دوکتــــور جـئــــــری
ساتاشما ادبیاتی
گؤروشلر : 0
تاريخ : شنبه 4 اسفند 1397 | یازار : دوکتور جئری
+0 به‌ین

کئفلی ایسکندر (1397)

ساتیریک ادبیات

بو سؤزلری اوخویاندا سن ائله بیلمه 
مشهدی قاسیما، یادا اسمرین اری
تقی عمیه گولورسن! یادا گول نیسه نین
بوشانماسینا! جاببارین تیریاکی لیغینا! 
یاداکی احمدین یاخالانماسینا گولورسن! 
بیر آز فیکیر وئرسن حتمی بیل کی، 
سن سحردن اؤزونه گولورسن!!. 
چونکو اؤزونده اونلار ایله یاشاییرسان! 

ملا نصرالدینین نوه سی


یارانه ده نقدر بیزیم اوزوموز دانلاماق ائشیدیر!

آللاه اولن لریزه ایرحمت ائیله سین، بیزیم یئرده بیر ابراهیم خان واریدی، گوزل معماریدی، اوزاق شهرلرده اولان شرکتلرده، ایش گوتوروب، ایشلردی. هردن  ائولرینه بیر باش ووراندا، ایرحمت لیک یوبان خالا، بوتون آسایشین فراهم ائدردی.

 او گونو دئییرم کی ابراهیم خان ناهاری یئییب، قوناق اوتاغیندا یوخویا گئتمیشدی، بیردن حیه تین اوباشیندا، تویوق اینده یوموتداییب، ایندن ائشیکه چیخیب، بیر اویان- بویانا باخیب، سسه دوشدو. او قدر سس ائیله دی ابراهیم خانی ناهار یوخوسوندان اویاتدی، بویرو اوسته قوزانیب، حرصیلا یوبانی سسله دی: یوبان،آی یوبان؟ یوبان  سس وئرنده، ابراهیم خان خبر آلدی: نه سس دی؟ یوبان جواب وئردی: تویوقون سسیدی، یومورتادان سونرا سسه دوشوب. ابراهیم خان، دئدی: یوبان گئد او گوتوردوقون یومورتانی، آپار تویوقون دالیسینا تاخ! بلکه سسین کسدی!!

گرگرلی آراز

 نوشته شده در جمعه دهم اسفند ۱۳۹۷ ساعت 22:11 توسط محمد علی برزگر(گرگرلی آراز)  | یک نظر

ورشو کنفرانسینا کیملر دعوت اولموشدولار؟!

میرزه احمد، تزه دارایی ایداره سینه استخدام اولموشدو. اؤزو تاجر بالاسی اولماقدا ،خانیمیدا آنام- باجیم اولسون، چوخ گوزلیمیش، گوزل یئردن آلینمیشدی. بو گوزللییده دارایی ایداره سینین رئیسیده، بیلیردی. هر آن میرزه احمده، دئییردی: میرزه احمد نییه دارایی ایداره سینین یانیندا اولان سازمانی ائوله ره، ییغیشمیرسان؟ حتتا بیر مددت دن سونرا، اؤزو بیر ائو سازمانی ائولردن، اؤز قونشولوقوندا اولانلاردان، میرزه احمدین آدینا یازییب، دستورون وئردی کی آی باشیندان، او ائوه ییغیشسین. میرزه احمد آوارا قالیب، مجبور قالاراق، ائوین آچارین آلیب بیر آز آی باشیناجان ائو وسایلی اورا، داشیدی.

 خیلاصه آی باشی ائو ساهمانا دوشه ره ک، اؤز خانیمینین عوضینه کندلرینده چوپور توکذی، اؤزونه، صیغه سین اوخوتدوروب، سازمانی ائوینه آپاردی!

بو ایشدن بیر-ایکی هفته گئچمه میش، رئیس میرزه احمده، دئدی: میرزه احمد؟ هئچ بیزی بیر قوناق چاخیرمیرسان؟! میرزه احمدده جوابیندا، دئدی: رئیس نه اولار بو گئجه تشریف گتیرین!! .......

گرگرلی آراز

 نوشته شده در پنجشنبه نهم اسفند ۱۳۹۷ ساعت 20:25 توسط محمد علی برزگر(گرگرلی آراز)  | یک نظر

ورشو کنفورانسیدا اولان سلطنت طلب لره تقدیم!

ورشو کنفورانسیدا اولان سلطنت طلب لره !

قونشو کندیده اولان شهربانی خالا، بیر گون گیردکان آغاجینا، گیردکان سالماغا چیخیر. بیلمیرم بیلیرسیز، یاخوت یوخ، گیردکان آغاجینین پوتاسی قورویاندا، چوخ پوک اولار، ائله آیاغین اوستونه قویموسان، شاققیلدینان سینار، آدامی یئره سالار.شهربانی خالادا ائله آیاغین بیر قوروموش پوتانین اوستونه قویان آن، بئلی اوسته یئره گلیر.شهربانی خالا یئره گلن آن، چوخ باغیشلاین، یئرین باتیریر آداملار ییغیشیب گلن زامان،بیری خبر آلیر: شهربانی خالا یئریزی باتیرمیسیز؟ شهربانی خالا تئز، دئییر: یوخ بابا، نه دئییرسیز؟ هانسی جانی یانمیش بورانی باتیرمیشدی! منده اونون اوستونه دوشموشم!!

گرگرلی آراز

+ نوشته شده در پنجشنبه دوم اسفند ۱۳۹۷ ساعت 20:45 توسط محمد علی برزگر(گرگرلی آراز)  | نظر بدهید

ورشودا اولان کنفرانسیدا سلطنت طلب لره

ورشودا اولان کنفرانسیدا سلطنت طلب لره

قونشو کندیمیزده اولان شهربانی خالا، بیر جوت اوغلان دوغموشدو. گل- گئد چوخودو، ائوله ری هی دول بوشالیدی. آخشام اوستو، باغ قونشولاری ییغیشیب، گلمیشدیلر، سکینه خانیمدا اونلارین ایچینده یدی. سکینه ایله شهربانینین شوغلوقو اولماقدا، سکینه قایدیب مرضان خانیما، دئدی: مرضان، هئچ خبرین وار؟ شهربانینین بو بیر جوت اوغلانلاری، ارینه بنزه میرلر! شهربانی یوخاری باشدا، یورقان –دوشکده، بو سوزو ائشیدن آن، پتونی قیشلاریندان قیراغا چکیب، قیشلارین آرالاییب بیر الین ووردو اوراسینا، اوز توتوب سکینه خانیما، دئدی: سکینه خانیم! منیم بورام فتوکپی دسگاهیدی؟! هامیسین بیر شکیلده ائشیگه اوتورسون!!

گرگرلی آراز

+ نوشته شده در دوشنبه بیست و نهم بهمن ۱۳۹۷ ساعت 23:6 توسط محمد علی برزگر(گرگرلی آراز)  | یک نظر

آشاغا دئمک اولاردی؟!

آشاغا دئمک اولاردی؟!

اینقلابین او ایلک ایللرینده، بیزیم بو جولفا شهرینده، عمومی آنبارلارین فهله لرینه، بایرام لیق بیر سککه دولت طرفیندن، گلمیشدی. حدودا بیر دوققوز یوزدنه فهله لرین سایجا ،اولاردی. آمما بونلاری بئله سینه پایلامادیلار، بو سیککه لری عزیز شیخ آغا میز تحویل آلیب، هر گون اللی- اللی، فهله لری چاغیریب، اونلاردان بیر بش -آلتی سئوال شرعییاتدان ائیله یندن سونرا، سیککه نی مصلحت بیلنده، فهله یه تقدیم ائدیردی. اوگون بیر اللی فهله ،فهله لردن آیریشیب ،شیخ آغا نین دفترینه، یولا دوشدولر. قودرتده بونلارین آراسیندایدی، نوبه اونا یئتیشنده، شیخ آغا قدرتدن خبر آلیر: اصول دین نئچه دیر؟ قودرت به ساوادین بیری، بیرده کی قورخودان ال- آیاغی تیتره تمییه دوشوب ،اؤزون ایتیریب، بیردن، دئدی: اون بش! شیخ آغا، دئدی: کس سسین، نئچه دنه اولدو؟ قودرت، دئدی بس، آز دئمکده ،شیخ آغانین آجیقی گلیب، آردینجا ، دئدی: یوخ ایشتیباه مندن اولدو، ایرمی! شیخ آغا نین گوزلری کلله سینه چیخمیشدی، دوروب آیاغا، عبا -قبانی آتیب یئره، بیر- ایکی قودرته گلدی.

 هر دفعه گلنده، قودرت اصول دینین اوستونه، بیر بش دنه ایضافه لدیریردی !هله بش- آلتی نفر برادرلردن گلیب، قودرتی شیخ آغانین الیندن، آلیب، ائشیگه طرف یوللاندراندا بیری، دئدی: آی قودرت بو سئوال کی چوخ راحاندیدی، دییه ردین بش دی. قودرت آغیز- بورنون، سیله- سیله، دئدی: رحمت لیگین بالاسی، قیرخ بشه چاتدیرمیشدیم! قبول ائله میردی، یئنه وورماقدان ال چکمیردی، سن دئییرسن بش دانا دییه ردیم!!

گرگرلی آراز

+ نوشته شده در سه شنبه نهم بهمن ۱۳۹۷ ساعت 14:1 توسط محمد علی برزگر(گرگرلی آراز)  | 3 نظر

بایرام قاباغیندا ،مدیرلریمیزه تقدیم!

بایرام قاباغیندا ،مدیرلریمیزه تقدیم!

ایمان عسگرلیقا گئتمیردی، هامینی جانا گتیرمیشدی، هامیدان بتر آناسی شعبان خالانی بو ایشده یورموشدی.

 بیر گون ایمان حامامدا اولاندا ،شعبان خالا قاچیر مئیدانا،پاسبان وحیدی نی تاپیر، دئییر: وحیدی قارداش؟ ایمان حامامدا، سن آللاه، گل اونو توت، آپار تحویل وئر! وحیدی تئز موتورو مینیر، شعبان خالاگیله گئدیر،وارید اولور حیه ته، بیردن حامام قاپیسین آچیر.

 ایمان گورور قاپی آچیلدی، پاسیبان وحیدی ایچه ری داخیل اولدو، تئز ایکی الین قاباغینا قویوب، پاسیبان وحیدی نین اوزونه، گوزلری سئوال وئره- وئره باخییر! پاسیبان وحیدی گوله- گوله دئییر: ایمان، ایکی الیله قاباغین توتدون !دالین کیم توتاجاق!!

گرگرلی آراز

+ نوشته شده در جمعه هفتم دی ۱۳۹۷ ساعت 16:50 توسط محمد علی برزگر(گرگرلی آراز)  | 3 نظر

بعضی لرین اولوسوده توی- بایرامدی!

بعضی لرین اولوسوده توی- بایرامدی!

هر کیم بیزیم یئرده دونیاسین دئیشسه یدی ،احسانینا، چاغیریب –چاغیرماساییدین، علی کیشی  او گون اورداییدی. ائله بو گونده حوسین گیلین آناسینین اولوم احسانیندا ،علی کیشی بیر طرفده اوتورموشدی. ناهاری پایلایاندا ،حوسین، باجی اوغلوسونا گوز ائله دی کی ایکی بشقاب علی کیشی نین قاباغینا قویسون، سونرا بیر بشقاب اتیندن ده ایکی چوره گیله برابر قاباغینا قویولدو، بیر نوشابه بیر یوغورت بیر آز سبزیده ایضافه لشدی.

 علی یئییب ایکی چای ایچندن سونرا، حوسین بیر پاکت وینستون سیگارتی علی یه وئردی.آخوندوموز آخیردا خئیر- دووا وئریب فاتحه اوخوناننان سونرا ،دوروب گئدنده، علی اوز توتوب حوسینه ،اللری گویده، دئدی: خودایا بیر نفر اولدورنده حوسین گیلدن اولدور !گوزل احسانیدی!!

گرگرلی آراز

+ نوشته شده در پنجشنبه بیست و دوم آذر ۱۳۹۷ ساعت 12:43 توسط محمد علی برزگر(گرگرلی آراز)  | 2 نظر

نه بیلیرسن دونیا حساب کیتاب اوستونده دیر!

نه بیلیرسن دونیا حساب کیتاب اوستونده دیر!

ایسگندر چوخ بوشلویموش، بوشلو دوشندن ،مچید- منبرین دیبین، کسمیشیمیش. اون یئددی ریکعت عوضینه ،اوتوز دورد ریکعت ناماز قیلیرمیش. بیر گون ائوده ناماز دان سونرا ،اللرین دووایا قوزاییب ،آللاه تعالادان ،بیر اللی تومن ایسته دی کی او گون احتییاجین آلا بیلسین.

ماحمود کیشی بیر دوورو اؤزون شاه عابباس حس ائدیرمیش، شاه عابباس کیمین، باجالاردان خالقین آرزولارین ائشیتمه یه گلیب قولاق آسیرمیش، بوگونده ایسگندره بو شانس دوشموشوموش. ایسگندرین بو سوزونه ماحمود کیشی نین یازیقی گلیر، ال آتیر جیبیندن بیر پولی وئرسین. ماحمود کیشی بو جیبین او جیبین آختاریر، بیر قیرخ بش مین بش یوز تاپیر، اونو توربایا باغلاییر، ایپیله باجادان آشاغی ساللایر.

 ایسگندر او آن توربایا ساری دونور، تله سیک توربانی آچیر، قیرخ بش مین بش یوز تومنی گورور، بیر باخیر باجییا ،بیر توربایا، اؤز- اؤزونه، دئییر: بو گورنه حسابینا دوزدوکی! تورباایله -ایپین پولون چیخیب ،اللی تومنین قالانین گونده رییب!!

گرگرلی آراز

+ نوشته شده در پنجشنبه پانزدهم آذر ۱۳۹۷ ساعت 22:39 توسط محمد علی برزگر(گرگرلی آراز)  | 4 نظر

کار وار، کار وار!

کار وار، کار وار!

مهدی موعللیم دئییردی:دادگاهدا بویوک آنامی آپارمیشدیم، حصر وراثته گوره ،بارماغین باسسین. کناردا بیر اوستولون اوستونده، یانین یئره قویدو. بیر خانیمیله تانیش چیخیب، اوندان سوروشدو: توکذبان بالا سن دادگاها نه یه گلمیسن؟ توکذ، دئدی: کیشی دن بوشانماغا گلمیشم. بویوک آنام بیر الین، الین اوستونه ووروب، دئدی: نییه گولوم؟ بو نه سوزدو؟ توکذ، دئدی: کیشی منی درک ائله میر. آنام بیر گولومسولندی، سونرا بیر آز یاواشجا اییلیب توکذه، دئدی: آی بالا، نه اولاجاق ،حسن عمین منی دوز قیرخ ایلدی برک ائله میر! گور هئچ من بیر سوز دئییرم!!

گرگرلی آراز

+ نوشته شده در دوشنبه پنجم آذر ۱۳۹۷ ساعت 20:23 توسط محمد علی برزگر(گرگرلی آراز)  | 3 نظر

من سنی نه گوره جه یم!

ترساوادا شیخ آغا، قالایچی مورتوضون دده لیگینه تقدیم اولونور

من سنی نه گوره جه یم!

مشهدی عاباسقولو عمی،  آت اوستونده مئیداندان گئچنده، ایسگندر توکانینین قاباغیندا ایستول اوستونده اوتورموشدی، دوردو آیاغا بیرسلام وئردی.

 نه کی مشهدینین فیکری آیری یئرده، هئچ ایسگندرین، سلامین ائشیتمه دی.

بیر- ایکی گوندن سونرا چایخانادا، ایسگندر مشهدی عاباسقولویا یاس گلنده، او گوندن، گیلی- گوزارلیق ائیله ییب، اؤز اعتیراضین بیلدیردی. مشهدی خبر آلدی: هاچان سلام وئرمیسن من آلمامیشام؟ ایسگندر، دئدی: اوگون آت اوستونده مئیداندان گئچنده. مشهدی بیر برکیدن گولوب، دئدی: آی ایسگندر، من آت اوستونده اولاندا دونیانی بیر قلبیر جان گورورم !من سنی هاردان گوره جه یم!!

گرگرلی آراز

+ نوشته شده در پنجشنبه یکم آذر ۱۳۹۷ ساعت 21:12 توسط محمد علی برزگر(گرگرلی آراز)  | 5 نظر

تحریماتدا اولسا بیر شئی لر تاپیلار چایی ایچمه یه!

تحریماتدا اولسا بیر شئی لر تاپیلار چایی ایچمه یه!

قونشو کندیمیزده توپوش آدلی بیر نفر یاشییاردی. آللاه تعالا اونا رحمت ائیه سین، ایشی- ماآشی ائله، دانا- قوچ بورمادانیدی. اینقیلابین ایلک ایلله رینده پاسگاه رئیسی اولان شخص ایله ،چوخ آراسی سازیدی.

 هردن توپوش عمی کاسیب اولماقدا،اونون داورانیشی دولانماقدا، رئیس اونا بیر شئی لری یئتیشدیرردی.

 خیلاصه گون اوگوندو کی توپوش، رئیسی قوناق چاغیریب، کورسو باشیندا ایکی سیده اوتوروب، توپوشون آروادی بیر چانیک چای، ایکی ایستیکان نعلبکی گتیریب، کورسو اوستونه قویوب ،صاندیقخانایا تشریف آپاردی.

 توپوش عمی ها گوزتله دی خانیم قندانی گتیره جک، خبر اولمادی. اوستوندن خئیلک گئچدی ،امما یئنه خانیم، قندانی گتیرمه دی. توپوش عمی کورسو باشیندان دیرسکلندی، بیر الین صاندیقخانییا اوزادیب، دئدی: خانیم؟ آی خانیم؟! خانیم ایچه ریدن سس وئردی، نه دیر؟ توپوش عمی اوجا سسله، دئدی: خانیم بیزیم بو قوناق چایی، منیم کیله  ایچه جک! یا سنین کیله !!

گرگرلی آراز

+ نوشته شده در پنجشنبه بیست و چهارم آبان ۱۳۹۷ ساعت 17:49 توسط محمد علی برزگر(گرگرلی آراز)  | 4 نظر

ایصلاح طلب لرله اصول گرالار حکایه سی!

ایصلاح طلب لرله اصول گرالار حکایه سی!

حوسین عمی دوچرخه ائیله باغینا گئدنده، یول اوستو شیخ کریمی، گوردی. ائله تورموز ائله ییب، شیخیله سلاملاشدی. شیخ پئهین سریردی، دایانیب، حوسینین جاوابین وئردی. حوسین قاییدیب شیخه، دئدی: شیخ، ایه رمصلحت بیلسه ز، قارداشین قیزینی، بیزیم قارداش علی اکبره وئره ک. شیخ ،دئدی: ایندی کی مصلحت بیلمیسن، آللاه موبارک ائیله سین .حوسین دوچرخه سین سوروب گئتدی، شیخ کریمده اؤز ایشینه باشلادی.

صاباسی حوسین چایخانادا اوتورموشدی، کاظیم چایخانانین او باشیندان حوسینه، دئدی: آللاه موبارک ائیله سین، ائشتدیم علی اکبری ائولندیرمیسن؟! حوسین، دئدی: بلی ائولندیرمیشم ،آمما نه ائلندیرمک! اودا بودورکی، هامیز بیلیرسیز منیم قاین آتامین سول قیچی شیکستی، علی اکبری ائله یئردن ائولندیرمیشم اونوندا قاین آتاسینین ساغ قیچی شیکستی !گله جکده ایکی قاین آروادی بیر- بیریله ساواشاندا! آتالارینین سوینده قیچلارین پئش چکمه سین لر!!

گرگرلی آراز

+ نوشته شده در یکشنبه بیستم آبان ۱۳۹۷ ساعت 11:42 توسط محمد علی برزگر(گرگرلی آراز)  | 4 نظر

نه بانلاماقی؟!

نه بانلاماقی؟!

هممشه همسایامیزدا، بیر خوروز واریدی، سحر ساحات دوردن باشلاییب، بانلایاردی. منیم اوچون چوخ گوزلیدی، چونکو دورد یاریمدان ائله هممشه ایشیمه حاضیرلاشیردیم، بو قونشونون خوروز بانلاماسی منیم اوچون بیر نعمت اولموشدو.

 آمما بیر نئچه مددت گئچمیشدی ،داها بو قونشونون خوروزو بانلامیردی.

 بیر گون همسایامیزدان خبر آلدیم: قونشو ،داها خوروزوز بانلامیر؟ قونشوموز، دئدی: ایسکندر، چوخ همسایالار خوروزون بانلاماسیندان منه شکایت ائیله یردیلر، منده او گون توتوب ،باشین اوزدوم.

اوندا بولدوم پای آتونان! هانسی خوروز بانلاسا ،اونون باشی اوزولمه لیدی!!

گرگرلی آراز

+ نوشته شده در دوشنبه چهاردهم آبان ۱۳۹۷ ساعت 14:54 توسط محمد علی برزگر(گرگرلی آراز)  | 4 نظر

البتده اشتباه دوشمه سین ایندی کی پوللاری دئمییرم ها

البتده اشتباه  دوشمه سین ایندی کی پوللاری دئمییرم ها

بو گونلر تبریزه چوخ گئدیرم ،یو حکایه نی بیر تاکسی سوروجودن ائشیدمیشم.

 او دئییردی:بیر گون بیر نفر کبابخانادان گئچیرمیش، گویلونا کباب دوشور، الین آتیر جیبینه گورور، پولو چاتماز.

 اؤز- اؤزونه، دئییر: نه ایشکالی وار؟ جیبیمده اولان پولا جییه ر اولماسین، ایکی شیش داششاق یییه رم! گئچیر ایچه ری ،ایکی شیش داششاق سیفاریش وئریر.

یئیب قورتاراندان سونرا، دئییر: منیم حسابیم نقدر ائله دی؟ کبابچی، دئییر: مین تومن. داششاق ییه ن ،دئییر: نه اولوب مه یر؟ایکی شیش داششاق مین تومن اولار؟!

 کبابچی قارداش چوخ ملایم حالتده، دئییر: یوخ قارداش! سنین مین تومنین داششاق اولوب!!

گرگرلی آراز

+ نوشته شده در چهارشنبه نهم آبان ۱۳۹۷ ساعت 20:59 توسط محمد علی برزگر(گرگرلی آراز)  | 4 نظر

وزیرلریمیز سیمادان چوخدا گوزل دئییرلر!

وزیرلریمیز سیمادان  چوخدا گوزل دئییرلر!

فیضضه نجفعلی نین آروادینین اوشاقلاری قالمیردی، چوخ راز –نییازدا ائدیردی، یئنه کورپه لر آنادان اولان آن اولوردولر.

 آمما بو سفر اوشاق آنادان اولدو، اوشاغین آدین محممد قویدولار، اونو چیخدی ،قیرخیدا قورتولدو، آمما اوشاق اولمه دی! ائله بیل بو دونیادا قالمیشلیقی واریمیش.

 امما ائله فیضضه هممشه فیکیرده یدی ،ناهار- شامدا- چای ایچمه ده ائله گوزلری اویوب ،فیکره گئدیردی. بیر گون باجی سی اونلارا گلیب، حال- قضییه نی گورنده سوروشدو: باجی اوغلان اوشاغین اولوب، گره ک سئوینه سن، بیر آزدا فیکیرده سن، نه اولوب؟ آچ اوره گیوین دردین من باجیوا ده گیلن. فیضضه بیر باخیب باجیسی گولثومه ،بیر باخدی یئره، دئدی: گولثوم بیر آنلامامیشام بیر اوشاق اولمامیشدان نذیر دئمیشم، اودا بودور کی آللاهیلا اؤز آرامدا نذر دئمیشم ،اوشاغیم اولمه سین تبریزده قره سیده بیر ال توتام !گولثوم بیر گولومسولندی، دئدی: او ائله بیر شئی دئییل کی صاباح تبریزده قره سیدین یانیندایق .

 صاباحی ایکی باجی گولثومیله- فیضضه قره سییدین یانیندا اوتورموشدولار. قره سید خبر آلدی دردیز نه دیر؟ دوواسین یازیم. گولثوم من -من ائله یه -ائله یه آچیب باجیسینین نذیر- نییازین دئدی. قره سید بیر فیضضه یه باخیب، گوردو بیر چوپور- قیرخ یاشدا- آلچاق -میدیق بیر خانیمدی، رغبت ائله مه دی آمما باشین قوزاییب، دئدی: گولثوم باجی،دورون آیاقا،  بو فیضضه باجین گوتور گئد بازارا! اوردا فروشه یئتیر! پولون منه گتیر!!

گرگرلی آراز

+ نوشته شده در پنجشنبه سوم آبان ۱۳۹۷ ساعت 19:40 توسط محمد علی برزگر(گرگرلی آراز)  | 5 نظر

بویکوزو آتین گویه!

بویکوزو آتین گویه!

اوگون علی کیشی منه دئییردی:گلینیمین قارداشی، چوخ بیر دوولت لیدی. نئچه کارخاناسی ،اللی -آتمیش کارگری وار. عزیز گونلرده بیر اوکوز کسیب ،همی کارگرلرینه ،همیده دوربر کارکاسیبا پارلایار.

 بیرگون کارگرلرین بیریسیله ،بیرده سوروجو، بیر اوکوزون اتنین پایلایا- پارلایا بیر کوچه ده گئدیرمیشلر،بیر قاپییا یئتیشیرلر، قاپ- باجانین گورکمیندن بیر- ایکی پای ایضافه گوتوروب ،قاپینی دویورلر. ائوین آناسی، قاپینی آچیب گورور ،احسان اتی گتیریب لر.

 او آن چیخیر ائشیگه، قاپینی یاواشجا اورتور، آهسته سسیله اونلارا ،دئییر: سیز آللاه بونو تئز قارتارین! منیم بالالاریم اون ایلدی ات یئمه یب لر! ایندی بونو سیزدن آلسام اونلار یئسه لر، صاباحی من نه ائلییه جه یم؟ نه باشیما داش سالاجه یم ؟سیز آللاه اوشاقلار گورمه میشدن احسان اتیزی قارتارین........

گرگرلی آراز

+ نوشته شده در پنجشنبه نوزدهم مهر ۱۳۹۷ ساعت 11:56 توسط محمد علی برزگر(گرگرلی آراز)  | 5 نظر

عزیز قلمداشلاریم سلاملار

عزیز قلمداشلاریم سلاملار

تبریز دانیشگاهینا ،سراسریدن ،حقوق ریشته سینده ،ارشددن قبول اولموشام.

اللاه تعالا سیزه ده ائولادلاریزادا قیسمت ائیله سین.

گلن هفته دن قوللوغوزدایام.

گرگرلی آراز

+ نوشته شده در جمعه سیزدهم مهر ۱۳۹۷ ساعت 18:6 توسط محمد علی برزگر(گرگرلی آراز)  | 4 نظر

حسینه یئرلر آغلار گؤیلر آغلار

حسینه یئرلر آغلار گؤیلر آغلار   ...... دونیانین فخری اولان شهریاردان


حسینه یئرلر آغلار گؤیلر آغلار
بتول و مصطفی پیغمبر آغلار
حسینین نوحه سین دلریش یازاندا
مسلمان سهل دیر کی کافر آغلار
کور اولموش گؤزلرین قان دوتدو شیمرین
کی گؤرسون اؤز الینده خنجر آغلار
حسینین کؤینه گی زهرا الینده
چکر قیحا قیامت ، محشر آغلار
آتاندا حرمله ، اوخ کربلاده
گؤریدین دوشمن آغلار ، لشکر آغلار
قوجاغیندا ، گؤردین ام لیلا
آلیب نعش علیّ اکبر آغلار
رباب ، نیسگیل دؤشونده سود گؤرنده
علیّ اصغری یاد ائیلر آغلار
باشیندا کاکل اکبر هواسی
یئل آغلار ، سنبل آغلار ، عنبر آغلار
یازاندا آل طاها نوحه سین من
قلم گؤردوم سیزیلدار ، دفتر آغلار
علی ، شق القمر ، محراب تیلیت قان
قولاق وئر ، مسجید اوخشار منبر آغلار
علی دن شهریار ، سن بیر اشاره
قوجاقلار قبری ، مالک اشتر آغلار

حسینه یرلر آغلار گویلر آغلار (صوت + متن شعر)

«حسینه یرلر آغلار گویلر آغلار

بتول و مرتضی، پیغمبر آغلار»

حسینـون نوحـه‌سین «دلـریش» یازاندا

مسلمـان سهلدیـر کــه کافـر آغـلار

کوراولمیش گوزلرین قان دوتدی شمرین

کی گؤروسون اؤز الینده خنجر آغلار

حسینــون کؤینگــی زهــرا الینــده

چکـر قیحــا قیـامت، محشـر آغـلار

آتانـــدا حرملــه اوخ کــربـــلاده

گؤریدین دشمـن آغـلار، لشکر آغلار

قـوجاقینــدا، گؤریــدین امّ لیـــلا

آلــیب نــعش علــیّ‌اکبــر آغـــلار

 رباب، نیسگیل دؤشونده سوء گؤرنده

علــیِّ‌اصغــری یــاد ایلــر آغـــلار

باشینــدا کاکــل اکبــــر هـــواسی

یل آغـلار، سنبـل آغـلار، عنبر آغلار

یازانـــدا آل طــه نوحـه‌سین مــن

قلـم گـوردوم سیزیلـدار، دفتـر آغلار

علـی، شقّ‌القمـر محـراب تیلیت قان

قولاق وئر، مسجد اوخشار منبر آغلار

علیــدن، شهریــار، سن‌بیــر اشـاره

قوجاقــلار قبـری، مالک‌اشتـر آغـلار


+ نوشته شده در دوشنبه بیست و ششم شهریور ۱۳۹۷ ساعت 20:23 توسط محمد علی برزگر(گرگرلی آراز)  | نظر بدهید

یورقون نفسیم

کیتابین آدی  یورقون نفسیم 

یازاری:شاعیر جمیشید مسیب زاده(قوجا آغلار)

ناشر:انتشارات یاس بخشایش

یایین ائوی :دفتر چاپ و نشر بهبود(ائلچی بئی)

کیتاب اوولجه اون سوزیله ائلچی بئی دن  قوجا آغلارین حیاتیلا باشلانیر، بیر نئچه قزل-تجنیس دیوان مجلیسی-قوشمالارلا گئدیر،گرایلی لا قورتاریر.

بو کیتاب گوزل شعیلریله ،چوخ اوخومالی بیر کیتابا چئوریلیب. آخیر سوزوم اودور کی بو کیتابی آلیب ،اوخویوب، کیتابخانازین بزه یی قرار وئره سیز.

وئرگینن یارب اؤزون مین درد بی درمان منه

قیلگینان بو عالمی یارب قورو زیندان منه

ال آچیب درگاهینا شکر ائیله رم شام سحر

دسته دسته یوللاسان غم لشکرین مهمان منه

وصلینه من چاتماغا آل جانیمی راحت اولوم

چوخ آغیرلیق ائیله ییر یارب اینان بو جان منه

..................................................

................................................

گرگرلی آراز

+ نوشته شده در شنبه هفدهم شهریور ۱۳۹۷ ساعت 17:7 توسط محمد علی برزگر(گرگرلی آراز)  | 3 نظر

ائششکین یوکو ائله یونجا ساماندی!

ائششکین یوکو ائله یونجا ساماندی!

آراز قیراغیندا مهدی یولداشیلا ایسته یرمیشلر، بالیق توتسونلار. او جهت دن بیر برق موتوری، ائششک اوسته محکم باغلایب، گتیرمیشدیلر، تاکی اونو یاندیریب ،اونیله بالیقلاری برقیله توتدوروب، توتسونلار.

 مهدی ائششگی بیر صاف یئره هدایت ائیله یب، ائله ائششکین اوستونده موتورون تسمه سین چکیب، یاندیردی. ائششک برق موتورون اوجا سسینه- تیرهاتیرینا، مهدی گیلین الیندن اولکوب گوتورلندی.

 کوشنده ائششک برق موتوری ایشله یه -ایشله یه اوستونده قاچاقاچ دا، مهدی ده یولداشیله دالیسینجان، دابانا قووت گئدیردیلر.

کندلرینه وارید اولاندا هاوا قارانلیقلانمیشدی، ائششک بیر داریشلیق کوچه دن مهدی گیلین طویله لرینه گئدنده، کربلایی قوربانا یاس گلنده، ائششک اونا باخمادان کربلایی قوربانی ووروب، یئره سالیب، اؤز یولونا برق موتوری ایشله یه- ایشله یه ایدامه وئریردی. بو حالدا مهدی کوچه یه یئتیشنده، گوردی کربلایی قوربان یئره سریلیب، یامان- یوووز دئمکده دی. مهدی کمک لیق ائیله یب کربلایی قوربان عمی دوراندا ،مهدی اوندان خبر آلدی: کربلایی بوردان بیر ائششک برق موتوری اوستونده، ایشله یه-ایشله یه گئچنده گورمه دین؟ کربلایی اوستوباشین سیله –سیله، دئدی: نه ائششک ؟نه  برق موتوری؟! بیر موتور سیکلت یوز ایرمی سرعت له گئدیردی، هئچ ایشیقلاریندا یاندیرمامیشدی!!

گرگرلی آراز

+ نوشته شده در چهارشنبه چهاردهم شهریور ۱۳۹۷ ساعت 12:47 توسط محمد علی برزگر(گرگرلی آراز)  | 3 نظر

اوغوز

تورک دیللی خالقیلارین آراسیندا  بعضی افسانه وی آدلارین آراشدیرمالاری ؛شعریله

اوشاق ادبییاتی – اوچونجو سای

یازار:م-ع-ب-گرگرلی آراز

اوغوز

سن اوغوزو تانیرسان،

ایغوروستاندا یازیب.

آتاسی بوغا اولوب،

آی قاغان آنا قازیب.


بیر روایت اودورکی،

دانین سوکولمه سینی،

خبر وئرمیش خالقینا،

گونشین گلمه سینی.


دان یارادانی* وئریب،

اوغوز قاغان آناسی.

آی قاغان  یارادان  تک،

بوغا گوجلو آتاسی.


روایتیم بیرده وار،

آتاسی قاراخاندی.

دانین سوکولمه سینده،

دویوشمه لر آماندی.


ایشیقیلا ،قارانلیق،

اسکی دن ووروشوللار.

قارانلیق قاراخاندی*،

ایشیقلا* دوروشوللار.


اوغوز قاغانین اوغلو،

بیری گون –آی –یولدوزدی.

اوچو  آتا   بزه یی،

گوکدی-تاغدی-تئنیزدی.


اوغوزدان سونرا ائلی،

گون خان اله آلمیشدی.

گون خانین دورد اوغلودان،

(قایی)تخته قالمیشدی.


بیرده کی قایی لاردا*،

بویوک طایفا ساییلیر.

تیکه لرده بیرله شیر،

بیرله شیرلر آییلیر.


قیزیل گئچی لر گلیر،

آغ گئچی لر، قینیق لار.

قارا گئچی لر هاردا؟

آغ ساق،  قارالی ساق لار*.


بیزیم بئله قایی لا ،

چوخ ایشیمیز یوخدور یوخ.

آغ ساق، قارا  ساقیله،

تورک اولموش یاشایر چوخ.

یارادان--ایلاهه

قاراخان-قارانلیقین باشلانقیجی

ایشیق-منظور اوغوزدو.

قایی-اوغوز قبیله سیندن سایلمیش یادا بیر دووروده بیرلشمیش بیر قبیله آدی.

قیزیل گئچی لر.......-اوغوزلا  قونشولوقدا یاخوت بیرله شن  قاریشمیش قبیله لر،طایفا آدی.


+ نوشته شده در چهارشنبه هفتم شهریور ۱۳۹۷ ساعت 21:26 توسط محمد علی برزگر(گرگرلی آراز)  | 2 نظر

ائولادین هاردا(فرزندت کجاست)!

ائولادین هاردا(فرزندت کجاست)!

ائلچی بئی:عابباس ائلچین موعللیم بو دانیشیقا ایجازه وئرمیسیز، اؤز طرفیمدن، ژورنالیمین طرفیندن، سیزدن چوخ تشککور ائدیرم.

عابباس ائلچین:آللاه تعالا آدی و یادیلا منده اؤز نوبمده سیزدن تشککوروم، وار.

ائلچی بئی:بو گون جامعه میزده بئله بیر ایصطلاع قاباغا گلیب کی بویوک باش مدیرلرین اورتاسیندا ( ائولادین هاردا )یئرینه، دوشوب.

 عابباس ائلچین موعللیم، اولکه میزده بیر باش مدیر سایلاراق ،آچیقلاندیرین گورک، نئچه  ائولادیز وار؟ بیرده  هاردا و نیه مشغولدولار؟

عابباس ائلچین:ایجازه زله منیم اوچ آروادیم ،دورد صیغه واریمدی! خانیملاریم تمامن ائو ایشلرینده دیرلر.

 گول نیسه بویوک خانیم ،هردن اؤز دانیشگاهیمیزدا تاریخ درسی وئرر، اورانیندا علمی هئیتینندی.

 گول بادام اورتانجی خانیم ،هردن زیست محیطینده ،قیریق حالتده ایشله یر. اورمییه دریاچاسینین آراشدیریب، سو دولدورماسیندا نقشی چوخ وار.

 بالاجا آخیرخانیمیم ،منی چوخ مسافرتلریمده همراهلیق ائدر. مد طرراحیدی، صدا سیمانان چوخ ایشلر، امما ایه ر دئسم: هامیسی ائله ائوده ،ائو ایشلرینه باخیرلار.

ائلچی بئی:ائولادلاریز؟

عابباس ائلچین:ایجازه زله اون ایکی ائولادیم وار، آلتی اوغلان- آلتی قیز.

محممد ایل اوغلوم نججاردی، آمما بو ایشین یانیندا، اولکه میزین ام دی اف ورقلرین خاریجه دن گتیرر، آمما ائله اؤز ایشی نججارچیلیقدی.

حمید ایکینجی اوغلوم ،آزاد ایشی ماشین نمایشگاهی وار. خاریجی اولکه لردنده اولکه میزه باهالی ماشین تجارتینه باخار، سن دییه ن ائله سودو یوخدی، اؤزون اللاف ائدیب.

پارسا اوچونجو ائولادیم آدینا چکیب، حوزه ده اولور، اؤز شهریمیزین ایمام جومعه سیدی، اورانیندا ائله طلبه مدرسه سین ایشله دیر، بیرده کی ایداره اوقافین آللاه ریضاسینا دولاندیریر.

محممدباقر دوردونجو اوغلوم ،حکیمدی. دئمیشم: موفته خسته لره باخسین. اولکه میزده دورد فصلین داواسی بونون الیله ایداره اولار. نئیله سین خدایی ایشده گرک پیشقدم اولاسان .ایلک بینادان ائولادلاریما تاپیشیرمیشام :ائل ایشیندن قاچماسینلار.

نغی بئشینجی اوغلوم آغیر ماشین آلات ایشینده دیر. یازیق بیر آیاقی اولکه میزده بیر آیاقی آغروپادا- آبوشدا -چینده دیر.

آلتینجی اوغلوم فرهاد آدی دامپزشکدیر، دایما داغدا- داشدا دیر.آمما شوکر آللاها اولکه میزین بوتون بولگه لرینین سوت- یوغورد- پئندیرین بو تامین ائدیر. چوخ راضییام اصیل بیر چوباندیر اؤزونونده یوز اللی قویونو وار اورمییه لی قاضی پورون اوغلوییلا قاتیب اوتارار.

قیزلاریمدا صالح چیخیبلار. ایلک قیزیم رقیه خانیم ،خانه داردی. آمما ال چکمه دیلر اونو اؤز اوستانیمیزین ایلک اوستانداری وئردیلر، اوردا مشغولدولار .

سفییه ایکینجی قیزیم ،فرش ایشینده دیر. بو جهتدن کی آیری اولکه لر بیزیم فرشلریمیزی تانیسینلار، یالنیز بو جهتدن، بیر نئچه بویوک اولکه لرده اینگیل تره -جئرمانییادا –فرانسادا- آبوشدا فرش نمایشگاهی واردیر. آمما ائله اصلی ایشی ائو ایشی دیر.

صالحه اوچونجو قیزیم ،علاوه ائو ایشیندن سونرا، میلگرد ایشینده دیر. بو قیزیمین کولگه سینده دیر کی ایه ر بو اولماسایدی، ایندی میلگرد اون مینه قوزانمیشدی.

دوردونجو فایزه قیزیم، سییاست اهلیدیر. امما یئنه ائو ایشی اونون ایلک ایشی ساییلیر، امما اونون کناریندا بیر طبی آزمایشگاهی وار یالنیز سییاستمدارلارین چکابین وورار، تاکی اینشااللاه بو گوزل وزیردی- باش مدیرلردی بیر زامان خسته لییه دوچار اولماسینلار.

نجیمه بئشینجی قیزیم ، گوزل خورک پیشیرن، بیر گویچک خانیمدی. آمما بونون کناریندا ،آزاد دانیشگاهدا- پیام نوردا- دولتی دانیشگاهلاردا اؤز گوزل هنرین گورسدمکده دیر.

قیزقایت آلتینجی قیزیم، فوق دوکتراسین بنگلادشده آلیر! اورانین اؤز اولکه سفیریمیزیله اوزاق شرق اولکه لرله، بعضی شیرکت لرله، ال وئرمه سی وار.

ائلچی بئی جنابلاری ایه ر اولکه میزده بیزیم عایله یه ،حرمت گئدیرسه، اینشااللاه گله جکده نوه لریمدن- کورکنلردن ده ایستفاده ائده جه یک

ائلچی بئی:بونو اورکدن دئییرم گله جک سیزیندی عابباس ائلچین جنابلاری

گرگرلی آراز

+ نوشته شده در یکشنبه چهارم شهریور ۱۳۹۷ ساعت 22:25 توسط محمد علی برزگر(گرگرلی آراز)  | 7 نظر

جام دان سونرا......

برجام دان سونرا......

او ایل کی ایللرده ،بیزیم محالدا ،موعللیم لردن بیری تقایتا چیخاندان سونرا، بیر غیرانتفاعی مدرسه وورموشدو. هر یئردن او دوولتدیلری سئچیب، مکتبینده آدین یازدیریب، اؤزونه توکان آچمیشدی.

 بیر گون کئفلی ایسگندرین اوغلو، دورد ایل ایلک صینیفده قالاندان سونرا ،بو مدرسه ده بیر تکلیفینده ،اون دوققوز آلاراق، قاچا -قاچا آتاسی کئفلی ایسگندره گتیریب ،دئدی: آتا تکلیفیمده اون دوققوز آلمیشام! کئفلی ایسکندر، کئفلی- کئفلی ورقه نی آلیب- باخاندا ،بیر ایشقیتما ووروب، دئدی: ائولاد،باشیمی اوجا ائله دین ،سنین داششاغیوی یئییم !اوشاق آددانیب- دوشاراق،  ائله او اوشاق دیلیله، دئدی: آتا !آتا! گلن سفر تکلیفیمده ایرمی آلسام، سی.... ییه رسن!!

گرگرلی آراز

+ نوشته شده در پنجشنبه یکم شهریور ۱۳۹۷ ساعت 21:56 توسط محمد علی برزگر(گرگرلی آراز)  | 5 نظر

آغازاده لردن اونجه رشوتین بیناسین اولکه میزده کیم قویوب!

آغازاده لردن اونجه رشوتین بیناسین اولکه میزده کیم قویوب!

عابباس ائلچینین سولطان خالاسی، چوخ قوجالمیشدی، ائله دوغساننان یوخاری یاشی ،قددی اییلمیش، اعصالی  یول گئدیردی.

 بیر گون سولطان خالا کوچه لرینده گئدیرمیش، قوجادی دا، دالی- قاباقدان اؤزونو ساغلایا بولمویوردی، هی اس مس اوتوروردی! بیر مددت گئدتدن سونرا احساس ائدیر دالیدان آیاق سسی گلیر، دونوب دالییا باخاندا گورور قونشوسو حمداللاه اوغلو، خئیروللاه دی. الین آغزینا چکیب خئیروللاهدان، خبر آلیر: خئیروللاه هاواقدان بورداسان؟ خئیروللاه جاواب وئریر: سولطان خالا ائله باشلاناننان بوردایام !سولطان خالا، دئییر: خئیروللاه سن اللاه آخشام بیزه گلرسن، بیر آز گیردکان آپارارسان! باخ بیر، بو کوچه ده ائشیتدیقین دا یاددان چیخاردارسان!!

گرگرلی آراز

+ نوشته شده در سه شنبه سی ام مرداد ۱۳۹۷ ساعت 17:41 توسط محمد علی برزگر(گرگرلی آراز)  | 6 نظر

ایش لر وزارت خاناسینین باش وزیری ایشدن آزاد ائدیلمه موناسبت ایله!

ایش لر وزارت خاناسینین باش وزیری ایشدن آزاد ائدیلمه موناسبت ایله!

عابباس ائلچینین خالاسی ،ایکی آیاقین بیر باشماقا تاخمیشدی کی گرک منه بیر ار تاپاسیز! اونون یاشیدا آتمیش یاشدان یوخاری اولماسین!عابباس ائلچین همه جوره دئیب- دانیشیردی، دلی- نصیحت ائدیردی، باشا گلمیردی. آخیردا طایفادا قرار قویولدو، هامی عابباس ائلچین گیلده ییغیشیب بو ایشه بیر سرانجام وئرسینلر. مجلیسین آخیر- آخیرلرینده عابباس ائلچین دوروب، دیزلرینین اوستونده، بیر الین خالاسینا اوزادیب ،اوجا سسله، دئدی: بئله عزیز خالا ،نه اوزونن دییه ک:تاپیلمیرکی تاپیلمیر! هانسی بختور گلیب آتمیش یاشدا، یئتمیش بش یاشدا بیر دول آروادی آلار؟ یوخدی! یوخدی! یوخدی! عابباس ائلچین ین خالاسی ،جمعین آراسیندا باشین سالدی آشاغا، آرام حالتده ،دئدی: آتمیش یاشدا یوخدی، اولماسین! ایکی دنه اوتوز یاشدا تاپین! منیم اعتیراضیم وار؟!!

گرگرلی آراز

+ نوشته شده در یکشنبه بیست و هشتم مرداد ۱۳۹۷ ساعت 21:44 توسط محمد علی برزگر(گرگرلی آراز)  | 3 نظر

اولکه میزده ایختیلاصلار نئجه ساییلیر؟!

اولکه میزده ایختیلاصلار نئجه ساییلیر؟!

غلام بئی لری دئییردی:ائله هر گون محممدین ایشی بویودی کی پی- پئنجرین ،سووزو- جعفریلرین ،ائششگه چاتیب، قونشو شهره آپاریب، اورانین مئیدانیندا، ساتاردی.

 بیر گون بیر سیلدیریم قایانین یانیندان گئچنده، بیر بویوک طوفان- سئل قوپور.اوردان گئچنلری، دره نین دیبینه آتیر. طوفان- سئل یاتاندان سونرا، دره نین دیبینده ،بیر ائششک- تولکی ایله آصلان ساغ قالیر. بیر ایکی گون گئچندن سونرا آجماق غالیب گلیر، اورتایا سوز قویولورکی هره اؤز گوناهلارین ساناسین، کیمین گوناهی چوخ اولسا اونو بوبیرسی لر توتوب یئسین. ایلک، آصلان دئییر: من هرگون اؤزومو ووررام داغ- داشا بیر اوو توتوب ییه رم. تولکی ،دئییر: بو کی گوناه دئییل کی، ائله اصلانین ایشی اوو یئمکدیر. ایکینجی دفعه، تولکی دیله گلیر: هر گون بیر کندیده بیر اینه گیریب، بیر خوروز یاخوت تویوق توتوب ییه رم. آصلان دیله گلیر: نه اولسون کی بو گوناه دئییل کی تولکی ائله خوروز- تویوق ییه ردا. ایش یئتیشیر ائششگه، ائششک، دئییر: من هر گون یوک بئلیمده کندیمیزدن شهره دوورو گئدنده، باش اوزادیب خلوتی بیر باغ جعفریلردن ،چکیب، ییه رم. بیردن تولکی اوجا سسله دوروب، دئییر: ائششک! سن جعفری!!

گرگرلی آراز

+ نوشته شده در پنجشنبه بیست و پنجم مرداد ۱۳۹۷ ساعت 0:33 توسط محمد علی برزگر(گرگرلی آراز)  | 4 نظر

اولکه لر بویوک لری دانیشیقلارینا بیر آز گرک فیکیر وئره لر!

اولکه لر بویوک لری دانیشیقلارینا بیر آز گرک فیکیر وئره لر!

مهدی دئییردی :بو سوزو غلامنان ائشیتمیشم.

بیر گون آرازین اوتاییندا بیر دووشان، بو تاییندا بیر آیی، یاشییرمیشلار. هر گون سحر ساعات یئددیده، دوشان ایله- آیی کی یوخودان دوراندا ، ایلک دفعه دووشانین گوزو آیی یا ساتاشاندا،دووشان ،آیی یا  آغزینا گله نی دئییرمیش. سنین نه کی واران، سنین آروادین- اوشاغین ،سنین هرزادین، بویوگون –جیققیلین، یاخوت بوجور سوز- سوولار، یامان- یوووزلار!

بیر گون آیی اوتورور، اؤز- اؤزنه فیکیرله شیر: آی جانیم من بو طرفده، دووشان اوطرفده، منیم یئدیقیم آیری، اونون یئدیقی آیری، بونلار نه سوزدی؟  هر گون سحر منیم اوزومه ،او اوتانماز -اوتانماز دئییر؟

صاباحی ساعات یئددییه بیر آز- ماز قالان، آیی اؤزون وورور آرازا ،گئچیراو طرفه، دووشانین لوواسینین دال طرفینده ،دایانیر.

 دووشان لوواسیندان چیخیر، دوز دالییا باخمادان، آراز قیراغیندا آیی اولان طرفه باخیب، اوجا سسله ،ایسته ییر همن سوزلری، یامان- یوووزلاری تیکرار ائیله سین.

 آیی قاباغا گئچیر، دووشانین ایکی قولاغیندان یاپیشیر گویه قوزاییر، دووشان بیر دونور دالییا ،گورور آیی دی، تلم- تله سیک اوز توتوب آیی قارداشا، دئییر: آیی قارداش! سنین کی، منیم نه کی واریما !بویوگومه جیققیلیما! هر زادیما !!

گرگرلی آراز

+ نوشته شده در یکشنبه بیست و یکم مرداد ۱۳۹۷ ساعت 17:55 توسط محمد علی برزگر(گرگرلی آراز)  | 4 نظر

بو ائوه فاتحه!

بو ائوه فاتحه!

آغازاده عابباس ائلچین ین بویوک باباسی ،آللاه رحمتینه گئتمیشدی. بویوک باشلاردان چوخ گلمیشدیلر. بهداری وزیر باشقانی دوکتور جئری ،عابباس ائلچین ایله قوهوم اولماقدا، قاپی قاباغیندا دایانمیشدی. اولکه میزین مخابرات وزیری ابوالحسن قدرتی، باش قاضی میز قزوین لی علیرضا رضایی، زیست محیط ین رئیسی قالایچی مورتوض، ایقتصاد وزیری کئفلی ایسگندر، یوخاری باشدان ایلشمیشدیلر.

 بیر یاریم ساعات گئچمه میش، ژورنالیست حوسین داداش ،مجلیس باشجیمیز برادر علی قارداش ،هامیدان سونرا شیخ حسن عمی، وارید اولدولار. ائوده کی ماشااللاه اولسون، بیر کاخ! هره اؤز ایشینده !چوخدانیدی بیر فاتحه دئییلیب ،صلوات چئویریلمه میشدی. آشاخی باشدان عابباس ائلچین گئدیب، یوخاری باشدا شیخ حسنه اوز توتوب، دئدی:شیخ  آغا زحمت اولماسا ،بیر فاتحه دییه سیز، تاکی سفره آچیل سین.

 ائله بیل شیخ حسن اینتیظاری یوخیدی، بوجور هچله دوشسون! بیر سول طرفینه- ساغ طرفینه باخیب، بیردن اوجا سسله، دئدی: بو ائوه فاتحه!!

گرگرلی آراز

+ نوشته شده در چهارشنبه هفدهم مرداد ۱۳۹۷ ساعت 21:36 توسط محمد علی برزگر(گرگرلی آراز)  | 4 نظر

قیرقیز


قیرقیز*


ساغان خاقانین قیزی،

اوتوز دوققوز قیزیلا.

سیره چیخیر گزمه یه،

آچیق سما یازیلا.


قیزلار گونش شوعاسی،

پاریلدایان گولونده .

کوپوگونه ال وورور،

بویلانیرلار گلنده.


دوققوز آیدان  سونرادا،

قیرخ قیز بیردن دوغولور.

اوشاق گتیرمکدنده ،

آنالار چوخ یورولور.


ساغان قاخان ناراحاند،

قیزلارا اولور بتر.

اونلاری قووور داغا،

چورک ، سوسوز بو سفر.


سیرت سیلدیریم قایالار،

دالیجاندا ملامت.

یوخیدی  سو، چورکدن،

یاشایشدان  علامت.


آمما اونلار اؤلمه ئیب ،

اونلار اوردا قالدیلار.

قیزلار آنایا چوندو،

آد ،سانلارین آلدیلار.


دوغولان کورپه لرده،

قیرقیزلارین باباسی.

ساییلیر چوخ اسکی دن،

دئیر بویوک  آتاسی.


قیرقیزلارین آتاسی،

گونش ایشیق گوی دولور.

بویوک ننه لر سایان ،

قیرخ قیزدان قیرقیز اولور.

قیرقیز-تورک طایفا مملکت آدی. 

ایضاحات-قیرقیز افسانه لریندن دی، قیرقیز میللتی نئجه ویجوده گلیب

گرگرلی آراز

+ نوشته شده در یکشنبه چهاردهم مرداد ۱۳۹۷ ساعت 13:33 توسط محمد علی برزگر(گرگرلی آراز)  | 3 نظر

باهالیق شایعه دیر!

باهالیق شایعه دیر!

بیر قوجا خانیم، اولاردی قوغسان یاشلی خییاباندا بیر ماشینا، ال ائیله دی. ماشین قوجانین آیاغینین دیبینده ساخلایب، ال آتدی قاپینی آچدی، خانیما ،دئدی:خانیم بویرون. خانیم مین مصیبت ایله ماشینا مینیب ،اوز توتوب سوروجویه، دئدی: سور گئدک. سوروجو دنده نی عوض ائده –ائده، دئدی: ننه هارا گئدیرسیز؟ دئیین آپاریم.

 قوجا قاری، دئدی: اونلاری هار آپاریرسیز، منیده آپارین .سوروجو سوزه گلدی: کیم لری؟! قوجا، دئدی: او جاوان خانیملار سیزین ماشینا میننده ،هارا آپاریرسیز؟ منیده آپارین. سوروجو بیر گوزگودن قوجایا باخیب، گوله- گوله، دئدی: خانیم چوخ سوزلره اینانمایین ،اونلار شایعه دیر ائل ایچینده یاییلیب !خانیم بو سفر چوخ جیددی حالتده، دئدی: اوولن ننه، سنین جد آبادیندی! سونرا نییه بیزه گلنده شایعه اولدی؟! الیم آیاغیم درمه میشدن سور!!

گرگرلی آراز

+ نوشته شده در جمعه دوازدهم مرداد ۱۳۹۷ ساعت 16:31 توسط محمد علی برزگر(گرگرلی آراز)  | 4 نظر

سییاست چیلریمیزه هاردان دووا آلاق!

سییاست چیلریمیزه هاردان دووا آلاق!

قونشو کندلی علی بئی دئییردی:اوشاقلیقدا بشینجی صینیفده اوخویاندا،ایکی تویوق باسیرمیشدیم. بو تویوقلار چوخ گوزل جوجه لرین چیخارتدیلار، امما بیری اؤز جوجه لرین دیمدیک لریب ،باشیندان هی ووروب اوله نه جان ایشیندن ال چکمیردی. خیلاصه بیر نفر لازیمیدی کی جوجه لری آنادان قورویوب، ساخلاسین. بیر گون قونشوموز سرییه خالا بیزه گلمیشدی، منده حیه تده جوجه لرین یانیندا، جوجه لری آناسینین مقابیلینده نگهبان دورموشدوم. سرییه خالا آنامین توسطیله خبردار اولاندان سونرا، دئدی:منیمده بیر تویوقوم یومورتالارین سیندیریب ایچیردی، ماللاه ابولفضلدین دووا آلاندان سونرا اصلا بیرینده داها سیندیرمیر.

آخشامی آنامیلا برابر ماللا ابولفضل گیله گئدیردیک، حیه تینه وارید اولاندان سونرا ماللا نین اؤز اوتاقینا داخیل اولدوق. آنام ماجرانی آچیب دییه- دییه اونده نه یومورتانی ماللا نین میزینین اوستونه قویدو.

ماللا ابولفضل کیتابی آچدی، اونلارین آراسیندان ایکی دووا سئچیب، یازیب، بوکه- بوکه دئدی: بونو سودا چارخالایب تویوقا ایچدیررسیز ،بو بیرسینده تویوقون بوینوندان آسدیرارسیز، ائله آسارسیز کی یئره دوشمه سین ،گوناهدی.

ائله اوگون کل عملییاتی تویوقون اوستونده انجام وئردیک، تویوقو اینیندن توتوب بوغازینا دووانان چارخالانان سویو ایچدیردیک، اوبیرسی دووانیدا بیر یاشیل پارچایا آنام تیکدی، بوینوندان آسلادیق.

او گونون صاباحی داها تویوق بیر جوجه نی دا اولسا داها وورمادی، جوجه لر اماندا قالدی، امما ندن تویوق هردن دوروب، بوینون اوزادیب بیر اوزون مددت جوجه لره باخیب !سونرا دن یئمه گه باشلایردی!!

گرگرلی آراز

+ نوشته شده در جمعه پنجم مرداد ۱۳۹۷ ساعت 9:9 توسط محمد علی برزگر(گرگرلی آراز)  | 4 نظر

کل دونیادا رژیم هوادارلارین خصلت لری!

کل دونیادا رژیم هوادارلارین خصلت لری!

آخشامی محلله ده بیر بویوک سس کوی قوپبوشدی، اودا بوندان عمله گلمیشدی کی حاجی حسن قولو دونیاسین ده یشمیشدی. بوتون قوم -اقراباسی گلندن سونرا ،قارداشلار مییت ین دوری برین آلیب، برک آغلاشیردیلار.

 هامیدان بتر حسنقولونون قارداشی محممد آغلایردی، اوجا -اوجا بایاتی چکیب، قارداشینا لایق سوزلر تاپیب دئییردی.

 بیردن مییت اولان اوتاقدان بیر نفر گلیب ،کفنی کوکله مک اوچون، بیر چووالدوز ایسته دی. محممد سسین کسیب ،ال آتدی بویکونون قیراغیندان چووالدوزو گوتوروب وئردی، یئنه دن باشلادی اوجا سسله اوخشاماغا، آمما بو سفر بئله دئییردی: آی قارداش! چووالدوز آپاران !گوزتده چووالدوزو ایتیرمییه سن ها ! گوزتده چووالدوزو ایتیرمییه سن ها !!ای وای قارداشیم ای وای!!

گرگرلی آراز

+ نوشته شده در جمعه بیست و دوم تیر ۱۳۹۷ ساعت 15:16 توسط محمد علی برزگر(گرگرلی آراز)  | 5 نظر

اوشاق ادبیاتی

بسم الله الرحمن الرحیم

اوشاق ادبیاتی

اوچونجو سای

تورک دیللی خالقلارین آراسیندا بعضی افسانه وی آدلارین آراشدیرمالاری شعر ایله


یازار:م-ع-ب-(گرگرلی آراز)


سیراق*


ایسته دی کی دارا شاه*،

ساقلارا حمله ائدسین.

اونلاری یئر اوزوندن،

مالین  جانلارین دیدسین.


ساقلاردا*بیرله شنده،

ساکس فور*اود شمشیریله.

سیماری *اوخ آتانلار،

اوآمیریس*لشکریله.


گلدیلر ییغیشدیلار،

بیرلیگی یاراتسینلار.

قارانلیقی گوی لردن،

اوزاق یئره آتسینلار.


سیراق آدلی مهترده،

یاخینلاشیب سویله دی:

دارا اوردون قیرماقا 

منیم نقشه م بئیله دی.


آمما ایه ر من گئدسه م،

ائولادلاریم آلاجاق.

اوغول، نوه، نتیجه م،

یاشایشدا قالاجاق.


حوکمودار قبول ائتدی،

آلدی سیراق پیجاقی.

قولاقلارین کسدی او ،

بورونداکی اوجاقی.


سونرا اودولا باسدی

جسمینه او یارالار.

آغ سینه ده بیلگده،

سوموگه جن آرالار.


سیراقدا دوشدی یولا،

گئتدی دارا  یانینا.

ساقلاردان شیکایتین،

آلا قانین قانینا.


چوخ آغلادی سیزلادی،

دارا سوزه ایناندی.

چوخ آغلایب سیزلاسان،

اوره ک حتمی سیناندی.


سیراق دئدی: ائشیددیم،

من آتلارا  باخاندا.

اوزه گلن بو آخشام،

ساقلار  اوردان  چیخاندا.


دوشرگه دن*چیخاجاق،

سیزه ساری گلسینلر.

تارلالاری*یاندیریب،

اوره کلری دلسینلر.


ایه ر سیزین اوردونوز،

کسه یولو گئدسه آز.

منده کی بلدجیزه م،

قیشیمیز اولاجاق یاز.


قاباقدان  بوغازلاری*،

توتاق بیرجه، بیرجه ده.

باغلی تیلوولا *توتاق،

قاچانماسین سئرچه ده.


سیراقین بدبخت لیگی،

غمگین ائتدی دارانی.

سوزلرینه ایناندی،

حربه دوردو آرانی.


اوندا سیراق ال گویه،

چاغیردی اولمه ز اودو.

اینتیقام او آلماقا،

توکون موقدس سویو.


اوجا سسله او، دئدی:

قراره گلدیم بویون.

دارا شاهین الیله،

آچیلاجاق بو دویون.


بویوک اوردو قورولدی،

مین باشی راسپوتانی*.

تعیین اولوندو باشجی،

اویاتدیلار یاتانی.


یئددی گون یئمکیله،

ووردو سوسوز صحرایا.

اوندا بولوندو بعلی،

اونلار  گلیب هارایا.


سیراقدان سوروشدولار:

بوردا نه بیر بولاق وار؟

نه وحشی  حیوان قوشلار،

نه بیر سیراق ، نه ساقلار؟


نه کی بیرده ایره لی،

نه ده گئری گئتمه گه ؟

نه سنی وادار ائتدی،

بو ایشی سن ائتمه گه؟


سیراق الینی آچدی،

برکیدن گولوب، دئدی:

من غلبه قازاندیم،

اوردونوز اولوب گئتدی.


ساقلاری من قوتاردیم،

ائلیمه قوتار دئدیم.

سوزوزلوقا دوشدونوز،

آجلیقا محکوم ائتدیم.


درحال وورولدی باشی،

جسمیدن آیری سالدی.

او هله ده یاشایر،

 یارادان *طرف آلدی.


ایندی ده هی دئییلیر:

سیراق، سیراق ، آی  سیراق.

اوخویور باخ سنیله،

چشمه  چایلار  مین بولاق.


سیراق-هم بیر شخص همده بیر بویوک امپراطور دوولت ،میللت آدی اولوب.

داراشاه-فارس پادشاهی

ساق-قبیله، تورک طایفا آدی.

ساکس فور،سیماری،اوآمیریس—ساق حوکمودارلاری

دوشرگه-اوردوگاه،قرارگاه

تارلا –مزرعه،اکیلن یئر

تیلوو-بیر نوع تله

راپوسبات-فارس اوردوسونون باشجی سی

یارادان--ایلاهه

+ نوشته شده در یکشنبه دهم تیر ۱۳۹۷ ساعت 11:58 توسط محمد علی برزگر(گرگرلی آراز)  | نظرات

نقدر مامد تکین لر وار امن امان لیق وار!

نقدر مامد تکین لر وار امن امان لیق وار!

مامد عمی چوخ گوزل بیر شخص دی، امما بیر ایرادی وار، اونادا هئچ ایراد دئمزلر. ایلک بینادان ائله قمار، اوینویاردی. اینقلاب اولاندا اللی یه یاخین یاشی اولاردی کی قیرخ ایلی ائله قماردا گئچمیشدی.

اینقیلاب اولور، هامیمیزا وظیفه دوشور کی بیر ایش گوره ک، مامد عمی ده اؤزونه وظیفه بولور اینقلابا قوشولسون، کومیته یه وارید ، اوردان اسلحه آلیر ،اوروج نامازین اورگه شیر، قیلماقا باشلاییر، خیلاصه بیر گوزل موسلمانا دونور.

گون اوگون اولور کی کئشیک لرقورولور، گشت اوچون مامد بیر ایکی مومن قارداشلاردان گوتورور او یئرده کی اخلاق سیز ایش لر حدس وورولور اورا گئدیرلر.

کول تپه یه یئتیشنده مامد گیل گورورلر قمار وار، قمار بازلاردا گوروب کومیته چیلر گلیر، بیر دیقت ایله باخاندان سونرا کومیته چیلرین اورتاسیندا مامدی گوروب چوخ اهمییت وئرمیرلر، بو خییالینان کی اؤز یولداشلاریدی قاچیب ائله میرلر،بئله خییال ائدیرلر کی اودا ایندی اونلارا قوشولاجاق.

نه قوشولماق؟مامد بیر گلن گئدن چکیر ،اوجا سسله بیر هارای تپیر، اده! سیز بولموسوز کی قمار اویناماق حرامدی؟ بیر- ایکی گول له، هاوایی گویه آتیر، قمار اوینویانلار بیر هراسان اولورلار کی گل گوره سن .

او گون کول تپه ده هرنه آختارسایدین تاپا بیلردین، باشماق- ساعات- قیزیل زنجیر- اوزوک –عینک- چوخلو پول- قمار وراقی- کاپیشن-..... .

امما آخشامی کومیته ده ،قارداش احمدین میزینین اوستونده ،کول تپه آختاریشیندان، گئچل رجب علی نین ساختا باشیندان، بیرده بیر- ایکی جوت تای کش باشماق- چوسته دن، بیر- ایکی جوت جوراب تایی -دسمالدان ساوایی بیر شئی یوخودو.

احمد قارداشیمیز پرونده یازماقدا ،مامدین یولداشلاری مامد ایله برابر بو بیرسی اوتاقدا ناماز قیلماقدایدیلار!اللاه اکبر...!اللاه اکبر...!!

گرگرلی آراز

+ نوشته شده در پنجشنبه سی و یکم خرداد ۱۳۹۷ ساعت 19:55 توسط محمد علی برزگر(گرگرلی آراز)  | نظرات

ندن اوزاقی گورک؟!

ندن اوزاقی گورک؟!

تاقایوتچی بیر آداملاریق ،بیر یئر آختاریریق اوردا بیر آز دالدالاناق. تعزییه یئرینده چوخ اوتورموشدوق، چونکو ناهارا اوتورمییاجاقیدیم، ایسته دیم  واقتی بیلم، ناهارا بیر آز قالان اوردان دورام.

 ها مچید دیواریندا ساعادا باخدیم، اونو اوخویا بیلمه دیم .یانیمداکی حوسینه، دئدیم: حوسین آغا دیواردا ساعادا باخ گوره ک نئچه دی ؟حوسین ها گوزلرین دیره دی، امما ساعادی اوخویانمادی، آخیردا یانینداکی محممد عمی دن خبر آلدی: محممد عمی او دیواردا ساعادی بیر اوخو، بیلک نئچه دیر؟محممد عمی جیبیندن عینکین چیخاردیب گوزلرینه ووردو، امما یئنه دیواردا ساعادی اوخویانمادی، بیرده عینکین چیخاردیب آرخالیقین اوجیله تمیزله یب گوزلرینه تاخدی، امما یئنه آلینمادی. بوینون ایره لی اوزادیب ،گوله- گوله، دئدی: حوسین اوخویانمیرام، صبر ائله، ایندی ساعادی بیله ریک! محممد عمی یانینداکی حاج ایرضایا، دئدی: حاجی سن اللاه باخ گور ساعاد نئچه دیر؟حاج ایرضا گوله- گوله، دئدی :واللاه گوزلریم گورمز، امما سیزه ساعادی دئییمدا! جیبیندن جیب تیلفونون چیخاردیب، بیر دویمه سین ووردو، بیر قیز اوجا سسله، دئدی: اون بیر یاریم تمام .

 خیلاصه ساعادی بیلدیک، کی دوروب مچیددن گئتمه لییک! امما اونودا بولدوق کی هئچ بیر آدام -جاماعات داها اوزاقی گوزلری گورمور!!

گرگرلی آراز

+ نوشته شده در سه شنبه بیست و نهم خرداد ۱۳۹۷ ساعت 14:27 توسط محمد علی برزگر(گرگرلی آراز)  | نظرات

برجاما بیزیم مورتوضو گوندرین

برجاما بیزیم مورتوضو گوندرین

صفر اوغلو مورتوضون حیه تیندن، بیر اوتوز مئتیر یولا گئدیردی. شهرین بلدییه سی محلله ده هامیله دوزه لیشمیشدی، یالنیز مورتوض قالیردی ،اودا تس لیقا سالمیش چوخ ادعاسی واریدی.

 خیلاصه اوگون مورتوضدان ایسته دیغین سوروشوب ،مورتوضدا بیر اوزون کاغیذدا یازیب، بلدییه رئیسین میزینین اوستونه قویموشدی، رئیس کاغیذی آچیب- اوخویاندا، مورتوض یازمیشدی.

1-مین بش یوز مئتیر یئریم وار، ساختیمان دوزتمک اوچون، پروانه وئریلسین .

2-اوچ یوز میلیون تومن حئسابیما توکولسون.

3-اوتوز مئتریم گئدندن سونرا ،حیه تین دال طرفینده یوز مئتیر زیر بنا دوزه لینسین.

4- بیر اوغلوم وار، بلدییه ده ایشه گوتورلنسین.

................................................

.................................................

...................................................

15-موگورونی خانیمیله منیم آرامدا بیر گوروش تعیین اولونسون.

16-ترازی می ایله......

17-ترامپ گره ک......

18-.........

بلدییه رئیسی داها اوخومادی، اوز دوندریب مورتوضا، دئدی، سیز ائله بیل باریشما گلمه میسیز! سیز اؤز آرزولاریزی یازمیسیز!!

گرگرلی آراز

+ نوشته شده در چهارشنبه شانزدهم خرداد ۱۳۹۷ ساعت 21:14 توسط محمد علی برزگر(گرگرلی آراز)  | نظرات

یونگول چکی داشلار!

یونگول چکی داشلار!

مککه زامانی پایتخت ده، فرودگاهدا اوتورموشدوق، آیروپیلانا مینمه گی، گوزتله ریردیک.من اینتیظار سالونوندا ائله یئرده اوتورموشدوم کی اونون کاناریندا بیر قاپاندا، واریدی. هردن بیر- ایکی نفر، گوله- گوله گلیب ،اوزلرین اوردا چکیب ،گئدیردیلر. هردن بعضی سی اؤز ماللارین- چانتالارین چکیب، میزان لادیردیلار. ائله منده اونلارا تاماشا ائدیردیم تاکی واقت، سوووشسون.

 بو آن ایکی خانیم اورتا سین لی قاپانا یاخینلاشیب ،بیر- بیرینین اوزونه باخیب، گولوشدولر. بیری بیرینه گوز ائیله دی کی گئچ قاپان اوستونه، گوره ک چکین نه قدردی؟

 خیلاصه بیری قاپان اوستونه گئچیب ،بو بیرسیده اوخودو: 73 کیلو 250 گرم. قاپانا چیخان، دئدی: آی قیزا 73 کیلو، 73 کیلودی او 250 گرم داها نه دیر؟ یئرده کی خانیم گوله- گوله، دئدی: نییه بیلمیرسن؟ اودا سنین شئی ین چکیسیدیدا! قاپانداکی، دئدی :آقیز بو قاپان هاردان بیلیر منیم کی 250 گرمدی؟! بیر آرالاریندا گول ها گول دوشدی، اوردان اوزاقلاشدیلار.

من اؤز- اؤزومه فیکیرله شیردیم، او 73 کیلو آراسیندا او 250 گرم ائله بللی ائله مز، امما بعضی یئرده دوغوردان اؤزوبیر بویوک چکی یه دونور. میثال اوچون سنین او 73 کیلو بیر ایداره ده ،ماآشین -آیلیقین اولسون ، او 250 گرم سنین رشوتین! آی باشی باخیب گورورسن او 250 گرم گلیب او 73کیلونو یوز قات آشیب، ایره لی گئدیب.

 نئجه کی 73 کیلو خانیملاردا او 250 گرمین اوستونده دولانیب –فیرلانیر، ائله ایداره لرده ده آیلیقالار، او 250 گرم ،ای وای باخیشلایین او رشوتین اوستونده، دولانیب- فیرلانیر!!

گرگرلی آراز

+ نوشته شده در یکشنبه ششم خرداد ۱۳۹۷ ساعت 10:3 توسط محمد علی برزگر(گرگرلی آراز)  | نظرات

اعتراض

  
کتاب موج یا نهنگ ...یدالله مفتون امینی دن 
واخواست شعری ص 35ترجمه سی 
  
اعتراض 
  
قیزیل سیز بیر کیشی 
ائلییه بیللم اولوم 
آرواد سیز بیر کیشی 
ائلییه بیللم یاشییام 
دینی اولمادان بیر کیشی 
ائلییه بیللم اولوم 
وطن سیز بیر کیشی 
ائلییه بیللم قالیم 
آمما 
او  اولکه ده کی بیر ویجدانین ایشه گوتورلمه سی 
یالنیز ایکی خط ایسته ییر بیر موهور 
اورداکی بیر داغین زیروه سینده نفس آلماق جریمه سی 
بیر تاریخی قره لمکدن آغیردی 
اورداکی سیلل توتموش اوشاقین اولدورولمه سی 
بیر بالیق توتمادان آساندی 
اورداکی بیر آزاد اوره یین قانی 
بیر آبیر آپارانچیلیق کیرشاندان اوجوزدی 
  
من اوردا هئچ ائلییه بیلمه ره م قالام 
هارای سیز بیر کیشی 
  
گرگرلی آراز 
+ نوشته شده در سه شنبه بیست و پنجم اردیبهشت ۱۳۹۷ ساعت 13:31 توسط محمد علی برزگر(گرگرلی آراز)  | نظرات

آذربایجان روزنامه سینه بیر جواب

آذربایجان روزنامه سینه بیر جواب

آذربایجان روزنامه سی بیر یازیدا عنوان ائدیرکی:

نصب تندیس یکی از عوامل قتل آیت اللاه شیخ فضل اللاه نوری (محمدعلی تربیت)در تبریز.....تاریخ 8اردیبهشت ماه 1397

حایف کی بویوک آداملاری تخریبات ائتمه ییله آدام بویومه ز هئچ، بیر آزدا چوخ آلچاق آداما دونر.


محمد علی تربیت

 معاصر یازیچی -سییاست چی -ژورنالیست محمدعلی تربیت

محمدعلی تربیت از زبان امیرخیزی

شادروان حاج اسمعیل امیرخیزی تبریزی کاتب ستارخان سردار ملی که خود از مشروطه طلبان و ادیبان تبریزی و نیز، از دوستان بسیار نزدیک محمدعلی تربیت و در زمان مرگ او رئیس دبیرستان دارالفنون بود، درباره اخلاق وی چنین نوشته است:

"مرحوم محمدعلی تربیت به شهادت تمام فضلا و دانشمندان آذربایجان و طهران دارای اخلاق ستوده بودند چنانکه از ریعان جوانی تا زمان کهولت هیچگاهی گرد ملاهی و مناهی نگشته و با نهایت تقوی و پاکدامنی زندگانی کرده حتی به دخانیات نیز لب نیالوده‌اند و همین تقوی و پاکدامنی در امور اجتماعی و ملی نیز پیوسته با ایشان همراه بود و با آنکه غالبا" مصدر کارهای مهمی بودند دیده و شنیده نشده که دامن توقایش را گردی نشیند یا آیینه اعمالش را زنگی گیرد...در شدت و رخا و در سختی و رفاه همواره یکسان بود. نه خاک نیستی از آتش همتش می‌کاست و نه آب هستی بر باد نخوتش می‌افزود.... با آن‌که روزگار چنان‌که عادتش بوده با وی سازگار نبود و در نهایت سختی روزگار می گذرانید، با وجود این چنان عزت نفس به خرج می‌داد که کسی نمی‌توانست گمان بکند که این مرد عزیزالنفس را سرمایه‌ای به‌جز از قرض در دست نیست و هرگز پیش یکی از دوستان نزدیک خود هم لب به شکایت باز نمی‌کرد.... گذشته از مراتب فضلی و اخلاقی، شخص شیرین زبان و خوش بیان و مجلس آراء بود و در محفلی که حضور می یافت ممکن نبود که در آن انجمن یک شور و شعفی تولید نکند و در وعده های خود صادق بود و بی جهت نیست که تاریخ وفاتش (تربیت صادق الوعد) بود. دریغ که برفت و دوستان خود را مادام‌العمر در میان آتش تأسف جای داد."(آنامین بالاسی وئبلاگیندان)

اوز توتوب بو روزنامه ده (آذربایجان روزنامه سینده )اولانلارا،کی بیر دفعه ده اولسا، تبریزده تربیت کیتابخاناسینا بیر باش ووراسیز، اوردا بیر درین نفس چکیب، محمدعلی تربیت مقامینا پی آپاراسیز.حایف کی روزنامه زین آدین آذربایجان قویموسوز !حایف!!

گرگرلی آراز

+ نوشته شده در یکشنبه نهم اردیبهشت ۱۳۹۷ ساعت 14:53 توسط محمد علی برزگر(گرگرلی آراز)  | نظرات

مسئوللاریمیزین-مدیرلریمیزین حیه ت لرینده خیزلیق* وار؟!

مسئوللاریمیزین-مدیرلریمیزین حیه ت لرینده خیزلیق* وار؟!

قبادین قیافه سینه باخاندا، آدام حال حئیران قالیردی. قباد هارا ؟او ایش هارا؟! هممشه بیر سرمه یی خوت شالوار، موللا یاخا آغ کوینک اینینده،  باش فر، ساققال داراقلی، چاتما قاش ،هر بیر گوزل شئی ده سن، اوندا بیرداناسی تاپیلاردی.

 خیلاصه هامیله آراسی سازیدی، امما بیر الی ایریلیقی واریدی، اودا باش وئرنده، او اوغورلوقو گتیریب ،حیه تلرینده خیزلیقدا قویلاردی!

 او گون پاسگاهدان توکولوب ،قبادی توتوب، الی باغلی آپاریردیلار. ماشینا میندیره- میندیره اوز توتوب جاماعاتا ،دئییردی: واللاه بیلمیره م هر کیم نه اوغورلوق ائله یر! گتیریر بیزیم بو خیزلیقدا قویلاییر!!

گرگرلی آراز

+ نوشته شده در چهارشنبه پنجم اردیبهشت ۱۳۹۷ ساعت 21:46 توسط محمد علی برزگر(گرگرلی آراز)  | نظرات

سیز آللاه پایتختین بلدی یاشقانین(شهرداریسن)منه وئرین!

سیز آللاه پایتختین بلدی یاشقانین(شهرداریسن)منه وئرین!

من بو وئبلاقدان پایتختین شورا عضولرینه اوز توتوب، دئییره م: ایه ر منی بلدی باشقانی سئچه بیلسه ز ،بو پیلانلاری یئرینه گتیریب، ایره لی آپاراجه یم.

1-وطن مالی ایشلتمک اوچون، بلدییه فعله لرین باشماقلارین، قالیش –چاریقدان، لیباسلارین بئزدن تیکیله جک.

2-آقتوبوس واحید شیرکتینین سندیکاسین، داغماداغین، اوزده ده اولموش اولسا، کسیلیب باغلاناجاق.

3-گئچمیش بلدییه لری بیرده بلدی باشقانین قوولوقلارین(پرونده لرین)آچماییب، اونلاردان حتتا مشورتده ،آلیناجاق.

4-بوتون خیابانلار-کوچه لر-میدانلار -دولتی مکانلارین آدین پوزوب، قالایچی مورتوضون ده ده لیکی شیخ آغا نین توسطیله –ایزلیله، یئنیدن آدلار اینتیخاب ،آداملاریمیزین یاراشیقلارینا گوره آد ،وئریله جک.

5-تزه دن بوتون بولوارلاردا آغاجلاری چیخاردیب یئرینه گوز آغاجی اکیب مئیدانلاری کوکوندن دکورون عوضله دیب اورتادا هیکللری(مجسمه لری)داغیردیب شاهنامه دن الهام آلاراق یئنیدن تیکیله جک.

6-فرهنگ سرالارا خشله مک عوضینه ،او ایمامزادالار کی عمری اوچ مین ایلدن چوخدی سرمایه گزارلیق، اولاجاق.

7-ثابت ایشجی ساخلاماماق.

8-بلدییه بودجه سیندن سیزین  آداملاریمیزدان خارجه ،گوندرمک.

9-تحصیلی بورسییه لری- تخصصوصی کیلاسلار گورمک، ایسته دیقیز آداملار اوچون.

10-ایشجی لرین ایش بابتیندن قدرتلرین یوخاری آپارماق اوچون،اولکه میزده  دانیشگاهلارین بیرینن، قرارداد باغلایب ،مدرک آلیناجاق.

11-بله دییه اوچون ایشچی خاریجی میثال اوچون افغانلی، ایشله دیله جک.

12-فرهنگی آموزش، بلدییه ایشچی لر اوچون کی کیملره احترام قویماق،کیملره یوخ.

13-پایتختین سویون، اورمییه دریاچاسیندان، گتیرمک.

14-توکانچیلارا ساتیش بابتدن قیمت، وئرمه مک.

15-ترافیکده یالنیز، ایران خودرونون ماشینلاری گلیب- گئتمک.

16-آب فاضیلابین کوکون قوروتماق.

17-شهرده ساختیمانلاری دوزلدن یئرده، بیر پولی آلیب دوزه دیلمه ایجازه سین، وئرمک.

18-سئچوولاری توتوب تویوق ساتانلارا تحویل، وئرمک.

19-غسسالخانالاری شهرین ایچه ریسینه گتیرمک، امواتی قدیم یولیله چییین ده آپارماق.

20-سئچیم لرده منه دیکته ائله ین شخصه ،فعالییت گوسترمک.

21- اوز بویوگومه گوزل نوکرچی لیک ائله مک!!

22-..........................................................

23-......................................................

گرگرلی آراز

+ نوشته شده در دوشنبه بیست و هفتم فروردین ۱۳۹۷ ساعت 10:21 توسط محمد علی برزگر(گرگرلی آراز)  | نظرات

چوره یی هانسی فییاتا ییه ک؟!

چوره یی هانسی فییاتا ییه ک؟!

علی بئی تزه پایتخت دن گلمیشدی، چایخانادا یاسلاشدیق. سلام علیک ائله یندن سونرا، گئچن هفته باشینا گلن لردن بیرین آچیب، دئدی. او، دئییردی: گئچن هفته بویونکو گون، بیر شنلییه چاغیرمیشدیلار، اوردان قورتولاندان سونرا، قارداشیم بیرده عایله سی بیرگه، بیزه گلدیلر. یولدا یادیما دوشدی کی میوه میز، یوخدی.

 یول اوستو بیر میوه توکانیندا ساخلادیم ،ائله اوجور توی لیباسیندا کراوات لی، توکانا وارید اولدوم .بیر- ایکی- اوچ جوره یئمیش لردن سیفاریش وئردیم، توکانچی دا ییغیردی، اورتادا اوز دونده ریب منه، دئدی: آغا، ایه ر بیرده بوجور، یعنی کراوات لی توکانا گلسه ز، سیزه یئمیش ساتمایاجه یم !بیر ناراحاند اوزونه باخیب، بیرده دیقت ائله دیم، بیردن یادیما دوشدی کی شاه زامانیدا بیر سفر بو توکانا گلمیشه م.

 اوز توتوب توکانچی یا ،دئدیم: توکانچی قارداش یادیندادی شاه زامانی بیر سفر بورایا گلمیشدیم، سن میوه لری چکه -چکه منه دئدین آغا بیرده بوجور یعنی کراوات وورماسان! سیزه میوه وئرمییه جه یم!!

گرگرلی آراز

+ نوشته شده در دوشنبه بیستم فروردین ۱۳۹۷ ساعت 21:21 توسط محمد علی برزگر(گرگرلی آراز)  | نظرات





    بؤلوم:
آرشیو
سون یازی لار
یولداش لار
سایغاج
ایندی بلاق دا : نفر
بوگونون گؤروشو : نفر
دونه نین گؤروشو : نفر
بوتون گؤروش لر : نفر
بو آیین گؤروشو : نفر
باخیش لار :
یازی لار :
یئنیله مه چاغی :