گاهدان مکتبده اوشاقلار دالاشیب بیربیرلرینه سوز آتاندا بعضیلرینه سوز دَییب تئز اینجیکلرینه گؤره معللیمه یه موراجعیت ائله ییردیلر؛گئده  گئده مدرسه موحیطینده گؤنو قالین و یاخود گؤنو نازیک اوشاقلار مدرسه مودورونون گؤزو آلتینا آلینیب اینجه روحلو اوشاقلاری ایلان ویرمیش اؤت آلوولاردان قؤروماق اوچون جوره به جوره تدبیرلر گؤروردولر؛نه بیلیم بیر گون سوز آتان کیمسه لره حییت باجانی سوپورمک تکلیفینی  وئرنده بیرگونده عایله لر ینی چاغیریب شیکایتله نیردی کی اوشاقلاریز مملکندی یوخ  باغیشلایین چاشدیم تحصیل موحیطینی قاتیرلار ؛

ایل بویو مکتب ایشچیلرینین گوردوکلری تدبیرلر ال وئریشلی اولمایاندا؛اوچ دؤرد  گون قاباق مکتبه  بیر یئکه باش موللا چاغیریب شرعییات  شککییات اوزرینده معاریفلندیرمه ایشلری گئدنده نئچه ساهات اوشاقلاری اؤروج توتوب نامازقیلماق لارینی اؤنلارا تاپیشیریق وئرنده لاپدان منی ایکی یولداشیمنان تاخدا قارشیسینا چاغیرارکن الین صینیف داشیم خیپی احمدین اوزونه چکیب دئدی جانیم بعضی آداملارین دریسی بئله لیمون کیمین  اینجه اولاندا  سوز تئز دَییردااااااا؛سونرا یولداشیم وکیلین بالاجا الینی الینین ایچینه آلاراق وورقولادی کی بعضی لرینین دریسی بئله موز کیمین سوروشگن اولاندا  سوز بیله لرینه دَییب امما اوزلرینه آلمازلار؛سوندا منی یانالاییب الینین دالینان منیم قیللی قیلپینلی نارگیلی باشیما دوینده اوزومو اوشاقلار توتوب دئدیم اوجا سسینن دئدیم گؤره سن شیخ آغانین دریسی....................................  

  نوشته شده در جمعه بیست و پنجم اسفند ۱۳۹۶ ساعت 19:6 توسط :قلئی چی مورتوض

 

 

نه یاغدی..........

کوچندن سونرا کدده اولان یئر یوردوموز یئزنه حاجی قولویا تاپشیریب چیخمیشدیم؛ اوزون ایللر آلتی هانپا مولکو اکیب یئیین یئزنه یئرین بهره سینی وئرمه دن گاهدان بیزی بورجلودا چیخاردیردی؛ اودورکی هردن ده شهره گلنده اوزونه سالیب قیشقیر باغیر سالیردی کی نه بیلیم فیلان زمی نین داشین دؤشوروب دره بیلاق آرخینی دا چیخارتمیشام؛ بئله لیک له  اشی قاغامی دیله توتوب خیلک پول پارا کسیب آپاراردی؛تا اینکه   اوزوموزه گلن ایت ایلی قایقی کش حکومتیمیز وریندن وسایط آیریلیب  قورولوغا سون قویماق اوچون بولوتلاری  بارلاندیریب صونعی ده اولسا یاغیش زاد یاغدیراجاقلار خبری تیوی لریده  یاییملاناندا طاماح  قاغامی گؤتوروب بیله می قیسناغا قویدوکی موطلق گئدیب کند اکینجک یئرینی یئزنه دن آلیب صاحاب دورمالییق؛  اودور کی گئچن هفته دن  بایرام تعطیلات گونلری دئییه ایکی قارداش آرواد اوشاغینا بیرگه کند گلیب صیله ایرحیم ائلمه یه اوچون حاجی قولو یئزنه نینن دانیشیب ایشیمیزیده آواراق؛ائوینی قوناق قارالی گؤرن یئزنه گاهدان یئدی اوشاغین آناسی باجی نین باشینا قیشقیریب ایشی بوروجوقدوراندا بیرگون کند آق ساققاللارین گؤتوروب اؤروشده اولان زمی لری دولانیب سینیر سرحددین سوروشاندا یئزنه ده دیل دوداق آراسی نسه دئییب اؤز اؤزونه قوروللاییردی؛ گئد گئد قاغامنان یئزنه نین قان قالاغی قاریشیب بیربیرلرینن آغزی کپی گلنده  آق ساققالارین بیری اوزونو منه توتوب سوروشانداکی جانیم بو قیتلیغا اوغرانمیش  زمی لرینده نه ایسته ییرسیز ؛آغزیم گلن کیمین دئدیم کربلایی ائشیتدمه یبسیز قایقی حوکومتیمیزاؤز حسابینا وسایط آییریب  بولوتلاری بارلاندیرماق ایسته ییر ؛بیر اوندا گؤردوم صحنه نی ضره لینه گؤرن یئزنه یاغیش یاغدیراجاق دئییه دئییه شالوارین سییریب دیزی اوسته سجده یه گئدنده دالدان یئلله مه باشلادی؛بیر آز گئچمه دن حوکومتیمیز گوجونه یوخ باغیشلایین  یئزنه یئل بیراخماسیندان بولوتلار بارلانیب یاغدی ..........................

*اشی -علی اشرف آدینین قیسسالمیشی دئمک اولور

  نوشته شده در جمعه هجدهم اسفند ۱۳۹۶ ساعت 16:53 توسط :قلئی چی مورتوض

 

 

یاشادیم....................

ایلک صینیف چاغلاریمدان سحر سحر آنامین شیرین بوی اوخشاملارینان یوخودان دوروب کیتاب یووشو(قلم) چانتاسی چیینمه سالاندا؛ آییری قیزلی اوغلانلی یاشیدتایلارینان مکتبه  گئدنده تزه تزه عایله دن آیریلیب یئنی بیر حیات دؤرو یاشاماق اوچون مکتب موحیطینده اولان کیمسه لر بیله مه یاد گلیردیلر؛هردن اولوردو گون آراسی آنام اوچون داریخیب اؤتوردوغوم ماسا آرخاسیندا گؤز یاشلاریمی توکنده اوشاقلار بیله مه گولوب هفته لر آرخاسی باشیما چالارکن لاغا قویوردولار؛گئد گئده مکتب موحیطی گؤزومو آچاندا تای توشلاریما قوشولوب ایرشید؛ کاظیم ؛احمدینن  اونسییت قاتاندا گله جه گه دوغرو آردیملار آتیب هرکیمسه اوشاقلیق آنلارینا اویغون اؤزونون گله جکده نه اولماغینی سویله ینده شیلاق آتیب بیربیریمیزه قوشولارکن نه بیلیم احمد اوغرو؛ کاظیم تولکو؛ ایرشید  باهالی ایت رولونو سئچنده بیرلیکده  اویناییردیق؛بونون لا بئله ایلک صینیف چاغلارینی قوتاریب یئنی یئتمه و گنج چاغلاریدا بیرلیکده اونووئرسئته داخیل اولوب تحصیلیمیزی داوام ائله ینده اؤز صینیف داشلاریمیزدان اولان قیزلاردان سئونده؛ منده ایلک عشقیم اولاراق گوی قاتلارین یئره  اَنمیش ملک نفسلی بیر قیزی سئچیب بیله سینه اورک باغلادیم؛زامان کسیگینده  تحصیل قورتاریب یولداشلار ایسته دیکلری قیزلارینان ائوله نیب اوغرونقشین اوینایان ایقتیصاتچی؛ تولکو نقشین اوینایان کاظیم سیاستجی؛ باهالی ایت نقشین اوینایان ایرشید عدلیه ایشچیسی اولوب مادی دوروملاری ال وئریشلی اولدوغونا گؤره دییه گوله عومور گون یاشایاندا؛ منده گاهدان اؤز سئودیگیم قیزینان خلوت ائله ییب گولدن اینجه آل یاناقلارینی اوپنده دونیانین بالدان شیرین اولان بکمزی داماغیما چوکوردو؛بو سئوگی آنلاری عومورومون اَن خوش گونلری اولاراق اؤزومو بیلمه دن یئرین گوی آراسیندا حیس ائدیردیم؛امما من گله جکده ایلک عشقیم له حییات قوروب اؤزومو خوشباخت گؤرسیدیم ده شاعیر اولوب طالع سئوگی پایینی مندن اسیرگه یرک تصادوف اوزرینده بیر سوسر درسینن ماییش گئچیردن دانقاز کیشی نین قوردوغو تله سینه دوشوب ایاغیمنان ایلیش سم سده وار گوجومله چکیب تله نی یئریندن چیخارداندا بیر یارالی آسلان کیمین عومور گون....................       

 

 نوشته شده در جمعه یازدهم اسفند ۱۳۹۶ ساعت 17:50 توسط :قلئی چی مورتوض

 

 

بو یاریشدا.....................

ایسلامی حوکومتیمیز هر بولگه ده بیر گلیریئری اولماق سیاستی نی قاباغا آپاراندا اؤرت باسدیر ماحالیندان بیزیم ائو آدامی ایروضه چیلربیرلیگینین صدری خویلو خانیم آیری زننلری باشینا یغیب دؤنه دؤنه باش کند محصولارینا موراجعیت  ائله ینده  نهایت کی اؤرت باسدیرماحالی نین  بولگه باشجیسی قایقی کش شیخ آغاسی نین ایاق ایره لی قویماغی نان اؤتوز ایکی پارچا کند ترس آوا باشدا اولماق شرط ایله جاماهاتدان پول یغیب اؤروشده کی جیندیرری قارا میخ کؤلونون یئرینده یئنی بیر جانینا قوربان اؤلودوغوم ایمامزادا قوراندا طیییییییییی بئکارلارا ایش یئری آچیلمیشدیر؛گئد گئده بو موققدس بینادا ثوابینا گلیب ایشله ینلره الله طرفیندن خیر جزالارا ایسماریش گتیرنده شیخ حضرتلری  یئدی سکگیزآیین ایچینده تیکنتی باشا چاتیب سون  آچیلیش مراسیمی اولاراق بیر گون حاق طرفیندن یوخ باغیشلایین چاشدیم شیخ آغا وریندن امراولوندو کی اؤرت باسدیر ماحالی نین کند باشینا  هر کیمسه اؤز  دده سی نین اولوسونو قبیردن چیخاریب بیرایا گتیرسه  اؤلوسونون دیریلمک ائحتیمال واردیر؛اودور کی بوتون کددرین آدامی یوروش ائله ییب دده لرین قبیردن چیخاریب داللارینا آلارکن قاچاندا چوخلاری یولو اوزونو آییلاندا منده ایرحمتدیک کابلا احدی چیخاریب قولتوقلارینا گیرنده قاباق ایاقلارینی یئره وئریب................ 

 

 نوشته شده در جمعه چهارم اسفند ۱۳۹۶ ساعت 18:43 توسط :قلئی چی مورتوض

 

 

ایش یئرلرینی.............

الله ائولرین یخسین باخ اللی ایاقلی داراشیب مملکندی یئیر السیز ایاقسیز قالیب ؛ نئچه گوندو یوخویا گئتمه یه گؤره وارلیلارکوچه سی نین باشیندا کی زیبیل قابینا اؤزومو گِئج یئتیرنده نمنه شامپون زادی قالیغی وار گؤتوروب گئدیرلر؛ منده بئش اؤن گون قاباق آجیقیمنان گؤزه گؤز ائله ییب زیبیل قابینی دالیما آلیب آرادان چیخماق ایسته ینده پولیس امکداشلاری بیلمه یاخالاییب شله قاریشیق اینظیباطی بولمه سینه گتیرنده اؤرادا اولان ضابیط ساققال قوچو باشیجیسی بیله می خیلک  دویوب یامان یووز دِئیندن سونرا بیر قولتوق پرونده دوزلدیب عدلیه ایداره سینه گؤندرنده اؤزومده کانادی یا اورسییته  قاشماییب هله ساخلانیلیب اوستومده ایسطینتاق ایشلری آپاریرلار؛بللی اولان کیمین محکمه باشیجیسی شکیلیمی تلویزیالاردا یاییملایاندا خالقا موراجعیت ائله ییب هر کیمسه نین بو زیبیل اوغروسوندان شیکایت وارسا محکمه بولمه سینه گلیب ضرر زیانین طلب ائله سین؛اودور کی بوگون آیین اؤتوز دؤردو شش شنبه گونو قولو باغلی بیله می محکمه زالینا گتیرنده گؤردوم طیییییییییی شهرین یاریسی یئرییب اوستومه کی ائله بیل اؤنلاریندا ایروزو یوللارینی کسمیشم؛محکمه باشیجیسی شیخ آغا جانابلاری منی و بوتون مندن شیکایتچی اولانلارینی دیندیریب سوزون آخیردا بیلمه آغیر قرار کسه رک اولکه ایقتیصادیاتینا بویوک زیان ویریب واجتیماعی امن آمانلیغی انگل توره دیب اولکه داخیلی جینایت مجله سی نین 119اینجی ماده سینه گؤره بیله می  گوناهکار تانییب اوچ ایل ماییشسیز قارداش ائرمنی مزارلیغیندا اولو یوماق جزا چکمه ییمه امیر وئرنده ؛محمکه سونوندا ائو آدامی دوروب اعتراض ائله ینده کی بو عدالتسیزلیک دیر؛شیخ آغا حیرصینن الین ماسایا ویراندا آروادین باشینا قیشقیریب های باسیر کی نه اولاجاق ایسلامی حوکومتیمیز یارادیغی....................

 

 نوشته شده در جمعه بیست و هفتم بهمن ۱۳۹۶ ساعت 18:39 توسط :قلئی چی مورتوض 

 

 

اولار.........................

 اوشاقلار اؤت اوجاق اولوب هره سی بیر یانا گئدندن سونرا منن خویلو خانیم کدده قالمیشدیق هر یول نوه نتیجه کنده گلنده های باسیردیلارکوچون شهره؛ بئله لیک له ائو آدامینی اوستومه یونَلدیب آخیردا چاراسیزلیقدان مال قارانی ساتیب شهرده بینا ساختومانی دئییه اوچونجو مرتبه دن ائو آلیب داشیندیق اورا گئد گئده شهر یاشامینین حال خویونا بلد اولماماغیم اوچون آرواد باشیما قارییب اوزومه توهمت ویریردی کی جانیم بیرا کند یئری  ایاق یولونا گئدنده اوجادان زارتیللادیب باش کندین هاواسینی کیرلندیرمه؛ منده ایاق یولونا گئدنده هئ اؤزومو قیسماغیما باخمایاراق آفتابوس سیقنالیم قالخیب اؤزومو یخیشدیرا بیلمیردیم؛ بو ایشی خویلو خانیمینان چوخلو گؤتور قوی ائله یندن سونرا بئله قرارا گلدیک گئدیب قاباقدان تانیشمیز اولان دوکتور جئری ایشله یین خسته خانادا گؤده نیمی دارالدیم؛واقت وعده باشا گلن کیمی بیر آی بوندان قاباق حکیمه موراجعیت ائله ییب مایناتدان گئچن سونرا دوکتور  تعجیلی عملیات اولونماغیما امیر وئرنده  بیله می یاتیزدیریب قارین ناحیه می سوکه رک کالیبریمی دارالداننان سونرا میره خصت اولوب ائوه قاییدیم بئش اؤن گون اوستونن گئچندن سونرا بیر گون اوچ دؤرد نفرخسته خانا ایشچیلری گلیب قاپیمیزا ائو آدامین دیله توتاندا گؤردوم دئییرلر دوکتور باهالی تئشتینن تمام جراحییات وسایلی یاددان چیخیب قالیب سیزین کیشی نین قارنیندااااا  آرواد باش گؤزون یولا یولا قاییدیب موضوعونی منه دئیینده یاتدیغیم قارنیما باخیم دئدیم بئله ده ایش...........................................    

 

 نوشته شده در جمعه بیستم بهمن ۱۳۹۶ ساعت 16:33 توسط :قلئی چی مورتوض

 

 

دردی وار....................

 گئچن گئجه گوردوم نوه لر اللرینده کی تلفونا باخیب نسه بیر بیرلرین گوسته ریب تعجوبله نیرلر؛منده بو ایشه قاتیلاندا آرواد دوشومونن ویریب گوله گوله دئدی باشووا خیر یئنه باش کدده بیر نئچه قادین چارقاتین آغاج باشینا دولاییب قوچو نیظاما دولاشماق ایسته ییر؛ الیمده کی سیخی علاوه دن سانجاغا سورتوب بیر درین نفس ویراندان سونرا اؤز اؤز گولوب بیر حیکایه یادیما دوشدو؛آخی بیلیرسیز

قدیم بیزیم ترس آوا کندینده چوپور احمد  به قیلیق اولدوغویچون بیله سینه قیز وئرمه ینده عایله سی کندین چوبانی تئللی طاییری گوسته ریب اوزاق ماحالدان اونا بیر قالین قاسیق قیز آلمیشدیرلار؛قارا یازی گلین بَیَنیب گلدیگی اوغلانی تای دئشیگ گؤرنده گردَک اوتاغینا فیسقیریق سالاندا باغلی قاپیلار آرخاسیندان قاچیب جانینی قوتارا بیلمه ینده اوندان سونرا آبیرینه قیسیلیب سسین چیخاتمادان سئومه دیگی حیاتی یاشاماغا مجبور اولاندا یئری گلنده چوپور احمدده توتوقلوق وئرمیردی ؛هفته باشی داوا  دالاش لارینا باخمیاراق بیرایکی ایل قارپیشا قارپیشا یاشایاندا بیر جوما گونو ال اوزو قانلی احمد آروادین تومانین چومماغینا باشینا گئچیردیب کندین اورتاسیندا جاماهاتی باشینا یغاندا گورنلر بیربیرین یانالاییب دئییردیلر گوره سن بونون نه ...................  

 

 نوشته شده در جمعه سیزدهم بهمن ۱۳۹۶ ساعت 18:7 توسط :قلئی چی مورتوض

 

 

اوخشاییر.................

1326اینجی ایلین یاز چیچکلری آچیلیردی؛شاهین آدام اولدورن جاللادلارینی الیندن قاچاق عومور یاشایان خالق فدایی سی آق حسین ائو ائشیگیندن دیدرگین دوشوب تک باشینا دره دربتده اوز دالدالیغا ویراندا یامان گونون عومرو آز اولار دِئییه گله جه یینه اومود باغلاییردی؛؛هردن خالقی نین تحقیرو سیخینتی آلتیندا یاشاماغینی  خاطیرلاییب اوزگولوک یولوندا قهرمانجاسینا شهید اولموش سیلاح داش لارینین حالینا آغلایردی؛هردن یئری گلنده  قایا قیرناسیندا بیتمیش اوشقون گول بوتالارینی دریب  سئودیگی عمی سی قیزی قمر تاجین  قیقاجی باخیشلارینی ساغینجینا(خیال) گتیریب اونون خینا یاخدی گئجه سینه گول چنلگی بزه مک ایسته ییردی؛اوزون بیر واقت عایله سیندن خبرسیز اولدوغونا بیر گئجه یاتیب یوخودا آناسی نین قارا دوواقلی اولماسینی گؤرنده اوره یینه قارا دومان چوکن کیمین  یقین ائله ییر کی خسته آتاسی دونیاسینی دَییشیب؛بو آغیر آنلاری یاشایاندا اوره یی دوزمه ییب جانی نین تهلوکه ده اولماسینا باخمایاراق  بیر گون گؤزه گوز ائله ییب گئجه آی قارانلیغیندا کنده یوخونلاشیب ائوین باجاسیندان سس سالاراق آناسی یوخودان دوروب دیزلرینه دویه دویه وای جانیم اؤلسون دِئییه  قاپینی آچیب  بالاسی نین دونموش اللرینی هوخوروب قوینونا باساندا سویوق یاناقلاریندا اوپوب ایچری گتیریر؛آق حسین ائوه گیرنده آتاسی نین یاتاغینی بوش گوروب یوخوسونون دوز اولدوغونو واراندا یارالی آسلان کیمین اؤزونه قیووریلیب ایکی اللی باشینا ویراندا  اینن بئله دوشمان شمادتینه دوزوب یئتیم یاشاماغینی گؤزونه آلیر؛ آنا بالاکندین کاتدا چوغول باشجی لارینین قورخوسوندان یئدی بوروق آرخاسینا چکیلیب  دردله شنده آنا اوغلونا هیم جیمنن آندیریری کی دولت مامورلاری شخصی پالتارینان آتاوون یاسینا گلیب دام دووار آرا سنی آخداریردیلار کی توتوب آپارسینلار؛امما آق حسین آتاسی نین اولوم آنلارینی آناسی ایلا پایلاشاندا گوزونو یولدا قویدوغو عمی سی قمر تاج دان خبر توتماق ایسته سه ده  خوروزون ایلک بانیندا قارتال قیها ویران کیمین  ائودن چیخیب مئشه یه اوز توتمالی اولور؛نئچه گوندن سونرا آق حسین علاوه دن گئجه قارانلیغی کنده قاییدیب بو دونه عمی سی قیزینی تاپارکن چوخلو سئویشیب اوپوشندن سونرا صبح آذانیندا دوروب سئوگیلیسی نین الیندن توتاراق آتاسی نین قبری اوسته واراندا پوسقودا یاتمیش خایین شاه مامورونون گولله سینه توش گلنده قمر تاجین قوجاغیندا جان تاپیشراندا قارا دوواق قیزدا اوز ناکام سئوگی سینی بئله ..........................

 

 نوشته شده در جمعه ششم بهمن ۱۳۹۶ ساعت 18:18 توسط :قلئی چی مورتوض

 

 

ائشیدیبسیز................

یزدان مارکالی بولدیزر ائولرین ییخسین باخ؛یئرین گویون قورشاغی کاتدا ایسلام آغا ایش اوستونه گلندن طیییییییی خارجه دوشمانلاریمیز امریکه اینگیلیز ایسیرافیل؛ داخیله دوشمانلاریمیز خایینلار؛ بی بصیرتلر؛ ایصلاحاتچیلار فیتنه گرلر اینحیرافی لار؛ایندیده یالاندان اولکه داخیلی قیطلیغی ماهنا ائله ییب یومورتدا باهالیق آدینا باش یارانلار اولکه سی اورت باسدیر ماحالیندا قورولان ایسلامی حوکومتیمیزین آشینا سو قاتماق ایسته ییرلر؛

گئچن هفته قارپیشما گونلری هاماش باجی اوغلو منه ایزنگ؛ آچاندا کی آی دایی سنده یومورتدا آکسیالارینا قاتیل؛

 گولوب دئدیم آی به شویور؛

کیشی گرک بویوک یئردن یاپیشسین باخ من یومورتدا یوخ قارپوز اینقیلابینا چیخاجاغام؛

نه دئییردیم هه یادیما دوشدو؛

اوگون ایاق یولو صفینده جاماهات دئدی قودو ائله ییب؛

  نه بیلیم؛

بیری دئییردی قالایچی موتوضون دده ددلیگی شیخ آغا قورخوب

بیری دئییردی چوله گئده بیلمیر؛

بیری دئییردی ستلجم اولوب؛

بیری دئییردی نامیس ناحیه سینه یارا چیخیب؛

سیزبیرسوز................

 

 

 

 نوشته شده در جمعه بیست و نهم دی ۱۳۹۶ ساعت 16:43 توسط :قلئی چی مورتوض

 

 

آخدی.................

قاپیسی نین آچاری دوداغیندا اولان

آلنی نین داغی اوره ینده اولان

جیبی نین آغزی الینده اولان

آلتون تومغاسی نین دَیَری سوزونده اولان

یئتیم قیز اوشاغی نین آجی گولشلرینین تجسومو اولان

ساوالان آلوارس قاینار بیلاقلارینین دورولوغو اولان

اؤزو اؤزونده اولان

زامان شله نین آغریلیق قیروونو کیرپیگینده داشییان 

دوشونجه سیندن اؤنجه فیکیرله شن

صاحابسیز ایتلرین آدینا خیاوان سالدیران

دالی دالی یئرییب اؤز خالقینین تاریخینی یاشایان

آغریمامیش باشینا دسمال باغلایان

آق کاغاذ کیمین یازیلماغا جان آتان

یازیلمامیش کیتابلاری نین مالفی اولان

آرزیلار ایچینده آرزیسیز اولان

اوزونه گلمه میش صاباحلارینی یاشایان

آغلاماغینا بهانه آختاران

قیزیل کیله دن فهله یه امک وئرن

یوخولاریندا اوزگورلوک یولو سالدیران

توتونسوز یاشاماغی اؤزونه بورج بیلن

اوجا گولوشلرینن دیزلرینه دؤین  

گولنده گؤز یاشینا اؤنکورمه چالان

گونش یورقونلوغونو چی نینده داشییان

شهریمیزین خریطه سینی گؤزونده یاشادان

و سینیق کورپولره دیزینن گوج وئرن دوستوم  دونن بیر اولدوز سنی .......................

 

 نوشته شده در جمعه بیست و دوم دی ۱۳۹۶ ساعت 17:37 توسط :قلئی چی مورتوض

 

 

 

اوینامالییام.......................

خوروز گئجه اوشاقلاری یوخویا وئریب آروادین یاتاق اوتاغینا گئچنده باشین تولاییب  دئدی الله آخیرین خییر ائله سین ایران  میللتی بو دونه یومورتدا اینقیلابی یولا سالیبلار؛

صاباحیسی گون توسباغا باشجیسی خفیه ایداره سیندن گلیب تویوغو سوروقو سووالا چکنده اونو محکمه یه وئرمه لی اولور؛

نئچه گون بو امنییتی ایشین اوستونده تحقیقاتلارآپاراندا سونرا نهایت کی تویوغون اولکه داخیلی  ائله دیگی جینایتلرین اوستو آچیقلانیب بیر قولتوق پرونده  قاریشیق عدلیه ایداره سینه گوندریرلر؛

تولکو باشجی لیغینان محکمه قورولوب مامورلارقولو باغلی تویوغو و اونو مودافیعه ائله یین قوردو زالا موشاییت ائلیرلر؛

 چککوش مئتال پارچاسینا دَیَندن محکمه باشلانیر؛

موحترم حاکیم قاش قاباغین ساللایاراق اوزون تویوغا توتوب  سوروشور؛  

جانیم سن نئیچون بئله باها یومورتداییب ایسلام اولکه سینی  قاتماق ایسته ییرسن؛

قورد تویوغو مودافیعه ائله مه اوچون دوروب جاواب وئریر کی موحترم حاکیم ایقتصاد موقاومتی دِئییه باها یومورتداماق ایندی وظیفه شرعی اولاراق یئرلی ایقتیصادی یاتیمیزا قووتدیر؛

حاکیم قوردون سوزونو کسیب قیشقیر باغیر سالیرکی اَدَه یومورتدا باهالیغینا گؤره ایندی تربیزدن سووای طیییییییی مئشد؛ ایصفان؛ شیراز؛ تهران؛ لورستان؛ ایرشت؛ جاماهاتی چوله توکولوب کاتدا ایسلامین آشینا سوقاتماق  ایسته ییرلر؛

تویوق اوز ایشینه چاش باش قالیب بیر سوز دئمک ایسته ینده؛

 حاکیمین ساغ قولاقچی سی توسباغا باشین قینیندان چیخاریب؛ اوزون تویوغا توتاندا ایستینتاغا باشلاییر ؛

ایندی اعتراف ائله سنی کیم اورگه دیب باها یوموتدایاییب آرانی قاتاسان؛

تویوغو ایاغا دورورکی  من باها یومورتدامیرام بلکه کوچه باشیندا باققال نیظام یومورتدانی باها ساتیر؛

بو سوزدن موحترم حاکیمین قانقالاغی قاریشان کیمین میزین دالیندان دوروب های باسیر کی قوچو نیظاما قارا یاخیرسان هن؛

بئله لیک له یومورتدا محاکیمه سی باشا چاتیب؛

موحترم حاکیم تویوغون گوناهلارینا  قطعی کسیلمیش قرارینی صادالاماغا باشلاییر؛

1-قوچو نیظاما قارا یاخیرسان؛

2-اولکه داخیلی زاووت کرخانالاری باغلاییب ایشسیزلیک یارادیرسان؛

3-نار کوتیک ماده نی ایتخال ائله ییب ماخلوغون جاوانلارینی  مویتاد ائله ییرسن؛

4-زیرپی شیطاننان ال بیر اولوب گازا باهالاندیراندا سوریه یه سیلاح سورسات داشییرسان ؛

 5- اینگلیتره ینن ال اولوب برقی باهالاندیرندا لوبنانا مالی یاردیم ائلیرسن؛

6-ایسیرافیلینن ال اولوب سویو باهالادیراندا فیلیسطینه غزه یه موفته سینه بنزین یوللاییرسان؛

7-تورکیه نن ال بیر اولوب پان تورکو یولا سالاندا یمن حوثی لرینه موشک صادیرات ائله ییرسن؛

8- برزانینن ال اولوب پان کوردو یولا سالاندا آذاربایجان جومهوریتینه نارکوتیک ماده گئچیردیرسن؛

9-موللا عمرینن ال اولوب پان بلوچ یولا سالاندا افغانیستاندا تیرکک تارلالاری اکیب بئجریرسن؛

10-باها یومورتداییب ایسلام  اولکه سینی قاتیرسان؛

11-قوچو نیظاما قارا یاخیرسان؛  

جُرم کسیلنن بئله تویوق دوروب اولکه ده گئدن هاوالارا اویناماغا باشلایاندا؛

جناب تولکو قوردا اوز توتور کی سنده گیر اویونا؛

بو سوز ائشیدن قورد جیبیندن بیر کاسئت چیخاریب ماسا اوسته کی ضبطه قویاندا دِئییر بوندان سونرا من اوز هاواما.......................

 نوشته شده در  شنبه شانزدهم دی ۱۳۹۶ساعت 10:26  توسط :قلئی چی مورتوض 

 

 

 

ددم یانان یئریوه قوربان..........................

   قونشوموز فهلعلی ائوله نن سونرا

کبین باهالیغی نی یاشادی

ائو کیرا باهالیغی نی یاشادی

برق گاز سو باهالیغی نی یاشادی

قبیر کفن عرشه خوان باهالیغی نی یاشادی

شاف دورقوزما درمان باهالیغی نی یاشادی

بنزین گازول نئفت باهالیغی نی یاشادی

اَت کُت سِئت باهالیغینی یاشادی

قورود سوزمه آییران باهالیغی نی یاشادیغی

دوگو ماکارون باهالیغی نی یاشادی

تویوق مویوق باهالیغینی یاشادی

یاغ  پنیر یوغورت باهالیغی نی یاشادی

یارما نوخود لپه باهالیغی نی یاشادی

واجیبی تایید صابین باهالیغی نی یاشادی

موز بادمجان خییار باهالیغی نی یاشادی

یومورتانین بیری مینه چیخاندا آروادی.......................  

 نوشته شده در  جمعه هشتم دی ۱۳۹۶ساعت 20:14  توسط :قلئی چی مورتوض

 

 

 

یاخجی دی................

کنده های دوشموشدورکی اولکه ده سیخینتی لار سون قویماق اوچون کی باش کددن یئنی خبروار؛اودورکی  طیییییی جاماهات مچیده یغیشیب چای چاناغی چاغ ائله ینده هاچاندان هاچانا منبره قالخان قوناق ماخلوغا شرعییات و شککیات اوخویاندان سونرا؛ایختیلاسدان توهمتدن اوزاق قالین دئییه سوزونونو داوامیندا اوزونو ماخلوغا توتوب دئدی؛ اولکه میزده آییری سئچگیلیگه سون قویماق اوچون سیزلر حوکومتینن ال بیر اولوب اولکه داخیلی اویماقلار دیلی نین آزاد اولماغینا یاردیم ائله یه سیز؛و سوزونون داوامیندا وورقولادی کی اگر سیزلر آبا آلتینا یغیشیب قوچو نیظامی یاردیم ائله سز طیییییی اولکه داخیلی چتین لیکلر آرادان قالدیرا بیله جه ییجک؛منبری قوتاراندا جیبیندن تسبئی ین چیخاردیب سوروشاندا کی بو کدده نه ایسته ییز  وار جاماهات اوجا سسین دئدیلر دیلیمیزده مدرسه ایکینجی دونه سوروشاندا دئدیلر  فرهنگیستان اوچونجو دونه سوروشاندا دئدیلر اورمونه گؤلونه سو؛دؤردونجو سوروشاندا قارا باغا یاردیم

دانیشدیغی سوزلر یاغ کیمین جاماهاتین اوره گینه یاخیلاندا بو منبرده خوشولارینا گلن کیمین بیر دونه ده رای وئریب دؤرد ایل گوزله مه لی اولدولار؛

نه دئییردیم هه یادیما دوشدو هردن تلویزیا خبرلرینده گلیر کی نه بیلیم بیرینین قارنیندان مئتال چیخدی؛ بیرینین قارنیندان تیرگک چیخدی؛ نئچه واقت قاباق بیزیم ائوده حؤرمتلی دده دلیگیم شیخ آغانین سانجیسی توتوب بیله سینی بورمالایاندا؛آخیردا تعجیلی یاردیم ماشینی چاغیریب خسته خانایا یئتیرنده حکیم لر بیله سینی ماینادان گئچیریب تز عملیات اوتاغینا آپاریب قارنین سوکنده نه چیخسا؟...............  

 نوشته شده در  جمعه یکم دی ۱۳۹۶ساعت 17:17  توسط :قلئی چی مورتوض

 

 

آی آغااااااااا ساخلا...............

هر ایل اولدوغو کیمین بوایلده ترس آوا کندی پایگاه طرفینن بسیجی باجی قارداشلاری ایمامین مرقدینه آد یازیب آپارماق ایسته ینده شمی دایی نیدا بزه ییب کاروانا قوشولدولار؛یول اوزونو ایاق یالین پیادا گئدنلره باخمایاراق دالمیزجا بیر تک صنللی آفتابوس؛ بیرتعجیلی یاردیم ماشینی؛ بیر ماطباخ ماشینی؛ بیر ارزاق داشییان یوک آراباسی؛یول اوزونو ساندیس کیک پایلایانلار موشایتینن نئچه گونن سونرا مقصده یئتیشیب تیجاری معنوی زییاراتمیزداوام ائله ییب بیر اؤن گونلوک قارین دولوسو یئمله نیب شنله نن سونرا جومعه گونو باش کند ناماز جمعه ده ایشتیراک ائله ییب حوثی دن اسددن حمایه ائله ینده اَمیرکه ایسیرافیله  یومروق گوسته ریب دوره براولکه لری قاتاندا نهایت کی سفریمیز باشا چاتیب بیر گون آخشام چاغی ایراننده شاگیرد هره نی بیردره دن قولاقلاییب آفتابوسا یغاندا یولا چیخیب بیر ایکی ساهات گئدندن سونرا شمی دایی قاریندان قات اولوب ایاق یولوآختاراندا تئز تئز ایراننده نین دال طرفینن قوزانیردی کی آی آغا ساخلا؛سوروجوده گوزگودن باخیب ساخلارام دئییه یولونا داوام ائله ینده؛ ایی قوخو ماشینی گوتورمه سین ایراننده ماشینی قیراغا ویریب ال تورموزونو چکنده  شمی ده انیب دووار دیبی ایشی بیتنن سونرا قاییدیب شالوارین چکه چکه اوتودوغو یئرین آلیب ماشینا یولا دوشنده ایراننده گؤزگودن باخیب گوله گوله سوروشاندا کی نئجه سن شمی کیشی دایانمادی دئدی آتاووین احسانی راحاتداشدیماااااااااااااااا       

 نوشته شده در  جمعه بیست و چهارم آذر ۱۳۹۶ساعت 18:11  توسط :قلئی چی مورتوض

 

 

 

بست اوتورانی.........................

 ایسلامی حوکومتیمیزین مرحمتینن معنوی یاتیمیزا قووت گوندن گونه

مککه کربلا مئشد کاروانلاری نین سایی آردیقجا بیزده ترس آوا کندی

اولاراق هاماش باجی اوغلونون  مینی بوسون راهلاییب ایراننده

شاگیرد زیارات کاروانی یولا سالماغینان اوممت هممشه در صحنه یه

خدمات ایرسانلیق ائله ییریک؛

بو باشی اؤرتولو معنوی ایشده محلله زننلری دوز آپاریب بئز گتیرنده

هر واقت اولدوغو کیمین بو جوم آخشامیدا اؤتوز آروادی ماشینا یغاندا

قیمیش دایی نی دا گولمه اوچون آل ائله ییب ماشینا چکدیم ؛

 یول اوزونو سیگارئتی سوموروب اوزوموزه پیلیین قیمیش کیشی نین

 آراسیرا قورلتوسونا وئرن اولمایاندا؛

 صوب چیخدیقیمیز یولا ناهارآذانی الله هکبرده داغ دیبی اوچ گونبذ

ایمامزادسینا یئتیشیب ماشینان اَنن اؤزلرین دَر دووارا سورتنده

بیر اوندا گؤردوم قیمیش دایی عاصی کیفری اولان کیمین های سالیب

اوغری کوپک اوغلو؛یالانچی کوپک اوغلو؛فیررلاق کوپک اوغلو؛دَلی کوپک

اوغلو دِئییه دِئییه ایمامزادانی داشا باسیر؛

 جاماهات ییغیشینا قاچیب دالدان قوجاقلاییب سوروشاندا  کی آغامی

  سویئرسن؛

 الینده کی داشی یئره سالاندا اوزومه باخیب دئدی یوخ

اییییییی.....................

 نوشته شده در  جمعه هفدهم آذر ۱۳۹۶ساعت 18:10  توسط :قلئی چی مورتوض

 

 

 

نه شیرین یوخوایمیش؟......................

گوروردوم:

تانریلار ماساآرخاسیندا اؤتوروب باریشیق نامینه چاناق قالدیریرلار؛

قیریجی اوچاقلار ماخلوغون باشینا بومبا یئرینه پارا توکورلر

آسلانلار گئییک بالاسینا یووا قورورلار

وارلیلار یوخوسوللارا دایاق اولورلار

بولوتلار قوراقلیغی آغلاییرلار

قاچقینلارا قوجاق آچیرلار

یاتان خالقی اویادیرلار

داش دووار یئرینه آدام باشینا دولانیرلار

آخساقلارا چلیک اولورلار

سولموش یاناقلارا آلما اولورلار

قادینلار سوزلرین خییره یوزورلار

قازامات یئرینه مکتب قورورلار

سینیرلاردا مینا(مین) یئرینه بیرلیک توخومواکیرلر

قورو آغاجلارا یاپراق اولورلار

سینیق سالخاقلارا یاماق اولورلار

چولده یاتانلارا دام دِئش اولورلار

منبردن ماخلوغا دوز دانیشیرلار

پولونان آل وئری یغیشدیریرلار

خسته نین گؤزونده حکیم اولورلار

دیلنچی قابیندا قه پیک اولورلار

بیر سویوق هاوادا قارلی گئجه ده

 قوشلارین بالاسین قیزیندیریرلار

 نوشته شده در  جمعه دهم آذر ۱۳۹۶ساعت 17:42  توسط :قلئی چی مورتوض

 

 

 

او صحنه داغینی....................

اوزون بیر واقت هم یئرلیمیز ساداق کیشی نین قیزی بوغدا خانیمنان سئویشیب بیر بیریمیزه چاتماغا جان آتمیش دیقسا طالعه دن دوز گلن کیمین آداقلانیب سوندان مین آرزی دیلک له حییات قورموشدوق؛  مالی باخیمندان یوخسول بیر عایله اولسایدیقدا حییاتیمیزین انیش یوققوشونودئییه گوله یاشیردیق کی گلجکدن گئچمیشیزه دؤننده عومور ساراییمیزی ال الوان بزنمیش گؤره بیلک؛ بیر ایکی ایل  قایین آتام وئرن کوهنه آوادانلیغدا اوتورماغیمیزا باخمایاراق سونرالار؛ایرحمتدیک؛ آنام  اوزلریندن ایراقدا بیر سورت تیکینتی توپراغی آییریب بیزه وئرنده حییات یولداشیملا ال اله وئریب ایکی اوتاغلی بیر منزلین هیمینی قوروب بیر اوستا  فهله کیمین گله جه یه خوش باخیش دئییه  قیزیل کرپیچلری بیربیرینین اوستونه یغیب سانکی اوزموزه شاه سارایی یاپیردیق؛ گئد گئده دام دِئشی دوزلدیب یاشاییمیزا داوام ائله یندن حییات یولداشیم ایلک قارنینا اوغلان و ایکینجی دؤنه ائویمیزین خییر برکتی رمزی اولاراق بیر قیزاوشاغیدا دونیایا گتیرمیشدیر؛ایکی بالانین شیرین گولوشلری داها یاشایشیمیزا داد دوز قاتان کیمین دونیانین گله جک اولایلاریندان خبرسیز شان شاققراق یاشاماغیمیزا باخمایاراق اجل گتیرن کیمین ایل فصلینین آلما باغلاری بارا اوتران  واقدا تانرینین قهری جوشه گلیب بیر قارانلیق گئجه ده یئر تیتره یَرَک اوتوردوغوموز دام دِئش فیرتانایا دوشن گمی کیمین شاقیللاییب دیرک سیلکه لننده قورخو دهشت ایچینده یوخودان دوروب من چوله قاجاراق جانیمی قوتاراندا حییات یولداشیم دیزلرینه ویریب وای بالالاریم قالدی  دِئییه یاتمیش اوشاغلارا ساری دوننده کد داغیلان کیمین بیزیمده ائویمیز  داغینتی لارا معروض قالدی؛ بو دهشتلی زیلزیله دن اولن اولوب قالانلار اؤز حشرینه قارق اولاندا منده بو تهلوکه دن جان قوتاریب صحنه نین تانیقی (شاهید)اولاراق  ایکی اللی باشیما ویریب  وای ائویم یخیلدی دئییه گؤز یاشلاریملا داغینتیلار آلتیندا قالمیش عایله مه نئجات وئرمه اوچون نسه بیر ایش گؤرمک ایسته ییرم آییری بولگه لردن توکولوب هاراییمیزا گلنلر داغینتی لار آلتیندا قالمیش عایله می گزنده حییات یولداشیمی گوردوم کی اوزو قویولو یخیلمیش حالدا ایکی بالاسینی قوجاقلایاراق جان تاپشیریبلار؛گوز یاشلاریمنان ایاق ایره لی  قویوب بئله صحنه نی گورنده ال دئیمه دن مین آرزینان قوردوموز ائوی اونون  وایکی بالامین سون مزاری کیمین اوستون اؤرتوب هممشه لیک او صحنه شکیل داغینی سینه مده یاشاتمالی اولدوم..................

 نوشته شده در  جمعه سوم آذر ۱۳۹۶ساعت 17:19  توسط :قلئی چی مورتوض

 

 

 

سیز نئجه؟؟؟؟؟؟؟؟؟؟؟؟؟؟

ایش اوسته اوشاقلاربیری جیب تلفونونا باخیب دیل دوداغین گمیره گمیره اوزون منه دئدی آی فیلانکس تزه لیکده  بو اینگیلیزه باغلی بی بی سی تلگرامی گونده اوخوجولارینا بئله بیر یازینان مواراحعیت ائله ییرکی اوشاق واقتدی سیزه اوجه شن اولوبسا اونون ایضاحینی بیزه سویله یین؛منده  بو سوزو ائشیدیب اؤز اوزومه گولنده  یادیما بیر احوالات دوشدو؛نئچه ایل آرواد  ایکی ایاغیمی بیر گالوشا تپدیکی آغام ایمام میرزه نی یوخودا گورموشم خواراسانا گئدک ؛ بیرمودت بو سوزدن قاچماغیما باخمایاراق بایراما قاباق ایلک قارینا اکیز دوغموش قاشقا دانامیزا گؤره ده اولسا یازآینین اورتالاریندا گئجه آروادینان ائوده گؤتور قوی ائله دیک کی هیچ کس بیلمه سین گلن هفته نزیک چورک ائله ییب یولا دوشک؛صاباحیسی گون کنده جار دوشوب گئجه قاپیمیز دویولنده گوردوم باجیم اری ایسماییل خانیمنان اوتورماق بهانه سینه بیزه گلدیلر آز چوخ یئمیش(میوه) زاد یئیندن سونرا کوراکن اوزون منه توتوب دئدی قالایچی مورتوض ائشیدیم خواراسانا گئدیرسن باجوودا آپار؛

او گونون صاباحیسی باجاناغیم ایرشید قاباغیم کسیب دئدی مشده گئدیرسن بالدیزووداآپار؛

اوچ گونو ساق قونشوموز میرزآغا  گلدی بیزیم زننی ده آپار؛

دوردونجو قایین آتا سیفاریش ائله دی اونوندا یئنی گوزلچه سین آپارام

 بئشینجی گون دییرمانچی کاظیم گلدی بیزیم کینده  آپار؛

نه باشیزی آغریدیم واقت باشا گلیب یولا دوشنده  ایرحمتدیک نیظامعلی نین زننی دول زلیخادا گئیینیب گئچینیب بیزه قوشولاندا

یئدی آرواد بیر کیشی کند جاماهاتینین موشایعتینن یولا دوشدوک ؛گئد گئده یول اوزونو خدمات رسانی دئییه بیرینه ماشین توتما حببی بیرینه قوسما نایلونو وئرنده اوبیریسینده ماشینی ساخلاددیریب ایاق یولونا موشایت ائله دیم؛ایکی گون یاریم یول گئدنن سونرا جانینا قوربان اولدوغوم خوراسان یئتیشیب اوزاقدان اوزاغا سالام منزلینی یغیب اوچورداندان سونرا آغانین اوجو بیز میناره لرینه باش اَییب شهره واراندا بیر منزیل توتوب گئجه آرایا گلن کیمین آچ چوخ گتیردیگیمیز ارزاقدان شام حاضیرلاناراق سیفرا دوشه نیب هامی یغیشاندا اوول اوزومو بالدیزا توتوب دئدیم آی قیز  بیرا آغانین محضریدی گئچمیشده گوناه زاد ائله ییبسن اعتیراف ائله قوی بیر بئله یول گلمیشیک زیاراتیمیز قبول اولسون؛بالدیزیم سوزو بوجوقدورماغینا باخمایاراق گوجونن بویون آلدی کی نه بیلیم بیر یول سحر تزدن داواری قوشاندا کندین چوبانی منی زورلادی؛ سونرا اوزومو قایین آتانین گوزلچه سینه توتاندا اودا چوخلو آندا ماند ائله یندن سونرا اودا بویون آلدی کی نه بیلیم موتال سولیمان اونو بیر یول ........

خیلاصه آروادلارینی هاممیسیندان اعتیراف آلاندان اوزومو ایاق اوسته چای چورک گتیرن ائوآدامینا توتاندا گوله گوله دئدیم آی خانیم سیز نئجه...........

 نوشته شده در  جمعه بیست و ششم آبان ۱۳۹۶ساعت 17:23  توسط :قلئی چی مورتوض 

 

 

 

...............کیم سن

یئنی یئتمه اوغلان اوشاقلار مکتبینده فارس گئده سی طییییی

اؤزون اویوب لورون کورودون گیله یین تالشین باشینا قاخینج اولاندا

بیر گونده تورک بالاسینی لاغا قویوب اؤز کیم لیگین اوستون توتاراق

آتماجا یامایاندا مکتب اوشاق و معللیمه لرینن ییغیشمالارینا باخمایاراق

تورکون بالاسی چنه سیندن توتوب یوخاری قالدیراندا اوجا سسین دِئییر؛

 

من سولطان ماحمودام

من سلجوق سویام

من ملیک شاهام

چنگیز بایراغی یام

من جیغاتایام

هولاکو دیزی یم

من آباخانام

من قیزیل ارسلان

من قازان خانام

من تیمور نسلی ییم

من شاه جاهانام

من اوزون حسنم

من جاهان شاهام

من شاه ایسماییلام

قیزیل باشدانام

من شاه طهماسیبم

من شاه عابباسام

من نادیرین سسی

من قاجاردانام

من ازبکم من قیرقیزم

تورکمانام

من اویغورام آتا تورکم کار قولاق

ائشید سسیم من بیر آذاربایجانام

تورک اوغلویام

تورک اوغلویام

سن....................

 

 نوشته شده در  جمعه نوزدهم آبان ۱۳۹۶ساعت 17:56  توسط :قلئی چی مورتوض 

 

 

 

ایسلام شاللاغی..............

تموز(یای)قیزمار گونلری بئش اؤن قاباق تانیشلارین بیرینین آناسی الله ایرحمتینه گئتمیشدی؛منده آخشام چاغی بو یاس توره نین قاتیلیب باش سالیغی وئرندن سونرا ائوه اوز توتاندا اوشاقلارهای باسدیلارکی آی آتا بیزی ساوالان اته یی ایستی سولارا بیر آپاراسان؛جوم آخشامی ایستیراحت گونلرین نظر آلاراق ماشی نین یاغینا سویونا باخاندان سونرا  عایله میندیریب خوروز اوباشدانیندا یولا دوشدوک؛یولچو یولدا گرک دِئییه اوتورون گازین توتاندا گون اورتا چاغی قایناربولاغلی شهرجیکلرین بیرینه چاتیب خیاوان قیراغیندا چادیری  قوروب گئجه نی صبح ائله یینده قالیان آلتی زاد یئییب اوزوموزو سولارا ویریب چادیرا قاییداندا جاماهات سیغلیغی اولارکن بوشهرجیک سیاحته چیخانلارینان دولموشدور؛هر عایله اوز حالیندا اولارکن بیری چالیب اوخویوب شادیانه لیک ائله ینده نه بیلیم بیزیم اوغلاندا اونلارا قوشولوب اوینایارکن بیر آندا چادیرا اورتو(گشت ایرشاد)ماشینی یئتشرکن دایرا چالیب اویانانلاربیزیم اوغلان قاریشیق  توتوب هده قورخوایداره سینه آپاراندا بئش آلتی گون اونلاری ساخلاییب بیزیده عدلیه ایداره سینه آپاریب گتیرندن سونرا یئدینجی گونو اوشاقلارین هره سینه اوتوز قیرمانج(شاللاق)حکمی کسدیلر؛منده  بیرموعتبر آق ساققال کیمین ارکی یانالیق لا عدلیه ایداره سینه یوللانیب هاچاندان چانا نوبات وئریلیب اوتاغا گئچنده شیخ آغا حاکیمه اوزوموتانیدیراندان سونراساققال توتوب دئدیم حاجی آغا منده بو ایسلام اولکه سی نین قوجامان بیرقالایچی سی یام ؛اولماز کی بو اوغلانین گوناهینی منه باغیشلایاسیز؛شیخ آغا سوزومو دینله مه دن یئریندن قالخیب الین بیلمه اوزاداندا های باسیدی کی سن فخر ائله میرسن اوغلوون آمینا ایسلام شاللاغی ویریرلار..................................      

 نوشته شده در  جمعه دوازدهم آبان ۱۳۹۶ساعت 18:18  توسط :قلئی چی مورتوض 

 

 

 

وای دالیم....................

کیمسه  سیزاؤلوب  دووارلاردیبینده قالماغیما باخمایاراق لاپدان زیبیل قابلارینا سوخولاندا بلدییه ایشچیلری بیله می توتوب قوجاقلار ائوینه گتیردیلر؛ ایندی ایسه  بیرالی اولوب یاشایاندا؛ هردن  بئکار قالماییم بابا کرمی اویناییب  شاهنامه  خرنامه دن  خیردالاییب یولداشلاریمین باشینی قاتیرام  کی گونوموز گئچسین؛تا اینکه بئش اؤن گون قاباق منیم تاییم  بیریاشی اوتموش کیشی نی بیرایا گتیرنده هاممی نین دیققتینی چکیردی؛آخی بیلیرسیز قارنی دیزلرینده  گوده بوی کیشی ایاق یولونا زادا گئده گئده بیراخاندا هردنده الین دالینا ویریب آلتدان آلتدان وای دالیم وای دالیم دِئییردی؛
 خیلاصه نه باشیزی آغریدیم یولداشلارین باشی بو قارنی بورونوندا کی قوجایا قال اولاندا؛منده اوز اوزومه فیکیرله شیب بو وای دالیم قضیه سی نین اوستون آچماق ایسته ینده  بیر گون الینن یاپیشیب بیردالدا یئره چکنده  الیمی موتال قارنینا قویوب سوروشاندا کی آی قارداش آخییییی؛                  
 یازیق کیشی تویوش(نفس) ویرا ویرا بئله ایضاح ائله دی کی عسکرلیگی ساووب  ائولنن سونرا تانری بیزه اوچ اوغول ایکی بخش ائله ینده ؛منده حانبالیق زاد ائله ییب اوشاقلاری بویودنده قیزلاری اره وئریب عایله خرجینی یوگونله شدیردیم؛ امما اوغلانلارین یئریمی اوتوز آرا یاشلی اولماقلارینا باخمایاراق  ائولنمه میشدن ایشیز پئشه سیز دولانیب باش یاغ پولاریدا منیم بوینوما دوشنده هردن بیله لرین توپارلاییب ائو آراسی های کوی سالاندا کی نیا ایشله میرسیز؛ منن ائو آدامین اوسته له ییب دِئییردیلر؛بیزی اکیب دوغمایایدیز؛گئد به گئد خشلری آغیراولدوغوندان  بیرگون ائو آدامین چاغریب بو ایشی چوخلو گؤتور قوی ائله ینده بئله قرارا گلدیک کی بونلاری قایتاراق چیخدیغی یئرلرینه؛اودور کی آرواد یوغون اولدوغلارینی ماهنا(بهانه)ائله ییب اوزونه گؤتورمه ینده  ؛ناچارچیلیقدان هر اوچونده بیر به بیر دالدان اوزومه شاف ائله ییرکن قارنیم بویویدودااااااااااااااااا.....................................

 

 نوشته شده در  جمعه پنجم آبان ۱۳۹۶ساعت 17:12  توسط :قلئی چی مورتوض 

 

 

 

بیر یول قویون..................

بیر یول قویون..................
اوول اینقیلاب یوخسولار ائوسیزلر  موصتضعف دِئییه کمیته ایمدادا آد یازدیراندا اوچ دؤرد ایلدن سونرا ؛فاغیر بئچارایا ال توتان  حوکومت ایشچیلری یاشادیقیمیز شهرجیکدن اوجقاردا یئر آییریب بیر ایکی ایلین ایچینده  اوتوز قیرخ ائوی دال قاباق  دوزلدنن سونرا؛ آچیلیش مراسیمی قویاراق باش کددن گلیب قیرمیزی پارچانی کسنده بونجاق سندلریمیزیده تور سوزوالیمیزه  وئرنده چوخلو طمطراقلا یئنی تیکیلمیش بینالاری ایختیاریمیزا وئرمیشدیلر؛
بیزلرده طییییی نامازاوسته باشدان اته یه محصوللارا دوعاسانا ائله ینده ؛هممشه لیک کاتدا ایسلامین دالیندا دایانان کیمین تظاهوران زاددا ایشتیراک ائله ییب صحنه ده اولوردوق؛گئد گئده هنده وریمیز دولوب؛شهرجیک جاماهاتی نین یاشایش صاحه سی گئنیش له ننده بیزیمده یاشادیقیمیزدا محل شهر ایچینه دوشوب بیر آز دَییر تاپمیشدی ؛بو بینالاردا ائو باشینا دوققوز اوشاق اکیب بویا باشا گتیرمه یمیزه باخمایاراق؛بونجاق سند صاحابلاری نین بیر نئچه سی دونیاسینی دییشیب ائو ائشیکلری سوخایا(ورثه)قالمیشدیر؛ بو ایشین اوستوندن اؤتوز ایل گئچندن سونرا؛ بیلدیر ائو ائشیگیمیزه صاحاب تاپیلان کیمسه ایران ایسلام عدلیه ایداره سینه موراجعیت ائله ییب اوستوموزه ایدعا قالدیراندا محکمه  الیمیزده اولان بونجاق سندلرین باطیل اولدوغونو آچیقلاما وئررکن بینالارین بوشالتماسینا امیر وئریمیشدیر؛ ؛داها دوغروسوجاماهات ایشینی بئله گؤرنده عایداتی اورگانلار کومتیه ایمامنان توتموش شیخ آغانین دفترینه کیمین عریضه لریازاندا ایچیمیزده اولان  سوز گئچر سیید شینبیلیدا اوز طرفیمزدن ایرییس ائله ییب؛قاباغا سالاندا گؤزله ییردیک  کی ایشیمیزی آشیرسین؛یئدی سگیز آی بو چکیربرکیشینن دالاشاندان سونرا بیر گون شیخ آغانین وریندن امیر گلدی اوتوز سککیز ایل ایسلام اینقیلابیندان گئدیرسه داها اولکه ده یوخسول اولمامالیدیر دِئییه  سیز ائولرین پولون اوده مه لی یاداکی بینالاری بوشالدیب دویلته وئرمه لیسیز؛بیزده کوچه اهالیسی اولاراق سوز بیر اولوب قاباقلاریندا دیره ننده بئش اؤن گون قاباق عدلیه مامورینان بلدییه ایشچیلری توکولوب قاپلاریمیزی بیر بیر داشینان هؤروب چیرپیلی قویاندا؛ قونشولار آراسیندا چاشقینلیق یارانیب هر کیمسه بیر تعبیر توکنده؛بلدییه نین زیرپی ماموری سوزو گئچر ایرییس میز سیید شینمیلین  قوجا ننه سینی قیشقیرباغیرنان ایچری باسیب قاپیلارین هؤرنده ؛ منده باشیمیزا آچیلان اویونا گولوم سه یه گولوم سه یه یئرییب قاباغا  دئدیم آی جانیم هیچ اولماسا سیید  ننه سینه..........

 

 نوشته شده در  جمعه بیست و هشتم مهر ۱۳۹۶ساعت 17:55  توسط :قلئی چی مورتوض

 

 

 

دوزدوگوم سیرالار...............................

ایکینجی صینیفه گئدنده بیرگون ایمتاحان واقتی چاتیب؛ یووشومون(قلم)اولمامادیغیندان کیتاب دفتریمی چانتایا یغیب قیشین سویوغونا باخمایاراق  قاپیدا نسه گؤزله یینده ناهارا یوخون آتام قان قالاغی قاریشان کیمین ائوه قاییدارکن الینده کی ایش پالتارینی قاپینین گرکانین چالاندا عاصی فیکیری اولوب اوز اوزونه دئیینده کی بوگونده ایش اولمادی؛ من صحنه نی چاش گؤروب  زیبیل قابینا آتدیغیم یووش کونه سینی گؤتوروب بویوک بابامین کوهنه موشلوگونون اوجونا گئچیریب اوزومو مکتبه یئتیرنده معللیم الیمده کی موشلوکو گؤروب عصبلری قاریشاندا یووش قاریشیق موشلوکو الیمدن آلیب بیر شیلله اوزومه ویرانداقیشقیرباغیر سالیب دئدی سن بیلمیرسن کی مکتب سیگار موشلوک یئری دَییر؛بارماقلارین یئری اوزومده قالماغینا باخمایاراق؛مکتب قورتاریب اوشاقلارداغیلاندا صحنه نین شاهیدی اولان بیر صینیف یولداشیم منی دالدایا چکیب اوجوقددلنمه میش بیر تزه یووش بیلمه وئریب ائوه یوللاندیق؛گئجه آرایا گلیب درسیمی یازاندا؛ آتام تزه یووشو الیمده گؤرن کیمین آنامین باشینا قیشقیریب های کوی سالاندا بیزیم توره میزده اوغورو اولماییب دِئییرکن بیرشیلله ده او اوزومه ویردی؛ایندی کی شاییر اولوب عومورپاییزیمین اللیسینی یاشاییرام؛لاپدان اوز اوزومه قاپانیب دِئییرم؛آی اوستونده دویولدوگوم یووشونان دوزدوگوم سیرالار بئزدیگیم سیرالار....................................     

 

*بو حیکایه نی اولو شاعیریمیز داوود اینتصارین یازدیغی بیر شعیریندن آلیب یازمیشام

 نوشته شده در  جمعه بیست و یکم مهر ۱۳۹۶ساعت 18:2  توسط :قلئی چی مورتوض 

 

 

 

......منبرین تاقصیریدی.................

     هر ایل اولدوغو کیمین بیز بو ایلده ترس آوا کندجاماهاتی  اولاراق محرم عزا گونلرینه ؛مچید منبری راهلاییب یولا سالاندا نئچه عرشه خوان گتیرمه ییمیزه باخمایاراق باش کددن جانینا قوربان اولدوغوم باشی یئکه بیر شیخ آغادا گتیرمیشیک هر گئجه تلوزیالاردا یوخ یوخ باغیشلایین چاشدیم منبره قالخیب چوخلو معاریفلندیریجی حدیثلر دئییب اونو خیردالایاندا ماخلوغون قارشیسینا چکیلن  تاموق(جهنم)گئدن یولون کؤرپوسونه بومبا قویوب عوضینده اوجماناگئدن(بهشت)یولونو ایسفالت اورتوگوینن دوشه ینده شرعییتیمیزده گلن دورلو دورلو باغیشلانماز گوناهلاردان دانیشیب ماخلوغا خبردارلیق ائله ینده تاراش آخشامی(تاسوعاگئجه سی)مچیدیمیز باسا باس جاماهاتینان دولو اولاندا موغامین و موسیقی نین مضراتینان دانیشارکن نئچه روایت لره ایشاره ائله ییب بو سوزو وورقولایاندا کی هر زنن حامیله واقتی بیر یول موسیقی یه زادا قولاق آسسا اونون دونیایا گتیردیگی اوشاقدا بیج (زنازاده)اولار؛بو سوزو ائشیدن دوره بر اوتورانلار بیربیرینه اوزونه باخیب تعجوبله ننده شیخ آغا قررررررررررررااااااااااااا سالاواتینان منبری قورتاریب جاماهات داغیلیشدیلار؛بو گئجه عاشورا شام غریبان گئچیرتمه اوچون مچید قورتاریب جاماهات داغیلاندان سونرا بیز یئنی یئتمه اوشاقلار اولاراق  شمع یاندیریب گئجه خانه خوداده قالیب یولداشلاریندا ماززاقلیق(شوخلوق)ائله ینده شیرینلیک اوچون  منیم باشیما عمامه دولاییب منبره چیخارداندا عجایب دونیایه راست گلنده طییییییییی مچید اوتورانلار گوزومه قویون کئچی گلیردی؛منجه ........................................

 نوشته شده در  جمعه چهاردهم مهر ۱۳۹۶ساعت 17:50  توسط :قلئی چی مورتوض 

 

 

 

خیام علی...................

اوجور کی بیلیرسیز منن منصوره اوغلوخیامعلی یاشید تای اولدوقوزموزا گؤره کد کویشن آرا یاشاییب بویا باشا چاتاندا اونلارین عایله سی باش کنده کؤچوب اورادا یاشاماقلارینا باخمایاراق  ایران عیراق محاریبه زامانی عسگرلیگه آدیمیز چیخیب منن خیامعلی یاشید تایلاریمزینان بیرگه شهریلرین بیرینه اعزام اولونوب اوچ آیلیق حربی تعلیمات گئچیرندن سونرا جیبهه بولگه سینه یوللانیب وطنه قوللوق دئییه آرا سیرا آتیشمالاردا ایشتیراک ائله ینده خیامعلی طیییی بهانه گتیریب خسته ییم دئییه اوز وظیفه سیندن باش قاچیرداردی؛عسگر یولداشین بئله باش قاچیرتمالارین گؤرن اوردو باش ضابیطلری اونو قیسناغا قویاندا نه بیلیم بیر گون های دوشدو کی خیامعلی یارالانیب؛داوا درمان اولونماق  اوچون باش کنده یولا سالیب لار؛سونرالار بیز یولداشلار آراسی بو ایشی آراشدیراندا بئله معلوم اولدو کی خیامعلی اوزو اوزونه قصد ائله ییب کی دویوش بولگه لرینده اوزاقلاشیب اولوم دیریم ساواشلاریندان آماندا قالسین؛ بیز یولداشلغان حربی قوللوغو قوتاریب کنده قایداندان سونرا بللی اولدو کی قیرخ فاییز جانبازلیق درجه سی آلیب حوکومت طرفینن آیلیق ماییش آلماغینا باخمایاراق دالی دولو خیامعلی اوزوده دولت ایشینه قبول اولوب نه بیلیم بیر ایداره یه باشچیلیق ائله ییر؛اودور کی نئچه ایللردن سونرا بو ایل محرمین یئدی سینده کنده اوز   آخشام مچیده گیرنده یک راست گلیب ایللر بویو  منبرین ساق یانیندا اوتوران آهیل آق ساققالیمیزحاجی ایسگندر قوزاییب یئرینده اوتوراندا یولداشلار بویان اویاندان بیر بیرینن اوزونه باخیب قالایچی مورتوض ارک اوزینن یاشیدتایینا دِئیینده کی سنین یئرین اورا دَییر سوزلری آلچاق اوجا گلیب مچیدی باشینا آلان خیامعلی فارسی تورکو سوزلرینی بیر بیرینه قاتیب باش کند لحجه سینن  اوزونون شهرده کاتا(بویوک)آدام اولوب آیدا آلتی میلیون ماییش آلماغین اوزه چکنده؛قارشی طرفده اوتوران کابلا قدرت گولومسه ییرک بیله سینه اوز توتوب دئدی اَدَه خیامالی سن آیلیق ایکی میلیون ماییش آلمالی سان باخ؛

بیر میلیون آرتیق وئریرلر کی بوینووا چپی سالاسان

بیر میلیون آرتیق وئریرلرکی ناماز جومعه ده ایشتیراک ائده سن

بیر میلیون آرتیق و.ئریرلر کی تظاهوراتدا زاددا یوموروق قالدیریب شوعاروئره سن

بیر میلیوندا آرتیق وئریرلر کی اوز آنا دیلینه آفدافا گؤتوروسن               

 نوشته شده در  جمعه هفتم مهر ۱۳۹۶ساعت 17:46  توسط :قلئی چی مورتوض 

 

 

 

دوگونلو دیلیمیز...................

گئچن ایل ایکینجی صینیفی باشا یئتیرن یئنی یئتمه اینجه ناربو ایل کی بِئشکیب(مدرسه) دوسلارینی گؤرمک اوچون مکتب آچیلیشینی گونلرینی صبیرسیزلیگینن گؤزله ییردی؛یایدان بیر آی قالمیش چانتادان توتموش یووش یازارینی(قلم دفتر)آلاراق مکتب یئنی فورما گئییملرینده ال ایاق ائله ییب اوز اوتاغینا یغمیشدیر؛هفته لر گونلر گئچیب کوز(پاییز)آیی نین ایلک گونونو گوزونه آلان بو قیز اوشاغی گله جک حییاتینین مین بیر دوگونلوسوواللارینا جاواب آختارارکن گئجه یوخوسونودا بو آچیلیشینان گؤروردی؛گاهدان آتاسیندان یئنی دوسلارینی اونونلا نجور داورانماغین سوراندا  آتاسیدا سولقون باخیشلار آرخاسیندان بالا نازینی چکیب اونون تویوش(خییال)عالمینه لکه سیز آق ایپکدن پارچا سرمه ینن اومودون ایتیرمه ییب باجاردیغی قَدَر دورولوق تجسوم ائله ینده اوشاغی نین گله جک خوش اوغورلارینا قارشسیندا اولان دورما دولاشیق یوللارا کؤرپو قوروردی؛ واقت وعده باشا گلیب؛مدرسه لر آچیلیش گونو اینجه نار خانیمدا آییری صینیف داشلاری کیمی دان یاریلان کیمین تئز یوخودان دوروب ال اوز و دیشلرین یویاراق ماسا(میز)آرخاسیندا ایاق اوستو  قالیان آلتی یئیندن بئله  گئدیگی فورمایا نئچه یول گوزگوقاباغیندا سای گئچندن سونرا قورآن آلتیندان گئچه رَک یولا دوشنده دالدان  آنا بالاسینی چاغیراندا کی یولونا نه قویوم اینجه نارحسرت له آرخایا دوننده دئییر چانتاما دیلیمی قوی دیلیمی .................................

 

 نوشته شده در  جمعه سی و یکم شهریور ۱۳۹۶ساعت 18:4  توسط :قلئی چی مورتوض 

 

 

جوللابِ انجیل...........

سئیرانا خالا گیلین باغلاری کددن اوجقاردا اولسایدیدا ایرحمتدیک حییات یولداشی بارات عمی نین قارا میخ کؤلوندان قوردوغو چپردن ایچری گئچمک اولمازدیر؛آخی بیلیرسیز بو باغدا هر یئمیش دن(میوه)اولماغینا باخمایاراق یایین اوول آیی یئتیشن چپر قیراغی بیر تورش آلچاسی وارایدی کی یئتیشنده یئریکله یین آروادلارین کونلونه دوشردی؛بیرگون سحر چاغی گتیریب ناخیرا مال قوشان قیز یولداشیمین اورتانجیل گلین باجیسی باغدا کی آلچایا باخیب آغزین مارچیلاداندا منده اوزومه سوز وئردیم کی هر جور اولسا گرک بو ایل آدی گئدن باغا سوخولوب  تزه گلینین ایسته یین بیتیرم یوخسا اوشاغی تای گوز دوغولار ؛نئچه گون قیز یولداشیمنان اولچو بیچی ائله یندن سونرا بیرگون ناهارا یوخون هیچ کس بیلمه سین اوزون قولتوق جیبلی آرخالیغیمی گئییب باغین چپریندن آشان کیمین آغاجا دیرماشیب تر تله سیک  اوچ دؤرد آلچا  دریب چیبیمه قویاندا فیسلتی تویوشوم باغا سس سالان کیمین بیر اوندا گوردوم الینده پایا سئیرانا خالا کؤپک قاریشیق آغاجین آلتیندا ؛آی سنی آی زاوالا گله سن توش آشاغا دئیینده یاپیشدیغیم خولاقاریشیق یئره توشنده کؤپک منی من کوپه یی بوغمالایاندا سئیرانا خالا قولاغیمدان یاپیشیب قالدیراندا گؤردوکی اوزومو باتیرمیشام؛ ایرحمی گلن کیمین بئله قرار کسدی اگر بو ایل کی باغین حاصیلین اونا یاردیم ائله ییب ائوه داشیسام بو سوزو هیچ کسه دئمه ییب آخیردادا منه خیلک آلیدان آرموددان  وئره جک؛منده آبیریم شرینن یای قوتارانا کیمین جانین باشینان سئیرانا خالایا قوللوق ائله ییب باغدا بیتن حاصیلی دالیمنان ائولرینه داشییب یئر به یئر ائله یندن سونرا های گؤزتله دیم خالام منه نسه وئره جک؛بیر گون آخشام مال قارانی گتیرنده سئیرانا خالانی اته یی دولو باغدان چیخاندا گؤروب دیلیم توتار توتماز دئدیم؛اته ینده نمنه دیر اوندا گؤردوم تنگه باشی آشاغا سسین آلدی باشینا کی.......................

 نوشته شده در  جمعه بیست و چهارم شهریور ۱۳۹۶ساعت 19:35  توسط :قلئی چی مورتوض 

 

 

 

یئنی تیجارت

 

اوجور کی بیلیرسیز یولداشیم ایمان قولونون دده سی یئدی سککگیز  ایل قاباق پول یاتیرمیشدی کی مککه یه گئدسین؛اوچ دوردایل قاباق اوز حیات یولداشینی باشی کسیک قویوب الله ایرحمتینه گئدیب عومرون سیزه باغیشلامیشدی؛اودورکی بو ایل قوربان بایرامینا بئش آلتی آی قالان ایداره طرفینن او ایرحمتدیگین آدی چیخیب مککه یه گئتمک کاغاذی گلنده بیردان اوردان ائل طایفا ییغیشیب گئده یه دئدیلرکی سن ائله ائوین بویوک اوشاغی سان گل آتاووین وریندن گئت تیجارته باغیشلایین چاشدیم ؛زیاراتا؛ ایمان قولودا منیم کیمین اورتا یاش اولماغینا باخمایاراق شککیات و شرعیاتین بیلن آدام کیمین؛حاجا گئتمه یه بیر آی قالاندان نئچه اوکوزدن کلدن کسیب دور بره کت جاماهاتینا خش خییرات وئریب حالالیق ایسته ینده  گئجه مچیده ایروضه قویوب شام زاد یئیلیندن سونرا شیخ آغا منبره قالخیب مککه یه موشرررررررفت اولماغین فیوضاتیندن دانیشیب سوزون داوامیندا علاوه ائله دی کی آی ترس آوا کندی نین اهالیسی سیزهیچ بیلیرسیز کی بیزیم اولکه ده نییا خیر برکت یوخدور؛ندن بئله ایختیلاس ائله ینلرچوخالیب؛ندن اورمو گولوندن قورویور؛ندن دوشمنلریمیز گوندن گونه چوخالیر؛مچیدده جاماهات بیر بیرینین اوزونه باخان کیمین شیخ آغا جانابلاری بیر سالاوات آلاندان سونرا عبانین اته یین قاتداییب علاوه ائله دی کی تمام بو ایشلرین باعیثی اورت باسدیر ماحالیندا دول آروادلارین چوخالماسادیر؛نئچه حدیث موعتبرینن سوزونه داوام ائله ینده وورقولادی کی هرکدده ویاخودهر ائوده دول آرواد وارسا خییر برکت او ائودن وبولگه دن قاچیب پیس پیس مرض لر دوچار اولارلار؛خیلاصه سوزون قوتاراندا تاکید ائله دی کی هیچ قادین گرک بیر جوم آخشامیندان آرتیق ارسیز قالماییب گوناه کبیره یه مورته کیب اولماسین؛مجلیس قوتاریب جاماهات داغیلاندان بئش اؤن گون سونرا ترس آوا کد جاماهاتی سورقو سالاواتینان حاجی  یولا سالاندا هر کس ایلتیماس دوعا ائله ییب بیر سوز تاپیشیراندا قونشوموزدول خانیم خالانی گؤردوم بوقچا قولتوغوندا حاجی نی یانالاییب الینده بیر شئی یی دورقوزا دورقوزا یالوار یاخارائله ییرکی بوندان بیر دنه منه آلیب گتیرسن؛حاجی ایمان قولو گولومسه ییب دیینده کی بس واریندی دول خانیم خالا آنددا ماند ائله ییب  اَییلیب قولاغینا دئدی کی بوسیزین حاجی خانیمین کیدیر باخخخخخخخخخخ....................................

 

 نوشته شده در  جمعه هفدهم شهریور ۱۳۹۶ساعت 18:22  توسط :قلئی چی مورتوض 

 

 

 

خوردداداجاییق...........

 

ژالله ائولرین ییخسین باخ؛نئچه ایلیدی اوز چوره ییمیزی چیخاردیب اوممت هممشه در صحنه یه خدمات ایرسانلیق ائله ییردیک؛الن بیر ایکی آی اولارکی مامورلار توکولوبلر باشیمیزاکی حاققیز یوخدورقَفه قاباغیندا ویاخود کوچه باشیندا تیرکک زاد ساتاسیز؛دیینده کی جانیم بو موقعیت شغلی باغیشلایین چاشدیم به یئدی باش کیلفت ماییشین نجور چیخارداق؛جاواب وئریرلرکی ایرحمت ایسلامی دِئییه حکومتیمیز ورینده تیرکک آزاد  اولوب  اینن بئله گلیب دولته ایشله یجکسیز؛ائله بو ایشه گوره هفته باشی مامورلار توکولوب بیله میزی دوینده باشا اللی آتمیش پارا وئریب یولا سالیردیق؛داها جانیم بورنوما گلن کیمین؛ دونن ایسیراغا گون بیرمامورونان آغیز آغیزا وئریب دالاشاندا؛ ایندی مننده سووای   اؤن اؤن بئش نفرخیردا فروش لار اولاراق  بیله میزی توتوب گتیریبلر قازاماتا؛بیردادا تانرینین وئرن گونو ایرشادات ایسلامی ائلمه اوچون ناهاردان سونرا بیر یئره یغیب شرعیات شککیات اورگه دنده اولویه نامازقیلماق درسی گئچیریرلر؛یولداشلاریم هرکَسَن بیر جور بیر طهر عربی فارسی بیر بیرینه قاتیب بو نامازین باش قولاغین اَزَنده من قارا یوللو کیمین تورک  لحجه منن اوخویاندا شیخ آغا های باسیر کی یوخ جانیم دوز اوخومادین؛آخیردا بیر گون عصبله شیب دئدیم حاجی والله منیم یادیما گلندن ائله سیزین ایرحمتدیک آتازکاتا شیخ آقا باشدا اولماق شرط ایله اؤرت باسدیرماحالیندا اولولرین نامازینی بئله قیلیرلار؛بالا شیخ آغا بو سوزو ائشیدن کیمین دوردی ایاغا کی یوخ جانیم لحجه ینن اولویه ناماز قیلینسا باطیلدیر باطیل؛دئدیم بس امرینیز ندیر بویورون؛جانینا قوربان اولدوغوم شیخ آغانین رنگ اوروپو سارالان کیمین دئدی گرک اولولری چیخاریب تزه دن ناماز قیلاسیز؛ایندی قالمیشام گوره سن اوول کیمین دده سین قبیردن ............................   

 نوشته شده در  جمعه دهم شهریور ۱۳۹۶ساعت 19:30  توسط :قلئی چی مورتوض 

 

 

 

زززززززصالاوات...............................

الله ایرحمت ائله سین آخرین غموز اولسون؛

ایزحمت چکیبسن تانری اوله نیزه ایرحمت ائله سین حاجی بویور یوخاریدان اییلش؛

اَییه قاسیم حاجی عیززته چای گتیر؟؛

هاماشا دئنن  سس آپاراتینین سسین قالدیر عرشه خوانین

 سسی

فوووو    فووووووو

سس گلیر

 یوز ایلده عمر ائله سن ای بشر اولمه سین

بو بی کولدورکی الینن باشیووا توکمه لیسن

نه واریندیر قالاجاق واریثه بو دونیاده

دئییرم بلکه یئرین جننت اولا عوقباده

 چوخ موسَددِهِ اوقاتیز اولماییم

 بیر موعتبر آنا دونیاسین دییشیب

کربلانی گتیرین نظره

عزیزی یم نِئت اولار

ایسکایپ اولار چَت اولار

هاوالار ایستی له شه

شهرین سویو قط اولار

سیزین آغلایان گوزلریزه منیم بوتای دئشیک گوزلریم قوربان

مچیدده سیخلیق وار

اللهیم مصللی چئویریب گلین قاباغا

قاپی آغزیندا دوران قارا کوینکلی کوره کنلر و محرومه نین آنازاده لری

آی قونشولار تله سین

یاسا گلین یئل اسین

تانری گوناهین گئچیب

 اونو رحمت؛ ائله سین

آی اوزونه بومبا باغلاییب جانیندان گئچن داشیعه لر دئییم دئمه ییم

داغلار باشین قار آلدی

باغدا گوللر سارالدی

یئدی اره گئده نین

گولو بورنوندا قالدی  

الله و هکبر

منی قارا یولا مچید آوان اولاییدیم؟

؛ایسمعلی آی ایسمعلی دسمال دولاندیر؟؛

روحانی مجلیس حاج آغا دال دولدوروم منی باغیشلارلاکه واقتلارین توتورام بو بیر حورمتلی آنانین یاس مجلیسی دیر؛

بو گوز یاشلاریزی سوغان سویاندا توکه سیز؛

هه هه

 آی سیزه قوربان اولوم بیردان سونرادا آییری مجلیسیم وار منی گوذشت ائله یین

سوزلریم تمام

حاجی بویورسون منبره

الله مسللی الی محمدن واله محمد

آغیز بالله منم شیطان ایرجیم و لعیم

یا ایوللذینه آمنو و سفییه تون قیلماش

من ایبتدا بو مصیبت وارده نی اوز طرفیمنن و اوزاقدان یاخیندان گلن قوناقلارین طرفینن و خصوصا ترس آوا کندینین قالایچی پرور اهالیسی نین

 طرفینن قالانلارین تسلیت دئییب بو موحترمه خانیما الله تعالی دان جننت برینده ..............................

سالاوات هدیه ائله یین

آروادلارین سسی قویمورکی

نئفت آلی آی نئفت آلی اَییه شبستانی سس گوتوروب چیخ گور؟؛

دال قاپیدان شبستانا چیخان گلین باجی دیزلرینه ویرا ویرا وای بیرچه یی آغارمامیش خالام اوی خالام اوی

آی قیزبس بو ایرحمتدیک نجور اؤلدی  

نجور اؤله جک صوب نامازین قیلاندان سونرا تیغین تاراشین گوتوروب حامامااااااااااااااااااااااااااااا

سیمایه ایاق قابیلاری یاخشی ساخلاهااااااااا

برای اینکه باجیلارسوکوتو ایرعایت ائله سینلر

بیر قرااااااااااااااااسالاوات......................

من اولماسام ایش قاباغا گئتمیر کی  

اَدَه قربان حاجی یا بیر ایستکان داغ سو آپار؟

بلی عزیز قوناقلار بوگون لری بیر مومونه خانیمین مجلیس ختمینه گلیب سیز؛

 من بو خانیمی چوخدان تانییردیم کی شرع موققدسین حوکمی نن واجبی قویاردی

خودا وئرن یئری حاجی دئنن گلن هفته یئدیسی قبیر اوسته اولاجاق؟

فیکیروز منبرده اولسون

شرع موققدس ده وار کی هر خانیم یئدی اره گئتسه او دونیادا سورقو سووالی یوخدور

 بلیییییییییییییییی؛

ایسرافیل تئزه گلن اعلانیه لری وئر حاجی یا؟

بلیییییییییییی

 نئچه اعلانیه وار کی خانواده موعضایا تسلیت یازیبلار  

بیرینجی سی ایمام جمعه موحترم اورت باسدیر شیخ آغاطرفیندندیرکی  بو موصبیت وارده نی حورمتلی اوغلانلارینا و کوره کنلرینه و اهالی موحترم ترس آوایا باش سالیغی وئریبلر

ایکینجی اعلامیه؛شورای محل طرفیندن بانو سفیه همسر آقایان  کاتدا ایسلام–قوچو نیظام–حاجی ولایت-کربلایی مصلاحات-مئشهدی امنییت ؛حوججت آغا ایسلامی ومادر گرامی آقایان ایسحاق- ماحمود –عبدالرضا- مممد جاواد- بیژن-علی ایرضا-محمد- ماسقود......................... 

مادر خانم آقایان ابولحسن –علی - مجید- حسن- حسین......... آغالارینا.............

 باش سالیغی وئریب

و منن ایسته ییبلر او ایرحمتدیگین بیر کسه  وئره جه یی زادی اولسا تئزه گلینی موگیرینی یه موراجیعه ائله ییب .......................

بلییییییییییییییی

شام یوبانماسین

بئش اون کلمه ایروضه اوخویوب ثوابین بو خانیمین روحونا نیثار ائله مه یین  منبری قوتاریم ؛

   ائلی کی وقایه کربلا باشلاندی آروادلار ایاق آلتدا قالماسین یوللادیلار بیلاغا

بیلاقدان قاییدیب گلنده حورمتسیزلیک اولدی قوناغا اوییییییییییییییی قوناغا اویییییییییییییی

نه دردین وار گتیر نظره بوایروضه نین ثوابین منیم اولنلریمینن بئله  ......................

آخشام اولارگئج اولار

عومور گئدر وئج اولار  

ترس آوا کیشی لری

سنن سونرا نئج اولار

سوزلریم تمام

الله بیزیم آتیلان موشکلریمیزه قووت وئر

آمین .....................

الله بیزی سوریه ده یمن ده لوبناندا عیراقدا ثابیت قدم ائله

آمین.........................

بارالهاااااااااا ایسلام اولکه سینده برقی گازی قط اولانلارا صبر زینبی کرامت ائله

آمین.

ایختیلاس ائله ییب خاریجه قاچانلاری اولکه یه قایتار...........................

آمین.

قاری مجلیسیمیز حاج سعیدآغانین مقامین عالی ائله .........................

آمین.

سازمان میلل حقوق بشری محو نابود ائله ..............................

آمین.

اوروسییتین وچینین  کولگه سین باشیمیزدان گوتورمه ......................

آمین.

گونازتیوینی داغیت.......................

آمین.

میکروفونو........................

آمین

فاتیحم ازززز

 نوشته شده در  جمعه سوم شهریور ۱۳۹۶ساعت 19:43  توسط :قلئی چی مورتوض 

 

 

 

یایلاق حیکایه سی

یانیم آغزووا...................................

یایین قیزمار گونلری گلیردئییه؛ گئچن هفته دوسلارخبردارلیق ائله دیلرکی زنگان میانا آراسی شاعیر حسرت اباذر(یایلاق اوغلو)نون کوچ آچدیغی  پری داغلاری آق یوققوش یایلاغینا گئدیب هفته سونو اوردا ایلنمه لییک؛منده بو یاندان ماشینی خودداییب باش قرارگاه رجئعین کندی اولماق شرط ایله آخشاما یوخون بیربیرسرگردانلار گوروپو تاپیلیب  کاروان باشجیسی -1سلیم بی دولت آدامی2-اوزو نورلو شاعیریمیز شور گوزجابیر خییری3-بشیر آداقلیسی شورینان4-حورمتلی موغنیمیز علی معریفت تیمور عمی نین تور توکونتوسو5-طاریم بولگه سیندن صنللی کرم افندی6-اوستاد شاعیریمیز سوزو پارا قیزیل قلم7-مورتد شاعیریمیز آریلماز8- عاشیق جمشید بچه بال9-اوستادیمیز  دییرمان داشی آلیش بی10 –اوستاد شاعیریمیز مته چی آران اوغلو11-قیزلار سرگورپو شاعیر هیدایت اوغلو ..................نه باشیزی آغریدیم صوب آذان الله هکبرده  32ایکی ماشین دال دالایولا دوشوب گئد ها گئد ها گئد گون اورتا داغین بیر دوشرگه سینه یئتیشیب ناهار زاد یئمک بهاسی ایله کاروان دایانیب قفدان چایی دئییه اوجاقلارا اوت ائله یندن سونرا عاشیق ساز ایله مجلیسی قیزیشدیران کیمین شور گوزخییری قول گوتوروب اویناندا  شادیانالیق ائله ییب بیر ایکی ساهاتدان سونرا یولچو یولدا گرک دئییه حرکت ائله ینده گوردوم؛آیریلمازسگیز قاب چاغیرزاد ایچندن سونرا تزه ماشینلار قاباغیندا قول گوتوروب اوزون دره رقصی گئدیر؛گوجوپیس لیگنن باشینا ادیال آتیب ماشینلارین بیرینه اوتورداندا یولا دوشدوک؛آق یوققوش یایلاغی بیزیم اوچون
قندهار سفرینه دونن کیمین آخشام گون اییلنده مقصده چاتاراق قویون زاد قوربانی کسیلیب زورنا بالابان سسی داغ دره نی گوتورنده گوردوم شاعیر آیریلماز یخیلا دورا نسه دئییر الیندن یاپیشیب جاماهاتدان آرلایاندا کئفلی کئفلی الیمی سیخیب دئدی اشی قوی بیرایکی آغیز شیخ آغانی زادی سویوم باخ؛دئدیم اوستاد عاییب ایشدیرنجور اولسا او منیم سابیق ددده دلیگیم اولوب ؛نه باشیزی آغریدیم سلیم بی یین دوربونن توتموش یایلاق اوغلونون ایتین نه بیلیم بشیر قاغامین شوروسون سویندن سونرا بیر جور بیر طهرتوخدالیق وئریب گئجه اولماغینا باخمایاراق دوره بر ائلات سسیمیزی ائشیدیب گلنده گئجه یاریسی گوردوم بیر الی دیینکلی کسیب قاپینی کی نه بیلیم اوستالار اوستاسی قالایچی مورتوض بیردادیرسوروشاندا؛هه  بیردایام دئییه چوله چیخانداکوپ قاریشیق اوستومه جوموب خیلک بیله می بوغاندان سونرا گوجو پیسلیگنن اللریندن قوتاریب دالا چکیلنده اوچ دورد دیینک ایته ویراندا اوزون منه توتوب دئدی اوستا باغیشلاها کوپک سنی بوغدی؛منده باش گوزرومون توس توپراغین سیله سیله دئدیم یوخ جانیم ائوده آروادا بوغونجا ائله ........؛صاباحلاری یئنی دن باشیمیزا یغیلان داغ آدامی اوز اوبالارینا قوناق آپارماق اوچون بیربیرلرینن دالاشاندا داوانی یاتیرماق اوچون هن گلرم دِئییه بیر دوکاره کیشی یه قوناق اولوب چادیرلارینا گیرنده دوره برین ایتی کوچوگو بیزی قارشیلایاندان سونرا اوتوز یئدی ائلاتین موشایتینن چادیرا گیریب خوش گلدینن سونرا سوت قاتیق کره کباب یئییب ایچیب هله نن بئله سیخ سانجاق قورولوب نَییشعه جات اوستونده دوستومون شاعرلیگی گول ائله ییب نئچه سیرا شعیر سویله نده گؤردوم مجلیسی یئملندیرن ائلاتین زننی چاشقاد ساماوارچایی نی قاباغیمیزا قویوب  شاعیری سوزلری خوشونا گلن کیمین گوردوم اوزونو شاعیره توتوب دئییر یانیم آغزووا یانیم آغزووا داغ آدامی ائلات ایشی بئله گورنده آروادین سوزونون داوام های باسدی کی آرواد بونلارین آغزین گرک دولونن(دُرّ)دولدوراسان..........................  

 نوشته شده در  جمعه بیست و هفتم مرداد ۱۳۹۶ساعت 19:50  توسط :قلئی چی مورتوض 

 

 

 

آت بوزوگو...........................

اوجور کی بیلیرسیزتوبه ائله ییب ایختیلاصی زادی قیراغا قویاندان سونرا؛ماخلوق گؤرنده کی مچیده منبره یوخونلاشیب گئجه گونوز گئچمیش دده دلیگیم شیخ آغانین دالیندا ناماز زاد قیلیرام  ایکی اوچ دوره دیرکی محللده بیله می مچیده شورا تایینات ائله ییب لرکی آق ساققال اولاندان؛  منده خانه خوداده آبادلیق ایشله ری آپارماغیما باخمایاراق ماخلوغوندا ایشلرین گورورم ؛منیم کیمین موعتبرآدام محلله نین آرخاسیندا دوراندا باش کندین عدلییه ایداره  ایشچیلریده بئکار قالیب سوریه ده یمن ده ......؛ائله بو سوزلره رغمن دونن یوخ ایره لی گون بیزیم یوخون کددن ائولنن طی ترس آوا کندینین یئزنه سی ساییلان خیپی کاظیم آخشام نامازواقتی ایینینده کی اوزون قوللو آرخالیق و شالوار قیچلاری ایچری قاتدانیب رزین باغلانیغلی مچیده گلیب؛نسه دئمک ایسته ینده الدن چوله چیخیب نه امیرین وار بویور یئزنه دئیینده ایکی الینن باشیمی اییب آشاغی قولاغیما پیچیللادی کی ائوده آتیشما باش وئریب ایزحمت اولماسا بیزه گله سن؛اولماسین دئییه قادا دئییه  نامازی یاریدا قویوب یول اوزونو گئده گئده گوردوم یئزنه هردن قاباغیمی کسیب اوزومه باخاندا هردنده تعجوبله نیب الین قابیسینا سالیب چیخاریر؛یاری یولدا اوزون باسمادان قاباغیمی کسنده قوزانیب الین آلنیما ویرا ویرا دئدی الله ائله مه میشدن زییل زاد چیخیب؛یولومون آقیزیندان یانا ایته له ییب یئریمیزه داوام ائله ینده دئدیم  یوخ اشی دایما نامازقیلدیغما سجده گاهیم قابار اولوب؛اودا علاوه دن باشماغین چیخاریب دابانین گوسته رنده وورقولادی کی آی جانیم  من آتمیش ایلدیر یول گئدیرم دابانیم برکیمیر؛ امما نجوردی سنین سجده گاهین...................؛خیلاصه صوحبند یاریدا قاپیلارینا یئتیشیب یا الله سن بویور اولمازباشیوواوچون سن بویور حیته گیرنده کاظیمین خانیمی سسیمیزه چیخیب  باش چارقاتیندا اوربند ائله یندن سونرا باشلاییب یئزنه دن دورلو دورلو حیکایه لر دانیشیاندا؛گوله گوله یئزنه گوسته ریب دئدیم بس ایندی نیه دالاشیسیز ؛های بیدیر سالدی کی آی اونون آرخاسی یئره گلسین نئچه گون قاباق خسته خانادان ائویمیزه ایزنگ آچیب دئدیلر کی کاظیم آروادین دوغور تئز اوزونو یئتیر؛یئزنه گورنده کی آرواد اونو اوسته له دی ؛ بورکون باشیندان گوتوروب یئره چالانداقیشقیر باغیر سالدی کی آی  منیم آدیما آرواد آلان دده باباوا نهلت.................................

 نوشته شده در  جمعه بیستم مرداد ۱۳۹۶ساعت 18:22  توسط :قلئی چی مورتوض 

 

 

 

به کیمه داش آتاق................

یایین بیچین واقتی باش کددن ایزنگ آچیبلارکی بی ادبچیلیکدی بیزیم آروادین گئچمیش دده لیگی  اصلی کوکو ترس آوا کندینن اولان اورت باسدیر ماحالینینین اووقاپ ایداره سی نین صدری تانری سیزه ایروزو ائله سین حاجی ایلتیفات  یازیلیب آرواد قاریشیق مککه یه گئدیر؛کند آراسی آهیل آق بیرچکلرین مصلحتی نن آخشام چاغی هاماش باجی اوغلو تاخیل بیچن آلا جهره نی قویوب مینی بوس آفتا ماشی نین یاغ سویونا باخاندان سونرا گئجه یاتیشیب اوزوموزه گلن گون خوروز بانلایاندا نامازی زادی دور دوممال ائله ییب یوخون ائل طایفا آروادلی کیشی لی یئرمی بئش نفر هر اوچ ائوه  بیر قویون قوربانلیق قوجاغیمیزدا ماشینا اوتوروب عمی اوغلوم ایثبات گتیرن دانانی دال صاندیغیا یئرلشدیریب آذان الله هکبرده چیخدیمیزیولا ایراننده نین اوزونون  موعتبردایی سی نین حاجی ایلتفاتین اوزونون زنن نین سالاماتدیغینی ساوالاتا باسا باسا آخشام گون باتاندا باش کند داش تپه شهرجیگینه یئتیشدیک؛دانا قاریشیق انیب الله سیزه ایروز ائله سین قاباغیمیزا گلن تنگه آدامی قوجاقلاییب اوپندن سونرا شامی زادی یئییب آروادلی کیشی لی گؤت گؤته یاتیشدیق؛یئنی دن صوب اوول واقت یوخدان دوروب ماشینلار دال دالا حاجی نی آیراپورتا آپاراندا منده حاجی گیلین ماشینینا سوخولوب یول اوزونوگئده گئده قاش گؤز آراسی آروادین گئچمیش ددلیگینه آندیردیم کی؛او نعلبکی ده ازیب سویون ایچدیگین تیرگه یی اورادا نه ائله جکسن ؛بیرآز یول گئدندن سونرا گوردوم ایلتیفات الین سول طرفینده اوتوران حاجی خانیمین قارنینا قویوب بیلمه هیم جیم ائله دی کی اشی نیگران اولما ییرمی اوتوز نایلون بوکوب ترانیزت ائله میشم آروادین کانتیرینه؛ائودن قورآن آلتیندان گئچیردیمیز حاجی نی یئنی دن سورقو سالاواتینان کانتئن قاریشیق اوچاغا اوتوردوب؛ائوه قاییدیق؛گؤرنلرین دئدیگینه گؤره؛ نئچه ایللردن سونرا مککه یه موشررفت اولان حاجی ایلتیفات یوخاریدا الله آشاغیدا آروادین قارنینا گومانی گلنده بیر ایکی گون دؤزمه یینه باخمایاراق آغیز بورنونون سویی بیر بیرینه دَیینده آروادین دابانین الدن قویماییب ایاق یولونادا گئدنده تئز قاچیب اورانی آختاریردی کی نَسَه ................ دوردونجو گون حاجی نین  حالی قاریشیب خسته خانایا یئتیرنده ؛بیرجور دوکتوره حالی ائلیرکی منه اوچ دورددنه  ایشلتمه زاد وئرین ؛آق نوبات بویدا شافلاری آلاندان سونرا یاشادیقلاری موسافیرخانایا  قاییدیب گئجه یاتاندا بیر نئچه سینی دالدان حاجی خانیما یئریدنده؛ اودا ائوی یخیلانین قیزی پندام اولدوغونا گؤره سوریه یه آتیلان موشکلریمیز کیمین آچیلیمیرکی آچیلمیر؛الله ایشینه نه دئمک اولار دِئییه علاوه دن صاباحلاری آق پالتار گئیینیب اللی آتمیش یول کوهنه کالاوانین باشینا دولانیب شیطانا داش آتاندا ایلتیفاتدان بئش آلتی آردیم قاباقجا گئدن حاجی خانیم لاپدان آچیلاندا صحن موققدس ده پومب پاژ ائله ییب بیر بیرباشی باغلی قارا قیزیلی توکنده دوره برده گئدن حاجیلارتوکولنلری داش سانیب گؤتوروب شیطانا آتاندا بو یاندان حاجی ایلتیفات صحنه نی گؤرن کیمین قاچیب یئره ییخیلاییخیلا نئچه سین گؤتورنده لاپدان جاماهاتا های باسیر کی اونا داش آتمایین اونا داش آتمایین...................................

 نوشته شده در  جمعه سیزدهم مرداد ۱۳۹۶ساعت 19:31  توسط :قلئی چی مورتوض 

 

 

 

شاعیر خییالیمدا.......................

 عاباس خال اوغلونون آند یئری اولان خالاسی قیزی مدینه طوبه و امیراه آدلی ایکی کؤرپه بالانین آناسی اولماغینا باخمایاراق گنج یاشلاریندا حییاتین ایتیریب ایشیقلی دونیایا گؤز یومموشدو؛بو اردملی کیشی کد یئرینده بیر وارلی کارلی یاریم هانپا یاشایشی اولارکن اوزونون سونسوز اولدوغو ایچون آناسیزکؤرپه اوشاقلاری حمایه سینه گؤتوموشدور؛طوبه قیز اوشاغی اولاراق سال سیرا قایالیقدان سینیب گلن آغیر ائل اویماق کیمین آتا کولگه سی باشی اوسته اولسایدی دا امما آناسیزلیق آنلارینی اوزوایله یاشایارکن یاواش یاواش بویا باشا چاتیردی؛هر یاز قاباغی یام یاشیل بیچه نکلرده اوشقون چیچکلری چیتدایاندا اونوندا یاناقلاری قیزاریب ائولنمک واقتدی گلنده آدی دیللره دوشن بیر کهلیک فره سی کیمین گؤزللیک های هارایی دوره براوغلون ائولندیرن عایله لرین ایچینه دوشنده هر طرفدن گوموش اوزنگیلی ائلچی لر آتین شاوات نسلی نین حؤرمتلی آق ساققالی واهاب بی یین قاپیسینا سوروب قیزا هه آلماق ایسته ینده بو باخت اولدوزونو اوزلرینه گلین ائلمک ایسته ییردیلر؛کد قیزلار آراسیندا اوزونو خانیم یانه آپاران طوبه گلن ائلچی لردن قاچیب اوز دالدالیغا ویراندا  بلکه ده اوز ادب ارکانی ایله اونلارا یوخ مئساژینی یوللایردی؛هرنه اوز طالعه نین قیسمتی دیر دِئییه بیرگون یای بیچین واقتلاریندا کنده های دوشنده؛ بئله بللی اولدوکی شَهَر ساکینلی احمد آدلی بیر گنج اوغلان طوبه نی گؤتوروب قاچیرتماق عونوان ایله آرادان چیخمیشدیر؛بلکه ده آرالاریندا بیر گیزلی سئوگی عرفه سینده بوایش باش توتموشدورسادا ینلیمزگوجلو قیز طایفا ایچینده آغیر های کوی یه سبب اولوب دوره بر خیر خواه ساغالارین(اینسانلارین) ایاق ایره لی قویماسینا گوره بو ایکی سئوگی قوشونون کبینی کسیلیب اورتاق یاشاماغا باشلاییرلار؛احمد مممدلی  بیر نئجابتلی شهراوشاغی  اولدوغونا گوره اؤزو قاچیردیغی حیات یولداشینی دا جانیندا آرتیق سئویب اوچ دؤرد ایلین ایچینده ایکی کؤرپه بالاصاحابی اولان بوعایله خانیم قیزلاری اشرف و حوسین آدلی اوغلان اوشاقلاری دونیایا گلرکن آنانین اوغورونو یاشایان نازلی بالالارین آتاسی آفتامابیل یول قضاسیندا دونیاسینی دَیشیب اوز عایله سینی باشی کسیک قویموشدور؛ارسیز گنج قادین اوز آناسیزلیق طالعه ینی بالالارینی باشیندا گؤرنده حییاتین آجی اولایلارینی گؤز اونونه آلیب ایللر اوتدوکجه بیردان اوردان اوزونه علاوه دن ائلنمک تکلیفی وئریلنده یوخ ائله اؤز بالالاریمین قاییدینا قالاجاغام دِئییه عایله ایچینده آتا بوشلوغونو دولدوران بیر آنا کیمی ایکی بالاسینی بویا باشا گتیررکن عالی تحصیللی ائله ییب ایجتیماعیتیمیزه یارارلی اوولاد بخش ائله ینده هاممیلار اونون اوغورلارینین حسبندینی چَکَرک ائل طایفاسینیندا گووَنج یئرینه دونموشدور؛ گئچن گونلرده عومورونون بارلی آغاجی اولاراق قوجالیب دیزلری تیتره ین واقت اوشاقلاری آنانین ایزحمتین ایتیرمه یب ایکی یاندان قولتوغونا گیریب تانیش لارین بیرینین توی مجلیسینه گتیرنده قیرخ بئش ایل بوندان قاباق آل یاناقلی گوردوگوم طوبه خانیم اوزون یوللار یورقونو اولاراق قوجالیب ساچلارینا دن دوشرکن اوز گؤزلیگینی یوخاریدا کی دوزدوگوم سیرالارا وئرنده  من اوز شاعیر خیالیمدا اونو بیر طوبی کیمین یاشاتماق ایسته ییرم...................................

ایضاح:عاباس صفرلی(عاباس خال اوغلو)آتاسی آغا قولو و آناسی شهلادونیالارین تئز دییشمه لرینه گوره کؤرپه چاغلاریندان بویوک خالاسی اری خوداکرم وخالاسی زوبانین(زیبا)حیمایه سی آلتینا گئچنده بو عایله ده اونلارین مدینه آدلی قیزلاری ایلا بویا باشا چاتاندا مدینه نی اوزونه باجی قبول ائله ییب عومورونون سونونا قدربو ایلقارا صادیق قالیر؛ مدینه خانیم سونرالار داییسی اوغلو ایرحمتدیک آتاخان ایلا حییات قوروب *دؤرد اوشاغین آناسی اولماغینا باخمایاراق گنج ایکن دونیاسین دییشندن سونرا عاباس خال اوغلودا کد یئرینده بیروارلی کارلی هانپا اولدوغونا گؤره اونون ایکی کؤرپه بالاسی امیراه و طوبه نی حیمایه سی آلتینا گوتورورب اوزوندن قالان وارثیروتیده اونلارا هیببه ائله ییر ................................

*مدینه خانیمین اصلینده دؤرد اوشاغی اولوب امما خلیل و جلیل آدلی ایکی کؤرپه بالاسی اوشاق ایکن دونیالارینی دییشمیشدیرلر

*ایرحمتدیک عاباس صفرلی آتامین خالاسی اوغلو اولدغونا گؤره هامیلار اونو عاباس عاباس خال اوغلو چاغیراردی

 نوشته شده در  جمعه ششم مرداد ۱۳۹۶ساعت 18:53  توسط :قلئی چی مورتوض 

 

 

 

اوزو خوماریدی آخیییی.................................

آغزیما داش توپراق بیر یول ائوده آروادا دئدیم هاماش باجی اوغلو تئزه ائوله نیب عایب اولماسین قوناق چاغیراق؛ اونون اوستونده داوامیز دوشوب یئری گویی باشیما ییغاندان سونرا بور بوقچاسین گؤتوروب آتاسی ائوینه گئتدی؛بیر ایکی آی حشیریمه غارق اولان کیمین کبینینه ایجرایا قویوب بیله می قازاماتا وئرمه سین؛ یئدی کندین آق ساققالین دالینجا یوللایب چوخلو یالوار یاخارینان ائوه قایتاریب دویوش ائحتیمالینی ترس آوا کندینین باشیندان اوزاقلادیم ؛بو اولایین اوستوندن بیر موددت گئچندن سونرا بیر گون قیلیغیما گیریب دئدی آی کیشی سیز ائله دده بابادان یئتیم یئسیرآوارانسیز؛ قارداشیم اسدآغانی آروادی ائودن چیخاریب؛ دئییرم ایجازه وئره سن  بیزه گلیب اوزونده توکاندا زاددا آپاریب ایشله ده سن؛جانیم شریندن بیر اتک پول خشله ییب سیندیردیغیم تحریمات لار علاوه اعمال اولماسین ؛اسدآغا موعللیم سیخ سانجاغینان بیزه تشریف بویوروب قاروول دسته سینین قاباغیندان گئچندن سونرا آروادین بویوروقلاری یئرین آلیب یئدی سگیز آی توکان ایشینه باش قاینادان اسدآغا الیمده اولان سرمایانی ساووروب برشیکست ائله یندن سونرا چاراسیزلیغدان ائوی بانکا قویوب گیریدیت(وام) گؤتوردوم کی ایشیمی یولا سالیم؛ایشین ترس گلمه سیندن او گونلرده اسدآغا نارکوتیک مادده قاریشیق توتوقلانیب بیر  ایکی ایل باشیمیز اونا قال اولاندا بانک اقساطی دالا دوشوب ایداره طرفیندن گلیب ائویمیزه صاحاب چیخیب جیر جیندیریمیزی چوله توکنده ناچارچیلیقدان عایله نی گؤتوروب کیراچی یاشایاندا قونشونون قباله سین قویوب ایش بیلن قایینیمی زیندان چیخاریب جاه جالالینان ائوه گتیردیم؛اوز خرجین چیخارتماق اوچون قایین یئزنه دال دالا وئریب منیم ایش صاحابدان کیرا گؤتوردوگوم قورازا پیکان بارینان قورو چورک زاد یغاندا؛ بیر گون اوجقار محلله ده اولان پولوموزا بار آلیب ائوه قاییداندا بو شو قریب ماشین یاناجاق قوتاردی؛ بیر آز تپرینج ائله یندن سونرا اسدآغا دؤرد لئتیرلیک بنزین قابینی گؤتوروب بیر الیمه وئریب شالواریمیدا چیخاریب تورسوزو او بیری الیمه وئرنده ؛منده گئجه نی چولده قالمایاق اوزومو قیسا قیسا ایکی اللی  یولون قیراغی گلیب گئدن ماشینلاری قاباقلاییب  دیزلیگیمی گؤسته ررک او بیری الیمده کی قابی ایره لی توتوب نَسَه طلب ائله ینده لاپدان یادیما دوشدی گوره سن بو پیلانی؟....................................

 نوشته شده در  جمعه سی ام تیر ۱۳۹۶ساعت 20:29  توسط :قلئی چی مورتوض 

 

 

کؤرپه سرخان...............

1325اینجی ایلین پاییز و قیشین قارلی قیروولی گونلرینده شاهین قوشونلاری آذاربایجانا باسقین ائدنده گیلان تالیش داغلارینداندا خالخالا یوروش ائله ییب میللی حوکومتیمیزی داغیداندان سونرا خالخال جاماهاتینان پیشه ورینین آجیغین چیخماق اوچون الی آفتاماتلی و باشی پاپاقلی فدایی لری اولدوره نی اولدوروب؛قاری قوجانیدا هده له ییب کندین مچیدینده زیندانی ائله ییرلر؛او آجی اولایلارین جانلی تانیغی(شاهیدی)بیر کیمسه نین دئدیگینه گوره کند ائولرینه  سوخولوب دله دوزلوق ائدن اعلی حضرت عسکرلری اوزگه نین وار یوخون تالاییب کند آراسی قونشودا بیر کیمسه نین  گلینینه ال اوزاداندا کؤرپه سرخانین آناسی دیللی دیلاورگول صبا خانیم  بو صحنه نی گوروب مامورلارا مانع اولاندا کؤرپه بالانین گوزو قارشسیندا آنانین گولله ییب شهیدلر سیراسینا سالارکن اللریندن گلن یاراماز ایشلری گؤرندن سونرا کندی ترک ائله ییرلر گول صبانین اولوسو بیر ایکی گون یئرده قالاندا مچیدده محبوس اولموش کیشی لر قاپی پنچره نی سیندیریب چوله چیخاندا کؤرپه اوشاغین آناسینین نعشی اوسته آغلاماغین گؤرنده او غیرتلی شرفلی آنایا قبیر قازیب قانلی پالتار ایلا توپراغا تاپیشیریرلار؛بو دهشتین جانلی شاهیدی اولان سوت امر سرخان قارلی قیشین شاختالی گونلرینه باخمایاراق واقت به واقت آناسی نین قبیری اوسته گئدیب سویوق مزار توپراغینی قوجاقلایاراق گاهدان خیردا اللری ایله یوموروق توتوب دیشین دیشینه قیساندا اوز اوزونه قاپانیب آناسینین باش داشینا سویکه ننده سنین قیصاصینی آلاجاغام دئییه گوز یاشلاری ایله ائولرینه قایدیردی؛کؤرپه سرخانین

عایله سی هفته لر آیلار اوغلان اوشاغینی بو ایشدن یاییندیرا بیلمه ینده آنامی ایسته ییرم دئییه هیچ بیر کیمسه ینن باریشیب دانیشماق ایسه میردی؛ بو ایشین اوستونن آی یاریم گئچندن سونرا بیر گون سحر تئزدن یوخودان دوران عایله عوضولری سرخانی اوز یاتاغیندا گورمه ینده بیرا اورا باش چکیب قبیراوستونه گئدنده گوررلر کی کورپه سرخان گئجه قارانلیغی قبیرصاندیغا اوز توتاندا اورادا آناسینین قارلی مزارینی قوجاقلایاراق دونیاسینی دییشیب ......................................

*بو یازینی قارا باغ فیضولی جیبهه تاماس خطی آلخانلی کندیده شهید اولان 18آیلیق زاهرا قولو اووا و موغان تورک آباد شهرینده قددارجاسینا اولدورولن یئدی یاشلی آتانای آسلان جوت کؤرپه بالالاریمیزین یارقین روحلارینا ایتحاف ائدیرم

 

 نوشته شده در  جمعه بیست و سوم تیر ۱۳۹۶ساعت 20:29  توسط :قلئی چی مورتوض 

 

 

 

ایسلامی حوکومتیمیز گلندن ................

منن سوروش باخخخخخخ

اوگونلری وحدت هفته سی اولدوغونا گوره سانسورال تلویزیا خبریایان یاس تیوی طرفیندن ترس آوا کندینه گلیب جاماهاتین یاشام طرزینن وئرلیش حاضیرلایاندا ائله تولوق چالخاییب اولاق ناللاماغی زادی چکنندن سونرا  بیربه بیر آهیل آق بیرچک و یاخود یاشلی کیشیلرایله دانیشیق آپاراندا هرکس اوز بیلدیگینن دانیشیب کندیمیزین قه ییم قدیم اولدوغونادا اوزه چیخاراندا ایشلرین قوتاریب یئکون اولاراق سوزو من شیل علی  نوه سی کابلا احد اوغلو قالایچی مورتوضا بی ادبچیلیکدی اوتوروب آپاریجی بیلمه سووال وئرنده کی آی عمی ایسلامی حوکومتیزگلندن بویانا قاباقلار نه یوخودی کی ایندی واردیر

چه لیگی ساق الیمدن سول الیمه گئچیریب آغزی بورنومون للیغین سیلندن سونرا دئدیم نه اولاجاق ...........................

بورنونا عملیات ائله یین یوخودی

بویرک ساتان یوخودو

بیر بئله بوشانان یوخودو

مودافع حرم یوخودو

روس ائرمنی ایله قارداشلیق یوخودو

قبیرده یاشاماق یوخودی

پولونان رای آلماق یوخودو

لیباس شخصی یوخودو

قیز قادین صادیراتی یوخودو

اولویه مالییات یوخودو

گشت ایرشاد یوخودو

ایاق یولو یوخودی

شوشه کیراک یوخودو

بانکیدا نوزول آدینا کارموزد یوخودو

دوره بر قونشو اولکه لری قاتماق یوخودو

دده مین ایکی آروادی یوخودی

تروریست یوخودو

آتش به ایختیار یوخودو

زمین خوارلیق یوخودو

تهاجوم فرهنگی یوخودو

ایختیلاص یوخودو

آلین داغلاماق یوخودی

لاس تیوی یوخودی

بیر ساهاتلیق سیغه یوخودی

بیر بئله دوشمن یوخودو

حصر یوخودو

داعیش القاعیده خیزب اله یوخدو

سیخ سانجاق یوخودو

بئله بالا باشیووا دوللانیم خویلو خانیم یوخودی

 نوشته شده در  شنبه هفدهم تیر ۱۳۹۶ساعت 20:4  توسط :قلئی چی مورتوض 

 

 

 

آلینمامیش قیصاص.........................

یای قیزمار گونلری عایله نی گؤتوروب ساوالان یوکسک لیکلرینه اوز توتاندا یول اوزونو باشیمی ماشین شوشه سیندن چوله چیخاریب یووشن ویاخود چوبان یاسدیغی گوللرینین ایپارین گتیرن داغ سللمی روحومو اوخشاییب یولوموزا داوام ائله ینده گون باتیب یول آغزی کندعایله سی نین بیرینه قوناق اولاندا بو ائوده گوزلوگو اؤن یئرده کولکلنمیش بیر یاشلی قوجا کیشی جانلی تاریخ اولاراق دیققتیمی چکنده بیله سینه یوخونشلاشیب سوز صوحبندین باشین آچاندا بیلدی کی من یازیچییام بیر ایکی ساهات قونوشوب دانیشماقدان علاوه یاتاندا اوزون بیلمه توتوب وورقولادی کی صاباحلاری سنی کیمسه ایتگین مزارا آپاریب کیم اولدوغونو بیلووه آچیقلایاجاغام؛صوب تئزدن دوروب قالییان آلتی  زاد یئیندن سونرا منی کندین قبیرستانینا آپاریب اوز آتا و آناسی نین توربه سی اوسته دوعالار اوخویاندان سونرا بیر قبیره یوخونلاشاندا باش داشی اوستونده یازیلمیش

شهیدقارداشلاری

اژدرکریمی دوغوم ایلی 1305اولومو1326-گنج

-عمران کریمی 1308اولومو1326-تئزه نیشانلانمیش

-امین کریمی دوغوم ایلی 1316اولوم1326-یئنی یئتمه

-بابک کریمی دوغوم ایلی 1325اولوم 1326-یئدی آیلیق کؤرپه

من بو صحنه نی گؤرنده ؛قوجا کیشی قبیرداشینا سویکه نیب آغیر حوزون ایله نئچه بند قرآندان اوخویاندان سونرا دوروب ائوه قاییداراق من بو سیررین آچیقلاماغین ایسته ینده گوزلری دولا دولا بئله وورقولادی کی1325و1326ایل ایراده لرینده آذاربایجان خالقی علیهینه باسقین ائله یین شاه قوشونلاری توکولوب ائو به ائو فدایی لاری آختاراندا گوردوگون مزارین ییه سی سرییه آدلی بیر قادینین شاه قوشونی طرفیندن دؤرد اوغلو گولله له نیب قویلاندیقلاری قبیر اوسته آنانین مونتظم اولاراق گئدیب آغلاماغین گؤرن دولت آدامی اونلارین قبیر داشلاریندا دارما داغین ائله ییرلر؛ بو اولایی اوزونه سیغیشدیرا بیلمه یین  آنا شهید بالالارینین قانلی کوینه یی قولتوغوندا ایللر بویی تهران تبریزعدلیه اورقانلارینا اوز توتاندا دمیر قاپیلارلا اوزله شیب بالالارینین یاساق مزارین دئییه اوخشاییب آغلایاندا خالق ایچیندده بویوک حوزون ایله قاریش لاشیر؛ایشین سونوندا دوره برباش بیلن کیمسه لرین گوسته ریش اولاراق آنایا تسکین وئرمه اوچون بو دهشتلی جینایتی توره دن محمد ایرضاشاها عرضه یازاندا اوغلواولموش آنا اونون تپه گوز ساواک مامورلاری وریندن دویولوب باشینا هاوا گله رک آغیر خسته لیگه دوشمه ینن دونیاسینی دَییشیر؛ دوره برائل اوبا  جاماهاتینین ایشتراکینان اونو یویوب کفن ائله ینده گورورلر کی اوز الینن بیچیلمیش کفنین ایچینه دورد بالاسی نین قانلی کوینه یی قویولوب بو صحنه نی موشاهیده چی لری های هاینان آغلایاراق او قانلی کوینک لری کفن آراسینا قویوب یازیق آنانی توپراغا تاپیشیریرلار سونرالار داغیلان آدام نفری گلیب آنانین  قبیرین گؤتوروب باش داشی قویاندا سرییه نین دؤرد شهید بالاسی نین آدین اونون اوز مزار داشینا یازیرلار................................

 نوشته شده در  جمعه نهم تیر ۱۳۹۶ساعت 18:26  توسط :قلئی چی مورتوض 

 

 

 

تلسدیرمه.............

بیلگدینیز کیمین زیرپی شیطاندان دالا قالامایاق بیزده ایران ایسلام اولکه سی اولاراق  بوتون دوره بر اولکه لر قوشون لشکر

چکیب مستضعف خالقین باشینا بومبا؛یوخ یوخ باغیشلایین چاشدیم ارزاق زاد یئتیریب عدالت ایسلام ناب شیعه چیلگی گئنیشلندیرمه اوچون اولکه داخیلی هر وطنداشین گاز پولو برق پولوسونون اوستونه بیرا آز چکندن سونرا مالی ایمکانلاریندا ال ایاق ائله ییب همدان قارپوزی کیمین فارس شیرین دیلیمیزی تبلیغات آپاراندا؛ بوتون اولکه داخلی چتینلیگ لرییمیز احمدآغانین آتا قالخان اولاغی کیمین آرادان قالخیب؛ شوکولر تانری یا ایندی آدامجیل اولکه لر سیراسینا دوشوب یئنی لنمه یه دوغرو گئدنده گئچن ایل آدام اولمادیغینا گوره منیم اوشاقلیق یولداشیم قونشوموز ماحمودون قارداش اوغلوسو مهبالی نی اوچاغلا(موشک) اینسانلیغا نئجات وئرمه اوچون کوسموسا گوندردیک کی سونسوزلوقدا اولان پیلانتلری آختاریشیب بیلگی الده ائله ینده گوی سماوی کوره لرین بیر بیر آرخادا قویوب یولونا داوام ائله ینده نئچه گون قاباق منن باغلانتی قوراندا گویدن باشین اوچاغین تپه جه یندن چیخاریب بیلمه های باسدی کی اشی بیر پیلانت اورزینده جانلی کرتنکه له گورونور؛سنده بیر اوچاغا اوتوروب تعجیلی اوزوی منه یئتیر سوزونو های آچیقلایاندا ال ایاغیمی ایتیریب آشاغیدان یوخاری قیشقیریب دئدیم اشی منی تلسدیرمه الیمده قومبارا وار اونو سوریه یه آتیب گلیرم....................................

 نوشته شده در  جمعه دوم تیر ۱۳۹۶ساعت 19:1  توسط :قلئی چی مورتوض 

 

 

 

دئییرم گوره سن شیخ آغانین زننه نی ...................

هر ایل اولدوغو کیمین بو ایلده ماه فضیلت گونلری دِئییه؛باش کددن بیر شیخ آغا عایله سی ایله بیرگه ایتخال ائله ییب اوروجلوق آیی گئجه مچیدیمیز نامازین قیلیب ایروضه  اوخویاندان سونرا؛ ناهاردادا محله نین زننلرین ییغیب مچیده گون اورتا نامازینی  قیلاندان سونرا اونلارین شرعیات وشککیات باخیب ماه موبارکین فیوضاتینان دانیشیر ؛ائله بو ایشه گوره دونن یوخ ایسراغا گون ناهارچاغی قار ننه م باتمان قرآن قولتوغوندا مچیده گئدنده من قالایچی مورتوض کورپه اوشاق اولاراق  دالینجا آغلایا آغلایا یولدا دوشنده بیله سینی یئتیریب ایچری سوخولاندا گوردوم؛ جانینا قوربان اولدوغوم شیخ آغا منبره قالخیب سوزبیر نئچه احادیثینن باشلاییب دئییر آی باجیلارسیزی قاباقدان اوزوموده دالدان تقوایه دعوت ائلیرم سوزون داوام ائله ییب نئچه نئچه حدیث موعتبرقرائتیندن سونرا جیبیندن بیر یاش گوبه لک چیخاردیب وورقولادی کی آی موسلمان باجیلار هر کیمسه نین ائوینده گوبلک بویدا ممه لی قیز اولسا گرک اوروجون توتوب گونده لیک واجیباتیندا یئرینه یئتیرسین؛سوزونون داوامیندا الین سالیب او بیری جیبیندن بیر بالاجا قاوال چیخاریب بیر ایکی یول بارماق اوجوچالاندا آچیقلادی کی هر ائوده  تئزه گلین وارسا بو ماه پُر فضیلتده ارینه  یوخون ائله مه سین چونکه ائولریندن ملکلرقاچیب عذابه دوچار اولالار؛سوزون داوامیندا  یئنه جیبیندن بیر بالاجاچورتگه چیخاریب دومه لرین دال قاباغا ویراندا آرتیردی کی ارلی موسلمان باجیلاراوز دوغما آیلیق حسابینی قاباقدان ائله ییب بیلمه دیرلر؛اولمایا الله ائلمه میشدن ماه موبارکده دوغوب اوروج نامازلاریندان غفیل اولسونلار؛

؛یاشی اوتموش زننلره اوز توتاندا جیبیندن بیرآرپا دنه سی چیخاریب گوزونون قاباغینا توتاندا آچیقلادی کی شیعه موسلمان خانیم عورتینین توکو بوندان اوزون اولسا اوروج نامازی باطیل دئیینده گوردوم قار ننه م چادیرانین آلتیندان الین سوخورتومانینا کی نَسَه آرپادان اوزون اولوب ائویمیز یخیلار؛حؤرمتلی شیخ آغا سوزون ال ایاغین آییری بیر روایتینن ییغیب قوتاراندا؛ اوزون طییی مجلیس ده کی باجیلارا توتوب علاوه ائله دی کی ایرساله ده یازیب مومونه باجیلار ماه موبارکده آییلیق اولمازلارکی طاعات عبادتلری دالا دوشسون؛مچید قوتاریب هاممی داغیلاندان اوچ دورد سونرا بیرگون باشی چادیرالی شیخ آغانین زنننین  کوچه باشی باققال هَشیمین توکانیندا گوردوم الینن چادیراسی نین اوجون توتوب دِئییر آی هشیم آغا سنده  منیم قارداشیم چین مارکالی پاچا بندین وارین.......................................       

 نوشته شده در  جمعه بیست و ششم خرداد ۱۳۹۶ساعت 19:30  توسط :قلئی چی مورتوض

 

 

بیز تورکوک................

یوخون کددیمیز بهروزکیشی دئییردی کدده اکینجک ایشینن مشغول اولماغیما باخمایاراق هر ایل یاز قاباغی بئکار واقتلاریمی دولدورماق اوچون اوزمو گیلانا وئریب بیجار ایشینه زادینا باخاردیم ؛علاوه ائلیردی کی بیر ایکی ایلدن سونرا بیر خوناخا تاپیب دایمی اولاراق هر ایل یاز آیلاریندا گئدیب اونون چون  ایشله ینده اوزو کیلفت دارلیق بیر عایله اولاراق باشی کولش و قدیمی (چوبوق سر)قامیشدان دوزلمیش ائوده یاشاییردیلار؛ ائوین یئرینه سالینان کوهنه حصیراوستونده اوتوراندا هر دَیقه سوروشمه یینه گوره تئز تئزقیراغیندان یاپیشیب آلتیمزا چکنده خابی گئتمیش خالچا کیمین اریشلری چیخیب الیمیزه گلیردی؛ گلین قایین آنا قیز اوغلان اون بئش عایله بیر یئرده یاتیب دوراندا هردن ائوصاحابی منه ساتاشیب آدیمی تورکه فهله چاغیراندا آرواد اوشاغی گولوب بیلَمه قاللاق ائله ردیلر؛ائوده خونا خانین آروادیدا هردن اوزون توتوب منه دِئییردی بیروز(بهروز) برر(قارداش) بو ایل یایدا سیزه گلمک ایسته ییریک یئر مئریز اولارمی اوچ دورد گون قالاق؛منده لاپدان آزدیرماق اوچون یوخ دِئییردیم  بیز ائله قویونلارین یانی طویله زاددا یاشاییریق؛بیر ایل یایی گونلرینده قضا تولایین کیمین خوناخام عایله سی نن کند گلیب بیزیم سورو قویونوموزی اللی باش قارا مالیمیزی و یاخود گئن بول ائویمیزی وایکی مرتبه لی خالچالارلا دوشنمیش اوتاغیمیزی گورنده اوزون منه توتوب دئدی بیروز(بهروز) به سن دِئییردین کی تویله ده زاددا یاشاییرسیز؛دئدیم اشی بیز تورکوک گلین له بیر اتاقدا یاتماریق باخ................................

 نوشته شده در  جمعه نوزدهم خرداد ۱۳۹۶ساعت 21:9  توسط :قلئی چی مورتوض

 

 

 سن چوخ بیلیرسن................

بیلدیگینیز کیمین نئچه ایلدیر کی منن بو خان قیزی خؤیلو خانیم ائوله نیب سونوسوزقالاراق اوشاق موشاغیمیز اولمایاندا سککیز دؤنه دلیک داش توربه سیندن توتموش ایمام میرزه جانینا قوربان اولدوغوم مصمئی قوما زاددا یخینتی دوشمه ییمیز باخمایاراق دیبیندن قوروموش بیلاق کیمین موعتبر نسیلمیز کسیلمه یه گئدنده آروادین آناسی دول بی ییم خالابیزیم ایله یاشادیغینا گوره گونوموز گوی اسگی یه توتاندا کی من اوشاق ایسه ییرم؛قارا بازاردا ساتیلان اوشاقلارین قیمتی یوخاری اولدوقیچون؛چاراسیزلیغدان بیر داشقا گؤتوروب کوهنه یغماق بهاسینه شهرین دیب کوچه لرینده زیبیل قابیلاری آخداراریم کی بلکه بیر آتیلان اوغلان اوشاق زاد تاپیب یاخامی قورتاردیم؛ایران ایسلام اولکه سینده بو ایشین ال وئریشلی اولمادیغینا؛ دول بَی ییم خالا قیزمیش دوه کیمین اوزون یئره سورته سورته  یوخ اولماز من اوشاق ایسته ییرم دِئییه ؛منن ائو آدامین گوندن گونه  اوشاق باغچاسیندان توتموش یئتیم خانالارا کیمین سورویینده بو ایشه جید جهد ایله یاناشارکن؛دولت یئتیم خانا باشیچیسی نین بیزه یوخ دول خانیما ایرحمی گلنده آد یازیدیریب نوباتا قویدولار ؛هردن باشیما قیشقیران دول بی ییم خالاکی نییا بس اوشاغی گتیرمیرلردئییه یئتمیش دونه موراجییت ائله یندن سونرا؛بیر گون داشقامنان شهرین اوجقار کوچه لرین بیرینده دولانیب کارتون زاد یغاندا تلفونوما ایزنگ آچان حییات یولداشیم های باسدی کی تئز ائوه گَل گینن کی قوناغیمیز گلیب؛تور سوزو داشقانین باشین چئویریب یول آغزی بیرآزیئر یئمیش (میوه)زاد آلاندان سونرا قان تر ایچینده ال آرابیمی قاپی دا پارک ائله ییب حییت قاپیسیندان ایچری گیرنده گؤردوم؛ یئتیم خانادان گلن دولت آدامی بیر دوکاره اننی کورک سیبیل بورما کیشی نی بیزه ائو اوغلو گتیریبلر؛قایین آنادا قوناقلارا خوش گلیب سیز دِئییه باشیندا آق چاردیراینان چای شربت گتیریب سئوینه سئوینه کیشینی نین بو یان اویانینا گئچنده منده قولتوغومون قارپوزوینان ایچری سوخولوب باشیمنان خوش گوردوک دئییه؛قاپی آغزیندا دیزی اوسته اوتوراندا یئتیم خانادان گلن  باجی لارین بیری نئچه دونه منن خان قیزی خؤیلو خانیما کاغیذا قول چکدیرندن سونرا خییرین گوره سیز دئییه دوروب ایاق قابیلارین گئییب قاپیدان چیخاندا؛ بو ایشه مات قالیب اؤز اؤزومه دؤیوخان کیمین ائودن کیشی نین یاخاسیندان توتوب ائشیگه چکه چکه های باساندا کی جانیم اوشاق یئرینه دده لیک گتیرمیسیز سسیمی قوزایاندا؛ دول بی ییم خالا آرامیزا گیریب دوشون آغزیما وِئرنده الینن بیله می دالا ایته لییه ایته لییه باشیما قیشقیریب دئدی او هوی سن چوخ بیلیرسن یا دولت آدامی.........................  

 نوشته شده در  جمعه دوازدهم خرداد ۱۳۹۶ساعت 20:41  توسط :قلئی چی مورتوض

 

 

 

یاسلی یازیمیز...............

جوشغون خزرین دالغا سسی ایله دوغولوب؛ آستارا حیران داغلاریندان هویکوروب آخان چایلارین های کویویی ایله آغلاییب؛ باغلارین سئحیرلی سحر سللمی ایله دویغولانیب؛ آنا لای لاسی ایلا بئشیکده یاتیب؛ دوغولدوغو بولگه نین یام یاشیل یاماجیندان نفس آلیب؛ ایلک دونه دیز لری گیرتوتوب ایاغا دوراندا سانکی اوزایله بیر تاریخی قالدیریب؛گئت گئده دیرچه لیب؛ تای توشلارا قوشولوب؛ اوینایاندا طرف داشلاری نین اینامین قازانیب؛بالا بوی اینجه باخیشی ایلا؛ آناسی چینینه مکتب چانتاسی سالاندا؛ خییر دوعا اولاراق دئییب گئت بالاحیات یولوندا بودوره یشش اولماسین؛صینیف داشلار ایلا قونوشوب اوینایاندا یخیلان امسیز اوشاقلارین الیندن یاپیشیب قالدیرارکن گوزلرینده اولان درین دویغولارینی اولارا اوتوروب؛یئنی یئتمه چاغلاریندا اسیر ائللرینین عدالت سیزلیگه معروض قالماسین گورنده کدرله نیب؛اوز وارلیغینا سیخمایان  آغیربیر درده قاپاناندا هردن آستارا سرحد سیم خاردالارینا سویکه نیب گوجلواللری ایله دمیر بورقولاری سیخاندا بارماقلاری آراسیندان قان سوزوب؛گوزلرینده آیریلیق کاروانی یول سالاندا؛ باشی اوستن گئدن دورونارلا دیدرگین دوشموش اوتایلی بوتایلی دیلداشلارینا قورتولوش سحرین موشتولوغون یوللاییب؛گوندن گونه خالقی نین باشیندا قاخینج اولان میندارنفس لی قولدور ایریضاشاهین عدالت سیزلیگین گورنده قارانلیق گئجه لری اوز ایله دیز قوجاقلاییب اولکه نین گله جک آزادلیق گونونه فیکیرلشنده تبریز شام قازان بیلیگ اوجاغیندان مایالانیب او مقدس علم یوردونا اوز توتاراق حقوق درسینی اوخویوب ایران اولکه سینده گئدن حاققسیزلیق لارا سون قویماق اوچون اوزونو یئتیشدیریب؛آذاربایجانین شاه داغی ساوالان زیروه سیندن او تای بوتایا باخاندا قارتال کیمین قی ویریب آلولی باخیشلاری لا داشلارا سس کوی سالیب؛ جینگیلتی سی داغ دره نی بویوروینده یئنی دن قولونا گوج گلیب؛سیید جعفر پیشه ورینین باشجیلیق ائتدیگی آذاربایجانین میللی حَرَکاتینا قوشولاراق؛ یئنیلمز سرکرده کیمین اربابلار الینده تالانمیش یازیق اکینجی  سویداشلارینا آرخا دوراندا فدایی میللی حکومت وریندن عدلیه باش ناظیری سئچیلرک؛ بو ایشی لایقینجه عوهده سینه آلیب بوینو یوغونلارین قولاغین بوراراق اولکه ده امن آمانلیق یارادیب؛بیر ایلده اللی ایللیک ایش گورن میللی حوکومتیمیز خایین اللرین چارپیشماغی لا خطره دوشنده؛ پیشه وری سورگون؛ فدایی باشچیلاری دیدیرگین؛ آذاباربانین شرفلی اوغول قیزلاری اولومه معروض قالان حالدا؛ ناغیلیمیزین قوچاق قهرمانی آستارانین گوی مئشه سینین دوشون دومسوکله ییب اَمَن فرهاد ایبراهیمی  عومورونون ییرمی سیگیز یازینا ایاق قویاندا توتوقلانیب محاکیمه سیزاولومه محکوم اولارکن فدایی قولداشلار ایلا ایچدیگی آنددا صادیق قالاراق 1325اینجی ایل دهشتلره معروض قالمیش تبریزین باش میدانیندا قورولان دار آغاجینا گلیرم دئییه دان اولدوز ایلا ویداعلاشاراق؛ اوز بی لیک پالتارین گئئیب گئچینن آیلَنجه قوناغی کیمین گئری یه دونمز آردیملار ایلا اولومه دوغرو گئدنده اوزوندن بیر اولمه مزلیک هیکلی یارادیب؛یاسلی یازیمیزین 61 اینجی گونلرینده  آنالارین گله جک دوغدوغومیللتچی  اوغول قیزلاریمیزا بایراق سیزیندیر دِئییه شرف مئساژی یوللایاندا؛ دار آغاجین اوپوب بوغازی کندیره دوگونله ننده ال ایاق چالمادان اولو روحو آق گوئرچین کیمین قفس دن اوچوب سونسوزلوغا دوغرو اوچماغا باشلاییر.................................

 نوشته شده در  جمعه پنجم خرداد ۱۳۹۶ساعت 18:52  توسط :قلئی چی مورتوض

 

 

 

هر دؤنه رای وئردیگیمی گؤره..........................

محلده های دوشدی کی قونشوموز مدافع حرم سالمان عمی آخشام ائولرینه بلدیه سئچگی (شوارالار)آدای لارین چاغیریب؛ بئله معلوم اولاندا کی گله جک ایزحمت کش محصوللاریمیز ماخلوقون سوزون ائشیتمک ایسته ییرلر؛گون باتان چاغی من قالایچی مورتوض  یولداشیم علی اشرف بیرده لال خداوئرنن عاقیل عاقیلا وئریب بیزده توپلانتی یا قاتیلدیق کی دیلیمیزی ایسته ییب اؤن بئشینجی آنا یاسا ماده قانونو قایقی کش و ایسلامی حوکومتیمیزین یادینا سالاق ؛وارید اولوب  سالمان عمی گیلین ائوی آغیز بوغوز قوروم قونشوینان دولو اولدوغونا گوره هره میز بیر یاندان مجلیسه قاتیلاندا؛ بئله معلوم اولدی کی بلدیه شورا آدای لاریندان علاوه باش کد جومهورباشقان آدای آدام نفریده بیر ماشین میوه شیره سی(ساندیس)و شَکر چوره ینن(کیک) گلیبلرکی اوز آدایلارینین گله جک دورد ایل پیلانلاریندان دانیشیب بو ایشه صلاحیتلی اولدوقلارین دونه دونه دیله گتیرندن سونرا گئجه نین بیر یاریسی دانیشیب یورولان قوناقلار؛بیر بیر جاماهاتین سوزون دینله ینده؛ محللیمیزین آق ساققالی حاجی زینال اویاندان قوزاندی کی آی آقا منیم گله جک جومهور باشقانیندان ایسته ییب بودور تانری ائوی مککه نی یاخین گتیریب منیم کیمین قاری قوجانین موشکولاتین حل ائله سین؛ایکینجی نفرایرحمتدیک کابلا ایبراهیمین خانیمی دوردوکی منیم گله جک جومهور باشقانیندان ایسته ییم بودورکی بیزمحللین زننلرینی قارداش اولکه سوریه دال جهبه سینه گوندرسین اورادا افغان دویوشچولریمیزه خدمات رسانی ائله ییک؛سیمایه خالادا پرده آرخاسیندان های باسدی بیزیم گلین اوشاق یئرینه قوجاغینا ایت آلیر اونو فرهنگ سازلیق ائله سین؛ اورتا دیره یین دالیندان چوئوش سبزعلی دوروب اوز موشکولاتین دئیینده گوردوم مجلیسین او باشینادان یولداشیم لال خداوئرن هردن دیلین چیخاریب اوتورانلارین باشی اوستن منه ساری اوزاداندا الینن گوستریرکی سنده بونو دِء سنده بونو دِء؛ باسا باس جاماهات سوزلرین کالا خورد ائله ینده منده بیر ایکی یول دوروب الیم قالدیراراق دیلیمیز دِئییه دِئییه سسیم آرا باتیب گئجه یاریدان گئچندن سونرا میوه شیره سینن شکرقؤرا پایلایلاندا؛ بیزده اوچ یولداش جوموب بوغا بوغا خیلک الده ائله یندن سونرا هر کیمسه ائوینه یوللاناندا؛ منده آذان الله هکبرده هممشه اولدوغو قاپینین اوستن آشیب سیفارت عوضینه ائوی تسخیر ائله ینده ایاق شاپیلتی سسینه ائو آدامی کال یوخودان دوروب خیلک بیله می یامان یووز توتاندان سونرا ایچری یه یول وئردی؛ آرواد آغا اوچ دورد گون گتیردیگیم اولجانی(غنیمتی)یئیندن سونرا بیر گون منی دیله توتوب چاغیردی آی قالایچی مورتوض باغیشلاهااااااا اوگئجه یوخولو یوخولو سنه بی ادبچیلیگ ائله دیم؛منده دایانمادان بوینومو اَئییب اللریمی اوکه له یه اوکه له یه دئدیم خانیم بو نه فرمایش دیر؛سن هر زامان ایسته سن منیم باشیما قیشقیریب اوزومَده توپوره بیلرسن..................................  

 نوشته شده در  جمعه بیست و نهم اردیبهشت ۱۳۹۶ساعت 18:18  توسط :قلئی چی مورتوض 

 

 

سئوگی پایینی.................

کد یئرینده ننه لیک تاپداغی آلتیندا بویا باشا چاتان سئوناز خانیم بوتون تای توشلارینان فرقیله نَرَک؛اوز ادب ارکانی ایلا ساییلیب سئچیلنده ائولنمک ایسته یین اوغلانلارینا قیز آختاران عایله لرین دیققتین چکیب؛آخشام چاغی قولاج ساچلاری ایلا بیلاق باشینا گئدنده دام دوواردان بویلانیب باخان اوغلانلاردااونون حسبندین چکیب اوزلرینه عومورگون یولداشی ائلمک ایسته ییردیلر؛بو یئنی یئتمه قیزین ادب ارکانیندان علاوه ملاحتلی سسی اولماغینا باخمایاراق گاهدان اورک وئردیگی هانسی بخت وراوغلان ایله یال یاماجا بویلاناندا کهلیک قاققیلاییب یولداشین تاپان کیمین مین نازیلا اوغلان جیغازین کونلونو آلیردی؛سئونازی سئون اوغلاندا قایا اوشقون چیچکلرین دریب گله جک عومور گون یولداشینا گول چلنگی وئرنده کیمسه گؤرمه سین دِئییه طبیعتین باغرینا سیغینیب آل یاناغین اوپمک ایسته ینده اوزونده یئدی قات حایا پرده سی اولان قیزجیغاز هنده ورینه باخیب؛ گوروب ائله یین اولار دِئییه یایلیغین بوینونا سالاراق هورکک *جویورکیمین ائولرینه دوغرو قاچیردی؛ائوده اوگئی لیک دردی اوره یینی سیخیب هردنده تای توشلاری لا چای چیمنه اوز توتاندا اونلار اوچون زوم زومه ائله ییب غم کدرینی سوسمفونییاسینا کوکله ییردی؛قاراقوش قاناتلی یای قاشلاری آلتینداکی سوزگون گوزلری ایله گؤرنلری اووسونلاییب تورا سالاندا؛ اوزاقدان یاخیندان گلن قیزموشتری له رینه یوخ دِئییب مین بیر هیجان لا اوز سئودیگی اوغلانین  گلن ائلچی لرینه قیزیل مژمه الده بال شربتی وئرمک ایسته ییردی؛گله جک عومور گونلرینه اومود باغلایان سئونازآناسیزلیق دردینی یاشادارکن هردنده اوز طالعینن گئلی له نیب آرا سیرا توی ماغار قاپی آرخاسیندان اوخودوغو موغام ماهنیلارینا اوره ینده یووا سالمیش سیخینتی آنلارینی سیرییب قولاق آسانلارین گؤزیاشینا سبب اولوردی ؛ ایکی جان آراسیندا قالان آناسیز آرخاسیزقیز لاپدان کددن اوزاقلاشیب  اوز دردینی ملاحتلی سسی ایله اوخویوب سال سیرا قارشی قایالیقدا کی داشلارا سالاندا بوغاز زنگوله لری کندین  مچید میناره سین تیتره دیب منبر آرخاسیندا اوتوران داش بئیینلی کیمسه لریده قیجیقلاندیریردی؛ اونون اعجازکار سسی جاماهات آراسیندا یاییلارکن ؛گئت گئده بیر گنج خانیم موغنی کیمین آدی دیللره دوشوردی؛اوزلرین الله آدامی ساناراق  گونده بئش واقتدا ناماز قیلیب خالقین ایشینه دالدان بادالاق آتان کیمسه لراونو قارداشینا شیطانادارکن قیز قادینین سسین نامحرم ائشیتمز دِئییه بیله سینه سوز آتاندا؛  قارداشیندا کالا کؤتورغیرتینه دَئییب لاپدان باجیسینا هَدَه قورخو گلنده اونو بو ایشدن اوزاق سالماق ایسته ییردی؛قیز چاره سیزلیگدن سئودیگی اوغلان لا قوشولوب اوزاق بیر ماحالا  قاچماق پیلانلارینی توکنده, نه بیلیم بیر گیزلی خییانت عرفه سینده کندین آلنی داغلی عاقیلسیزکیشی لری خالقین باشینا قاخینج اولموش شیخ آغانین تحریکی ایله یئنی دن سوزه قاتیلیب؛بو عایله نی چتینلیک له اوز اوزه  قویاندا؛ بیر گون گئجه یاریسی قیزین شرفسیز قارداشی یوخ غیرتی قؤر ائله ییرکن؛ اونون بورنونو کسیب عیبه جره حالا سالاندا ایستی نفسینی سویوق آخ وایا چئویرمیش اولور ؛قارشیداکی اوغلاندا اوز سئودیگی سئونازی بو عیبه جرحالدا گؤرنده آییری قیزینان حیات قوروب؛ نه بیلیم بلکه تانریدا بو قیزا اوز سئوگی پایینی اسیرگه میش اولور.......................   

*جویور-جیران بالاسی دئمکدیر

 نوشته شده در  جمعه بیست و دوم اردیبهشت ۱۳۹۶ساعت 18:54  توسط :قلئی چی مورتوض

 

 

سنین ده

   قالایچی مورتوض دئییر بیر گون گئجه یاریسی مچید اولویئریندن چیخیب ائو گلنده کوچه ده گوردوم ماحمود الین اوره ینین باشینا قویاراق دایانیب دوواراینگیله ییر؛ته به ایاق یئرییب سوروشدوم؛ماحمود آغا خیراولا؛اودا الینن سول دوشون گوسته ریب آندیردی کی اوره ییم آغریر؛یاپیشیب الیندن کوچه باشیندا کلینیکایا آپاراندا یولدا ایاغین یئره وئررکن چاره سیزلیکدن دالیما آلیب یوز نوصیبتینن اورایا یئتیرنده  دوکتورده خسته نی آنالیزائله یه ائله یه سوروشدو کی جانیم هاران آغریر؛ماحمود کیشی ده اؤتدوغو اوستولون اوستن دوروب ساغ الین قالدیراراق باش بارماغینان گوستره گوستره ایضاح وئردی کی آقای دوکتور  آغری اوول ویریر باشیما اوردان قاییدیر دوشومه؛دوشومنن قالخیر  دیشیمه؛
اوردان ویریر کوره ییمه کوره ییمده ویریراوره ییمه اورادان گئچیر گوبه ییمه؛
آننان ویریر دیزیمه دیزیم ویریر گوزومه اوردان آخیر اوزومه ؛اوردان انیر  دیلیمه دیلیمنن گئچیر الیمه سونرا ویریر بئلیمه؛
اورادان گیریر قولاغیما لاپدان انیر دوداغیما اوندان چوکور ایاغیما سوندان اوتورور جانیما جانیمندان ویریر قانیما سوروشور دولور یانیما؛
 دوکتور ایشین قوتاریب نوسخه یازاندا گوزلوگون(عینک)آلتیندان باخیب سووال وئرنده کی داها بیر یئرین آغریمیرکی
 ماحود آغا دایانمادادان جاوابلاییر؛
 کی آغای دوکتورباشیووی اوچون بونلارقوتاراندان سونرا تیترتمه اوتورور بدنیمه  اورداندا یئل دولورگؤده نیمه؛
دوکتور دئیینده آچ باخیم اودااااااااا لاپدان شالواری سیرییب دال دسگاهین دوکتورون آغزینا توتوب بیرین بیراخاندا تیز شالواری چکیب یوخاری وورقولادی کی آقای دوکتور گوروسن ائله بیل دؤرگونوم گه نه لیب هاااااااااااا
قالایچی مورتوض آرتیریرکی صوبه یوخون شر شبینن ماحمود آغانی ائولرینه یئتریب؛ بیر ایکی آی بو ایشین اوستوندن گئچنن سونرا بیر گون دوکتور منی گوروب سوروشدی جانیم خسته نیز نجور اولدی؛ قولاغیمین دیبین قاشییب دئدیم نه اولاجاق منی میندی سنین ده آغیزوا اوستوردی......................................

 

 نوشته شده در  جمعه پانزدهم اردیبهشت ۱۳۹۶ساعت 19:27  توسط :قلئی چی مورتوض 

 

 

 

 سنی آختاریرام.................

 

حؤکمعلی کیشی نن گول بدن خانیم؛ کد یئرینده بیر خوش باخت عایله اولاراق دؤرد اوغول آتاسی  اولان حؤکمعلی قیز یانیغی اولان کیمین  بئشینجی دونه حییات یولداشی اوشاغا قالاندا بیر آلا گوزلو قیز اوشاغی دونیایا گتیریر؛ حوکمعلی یه خبر آپاران کیمسه کی آی *آدی موشتولوغوم وئرکی قیزین اولوب؛اودا خوش گلیب دِئییه بئش تومن اونا وئررک ؛ائله بو سوزه اویقون قیزیندا آدینی خوشقدم قویورلار؛دؤرد قارداشین بیر باجی سی اولاراق کؤرپه خوشقدمین نازینی چکن آناسی اوغلانلارین هره سینه بیر آیاما آد وئررک نه بیلیم بیرینه *کولفه بیرینه  پیلته بیریسینده چیراغ صادالایاندا یاشایشلارینین شیرینلیگی اولان بالالاری اونلارین داها گووَنج یئرینه دونموشدی؛ائل طایفا نازینان بویا باشا چاتان خوشقدم  قیزلار بیلاغیناندان سو ایچیب اوز گوزلیگینن ساییلیب سئچیلرکن آدی دور برگوزلرینین سیراسینا دوشنده مین یئردن آخین ائله ییب گلن ائلچی قیزآتاسی نین قاپیسینی دوینده طالع خوش گتیرن کیمین نهایت  قونشو کدده هانپا شیرینعلی اوغلو علی نن آداقلانیب ایل یاریم سئویشیب آداقلی قالماق لارینا باخمایاراق بیر ایل یاز قاباغی گیلاس آلبالی چیچکلری چیتدایان چاغدا سگیز دوه یوکو جییز قوشاراق آتا بابا قایدا قانون ایلا قیزی کوچوروب اوغلانی  طایفاسیندا اوز ائل اویماقلارینا بیر آرخا کیمین علاوه ائله ییرلر؛خوشقدم گئتدیگی عایله ده اوز تای توشلارینا رغمن  بیر ایاغی دوشرلی گلین کیمین یاشاییب گئد گئده ایلک قارنینا بیر اوغلان اوشاغی دونیایا گتیرنده داها اَر طایفانین گوزونده خییر برکت رمزی اولاراق سو الهه سینه دونور؛واوشاق گلمه یینن اوز یاشایشی لاریدا شیرین له شن کیمین حییاتدا گومراه لیقینان گئچن عومورگونلرین بیلمه ییرک؛ یئدی سگیز ایلین ایچینده عایله لرینه اوچ دورد اوشاق دا علاوه اولور؛داها کروان یوکون باغلایان کیمین اَر آرواد اورتا یاشلارینا ایاق قویوب  آهیل آق بیرچک کیمین یاشا دولورلار؛گاهدان عایله وی گئت گلیمیزده گوروردوم کی *علی یئزنه خوشقدم بی بی یه اوز توتوب فرج آدینان بیله سینی سسله ینده آتامین گوزلری دولوب اؤزلریده چوخ کدرله نردیلر؛آخی بیلیرسیزبویوکلره حؤرمت اولاراق قدیم کند یاشاشیندا گلین اوتاندیقینان اوز حییات یولداشی نین آدین دیلینه گتیره بیلمه ینده نه بیلیم اوشاقلارینین آدینان بیله سینی صادالایاردی؛منیم عالمیمده خوشقدم بی بی گوزلیگیندن علاوه بیر شان شاققراق و دِئییب گولن قادین اولسایدیدا؛ امما اونون جوت گؤز کیپریکلرینده بیر آغیریوک اولاراق قیش قیرووی آسلانمیشدی؛داها دوغروسو من گنج یاشلاریما کیمین بوسیررین قاپالی اولدوغونو باشا دوشنده بئله معلوم اولدوکی اوره یی محببت له دولو اولان خوشقدم بی بی نین فرج آدلی بیرگنج اوغلو ایران اینقلاب عرفه سینده باش کتده ایشله یرکن یوخا چیخمیشدیر؛ائله بونا گؤره علی یئزنه ایمکانی قَدَرمال قاراسیندان ساتیب ایللر بویی تانیمادیقی ائل اویماغی دولانارکن بالاسینی آختاریب هیچ بیر نیشان اله گتیره بیلمه ینده  اوزون ایللر *حوزه طرفینن گلیب عسکرلیگه آدی چیخان فرجی آتاسیندان طلب ائله یین مامورلارقارشیسیندا ائولرینه ایمام حسین نوصیبتی دوشوب  دولت آدامیدا یازیق قوجا کیشی نی آیلارینان بیرا اورا چکیردیلرکی یوخ اولمازگرک اوغلووی گتیره سن؛ کدده چارخی دوننلر کیمین بیزده آتمیش اینجی ایللرده آتا بابا یوردونان کوچوب انزلی شهرینده مسکونلاشاندا؛داها قونشو کد دوغمالاریندان اوزاقلاشیب من و بالاجا قارداشیم حربی قوللوچو اولاراق ایران عراق محاریبه زامانیندا اوز حشیریمیزه قارق اولان کیمین ایلده بیر یول خالخال کد دوغمالاریمیزا باش ویرا بیلمیردیک؛یادیمدادیر؛سون واقتلار بی بی خسته له نیب اورتانجیل اوغلو علی خاننان بیزه قوناق گلنده بوتون عایله عضوولری عزیز قوناقلاری قاریشیلاماق اوچون گئجه بیر یئره توپلاشیب سوز صوحبت آراسی فرجین آدی گلنده *هاممی کدرله نَرَک خوشو بیر داها آغلایا آغلایا بوینومو قوجاقلاییب وورقولادی بو اولور گونومده فرجین اؤلوب و یاخود دیری اولماسینی سندن ایسته ییرم؛منده او چاغدان بری بی بی نین گوز یاشلارین خاطیرلاییب ایتگین بالاسینی سوراقلایاراق عایدات قوروم ایداره لرینه موراجعه ائله ییب ثبت احوال دان توتموش اینظیباطی پولیس ایداره سینه کیمین عریضه لر یازیردیم کی بلکه بیر نیشان الده ائلییه بیلیم ؛بو ایشین اوستوندن بیر آز موددت گئچندن سونرا من آفتاموبیل قضاعرفه سینده زیندان دوشوب اوزون بیر واقت حبس چکندن سونرا نهایت کسیلن جزانی قوتاریب عایله مه اوز توتاندا بئله معلوم اولدوکی سون نفسینده ارزاییل دان بالاسی نین نم نیشانین ایسته یین آنا دونیاسینی دَیشیب؛اوزو قارالیقینان بیرگون یوخون قوهوم اقربه  نی گؤتوروب مزاری اوسته گلنده  گوردوم؛بی بی نین باش داشی اوسته  اوغلو فرجین شکیلینی اوز قوجاغیندا توتاراق آلتیندا آنا دیلینن یازمیش لار کی سنی آختاریرام ..................................

ایضاح:داها دوغروسوبو اولای بیزیم طایفا ایچینده ایتفاق دوشموش بیر حیکایه دیر کی یازدیم ؛اصلینده خوشقدم آتامین دوغما دوغار باجیسی  خالخال خان اندبیل بولگه سی ارسین کندینده یاشایان گول بدن بی بی نین قیزدیر بیز او رحمتدیک (خوشقدمی) اوز عایله میزایچره بی بی چاغیراردیق

*دوز آدی مئشه حکم اله اولان گول بدن بی بی نین حیات یولداشی نین آدینی بو حیکایه ده من حکمعلی یازدیم  

*آدی- مئشه  حؤکم اله نین ائل آراسیندا چاغیریلان آیاماسی اولموشدور

*کولفه-کند ائولرینده تندیره آچیلان هاواکش دئمکدیر

*علی علیزاده -خوشقدم بی بی نین حییات یولداشی اولاراق بیز اونو ائل آراسی یئزنه چاغیراردیق

*حوزه-ایراندا عسکرلیگه چاغیریلان گنج اوغلان اوشاقلارینی حربی قوللوغونا جلب ائله یین بیرایداره نین آدی دئمکدیر  

*خوشو –خوشقدم سوزونون قیسسالمیشی دئمکدیرکی اوز اوشاقلاری اونو بو آدلا چاغیراردیلار   

 نوشته شده در  جمعه هشتم اردیبهشت ۱۳۹۶ساعت 20:14  توسط :قلئی چی مورتوض

 

 

آخییییی او گله جکده................

اوجور کی بیلیرسیز ایسلام اولکه سینده اؤن بیرینجی دؤنه پرزنتدیگه آد یازدیریرلار؛گونده تلویزیلارتبلیغات آپاران کیمین بئله معلوم اولوب کی اورت باسدیر ماحالیندا هرکد باشینا بیر ایکی نفر یازیلیب؛منن خویلو خانیمدا اوز آرامیزدا بو ایشه قول قویان کیمین بئله قرار گلدیک ترس آوا کندیندن گئدیب منی جومهورباشقلیغا آدای(کاندید) یازدیراق؛هفته اورتاسی خسته له نیب حکیمه گئتمک آدینا هیچ کیم بیلمه سین صوبح نامازین قیلیب آرواد منه من آروادا خییر دوعا وئره وئره قارانقولوغوکان شخصیت وثیقه لریمیزی گؤتوروب کسه یولونان تر تله سیک ناهارا یوخون  اوزوموزو شهرین آد یازدیران ایداره سینه یئتیریب منی خیلک سووال جاوابا توتاندان سونرا سوادیمین اولمادیغینا وئریلن کاغاذلاریدا آرواد دولدوروب کنده قاییداندا یول اوزونو ائو آدامینان ایکیمیز منیم گله جک کابینه ایش یولداشلاریمی کیمی گوتوروم سوزون آچیقلایاندا اودااااااا بیر به بیروزارت خانا پوست لارین طییییییییی اوز آدام نفری آراسیندا پای بولوش ائدنده ائو چاتیب تبلیغات گونلرینه حاضیرلیق ایشلری آپاران کیمین  بیر گون شهردن کاغاذ گلدی خویلوخانیم سیزین جومهور باشقانلیغا صلاحیتیز قبول اولوب ایشیمی برباد وضعیتده گؤرنده بئله معلوم اولدی آرواد منیم عوضیمه وئریلن کاغاذلارا  اوز آدین یازیب؛اودورکی گونده ائوده داوا دالاشاندا کی نییا منیم پیشمیش آشیما سو قاتیرسان؛ایندی  بوغوشماق نیظامین صالاحینا دَئییر دِئییه بیت شیخ آغادان توکولدولر باشیما کی اینشاله گلن دوره یازیلارسان؛میس جینگیله ین کیمین بیزیم هاییمیز بولگه ده جومهورباشقانی سئچگی لر های کویونه قوشولاندا هاممی تنگه باجادا سئچگی دن  اینتخاباتدان دانیشاندا هر کس بیر آدایی(کاندید) گوزونون آلتیندا یاتیردیب اونو اوچون تبلیغ ایشلری آپاراندا؛ بیر گون چورک خانادا قونشوموز ایبراهیمین زننین مستوره خالانی گؤردوم ترس آوانین قدیم شورا ایرئیسی مئشدی محمددن سوروشور کی آی مئشه قارداش بی ادبچیلیکدی سیز کیمه وئره جک سیز؛اوگتیردیگی زنبیلین آغزین آچیب ایستی چورکلری قویا قویا وورقولادی والله اوشاقلارین ننه سی دِئییر؛چونکه باشدان امیر وار جدینه قوربان اولدوغوم بیز نایب ااااااا  وئره جه ییک آخی او گله جکده امام اولاجاق................    

 نوشته شده در  جمعه یکم اردیبهشت ۱۳۹۶ساعت 18:58  توسط :قلئی چی مورتوض

 

 

شریک لی قبیر

سیمایه خالانین اری جاببار عمی اولندن سونرا دورد بئش  قیز  آناسی اولماغینا باخمایاراق کدده کی کوره که نی ایسمعلی نن یاشاییردی؛کد یئرینده اوزونه قدیم گلین لیک باشی باغلی صاندیقی اولان آق بیرچک سیمایه اونون قیفیلین تومان باغیسیندا گیزله درکن یاواش یاواش کوره کن بیله سینن ترسه تولایاراق گونده بیر شئی یی بهانه ائله ییب  ائولرینه داوا سالاردی؛آخیر عومورونده خسته لیگه دوشوب اوزون یئر به یئر ائله یه بیلمه ینده اونون سیررلر خزینه سی اولان باشی باغلی دورد قیفللی صاندیقینا گوره ده اولموش اولسا باش کددن اورتانجیل کوره که نی غفر گلیب من اولمه میشم دِئییه قایین آنانی اوز یانلارینا آپاریر؛بو ایشین اوستونن بیر ایل زاد گئچندن سونرا بیر گون کنده ایزنگ گلیرکی قایین آنا خسته خانادادیر؛بیر عادت اولاراق ال ایاغینان دانیشان ایسمعلی قایین آنانین صاندیقداکی اشیاسین برباد گؤرنده تلفون دسته یینی حییات یولداشی آغلایا آغلایا اونون قولاغینا توتاندا اوجا سسینن ال ایاغین داغیداراق قارشی طرفده کینه های باسیرکی  وای ائویم یخیلدی گولو بورنوندا خالاما نه اولوب دئییه گئجه یین آروادی گؤتوروب باش کنده یوللانان ایسمعلی صاباح ناهار چاغی باش گوزونه تاپدایا تاپدایا خسته خانایا چاتیب اورادا سون گوروش اولاراق بالاسینا اینتظار چَکن آنا کدده کی قیزین گؤرن کیمین جان تاپیشیریب او بیری کوره کن لر اولا اولا  غفرین باشچیلیقینان شهرین قبیرستانیندا باسدیریلیر؛ اوچوگونو خش خییرات وئرندن سونرا یوخون قوهوم اقربه عایله عضولری ایله یئغیشیب قبیراوستونه گئدنده شهرین قایدا قانونون بیلمه یین ایسمعلی قایین آناسی نین قبیر اوسته بیر یاد کیشی نین شکیلین گؤرنده اوز اوزونه دویوخوب تعجوبلنرک گلن قوناقلارین شریندن بیر سوز دئییه بیلمه ینده؛کسیله کسیله قالیب آخشام ائوه قایدارکن بالدیزی مینایه اورتوتوب  وورقولاییرکی؛ آآآآآآ قیز آناوین قبری اوسته اوزگه کیشی سینین شکیلی نه ائله ییر؛غفردوروب ایضاح وئرنده کی جانیم  ایرحمتدیک قایین آنانین اوست مرتبه قبرینه بیر یاد کیشی قویلاییب لار سوزون آچیقلایاندا
 ایسمعلی دوروب یوخ زنن اوستونده یاد کیشی اولا بیلمز دِئییه  سحر تئزدن آروادینان بیرگه  قبیراوستونه گئدنده اوست مرتبه اولوصاحابلارینی مزارین اوستونده گؤرنده اونلاری داشا باساراق یئتیشیب الینن توربه نی اِئشه اِئشه سیمایه خالانی قبیردن  چیخارتماق ایسته ینده  جاماهات توکولوب غیرتی قؤر ائله میش ایسمعلی یه توخدالیق وئرنده بیر آهیل کیشی اویاندان یئتیشیب  خودون آلاراق الین اونون چینینه قویوب وورقولاییرکی جانیم؛ بینا شریکلی قبیر دئییرلر؛شریکلی قبیر................................

 

 نوشته شده در  جمعه بیست و پنجم فروردین ۱۳۹۶ساعت 18:18  توسط :قلئی چی مورتوض

 

 

 

سئوگی چاناغی

ائلجان نان سرتاجین سئوگی حیکایه سی

"سئوگی چاناغی"

کدده یئنی یئتمه اوغلان اوشاقلاری هره بیر قیزی ایسته ییرکن؛یولداش آراسی گلن عومورلوک گونونه پیلان توکنده ائلجان دا اوزلرینن وارلی کارلی اولان قارشی طایفادان اوزون زامان آرالاریندان داوا دالاش اولماغینا باخمایاراق؛اوشاقلیق صینیف یولداشی اولاراق آلما یاناقلی  سرتاجی گوزوآلتیندا یاتیرتمیشدی کی اونونلا حیات قوروب عومور گونون سئویدیگی بیر حییات یولداشی ایلا یاشاسین؛هردن اورک سوزون ائوده گلین باجی سینان(قارداش آروادی) پایلاشاندا؛اودا بیله سینه اورک وئره ئره الین اوکه له ییب دئییردی؛جانیم آغیر یئردن یاپیشمیسان اونا گوره بو ایکی طایفا اوزون ایللریدیرکی بیربیرلرینن دالاشیرلار؛امما سئوگی سرحد تانیمیر دِئییه ائلجان گلن گونلرینه اومود باغلاییب هردن باغ باغچا آرا قیزینان خلوت ائله ییب اورک دویونتولرینن اوپوش گوروش ائله ینده  لاپدان سرتاج دیسکینیب قارداشلاریم گلر دِئییه یایلیقی الینده قیرقی کیمین اوغلانین الینن قوتاریب ائولرینه دوغرو قاچاردی؛بوسوز کند آراسی یاییلاندا ائلجانین آدام نفری اوغلانی  بوایشدن واز گئچمه یین ایسته ینده  سئوگیسی آلووی گوندن گونه آرتیب؛ اوزو اوزونه  یاناراق ویرقینلیق شوئکه سی ایچریسینده قورائله ینده یوخ سرتاج سندن گئچه بیلمیرم دئییه آغیلاسیغماز ایشلره ال ویریردی؛قیز آتاسی بو ایشین سونونو تهلوکه ده گورنده دویه دویه سرتاجی اوز قارداشی اوغلونا وئرمک ایسته ینده ائلجاندا قیزی قاچیردارام دِئییه تک باشینا بوایشین قاباغین آلیب مانعه چیلیک توره دنده علاوه دن نئچه یول ایکی طایفا آراسیندا قانلی داوا دوشندن سونرا قیز طرفی یازیق اوغلانی ایتیر باتیر ائله ییب سس سوراغین کسیرلر؛بو قاپالی حادیثه دن سرتاج اوره یی عاقلینا غلبه چالارکن اوزون اوتداییب خلاص ائلمک ایسته ینده عیبجره حالا دوشنده داها عم اوغلوسودا اونا رغبت ائلمه ییب آییری قیزینان حییات قورور؛ ؛اوزون موددت بو اولایین اوستونن گئچندن سونرا ائلجانین آدام نفری قارشی طایفانی محکمه یه وئریب هیچ بیلگی الده اولمایاندا محکمه ده قطعی قرارقبول ائلمه ییب آرادا بیر اینسانین ایتیب باتماغی معمالی شکیلده قالاندا اوغلان آناسی بوظولومه دوزمه ییب اودا گوزو یوللاردا قالارکن حییاتینی ایتیریر؛گئد گئده بو اولای بولگه ده یاییلاندا سئوگی چاناغی باشیندا سینان سرتاج داها گوندن گونه خسته له نیب باشینا هاوا گلنده هر گون یول اوسته اوتوروب گلیب گئدندن ایتیردیگین سوروشاند ا ظولوم ظولوم آغلاییب هردنده باش بیرچه ینه قارا دوواق باغلاییب مچیده منبره یخینتی دوشنده اوره ینده ائلجانا اولان سئوگیسی ایله عشق روسوا سی اولاراق اونون آتاسی بو درده دوزمه ییب دونیاسین دئیشیب؛ امما اوزو عیبجرده اولسا خالق ایچینده یاشاییر؛لاپدان جاماهات بایرام گونلری  قبیرصاندیقا گئدیب اوز اولولرینین مزاری اوسته آغلایاندا سرتاج دا اوزون بیلمه دن اونلارا قوشولوب داشلار آراخاسیندا  الینن توپراقدان دوزلتدیگی قبیری قوجاقلاییب های هایینان آغلاردی؛طالعی بئله گتیرمیش عشق یانیقیسی اولان سرتاج اورتا یاشلاریندا دونیاسین دئیشرکن اوز الینن دوزلدیگی قبیره قویولور بئله لیک له اولمه مزلیک سئوگی هیکلی یارادارکن اوزونو عشق آلووندا یانانلار کولونه قاتیر............................

 نوشته شده در  جمعه هجدهم فروردین ۱۳۹۶ساعت 19:37  توسط :قلئی چی مورتوض

 

 

حورمتلی کوپک..............

هممشه اولدوقو کیمین بو دؤنه ده قویونلار باشلارین بیربیرینین قولتوقونا سوخوب گورنش قوردوقلارینا گوره جاناوار سوری یه سوخولوب یوز باش قویون قوزونو دارماداغین ائدنن سونرا حورمتلی کوپه ینده بورنو قانامیشدی؛اونا گوره طییییییییی بولگه ایتلری آکسی یا گئچیریب اورت باسدیر ماحالیندا چوبان سئچگی لری نین قاباغا سالینماغین طلب ائله دیردیلر؛جناب آیی نین باشچیلیق ائدیگی تهلوکه سیزلیک ایداره سی طرفیندن کوپه یین بورون قاناماغین محکوم اولونوب دونه دونه قرارلار قبول ائله مه ینن قوردلار علیهینه قطع نامه لر صادیر اولونوردی؛بولگه نی تهلوکه دن قوتارماق اوچون ترس آوا کندینین سوروسونه گئتمک ایسته ین یئنی چوبانلار ایثباتینان سوقات آد یازدیریب اوزلرین کاندید ائلیردیلر؛مالیه یاردیملاری نین هاردان گلمه یینه باخمایاراق؛بو ایشین چکیش برکیشلی اولماقی طییییی  تلویزی یا و تیویلردن یاییملانیب گونده موناظیره لرگئچیریب دالاشیرلار؛سئچیم گونونه اوچ دورد گون قالمیش سونونجو مناظیره اولاراق من قالایچی مورتوض سان سورال خبرگزاری سی  وریندن موعتبر کاندیدلر ایثباتینان سوقات معللیم ده زالا دعوت اولونوب وئرلیش آپاراندا هر سوزدن اونجه چوبانلیقا آدای(کاندید) اولانلارجاناوارین کوپه یه اذییت آزارائله مه یین  پیسله ییب باشقان سئچیلسه لر قوردلار علیهینه پیلانلار توکوب داغ دره نی گولله باران ائده جکلرین دیله گتیرمه یینن قارشی طرفده ده ایتلر سیرا باسیرا دایانیب وئرلیشیمیزین جانلی شاهیدی اولاندا من بیرینجی سووالیمی هر ایکی آدایا اوتوردوم کی اگرچوبان سئچیله بیلسه لر قویونلاری نئجور مدافعه ائدیب آماندا ساخلایاجاقسیز؛بیرینجی ال قالدیران ایثبات آقا سوقات معللیمه آغزینا گله نی دئیینن سونرا اونون بو ایشه صالاحییتی اولماماغین اوزه گتیریب یئدینجی باباسی نین باغدان اریک اوغورلاماسین آچیقلاماغینان بالدیزینیندا چای قیراغیندا قیچی آچیق اولماغین وورقولایاراق ؛اوز گله جک ایشلرینه آچیقلاما وئرنده بئله ایضاح ائله دی کی اگر قویونلارین رایین قازانیب چوبان سئچیله بیلسه بیرینجی دؤنه قورد آغزی باغلایان موللاباشچی لارین  ایشه گؤتوروب آییلیق مایشی نان نمنه داغ دره ده قورد وارسا هاممیسی نین آغزین باغلاددیریب بویونلارینا زینقیرو آسدیراجاق؛ایتلریده خالتاینان یاراقلاندیریب آماندا ساخلایاجاق؛قویونلارین دارما داغین اولماق گورونتولری زالدا قوراشدیریلان مانیتوردا گئتمه یین باخمایاراق؛ موناظیره قیزقین حالدا گئدنده سوقات معللیمه ده آرایا سوخولوب اوزون مدافعه ائله مک ایسته ینده؛ایکی موعتبر آدای ال اله قالخیب من چوخ چتینلیگینن آرالاشدیراننان سونرا؛ایکینجی دونه سوزو سوقات معللیمه اوتورنده اوداااااا قوردلارین دیشین چکیب ایتلرین دیشینه سوئان ویرماق سوزون آچیقلایاندا؛ساق طرفیمیزده دایانان اوشاغی دوشونده کانگیرولار سیراسیندان بیری باش قالدیریب هر ایکی آدایا سووال وئرنده  کی اولماز ائله قویونلاری باشا سالاسیز سوزون دیله گتیرنده ؛اوول جلسه دن بیر بیرلرینن دالاشان ایثباتینان سوقات بیر بیرلرینن قوجاقلاشیب گوله گوله بیری او بیریسینه دئیردی کی من اگر چوبان سئچیله بیلسم سنی اوزومه بیرینجی یانچی(معاون) گوتوره جه ییم..................

 

 نوشته شده در  جمعه چهارم فروردین ۱۳۹۶ساعت 19:43  توسط :قلئی چی مورتوض

 

 

    بؤلوم: