یئر اوزونون ملگی..............

آتامین اولومونن سونرا بیرینجی دونه دوغولوب بویا باشا چاتدیغیم کنده یولوم دوشموشدو آتام کندین اوجقار یئرینده فرهاد کیمین داغ یاریب آوادانلیق سالدیغی گونلر هله ده وار گوروب بیلنلرین دیل ازبری اولموشدور؛ ائویمیز اوچوب داغیلسادا هر اوچوق دوواری منیم چین خاطیره دوغرولدو؛ایلکن دوغولدوغوم ائوین تاقچاسینی خاطیرلاییب الیمی اوزاداندا اوستاد شهریار دئمیشکن کئچن گونلریم سینما پرده سی کیمین گوز اونومه گلیردی؛یادیمدادیر کورپه چاغلاریمدا ایاغیم آلتینا تاخدا تاباغی قویوب او تاقچادان نه ایسه گوتوره بیلمه ینده یخیلدیغیم یئرده قالمیشدیم؛اوزاقدان اوزاغا اونکوروب آغلاماغیمی ائشیدن آنام بیله مه چاتان کیمین جان بالا گلدیم دئییه هاراییما چاتمیشدی؛سویوق تندیریمیزه باخیب کدرله نه رک اونون ایستی لیگینی هله ده یئدی قاتیمنان دویوردوم؛اورادان کورپه لیگه(قوزولوق) کئچیب چپیشلری قیدیغلادیم گونلری یادیما سالیردیم؛طویله کئچنده بیر اوجدان بو بیزیم آلا گوز اینگی باغلادیغیمیز گو بند؛بو بیزیم جوت اوکوز باغلادیغیمیز آخور؛بو بیزیم ائششه گیمیزی بندائله ییب باغلادیغیمیز دیرک؛اوزومنن اللی ایله یاخین یاشادیغیم خاطیره لریمی بیر دونه گوز اونونه گتیریردیم؛ سونموش اوجاغیمیز قارشسیندا اوتوروب باشی چارقاتلی آنامی خاطیرلایا خاطیرلایا اوزومنن آسیلی اولمایاراق آغلاماغا باشلادیم؛مین خیال ایچینده آتامین سون تاپیریشیغی یادیما دوشن کیمین گوز یاشلاریمی سیلیب خارابا دام دئشدن چوله چیخمالی اولدوم؛گزه گزه بولاق باشینا گئدیب ال اوزومو یوسامدا اورادا گنج ایکن قیزلارا اوجه شیب اوستلرینه سو آتدیغیم گونلر یادیما دوشوردو؛نهایت درین سکوتا گئتمیش کندین قبیرستان قاپیسنا گلیب بیر اهل قوبول فاتحه سی وئره سی اولدوم؛مزارلیغا داخیل اولان کیمین سانکی اولنلرین اوزو دونیادان دونرکن منیم سسیمه سس وئرمک ایسته میردیرلر؛اوزگون پوزقون مزارلیغی گزه گزه هربیر کوهنه مزارداشینی گورنده خییالیما گلیردیکی آختاردیغیمی تاپمیشام؛ ؛سوندان یادیما دوشن کیمین اوز اوزومه دئییردیم آتام سون تاپشیریغیندا مزارین نم نیشانی ایتمیش سویله میشدیر؛مزارلیغی دولانا دولانا اوز اوزومه دئییردیم نیشانی داغیلمیش بیر مزاری نئچه تاپماق اولار؛چوخلو آختاریب یورولان نان سونرا قصد ایکن مزارلیقدان چیخماق ایسته دیم؛ایاق گوتوروب بیر ایکی بئش اون آردیم گوتورمه میش ساندیم مزارلیقدان سسیمه سس وئررک نه آختاردیغیمی سوروشورلار؛قاییدیب سسه دوغرو گئدنده اوجا سسینن دئدیم بو مزارلیقدا آتامین توپراغا تاپشیردیغی بیر یئر ملگی واردی؛یئنی دن سس قولاغیما قاییداراق آندیم کی سوروشور آتانین توپراغا تاپشیردیغی بالادان نم نیشان سویله کی بلکه بیله نه یاردیم ائله یه بیلدیم؛سس هارادان گلیر دئییه واهمالانان کیمین دیلیم توتار توتماز دئدیم آتامین بو مزارلیغا تاپشیردیغی بالانین آغ گئییمی؛قولاج ساچلاری؛آی بنیز اوزو؛ اولاس گوزلری؛خوش یئریشیگی اولموشدور؛سوزلریم قورتاریب قورتارمامیش گوردوم قولاغیما گلن گوی قاتلارینا اوزاقلاشا اوزاقلاشا دئییر؛گئد آتانا دئنن کی او یئراوزونون ملگی ایندی گوی ملکلرینه قوشولوب سونسوزلوق قاتیندا گیزلین یاشاماق ایسته ییر............

اتک یازی

بو حکایه نی گنج ایکن آتامین قوجاغیندا جان وئرمیش اقدس آدلی بالاسینی(باجیم) خاطیرلاییب یازدیم کی ایندی ایسه مزاری ایتگیندیر؛

+ نوشته شده در جمعه بیست و نهم اسفند ۱۳۹۹ ساعت 19:28 توسط (قلئی چی مورتوض)  | یک نظر

بوش سیفرا...............

هر گون اولدوغو کیمین بوگونلریده تلیسیمی(کیسه)گوتوروب بلدییه قولو چوماق ایشچیلری گورمه سین دئییه محلله زیرزیبیل توکولن یئری آختاریردیم کی بلکه بئش اوچ تومن تاپیب اوشاقلارا چورک پولو ائله ییم؛

ناهار آذانینا بیر آز قالمیش حیات یولداشیم جان بی نفس اوزونو منه یئتیردی آی کیشی نه یئرده سن؛

ائوده اوشاقلاردان نیگیران قالان کیمین سوروشدوم کو خئیر اولا؟

آرواد بیله می هیجانلی گورن کیمین دئدی نیگران اولما خالان اری ایسگندر بازار ایچین نن آدام یوللاییب کی یوبانمادان بوش سیفراسینیزی گوتوروب شهرین میدانینا گله سن؛

دئدیم آی آرواد الدن قوی باخ شهرین میدانیندا نه خبر اولا بیلر؛

آرواد هایا باسان کیمین ایضاح وئردی کی ائله بیل بو دونه ده هممشه در صفده جاماهات کوچه لر توکوب ایسلامی حکومتدن حاق طلب ائله ییرلر؛

خالام اری خئیرخواه آدامدیر دئییه آروادینان ائوه قاییدیب تلیسی قاپیدان ایچری آتاراق دایانمادان شهرین میدانینا دوغرو یولا دوشدوم؛

کسه دونوملرینن مقصده گئدنده یاری یولدا کوینه چی غفرده(غفار)بیله مه قوشولوب یان یانا گئتمه لی اولدوق؛

یول اوزونو کوینه چی غفرینین سوز آل وئری ائله یه ائله یه گئدنده هردنده بیله منن سیراوی زارت زورت یئل چیخیردی؛

زارتیللادیب ایریز ایتیرمه گیچین کهلیک کیمین قاققیللاییب سوز آراسینا سوز قاتاراق اوستوراغیمی دا گیزلتمک ایسته ییردیم؛

کوینه چی غفرده زارت زورتومو ائشیدیب سوز آراسی ایتیرمک ایسته ینده لاپدان بیله مه سورقو وئردی کی اشی اوزون نه فتده سن؛

غفرکیشی نین سوزو قورتازرمامیش یئنی دن بیرین الدن قویان کیمین اوتانا اوتانا دئدیم؛

آی غفر کیشی دای سوروشماکی بی ادبچیلیکدی ناواخدیر بو شوقریب گوتومون قورخوسون نان آدام ایچینه زادا چیخا بیلمیرم؛

کوینه چی غفر علاوه دن سورقو وئرمگ ایسته ینده قاباقلایاراق دئدیم اللاه دان گیزلین دئییل سن نن نه گیزلین ناواخدیرکی آغیر ایش اوجوباتینان گنله رک اوستوراقلاریمی ساخلایا بیلمیرم؛

من گوتوم سوزومه باخمیردئییه دئییه یولوموزا داوام ائله یینده غفر کیشی نین دوداغی قاچان کیمین لوغالانیب دئدی بس سنین ده گوتون زحمت کش مسئوللاریمیزکیمین سوزه باخمیر هه؛

ائله بو سوزلری بیربیریمیزینن آل وئر ائله ینده لاپدان کوچه لره آخین ائله ییب شوعارلار سسلندیرن جاماهاتا قوشولدوق؛

اعتراضچیلار بوش سیفرالارینی قالدیریب بئله بیر شوعارلاری

سیفرامیزا نان وئرین

نان وئرین آمان وئرین

سورییه دن یمن نن

گئری دونون یان وئرین

سسلندیرنده منده اللریمی قالدیریب خالام اری هارداسان دئییه باغیریردیم؛

باسا باس جاماهاتی یاریب قاباغا کئچنده بیر آن ایسگندرقارشیما چیخاراق باشیما قیشقیردی کی بس هانی بوش سیفراز؛

اللریمی یئنی دن گویه قالدیراندا اوجا سسینن دئدیم؛

بیزده سیفرا وار آخیییییییی..........................

+ نوشته شده در جمعه بیست و دوم اسفند ۱۳۹۹ ساعت 18:48 توسط (قلئی چی مورتوض)  | یک نظر

آی منیم یازیق تکه م...........

ن یادیما گلن نن پئشه کار سایاچی کیمین ائوده آروادینان عاغیل عاغیلا وئرنده بو قرارا گلدیک کی بو ایللری قیشین سونو دئییه باش کنده گئدیم؛چونکو ائشیتمیشدیم کوچکون خالقیمیزین یوزه اللی فاییزی باش کنده کوچه رکن شهره یاماق اوجقارحیصصه لرینده یاشاییرلار؛قورقوتازلی تاخدا تکه می گوتورکن آفتابوسونان گئدیب مقصده چاتمالی اولدوم؛بایرام قاباغی بئش اوچ تومن الده ائله مه گیچین سالیق سوراغینان گئدیب آدی گئدن شهرجیک لرین بیرینی تاپدیم؛نئچه گون کوچه لری آشاغی یوخاری دولانیب تکه می اویناداراق سایالار قوشاراق؛

تکه م تکه م گول تکه م

ساققالی سونبول تکه م

ائوین هیسین توکگونن

تزه له نیر ایل تکه م

***

قارا باغی آلدیلار

اوردا ظفر چالدیلار

گویده اوچان قارتالی

گولله آتیب سالدیلار

داها جوشقو ایلا بایرامین گلیشین ائللره چاتدیریب خالقیمیزین نایلییتلرینن سوز آچاراق بئله قوشقولارینان سوزومو داوام ائله ییردیم کی بلکه ائشیدنلرین ماراغینا سبب اولسون؛

تکه م تکه م زنگیلان

زنگیلاندا یول قوران

بو تایدان سئوینج ایله

او یئرلره بویلانان

***

تکه م تکه م لاچین وار

کلبه جر وار لاچین وار

آزاد اولدو یوردوموز

دای دئمه رم قاچقین وار

نئچه گون قوشقولاریمی قاپی قاپی اوخویوب جاماهاتا موراجیعت ائله ینده اونلاردا یاد باخیشلارینان بیله مه دوداق بوزوردورلر؛هردنده کوچه بازار اوشاقلارینین قاللاغینا معروض قالاراق هله لیک تکه می آلماسینلار اوز دالدالیغا ووروب یولومو چئویرمه لی اولوردوم؛نهایت بیر گون کوچه لرینده بیرینده یئنی دن؛

تکه م تکه م جبراییل

خان کندی وار؛ جبراییل

آتیلان گولله لردن

یاتان قارداشیم آییل

***

تکه م تکه م خوجابند

خوجالی دیر خوجا بند

شوشا داغلارین دئییر

بو تایدان بیزیم سهند

بو قوشقولاری علاوه دن اوخویوب سس کوی سالاندا لاپدان محلله اوشاقلاری بیله می هایا باساراق قاچیب بیر آهیل آغ ساققال کیشی نی توکانینا گیرمه اولدوم؛آهیل کیشی بیله می پوزقون حالدا گورن کیمین اورک دیرک وئره وئره یانیندا اوتوردو؛بیر چاشقا چای وئرن نن سونرا هارالی اولماغیمی زادیمی سوروشوب بیلن نن سونرا درین خیالا گئتمه گی منیم دیققتیمی چکدی؛هاچاغدان هاچاغا اوزونه گله رک الین چینیمه قویوب دئدی اوغلوم سن اوشاقلارین هایا باسماقلارین نان گیلئیلنمه بلکه ده بیز ایتیردیگیمیز پارلاق مدنییتین گوناهکاریق...............................

+ نوشته شده در جمعه پانزدهم اسفند ۱۳۹۹ ساعت 18:51 توسط (قلئی چی مورتوض)  | یک نظر

میلتینده آدی............

اللاه بو آروادا نهلت ائله سین اون یول دئدیم بیز بورس زاد اویونونو باجارماریق؛سوزومه باخمایان کیمین بئش اون میلیون تومن گور کفن پولوموزو گوتوروب بورس بازلیق اویونونا گیرمیشدی؛اوچ دورد آی گئد گل ائله یین نن سونرا سرمایامیزین اوچ دن بیرینی اودوزاراق کور پئشمان قاییدیب گوته اوتورموشدو؛منیمده یانیماطیییییییییی ساغچی و سولچو شخصیتلری گل گئد ائله ییرک اون ایکینجی دونه پئرزدنت سئچگی لری دئییه هانسی قوروپا سس وئره جکسن؛نئچه واخت باقاق بانکیدان زنگ ووروب کیریدیتلریمیزین(اقساط)دالا دوشمه سینی دئیینده ال ایاغیمی تیترتمه گه دوشن کیمین اوز اوزومه دئدیم ائله بیل بو دونه قایقی کئش دولتیمیز ائویمی الیمدن آلماق ایسته ییر؛سحر تئزدن قوجاقلیق پئسییا کارتیمی آروادا وئررک دئدیم یوبانمادان آپاردالا دوشن بانک کیریدیتلرینی وئرگینن؛ائو آدامی صبح آذانیندا گئدیب ناهار ایستیسینده گلنده قارقوش ناله دیکی بانکین قاباغیندا برق گاز و سو پولو توکن جاماهات بیربیرلرینی باساراق منیم ده قول قابیرقامی ازدیلر؛آرواد آف توف ائله ینده گولومسه ییرک بیر حیکایه نی یادیما سالدی؛ کئچمیشده ترس آوا کند ساکینلی هم یئرلیمیز توبوزر خالا وار ثروتین تالادیغی کئچمیش ارلرین نن بیر ایکی اوچ اوشاق توتسادا اوچونجو دونه اوزاق کند ساکینلی عین آدلی بیر هانپا کیشی یه اره گئدیر؛گئدیگی ائویده بیر ایکی ایلین ایچینده داغیدیب نهایت عین اله کیشینی ترس آوا کندینه گتیرمه لی اولور؛زامان گئدیشاتیندا توبوزر خانیم وار یوخون الدن وئرن عین اله نی قیسناغا قویاراق نهایت بیر کیمسه نین یانیندا نوکر قویمالی اولور؛گونلرین بیرینده قویون قوزو اوتاران هانپا عین اله کلفین باشین ایتیرن کیمین جان کوینه گینی ترسه گئییر؛یانچی یولداشی عین اله کیشینی جولوز گوروب ندن کوینه گینی ترس گئیمیسن سورقوسون بیله سینه وئرنده یازیق اوز دوره سینه دولانا دولانا دئییر والله کئچن ایل کوینک گئمه گی باجاریردیم امما بو ایل یادیمنان چیخیب..........................

+ نوشته شده در شنبه نهم اسفند ۱۳۹۹ ساعت 20:43 توسط (قلئی چی مورتوض)  | 2 نظر

ائششه گیمده فارس ائله رسیز.................

نئچه گون قاباق سو سووارماق قصد ایله بئل چکمه می گوتوروب کویشنه گئتمه لی اولدوم؛زمی یه چاتارکن اوزدن ایراق اولاغی هامارا اوتوروب یول قیراغی یونجالیغیمیزدا ورگانی چئویررک ایشیمه داوام ائله ییر دیم؛ناهارا یاخین بیر آغام تول پراید ماشینی قانشاردا ساخلاییب زنن اوشاق آشاغی توکولن کیمین ائششه گی دوره له دیلر؛بیزیم بو شو قریب اولاغ دا حاللی باللی شهر زنن نینی گورن کیمین آنقیرماغا باشلادی؛باشیمی قالدیراندا گوردوم شهر زننی ماشینداکی سوروجویه های باسیرکی حججت آغا حججت آغا خر و ببین؛حججت آغادا ماشین نان انه رک یانیما گله گله دئدی کی بابام این خر نیست هم کلاسی دوران بچه گیم قالایچی مورتوضه؛اوشاقلار ائششه گینن شکیل زاد چکنده سوروجو بیله مه چاتاراق گوردوم اوشاقلیق یولداشیم حوجو بالادی؛مازاقلاناراق دئدیم حوجو بالا باش کتده ائششه گه خر دئییرلر؛ایکی یولداش اوپوشوب گوروش ائله یندن سونرا یئنی یئتمه چاغلاریندان باش کنده کوچموش حوجو بالانین ایش پئشه سین نن سوروشاندا بللی اولدوکو بلدییه ایداره سینده زیبیل ماشینی نین سوروجوسودور؛بیله سینه بیر قفدان چایی انده رنده حیات یولداشینا های باسدی کی زری زری این آغا همان رفیق دوران بچه گی من هست که طیییی مدرسه دن قاچیردی؛خیلاصه ار آرواد بیله مه ساتاشیب گولوشنده اوشاقلاردا ائششک قاریشیق دوره میزی آلدیلار؛حوجو بالا اوشاقلارینان تای دئشیک دیلینده دانیشاندا سوروشدوم حوجو بالا کورکوچوک اوزوون دئییل می؟ ؛حوجو بالا چاش باش قالان کیمین دئدی اوشاقلار اوزوموندور؛ دئدیم بس ندن آدام دیلی دانیشمیرسیز؛سوز صحبتیمیز اوزانان کیمین دئدیم حوجو بالا من سیز بویوران کیمین اوشاق ایکن کیمین خر اولوب مکتبدن قاچسامدا بو گونه کیمین سکگیز اوشاغیمی اوز آتا بابام گئدن یولونان تربیه ائله ییب آنا دیلیمده قوروموشام؛حوجو سوزلریمی آروادینا ترجومه ائله یینده دئدیم گوتور قورقودوغوو گئدکی ایندی ائششه گیمیده فارس ائله ییرسیز .........................

+ نوشته شده در جمعه یکم اسفند ۱۳۹۹ ساعت 18:18 توسط (قلئی چی مورتوض)  | 2 نظر

میللی دیلیمیز....................

نئچه ایلدیر دست آورد اینقیلاب دئییه موعتبر شیخ آغانین نیظارتی آلتیندا قهبه خانالار باغیشلایین چاشدیم سیقه خانالار آچیلیب بیر ساهاتلیق ایکی ساهاتلیق یاریم گونلوک بوتوی گونلوک دیرناغی رگلیلر اجاره وئرمه گینن ایقتیصادیاتیمیزین دیرچه لیشینه یاردیم ائله ییریک؛یئدی سکگیزآی قاباقدان باش بیلن شیخ آغامیز اورت باسدیر بولگه سینده چالیشان سیقه خانا ایشلرینی چاغیریب گوزته ریش وئردی کی بیز موقدس اینقیلابیمیز صادیر ائله مه گیچین گرکلیدیر کی ایش پئشه میزی گئنیشلندیریب چالیشمالاریمیزی قونشو اولکه لره آپارماغینان سیقه خانلاریمیزین سایینی آرتیراق؛او چاغدان شیخ آغا اولکه داخیلی ایشلرینی باجاریقلی اوغوللوغو قالایچی مورتوضا تاپیرارکن اوزو ایسه دوزدوگو پیلانلاری گونده مه گتیرمک ایچین قارداش اولکه عراغا گئد گل ائله ییردی؛نهایت شیخ آغانین چالیشمالاری عرفه سینده آدین گئدن اولکه نین شهرلرینده سیقه خانا شویبه لریمیز دایر اولونوب پئشه کار ایشچیلره تاپیشیریلدی؛بیزیم ده اولکه داخیلی ایشیمیز توتان کیمین عراق شهرلرینین سیقه خانالارینی دا یولا سالاراق داها جدییتله ایشی قاباغا آپارماق ایسته ییردیک؛موعتبر شیخ آغا قارداش اولکه سینین ایشینی یولا سالاراق هر دونه اولکه میزه قاییداندا ایگیرمی اوتوز قیسیر قهبه نی قاباغینا قاتیب عراق سیقه خانالارینا آپاریردی؛ایش بیلن گلن کیمین شیخ آغا بو دونه ده گلیب اون اون بئش دیرناغی رگلینی سیقه خانامیزدان سئچیب آپاراندا قالایچی مورتوض کسیر قاباغینی کی آغا اولماز ائله قارداش اولکه دئییه عرب قهبه لریندن اوزلرینه جارکئشلیک ائله سیز؛شیخ آغا جانابلاری سیچان اولمامیش چووال دیبی دلن قالایچی نین سوزوننن قضبله نرک دال بارماق دیکینن قافاسینا وورا وورا دئییر آی کال بئیین بورادان قارداش اولکه سینه آپاردیغیم قهبه لر میللی دیلیمیزی.....................

+ نوشته شده در جمعه بیست و چهارم بهمن ۱۳۹۹ ساعت 19:9 توسط (قلئی چی مورتوض)  | یک نظر

تزه گلن قونشو...............

قیشین سویوق هاواسینا باخمایاراق هر گون اولدوغو کیمین بوگونده سحر چاغی یئردن دوروب فهله میدانینا گئتمک ایسته ینده ائو آدامینا های باسدیم کی بیر سومو(بربری)چانتاما قویوب منی یولا سالسین؛

آرواد پیرتداشیق گیژگینلرین نن سیفرا زادی آختاراندا دئدی گورمه دین اوشاقلار گئجه چوره گی یئدیلر؛

یئنه بوگونلری چورکسیز فهله میدانینا گئتمه لی اولدوم؛

هفته لر ایش سیز قالیب ائوه ارزاق آلا بیلمه ینده اوشاقلارین گوز ایچینه باخماقدان اوتانیردیم؛

چوخلو گئجه اوشاقلاری شامیسیزیاتیردان نان سونرا حیات یولداشیم اوزولمه گیمی گوروب اورک دیرک وئرنده دئییردی آی کیشی نه بئله پوزقونسان تزه گلن وارلی کارلی قونشونون خانیمی دئییردی ایسلامی حوکومتیمیز قانون قبول ائله ییب کی گلن ایلدن هر وطنداشا 180تومن پئنسییا(یارانه)وئره جکدیر؛

حیات یولداشیم تزه گلن قونشو دئیینده بالاجا قیل قیپ لی آغ کوپکلری یادیما دوشه رک اوره گیمده دئییردیم کئشگه منیم اوشاقلاریم دا او یئیین نن یئییب اوستونده یاتان ایپک قاتلی دوشه گین اوستونده یاتا بیلئیدیلر؛

آرواد هر گون تزه گلن قونشودان بیر سوز ائشیدن کیمین بو گئجه ده بیله مه قیزیل خیرتداییردی کی آی کیشی ایسلامی حکومتیمیز گلن ایلدن هر یئنی دوغولان اوشاغا یئتمیش میلیون پول وئره جک؛

آروادین سوزونه قولاغ آسا آسا اوز اوزومه دئییردیم آی ایرحمتدیگین قیزی بو حوکومتین سوزونه اعتبار ائله مک اولماز هله دوغوب توکدوگون بئش اوشاغین چوره گین تاپ سونرادان یئنی دن دوغماق فیکیرینه قال؛

هرگون آخشام اویونه تزه گلن قونشونون حه تین نن ایتلرینه ائله دیگلری تویوق کابابینین ایی قاپی باجامیزا دولاندا آرواد اوزرریک یاندیریب اوشاقلار اومماسین دئییه باشلارینی آللاتماق ایسته ییردی؛

بونودا دئمه لییم کی تزه قونشو گلن نن اونلاری زیر زیبیل قابینا آتدیقلاری نیمداشت ایاق قابیلاربیزیم اوشاقلارین سئوینجینه سبب اولاندا بیر آتالار سوزو یادیما دوشوب اوز اوزومه دئییردیم (قونشون گوی دلن صاحابی اولسا اونون وارینا قیسقانما هئچ اولماسا دامینین دئشینین کولگه سی سنین باشینا دوشر)

گئد گئده اوشاقلار تزه گلن قونشونون کوپه گینن آرا سازلاییب اویناتمالاری باش توتاندا او باختی گتیرمیش حیوانین ناز نعمت ایچینده یاشاماغینا قیبطه یئییردیم؛

هردن تزه گلن قونشونون دول باجیسی ایت قاریشیق قاپییا چیخاندا کوپه گی بهانه ائله ییب بیله سینه یاخینلاشاراق دئییردیم آی خانیم والله سیزین بو باهالی کوپک بیزیم کانادادا و آمریکاندا یاشایان مسئوللاریمیز اوشاقلاری کیمین ائله بیل ژئن یوخاریلار طایفاسیناندیرهاااااااااااااااااااااااااااااا ؛

گاهدان دیرناغی ایرگلی قونشونون دول باجیسی گوز آلتی آتماجا آتماغیمی گورن کیمین اوزومه گولوردو؛

بیرگون ایشدن چیخیب قولتوغومدا چورک ائوه گلرکن گوردوم اوشاقلار قونشونون باهالی کوپگینی گتیریبلر ائوه

خوشوم گلن کیمین بیر تیکه سومودان قوپاردیب گوجونن آغزینا اوتورمه لی اولدوم؛

او گونون صاباحیسی فهله میدانیندا اولماغیما باخمایاراق ائو آدامی جیب تلفونوما زنگ آچاراق قارقوش ناله ائله یه ائله یه  دئدی کی تزه گلن قونشونون دول باجیسینا نه دئییبسن کی سحردن قاپی باجامیزی داشا باغلاییبلار؛

تعجیلی یولداشلاریم نان ساغوللاشیب اوزومو ائوه یئتیرن کیمین تزه گلن قونشوینان اوزله شرک سوروشدوم؛

آی قونشو منیم الیمنن نه خطا چرتیب کی قاپیما قاپیمی داشلاییرسیز؛

تزه گلن قونشو اوز گوزون تورشادان کیمین بوینونا سالدیغی کیشانی(زنجیر) گوزتره گوزتره دئدی نه اولاجاق باهالی کوپه گیمه چورک یئدیرمیسن..................................

+ نوشته شده در جمعه هفدهم بهمن ۱۳۹۹ ساعت 18:48 توسط (قلئی چی مورتوض)  | یک نظر

کیملیگینی ایترن..............

هم یئرلیمیز سبحان دئییردی اللی اوستون نن کئچه سه ده نئچه گون قاباق ایسمی پونهان آدینان بیر مکتوب الیمه چاتدی؛مکتوبون باش کند عنوانلی اولدوغونو گوروب تر تله سیک آچاندا معلوم اولدو کو اونووئرسته طلبه یولداشیم خمار خانیم ورین نندیر؛خمار خانیم اوز مکتوبوندا فلکین اون نان ترس توولامالارین نان دانیشیب چوخلو گلئی گوذار ائله ییرک بیر دونه سئویشیب آییری دوشدوگوموزو وورقولامیشدیر؛نئچه نئچه آرخادا قویدوغوموز خوش خاطیره لردن یازسادا اوز یاشایشینین آغیر دوروموندان منه بیتمیشدیر؛مکتوبون سونوندا اونون حال روزونو سوروشماماغیمنان گلئی نیب هئچ اولماسا تانیشیق دئییه موراجیعت ائله میشدیر؛سبحان وورقولاییردی بو اولای منی کئچمیش گونلریمه قایتارراق قوجا واختیمدا هئچ اولماسا بیر یولدا خمار خانیمی یاخین نان گورمک ایسته ییردیم؛نئچه هفته دن سونرا نهایت خیالیمداکی شان شاققراق خمار خانیمی گوتوروب باش کنده یوللاندیم؛ مکتوبدا گلن عنوانی آختاراندا معلوم اولدو کو سکسن یاشلی قادین نئچه اوشاغین آناسی اولسادا کیمسه سیزلر ائوینده ساخلانیلیر؛اورک دویونتولریمنن بیر دونه ایلک سئوگیمین گوروشونه نایل اولماغیما سئوینسه مده نه یازیق کی خمار خانیمین قارا اوزون ساچلارینی آغ- جوت آل یاناقلارینی سولقون و یوورک دیزلرینی تیترک حالدا گوردوم؛آز زامان چرچیوه سی دئییه خمار خانیمنان گوروشمه لریمده مکتوبدا یازدیغی کیمین یاشایشینین چتین آنلارینا توخونوب حیات یولداشی دونیاسینی دَیشن نن سونرا اوشاقلارینین اونا صاحاب دورماماقلاری اوجو باتینان خیره چی لر حسابینا کیمسه سیزلر ائوینه گلمه سی وورقولادی؛گوروشمه واخدیمیز قورتاریب گوز یاشینان بیربیریمیزینن ساغوللاشاندا خمار خانیم الیمی الینین ایچینه آلیب دئدی سن نن اوماجاغیم بودورکو بیر دونه منی ائویمیزه آپاریب اوشاقلاریمنان گوروشمه گیمه ایمکان یاراداسان؛داها دوغروسو طلبه یولداشیمین بو ایسته گینن چکینسه مده نهایت بیر یاردیمجی آدینان بو کیمسه سیز قادینی گوتوروب ائولرینه قایتارمالی اولدوم؛اوشاقلار ظاهیرده دری وری دیلینن بیزی قبول ائله سه لرده امما بو عایله نین آراسیندا اولان سویوقلوق داها منیم دیققتیمی چکیردی؛کیپریکلری گوزونه آغیرلیق ائله یین قادینی اوشاقلارینان بیرگه قویوب قاپیدان چیخاندا اوجا سسینن دئدیم بو اجنبی دیلی...........................

+ نوشته شده در جمعه دهم بهمن ۱۳۹۹ ساعت 18:31 توسط (قلئی چی مورتوض)  | نظر بدهید

نوراللانین ترس طالعی..................

نئچه گون قاباق دان قار یاغیب یول یولاغی باغلامیشدیر؛یادیمدادیر کند ائویمیزین قارشی سیندا اولان باغچا قوشلاری قیشین شاختا بورانینا دوزمه ییرک آوادانلیغیمیزا دولوب آماندا قالماق ایسته ییردیرلر؛گئجه های دوشن کیمین بللی اولدوکو آشاغی تنگه ساکینلی حه یت عمی نین حیات یولداشی ماخمر خالا قارنیندا کی دوققوزونجو اوشاغینی دونیایا گتیرمکده چتینلیک چکیر؛بو عایله گئجه نی دهشت ایچینده صبح ائله سه لرده کندین تجربه لی قابیله سی بالا به ییم آنا اوشاغین قاریندا ترس دوشمه سینی دئییردی؛گون چیخان کیمین آهیل آغ بیرچکلرین گوسته ریش ایله حه یت عمی یئنی عایله قورموش اوغلو نوراللاهینان آتی پالانناییب حیات یولداشینی گوتوررک قارا باتیب چیخا چیخا شهره گئتمه لی اولدولار؛اما یاری یولو گئتمه میش عایله باشجیسی قارنی بالالی حیات یولداشی نی الدن وئرنده گله جه گه ایشیق گوز ایله باخان نوراللانیندا ال ایاغینی سویوق وورور؛کیمسه سیز حه یت عمی گئجه قار بورانینا دوشمه سین دئییه ناچارچیلیق دان آتینی باشینی کنده ساری بوشلایاراق آت سحر تئزدن گئدیگی یولو قایتمالی اولور؛آتین بوش قاییتماسی بو عایله نین یاخینلارینی تشویشه سالان کیمین دیزی گیر توتان ارنلر آلتدان اوستن گئیینیب شممه له(مشعل)گورتوررک آتین قاییتدیغی یولا چیخمالی اولورلار؛گئدنلر گئجه نین بیر یاریسی حه یت عمی یه چاتاندا آخیر نفس چکمه لری گوروب ماخمر خالانین نفسیز جانینی علاوه دن مافان(تخته روان) اوسته قویوب آتا بالاینان بیرگه کنده گتیرمه لی اولورلار؛هاوانین سویوقلوغونا باخمایاراق کند اهالیسی نین ایشتیراکینان دفن مراسیمین قورتاریب ائلین قایدا قانونا گوره یئدیسینه کیمین بونلارین ائوینه گل گئد اولوردو؛قوناغین ال ایاغی چکیلیب گئدن نن سونرا گنج نوراللانین سویوق وورموش ال ایاغینا تورکه داوا ائله سه لرده گئد گئده بارماقلاری توکولوب عیبه جر حالا دوشور؛آناسین گوزونون قاباغیندا الدن وئرن نوراللا بو دونه حیات یولداشی بوشانیرام دئییه بیله سینی ترک ائله ییب آتاسی ائوینه قاییتمالی اولور؛او چاغدان بری نوراللا فلکین آجی شیلله سینه دوزه رک اللی ایل عیبه جر حالدا عومور سورسه ده کئچن گونلرده حیاتینی دَیشیب اونودا ایرحمتدیک آناسینین یانیندا توپراغا تاپشیرالاراق اوره گینده اولان قم قادانی اوزوین نن مزارا آپارمالی اولدو......................

+ نوشته شده در جمعه سوم بهمن ۱۳۹۹ ساعت 22:33 توسط (قلئی چی مورتوض)  | 2 نظر

دهشتلی یوخولاریمین سببی..............

یادیمدادیر بیرینجی صینیفه گئدنده تات دیللی اویرتمنین(معلیم) دئدیکلرینی باشا دوشمه یرک اللریمه چوموق شویو وورا وورا یوخولاریما گیریردی؛گئد گئده یوخو پوزونتولاریم عایله نی تشویشه سالارکن دونه لرله اوز قولاغیمینان ائشیدیردیم کی آنام آتاما اوز توتوب دئییردی آی کیشی باشی سویوقلوق ائله مه هئچ اولماسا بو اوشاغی آپاراق ماللا یانینا بونون اوچون بیر کتاب باشی آچسین؛ ؛ اوزون ایللر کؤورک اوره گینن ریال حیاتدا یاشاییب چالیشسامدا آرزی و ایستکلریم خام ساخسی رنگی تاپمیشدیر؛بو چاتیشمامازلیق لار داها اوره گیمی سیخاراق یاشا دولدوقدوجا اوزومو عومرون نن یاریمایان بیر کیمسه کیمین حیس ائله ییردیم؛گئدیگجه یوخولاریمین یوزومو یانلیش چیخاراق عصب خسته لیگینی ده اوسته لیک گتیریردیم؛ایندی ایسه یاشا دولوب نوه الیمی توتان چاغلاریمدا یاتانلاریمین سرت شیلله سی اوزومه ده یرک یوخولاریمین نه درجه ده دهشتلی اولماسی ساغلاملیغیمیدا تهلوکه آلتینا آلیر؛عایله نی اینجیتمه ییم دئییه قاباقلار حیات یولداشیم منی بیر پیسکولوگ(روانشناس) حکیمینین یانینا آپاریب خسته لیگیمی آرادان قالدیرماغیچین داوا درمان ائله مه گه باشلامیشدیر؛ بو گوروش لرین بیرینده گولر اوز پیسکولوک حکیم بیله مه گوزنیلمز سوواللار وئررکن الیمی الینین ایچینه آلیب سوروشدو مورتوض بی اوشاق ایکن ایتیردیگین اونملی بیر شئی وارسا منه سویله گینن؛حکیمین بو سووالی منی یئنی یئتمه چاغلاریما قایتاراراق دئدیم حورمتلی پیسکولوک بیرینجی دونه مکتبه گئدنن دیلیمی ایتیرمشدیم؛ایکینجی سووالیندا سورقو وئردی کی حیاتدا ایسته ییب ال تاپانمادیغین بیر اولایین اوستون آچاسان؛اوسکوره گیمنن آرا آلاراق دئدیم حورمتلی پیسکولوک چوخ ایستیردیم قارا خالقی اسارتدن قورتارام نه یازیق کی هله بو ایسته گیمه چاتا بیلمه میشم؛اوچونجو سورقوسوندا سووال وئریب سوروشدو عومرونده گوردوگون دهشتلی یوخلارینین بیرین منه دانیشاسان؛یادداشیما موراجیعت ائله ییرک دئدیم حورمتلی پیسکولوک کئچن واقتلار یوخومدا قانلی قادالی بیر آخار چایی گوروب اوتایینا باخاراق ایتمیشلریمی گوروردوم؛سئوینجک اولوب اوزومو چایا ووراراق سرحد دی یارماق ایسته ینده من نن قاباق بوغولانلارین سسلرینی آلاراق قورخموشدوم؛ پیسکولوک دوردونجو دونه یئنی دن بیله مه اوز توتوب سوال وئرنده کی یوخولاریندا گوتوردوگون نه شله دیر بو قدر سنه آغیرلیق ائله ییر؛تیترک الیمنن گوزومون آجیسینی سیله سیله دئدیم حورمتلی پیسکولوک بیرلیگه گئدن یولون شله سی چینیمده آغیرلیق ائله ینده تنگیشیب یاری یولدا قالاندا دهشتله نیب یوخودان دورورام؛سونونجو سوالیندا خبر آلدی یوخلاریندا گوردوگون هانسی دهشتدیر کی داها سنی گرگینلیگه دوغرو آپاریر؛بو سورقونو ائشیدن حیات یولداشیم الیمی توتاراق اوتاقدان چیخاندا دئدیم حورمتلی پیسکولوک هر جانلی سرحد آغاجی نین باغرینا دمیر میخ مفتیل یئر ائله ییب یوخوما گیرنده داها اوزومنن گئدیرم....................

+ نوشته شده در جمعه بیست و ششم دی ۱۳۹۹ ساعت 18:54 توسط (قلئی چی مورتوض)  | یک نظر

عظمت خانیم................

1276نجی گونش ایللری دئییه داداش بی اوغلو ایرضا عسکرلیک چاغلارینی سوررکن بیر کز یولونو خالخال اردبیل آراسی بوداللی کندینن سالاندا نئچه گون پولادلی طایفاسینین باشجیسی احمد خان قیزی عظمت خانیما قوناق اولور؛عظمت خانیم بیر زادگان کیمین قاپیمیز گلن قوناغین اوزونه آچیق دی دئییه تانیمادی گنجی آلقیشلاییب شرفینه اَیلنجه لر قورمالی اولور؛دئییلن لره گوره داداش بی اوغلو ایرضا نئچه گون بو عایله نین قوناغی اولارکن یئرلی پولادلی وشاطرانلی خانزاده لرینین قومارا اوتوراندا جیبینده اولان یول خشلیگینی اودوزدورمالی اولور؛طایفا باشجیسی عظمت خانیمان ایذن آلیب گلدیگی یولونان قاییتماق ایسته ینده خان قیزینا یالوار یاخار ائله ییرکی خانیم بیلدیگینیز من اوردو عسکری یم اگر اولورسا منیم توپانچامی آلیب وئره سینیز؛خان قیزی عظمت خانیم قوناغین بو ایسته گینن تعجوبله نرک اوز توپانچاسینی ائوین تاقچاسینان گوتوروب بیله سینه وئرنده دئییر من تک توپانچادان اوترو هئچ بیر کیمسه یه اوز وورماغی اوزومه و باشجیلیق ائتدیگیم اویماغیما یارارلی گورمه ییرم آل منیم توپانچامی آپار؛خان قیزی داداش بی اوغلو ایرضانی پوزقون حالینان موشاییت ائله ییب یولا سالاندا الین اونون چینینه قویوب دئییرگئت امما یادیندا قالسین کی کیشی اوز مالی ایمکانین حسابینا اوزگه لرله اویونا گیرمه لیدیر؛زامان گئدیشاتیندا داش چاناغا دَیین کیمین بو دونه داداش بی اوغلو ایران فیراماسونلاری وریندن ایرضا میر پنچ آدینان ممالک محروسه دئدیگیمیز ایران اولکه سینده اوردو باشجیسی کیمین چالیشمالارینا باشلاییر؛تورکون علهینه باش قالدیران ایرضا میرپنچ توپانچا دیغی اوره گینده اولارکن بو دونه پولادلی و شاطیرانلی اویماقلارینین اوستونه یورش ائله ییر؛عظمت خانیم زامانین ترس ایشله دیگینی گوررکن توفنگچی لرینی باشینا ییغاراق ایرضا میر پنچ اوردوسوینان قارشی دورمالی اولور؛مین دویوشجو کیشی یه باشجیلیق ائله یین سرکرده قادین بیرنو توفنگ قالدیریب ایلک گوله له نی قنیم ساری آتاندا اوزونو سرکرده لرینده توتوب اوجا سسینن دئییر هئچ بیلمزدیم الیمینن وئردیگیم توپانچانین *تتیگی بیر گون اوز اوستوموزه آچیلاجاق...................

__________________________________________ 

*تتیک –تورکوده ماشه دئمک اولور

+ نوشته شده در جمعه نوزدهم دی ۱۳۹۹ ساعت 18:24 توسط (قلئی چی مورتوض)  | یک نظر

یوخولاریمین قوناغی................

عایله میزده گونش دانی یاران کیمین هر سحر آنامین ناز ایلا یوخودان دوروب اوز گومراه یاشاماقلاریما داوام ائله ییردیم؛

آنام باغچا باری کیمین اوزومه گولنده چیچه گیم چیتداییب داها اوزومو تای توشلار آراسی خوشباخت حیسّ ائله ییردیم؛

آنامین اوره گی یئردن قاینایان دورو بولاق کیمین یاشیللیق سئوگیسی سینی تمثیل ائله سه ده من اوز وارلیغیمدا او گوزگو قات باخیشلاری یامسیللاماغا چالیشردیم؛

آنام منی دیزینین اوستونه آلاراق اوز بایاتلاتی لارینی شلاله سو سمفونیاسینا قوشوب اوخویاندا بلکه ده یئنی یئتمه باخیشمنان کیشنک آت کیمین شاق شاق گولوشلریمی شاخان بولوتلارا قاتماق ایسته ییردیم؛

سینه دفتر آنام کهنه اوزاق کیمین هر سوزون قاتینا واراندا اونو تورکمن خالچاسی دئییه ال الوان رنگ بویویوب وحشی طبیعتده آچان اوشقون گوللرینه بنزتمک ایسته ییردی؛

چونکو اونون باخشیندا بویاق لار فاطما خانیمین اوزادان ایشی اولاراق یئرینن گویو بیربیرینه آداقلاماق لاییردی؛

یاشایشمین اییری بوروق یوللاری دئییه تئللی داغ تکه سینه قورولموش تله یه دوشنده آنام قاناتلی قارتال کیمین قی ووراراق منی جیرناغینا گوتوروب تهلوکه لردن قورتاراندا قارانلیق یوللاریمین ایشیق دیره گی اولوردو؛

ائلات آبیرلی آنام آتامین اونا آلدیغی ایپک کالاغینی باشینا اورته نده سانکی قاپیمیزدا کی گول آچمیش گیلاس آغاجی اوندان اوز بویوروب یاشماق آلتی قیسقانماق ایسته ییردی؛

آنامین آتا ائویندن جئییز گتیردیگی سیلسیله وی بویون باغلی کسمه لر(پول) اوزرینده اوزون حسن- شاه خطایی و قازان خانین شکیللری فخری مدالی اولاراق کیم لیگیمیز تمثیل ائله ییردی؛

اوشاق ایکن آنامین منیم ایچین بزه دیگی بئشیگی هله ده وار ائویمیزین باش تؤوندا قوروناراق اوزان بابامین قوپوزا باغلادیغی قوتازینی عکس ائتدیریر؛

آنامین خئییز گتیردیگی گلین نیک*یئشیگی هله ده *بورما بوخوولا باغلی قالسادا باجیلاریمی کوچوردنده آتا اوجاغی(تندیر) عوضینه اونون باشینا دولاندیریب اَر ائوینه یولا سالیردیم؛

آتامین اونا دامنان آتدیغی*ایپارلی آلما دیلیم دیلیم اولسادا سونرالار آداغلی قیزلارین خونچادا گئدن عطیر بزه گینه دونموشدور؛

هله ده وار آنامین *اون آلتی تاخدا تومان کوینه گی عیصمتلی سارا موزه سینده ساخلانیلاراق لال باخیشلارین ماراغینا سبب اولموشدور؛

امما نه دئمک کی سونونجو چرشنبه آخشامی پالچیق باش دامیمیزدا اوت یاندیراندا آنام او یالخی آلاولارا قول آچیب یاز گلیشینی گویون سونسوزلوغونا موشتولوق آپارانداااااا گوز یاشلاریملا دئدیم آی ..................

_________________________________________________________

*یئشیک—یاخدان-صاندیق

*بورما بووخو-کئچمیش بیر نوع قیفیل دئمک اولوردو

*ایپار-عطیر *

سایاچی-کئچمیش ده کند و شهر آراسی قاپی قاپی دولانیب خالق ادبیاتینا سویکه نرک جاماهاتین اوغورلارینی و و چاتیشمامازلیق لارینی بولوشمه گه چالشاردیرلار

*اون آلتی تاخدا تومان-تورک قادینلاری آراسیندا بیر گئئیمی دیر

+ نوشته شده در جمعه دوازدهم دی ۱۳۹۹ ساعت 19:56 توسط (قلئی چی مورتوض)  | یک نظر

یئره قانشار دورور.....................

قالایچی مورتوض

بلی

بویورون آغا سیزین نوبتیزدیر

سالام آغای دوکتور

بویورون جانیم

آغای دوکتور باغیشلایین منیم بو دده ددلیگیم ایسلامی حوکومتیمیز یاشی دولدوقجا طیییییییییییی اوستورور

دوکتور گوزلوگون اوستونن بیله مه باخیب سوروشدوکو شیخ آغانی دئییرسن؛

ایکی الیمنن شیخ آغانی اوستولون اوستونده اوتورداندا باشیمینان دئدیم بلی

دوکتور بیر آز ددده ددلیگیم دال دستگاهین زادین ال له یین سونرا علاوه ائله دی کی جانیم شیخ آغا اوز گوتونون مالیکیدیر ایسته دیگی واخدا اوستورا بیلر؛

دئدیم آغای دوکتور شیخ آغا هردن بیزیم ده آغزیمیزا اوستورور؛

دوکتور دایانما حاضیر جاوابلیق ائله دی کی آغاسیز شرعاَ قانوناَ اونون عایله سیز آغزی قرآنلی شیخ آغا ایسته یین واخدا سیزینده آغزیزا اوستوره بیلر؛

دئدیم آغای دوکتور آخی میلتینده آغزینا اوستورور؛

بو دونه دوکتور شیخ آغانین تضعیین(فشار) توتان نان بئله دئدی وطنداش شیعه اولکه سینده میلت یوخ بلکه اممت اولار؛

ایرساله ده یازیلان کیمین شیخ آغا اوره گی ایسته ینده واخدا اوز اومتینده آغزینا اوستورا بیلر؛

دئدیم آغای دوکتور باغیشلایین سیز الله یئری گلنده دده ددلیگیم دورد طرف دونیانیندا آغزینا اوستورور؛

دوکتور تعجوبله نن کیمین بیر دونه دده ددلیگیمین ایاغ اوستونده دال قاباغین آنالیز ائله یینده دئدی حاجی آغا زحمت اولماسا دالیزی جنوبا ساری چئویرین گوروم؛

شیخ آغا دال دنده سینه زور وئریب دونمک ایسته ینده دیلیمی دیشله ییرک تئز ایره له ییب دئدیم آغای دوکتور استقفورالله دئیین مکه یه ساری اولماز؛

دوکتور چاش باش قالان کیمین علاوه دن شیخ آغایانی گون چیخانا ساری چئویرنده؛

یئنی دن ال ایاغا قالان کیمین دئدیم آغای دوکتور چاینا(چین) اولکه سینه ساری هئچ اولماز؛

شمالا ساری چئویرنده دئدیم آغای دوکتور قارداش اولکه اوروسییت ساری هئچ اولا بیلمز؛

گون باتانا ساری چئویرنده موعتبر دده ددلیگیم سیراوی گول له کیمین باشلادی تیرتیر تیر تیر اوستورماغا؛

ایشیمیز قورتاریب ددده دددلیگیم عبا امامه سینی راهلایاندا دوکتور عصبله شرک بیله مه اوز توتوب دئدی کی اشی منی اله سالیبسان بو ایاقدان دئییردین شیخ آغا دوطرف دونیانین آغیزینا اوستورور؛

بس نه اولدو؛

من آغزیمی آچانا ددده ددلیگیم سوزه گلن کیمین وورقولادی کی بیزه مقدس قوم شهرینده اورگه دیبلر تکجه اوستوراندا غربه ساری اوستورون کو یئل قایتاریب یاییر شرقده یاسین

مطبدن چیخیب لیفدن(آسانسور) آشاغی اننده میرت اولاراق شیخ آغایا دئدیم

زیر زیر دوکتورولوک دئییل ائئئئئئئئئئئئ حئلم ماللالیق دیر......................

+ نوشته شده در شنبه ششم دی ۱۳۹۹ ساعت 10:56 توسط (قلئی چی مورتوض)  | 2 نظر

بون نان سونرا..............

او گونلری قهوه خانادا اوتورموشدوق لاپدان اوستاد دفتری الینده کی درگی نن ایچری گیریب قان قالاغی قاریشیان کیمین دِئیینمه گه باشلادی؛قهوه چی صمدعمی تور سوزو قاباغینا بیر چاشقا چای قویوب خوتون آلان نان سونرا سیماور قاریشسیندا کی تلویزیانی خوتدادی؛ساهات 11 اخواری اولاراق خبرلر قاتیندا بیرتهلوکه لی - ائو داغیدان و اولکه پارچالایان سوژئت یاییملانیردی؛او گورونتوده ایسلامی اولکه میز دئییه طیییییییییی اوممت هممشه در صفده کوچه لره آخین ائله ییب تورکیه پئرزدنتی اردوغان بی یین دالینجا شوعالار سسلندیریردیرلر؛شوعارلارینان اوره کلری سویومایاندا بو دونه اونلارین سفیرلیگینه یوروش ائله ییب قهرمانجاسینا دام دووارینان دیرماشیردیرلار؛دوار اوستونه قالخان آریاچی لارا باخمایاراق آرخادا اولانلار یولدان کئچن دینج اهالی نین ماشینلاری ووروب طیییییییییییییی شوشه موشه سین سیندیریردیرلار؛آکسییانین(تظاهرات)سونو اولاراق توپلوما قاتیلان خیزب الله قارداشلارینان آرایاچیلار ایکی قوروپ بیرلیکده نئچه بند قرارلار قبول ائله ییب اوخوماغا باشلادیلار؛ گتدیکلری قرارلارین ایچینده فورآ و تعجیلاَ اردوغان بی یین یازیب اوخودوغو شعیرینی جیریب و یاخود اشکارا چیخارتماماغین طلب ائلییردیر ؛شعر اوخویانی هده له ییرک داوام ائله دیرلر کی عکس تدبیرده بیز خیزب الله و آریاچی قارداشلاری ایران اولکه سی نین یئرلی صاحابی اولاراق بوندان سونرا تورکلر یوخ بلکه آذریلرین دوه لرینی شوردان قاووب قارداش اولکه ائرمنیستانا سیلاح سورسات گوندره جه ییک؛تلویزیا گورونتوسو قورتاران کیمین اوستاد دفتری یئنی دن درگینی گوتوروب خبردارلیق اولاراق قهوه ده اولانلاری تهولکه دن قورخوداندا........................

منی گولمک گوتوروب یادیما بیر حکایه نی سالدی؛

سابیق بیزیم ترس آوا کندینده جنعلی آدیندا بیر کیمسه شوکرعلی نین ننه سینه دونه دونه اوجه شیب نهایت های کویه سبب اولور؛او چاغدان بری هر کیمسه جنعلی آدینین (ج)سوزونو آغزینا گتیرسئیدی شوکرعلی طایفا توخومو توکوب بیله سینی اولونجه ووران نان سونرا طایا تاخیلیندا یاندیراردیرلار؛سوزوم قورتارمامیش ساغ یانیمدا اوتوران باشی یئکه کل اوغلان یئرینن دوروب الین آغزینا قویاندا اوجا سسینن دئدی آآآ--آآآآبون نان سونرا جنعلی آدینین (ج)سوزونو آغزینا گتیره نین دده به دده سینه نهلت.....................

+ نوشته شده در جمعه بیست و هشتم آذر ۱۳۹۹ ساعت 18:36 توسط (قلئی چی مورتوض)  | یک نظر

ترس آوا تورکجه سینده........................

قیرخ ایل یوخسول و ارسیز آروادسیزلاری بئجرن ایسلامی حوکومتیمیزین اوستون نن کئچه سه ده هله بیزیم شهرجیگه قهبه خانا باغیشلایین چاشدیم سیقا خانا ایداره وئرمه ییبلر؛

شهرجیک اهالیسی ایللر اوزونو بو موضوعدان اذییت چکنده دونه دونه مهصئی قوم حوزه لرینن توتموش باش کند ایداره لرینه کیمین عریضه لر یازیب موراجعیت لر ائله میشدیرلر؛

بو دونه دونه موراجیعه لره رغمن کئچن گونلرده یئنی سئچدیگیمیز اورت باسدیربولگه سی قایقی کشی دئپداتی(نماینده) خان اوغلو خان آغا دوکتور جئری ترس آوادی یا ییخینتی دوشه رک بیله سینی شهرجیگه اینداک(دعوت)ائله دیک؛

ارسیز آروادسیزکیمسه لر سئوینجک اولوب قارشسینا زورنا بالابانان نان چیخاندا قوربانلار کسیلیب جاماهاتیینان بیرگه حضرت عمرآدلی مچیدیمیزه توپلاشدیق؛

جاماهات سیغلاشیب اوز یئرلرینی آلان نان سونرا محله میزین ان ساوادلی و دانیشانی قالایچی مورتوض ایاغا دوروب قوناغیمیزی سالاملایاراق بئله سی ایفاده لرینینن دانیشماغا باشلادی؛

من کابلا احد اوغلو قالایچی مورتوض اولاراق ایلکن شهرجیک یورتداشلاری آدینان دئپدات افندینی سالاملاییب خوش گلدین دئییرم؛

حورمتلی دئپدات افندی بیلدیگینیز کیمین سوریه ده یمن ده لوبنان دا ساواش گوروپلارینا خشله دیگیمیز پوللارین اوجوباتینان اولکه داخیلی گنج لریمیز اوت اوجاق اولوب عایله قورا بیلمیرلر هله هئچ ار آروادین الدن وئرن کیمسه لرده یئنی دن ائوله نه بیلمیرلر؛

بوگونلری سیزی بورایا اینداک(دعوت)ائله مکدن سیخا سوخ مسله سی اولاراق اوماجاغیمیز بودورکو بیزیم شهرجیگیده بیرنئچه سیقا خانا ایداره سی گتیریب یورتداشلاریمیزین چتینلیگ لرینی آرادان قالدیراسیز؛

مورتوض سوزونو قورتاریب حورمتلی قوناغیمیزتئریبون آرخاسینا قالخاراق عربدن عجم دن یئدی قات تاغی ناغی یا سالاملار حواله ائله ینن سونرا بئله عباره لرینن دانیشماغا باشلادی؛

بنده نی لایق فرض ائله ییب اوز جمع پر شوروزا دعوت ائله مه گیزدن خورسندم؛

هاممی اهالینین خواسته سینه من و همکارلاریم به حد کافی جلسات برگزارائله ییب نتایجلریده حاصل ائله میشیک ؛

موشگولاتیزی برطرف ائله مه گیچین عهده میزه واگذار اولونان مسئولیتدن دریغ ائله مه جه ییک؛

او خانیم لار کی شوهرلری رحمته گئدیب اسامیسین رو نوشت ائله ییب منیم دفتریمه ارائه ائله یسیز

عیاللاری رحمته واصل اولان آغالارا عرایضیم بودورکو جلسات آینده یه قدر تحت هر شرایطی نامناسب تحریماتینان مدارا ائله سینلر؛

گردهمایی هایی کی رسانه ملی ده شکل گیری اولور هاممیسی با هزینه بالای دولت تدبیرامید بار مالی گتیریر

اهالینین خواسته سین نظره آلاراق بنده مجلس شورای اسلامی ده طرح مسئله ائله ییب کمسویون های مربوطه ده پیگیریهای لازمی ائله یه جگم ؛

 بنده امیدوارم انشاله تعالی سال آینده ده مشگلات بو اهالی برطرف اولوب مومن و انقلابی جوانلار کی زندگی تشکیل وئرمک ایسته ییرلر خواسته لرینه نایل اولاجاقلار؛

قوناق دانیشاندا هاممی آغزین آچیب تئریبونا باخاندا لاپدان ساغ یانیمدا اوتوران حاجی اوروج دیمیزی باساراق دئدی اشی بو نه دیلده دانیشیر؛

قولاغین آغزیما ساری گتیرنده یاواججالی دئدیم.......................

+ نوشته شده در جمعه بیست و یکم آذر ۱۳۹۹ ساعت 18:50 توسط (قلئی چی مورتوض)  | یک نظر

بو مملکتده................

دونه لرله اوز قولاغیمنان ائشیدیردیم کی ننه م یورقان آلتی دده می قیسناغا قویان کیمین بیله سینه دئییردی آی کیشی بو اوغلانین بوغ ساققال باسیر گل بونو کسدیریب موسلمان ائله ییک؛آتامدا جاوابیندا دئییردی آی آرواد سن بیلمیرسن کی آغادان(مولکه دار) ایجازه سیز بیز هئچ ایش گوره بیلمه ریک؛منی سه ایت کوچوگ اوتاراندا تای توشلاریم بیله مه ساتاشاراق کسیلیب موسلمان اولمادیغیمی اوزومه چکنده بیله لرینی داشا کسه یه باساردیم؛گئد گئده اوشاق صاحابلاری قاپیزی کسیب یامان یووز دئیینده ننه مده بیله می قیناییب دانلاق آلتینا سالیردی؛اویانناندا ساخلادیغیم پله قولاق کوچوگو کند ایتلری بوغوشدوراندا حیوانین قولاقلارین نان توتوب بوغمالاییردیرلار؛گاهداندا کوچوگون دیدیلمیش قولاقلارینی الیمه آلیب بیله سینن دانیشاندا دئییردیم بس دده منی ناواخت کسدیریب موسلمان ائله ییجک؛اودا جاوابیندا هاپ هاپ ائله ییب قویروق بولاییردی؛نهایت بیر گون دده م اوزدن ایراق ائششگی پالانناییب مینه رک خوروزودا منیم قولتوغوما وئریب آغالیق دئییه شهره ساری یولا دوشدوک؛یولو اوزونو ننه مین جیبیمه توکدوگو آغ یئمیشان نان زاددان یئییه یئییه اوره گیمده قند ازیردیم کی اینشاله دده م گئدیرآغادان منیم کسیلمه گیمه ایجازه آلسین؛ ائله بو فیکیرباشیمدا دولان نان کیمین آذان الله اکبرده چیخدیمیز یولا گون اورتا چاغی مقصده یئتیشدیک؛دده م آغالیغی قویوب ائششگی نوکرین قاپیسینا سوررک گتدیگیمیز خوروز وئریب سوز صحبته کئچنده لاپدان سوز آراسی اوزونو آغانین نوکرینه توتوب دئیینده کی ایذن وئره سینیز او کوچوگون قولاقلارینی کسک؛ بو وَردن منیم قارنیم تاس پیس ائله یین کیمین دده مین قیچی دویه دویه قولاغین آغزیما گتیریب آندیردیم کی منه تعجیلی بویوگ ایاق یولو لازیمدیر؛دده مده نه دئمه گیمی باشا دوشنده بورنون توتوب اوجا سسینن دئدی آی به شویور سن بیلمیرسن کی بو مملکتده بویوگ ایشیچین گرک آغانین یانینا گئده سن.....................

+ نوشته شده در جمعه چهاردهم آذر ۱۳۹۹ ساعت 20:41 توسط (قلئی چی مورتوض)  | یک نظر

سنده ائششک..............

کند آراسی اوتوش تورکه سایا گنج اولسادا اونون طالئعینه گوزل وکونول چک بیر خانیم دوشموشدو؛گئد گئده یاشیدتایی اولان حمزه هردن اونا یاخینلاشیب حیات یولداشینین شانینه قوشقو قوشاراق بیله سینه دئییر او آرواد سنین آغزیوین خوره گی دئییل؛اوتوش کیشی ده آز دانیشان بیر کیمسه کیمین بیر سوز دئمه دن هله لیک اونون آتماجالارینان واز کئچیر؛ایللر بویو حمزه اوتوشون آروادی دئییه اونون فیکیر ایله باش یاستیغا قویوب بوشاتدیریب آلماغینا پیلانلار قورسادا بو تای دئشیک سئوگینی اوره گینده یاشادیر؛ایستر ایسته مز نئچه نئچه یاخین ائل طایفا قیز قادینینی واسیطه سالسادا ایسته گینه ناییل بیلمه ییر؛نهایت بیر گون ترس کند ساکینلی یئکه باش کابلا خؤتونو حاجی سالمانی مشهدی غنی نی بیرده کی کوگله سی آغیر شیخ آغانی گوندریر اوتوشون ائوینه کی آروادینان بیله سینه ائلچی لیک ائله سینلر؛گلن لر چای مای ایچیب سوزون باشین آچاراق چوخلو موباحیثه لر گئدنن سونرا شیخ دینمز اوتوش کیشی عصبله شن کیمین اوزونو توتور آغزی قرآنلی موللامیزا کی آی کیشی توتالیم باشی یئکه کابلاخؤتو ائششک؛ حاجی سالمان دا مشهدی غنی قاریشیق ائششک؛ آی آغا ......................

+ نوشته شده در جمعه هفتم آذر ۱۳۹۹ ساعت 18:19 توسط (قلئی چی مورتوض)  | یک نظر

داشلاییرسان..............

اوگون لری هم یئرلیمیز قالایچی مورتوضو نان ترس آوا کندینن بیر ماشین خیردا باش دریسی ووروب باش کنده ساری یولا دوشدوک؛

گیلان تالیش ایستقامتی تینده ناهار آذان واخدی اولدیغیچین ماشینی قیراغا ووروب بیر قهوه خانایا کئچنده گوردوم طیییییییی بورایا ییغیشانلار اوز دیللریجه گلئی گوذار ائله ییرلر کی تات تالیش و گیلک دیللرینده رادیو- تلویزیا و مدرسه اولماییب مدنییت لرینین تهلوکه آلتیندا اولماغین نان موباحیثه لر آپاریرلار؛

نامازی زادی قیلیب ناهاری یئیینده باشا دوشدولرکی بیز تورکوک بیر ایکیسی سوزو عوض له ییرک بیله مز سوز آتماغا باشلادیلارکی نه بیلیم ایران آزاربایجانیندا تورک سویلو خالق یوخدور؛

سوندان نئچه اویدورما قایناقلارا ایشاره ائله ییرک بوینوموزا قویماق ایسته ینده کی تورک لر بو اراضی سونرادان گلیب لر؛

من اوزومو باسمادان بونلاری نان تاریخی موباحیثه لره گیردیم؛

یوبانمایاق دئییه قالایچی مورتوض ایاغا دوروب یولا دوشنده الین بونلارین بیرینین چی نینه قویاراق دئدی اوغلوم سابیق آنادان گلمه تای قیچ بیر هانپا کیشی مکه یه گئدیر؛

نئچه گون اعمال مکه نی یئرینه یئتیریب شیطانا داش آتماق ایسته ینده بیرینجی داشی آتاراق دئییر بو دده مین حاققیندا ایکینجی داشی آتاراق دئییر بو ننه مین حاققیندا

اوچونجو داشی اوز شیکست قیچی نی ساغلاماسینی طلب ائله ییب آتاندا شیطان بونون گوزونه گورسه نیب سوروشور ؛

بیر باخ گوروم دده نی کیم اولدوروب

تای قیچ هانپا دئییر اللاه

ایکینجی دونه سوروشور ننه نی کیم اولدوروبیئنه ده دئییر اللاه

اوچونجو دونه سوروشور قیچینی کیم قولاق ائله ییب بو دونه ده دئییر اللاه

اوردادیرکی شیطان عصبله شرک اوجا سسینن دئییر

آی کوپک اوغلو دده نی ننه نی اللاه اولدوروب قیچی نیدا چولاق اللاه ائله ییب

به منی نییا...............................

+ نوشته شده در جمعه سی ام آبان ۱۳۹۹ ساعت 17:48 توسط (قلئی چی مورتوض)  | یک نظر

مال بازاغی مال بازاغی.................

ارزاق باهالی؛ نویوت باهالیغی؛ بنزین یاناجاق باهالی باشیمی قاتان کیمین ناواخدیر کی ایقتیصاد داخلی دئییه بیر جوت اوزدن ایراق بوتوی پالان ائششک آلیب هاماش باجی اوغلومونان شهره پئیین زاد داشییاراق کوچه لری دولانیب بئش اون تومن الده ائله ییریک؛اللاه برکت وئرسین هفته ده اوچ یول دوننده گونده لیک خرجیمیزدن سونرا منیم تیرگک پولومدا چیخیر؛قاراباغیمیزین آزاد اولان گونلری دئییه بئش آلتی تای چاتیب علاوه دن شهره یوللانمالی اولدوق؛کوچه لرده دولاناراق آی باغچاسینا پئیین آلان آی گولدانیندا ایسته یین چاغیریردیق؛ کی شهر ساکینلرینن اولان قاباق کی موشتریلری میزین زننی سسیمیزی ائشیدیب باشینی آائوین آلیشقاسینان چوله چیخارتدی؛ لاپدان اوچ رنگی بایراغا گوستره گوستره نه دئمه گین باشا دوشمه یینده هاماش باجی اوغلونو اوتوردوم ایره لی یئری گور نه دئییر؛هاماش قاییدیب بیله مه آندیراندا کی پاشینیان نه اولدو بس دئییر منده بو تای دئشیک آدی ائشیدن کیمین آشاغی دان الیمینن ائششکلرین بئلینده کی یوکو گوستریب های باسدیم کی..........................

+ نوشته شده در جمعه بیست و سوم آبان ۱۳۹۹ ساعت 19:16 توسط (قلئی چی مورتوض)  | 2 نظر

قارا تورپ................

نئچه گونودو اوسکورک بیله می توتوب آرواد اوشاق بویوگو یان یورمه نن اوزاقلاشدیراندا گوردوم اوز اوزونه دئیینیر کی ائویمیزی یخیلدی کیشی خورونا توتوب ائله بیل بو درد آزاری اوشاقلاریما داراشدیراجاق؛چوخلو داوا درمان نان بیر گون کارت بانکیمی طلب ائله ییب دئدی قونشونون خانیمین ناز قایید خالا دئییردی سنین درمانین قارا تورپ دور قارا تورپ؛اوسکورمه لریمه آرا وئریب دئدیم آرواد آخی قارا تورپ کی کارت بانک ایسته میر ایاغیوی کوچه نین آغزینان آل قاییت؛اللرین اوستومه اوسه ییب دئدی آآآآآآآآآآآآ یازیق بئچارا دوکتورلر قارا تورپو خورونا درمان دئیین نن سونرا قیتلیق گلیب قارابازاردان تاپا بیلسم هردنه سی یوزجه ماناتا وئریرلر؛ آروادین بوسوزو بیله می تعجوبه لندیررک بیر حیکایه یادیما سالدی؛ کئچمیش ده بیزیم ترس آوا کندیده حلیمه آدلی بیر قیز واریدی کی آدینا قیللی قاش حلیمه دئییردیرلر؛کند یاشایشی دئییه گنج قالایچی مورتوض هر دن مزه له نیب بیله سینه دئیینده کی آلاجاغام اودا گله جک یوخسونو حشم دار مورتوضون ائوینده گوروردو؛قیللی قاش حلیمه نین تای توشو اره گئدیب اوت اوجاق صاحابی اولاندا قالایچی مورتوض دا قونشو قیزینان حیات قورمالی اولور؛اوچ دورد ایل یاشایان نان سونرا هانپا قونشو قیزی مورتوضو بینمه ییب بوشان نان سونرا یازیق کیشی نین یاشایشی لم یئسیر قالیر؛مورتوض چاراسیزلیقدان یئنی دن مئیلینی قیللی قاش حلیمه یه سالیب آرا سیرا بیله سینه سوز آتمالارا باشلاییر؛بیر گون قالایچی اورتا یاش قیللی حلیمه نی بوستانلاریندا تک گوروب یئنی بیله سینه سوز آتاندا حلیمه نین قان قالاغی قاریشان بوستان قارا تورپلارینی یولوب بیر بیر بیله سینه سیریاندا اوجا سسینن دئییر بو تحریمات گونلرینده قیز تاپیلیرآخیییییییییییییی.........................

+ نوشته شده در شنبه هفدهم آبان ۱۳۹۹ ساعت 12:11 توسط (قلئی چی مورتوض)  | یک نظر

آرییا جانلی..............................

اوگونلری های دوشدو کو کوروش کبیرین دوغوم دوگوندور؛من نن ائو آدامی خؤیلو خانیم هره میز بیر پسنه آغاجین باشینا تای بوینوزلو اوکوز قافاسی کئچیریب یولداشلاریلا بیرگه پاسارگات دئییه یولا دوشدوک؛یول اوزونو کوروش اولمه ییب دیریدیر قارشی طرفده هایلا دو بالا هایلادو دئییه دئییه نهایت داش دوزوملو بینا حضرت سولیمانین آنا مزارلیغینا یئتیشدیک؛اورایا توپلاشان اورت باسدیر جاماهاتی تات؛تالیش؛کورد؛و ائرمنی قارداشلارینان طنطنه لی بیر مراسیم کئچیرتمه لی اولدوق؛ایشی بیتیریب قاییدیندا سانسورال تلویزیا آپاریجی سی قاباغیمی کسیب کوروش کبیرین کیم اولدوغون نان سوروشاندا آغزیمی میکروفونا دایاییب دئدیم بابام بو کوروش دئییرلرهاااااااااااا شاهلیغیندان ساوایی چوخ عایله جانلی آدام ایمیش؛آپاریجی علاوه سورقو وئرنده بارماقلاریمی گوزومون قاباغینا توتوب بیربیر سایا سایا ایضاح وئردیم کی کوروش کبیرین بویوکلوگو اوراسیندئیدیر کی اونون ننه سی همیده اوغلونون ننه سی اولموشدورهمی اوزونون قایین آناسی؛قیزی همی آروادیدی اولموشدورهمی ننه سینین گلینی؛جانیم سنی ایچین دئسین خالاسی همی یاستیق داشیدی همیده اویناشی(سئوگیلی)؛بی بی اوغلوسو همی اوغلو اولموشدور همی ده دده سی نین باجی اوغلوسو؛بئله چیخیش ائله مه گیمه لاپدان ائو آدامی خویلو گوز آغارداراق آندیرکی آدام کیمین دانیش اوزومو ایتیرن کیمین اوچ دورد یول دوره مه دولانیب دیلیم توتار توتماز دئدیم بس اونداااااااااااااااااااااااا

+ نوشته شده در یکشنبه یازدهم آبان ۱۳۹۹ ساعت 17:18 توسط (قلئی چی مورتوض)  | یک نظر

شیخ آغانین تسبئیی.....................

اللاه ؛محمد؛ علی؛چین اوروسییت؛بومبا؛موشک؛شرعییات؛شککیات؛امر به معروف؛نهی از مونکور؛گشت ارشاد؛سیقا خانا؛کار مزد بانک؛سوریه؛لبنان؛یمن؛اللاهین مصلی علا محمدین و الی محمد؛سابیق خان سارایی دئییه ائویمیزده ددده ددلگیم شیخ آغانین تسبئیینی چئویریب الیمی اوزومه چکنده قارانتین یاتاغینا دوشن شیخ آغا تلفونان دانیشیب دستگه گینی یئره قویاراق اوزونو منه توتوب دئدی قالایچی مورتوض اوغول ایلک قارینا دوغموش خیردا خانیم دوز دئییردا نجور اولسا او بیزیم نامیسیمیزدیر تک ائوده یاشاماغی دوزگون دئییل؛من دئییرم گئجه لر خافلانماسین سن گئدیب اونونلا یاتاسان؛باشیم اوسته دئییه دئییه پال پالتاریمی چانتییا ییغیب خیردا خانیمین عنوانینا گلدیم؛اوچ دورد گون بیرلیکده یاشایان نان سونرا بیر گون خیردا خانیم تلفون دستگینی گوتوروب شیخ آغامیزا آغزینا گله نی دئیین نن سونرا وورقولادی قالایچی مورتوض منه نامحرم دیر؛ آغزی قرآنلی دده ددلیگیمی تلفون شکیل باغلانتیسینان ایرساله نی واراقلایان نان سونرا خیردا خانیما آندیرکی قالایچی نی امیزدیر سنه محرم اولسون؛بیر ایکی گونده ایشیمیز شیخ آغا بویوران کیمین کئچه رک بیرگون سحر سحر یوخان دوروب چوره گه گئتمک ایسته ینده گوردوم طییییییی الی زنبیللی جاماهات قاپیمیزدا صفه دوروبلار؛گوجو پیسلیگینن صفی یاریب بیرین نن سوروشاندا کی بورادا نه هایدی کیشی آغیز ماسقاسین برکیده برکیده دئدی ائله بورادا سوت وئریرلر ......................

+ نوشته شده در یکشنبه چهارم آبان ۱۳۹۹ ساعت 10:56 توسط (قلئی چی مورتوض)  | یک نظر

اولکه باشجیمیز..........

ایش یئریمیزده های دوشدو کو صحیه ناظیری ورین نن اولکه داخیلی خسته لره قان طلب اولونوب بیزده موسلمانچیلیقدی دئییه یوبانمادان ماخلوغا قوشولوب قان وئرمه کلینیکاسینا گئتمه لی اولدوق؛جاماهات سیخلیغینا اولاراق چوخلو گوزله مه دن سونرا بیله می تاخت اوستونه اوزادیب سورماجاینان قانیمی چکه چکه یانیمداکی حکیمی سوزه توتدوم کو آی آغا بو تعجیلی چاغیریش نه دئمک دیر حکیم گوزلوگون(عینک)اوستون نن بیله مه باخا باخا ساغ طرفیمه کئچیب آغزینی قولاغیما دایاراق دئدی جاماهاتدان آلینان قانیلاری قاراباغ ساواشی دئییه قارداش اولکه ائرمنستانا گونده ریرلر؛ قولومن نان سورماجانی چکیب ایاغا دوراندا اوجا سسینن دئدیم به آغزی قرآنلی..........................

+ نوشته شده در جمعه بیست و پنجم مهر ۱۳۹۹ ساعت 19:3 توسط (قلئی چی مورتوض)  | یک نظر

تجاوزه نیفرت...............

اوغلوم یاشاری قاناتیمین آلتینا آلیب باکی شهری دئییه بیرالله بنده سینین ائوینده کیلفت ایشله ییردیم؛گاهدان آتا آنامین دهشتلی اولومونو یادا سالاندا گوز یاشلاریمی یاشاردان گیزلتمک ایسته ییردیم؛یادیمدادیر بیر یول اوشاق باخچا گئدن یاشار بیله مه اوز توتوب دئدی آنا ندن بیزه قاچقین دئییرلر؛هفته لر آیلار یاشار بیزیم ندن قاچقین اولدوغوموزو سوروب تای توشلارینا جاوابده اولماق ایسته ییردی؛شوکورلرکی کئچن هفته لرده ظفرلی اوردوموز یوروشه کئچیب دوغما یوردوموز جبراییل رایونونو خیلاص ائله ییرکن اهالی آراسیندا بویوک جوشقو یارانمیشدیر؛اوزون ایللرین حسرتی باشا چاتان کیمین من نن یاشاردا اللی ایاقلی هم یئرلی لره قوشولوب قددار ائرمنی الینن دارما داغین اولموش دوغما یوردوموزا گلدیک؛هر کس اوز دام دئشینی یوخلاییب آتا آنا قبیری دئییه شهر مزارلیغینا باش ووراندا بیزده اورایا گئتمه اولدوق؛آغیر حوزون ایچینده مزارلیغی گوزومنن کئچیردنده یاشار اوزولمه گیمی گوروب دئینده ندن بئله کدرله نیسن ائرمنی یوروش ایللری دئییه بورادا کئچیردیگیم آجی اولایلار گوزومون قارشیسینا گله رکن ایختیارسیز اونکوروب آغلاماغا باشلادیم؛ایللر بویو اوزومنن یاشادیغیم او آجی اویلایلار اوره گیمی سیخساندا یاشارین الینی توتوب دئدیم اوغلوم او قانلی قادالی ایللرده ائرمنی نین آدام اولدورن عسکرلری جاماهاتی قوواراق منی بیر کورپه قیز اوشاغی اولماغیما باخمایاراق ائله بو مزارلیقدا آتا آنامی گوزومون قارشیسیندا گولله بوران ائله دیرلر؛بیر دونه یاشاردهشتین نه درجه ده اولدوغونو دویوب یوموروغون قیساراق تجاوزه نیفرت دئییه سارماشیق کیمین آناسی نین بویونا دوشالاندا دئدی؛ بس بیزیم بو مزارلیقدا..................

+ نوشته شده در شنبه نوزدهم مهر ۱۳۹۹ ساعت 9:0 توسط (قلئی چی مورتوض)  | 2 نظر

آی آغامعلی نین...................

 نئچه گونودو ترس آوا کند جاماهاتی سو؛برق؛ گاز وارزاق باهالیغینا گوره گوتولموشدولر شیخ آغانین قاپیسی نی داشلایا داشلایا یامان یووز دئییردیرلر؛نهایت شیخ آغا حضرتلری شرعییاتدان شککییاتدان خیلاص اولان کیمین چوله چیخیب هم یئرلی لرین های کوی سالماقلارین گورنده الله هین عذابین نان قورخ دئییه توپلوما گلنلره اوستونه های باسیب دئدی گورمورسوز حورمتلی جومهورباشقانی دئدی کی هر نه قیشقیر باغیریزوار آمریکان دئییه آغ ائوین باشینا سالین شیخ آغانین بو سوزون نن منی گولمک توتان کیمین بیر حکایه نی یادیما سالدی قاباقلار من نن اوستا آغامعلی هوندور بینالی مرتبه لرین بیرینده گج ائو آغارتما ایشینه باخیردیق؛ لاپدان وئدیره یه توکدوم زیر زیبیلی آلیشقادان چوله آتاندا گوردوم کوچه ده های کوی قوپدو؛بویلانیب آشاغا باخاندا زیر زیبیلی باشینا توکدوم بیر بوغو بورما گنج یوخاری باخا باخا دئدی اشی سن کیم سن منده اوزومو ایتیرن کیمین آغامعلی دئییه دئییه قاییدیم دالا کی اوستا سنی آلیشقا آلتیندا چاغریرلار؛اوستا آلیشقادان باخاندا گوردوم آشاغیداکی دئییر........................

+ نوشته شده در جمعه یازدهم مهر ۱۳۹۹ ساعت 20:49 توسط (قلئی چی مورتوض)  | یک نظر

آنامین ایپک یایلیغی....................

بئش آلتی آی آنامین اولومون نن کئچمیشدیر؛بیر گون جوم آخشامی قبیراوستون نن قایداندا باجیلاریمین بیری بیله مه یاخینلاشیب بیرلیکده آتا ائوینه دوغرو گئدنده ایضاح وئردی بو گئجه اوشاقلار ییغیشیب ائوی ساتیریق دئییه آنامین جئییز صاندیغی نی آچماق ایسته ییرلر؛آنامین اولومنن سونرا ایکینجی و یا اوچونجو ییغیشما اولوردو کو باجی قارداشلاریمی بیر یئرده گوروب شهرده کی آتا ائوینین چیراغی نی یاندیرمالی اولوردوق؛چوخلو سوز صوحبتدن سونرا ائوین ایلک اوشاغی بویوک باجیم آنامین صاندیغی نی آچیب قیزیل گوموش زینت اشیالارین نان توتموش آداقلی گونلری دئییه آتامین اونا آلدیغی ال الوان پارچالارینا قدر آرالاریندا پای بولوش ائله دیلر؛امما ساوادلی ضییالی باجیم او آغیز بوغوض دولو صاندیق دان بیر ساپاقلی ایپک یایلیغینی گوتوروب ایلییه ایلییه ائلات قادینی کیمین باشینا باغلادی؛دوره دن آچیق ساچیق اوتوران نوه نتیجه بیله سینه گوله رک اورتوگونو باشین نان گوتورمک ایسته ینده یایلیق حورمتی دئییه اونلارین بو ایشه یونگول باخماماقلارینی سویله دی؛گئجه کئچیب هر کسن ائو ائشیگینه گئده رک منده اوز عایله مه اوز توتدوم؛امما باجیم آنامین صاندیغی دئییه ایر بئله باهالی زینت اشیالارینی قویوب تکجه بیر یایلیغی نی گوتورمه سی بیله می فیکیره سالمیشدیر؛نهایت بیر گون باجی قارداش خلوت ائله ییب اوتن خاطیره لری دوغرولداندا بیله سینه سووال وئردیم کی آنامین دولو صاندیغین نان تکجه بیر ایپک یایلیق ندیر کی سن اونو گوتوروب سیلسیله دوزولموش گوموش بویونباغی لاردان واز کئچدین؛باجیمین گوزلری دولان کیمین قوللارینی بوینوما دولاییب نئچه یول ایپک یایلیغی دئییه دئییه ایضاح وئردی کی آنام گلین گلن ایللری اوبالاری دئییه ایکی یاخین طایفا آراسیندا قان توکمه ساواش باش وئرمیرمیشدیر؛ آنام او قانلی قادالی ساواشی یاتیردماغی چین بیر تزه گلین کیمین ساواشانلار ایچینه گیریب آدی گئدن یایلیغی باشین نان گوتوررک گوزلرینی قان توتموش ووروشانلارین ایاغی آلتینا آتاندا ساواشی یاتیردمالی اولموشدور؛ سونرادان بیر آه چکیب علاوه ائله دی گی حاییف اولسون کو آرخادا قویدوقوموز پارلاق مدنیتیمیزی کو بوگون کو توره لریمیز................

+ نوشته شده در شنبه پنجم مهر ۱۳۹۹ ساعت 7:31 توسط (قلئی چی مورتوض)  | 3 نظر

ایسلامی ائله ییبلر................

الله بیزیم بو ائو آدامی خؤیلو خانیمی ترس آوا کندینه طالبان ماللاسی یارادیب؛الن نئچه ایلدیرکی قونشو زننلرینی باشینا ییغاراق ایروضه تشگیلاتی یولا سالیب هله هئچ نهی از مونکور تبلیغاتچیسی کیمین اوزوده دیرناغی ایرنگلی لری باشی آچیقلاری ایرشادین آدینا ایسلامی ائله ییر؛ثاوابی اولنلریمین دئییه ایلده بیردونه کربلایا هر آلتی آیدا مشهده جانیم سنین چین دئسین هر آیدادا کاروان گوتوروب داغ دیبی ایمام زادلاری دولاندیریردی؛امما کارانتین(خورونا) گونلری دئییه آلتی یئدی آی اولار کی ائوده کونده نشین اولوب چیخارتدیغیمی آلاراق ائوینی دیزانی اوسته ایشله ییر؛بیر گون کوندوگون(آفدافا)لولوگون عوض له ییب باشینا قوپبا قویور؛بیر گون سوپورگه نین باشینا کرتیک کئچیردیر؛بیر گون دیبک دسته سینین اوستونه مچید گونبذی قویور؛نه بیلیم بیر گونده قاپی گیره جه گینده باش توپبوز مناره یاپدیریر؛دیلیم لال اولان کیمین او گون سوروشدوم آی آرواد بونلار نه ایشدیر کی گورورسن؛ چارقاتین توولاییب چینینه آتا آتا دئدی آی دینسیزایمانسیز گؤرمورسن مملکندیمیز ایسلامی؛سیقه خانالاریمیز ایسلامی؛بانکلاریمیز ایسلامی؛عدلییه میز ایسلامی؛شورالاریمیز ایسلامی؛ادب خانالاریمیز ایسلامی؛منده قوپبالاری دوزه دوزه ائویمیزی ایسلامی ائله ییرمداااااااااااااا ال ایاغیمی ییغیب بس منیم یئمه گیمه نه دئمک ایسته ینده ایری ایری بیله مه باخیب ماتباخ پیچاغینان اوستومه چوماراق الیمی نامیس ناحیه مه قویوب چوله قاچاندا اوجا سسین نن دئدیم منی اوشاق واختی ...................

+ نوشته شده در شنبه بیست و نهم شهریور ۱۳۹۹ ساعت 8:20 توسط (قلئی چی مورتوض)  | یک نظر

منیم کینده یئییب...............

اوزوم ایاغیزین آلتینا اوگونلری ائو آدامی خؤیلو خانیم دوغموشدو زئیرین سئوینجک خسته خانا حه یتینی دولانیردیم؛لاپدان کوهنه تانیشیم صوقات آلینی گوروب اوپوش گوروش ائله ین نن سونرا دئدیم بورادا خئیر اولا جیب دسمالی نی چیخاردیم آغزی بورنون سیلن نن سونرا ساغ الینن نامیس ناحیه سین گوسته ریب دئدی گلمیشم فتقیمه عملیات ائله ییم؛بیر اوستول تاپیب خئیلک سوز صوحبتدن سونرا سوروشدوم کو سه اورتاق(بیمه)زاد وارین؛الین قویوب دیزیمین اوستونه دئدی آی قالایچی میرزه سوروشما؛قوجالیغیما بیراللی آلتمیش میلیون آرتیریب بو موسسه مالی لارین بیرینده قویموشدوم؛اونودا برشیکاست اولوب دئییه ایسلامی دولتیمیز چکدی یوخاری؛ سوندان باش بارماغین آغزینا سوخوب گوزومون قاباغینا توتاندا بیرحیکایه نی یادیما سالدی؛ کئچن واختلاردا شو قریب بیر تولکو دادان نان کیمین گونده بیر قونشونون نینینه سوخولوب تویوق خوروموزو یئییردی؛ترس آوا کند جاماهاتی دویلت طرفین نن جرمه لنمه سین دئییه تولکونو اولدوره بیلمیردیرلر؛نهایت شهر بایتارلیق ایداره سینه کاغاذ زاد یازدیردیق کی بیزینن تولکونون آراسیندا محکمه قورسونلار؛هفته سونو ایداره مامورو گله رک جاماهات مچیده ییغیشیب ضرر زیانین سیاهی یا آلاندا اول باشدان حاجی قدرت ال قالدیردی بیزدن اوچون یئییب؛مچیدین آشاغی ورین نن کل اوغلان دوردوگو بیزدن بئشین یئییب؛ منبره قارشی اوتوران کئفلی ایسکندر دیزی اوسته قالخیزدی کی بیزدن اون ایکیسین یئییب؛ها بئله مچیده سس دوشن کیمین بیر اوندا گؤردوم شبیستان آرخاسین نان دول عادیله باساراق تاخدانی دویور کو آغای ایرئیس ......................

+ نوشته شده در جمعه بیست و یکم شهریور ۱۳۹۹ ساعت 19:37 توسط (قلئی چی مورتوض)  | یک نظر

آنامین گؤزون نن ایراق....................

آنامین آتاسی تئز دونیاسینی دَییمه سینه گؤره بویوک قارداشی دیزی گیر توتان نان اؤرتا یاش آنا بیر قارداش ایکی یئنی یئتمه باجیسی نی قاناتی آلتینا قالاراق اونلارا قایغی کئش لیک ائله ییر؛آنام او عایله نین اوچونجو قیز اوشاغی اولاراق آتام عوضی قارداش دئیینده دوره برده کیلرین قیسقانجینا سبب اولاردی؛یوخلوق و قهددیک ایللری یاشایشلارین چتین ائله سه ده قارداش باجیلاری بؤیوده رک اره وئریب ائوین سؤن بئشیگی بالاجا قارداشینی دا ائولندیریر؛بو قارداش ایجتیماعیتده آغایانه داورانیشینان خان خوانین نان اؤتور دور ائله ییب بولگه ده اؤزونه حورمت قازانیر؛من گؤزومو آچان نان بویوک ننه و دایی اوجاغی بیزیم عایله ایچین اَن مقدس سایلیردی؛اونا گؤره کی بو باجی قارداش موناسبتی ائل ایچینده دیللره ازبر اولموشدور و آنامین سون آندی قارداشیم جانی دئییه الله کلامی کیمین اونا اینانیب اورک باغلایاردی؛گاهدان اؤوچو قارداشین سیلدیریم آرخاسیندا آچیلان بیرنو توفنگینین سسی داشلارا دوشنده جینگیلتیسی یال یاماجی بورویردی؛بو قارداش اوزون عومور سورن نن سونرا واخت آشیری دؤغمالارینی باشینا ییغیب جؤشغولاناراق یئتمیش هشتاد اوشاق؛نوه؛نتیجه؛دوره سینی آلاردی؛یادیمدادیر آنام اؤلوم یاتاغینا دوشنده بیز(اوشاقلاری)دوره برینده اولسادیقدا اوزاقدان اوزاغا آی قارداش دئییه دئییه گؤزلرینی ایشیقلی دونیایا یوموب یئتیم لیک گونلریمین سببکاری اؤلموشدور؛کئچن هفته لرده کارانتین گونلرینی دئییه ائل طایفامیزی مودوروک باشجیسی دایی نی خسته لیگ اوسته له یب اولوم خبری منه چاتاندا ایکی اللی باشیما ووراراق اوجا سسینن دئدیم یوخ.............................

+ نوشته شده در جمعه چهاردهم شهریور ۱۳۹۹ ساعت 19:10 توسط (قلئی چی مورتوض)  | 2 نظر

شعوبیه شعوبیه..............

محرم گونلری دئییه ائو آدامی خؤیلو خانیم تلویزیانی خودداییب کاناللاری آشاغی یوخاری ائله ینده لاپدان باش کند جاماهاتینین سینه زنجیر ووروب آغلاشمالارینی قانشارا گتیردی؛ائو سیخلیغیندا نوه نتیجه نی باشینا ییغیب دوشلرینه دویه دویه آغلاشمالاری توتاندا بیر حکایه نی یادیما سالدی؛ اوشاغیکن بیزیم ترس آوا کندینده بیر عاغیل(عقیل) دایی آدلی آهیل کیشی واریدی؛محرم گونلری جاماهات مچیده ییغیشیب دوشلرینه دؤینده او باشینا ووروب یئری گلنده گاهدان هاوار چکردی؛نئچه ایلدن سونرا بیر گون بیله سینی یانالاییب دئدیم عاغیل دایی محرم عزا گونلری دئییه جامات دوشونه ووراندا سن ندن باشینا وورورسان؛ سؤزومون ائشیدجه گین ایکی الین قالدیریب باشینا ووراندا اوجا سسینن دئدی.............................

+ نوشته شده در جمعه هفتم شهریور ۱۳۹۹ ساعت 18:59 توسط (قلئی چی مورتوض)  | 2 نظر

صحیه ناظیری دئدی...............

ساهات 11اخباری                                                                                                                                         خورونا درد آزار ویروس ینان باغلی بو ساهاتا اولان خبر باشلیق لاری

&-صحیه ناظیری(وزیر بهداشت) دئدی هر کیمسه آغیزینا قارا هاوا سوزگجی(ماسکا)تاخسا اونو درد آزار توتاجاق چونکو قارا بویانین شوکومو اولماز؛

&-صحیه ناظیری دئدی آغ ماسکالاردان استفاده ائله یینلری تئز درد آزار توتاجاق چونکو یئنگه دونیادا اؤنونلا گؤتلرین سیلرلر &-صحیه ناظیری دئدی؛اؤلکه میزده درد آزار یولوخماسینان(سرایت)اؤلنلری سایی 47 نفردی

&-صحیه ناظیری دئدی اولکه داخیلی درد آزاردان اؤلنلری سایی 150000نفردی &-صحیه ناظیری دئدی بیرآیدان سونرا خورونان ویروسون درمانینی استحصال ائله یه جه یک

&-صحیه ناظیری دئدی خورونان ویروسون درمانی یوخدور &-صحیه ناظیری دئدی خورونا ویروس دان ساغلانلاری سایی یوزه دوغسان فاییزدیر

&-صحیه ناظیری دئدی خورونا ویروس توتانلارا ساغالماق یوخدور

&-صحیه ناظیری دئدی هر وطنداش آج قارینا اوچ یول برکدن اوستورا بیلسه اؤنو درد آزار توتمایاجاق

&-صحیه ناظیری دئدی کهنه قبیرستان نان کئچنده برکدن اوستورانلاری درد آزار توتاجاق

&-صحیه ناظیری دئدی هر وطنداش گئجه یاتاندا بیر ایکی یئر کوکونو اؤزونه یئریده بیلسه اؤنو درد آزار توتمایاجاق

&-صحیه ناظیری دئدی هر وطنداش یئر کوکو سو ایچسه اونو درد آزار توتاجاق

&-صحیه ناظیری دئدی قورود آشی ایچنلری درد آزار توتمایاجاق &-صحیه ناظیری دئدی قورود ازنلری درد آزار توتاجاق

&-صحیه ناظیری دئدی بیر آیدان سونرا خورونا ویروس قورتاریب گئدجک

&-صحیه ناظیری دئدی خورونا ویروس هممشه لیک بیزیم له قالاجاق

&-صحیه ناظیری دئدی شیخ آغا ساققالینی قیرتسا.....................

&-صحیه ناظیری دئدی آغامعلی عؤمر آتین نان اَنسه................

+ نوشته شده در شنبه یکم شهریور ۱۳۹۹ ساعت 10:42 توسط (قلئی چی مورتوض)  | 3 نظر

آلنی داغلی..................

نه دئییم والله عالیه تحصیل دئییه ایکی ایل انشاعاتچی(معماری) اوچ ایل ماشین قاییرما(مکانیک) بئش ایل کیم یوی استحصالاتی(شیمی)درسین اوخویوب اؤنیوئرستی قورتاران نان سونرا یئنه بئکار به صنت فهله دوراجاغینان توتموش طییییی ایداره لری گزیرم کی بلکه بیر ایش میش تاپیب عمیم قیزینان ائوله نیم؛

بئکارا ائل تانیشا نه دئمک اولار اوشاقلیق یولداشیم آلنی داغلی زارتلی دایی نوه میز مچید پایگاه آدامی اولاراق ساوادی اولمادان یئدی ایداره نین نیظارتیچیسی کیمین ایشله ییر؛

عمی قیزیم الدن چیخماسین دئییه ناواختدیر کی بلدیه ایداره سینه گئت گل ائله ییرم کی هئچ اولماسا سوپورگه چی یازیلیم؛

بیر ایکی ایل قاچا قاچ ائله ین نن سونرا نهایت آدیمی یازیب خبر ائله ریک دئییه نوباتا قویدولار؛

نئچه واخت قاباق لاپدان بیله می ایشه گؤتورنده دئدیلر گرک محله مچید پایگاهیزدان تانیش ضمانتچی گتیرسن؛

چاراسیزلیقدان یئدی ایداره نین نیظارتچیسی دایی نوه میز زارتعلی یه موراجیعه ائله ییب ایستکگیمی دئیینده بویوروق وئردی کی جمعه آخشامیلار مچیده گله رک پایگاه ایشلرین نن مشغول اولوب مشق لر کئچیره سن؛

اوچ دورد آی آدام ساتماق مشقی آلان نان سونرا نهایت محله کوچه لرین سوپورمک صلاحیتینی قازانیب ایش دوشدوم؛

ایندی هردن اؤز اؤزومه دئییرم ایسلام اؤلکه سی دئییه سوپورگه چیلیگ پئشه سینه بئش آدام ساتماق لازیم اؤلورسا گؤره سن یئدی ایداره نین نیظارتچیسی اولماغا نئچه آدام ساتماق لازیم اولاجاق....................

+ نوشته شده در شنبه بیست و پنجم مرداد ۱۳۹۹ ساعت 20:19 توسط (قلئی چی مورتوض)  | 2 نظر

آی خانیم آخی...................

دئییرم تای توشلارین اوچ اوچ دؤرد دؤرد وارلاردی به منیم نه ییمدی کی بیردنه قالمیش قیز یولداشیم یوخدور؛

هر قهبه خانایا باغیشلایین چاشدیم سیغه خانایادا گئدیرم بیله می ایت قاتیب قووالاییرلار؛

یاشیم اوتوب قیر قیلیم چاللاشان کیمین دئییه سن ائله تاباغی قولتومدا یاشایاجاغام؛

هفته اوزونو بو فیکیرلر بئنیمده دولانان کیمین گاهدان قونشوموز آغامعلی نین دیرناغی رگلی باجیسی نی گؤرنده آغزیم سویو گئدیب گوبه گیمه چاتیردی؛

چوخلو تپرینج ائله یه نن سونرا اوگونلری اوزوم گلر گلمز مچیدیمیزین دسته باشی سی فاطما باجیما دئدیم هئچ اولماسا سن او باشی چادیرالی یولداشلارینین بیریسین من نن تانیش ائله؛

فاطما باجیم سوزومو ائشیدن کیمین ایکی قالدیریب صیفتیمه اوجا سسینن دئدی آلا باشیوااااا ای؛

اوچ دورد گون اوستون نن کئچن نن سونرا بیر تلفون نومره سینی بیله مه وئره وئره دئدی آلا بون نان تانیش اول؛

قورخا قورخا نومره نی آلیب زنگ آچاندا قارشی طرفدن بیر اینجه سسلی خانیم جان جان دئییه رک سس وئردی؛

خیلاصه نه باشیزی آغریدیم گئد گئده خانیمنان دوسلاشیب تلفونلاشاندا بیرگون ایش یئریمه گلیب گؤز به گؤزده دانیشاجاغیمیز اولدو؛

آپاریب باهالی رئستیرانلارین بیرینده یئمه گین زادین وئرن نن سؤنرا بیله سینه یاخینلاشیب بیر اوپوش ایسته ینده دالا چکیلیب دئدی هله اولماز؛

کور پئشمان دالا چکیلیب دئدیم ای یئر اوزونون گوبه گی به نه واخت اولار؛

چانتاسین نان کاغاذ یووش(قلم)چیخارداراق بیر شماره حئساب وئریب دئدی آیلیق بیر میلیون حئسابیما توکمه لیسن؛ ماشین چاغیریب یولا سالاندا بوش گئتمه سین دئییه بیر ایکی یوز تومنده اؤوجونا قویوب یولا سالدیم؛

آی باشی گلن کیمین بیر میلیون حئسابینا توکوب الیمده بیر تویوق بیر پارس آباد قارپیزی گؤتوروب وئردیگی عنوانا گئده رک ائو قاپیسی نی دؤینده اوست مرتبه آلیشقاسینان باشین چیخاریب منی گؤرنده هیم جیمنن آندیرکی نه گتیریبسن؛

الیمده کیلری قالدیریب گؤسته رنده آچیق یاخاسین دویمه لی یه دویمه لی یه دئدی سن نن قاباق کی اویناشیم گلنده منه شاماخی قوونو گتیرردی؛

وَر بئله گلنده الیمده کیلری گؤتوروب گونده لیک ایشلریمه قاییتمالی اولدوم؛

یئنه آی باشی بیر میلیون حئسابینا توکوب تویوغو پارس آباد قارپیزینی وبیر شاماخی قؤونودا ال ایاق ائله ییب قاپیلارینا گئتدیم؛

زنگی ووران کیمین بو دونه ده آلیشقادان باشینی چیخاریب دئدی نه گتیریبسن؛

الیمده تویوغو پارس آباد قارپیزینی شاماخی قؤونونو گؤسته رنده؛دئدی سن نن قاباق کی اویناشیب گلنده منه اردبیل حالواسی گتیرردی؛

یئنه ده گتیردیکلریم گؤتوروب اوز یاشایشیملا مشغول اولدوم؛

یئنی دن آی باشی گلن کیمین بیر میلیونونو توکوب علاوه دن تویوغو پارس آباد قارپیزینی شاماخی قؤونونو و اردبیل قارا حالواسینی گؤتوروب بیله سینه موراجیعه ائله ینده بو دونه آلیشقادان باشینی چیخاریب دئدی نه گتیریبسن؛

بو دونه ده گتیردیک لریمی گؤسته رنده دئدی سن نن قاباق کی اویناشیب گلنده منه لنکران بکمزی(دوشاب) گتیرردی؛

سون اولاراق ور وسایلیمی گؤتوروب گئری دوننده اوجا سسینن دئدیم..................

+ نوشته شده در شنبه هجدهم مرداد ۱۳۹۹ ساعت 8:28 توسط (قلئی چی مورتوض)  | 2 نظر

ایت موتالی...................

 حاجی لار بایرامی دئییه گئجه اوشاق بویوک ییغیمیش دیرلار بیزه؛ تلویزیا خبرلری گئدنده لاپدان بویوک کوره که نیمیز دیزینه ووروب دئدی یئنگه دونیا تحریم لری بوراخمیرهااااااااااااااااااااااا بیر آز اون نان سونرا اورتانجیل گلین های باسدی کی کاتدا ایسلام حکومتی بوراخمیرهااااااااااااااااااااااااااااااااا بیر آز دان سونرا ائو آدامی مطباخدان چیخا چیخا دئدی ایچه جک سویون آخارینی ایداره بوراخمیرهااااااااااااااااااااااا بیر آزدان سونرا بی ادبچیلیکدی کیچیک نوکرچز الینده کی گوشوده اولان بیر کیلیپی گوسته ره گؤسته ره دئدی ایت موتالی بوراخمیرهاااااااااااااااااا اؤنیوئرسته قورتارمیش قیزین آداقلیسی دئدی کی قوچو نیظام لیوانی(لبنان)بوراخمیرهاااااااااااااااااااااا بیر آز اون نان سونرا فاطما باجیم قارنینی توتوب دئدی سانجی بوراخمیرهاااااااااااااااااااا بو بوراخمالاری ائشیدنده گولومسه ییرک بیر حکایه یادیما دوشدو سابیق ایش همکاریم قالایچی مورتوض دئییردی بیر یول ائوده حیات یولداشیم خؤیلو خانیمنان نان بیت له شیردیک(جروبحث) لاپدان آروادین عصبلری قاریشان کیمین باشیما قیشقیرا قیشقیرا دئدی بوراخ دااااااااااااااااااااااااااااااا مورتوض دئییر ایاغا دوروب ائو اوزونو اوچ دوردنه دال با دال بوراخدیم آرواد بورنون توتوب چوله قاچاندا دئدی ائله نه یه ائله ییرسن دئدیم والله بیزیم ترس آوادا بئله بوراخارلار..........................

+ نوشته شده در جمعه دهم مرداد ۱۳۹۹ ساعت 21:45 توسط (قلئی چی مورتوض)  | 2 نظر

یانان کتابلاریمیز....................

بیرگون یاشادیغیمیز شهردن باش کنده گئتمک مقصد ایله آفتابوس بیلیطی آلاراق آخشام ساهات سکگیز ماشینان یولا دوشمه لی اولدوم؛بئشینجی اوستول(صندلی)دئییه ساغ یانیمدا اؤتوران ال اوزو یانیق بیر آهیل آغ ساققال کیشی نن یول بیر اولاراق احاطه لی سوز صحبتیمیز اولدو؛خئیلک یول گئدن نن سونرا ایش پئشه منن سؤروشاندا بیلدی کی من یازیچی یام گؤزلری دولا دولا ال اوزونون یانیغی گوسته ررک دئدی اوغلوم گل سنه بیر قاپالی اولایین استونو آچیم؛ یادداشیندا اولان خاطیره لره موراجیعه ائله ینده درین خیالا چولقانیب دنیز دالغاسی کیمین چیینلری اویناییردی؛ نهایت سکسن نن یوخاری اولان کیشی بئله ایضاح وئردی کی 1324نجی ایللری دئییه آتام آزادلیغیمیز اوغروندا میللی حکومتی مدافیعه ائله مه گیچین الینه سیلاح آلیب چوخلو دویوشن نن سونرا بیر خالق فدایی سی کیمین شهید اولدو؛1325نجی ایل بویوگ پیشه وری شهید عایله لرینه باش چکه رک بیزیم ده ائوه گلیب بیر آتا کیمین باجیلاریمین باشینا ال چکنده منیم مکتبده اوخودوغوم تورکو کتابیما قول چکدی؛ او چاغدان صینیف داشلاریم آتاسیزلیغیمی باشیما چالاندا آدی گئدن کتابی باغریما باسیب نه ایسه اوزومه تسکینلیک وئریردیم؛ وال دولانان کیمین او ایلین قیش ایراده لرینده قددار محمد ایرضاشاهین آدام اولدورن قوشونلاری آزاربایجانا یوروش ائله ییب میللی حکومتیمیزی داغیدان نان سونرا اولدوره نی اولدوروب اله کئچن فدایی لریده گونده لیک دار چکیردیرلر؛بونا قانع اولمایان شاه مامورو ائو به ائو دولاناراق تورکو کتابلاری ییغیب قالاق قالاق اوت ووروردولار؛اودورکو من قول چکیلمیش کتابی آپاریب باغ آری قه لیبینده گیزلتمیشدیم؛بیر گون خایین قونشولارین چوغولوق ائله ییرک شاه مامورو ائویمیزه توکولوب آنامی وورا وورا آدی گئدن کتابی طلب ائله ینده عایله میز تشویش ایچینده یاشاییردی؛چاراسیزلیقدان آغلایا آغلایا گئدیب کتابی ایچ قوینوما قویاراق گتیرنده اوشاق خیالمینان  دئییردیم کتابیمی یانسا او مقدس امضاء نه اولاجاقدیر؛جان بی نفس قاییدیب آنا باجیلاریمین های هارایینا چاتاندا اوزاقدان ائویمیزین یانماغینی گؤررک دایانمادان اؤزومو یالغین آلاو لارا ووردوم کو.............................. 

+ نوشته شده در جمعه سوم مرداد ۱۳۹۹ ساعت 20:48 توسط (قلئی چی مورتوض)  | 2 نظر

پرده آرخاسی................

کالبایی کل اوغلان دئییردی کلینیکادا دوکتورجئری نن اؤتوروب یئر آل وئری ائله ییردیک کی لاپدان قالایچی مورتوض باش گؤزونه وورا وورا گیردی ایچری کی آی دوکتور ائویم ییخیلدی؛دوکتور نطنز یاندی؛دوکتور پئنجه ییم ییرتیقلی قالدی؛هفته سؤنو ایشم یاریم چیلیق قالدی؛آروادین کبینی سیکگه باهالیشدی؛ کالبایی علاوه ائله ییردی کی دوکتور تعجوبله نرک کئچیب قالایچی نین الینن توتاندا ویلله نیب یاپیشدی سؤل قیچین نان کی نه گونون آدامیسان بیر تایی واریم بیر تاییندا سن تاپ؛ های کویه کلینیکا ایشچیلری ییغیبشماسین دئییه دوکتورونن کومکله شیب قالایچی نی دووار آرخاسینا چکه رک سؤروشدوم اشی دانیش گؤرک بوبازاردا نه وار؛ قالایچی یاندیردیغی سیگارئتی نی چکیب بیر آز توخدایان نان سونرا حیات یولداشی خویلو خانیمینان پرده آرخاسی دالاشمالارین نان دانیشیب دورلو دورلو حیکایه لر سویله دی؛ دووار دیبینی آشاغی یوخاری آردیم لایا آردیم لایا دوکتور بی الین قؤیدو قالایچی نین چییینینه کی آغا مورتوض ار آرواد دالاشماسی ساغ سؤل داواسی کیمین بیر زاد دئییل کی بیر بئله های بیدیریق سالیرسان؛ دوکتور سوزونو قورتارمامیش قالایچی علاوه دن سسین آلدی باشینا کی نئجه کی بیر زاد دئییل اشی جومهور باشقانینا بادالاق آتیرلار هله هئچ بیزیم بوائو آدامی دا بوشانیر؛ کالبایی کل اوغلان دئییر بیله سینه اورک وئره وئره سؤروشدوم کو آخی ندن بوشانیر؛ دابانلارین قوزایاراق دوکتورون قولاغین گتیریب آغزینا یاخین ناداندا اوجادان سس سالدی کی دئییر تای داششاق سان؛ دوکتور بی گولومسه ییرک دئدی یانی سن بویوران اولکه نی استق فیراللا ائوی تای داششاغینان ایداره ائله مک اولماز.........................

+ نوشته شده در جمعه بیست و هفتم تیر ۱۳۹۹ ساعت 20:41 توسط (قلئی چی مورتوض)  | 2 نظر

اللی ایلدن سونرا..........

بیز ترس آوا کندینده اولارکن پیقونبر ائولادی دئییه دام بادام خالانین قارا سئید آدلی تک اوغلان اوشاغی وارایدی؛یادیما گله لی کند جاماهاتی خسته له نن اوشاقلاری دام بادام خالانین یانینا گتیریب قارا سئید بونون آغزینا توپورسون دئییه تویوق دان بئچه دن وئریب دوعا سانا ائله یه ائله یه گئدردیرلر؛قارا سئیدینن من ایلک بینادان صینیف یولداشی اولساق دا اللی ایل قاباق دان کتدن چیخیب عایله میز هره سی آییری آییری بولگه لره کوچمه لی اولموشدوق؛و بو اللی ایلده من نن قارا سئیدین یولداشلیغیمیز داوام ائله ییب یئری گلنده گؤروش مه لریمیزده اولوردو؛بو گؤروشمه لرین داوامی اولاراق کئچن واختلاردا اوزون ایللردن سونرا دوغما کندیمیزه اوز توتوب بیر گئجه نی اورادا قالماق ایسته ینده ایلک آخشامنان گؤردوم کند جاماهاتی خورونالی اوشاق بویوگو گتیریرلر کی آی قارا سئید بونلارین آغزینا توپوره سن؛ایشی بئله گورنده اوزومو یول بیر یولداشیما توتوب دئدیم آی آغا بونلارین کی توپورمکدن کئچیب اولسا بیر آز آغیزلارینا ایشی یه سن.....................

+ نوشته شده در جمعه بیستم تیر ۱۳۹۹ ساعت 20:14 توسط (قلئی چی مورتوض)  | 3 نظر

وئررلر......................

تانری اوله نیزی ایرحمت ائله سین موعتبر ددده ددلیگیم (شیخ آغا)حیاتینی غایب انده نن سونرا من نن ائو آدامی (خؤیلو خانیم)گلیب گئده نین شرعییات شککیات ایشین نن سونرا سوخا(ورثه) داواسی ائله یین عایله لرینده ایشینه باخیب الیمیزدن گلن اممت هممشه در صف اؤرت باسدیرا قوللوق ائله ییریک؛او گونلری ترس آوا دوره کند ساکینلی دورتعلی نن سورتعلی قارداشلاری آراسیندا قان توکمه داوا دوشوب بیر بیرلرین ازیب شیلی کوت ائله میشدیرلر؛سحر آذان الله اکبرده گؤردوم دورتعلی قارداشی قاپیمیزی دویورکو آی قالایچی معللیم دادیمیزا چاتگینان کی سورتعلی کوپوک اوغلو حاققیمیزی سورتور هله هئچ باشیمیدا سینیدیریب؛سس سووا خؤیلو خانیمدا دوروب ایکیمیزبو محکمه نی آپاراندا من بیر باجاریقلی حاکیم کیمین دورتعلی قارداشین سوزلرینی ائشیدیب حاق سیزینندیر دئییه اوچ دورد یوز تومن آلان نان سونرا یولا سالدیم؛علاوه آخشام آذانی دئییه سورتعلی قارداش حیات یولداشینان گلدی کی آی مورتوض عمی ایت اوغلو بو دورتعلی حیات یولداشیمی دورلو دورلو سوین نن سونرا قارنین ییرتیب؛اؤنوندا سوزلرینه درین نن قولاق آسان نان سونرا عینی مبلغی آلیب حکم وئردیم کی حاق سیزینکیدیر؛گئجه آرایا گلن کیمین خان قیزی خؤیلو خانیما ددده ددلیگیم نن قالمیش بافیر مانقالی گتیریب یانیما قویاندا دئدی آی کیشی سن ائله حاققی بونلاری ایکیسینه وئردین آخی یئریز بوش ایکی اوچ نوخودچکیب نعشه له نن سونرا باشیمی قالدیردیم کی آی باخدیمین دابان چاتداغی ائله حاققی بیلمه یینه....................

+ نوشته شده در یکشنبه پانزدهم تیر ۱۳۹۹ ساعت 21:58 توسط (قلئی چی مورتوض)  | نظرات

شهرین میلیون چوسو.....................

شوکورلر کی بو ایل ایقتیصادیات سیچیراییش ایلی دئییه قبیرساندیقلاریمیزین گلیرینده نئچه فاییز آرتیم گؤرونور؛او سببدندیر کی جوم آخشامیلار یاشادیقیمیز شهرده کی قبیرستانلیق قاپیسندا دیلنچی سیخلیغی یارانیر؛منده نئچه واختدیر کی هفته سونو قالایچی توکانینی باغلاییب جیریق پئنچه گیمی گئییه رک بو سیخلیغیا قوشولوب دیرناغی رنگلی قادین گؤرنده دالینا دوشوب یالوارا زیغارا دئییرم علیلم ذلیلم وئر وئر الله یولوندا ؛بو هفته سونودا چانتامی گؤتوروب ایش یئریمه گله رک پئشه کار دیلنچی قارینی یرتیق کاظیمی دومسوکله دیم کی یئر ائله منده دایانیم؛سوزوموز آلچاق اوجا گلیب کاظیم نان یاخالاشاندا بیر اوندا گؤردوم کو قیچی چولاق یاقوب؛انگی قؤوشموش خلیل؛ گؤزوکؤر سلیمان؛تای قولاق اصلان توکولدولر اوستومه کی سنین بورایا گلمک حاققین یوخدور؛قال ماغالیمیزا جاماهات ییغیشان کیمین پولوسلر توکولوب هاممیزی یاخالایاراق پولوس بولمه سینه گتیردیلر؛نئچه گون بورادا قالان نان سونرا بیر گون پولوس بؤلمه ایشچیلرین نن اولان قاداسین آلدیغیم بیرتوکسوز یئنی یئتمه شیخ آغا گلیب علیل یولداشلاریم ائله گؤرنده منی یانینا چاغیریب سؤروشدوکو آی شهرین میلیونچوسو سنین نه ییندی؛ اللریمی پاچامین آراسیندا گیزله ده گیزله ده دئدیم منیم ده شئی ییم دورمور..........................

+ نوشته شده در جمعه ششم تیر ۱۳۹۹ ساعت 22:15 توسط (قلئی چی مورتوض)  | نظرات

آی آرواد سنده......................

بلدیه ایشچیسی اولاراق او گونلری همکاریم میرزه حسین نن کوچه نی سوپوره سوپوره گلیب گئدن دوداغی رگلی قیز گلینه باخیب کئف ائله ییریک؛لاپدان بیر کؤتوروم(سکی)اوسته اوتوراراق تویوشوموز آلماق ایسته ینده میرزه حسین بیله می دومسوکله ییب قارشیدان گلن بیر قیرلی فیرلی قادینی گؤسته رنده دیزینه وورا وورا دئدی قالایچی بودا باخ بودا؛منده باشیمی قالدیریب باخاندا صحبتیمیز قیزیشان کیمین دئدیم آی میرزه حسین هله بیلمیسن کی بیزیم قاباق قارشی قونشوموز کابلا عیبادین زنننی هر گون بزه نیب دوزه نیب نم هارایا گئدیر؛میرزه حسین منی قاباقلایان کیمین دئدی سن هله بیلمیسن منیم باجاناغیم باجیسی ناواخدیر کی قاش گؤزونه عملیات ائله ییب بیلم نن دانیشاندا دورزاغیم قالخیر؛خیلاصه شیرین شیرین صوحبتیمیز داوام ائله ینده بیزیم اوسته مرتبه اوتوران دوکتور جئری نین ایکینجی زننی گلیب کئچنده بو دونه من میرزه حسینینین دیزین نن باسدیم کی اشی ناواخدیر کی بو ماد مازئل قاباغی آچیق پالتار گئییه رک باش اؤرتوگونون اوجونو قاسیغی نین اوستونه سالیر؛علاوه دن دوروب ایشیمیزه داوام ائله ینده میرزه حسین دئدی آی قالایچی مورتوض تانری اؤزو ایرحم ائله سین بو تانیدیغیمیز آغلیق(یایلیق)اولدن ائله باش اؤرتوگو کیمین تانینمیشدیر ایندی نه ایسه باشدان زویه رک قاسیق اؤرتوگو اولماغا دوغرو گئدیر؛منده باشیمینان سوزلرینی تصیله ییرک دئدیم والله دوز دئییرسن بونلاری کیشی لرینده اصلا قیرت میرت علامتی یوخدور؛او گونلری هفته نین ایلک گونو اولاراق ائو آدامی بیله مه زنگ آچدی بوگون لری سه اؤرتاق(تامین اجتماعی)ایداره سینه گئتمه لییک؛بیر آز کئچمه دن کالا کؤتور خؤیلو خانیم گلیب آدی گئدن ایداره یه یولا دوشنده گؤردوم یول اوزونو کیشی لر خؤیلو خانیما باخیب دیزلرینه وورورلار؛شک ائله یین کیمین قارشی طرفینه کئچیب یایلیغی نی ساللاق گؤرنده اوزونه باخا باخا دئدیم.......................

+ نوشته شده در شنبه سی و یکم خرداد ۱۳۹۹ ساعت 11:15 توسط (قلئی چی مورتوض)  | نظرات

آرزی گؤزمهسا.................

مهسا اؤنوئرسته وارد اولان نان فهله عایله سینن اولان میلاد آدلی بیرگنج اوغلانی سئویردی؛هردنده منم کیشی دئیین آتاسینین گؤزونن ایراقدا سئودیگی اوغلانی ماشینا میندیریب شهردن چیخاراق طبیعت قوینو دئییه سئویشیب حاللاشیردیرلار؛گئد گئده میلادینان مهسانین سئویش مه لری ائل طایفا آراسی یاییلاندا قیز آتاسینین قیسقانجیلیغینا سبب اولوب گاهدان بیله سینی هده له ییرک یوخ ؛سن درس اوخویوب اؤزونه باب بیر کیمسه ینن حیات قورمالیسان دئییه بیله سینه قارا قورخو گلیردی؛اما نه یازیق کی ایشینین آخارینی بیلمه یین آتا سئوگی گوجونه اینانمایاراق آلا گؤز مهسانی مالی دورومو یاخشی اولا بیر کیمسه یه وئرمک ایسته ییردی؛ گنج میلاد هردن اؤز اؤزونه فیکیرله شنده کی مهسانین ایاغی آلتیندا باهالی ماشین وار؛اودا چالیشیردی کی آز ماز اوخودوغو درس حسابینا اؤردو قوروچولوق ایداره ایشینه دوشوب خیالیندا کی بو چاتیشمامازلیغی دولدورسون؛آلا گؤز مهساینان قؤوللاشیب اوزاق شهرلرین بیرینده ایشه مشغول اولارکن گله جک حیاتینین پیلانلارینی قوروردو؛بو طرفدن شهرین وارلی کارلی نان بیری مهسانی اوغلونا آلیب اؤزونه گلین ائله مک ایسته ینده قیز آتاسی وارا آللان نان کیمین گوجونن اولسادا قیزینین بوینونا قویورکو یئنی گلن ائلچی نین اوغلونا گئتمه لیسن؛الی بوش میلاد اؤردوچولوق ایشله رینن باشی قاریشان کیمین بو یان نان سئوگی قانیغی مهسا ایکی جان آراسیندا قالاراق نه ائله مه لییم دئییه آتاسینین اوزونن چیخا بیلمه ییب سئومه دیگی بیر اوغلان نان عایله قورمالی اولور؛مهسا گئتدیگی عایله ده اوزونو خوشباخت گؤرمه ینده داها اؤزونه قاپانیب گئد گئده عصب خسته لیگینه دوشور؛باشینا هاوا گلن تزه گلین پیسکولوک حکیم لرنیظارتی آلتیندا اولسادا اونون ناکام سئوگی یاراسی اوره گینده قؤر ائله ییرک میلادا اولان محبیتینی اونودا بیلمه ییر؛و گاهدان اؤغلانین سوراغینی توتوب اونو گؤرمک ایسته ییر؛و میلاد ایش یئرین نن عایله سینه اوز توتاندا بو گؤروشمه تکراراَ باش توتوب و بو ایکی گنج بیر بیرلرینه اولان سئوگی نی یئنی دن آلاولاندیرلار؛نهایت بو گؤروشمه لرین بیرینده ماشینلاری قضایا اوغرایاراق آرزی گؤز اولان مهسا یئرینده کئچینیب حیاتینی ایتیرسه ده یازیق میلاد دا محکمه ورینن حبسه معروض قالیب دمیر بارماق آرخاسیندا سئوگی لیسی نین گؤرا آپاردیغی.................................

+ نوشته شده در جمعه بیست و سوم خرداد ۱۳۹۹ ساعت 21:4 توسط (قلئی چی مورتوض)  | نظرات

نئجه دولانیر......................

بیلدیگینیز کیمین اؤرتا یاش قالایچی مورتوض اوزون بیر مودت بویرک خسته لیگینن اذییت چکیب گاهداندا یورقان دوشه گی نی ایسلادیردی؛ کئچن گونلرده باجی اوغلوسو هاماش درده جر دایی سینی گؤتوروب باش کند دوکتورلری دئییه مراجیعه ائله میشدیرلر؛نئچه گون خسته خانالاری دولان نان سونرا نهایت پارتیمیز وار دئییه ددده ددلیگی شیخ آغانین حئسابینا باهالی خسته خانالارین بیرینده یاتیب باشی اوسته گلن تخصوص صاحیبی دوکتورو گؤزله ییردی؛ نئچه گون قاوا قاسیق قالایچی نین بویرکلری اوسته ماینات آپاران موتخصص آغامعلی نین یوخ یوخ باغیشلایین چاشدیم قالایچی نین کیشی لیک دم دستگاهینی یئریندن قیرتماغینی مصلحت گؤرور؛الی اللردن اوزولن هاماش باجی اوغلو بیر آز دوا درمان نان آییریب علاوه دن موعتبردایی سینی گؤتوررک ترس آوا کندینه قایتمالی اولورلار؛قالایچی کنده یاخینلاشان کیمین حیات یولداشی خؤیلو خانیم دیزلرینه تاپدایا تاپدایا مورتوضون دوشورکو بون نان من باشیما نه داش سالاجاغام؛خؤیلو خانیم گون آشیری دوره بردن ائشیدیب گلن لرین اوز توتوب آه زار ائله یه ائله یه دئییر آخی ائوده کیشی سیز دولانار؛گلن خانیم لارین بیری دکلی یاتمیش خؤیلو خانیما توخدالیق وئره وئره دئییر؛به ایسلامی اولکه میز........................

+ نوشته شده در سه شنبه بیستم خرداد ۱۳۹۹ ساعت 17:50 توسط (قلئی چی مورتوض)  | نظرات

اوزو گولش لی شکیل.................

&-من؛الی دهره لی آتا؛سئوگی یانیغی گنج اوغلان؛قوجاغیندا اوزو گولشلی شکیل قارا یایلیغی آنا؛آغداش؛آستارا؛آزاربایجان،آجون؛عدلیه ایداره سی دئییه بیر داریسقال زالا مشایت اولونوب هر کسه ن اوز یئریمیزده اوتورموشدوق؛

&-قاپی آچیلان کیمین باشی عمامه لی محترم حاکیم ایچری گیریب ماسا آرخاسینا کئچه کئچه عصبله شرک دئییردی گرک الی دهره لی قیصاص اولونا؛

&-جان گودنلرینی چوله بوراخاراق چککوشو متالا وورا وورا محکمه نی آچیق ائله ییرم دئییه اوزونو منه توتوب دئدی

&-سن قالایچی مورتوض ندن ایسلام اولکه سی نین یوخ یوخ باغیشلایین چاشدیم بیر مسلمان عایله سی نین آبیرینا توخوناراق بو خبری سوسیال شبکه لرده یایدین؛

&-یئریم نن ایاغا دوروب سوسیال شبکه دئمگ ایسته ینده محترم حاکیم یئره اوتورماغیمی مصلحت گؤردو.................

&-سونرادان آغ داش کند(سفید سنگان) جاماهاتین نان گلنلری هده له ییرک دئدی بون نان سونرا ائوینیزده کسیجی آلت اولاراق دهره ساخلامایاجاقسینیز؛

&-بیر دونه اوزونو قارا یایلیق لی آنایا توتوب سوروشدو؛بو شکیل کیم دیر؛ &-آنا ساغ الینن شکیلی سیغللایا سیغللایا باشینی آشاغی سالیب اؤنکورتمه چالاندا.......

&-الیمی قالدیریب دئدیم محترم حاکیم بوگولش شکیل سئوگی قوربانی رومینا اشرفی دیر؛

&-سونرادان محترم حاکیم قارا یایلیق لی آنانی دوزوملو اولماغا چاغیرا چاغیرا دئدی بالانیزین قاتیلی نی آسدیراجاغام..

&-بیر آندا محترم حاکیم اوزونو الی دهره لی آتایا توتوب سوروشدو ندن بو اوشاغی اولدوردون؛ &-الی دهره لی آتا ایاغا دوروب تیترک سسینن دئدی محترم حاکیم عار نامیسیما گؤره؛

&-بیرآنداقارا یایلیق لی آنا:اوزونو الی دهره لی آتایا توتوب خبر آلدی عار نامیس اینسان اوغلونون هاراسیندا اولار؟..............

&-و من بیر دونه ده های باساراق دئدیم محترم حاکیم دهره سینده.................

&-محترم حاکیم:محکمه زالینی قاتما دئییه بیله می یئنی دن سوسماغا چاغیردی..................

&-محکمه نین سونوندا محترم حاکیم اوزونو سئوگی یانیغی اولان بهمن خاوری یه توتوب سوروشدو سن ندن اؤن اوچ یاشلی قیزی سئومگه باشلادین.........

&-من دوروب دئیینده کی محترم حاکیم ایرساله حوکمی نن دوققوز یاشیندا قیزی قیرخ بئش یاشلی کیشی یه وئرمک اولار......................

&-محترم حاکیم:دیشلرین قیسا قیسا سون قراری اوخوماغا باشلادی.......................

الی دهره لی فتح اله اوغلو ایرضا اشرفی نی اولوم؛ &-آدام اوغروسو:بهمن خاوری عومورلوک حبس

&-کابلاا احد اوغلو ترس آوالی قالایچی مورتوضون یووشونون(قلم)عوضینه بوینونون سیندیرماق جزاسی گؤزله ییر

&-جاماهات داغیلاندا منده سون مودافیعه اولاراق اوجا سسینن دئدیم محترم حاکیم:ائوینن قاچان سئوگی قوربانینی علاوه دن یاخالاییب الی دهره لی آتاسینا قایتاران کس لرین جزاسینی نه اولمالیدیر.................................

________________________________________

ایضاح:گولشلی شکیل:ایرضا قیزی رومینا اشرفی دیر کی کئچن گونلرده سئوگی قوربانلارینین جرگه سینه قوشولاراق الی دهره لی آتاسی نین زاوالینا گلمیشدیر:

2-الی دهره لی فتح اله اوغلو ایرضا اشرفی سئوگی قوربانی رومینانین آتاسی دیر

3-آغداش کندی(سفید سنگان)رومینانین دوغولوب بویا باشا چاتدیغی کند و لومئیر:آستارا شهرینه باغلی بیر بولگه نین آدیدیر کی آغداش کندی اورایا باغلیدیر

4-سئوگی یانیغی:بهمن خاوری آدلی اوغلاندیر کی رومینانی اوزایسته گینن قاچیرتمیشدیر

5-قارا یایلیق آنا:رعنا دشتی سئوگی قوربانی اولان رومینانین آناسیدیر

6-آجون:تورک دیلینده دنیا دئمکدیر

+ نوشته شده در جمعه نهم خرداد ۱۳۹۹ ساعت 19:13 توسط (قلئی چی مورتوض)  | نظرات

آغ دووشان................

کتدیمیز جنعلی یای اکینین قورتاران نان سونرا بتر ناخوشلامیشدیر؛دول ننه سی پیادا یوللارینان تک باشینا گئدیب ایراق تاپدا باش قصبه سین نن تورکه داواچی بیر حکیمچه گتیرمیشدیر؛خسته نین باشی اوستونه گلن حکیمچه جنعلی نین گوبه گین زادین آنالیز ائله ییز ائله یین سونرا ایستی ووروب یورقان دوشه گه سالماغینی باشا دوشور؛حکیمچه آز ماز یول خشلیگی آلیب گئدنده دول ننه سینه دئییر اگر بیر دوققوز یاشلی آلتی دوغموش آغ دووشان تاپیب بونو قانلاساز دوزه لر؛حکیم چه یولون توتوب گئده نن سونرا اوغول چیقازینینین قاییدینا آنا مین نوصیبتینن چول باییردان بیر آلتی دوغموش آغ دووشانی تاپیب گتیریر؛کند یئرینده خسته نین یانینا گلیب گئدنلرزننلر هره سی بیر ایشی مصلحت گؤرن کیمین بیری دئییر ائششه میندیریب شهردوختورون آپارسان دوزه لر؛بیری دئییرالم باشینا دولاندیراسان دوزه لر؛نه بیلیم بیریده دئییر موم یای ایچیرده سن دوزه لر؛بیر گون یاخین قونشولارینان اولان قلم قاش خالا یانینا گلیب دئیینده کی دلیک داش امامزادسینا آپاراسان دوزه لر؛جنعلی یورقانین آلتین نان باشینی قوزاییب ائوین بوجاغینی گوسته ره گوسته ره دئییردلیک ایمامزادا اودها ...................................

+ نوشته شده در جمعه دوم خرداد ۱۳۹۹ ساعت 20:35 توسط (قلئی چی مورتوض)  | نظرات

مزارسیز شهیدیم................

کئچن واختلارموغان کتدلرینین بیرینده کوهنه دوسلارین بیرینه قوناق اولموشدوم؛ نئچه گون آراز قیراغی دولانیب حسرتینن اوتایداکی اشغال اولونموش بولگه لریمیزه باخاندا خالقیمیزین آلنی کولگه لی یاشاماسینا قیرت قانیم قؤور ائله یین کیمین جنگی کؤر اوغلو هاواسینا کؤکله نیردیم؛ بیرگون دوستوم باشیما قوناق چاغیریب کند آراسی باغ ائوینه گئدنده قونشولوقدا بیر قادینین ساز چالیب یانا یانا اوخوماق سسی دیققیتیمی چکدی؛ ایاق سالیب بوسس هاردان گلیر دئییه دوستوما سووال وئرنده یولوموز چئویریب سس گلن ائوین قاپیسی نی چالدیق؛ بیر قیرخ بئش یاشیندا باشی کالا قاییلی ائلات خانیمی قاپی آچیب خوش گلیب دئییه ائوینه موشایت ائله دی؛ چای زاد ایچن نن سونرا من بیله سینه اوزومو توتوب ساز چالیب اوخویاسیز تکلیفی وئرنده گؤزونو دوواردان آسلانمیش شکیله سالیب درین فیکیره گئتمه گی داها منیم دیققتیمی چکدی؛ هر حالداآلیب باخاندا شکیلین آلتیندا (مزارسیز شهیدیم)دئییه بیریازینی گؤردوم؛ سونرا قادینین بئله ایضاح ائله دی 1991نجی ایللری دئییه تزه ائوله نیب قایین آتام گیلینن بیرگه یاشاییردیق؛ حیات یولداشیم عسکرلیگه گئدرکن آراز قیراغی سرحد کئشیکچی سی اولموشدو؛ او گونده لیک اوتایدا ائرمنی نین تورک قیز قادینینی آفدامات آغزینا آلیب اوجشمه گینی گؤررکن دوزمه دن بیر گئجه قارانلیغیندا توفنگینی گؤتوروب آرازی اوتایا کئچمه لی اولور؛ نهایت نئچه دونقوز نفسلی ائرمنی نی قتل یئتیرن نن سونرا علاوه دن اوزونو آراز ووروب بو تایا کئچنده ساتقین وطنداش فارس عسکرینین گولله سینه توش گلیر؛ کؤرره لیب دئیینده کی گئدک مزارینا قادین یاییلیغی اوزونه چکه چکه گؤردوم یاواجاسینا دئییر آرازا تاپشیردیم ....................

+ نوشته شده در جمعه بیست و ششم اردیبهشت ۱۳۹۹ ساعت 20:44 توسط (قلئی چی مورتوض)  | نظرات

یازیلی مژمه..................

عایله ده گؤزومو آچان نان بیر یازیلی میس مژمه میز واریدی کی آنام او مژمه نی بوجاقدان بوجاغا قویوب ساهمانلی یئرده ساخلایاردی؛

کند یئرینده چرشنبه بایرام گونلری دئییه تزه گلین لرینه پای آپاران ائل تانیش مژمه نی آنام نان آلاراق خونچا بزه ییردیرلر؛

گاهداندا نذریمیز اولاندا قاری ننه م اونا حالوا دوزوب من شیخ دئدیگیمیز بیر مقدس مزارلیغا چیخاراق آی نیازا بلی چاغیرا چاغیرا باشیمدا دولاندیراردیم؛ یاشا دولدوقجا گاهدان اؤز اؤزومه فیکیرله شیردیم کی بیزیم مژمه نین یازیلاری نه اولار بیلر ..............................

یادیمدادیر بیرینجی صینیفه گئدنده بیر گون تاقچادا مژمه نی گوسته ررک آنام نان خبر آلدیم کی بو یازیلار ندیر کی سیز اون نان ماراقلانیسیز؛

آنام بویومو اوخشایا اوخشایا بیله می دیزی اوستونه آلیب دئدی 1342 نجی گونش ایلی دئییه آتان پاییزگیره جه گینده هم یئرلریمیزه قوشولوب گیلان دهنز(دنیز) قیراغی دئییه تورچولوق ایشینه گئتمیشدی؛

آلتی یئدی آی ایشله ییرک پترووا چیخاندا خئیلک ائو اشیاسی ایله بیرگه بو مژمه نی ده آلیب 1343اوچونجو تاریخینی سنین آدینا یازدیرمیشدیر؛

بیز آنا بالا بو سوزلری پایلاشاندا بیرآندا آتام جوشقولاناراق سوزوموزه قوشولوب علاوه ائله دی کی او زامان بولگه میزه ماشین یول یولاغی اولمادان مجبوریتده حالیندا گیلان ارده بیل یوک ماشینلارینان گلیب خالخالین فیروزآباد شهرجیگ آلتی دئییه اورادان دربند باش یوخاری کنده گلمه لی اولدوق؛

اؤن اؤن بئش نفر ایشچی یازین قیرخ دوققوزو دئییه گلمه گیمیزی بیلن کند جاماهاتی اوزون بیر مسافه نی توکولوب قاباغیمیزا گلن لرین بیری اوزاقدان یول بیر اولدوغوموز بویوک قاغامی صادالاییب اوجا سسینن دئدی موشتولوغوم وئرکی قارداشی نین اوغلو اولدو؛

سونرادان آتام اوزونو منه توتوب دئدی او یازیلی مژمه نی گؤرنده سنین دوغوم گونون...................

اما نه یازیق کی عومرومون اللی یئدینجی یاز چیچگ لری اوزومه گولنده نه آتا وار؛ نه آنا وار؛ نه او..............................

بلکه اونودا...............

 کتده اؤزونه ایشله یین احمد آتاسی دونیاسینی دَییشن نن سونرا حیات یولداشی کتدی قیزی اولسادا آتا بابا یاشام طرزینه دوداق بوزوب دور کوچک دئییه بیله سینی قیسناغا قویوردو؛ گئد گئده احمدده کوچن هم یئرلی لرینی نظره آلاراق بیر ایل یای قورتاراجاق گونلری یوک یاپی نی چاتیب گیلانین ایرشت شهری دئییه دیب بوجاق محلله لرینین بیرینده کیراچی یاشامالی اولور؛ قیز اتکلی احمد گونده لیک ماییشینی چیخارتماغیچین فهله میدانینا گئدیب آغیر ایش اولاراق ماشینلاردان سیمان و کرپیچ اندیرمه گینن عایله سی نین قاییدینا قالیر؛ قرضلی سیاستچیلر الینن تالانمیش احمد دوغولدوغو کتده ائللی طایفالی اولسایدیدا امما بو شهرده آدامسیزآرخاسیز یاشاییب چتین گونلرینده های هارایینا چاتان اولماییردی؛ یاشا دولموش کیشی آلین ترینن چیخاردیغی پارا عایله سینین گونده لیک ماییشی اولاندا اوشاقلارینین جولوز گئییمینه باخیب باشین آشاغی سالاراق شرمنده یم دئییه اوشاقلارین نان اوتانیردی؛ گاهدان ایش یئرینده قیچی بودوره ییب ییخیلاندا یئنی دن دوروب اوستو باشینی سیله سیله قیزلاریم اره گئده رک خرجیمیزآزالار دئییه گله جه گه اومود باغلاییردی؛ امما نه یازیق کی اره وئردیگی قیزلارین ارلری گنج اولماقلارینا باخمایاراق نارکوتیک(مواد مخدر)ماده سینن ال به یاخا اولاندا بیری ایکیسی بوشانیب کورپه اوشاقلارینان آتا ائوینه قاییداراق داها کیشی نین گوذرانی چتین له شیر؛ قوجالیغینان یوخسوللوغو بیر یئره دوشن احمد بو دونه نوه لرین بویوتمه لی اولور؛ احمد یاشی نین سکسن ایراده لرینی یاشاسادا یئنی دن فهله میدانینا گئدیب بیر ایش صاحابی گلنده یورقون باخیشلارینان اوزونه باخیر کی.............. 

___________________

یازدان42گون گئتمیش(30آپرئل) فهله ایشچیلر گونونه

+ نوشته شده در شنبه سیزدهم اردیبهشت ۱۳۹۹ ساعت 9:4 توسط (قلئی چی مورتوض)  | نظرات

بیزکی بو ایشلردن...............

بو درد آزار خورونا گله لی قاچیب تپیلمیشم ایچری؛

اولکه داخیلی تلویزی یالاردا گئدن خبرلرده قولاق آساندا گرک ساغ یانیما بیر نایلون فیشار حببی(قرص) قویوب بونلارین گوپ باسمالارین نان تضییقیم(فشارخون) قالخاندا تئز تئز آتام؛

ناواخدیرکی شهر داخیلی خبرلری تاکسی سوروجوسو کوره که نیمیزدن سوروشورام؛ نئچه گون قاباق بیر دونه شهرده نه خبر وار سووالینی بیله سینه وئرنده اوجا سسینن گولوب دئدی

آتا بیلمه سین کی نئچه باش آغ گئییملی و آغزی ماسکالی تانینمایان کیمسه لرکوچه لره چیخیب دوممک زاد چالاراق اویناشیرلار؛

او طرفدن حیات یولداشیم بیله سین نن سوروشاندا کی تانیمادین کیمدیرلر؛

منی گولمک توتوب بیر حیکایه نی یادیما سالدی؛

ایسلام حوکومتی دئییه عباسی لر دؤنه میندده خلیفه ورین نن بغداد شهرینه گلن  ایسپان تاجرلریچین داها ال وئریشلی ایستراحت یئرلری یارادیلیب گلن خیریستییانلاری مسلمان ائله مه گه چالیشیرلار؛

زامان گئدیشاتیندا بو شهره اوز توتان تاجرلره دین تکلیف ائله ییرک حوزه لره آپاریرلار؛

 بیرگون تاجرلرین بیری او بینانین ذیب بوجاغینی دولانارکن حجره لرین بیرینده نئچه شالواری ساللاق کیمسه لری گؤرورکو باشلارینی دووار چاتداغینا کئچیررک نامیس ناحیه لری دوممالاق وضییتینده دیر؛

دایانمادان بیریسینن ایشینی گؤرن نن سونرا قاییداراق یولداشلارینادا باشا سالیر؛

 او چاغدان بو حوزه گؤدن باز خیریستییانلارین گولوم وای یئرینه دونور؛

گونلرین بیرینده بورایا گئد گل ائله یین خیریستییانلارین بیری بی سر بغدادی دئییه دومبالانلارین بیرینین ایشینی آشیرا آشیرا چوله چکنده بیزیم شیخ آغادان ایراق بیر ساققالی دوشونده یاشی اوتموش کیشینن اوزله شیر؛

اورادا اولانلار ییغیشیب ایما ایشارئینن ندن بو ایشی گؤرورسن سوزونو خبرآلاندا کیشی شالوارینی یوخاری چکه چکه ایسلام یولوندا................

+ نوشته شده در شنبه ششم اردیبهشت ۱۳۹۹ ساعت 8:51 توسط (قلئی چی مورتوض)  | نظرات

کؤرقیز.....................

اوشاقلیق چاغلاریمنان یئرلی موغام و موسیقیمیز اولان کؤرقیزین اوخوماقلاری اوره گیمه یاتیب داها جوشو ایلا قولاق آساردیم؛مالی باخیمینان کند تویلارینا عاشیق اوزان گتیره بیلمه یین کاسیب عایله لر اوغول و قیز تویلاری دئییه کؤر قیزین اوخوماقلارینی ضبطه کائست ناوارینی قویوب گلن قوناقلارینین ذوقونو اوخشایاردیرلار؛و تویلارین بیریده منیم اؤز توی بوساطیمی ایدی کی کؤر قیزین ماهنیسی اولاراق

منیم تویوغوم آغیدی بالا

دری سی دولو یاغیدی

دونن بو وعده ساغیدی

یاندیم یاناسان تویوق آپارسان

اوتداسان تویوق آپاران

ضبط کاسئت وسیله سینن شنلیگیمیزه شیرینلیک قاتیب آغیز یاشماقلی قیز گلینلر اویناداندا منده دامنان آلما آتیب عومرومون گومراه چاغلارینی یاشاییردیم؛ داها دوغروسو من نن حیات یولداشیمین توی گونلریمیزدئییه خوش خاطیرلریمیزی بولوشنده او شان شاققراق موسیقی سی هاوالاریندااااااااااااا خاطیرلاییب یاشادیقیمیز عوموره داد دوزو ائله ییریک؛امما نه دئمک کی 1357نجی ایل ایران ایسلام اینقیلابی باشلاناننان سونرا قادینلارین اوخوماغینا قاداغا قویولوب گئد گئده کؤر قیزین دا ملاحتلی سسینی باتیرماغا چالیشیرلار؛او اعجازکار سس هوس کارلارینین قولاغینا دَییمه دن آتا اوت اوجاغی کیمین او یانارلی آلوودا سونمه گه باشلادی؛امما بیزیم عایله ده یاشادیغیمیز کؤر قیز عنعنه سی گئد گئده ال چاتماز زیروه یه دونوردو؛اودورکو کئچن واختلاردا چوخلو سالیق سوراق ائله یین سونرا قوتعلی قیزی سیم زر(سیمین)پایداری(کؤر) قیزین عنوانینی خالخالین آغ داغ سویکه نه گی هئشیین(هشتجین)شهرجیگینده آلارکن عایله وی او دورنا بوغازلی وارلیغین گؤروشونه گئتمه لی اولدوم؛ایلکن یادلیق ائله ییب بیزیم ایله قونوشا بیلمه ینده اونووئرسیته قورتارمیش قیزیم اونون ماهنی لرینین بیرین اوجا سسینن اوخویاندا گؤردوم چارقاتینی اوزونه توتوب یاواججاسینا حیات یولداشیما دئییر؛من گؤر ناواخدیرکی اولموشم؛بیله سینه اوز توتوب سوروشاندا سیمین خانیم ندن بئله دوشونورسوز؛بیر آه چکیب دئدی شاعیر بیلدیگین کیمین صنت اهلی ایکی دفعه اولر؛بیری اودورکو تانری وئرن هونرینی یاشادا بیلمه یه و بیریده اودور کو اولوب بو دونیادان...............................

+ نوشته شده در جمعه بیست و نهم فروردین ۱۳۹۹ ساعت 20:56 توسط (قلئی چی مورتوض)  | نظرات

یانی سیز بویوران منده؟............

قارا خورونا گؤی خورونا قووالاییب تپیب ایچری ائودده کی آرواد بیله مه گون وئریر ایشیق وئرمیر

ائله یاخشی سیدی بودور همسر آزاری دئییه گؤتوروم بویوک باشلارین بیریسینه زنگ آچیم

آلو آی آلو هه دِء گؤروم سن کیم سن

جومهور باشقانی ساسا سا سالام علیکیم

حاجی آغا ننننه نه وار نه یوخ

سیزی بو وردن نایراحاند ائله یین قالایچی مورتوض ترس آوا کندینن

باغیشلایین جنابیزی ائشیدیب آآآآآآآآآ رواد بیله مه اذییت ائله ییر دئییه دئییه سوزلریمی چل په شیک دئییرم

آی سنین باشیوا من دولانیم

حورمتلی جومهور باشقانیمیز هله سیزین مرحمتیزدن بیزیم هئچ ارزاق مرزاق موشکولوموز یوخدور

حاجی آغا سیز بو خورونا گونلرین نجور کئچیردیسیز

آی قالایچی کیشی خورونا گؤنلرینی نه ائله جه ییم منده ائوده ییمدااااااااااااااا

حاجی آغا ائوده نه ایش گؤرورسوز

اشی نه ایش گؤره جه ییم

 خانیمین دالین قاشیرام

باشینا ایرنگ قویورام

دالین سورتورم

قولونجون سیندیرارام

آلین قاشین آلیرام

چادیراسین اوتولورم

ایاق قابیسین واکسی لیرام

دابانین سورتورم

دیرناقلارینا ایرک قویورام

باشین داریرام

قاب قاجاغین یویورام

یئمه گین پیشیریرم

ائوین سوپورورم

قیل قیپین قیرخیرام

داریخماسین دئییه گاهداندا دالیما میندیریب ائوی دولاندیرارام

دئییرم آی آغا الله جانابیزی بو حاجی خانیما یوخ یوخ باغیشلایین چاشدیم میللتیمیزه چوخ گؤرمه سین باخ...................

+ نوشته شده در شنبه بیست و سوم فروردین ۱۳۹۹ ساعت 11:11 توسط (قلئی چی مورتوض)  | نظرات

آخ دئمه دن..................

بو درد آزار خورونا گله لی بیزده عایله وی ائوه سیغینمیشیق؛آتام اوزون ایللر سیگارئت چکن آدام کیمین اؤزون نن آسیلی اولمایاراق گاهدان اوسکورمه لری توتار؛امما عایله داخیلی هر کسه ن اوز هایینا قالیب و سوسیال شبکه لردن آلینان خبرلردن اوزوله رک نه ائله مکلرینی دوشونورلر؛ و گاهداندا درد آزارین قاباغین آلماغیچین قیز گلین ائوه کیمیوی ماده لر(اسپری) ووراراق یازیق کیشی نین نفس چکمه گینده چتین لیک یارانیب گوجوننده اولسا هممشه کی اوسکورمه لرینی ساخلاماق ایسته ییر؛ واخت آشیری اوزونو ساخلایا بیلمه ییب اوسکورنده عایله عوضولری بیربیرلرینین اوزونه باخیب معنالی باخیشلارینان نسه دئمک ایسته ییردیرلر؛ تا اینکه کئچن گئجه علاوه دن اوسکوره گی باشلایاندا حیات یولداشیم کؤرپه اوشاغی قوجاغینا باسیب دئدی آتا سن الله اوسکورمه؛ بو سوزو ائشیدن عایله باشیجیمیز دسمالی آغزینا توتوب قاپی یا چیخاندا منده دالیسیجان چیخدیم کی آروادین سوزو بیله سینه دَییب ائله سه اوره گینن چیخاردیم؛ آتا بالا یان با یان کوچه نی دولانیب حالی اؤزونه گلن سونرا بیله مه اوزو دئدی اوغول سن نیگیران اولما گلینین سوزون نن اینجیمه دیم امما حاییف بیزیم آتا بابالاریمیزدا اولان تپره نه دئمک ایسته گینی بیله سینن سؤروشماق ایسته ینده اوزو بئله بیر حکایه نین باشین آچدی کی شاه ختایی شهسوار ساواشینداکی مازندران سرکرده سولطان حسین آل جلاوی یئنن اوزله شنده اؤردوسو قیزیل باشلار ایلا بیرگه قیسناغا دوشوب اولوم دیریم ساواشینا گیرمه اولورلار؛ شاه خطایی اؤردو باشچیلارینی چاغیریب سون تاپشیریقلارینی وئرنده اوزون عسکرلرینه توتوب دئییر؛ قنیمنن(دشمن)یار آلیب اولوم حالینا دوشن عسکر آخ دئمه لیدیر؛ وبو دهشتلی ساواشدا امیر عبدول باقی آدلی بیرقیزیل باش قوچاق دویوشچوسو مازندران دویوشچولرینین قیسناغینی یاراراق ایکی قوللارینی الدن وئریر دان یاریلان کیمین شاه ختایی قیزیل باشین غلبه چالماسینی گؤررک اؤزونو امیر باقی یا یئتیرنده گؤرور بو شرفلی سرکرده...........................

__________________

 قایناق- (عارف دئهیم دار) کتابی یازار جیمز داون کوچورن ذبیح اله منصوری

+ نوشته شده در شنبه شانزدهم فروردین ۱۳۹۹ ساعت 9:34 توسط (قلئی چی مورتوض)  | نظرات