لرین بیرینده خاتین خانیم الینن خان اوغلانین باش توکون سیغللایا سیغللایا کیم اولدوغون نان سوروشاندا بیر دونه یازیق اوغلانین گوزلری دولوب جاواب وئرمگدن باش قاچیردیر؛گاهداندا خاتین خانیم گله جک یاشایینا فیکیرله شنده اوزو اوزونه دئییردی ناواخت اولاجاقدیر کی بیز اوخولو(مدرسه)قورتاریب بیرلیکده عایله قورا بیله جه ییک؛امما بو جوتلوگون گونده لیک موناسیبتلری داوام ائله ییرک خان اوغلان یئری گلنده خاتین خانیمی ائولرینه کیمین موشاییت ائله ییرک ایگیرمی یئددی باساقلی(پیلله) بینانی چیخیب یئنمه لی اولوردو؛گاهدان خاتین خانیم سئودیگی اوغلانین یاشادیقلاری بینایا گلمه سینه هیجان ناراق قارداشلاریم ائشیدر دئییه گلیب گئدن قونشولاردان اوز دالدالیغا ووروردو؛امما عکس اولاراق بوجوتلوک گئجه نین بیر یاریسینا قدر شهرین اییلنجه یئرلرینده سرخوشلوق ائله سئیدیرلرده نهایت خان اوغلان سئودیجه گینین الین نن یاپیشیب (ائولری گوی ده لن یار) ماهنیسی اوخویا اوخویا بیر دونه یاشادیقلاری نئچه مرتبه لی بینایا دوغرو گتیرمه لی اولوردورلار؛اوز یاشادیقلاری بینایا وارد اولان خاتین هیجان کئچیردسه ده خان اوغلان نان آیریلماق ایسته مه ییردی؛گئجه اوزونو ایگیرمی یئددی باساقلی(پیلله) بینانی آشاغی یوخاری ائله یین جوتلوک گاهدان آرانی بوش گورنده اوپوش گوروشده ائله ییب حاللاشیردیرلار؛امما طالئعین ایشینه نه دئمگ اولار کی گلن گونلرینه آلتون قات مئتالدان کورپو قوران خان اوغلان بیر گون خبردار اولورکو آتاسیدا دونیاسینی دَییشیبدیر؛قارا کوینک گئییب سئودیجه گینی آناسینین مزاری اوستونه گتیرنده بیر دونه اوزو اونا توتوب دئییر........................

+ نوشته شده در شنبه شانزدهم مرداد ۱۴۰۰ ساعت 17:7 توسط (قلئی چی مورتوض)  | یک نظر

آردوج آغاجی..............

کوز(پاییز)موسوم ایدی؛هر ایل اولدوغو کیمین بو ایلده آنام ایپ دهره نی وئریب بیله می تای توشلارا قوشاراق اودونا گوندرمه لی اولدو؛یولداشلاریملا بیرگه کندین قیبله ورینده اولان داغ یوکسک مئشه لیگینه ساری یولا دوشدوک؛دایانمادان هاممیمیز چالیشیردیق کی بلکه عوهده میزه قویولان ایشی لایینقیجه یئرینه یئتیره بیلدیک؛هر کس گوجو چاتان قدر اودون ال ایاق ائله ییرک قاباغا دوشمک ایسته ییردی؛منده جیددی جهدینن بیر آردوج آغاجینین خول بوداغینان دوغراییب اوز شله می اوست اوسته ییغیردیم؛زئیرین یولداشلاریم بیربیریمیزه دایاق اولاراق آخشام اویونه شله لریمیزی گوتوروب کنده دوغرو یولا دوشمه لی اولدوق؛ائوه چاتاراق آنام هممشه کیمین بویومو اوخشایا اوخشایا شله می اندیرنده گوردوم اودون خولالارینی گوزونون اوستونه قویاراق نسه اوپمک ایسته ییر؛نئچه گون بو فیکیر باشیمدا دولانان کیمین باشا دوشدوم کو آنام منیم گتیردیگی اودونلاری هئچ یاندیرماق دا ایسته مه ییر؛آنامین من نن بئله داورانماسی گئد گئده جاماهاتین آغزینا دوشه رک تای توشلاریمدا بیله می لاغا قویوب گولوشوردورلر؛آنامین بو ایشین نن چاش باش قالاراق بیرگون دؤلوقسونا دؤلوقسونا سوروشدوم آی آنا ندن منیم گتیردیگیم اودونلاری یاندیرماق ایسته مه ییرسن؛باشیمدا دولان نان سورقو سوالدان باش قاچیران آنام نهایت بیرگون الیمنن یاپیشیب گتیردیگیم اودون شله سینده کتده کی مچید حیتینه گتیرمه لی اولدو؛شله نی آختاریب بیر ساهمانلی یئرده قویان نان سونرا الینی مچیدقاپی باجاسینا سورته سورته دیل دوداق آراسی دوعالار اوخویاراق علاوه دن الینی باشیما چکیردی؛قاییداراق یول اوزونو آنام بیر دونه کدرلنمه گیمی گوروب معنالی باخیشیلارینان اوزومه باخاندا دئدی اوغلوم آردوج آغاجی بیزیم اوجاقدا....................

_______________________________________

کوز- تورکوده کولک اوز- پاییز موسومو دئمکدیر

+ نوشته شده در شنبه نهم مرداد ۱۴۰۰ ساعت 17:37 توسط (قلئی چی مورتوض)  | یک نظر

قدیر آغا ممممممممه........

یازیق کیشی یه نجور دئییم آخی؛

هر ایل قوربان بایرامی یاخینلاشاندا ساغ قونشوموزقدیر آغانین قوربانلیق ملرتیسی یئدی آغاج یول گئدیر؛

من بیلیرم بو ایلده بیزه قوربان پایی وئرمه سه لر کیشی اوماراق هئشترخان کیمین  شیشه جک؛

آروادین اوزو اوزونه دئیین مگینی ائشیده رک؛

های باسدیم؛

آی خانیم کیمینن دانیشیرسان؛

خینالی ساچلارینی گوزونون اوستونن قیراغا چکه چکه دئدی هئچ هر ایل اولدوغو کیمین بو ایلده قوربان بایرامی یاخینلاشاراق قونشو حییته تین نن گلن ملرتی سسینه فیکیرله شیرم؛

اوتاناراق باشیمی آشاغا سالاندا دئدیم آخی ایمام کومیته سینن ناقارتا پئنسییا وئریرلر کی من قوربانلیق دا آلا بیلم؛

آرواد علاوه دن عاصی کیفیری اولان کیمین دئیینه دئیینه آتیردی

سابیق کی موسلمانچیلیق قالماییبدیر باخ؛

الن نئچه ایلدیر قدیرآغاگیل قوربانلیغی یئییب بیر چئینم لیک ده اولسا قوروم قونشویا وئرمه ییرلر؛

بو بایرامیدا اتسیز قوتسوز یولا سالاراق او گونلری نامازجومعه صفینده گاهدان قدیرآغانی دومسوکله ینده ببببببببببببببه بببببببببببه دئییرک قویون قوزو سسی چیخاردیردیم؛

جاماهات دونوب بیله میزه باخاندا قدیر آغا قولاغی نین دیبینه قدر قیزاراراق یانیمی باسدی کی اوروسوایلیق ائلمه کی سونرا دانیشاریق؛

بیر جور بیر طهر نامازی قورتاریب موفته ماشروط ماشین نان ائوه قاییداندا ایسته دیم کی علاوهدن قدیر آغایا ساتاشام ؛

آف توفون نان سوزون باشین آچدی کی الن نئچه ایلدیرکی بو دینسیز ایمانسیزین قیزی ائو آدامی منی قوروم قونشو یانیندا باشی آشاغا ائله ییر؛

الیمده کی تسبئیه توو وئریب سوزو میرتا چکمک ایسته ینده  قدیرآغا آرتیردی؛

آی قالایچی مورتوض بیزیم آروادهر ایل قوربان بایرامی عرفه سینده قوروم قونشونو سعف سالماغیچین مله ییرکی؛

سوز بئله گلنده اوزومو ماشینداکیلارا توتوب  اوجا سسینن دئدیم ..............

+ نوشته شده در شنبه دوم مرداد ۱۴۰۰ ساعت 19:4 توسط (قلئی چی مورتوض)  | یک نظر

ایبیشی دوزلده جک.............

های دوشدوکو قالایچی مورتوض اذرسئل دکه لینین باشینا چیخاراق اوزونو آشاغی آتیب اولدورمک ایسته ییر؛

حیات یولداشی خؤیلو خانیم یئدی سکگیز اوشاغی گوتوروب صحنه یه گله رک گوز یاشلارینان بیله سینه یالوار ائله ییردی آی کیشی اوزونو آشاغا آتیب بابالاریمی دده سیز قویمااااااااااااا

اوره گیم یانان کیمین اوزومو آذرسئل دیره گینین دیبینه یئتیریب توخداق لیغینان چاغیردیم کی آی قالایچی مورتوض باشینا زادینا هاوا گلیب نه ایشدیر گورورسن؛گل گل آشاغا باخ خ خ خ خ

جاماهاتدا منیم سوزومو تسلیق ییرک نه قدر یالوار یاخار ائله دیک اجل باشینا دولانان کیشی آز ائشیتدی ی ی ی ی ی هاچان نان هاچانا یوخاریدان اوزونو بیله مه توتوب دئدی آی میرزه جلیل داها منیم اولوب قالماغیمین نه تفوتو واررررررررر

الیمی قولاغیما قویوب آشاغیدان اوخاری ندن بئله دوشونورسن سوروشاندااااااااااااا

اوجا سسینن جاواب وئردی ی ی ی ی ی

نه اولاجاق آرواد ائوده اوشاقلاریمینان تای دئشیک دیلده دانیشیر ررررررر

بیر دونه آشاغیدان اوخاری یا های باسدیم کی سن نیگران قالما اونو ایبیشی دوزلده جک ک ک ک ک ک

یئنه ده اوخاریدان های باسدی کی اشی بانکدان آلدیغیم کیریدیتلری(اقساط)وئره بیلمه ینده دولت مال قارامی الیمنن آلیب بالالاریمین بوغازینی قوروداجاق ق ق ق ق ق

بورکومو گوزومون اوستونه توتاراق دئدیم

نیگران قالما اونودا ایبیشی دوزلده جک ک ک ک ک ک

بیر دونه آرتیردی کی اشی باغ بولاغیمیزین سولاری قورویوب طهرات آلا بیلمه دن نامازیم قاضایا گئدیرررررر

دئدیم اشی اونوداااااااا ابیشی دوزلده جک ک ک ک ک ک

ائگی ایشه دوشن کیمین بیر ایاغینی گویده اوینادا اوینادا قی ووروب دئدی اشی برق لرین گئتمه گین نه دئییرسن ن ن ن ن ن ن

بو دونه کوینه گیمین قوللارینی اوخاری چکه چکه دئدیم اده اونودا ابیشی دوزلده جک ک ک ک ک ک ک

سون اولاراق دوره بره باخیب یانا یانا دئدی آی میرزه جلیل بو کارانا ویروس دوشه لی یاخین کتده سیقا ائله دیگیم دیرناغی رگلی نین یانینادا گئده بیلمیرم آخی ی ی ی ی

عصبله شرک ساغ الیمنن گل آشاغی گل آشاغی وورقولویا وورقولویااااااااااا

دئدیم نیگران قالما اونودا اا اااااااااااا.............

+ نوشته شده در جمعه بیست و پنجم تیر ۱۴۰۰ ساعت 19:33 توسط (قلئی چی مورتوض)  | نظرات

آغامعلی نین آغزینا..................

سالام باجی قوربان نه وار یوخ؛

ساغ اولون بیزده یاخشی ییق؛

اوشاقلارین دده سی خسته له نیب ؛

یئزنه نی دئییرسن؛

وای باجین اولسون نیگران قالدیم؛

خوب نمنه سیدیر؛

سئچگیلرده ایراَی(رای) گتیره بیلمه ین نن سونرا قارنی ایشله میر؛

او کو بیر زاد دئییل؛

گوتور گل بورایا؛

دئییرم اوشاقلارین آتاسی اونو باش کندین لاپ بئله یاخشی خسته خانالاریندا یاتیزدیریب پندامیم آچدیرار؛

هارا گله سیز؛

یؤوش(خودکار) کاغیذ گتیر عنوانیمیزی دئییم یاز؛

باش کند؛قولوف اللاه دورد بانداسی اوزون گوده خیاوانی آغامعلی شهرجیگی نین آغزی؛

اورا کی گلدیزی منه زنگ آچین کیشی نی گوندریم قاباغیزا؛

ائو آدامی ساهات یاریم دانیشیب قورتاران نان سونرا دیلیم توتار توتماز سوروشدوم؛

اللاه بد وئرمه سین کیمینن دانیشیردین؛

ایستی دن اوز گوزو پورتن کیمین اوتدوغو اوستولون اوستونده اللاه ایشیق آپارانین ائوین ییخسین دئییه گئیدیگی گن کوینه گین اته گینن اوزونو یئلله یئلله یه جاواب وئردی؛

هئچ ائله بیل زیرپی(بویوک) یئزنه نین قارنین ایشله میر؛

باجیما دئدیم گتیرسین بورایا داوا درمان ائله تدیرک؛

ساغ الیمینن قیچ پاچام نان آخان تر شیرتوون سیله سیله دئدیم آی آرواد ائله تلفون دالیندا آغاملی نین آغزینا دئییرسن کی صاباحلاری بو سوز ماخلوغون آغزینا دوشر هله هئچ؛

یئرین نن دوران تار تانیش ستلجم خسته سین گتیرر قاپیمیزا؛

اوچ دوردگون نن اوستون نن کئچن نن سونرا بیر گئجه یاریسی گوردوم آرواد ایاغ بارماغینین اوجوینان قابیرقامنان قیدیقلاییر؛

دور کو ترس آوا کند قوناقلاری گلیرلر؛

کال کال یوخودان دوروب گوزلریمی اوکه له یه اوکله یه دئدیم قوناقلار خوش گلیرلر؛

صافا گتیریرلر؛

آی ایرحمتدیگین قیزی دوز گلسینلردااااااااااااااااا

آرواد قیرر بیر یاپیشدی یاخاما کی اولماز دور گئت قاباقلارینا؛

آرواد سوزون نن چیخان غافیل اولر دئییه پال پالتاریمی گئییب یاشادیغیمیز آغامعلی شهرجیگینین آغزینا چیخمالی اولدوم؛

گئجه یاری ماشین وورماسین بیر ایشیق سیز دیره گین دیبینده اوتوروب خئیلک گوزله ین نن سونرا اوز اوزومه دئیینیردیم کی بو آرواد نئچه ساهاتدی منی گئجه ینن اوتوردوب آغامعلی آغزینا؛

به بو قوناقلار ناواخت گله جکلر؛

آغامعلی آغزینا دئییه دئییه لاپدان بیر مینیک سوروجوسو قیچیمین دیبینده ساخلایاراق سوروشدو

آی قارداش آغامعلی آغزینا؛

باشیمنان هه دئییب تو دابانا آروادا موشتولوق آپاراندا.........................

+ نوشته شده در جمعه هجدهم تیر ۱۴۰۰ ساعت 17:19 توسط (قلئی چی مورتوض)  | نظرات

شاپبالی ارسین.................

یای گونلری دئییه هفته سونو اولاراق قم قادا داغیتماغیچین عایله نی گوتوروب طبیعت قوینونا چیخمالی اولدوق؛بیر دونه سفریمیز عایله عوضولرین سئوینجینه سبب اولان کیمین منیمده داریخمالاریم یارا قایساق توتان توخداییب یئرینی دئییب گولمه گینن عوضله ییردی؛قاییدیش باش یولوموزدان ایراقدا بیر خارابا کند دیققتیمیزی چکنده اورایادا باش وورمالی اولدوق؛بو کندین باغ باغاتی یانیب گون وورموش خالخا کیمین سارالسادا داش پالچیق دام دوواریدا کدرلی نظره گلیردی؛نوه لر اوچموش دام دووارا بویلاناندا منده بیر تاریخچی کیمین بو کندین نه زامانا عاید اولماغینی گوزدن کئچیریردیم؛حیات یولداشیمنان کوچه کوچلوک دئییه باشیمیزا گلن نوصیبترلردن دانیشاراق تاسوفله قوروموش آلما آغاجلارینا تسلّی وئرمه گه چالیشیردیق؛بو آندا بئلی بوکوک و ساچینا دن دوشموش بیر آنا قارشیمیزا چیخیب بیزی ائوینه قوناق کیمین آپارمالی اولدو؛کیپریکلرینن یورقونلون توزو آسلانان آنا اوزو گولشگینن قاباغیمیزا قفدان چایی قویوب کیم لیگیمیزی سوروشاندا؛ ال تلفوینان فیلیم گوتورن نوه ام کیم اولدوغوزوموزدان ایضاح لار وئریب آنا خانیمین سورقوسونا جاوابده اولماق ایسته ییردی؛بیر دونه من تک داملاردا یاشایان آنانین آدام نفرینن سوروشاندا یاش دنه لری گوز گیله سینده مونجولاناراق دئدی؛ بیر گون واریدی بو آستانادان دورد اوغول؛دورد آغزی یاشماقلی گلین؛و هر گلینین یانیندا دورد بالاسی چیخاردی؛اما گوردوگون کیمین ایندی هر چاتداغیندا بایقوشلار یووا سالماغا جان آتیرلار؛سونرادان بللی اولدوکو خارابا کتده تک باشینا یاشایان بو آنانین ائولره کوچورتموش اوچ قیزی و اوز الینن اوت اوجاغ ائله دیگی بیر اوغلو واردی؛اوشاقلاری آیریلیب هره سی بیر شهره کوچن کیمین آیدان ایلدن بیر یولدا اولسا بیله سینه باش وورماییرلار؛آغیر اوزونتولرله آنانین سوز صوحبندین ائشیدیب زمانه میزین ترس اوزونه نه دئمه گیمی فیکیرلشنده علاوه دن اوره گیم ده قم قادا یئر ائله ییردی؛سوندا حیات یولداشیم اوزونو توتوب آنا ایذن وئرسه نیز گئتمه لییک سوزونو دیلینه گتیرنده بیر دونه کدرلی باخیشلارینان بیله میزه یالوار یاخار ائله ییردی کی سیز تانری هئچ اولماسا بیر گئجه منیم له  قالین؛امما نه دئمک اولار کی ساهاتین وورماسی زامانین تئز تئز اوتمه گینن خبر وئررک ائرته باشی یولا چیخماغیمیزی طلب ائله ییردی؛آنا هر بوجاقدان بیر پای گوتوروب اوشاقلاری سئوینجه یولا سالاندا بیر شاپباسی اَننی ارسینی منه وئریب دئدی اوغلوم بودا من نن آمانات اولسون؛آنانین بوینونو قوجاقلاییب بو شاپبالی ارسین ندیر سوروشاندا الیمی الینین ایچینه آلاراق کیمسه سیز باخیشلارینان دئدی؛ هفته لر اولار کی بو شاپبالی ارسینی قاپی آغزینا آتیرام؛ بلکه بیر دونه  اوغلوم عایله سینن گلیب بو قاپیدان ایچری گیره جکدیر؛ایندی کی ایش بئله گلدی ائله سن منیم اوغلوم اولاسان.................... _________________________________________________________

ارسین اسکی کند یاشاشیندا بیر مئتال پارچاسی دیر کی اونون بیر باشی اَییری اولاراق او بیری باشی ال ایچی کیمین شاپبالی اولاردی چورک تندیرین دووارینا یاپیشاندا اوننان قاشییب چیخاردیرلار؛

+ نوشته شده در یکشنبه سیزدهم تیر ۱۴۰۰ ساعت 11:27 توسط (قلئی چی مورتوض)  | نظرات

ایبیشی............

نئچه واخدیرکی آروادین بو یان اویانینا کئچیب یالوار یاخار ائله ییردیم کی؛ آی آرواد گل شیطانین داشین اتگینن توک هئچ اولماسا ایذن وئر بیر گئجه بو یئنی سئچکیلرینده قالیب گلمیش کند شورامیز جددینه قوربان اولدوغوم یانبیزی یوموشاق  ایبیشی نی(ایبراهیم) قوناق ائله ییک؛سوزومو آغزیمدا قویان کیمین باشیما قیشقیریردی کی؛ اشی دوزدورکو ایبیشی بیر واخلار سن نن کندین ناخیرینا گئدردی ایندیسه دویلت اولاراق چاغیرساندا گلمز؛دئدیم آی هیسلی قاپ باجامیزدان دوشن گؤز قاماشدیریجی ایشیق ایبیشی نی چاغیرسام گله جک هله هئچ منجه  اوزوموزه گلن دؤرد ایلین ایچینده نه پوخوموز اولسادا  آشیرا بیله جک؛آرواد علاوه دن بارماقلارینی گوزومه سوخا سوخا های باسدی کی توتاق کی من ایذن وئردیم سنده ایبیشینی قوناق چاغیردین داغ دؤوشانی کسیب بیله سینه یئدیرده جکسن؛آروادین یوموشانماغین دویاراق دئدیم نه اولار او بیردنه خوروزو کسیب قوناقلیغی باشدان سالاریق؛آرواد علاوه ائله دی آی زیرخانادا یاتیب دؤرد مرتبه لی بینا یوخوسو گؤرمه کی بیزیم در دونیادا بیر خوروزوموز وار اوباشدان بو باشدان بان ناییب جاماهات خئیر ایشه چاغیراندا ثاوابی گیریر اولن نریمیزین گورونا ؛دئدیم آرواد تانرینی نه گوردون بلکه ده شورامیزین بیزه یازیق لیغی گله رک خوروز یئرینه بیله میزه دوه دؤوشان باغیشلادی؛اوزون چکیش برکیش دن سونرا بیر جوم آخشامی  ایبیشینی قیزیمیش خوروز اتینه قوناق ائله دیم؛یئییب ایچیب خوررا فیسینان قوناغی یوخویا وئررک احمالجاسینا گیردیم آروادین یئرینه کی .....................

عیال عصبله شرک هیم جیمینن آندیر کی خئیر اولا؛دئدیم نه اولاجاق به جوم آخشامی دئییل؛کوروسو یورقانینی اوزونه دولایاراق دئدی ائویمیزده جددینه قوربان اولدوغوم کولگه سی آغیر قوناق وار  اولماز؛آرواددان الیم اوزولن کیمین  قوناق یئرینه کئچنده اؤز اؤزومه فیکیرله شیردیم گوره سن اوزوموزه گلن دورد ایلده جددینه قوربان اولدوغوم ایبیشی پوخلاریمیزی آشیراجاق.................

+ نوشته شده در شنبه پنجم تیر ۱۴۰۰ ساعت 12:40 توسط (قلئی چی مورتوض)  | نظرات

سو توکمه یینین..............

قارا سئچگیلر گوی سئچگلر؛الن بیر آی اولار کی دده دلیگیمین یانینا گئت گل ائله یینلرآمانیمی کسیبلر؛من یازیق گونده گرک هئچ اولماسا اللی قوناغین قاباغیندا دور دومبال ائله ییب چای شربت تور سوزو بیله لرینه شاف حواله ائله ییم؛اشی بو بیر آیین ایچینده ماجال تاپیب بیر باشدا اولسا تیرگک چکه بیلمه میشیم؛واخت یوخدور کو گلنلریچین ایاق قاپی جوتله؛ شام ناهارا قالانلاریچین آش دوشاب ال ایاق ائله؛ جانیم سنین ایچین دئسین قاب قاجاق یوو؛دده ددلیگیم شیخ آغانین کوره یینی اوؤ؛منی قارا یولا خانلیق قوللوقچوسو اولایدیم؛گئجه لر واخت تاپیب گوزومو قیزدیرماق ایسته ینده بو دونه شیخ آغانین خورولتوسوقویماییر یاتام؛شوکورلرکی اوزوموزه گلن گون سئچگی لر پیلانی قورتاراجاقدیر؛ بو آخشام باشی برک حسن ددده دلیگیمین گوروشونه گله رک سوز صوحبند لری اوزونا چکنده گئجه یاریدان کئچمیش اوز اوزومه دئدیم بو گئدده شویله سینی بایرا قویسایدی مانقال بافیری چاغلاییردیم؛موعتبر قوناق سون اولاراق ایاق یولونا کئچیب خئیلی واخدان چیخان نان سونرا اوزونو دده دلیگیمه توتوب آی شیخ آغا پیس یاخشی زحمتیمی حلال ائله یین دئییه بیله سینی یولا سالاراق قاپی دالدان داررادیم کی داها بیر کیمسه گلیب ائله مه سین؛ائله بیر یاریم نوخود تیرکگ یاپیشدیریب تورسوزو بافیری شیخ آغانین آغزینا وئرنده بیر اوندا گوردوم یئنی دن تاپپا تاپ قاپیمیزی دویورلر؛نلبکی یه دوغرادیغیم قارا قیزیل حیصه لرینی شیخ آغانین عاماما آلتینا قویوب بافیر مانقالی دا بیر جور بیر طهر گیزلتدیم؛سون نان قاپی ساری گئده رک آی بو گئجه نین یاریسی کیم دیردئییه قاپینی آچاندا گوردوم دیزقیراق ابراهیم ایاقلارینی یئره تاپدایا تاپدایا گیردی ایاق یولوموزا؛ایچریده خئیلک اوزوینن وورنیخین نان سونرا گوردوم اوجا سسینن دئییر آی ایاق یولونا گئدیب سو توکمه یینین.........................

+ نوشته شده در شنبه بیست و نهم خرداد ۱۴۰۰ ساعت 11:24 توسط (قلئی چی مورتوض)  | نظرات

قورد قوش دیلی...............

خُخُخُخُخُخُخُخُخُخُخُ

ددددددددددددددددد

اااااااااااااااااااااااااااااااااااااااااااااااااااا

پپپپپپپپپپپپپپپپپپپپپپپپپپپ

ررررررررررررررررررررررررررررررر

سسسسسسسسسسسسسسسسسس

تتتتتتتتتتتتتتتتتتتتتتتتتتتتتتتتتتتتت

یییییییییییییییییییییییییییییییییییییییی

نننننننننننننننننننننننننننننننننننننننننن

شششششششششششششششششششششششش

اااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

نننننننننننننننننننننننننننننننننننننننننننننننن

هههههههههههههههههههههههههههههههههههههههه

ییییییییییییییییییییییییییییییییییییییییییییییییییی

جججججججججججججججججججججججججججججج

ههههههههههههههههههههههههههههههههههههههههههه

للللللللللللللللللللللللللللللللللللللللللللللللللللللللللللللللللللللللل

بببببببببببببببببببببببببببببببببببببببببببببببببببببببب

ششششششششششششششششششششششششششششششش

ررررررررررررررررررررررررررررررررررررررررررررررررررررررررررر

اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا سسسسسسسسسسسسسسسسسسسسسسسسسسسسسسسسس

تتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتت.....

+ نوشته شده در شنبه بیست و دوم خرداد ۱۴۰۰ ساعت 9:5 توسط (قلئی چی مورتوض)  | نظرات

چین گیریب....................

آخی هر گئجه یاریسی حامام اولاراوقَدَر قوسول ائله میشم هااااااااااااااااااا

جانیم چیرگه چیخیب؛

اَیَه آی آرواد ایشیق سوندورمه یویونوم؛

سن سوندور مه دین؛

به کیم سو.ندوردو؛

آی منی یاریمچیلیق قویان ایشیق یاناجاق ناظیری نورعلی نین ده بیزیم کیمین چیراغی کئچسین؛

اشی پئرزدنت سئچگیلرینه گوره ده اولسایدی اوگون تلوییازا خبرلرینده دئییردیرلر هله لیک اورست باسدیر اولکه داخیلی لیشیقلار سونمه ییجک؛

آی آرواد قالدیم حامامدا آخیییییییییییی

منه بیر ایش گورداااااااااااااااااا

آی آرواد به سس وئردااااااااااااااااااااا

گورون چاتداسین بو ایرساله یازان یئنی دن گئجه یاریسی هایانا گئتدین؛

واه باشیما خئیر بو نه سس دیر؛

آی جاماهات اوغرووووووووووووووو

ائویمیزه اوغرو گیریب؛

آشاغی یوخاریمی باخا باخا دئدیم جهننمه کی شالوارسیزدا اولسام هله کئچیم گوروم کوچه ده نه هاییدی؛

قارانلیق کوچه های باغیر وای باغیر؛

آی آرواد نه اوغروسودور باخ؛

آرواد بیله مه یاخینلاشاراق ال آتدی اوز گوزونه کی؛

وای باشیما خئیر؛

آی کیشی دلی اولموسان؛

بونه ایشدیر لوممه لوت کوچه یه چیخماغین قالمیشدیر؛

ائله او هئینیده یئنی دن قارشی کوچه ده چاخناشما یاراناراق آی اوغرو دئییه دئییه چوله توکولدولر؛

آراوددوشومنن ایته له مه باخ اوزوم ایچری کئچرم؛

آرواد بیله می ایچری سالیب قاپینی چول طرفدن قیفیللایاراق یئنی دن کوچه یه چیخمالی اولدو اوز اوزومه تعجوبله نرک دئدیم؛

سئچگی لر قاباغی بو اوغرو دوشمه هئچ ده کاتدا نیظامین خئیرینه اولمایاجاق؛

قورخودان سویوقدان تیتره یه تیتره الیمی بی ادبچیلیکدی نامیس ناحیه مه قویوب بو فیکرلر باشیمدا دولانان کیمین لاپدان ساغ قونشوموز کئفلی ایسکندر آلیشقادان باشینی چیخاریب قارشی داکی تزه گلن قونشویا های باسدی کی اشی سیزه کیم گیریب؛

بو سس کوچه ده یاییلان کیمین طیییییییییییی قونشولار جاواب وئررک بیرلیکده سس سالدیلار کی به سیزه کیم گیریب؛

بیر اوندا گوردوم آرواد کوچه ورین نن هویله سک قاپی آچیب ائوه گله رک منه های باسدی کی آی کیشی بس بیزه کیم گیریب؛

بیله می یانالاییب آرخالیغی چینیمه آتاندا آغزیمی سول قولاغینا داییاراق اوجا سسینن دئدیم؛

بیزه ده.........................

+ نوشته شده در یکشنبه شانزدهم خرداد ۱۴۰۰ ساعت 9:42 توسط (قلئی چی مورتوض)  | نظرات

ایرایی(رایی).....................

اللاه دویلتیمیزه عومور وئرسین اورت باسدیر بولگه سی دئییه اون اون بئش گون اولار کی بیزیمده ترس آوا کندینده کارانا ویروس علیهینه واکسن پئیوندلمه ایشلرین آپاریر؛

سکسن و یئتمیش یاشلی کیشلر پیوند اولونوب آشاغی یاشلیلارا نوبات چاتاندا شرط قویموشدورولار کی آلتمیش یاش دئییه هر کیشی نین شئی دورسا اونا واکسن وورولماسین؛

نئچه گون عایله لر آراسی گوتور قوی اولونان سونرا نهایت ائو باشینا آدی گئدن کیشی لری توپلاییب شالوارلارین سییراراق دورقوزاغی یاتانلاری پیوندله سه لرده خیرچی پناهین دورزاغی یاتمادی؛

بو سوز کند جاماهاتینین آغیزینا دوشنده خیرچی پناهین زننی توبوزر خالانی قینایاندا اولوردو؛

اوگون باغدا سوواراندا گوردوم توبوزر خالا من نن آشاغی چای قیراغی سو باشینا اوتورارکن هر دن باش بارماغینی دیللاغینا سوخوب گوزوننون قاباغینا توتاراق دئییر؛من باشی داشلی کیشی نی پیس اورگتمیشم داااااااااااااااااااااااا

یوخ بون نان سونرا وئرمه رم..................

یاخشی قولاق آساندا گوردوم ساغ الینن پاچا آراسی قیل قیپینی سیغلایا سیغلایا دئییر؛ منیم تای توشلاریم ناواخدیرکی دیللاق ورینن تقاعوده(بازنشست)چیخیبلار؛

یوخ یوخ داها بون نان سونرا وئرمه رم.................... 

اوره گی سویومایاندا باشین پاچاسی آراسینا سوخوب دیللاغین نان قیبله قارشی دوراندا گوردوم دیل دوداق آراسی دئییر؛

قیرخ ایکی وئردیم یاتمادی؛

توبا توبا داهااااااااااااااا وئرمه رم...................

سون اولاراق اوچ یول شاپبا شاپ سول الینن دیللاغینین اوستونه وورا وورا دئد؛

یوخ یوخ یوخ داها وئرمه رم........................

توبوزر خالا ایشینی بیتیریب تومانی یوخاری چکه چکه گئتمک ایسته ینده لاپدان یولونا چیخیب گوله گوله سوروشدوم

توبوزر خالا بئله نه یی وئرمزسن ائیییییییییییییی

اوزونه آلمادان قاققا چالیب گولنده دوشومنن ایته له ییب دئدی.....................

+ نوشته شده در یکشنبه نهم خرداد ۱۴۰۰ ساعت 10:17 توسط (قلئی چی مورتوض)  | نظرات

آتاسیز گونلریم(2).....

اؤن یاش ایراده لریمی یاشاییردیم؛گئجه یاتاندا آتام اوزونو منه توتوب دئدی اوغلوم صاباحلاری جوت اوکوزلری گوتوروب قونشو کتده یاشایان طایفا گیله دوغرو گئده رک اونون دالا قالمیش یاز اکینه جک ایشلرینه ال یئتیره سن؛آتام بویوروغونا گوره سحرتئزدن بیر دونه آنام عوضی آتامین نازینان یوخودان دوروب خئش آلاتی اوکوزلرین بوینونا قویان کیمین قونشولوقدا کی ارسین کندینه ساری یولا دوشمه لی اولدوم؛گون اورتا چاغی مقصده چاتسام دا آتامین ائللری دوره می آلاراق هره سی بیر جوره بویومو اوخشاماغا باشلادیلار؛ناهار سیفراسی آچیلاندا دوغما دوغار بی بیم دالینجا دئیینمه گه باشلادی کی ندن یئنی یئتمه اوشاغین قاباغین جوت قوشقولو اوکوزلری قاتیب بورایا گوندمیشدیر،هر حالدا گئجه نی قالیب سحر آچیلان کیمین طایفانین اوغلو کو منیم له یاشید تایی دی بیرلیکده دوروب کندین جنوب حیصه سی دئییه شاییلیق(شاهلیق)یوکسک لیکلرینه ساری یولا دوشمه لی اولدوق؛یئنی ایلین اوتوزبئشینجی گونلری دئییه داغ اتکلرینه یوکسه لنده یازین دوروجاسیدا روحوموزو اوخشاییردی؛آهیل جوتجو اوکوزلری قوشوب هوگَل دوندوگجه جوت جوموغونون یاستی آغزینان کافانین اوجونا یاپیشمیش زیق چامیرین تمیزله یه تمیزله یه هاااا گئدین اللاه سیزه برکت وئرسین دئییرک ایشیمیزه داوام ائله ییردیک؛ نهایت کی ناهاردان اوچ دورد ساهات کئچمیش اوکوزلری بویوندوروغوندان آچیب کنده قاییداندا آهیل جوتجوموز اوغلونون الین نن یاپیشیب ائولرینه دوغرو گئده رک ماللاری قاباغیما قاتیب دئدی سن اوکوزلری بو گویلوکلرده اوتارکی اوت علف دن یئییب دویا بیلسینلر؛بو سوزلری دئییب یوللارینا داوام ائله ینده نه ایسه بو کند کؤوشن گوزولریمه یاد گلیردی؛گئد گئده آناسیز گونلرینده قایغیمی چکن آتام یادیما دوشن کیمین قربت آجیسی اوره گیمه دولوردو؛تویشوم نن کئچن آیریلیق ماهنی سینی زوم زومه ائله ییرکن بیرخینالی داشا سویکه نیب اوجا اونکورمه لرله آغلاماغا باشلادیم؛بیر آندا آیلیب اوزومه گلنده گوردوم اوتوردوغوم اوستولون اوستونده قیزیم بوینومو قوجاقلاییب الینن آغ ساچلاریمی سیغلایا سیغلایا سوروشور آی آتا ندن بئله کدرلی سن بیرداها گوزلریمین یاشلارینی سیله سیله دئدیم هئچ آتام یادیما دوشموشدور..............

+ نوشته شده در شنبه یکم خرداد ۱۴۰۰ ساعت 18:57 توسط (قلئی چی مورتوض)  | نظرات

قاباقدادیر آخییییییییی...................

قارقارقار

باشدا امیر وارکی بوندان سونرا مئشه ده امن آمانلیق اولاجاق؛

آیی آری قلیبلرین سیلکه له ییب بالینی یئمه یجک؛

قورد قویون قوزونو توتوب دیدمه یجک؛

قابان اوزگه نین تارلا توخومون قازمایاجاق

قاپلان گئییک سوروسونه یوروش ائله مه یجک

اوخ آتان قونشو اولکه لره موشک بوراقمایاجاق

یغان(فیل)میمون بالاسینی ایاقلامایاجاق

اوزون بویون(زرافه) آغاجلاری باشدان یئمه یجک

دله تویوق جوجه نینینه سوخولمایاجاق

هورومچک میلچه گه تور قورمایاجاق

تولکونون کافتارین سیچانین اوغورلوغونا سون قویولاجاق

خوروزلار واخت سیز بانلامایاجاق

قاراقوش کهلیک اوستونه شیغامایاجاق

چول ایتی قونشونون ات پایینی جیبیتمایاجاق

اوزون قولاق گوز قاباغیندا مایدانا آتیلمایاجاق

ائششگه اجازه وئریله جک آغیلینی ایشه سالسین

یالقوزکلرین بوینونا زینققیرو سالیناجاق

ساققالی ائرکج سورونو دوز یولا آپاراجاق

چول باییردا اولان قاریشاقلارین پئسییاسی(یارانه)اوچ قات آرتاجاق

قایا قاپان(سوسمار)گولمه چه دن حیوانلارا سو ایچمک ایمکانی وئره جک

سئچیکلر ...............

+ نوشته شده در شنبه بیست و پنجم اردیبهشت ۱۴۰۰ ساعت 10:57 توسط (قلئی چی مورتوض)  | نظرات

گوناهی کیمین بوینونا..............

بالاجا مهسا گوز آچان نان آتا آناسینین ایستی قوجاغیندا آیلاری ایللری آرخا قویوردو؛مهسا آناسینین بویون قوجاغلایاندا اونون ساری ساچلارینان اویناییب اوزونو گومراه حیس ائله ییردی؛ مهسانین آتاسی ایسه دلی قانلی گنج اولدوغونا عایله سینین قایغیسینی چکن بیر تورک قیرتلیسیدی؛بو خوشباخت عایله تکجه اوشاقلاری بالاجا مهسانین گله جه گینه اومود باغلاییب یاشامالارینا داوام ائله ییردیرلر؛امما نه دئمک اولار هر عایله نین بیر چاتیشمایان یئری اولارکن مهسانین دا آتاسی گونده لیک نارکوتیک ماده قبول ائله مه گینن مشغول اولوردو؛ مهسانین قیرمیزی یاناقلی آناسی گاهدان حیات یولداشینا اوز توتوب بو ائولر ییخان ماده نی چکمه دئییه بیله سینه موراجیعت لر ائله ییردی؛امما کیشی نین جییار بویروگین زهرله یین نارکوتیک ماده اونون سوموگونه اوتورموشدور؛گئد گئده عایله نین دونرگه سی دونن کیمین گونده لیک ائولرینده قال مال ماغال یارانیدی؛بالاجا مهسا یئدی یاشی قورتاریب مکتبه گئدن چاغلاریندا آتاسی پیس وضعیته دوشمه گوره ائوینی ترک ائله مه لی اولور؛شهر یئرینده باشسیز قالان عایله ائو کیراسینان توتموش گونده ماییشلارینا قدر چتین چکمه لی اولوردورلار؛بو یان ناندا تنگه نامیس اوغورلاری بیر گنج قادینین تک یاشادیغینی باشا دوشوب دام دووارینان آشماق ایسته ییردیرلر؛او سبب دن قادین ائولرینی عوض ائله سه لرده گونده ماییش مسئله لری بیله لرینه آغیرلیق ائله ییردی؛قیز آناسی ناچارلیق عرفه سینده ایش دالینجا دولارکن نهایت بیر پالتار تیکن ایش یئری تاپیر؛نه ائله ییم دئییه هرگون کورپه بالاسی یوخودا اولارکن ایش یئرینه گئتمه گیچین ائوی ترک ائله مک مجبوریتینده قالیر؛گونده اوزون بیر مسافه نی گئدیب گلن گنج قادین مهسانین گوزو یولدادیر دئییه گئدنده خط ماشروط آفتابوسینان گئتسه ده ایش اوسدن قاییدیندا چیخاردیغی پولون چوخونو شخصی ماشینلارا وئریب تئز ائوینه چاتماق ایسته ییردی؛بالاجا مهسانین آناسی بئش آلتی آی گئد گلینن سونرا ایش صاحابینین اوندا گوزو اولدوغونو باش دوشوب بیله سینه ال آتماغینان قورخاراق نهایت ایش یئرینی ترک ائله ییرکن ائوده اوتورمالی اولور؛چوخلو تضییق لره معروض قالان آنا بو دونه شهرشیخ آغا(ایمام جمعه)سینه مراجیعه ائله ییرک بیر ساهمانلی یئرده ایش الده ائله مه سینی طلب ائله ییر؛ایسته گینه جاواب آلماغیچین بیر ایکی آی شیخ آغانین یانینا گئد گل ائله سه ده نهایت شیخ آغا ال آلتی لاری بیله سینه شیخ آغانین سیقه خاناسیندا  ایشله مک تکلیفی نی وئریرلر؛کور پئشمان ائوینه قاییدان کیمسه سیز قادین ایجتیماعییت امن آمانلیق یوخدور دئییه هممشه لیک ائوده اوتورمالی اولور؛بالاجا مهسا آناسینین بئله اوزولمه لرینی گوررکن گونده لیک شهر میدانلارینین بیرینده ال دسمال(کاغاذ دسمالی)ساتماغینان گونده لیک ماییش لارینی عهده سینه گوتورمه لی اولور؛گئد گئده آنا عصب خسته لیگینه دوشه رک گونده لیک درمان قبول ائله مه لی اولور؛بو دونه قیزجیغاز بالاجا اللرینن چیخاردیغی پولو آناسینا داوا درمان آلیب تئز ائولرینه چاتماق ایسته یینده یول اوزونو آفتامابیل قضاسینا اوغراماغینان بیر عایله نین داغیلماغینا سبب اولور؛...............

+ نوشته شده در شنبه هجدهم اردیبهشت ۱۴۰۰ ساعت 11:48 توسط (قلئی چی مورتوض)  | نظرات

ماللا چوره گی.................

 سئچکی لر قاباغی طیییی شهریمیزین آداق اولانلاری موعتبر شیخ آغانین یانینا گلیب اوز گله جک ائله یه بیلدیگی ایشلرینن سیاهی لار وئریردیرلر؛او گونلری بلدیه سئچگی لرینه آد یازیمیش دوکتور جئری باشینین آدام نفرینن قاپیمیزا گلدی کی اونلارینان یول بیر اولوب شیخ آغا حضرت لرینین قوللوغونا گئدک؛وورقولادیغیم کیمین تانیش دوسلارینان شیخ آغانین قوللوغونا چاتیب دوکتورجئری سئچگی لرده قالیب گله رسه اوز ائله یه بیله جک ایشلرینن ایضاحاتلار وئردی؛چای زاد ایچن نن سونرا موعتبر شیخ آغامیزدان ایذن آلیب قاپی دان چیخاندا تزه لیکده باشینا هاوا گلمیش اورتا یاش قالایچی مورتوض دا قوشولدو بیزه؛بیله میزی موشایت ائله یه ائله یه گوردوم دیل دوداغ آراسی دئییر(مرگ بر دیش قویان)(اولوم اولسون دیش قویانا)بیر گوی ایکی مین نیک چیخاریب اووجونا قویاندا دئدیم مورتوض معللیم نه دئمک ایسته ییرسن؛یئنی دن اوچ دورد یول (مرگ بر دیش قویان؛دئییه رک ایضاح وئردی کی ایکی اوچ ایل قاباق دیش قویان کریم من نن ددده ددلیگیم شیخ آغایاچین دیش قویموشدور؛ایندی ایسه منیم دیشیم آغ یووخانی کسمیر؛امما دده ددلیگیمین او دیشینن دمیری دکلی گمینینده یئییه بیلیر.....................

+ نوشته شده در دوشنبه سیزدهم اردیبهشت ۱۴۰۰ ساعت 10:6 توسط (قلئی چی مورتوض)  | نظرات

اشی ایییی بیلدین؟.....................

کارانا ویروس؛ تست ائله مک؛ باهالیق؛ائو خرجی؛صابا بیر گون آرواد دوغاجاق گوبک کسدی پولو؛

واللاه دای گیجه لیب قالمیشام باخ؛

تانری بیزیم باشمیزی قاتانی سرگردان قویسون ؛

یئنه چاش باش وورورام؛

اشی بیر بئله باهالیق اولار آخی

هه نه دئییردیم؛

اوگونلری آفتابوسا اوتوروب باش کنده گئتمک ایسته ینده ترس آوا ساکینلی تزه لیک لرده آدی دیللره دوشموش قالایچی مورتوضو گوردوم کو میللی گئییمینن علاوه الینده کی باهالی کیف ساموسونئتی داها دیققتیمی چکدی؛

یانیندا اوتوروب گوذرانین نان سوروشاندا دئدی اللاها شوکورکو هر شئی یاخشی دیر؛

دئدیم آخی بو قیر فیرینان؛

دئدی هن کارانتین گونلری دئییه بیر آخشام ائشیدن چیخیب ائوه گلرکن حیات یولداشیم خان قیزی خؤیلو خانیمی به کئف گوردوم؛

های بو یان اویانینا کئچیب سوروشدوم کو اشی سنه گلدی؛

بیر اوچ یول دوره سینه دولان نان سونرا دال قاباق ائله ییب آغزینا اوستوراندا چکیلیب دالا سوروشدوم ایییییییییییی بیلدین

اوچ دورد یول بورنو قارشیسینا یئل بوراخان نان سونرا بللی اولدوکو  آرواد کارانا توتماق اوجوباتینان ایییی بیلمک قابیلییتینی ایتیریب؛

اوشاق بویوک توتماسین دئییه آروادی تک بیر اوتاغا بوراخیب قاپیسینی دالدان داررامالی اولدوم؛

هر گونده یئمه گین زادین قاپی آلتین نان وئرنده قارا توپونان و یاش قودوق مازاغینان آروادا داوا ائله ییب تانری دویلتیمیزه عومور وئرسین ساغالتدیم؛

او تاریخ دان بری اورت باسدیر جاماهاتی کند به کند بیله مه موراجیعت ائله یینده اونلاریدا صف دوزوب آغیزلارینا اوستوراراق کارانا توتانلارینی داوا درمان ائله مه گیمه ماددی دوروموم دا گئد گئده یاخشی لاشدی؛

چانتامدا کی موزدان بیرینی چیخاریب بیله سینه وئرنده سوروشدوم؛

ایندی بو شیق گئییمینن هایانا بئله گئدیرسن؛

موزدان بالا دیش کسیب قالانینی اوستولون ساغ یانینان آسلانان زیبل نایلونا آتاندا دئدی

ایندیده باش کند دئییه گئدیرم دویلت تدبیر اومودکابینه سینین.....................

+ نوشته شده در شنبه چهارم اردیبهشت ۱۴۰۰ ساعت 12:46 توسط (قلئی چی مورتوض)  | نظرات

وطن قوربانی..............

ایوازینان آینور اونیوئرسته گئدن ایللرین نن بیربیرلرینن تانیش اولموشدورلار؛اینجه صنت اوسته اوزره تحصیل آلان ایواز گئد گئده آینورا اورک باغلایارکن بیرگون بیله سینی گورمه ینده نه ایسه ایتیرمه لی اولوردو؛عکسینه آینور طب اوسته تحصیلینی داوام ائله ییب عایله تاپیشیریغینا گوره جرراحلیق اوسته حکیم اولماق ایسته ییردی؛آینورون آتاسی وظیفه لی بیر شخص اولدوغونا دولت حئسابینادا اولسایدی ایسته ییرکی قیزینی آلمانیایا گوندریب اولوب قالان تحصیلی اورادا باش وورسون؛بو گوورچین قاناتلی جوتلوک شهرین هر یئرینده اولسایدیلار گونده بیر یول باکی دنیز قیراغی بولوارا گلیب گوروشمه لی اولوردورلار؛گاهداندا گوروشلری دالدا یئره چکیلیب حاللاشاندا ایواز قیزین تئللرینی اوینادا اوینادا دئییردی باخت اولدوزوم تانری سنی بو ادب ارکاندا یاراتمیشسا من خوشباخت آدامام کی ایستی نفسینن گوج آلیب گله جه گیمیزه اومود باغلاییرام؛آینوردا بو یان او یانا باخیب یاناقلاری پورتموش ایوازین دوداغینا بارماغ اوجونو قویارکن اوپوب هویله سک ایاغا دوروردو؛بو جوتلوگون سئوگی اوسته بیربیرلرینه یازدیقلاری مکتوبلار یال یاماج کؤوورک لیگی کیمین بچه یازین چیچکلرینی خاطیرلادیردی؛امما نه دئمک اولار کی آتالار دئمیشکن ار ایگیت خالقینا و یاشادیغی اولکه سینه گرکدیر؛وطن محاریبه سی دئییه ایکینجی قاراباغ ساواشی باشلان ناندا ایوازدا بیر لایقلی گنج وطنداش کیمین بو ساواشا قاتیلیب چئینینه آفتامات گوتوررک اوتوز ایله یاخین ایشگال اولونموش قاراباغ زنگه زورو بولگه سی دئییه یوروشلره باشلاییر؛اوردو باشجیسینا سوز وئرن کیمین سون غلبه میزشوشانین آلینماسینان اولاجاق دئییه ایوازدا اوز سیلاح داشلارینان ایرلی له مه لره باشلاییر؛امما هر گولله نی دوشمنه آتدیقجا آینورون گوزو یولدادیر دئییه ظفری باش وورماق ایسته ییردی؛شوشا شهرینین آلینماسیندا یاخین نان ایشتیراک ائدن ایواز قهرمانسینا ساواشان نان سونرا سیلاح داشلارینین گوزو قارشسیندا دوش ناحیه سینن یارا آلاراق وطن قوربانلارینین سیراسینا دوشور؛یولداشلاری ایوازین نفسیز جانینی گئری یه چکیب جیبینی آختاراندا یولونو گوزله یین سئوگیلیسی آینورون شکیلینی چیخاردیرلار؛شکیلین دالینی چئویریب باخاندا گورورلر کی ایواز آینورا خیطاباَ یازیب سئودیجه گیم اگر من بو ساواشدا اولسم سن نن ایسته گیم بودورکو تابوتوما گیریب قاباق حیصه سینی گوتوررک گوروشه بیلمه دیگیمیز کوچه لردن کئچیرسن؛ قوی گورنلر بیلسین کی بئله ده توی بوساط یولا سالماق اولار.....................

+ نوشته شده در جمعه بیست و هفتم فروردین ۱۴۰۰ ساعت 20:26 توسط (قلئی چی مورتوض)  | نظرات

ار آرواد داواسی.........

یئنه پارتییالار؛یئنه سئچکیلر؛یئنه پاس آچمالار؛یئنه قارشی دورمالار؛ایصلاحاتچیلار اوصولگرالار اللاه گوزترمه سین یئنه دوشوبلر بیربیرلرینین جانینا جاماهات بیلمه ییرلرکی بونلاریبن هانسی دوز و هانسی یالان دئییر؛

هه نه دئییردیم

تویوق زاد باهالیغینان لاپ بئله چاش باش وورورام هاااااااااااا

ائوی آوادان اولماسین قیز وئره نین هممشه اولدوغو کیمین نئچه گوندو ار آرواد داواسی دئییه خویلو خانیمینان دیکگیله شیب ساواشیریق؛

ائوی ییخیلانین قیزینا دئیینده کی منیم ده بیر یورقانیمی قوزا ال آتیر گیژگینلرینه کی آی جاماهات بو کیشی قوجا واختیندا قودوروب؛

اوگونلرینی گئجه مسله سینی قویوب آییری بیر ایشی بهانه ائله ینده یئنی دن سوزوموز آلچاق اوجا گله رک دئییشمه لریمیز اولدو ؛

بو دونه جانی بورنوما گتیرن کیمین موتال باسان آغاجینان اوچ دوردونو یانبیز اتینه چکنده اودا منیم یان یان یوره می دیشله ییب قارالتمیشدیر؛

الن نئچه گون اولار کی خویلو خانیم بوشالیرام دئییه ایشیمیز محکمه یه دوشوب؛

حاکیم باشی(قاضی)بیله میزی دانیشدیراندا ایلکن اوزونو منه توتوب دئدی

کابلا احد اوغلو قالایچی مورتوض دء کورک داواز نه اوستونده دیر؛

اوتوردوغوم اوستولدان ایاغا دوروب دئدیم

محترم حاکیم؛ بو دولت یوخ یوخ باغیشلا بو آرواد گونده سگکیز یول الینی جیبیمه سوخور؛

آلیب ائوه گتیردیم ارزاغین یاریسینی یمنه لوبنانا یوخ اوز ائله آدام نفرینه وئریر؛

بیله سینه اعتراض اولاراق آغیز آچیب دانیشاندا کیشور وزیری کیمین گاه قیچیمنان گاهداندا باشیمنان وورور؛

موحترم حاکیم منیم سوزلریمیز ائشیدیب سیاهی یا آلان نان سونرا بو دونه سوزو ائو آدامینا وئردی

خویلو خانیم مردالاق قیزی

سیزین دئمه گه نه سوزونو وار

خویلو خانیم چادیراسینی اوجونو چنه سینه قیساراق دئدی؛

حاجی آغا سیزین یانیزدا دانیشماق  فوضوللوق اولار

مسئوللاریمیزطئییییییی اوشاقلارینی آمریکانا و کاندایا گونده رنده بو باشی داش منیم بالالاریمی سوریه یه گوندریر؛

جانیم سنین دئسین بو کیشی دکلدن گمی دن اوغورلایبیب ائوه گتیرنده اوتوروب تک یئییر؛

هردنده منی دویور سوزونو آغزینا گتیره رک

موحترم حاکیم هاران نان ووروب گوزتر سورقوسونو وئرنده

بو یان نان من ائوین کیشی سی اولاراق شالواریمی سییردیم آشاغی کی موحترم حاکیم آرواد منیم یانچاغیمی دیشله ییب

من اونون هاراسین نان وورموشام گوزترسین؛

خویلو خانیم بو صحنه نی گورن کیمین الیمنن یاپیشیب چوله چیخا چیخا اوجا سسین نن دئدی؛

کول او کیشی باشینا ائییی

آدام اولکه داخیلی ساق سول و بیرائوده ار آرواد داواسینا گوره نامیس ناحیه سین آچیب حاجی آغایا گوزترر...............

+ نوشته شده در جمعه بیستم فروردین ۱۴۰۰ ساعت 19:40 توسط (قلئی چی مورتوض)  | نظرات

تای چاریق حیکایه سی...............

قالایچی مورتوضون آرواد طایفاسین نان اولان خیپی کاظیمین آتاسی بو ایل کی یاز بیجارینی قورتاریب گله رک بیله سینه بیر بربزکلی گون چاریق آلمیشدیر؛کاظیم یولداشلار آراسی چاریغیم وار دئییه اوز اوزونه چیچگی چیرتلاییردی؛گاهدان مال قارا دالینجا گئده رک یوموشاق توپراق گورنده چاریقلاری چیخاریب بوینون نان آسلاییردی کی کوهنه لیب الدن چیخماسین؛چول باییری ایاق یالین قویون قوزو دالینجا گزن یاشید تایی قوربانعلی حسرت له خیپی کاظیمین چاریقلارینی گوز اونونه گتیریب اونلاری الده ائله مه گه قیبطه یئییردی؛هردنده کوت تاپیب کاظیمین چاریقلاری اوغورلایاراق ائوه گتیرنده آناسی ساچ قولاج خالانین نین های کویونه سبب اولوردو؛چوخلو گئجه لر گون چاریقلاری قوینونا آلیب یاتان خیپی کاظیم یوخوسونودا طئییییییی چاریق قات گوروردو؛بیرگون کندیمیزده توی بوساط اولارکن خیپی کاظیم دا اوزون باغلی چاریقلارینی گئییب تویا قاتیلمیشدی؛توی بوساط قورتاران کیمین کاظیمیندا بیر تای چاریغی آرا ایتیب یوخا چیخمیشدیر؛او چاغدان بری خیپی کاظیم چینقیرینی چیخارتماسا گوز آلتی اوز ایتگینین دالینجا آختاریردی؛یادیمدادیر بیر آخشام چاغی کند جاماهاتی مچید قاباغیندا اولارکن کاظیم اویان نان جین کیمین تاپیلیب یاپیشدی کاتدا اوغلو نوصرتین قیچین نان کی تئز اول منیم چاریغیمی چیخارت؛جاماهات گولوشوب چاش باش قالاندا کاتدا اوغلو نوصرت ایضاح وئردیگی بو چاریقلاری آتام مئشد سفرین نن آلیب منه گتیرمیشدیر؛؛گئد گئده خیپی کاظیمین چاریق ایتمک مسله سی دوره بره یاییلاندا ائشیدن کیمسه لر اونلاردان دادلی مزه لی حکایه لر دوزلدیب سویله ییرکن گولوشوردولر؛بیری دئییردی نه بیلیم کاتدا اوغلو نوصرت یالان دئییر خیپی کاظیمین تای چاریغین اوغورلاییب دیرکی ننه سی دوغاندا اوشاق گوبگینی باغلاسین؛بیری دئییردی کاظیمین ایتیک چاریغی داغ آییسی اوغورلاییب کی اوشاغینا بلک باغی ائله سین؛بیریده دئییردی یوخ کاظیمین چاریغینی یئکه باش خانیشین قانجیق ایتی اوغورلاییب کی یاش کوچوگونه بویونباغی ائله سین؛اوزون بیر واخت بو حادثه نین اوستون نن کئچسه ده نهایت کاظیمین ایتمیش چاریغی باغلاریندا کی کومه آرخاسین نان تاپیلیر؛یئنی دن چاریغی مسله سی کند به کندجاماهاتین آغزینا دوشنده خیپی کاظیمین آدام نفری بو قرارا گلیر کی بو ایت چئینه میش چاریغی باش کند شهر موزه لرینین بیریسینه وئریب اورت باسدیر جاماهاتینین قاللاغین نان اوزلرینی قورتارسین لار؛بو اوزوموزه گلن یئنی بایرام گونلری دئییه قالایچی مورتوض آرواد اوشاغینی گوتوروب باش کنده اوز توتاندا بیر گونده یولونو شهرین موزه سینه سالمالی اولور؛بیر به بیر یئر تاپیندی اشیالارینی گوروب گوزلری خیپی کاظیمین تای چاریغینا دوشنده گورور کو اونا بیر کتابلیق شجره نامه چیخاریلاراق خاخام(هخامنش) شاهینین ایاغیندا اودوغو کیمین تقدیم ائله ییرلر؛قاباغا یئییریب نه دئمک ایسته ینده حیات یولداشی خؤیلو خانیمین یان آرخالیق اوجونو توتوب دالا چکنده باشینا قیشقیر کی ایییییییی سن خیپی کاظیمین شاه توره مه سین نن اولدوغونا شککین وار..................

+ نوشته شده در جمعه سیزدهم فروردین ۱۴۰۰ ساعت 21:45 توسط (قلئی چی مورتوض)  | نظرات

سیزه نه گیریر.........

قالایچی مورتوض اوشاق ایکن بیر یول ایسلام عمی سی نن آروادی یان باسار خالانی آلت اوست گورور؛ائله بیل ایسلام عمی عملیات آراسی هویول اولوب سوزو ترسه دئیین کیمین آلت داشین نان سوروشورکو یان باسار- یان باسار بو ندیر گیریر بیزه؛او چاغدان بری قالایچی مورتوض هر یئرده قادینی گورسئیدی بیله سینه ساتاشیب عمیسی نی دیلینجه دئییردی یان باسار بو ندیر گیریر بیزه؛اودا لووا قالاسان بالا دئییه اوجا سسینن جاواب وئرردی کی بو ایسلامین شئی دیر گیریر بیزه؛زامان گئدیشاتیندا قالایچی مورتوض بویا باشا چاتیب ائوله نن سونرا باش کنده کوچمه لی اولور؛اوزون ایللر باش کتده یاشاییب اوچ دورد اوشاق آتاسی اولان گئده بو ایل کی بایرام عرفه سینده دوغولدوغو کنده گلمه لی اولور؛بو دونه گلیشنده یئنی دن ساچی آغارمیش یان باسار خالایا یاخینلاشاراق علاوه دن بو ندیر بیزه گیریر سورقوسونو بیله سینه وئرنده اودا قالایچی نین کور کوچو تای دئشیک دیلینده دانیشماقلارینی گوروب دئییر بو دونه ده فارس دیلی دیرکی گیریر بیزه...................

+ نوشته شده در جمعه ششم فروردین ۱۴۰۰ ساعت 18:8 توسط (قلئی چی مورتوض)  | نظرات