دوکتور جئری
ساتاشما ادبیاتی
گؤروش‌لر : 0
تاريخ : سه شنبه 19 دی 1396 | یازار : دوکتور جئری
+0 به‌ین

کئفلی ایسکندر

ساتیریک ادبیات

بو سؤزلری اوخویاندا سن ائله بیلمه 

مشهدی قاسیما، یادا اسمرین اری

تقی عمیه گولورسن! یادا گول نیسه نین

بوشانماسینا! جاببارین تیریاکی لیغینا

یاداکی احمدین یاخالانماسینا گولورسن

بیر آز فیکیر وئرسن حتمی بیل کی، 

سن سحردن اؤزونه گولورسن!!. 

چونکو اؤزونده اونلار ایله یاشاییرسان

 ملا نصرالدینین نوه سی

   

اؤلکه میزده هانسی لار ایش دوزلمه ایله آرالاری یوخدی!

حوسین عمی نین ائله بویون حیات یولداشی آللاه رحمتینه گئتمیشدی،تزه قبریستاننان گلمیشدیلر. چوخ هارای داد اولدی، قیزلاری بیرطرفده آغلاشیردیلار، گلینی ائله ایوانین پیلله سینده اؤزونه نارین آغلایردی. اوندا ایچه ری  ائودن حوسین عمی چیخیب، اوز توتدی ائولادلارینا -یاخین قوهوملارینا،دئدی: هئچ ناراحاند اولماغا گلمه ز، ایشیز او اولسون قوناقلاریمیزی گوزلجه یولا سالین، اوله نینن کی اولمویاجاییق، آللاه رحمت ائیله سین هامیدان بتر منه ضربه دئییب، اوزوزو کنتورول ائیله ین گوره ک باشیمیزا نه داش سالیریق.

هامی قیزلی -اوغلان لی ساکیت له شیب، ایشلری بولدولر.بیری تیلفون باشینا ،بیری قاب -قاجاق چیخاتماقا، بیر- ایکی سی اوتاقلاری تمیزله مه یه یوللاندیلار.هره اؤز ایشین مرتتب گوروردی کی  قاپی آچیلدی، زهراخالا حوسین عمی نین اوگئی عمی سی آروادی گلدی.

ایلک اؤزون بیر مئتیر قوزاییب گوتو اوسته یئره چیپدی، بیر هاوار تپیب باشیندان ایکی اووج توک یئره قویدی ،باشلادی حوسین عمی نین اولن آروادینین گوزللیگیندن بایاتی چکیب اوجا- اوجا آغلاماغا باشلادی.

یئنه هامی بیر- بیرینه ده یدی، زهرا خالانین دووره سین آلدیلار. اوندا حوسین عمی صاندیغخانادان چیخیب ،بیر زهراخالایا بیرده ائولادلارینا باخیب، دئدی: ایه ر بو قحبه قویسا ! بیز بو آغیر ایشی یولا سالیب، قورتولاجاییق !!

گرگرلی آراز

نوشته شده در سه شنبه بیست و نهم اسفند ۱۳۹۶ ساعت 16:20 توسط محمد علی برزگر   (گرگرلی آراز)  

 

ائله بیل ماری جوانا چکنلریمیز، بیر- ایکی نفس آرتیق ووروبلار!

مهدی دئییردی: نم هایاندان بیر آز ماری جوانا تاپمیشدیم، چکیردیم، یولداشیم شیخ آغا اوستونه چیخدی. سوروشاندان سونرا ایسته دی، اودا بیر -ایکی نفس وورسون. مجلیسیمیزدن آیاقا دوراندان سونرا، شیخ آغامیز ،دئدی: فیلان یئرده منبریم وار، گلسن پیس اولماز.

 سوزون یئره سالماییب، دئدیغی یئره گئدیب، بیر مددت دن سونرا شیخ آغمیز ،صوعبته باشلادی . صوعبتدن بیر قیسسا ائپیزوت، سیزه تقدیم ائدیرم.

......عزیز دینله ییجی لر، مومن موسولمانلار، اوحود موحاربه سینده بیز موسولمانلارین شیکست لیقی ،دوشمنیمیزین گویده اف شانیزده، یئرده چیفتن تانکیلاریدی!.......

......من بیله سی هئچ بیر شئی یه رحم قالمامیشدی، حتتا هند ،حبش لی وحشی ابو دسمه نی، بش میلیون دولارا ریاض مچیدینه ،یا بورج وئرمیشدی، یاخوت ساتمیشدی!......

.......حتتا بیز مککه نی فتح ائله ینده، ابو سفیان عائله سیله، پورشه ماشینیله قاچاندا، من اؤزوم شاهیدیدیم. حتتا منه ده بیر ال ائله دی، قیافه سیندن معلومودی کی دئییردی: سن نییه بس بورداسان ؟!!........

گرگرلی آراز

نوشته شده در شنبه نوزدهم اسفند ۱۳۹۶ ساعت 21:57 توسط محمد علی برزگر (گرگرلی آراز) 

 

آغیل سیز تانیشداندا فایدا یوخدی

ائلچی لریمیزه

ائله بیل ائلچی لریمیزه (سفیرلریمیزه )شامیل اولور!

آغیل سیز تانیشداندا فایدا یوخدی

خیراللاه موعللیم، دئییردی: اوگونلری عزیز عمی نین توکانینین قاباغیندان گئچیردیم، منی ایچه ری چاغیردی ،دئدی: خیراللاه، باغیشلا بالا، گئدنده یولون اوستونده احمده، دییه رسن: داها هاوا قولای اولماقدا، توکانینا گله بیلمه رم، منیم سوتومو توکانا گوندرسین. خیراللاه، دئییردی، عزیز عمی یه دئدیم :منیم گوزوم اوسته ،اونو دییه ندن سونرا یولا دوزلدیم.

 احمدین توکانینا یئتیشنده گوردوم توکان باغلیدی، اوز- اوزومه، دئدیم: عزیز کیشی یازیغدی، قوی گئدیم ،دئییم، سونرا اوزو نئیلر- ائلر.

 یئنه دن قاییدیب عزیز عمی یه ،دئدیم :عزیز عمی احمد باغلیدی گوی اؤزوز نئیله ییرسیز. عزیزعمی منیم جوابیمدا، دئدی: او کوپک اوغلی باغلیدی! من یئنه دن هانسی کوپک اوغلونی اونون یانینا گونده ریم؟!منیم سوزومو اونا دئسین؟!!

گرگرلی آراز 

نوشته شده در چهارشنبه نهم اسفند ۱۳۹۶ ساعت 14:31 توسط محمد علی برزگر (گرگرلی آراز)  

 

اکابیر کیتابی!

هسته یی بازرسلرینه تقدیم اولونور

اکابیر کیتابی!

کئفلی ایسکندر بو گونلر بتر بفاسیلدان کورلوق چکیردی، هئچ بیر آجی بیر شئی، بیبردن- تورشودان ییه نمیردی، هردن ده مجلیسلرده گوزلنیلمه دن بیر آجیلی خورک یئیه نده ،او گئجه یاتا بیلمه یب ،چوخ آجیلیق چکیردی.

 گئچن هفته بیر مجلیسدن گلنده یاری گئجه، گوزله نیلمه دن بفاسیلی ائشیگه چیخیب، قان- قان دئییردی .ائله اولدی دی کی سحر گون چیخمامیش خسته خانایا گئتمیش، او پونهان یئرین دوکتورون قاباغینا آچمیشدی.

 دوکتور ساعات دوققوزی گوزه تله ییب ،کئفلی ایسکندری اوزو قویلو یاتیردیب،  اؤز طلبه لرین دسته- دسته چاغیریردی، تاکی اونلارا بفاسیلین نئجه اولماغین کورسه دیردی.

 دوردونجی دسته گلیب –باخاندا!کئفلی ایسکندر ائله اوزی قویلو قیچلارینین آراسیندان، دوکتورا ،دئدی: آی دوکتور قارداش، سن بیزیم بورامیزی ائله اکابیر کیتابی ائله دین ها!!

 گرگرلی آراز

نوشته شده در شنبه پنجم اسفند ۱۳۹۶ ساعت 22:37 توسط محمد علی برزگر (گرگرلی آراز)  

 

سییاست نه دئمکدیر؟!

 بو مطلب نئچه دفعه لر قولاغیما ده یمیشدی بو آخیر دا نادیر موعللیمدن چایخانادا ائشیتمیشه م بیر آز تغییر وئرمه گیله سیز اوخوجولارا تقدیم ائدیرم.

اولکه ده ایکی بویوک گروپا تقدیم اولونور

سییاست نه دئمکدیر؟!

 عابباس ائلچین شاه دوورونوندن قالان سییاستمدارلارداندی، یوخاری تحصیلی اولماقدا، اینگیلیس سلطنتی یونیوئرسیتی لرینده، فرانسا -پاریس سییاست اورگه دن دانیشگاهلاریندا، عومور سوروب ،سوموگ سیندیریب. شاه دورونون بوتون وزارتخانالاریندا- کابینه لرده اولوب، بویوک مقاملارا یئتیشیب. حتتا اینقیلابدان سونرا ،موققت اینقیلابی کابینه ده واریدی ،آمما آدی دئییلمیردی!اونون سوزلرین هممشه، وزیرلر- وکیللر ائشیدیب ،ایشه گوتوروردیلر. داها ایندی ائشیگه چیخمیر، ائشیگه چیخماقی ،باغی اوزو اکن گیلاس دیبینده اوستولون اوستودی کی اورادا گتیریب، آپاریرلار. عابباس ائلچینین آخیر موصاحبه سی ائلچی بئی ایله سیزین نظریزدن گئچیردیرم.

ائلچی بئی: سلام عابباس ائلچین جنابلاری واقت نیزی آلماقدا ،سیزدن، سیزین عائله یزدن ،عذر دیله ییرم.

عابباس ائلچین: بونلار نه سوزدی، اوقدر سیز مطبوعاتچیلار، منیم یانیمدا حومتیز وارکی عابباس میزا بابامین ناهاریندا قوناق اولسایدیم ،دوروم گلردیم سیزین یانیزا!

ائلچی بئی: سیزین لوطفوز وار، سیزی چوخ یورمییه جه یم، ایسته ییرم بیلم بو قدر یاشامیسیز، بو قدر خاریجی اولکه لرده اولموسوز، بو قدر کابینه لرده بویوک سییاستمدارلاریلا دوشموسوز، بو سییاست کلمه سی نه معنی وئریر؟ ساده صورتده بیزیم اوخوجولاریمیزا توضیح وئره سیز .

عابباس ائلچین زورلا -بالاییله دوردی آیاغا ،اؤز چلیگیله بیر اورتا عووضا اوخشامیش دایره یئرده چکدی، سونرا یانینداکی ولی یه  اوز توتوب، دئدی: ممکن اولسا او لاری خوروزی (دارتانی) گتیر بورا. بیر- ایکی دیقه دن سونرا ولی دارتانی  گتیردی، عابباس ائلچینین ایزنیله او جیززیغین اورتاسینا  آتدی، سونرا عابباس ائلچین اوز توتوب ائلچی بئی یه، دئدی:ائلچی بئی، گئچ، جیززیغین ایچه ریسینه خوروزی توت ،آمما خوروز گره ک جیززیغدان ائشیگه چیخمییا ها!

ائلچی بئی :عابباس ائلچین جنابلاری بونون سییاسته نه ربطی وار؟

عابباس ائلچین:ربطی وارکی دئییرمدا.

ائلچی بئی دفتر- قلمی یئره قویوب، دوردی آیاغا نقدر ائیله دی خوروزی توتانمادی هئچ، جیززیقدان دا نقدر او طرفه باغین بوجاغیندا ،ائلچی بئی خوروزی آختاریردی! ولی اونون دادینا چاتیب دارتانی  توتوب گتیریب، جیززیغا اوتوردولر.

عابباس ائلچین اوز توتوب ائلچی بئی یه ،دئدی:ایندی باخ منه ،یئنه دن ولی یه، دئدی: قاچ اوبیرسی خوروزی ییرتانی گتیر.ولی بیر آزدان سونرا خوروزی گتیریب،  عابباس ائلچینین ایزنیله اوولکی خوروزون یانینا اوتوردی.

 دارتانیله ایله  ییرتان  بیر- بیرین  گورن آن، بیر- بیرینین باشینا آتیشدیلار.

 بیر- ایکی دیقه دن سونرا او شیرین دویوشمه ده، عابباس ائلچین یاخینلاشیب، ایکی سینین بوغازین ،هم دارتانین همده ییرتانین بوغازیندان توتوب، ائلچی بئی یه باخیب، گوله –گوله ،دئدی: سییاست یعنی بو! سیز جیززیغین آراسیندا بیرین توتانمادیز! من قوجا، جیززیغین اورتاسیندا ایکی سین توتدوم!!

 گرگرلی آراز

نوشته شده در سه شنبه یکم اسفند ۱۳۹۶ ساعت 22:12 توسط محمد علی برزگر (گرگرلی آراز) 

 

خزانه میز بوشالان آن....باخیشلایین خورجونوموز بوشالان آن!

رحمتلیک آللاه قولی عمی بوستاندان، بیر یئکه خورجون قووون اؤز ائششکینه چاتیب، کنده، ائوینه ساری گلیردی. یولدا گره ک کند چشمه سینین یانیندان گئچردی. چشمه یه یئتیشنده، ائششک دونوب آرخیدان سو ایچمک ایسته دی، ایچه- ایچه گئچیب آرخین اورتاسندا قاباغ آیاقلاری دیزه جان زیغا باتدی .رحمتلیک آللاه قولی عمی بیر ناراحاند آدام، عصبانییتی چوخ یوخاری سوییه ده ،نقدر ائیله دی ائششک قوزانمادی.

 گاه قویروغوندان یاپیشیردی، گاه بوینون بیزلیردی، اولمادی. نهایت درجه ده،ناراحاند آللاه قولی عمی ائششکین قاباغیندا دوردی، دئدی: داها دورموسان دا؟ هن ؟!

سونرا گئچدی خورجونون یانینا، بیر- بیر قووونلاری گوتوروب، ائششکین باشینا چیپدی. آللاه قولی عمی قووونلاری ائششکین باشینا چیرپا -چیرپا ،دئییردی :ایندی یونگوله شرسن! ایندی یوگول له شرسن!

 دوغورداندا ائله هایلا اولدی! قووونلار خورجوننان قورتولاندا، ائله ائششکده باتلاقدان قوزانیب ائشیگه گلدی ائوه ساری یوللاشدی!!

 گرگرلی آراز

نوشته شده در چهارشنبه بیست و پنجم بهمن ۱۳۹۶ ساعت 16:43 توسط محمد علی برزگر (گرگرلی آراز)

 

ایش اوسته اولان بعضی او باشاراقسیز اینسانلارا

یئدیغیز چورک حارامیز اولسون!

 موختر دئییردی: او ایلکی ایللرده یازکی وارید اولدی، آتام طویله دن اوکوزلری چیخاردیب ،دورد قارداشیله برابر،اوز زمی میزه ساری سوردوق. رحمتلیک آتام اللاه قولی ،بیرده کی دورد قارداش نقدر ائیله دیک بو ایکی اوکوزی هئشه باغلایانمادیق! زمی میزین یانیندان رحمتلیک مندی(محممدعلی)عمی گئچیردی. اودا بیر سول قولی بیرده ساغ قیچی چولاق، بوینو بیر طرفلیق، دانیشماسیدا چوخ موصیبتیله ،دئدی: آللهی قولیگی ...عمیش؟ گلیمده من شیزین جوتوگیزی قوشومبا؟! یعنی بوکی: آللاه قولی عمی گلیم سیزین جوتوزی قوشوم؟ آتام او هینیده آوارا قالمیشدی، باشیلا دئدی: اولسون ،گل . مندی عمی بیزیم بشیمیزه ده الیله، دئدی: کانار اولون! بو اوگوزلری اون دیقه چکمه دی جوتی قوشوب، بیزه طرف باخدی، دوداقلارین بیر- بیرینه سیخدی، آلت دوداقینین یاریسی چیخدی ائشیگه! یعنی حظ آلدیزدا، باخین کئف ائله یین! آتام اوتورموشدی دوردی آیاغا، مندی نین اوزوندن اوپدی ،اونو یولا سالییب، شیوشیسین گوتوروب، هی دئییب یئریمیزی سورماغا باشلادی .

آمما هردن آتام بیزیم دوردوموزه ده باخیردی ،اوزوموزه باخا- باخا دئییردی: یئدیغیز چورک حارامیز اولسون! یئدیغیز چورک حارامیز اولسون!!

 گرگرلی آراز

نوشته شده در جمعه بیستم بهمن ۱۳۹۶ ساعت 22:49 توسط محمد علی برزگر (گرگرلی آراز)

 

وطن گوره سن کیمیندی

 وطن، ایران خودرو-سایپا صاحبینیندی.

وطن، تهران شهرداری سینیندی.

وطن، صادرات –مللت-تجارت-پارسییان-پاسارگاد بانک صاحبیندی.

اصفهان موبارکه سی-خوزستان فولاد صاحبله رینیندی

ایرانسلیندی-بندرعباسین پالایش نئفت شیرکتینکیدی

............................................................

............................................................

............................................................

وطن هادیشهرین شهرداری سینیندی!

وطن بیزیم دونگه ده بققالی اولان مشهدی حسن ینکیدی!

وطن بیزیم محلله ده گولثوموندی ،اوغلی  سوزی گئچن بیر ایداره ده چایچیدی!!

وطنین ائله بیل پوزی بیزیمکیدی.

 گرگرلی آراز

نوشته شده در پنجشنبه دوازدهم بهمن ۱۳۹۶ ساعت 23:33 توسط محمد علی برزگر (گرگرلی آراز)  

 

ائله منیم وطنیمده بوجوردی

 یوخلوقومون سببی دانیشگاهدا ایمتحانلاریدی، تقریبا آخیر ترمیمدی، بیر یئددی سی قالیب معرفی به اوستادا، اودا اینشااللاه قورتولار. بویون ایلک دفعه چایخانیمیزا گئتمیشدیم بو مطلبی اوردان ائشیتمیشم.

 ائله منیم وطنیمده بوجوردی

 آللاه تعالا اسد عمی یه رحمت ائیله سین، اللی ایلدن بری جمعی  آگتوبوسلار تبریزه- تهرانا واریدی، او خطده  سالمیشدی. اونا هر کیم ایشله ییب ،بو زامان حتمی بیر آگتوبوس یاخوت بیر تریلریسی وار .اونون سلیقه سی بوجورودی: میثال اوچون بیر آگتوبوس تهران خطدینه آلیب –سالسایدی، آلتی شمع حئسابلاییب بیر شمع توتان سوروجونون آدینا یازاردی.داها او آگتوبوسون بالاجا ایشله ر سوروجونون اشینه یئتیشمزدی، کللی حالتده هفته ده بیر چای -قلیاندان سونرا، حئساب گئدیب قورتولوب گئدردی.بالاجا ایشلر گازوئیل ورماق ،سیلیب- سوپورمک ،آگتوبوسی یوماق، جریمه لری وئرمک، چوخلی بوجور ایشلر سوروجونون ایشیدی.سوروجو ائله او آگتوبوسدان موغایات اولاردی کی کاناردان باخانلار دییه ردی لر بس: بو آگتوبوس اله سوروجوندی!

ائله منیم وطنیمده بوجوردی ،بولسم منیم وطنیمده هئچ اولماسا بیر شمع قدرینجه منی ایشتراکا قویوبلار، منیمده وطن اوچون اوره ییم یانار، اوره ییم وطن اوچون چیرپینار.

 گرگرلی آراز

نوشته شده در سه شنبه سوم بهمن ۱۳۹۶ ساعت 21:10 توسط محمد علی برزگر (گرگرلی آراز) 

شیطانی وورارلار هئچ ،ده ده سینده یاندیرارلار!

      ائله بیل بیر ایرمی ایل بوندان قاباق ،محممدی یولداشلاری قماردا اودور، داها اویناماغا بیر پولی جیبیندا قالمیر، آمما چایخانادا ائشیدیر- گورور کی یولداشلاری ییغیشیب کول تپه یه ساری قمارا گئدیرلر.یولداشلاری  بونون پولی اولماماقدا، اوز وئرمیرلر، محممدده بوندان گیلئیلی یولداشلاری گئدننن سونرا، تیلفونو گوتورور کلانترییه بیر- بیر یولداشلارینین آدین راپورتون وئریب، اؤزوده دوری برده گوزده- قولاقدا اولور.

 بیر آزدان سونرا گورور یولداشلاری، الی باغلی ایکی پاسبان دالی- قاباغدا گلیرلر. محممد اؤزون بولمه مزلیقا ووروب، یولداشلارین قاباغینا گئدیر، احوالاتی خبر آلیر.  غلام حوسین یاواشجا ورق لری محممدین جیبینه وئریر، اورداندا پاسبانا دئییر: سرکار بیزی قمارا  وادار ائدن بو محممددی! اینانمیرسیز؟ اودور باخ ورق لرده جیبینده دیر! پاسیبانلارین بیری الین اوزادیب محممدین جیبینه، ورقلری چکه- چکه بیر ایکی شیلله- تپیک محممدین اوزونه- بئلینه اندیریر.

 محممد شیلله -تپیگین آلتیندا دئییر: رئیس! رئیس! شیطانیدا وورارلار؟!! هن شیطانیدا وورارلار؟!!

 گرگرلی آراز

 + نوشته شده در  سه شنبه دوازدهم دی ۱۳۹۶ساعت 20:13  توسط محمد علی برزگر (گرگرلی آراز)

 حوسینقلی ریاحی فر

 

آذربایجان بویوک اوغلون شاعیر حوسینقلی ریاحی فری الدن وئردی

شاعیر میر حوسینقلی ریاحی فر فریدون حصارلی نین یاسیندا بو شعری سویله میشدی بوندان گوزل بیر شعر تاپیب یازا بیلمه دیم 

یایین سون آییندا بیر یارپاق سولدو

باغیم آغی  دئدی، گولوم آغلادی

سؤنمز بیر اود یاخدی یازیق قلبیمی

گؤزوم بولاق اولدو، سئلیم آغلادی

 

گؤیده ثریایا چاتدی فریدون

غم ـ غصه نی باشدان آتدی فریدون

قارا تورپاق ایچره یاتدی فریدون

بو آجی خبردن ائلیم آغلادی

 

بیر شام آلوولاندی بیتدی دونیادا

کاروان سون منزیله یئتدی دونیادا

بیر شاعیر رحمته گئتدی دونیادا

یئکنیم آغلادی، میلیم آغلادی

 

دونیانی هئچ کیمه یوخدور وفاسی

حاصارلی سیز قلان یوردوم یاناسی

گئدر گلمز یولدا ایتدی سوناسی

سوناسین ایتیرن گؤلوم آغلادی

 نوشته شده در  پنجشنبه هفتم دی ۱۳۹۶ساعت 21:32  توسط محمد علی برزگر(گرگرلی آراز)

ایندی کی اوغرولار آغیر یوکی قوزویاندا نه دئییرلر!

    من اوخویان یونیوئرسیتیده (دانیشگاهدا)،قران تفسیرین اوستادی، گوزل بیر آخوند اوستادی.هر دن بیر مزه لی سوزده دییه ر،اوگون  میر جمال موعللیم ،دئییردی: بیر گون دوستومیله مچیدده راسلاشدیم، چوخ ناراحاند گورسه نیردی، دئدیم: نییه بئله کئفین پوزولوب؟ چوخ دییه ندن سونرا، قضییه نی آچیب ،بئله دئدی: ایکی گون اونجه اوغرو جیبیمنن آتمیش مین تومنیمی ووروب ،کاش بو بیرسی جیبیمنن دورد یوزمین تومنیمی ووراردی! او آتمیش تومنیمه ال وورمویاردی. دئدیم: نئجه به یه او آتمیش مین تومن کیمین آماناتیمیش؟ دئدی :یوخ هئچ بیر کسین آماناتی دئییرمیش، آمما او آتمیش مین تومنه، او قدر باشیما چالمیشدیم ،ایمام حوسین دئمیشدیم، روضه اوخوموشدوم ،بش یوز- بش یوز، مین تومن- مین تومن اون بش گونده ییغمیشدیم!  بیر نفر یا علی دئییب! اونو بیر آندا هامیسین گوتوروب!!

 گرگرلی آراز

+ نوشته شده در  جمعه یکم دی ۱۳۹۶ساعت 22:18  توسط محمد علی برزگر(گرگرلی آراز)

 گره ک دونیا اولکه لر آراسیندا ،چاناغی، بیر اولکه نین باشیندا سیندیراق!

   عزیز حیه تینده ،تنه بینین دامیندا، اؤز خانیمیله یاتمیشدی. یایین اورتا آیلاریندا بیر طرفدن خوی یئلی، بیر طرفدن قاپان، گوزل منظره یاراتمیشدی.عزیز یاتیب- یاتانمادی خانیما طرف اوز دوندردی، او خوررا- خوریله یاتمیشدی ،الین آپاردی بیر اویان- بویانین دبردیب بیر- ایکی سفر یاواشجا سسله دی: روخساره؟ آی روخساره اویاخسان؟ روخساره یوخولی ،کال سسیله، دئدی: نه دیر یئنه؟ قویموسان یوخلایاق؟ عزیز گوله- گوله، دئدی: روخساره بویون تز یاتمامیسان؟ دون بو طرفه گورک نه وار؟ نه یوخ ؟روخساره دینمه دن بیر آزان ساوایی ،خورولداماغا باشلادی! بو ماجرانین اوستوندن بیر ساعات گئچدی، آمما عزیز یاتمامیشدی، بیرده دونوب روخساره نی سسله دی: روخساره، آی روخساره؟ روخساره بو سفر ناراحاند دونوب  نه واری ائله دئدی کی، عزیز او آن، دئدی: هئچ نه !ییخیل یات !چاره چکیلندن سونرا،عزیز دوروب ایسته دی دامنان یئنسین یئره، روخساره دونوب عزیزه، دئدی: عزیز؟ هارا ؟!عزیز چوخ آرام حالتده، نردیواندان یئنه- یئنه، دئدی: هئچ!ایستیرم  بیر طویله یه باش وورورام!!

 گرگرلی آراز

 + نوشته شده در  جمعه بیست و چهارم آذر ۱۳۹۶ساعت 21:0  توسط محمد علی برزگر(گرگرلی آراز)

 عرق ایچندن شاهید ایسته دیلر گئتدی اوزوم آیاغلییانی گتیردی!

  علیرضا نوریزاده نین دانییشقیننان بیر پارچا

عزیزلریم ،سیز گورمه دیز کی، جم لر ،مشیردوله لریمیز  واریدی. هئچ یادیمنان چیخماز، تدیینون نوه سیله کی گلمیشدی لندنه، گوزل بیر رستوراندا،گئچن هفته قیمه پلو نوش جان ائیله دیق ،گویلوزا دوشمه سین، چوخدان یئمه میشدیم، یئیب قورتاراننان سونرا  بیر قورمه سبزیده سیفاریش وئردیم، او آز یئدی، باباسینا چکمه ییب، بابام دییه ردی: تدیین بیزه گلنده، بیر هشترخانی اؤزو تک ییه ردی!(الین باشیندا توکلرین دبردیر ،ساعاتی قولوندا یاریم دور، سول- ساغا دبشدیریر)نئجه خوش خاطیره لریدی، شاه بیزیم مدرسه یه گلنده، بیزلر ناهارا چیخمیشدیق. دوز گلدی ،منیم ناهاریمنان بیر قاشیق یئدی سونرا باشین یوخاری- آشاغا آپاردی، آدیمی خبر آلدی، آغزیم دولی، دئدیم: علیرضا نوریزاده! سونرا شاه دئدی: گلجکده بتر آدام اولاجاقسان! دئمه فروغی یادیما دوشنده ناهارا میلیم اولمور ،بختییار ،دئمه، دئمه اونیله موصاحبه دن سونرا ،ایکیمیز، بیر آبگوشت ییه ردیق، بختییار گوله- گوله دییه ردی :علیرضا سن سوغانی الیله سیندیر. نه گونلر واریمیزیدی ،گوزل شاعریمیز حمید خان گوزل یادیمدادیر، لندنه گلمیشدی، زیرشلوار گتیرمه میشدی، بیرلیکده گئتدیک بیردنه نین عوضینه ،ایکی سین آلدیق، اوندان سونرا حمیدخان، دئدی: من آجام !گئدیب ،گویلوزا دوشمه سین، بیر دوزگون کلله پاچا بدنه ووردوق.(تلویزییانین تصویری سولدان –ساغا دونوب ،علیرضا نوریزاده ده اونیله برابر دونوب ساغا )بو دئدیقیمیز مطلبه، پاریژدن گلن قوناغیمیز ،منوچهر فرح بخش بیرده محمدرضا شاهید شاهیددی......اوندا محمدرضا شاهید گوله- گوله دئدی :منی شاهید چکمه یین ،حمیدخانی کلله پزخانادا قوناق ائیله ینده ایکی دیل واریدی، اونودا اؤزوز یئدیز! منه اتیندن سونرا بیر شئی یئتیشمه دی!!

 گرگرلی آراز

+ نوشته شده در  چهارشنبه هشتم آذر ۱۳۹۶ساعت 20:12  توسط محمد علی برزگر(گرگرلی آراز)

 ائله ایش گور هامینین خوشونا گلسین!

    محمد عمینین اوغلی مهدی دئییردی:گئچن گونلرده بیر بالاجا ایشدن اوتور، یولوم اوکه میزین تورمه سینه دوشموشدی. بش -آلتی گون گئچمه میش، دئدی لر: بویون اوستو باشیزا باخین، بیر- ایکی ساعاتدان سونرا ،بازرس گله جک.

 زامانی یئتیشدی، هامیمیز صفده ،بازرسین اوزونه باخیردیق کی هردن بیریندن ،سوزلر خبر آلیردی. منه بیر نفر قالیردی، بازرس دایانیب، خبر آلدی:آی اوغلان! ندن بورداسان؟ اوغلان، دئدی: بیر- ایکی نفری اوغورلامیشدیم! بازرس، خبر آلدی: نئچه سنه کسیبلر؟ یانیمدا دوران، دئدی: یئددی ایل! بازرس: بتر پارتین واریدی، من نن اولسایدی، ایرمی بش ایلین وارینیدی! بازرس  منی گئچدی، یانیمدا دوراننان خبر آلدی: سن نه اوچون بورداسان؟او دئدی: قوردویاندا، بیر انبارا گئچیب ،اوردان ایکی داشقا، اوچ قازما، ایکی بئل گوتورنده توتولموشام، آلتی آی زیندان وئریبلر. بازرس الین بیر ساققالینا چکیب، دئدی: کول باشان اولسون! من قاضین اولسایدیم، سنین جورمون آلتی ایلیدی. بازرس اوچ -دورد نفر گئچیب، بیر زیندانی دن خبر آلدی، سن نییه بورداسان؟ او دئدی: دولتین باشینا بورک قویوب، گومروکدن، بش یوز میلیون تومن قوزامیشام! بش ایل زیندان وئریب لر.

 بازرس بیر اوزونه باخیب، سونرا دئدی: اینشااللاه بوگونلر عفو توتوب چیخارسان!!

 گرگرلی آراز

+ نوشته شده در  شنبه بیستم آبان ۱۳۹۶ساعت 20:46  توسط محمد علی برزگر(گرگرلی آراز)

 بیر پارچا گرگرلی ماحمودون کیتابیندان

  .........ایپار گول سوساغری سینی چینینه ­­گوتوروب،اوباسینا ساری یوللاناندا، گرگرلی محموددا دوه سی اولموش عرب کیمین، بوینو چینینده ائولرینه قاییداندا، آنا- بالاسی نین بئله پوزقون حالدا گؤرنده، الین یاخاسینا آتیب: آنان اولسون بالا، ندن بئله ملولسان؟ سورقو وئردی. اوردوباد دره سینده یاواش- یاواش دیللره دوشن قوچاق گرگرلی محمود، بیرسوز دانیشمادان، ائوین بوجاغیندا اوزو قویلو اوزانیب، بیر زاد یئیب- ایچمه دن اؤز عالمینده درین خییاله گئدنده، آنانین اوره یی دوزمه ییب، گوزونون آغی- قاراسی تکجه اوغلونون بویون اوخشایا اوخشایا الین یاپیشیب ایاغا قالدیراندا، ال اوزونه سو ووراندان سونرا، ایشی بئله گؤرنده قولاش دسته لی آلتون سیملی سازینی کوکسونه آلیب، گؤرک اوغلوندان نه لری خبر آلیر، اوره یینین پارچاسی گوزونون گیله سی نه جاواب وئریر، بیز وریندن دئییک سیزشاد اولون

هیچ کیمسه نین اوره ینده کدر دویون اولماسین. آخی چوخ اینسانلار اوزگه نین دردین ائشیدیب، اؤز دردلرینه آغلایارلار.

 یوخا ننه

اوره ییم قوزانیر آغزیما گلیر،

آتشین سونوب ساکیتله شیب گوزون.

چوخ نیگران قویما آنان گوناهدی،

دئیله منه آنانام سوزون دوزون.

گرگرلی محمود

آی آنا دئییرم پونهان سوزومی،

مین اولدورور ده ینده قوزو منی.

 اینجه بئلی تر شاماما یاناقلی،

ده یمه اولدورور یامان گوزو منی.

یوخا ننه

ندیر اوره یینده سوزون آچیقلا،

محمود نه پونهان سوزون ندیر قوزون.

کهلیک بولاغینا نه یه گئتمیشدین،

منیم جانیم بئله اوزموسن اؤزون.

گرگرلی محمود

کهلیک بولاغیندا چشمه باشیندا،

یئنیشدن چوخ اولدورور دوزی منی.

نامردین قیزی ائله جه یارانیب،

یئریشیله اولدورور پوزو منی.

یوخا ننه

تندیر پییه سازیم الووی سوزوم،

من یوخایام آنالارا وئر پوزون.

اوغلوم قاشین ائییب گوزون یومماسین،

وار قودرتیم سیله م قلبیندن توزون.

گرگرلی محمود

ایلدیریم چال شاقیلداسین سمالار،

گوز قیرپیما اولدورور توزو منی.

محمود نئیله سین اوزو گلیب بورا،

ده ییر هر گون اولدورور اؤزو منی.........

 گرگرلی آراز

 + نوشته شده در  جمعه پنجم آبان ۱۳۹۶ساعت 20:12  توسط محمد علی برزگر(گرگرلی آراز)

 گرگرلی ماحمودون ناغیلی

 بسم الله ارحمن الرحیم

 گرگرلی محمودون ناغیلی

 یازان :  م، ع، ب، گرگرلی آراز

  

سرشناسه

:

برزگر، محمدعلی، ‏۱۳۴۰ -‏

‏عنوان و نام پدیدآور

:

گرگرلی محمودون ناغیلی/ یازان م، ع، ب، گرگرلی‌آراز.

‏مشخصات نشر

:

قم: یاس بخشایش ‏، ۱۳۹۶.

‏مشخصات ظاهری

:

۷۹ص. ‏؛ ۵/۱۴×۵/۲۱ س‌م.

‏شابک

:

978-600-8505-45-7

‏وضعیت فهرست نویسی

:

فیپا

‏رده بندی کنگره

:

PL۳۱۴/ب۴گ۴ ۱۳۹۶

‏رده بندی دیویی

:

361108/894

‏شماره کتابشناسی ملی

:

 ۴۸۱۹۴۵۱

 

 

 

 

















قم، خیابان صفائیه، کوچه بیگدلی، پلاک 143

تلفن: 37749699 - 025

 گرگرلی  محمودون ناغیلی

یازان :  م، ع، ب، گرگرلی آراز

باخیش گئچیرن:ائلچی بی

ناشر : یاس بخشایش

نوبت چاپ: اول 1396

قیمت:7000تومن

شمارگان :  1000 نسخه

 اؤن سوز :

 حؤرمتلی وطنداشلاریما:

منیم عزیزلریم، ایه ر هر بیر زامان اؤز اطرافیمیزا نظر سالیب باخاندا، حس ائتمک چوخ ساده گلیر کی بوتون دونیانین آلچاق- یئرسیز- بوش  داستانلارین، قهرمان سایاراق زنگین-دولو توپراق اوستونده ریشه لی-کوکلو ادبییاتیمیز اوزه رینده، اوشاق جاوانلاریمیزلا بارابار دئییب، بویودوب، اونلاری بیزیم ذهنیمیزده کؤچوروب، یئر سالماق ایسته یرلر. بوایش، عمل هر گوزل اؤز ادبییاتین سئون بیر اینسانین اوره یین، قارالدیر. درحال بوایشین مقابیلینده بیزیم اولکه ده چوخ زیروه ده یاشایان ایگیدلر، اینسانلار اؤز یوکسک هونرلرایله آلچاق روتبه ده قارانلیغدا ساخلاماقلاری، اولور. آمما اونداکی بیزیم ایگیدلریمیز بویوک بیر حیات گئچیردیب لر، هئچ، حتتا قهرمانجاسینا یاشایب و یاشایرلار. هر زامان بیزلره وظیفه ساییلیر، بودورومدا هره اؤز قدرتینه گوره، اؤز ادبییاتیمیزی اؤز یئنی یئتمه لریمیزه، تانیتدیراق. بیزیم بولگه ده آذربایجانیمیزین آییری یئرلری کیمی، گوزل ایگیدلر هر دورونده اولوب. من اؤز توانیما گوره بونلاری نوبت ایله سیز عزیز لره تانیتدیرماق، اوزه رینده یم.

اومودیم وار بو ایشلردن سیزینده هنده وریزده، اولا بیلسین.

حورمتله: گرگرلی آراز

 + نوشته شده در  چهارشنبه سوم آبان ۱۳۹۶ساعت 13:38  توسط محمد علی برزگر(گرگرلی آراز)  

 دانیشیق!

  اؤز زامانیندا ژئنیتیک علمینین اوستادی ساییلمیش ،عابباس ائلچینله بیر دانیشیق!

ائلچی بئی-عابباس ائلچین اصلا بو ژنتیک علمی نه دئمک دی ؟

عابباس ائلچین-ژن تانیماق دانشی، بیر علمیدی کی یارامیشدا، وئرمیشلرین یئر به یئر اولماق علمی دی. بیر یاخته دن بیر یاخته یه  یاخوت بیر آتا -آنادان ائولادلارینا یادا کله جک نسیلله ره کوچموش علمیدی کی اندامدا اولان مسئله لری، فیزیکی -شیمییایی فورموللاریله اولماسی، بولوندورماقا چالیشیر.

ائلچی بئی –بو علمین، تاریچه سیندن بیر آز سویله ین.

عابباس ائلچین-چوخ اسکی دن بو علم وار، امما بو یوز ایلده اهمییت تاپیب کی بو علمی ژنتیک آدی وئریلیب، زیست شناسیده بیر انقلاب دئمک اولار.

 بو دووروده عالیم لر چوخ ایشله دیلر، بیر پارا صیفت لری نسیلدن -نسیله اورگه شسینلر، امما چونکی حساب بیلمیردیلر، ممکن اولمادی. ایلک عالیم بو صیفت لره ال تاپا ،مندل آدلی کیشی اولدی، اؤز آزمایشلرین ایرانلی عاریفین اوستونده انجام وئردی ،سونرا نتیجه سینده گوردی امما او زامان بو آزمایشلره قیمت وئریلمه دی ،سونرالار عاریفین ائولادلاری بویوب بویا- باشا چاتاندا ،مندل کیشی نین ایشلرینین قیمتی بولوندی ،ایندی بو زاماندا ایرانلی عاریف کیشی ،ژنتیک علمینین آتاسی ساییلیر.

ائلچی بئی –زحمت اولماسا ژن لرین بیر- بیریله باغلیقین، بیزه بیر آراشدیرین.

عابباس ائلچین-ژن لرین بیر -بیریله باغلیقی، بیر بویوک پدیده دیر کی اونو گئچن آی عاریفین اوغلی تاپدی، او دئدی: سانکی کروموزوملار ارثی بیر عللتی وار، او اوزه گتیردی ژن لر کروموزونلاردان چوخدولار، هر بیر کروموزونلار آیری- آیری ژن لرده اولا بیلسین ،اودورکی اولدی،عاریفین اوغلی هئچ بیر زحمت چکمه میشدن چوخلی ایشلر، متفایت ایشلرده چالیشسین.

ائلچی بئی –ژن آتیلماسی، یعنی نه دئمک دیر؟

عابباس ائلچین-ژن آتیلمادان منظور، او وئریلمه لر، بیر دیری نفس چکن موجودا، اورنگ اوچون: عاریفین اوغلونا وئریلن، باخیشلایین آتیلان ژن لردی کی اونو چوخ قدرتلی ائیله ییر ، اوستانداریدا -مجلیسده -اورگان –یاخوت بیر سازماندا اونیله باشارا بیلمیر. بو ژن آتیلما باعیث  اولور ،اینسان ،اورنگ اوچون: عاریفین اوغلی دانیشماسی قوخمادان، یئریمه سی قاشمادان ،فیکری میلیاردی آشمادان، پارتی وزارتخانادان-مجلیسدن اوجا باشمیزدان، اولسون.

ائلچی بئی –نئجه بو ریشته نی اوخوماق اولار؟ هاراجان بوریشته ده گئتمک اولار ؟

عابباس ائلچین –فیکر ائدیرم دوکتوراسی دانیشگاهلاردا وار، عاریفین اوغلی گوزل بو ریشته ده اطلاعاتی وار ،سوروشوب دییه رم.

ائلچی بئی –پزشکی قیسمتی نده ،بو ریشته هانسی ریشته لره بولونوب ؟

عابباس ائلچین- پزشکی بورس ایله باغلی، پزشکی دارایی وزارتخاناسیله، پزشکی سد-صنعت- پتروشیمیله –چوخلی اورگانلار، سازمانلاریله کی اوردا، دلار وار، باغلی قیلی  البتده بیر دلار، بیرده رئیس لیق- مدیرییت اولسون اولا بیلر.

ائلچی بئی- پزشکی ژنتیکده ،موضوع نه دیر؟

عابباس ائلچین-ایه ر میثال وورساق عاریفین اوغلون، ژن درمانلیق اودورکی بو فرض  عاریف جمهور باشقان سئچیمینده ،جمهور باشقانی سئچیلسه ،بو پزشکی ژنی عاریفین اوغلون تاپیب، بویوک سازمانلار- اورگانلاریله باریشق پروسه سین ،ایره لییه یئریتسین، باریشیق یاراتسین.

ائلچی بئی -بونون لییاقتی هاردان بیلینیر؟

عابباس ائلچین –سحردن بیر باتمان تنباکی یانیب ایندی ائلچی بئی دئییر نه توستو توستوسودی! سیز مندل کیشی نین ایشینه شککین وار!!؟

 گرگرلی آراز

+ نوشته شده در  یکشنبه سی ام مهر ۱۳۹۶ساعت 21:33  توسط محمد علی برزگر(گرگرلی آراز)

 کیملر شبیه لرین تئز چیخاردیرلار!

    چرچی قولی چوخ بیر گوزل اینسانیدی، شیکست اولماغینا باخمییاراق، چرچیلیقیله، اؤز عایله ماآشین تاپانیدی . آللاه تعالا اونا غنی- غنی رحمت ائیله سین.

 بیر گون نئجه اولور، ائوده قالمیشدی، ایسته ییر اؤز خانیمیلا بیر دیل خوشلوق ائیله سین، تکی بیر دام اولماقدا ،اودا آنانین یانیندا اولمور، اوز توتور آنایا، دئییر: خبرین وار آنا؟ آنا، دئییر: نئجه قولی؟ چرچی قولو، دئییر: آنا ،بویون همدانلیلار گله جک ،مئیداندا شبیه چیخارتسینلار. آنا ائله بونو ائشیدمک همین، بیر یئرآلتی گوتوروب، گئدیر مئیداندا مچیدین گون باتان طرفینده اوتورور.

 بیر یاریم ساعاتدان سونرا ،مش حوسین آغا توکانی آچاندا، گورور مئیداندا تک- تنها بیر آرواد خایلاقی اوتوروب، یاخینلاشیر، سوروشور: آی خانیم بوردا نییه اوتورموسان؟ چرچی قولونون آناسی، دئییر: همدانلیلار بویون گلیب، شبیه چیخارداجاقلار، اوغلوم قولو دئییردی.

 مش حوسین آغا، دئییر: هانسی قولی؟ خانیم، دئییر: چرچی قولی. مش حوسین آغا بیر گولومسوله نیر، دئییر: دور آیاغا گئد ،هله او ایشه  بیر آی وار! آمما نیگران اولما ایندی، ائوده چرچی قولی  شبیه هین چیخاردیب! قورتولوب!!

 گرگرلی آراز

+ نوشته شده در  چهارشنبه نوزدهم مهر ۱۳۹۶ساعت 19:12  توسط محمد علی برزگر(گرگرلی آراز)

 معللیم گونو

    بو معللیم لر بو ایستکلی آداملارکی هم ایسلامی مملکتیمیزین علمین و صنعتین همده جامعه میزده مادی-معنوی پیلله لری یئر- به یئر سمایه طرف باری تعالی یاخین اولماقدا چوخلوجا زحمت لری، نقش لری اولوب؛ واولاجاق.ائله توتاق بیزیم بو سعدی معللیم،میدانیمیزدا ائله بیر بززاز خانا ووروب.من ائوده کی لره تاپیشیرمیشام بوتون چادیرالیغی- دونلوغو حتتی شلته - تومانیدا اوردان آلسینلار. حتتی حسن آغا معللیمین بوتیک خاناسیندا بیزیم او ماغازانین دفتر- دسته ینده حسابیمیز وار.چوخ ایسترم هردنکی ائولادلاردان بیری آزاد دانیشگاها قبول اولور، آد یازدیرماسینا بیر تیکه یئر ساتاندا عین الله ، تهماسب معللیمین، یادا منصور، اصغر معللیمین قباله یازدیران دفترینده قباله یازدیرام. بونلارچوخ اوره کلری یوخا و یوموشاق آداملاردیلار. حتتی بیر نفریمیز اؤلنده، علی معللیم کی مسجیده هئیت امناء دندیر، اونا دئمک همین نه مسجد ، نده قبریستان پولو آلیر، یا حتتی کندیمیزین شوراسینا یاداکی ساواشلاری باریشدیران دفتره بیر ایشیمیز دوشنده، اؤزوموز گئتمه ریک. قوجا بیر توکذ ننه م وار؛ اونو گؤندریک.همین حاجی حسین معللیم، یاداکی حسن معللیم تئزلیک ایله او پرونده نی یویوب،سیله لر.خلاصه نه باشیزی آغریدیم،بونلاردان دئسم چوخ اوزونا چکر.فقط بیر تبریک دئمک ایله اؤز بورجومو یئرینه یتیریرم.خلاصه سؤزلریمی بئله قوتارماق ایستیرم.تاکسی چی پتکچی عباسعلی معللیم!معللیم گونون سیزه وعائله نیزه تبریک دئییرم . توکانچی داداش معللیم! گون او گون اولسونکی آلیش- وریشیز بوللو،عائله نیز ایله ساغ- سلامات باش اوجا اولاسیز. شهریمیزدن بؤیوک شهرلره کیرایه ایشله ین نقی معللیم، صابیر و امامعلی معللیم سیزی آللاه بو ایشیزده یورماسین همیشه فرمان دالیندا گؤزل گورسنه سیز.فرمانداریدا، بخشیداریدا و شهرداریدا اولان معللیم لره خصوصا بخشیدار، علی معللیمه ایشلرینده توفیق ساغ - سالاماتلیق آرزولاییرام . بننا، کاشی ساتان، روس آلیش- وئریش ائله ین، مانات و دولار آلیش-وئریشی الینه توتان کارگر، نگهبان،مدیر،و آیری معللیم لرین الیندن اؤپورم بو ایشده اونلارا صبیر، گولش اوز سئوینج پایلاماغی داییم آللاه تعالی دان ایستیرم!!

 گرگرلی آراز

+ نوشته شده در  جمعه چهاردهم مهر ۱۳۹۶ساعت 15:6  توسط محمد علی برزگر(گرگرلی آراز)

 اینشااللاه گون او گون اولا بوتون دونیا فارس دیلی دانیشالار!(ایکینجی قیسمت)

عابباس ائلچین آموزش و پرورش وزارتخانانین ،باش معاونیله بیر آچیق موصاحبه!

موصاحبه آپاران:ائلچی بئی

ائلچی بئی:عابباس ائلچین جنابلاری سیز جنابدان چوخ تشککور ائدیرم کی بیر بئله مشغله ییله بو دانیشیقا راضییلاشدیز.

عابباس ائلچین:موصاحبه دن ده اونجه ،ایکیمیز دانیشیردیق، دئدیم: اوول اولوییت بیزیم ایشلریمیزدن ،جامعه میز خبردار اولماغیدی.

ائلچی بئی:مهرین اوولینده مدرسه لر آچیلیر، بیرینجی صینیف لرایلک دفعه اولاراق کیلاسا آیاق باسیرلار، نه حال وئریر سیز جنابا .

عابباس ائلچین:چوخ گوزل حاللاردی ،بونا گوره بیر نئچه کیتابلار فلسه وی- روانشناسی- تاریخی –جوغرافی موریدده گوندرمیشیق تاکی اوشاقلار اوخوسونلار. جواهرنعل نهرونون ،دونیانین تاریخینه بیر باخیش قالیرکی اونودا آبان آیی اوشاقلارین الینه چاتار.

ائلچی بئی:اوشاقلارا -کورپه بالالارا بو کیتابلار بیر آز آغیر دئییل؟

عابباس ائلچین:نییه منجه بیر آز آغیردی، آمما چاره میز یوخدی ایه ر آن مرد با اسب آمد یاخود بابانان داد دان باشلاساق، اؤز اهدافیمیزا عراق –سورییه- یمنده یئتیشه بیلمه ریک !اونا گوره ده بو دووره میز بیر آز فشرده اولوب.

ائلچی بئی:عابباس ائلچین موعللیم دییه بیلرسیز آنا دیلین نقدر مدارسده یئری وار؟

عابباس ائلچین:بیر آز تئز گورسه نیر، بیز هله آنالاریمیزین قاش- گوزی، اللرین راضیلیق یوخوموزدی ائشیکده قالسین-گورسنسین، گله ک هله اونون دیلی یاخوت آیری بیر یئرین کورسه دک یاکی ائشیکده قالسین، بیر آز زامان آپارار.

ائلچی بئی:سیز دئمیرسیزکی بیر اوشاق آلتی -یئددی یاشدا آنا دیلینده دانیشیب، بیردن بیره گلیب بیر آیری دیلده دانیشیب- اوخویوب –یازا؟ بیر آز چتین لیقی اولماز؟

عابباس ائلچین:یوخ من بو فیکریله راضی دئییلم، چونکی بش -آلتی یاشداندا قاباق بو فارس بیلمیین اوشاقلارین اوستونده ایشله ییریق .کورپه آنادان اولاندا ،خسته خانا تئزلیکله یاری گئجه ده اولسا، ثبت احوال ایداره سینه- مهدکودکه- رادیو تلویزییایا بوتون کوچه- باجادا اولان شخصلره اعلام اولونور، اورنگ اوچون: مشهدی عبداللاهین بیر اوغلی اولدی، هر ایداره- سازمان صاباحدان اؤز وظیفه سینه آشنادی. ثبت احوال آدینا گوره بیر پارا محدودییت لری وار، گلیب کورپه نین آدین آللاه وئردی یاکی خداوئردی قویماق اولماز، ایداره ده لیستیمیز وار، کوروش دان توتوب مهرنوشاجان آزادی، امما گئچدی آیری آدلارا؟ یوخ اولماز؟ آیری سازمانلاردا بئله دیر، اورنگ اوچون :کودستانلاریمیز اوستونده چوخ ایشله نیب، یک توپ دارم قل قلیینی بوشلویوب، اوشودوم ها اوشودومو، اوخومویاجاییقکی؟ داها بیزیم کورپه بالاراریمیز، داها اوشومورلر، فارس دیلینده اوخویانلارا او قدر جایزه پالتوودان- بورکدن -کوینکدن وئریلیر کی داها اوشومه سینلر! بیرده اوشودوم ها اوشودومی اوخوماسینلار.

ائلچی بئی:بس بو آنا دیلی نئجه اولسون؟

عابباس ائلچین:سیزده ائله یاپیشمیسیز آنا دیلیندن، آنا دیلیندن نه قالیب؟ هن نه قالیب؟ نه کوچه ده اوندان دانیشماق اولور، نه مدرسه – دانیشگاهدا، بیر ایداره - سازماندا اونون اوچون بیر یئر وار، حتتا بیر سو  تقاضاسی آب فاضیلابا یازاندا ،گره ک فارس دیلینده یازاسان! بیرده کی قالدی بو قوجا قاری ننه لر- آتالاریمیز، اونلاردا بویون- صاباحدی قبریستانا.....

ائلچی بئی:بو پاکسازی قومی دئییل؟

عابباس ائلچین:بو پان تورکیسلر، بیزیم هانسی ایشیمیزه دوز آد قویوبلارکی بو  ایشیمیزه دوز آد قویسونلار؟

ائلچی بئی:آخی جاوانلاریندا آراسیندا ،هردن بو آنا دیلینه گوره بیر پارا سوزلر-حرکت لر ائشیدیله نیر،بونو هارا یازیلمالیدیر؟

عابباس ائلچین:شاهین سوزون باور ائیله میردیق ،ایندی آمما اینانیریق بونلار اوتایدان گلمه لردی .اجنبی لر سحری گلیب، ناهاری زهرمار ائدیرلر،آخشامی شولوغلوق سالیب، گئجه نی ائولرینه قایدیرلار.بونلار آزربایجاندان گلمه لردی، بعضی زامانلاردا گورجو تورکلری- تورکییه- داغیستان- قیرقیز- اوزبک- تورکمن- قزاقستان -مجار.... بیر چوخلاری بو یاخینلیقدا کرکوک داندا اونلارا گوج وئریب کومکلیق ائدیرلرحتتا چین تورکلری -موغولوستانناندا گلن وار.

ائلچی بئی:بس بیزلر خاطیرجمع اولاق کی بیر شئی لر یوخدی؟

عابباس ائلچین:بلی، یاپ خاطیرجمع اولون، نقدر پایتخده اوتوران عادیل عمی- تبریزده جاواد قارداشیمیز وار،قوش- قوشلوقوندان اندیش ائلییه بیلمز.

ائلچی بئی:سیزدن چوخ تشککور ائدیرم قیمتلی زامانیزی، بیزیم ایختیاریمیزا قویدوز.

عابباس ائلچین:منده تشککور ائدیرم، بوتون آنا- آتالارین، کورپه- بالالاریمیزین قوللوقوندایام ، اینشااللاه گون او گون اولا بوتون دونیا فارس دیلی دانیشالار!!

 گرگرلی آراز

 + نوشته شده در  سه شنبه یازدهم مهر ۱۳۹۶ساعت 11:35  توسط محمد علی برزگر(گرگرلی آراز)

 من ابوالفضلم

رجز حضرت ابوالفضل شعردن بیر پارچا--شاعر سعدی زمان

 من ابوالفضلم جماعت، شهر‌تیم دوتموش جهانی

قدر‌ت الله  اوغلویام من، حیدر  کرار ثانی

 یادگار نامدار  غازی بدر و  حنینم

حیدر کرار آتامدور، مرتضا‌یه نور  عینم

هم سپهسالار لشگر‌، هم علمدارحسینم

ائیلرم  ظاهر بو چولده، صولت شیر خدانی

 خیمه‌ده آغلیر سوسوزدان، عتر‌ت شاه مدینه

العطش فریادی یئردن، اوج ائدیر عرش برینه

چیگنیمه سالدی گلنده، بو قورو مشکی سکینه

ائیله‌دی سو التماسی، بیر منه گلدی گمانی

 ائیلدی اتمام حجت، لشگرره هر چند او سرو‌ر

اولمادی اصلا موثر، گلمه‌دی رحمه او لشگر

بیر نفر سسلندی اما، کی هنرو‌ر پور حیدر

ائیلمه سو اوسته بیجا، سن ملام‌ت شامیانی

 جنگ عباسی گوره‌نده، قودسییان گلدی نوایه

سس سسه وئردی ملکلرر، عرض قیلدی مرتضایه

ائیلیری عباس دعوا، یا علی باخ کربلایه

گوستریر  اوغلون حسینه، گور نه نوعی جانفشانی

 لشگره سس دوشدی  آلدی، نهری بو یالقوز علمدار

خیمه ده ناگه ائشیتدی، بو سسی تشنه اوشاقلار

خیرداجا قیزلار سوویندی، داده گلدی آل اطهار

باشینا ییغدی سکینه، عتر‌ت آل عبانی

خلیل انتظاری (نوحه و مرثیه ترکی)وئبلاگ آدلی

 + نوشته شده در  پنجشنبه ششم مهر ۱۳۹۶ساعت 20:14  توسط محمد علی برزگر(گرگرلی آراز)

 اینشااللاه گون او گون اولا بوتون دونیا فارس دیلی دانیشالار!

   پاییزیین ایلک آیی سووشموشدی، آمما هله ملان خالا اری حوسین عمی نی راضی سالانمامیشدی، اودا گئدیب نهضت سوادآموزودا آد یازدیریب، درس اوخوسون .ائله هردن سوزون سالاندا، حوسین عمی سسین کسدیریب، ده یینه- ده یینه پالتووون چینینه سالیب، اؤزون ائودن ائشیکه ووروردی.

 بیر گون باغ سووارماسینین  آخیر ویجه سیدی، آرخلاری کول- کوسدان آریدییا، آریدییا گلیردی، حیه ت قاپیلارینا  یاپیشان آرخا یئتیشنده ،گوردی اوردا ایکی کیتاب بیری فارسی، بیریده حساب کیتابی، بیرده دفتر- قلم- سیله جک (پاک کن)-میداد قددیین نایلون آراسیندا وار! تئز اونلاری گوتوروب باخاندا، دئدی بس نوه لریندی، آمما دفترین باشیندا ملانین آدین گورنده، ایناندی کی اونا دئمه میش ملان نهضته گئدیر، هامیدان بتر یاندیران ملانین ایرمی آلمالاریدی.

 خیلاصه باغدا ایشلرین گورندن سونرا، کیتابلاری پالتووون آلتیندا گیزله دیب، ائوه گیرنده اوز توتوب ملان آروادینا، دئدی: سنه دئمه میشدیم نهضته گئدمییه سن؟ بو قوجالیقیندا عایب بولمه سن نه دیر؟ ملان خالا آند آمان ائیله دی کی واللاه من  اورا گئدمیرم. حوسین عمی پالتووون آلتیندان کیتابلاری چیخارتدی، اوجا سسله دئدی: بونلار بس  نه دیر؟! هله یاندیران منی اودورکی آن مرد با اسب آمدده ،ایرمی آلمیسان! آی هاوار!!

 گرگرلی آراز

 + نوشته شده در  چهارشنبه پنجم مهر ۱۳۹۶ساعت 17:56  توسط محمد علی برزگر(گرگرلی آراز)


ائششک عمی اوغلوسویوق!

مدرسه لرین آچیلیش موناسبتینه

((شئونیزمین الیندن نه چکیریک؟!دوکتور جئری  جنابلارینا جاواب))

 ائششک عمی اوغلوسویوق!

    قونشو کتده بیر یاس یئری واریدی، اؤزوموزه وظیفه بیلدیک،جوما آخشامی بیر فاتیحه وئرمک اوچون مچیتلرینه باش ووراق!مچیتدن چیخاندان سونرا کتده بیر آز دولاندیق، بیر نفرین توکانینا گئتدیک، غلام حسین عمی کئچمیشده بیزیم کنده قارا مال ساتماق اوچون گلردی، داها ایندی قوجالیب!بیر توکان آچیب، اوردا آلیش- وئریش ائیله ییر؛گیردیک توکانا، سالام، کئف- احوالدان سونرا دوستوم غلام حسین عمی دن سوروشدو: بو کتدن بیزیم کنده بیرنفر عادل آدیندا پئندیر و یاغ ساتماغا گلیر، او دئییردی کی من غلام حسین عمینین قارداشی یام!غلام حسین تئز دئدی:عادل آنلامیر! هایلا دئییرکی پئندیرلری، ساری یاغلاری ساتیلسین! منیم دوستوم سوروشدو:غلام حسین عمی! عادل عمی ایله بیر بیرنیزه چوخ اوخشاییرسیز! اولمایاعمی اوغلوسوز؟ غلام حسین عمی دئدی: عمی اوغلولوغونا عمی اوغلویوق، آما سیز دئین عمی اوغلولوقدان یوخ ها!دئییم سیزده بیلین؛قیرخ- اللی ایل بوندان قاباق بیزیم آتانین قارا مالی طؤوله ده چوخ اولاردی؛ په یه میزده عادل گیلین په یه سینه گؤره ایسسی اولاردی! بو عادل گیلینده بیر- ایکی ائششک لری واریدی! طؤوله لری سویوق اولماقدا ائششکلر اوردا تیرتیر تیتره یردیلر! بونا گؤره کی ائششکلر اؤلمه سینلر،ایکیسین گتیریب، بیزیم طؤوله یه سالاردیلار!بالا! اوزاماندان عادل عمینیز، غلام حسین عمینیزه دئیر:عمی اوغلو! ائششک عمی اوغلوسویوق!

 گرگرلی آراز

+ نوشته شده در  دوشنبه سوم مهر ۱۳۹۶ساعت 15:36  توسط محمد علی برزگر(گرگرلی آراز)

 برجام نئجه باغلانیب!

  اوخومامیشدان ،عابباس ائلچین موعللیم دن عذر دیله ییرم

برجام نئجه باغلانیب!

عابباس ائلچین شهرلرینده بیر قصصابخانایا وارید اولاندا، گورور چوخ گوزل داوارلار کسیلیب، هامیسی ایرکک قوزودولار. بیریندن خوشو گلیب، یاریسین ایسته ییر. قصصاب دهره نی گوتوروب، داواری یاری بولندن سونرا ،اوز دونده ریب عابباس ائلچینه، دئییر: هانسی سین ایسته ییرسن اونو دوغراییم. عابباس ائلچین بیر قدم قوزونون طرفینه چکیلیب، شاققالاری اندر- دوندر ائیله ییر، ایسته ییردی بیرین سئچسین، الی دولاشیر شاققاداکی ایکی خایالیقینا ،ایسته ییر الین چکسین ،الین چکه -چکه  قوزونون خایالیقلاری الینه گلیر. اوندا گورور، قت(قند) قاتماسیلا اونلاری دیشی داوارلارا تیکیب- باغلاییبلار! قصصاب بو حالی گوره نده، ال قویور اوزونه، دئییر:سن نئجه گوج وئردین کی منین ایرکک قوزولاریمین خایالیقلارین یئریندن چکیب چیخارتدین؟ خایالیقلار عابباس ائلچینین الینده، بیر اونلارا  بیرده   قصصاب کی اؤزون دیدیب توکوردی باخیب، سونرا گوله- گوله ،دئدی: منیم قارداشیم بولار نه سوزدی، من ائله ده گوج وئرمه دیم ،بولاردا بیر ایش وار!اینانمیرسان سن گل منیم کی لردن آسلان! ایه ر یئریندن اندیش ائله سه لر!!

 گرگرلی آراز

+ نوشته شده در  شنبه بیست و پنجم شهریور ۱۳۹۶ساعت 21:47  توسط محمد علی برزگر(گرگرلی آراز)

 هانسی ایمکاناتی عزیز دولتیمیز وئره جک!

  رجب عمی چورکچی خانایا قدم قویان آن، گوزو باجاناقی علی اکبر عمی یه، ساتاشدی کی ایلک نوبتده دایانیب .باجاناقینا دولاشماق اوچون، اوز توتوب مشهدی رحمان عمی یه، دئدی:مشهدی رحمان بولوسوز هاردان گلیرم؟ مشهدی رحمان سوروشدی: هاردان؟ رجب دئدی: قئینانام گیلدن گلیرم !واللاه بیر بش- آلتی کند یومورتاسی ساری یاغدا پیشیردی ،دویونجا ایچه ری اوتوردوم! گلدیم بیر- ایکی یاغلی آلام آپارام، گورک نه اولور، داها یئمه گه نه وار؟ مشهدی رحمان بیر سوز دئمه دن، علی اکبر عمی بیر یالاندان باشین دالییا وئریب، ائله سسیله کی رجب ائشیدسین، دئدی، ایه ر او یومورتالار دویورماییب ایکی سی ده منده وار گه ل آپار !!

 گرگرلی آراز

+ نوشته شده در  دوشنبه بیستم شهریور ۱۳۹۶ساعت 23:14  توسط محمد علی برزگر(گرگرلی آراز)

 هر بیر ایشه وصیقه لازیمدی!

  کیان عمی دئییردی، اللی ایلین سوزودی، عسگرلیقدان قورتولاندان سونرا،بش -آلتی یولداشلاریله بیرگه ،تصمیم توتدوق، دمیر یولونا یازیلاق. بونا گوره دمیر یولونون دفترینده حاضیر اولوب ،بیر پارا کاغیذلاری دولدوروب، عسگرلیق کارتیمیزی بیرده سیجیلل یمیزی آلیب، ائله او آن رجب علی نی کی بیزدن ایکی ایل اونجه، دمیر یولونا یازیلمیشدی چاغیریب، بیزلری اونا تحویل وئریب، دئدیلر: سوزنبان قسمتینده ایشلری کورسه دیب -باشاسالیب سونرا ائله اوردا چالیشسینلار.

 دفتردن ائشیکه چیخاندان سونرا، رجب علی قاباقدا ،بیزده اسیر تک اونون  دالیسیجا گئدیردیک. یولدا سوز قالمادی بیزه دئمه سین ، ایلک اؤز بویوکلوقون بیزیم اوزوموزه چکدی، سونرا ایشین آغیرلیقین- چوخ ایشله مگی -ایشدن قاشماماغی چوخلی بوجور سوزلریله آندیردی کی: آی سیز اوله سیز، یا بوردا منیم سوزومدی، یادا بوردان گئتمه لیسیز. او گون بیر تهر سووشدی، ایکی اینجی گون باشیمیز ایشه قالیدی منیم بویرومه بیر دمیر شیش ده یدی، دوندوم گوردوم رجبعلی دیر، سوروشدوم نییه ووروسان؟ دئدی :هله بو نه دیرکی! قوی دفتردن رسمی کاغیذیمی -حوکمومی آلیم، بو دمیر شیشی آیری یئریزه سوخاجه یم!!

 گرگرلی آراز

+ نوشته شده در  سه شنبه چهاردهم شهریور ۱۳۹۶ساعت 15:33  توسط محمد علی برزگر(گرگرلی آراز)

 ترساوا کند اهالی سینه تقدیم اولونور

     رحمت لیک  آللاه قلی عمی ،ائله هممشه باشین تئز یئره قویوب یاتاردی. او گون ائله یاتمیشدی، ساعات دوققوز میزانی، باخیر گورور طویله دن سس گلیر. دورور، فانوسی گوتوروب خوتداییر، طویله نین قاپیسین آچیر گورور، بش -آلتی توخلولاردی کی بیر- بیریله دالاشیب، سس ائیله ییرلر. بیر آز دربه دن- آرپادان قاباقلارینا توکوب، قاییدیب گلیر، یئنه یئرینه گیریب ،یاتیر. اونا یاخین یئنه دالاشما سسی، طویله نی گوتورور. یئنه آللاه قلی عمی اوولکی ایشی، میددانا- میددانا گورور. چوخ عصبانی اولماقدا، هله قوزولاری بو سفر، دوگه- دوگه یئمله دیر، قاییدیب گلیر یئنه باشین آتییب، یاتیر. اون ایکی ایراده لرینده بیرهای -کوی سسیله، آللاه قلی عمی هاراسان آییلیر، گورور، یئنه دن سس طویله دندی. بو سفر دورور، فانوسی گوتورور، طویله نین قاپی سین آچیر، ائله او آلتی توخلونی چیخاردییب،کوچه قاپی سیندان ائشیکه اوتورور! داها سسدن راحاتلاشیر! گلیر باشین یئره آتیر راحاتجاسنا یاتیر!

بوطرفدن فتح آلی سودان گلیردی، توخلولاری کوچه ده گورور، ایشی آنلاییر، توخلولاری آپاریر اؤز طویله سینه سالیر. سحری طویله دن چیخاردیب، قونشو آللاه قلی عمی نین قاپی سین چالاندا، آللاه قلی عمی قاپییا گلیر، فتح آلی سوروشاندا کی نییه توخلولار او ساعاتدا  ائشیکده یدیلر؟ آللاه قلی عمی دئییر: اؤزوم اوتورموشم ائشیکه !کوپک اوشاقلاری گئجه نین یاری سی مندن، راحتیل قوم ایسته ییرلر!!

 گرگرلی آراز

+ نوشته شده در  شنبه یازدهم شهریور ۱۳۹۶ساعت 17:28  توسط محمد علی برزگر(گرگرلی آراز)

 اسکی بیر آتا بابا سوزوندن پرده گوتورمک!

    یاپ او قدیملرده بیر نفر، بیر توکانا وارید اولور، دئییر: عمی دوشابین کیلویی نئچه دیر؟ توکانچی، دئییر: اورمی دوشابی -آی باتان دوشابیدا وار، اونو سنه دئییم ها، بوردا قویوب، قونشوموز توکذ خالانیندا دوشابی پیس دئییل.

 خیلاصه مشتری، توکذ خالانین دوشابین خوشلاییر، قیمتین کسندن سونرا ،دئییر: ایکی کیلو چکه سیز. توکانچی قابی آلیر، آراباسین توتاننان سونرا، دوشابی چکیر مشتری یه ساری اوزادیر. مشتری الین اوزادیر آلسین، او آن ،دئییر: عمی بو قاپ دوشابیله دولاندا ،دوز ایکی کیلو اولاردی، نییه ایندی خیلک باشیندان آشاغیدی؟! توکانچی قابی آلیر، بیر تره زینی اویان -بویانینا ال اوزادیر،یئنه دن قابی دوشابیله دولدورور، قابی وئره- وئره عذر ایسته یب ،دئییر: ائله بیل ایشتیباه اولموشدی!

 مشتری گئدندن سونرا ،دسمالیله تره زی تایین، سیله –سیله، اؤز- اؤزونه ،دئییر: تره زیدن باش چیخان مشتریدن زهله م گئدر!

بو طرفه باخاندا گوره سن، بوتون ایداره لر- سازمانلار- تجارتخانالار- بئله دیر؟! یا ائله توکانچیلارا بو سوز آیددی!!

 گرگرلی آراز

+ نوشته شده در  دوشنبه ششم شهریور ۱۳۹۶ساعت 22:41  توسط محمد علی برزگر(گرگرلی آراز)

 وزیرلرین سئچیمی حاقدا، عبباس ائلچین له ،بیر موصاحبه!

  ائلچی بئی:عابباس موعللیم ،داناباش خبر شبکه سینینه چوخ خوش گلیب سیز، باش مطلبده ،سوزو نئجه باشلاییرسیز.

عابباس ائلچین:سلام علیکم، داناباش کند شوراسینین باش مدیری عابباس ائلچینم ،نه سوزوز وار قوللوقوزدایام.

ائلچی بئی:سیزین بیلدییز بو اون سکگیز وزیرلرین هانسی اولوییت ده دیر؟ اوندان باشلایاق ،تا بیر آز اونلاری گورنلر- دینله ییجی لر آرتیق تانیسینلار.

عابباس ائلچین:هانسی وزیردن باشلاییرسیز باشلایین، هامیسی اؤز اوشاقلاریمیزدی.

ائلچی بئی:بهداری وزیری دوکتور جئری دن باشلایاق، نئجه اولا بیلر داناباش کند اهالی سی اونا رای وئرمه سین ؟

عابباس ائلچین:یوخ !اولا بیلمه ز، اونون گوزل بیر شخصییتی وار، داناباش کند اهالی سیله ال- بیردی .شیخ آغا  اونون پیچاغی آلتیندا دونیاسین دئییشیب. اوجور، قالایچی مورتوضون مال -دوولت الینه دوشوب. قاینالارین عمل آلتیندا اولمه لری، بوتون گلین لراونون طرفدارلارینا چئوریلیب. اوسته -اوسته پیس عمللری اولماییب، گوزلین رایی اوسگون اولا بیلر.

ائلچی بئی:علیریضا رضایی جنابلاری، ورزش –جوانان وزیری نئجه؟ ائله بیل داناباش کندیندن دئییل؟

عابباس ائلچین:واللاه داناباش لیدا اولماسا، قالایچی مورتوضون باجی اوغلوسودی. بیرده قالدی ائله بیر یئرلیدی!جاوانلارین عهده سیننن گله بیلر.

ائلچی بئی:نئجه اولدی کی قدرت ابوالحسنی نی، نئفت وزیری سئچمیسیز؟ نییه بیر آیری آدام یوخیدی؟

عابباس ائلچین:نییه ،چوخلی شخص لر واریدی ،امما بو شخصی بیزه تحمیل ائیله دیلر.بیرده بونو دئییم ها،دده سی کومور باسانیدی ،بیر آز بو ایشده کارایی سی!وار. ایش گورن ،شخص یدیر.

ائلچی بئی:دفاع وزیری هاماش باجی اوغلی دا کی بللیدی، باجی اوغلودی!

عابباس ائلچین:یوخ !سن اللاه اوجور دئمه یین، تزه کاراتا کیلاسینا گئدیر، تیکوندودا قره کمری وار.

ائلچی بئی:ائله بیل عابباس ائلچین موعللیم ایرشاد ایداره سینین وزیرلیقین،اؤزوزعهده زه  گوتورموسوز. نئجه اولوب کی بو وزارتی آیری بیر شخصه تاپیشیرمامیسیز؟

عابباس ائلچین:بو وزارت ائوینده  بیر ده ییشیکلر لازیمدی، بیر اینقیلابی(بارماقین اؤز سینه سینه وورماقیله) آدام لازیمدی، اودا بودور کی ایرشاد ایداره سینین ساختیمانیندا اولان اوتاقلاردی ، مزایده صورتینده احتییاجی اولان حقیقی- حقوقی  شخصلره ایجاره وئرمه سیدیر. من فرصتدن ایستفاده ائدیب، دئییرم: شانس او آداملاریندی بو آی باشیناجان دفتره گتیریب، ثبت ائدیب، رسید آلالار. بیرده او ایشلر کی ایرشاد ایداره سینه ربطی اولسا، اونلارا تئز جاواب وئریله جک.

ائلچی بئی:دییه بیلرسیز هانسی ایشلردی؟ بیر آز آچیقلایین.

عابباس ائلچین: بئکار قالماماق اوچون داناباش کندینین  ایرشاد ایداره سینده، ساختیمانین اوتاقلاری،

1ینجی –قاش آلان، خانیم باشی ووران خانیملار اوچون.

2ینجی-آغالار اوچون بربرخانا.

3ینجی-خانیم –آغا خییاطلاری.

4ینجی-رستوران –یئمک خانالارین مطبخ خاناسی اوچون، آقا –خانیم فرقی یوخدی.

5ینجی-عطیر –اودکولون ساتان خانیم- آغالار اوچون.

6ینجی-بوتیک خانا ،امما خانیم پالتاری ساتماق اوچون حتمی خانیم اولمالیدی.

7ینجی-خصوصی بیمه دفترخانالاری.

8ینجی-معامله ائدیلمیش املاک بونگاهلاری.

9ینجی-اؤز اولکه میزین پالتارلارین ساتان اشخاصلر.

10ینجی-قننادخانالارین -شیرنی دوزلدن مغازالارین کارگاهلاری اوچون.

11ینجی-تعزریقات سالنی ،آغا -خانیم لازیمدی.

12ینجی-پرده تیکمک اوچون.

13ینجی-گول ساتماق ،ماشین یزه مک اوچون.

ائلچی بئی:بو توکانلاری ایجاره وئرمک اوچون بیر پارا شرایط وار؟ وارسا ،لوطفن اعلان ائده سیز.

عابباس ائلچین:شرایطی وار، بیر نئچه سین دئییرم.

1ینجی-ایجاره- زامانین ،قیمتین، اؤزوموز تعیین ائده جه یک.

1ینجی-توکانلارین آدلارین اؤزوموز قویاجاییق.

3ینجی-بیر ساده ایمتحان -گزینشدن تقاضا وئرنلرگئچمه لیدیلر.

4ینجی-بیز دئدیقیمیز یئرلردن جینسلرین، آلمالیدیلار.

5ینجی -بیز ساتیش قیمتین تعییین ائتمه لییک.

6ینجی-بیزیم ایداره ده ایشله ین اشخاصلر اللی درصد تخفیفدن ،ساتیش ماللاردان بهره آپاراجاقلار.

ائلچی بئی: سیز قورخمورسوزکی بو ایشلر سیزی بدنام ائده ؟جاماعات ایچینده سیزه بیر تنفر!یارادا ؟

عابباس ائلچین:نییه ائله من بونو ایسته ییرم! چونکی آرزوم بودور گلن دووره جمهور باشقانینا ایستیرم یازیلام!!

ائلچی بئی:اوبیرسی وزیرلرین حاققیندا ایسته میرسیز دانیشاسیز؟

عابباس ائلچین )بیر یئرینده قیشلارین عوض ائدیر)ائلچی بئی نقدر دانیشیم ،بیزیم شورا بونلاری قبول ائدیب! داها بیر بئله سوررغو -سوالات نه یه لازیمدی؟!!

 گرگرلی آراز

+ نوشته شده در  شنبه بیست و هشتم مرداد ۱۳۹۶ساعت 13:55  توسط محمد علی برزگر(گرگرلی آراز)

 نییه آمریکانین أتوم بومباسی اولمالی‌دیر بیزیم یوخ؟!

  دوکتور جئری یه جواب


نییه آمریکانین أتوم بومباسی اولمالی‌دیر بیزیم یوخ؟!


او ایلکی ایللرده ،بویوک قارداشینین یانیندا خوروزلانان قاسیم ،بیر خلوت دونگه ده بیزیم محاصیره میزه دوشموشدی. چوخ فند- فعلیله ایسته دی الیمیزدن قوتارسین، حتتا اوزوندن گئتماقاجان گئتدی، امما باش توتمادی.

ایلک بیر دوتمه چنه سیندن ، یولداشلاردان یئندیردی، سونرا بیری آیاق وئریب، چالدی یئره ،خیلاصه چوخ هوندور وزلی اولماقدا ،اوچوموز اوستونه دوشوب آیاقا قاغماقا ،قویموردوق.

هره میز بیر ایکی سین یئندیرمیشدیق، اوندا گوردوق، قاسیم آلتیندان بیر دیزز -جوو سسی، آخیر- آخیرلاردا زارت سسی چیخارتدی! باش وئرمه دن ،قاسیمی وورماقا ایدامه وئردیق.

امما نه باشیزی آغریدیم سسدن بیر بش ثانییه گئچمه میشدی، بیر آلوده لیق هم بورنوموزدا، همده بتر اینجیلیک سینه -بوغازیمیزدا حس ائیله دیک !زورلا- بلاییله قاسیمین اوستوندن اؤزوموزی کانارا وئردیک.

احمد کی بیر آز به واقتا قالمیشدی ،بو شیمییایدن نمنه ناهارا یئمیشدی، ائله اوزو قویلی قاسیمین اوستونه قرتردی!

او گوندن قاسیم یولون تاپمیشدی، ائله بیل ،نئجه کی شورای امنییتده آبوش نماینده سی الین اعتیراضا گویه قوزار، سانکی بیزیم بو قاسیم بیزی قورخوتماقا قیچین گویه قوزور!!

مسئوللاریمیز بو یئنی سیلاحین اوستونده ایشلمه لی دیرلر. چوخ کسرلی دیر ائله بیل!!


گرگرلی آراز

 + نوشته شده در  سه شنبه بیست و چهارم مرداد ۱۳۹۶ساعت 9:33  توسط محمد علی برزگر(گرگرلی آراز)

 آداملیقی آدامدان ایسته ،خوش اییی قیزیل گولدن!

اوشاق ادبییاتی

 آداملیقی آدامدان ایسته ،خوش اییی قیزیل گولدن!

 انزلیدن گئچنده ،

پولوموز اوغورلاندی.

هر زاد گئتدی هئچینه،

خیرمان تک سوغورلاندی.

 

آخشاماجان لوتو- پوت،

دولانیردیق اورانی.

اوز به اوزه باخیردیق،

اوتورانلا دورانی.

 

اوتانیردیق بیر کسدن،

سیرریمیزی دییه ک بیز.

پئندیر- یوغورت- چورکدن،

بیر آز آلاق ییه ک بیز.

 

اوندا گوردوم بیر الده،

وورولدو بیر چینییمه.

باخدی بیزه بیر گولدی،

قانیم قاخدی بئینیمه.

 

دئدی او دورون گئده ک،

بیزه ناهارا بویون .

بیر یاتین سیز دینجه لین،

ال- اوزوزو سیز یویون.

 

اوراکی داخیل اولدوق ،

بیر صفالی یئریمیش.

آدی بهبود موعللیم،

آداملیقین بیریمیش.

 

حیه تده میز اوستونده،

سوفره آغیر سالیندی.

ایلک تیکه نی ووراندا،

آجیلاردا بالیندی.

 

یئییب دوراندان سونرا،

دورو  بره من باخدیم.

قیزیل گوللر دوره می،

ایی سینه  من قاخدیم.

 

بیر باخدیم من اونلارا ،

باخدیم بهبود اوزونه.

ائلچی بئی آدینی من ،

وئردیم فیکیر سوزونه.

 

آداملیقین آدامدان،

ایسته قادا سن ایسته .

خوش اییی قیزیل گولدن،

تانری یازیب باش لیسته!

 گرگرلی آراز

 + نوشته شده در  جمعه بیستم مرداد ۱۳۹۶ساعت 13:10  توسط محمد علی برزگر(گرگرلی آراز)

 اولار کی کابینه قورمادا ایسته میرلر شیرکت ائیله سینلر!

    حاجی شیخ کریم، اکبر عمی نین توکانی نین قاباغیندا اوتورموشدی، مئیدان مچیدیمیزدن آذان سسین گوزه تله ییردی.سس گلن آن، حاجی شیخ کریم بیر یا آللاه دئدی، ایسته دی دورسون ،مچیده گئدیب نامازین قیلسین ،ائله اوتوردوقی یئرده ،دونوب اکبره، دئدی :اکبر سنی هئچ مچیدده نامازدا، گورمورم. اکبر عمی توکاندا، ایشلرین یئر به یئر ائده -ائده اوز توتوب حاجی شیخ کریمه ،دئدی: حاجی واللاه ،آللاه دان گیزلین دئییل، سندن نه گیزلین ،من بیر اوشاقلیقدا بیر گوناه ایش گورموشم! بیر سفر آللانمیشام !داها قورخورام آللاه تعالا اعمالیمی ایندن سونرا قبول ائیله مییه ،اودور مچید -منبره گلمیرم. حاجی شیخ  دورا -دورا اکبره، دئدی: اکبره باخ گور نه دانیشیر! من یوزلر دفعه اوشاق زامانی آللانمیشام!  سن قورخما ،آللاه ارحمن راحیم یندی، سن مچید -منبره ن  گه ل !بونلار نه سوزدی!!

 گرگرلی آراز

+ نوشته شده در  سه شنبه هفدهم مرداد ۱۳۹۶ساعت 18:44  توسط محمد علی برزگر(گرگرلی آراز)

 موگرنی لن عکس سالماق موناسبتی!

  اولار، دوز قیرخ بش ایل بوندان اونجه، کندیمیزین قبریستانیندا،آیاق اوسته ، دورموشدوق. آخوندوموز بیر نئچه آیه موناسبته گوره اوخودی ،سونرا بیر -بیر تزه وفات ائتمیش آداملارین ،آدلارین  دئیردی، هامی صلواتین چوندریب، فاتحه سین اوخوردی. تزه اولن آداملارین عایله لریندن هره بیر بویوک مژمه ین حالوا،  لاواشلار آراسیندا ،دوزولموشدی تا کی قورتاراندان سونرا، جاماعات آراسیندا پایلانسین.

 ائله فاتحه لرین اورتاسیندا ، پایتختدن تزه گلن محسن، الینده اوچ قوطو قبریستانا وارید اولدی .اوشاقلار آراسیندا ،پیرچا -پیرچ باشلاندی، بیریمیزدن تئز گئدیب محسنون یانینا ،بیر آزدان سونرا گلیب، دئدی: واللاه من اوخودوم یازیب قننادی دقیق پایتخت! هامینین رفتاری -گئدیشی محسن قبریستانا وارید اولاندان ،عوض اولموشدی، حتتا موللا آخوندوموز بیر گوزی محسن دا بیر گوزی جاماعاتدایدی.

 خیلاصه موللا آخوندوموزون سوزلری- جاماعاتین فاتحه لری قورتولدی، شاللار مژمه لردن گوتورلندی، نوبتیله بویوکلردن توتولوب، آشاغی گلیردی.

 من گوروردوم چوخ آدام حالوالاردان گوتورموردی تاکی قننادی لردن میل ائله سین! اوندا گوردوم، محسن ادب -ارکانیله قننادی قوطی لرین ایپلرین آچیب، ائله یانینداکی اوشاقلاردان باشلایب ،بویوردئدی.

 دوردونجی اوشاق منیدیم، منه بویور دییه نده، بیر قننادییه باخیب گوردوم نه گوزلیدی،  حال حئیران قالمیشدیم هانسیسیندان گوتوروم، الیمی آتمیشدیم بیرین گوتوروم ،دالیدان بیر دومسوک چینیمه ده یب دئییلدی: تز اول گوره ک! اوندا بیر بش- آلتی ال اوزانیب، قننادینی دیدیب- توکدولر!

 داها مجال اولمادی ،اوبیرسی قوطونو محسن اؤزو آچسین، اوشاقلار اؤز آرالاریندا های- کویله دیدیب- داغیددیلار! قننادیلردن داها هئچ آغساققالاریمیزا مجال اولمادی توتولسون !امما اوشاقلارین آلتیندا قالان محسن هی چیغیریردی: اده هئچ سیز آدام یا بیر شئی گورمه می سیز!!؟

 گرگرلی آراز

 + نوشته شده در  دوشنبه شانزدهم مرداد ۱۳۹۶ساعت 10:29  توسط محمد علی برزگر(گرگرلی آراز)

 جمهور باشقانیمیزین مجلیسینه دونیادان هانسی اولکه لر قوناقدیلار!

  مهدی دئییردی:او ایل کی ایللرده آتام مککه دن گلمیشدی،آخشامی بیر لیست کندین آداملاریننان توتوب، وئردیلر منه، تاکی اونلاری آتامین احسانینا، وقت -وعده سینده ناهار یئمه گه، چاغیرام .قاپیمیزدان ائشیکه چیخمیشدیم بیر لیسته باخدیم، گوردوم، ایلک سطیرده ،حاجی عابباس- حاجی قلی- حاجی ریضا -حاجی محممد ایکینجی سطیرده مللی –صادیرات بانکین باشقانی اوچونجو سطیرده دارایی –بیمه -فرمانداری-بخشداریدان بویوکلرین ،احسان چاغیریشیندا، آدلاری وار.

چوخ فیکیرله شندن سونرا ،او لیستی جیریب ،یئرینه بیر کاغیذ تاپیپ، اؤز لیستیمی یازدیم.باش سطیرده کنکن ممیش-ایمان اوغلی علی- چوبان یانیندا ایشله ین ممرضا-مئیداندا داشقاچی مممد-ایکینجی سطیرده کوچه لرده چرچیلیق ائدن احمد -اوچ قولاقدا پوتگه سی(دککه سی) اولان موصئییب عمی-اوچونجو- دوردونجو سطیری ،ایلا آخر دولدوروب، چاغیرماقا باشلادیم !

احسان زامانیندا آتام عرقشینی باشینا قویوب، بولقوندا قوناقلاری گوزه تله ییر. ایلک قوناق کی حیه ته وارید اولدی، تیکان ووران یوسوب(یوسف) عمی شنه الده یدی!بیر -ایکی سی بوجور آداملاران وارید اولاندا، آتام اینانا بیلمیردی، اؤز خییالیندا بئله فرض ائدیردی: شاید ائله چاغیرمامیش بونلار گلیبلر،هر قوناقلیقدا بوجورلاری تاپیلار، امما اوتاق بو جور آداملاردان دول ها دولدا ،بیر منیم اوزومه باخیب، من اکیلنده، ایشی، آنلادی!

قاراشیم چوخ هیسلی گلیب منی بو ایشیمه دانلایاندا، دئدیم:نه اولار، ایلک  لیستین آداملاری هر یئرده گئدیب یئییرلر! قوی بیر سفرده بو بدبختلر گلیب احساندان یئسین لر!!

 گرگرلی آراز

 + نوشته شده در  جمعه سیزدهم مرداد ۱۳۹۶ساعت 10:25  توسط محمد علی برزگر(گرگرلی آراز)

 برجام نئجه اوخونور

  دوز ، خانیم قیزایله- اکبرین بیر ایل کبین کسمه لریندن زامان گئچمیشدی، آمما هله اوچ ایل قالیردی، نیفدالی گلینین گتیرسین. بیر بالاجا خانیم قیز یاشی آز اولماقدا، بیرده آناسی اولمکده، ائو آروادسیز اولماسین دییه، بو بیر ایلی بیر سوز دئمه میشدیلر.

 امما بو گونلر، اکبر آناسین فیشارا قویموشدی: تئز اولون منیم خانیمیمی گتیرین! نقدرده دئییردیلر، سوز دانیشمیشیق کافاسینا سوخولموردی. خیلاصه آناسی کولثوم، بیر تهر نیفدالی نی راضی سالمیشدی، خانیم قیزین آتاسی محممدعلی ایله بیر دانیشیق آپارسین، بلکه بیر یولونا قویولدی.

 دوز اوچ ساعادیدی نیفدالی، محممدعلی کیشی گیلده، محممدعلی نین بئینین قازیردی، امما محممدعلی کیشی سوزون اوستونده دایانمیشدی. بیردن ناراحات حالدا نیفدالی قاییدیب ،محممدعلی یه ،دئدی: محممدعلی من دیلیمدن کاغیذ وئریرم، بارماقیمین قانیلا بارماق باسیرام، خانیم قیزی اوچ ایل ائوده قوناقیمدی، اؤز قیزیم تک ائوده دولانسین، اکبر اونا بیر سوز دئمه سین. محممدعلی کیشی بیر آز یوموشاندی، باشین قوزاییب نیفدالی نین اوزونه باخیب، گولدی!آخشامی محممدعلی کیشی شامنان سونرا ،خانیم قیزی چاغیریب، دئدی: قیزیم داها قالماقین آتا ائوینده صلاح دئییل، اول- آخیر سن بو یولی گئده جکسن، ائله صلاحدی بو هفته بوایشی گوره سن. خانیم قیز، دئدی: آتا آخی من اوچ ایل بوردا قالمالیدیم. آتا قاییدیب، دئدی: اونو دا دانیشمیشام، کاغیذ یازدیرمیشام! نیفدالی دان ایلتیزام آلمیشام ،سن اوچ ایل اوردا قوناق سان، اکبر سنین گوزونده پوفلییه بیلمه ز .

خانیم قیز اوندا باشین سالدی آشاغی، یاواشجا آتاسینا، دئدی: آتا گئجه شامنان سونرا چیراغ پوفلنسه کیمدی کاغیذ اوخویان؟!!

 گرگرلی آراز

+ نوشته شده در  چهارشنبه یازدهم مرداد ۱۳۹۶ساعت 10:20  توسط محمد علی برزگر(گرگرلی آراز) 

 تزه ایش

  بو ایل بیر آز قیش فصلی تئز گلدی ،چوخ زاماندی کی یئرین، یاز فصلینه ایسته میر وئرسین ،سیمیتنلیقیله هله دایانیب .ایلک مال قاراچیلار- داوارچیلار اینانانمیردیلار قار- یاغمورلار بیر بئلم، چکه جک. دربه لری قورتولاندا بیر ایرمی اوتوز درز- باق ،یونجا -اوت بورج آلماقیلان اینانماق ایسته میردیلر، آمما قار قارین اوستونه یاغیب تاران زامانی، سحر دوروب هر گون بیر ایرمی سانتی قار دالان آلتیندا چاریق- باشماقلار اوستونه گویماقینان، یاواش-یاواش ال آیاقا دوشوب، ایلک قونشولاری، سونرا دوربر کندلری، یاپ بو آخیردا یاپ اوزاق کندلردن- روستالردن مال داوارچیلاریمیزین سسی گلیردی .

حوسین آغانین چایخاناسیندا اوتورموشدوق ،حاجی قدیم آلی قوربانی بیر آه چکیب، بیر داغلارا ساری باخدی، مال داوارچیلارین سوزونون دالیسین توتوب، سوزه گلدی: آی جانیم ،آی فیروز نه کپه یی ،نه کونسانتیره سی، نه آرپاسی کی هامی دالیسیجاندی ،نییه سوزی گیزله دک؟ ایندی هامی بئی اولوب ،بوردا اوتورانلارین هامیسی بلکه چوخلاری او ایشی حتمی گوروب،دولندیلر ایکی- اوچ اوزون قولاغی واریدی، اولمویاندا بیر- ایکی سین بورج ائیله ییب، دان اولدوزوندا بو داغلارا گئدیب، بو آرخاشدان او آرخاجا آشیب ،زیغوودان -پاپادان -گجیلدن -قییامدیندن گئچیب، آخشاماجان ایکی سفر قه ییدمه سه یدیک ،ائوه قویمازدیلار.دامدا بیر تایا بیر تایا چکردیق، آللاه ایرحمت ائیله سین چوپور اسمرین نظری دئیمه سین، بیر بویوک توپجاق اوزه لیک باغلاییب گوز توتان یئره آسلاردیق.

 بو سوز بیز ایکی جاوانا برک ده یدی، تئز ائشیکه دوروب چیخدیق، قول- قرارلاشدیق بیر- ایکی ائششک تاپاق، قیش چیخماق همین، داغلارا گئدک.

 هاردان بیر -ایکی ائششک تاپاق چوخ فیکیرله شندن سونرا بیر نفر یادیمیزا دوشدی، نووروز عمی گیله گئدیب قاپینی دویدوق، نووروز عمی نی چکیب ائشیگه گتیرندن سونرا ،ایشیمیز حاقدا اوندان ائششگین ایسته دیق. بیر آه چکدی، ائله بیل دده -باباسین یادینا سالدیق! تانیمییان بئله خییال ائدردی کی هانسی مجنوندان لیلی سین آلیبلار. او دئدی: بالا یادیزا گلمیر منیم او دیویست و بیست قره بئنزیمین اوستونده، قونشولاردان حتتا سیزدن نقدر میننت ائشیتدیم ،آخیردا او قره ملییی، قصصاب داداشا ساتدیم، بولمورم اوندا قالیر یا یوخ .

کور پئشمان قاییدیب گلنده ،یولدا محممدعلی عمی یه راست گلدیک. دردیمیزی اونا آچاندا ،او بیزی چوخ ایشیمیزده تعریف ائدیب، دئدی: ائله بو ایشلردی کی اولکه میزی دولتدی ائیله یر، جاوانلار اؤزلرینه ایش جورله ییب ،یئنی ایش یارادیرلار. آمما بیر سوز وار، سوروشدوق نه سوز؟ دئدی: داغدا داغ اولاغی ایشه گلر! بیزیم ائششکلر، دوز یئرلرین اوزون قولاغی دیر! سیز گرک داغدا اولان کندلردن گئدیب تاپاسیز.

صاباحی داغین اته یینده اولان قونشو کندین یولوندایدیق، یئتیشندن سونرا بخشعلی آدیندا بیر نفرین قاپوسون ،سئوینه- سئوینه  چالدیق. آخیر-باشدا چایلاشیب، یاغ -یومورتانی یئیب ،سونرا قرار قویولدی اوزون قولاقین اؤز رایی اولسا، مسئله سی یوخدی، بو ایشه معامله اولونسون.

 قاپی دویولدی ،چوخ احتیرام -عززتیله طویله یه داخیل اولدوق. طویله نین باش یئرینده ،بیر گوزل رنگیده خر دورموشدی. اؤز رویامیزدا بو هیکلدن گوزل بیر شئی تجسسوم ائیلییه بیلمیردک، بو هیکل یدی کی ایه ر هه نین یئتیرسردی، بیزیم چورگیمیز ساری یاغا باتاجاقیدی. سوزو گاماس- گاماس بیر تهر باشلادیق، بیز دانیشاندا تکجه موبارک قویروقون هردن ساغا -سولا تاپیلدادیردی، سوز بو کلمه یه گلیب چاتاندا: یازدا بیزیم بیر آز یاردیمیمیز اولاسیز، بیر دونوب خکوره بوینویله بیزه ساری باخیب، باشین بیر یوخاری آپاردی، اتدی دوداقلاریله - صدفلی دیشلرین کورسه دیب، بیزه بیر گولومسیلندی، دئدی یوخ!سیزین ایشیز دئییل ،اینکلر -آتلار بیر آز بو سوزدن قیراغا جکیلیب، بیر- بیرینین اوزلرینه باخیردیلار. بیز ایکیمیز بیر -ایکی قدم یاخینلاشیب، نه باشیزی آغریدیم بیزدن چوخ یالمارماق ،اوندان آز ائشیدمک، آخیردا من دیله گلدیم: نییه آخی قبول ائیله میرسیز؟ نه ایرادیمیز وار؟ سوپالیقدان ال چکمه دن خر جنابلاری، آخیر سوزلری بئله دئدی: آهان ایندی منیم سوزومه گلدیز، آجیقیز گلمه ز دئسم؟ دئدیم: یوخ بویورگونان. دئدی: ایندی کی آجیقیز گلمه ز، زحمت اولماسا بیر باشیزی آغیرا طرف اوزادین! باشیمی  اوزادا -اوزادا خر جنابلاری سوروشدی: آغیردا نه گورورسن؟ دئدیم: هئچ، بیر آز قووون- قارپیز، اونلاردا قوری اریکدی، اونلاردا ائله بیل امروددی. اوزون قولاق منه بیر بویور دئدی، بیر امرود گوتوردوم یئدیم چوخ مزه لیدی، بیر- ایکی اریکده یئمیشدیم دنه سین سیندیریردیم ،اوزون قولاق، دئدی: داداش! بو اریک سیزده کیلویی نئچه دی؟ دئدیم :نوبرانه دی نئچه یوخاری اولسا آلاجاقلار. دئدی: امرود نئچه ؟دئدیم: اودا اریک کیمین. دئدی: گوزل قووون سیزده تاپیلماز، تاپیلسا کیلویی نئچه؟ دئدیم واللاه آلماموشوق، فییاتین بیلمیرم. دئدی: گوردوز سیز اؤزوزه تاپانمیرسیز یئمه گه ،منه بونلاری هاردان آلیب گتیره جکسیز؟ اوردا آوارا قالدیم ،یولداشیمدا بیر سوز دئمه دی. گوردوم، ایه ر بیر زامان یاپ گلدی، هر گون قبول ائیله دی بیزه ایکی سئرویس خط آچدی، ایکی خططین پولی بو قارداشیمیزین شامنان سونرا دئسرین گورمز، هله شام- ناهاری -شب چره سی ده بونون اوستونده کانارا قالسین کی شامنان سونرا ایسته لینیر آغییا وئریلسین .

چوخ خوشوما گلدی دوستومون باشینا باخا- باخا او دئدی: داداشلاریم بونودا دئییم ،زحمتی آزالدین، باشیزین اییسین وئرمه یین! سیزی یاخین یولدان قارتاریم، منیم او عممه می- عمی می- داییلاریم -خالام ارینی ساخلامانیزدان بللیدی ،هانسی اوزونن بو طویله نین قاپیسین آشمیسیز. بیر باخین آخیرسوزومدی: بو طویله نین موشکورتون سیز کندیزده آتلاریزا وئرمیسیز، بیز بوردا آرپا میل ادیریک سیز آتلاری اوردا سامانه حسرت قویموسوز.

خیلاصه آخیر سوز هر یئردن بیزی باغلادی،باشین دوندردی او طرفه، دئدی: گئدنده قاپینی یاواش اورترسیز! بیر- بیریمیزین اوزونه باخیب طویله دن ائشیکه چیخدیق، بخشعلی عمی نین اوزونه باخاندا ،اودا  چیین لرین آتیب -توتدی سوزی اؤزوندن سالدی.

بیر آزدان سونرا کندیدن آرالانمیشدیق، بیر آنقیرما سسی اوجادان  گلدی ، بولمه دیم نه پیامیدی !بخشعلی عمی ده یانیمیزدا دئییردی او ترجه میز اولسون. آمما ایکی حالدان آیری دگیلیدی، یا اینک لرین- آتلارین اوستونه هیسله نیردی، یادا بیزه اوجادان یامان- یوووز آتیردی.

یولوموزدایدیق، بیردن یولداشیم بیر اوجا سس له اوزون قولاقا جاواب وئردی! آخیردا او گولدی من گولدوم ،منده ایسده دیم یولداشیما جاواب وئرم، بیر اویانا باخدیم بیر بویانا بیر برکدن سسلندیم! اوندا گوردوم هم آرواد همده اوغلان باشیم اوستونده ،یاواش- یاواش اویادیرلار. اوغول، دئدی: آتا- آتا بو نه ایشدی؟ گه ل بو لیوان سویی ایچ، بیر بسم الله الرحمان الرحیم ده ییله ،بیزی ده قورخودورسان، آتا سنه گوزل ایش دئییل ،قونشولار ائشیدیب پیس اولار. یوخودان دوردوم،باش سوزی کی دئدیم، بو سوزودی: گوره سن ائششکده دانیشار؟! اوغلوم اوتاندی آناسینین اوزونه باخدی، آمما آرواد بیر تهر، دئدی: کیشی یه باخ دلی اولموسان؟ تله سیک ،دئدیم: هئچ بیر زاد اولماییب ،قورخمایین .اؤزومی تئز یوخویا ووردوم، بلکه بخشعلی آغانین اوزون قولاغین گوردوم! بعضی پارا مسئله لری اؤزوموزدن- کانار گوشه دن  خبر آلیم ،خبردار اولوم !آمما هئچ بیر قره لتی گورولمه دی !آخیر- آخیرلاردا بیر خر باشین گوردوم کی دیشلرین چیخاردیب! منه برک -برکیدن گولوردی!!

 گرگرلی آراز

+ نوشته شده در  یکشنبه هشتم مرداد ۱۳۹۶ساعت 0:1  توسط محمد علی برزگر(گرگرلی آراز)

 صاوابدی!

 کابینه قورما عرفه سینده ایکی جیناحین ایشتیراک لاری اولماقی!

صاوابدی!

آللاه تعالا ایرحمت ائیله سین سرییه خالا، گوزل اینسانیدی، حاجی شیخ کریم ایله بیر قیرخ ایله یاخین، بیر باش یاستیقا قویموشدولار. تزه بیر ایل اولاردی، او دونیالیق اولموشدی. حاجی شیخ کریم بیر- ایکی آی اولاردی، ایسته یردی بیرین یئنی دن آلسین.

 بو فیکیرده گئچن هفته مچیددن چیخان حالدا، گئچیب زنان خایلاقی طرفه، سونا خانیم قاپیدان چیخاندا ،چلیگین قوزاییب سونانی چاغیردی. سونا خالا بیر دونوب دالییا باخاندا، گوردی حاجی شیخ کریمدی، بیر اوزون توتوب ،دئدی: نه دیر حاجی عمی اوغلی؟  حاجی بیر آز دیندن، بیر آزدا اونون صوابلاریندان قاتیب ،سونا خانیما سویله ییب، آخیردا، دئدی: سونا خانیم ،منیم خانیمیم ،سنینده کیشین آللاه رحمتینه گئدیب، بو صاواب اولار کی سن منه گلیب بو صاوابدا سیزده  شریک اولاسیز! سونا خانیم چوخ ساده واری اوز توتوب، حاجی شیخ کریمه، دئدی: حاجی ائله سنین بو صاوابین گلیب گیریب منیم بو شئی یمه!!

 گرگرلی آراز

 + نوشته شده در  سه شنبه سوم مرداد ۱۳۹۶ساعت 0:21  توسط محمد علی برزگر(گرگرلی آراز)

سنه نه اولدی!

 کابینه قورما عرفه سینده

سنه نه اولدی!

ایرحمتلیک جعفر دئییردی: پاییز فصلینین  ایلک آیلاریدی ،کووشنی ییغیشدیرماقدایدیق. آت داشقالاری قویونلارین کورنجی تک ،قاپیمیزدا بوشاتمادا نوبته یاتمیشدیلار. آتام نجفعلی تلسیک آدام اولماقدا ،دوزه نیلمه دن، سه گیده اوتورموشدی ،دوروب بیر  قووون تای ین آلدی چیینینه، منده اونون دالیجا اونا کومک اوچون پیلکانلاری چیخا بیلسین، آتاما ساری قاییتدیم.

 سه گیله ری چیخارتدی، دالانا وارید اولاندا، من قاییتدیم کی بیرینده اؤزوم گتیریم ،اوندا گوردوم ،آتام دالاندا دایانیب آناما، دئییر: یولدان چکیل کانارا، من گئچیم.

 بیر آز یوک آلتدا دایانماقدا ،بیر آز یورقونلوق -قوجالیق ال- اله وئردی  آتامنان بیر اوجادان سس چیخدی! ائله یوک آلتدا بیر دونوب منه  ،بیر دونوب آناما کی اؤزون ایتیرمیشدی باخدی! اوندان سونرا ائله دالاندا یوکی آتدی یئره، بویکون اله آلیب سیله -سیله اوجا سسله ،دئدی: سنه گوره سن نه اولدی!!

گرگرلی آراز

+ نوشته شده در  شنبه سی و یکم تیر ۱۳۹۶ساعت 22:25  توسط محمد علی برزگر(گرگرلی آراز)

 اوچونجو دونیا مملکت لرده

  اوچونجو دونیا مملکت لرده سییاست چی لرین دانیشیق –سوزلری اوتوز ایلدن سونرا آچیق لاماسی بیلینر

قدیم ایللرده بیزیم کندین داوارین ،ابان عمی نین الینده یدی. هر بیر اوچ -دورد گونده ده بیر داوار صاحبی، اونون داغدا چای -چوره گین یئتییریردی.

 آی ین آخیر گونلریدی، کندین سوروسی کهلیک بولاغین اتکینده مسکن سالمیشدی، او گون رحیمین نوبه سی اولماقدا ،ائششکین طویله دن چیخاردیب، گئجه دن نه لازیم اولماقدا ،خورجونا قویموشلاری، ائششکین بئلینه آتیب، خیلاصه بیر -ایکی ساعاتدان سونرا ،آبان عمی نین یانیندایدی.

 اوردا ناهاری یئییب ،آخشام اوستو ائششکین مینیب گلنده ،ابان عمی گلیب ائششکین بوینون قوجاقلاییب ،رحیمه، دئدی :رحیم کنده یئتیشنده، ائششکی بیزیم دونگه دن سور، اوردا والده خالان دئیله، ابان، دئییر: او قره تویوقی توکلرین دیدیب، اوتسون! صاباح گله جه یم !رحیمده نئجه ابان عمی دئمیشدی ،اوجورسونا سوزی والده خالایا یئتیریردی. رحیم ،دئییردی: اوتوز ایلدن سونرا ایندی باشا دوشورم، ابان عمی نه دئییرمیش!!

 گرگرلی آراز

 + نوشته شده در  یکشنبه بیست و پنجم تیر ۱۳۹۶ساعت 14:29  توسط محمد علی برزگر(گرگرلی آراز)

 ائله بیل سس باتیب

 قالایچی مورتوض اینقلابدان سونرا بیر- ایکی ایل بویوک آداملاریمیزین یانیندا کیلاس گورمه ئیله ،بویوک دانیشان بیر اینسانا دونموشدی. خیلاصه بیر کنده –شهره قدم قویوب اوردا بیر ساعات جاماعاتا دانیشسایدی، او جماعتین آراسیندان ،حتمی بیر آز چوخونون رایین، ایسته دیقی طرفه دونده ره جه یدی .بونا جهت ،او قدر اویان- بویاندا ناهار- شام- احسانلاردا یاغلی یئمه کدن ،بو گونلر شکر خسته لییینه دوچار اولموشدی. آزمایشات آلتی یوز اللی شکرین خسته لی ین گورستمه ییله ،بش گون کومایا گئتمه دن سونرا،اون دانا بویوک عملله رییله آخیردا، دوکتور دئمیشدی :چونکی مورتضی آغانین بوغارسیقلاری عمل اولونوب، او جهتدن ایلک آلتی ساعات ایراده لرینه جان، بوغارسیقلاریندان گره ک گوج وئریب ،بیر سس آلتدان چیخاردا ! ایه ر بو ایش اولسا حتمی خطر مورتضا آغامیزدان کانار گئده جک، سالامات لیقین، یئنیدن تاپاجاق!

 بو جهتدن مورتضا آغانین خانیمی سرییه خالا ،ائله الین چکیب مورتوض آغانین اوزونده اویان- بویانینا ،هی اونا اوز توتوب، دئییردی: منیم آغام سن آللاه بو سیننه جان، اوسته بوغازا، دیل- دوداقان گوج وئرمیسن! بیر آزدا آلتا بوغارسیقلاران گوج وئر! بلکه بیر سس چیخدی، بو خطادان یاخامیز قوتاردی!!

گرگرلی آراز

 + نوشته شده در  چهارشنبه بیست و یکم تیر ۱۳۹۶ساعت 23:33  توسط محمد علی برزگر(گرگرلی آراز)

گومروک لریمیزده نه وار!

  او گون چایخانادا ،رحمتلیک مممد مورادین اوغلی، دئییردی:ماشین یلا گلیردیم، ابولفضل ال ایئله دی کی منی ده آپار. من ساخلایب، اونو میندیردیم. یولدا منه، دئدی :بوردا بیر ساخلا ،من بیر سوز علی اکبر پاسیبانا کی اوردا اسدوللاهین توکانینین قاباغیندا اوتورموشدی، دئییم. منده هئج بیر یئردن خبریم یوخ ،ساخلادیم .اوندا ابولفضل شیشه نی آشاقی وئریب ،علی اکبر پاسبانی سسله دی.

ابولفضل:آی علی اکبر  عمی!

علی اکبر :یئنه نه دئییرسن ابولفضل؟

ابولفضل:دونن آللاه رحمت ائیله سین، ایمان عمی یوخوما گلمیشدی، دئییردی: سیزین هله زامانیزا قالیر بیزیم دونیایا گله سیز! امما بو سوزی علی اکبره یئتیر: گئتسین بیزه منیم خانیم منان او اماناتی (او آتمیش ایللیک گئجه  ایشله دن قمه نی!)آلسین، بیزیم دونیایا گلنده منه گتیرسین . غفلت ائیله میشم اونو اونون یانیندا قویموشام قالیب، بو طرفده هامی کیفه باخیر مندن ساوایی !

علی اکبر:(چوخ ناراحاند حالتده ):نییه من؟

ابولفضل)بیر ال منه کی سور بیر الی علی اکبر عمی یه دئییردی):سوروشدوم، رحمت لیک ایمان، دئدی :علی اکبر عمین کهنه نیظامیدی، هرنه وار اونلارین الینده، او هرنه بو طرفه گتیرسه ،آختارمازلار!بیر سوز دئمزلر!!

گرگرلی آراز

+ نوشته شده در  یکشنبه هجدهم تیر ۱۳۹۶ساعت 19:18  توسط محمد علی برزگر(گرگرلی آراز)

 هاچان؟!

 وزیرلرین اینتیخاب موناسبتینه گوره

هاچان؟!

آللاه تعالا نیفدوللاه عمی یه ایرحمت ائیله سین ، بیر گوزل- شرفلی اینسانیدی. بیر گون بیر بربری چورک الینده ،میرآغانین چایخاناسینا وارید اولدی. یئمه میشدن قاباق چوخ آداملارا تعاریف ائیله یب، سونرا اؤزو باشلادی اوندان تیکه -تیکه قیرتیب ، چای ینان یئمه گه.یئدیکجه، یانیندا اوتوران مشهدی ریضایا تعاریف ائدیردی، اودا ساغولون یئتیریریب ،نیفدوللاه عمی نین جاوابین  وئریردی. ،آمما نیفدوللاه عمی نین چوخلوجا دئمه سینه خاطیر ،مشهدی ریضا ال اوزوادیب چورکدن بیر ال بویدا قیرتیب، اونو یئدی. بو ایشدن چوخ زامان سوووشوب گئچدی. بیر زامان چایخانا دولو ،نیفدوللاه عمی چایخانانین باش طرفیندن اوجا سسله، اوز توتوب مشهدی ریضایا، دئدی: آی مشهدی ریضا هاچان سیزده بیر بربری چورک آلیب چایخانایا گتیره جکسیز؟ من او بورجومی چورکدن قیرتیم؟!!

 گرگرلی آراز

+ نوشته شده در  پنجشنبه پانزدهم تیر ۱۳۹۶ساعت 0:25  توسط محمد علی برزگر(گرگرلی آراز)

 سیز نئجه!

    بیر گون بیر نفردن یاشادیقی یئرینین معنی سینی سوردوم----بیلمه دن تومدی اوزومه----نه یازیق بو شخص----من بیله سی یوز ایللردن بری-----دده ،بابالاریدا ،کند اولاندان بری بو یئرده یاشامیشدیلار-----بو یئرین چورگین،بو یئرین آجیسین،چیرکینین،بو یئرین دوزون دادمیش،بو یئردن هر آندا نفس آلمیش----بو شخص ،بو یئرین آدین بوراجان بیرکسدن معنی سین خبر آلماییب---- سیز اوخویان بو سطیرلری بو سوزلردن او شخصه گوز قاباردیب ،آجیقلانما---من بیله سی سیزده اؤز یاشایش یئریزین معنی سین بیلمه میسیز هله!!

گرگرلی آراز

+ نوشته شده در  یکشنبه بیست و هشتم خرداد ۱۳۹۶ساعت 11:44  توسط محمد علی برزگر(گرگرلی آراز)

 حسرتینده قالدیق!

    قاسیم قاچا-قاچا ائولرینه ساری گئدیردی،قاپیلارینا یئتیشنده ،بیر تپیک اونا چالیب،ایچه ری گئچدی.ائوده کیلر هاراسان قاپییا ساری قاسیما باخیردیلار.قاسیم گوله-گوله حیه تین اورتاسیندا اویونه دوشدی،اوجا سسله دئیردی:خان منی دانیشدیردی!مئیداندا آداملارین اورتاسیندا خان منی دانیشدیردی! اوشاقلار آتاسینین سئوینمه یینه خاطیر، اونلاردا سئوینیردیلر،همده تعجوبله بیر-بیرینه باخیب ،هویوخموشدولار. آمما هامیدان بتر سئوینن  ام البنی خانیمیدی.ام البنی خبر آلدی:آ کیشی نه اولوب؟دایان بیرگورک نه دئییرسن؟قاسیم بیر آن دایاندی، ایکی الین اتکلرینه ووروب ،دئدی:ام البنی بولوسن نه اولوب؟مئیداننان گئچیردیم خان اسداللاهین توکانینین قاباغیندا اوتورموشدی،او قدر جاماعاتین ایچینده ،منه ساری باخیب ،اوجا سسله دئدی:آی قاسیم کوپک اوغلو نه تهرسن ؟،گورسنمیرسن؟بیر دایاندیم ،اگیلیب -دوزلدیم ،سلام وئردیم.خان بیر اونون –بونون اوزونه باخیب،منه ساری اوز دونده ریب ،گوله-گوله دئدی:هن بسدی!سیرتیغلانما،گئچ جهننم اول،ایتیل گوزومدن.

قاسیم آخیر کلمه نی دئدی ،یئنه اویناماقا باشلادی .اوینویا –اوینویا دئییردی:خان منی دانیشدیردی !خان منی دانیشدیردی!!

 گرگرلی آراز

 + نوشته شده در  پنجشنبه بیست و پنجم خرداد ۱۳۹۶ساعت 19:48  توسط محمد علی برزگر(گرگرلی آراز)

 اینتیخابات عرفه سینده

  زولفییه ننه هاردان بیلیردی؟!

 توکذ خالا چوخ گوزل زامان آرایا گیریب ، بویوک بیر داوانین قاباغین آلدی. او دوروب الین قوزویا –قوزویا، دئدی :بو  ائله بویوک بیر ایش دئییرکی؟! کوره که نی  بیر تهر باشا سالینار، گلیب کورسه در، سیزده نیگرانچیلیقدان دوشرسیز. مصمه خالا اوتاقدا پنجره یانیندا اوتوردی، دامنین اوجیله بیر اوزون سیلیب ،دئدی: آی توکذ ،مین سفر دئمیشیق، مین سفرده یوخ جاوابی آلمیشیق .توکذ اوتاقدا بیر دوربره باخیب، دئدی: آی جانیم بئله اولمازکی ؟بیر دلیلی وار بو ایشه، نه اولار؟ بیر سفرده من دئییم. اوتاقدا اولانلار ،قبول ائیله یندن سونرا چادیراسین سالدی باشینا ،بیر مئتیر گتیریب قاباقا، سونرا باشینا قایتاریب، یاللا دییه- دییه او بیرسی اوغلان اولان اوتاقا ،گئچدی. سوز بیرده اوز آچیلاندان سونرا توکذ، دئدی: احمد ندن اوتانیرسان؟ بیر ایکی نفرین ایچینده او زهرماری کورسد ،تاکی قیز ائوی خاطیر جمع اولسونلار. بیرده اوتانیب ائله سن، من دییه رم پرده دالیندان کورسه دیب قورتارارسان.اوغلان بیرده مصمه گیل قبول ائدندن سونرا ،قرار قویولدی بیر توکذ ،بیرده مدینه خالا،اوچونجی شاهید، مصمه نین آناسی زولفییه ننه گئدیب، احمد گیلده پرده دالیندان احمدین کین گوروب ،حال- احوالی گلیب مصمه یه یئتیرسین لر. بو طرفدن احمد اوتانماقیندان بیر تهر چوبان غافاری  تاپیب، یالوار -یاخاریله بوینونا قویدی اونون یئرینه گلیب ،پرده دالیندان اوزونونکون کورسه دیب، قالی یاتیدسین. صاباحی قوناقلاراحمد گیلده چای ایچندن سونرا چوبان غافار گلیب پرده دالیندان، احمد شکیلینده ،شالوارسیز  خانیملارین قاباغیندا آیاق اوسته دوردی. خانیملار بیر- بیر گئچیب گوروب قبول ائدیب  احمدین دوزگون کیشیلیقین تایید ائله دیلر. امما مصمه نین آناسی زولفییه ننه ایسته ییردی اوتورسون، بیرده قاییدیب پرده دالیندان باخیب بیر الین آغزینا آپاریب ،دئدی: آقیز بو کی بیزیم قونشوغافارین دسگاهیدی  !!

 گرگرلی آراز

+ نوشته شده در  شنبه سی ام اردیبهشت ۱۳۹۶ساعت 15:6  توسط محمد علی برزگر(گرگرلی آراز)

 دوه دن قورخان جومهور باشکانی اولا بیلمز!

    بیر گون بیزیم کتده بیر نفر، چودارلاردان، بیر دوه آلمیشدی. بو دوه کؤوشنده اوتلایاندا ، آزیب اوست کنده، یولا دوشموشدو . کندین ایلک باغلاریندا دایانیب،  بویلاناراق  باغین ایچه ریسینه  باخیر.  میکائیل عمی باغیندا اؤزونه اوت بیچیرمیش . آرخلاری  - کردیلری  تمیزله ییردی. بیردن دوه نی گؤرور .ایندییه جان بوجور حئیوان گؤرمه میشدی. اؤزو ایله اویوخور،  تئز دوروب قاچیر، داغ داغان آخاجینین اوستونه چیخیر.  لاپ گئدیر اوست هاچاسیندا، دایانیر. آما ائله ایکی گؤزوده، او حیواندایدی.  دوه  بیر طرفدن گیریر باغا، اوتلایا – اوتلایا،  داغ داغان آغاجینین یانینا ، سورونور.  اوردا دایانیب ، بیر گؤیه ساری  میکائیل عمی یه باخیر. حدوده ن بو ایش بیر اوچ ساهات اوزونا چکیر.  هردن  میکائیل عمی دوه یه ، هرده نده دوه باشین قووزاییب ، میکائیل عمی یه، باخیردی. میکائیل عمی ائله بیر یئرده چیخیب، دورموشدو. نه یئنیب قاچا بیلیردی، نه ده بو حیوانین احوالاتیندان خبری واریدی.  اونا گؤره بیر ایش گؤره بیلمیردی. خیلاصه گون باتا – باتدا، بیر اوشاق سسی اوزاقدان گلدی. سونرا او اوشاق باغا گیریب،  دوه نی گؤردو . دوه نین یانینا گلیب، دوه نین بوینونداکی سیجیمدن یاپیشیب، دئدی:  هارداسان بس ؟ سنی آخدارماقدان یورولدوم. چوخ ساده جه دوه نی چکیب آپاردی. دوه ده اونون دالیسیجا ادب – ارکانیله  دوزه لیب یولا گئتماغا باشلادی.  میکائیل عمی هله قورخوردو، داغ داغان آغاجیندان یئره یئنسین. بیر آز اوتوراندان سونرا ، بیر گولومسولندی ، سونرا ایسته دی یئره یئنسین. یئره یئنه – یئنه دئییردی:  سن کی  بو حیوانین قاباغیندا  کیشی اولمادین!  باری  او اوشاق اولاردین!

 گرگرلی آراز

+ نوشته شده در  دوشنبه یازدهم اردیبهشت ۱۳۹۶ساعت 23:51  توسط محمد علی برزگر(گرگرلی آراز)

هنر صاحبی اولان قبریستانیمیز!

بو یازی اینتیخابات عرفه سینده کاندیدالاریمیزا حصر اولونور!

 هنر صاحبی اولان قبریستانیمیز!

 گئچن ایل بیزیم آراز انجمن یمیزین زحمت لرینه گوره، بویوک ایداره لریمیزین - آغساققاللارین یاردیم ائتمه لری، گوستریش کورستمه لرینه خاطیر،شهریمیزین  قبریستانیندان بیر مین مئتیر آیریب، او اولن شاعیر-یازیچی-هنرمند شخصلر کی دونیاسین دئیشیرلر، اوردا توپراقا تاپیشیرسینلار. بویون ساعات بشده ائله قیرمیزی لنتی –یالمانی قئیچیله بویکلریمیزین، کسمه ییله ایشه باشلاندی، حاضیردی کی اؤز تاپیشیقلارین یئرینه یئتیرسین .بو ایش-مسئولییت ،هامیمیزین بویوگی آغساققالی حوسینعلی موعللیمه وئریلدی. اوگون بیر بهانه یله اؤزومو محممدین توکانیندا اونون یانینا وئردیم، دئدیم: حوسینعلی قارداش منیم بویوک آتا ننه م خسته دیر، ائله اوگونده ،دئییردی: یوخو گورموشه م !داها بو آی باشینا چیخمارام ،منیم خلعتی می حاضیرلایین .حتتا ،دئییردی: قبیریمینده فیکرینده اولون. حوسینعلی موعللیم بیر تس- تس اوزومه باخیب، دئدی: منه نییه دئییرسن؟ او سن ،او آتا ننه ن، اودا عرزاییل ،منه نه دخلی وار؟یاواشجا، دئدیم: نئجه دخلی یوخدی؟ منیم آتا ننه م ائله اؤزو بویوک بیر هنر صاحبی دیر کی ایندییه جان یعنی دوغسان ایل یاشایب! بیرده قالدی او بو کندین ماماسیدی، الینده ایندییه جان بیر اوشاق اولمه یب ،هنرمند شخص لردن ساییلیر.بیر اوزومه باخیب بیر آز یوموشاندی ،اوندا سوزومون دالیسین توتوب ،دئدیم :اولنده شامادا گلرسیز بیزه! بیر باشین سالمیشدی آشاغا ،بیردن قوزادی ،ایسته دی منه بیر یامان آتسین، یاخجی اولدی کی جیب تیلفونو زنگ آتدی.بیر الین چینیمه قویوب  قوزاندی ،توکانین قاپیسینا طرف گئدیب، ائله چشم دییه- دییه تیلفونو خاموشلادی ،سونرا منی چاغیریب، دئدی: تیلفون ائیله ین اتحاییه رئیسیدی ،دئیردی: قبریستانیزدا بیر یئر حاضیرلایین، بیزیم شهرین  عککاسی وفات ائدیب .بونو دییه ندن سونرا حوسینعلی موعللیم منه ده بیر تاپیشیریقلار وئردی: ایسکندر چونکی اتحادییه رئیسی دئیب ،اوشاقلارهاردادی بیر یئره توپلا،  اوردا گره ک چوخ گوزل قاباقلارینا چیخماق لازیمدی.

 آخشامی هنر صاحبی اولان قبریستاندایدیق، چوخ گوزل بیر یئرده عککاس قارداشیمیزی توپراقا وئردیک. آمما بیر شئی منی برک تعجبلندیردی ،ایکی آی بو قبریستاندان گئچمه ییب، قبریستان یاپ دول ها دولدایدی! اوخویا -اوخویا قبیرلرین اوستون بئله دولانیردیم ،بیرینده گوردوم  یازیب: آرامیگاه شادروان محممد ابدالی گوزل سویودوجو(بستنی) دوزلدن، آرامیگاه شادروان شوجه لی غلام فرهنگی چوخ ساکیت، ایشله ره قاریشمایان، ساواشمایان، باریشدیرماق هنرینه صاحیب اولان ،آرامیگاه شادروان محممدعلی برزگر گوزلجه  چورک پیشیریب خالقا یئتیره ن،آرامیگاه شادروان توکذبان قیزیمیز، باجاریقلا ،اؤز هنریله قدیم توز باسمیش شعیرلری تاپیب، اؤز هنریله اؤز آدینا بیزیم قارنیمیزا توکنلرین روحو قرین رحمت اولسون.

 بئله کی گئدیردیم گوزل -گوزل هنرصاحبی اولانلار ردیفله اوردا یاتمیشدیلار کی دیریلیقلاریندا قویمازدیلار اوستله رینه توز قونسون، هممشه اینگلیس پارچاسیلا اوزله رینه خوت –شالوار، ایندییا پارچاسیندان اؤزلرینه شال گردن ،اوچ یوز مین تومنلیق لاک دیرناقلارینا هنریله مصرف ائدردیلر! قاسیم میوه ساتان ،قصصاب جبیشده اوردا قویلانمیشدی ،اونلارین اوردا قویلانمالارینا بیر یئره فیکریم ایشله مه دی.

 ائله بو سایاقدا اوخویا- اوخویا گئدیردیم ،دالیدان حوسینعلی موعللیم ،دئدی: آی ایسکندر او آتا ننه ن اولسه ده، اولمه سه ده گتیر صاباح بوردا قویلایاق، گئتسین! بیر یئر قالیر اودا قوتارسین !بو قاپینی باغلایاق جهنم اولسون گئدسین!!

 گرگرلی آراز

+ نوشته شده در  جمعه هجدهم فروردین ۱۳۹۶ساعت 10:37  توسط محمد علی برزگر(گرگرلی آراز)

 





    بؤلوم:
آرشیو
سون یازی‌لار
یولداش‌لار
سایغاج
ایندی بلاقدا : نفر
بوگونون گؤروشو : نفر
دونه‌نین گؤروشو : نفر
بوتون گؤروش‌لر : نفر
بو آیین گؤروشو : نفر
باخیش‌لار :
یازی‌لار :
یئنیلنمه چاغی :