دوکتور جئری
ساتاشما ادبیاتی
گؤروش‌لر : 0
تاريخ : دوشنبه 5 اسفند 1398 | یازار : دوکتور جئری
+0 به‌ین

تونقال

گئجه تونقالی

ایتمیش کاروانی یولا چاغریر آهای....

دئیرلی یولداشلار هر هفته شنبه گونلرینده تونقال یازیلاری ینی لنیرتشریف  بویوروب ایزلییه بیلرسیز

قلئی چی مورتوض

شیرین گولوش لریمه باخمایین

ایچه ریم آجی گوینرتی له رینن

دولودور دولو

شالوارینین اوتوسو................

ایران ایسلام اولکه سی دئییه 11 نجی دونه میللی مجلیس سئچکلرینده ترس آوالی دوختور جئری ده آد یازدیرمیشدی ؛آدامی صاباحلاری بیر قاریش یئره قویاجاقلار اؤزو یازیلمیردی هاااااااااا معتبرشیخ آغامیز ایستیخاره ائله یین نن سونرا ال آلتی لاری هامپا بورون کاظیم-انگی بوش علی - کارتون سیفعلی- بنگاه چی یاقوب-ال قاپ حسین آغا-بوروق باز غلامحسین-قاب یالاق سئید ایمران-آرواد باش صابعلی-لؤک دوداق اینصاف-قاراچی قدیر-میلیونچو صابیر-یئر قازان عابباس-بیله سینه یئل وئریب یازیدیردیلار؛ دوکتور بی یین آدایلیق ایشینین قاباغینا چیخانلار؛ اوستاد دفتری –قهوه خاناچی تیمور آغا اوغلو کربلایی خانیش–قدرت معللیم-جانیم سنین چین دئسین کئفلی ایسکندر-هاماش باجی اوغلو و کل اوغلان سئچکلره بیر آی قالمیش بوینو چپی یه لی آدایمیز باشینین دسته سینن ائو به ائو دولانیب گلن دؤرد ایللیک چئشیدلی پیللارینا آچیقلامالار وئریردی؛ بو آرادا قالایچی مورتوض کل اوغلانین آرا دولانماغینا قیسقاناراق بو دونه دوکتور بی یین آدایلیق ایشلرینه قاریشماییب گاهداندا آشینا سو قاتیردی؛ تا اینکه بوردا اوردان بیله سی نی دانلایانان سونرا اؤزه قالاراق بیر گئجه دوکتور بی ین دسته سینی ائوینه چاغیریر امما بو توپلانتی دا یئنی دن کل اوغلانین سؤزون باشین آچیب مجلیسی آپارماق ایسته ینده داها قالایچی یا آغیر گله رک ایاغ اوسته قالخیب های سالاراق دئییر اؤز ائویمین قیبله سینی هامی دان یاخشی بیله رم؛ او گئجه نین صاباحیسی بیله سینی گؤروب سؤروشاندا کی قالایچی معللیم گئجه مجلیسی قاتماغینیز سببی؛ سوزوم قورتارمامیش ساغ الینین تینینن بوینونون دالینا وورا وورا آندیردی کی باشیمی دالدان کسیر گولومسه ییب سوروشاندا نمنه کسیر بیله منن خئیلک آرالان نان سونرا دونوب اوجا سسینن دئدی کل اوغلانین.......................

+ نوشته شده در جمعه دوم اسفند ۱۳۹۸ ساعت 19:15 توسط (قلئی چی مورتوض)  | یک نظر

ایکی آرواددی لارا.....................

قالایچی مورتوض ایکینجی دونه ائوله نیب قالمیش بیر قیزی کئفه آلسادا گئد گئده سؤنونجو گلین اوشاق ایسته ییرم دئییه بیله سینی قیسناغا قویور؛بو تراختورون دال قاباق ته ییری ایلک دونه دئییه گوله یاشاسالاردا سونرالار آرالاریندا سرینلیک یارانیب ائولرینه زیدیجه لیک دوشور؛قالایچی مورتوض دالدا اوشاق نه ائله ییرم دئییه بو ایشدن باش قاچیرداندا امما گؤزلچه سی اونو بورا اورا چکیر کی بلکه اوشاغی اولوب عایله ایچینده اؤزونه یئرآچسین؛ قالایچی نین چیخاردیغی گلیرکتاب زاد باشی آچانلارین جیبینه گئدنده بوشانماغینان قورخوب سسینده چیخاردا بیلمه ییر؛تا اینکه بیر گون حیات یولداشی اوزاق کتدلرین بیرینده پئشه کار بیر دوعا یازان سوراغینی آلیب اَر آرواد اورایادا گئتمه لی اولورلار؛ یاغلی فئریگی گؤرن دوعاچی باتمان کتابینان قوناقلارینی قارشیلاییب ائوینه موشاییت ائله ینده آرواد ائو صاحابینان بیر توتارلی دوعا یازماسینی طلب ائله ییر؛اؤوو توروندا گؤرن دوعاچی سنه قاتیق دوعاسی یازمالییام دئیینده قالایچی مورتوضا امر ائله ییرکی تئز قاچ بیر قاب کؤلا(بوینوزسوز) آلا قارا کئچی سوتونن چالینمیش تورش قاتیق آل گتیر؛قالایچی ایشین بیلن کیمین آز زامان ایچینده قاتیغی ال ایاق ائله ییب قاییداندا گؤروروکو بلیییییییی دوعا یازان آروادین دؤنون چیرماییب گوبگینی یازیر؛ بو گؤزله نیلمز صحنه نی گؤرن دوعاچی الدن هایا قالیب قالایچی نی بو ایشدن چاش باش سالماق ایسته یین ده تئز قاتیغی بیله سینن آلیب ایشاره ائله ییر کی اوزان؛قالایچی اؤزان نان سونرا اونون دا شالوارین سییریب قاتیغی نامیس ناحسیه سینه یاخدیقجا علاوه دن یالاماغا باشلاییر؛قارشی طرف ده ایشی یاریمچیلیق قالان قادین الینن گؤبگینی گوسته ریب ایشی نین قورتارماغین ایسته ینده؛دوعا یازان عاصی کیفری اولان کیمین اوجا سینن دئییر آغام ابالفضل گؤزو دار قونشونون ائوینی ییخسین....................

+ نوشته شده در شنبه بیست و ششم بهمن ۱۳۹۸ ساعت 17:33 توسط (قلئی چی مورتوض)  | یک نظر

بو ایشلر................

بیلدیگینیزکیمین ایام الله گونلری ایران ایسلام اولکه سینده موقدس ساییلاراق بیزده عایله وی بوگونلری عزیزله ییب تلویازلاردا گئدن وئرلیش لری جوشغو ایلا ایزله ییریک؛کئچن گئجه کی وئریشلرین بیرینده تلویزی یا آپاریجی یئنی دن کوچه بازاری دولانیب جاماهاتا موراجعیت ائله ییردی کی اوول اینقیلابدان دئمگه سؤزونوز اولار؛هره اؤز یادداشینیدا اولانلاری پایلاشاندا بیزیم بو زاوالچا قالایچی مورتوض دا میرت اولاراق دیبه گین دسته سین گؤتوروب قاری ننه نین آغزینا توتاندا لاپدان سووال وئردی کی سنین ده دئمه گه سوزون اولار هاااااااااا

قاری ننه دالی چکیلیب یوخ دیینمه رم دیبک دسته سی نی دالا ایته له ینده هاممیمیزی شککه سالدی؛علاوه دن قالایچی مورتوض قاری ننه نین قیلیغینا گیره رک قیسناغا قویدوکو یوخ سنده بیلدیک لرینی دئمه لیسن؛قارننه قالایچی نین سیرتیق اوزون نن چیخا بیلمه ینده سوزون باشین آچدی کی

1358نجی ایل ایراده لرینده تزه ائوله نیب ایمام میرزه نین زیاراتینا گئتمه لی اولدوق؛سفریمیزین ایلک گونو دئییه حرمه وارد اولاندا بیر کتدی بالاسی کیمین سیخ جاماهاتین ایچینده بیربیریمیزی ایتیردیک؛من آغلایا آغلایا ایرحمتدیک بویوک بابانیزی آختاراندا بیرکیمسه منیم قولومنان یاپیشیب حرمده کی موللا باشجی سی نین یانینا آپاردی؛ آخشاما کیمین اورادا قالان نان سونرا نهایت شیخ آغا بیله می گؤتوروب قاباقدان تداریک گؤردوگو بوش ائوه آپاردی؛اوزوم ایاغیزین آلتینا موللا باشی اوچ گون اوچ گئجه بیله می دال قاباق ائله ینن سونرا علاوه دن آغانین حرمینه قایتاریب بلند گولاردا سس سالدی کی ایتیگی اولان گلسین؛ قارننه الین قارشیداکی ددواردان آسلانمیش شکیلی گؤسته رنده دئدی او ایرحمتدیک سسی ائشیدن کیمین حرم باشجی سی نین ایش یئرینه گلدی؛منی ساغ سالامات گؤرن کیمین شیخ آغانین الینی اوپوب دوعا سانا ائله دی کی الله سیزی بو جاماهاتا چوخ گؤرمه سین؛عوضینده موللا باشجیسی اوچ گون اوچ گئجه اؤز ائله دیگین ایشین حامام پولوسونو کیشی دن آلیب بیزی یولا سالاندا دالدان چاغریب  اوجا سسینن دئدی اوغول گئد موسلمانچیلیغیدا ...................

+ نوشته شده در دوشنبه بیست و یکم بهمن ۱۳۹۸ ساعت 12:17 توسط (قلئی چی مورتوض)  | یک نظر

سنین یانیوین...........

قارین آرتیق یاغماسی شهرجیگیمیزده جاماهاتین سئوینجینه سبب اولموشدور؛بعضی عایله لر قار گولله سی گؤتوروب بیر بیرلرینی ووروردورلار؛بیر نئچه نفری ده ماشین تویوبو زادی تاپیب دولاییدان سوروشوردورلر؛بیر نئچه زنن خایلاغی دا قار اوسته آغناییب گولوشدورلر؛ مئشه قاسیمعلی ده طییییییی یول قیراغی دال اوسته قارا یاتیب شکیللرینی سوسیال شبکه لرده پایلیردی؛بیر اوندا گؤردوم قالایچی مورتوض دا دده ددلیگینی چکیب گتیره گتیره دئییر آی شیخ آغا سنده او موبارک اولان یانیوی بو قارا بیر باسان آخی................

+ نوشته شده در جمعه یازدهم بهمن ۱۳۹۸ ساعت 18:40 توسط (قلئی چی مورتوض)  | یک نظر

او نسیله..........

عایله میزده اؤن ایله یاخین اولاردی کی آنام بؤیورکلرین الدن وئریب خسته خانالیق اولموشدو؛بیز نئچه باجی قارداش گونده لیک اؤز ائو ائشیگیمیزده حشریمیزه قارق اولان کیمین آنامی هفته ده ایکی اوچ یول خسته خانایا آپاریب داوا درمان ائله مک آتامین پایینا دوشموشدو؛اوشاقلار هردن آنامین آغیر دورومونو گؤروب منه موراجعیت ائله ییرک سؤروشاندا کی آنانین باشینا بیر ایش گلسه نه ائله مه لییک؛منده بیله لرینه اورک دیرک اولاراق دئییردیم شوکولر کی هله آتامیز قاباقدا واردی؛امما زامانین ترس اوزو توتان کیمین آتام اوچ آیین ایچینده خسته له نیب حکیم لر جاواب ائله ییرک ائوده حیاتی نی دَییشدی؛دوس تانیش ییغیشیب آغلایا آغلایا آتامی ائودن چیخارداندا آلتمیش ایللیک بیرلیکده یاشادیغی حیات یولداشی آنام اؤکه گین(تابوت) قاباغینی کسیب عومور گون یولداشین نان حالالیق ایسته یرک اوجا سسینن دئدی مورتوض منی هارا قویوب گئدیرسن؛هر حالدا آتامین دفن مراسیمی قورتاریب قبیر اوسدن قاییداندا یازیچی دوسلارین بیری منه یاخینلاشیب سووال وئردی کی آناوین ویدالاشما مراسیمینده وورقولادیغی سوز منی چاش باش سالیبدیر ممکونسه آچیقلاما وئره سن؛بیر دونه ائل طایفامیزدا یئرلی دّب تؤره لر گؤزومون قارشسینا گلنده ایضاح وئردیم کی یولداش آنام وعکسینه آتام حورمت اولاراق ایلک یاشایشلارین نان بیربیرلرینین آدلارینی دیله گتیرمه دن من عایله نین ایلک اوشاغی اولدوغوما گؤره(مورتوض) دئییه بیر بیرلرینی صادالایاردیرلار؛سؤزلریم قورتاریب دوستوم نه دئمه گیمی باشا دوشنده ایکی الین بیر بیرینه ووروب اوجا سسینن دئدی حاییف ...................

+ نوشته شده در جمعه چهارم بهمن ۱۳۹۸ ساعت 17:8 توسط (قلئی چی مورتوض)  | یک نظر

آنالی گونلریم..............

 1362نجی گونش ایللری دئییه یاشیدتایلاریملا بیرگه عسگرلیگه گئدیب سِئرو- اشنویه یوکسلیک لرینده کؤموله و دئمکرات کوردلرینن دویوشمه لی اولموشدوق؛گونده لیک سیلاح داشلاریم گؤزوموزون قارشیندا مین اوستونه گئدیب ویاخود قارشیدا دویوشن کوردون گولله سینه توش گلمه لرینه باخمایاراق قالانلاریمیز دویوش بولمه سینی قؤرومالی اولوردوق؛یادیمدادیر بیر یول قیش ایراده لرینده اوچ دؤرد الیمین آلتیندا اولان عسگرلرینن کؤرد کوموله لرینین قیسناغینا(کمین)دوشوب یولداشلاریمین بیر نئچه سی یارانلانسالاردا موعجوزه وی شکیلده جان قورتارا بیلمیشدیک؛من دوشمان سیناغینا دوشوب اؤلوم دیریم آنلاریمی یاشایاندا آنامدا اؤز یوخوسونو گؤرور؛و گئجه نین یاریسی یوخودان دوروب های هاینان اؤنکورمه چالیب آغلایاندا عایله عوضولریمیزده تشویش ایچینده یاشاییرلار؛و او یوخودان سونرا تانرینین وئرن گونو ائویمیزه گل گئد اولوب گاهداندا آنامین آسیلی اولمالاری قاپی قونشولاری کدرلندیریر؛نهایت آنام قیش گونلرینین قارلی قادالی یوللارینا باخمایاراق آتامی منیم سس سوراغیما گؤنده ریر؛آتام اوچ دورد گون یوللار اسیری اولان نان سونرا بیر گون اورومو اؤردو بولومه سینین یاردیمینان من اولان جبهه بؤلمه سینه گلیب آتا بالا گؤروشمه لی اولدوق؛و آنامین منه گؤره اوزولمه لرینی باش ضابیطه سویله ینده یوز باشی دان(فرمانده گروهان) اؤن گونلوک واقت آلیب منی کنده آپارمالی اؤلدو؛علاوه دن آتابالا بیر گون یاریم گله نن سونرا آخشام گون اَییلینده یاشادیغیمیز بولگه نین شهرینه چاتیب گئجه نی اورادا قالمالی اولدوق؛سحر تئزدن یوخودان دوروب بیر مسافه نی ماشین نان کنده ساری گئتسکده یاری یولو پیادا گئتمه لی اولدوق؛بیز کنده یاخینلاشاندا آنامدا قارشی طرفدن اوزون بیر مسافه نی گلیب منی ساغ سالامات گؤرنده گؤز یاشلارینان بیله می قوجاقلاییب باغرینا باساراق خئیلک بیر یولو قوجاغیندا آپارمالی اولدو؛و من کنده گیرنده طیییییییی ائل طایفا ییغیشیب آناما گؤزلرین آیدین اولسون دئییه دئییه ائویمیزه قدر موشاییت ائله دیلر؛ او نئچه گونو آنام منی عزیزله ییب بؤیومو اوخشایا اوخشایا گئجه لرکؤرپه اوشاق کیمین قولونون اوستونده یاتیردیردی؛حیاتا نه دئمک اولار ایندی ایسه نوه الیمی توتان چاغلاریمدا بیردونه او گونلره قاییدیب حسرت ایله  دئییرم آی.........................

+ نوشته شده در جمعه بیست و هفتم دی ۱۳۹۸ ساعت 19:15 توسط (قلئی چی مورتوض)  | یک نظر

آناسیز گو.نلریم..............

آناسیز آغلایان گونلریم. گؤینه ییرم سس فایلینی دینله مک اوچون بورانی تیکله!

+ نوشته شده در شنبه بیست و یکم دی ۱۳۹۸ ساعت 12:7 توسط (قلئی چی مورتوض)  | 2 نظر

دئدیم آخییییییی.............

نئچه گون قاباق ایش یئریمدئیدیم لاپدان دَخو(دهخدا)بیله مه زنگ آچیب خوسانلاشان نان(کئف احوال)سونرا قولتوغوما قارپیزوئره وئره باشلادی کی آی قالایچی مورتوض سنین یازیلارینی اوخودوم لاپ بئله هنگامه یازیرسان باخ؛ تلفون دسته گینی بو قولاغیمنان آلیب او بیری قولاغیما توتاراق ایسته دیم دئییم کی یوخ بابا سن گؤبه له گی عمامه گؤرورسن منه آمان وئرمه دن های باسدی کی سیز اولان یئرده نه زاکانی عُبید؛نه عزیز نسین؛نه جلیل مممد قولوزاده؛ نه دوکتور جئری؛ نه کئفلی ایسکندر بئله قیامت یازیرسیز ایییییییییییی سوزونون داوامیندا علاوه ائله دی کی بوننان سونرا صور ایسیرافیل درگیسینده بیر صفحه لیک سیزه یئره آییریب هر آیدا بیر یازیزی اورادا چاپ ائله یه جه یم؛ سوندا بو قرارا گلدیک کی من قالایچی مورتوض آدینان هر آیدا بیر یازیمی قاجار کند(تهران)دئییه آدی گئدن درگی نین عنوانینا گؤنده رم؛ قویدوغوموز قرار باشا گلن کیمین هفته سونو یئنی یازدیغیم بیر حیکایه نی پاکاتا قویوب جناب دَخونون قوللوغونا گؤندرمه لی اولدوم؛ بو ایشین اوستونن بئش اؤن گون کئچنن سونرا بیر گون دخو معللیم علاوه دن بیله مه زنگ آچیب یازیب گوندردیگیم اویکونو اوخویا اوخویا دئدی اگر ایسته سن یازیلارین درگیمیزده چاپ اولا بوننان سونراگرک(اؤرت باسدیردان)(ترس آواتدان)اولکه داخیلی اویماقلارین حاققین نان(کاتدا ایسلام)نان (قوچو نیظام)نان(منبر)دن(ایختیلاسدان)(ایختیلاف)دان(نامیس ناحیه سینن(آت باسدیران احمدین)ائششه گینن بیرده کی فان تورکودن......................

+ نوشته شده در جمعه سیزدهم دی ۱۳۹۸ ساعت 17:49 توسط (قلئی چی مورتوض)  | 2 نظر

او طایفادا آروادلاری..................

چوپور ذلیخانین قیزی مه لیقه اوزونو تانینییان نان کند آراسی آچیق ماچیق دولانیب یول گئدنده بالدیرلاری اویناردی؛قیز اولماغینا باخمایاراق اَر اوغلانلارینان میرتداشیب شیللاق آتاردی؛بیر گون تصادوف اوزه رینده سحر تئزدن آپاریب داوار قوشاندا کندین چوبان یانچیسی بیله سینی زورلاییب نه ایسه قیزلیغینا زیان یئتیریر؛میس جینگیلله یین کیمین بو های کوی بولگه ده یاییلاندا داها بیله سینه اوزوک یایلیق گتیرن اولمور؛گئده گئده بیغلارینین توکو چوخالیب تورشامیش قاتیق کیمین کوپوکله ننده یورتدا قالمالی اولور؛ بو ایشین اوستونن چوخلو بیر واقت کئچنن سونرا ناتانیش کتدلرین بیرینن بیله سینه ائلچی گلن کیمین مه لیقه مچیده منبره ییخینتی دوشور کو ایشی دوز گلسین ؛نهایت گلن اوغلانین آدام نفری قیزی آداقلاییب گئدیرلر؛ امما بو آرادا اوره گینن آلینان مه لیقه گله جکده گئده سی عایله نین حال خویون نان خبر توتماق ایسته یینده اوزون بورا اورا وورورکو نجور عایله اولدوق لارینی اله گتیرسین؛بیر گون تصادوف اوزه رینن بیر چرچی کند گلیب گتیردیگی ارزاغی مچید قاباغیندا ساتیشا قویاندا مه لیقه بیله سینه یاخینلاشیب قایین آتاسی نین آدین آپاراراق سوروشور آی چرچی عمی ایسلام اولکه سینده یوخ یوخ؛ باغیشلا چاشدیم او طایفادا آروادی نه ینن وورارلار؛چرچی مه لیقه نین نه دئمه گینی باشا دوشوب گولومسه ییرک دئییر؛ باشی آچیق زننلری آغاجینان(باتون)وورارلار چاخیر ایچه نی قیرمانجی نان(شلّاق) وورولار سیقه سیز قادین دولاندیرانی داشینان وورارلار خیاوان توکولوب حاققینی طلب ائله یین خالقی گولله ینن وورارلار آدام اولدورنلری پامادور و یاخود یومورتداینان وورارلار او طایفادا آروادلاری...........................

+ نوشته شده در شنبه هفتم دی ۱۳۹۸ ساعت 13:38 توسط (قلئی چی مورتوض)  | 2 نظر

آروادلارا وئرین..............

پاییزین سونونجو آیی دئییه نئچه گونودو اوتوش دایی لاققیشنگ داشقاسینان کوچه لری دولانیب قورو چورک زاد ییغا ییغا گاهدان اوجا سسینن های باسیردی کی آی جاماهات آروادلارا وئرین؛ هامیلیغیان بو سوزه مات قالان کیمین نه دئمه گینی باشا دوشموردوک؛بو ایشین اوستونن بیر هفته کئچمه میش بیر گون میرزه جلیلینین حیات یولداشی ارینین یاخالاییب دئیینه دئیینه بیزیم یئنی آچیلمیش سیقه خانامیزا گتیردی؛من بولگه میزین دده بابادان باش بوتوی یاخا دویمه لیسی میرزه جلیلی گؤرجه گین ایاغا دوروب خوش گلیب سیز دئییه اوز اوستولومون اوستونده اوتوراندا بیله سینه کهلیک اوتو چایی تکلیف ائله دیم؛بو آندا میرزه جلیلین اورتا یاش خانیمی سول الینن چادیریانی چنه سی آلتینا توتوب اوجا سسینن دئدی آی کابلا احد اوغلو منه بیر ار تاپاسان؛بو ایشدن چاش باش قالان کیمین نه دئمه گینی آنلایا بیلمه دیم؛خانیم علاوه دن منیم میرزه جلیله اولان حورمتیمی گؤرنده او بیری الینن ارینی گوسته ره گوسته ره دئدی کی میرزه سئچگی لرده آد یازدیریب میللی مجلیسه دئپتداد اولماق ایسته ییر؛الیمی دوشومه قویوب دئدیم خانیم بونون کو عصبلشمه سی یوخدور؛بیزده عایله وی میرزه یه سس وئره ریک؛سوندا آرواد دولوقسوناراق بیله مه یاخینلاشیب علاوه ائله دی کی آی قالایچی مورتوض سن هئچ بیلیرسن کی ایسلام اولکه سینده دئپتداد چیخان کیشی لری قاباقچادان بورورلار؛اوندا فیکره گئده رک بارماغیمی دیشله دیم کی اوتوش دایی نه دئمک ایسته ییر................

+ نوشته شده در جمعه بیست و نهم آذر ۱۳۹۸ ساعت 18:23 توسط (قلئی چی مورتوض)  | 2 نظر

مزارلی منزیل...............

هفته نین ایلک گونو دئییه سحرچاغی مئتروونان ایش اوسته گئدیردیم؛امما ساغ یانیمدا دوران بیرقارا یایلیق لی قادین دیققتیمی چکیردی؛ایکی دوشرگه منیم له یول بیر اولان قادین اورتادا وورولان مئتال پارچاسین نان یاپیشیب آغیر حوزن ایچینده باشینی آشاغی سالمیشدیر؛تیرانووا توواراق گئدنده ندنسه قادین آغلاماق ایسته ییرک لاپدان اونکورمه چالیب جاماهاتین قارشسیندا یئره یخیلدی؛بیرآندا اوره گیم یاناراق چانتامدا اولان سو قابینی چیخاریب الینن یاپیشارکن اوزونه ووراندا تیرانوا منیم دوشرگه مه یاخینلاشیردی؛بیر ایکی یول اوز اوزومه فیکیرلشدیم کی قادینی بوشلاییب تعجیلی ایش یئریمه گئدیم؛امما هوشون ایتیرمیش قادین الیم برک توتوب نه ایسه من نن یاردیم طلب ائله ییردی؛اوگونو ایشیم نن واز کئچن کیمین قادینی گؤتوروب یاخیندا اولان خسته خانالارین بیرینه یئتیرمه اولدوم؛طب باجیلاری خسته نی دوره له یین کیمین تاخت اوستونه اوزادیب باشینین اوستونه حکیم چاغیردیلار؛حکیم خسته نی آنالیز ائله ییب مایناتدان کئچیرنن سونرا بللی اولدوکو قادین شکر - اورک بیر آزدا اونودقانلیق خسته لیگینن اذییت چکیر؛آخشام ایراده لرینده قادین آینییان نان سونرا بیر آنا بالا کیمین تاختینی یانالاییب بیر الین الیمه آلاراق بیر الیمنن آلین ترینی سیله سیله سورقو وئردیم کی آنا سنین بیر کس کارین وارمی بیله لرینه خبر ائله ییم؛قادین بو سوزو ائشیدن کیمین داها بوغوض توتوب گؤزلری دولماق باشلادی؛وئردیگیم سورقودان مورگوله نرک دالی چکیلمک ایسته ینده الیمی سیخاراق آندیرکی کی تک اوغلوم نان یاشاییرام؛بو سوزو ائشیدن کیمین قولاغیمی آغزینا یاخینلادیب دئدیم نومره سینی بیلرسن منه دِء بو ساهات اوغلونو بورایا گتیریم؛امما نه ایسه قادینین اوره گینده آغیر حوزن اولاراق سولقون یاناقلارین نان یاش سوزوله سوزوله اوزونو قارشی یانا چئویردی؛بئش آلتی گون عایله می بوشلاییب بو خسته قادین نان مشغول اولاندا حیات یولداشیمدا کؤرپه اوشاقلاری ائوده قویوب تئز تئز خسته خانایا باش ووروردو؛هفته سونو حکیم علاوه دن قادینی آنالیز ائله ییب بیرآز اوزونو تاپماسین گؤررک ائوینه گئتمه گی مصلحت گؤردو؛نهایت من و حیات یولداشیم خسته خانانین پولونو اوده ینن سونرا قادینی چیخاریب باش کندین کاسیب محله سی دئییه ائوینه گتیرمه لی اولدوق؛ قادینی ایچری کئچیریب یئرینی راهلایان نان سونرا حیات یولداشیم اوغلونون هارادا اولدوغونو سوروشاندا قارا یایلیق لی قادین الینن سول یانداکی یاتاق اوتاغینین اورتاسینی گؤسته ره گوسته ره علاوه دن اوجا سسینن آغلاماغا باشلادی؛من اوزومو ایتیرن کیمین دوروب یاتاق اوتاغینین خالچاسینی یان ائله یینده اوستونه قارا چکیلمیش بیر مزارلا اوزلشدیم؛ ایشین سونوندا بللی اولدوکو بو آنانین ائوینین چیراغ یاندیرانی تک بیراوغلو باش کند دئییه بنزین باهالیغی علیهینه چیخانلارین اوجوباتینان قاپیلارینین آغزیندا الی آفتاماتلارین گولله زاوالینا گلیبدیر....................

+ نوشته شده در جمعه بیست و دوم آذر ۱۳۹۸ ساعت 16:59 توسط (قلئی چی مورتوض)  | یک نظر

واردیر....................

 قالایچی لیق قازان سورتمه بازاری کاسات اولان نان سونرا یئنی دن ایش پئشه آختارماغا باشلادیم ؛بو آرادا بی ادبچیلیکدی ائو آدامی خویلو خانیمین تدبیر گؤرمه سینن قرض الحسنه دئییه ال قاپ بانکلارین بیرینن خئیلک پول گؤتوروب اللی آلتمیش بالون(گاز کپسول)آلاراق پیک نیک گاز دولدورما ایشی یولا سالدیق؛کئچن آیلاردان ایسلامی اولکه داخیلی ماوی یاناجاق دئییه گاز قیتلیغی باش وئرنده بیزده ار آرواد دال دالا وئریب بولانمیش سودان بالیق توتان کیمین تومنه اللی قازانج ائله دیک؛ بو آرادا بیزیم وارلی کارلی اولماقیمیزی گؤزو گؤرتورمه یین اوغرولار گؤزوموزدن یایینان کیمین بیر قارلی کولکلی گئجه ده امماریمیزا گیره رک اولوب قالان بالون لاریمیزی آپاردیلار؛الیمیز بوشا چیخان کیمین محکمه یه موراجیعه ائله دیک کی بلکه اوغرولاری تاپیب چورک آغاجیمیز اولان بالونلاریمیزی گئری قایتارسینلار؛آی با آی بانکین حیصصه حیصصه(قسط) پول اوده مه سی اوست اوسته قالاناندا ائویمیزین بانک طرفینن گیرو گؤتورمه سینه شرایط یارانیردی؛یئدی سکگیز آی محکمه یه گئدیب گلنن سونرا بیر گون پولوس کشفیات(آگاهی)بولمه سینن بیله میزه زنگ آچیب دئدیلر هفته نین ایلک گونو ایداره یه گلین کی نئچه اوغرونو یاخالامیشیق؛خویلو خانیم و من الله دویلته عومور وئرسین دئییه یئنی دن هفته نین ایلک گونو پولوس بولمه سینه گئتمه لی اولدوق؛چوخلو گؤزله مه دن سونرا لاپدان قالایچی مورتوض دئییه چاغیراندا تر تله سیک ایچری کئچه رک گؤرودوم اللی آلتمیش اوغرونون اوزلرینی دووارا دایاییب لار؛من ایچری یه موشایت ائله یین مامور بیر باشدان تور سوزو الینی اوغرولارین کوره یینه قویا قویا اوجا سسینن دئدی؛ا-ی-ش-ب-ا-ش-د-ا-ن-خ-ا-ر-ا-ب-د-ی-ر-ایشی بئله گؤرنده گولومسه ییب دئدیم حاقلیسان جانیم ایسلام اولکه سینده مسلمانین باغیشلایین چاشدیم اؤغرولارین حورمتی ........................

+ نوشته شده در جمعه پانزدهم آذر ۱۳۹۸ ساعت 19:37 توسط (قلئی چی مورتوض)  | یک نظر

شنود تلفنی....................

فاطما:آلو آی آلو زاهرا سالام یوخودان دوروبسان صاباحین خئیر؛نه وار نه یوخ؟

زاهرا:ساغ اول فاطما صاباحین خئیر؛ نه عجب زنگ آچمیسان

فاطما:بیلمیرسن آخیییییی گئجه ایرحمتدیک آتا گلمیشدی یوخوما

زاهرا:یوخ آآآآ جانیم اولسون بیله سینن دانیشا بیلیدین

فاطما:هن ائییییییی نه ایسه پؤزقون ایدی

زاهرا:آی قیز هئچ بو ایرحمتدیک منیم یوخوما گلمیر آخیییی

فاطما:دئییرم آی زاهرا قاغام(بویوک قارداش) بو آتا ائوین ساتسایدی هااااااااااا من قیزین جئیزینی آلیب یولا سالاردیم؛

زاهرا:باجاریغین اولسایدی قیزین جئیزینی ایندی یه قالمازدی

فاطما:آی زاهرا سن سوزون بیرین بیلیرسن بیرین بیلمیرسن الن نئچه ایلدیر آتامیز میز الله ایرحمتینه گئدیب او چتور قاسیق قارداش آروادین ورثه نین مالینا یئییه دورماق ایسته ییر؛

زاهرا:هله دَء گؤرک قیزین یورقان دوشه گین سالدیرمیسان یا یوخ

فاطما:یوخ بابا هله هئچ ایش گؤره بیلمه میشم

زاهرا:نه ایسه قاباق دئییردین قیزین تویونا بوخاغیما صونعی خال قویدوروب دیرناقلارینی اوزاداجاق سان

فاطما:خبرین وار قونشوموزون آروادی آنادان گلمه قاشلارینی گؤتوروب یئرینه دیک دابان ته تو قویدوبدور

زاهرا:خئیرلری اولسون باخ؛ بیزیم ده اوست مرتبه ده اوتورانین آروادی اورتا یاش اولماغینا باخمایاراق جراحیات عملیاتینان دیللاغین دارالدیب؛

فاطما:آی قیز اوندا دئییردین کیشی دن بوشانیب یئنی پول پارالی اره گئده جکسن؛

زاهرا:باجین اولسون بیزده او شانسیلاردان یوخدو ایندی نین آروادلاری هر آلتی آیدان بیر بوشانیب قارا بازاردا ایشله ییرلر؛من هله 15 ایلدیر کهنه تومان کیمین بیر میخدان آسلانمیشام؛

فاطما:بیر باخ گؤروم یئزنئینن کوسولویدین باریشدیز؛

زاهرا:هن باریشدیق امما کئشگه باریشمایادیق

فاطما:به نییا آخی

زاهرا:نه اولاجاق زیرپی اوغلو دورقوزاق حببین آتیر گئجه اوزونو بیله می نئچه یول قاییران نان سؤنرا قیچ پاچامی گمیریر

زاهرا:سیز نئجه یئزنه نین آنتینی یوخاری گلیر

فاطما:آی اونون باشی باتسین سیخ سانجاغا دوشه لی باجی قارداش اولموشوق

زاهرا:دئییرم بایرام تعطیل گونلرینده گلین بیرلیکده گئدک خوراسانا

فاطما:آی ایرحمتدیگین قیزی من دئییرم کیشی منی قاییرا بیلمیر سن هله خوراسان هایینیداسان

زاهرا:وای باجین اولسون ؛دئنن قیزیبساندا

فاطما:دئییرم زاهرا سن الی سولوسان باخ گؤر او آرادا بیر صونعی کیشی دورقوزاغی منه تاپا بیلرسن امما چوخ یوغون اولماسین هااااااااااا

زاهرا:باشیما خئییر آی قیز صونعی دورقوزاق نمنه دیر

فاطما:آلا باشیووا باخ اولدن ائله پاخما اولدون کو اولدون

زاهرا:اَت باهالاشیب بیلمیرم ناهارا نمنه پیشیریم

فاطما:هن من گئجه دن مرجی ایسلاتمیشام

فاطما:بیرا باخ ایندیدن دئییرم قیزین تویوندا قیزیل لاریوین بیر آزین وئررسن من تاخارام

زاهرا:چه چچه چچچه چچچچه چچچچچه ؛بیر دیقه گوشونو ساخلا ائله بیل زنگیمیزی ورورلار

فاطما:کیم دیر؛هئچ سو کونتورونو یازان ماموروایدی

زاهرا:یارانه زی توکدولر

فاطما:هه بیرین توکوبلر؛امما نه ایسه قودورقان ملت بنزین یاناجاق باهالیغیناگؤره کوچه لره توکولوب کاتدا ایسلامین آشینا سو قاتماق ایسته ییرلر

زاهرا:هه بورادادا وور هایدی؛نئچه بانک اوتداییب و آفتابوس ماشروت ماشینلار آشیریبلار؛

فاطما:دئییرم سنین آغلینا قوچو نیظامی ییغماق اولار

زاهرا:یوخ آ قیز قوچو نیظامین قارنی ائله یئکه لیبدیر کی اوستوراندا سیمنان شورانلیغی توزاناق بورویور

فاطما:سیز چول موله چیخیب ائله مه یین هااااااااااا توزاناقدا ایته رسیز

زاهرا:دئییرم آتاما خئیرات جوم آخشامی بیر قاب حالوا چالیم

فاطما:چال الله قبول ائله سین

زاهرا:کوهنه شیلانک؛کوهنه دمیر؛قورو چورک؛کوهنه میر میسی اولان

فاطما:آی قیز نه سس دی

زاهرا:آی کوهنه چی قارداش دایان دایان ................

فاطما:باجین اولسون گئتدین سوزوم پارادا قالدی کی

زاهرا:هه ؛گون اورتان خئیر ..................

+ نوشته شده در جمعه هشتم آذر ۱۳۹۸ ساعت 18:31 توسط (قلئی چی مورتوض)  | 2 نظر

پئسیم پئسیم(بنزین)..............

قایقی کش حوکومتیمیزپئسیمین(بنزین)اوستونه قویوب ماخلوغا یئنی دن پولدان ارزاق دان پایلایاندا آراسیرا قونشولار گئدیب زنبیل دولوسواؤز آیلیق ارزاقلارینی آلیب گتیریردیرلر؛بو خبر محله ده یاییلان کیمین حیات یولداشیم خویلو خانیم بیله می قیسناغا قویوردوکو آی ال ایاغی اوتولموش نین تویوغو یوخ یوخ باغیشلایین چاشدیم ائوین کیشی سی سنده گئد حالال حاققیمیزی آل؛قدیمنن دئییبلر آروادین سؤزونن چیخانی دئم ایلانی وورار؛چاراسیزلیق دان هفته نین باشلانیشی یئل گونو دئییه خوروزبانینی نظره آلاراق نامازیمی قیلان نان سونرا تلیسی گؤتوروب شهر اؤرتاسینی توشلایاراق ارزاق پایلایان ماقازئن لرین بیرینه گتدیم؛بیر نئچه ساهات گؤزله ینن سونرا ماقازئنین باش مودورو گلدی کی آی جانیم گئج گلیب سن دولت وئرن پولسوز ارزاق قورتاریب؛آروادین قؤرخوسون نان ایشیمی چاش گؤرنده تلیسی قولتوغوما ووروب بیر باشا شهر ایمام جومعه سی نین دفترینه گئتمه لی اولدوم؛چوخلو گؤزله ینن سونرا نوباتیم چاتیب جناب شیخ آغانین محضرینه واراندا بؤینومو چینیمه قویوب تلیسی گؤسته گؤسته ره دئدیم حاجی آغا بیزه ده ارزاق زاد وئریندا؛دالی دایاناجاقلی شیخ آغا ساغ الینن دم دسگاهین آشاغی یوخاری ائله ییب دئدی ارزاغی طییییییی کاسیب کوسوب آراسی پایلاییب قورتاردیق؛الیمی بوشدا گؤرنده یاواججاسینا دئدیم آخی هانسی ملت آراسیندا پای پوشک ائله دیز؛بو آندا شیخ آغانی قضب توتان کیمین اوجا سسینن دئدی؛دایی نوه م؛باجی اوغلوم؛بی بیم کوره کنی؛خالامین یئزنه سی؛عم اوغلومون قایینی؛بونلار میلت دئییلمی؛منده تلیسیمی باشی آشاغی توتوب سیلکه سیلکه دئدیم نییا حاجی آغا اؤنلاردامیلتدیر ..................

+ نوشته شده در شنبه دوم آذر ۱۳۹۸ ساعت 17:24 توسط (قلئی چی مورتوض)  | 2 نظر

بو کؤپک................

قوربانعلی دئییردی منیم بو یئنی دده ددلیگیم گونده لیک دونیادا گئدن اویلارا ماراق گوسته ریب هر گون تلویازادا دئییلن خبرباشلیقلارینا قولاق آسمالیدیر؛ علاوه دن قولاق آسیب ائشیدیگی خبرلری آراشدیراراق خیردالیقلا دنه دنه دوره برینده اولان کیمسه لری باشا سالماق ایسته ییر؛قوربانعلی وورقولاییردی کی ائویمیز شلوغ گئدن کیمین لاپدان نوه نتیجه دده ددلیگین آشینا سو قاتیب خبرلری ائشیتمه گه ایمکان وئرمیردیرلر؛قوربانعلی سوزونون آردینجا علاوه ائلیردی که کئچن گئجه شام سیفراسی گلمه میشدن تلویزیا قارشیسیندا اوتوران ددده ددلیک اوشاقلارا قارا قورخو گلیردی کی اوتورون یئره کی اولکه باشجیمیز بئنزینین باهالاشماغین نان دانیشیاراق یارانه میزین اوستونه قویماق ایسته ییر؛بو آرادا ائوی باشلارینا آلان اوشاقلار بیله سینی شوتا قویمایاندا اؤز اؤزومه گولومسه ییرک بیر حیکایه یادیما دوشدو؛ کئچمیش چاغلاردا بیر ایل محرم گونلری دئییه کندین آهیل آغ ساققاللار بیر یئکه باش شیخ آغا گتیرمیشدیرلر کی منبره قالخیب ماخلوغو فیضییاب ائله سین؛هر گئجه منبر آراسی شبیستانین سسی اوجالاندا حورمتلی شیخ آغامیزین ایروضه سی آرادا ایتیردی؛بیر گئجه منبر یانیندا اوتوران فیض اله بی ساغ طرفینده اَیله شن قالایچی مورتوضون دیزینن باسیر کی دور آروادلارین سسینی .......... تورکه سایاق قالایچی ایاغا دوروب شبیستانا سس سالاندا ساغ الینن منبری گوسته ره گؤسته ره اوجا سسینن دئییر آی خانیم لار آی باجیلار قویون گؤرک بو .......................

+ نوشته شده در جمعه بیست و چهارم آبان ۱۳۹۸ ساعت 19:17 توسط (قلئی چی مورتوض)  | یک نظر

یاشایا بیلدیم!..............

کند یئرینده پناهعلی نین آتاسی بیر ایکی ایل خسته لیگدن سونراحیاتی نی دَییشدی؛ عایله نین ایلک اوشاغی اولان گنج آتاسینین قیرخینی وئرنن سونرا بوردا اوردا فهله ایشله ییردی کی یاس توره نینده ائله دیگی بورج خرجی اوده سین؛وقازاندیغی ماییشین آز چوخ قالانیندا باجی قارداشلارینیا چورک پولو ائله سین؛ایللر کئچدیگیجه پناه علی باجیلارینین بیر ایکیسین اره وئرسه ده اوزوده سونرالار سئوگی تورونا ایلیشیر؛ یاخین قونشولاری اولاراق آل یاناغی؛ بوی بوغونلو؛ اوزون ساچلی؛ کند هانپاسی نین قیزی شکر نوش آدلی گؤزه له اورک وئریر؛بو وورقونلوق ایکی گنجی بیربیرلرینه باغلایاراق یئری گلنده باغ باغچا گول بوتالاری آرخاسیندا سئویشیب اوپوش گؤروش ائله ییرلر؛سئوگی سرحد تانیمیر دئییه پناه علی مالی باخیمنان کاسیب بیر عایله نین اوشاغی اولسایدیدا هردن اولاس(خمار)باخیشلی شکرنوش سه یینگی نی گؤتوروب بولاغا گئتمک بهاسینه اوغلانا قاش گؤز ائله ییرک دالدا یانا چکیلیردیرلر؛و بو گؤروشمه لرده شکر نوش اورک دویونتوسوینن پناه علی سووال وئرنده کی ناواقت ائلچی گؤندره جکسیز؛دالی یانینی بوش گؤرن پناهعلی اؤزونو سیندیرماسین دئییه ال آتیب قیزین ساچلارینی اوینادا اوینادا بیردوگون ایکی دوگون اوچ دوگون ووروب دئییردی سئودیجه ییم دؤز کو دوگونوم آچیلسین؛بو آرادا شکرنوشا گلن ائلچی لرین سایی آردیقجا پناهعلی نین آناسی اوزونتولره معروض قالیردی؛کیمسه سیز پناهعلی بورا اورا جان آتیب بیر ایش گؤرمک ایسته سئیدیده نهایت کی داها گئج اولموشدور؛چونکو بو دونه شکر نوشا گلن ائلچی وارلی کارلی اولدوغو اوچون قیزی اوغلونا آداقلاییب عومور گون یولداشی ائله مه لی اولور؛سونرالار بو اولایی اوزونده سیغیشدیرا بیلمه یین سئوگی یانیغی پناهعلی چول پالازین گؤتوروب کتدن چیخمالی اولور؛و پناهعلی شهره کوچوب حیاتینین سینیق سالخاق گمیسی فیرتانلارا دوشسه ده سونرالار یاشایشلاریندا توخداقلیق اولسادا اودا بیرآییری خانیم قیزینان حیات قورور؛بو سئویب آییری دوشن لرین طالئعی فرقیلی اولسادا عومور گونو باشا ووروب نوه اللرینی توتان واقدا بیر دونه قارشی قارشی یا گلیرلر؛بو آندا پناهعلی اوز باشینا گلن اولایلارا آیدینلیق گتیرنن سونرا ایلک سئودیجه گینه مراجعیت ائله ییرک سورقو وئریرکی من سیز نئجه یاشادین؛شکرنوش یئدی قاتینان آه چکه رک آغارمیش بیرچه گینی الینه آلیب دئییرنه اولاجاق سئومه دیگیم حیاتی............................

+ نوشته شده در جمعه هفدهم آبان ۱۳۹۸ ساعت 18:47 توسط (قلئی چی مورتوض)  | 2 نظر

میز آدامی...................

منن دایی اوغلوم فتح اله بیریئرده بویوب بیرلیگده مکتبه گئدیک؛مکتبی قورتاران نان سونرا ایکیمیزده عایله قوروب تحصیل ایداره سینده(آموزش پرورش) معللیم چیلیگینن مشغول اولدوق؛سونرالار فتح اله اوخولون داوام ائله ییرک اؤنوئرسیته یه گئدیب اورادا تحصیلینی داوام ائلمه گه باشلادی؛گئد گئده من کاتدا ایسلامین و قوچو نیظامین دالینجا سَرت داورانمالاریما گؤره ایداره لری تمیزله مه(پاک سازی)دئییه بیله می ایشدن چیخاردیلار؛کیلفت باسان کیمین علاوه دن قاییدیب کنده مالدارلیغینان مشغول اولدوم؛امما دایی اوغلوم گون به گون باش وظیفه لی شخص اولان کیمین میزآدامی سئچیلدی؛بیر دونه بوگون گئد صاباح گل ایداره لرین بیرینده ایشیم دولاشیق دوشن کیمین دایی نی گؤتوروب فتح اله یا موراجیعه ائله دیم کی ایشیمی آوارسین؛نه ایسه دوگونوم آچیلاماییب اؤز گونده لیک ایشیمه قاییدیم؛بیر نئچه ایل اوستونن سونرا کئچنن سونرا بوینو چپی یه لی دایی اوغلو تعاقوده(بازنشت)چیخیب شالوارینین اوتوسو سینماسین کند ائل تانیشلارینا باش وورمازدی؛تا اینکه تانری سیزه ایروزو ائله سین کئچن گونلرده ایمامین قیرخی دئییه کربلا یولداشی اولدوق؛بیر گئجه زیاراتی قورتاریب دوشرگه یه قاییداندا بیله سینه گلئی گوذار ائله دیگیم کی آی آغا ایداره ده ائل تانیشی شوتا قویمورسان هله هئچ او گونلری دایی می گتیردیم کی منیم ایشیمی آوارسان؛سوزلریمی ائشیدنن سونرا گوله گوله دئدی جانیم میز دالیندا اوتوراندا هئچ دایی نی تانیردیم کی........................

+ نوشته شده در جمعه دهم آبان ۱۳۹۸ ساعت 18:9 توسط (قلئی چی مورتوض)  | 2 نظر

دئییرم سیزینده.............

قالایچی مورتوض دئییردی قارا یولا منی عایله قور ایدیم اورتا مکتبی یئره قویان نان سونرا کورمال فهله کیمین گئجه نی گون اوزه قاتیب ایشله ییرم؛یئنه الیم خمیر قارنیم آج یاشاییریق؛اشی ائو کیرا باهالیغی؛ات؛دوگو؛چورک باهالیغی؛ائو آدمی خان قیزی خؤیلو خانیمین اوز یاغی باهالیغی؛ بی ادبچیلیکدی ساغیر سوغورا ایاق قابی باهالیغی؛والله نه دئییم آخی ضبط آلماق اولمور؛اوگون اوز اوزومه فیکیرله شیردیم اشی مکتب ایللرینده من هر بیر صینیف یولداشیمین گوتونه بارماق ائله میشدیم؛بیری وزیر؛بیری وکیل هئچ اولماسا کندین شوراسی چیخدیلار؛ائله بو فیکیر بئنیمده دولانیردی کی عاغلیما گلن کیمین لاپدان شالواریمی سیرییب باش بارماغیمی گؤتومه سوخدوم کو بلکه اؤزوموزده بیراوغور گتیرسین؛ائله بو ائیس بئسیده حیات یولداشیم اویاننان چیخدی کی اشی نه ایش گورورسن؛یاواججالی چکیب یانیمدا اوتوراداندا آندا وئریب دئدیم بیر کسه دئییب ائله مه آی آرواد منیم بو باش بارماغیم هاممیا اوغورگتیریر اودورکو اوزومه سوخورام کی بلکه یاشایشمیزدا بیر گوشایش اولدو؛قالایچی مورتوض علاوه ائلیردی کی اوچ دورد گونن اوستونن کئچمیشدی بیر گون گؤردوم قونشوموز قیزقاتدار خالا اویرنجی اوغلونو گتیریب کی آی قالایچی قارداش بی ادبچیلیکدی بو اوغلان گوتونه بیر بارماق ائله ییه سیز بلکه جومهور باشقانی اولدو................

+ نوشته شده در جمعه سوم آبان ۱۳۹۸ ساعت 18:44 توسط (قلئی چی مورتوض)  | 2 نظر

بو ساسیق(گند)قانلی......................

شیرازلی سعدی عومرونون چوخ حصصیه نی یولچو(جهانگرد) اولارکن بیر گون یولو یزد کرمان شورلانلیغیندان(کویر)دوشور؛بو دونه سفرینده بیرفارس دیللی کنده اوز گتیریب نئچه گون بیر عایله نین ائوینده قالمالی اولور؛کند جاماهاتی اولاراق قوناغین گوروشونه گلنلرین ایچینده بیر گنج اوغلان سعدی یه یاخینلاشیب دئییر؛ من سنین قالدیغین ائوین قیزینی ایسته ییرم؛ ایاق ایره لی قویوب منیم ایچین ائلچی لیک ائله یه 0سن؛قوناقلاری داغیلاننان سونرا سعدی موضونو قیزین آتاسینان اورتایا قویاندا ائو صاحابی جاوابیندا دئییر؛ منیم قیزیم اوزومنن بویلودور(حامله)اوشاغی اولسون سوندان وئررم؛ هه نه دئییردیم صاندیقلار ائله باشیمی قاتیبلار کی چاش باش وورورام هاااااااااااااااااااا بیلدیگینیز کیمین بیزیم بو ترس آوا کند جاماهاتی خایین ائله مه مزدیرلر؛ یالان دانیشمازدیرلار؛اوزگه نامیسیندا و مالیندا گوزلری اولمازدی؛بیر کیمسه نین سوزونون دانیشمازدیرلار؛اوغورلوق ائله مز دیرلر؛قادین قیزلاری آبیرلی شرفلی دولانماقلارینا بیر کیشی اونلارا شور گؤزلوک ائله ییب باخمازدی؛ امما چرخی دونن کیمین نئچه ایل قاباق زیرپی ژِن دئییه بیر فارس سؤیلو قیز بو کنده گلین گلیب عایله قورمالی اولور؛بئش اؤن ایل اوستونن کئچیب قانی قانیمیزا قاریشان نان سونرا؛ ترس آوا کند کیشی لری شور گؤز؛تپرلی اوغوللاری قیرتسیز؛قادینلاری یالانچی؛قیز و گلین لرینده قهبه خانالاردان باش چیخاردیرلار؛دئییرم گوره سن.........................

+ نوشته شده در جمعه بیست و ششم مهر ۱۳۹۸ ساعت 19:43 توسط (قلئی چی مورتوض)  | 2 نظر

نئچه قارا بوروقلاردان.........

آخشام ایش دن گلنده؛تنگه میزین دلی قانلی گنج قیزلارینین ییغیشیب شادیانه لیک ائله مکلری دیققتیمی چکرکن تعجوبله نرک ایچری گئچدیم؛ گئجه نین بیر یاریسینا قدر بو چال چاغیر داوام ائله ییب های کوی کسیلنده لاپدان سون بئشیک اویرنجی قیزیم دوداق گولوشلرینن قاپینی آچیب سانکی بیر بویوک نایلییتدن سوز آچماق ایسته ییردی؛من الیمده کی کیتابی اوستولون اوستونه قویوب ندن بئله سئوینجک اولماغینی سوروشاندا دئدی آی آتا قیرخ ایل مقدس ایسلام اینقیلابیندان گئچندن سونرا اوزگولوک آدینان بوگونلری ایدمان توپ یغیناجاغینا (ورزشگاه)گئدیب یاخیندان فوتبول اویونونو گؤرمه گه نایل اولدوق؛ بو سوزو ائشیدنده گوی قیزین گونشلی آلاولاری کوکسومه اوتورارکن بیر احوالات یادیما دوشدو؛ بیز ترس آوا کندینن چیخاندا سوروجولره تهلوکه یارادان قارا بوروق آدلی بیر دونوم واریدی؛اوزون ایللر شهرده یاشاماغیمیزا باخمایاراق بو ایللری محرم گونلری دئییه کنده اوز توتاندا قارا بوروق دونومونون گئنیش یول اولدوغونو گوروب یاشید تای کتدلریمیز بیرینده سوروشاندا کی نه عجب بئله دوزلدمیسیز؛یازیق کیشی اوزوله اوزوله دئدی بو قارا بوروغون گئنیشلنمه سی یئدی هم یئرلیمیزین قان باهاسینا قورتاریبدیر............ _______________________________________________________________________________________ سحر خدایاری(گوی قیزی) نین گونشلی آلاولارینا..........................

+ نوشته شده در شنبه بیستم مهر ۱۳۹۸ ساعت 12:15 توسط (قلئی چی مورتوض)  | 2 نظر

دئدیم آخی.................

پوهروز قاغامین شالوارینین آغی کیمین ایاق قابیم جیریلیب باش بارماغیم چوله چیخمیشدی؛بیرگون دورزاق بارماغیمی قاینیم اسداغا گوسته ریب دئدیم اشی من سیزین آبیریز دئییلم گورمورسن عورتیم ووروب چوله؛بو قضیه نین اوستونن اوچ دؤرد گون کئچنن سونرا بیر گون سیخ سانجاق کئش یوخ یوخ باغیشلایین چاشدیم قایغی کئش قایینیم بیر جوت تپ تزه خوروم باشماغی گتیررک تور سوزو ایاغیما کئچیردیب دوراندا ایکی الینن شالوارینی یوخاری چکه چکه دئدی هن نئجه دیر؛منده اَییلیب باخاندا باشیمنان هه یاخشی دیر دئییه گونده لیک ایشیمیزین دالینجا گئتدیک؛قضا باشیمی قاتان کیمین بیر گون مچیده ایاق قابیلارین دابانین یاتیردیب دستاماز آلاندا بیر کل پئیسر گنج منه یاخینلاشاناراق سول ایاغیمنان یاپیشدی کی تئز اول ایاق قابیلاری چیخارت؛بیر قیچلی سورویوب بیله می مچیدین حه یه تینه سالاندا جاماهات دوره میزی آلدی؛جانیمین شرعینن ایاق یالین دال کوچه لرینن ائوه گلنده قوروم قونشو بیله می گؤروب ندن بئله اولدوغومو سوروشاندا دئدیم گؤرموروسوز جاماهات ایاق یالین باش آچیق ایمامین قیرخی گونوکربلایا گئتمک ایسته ییر منده مشق ائله ییرمدا؛بیر نئچه گون اوستونن کئچندن سونرا یئنی دن بیر گون اینظیباطی مامور بیله می یاخالاییب پولیس بولمه سینه گتیرنده بللی اولدوکو باشماق اییه سی نیظام آدامی اولدوغو چین بیله می محکمه وئرمک ایسته ییر؛پولیس بولمه سینده منی دیندیرنلر بئله ایضاح وئردیلر کی سن قالایچی مورتوض ایسلامی اولکه ایقتیصادیاتیندا انگل توره درک صندوق قرض و البو سنه دن توتموش ارزی و بازنیشسته لرقدر بوشالدیبسان هله هئچ موعتبرشیخ آغانین ایاق قابلارینی دا اوغورلاییب امریکئینن ال بیر اولماق ایسته ییرسن؛بئله لیک منی پولوس بولمه سینن بیر باشا تورمه یه گوندریب ایاق قابیلارین اوستونده تحقیقات ایشلری آپارماغا باشلادیلار؛بیر نئچه واقت قاینیم اسد اغانین شوتونا حبس جزاسی چکندن سونرا نهایت بیر گون محکمه طرفینن گلیب بیله می چیخارداراق طیییییی بوش صاندیقلاری بوینوما سالیب شهری دولاندیراندا........................

+ نوشته شده در شنبه سیزدهم مهر ۱۳۹۸ ساعت 7:46 توسط (قلئی چی مورتوض)  | 2 نظر

سورو................

گونش ایلینن دئسک 1344نجی ایل ایراده لرینده ارده بیللی ایوب سپاه دانش آدینان الموت بولگه سی نین قازارخان کندینه یوللانیلیب کی کند آراسی یئنی یئتمه اوشاقلارا یازی پوزو اورگدسین؛دویلت طرفینن حیمایه اولونان گنج اوغلان گئد گئده ایشلرینی یولا سالیب کند اوشاقلارینی مکتبه توپلایاندا اونلارین ایچینده سورو آدلی بیر قیز اوشاغی اونون دیققت مرکزینده قالیر؛ایوب بوش واقتلارینی دولدورماق اوچون سورونو سئویرم دئییه بو آر باخیشلی قیزا یالان وئریب دوغرو آلا بیلیر؛امما نه یازیق کی ایوبون وئردیگی سئوگی مئسازی صونعی اولسادا سورو اوز کونلونده اونا خصوصو یئر آیریب اوغلانین ساختا باخیشلارینا آللانیر؛سپاه دانیشین واقدی قورتاریب قازارخان کندینی ترک ائله ینده علاوه دن سورو یا سوز وئریر کی یولوم گؤزله کی گلیب سنی آپارمالی اولاجاغام؛ایللر آیلار گؤزو یولدا اولان قیزجیقاز ایوبون گئجیکمه گینی گؤرنده علاوه دن سئوگی آلوو اوره گینده پوهره وئریب عشق وورقونو کیمین باشینا هاوا گلیر؛کند یئرینده ارلیک قیز اوشاغی آنلاشیلماز دورومونان اوزله شنده عایله سی دوست دوشمان قیناغینا قالیر؛سورونون یاخین ائل طایفاسی دونه دونه اونون آتاسینا موراجعیت ائله ییب بو روسوایلیغی آرادان قالدیرماغینی طلب ائله ییرلر؛سئوگی پاینان ضای عایله باشجیسی چاراسیزلیقدان کند آراسی بیر اوغلان تاپیب گوجونن سورونو اره وئرمک ایسته ییر؛عشق ووروقونو سورونون گؤز یاشلارینان بو ایش باش توتوب یئدی گون یئدی گئجه تویو توتولسادا گردک اوتاغینا گیرمه دن اؤنجه یوخ سوزومنن دونمه رم دئییه بوقچاسینی گؤتوروب گئجه قارانلیغی کتدن چیخمالی اولور؛سئوگی تورونا ایلیشن باشی دوواقلی گلین اوزونو بیلمه دن گیلانین چارپاز مئشه لرینه ووروب یئره توکولموش یئر یئمیش دن قیدالاناراق بیر نئچه آیدان سونرا چوخلو عذاب اذیتینن اردبیل شهرینه گلیر؛و بو شهرین قار بورانلی کوچه لرینه باخمایاراق ایاق یالین باش آچیق اوز ایتیگینین دالینجا آختارماغا باشلاییر؛نهایت اوچ دورد ایل گزیشندن سونرا ایوبون ائولی اولدوغو بیلیب داها اوره گینده کی آلوو ولقان پوسکوره یینه دونور؛گونلرین بیرینده سورو ایلک عشقینین اولدوغو مکتبی تاپیب اورایا یوللاناندا ایوب مکتب اوشاقلارینا امر وئریر کی اونو داشلایاراق اولدوغو یئردن اوزاقلاشدیرسینلار؛اودورکو ایللر بویو سورو داشقا گؤتوروب ائولره نئفت داشیماق آدینان هرگون اوزاق دان اوزاغا گلیب یول اوسته دایانیرکی بلکه بیر دونه ده.................

+ نوشته شده در جمعه پنجم مهر ۱۳۹۸ ساعت 18:47 توسط (قلئی چی مورتوض)  | یک نظر

بونلارکی..................

آتام سیخلیقدان قاچام کیمین اوزونه قاپانیب باجاردیغی قدر ایجتیماعیتدن اوزاق یاشاماق ایسته ییردی؛و بیر آز عصب خسته لیگینن اذییت چکدیگینه گوره یاخین ائل طایفانین خئییر شریننده باش قاچیردی؛ امما نه دئمک کی هر ایل اولدوغو کیمین بو ایلده محله میزده محرم عزا گونلری باشلاناندان اورتا یاش کیشی ائودن ائشیگه چیخماییب باغلی قاپیلار آرخاسیندا کیتاب زاد اوخوماغینان باشینی قال ائله ییردی؛گون آشیری دئشره دن(چول) ائوه گلن کیمسه تنگه باجاداکی باش وئرن جاماهات سیخلیقدان سوز آچاندا قولاقلارینا توتوب نسه اؤز دینج اوقاتینا یاس بویاغی قاتماق ایسته میردی؛بیز اوشاق اولاراق قارداشلیغان شیللاق آتیب محرمین ایلک گونلریندن آخشاملار قورولان سینه کیشان (زنجیر)ووران دسته لرینه قوشولاندا آتامدا بئکار قالماسین مشروطه حرکاتینین لیدرینن اولان تبریزلی ثقته الاسلام حاققیندا یازیلمیش بیرکتابی گؤتوروب اوخوماغا باشلامیشدیر؛محرمین سون گونلری دئییه قتیل آخشامی من قارداشلاریملا بیرگه گئجه یاریسی مچیدن ائوه اوز توتاندا گؤردوم آتام عصیله شن کیمین اوخودوغو کتابی ماسا اوستونه چیرپیب سیگارئتین آلیشیدیران دا اوز اوزونه دئییر؛ بو یاتان میللتین طالئعی ؛بو یاتان میللتین طائعی بیر آندا آلیشقانی آچیب کوچه میزدن کئچن شام غریبان دسته سینی گؤرنده چاغردیم کی آتا..................____________________________________________________________________________________ 1290نجی گونش ایلی دئییه قتیل گونونده روس ساللاتلاری تبریزین مشق میدانیندا مشروطه حرکاتینین لیدرلرینن اولان(ثقته الاسلام)(شیخ سلیم)ضیاالعما)(آغامحمد ایبراهیم)(ضیاالملک)(حسن و قدیر)قارداشلارینی دارا چکنده تبریزین جاماهاتی عزا دسته لری قوروب کیمه آغلادیق لاری نسه..........................

+ نوشته شده در جمعه بیست و دوم شهریور ۱۳۹۸ ساعت 20:56 توسط (قلئی چی مورتوض)  | یک نظر

دوش یئرینه...........

اوجورکو بیلیرسیز آهیل آق ساققال بابیش دایی اوزون ایللر ترس آوا کندینده دسته باشیلیق ائله ییردی؛و بو سسی گور کیشی محرم گونلری نبه نی قیزیشدیراراق ماخلوغو باشینا ییغییب حسینیم وای حسینیم وای دئییه دئییه عزانی گونلرینی باشدان سالاردی؛الله اجیر وئرسین دئییه یئنی قاما وورانلارین باشینی چیرتیب اوشاغی اولمایان زننلرین ایشینی آواراندان بئله ثاوابینی اولنلرینین گؤرونا حواله ائله ردی؛امما نه یازیق کی بو ایمام حسین نوکری یئدی سکگیز آی قاباقدان بئیین آنفاکت عرفه سیندن بدنی نین یاریم حیصصه سی یارارسیز(فلج) حالا دوشوب یول گئدنده چتینلیک چکیر؛بو ایلده ترس آوا کندینین قایدا قانونا گوره محرمین اوچونجو گونو دسته چیخاردیب تاپدا باش ایمامزاداسینا یوللاناندا بابیش دایی دا اجیردن دالا قالماسین قیچی نی چکه چکه دوشوب دسته نین دالینجاگلیر؛یول اوزونو عرشه خوان جاماهاتا دوش ووردوروب حسینیم وای سسی قوزاناندا بیر اوندا گؤردوم بابیش دایی..................

+ نوشته شده در جمعه پانزدهم شهریور ۱۳۹۸ ساعت 20:28 توسط (قلئی چی مورتوض)  | یک نظر

قیرمیزی دسمالی..................

گول اوغلان دئییردی اوزون ایللر عایله ده گومراه یاشاسایدیقدا هئچ عاغلیمیزا گلمزدی کی داغ دؤزوملو آتام خسته له نیب آرخاسی یئره گلسین؛چونکو آتا اوجاغیندا یئدی اوشاق اولاراق هاممیمیزین اینانج یئرینه دونوب قم قادا بیله میزی توتاندا اونونلا پایلاشیردی؛و بیزیم عایله ده آتا آنا موناسیبتی ائل طایفا ایچینده دیللر ازبری اولوب سئویب سئویلمک بو جوتلوگون پایینا دوشمودور؛هر حالدا تانریدان سکسن ایل عومور آلان آتام عومرونده حکیمه گئتمه دن ساغلام یاشامیشدیر؛امما نه دئمک کی سون آیلار خسته له نیب حکیملرین آنالیزی آلتیندا دوشنده بللی اولدو کو آغیر خرچنگ خسته لیگینن اذییت چکیر؛و من عایله ده بویوگ اوشاق اولاراق بیله سینی گؤتوروب باشکند خسته خانالارینین بیرینده یاتیرداراق اوستونده عملیات آپاریلاندا یوخاریدا الله آشاغیدا حکیم لره اومود باغلادیق کی بلکه ساغلامیلیغینی اله گتیرسین؛و من بو ایشده نه قدر قاچا قاچ ائله سمده آتام گوندن گونه سویوق اوکیان بوزو کیمین ارییب های هایینان اوز ایچینه توکولوردو؛تئز تئز رایوندان توکولوب یانینا گلن باجی قارداشلاریمی ائو ائشیکلرینه گوندریب یانیندا قالماغی اوزومه بورج بیلیردیم؛گون آشیری حالی خاراب اولاندا گؤز یاشلاریمنان حکیملری باشی اوستونه گتیرسئیدیم ده گلن کیمسه لربیر بیرلرینین اوزونه باخیب اولدوغوموز اوتاغی ترک ائدیردیرلر؛کئچن سون گونلر اجلینن قاباق قارشی گله رک دانیشماق قابلییتینی ایتیریب اوره گینده اولان سوزلرینی ده آچیق آیدین دئییه بیلمیردی؛بیرگئجه خسته خانانین چیراغلاری سوندورولوب باشیمی یاتدیغی تاختینا دایایاندا گؤردوم نسه دئمک ایسته ییر؛الینی الیمین ایچینده آلاندا ایشاره ینن منه آندیردی آرخالیغیمی گتیر؛باشی یانیندا اولان آسلاق دان آرخالینی بیله سینه وئرنده اللری اسه اسه قولتوق جیبیندن بیر قیرمیزی جیب دسمال چیخاریب منیم الیمین ایچینده قویاندا سون باخیشی اولاراق گؤزلرینی یوموب منیم آتاسیز قالماغیما راضیلیق وئردی؛بو آجی اولایی ائشیدن ائل طایفا توکوب باش کنده گلنده آتانین نفسیز جانینی گؤتوروب رایونا اوز توتمالی اولدوق؛دفن مراسیمنن سونرا خش خئیرات سیفراسی آچیلیب اوچ گئجه گون اوز گلن قوناغین قاباغینا چیخاراق بوینوموزدا اولان حاققی اوده مه لی اولدوق؛نئچه واقدان سونرا آتامین منه وئردیگی دسمالی آناما گوسته رنده اونو الیمنن آلیب ایی له ییرک گؤزلرینه باسیب آغلایاندا بیلدیم....................

+ نوشته شده در جمعه هشتم شهریور ۱۳۹۸ ساعت 20:18 توسط (قلئی چی مورتوض)  | 2 نظر

بو خالتالی کوپک.................

او گونلری دده ددلیگیم شیخ آغا بیله می ایسته ییرکن امیر وئردی کی اورت باسدیربولگه سی نین بویوک باشلاریندان ساییلان قادینلارین دوداق یاخما تاجری حاجی ایسگندری؛خاریجه دن کیشی لره دورقوزاق درمانی ایتخال ائله یین دوکتور جئرینی؛سیغه خانالار باش ناظیری اوستاد دفترینی؛ترسآوا شرا باشجیسی کربلایی نوغدونو؛ گؤتوروب موقدس قو شهرینه گئتمه لی اولاجاییق؛منده ائل طایفامیزین فخری ساییلان شیخ آغانین امرینی یئرینه یئتریب قارا شوشه لی ماشینی خوتدایاراق صوب آذان الله هکبرده یولا دوشدوک؛یول قیراغی بویوک یئمک خانالارین بیری دئییه ماشینی قیراغا ووراندا یئمکدن اونجه ناهار نامازینا دوشه نیب دده ددلیگیمیم دالیندا دور دونمال ائلییه ائلییه ساغ سالاماتلیغینا دوعالار ائله دیک؛دده ددلیگیم نه ایسه یول اوزونو اولکه داخیلی بویوک باشلارین بوغوشملاریندا دانیشیب آچیقلامالار وئریردی؛نهایت مقصده چاتیب گئجه نی باشدان سووان کیمین صاباحلاری طیییییییی حوزه علمیه دئییه یئکه باش شیخ آغالارین قورولتایی باش توتوب بیزده او توپلوما قاتیلدیق؛اصلی موضوع باشلانمامیشدان اونجه ایرحیم ازغدی آدیندا بیر قارا یاخا ترینبونا آرخاسینا کئچیب حوزه نی ماللانی تنقید آلتینا آلاراق گرگینلیک یارانیب گلن شیخ آغالار بیربیرلرینین اوزونه باخا باخا صحنه نی ترک ائله دیلر؛بیزده کور پئشمان یولوموزو توتوب اورت باسدیرا قاییداندا یول اوزونو بو ایشه مات قالان کیمین بیر آندا دوکتور جئری اوزونو شیخ آغایا توتوب سووال وئردی کی ایچریده نه هایدی؛شیخ آغا یولداش لارینان صوحبته قیزیشاندا ماشینی سوره سوره منیم یادیما بیر حیکایه دوشدو؛ سابیق کندین داوارینا گئدنده بیرگون قونشو اوبا چوبانینان قاباق قارشی گلیب ایختیلاسچیلارین یوخ یوخ باغیشلایین چاشدیم قوردلارین سورویه گؤز وئریب ایشیق وئرمه مه گیندن دیالوگ آپاریب ها بئله قونوشاندا اوزونو منه دئدی بیر قوردا گئدن کوپک تاپسایدیم آلاردیم؛ قارشیدا کی خالتالی کوپه گی بیله سینه گوسته رنده دئدی آی قالایچی مورتوض بو شوقریبه قالمیش ناواقدیر قوردا زادا گتمیر هله هئچ یئری گلنده اوزموزوده قاپیر؛سوزوموز اوزانیب ایت بازارینین تحریماتا معروض قالماغیندان دانیشاندا لاپدان الین چالیب الینه دئدی........................

+ نوشته شده در جمعه یکم شهریور ۱۳۹۸ ساعت 21:16 توسط (قلئی چی مورتوض)  | یک نظر

شرف هیکلی.....................

 آغاجان سیاه مزگی کند باشیجسی کاتدا ناغی نین چوغوللوق عرفه سینده فومن وایرشت مولکه داری ایاق ایره لی قویوب عایله لی گنجی ساختا قارا یاخمالاری ایلا دویلت مامورونا توتدوروب ایرشت زیندانینا گوندرمه لی اولور؛ ائله مه دیگی گوناهلارین جزاسینی چکن آغاجان ایرضاشاهین اوروشوت خور مامورلاری طرفینن گونده لیک آغیر قیسناقلارا معروض قالیر؛بیر ایکی ایل ایرشت زیندانیندا آسیلی قالماغینا باخمایاراق نهایت خالقین بو آچیق فیکیرلی اوغلونو بولگه دن اوزاقلاشدیرماقیچین تهرانین قصر زیندانینا گونده لریب مولکه دارینان دویلت وظیفه لی شخصلرینین الی بیر کاسادا اولدوغویچین بیله سینی ایگیرمی ایللیک آزادلیق دان محروم ائتمک قرارینی وئریرلر؛ساوادسیز کتدلی بالاسی آغاجان گئدگئده آدام اولدورن محبوسلارین آراسیندا باش چیخاریب قازاماتچی مامورلارین یانیندا اعتبار قازانماغینا باخمایاراق اوز هم بندلرینین یانینداداحورمت له قاریشلانیر؛بئش آلتی ایلین ایچینده عایله سینه یازدیقلاری مکتوبلارا جاواب آلا بیلمه یین آقاجان بئله دوشونورکو حیات یولداشی سمیه ده اولدورولوبدور؛امما بیر گون ناهارا یوخون زیندان مامورو یئنی بیری محبوسون الینی توتوب آغاجانا موراجعیت ائله ینده دئییر؛بودا سیزین بولگه دن دندیر بیله سینه تاخت وئره سن؛آغاجان مامورو یولا سالیب قاییدان کیمین اؤز باجیسی اری اولان کاتدا ناغی اوغلو حبیب اله نی یانینا آلیب آدام اولدورمه گینی دوشننده قایین یئزنه بیرلیکده حبس جزا گونلرینی چکمه لی اولورلار؛هر بئش آلتی آیدان بیر حبیبین آتاسی گلیب اوغلونا باش ووراندا آغاجانین زینداندا اله گتیردیگی دورومونو باشا دوشوب و اوغلوننان حمایه ائله مه گینی ده حورمت قارشیلاییر؛حبیب اله اوچ دورد ایل حبس جزاسینی چکمه گینه باخمایاراق نهایت نهایت بولگه مولکه دارینین ایسته گینه گؤره اوله نین آدام نفری وریندن باغیشلانیر؛و اؤز عایله سینه اوز توتاندا هم یئرلیسی نین اونا دوغرو قایغی کئشی لیگلریندن تشککور ائله ییب یولا دوشنده آغاجان حبیب الاهینان قوجاقلاشیب آییریلاندا دئییر جان سنین جان منیم عایله م آماناتی؛هر حالدا حبیب اله سیاهمزگی کندینه قاییدیب اؤز گونده لیک حیاتینا داوام ائله ییرکن نئچه ایلدن سونرا آتاسی کاتدا ناغی اولوب اوغلو مولکه دار وریندن آتاسینین یئرینه کند باشجیسی سئچیلیر؛آغاجانین زیندانداکی دورومو بولگه مولکه دارینی قیجیقلاندیران کیمین حبیب اله ها تاپشیریق وئریرکی آغاجانین یئنی یئتمه سردار اوغلونو آرادان گؤتوروب حیات یولداشی سمیه نی ده اؤز نیکاحینا سالسین؛حبیب اله ذاتی قیریق اینسان کیمین آغاجانین اونا دوغرو ائله دیگی قایغی کئش لیکلرین اونودوب کند آراسی اؤز قایینین آرواد اوشاغینا دولاشماغا باشلاییر؛اون اوچ ایل حیات یولداشینین یولونو گؤزله یین کیمسه سیزسمیه تکجه اوغلونون گله جه گینه اومود باغلاییر؛و ائولرده ایشله مه گینن گؤزونو گئدر گلمزیوللارا تیکسه ده بو دونه حبیب اله اونون آبیر عیصمتینی لکه لندیرمک ایسته ییر؛و دونه دونه حبیب اله سمیه خانیما موراجعیت ائله ییب دئییر؛آغاجانا دویلت عدلیه طرفینن اولوم حوکم جزاسی تایین اولونارکن اولدوروبدور؛و گونده گونه یازیق قادینی قیسناغا قویان کیمین اوغلو سرداری دا هده له مه گه باشلاییر؛بئله بیر سَرت دورومو گؤرن قادین اولومو شرفسیزلیگینن یاشاماغا ال وئرشلی گؤروب حبیب اله حربه زوربانینان اونون یاتاغینا گیرنده جانینا قصد ائله ییب گیرنده؛ اؤز قوردوم ایلقارا صادیقم دئییه حیاتینا سون قویارکن اوزوندن یئنی بیر...........................____________________________________________________________________________________ *خان چوبانین ساراسی-فدایی لیغین سرییه سی-عاصیمین سوروسو-آغاجانین سمیه سی-آذاربایجان خالقی نین اینسانلغیا بخش ائله دیگی شرف سیمکه لری سایلیرلار

+ نوشته شده در جمعه بیست و پنجم مرداد ۱۳۹۸ ساعت 20:37 توسط (قلئی چی مورتوض)  | 2 نظر

مملکت دوزه لر؟......................

بئش اون گونودو ائوین ارکویونو قالایچی مورتوض قان قالاغی قاریشان کیمین کورپه چپیشلرین قولاغین دیشله ییب یئری گلنده سوپا قویروغو قوپاردیردی؛اوزونن آجیق ائله یین کیمین عایله عوضولرینن اوزاق گزیب مچید دووارینا ایشیردی؛او گونلری بو زاوالچانین ندن شک شککه لی اولدوغونو اوشاقلارین بیریندن سوروشاندا گولومسه ییب دئدی نه اولاجاق ددئینن ننه نی آلت اوست گؤروب؛بو ایشین اوستونن بیرنئچه واقت کئچندن سونرا تانری سیزه ایروزو ائله سین یاشلی دده ننه نی آفتابوسا قویوب خوراسانا یولا سالدیق؛بو یاندان فاطما باجیم زووالارین دالینجا نذیری آشی پیشیریب اوشاق لاری چاغیرمیشدی؛ گلن لر یئییب ایچندن سونرا لاپدان قاش قاباقلی قالایچی اوزونو پوهروزه توتوب دئدی آی قاغا سن منی باشا سال گوروم ننه دده مین نه ییدیر؛جاماهات قالایچی نین وئردیگی سورقودان چاش باش قالاندا او طرفدن هاماش باجی اوغلو قوزاندی کی نه یی اولاجاق ننه دده نین نامیس دیر؛ سوز قورتاران کیمین مورتوض سسین آلدی باشیناکی نامیس دیر نامیس دیر؛اشی آدامدا نامیسی نی ....................... قاپی آغزیندان پوهروز اوغلو حوسنی علی سوز آراسینا گیرنده اوزونو آتاسینا توتاراق دئدی اوندااااااااا ننه بیزیم ده نامیسیمزدیر؛ فاطما باجیمین یئتیمچه سینه سوز آغیر گلن کیمین اویاندان خوروزلاناراق دوردو ایاغا کی بس اوندااااااااااااااا دده بیزیمده نامیسیمیزی................ ایسلامی میللی مجلیس کیمین آرا قاریشیب پرونده مصلحت نیظاما گئتمه سین دئییه یوخاری باشدان دلی قانلی کوره که نیمیز مئشه خودو موباحیثه لره قانیشاندا وورقولادی کی بئله اولسا میللی پولون یوخ یوخ باغیشلایین چاشدیم دده نین صیفیرلرینی قیرتمالییق؛ اوشاقلارین بیر نئچه سی سون قراردان ایسلام اولکه سینده عدالتسیز ایش اولماز دئییه بیر بیرلرینن ال اله قالخدیلار؛ لاپدان فاطما باجیم آرانی تهلوکه لی گؤرنده منه یاخینلاشیب نسه قولاغیما دئیینده اوزومو وئردیم قاباغا کی جانیم دده نین بیر صیفیرینی قیرتساق.....................

+ نوشته شده در جمعه هجدهم مرداد ۱۳۹۸ ساعت 20:38 توسط (قلئی چی مورتوض)  | یک نظر

قاپی آغزی..............

قارا یولا گوی یولا کندیمیزین باشی یئکه شیخ آغاسی امیر وئریب تنگه باجانی سولایین نه وار نه وارکی موعتبر جومهور باشقانی یئنی دوزلدیگیمیز نهی از مونکور ایداره سینین آچیلیش مراسمینه گلیر؛الن نئچه گوندو ترس آوالیلار اکینجه ک ایشلرین بوشلاییب قاپی باجانی سیل سوپور ائله ییرلر؛ خالام اری ایسگندر پرده لر یازیدیریب قالاقلارا یاپیشدیرا باپیشدیرا گلمه میش قوناق قاباغینا چیخماق ایسته ییر؛ قدرت کندین زننلرین باشینا ییغیب مچید دوشه نه گینن هیس توزون آلدیریر؛ بایتارلیق ایداره سینین ایرئیسی دوکتور جئری مال قارانی طویله ده ساخلایین دئییه تنگه باجانی نیظارتی آلتیندا ساخلاییر؛ کل اوغلان کسن اوکوزو قاغام کربلایی پوهروز دورد قولاقلی ایدیشه(قازان)توکوب یئمک پیشیرمک ایسته ییر؛ خداشوکور قوتوسونا کوز توکوب قوناغین قاباغیندا اوزریک توولاماق ایسته ییر؛ قایینیم اسد آغا دال اوتاغا چکیلیب مانقال بافیرنظارتچیسی تایینات اولونوب؛ دای جانیم سنین ایچین دئسین میرچیل خالا خوروزلارین بی ادبچیلیکدی گؤتلرینه یاغ سوروتودو کو واقتسیز بانلاماسینلار؛ قوچو نیظام باشینین دسته سین ییغیب شعار وئرمکلرینه اوزره مشق لری کئچیریر؛ قالایچی مورتوض کند ایتلرینی باشینا ییغیب هارا آپاراجاغینا یئر آخداریر؛ هاماش باجی اوغلو بنز مینی بوسونو بزه ییب کندین باش بیلن شورالارینی آییرا پورتا(فرودگاه) آپارماق ایسته ییر؛ هفته سونو شیخ آغامیز علاوه دن جاماهاتی مچیده ییغارکن جومهور باشقانین اولکه داخیلی آپاردیغی ال وئریشلی سیاستلرینن دانیشیب دونه دونه تاپیشیریق وئرنده کی آی جاماهات گؤزتله یین بیرینین اولاغی یئرسیز آنقیرماسین؛ بیر به بیر شیخ آغامیزین تاپیشیریقلار صالاواتینان تصدیقله یین جاماهات دوعا سانا ائله یه ائله یه داغیلاندا؛ قاپی آغزی بیر حیکایه یادیما دوشدو؛ کئچمیش ده اوچ دورد قیسیر قادین چای قیراغی تومانلارین چیخاریب بیربیرلرینه سورتوشه سورتوشه خالچالارینی یوماق ایسته ینده لاپدان بیر کیشی قانشارا چیخیب بونلارا دوغرو گلنده قادینلار گلن کیشی خایلاغینی گوررکن اللرینی قاسیق ناحیه لرینه قویوب کیم اولدوغونو باشا دوشنده علاوه دن دوروب ایشلرینه داواب ائله ییرلر؛ کیشی بیله لرینه چاتاندا اونلاری بیری اوزونو یولداشلارینا توتوب گوله گوله دئییر آی قیز کیشی دئییل ایییییییییییییی اوروف دایی دیر.......................... ____________________________________________________________________________________ اورحانی یوخ یوخ باغیشلایین چاشدیم اوروف دایی کئچمیش ده ترس آوا کند ساکینلی کیشی لیگیدن ضای بیر کیمسه نین آدی اولوب؛

+ نوشته شده در شنبه دوازدهم مرداد ۱۳۹۸ ساعت 14:34 توسط (قلئی چی مورتوض)  | 2 نظر

کوپک آردینجا.................

او گونلری اوشاقلار قولتوغوما گیریب استراحت گونو دئییه شهرین دنیزی کاناری پارکیندا گئجه کئچیردنده بیزدن ایراق دا بیر عایله چادیر قوروب اوتورموشدورلار؛ بو عایله ده بیر توکو اوزون باهالی کوپک نوه لرین دیقتینی چکنده بیله سینن اویناییب سئوینج لرینه سبب اولوردو؛اوشاقلارین بیری کوپگی تومارلایا تومارلایا منه ساری گتیرنده بوینون قوجاقلاییب گوله گوله نسه آتا آتا دئیینده ...................                                                                                                           بو اولای دان مورگوله نیب اوشاقلیق چاغلاریما قاییدارکن بیر اولونموش حکایه یادیما دوشدو؛ دوغولدوغوم عایله کند یاشامیندا کوکلو قایناقلی اولدوق لارینا باغ باغاتدان علاوه هممشه قاپیمیزدا ایکی یوزه یاخین خیردا باش حیوان اولاردی؛و من گوزومو آچاندان بو سورونون یانیندا چارخئی آدلی بیر نر کوپگیمیز واریدی؛و بو دیلسیز آغیزسیز حیوان اوزون ایللر بیر قاپی قوللووچوسو کیمین ایذین سیز سینیریمیزا گیرن کس لره هوروب و ائویمیزه اوز توتان دوست تانیشا قویروق بولاردی؛ بیرنو توفنگلی آتام چول باییرا گئدنده چارخئی اونو گؤزدن قویمادان بیر گؤزتچی کیمین ساق سولونا کئچردی؛آتام بیر باجاریقلی اووچو کیمین بئکار واقتلارینی یال یاماج اوز توتارکن کوپک اوندان قاباق سال قایالارا نفس سالیب اووون اولوب اولماماغیندان خبر گتیرردی؛و آتامین هر آچدیغی گولله ینن شیغاییب یخیلان اووو توتاردی؛سون ایللر قیشین گیره جه گینده بیر گون آتام چارحئی گؤتوروب علاوه دن اوولاغا چیخارکن بیر کئچیدینده پوسقو قوراندا ندنسه اؤزوآچدیغی گولله نین زاوالینا گلیب قیش ناحیه سینده آغیر یارالانیر؛آتامین اولوم دیریم آنلارینی دویان کوپک بو صحنه نی گؤرن کیمین کوهلن ایاغینان کنده دوغرو قاچیب بو حادیثه نی عایله عضولرینه یئتیریر؛ دوست تانیش کوپه گین های کویون ائشیدرک آردینجا توکولوب مقصده دوغرو گئدنده گؤرورلر کی اوزون ایللرین اووچو بو دونه وورولوبدور؛و باشینین اوستونه چاتیب یاراسینی باغلایان کیمسه نین گؤز قارشیسیندا سون نفس لرینی آلاراق آرتیق قانی گئتمه دن ییخیلدیغی یئرده جان تاپشیریر......................

+ نوشته شده در شنبه پنجم مرداد ۱۳۹۸ ساعت 12:42 توسط (قلئی چی مورتوض)  | 2 نظر

صالاوات.............

قالایچی مورتوض عسکرلیگین قورتاریب آفتابوسونان سرچم اردبیل یوخ یوخ باغیشلایین چاشدیم شعوبیه یولوینان عایله سینه اوز توتاندا؛ ترس آوا کند جاماهاتی خبری ائشیدن کیمین یول قیراغینا ییغیشاراق اولده آناسی بیله سینه زنگ آچیب یاخاسینا دویه دویه دئییر ننون قوربان هارداسان؛ قالایچی او طرف دن دئییرکی ایمام علی ده

ایکینجی دونه خالاسی زنگ آچاندا

دئییر ایمام حسن ده

اوچونجو دونه خالاسی اری زنگ آچاندا

دئییر ایمام حسین ده

دوردونجو دونه باجیسی زنگ آچاندا

دئییر ایمام سجاددا

بئشینجی دونه باجیسی اری زنگ آچاندا

دئییر ایمام باقیرده

آلتینجی دونه بی بی سی زنگ آچاندا

دئییر ایمام صادیق ده

یئدینجی دونه عمی سی زنگ آچاندا

دئییر موسی کاظیم ده

سکگیزینجی دونه عمی سی آروادی زنگ آچاندا

دئییر ایمام ایرضادا

دوققوزونجو دونه گله جک قایین آناسی زنگ آچاندا

دئییر دئییر محمد تاغی دا

اونونجو دونه دایی سی زنگ آچاندا

دئییر علی الناغی دا

اون بیرینجی دونه دایی سی آروادی زنگ آچاندا

دئییر حسن عسکری ده

اون ایکینجی دونه آتاسی زنگ ووروب آی اوغلول هارداسان سوزون سالاندا قالایچی تلفونون دستگی نی قولاغینا داییب ایمام عصرب الزمان دئیینده او طرف دن آتاسی اوجا سینن دئییر......................_______________________________________________________________________________ سرچم اردبیل یولو 12 تونولون قویولموش آدینا یازدیم

+ نوشته شده در شنبه بیست و نهم تیر ۱۳۹۸ ساعت 20:42 توسط (قلئی چی مورتوض)  | نظرات

آچیلان گولله دن.....................

 پاییزین گیرجه گینده حمداله سحر تئزدن یوخودان دوروب اؤز گونده لیک ایشینن مشغول اولاندا لاپدان دررام شهرجیگینده آچیلان بیر گولله سسی حمداله نین دیققت چکیب نه سس دیر دئییه تنگه باش یوخاری گئدنده یولونون آغزیندا آغاخان اوغلو بهمنی گوروب سوروشور نه سس دیر؛اودا قاپیلارینین آغزیندان باشینی چوله چیخاریب دئییر؛نه بیلیم اوشاقلار کهلیگه گولله آتیرلار؛سوزون آلیب سووشان درراملی حمداله دالدان بهمنین گولله سینه توش گلن کیمین کوره گیندن آغیر گولله یاراسی آلماغینا باخمایاراق دالا قاییدیب یارالی قارتال کیمین بهمنی نین اوستونه شیغییاندا ایکینجی آلدیغی گولله یاراسیندان کئچینیب دوشدوگو یئرینده جان تاپشیریر؛بو های کویو ائشیدن باهیجان خانیم حیات یولداشی درراملی علی یه قورولان تله نی گؤرنده قیها ووروب قوروم قونشو طایالارینی اوتلاماغا باشلاییر؛دررام شهرجیگین توتون باسان کیمین درراملی علی نئچه سیلاح داشی نان آت بئلینه قالخیب قیزیل اوزن قیراغی آتیشا آتیشا بو دونه ده بولگه مولکه داری آقاخانین بلدچی لیک ائله دیگی محمد ایرضاشاه دویلت مامورونون قیسناغیندان جان قورتارا بیلیر؛او قضیه دن سونرا دویلت مامورو توکولوب درراملی علی نین عایله سی نی گیرو گوتورنده قزوین شهرینه دوغرو آپارمالی اولورلار؛باهیجان خانیم دویلت مامورونون گیروودان اولارکن بالالارین قاناتی آلیب چتین لیک له یاشاسادا هر آخشام باشی داریخان آنلارینی باش وئرنده اوزونتولرله گونون قزوین شهرینین باتان وری طاریما داغلارینا باخیب قاچاق عومرو یاشایان حیات یولداشیندان خبر توتماق ایسته ییردی؛بو اَر قادین نئچه آی سئومه دیگی حییاتی دوزوب یاشاسادا بیر گون گئجه یاریسی درراملی علی نین سیلاح داشلاریندان اولان گولعلی مَرضی باهیجانین اولدوغوحبس خانایا باسقین ائله ییب محبوس لاری قورتارماق ایسته ییر؛بئله گؤزنه لیمز حادیثه نین تانیغی(شاهد)اولان باهیجان خانیم اؤز جانی تهلوکه ده اولماغینا باخمایاراق گولعلی دن ارینین سوراغین توتاندا اودا جاوابیندا دئییر.........................

+ نوشته شده در یکشنبه بیست و سوم تیر ۱۳۹۸ ساعت 22:17 توسط (قلئی چی مورتوض)  | نظرات

قاواق آدامی..........................


داش دمیر آتا دئییردی قوجالیغیما باخمایاراق هر ایل نوه نتیجه باشیما ییغیشیب بیله مه دوغوم گونو مراسیمی توتاندا هارادا و نئجه دوغولماغیمی بیلمک ایسته ییردیلر؛کئچن ایللرده بو سوزو تکراراَ سوروشانلارا دئیین ده کی من قاواق دا(غار) دوغولوموشام گولوشوب بیله می قاللاغا قویوردورلار؛تا اینکه کئچن گونلرده یئتمیش سگکیزینجی ایل عومرومو آرخادا قویاراق علاوه دن اره مه توره مه ائویمیزه گلیب شادیانه لیک زاد ائله یندن سونرا اؤز دوغوم گونلریمنن دانیشیب مسله یه آیدینلیق گتیرمک ایسته دیم؛ حیکایه بئله دیرکی گونئی آذاربایجان دئییه فدایی لیق باش توتمادان اؤنجه اؤز باشینالیق اولاراق آتدیلار(چاپوول)باش قالدیریب گونده بیر یئری تالایاندا گاهدان بیزیم یاشادیغیمیز بولگه ده اونلارین هوجومونا معروض قالیردی؛و بئله بیر تهلوکه لی حادیثه لر اوز وئرنده جاماهات جانلارینی گؤتوروب چول باییرا قاچیردیلار؛بیر ایل پاییز واقدی یئنی دن خانلارین ال آلتیسی اوستوموزه باسقین ائله ینده عایله باشجی لاری اونلارین باشینی قاتیب ساواش دویوش آپاراندا خئیراله آدلی بیرقورخماز کیمسه کندین زنن اوشاغینی ییغیب قانشاردا کی ال چاتماز داغ بو اورونده اولان بیر قاواغا یئرلشدیریرکی آماندا قالسینلار؛کتدن گلن گولله سسی آراواد اوشاغی تشویشه سالسایدیدا کورپه اوشاقلارین آج قالماقلاری داها آجیناقلی اولوردو؛اوشاق بویوگون آجلیغینی گؤرن خئیراله کیشی اوزونو کولا ووروردوکو آجلارا قوت غذا الده ائله یه بیلسین؛ لاپدان کتدن گلن اولوم خبری هامینی سارسیلدیب بیرلیکده آغلاماغا باشلاییردیلار؛داها ایکی اوچ گون آتیشمالار داوام ائله ینده بیر آندا خبر گلیر کی آتام آلدیغی گولله یاراسیندان دونیاسینی دَییشیب و بئله حوزن ماتم عایله میزه اوز وئرنده آنامین سانجیسی توتاراق منی او قاواقدا دونیایا گتیریر...................

+ نوشته شده در سه شنبه هجدهم تیر ۱۳۹۸ ساعت 11:51 توسط (قلئی چی مورتوض)  | نظرات

ساواشاجاقلار؟.................

نئچه ایلیدی خویلو خانیم اَر ائوینده اَت جان ائله یندن سونرا قارا گونلو قالایچی مورتوضونان ترسه تولاییردی؛خانیمین ایسته گی بو ایدی کی قالایچی اونون آدینان ائودن ائشیکدن سالدیریب سانجاقلی بونجاقلی ائله سین؛سوزلری آلچاق اوجا گلن کیمین تانرینین وئرن گونو دِئیشیب یئری گلندده آغیز کپی ائله ییردیلر؛ایشینین آشارینی گؤزله یین قالایچی هردن بیله سینی دیله توتوب سنی چین قیزیل آلاجاغام دئییه بیر جور بیر طهر ایشینی آشیریردی؛قالایچی اولندن سونرا الینی بوشدا گؤرن سونسوز آرواد قاباقلاییجی تدبیرلر گؤروردوکو دوغما ورثه لرائوی زادی الیندن آلماسینلار؛اوزون بیر واقت بو ساغینج ایلا یاشایان خانیم بیر آندا خبردار اولورکو قالایچی اوندان گیزلتدیگی پولونان اؤز آدینا قبیر آلیب خویلو خانیم قالایچی نین بو گیزلین ایش گؤرمک لرینه  اعتراض اولاراق ناله نیفرین ائله یه ائله یه آی موبارکین اولماسین دئییه قاچیب قبیره گیررک های باسیرکی بورادا منیم دیر؛قالایچی مورتوض سوزو ائشیدن کیمین حیرصله نیب تؤونان قبیر اوستونه گئتمه گینن بللی اولورکو بو دونه ....................

+ نوشته شده در جمعه هفتم تیر ۱۳۹۸ ساعت 21:45 توسط (قلئی چی مورتوض)  | نظرات

وزیر-وه دیره- ( )................

بیرگون مکتبده معللیم گلمه میشدن قالایچی مورتوض اوشاقلاری تاخدا سیاه قاباغینا ییغیب  بو سوزلری یازاندا اونلاردان ایسته ییردی کی (  )آراسی جاوابلاری اوجا سسینن دئسینلر

1-وزیر سئل توتان شهرلرین سویونو وه دیره ینن داشیر کی(  )

2-وزیر شیخ آغانین آفدافاسینا وه دیرئینن ایلیق سو گوتورکو(  )

3-وزیر یاتان اوتاغینا وه دیره قویورکو (  )

4-وزیر وه دیره قاییرما کورسونو بیتیرنن سونرا (  )

5-ایش بیلن وزیر دوه نی یوخ باغیشلایین وکیلی وه دیرئینن سوواریرکی (  )

6-وزیر ایکی وه دیره لی خزر دنیزینین سویونو داشیرکی (  )

7-وزیر سو قیراغینا اوتوراندا باشینا وه دیره گئچیردیرکی (  )

8-وزیر پارلامئنته چاغیریلاندا اوزینن وه دیره آپاریر کی (  )

9-وزیر وه دیره ده سو ایچینده گؤرورکو (  )

10-وزیرین گوشوسوندا وه دیره دولاندا (  )

11-وزیر وه دیره چالیرکی (  )

12-وزیر ایاق یولونا گئدنده ایکی وه دیره لی گئدیرکی (  )

13-وزیر بوینونا وه دیره سالیر کی (  )

14-وزیر آسقیراندا آغزینا وه دیره توتورکو (  )

15- وزیر سبد کالانی وه دیره قویوب پایلایاندا گؤرور کو(  )

اوشاقلارین معللیمین گلمه سینی دویاراق قاچیب اؤز یئلرینده اوتوراندا قالایچی تئز تئز یازدیقلارینی پوزور کو ایریز ایتیرسین معللیم ایچری گیرن کیمین مورتوضون قولاغیندان یاشیب نه یازیردین سوروشاندا ایسگندر دال صنللی دن قوزانیب دئییر آغا ایجازه ..................................

+ نوشته شده در جمعه سی و یکم خرداد ۱۳۹۸ ساعت 21:54 توسط (قلئی چی مورتوض)  | نظرات

آریایی سان ...............

  اوگونلری داغچیلار قوروپو ایلا بیرگه کلئیبریوکسک لیک لرینه چکیلیب دینجلمک ایستیردیک؛بو توپلوما قاتیلان بَییم لر و بَی لر ساوادلی ضیالی اولدوق لارینان بیله مه مراجعیت ائله ییب تورک دیلی حاققیندا دانیشماغیمی ایسته دیلر؛منده ال گؤزومون اوستونه قویوب بیلگیمی دوسلارینان اؤرتایا قویاندا گئد گئده سوز صحبتیمیز قیزیشیب جوشغو ایلا یاشا یاشا آذاربایجان دئییه باشا یئتیرمه لی اولدوق؛سفریمیز قورتاران کیمین داغدان اَنیب هر کیسمه اوز یاشایش یئرینه اوز توتاندا پولوس بولمه کئچیدینده نئچه آدی بللی اولمایان کیمسه طرفیندن ساخلانی لیب بیله می سورقو سووالا توتاندا سونرا یول  بیر اولدوغوم یولداشلاریم نان آییردیلار؛نئچه گون بیله می دیندیریب دانیشدیرمادان ساخلاسالاردا نهایت کی بیر قارانلیق گئجه ده گوتوروب باش کند زیندانلارینین بیرینه گتیرمه اولدولار؛چوخلو چکیش برکیشدن سونرا بللی اولدوکو  منی پان تورک ایتهامی لا توتوقلاییب بورایا گتیریبلر؛بو حبس چکمه بولمه سینده جوره به جوره محکوملار اولسادا هله لیک گؤزله مه دیگیم گؤنلره تاب گتیرمک مجبورییتینده قالمیشدیم؛و بورادا تورک لوگومو باشا دوشن سارت بندی لر گاهدان بیله می قاللاغا قویوب گولوشوردورلر؛منده چاراسیزلیق دان گؤزلریمی برلدیب آجی سوز صحبت لرینه قولاق آسمالی اولوردوم؛هر گون بیر محبوس اوز ائله دیگی قانوندان کانار ایشینی آچیقلاییب گوناهیسیز اولدوغونو سویله ییردی؛نه بیلیم بیری دئییردی من نارکوتیک آل ساتی ائله میشم؛بیری دئییردی آدام اولدورموشم؛بیری دئییردی پیچاق چکمیشم؛بیری دئییردی بانک یارمیشام؛یئنی بیر کوروش آدلی زیندانی گلیب اوشاقلار بیله سینن ائله دیگی جورمو سوروشاندا باشین آشاغی سالیب دئدی من ننه مه باجیما اوجه شیب فیلم لرین سوسیال شبکه ده پایلاشماغیما گوره توتوقلانمیشام؛بو سوزو ائشیدن کیمین تاختین اوستونن قوزانیب اوجا سسینن دئدیم سن لاپ اصیل.......................

+ نوشته شده در جمعه بیست و چهارم خرداد ۱۳۹۸ ساعت 21:24 توسط (قلئی چی مورتوض)  | نظرات

گولمزلر.................


ایرحمت دیک وجی دئییردی کاتا قارداشیم اوروجعلی نین دانلاغینا گوره بیر گون گیجه له گیجه له یولوم مچیده دوشدو ، فضیلت آیی دئییه هر گئجه مچیدیمیز دولو اولارکن منده منبره قارشی اوتوروب قیرخیلی بوغ ساققالینان معتبر شیخ آشاغانین ایروضه سینه قولاق آسیردیم ،جاماهات سیغلیغینی گورن شیخ آغا لاپدان یانین قوزاییب منبرده بیرین بوراخاندا ایریز ایتیرمگ ایچین ایاغینان منبری دویدو کو سسی ایتیرسین ، بو صحنه نی گورن کیمین منی گولمک گوتوروب ایچیم سالاندا چیین لریمه اوینادی ، بیر آندا منیم گولمه گیمی گورن باشی یئکه شیخ آغا اوزون ایتیرمه دن سوزون چئویریب عرب دن عجم دن اوخویاندان سونرا باشلادی بوغ ساققالی قیرخیلی کیشی لرین شیطان نسلی اولدوقلارینا آیه لر گتیریب قولاقلی قویروقلو حیکایه لر دانیشدی ، و گئد گئده عاباسی نین دو گمه لرین آچیب لاغا قویاندا جاماهاتی بیله مه گولدوروردو، سوزلرینین آراسیندا ایمام حسین قاتیلی ایبن زیاد ، شومور و یزیدین ده بوغ ساققاللاری اولماییب دئیینده بیر داها اوزومو تهلوکه ده گوروردوم ، بیر جور بیر طهر ییغیناق قورتاریب هر کیمسه اوز آئوینه گئتمه لی اولدوق،جاماهاتین قاللاغین اوستوم ده قالان کیمین اوچ دورد گون اوندان سونرا بیر گون جوم آخشامی شیخ آغانی قبیر اوسته گورنده گلئی گوذار ائله ییب دئیینده کی حاجی آغا او گونلری مچیده .......... نه دئمه گیمی باشا دوشن کیمین اوز گؤزون بوزاردیب اوجا سسینن دئدی مچیدده ........

+ نوشته شده در شنبه هجدهم خرداد ۱۳۹۸ ساعت 11:42 توسط (قلئی چی مورتوض)  | نظرات

بیلدیم کی ......


یئنی_یئتمه باجیم آغیر درد ایچینده ال ایاق چالماغینا گؤره سانکی ائویمیزی ماتم بوروموشدور؛آنامین باخیشلارینان قم قادا یاغیردی؛ایمکانسیز آتام یوخلوغون اوزو قارا اولسون دئیه اوزونتولرله بالاسی نین اوزونه باخیب اللرین اوکه له ییردی؛من ایسه بو صحنه نی گؤرنده اؤز اؤزومه قیوریلیب گومراه آتا_ آنامی شاعیر خیالیما کدرلی کؤچورتمه لی اولوردوم؛یای بیچین گونلری اولدوغو اوچون آخشام مچید دامیندا جار چکدیلرکی اوزوموزه گلن گون جاماهات گئدیب قونشو کتده مولکه دارین اکینینی بیچمه لیدیرلر؛دان یاریلان کیمین بیچین چی دوروب یولا دوزولنده، آتام منی ائودن اوزاقلاشدیرماق اوچون بیر بالاجا اوراق الیمه قوشدو یاخینلارینا؛بو ائلجاری ایشه قاتیلان کیشی لر دئییه_ گوله مولکه دارین تارلالارین بیچیب گون اَییلنده بیر آنلیق بونلارین دئییب گولمه لری آزالیب بیر آجی خبردن اوزولمکلرینی دویدوم؛آخشام ائوه قاییداندا بللی اولدوکو آتام خسته بالاسی نی گؤتوروب شهره آپارماق ایسته ینده یاری یولا چاتمامیش قوجاغیندا جان وئریب حیاتینی دَییشمیشدیر؛عایله عضولری باجیمین دونیادان واقتسیز کوچمه سینی دئییب آغلاشاندا من ده آتامین بوینون قوجاقلاییب ایچیمی چکه_چکه گؤز یاشلارینی سیلیردیم؛ایللر دولاندیقجا بو آجی خاطیره یادیما دوشنده اؤز_اؤزومه دئییردیم آتام بالاسینین قوجاغیندا جان وئرمه سینی نئجه تابلاشا بیلدی؛آنجاق نه دئمک کئچن گونلرده سَکسَن یاشلی آتام منیم قوجاغیمدا جان وئرنده........................

+ نوشته شده در یکشنبه دوازدهم خرداد ۱۳۹۸ ساعت 0:18 توسط (قلئی چی مورتوض)  | نظرات

میرچیل خالا نه گؤستردی کی؟...........

اوروجلوق گونلری دئییه بی ادبچیلیدی گئچمیش آروادیمین باجی اری همت آلی گلدی آی قالایچی مورتوض بو عزیز گونلری مچیده گئدیب اعتیکافا اوتوراق؛ الیمنن آغیز بورونومو سیلیب دئدیم المثنی باجاناق اعتیکاف نه دئمکدیر؛ایضاح وئردی الله قابول ائله سین اوروجلوق احیاء گئجه لری مچیده گئدیب اؤزوموزو کمسیک له ییک الم زادا کی تانری یوخ باغیشلایین شیخ آغا گوناهیمیزدان گئچسین؛خیلاصه ایکی باجاناق واریب جاماهات سیخ لیغینا باخمایاراق قاپی باجانی دارلادیرلار هر آخشام ایفتار اوباشدانلیقیمیز آغام علی نی ائوینن گلیب یئمله نن سونرا جانینا قوربان اولدوغومو شیخ آغا منبر چیخیب شرعیتده گلن بو آیین قناعت فضیلتلرین دانیشیب و مسلمانین آج قالیب اوروج توتماسیندان دورلو دورلو حیکایه لردانیشیردی؛اعتیکاف قارداشلار قرآنی باشلارینا آلیب منده سیکه یا الله هی ترسه دئیینده گئچمیش باجاناق بیله می دومسوکلویه دومسوکله یه دئییردی بیکه یا الله بیکه یاالله اعتیکافین سون گئجه سی علاوه دن شیخ آغا منبره قالخیب هر گئجه اولدوغو کیمین بو گئجه ده ایران ایسلام اولکه سینده گئدن اولایلارا توخونوب اوزوموزه گلن سئچگیلره قاتیلین دئیینده دوداغیم قاچان کیمین کتدیمیزمیرچیل خالا یادیما دوشدو؛ آخی بیلیرسیز یاریم یاش میرچیلین اری ایرحمته گئدندن سونرا اؤز گونده لیک ایشلرینی آیی نصرته تاپیشیریب لاپدان وئردیگی سوزلرین آلتیندان قاچاندا داها نصرتده اونون سوزلرینه اینانماییب ایشی یئرده قالیردی؛بیر یول میرچیل خالانین سامانی خرمنده قالیب قار یاغیشا توش گلنده یئنی دن نصرته موراجیعه ائله ییر کی گل بو سامانی داشی؛اودا قاش آتا آتا دئییرمن نجور داشییاجاغام؛ قیسیر میرچیل خالا نصرته یول یولاغی نیشان وئرنده نردووانی قالخا قالخا دئییرسامانی گتیریب بئله سینه......... نصرتده ایاغین باساغا قویان کیمین آلتدان یوخاری باخا باخا دئییر هه یاخشی داشییارام.....................

+ نوشته شده در جمعه سوم خرداد ۱۳۹۸ ساعت 15:22 توسط (قلئی چی مورتوض)  | نظرات

ائله بیل کینودور بیزیم یاشایش........................

اوشاقلیق صینیف یولداشیم علی دئییردی مکتب ده اوتورموشدوم آنام زنگ آچدی آی یازیق آتا اولدو؛تلفونون سسی او طرفدن کسیلن کیمین منده اؤزومو ایتیریب نه ائله مه گیمه مات قالدیم؛ایشچی دوسلاریم حالیمی پوزقون گؤرنده بیله مه یاخینلاشیب اورک زاد وئرندن سونرا قورازا پیکانیما اوتوروب آتام گیله دوغرو سورنده لاپدان یادیما دوشدو کو یولومون آغیزیندا خسته خانایا باش ووروم؛یئتیشیب تر تله سیک ماشین ال وئریشلی یئرده قویاندان سونرا هویله سک خسته خانانین تعجیلی یاردیم سالونونو نظره آلیب واراندا؛آتامی تختین اوستونده وآنامی گؤز یاشلارینان اونون باشی اوستونده گؤردوم؛صونعی نفس آلتیندا آغیر تویوشلرینی دَرن آتام سانکی منی هارایینا چاغیریردی؛گئجه نی صوب ائله ییب خسته ایشچیلری یئرلرینی دَیشیب ایش اوستونه گله رک آتامی مایناتدان گئچیرن حکیم بیر بلگه یازیب تعجیلی رایون باش کند شخصی خسته خاناسینا چاتدیرماغیمیزی مصلحت گؤردو؛ ؛نهایت کی آتامی بیر تعجیلی یاردیم ماشینینا(آمبولانس)قویوب دئییلن شهرخسته خاناسینا دوغرو یولا دوشدوک؛بیر ایکی ساهاتدان سونرا مقصده چاتیب آتامی یاتیردان نان سونرا بلگه لری(پرونده)زادی راهلایاراق دئدیلر بو خسته نین عملیاتی آغیر طلب ائله ییر؛من قارداشیمین اوزونه باخیب باشیمی آشاغی سالاندا آنام ایاق ایره لی قویوب آتامی قارداشیملا بوراخاندا ایکیمیزائوه قایتمالی اولدوق کی بورجدان خش دن ائله ییب آتامی بو تهلوکه دن قورتارا بیلک؛امما تار تانیش ایچینده هر کیمسه یه آغیز آچدیق ال توتان اولمادی؛یوخسولوغون اوزو قارا اولسون دئییه اوزوله اوزوله آناما باخاندا اودا دایانمادان یاتاق اوتاغینا گئچیب ساندیم گلین لیک قیر قیزیلینی گؤتورور؛بیر آز گئچمه دن چول چیخیب گئدک بالا شیدیرغی یاغیش آلتیندا لاققا تاق ماشینی قازلاییب یاری یول چاتاندا اوزاقدان یول قیراغیندا دایانمیش بیر سوروجونو گؤردوم کو بوش قابی الینده نسه طلب ائله ییر؛اوزاقدان اوزاغا بیلدیم کی یاناجاق(بنزین)قورتاریب؛ اوچ دؤرد یول اؤز اؤزومه فیکیرلشدیم کی قالیم قالماییب؛اما سوروجونون لئیسان یاغیش آلتیندا شوکورسوز(چتر) دوردوغونا گؤره بیله سینه چاتاندا ایختیارسیز ماشینی قیراغا ووروب آشاغی اندیم؛ماشینین دال قاپیسینی آچیب شیلنگ زاد وئرنده اؤز ماشینیمین یاناجاق قاپاغینی آچیب دئدیم آلا چک؛اؤزوم ایسلانماغین شریندن ماشینین ایچینده اؤتوروب درین فیکیرلره جوماندا گؤردوم ائله بئل شیلانکی یئرینه سالا بیلمه ییرکی بنزینی چکه بیلسین؛بیر دونه ماشیندان اَنیب بیله سینی سای گئچنده شیق گئیینمه گیندن بیلدیم کی وظیفه لی آدام اولمالیدیر؛یوبانماغیمیزی نظره آلاراق بیر ایکی قاب بنزین چکیب باهالی ماشینینا توکندن سونرا یولا دوشنده ال جیبینه ائله ییب نئچه وئرمه لییم دئیینده پولو آلمادان ماشینیما اؤتوروب یولا دوشدوم؛هر حالدا قوش قاناتینان گلیب خسته خانایا چاتاندا آتامی دا آغیر وضعیتده گؤردوم؛اوگونون صاباحیسی عایله عضولرینن گؤتور قوی ائله ینده شخصیت وصیقه می گیرو قویوب حکیم لری راضی سالدیم کی آتامی تعجیلی عملیات ائله سینلر؛آنام قارداشیم هیجان ایچینده اولسالاردا بو آنلاری یاشاماغا معروض قالمیشدیق؛نهایت کی آتام ساغ سالامات عملیات اولونماغینی گؤرنده هاممی میزین گؤزلرینده سئوینج یاشی بدیرله نیب بیربیریمیزی قوجاقلاییب آغلاشیردیق؛آنجاق خسته خانا ایشچیلری خسته نی گتیریب یاتاق اوتاقلارینین بیرینده راهلایاندان سونرا آتامی عملیات اائله یین حکیمی گؤرمک ایسته دیم؛هاچاندان چانا بیله می حکیمین اوتاغینا موشاییت ائله ینده اوستول آرخاسیندا اوتورموش حکیم گؤزومه چوخ تانیش گله رک اودا منی گؤرجک دویوخاراق ایاغا دوروب بیله مه الین اوزاداندا دئدی منی تانییرسانمی؛بیر آز اؤز اؤزومه فیکیرله شنده بیلدیم کی یاری یولدا یاناجاق وئردیم کیمسه آتامین حکیم جرراحی اولاجاقدیر؛اودور کی حکیم منی یانینا اؤتوردوب آتامین اوغورلو عملیات اولونماسیندان سوز آچاندا الینین آلتیندا ایشله یینلرین بیرینی چاغیریب دئدی بو خسته منیم حسابیما بورادا ساغالیب ائوینه گئتمه لی اولاجاق؛ساغ اول حکیم قارداش دئییه سئوینه سئوینه چوله چیخاندا آنامین قیزیللارینی بیله سینه قایتاریب بوینون قوجاقلاییب دئدیم......................

+ نوشته شده در جمعه بیست و هفتم اردیبهشت ۱۳۹۸ ساعت 20:58 توسط (قلئی چی مورتوض)  | نظرات

نورعلی قویون احوالاتی..................

جمشید عمی دئییر خداآفرین جانانلی سرحد بؤلمه لرین بیرینده گؤزتچی(پاسگاه)گیزیر ایشله ییرم بیر گون ناهارا یوخون گؤردوم قاپیدا بیر کیشی خایلاغی نین نریلتی سی گلیر؛سسینن بیلدیم یوخون کند ساکینلی نورعلی نین سسی دیر؛ته به ایاق قاپی یا چیخاندا گؤردوم نورعلی کالاما کوتور اللرینن باشینا تاپدیا تاپدیا اوزونو قاپ باجایا چیرپیرآغای گیزیر باشیوا دولانیم قویونلاریمی آپاریبلار؛خولاصه یئتشیب خودون آلاندان سونرا ایچری گتیریب نه اولاجاغی سوروشاندا قیشقیر باغرینان دئدی کی نه اولاجاق پَیه دن اون بئش قویون گئچیمی آپاریبلار؛کتدی یؤوسون گؤروب بیرایستیکان زاد وئرندن سونرا دئدیم کی نورعلی قویونلاری نجور آپاریبلاربیر آندا یئریب یاریم اولدوزلو سیلاح داشیمین یاخاسینی توتاراق دووارا دایاندا دئدی باخ بونو دلیبلر؛ منی هول وئریب دالا ایته له ینده دئدی قاپینی دا بئله سینه آچیب قویون گئچیمی آپاریبلار؛دووار یئرینه دلینن سیلاح داشیم بو ایشه مات قالان کیمین منده یخیلدیغیم یئردن دوروب شالوریمی سیله سیله دئدیم به نورعلی ایتین یوخودو؛بیرآندا اوستول آرخاسینا جوماندا ایرئیس میزی گؤسته ررک دئدی آقای گیزیر باخ بودا ایت سوخایا قالان هئچ بیرآغیزدا هورمه ییب باخ ؛بولمه ایرئیسی میزعصبله شنه یئریدیم قاباغا کی ائله بو کند جاماهاتی نین دانیشیغی بئله دیر؛گوجو پیسلیگینن نورعلی دن ایضاحات آلیب قاپیدان ائشیگه چیخاداندا دئدیم گئت تاپساق خبر ائله ریک؛بیر ایکی گوندن سونرا خبر گلدی کی نه بیلیم یاخین داغ اراضی یولوینان بیر سورو قویون گئچی آپاریریلار؛گوجو پیسلیگینن کوهنه لاندیور ماشینی راهلاییب من؛نورعلی؛ ایرئیسیمیز و ایکی عسگرینن داغ یوکسکلیک لریندن قوزانیب دئییلن مکانا دوغرو یونلدیک؛بیر اوزاق کورا یولونان گئدن قویون گئچی سوروسونو گؤردوک؛ ماشینی چئویررک او وَرَه دوننده اوغرولار ماشینی بوروغو دونن کیمین بیزده مین نوصیبتینن قویونلارا چاتدیق؛ماشینان اَنن کیمین نورعلی بیر قویونون بوینون قوجاقلایاندا آغلایا آغلایا دئدی آقای گیزیر بو کره قویونوم؛او بیریسی قوینون بوینون قوجاقلایاندا دئدی بو کوره قویونوم قاچیب بیرخیردا بوینوزلو چه پیشی قوجاغینا آلاندا عسگرلرین بیری دئدی نورعلی به ایتین هانی منده الیمی اوزاداراق گوله گوله دئدیم ایتی ده ایرئیسیمیز باخ.......................

+ نوشته شده در جمعه بیستم اردیبهشت ۱۳۹۸ ساعت 19:39 توسط (قلئی چی مورتوض)  | نظرات

آی اَدَه ......................................

تانری سیزین سوبایلارا ایروزو ائله سین او گونلری قوربان حسین اوغلان طرفی اولاراق گولو بورنوندا فاطمابیرائلچی گلمیشدیرلر؛ عزیز و دولتلی قوناقلار ایچری گیریب یئرلرین آلاندان سونرا آغ ساققال لارین بیری اصلی سوزه گیرمه میشدن اونجه اولکه داخیلی جومهورباشقانین نی تنقید آلتینا آلاراق یئر آلما سوغان باهالیغیندان دانیشیب قادینلاری پاچا بند قیتلیغینا گؤره ایجتیماعیتین چتین لیک لره معروض قالماسینا توخوندو بو یاندان قوناقلاری بیری وکیل وزیری آد ائله ییب یامان یووز دئیینده تزه بی یین دایی سی ایره لی چکیلیب علاوه ائله دیگی جانیم تامام اولکه چاتیشمامازلیقلارین باشی جومهورباشقانینا باغلی دیر؛ اوتورانلار نئچه سی بوسوزو تسلیق له ینده لاپدان وال دونوب اصلی مطلبه گئچنده اوغلان طرفینین طایفا باشجیسی سوزون باشین آچان کیمین اوزونو آتام کابلا احده توتوب دئیینده کی؛ آی کابی؛ خوش گلمیشیک بئش گلمیشیک سیزین ائوه توش گلمیشیک دده م سوزو ائشیدن کیمین ال هایا قالاراق اوزون پرده آرخاسینا چئویره نه اوطردن ننه لیگیم سس وئردی کی خوش گلمیسیز هؤش گلمیسیز چویور یئره خئش گلمیسیز گلن قوناقلارین بیری سوزو داوام ائله مک ایچین دوره بورکونو باشیندان گؤتوروب اوستولون اوستونه قویاندا یئنی دن اوزونو دده مه دئیینده کی آی احد کیشی؛ قیلینج بیزدن قینی سیزدن دده مین بو دونه رنگ روفو قاچان کیمین اوزونو پرده آرخاسینا توتوب سس سالدی کی: آی اده کیشی علاوه دن سوزونو داوام ائله ییرک دئیینده کی الیف بیزدن گولوف سیزدن دده م اؤزونو ایتیرن کیمین اؤتدوغو یئرینن عوض دالا چکیلیب پرده توتاراق چاغیردی کی: آی اده او بیری قوناق سوزه قاتیلیب دئیینده کی دوروق بیزدن دیلیق سیزدن دده م بو دونه ایاق اوسته دوروب اؤزون گیجه لن کیمین چاغیردی: آی اده آخیردا اوغلانین آتاسی بو ایشه مات قالیب دئیینده کی بادمجان بیزدن هولو سیزدن بو دونه دده م شالواری باتیریب سویو سیزا سیزا پرده آرخاسینا گئچنده اوجا سسینن چاغیردی کی: وای اده سوز قورتاران کیمین بی یینن گلین سالدیغیمیز دال اوتاقدان چیخاراق فاطما باجی اَییلیب قالایچی مورتوضون قولاغینا نسه دئیینده مورتوض دا باتمان باشین هه یاخشی دئییه قاپی یا ساری چکیلدی؛ قوناقلار دوروب ائویز آوادان زحمت وئردیک ایاق قابیلارین گئییه گئئیه تزه بی یین عمی سی ساغ الین پوهروز قاغامین چیینینه قویوب دئینده کی به نجور اولدو مورتوض اویاندان سسلندی کی؛اوغلانین گوبکدن آشاغی سین بَیندیک هاچاندان هاچانا جومهور باشقانی یوخ باغیشلایین چاشدیم دده م کابلا احد شالوارین زادین دَیشیب چوله چیخاندا یولا دوشن قوناقلارین دالینجا باغیردی کی کبینینه بیر تای سوغان یئرآلما سالین...................... _________________________________________________________________________________ & الیف بیزدن گولوف سیزدن & دوروق بیزدن دیلیق سیزدن &قیلینج بیزدن قینی سیزدن & بادمجان بیزدن هولو سیزدن

+ نوشته شده در جمعه سیزدهم اردیبهشت ۱۳۹۸ ساعت 21:15 توسط (قلئی چی مورتوض)  | نظرات

گئدر گلمز یوللار .................

1280 نجی گونش ایل تولدلو ایرضا بی اوغلوآغاجان یاشیل رایون دئدیگیم گیلانین فومن شهرینه باغلی شفت بولگه سی دئدیگیمیز سیاهمزگی کندینده دؤغولوب بویا چاتمیشدیر؛گنج یاشلاریندان آتاسی نین اورمان دویوشچولرینه(قیام جنگل)دئییه میرزا کوچک خانین حربی دسته سینه قوشولاراق ایاق یالین خالقیدان حمایه ائلمگ ایچین آفدامات گؤتوروب اؤزونو و منسوب اولدوغو خالقی نی ظالیم مولکه دارلارین الیندن قورتارماق ایسته ییردی؛امما تاسوف لر اولسون کو اولکه داخیلی آییلیش قوروپلار بیری بیرینین آرخاسینجا موستمله که دویلت لرین حمایه سی آلتیندا و اونلارین ال اویونجاغی اولان اؤردو باشجیسی میرپنجین(ایرضاشاه)الینن دارما داغین اولوب گیلان اورمان حرکاتی داغیلاندان سونرا گنج آقاجانیندا آتاسی ایرضا بی ایرضاشاهین آدام اولدورن مامورلارینین الینن اولدورولوب و عایله سینین قارشیدان گلن آمالینی آغیر فیرتینالارا تاپشیرمالی اولور؛دونه دونه کار کاسیب هم یئرلی لرینین خان خوانین و یاخود دویلت مامورلارینین الینن دویولمه گینی گؤرن یئنی یئتمه آغاجان هله ایلک یاشلاریندان دیشین دیشینه قیسیب اوزگورلوک سئور روح ایلا منسوب اولدوغو خالقی ظولمودن قورتارماق ایسته ییر؛بوردادیرکی یئری گلنده مولکه دارین ال آلتیسی اولان کندین باشجیسی اوزگه نین مال و عار نامیسینا ال اوزادان کاتدا ناغی نین ظولمونه قارشی چیخیب تک باشینا اونون قاباغیندا دایانماق ایسته ییر؛آغاجان کی آتاسی اولندن سونرا عایله سی نین خرجینی چکمه لی اولموشدور؛اورکک طبیعت یاشاییب بویا باشا چاتان آغاجان بیر گون اورماندان کومور استحصال ائله ییب گتیرنده بولاق باشی دئییه معصومه آدلی بیر قیزی گؤروب اونا اورک وئرنده گله جک خوش گونلرینی اونونلا یاشاماق آنلامینا گلیر؛امما نه یازیق کی ایرضا اوغلو آغاجانین گله جک طالئعی اونو یئتیم یئسیر آنا باجیسیندان آییریب معصومه دن خبر سیز قالدیغی گونلری یاشاداجاقدیر؛سیاهمزگی کندینین کاتداسی آغاجانین دلی قانلیغینی بولگه مولکه داری علیخانا چاتدیراندا ساختا ایداعالارینان بیله سینه قارالار یاخیب دویلت مامورونون الینن ایکی ایللیک حبسه گؤندریلیر؛گنج آغاجان ائلمه دیکلری گوناهین جزاسینی چکه چکه یئدی قاتینان سئودیگی معصومه نی ساغینجینا(خیال) گتیرنده سانکی اوره گینی ایشیقلانیردی کی زیندانین قورتاریب ایسته گینه چاتاجاقدیر؛کاتدا ناغی نین گوستریش ایله معصومه نی آتاسی قیزینی زورونان اوزگه سینه وئرنده معصومه بو اوغروسولوغا دوزمه ییرک بیر گون آخشام چاغی بوقچاسی نی گؤتوروب تک باشینا ایرشت شهرینه گلمه لی اولورکی بلکه آغاجانین ساخلانیلدیغی قازامات عنوانینی تاپیب وئردیگی ایلقارینا صادیق اولاراق اؤز ایسته گینه چاتا بیلسین؛گونلر هفته لر آختاریب هوندور دووارلار آرخاسینا چاتاندا خبردار اولورکی نئچه واقت قاباق آقاجانی بؤلگه دن اوزاقلاشدیرماق ایچین باش کند دئییه قصر زیندانینا آپاریبلار؛بو خبری ائشیدن کیمسه سیزقیزجیقاز آغاجان آغاجان دئییه دئییه بوقجاسی قولتوغوندا اؤزونو مقصدی بللی اولمایان یوللارا ویریرکی اؤزوده سئل اولوب منجیل قیزیل اوزن چایینین عکسینه داشاراق فلگین یوزدوغو ترس طالئعی پوزماق ایسته ییر؛اودورکو بوگونلری شفت؛فومن و سیاهمزگی اهالیسی قزوین ایرشت یوللاری گئدنده بوروقلاری دونه دونه معصومه نین گئدر گلمز یوللارینین ناغیلینی دانیشیب ناکام آغاجانین طالئعینن حیکایه لر دانیشیرلار....................

+ نوشته شده در جمعه ششم اردیبهشت ۱۳۹۸ ساعت 20:50 توسط (قلئی چی مورتوض)  | نظرات

میلّت وریندن...........

الله اوله نیزه ایرحمت ائله سین او گونلری دوکتور جئری نین قایین ننه سی اولوب مرحومه نین اوچوگونو مچیدده جانینا قوربان اولدوغوم شیخ آغا منبر قالخیب عرب دن عجم دن آیه شریفه لر اوخویوب خیرتدالایاندا سونرا بئله بویوردو کو آی اورت باسدیر ماحالی وخصوصاَ ترس آوا کندینین جاماهاتی سیز گونده مین دونه تانری یا شوکور ائله یین کی ایسلام اولکه سینده یاشاییب نفس چکیرسیز؛و سوزونون داوامیندا علاوه ائله دیکی سیز هئچ بیلیرسیز کی ایسلام اولکه سینده قورو قورو نفس چکمه گین نه قدر ثوابی واردیر؛اونناندا گئچدی الله تعالی نین خصوصی ایله بو اولکه نین اوستونده نظری واردیر؛ناواقتدیرکی ماخلوق ایش سیزلیکدن اذییت چکیردی؛تانری اوز دست غیبینن بیر داغیدیجی سئل گوندریب بئکارلارا ایش یئری آچدی؛ قاداسین آلدیغیم ساغ طرفیندن قویولان داغ سودان بیر قورتوم ایچیب دوشون زادین آریداندان سونرا علاوه ائله دی کی آی ترس آوالیلار سیزدن خبر آلیرام ندن گرک یئرلی محصول اولاراق ایسلام اولکه سینده استحصال اولان یئرآلما سوغانیمیز اوجوز اوجوز ساتیلسین هاممیمیز ایندی فخر ائله ییک کی بیزیم ده اکیب بئجره بیلدیگیمیز سوغان یئرآلماسی موز قیمتینه چیخیب اوننان دوممالاق آشا بیلیر؛دوشمانلاریمیز بیزیم سوغان یئر آلماسی نین باهالاشماغیندان گوز چیخیب اوروشد ائله مه گیمیزی گؤزلری گوتورمور؛ من کی منبرین دیبینده اوتوروب دیقّیتینن معتبر شیخ آغانین سوزلرینه قولاق آسیردیم تسبئی چئویره چئویره گولومسه ینده بیر احوالات یادیما دوشدو قالایچی مورتوض یئنی یئتمه مکتب ایللری دئییه گونده لیک ماییشینی چیخارتماق ایچین ایش دالینجا دولاناندا تصادوف اوزرینده یولو ساری قولوخانین چایخاسینا دوشور؛نئچه گون اورادا وردست(شاگرد)ایشله ییب گئد گئده ساری قولو خان توکسوز قالایچی یا طاماح سالان دا اودا بو ایشین آلتیندان قاچماق ایسته ییر؛ایش صاحابی الدن قویمایان کیمین گئده نی دیله توتور کی جانیم سورته له ییب بوشلایاجاغام دا خیلاصه ایشلری اوزونا چکنده بیر گون ساری قولوخان آرانی بوش گورن کیمین قالایچی مورتوضو توتوب باشین تومارلایا تومارلایا لاپدان......................... یازیق قالایچی دا ضربدن بوراخیلیب قیشقیرا قیشقیرا قاچاندا الین نامیس ناحیه سینه قویوب اوجا سسینن دئییر وای اوغلون اولسون جومهمور باشقانی بئله ده شیب مولایم اولار؟.......................

+ نوشته شده در شنبه سی و یکم فروردین ۱۳۹۸ ساعت 9:11 توسط (قلئی چی مورتوض)  | نظرات

من هالای دان(صف)قورخورام...............

اوگونلری بازارلیق زاد ائله ییب مشروط آفتابوسوینان ائوه گلمک ایسته ینده یئر سیخیلیغی اولاراق بیر دوکار قادین منیم یانیمدا اوتوروب یول اوزونو گلنده تحریم لر اوجوباتینان جاماهات یئنی دن ایران عراق ساواش چاغلاری کیمین ارزاق صفینه دوزولوب بیر بیرلرینی دومسوکله ییرک دارتینیب قاباغا گئچمک ایسته ینده یانیمدا اوتوران خانیم آغیر اوزونتولرله گلئی گوذار ائله دی کی یئنی دن ماخلوغون قارا گونلری باشلاندی؛ اعتراض اولاراق دونوب بیله سینه سووال وئرنده کی ندن بئله دوشونورسوز؛ اوقاتی پوزولان کیمین بیر آه چکیب من هالای(صف)دورماقدان قورخورام دئییه درین خیالا گئتدی؛ اوزومو باسمادان بیر دونه سوروشاندا کی آی باجی هالای دورماغین نه قورخوسو وارکی بئله اوزوله اوزوله دانیشیرسان؛ بیرآز ال ایاغین یغیب مندن آرالی اوتوراندا دئدی ایران عراق محاریبه سی چاغلاری کی خالقین گونده لیک ماییشی چتین اله گلیردی بیز اولان شهرده ایرانین آییری بولگه لرینه رغماَ گونده لیک ارزاق قیطلیغی گلمیشدیر؛کار کاسیب جاماهات چاراسیزلیق دان توکولوب شاه زامانیندان قالان کوهنه زیبیل خانالاری قازاراق کوهنه مئتال پارچالارینی یئر آلتینان چیخاریب ساتماغینان گوذران ائله ییب اولوم دیریمنن عایله لرینه ارزاق ال ایاق ائله ییردیلر؛و بیزیم رایوندا بیر شهر باشیجیسی آلنی داغلی واریدی کی هردن گئدیب باش کتدن پول پارا کسیب گتیریب هر جوم آخشامیلاریالیق یولوق دان حمایه ائلمک آدینان شهرین یوخسول عایله لری اونون ایش یئرینین قاباغیندا هالای قوراندا جان گودن ال آلتی ایشله یینلری موراجعیه ائله یین گوزل و گویچک قیز قادینلاری گوز آلتی ساخلاییب آییری گونلرده ائولرینه موراجیعه ائله ییرک حاجی سیزه اوزل(مخصوص)ارزاق گوندریب دئییه اتدن دوگودن پال پالتاردان وئرنده گئد گئده تله قوراراق بو باختی دونموشلری اونون حضورونا آپاریب خالقین قیز گلینین شهر باشجیسی نین ال اویناشی ائدیردیرلر؛ دریندن قادینین سوزلرینه قولاق آسیب تعجوب له ننده بیر دونه سوروشدوم؛ بس سیز ندن بئله اوزونوزه قاپانیب مسئله یی سرت موناسیبت گوسته ریسیز؛ یازیق آرواد گوزلری دولان کیمین گؤردوم آلتدا آلتدان دئییر من اوزوم او آلنی داغلی نین سئچدیگی قربانلارینین بیری اولموشدوم......................

+ نوشته شده در جمعه بیست و سوم فروردین ۱۳۹۸ ساعت 20:25 توسط (قلئی چی مورتوض)  | نظرات

شهر کیشی لری....................

بایرام گونلری عرفه سینده تلویزیادان گلیب کندین گؤرمه لی یئرلری دئییه سوژت لر حاضیرلایاندا آرا سیرا جاماهاتی دا دانیشدیردیب خوش اوقات بخش ائلمک ایسته ییردیلر؛نئچه گونلوک بو ایشی داوام ائله ییب قورتاراندا ایشین سونو اولاراق بو نئچه گونوآپاریجی نین ال ایاغینا دولاشماغیم ایچین میکروفونو آغزیما توتوب دئمه گه نه سوزوم وار سوروشاندا؛منده بایراملیق پوللاریمینان آلدیغیم الیمده کی سورماجانی آغزیما سوخوب اوچ دورد یول یالایاندان سونرادئدیم نه اولاجاق تانری بو شهر کیشی لرینه بیزه چوخ گؤرمه سین بایرام گونلری آروادلارین بزه یب کنده گتیرنده منده باخیب کئف ائله ییرم دااااااااااااااااا.......................

+ نوشته شده در جمعه شانزدهم فروردین ۱۳۹۸ ساعت 19:11 توسط (قلئی چی مورتوض)  | نظرات

اورک آغریسی لا...............

کریم خان قیزی معظّم خانیم دئییردی؛1324نجی ایللری کی آذاربایجاندا فدایی لیق باشلانیب میللی حوکومت قورولموشدور آتام کی سنجبد بولگه سینده تانینمیش مولکه داریدی بیزلری هیرو(خالخال)شهرینده تانیش بیر کیمسه نین ائوینه گوندریب اوز ایسه گیلانا آشاراق ایکینجی حیات یولداشی نین آتاسی ائوینه سیغینمیشدیر؛وامما بویوک ننه م(آتامین آناسی)و نئچه یاخین فامیللریمیز سنجَبدین سنگ آوا کندیده قالمیشدیرلار؛اگر ده گئچمیش چاغلاردان خالق ایچینده سوزوموز یئترلی اولسایدی بعضی نانکور نوکرلریمیز بو بیر ایلین ایچینده وار یوخوموزو تالاییب اوزموزه نالایق نالایق سوزو دئییردیلر؛وگاهدان حورمتسیزلیک اولاراق سنگ آوا کند جاماهاتی وریندن باش وئرنده بیر گونده کتده خئیرات وئریریمیشلرکی آلی قولو کند ساکینلی کیسمه یه بیرکاسا بوز باش(آبگوشت) وئریرلرکی آپاریب گوزدن علیل قارننه مه وئرسین؛امما آلی قولو کیشی همان بوز باشین یئرینه آرپا توکوب حورمتسیزلیگینن قارننه مه یئتیریر؛ایل باشا گلیب فدایی لیق داغیلاندان سونرا آتام یاشادیغی کنده قاییدیب اوز یاشایینا داوام ائله ینده آلی قولو کیشی نین بو حورمتسیزلیگینه جاواب اولاراق اونو اوز یانینا ایسته ینده آلی قولو قورخوسوندان کتدن قاچمالی اولور؛معظّم خانیم علاوه ائله ییر کی بیر گون آتام گنج یاشلاریندان ائویمیزده نوکر ایشله یین پارس آوالی آقا بالانی یانینا چاغیریب دئییر گئد آلی قولونو گتیر گؤروم منیم بیله سینه نه پیس لیگیم گئچمیشدیر کی بئلنجی حورمتسیزلیگی آنامین حاققیندا ائله ییب؛آقا بالا سوزو آتامنان آلان کیمین گونلر هفته لر آلی قولوکیشی نین دالینجا دولانسادا آتامین سوزلرینی قولاق آردینا ووروب هئی بوگون صاباح ائله ییر؛نهایت بیر گون آتام نوکرین باشینا قیشقیراراق علاوه دن آلی قولوکیشی نی طلب ائله ینده آغا بالا باشین آشاغی سالیب گلر خان سوزوینن جاوابلاندیراندا نَسه چوله چیخمالی اولور؛ بیر ساعات گئچمه دن چیینده کی بیر تلیسنن قاییدیب آتام هارا گئتدین سوزونو بیله سینه وئرنده تلیسین آغزینی آچیب باخت قارا آلی قولونون کسیلمیش باشینی خانین قاباغینا آتیر؛و بو دهشتلی صحنه نی گؤرن کریم خان علاوه دن عصبله شیب نوکری هده له ییرک دئییر؛من سندن آلی قولو ایسته دیم نه اونون کسیلمیش باشینی......................... _________________________________________________________________________________ بو حیکایه کیوی سنجبد بولگه سینه باغلی سوره بیره لی ایرحمت جمشید تقوی ده اولدوغو کیمین دانیشیردی؛ *صولت السطان اوغلو کریم خان(صولتی)گئچمیش ده خالخال کیوی سنجبد مولکه دارلاریندان بیری اولوبدور کی فدایی لیق زامانیندا محمد ایرضاشاهین قوشونونا یاردیمچی اولاراق باشین دسته سینن فدایی لیغا قارشی چیخمیشدیر؛و دربند داواسیندادا سرهنگ طهماسیبین یانیندا اولموشدور؛ *موصاحیبیم کریم خان قیزی معظّم خانیم سکسن دن یوخاری یاشی اولاراق بوگونلری تبریز شهرینده یاشاییر؛

+ نوشته شده در جمعه نهم فروردین ۱۳۹۸ ساعت 19:37 توسط (قلئی چی مورتوض)  | نظرات

آتامین یورقون باخیشلاری.........

یادیمدادیر 1352نجی ایللری یازین سون آیی اولاراق آتامین دده بابا کندی اَرسین دن گلن کیمسه بیزیم ائوین عنوانین سوروشاندا یئنی یئتمه اولماغیما باخمایاراق یئریدیم قاباغا کی امریزی بویورون خبر گتیرن کیمسه دولوقسوناراق دئدی آتاوین باشی ساغ اولسون باجیسی گول بدن خانیم حیاتینی دَییشیب آتام چول باییرا آدامی اولدیقیچین آغلایا آغلایا کویشه نه قاچدیب کی بو خبری بیله سینه یئتیریم؛امما آغلاماقدان قاش کیرپیگیم دولسادا اوره گیمینن گلمه دی بو آجی خبری آتاما یئتریب اونون کؤرک اورگه نی اینجیتمه لی اولوم؛آخی بیلیرسیز گول بدن بی بی نین آتاما و بیزه اولان محبتی اَن دوم دورو قانداش موناسبتی دی؛آخشام ائوه گلرکن آنا فامیللری یغیشیب آتامی باشا سالدیلار کی عومورلوک قایقی کشی اولان باجیسی حیاتینی دَیشیب و اونلار بیرلیکده ارسین کندینه گتمه لی اولاجاقلار؛؛هر حالدا آتام گئدیب بیر ایستکلی قارداش کیمین دده سی نین بالاسی باجیسی نی سون مزارا تاپشیراندان سونرا قیرخ گون گلن قوناغین قاباغینا چیخیب باجیسینین یئتیم اوشاقلارینا دایاق اولموشدو؛او حادیثه دن سونرا آتام اوزونو حییاتدا یالقیز سانیب هئچ زامان وارلیغیندا او ایتگی نین یئرین دولدورا بیلمه دی؛ اوحادیثه دن قیرخ نئچه ایل گئچندن سونرا بو ایل بایرام عرفه سینده آتام خسته له نیب یورقان دوشه گه دوشنده اوزاقدان یاخیندان گلن ائل تانیش دیل اوجو حال سوروشوب الله شفاسین وئرسین دئییه ائولرینه گئدنده آتامی درد سیخاراق داها اوزونو آدامسیز حساب ائله ییب هردن گؤزون آچیب اومودوسوز باخیشلارینان منه باخاندایئدی قاتیما کیمین یاندیریب یاخیردی؛نهایت گئچن گون گول بدن بی بی نین اری اولندن سونرا خارابا قالیقلاریندا تک باشینا یاشایان گلینی فریده خانیم زنگ آچیب بایرام گونلرینی بیزه تبریک دئیینده تلفونو آلیب علاوه دن های هاینان آغلایاندا دئدیم گول بدن بی بی نین گؤزوندن ایراق آتام خسته له نیب هر آن یورقون باخیشلارینان منه باخاندا سانکی اوز قانداش ائل طایفاسینی مندن طلب ائله ییر...................... _________________________________________________________________________________ *ارسین کندی-خالخال خان اندبیل بولگه سینه باغلی آتامین دوغمالارینین یاشادیقلاری کندینین آدیدیر *گول بدن بی بی–آتامین آتادان بیر باجیسی نین آدی اولموشدور کی اونلارین باجی قارداشلیق موناسیبتلری ائل ایچینده دیللر ازبری اولموشدور *فریده- گول بدن بی بی نین اوچونجو گلینی دیر کی حیات یولداشی اولندن سونرا کند خارابا داملاریندا تک باشینا یاشاییر؛

+ نوشته شده در جمعه دوم فروردین ۱۳۹۸ ساعت 19:21 توسط (قلئی چی مورتوض)  | نظرات

وطن سیز یاشامی...........

گئجه ائوده اوتورموشدوم تلفونوم زنگ چالان کیمین گؤتوروب باجیمین سوزلرین دینله ینده لاپدان اؤنکورمه چالیب آغلایا آغلایا دئدی آتام خسته له نیب اوزو قیبله ساری اولسادا بیر آنلیقدا اولسا سنی گوروب جان تاپیشیرماق ایسته ییر؛بو سوزو ائشیدن کیمین زنگ آچیلان طرفدن قارداش آی قارداش دئییه دئییه سس کسیلنده دستک الیمدن دوشوب دونیا باشیما دولاندی؛بو گؤزله نیلمز خبردن گوزلریم دولوب ایکی الیمی باشیما قویاراق چوملتمه اوتوراندا داغ دوزوملو آتامنان گئچیردیگیم گونلر بیر بیر گوزومون اونونده گلنده قایا پارچاسی کیمین سینیب اوز ایچیمه توکولوردوم؛آخی بیلیرسیز قریب اولکه ده یاشادیغیم ایچین ایللر بویو وطن سیز یاشاییب آتا آنامی یوخوندان گوره بیلمیردیم؛بیله می پوزقون حالدا گؤرن اوغلوم بوینومو قوجاقلاییب گوز یاشلاریمی سیلنده ندن بئله کدر اولدوغومو سوروشدو؛یئنی دن اؤزومو اله آلیب یاشایشیمیزدا آتامنان اولان خاطیره لره قاپاناراق اللریمی اوکلییه اوکلییه اوزولوردوم؛ ؛دالغالی اوکیانلارآرخاسیندا یاشادیغیما گوره آتام دونیاسینی دَییشنده گله بیلمه سمده نهایت کی بیر نئچه ایلدن سونرا اولکه یه اوز توتوب آتامین مزاری اوستونه گله رک آتا بالا یئنی دن گوروشمه لی اولدوق؛بو دونه سفریم ده عایله وی گوروشلریمیزی گوز به گوز تزه له ینده هر گئجه بیریسینه قوناق اولوردوم؛بیر گئجه ده باجیلارین بیریسی نین ائوده اولارکن آتامدان صحبت گئدنده یئنی دن آغلایا آغلایا بیر داش پارچاسینی منه گوسته ریب ایضاح وئردی کی قارداش آتام عومرونون سون آنلاری اولاراق یورقون باخیشلارینان قاپی یا گؤز تیکیب سنین گلمه گینی گوزله ییرک اینتظارچکنده بو داش پارچاسی نی اوره گینین باشینا قویدوق کی راحاتجاسینا جان وئره بیلسین؛بوغوض منی توتان داشی الیمده سیخاندا بیرجه کلمه دئییه بیلدیم کی من آتاما اوغول و سیزلره قارداش یوخ بلکه قاراداش اولمالییام..................

+ نوشته شده در جمعه بیست و چهارم اسفند ۱۳۹۷ ساعت 19:0 توسط (قلئی چی مورتوض)  | نظرات

بیر اؤووج کول.............

سون واقتلارآتامین خسته لیگین نظره آلاراق ائوین ایلک اوشاغی اولدوغوما گوره هئچ اولماسا تکجه بیر ایسته گینی یئرینه یئتیرمک ایسته ییردیم؛ عایله ده آناسیز باجی قارداشلاریمین اینانج یئرینه دونن آتام عومور تارلاسی نین سولقون واقتلارینی یاشاسادا هله ده اوز آرزی ایستکلرینن تویوش(نفس) ووروب کربلا زیارتینه گئتمک ایسته ییردی؛حکیم لرین نظارتی آلتیندا اولماغینا باخمایاراق نهایت کی یایین قورتاراجاق گونلری دئییه اؤزومله آتام ایچین پاس پورت آلیب بیر قوروپ زیارتچی یا قوشولاراق موققدس بیرسفره چیخدیق؛آتام یول اوزونوبیر اینانمیش شیعه کیمین کربلا شهیدلرینه اولان دویغولارینی گوز اونونه گتیریب جوشقو ایلا یولوموزا داوام ائله ینده اوز جانی نین آجی آغریلارینی دا یاددان چیخارتمیشدیر؛بیرگون بیر گئجه یول گئدنده سونرا مقصده یئتیشیب بیر هفته لیک سفریمیزده آتامین فرات قیراغیندان ایمامین حرمه قدرکربلا واقعه سی نین اولایلارینی آچیقلاییب یولداشلاریمیزا ایضاحلار وئرنده گاهدان گورنلرین گوز یاشلارینا سبب اولوردو؛ بیر گونده توربه قارشسیندا دایانیب حضرت علی اکبرینن آتاسی ایمام حسین نین آتا بالا موناسیبتینی اورتایا چکه رک مظلومجاسینا شهید اولماقلاریندان سوز آچاندا منیم ده گوزلریم دولوب های هاینان آغلایاندا بیر آجی حکایه نی یادیما سالدی؛ 1325 نجی ایل محمد ایرضاشاهین آدام اولدورن اوردوباشجیلاری آزاربایجانا باسقین ائله ینده قارا داغین آبیش احمد بولگه سی دئییه موتاللی کندساکینلی ایبراهیم واوغلومئهشدی آتا بالا آفدامات گوتوررک آرخا آرخایا وئرنده قوچاق فدایی کیمین حاققی دانیلمیش یورداشلارینی مودافیعه ائله ییب قانلی قادالی دویوشلردن سونرا نهایت کی شاه سارایینین قاب دیبی یالایان بولگه مولکه دارلاریندان اولان ایبراهیم خان اوغلو اسداله خانین الینه کئچیرلر؛بو وطن خایینی اسیر دوشموش فدایی لریمیزه چوخلو ایشکنجه لر وئرندن سونرا بیر گون عایله سی گوز قارشسیندا آتا بالانی قول قولا باغلاییب اوستلرینه نئفت توکه رک هر ایکیسینی یالقین آلولار آغزینا آتاراق اوت وورمالی اولور؛ او دهشتلی حادیثه نین اوستونن ایللر گئچسه ده هله ده او بیراؤوج کوله صاحاب دورانیمیزیوخدور...........................

+ نوشته شده در جمعه هفدهم اسفند ۱۳۹۷ ساعت 19:21 توسط (قلئی چی مورتوض)  | نظرات

بیلمیر.............

اوگونلری یئنی آلدیغیم گونده لیک درگینی(روزنامه)گوتوروب حاجی ایرسولون ائو آل سات ائله یین ایش یئرینه گئده رکن سئوینه سئوینه ژورنالین باش یازیلارینی دوسلار گوسته ریب دئدیم شوکورلر اولسون کی اینقیلاب باشجی لاری قیرخ ایلدن سونرا اوز سعفلرینی باشا دوشوب اولکه ده دَییشیک لیک ائلمک آنلامینا گلیب لر؛بورادا اوتوران دوسلار هره سی اوز بیلیگ لرینی اورتایا قویاندا قیرخ ایل گئچه رکده اولکه داخیلی آپاریلان یانلیش سیاست لرین اوستونه بارماق قویوب ایچ اوزونو آراشدیراندا گاهدان دا سوزلرینین آراسینا گیریب بیربیرلرینی تصلیق له ییردیلر؛بیر آندا خالام اری ایسگندر الیمده کی درگی آلیب باش یازیلارینی گوزدن گئچیره گئچیره باشین تولاییب ایضاح وئردی کی قیرخ ایل گئچه رکده ایران عراق ساواش سیاستیمیز یانلیش؛ اولکه داخیلی گوجلو پارتیالاری هده لمک سیاستیمیز یانلیش؛ سیفارت خانالار دوواریندان آشماق سیاستیمیز یانلیش؛ اوروسییته آرخالانیب هسته انرژی یولا سالماق سیاستیمیز یانلیش؛ قونشو اولکه لر ایشینه قاریشماق سیاستیمیز یانلیش؛ اولکه داخیلی قادینلار باش اورتوگو سیاستیمیز یانلیش؛ کوچه لرده بایراق یاندیریب ایاقلاماق سیاستمیزیانلیش آنا یاسادا گلن اویماقلارین قانونی حاقلارینی وئرمه مک سیاستیمیز یانلیش؛ 1388نجی ایل خالقین یئیشیگه(صاندیق)آتیلان رایینه انگل تورتمک سیاستیمیز یانلیش؛ فیلیسطینه لیوانا(لبنان)عراقا یمنه سیلاح سورسات گوندریب بولگه ده گرگینیک یاراتماق سیاستمیز یانلیش؛ پول و ایقتیصادیات سیاستمیز یانلیش؛ کتدلری بوشالدیب شهره کوچورتمک سیاستیمیز یانلیش؛ بو آندا بیر آهیل آق ساققال کیشی ایچری گیریب سوزوموزه قولاق آساندا الین آتیب ایسگندرین چینینه قویاندا دئدی ایسلام حوکومتی قیرخ ایلین ایچینده آپاردیغی سیاستلر هاممیسی یانلیش اولسادا ایران چرچیوه سینده یاشایان تورک خالقینا قارشی آپاردیغی فارسلاشما سیاستی نی دوزگون آپاریبدیر؛اوستاد دفتری عصبله شن کیمین سیگارئتینی چیخاردیب ایاغا دوراندا ندن بئله دوشونورسوزدئییه سووال وئرنده کیشی علاوه ائله دی کی ایندی ایران ایسلام اولکه سینده هئچ تورک وطنداشی اوز تلفن نوموره سینی آنا دیلینده باجاریب دئییه......................

+ نوشته شده در جمعه دهم اسفند ۱۳۹۷ ساعت 18:22 توسط (قلئی چی مورتوض)  | نظرات

کسیلمیشم............

بیر ایکی آی اولاردی قالایچی مورتوض یئره گویه یامان یووز دئییه دئییه سارقین(ناخوش) قایین آتاسی نین تاپیلمایان داوا درمانی چین اورت باسدیرماحالی نین داواخاناسینا گئد گل ائله ییب قاباقجادان تانیدیغی دوکتوروجئری یه ساققال توتوب یالوار یاخارینان تاپیلمایان درمانین ایسته ییردی کی یورقان دوشک عوضینه آلتینا نایلون سالینان قایین آتاسینی بو تهلوکه لی خسته لیکدن قورتارسین؛هرواقت اولدوغو کیمین بو گونده هفته نین ایلک گونو اولاراق قالایچی مورتوض داواخانایا اوز توتاندا بیر بوجاق دا چوملتمه قوروب آغیراوزونتولرله هر دنده قوزانیب شوشه آرخاسیندا بویان اویانا گئدن تانیش دوکتورو گوزله ییردی کی نه ایسه........................... سحر تئزدن داواخانایا گلیب گئدنلره سای سالاندا ناهارا یوخون بیر دوکاره خانیم ایچری گیریب الینده کی نوسخانی تور سوزو دوکتوره اوتورنده وورقولاییر کی آغای دوکتور ائله بیل دئییرلر اولکه ده درمان قیتلیغی وار؛دوکتور گوزلوگون اوستونده قادینا باخیب ادب ارکاننان جاوابلاییر کی یوخ جانیم زیرپی شیطانین سوزونه اویمایین الین اوزادیب آرخا یانا دوزدوگو درمانلاری گوسته ره گوسته ره ایضاح وئریر کی باخ بیزیم داواخانادا واجیبی؛ شاف؛کیشی لر دورقوزاق گئییمی؛قادینلارا اوز یاغی؛ تیغ تاراش؛ بارماق چسبی؛ ایاق داشی؛ جانیم سنین ایچین دئسین زیف ساققیز؛ ایشلتمه یاغی جور به جور واردیر؛خانیمین ایسته دیگی داواجاتی نایلونا یغیب یولا سالاندا اودا دوعا سانا ائله یه ائله یه الله کاتدا ایسلامی و قوچو نیظامی بیزه گورمه سین دئییه چوله چیخاندا بیر کتددی یووسون کیشی خایلاغی ایچری گیریب تاپیلمایان بیردرمانی آدین آپاراندا دوکتورجئری بویان اویانا باخاراق ائحمالجا آدی گئدن داوانی میزین آلتیندان چیخاریب کیشی یه وئررکن آلتمیش قات پولون طلب ائله ینده موشترینین قان قالاغی قاریشان کیمین دوکتورو تنقید آلتیناآلاراق سوندا اوجا سسینن دئییر جانیم سن هئچ کسیلمه ییب سن کی؛ایکی آی نوسخاسی قولتوغوندا گلیب گئدن قالایچی کیشی نین بو سوزون ائشیدنده بوغضو توتان کیمین لاپدان شالوارین آشاغی سیرییب دئییر آی آغا من................... ________________________________________________________________________________ دوکتورجئری- قالایچی مورتوضون قلمداشی اولاراق اوزوده بویوک یازیچی و تنقیدچی دیر

+ نوشته شده در جمعه سوم اسفند ۱۳۹۷ ساعت 17:40 توسط (قلئی چی مورتوض)  | نظرات

گورورسن؟...............

هرایل اولدوغو کیمین بو دونه ایران ایسلام اینقیلابی نین قیرخینجی ایل دونومو گونلری دئییه داشقانی گوتوروب کوچه آغزیندا چللک اوتو قاللایاراق آی زنگان یئر آلما سوغانی آلان چاغیریردیم؛ هاچاندان هاچانا خالام اری ایسگندر منه قوشولوب خیاوانا توکولن جاماهاتین های کویونه باخاندا لاپدان بیر تلویزی یا آپاریجی سی منه یاخینلاشیب میکروفونو آغزیما توتاندا دئدی آی عمی سن قدیم آدامسان اینقیلابین ایلک ایللریندن نسه یادیندا وارمی؛ اوچ دورد دنه یئشیک(جعبه)تاخداسیندان آییریب چللک اوتونو قیزیشدیراندا اللریمین قاراسینی دیزلیگیمین(شالوار) دال حیصصه سینه یاخایاخا دئدیم 1356نجی ایللری آتام باش کتدن گیزلیجه آغانین شکیلینی گتیریب اولکه گئدن اولایلاری آچیقلایاراق ائل طایفانی باشا سالماق ایسته ییردی کی نَسه بو توممه تین اوغلو شاه ماخلوغون نئفت پولوسون زادین یئییر؛ منده سئوینجک اولاراق بیر گون او شکیلی چانتاما قویوب مکتب ده صینیف یولداشلاریما گوسته ررکن معللیمین قضبینه توش گلن کیمین بیر آغیر شیلله یئدیم؛ دورد بئش ایل اوستونن گئچندن سونرا یای تعطیلات گونلری دئییه کوچه لری دولانیب قولتوغومدا چورک ساتاندا بیر گون کمیته قارداشلاری(بسیجی)اوستومه یوروش ائله ینده چورگیمی آلیب داغیداراق اوزومه ده بیر دادلی شیلله ویردیلار؛ آپاریجی ساغ اول عمی دئییب یولا دوشنده کئفلی ایسکندر گولومسه ییرک سوروشدو قالایچی مورتوض او شیللئینن بو شیلله ده نه تفووت.........................

+ نوشته شده در جمعه بیست و ششم بهمن ۱۳۹۷ ساعت 17:25 توسط (قلئی چی مورتوض)  | نظرات

بس عمی جاندا خبرلری..............

بویوک چیلله قورتاران گونلری دئییه شهر ماقازین لرینین قاباغیندا اَت صفینده دوراندا جاماهات سیخلیغی اولان کیمین لاپدان*خنه یه نین(خانقاه) چی اَت قاپماق حادیثه سی باش وئرنده منن قونشوموز موباحعلی ایاق آلتدا قالمایاق کورو پئشمان قاییدیب ائوه گلنده یول اوزونو موباحعلی خاریجه خبرلری دئییرک بورونونون دلیک لریندن بوغو(بخار) دیزل توتونو کیمین چوله بوراخاندا منه سووال وئردی کی قالایچی مورتوض گئجه تلویزیادان خبرلری ایزله دین دایانمادان داوام ائله دی کی گئچمیش شاهین اوغلو(ولیعهد) چیخیش ائله ییرک موراجعیتینده دئییردی آی میللت من دالیزدا وارام اولکه ده ارزاق قیتلیغی وارسا توکون خیاوانلارا بودونه چئویرلیش اولوب من گلسم هااااااا سویو برقی گازی آفتابوس مشروطلارینی مترونو هله هئچ تیرگه کی دورقوزاق گئیمینی لاپ اولسا بئله شاف کیمین بعضی چوخ ایشله نن درمانلاریدا پولسوز اعلان ائله ییب باشینان جانینان خالقیمیزا قوللوق ائله جه ییم؛ موباحعلی نین بوسوزوندن اوزومو ساخلامادان گولنده بیر حیکایه یادیما دوشدو؛ آخی بیلیرسیز منیم بیر دوکاره اوگئی عمیم وار بو یازیق کیشی اورتا یاشلاریندان آمریکه نین یوخ باغیشلایین چاشدیم حیات یولداشی فاطما گول خانیمین تحریمینه معروض قالاندا دورقوزاغیندان شوغللوزوممه لرکیمین آف توف ائله یه ائله یه گلئی گوذارلی یاشیردی؛هر ایکی آیدان بیر قورخا قورخا کوند ائله ییب فاطما گول خالانین یاتاق اوتاغینا گیرنده حیات یولداشی یوخوسو کال اولان کیمین دوروب اوستونه جوماندا لوممه لن لوت عمی جانی ایاق قابی آغزینا وئریب حییت قاپیسینا کیمین قووالایاراق یامان یووز دئیینده داوا دالاش لاری تنگه نی گوتورودو؛بو ار آرواد قارپیشمالاری نئچه یول کند شورا باشجیسی نین ائوینه چکسه ده آروادین قارداشلاری توکولوب اوندان حمایه ائله سه لرده یازیق عمی نین ایشی یئرده قالیب دالیندا دورانی اولموردو.؛ایللر بویو گولو بورنوندا یاشایان عمی قونشولوق دا بیر ایکی یول قاشی قیللی دول ظریفه یه اوجشسه ده اودا آلینماییب ظریف عمی نین اونا حصر ائتدیگی قزلخوانلیق لاری کند آراسی یاییب گولوشوردورلر؛یای گیره جه گینده بیرگون باغا یولوم دوشنده اوزاقدان اوزاغا گوردوم عمی جان آریلیق دا اوتوروب شئیین الینه آلاراق ساغ یانا چئورینده دئییر آی یازیق آی بئچارا نه قَدَر باشی آشاغا اولاجاقسان دور حاققیوی آل............................ سول طرفه چئویرنده دئییر نه قَدَر باشی یوموشاق اولاجاقسان دور حاققیوی آل....................... ایندی کی دالیندا دورانین وار........................... _______________________________________________________________________________ *خنه یه نین(خانقاه)چی اَت قاپماق مسئله سی بیزیم خالخال بولگه سینده بیر آتاماجا اولاراق خالقین دیلینده ایشله نن سوزدور؛خنه یه اصلینده خالخال هیرو شهرینه یوخون بیر کندین آدیدیرکی او کند جاماهاتی عموماَ سئید نسیللیدیرلرکی آدی کند کتده قدیم دوره لردن قالمیش سئیدن نیار(سید دانیال)آدلی بیر ایمامزادا واردیر؛گئچمیش چاغلاردان دوره بر کندلرین آدامی نذیر اولاراق آپاریب اورادا مال داوار قوربانلیق کسیب پایلاردیرلار؛خنه یه ساکن لری آلدیقلاری قوربانلیق اَتینه باخمایاراق هردن کسیلن قوربانلیق اَتلرینی نذیری پایلایانلارین الیندن آلیب قاچاردیلار؛

+ نوشته شده در جمعه نوزدهم بهمن ۱۳۹۷ ساعت 17:38 توسط (قلئی چی مورتوض)  | نظرات

سیزنئجه؟(2).................

1 بیز موسلمانیق

2-بیز یالان دانیشماریق

3بیز دستامازآلمامیش خانیملارین ایشینه باخماریق

4- بیز ناماز قیلمامیش تیکه توتماریق

5-بیز قارینچا(قاریشقا) اولدورمه ریک

6-بیز تویوق باشی کسمه ریک

7-بیز آرا قاتماریق

8-بیز موسیقی یه قولاق آسماریق

9-بیزامیرکه تویوغونا داش آتماریق

10-بیز اوروس الی دَیین اتی یئمه ریک

11-بیز چاینادان گلن بونجول پالتاری گئیمه ریک

 12-بیزقاچاق مال چیلیق ائله مه ریک

 13-بیز اوغورلوغونان باریشماریق

14-بیز ایختیلاس زاد بیلمه ریک

15- بیز نوزول یئمه ریک

16-بیز کیمسه یه قارا یاخماریق

17-بیز اوروشوت خورلوق ائله مه ریک

18-بیزعیراق؛لیوان؛ فیلیسطین؛یمن دویوشچولرینه دال چئویرمه ریک


19- بیز اورت باسدیر ائلمه ریک

20-بیز اوزوموزه اولگوج وورماریق

21-بیز هئچ کیمین آشینا سو قاتماریق

22-بیزهئچ کیمسه نین جیبینه ایجازه سیز ال اوزاتماریق

 23-بیز اوزگه نین سوزون دانیشماریق

24-بیز بیرینین دالینجا شاخ شاخا قوشماریق

25-بیز تیرگک زاد چکمه ریک

26-بیز ایاق یولونا کوندوک سوز(آفدافا) گئتمه ریک

27-بیز ایاق قابی دابانی یاتیرتماریق

28-بیزیالان نان آند ایچمه ریک

 29-بیز قهبه زاد دولاندیرماریق

30- بیز الله دان باغیشلایین چاشدیم آرواددان قورخانیق......................

+ نوشته شده در جمعه دوازدهم بهمن ۱۳۹۷ ساعت 17:12 توسط (قلئی چی مورتوض)  | نظرات

پوهروز--مورتوض................

اوگونلری پوهروز قاغام باشکنددن گلیب گئجه عایله وی یغیشیب یانینا گئدنده چای زاد ایچیب ایقتیصادیاتدان گله جکدن و ایران ایسلام اولکه سی نین یمن و سوری یا عملیات اوغورلاریندان دانیشاندان سونرا لاپدان من قالایچی مورتوض بیله سینه سورقو وئرنده کی آی قاغا باشکنده نه خبر وار بورکونو باشیندان گوتوروب ساچ دوزومونو سیغارلایا سیغارلایا دئدی نه خبر اولاجاق باش کندی ساسیق ایی قوخوسو گوتوروب؛نئچه واقتدیر زحمت کش محصوللاریمیز بیربیرلرینین گوتلرین اییله ییرلر کی بو ساسیق(گند)ایی قوخونون سببکارینی تاپیب پیرابلئمی آرادان قالدیرسینلار؛قاغامین سوزو قورتاران کیمین الیمده سیخی علاوه دن اوتا قویوب سانجاغا سورته له ییب اوچ دورد نفس ویراندان سونرا بورنومو قاشییاراق بیر حیکایه یادیما دوشدو؛

بیز اوشاق واقدی کند مکتبی اولاراق ایکینجی صینیفه گئدنده سیپاهی دانیش معللیمیمیز واریدی کی آدینا آقا دئییردیک هرگون سحرسحر مکتبه گلنده بورنون توتوب عصبله شرک اوشاقلاردان سوروشاردی کی بوگونلری کیم پیسیدیب؛ بئله لیک له هر گون بیر اوشاغی قارا تاخدا(تخت سیاه)قارشسینا چاغیریب شو سویود چوموغینان اللریمیزدن ویریب آغلادا آغلادا یولا سالاردی؛تا کی بیر گون اوشاقلار بیرله شه رک شالوارین چیخاردیب گوتون اییله یینده گورورلرکی آاااااااااا.....................

+ نوشته شده در جمعه پنجم بهمن ۱۳۹۷ ساعت 20:24 توسط (قلئی چی مورتوض)  | نظرات

منی قارا یولا دویلت آدامی اولایدیم............

ایرحمتدیک آغامعلی دایی اولندن سونرا ائله بیل اوچ دورد میلیون تومن  پولو چیخیر؛دیش باشی توکولموش حیات یولداشی قمر خالا کندین شورا باشجیسی قالایچی مورتوض موراجعیت ائله ینده بئله  قناعته گلیرلرکی پولو آپاریب شهر بانکلارینین بیرینده آمانات قویوب هر آی باشی اوستونه گله نی آلیب گونده لیک ماییش ائله سین؛ بیرایکی ایل اول هر آی باشی پولونون اوستونه گله نی واقتلی واقتیندان توکولسه لرده  بو دونه ایکی اوچ آی اولاردی کی بانک طرفیندن قمر خالانین کارتینا پول توکموردورلر؛ اونا گوره قوجا آرواد تانیش لارین بیرین گوتوروب شهربانکینا موراجیعه ائله یینده گورورلر کی قاپی سی باغلیدیر؛بیردان اوردان سالیق سوراق توتاندا  بئله معلوم اولورکی ایسلام اولکه سینده بانکلاری ال قاپ ائله ییب یوخ بابا........

برشیکاست چیخان کیمین بو قمر خانیمندان پولون گوتوروب آرادان چیخیبلار؛قمر خالا کنده قاییداننان سونرا  تانری نین وئرن گونو الی چلینگلی قاپلاریندا اوتوروب قوچو نیظامنان توتموش گلیب گئده نه یووز دئییردی؛ بو وضعیتدن زینهارا گلن کند جاماهاتی بیرگون شهر ایداره سینه کاغاذ یازیب قارینین عرض حالینی نی یئتیریرلر؛ بئش اون گون اوستونن گئچندن سونرا  بیرگون ایداره طرفیندن گلیرلرکی قمرین ایشینه باخسینلار؛ترس آوا کند جاماهاتی های کوی یه ییغیشان کیمین گلن دویلت آدامی کندین شوراسی لا بیرگه قمرخالانین قاپیسینا گلیب محصوللارا دئمه گه نه سوزون وار سوروشاندا اودا ناله نیفرین ائله یه ائله یه  دئییرآی شورانین دده دلیگینه ساققالینا ........ آی وکیلین آغزینا.........؛آی وزیرین اوزونه.........؛آی بانک ایر یسینین گوزونه...........آرواد لاپدان عاصی کیفیری اولارکن اوزون سویوب آغام علی نین آدین گتیرنده  قالایچی مورتوض تئز قاچیب الین آغیزینا قویاندا دئییر اونو یوخ اونو یوخ........................

+ نوشته شده در جمعه بیست و هشتم دی ۱۳۹۷ ساعت 19:20 توسط (قلئی چی مورتوض)  | نظرات

عاغیللی اینسان............

ایلک یارانیشدان فیل قاریشقانی ایاقلیر؛شاه آدام اولدورور؛قورد قویون پارچالاییر؛اینسان باریت دوزله دیب قالا داغیدیر؛آسلان بالالی گئییک قارنی سوکور؛اینسان بومب دوزلدیب ائو یخیر؛تولکو تویوق نینینه سوخولور؛اینسان اوزگه نین ائوینه؛ناققا بالیق اودور؛اینسان یئدیگینی گویشه گینه گتیریر؛هورومچک تور قورور؛اینسان تله قورور؛آیی جینسی مسله اولاراق قابانا طاماح سالمیر؛امما اینسان آتا؛ائششگه؛ ایته؛اینه گه؛گئچی یه ؛نه بیلیم اوز هم جینسینه طاماح سالیر؛هئچ بیر دونقوز اوز دیشیسینی زورلامیر؛ یئری گلنده کیشی  قادینی زولاییر؛گامیش اوز یئددی آرخا توره سینن اولان دیشییه یوخونلوق ائله میر؛امما کوروش طایفا توخومو کیمین آدام وار اوز ننه باجیسینا اوجه شیر؛ایسلام اولکه سینده وکیل خانیمی زولاییر؛حاکیم اوستون باسدیریر؛

یئنه ویریب باشیما اوزو اوزومه دئیینیرم هاااااااااااا

قونشولوقوموزدا سویو شیرین عاطیفه قیزلاربولاغیندان سو ایچیب گئد گئده آدی دیللره دوشنده آناسی گول گَز خالا اونوگوزدن قویموردو؛بو قیزمکتب ایللرینی اوغورلا بیتیرسه ده آییری شهر اوونوئرست لرینه گئتمه گینه عایله سی ایمکان وئرمه ییب عالیه تحصیلدن قالمیشدیر؛امما بو سولارین سوناسی ائل ایچینده ادب ارکانیندان علاوه؛یئرلی یاتاقلی بوی بوخونوینان؛ اوزون ساچلارینان؛قی باخیشلارینان؛آلما یاناقلارینان؛آغ بوخاغینان؛یول گئدنده کهلیک یئریشی نن یاشیدتایلاریندان فرقیله نیب داها دوغروسو اوغلارینا قیزآختاران عایله لرین دیققتینی چکیردی؛گاهدان آناسینین گوزون اوغورلاییب باغ باغچایا چیخاندا گورنلری حیرتده قویوب طالعین خوش اولسون دئییه بیله سینه خئیر دوعا وئریردیلر؛امما آتالار دئمیشکن قیزیل تاختین اولماسین اوغورولو باختین اولسون دئییه؛گنج عاطیفه اوزوندن آسیلی اولمایاراق گلن ائلچی لرینی الی بوش سالیب اوز آلین یازیسینی گوزله مه لی اولور؛ایشینین سونوندا اوزو ماسکالی بیر وارلی کارلی گنج اوغلاننان حیات قورسادا گئتدیگی ائو اونون اوچون ایشکنجه یئرینه دونور؛گئد گئده بیر قیز اوشاغی آناسی اولان عاطیفه قیسقانج ارینین ظولمونه تاب گتیرمه ییب اوز حیاتینا سون قویماق ایسته ینده کورپه بالاسینا بیر مکتوب یازیب آغو ایچه رک حیاتینا سون قویور؛اولومدن سونرا کاغاذی تاپیب اوخویانلار گورورلر کی وصیت ائله ییب قبیر داشیمین اوستونه شکیلینی چکیب آلتیندا یازارسیزکی هله ده قددارکیشی لرین یوموروغو باشیمیزدادیر................

______________________________

گئچن گونلرده ظالیم لر زاوالینا گلمیش ملک کندلی(ملکان)زاهرا نویدپور بالامیزین عذاب اذییتلی روحونا ایتحاف یازدیم

+ نوشته شده در شنبه بیست و دوم دی ۱۳۹۷ ساعت 8:39 توسط (قلئی چی مورتوض)  | نظرات

نه آتیشماسی؟..........

نه آتیشماسی؟..........

گنج یاشلاریندان باش کنده کوچموش هم یئرلیمیز مئشه نوغدو دئییردی ناواقتدی بی ادبچیلیکدیر شئی باشینا گئچیرتمه(کاندوم)زاوادوندا(کرخانا) گوزتچی ایشله ییرم؛یئدی شکگیزآی امک حاققیمیزی وئرمه دیکلرینه گوره زاوودو یاتیردیب ایشیچیلر بوتویلوکده تانری نین وئرن گونو اورت باسدیرا گئدن شوسا یولونو کسه رک داش زاد دوزوب یولو باغلیردیق کی بلکه هاراییمیزی ائشیدن اولسون؛بیر ایکی آی بو ایشی داوام ائله ینده سونرا بیرگون یولونونان گلن بیر ماللا باشجیسی شیخ آغا باهالی ماشینین ساخلاتدیریب سوزوموز ائشیدن کیمین زاووت صاحابینا ایزنگ آچاراق قارا قورخو گلمه گینن قاداسی جانیما ایشیمیزی یول اوستونه قویدو؛ نئچه او گون قضیه دن سونرا زاووت صاحابی بیله میزی چاغیریب آز چوخ ماییشیمزدان وئرندن بئله هامیلیغان بو قرارگلدیک کی اوزوموزه گلن هفته نین ایلک گونو ایش اوستونه قاییدیب تولیدات داخیلی نی یئنی دن باشلایاراق امت هممشه در صحنه یه خدمات ایرسانلیق ائله ییک؛نوغدوکیشی علاوه ائلیردی کی هممشه اولدوغو کیمین او گونده صوبحه یوخون خوروزون ایلک بانین ائشیدیب نامازی زادی قیلاندان سونرا هاوا قارانلیغیندان گئییب قاپیدا ماشروط ماشینی گوزله ینده قونشوموز قالایچی مورتوض آلا قارانلیغیندا فیسیللایا فیسیللایا ایکی سومو الینده آلیب حیت قاپیلاریندان ایچری گیرنده آتیشما سسینی ائشیدن کیمین گوردوم آلتدان آلتدان دئییر؛اده کوپک اوغلو تیرانپ سس سالما آرواد دورار دده می سویر.....................

+ نوشته شده در یکشنبه شانزدهم دی ۱۳۹۷ ساعت 10:2 توسط (قلئی چی مورتوض)  | نظرات

هاردان گتیریبسن؟..................

گئچمیش هم یئرلیمیز میرخوسو(خسرو) گنج یاشلاریندان باش کنده کوچوب ایاق اوستو ال قاپ ایشینن آز چوخ اوزونه دام دئش ال ایاق ائله میشدیر؛گئد گئده اوچ اوشاغین آتاسی اولماغینا باخمایاراق آرواد بیله سینن ترس تولاییب اوزون قالماغالدان سونرا نهایت کی ایشلری محکمه یه دوشوب کبینین اجرایا قویان کیمین کیشی نین وار یوخون الیندن آلیب ائودن چیخاریر؛خوسو کیشی ناچارچیلیق دان کنده قاییدیب دام دووار کولگه سینده دالدالاناراق یئری گلنده کند به کند دولانیب آز چوخ دیلنچی  ائله مه گینن عومور گون سوروردو؛و قیشین سَرت سویوق گونلریده دوره سینه یغیشان ایت پیشگینن گئچمیشدن قالان کوهنه کالاوالارینا سیغینب دده سی نین اوجاغینی آخی نه دئییم؛هردنده شهره اوز توتاندا  بیزده یئمله نیب ائوین قوللوقوچوسو بیله سینه کوهنه پال پالتار وئرنده او گونلری دده دلیگیمین کوهنه آباسینی بیله سینه گئدیریب یولا سالمیشدیر؛تانری اوله نیزه ایرحمت ائله سین او گونلری کتده  حوزون یئری اولارکن جاه جالالینان بولگه باشجیمیزشیخ آغانی قارا شوشه لی ماشینا میندیریب مجلیسه واران کیمین کند جاماهاتی وریندن آلقیشلانیب سورقو سالاواتینان منبره قالخاندا قاپی گیره جه یندن خوسو کیشی اَبا چینینده دوروب جاماهاتا الین اوزادا اوزادا یالیغام یولوغام منه یاردیم ائله یین دئییه دولاناندا؛ جانینا قوربان اولدوغوم شیخ آغا مجلیسی آپارماق ایسته ینده نئچه آیه ی شریفه اوخویوب تورکوسون خیرتدایاندا میرخوسونون حوزون یئرینی قاتماغین گوروب دیل دوداغین گمیره گمیره ایکی اوچ سالاوات آلاندان سونرا الین اوزاتدی بیله سینه اَشی او گوزلوگو هاردان گتیریبسن؛او یون جورابی هاردان گتیریبسن؛دووار کوگله سین هاردان گتیربسن؛ائر بئله ایت پیشگی هاردان گتیریبسن؛دده وین کالاواسین هاردان گتیربسن؛گئجه یوخودا گوردگون یاغلی اوزلو سیفیراسینی هاردان گتیریبسن؛چینینده کی اَبانی......................

______________________________

 *بو حیکایه نی ایرحمتدیک حمید آرَش آزادین بیر شعیریندن آلیب یازمیشام

+ نوشته شده در جمعه هفتم دی ۱۳۹۷ ساعت 19:41 توسط (قلئی چی مورتوض)  | نظرات

چیلله ننه...............

چیلله ننه...............

اسکی چاغلاردان خزل آیینین سون فصیلی دئییه اون یئدی سیندن باشلاییب اون سکگیزینجی گونلرینه قدر *تَکَه قاری یاغیب جاماهات بیربیرلرینن سیخلاشارکن شر قووه لر طرفیندن گونشین توتوقلانماغین دئییب یئر اوزونو قارا باسماغینا اینانیردیلار؛

بو اینانج لا یاشایان اوجقار بیر کند جاماهاتی نین داملاری بیربیرینه سویکه نیب یوللاری اولسایدی دا کتدن قیراقدا دام دئشی اولان چیلله ننه تک یاشاییب عومور گون سوروردو؛

دری دونیادا بیر ائششگی و اون ایکی قازی اولان قاری ننه یای یاز گونلری اولاغینی دوره برقونشولارا کرایه وئریب آز چوخ خیردا دنه آلاراق قیش گونلرینه زومار ییغاندا قاز یومورتالارینی دا ساتانی ساتیب قالانینی چورک یاوانلیق ائلردی؛

هر ایل تَکَه قاری نین یاغماغین گورَن کندآدامی ایده دن؛گوزدان آلمادان گوتوروب قاری نین ائوینه توپلاشارکن گونون گودلمه سیندن دئییب یئر اوزونو قارانلیق باسماغینی بیر بیرلرینن پایلاشارکن قورتولوش یولونا نذیر نیاز ائده دیرلر؛

 لاپدان دانیشدیقلاری ناغیللارقورخولو اولسایدیداگئجه گئچن کیمین ائولرینه اوز توتاندا چیلله ننه دن ایشیقلیق داوامینا خئییر دوعا آلیب گئدردیرلر؛

امما سون ایللری آغیر قار اوجو باتینان  چیلله ننه دن خبرسیز اولان کند آدامی بیرگون  قالایچی موتوض آلتدان اوستن گئیینیب قاری ایاقلایا ایاقلایا گلیب چیلله ننه نین دامینا چیخاندا اَییلیب باجادان سس سالیرکی آی قاری ننه آی قاری ننه گون اوزانارمی؟

دوغوم گونون یاخین گورن چیلله ننه قالایچی نی تانییب اوجا سسینن دئییر گئد منه بیر یئمیش گتیرکی ایچین اوزوم یئییم قابیغینی ائششگیم یئسین دنه لرینده قازلاریم؛قالایچی قاییدیب آز چوخ تپرینج ائدندن سونرا بیر دیبیر قارپیزی چانتایا سالیب علاوه دن قار اوستو یخیلا دورا گتیریب قاری ننه نین باجاسیندان آشاغا ساللاییر؛

اودورکی قاری ننه بیر قارپیزی دورد حیصصه یه بولنده  ایچینی اوزو یئییب قابیغینی ائششگینه وئرنده اوچ یوز آلتمیش  آلتی دنه سینی ده قازلارینا زومار ائله ییر.......................

____________________________________

*(تکه قاری) نین ایضاحی: هر ایل پاییزین سون آیی اولاراق اؤن یئدی گئجه سی تکه بیر چول حیوانی اولاراق اؤن سکگیزین گونونه گئچنده  اؤز دیشی سینی تاپیب موطلق  اوننان جوتلشمه لی اولار؛ و او گونلرده کولک قاریشیق یاغان قارین آدینا ائل آراسی تکه قاری دئییب اسکی چاغلاردا بیلرمیشلر کی پاییزدان اؤن ایکی گون قالیبدیر و بو حیوانلارین جوتلشمه عنعنه سی اؤزو طبعیتده  بیر قریزه اولاراق موطلق او گونده باش توتمالی ایمیش هر حالدا ارکک تکه اون سکگیزینی گونو اوز دیشیسینی تاپیب جوتلشمه سئیدی گلن ایل  اوگونه قَدَر گوزله مه لی اولاجاغیدیر؛

+ نوشته شده در جمعه سی ام آذر ۱۳۹۷ ساعت 18:18 توسط (قلئی چی مورتوض)  | نظرات

ایشیق دیره گی..................

ایشیق دیره گی............

1970نجی ایل آقای معللیمین گئدیگی کند اوجقار اولدوغو اوچون قیش آیلاری قار یاغیب یول یولاغی باغلامیشدیر؛امما کند یئنی یئتمه اوشاقلاری مکتبه یغیشیب درس لرینی اوخویاراق وئریلن تکلیفلرینده هوس له یئرینه یئتریردیلر؛اوشاقلار مکتب دن قورتاران کیمین تنگه باجانین قاربورانینا باخمایاراق چول باییردا قار گولله سینن توتموش زولاخ سوروشکنلرینده اویناییردیلار؛اوغلانلارین ایچینده آناسیز موراد ادب ارکانینا گوره آقای معللیم دیقّتین چکیب و بو اوشاغین گله جکلی اولدوغونو دوشونوردو؛قضا ایشی ترس گتیرن کیمین موراد بویوک چیلله اراده لرینده آغیر خسته له نیب یورقان دوشه گه دوشور؛ کند تورکه داواسی ال وئریشلی اولمایاندا گئد گئده آغیر قیزدیرمالاری اوشاغی امنن سالیب اولوم له اوز به اوز قویور؛نهایت کی مورادین آتاسی چاراسیزلیقدان قیشین قار کوله گینه باخمایاراق آلتدان اوستن گئیینیب  سارقین بالاسینی یورقانا بوکه رک اوزونو قارلی یوللارا ویریرکی بلکه شهره چاتدیریب دردینه درمان ائله سین؛آقای معللیم مورادین یالقیزجا اولوم دیریم آنلارینی گورنده بیر ال آغاجی گوتوروب اونلارا قوشولاندا گونن بیرآز ایشله میش کتدن چیخیب شهره دوغرو یول باشلاییرلار؛یول اوزونو آقای معللیم قاری ایاقلاییب زولاغ آچان کیمین باتا چیخا یول گئدیردیلر؛هاوا قارانلیقلاشیب یوللارینی ایتیررکن بو دونه اوزلری  قضایا دوشوب سویوق ال ایاقلارینی آپارارکن آقای معللیم سَرت سویوغا دوزه بیلمه ییب اوتوردوغو یئرده جان تاپیشیریر؛حاقدان عومورو اولان اولمز دئییه مورادین آتاسی بالا قوجاغیندا گونش چیخانا کیمین اولومنن ال به یاخا اولسادا آتا بالاتویوش تویوشه(نفس) وئریب ساق قالیرلار؛ قارقا قوزقون ییغیشماسین گورن یول کروانی یاردیمنان شهر خسته خاناسینا چاتدیریلیب هله لیک آتانین ال ایاغین سویوق آپارسادا حکیملر بالاجا مورادین قاداسی نی قاملاییب درمان ائله ییرک اولومنن قورتاریلار؛اودور کی موراد بویویوب عالیه تحصیللی اولاندا اوروپا اولکه لرینین بیرینده طبابت ایشینه مشغول اولور؛موراد باشینا گلن بو اولایی اوزونده یاشادان کیمین نئچه ایل قاباق عایله سی له بیرگه اولکه یه قاییدیب کنده اوز توتاندا آقای معللیمین آدینا گئدیگلری یول آیریلیغینیدا بیر ایشیق دیره گی قویور کی قیش یولونا چیخان کیمسه لرین قارانلیق یولونا ایشیق سالا بیلسین....................

________________________________

بو حیکایه نی ایلک صینیف معللیم سورو غلامحسین قیزی(ثریا جهانگیری)خاطیرلایاراق آدینا حصر ائله دیم

+ نوشته شده در جمعه بیست و سوم آذر ۱۳۹۷ ساعت 18:28 توسط (قلئی چی مورتوض)  | نظرات

آتا اوجاغی....................

آتا اوجاغی.............

 پیرمان کیشی ایرحمت دیک ایلک حیات یولداشیندان اولان سون بئشیک قیزینیدا ار ائوینه یولا سالان کیمین قاییدیب ائوده اونکور اونکور آغلاییردی کی بوندان سونرا چیراغیمی کیم یاندیراجاق؛یاشی نین آلتمیش بئش ایراده لرینی یاشایان پیرمان کاسیب عایله اولماغینا باخمایاراق تک باشینا قالماییم دئییه ایکینجی دونه ائولنمک قرارینا گلیر؛دونیا مالیندان  تکجه بیر حَیَت ائوی اولان پیرمان گاهدان قوجالیق گونلرینی گوز اونونه گتیریب اللرینی اوکله ینده نسه ایشیقلی بیر گله جه گه اومود باغلاییردی؛ اودور کی بیر ایکی ایلین ایچینده  تانری بو یاشلی جوتلوگه بیر اوغلان اوشاغی بخش ائله ییر؛ آنادان چوخ آتاسی نین سئوینجینه سبب اولان کورپه یه علیرضا آدی وئریرلر؛امما طالعین سَرت اوزو توتاراق علیرضا ایلک صینیف مکتبنه گئدنده آناسی دونیاسینی دَیشیر؛گئد گئده پیرمان کیشی یاشا دولوب آنکفاقت اوجو باتینان دوررومونو ایتیریب داییمی یورقان دوشگه دوشمه لی اولور؛ علیرضا یئنی یئتمه اوشاق اولماغینا باخمایاراق خسته آتاسی نین قاییدینا قالیب گون اوزو مکتبه گئدرکن تئز صینیف داشلاریندان آرالانیب ائوه چاتان کیمین گوزو قاپی دا اولان آتاسینین یئمه گینی وئریب خیردا باخیشلارینان بویوک بیرایشی اوزرینه گوتورور؛ آتادان بیر باجیلاری آییری شهرلرده یاشادیقلارینا گوره هر آلتی آیدان بیرخسته یانینا گلسئی دیلرده آتانی آغیر وضعیتده  گوروب تابلاشمادان اوزگونده لیک یاشایش لارینا  قاییتمالی اولوردولار؛دونه دونه کوره کن لر ییغیشیب قایین آتانی قوجالار ائوینه آپارماغی مصلحت گؤرنده بالاجا علیرضا ایاق ایره لی قویوب یوخ آتاما اوزوم باخاجاغام دئییه اونلارین آتاسی اولمه میشدن قورو دام دووارینا گوز تیکمه لرینه سَرت جاواب وئریردی؛خالق گوزو قارشیسیندا آتاسینا آتالیق ائله یین علیرضا مکتب صینیفلرینی ده اوغورلا باشا وورارکن کامپیوتر رشته سینده اونوئرسته گیریب الی ایش توتاندا جانیندا مین دردی یاشادان آتاسی اؤن آلتی ایل یاتاق  خسته لیکدن اذییت چکن سونرا نهایت کی حیاتین دَیشیر؛علیرضا بو دونه ده اوز اللرینن آتاسینی مزارا تاپیریشیب تک باشینا گلن قوناقلارینین قاباغیندا دورور؛قایین آتانین قیرخی چیخمامیش ائوی ساتیریق دئییه کوره کن لر بو دونه ده بیله سینی قیسناغا قویاندا اَمی نین پالتارین گوتوروب ائودن چیخمالی اولور؛سیناقلاری سینایان علیرضا بو آندا گنج اولسادا اوز مودورک لوگ ایله اولایلاری آرخادا قویوب اوزونو ایتیرمه دن آتاسی نین ائوینده چیخاریلسادا اوز قازانجی حسابینا ائولنمگ گونلرینه حاضیر لیق ایشلرینی آپارارکن یئنی دن آتا اوجاغی نی ایشیقلاندیرماق ایسته ییر.................

+ نوشته شده در شنبه هفدهم آذر ۱۳۹۷ ساعت 18:40 توسط (قلئی چی مورتوض)  | نظرات

قایین آتامین قارا چانتاسی...............

سحر سحر ایش پالتاری قولتوغومدا فهله میدانیندا دورموشدوم سابیق هم یئرلیمیز خدا قولوکیشی گلدی آی قالایچی مورتوض آروادی بوشاییرام گلیب محکمه قارشسیندا شاهاد گئچه سن؛اوز اوزومه دئیینه دئیینه  قوشولوب عدلییه ایداره سینه گئدنده اورگیمده ویرنیخیردیم دییسن بو گونده ایشیم الیمنن چیخاجاق؛مقصده چاتیب باساقلاری(پیلله) تئز تئز ایکینجی مرتبه یه قالخاراق آرواد دورد اوشاغینان ارینی گؤرن کیمین دوره برده الینه گلن گول قابیلاری گؤتوروب خدا قولو کیشی یه سیری یاندا نهایت کی اینظیباطی مامورلار آراچیلیق ائله ییب ار آروادین ال به یاخا ویریشمالاری آغیز گَپی سویوشه یئندیریلیدی؛ بوغوزونان اوزونو باسا بیلمه یین  آرواد بیر بیر اوشاقلارین الینی توتوب خدا قولویا ساری اوتورنده های باسیردی کی آلا بو سنین اکدیگین اوشاقلار ایشینی یاش گورن خدا قولو منیم الیمنن یاپیشیب اورتایا چکنده اوجا سسین باغیریردی کی آی جاماهات بونون اوشاقلاری دوغماسینا اؤن تانیق وار؛سیز بونا دئیین منیم اکمه گیمه تانیغی گتیرسین؛

ایت ایتی بوغان کیمین یاخامی ار آروادین الیندن آلیب گوذار باشینا قاییداراق اوز اوزومه گولنده  بیر احوالات یادیما دوشدو

آخی بیلیرسیز بیزیم بو قارا چانتالی قایین آتا هر اوچ  دورد آیدان بیر بیزه گلنده خویلو خانیم اونون گتیردیگی کیلو یاریم مرجی نوخودو و آلتی تک دنه قوردو باشی باغلی قویوب اوشاق بویوک بیر یئره ییغیشاندا یئدی قاپی قونشوموشایتی ایله گتیردیگینی آچیب  منیم گوزومه سوخا سوخا نه وارکی آتام بیزه ایللیک زومار گتیریب؛امما گلمه میش قوناق بیزدن گئدنده هئچ ک ک ک به ایداره کشفیاتچی لاریدا بیلمزلر نه آپاریر.................... 

+ نوشته شده در جمعه نهم آذر ۱۳۹۷ ساعت 17:25 توسط (قلئی چی مورتوض)  | نظرات

ایسته ییر...............

یئنی یئتمه چاغلاریمدان آتاما قوشولوب گور بولاق آلتیندا سالدیغی بارلی بهره لی باغیمیزا گئد گل ائله ینده  توزلو آلما گوللرینن چیتداییب پامبوق کیمین هیوالارینین تامینان بویا باشا چاتیردیم؛داها دوغروسو بو باغدا یئره کوک سالمیش جانلی آغاجلار قارا توت؛ گیرده کان؛ هیوا؛آلبالی؛ گیلاس؛ اریک؛آرخ قیراغی سال سیرا چینارلار؛ منیم تویوش(خیال)وارلیغیمی یام یاشیل لیغا دوغرو آپاریب اوزومده یاشلاشاراق گئد گئده سئوگی هاواسینا کوکله نیردیم؛هردن تنگه باجادا اورک وئردیگیم  قیزا گوز ویراندا سئویب سئویلمه گه جان آتیب داشلارین چاتین نان آخان سو کیمین حزین بیر زومزومه منی اوزونه چاغیریردی؛باغیمیزین گؤزلیگی  کیمین یوخولاریمین بزه گینه دونن بو گوزلچه نی بیر آندا خیالیمنان چیخارا بیلمیردیم؛هردن داراشلیق کوچه ده  قارشی قارشی یا گلنده اورکک باغیشلارینان نه دئمگینی باشا دوشمه ینده اوزومه قاپانیردیم؛نهایت بیرگون کونلون آلیب قارداشلاری گورمه سین دئییه باغیمیزا آپارماق ایسته ینده الینده بیر موی فیدانی نی گوتوروب منیم له باغا گلمه لی اولودو؛بیربیریمیزدن آرالی باغی بوتانی دولاندیقجا آل چیچکلردن دریب یاخاسینا تاخماق آدینان یاناغینی اوپمک ایسته ینده الین قاباغا گتیریب بو ایشه مانع اولوردو؛ چوخلو گزیب یورولاندان سونرا چپر آرخاسیندا اولان قولاج قاتلی سویودآغاجی کولگه سینده اوتورمالی اولدوق؛من یئنی دن قیزین یایلیغی نی گؤتوروب الیمی ساچلارینا اوزاداندا  دالی چکیلیب دئدی گوزومه دَیین کیمین بو باغین اوزومو آغاجی اولمادان گتیردیگیم موی موماسینی بو سویود آغاجی نین یانینا اکمک ایسته ییرم؛اوزومو بیلمه دن بیر آندا آغاجا سویکه نیب یئریمده قورویوب قالاندا گؤردوم؛قیز اینجه بارماقلاریمنان یئری دئشیب مومانی باسدیرا باسدیرا هردن باشین قالدیریب دایاندیغیم سویود آغاجی نین بوی بوخونونا سای گئچیر؛دوداغیمدا مزه حسرتی قالان کیمین بو دونه ده اوو الیمنن چیخیب گون آشیری یاشایشا قایتمالی اولدوق؛ایللر دوندوکجه اوزوم بوتاسی یئره کوک سالیب اورک شکیلی یارپاقلارینان اوتانقاج سویود آغاجینا دولاشا دولاشا اوزونه یئر آچیب قول بوینونا دولادیقجا گونش شویکه لرینده اوننان اسیرگه ییردی؛ایل دولاندی عومور گئچدی نوه الیمی توتان چاغلاریمدا بیر دونه ده او گونلره خاطیرلاییب باغا یولوم دوشنده گوردوم داغ دوزوملو سویود قورو خول بوداقلارینان هله ده باشینا دولاشمیش اوزوم سالخیم لاری آلتینان تابلاشا تابلاشا نَسه دئمک.............   

+ نوشته شده در جمعه دوم آذر ۱۳۹۷ ساعت 17:49 توسط (قلئی چی مورتوض)  | نظرات

بو بازار.................

بو بازار............                                                           

قارا یوللو کیمین بو  جوم آخشامیدا اَییلنجه مجلیسیندن آشا آشا به واقت ائوه گلدیگیمه گؤره آرواد باشیما قیشقیریب های سالدی کی گئجه یاریسینا کیمین هارداسان ؛آغزیما گلن کیمین دئدیم  هاردا اولاجاغام آناجانیمی آپارمیشدیم خسته خانایا؛ فیسیلایا فیسیلایا یوخونا گلیب آغزیمی اییله ینده علاوه ائله دی کی خئیر اولا آناجانیوا نه اولوبدور؛

دئدیم نه اولاجاق هممشه کیمین یئنی دن  فیشار قالخیب

قاییدیب یاتاق اوتاغینا گیرنده دئدی نه یاخشی آتاجانیوا بیر زاد اولماییب

دایانمادان دئدیم والله اونوندا بوگونلر ایران ایسلام اولکه دُلاری کیمین شئی یی طییییییییی قالخیر یئنیرقالخیر یئنیر.....................

+ نوشته شده در شنبه بیست و ششم آبان ۱۳۹۷ ساعت 10:33 توسط (قلئی چی مورتوض)  | نظرات

ناکام سئوگیلیلر حیکایه سی.........

1325نجی ایل یاشیل یاپراغلارقیزاریب  قار قیرووا آیلاری دئییه  ماراغا  هئشتری بولگه لرینده آغیر دویوش گئتمه گینه باخمایاراق  گنج سالمان باشجیلیق ائتدیگی دسته دن آرالانیب قوجا آناسینا باش ویرماق آدینان بیر دونه ده دوغولوب بویا باشا چاتدیغی شئشه وان کندینه اوز توتمالی اولور؛چوخ آز زامان چرچیوه سینده عایله عضولرینن گوروشوب قولاغی سس ده اولان کیمین یوبانمادان ایکارلی(یَهَر) آتی نین بئلینه شیغاییب کتدن مقصدینه دوغرو قایتماق ایسته ینده یئنی یئتمه چاغلاریندان  اورک وئردیگی قونشو قیزی ائللی خانیم نان اوز به اوزگلیر؛ قارا دمیر کوهله نینن اَنیب سارماشیق کیمین بیربیرلرینه ساریشاندا گؤرمه سینلر دئییه کتدن اوزاقلاشیب یول قیراغی گئدر گلمز بوروق آرخاسینی دالداناجاق ائله یَرَک اورک دویونتولرایله بیربیرلرینن سئویشیب و دردله شیرلر؛حربی گئییملی سالمان بیرنو تفنگ چی ننده قیزین ساچلارینی سیغلایاراق  اوزولمه عزیزم دئییه مین نازایلا گوزونون اوستونه توکولن توکلری قالدیریب بویون اوخشاییردی؛ائللی خانیم باشین آشاغی سالیب گله جک حییات یولداشینا گلئی گوذار ائله یَرَک بوغوزو یاریلان کیمی دئییرسالمان سن بو قانلی دویوشه قاتیلالی گئجه لریوخومو چلپه شیک گوروب اوزنتولرله گله جه گه گوز تیکیرم؛سوزونون داوامیندا علاوه ائله ییرکی بیزدن یاشی آشاغی اولان سئوگی لیلربیربیرلرینن آداغلاشیب توی گونلرینه حاضیرلیق ایشلری آپاریرلار؛

 امما نسه بیز؟!..........................

بیر دونه سالمان اوتانقاج قیزین الین الینه آلاندا دئییر سئودیجه گیم  ایللر بویودورکی خالقیمیز ایرضاشاهین تحقیرلرینه معروض قالاراق منی کیمین دیزی گیر توتان گنج لره گرکدیرکی  قوردوموز میللی حوکومتی حمایه ائله ییب خالقیمیزی خان خایینین الیندن بیر یوللوق قورتارمالی اولاق؛دوروب حالالاشاندا  ائللی گوز یاشلارینان  ساپاقلی آل یایلیغینی سالمانین بوینونا باغلاییب دئییر گئد نفسیم گلینجک بو دونومسوز یولو گوزلمه لی اولاجاغام؛نصراله اوغلوسالمان سیلاح داشلارینا اوز توتاراق  بیر قوچاق فدایی سرکرده سی کیمین وار گوجوینن دویوشوب قارانلیق ایشیغا گوج گلن کیمین ماراغا دیزج رود بولگه سیده قددار دوشمانین الینه گئچیر؛محمد ایرضاشاهین مامورلاری فدایی باشجیلارینی اولدورنی اولدوروب اله گئچنلری گون آشیری شهرین میدانیندا دارا چکنده جاماهات ایچینده آغیردهشت یارانیردی؛بویوک چیلله گیره جه ینده آخشام یئنی دن های دوشنده کی صاباحلاری دارا چکیلن واردیر؛ نصراله کیشی اوزوده بیر قاچاق فدایی لریندن اولاراق بو خبری ائشیدن کیمین اوزاقدان اوزاغا ماراغا شهرینین هنده ورینده باش قولاق گزدیریردی کی گؤره کی بو دونه دارا چکیلن یازیق کیم اولاجاق؛نهایت سحر آچیلاندا سالمانی قولو باغلی دار ایاغینا گتیریب آتاسی بو صحنه نی گؤرن کیمین دوزمه دن اوزونو یئتیریب اوغلونو قورتارماق ایسته ینده نه بیلیم هانسی بیج ننه سی نین اوغلو شاه مامورو سالمانی دارا چکیب آتاسینی دا تحقیرجه سینده دویه رَک اولومله هَدَه له ییر؛بو دهشتلی اولایدان خبرسیز اولان ائللی هر گون یول اوستو داشلارا سویکه نیب گلن کیمسه لردن شهرده نه خبر وار سوزونو سوروشاندا نهایت اونون اورگینن گئچن ناکام دویغولاری یولدان گئچن بیر شاعیرعاشیق بئله یانیقلی سیرالارینان خبری چاتدیرمالی اولور..............................

....................................................

....................................................

....................................................

....................................................

+ نوشته شده در جمعه هجدهم آبان ۱۳۹۷ ساعت 18:13 توسط (قلئی چی مورتوض)  | نظرات

اولکه ددوینکید...؟....................

اولکه ددوینکید...؟.............

تانری سیزه ایروزو ائله سین او گونلری ائل طایفامیزین باش بیله نی ایسکندر خالام قاریشیق ایمامین قیرخی دئییه سکگیزینجی دونه  کربلادان گلمیشدیر؛خش خئیرات سیفراسی آچدیغینا گوره دوره بر ائل تانیشا خبردارلیق ائله ینده  ترس آوالیلار باش کتدن بئله آخین ائله ییب گوروشه گلنده تنگه باجا آغیز بوغوز جور به جور باهالی ماشینلارینان دولموشدور؛یئتیشن  ماشینان اَنن کیمین تانری زیاراتیزی قبول ائله سین اوپوش گوروش ائله ییب کیشیلره مچیده واراندا منده قارننه مین قولتوغونا سیخیلیب شبیستانا چیخمالی اولدوق؛مچیدی ایچینده نه های اولماغینا باخمایاراق گئد گئده قادینلارین سس ساوی منبری باسمیشدیر؛اوزون ایللر بیربیرلرینن اوزاق دوشن کند شهر قادینلاری قول باغیلارینی اوینادا اوینادا یئرده گویدن دانیشیب ایران ایسلام اولکه سینین تحریماتینان توتموش کیشی لرین دورقوزگئییم  باهالیغینا کیمین بیربیرلرینن سوز آل وئری ائله ینده گؤردوم کند زننلرینی بیری باش کتدن گلمیش سابیق کی یاشید تایی نی سوالا توتوب کی آی قیز بورون اوزوون کودور؛نه بیلیم بیری او بیریسینه دئییر قاشین اوزوون کودور؛اورتا دیره گین دیبینده اوتوران یانینداکی نین ممه سین ال له ییرک دئییر اوزوون کودور؟؛آلتی ساهاتلیق قورولوش یئمه گینن باشا چاتان کیمین نهایت کی مجلیس قورتاریب قاپی آغزیندا  سوزلری داوام ائله ینده لاپدان گیژگین ذلیخانی گؤردوم یانچاقلی خیرالنسانی دوشه له ییب الین نامیس ناحیه سینه آپاراندا گوله گوله دئییر بو شئی اؤزوون کودور.........................

+ نوشته شده در جمعه یازدهم آبان ۱۳۹۷ ساعت 18:35 توسط (قلئی چی مورتوض)  | نظرات

میلیون چولارا..

میلیون چولارا...........

یورقان باسماسین پاییز گئجه سی آخشامنان بیرآز گئتمیش ائوده اوتوروب تلوزیادا گئدن دادلی دوزلو سیراوی کینووا(سریال) باخیردیق؛ اورادا گئدن گولمه لی اُبرازلاردا(رول)فارس قارداشی میلیونچو؛لُر قارداشی قاپیچی؛کورد قارداشی حانبال؛ بلوچ قارداشی قاچاقچی؛ گیلک قارداشی ایاق یولو آغزیندا اوتوران؛ تورک قارداشی دا چایچی رولونو اویناییردیلار؛لاپدان خؤیلو خانیم قولتوغوندا چورک ائوه گیرنده گیلئی گوذار ائله ییرک چورکچی قاسیمین اوقات تالخ لیغیندان دانیشیب وورقوللادی کیشی اوز چورک خاناسی نین آدینی (باشاق) قویماغینا گؤره بلدیه ایداره نیظارتیچی لری وریندن هده له نیب ایش یئری نین آدی دیشیمه سه بالالارینین ایروزو قاپیسی باغلانمالی اولاجاق؛بو سوزو ائشیدن کیمین ایکینجی صینیف درسینه گئدن قیزیم یووش(قلم)دفترین یانیما گتیریب آلدیغی نومره نی بیله می گوسترنده علاوه ائله دی کی مکتب خانادا اورگتمه نیمیز(معلم)دئییردی نسه عرب لر کرتنکه له ییئیب ایاق یولونا گئدنده طهرات آلمیرلار؛.....................................

اشی کینو(فیلم)ائله باشیمی قاتیب کی  لاپ بئله چاش باش ویریرام هااااااااااا

یئدی سکگیز آی قاباغدان تنگه میزه یانی بالالی بیر قهبه عایله سی کیراچی گلمیشکن  طیییییییی گلن گوندن محله ده اولان کیشی لرین میلابین بیتیریب وئره جه گینه ماراغی اولمایان قونشوکیشی لرده قارا یاخماغینان هفته ده بیر یول قولو چوماق کل لرینن قاپی باجالارینی داشا باسیر؛او گون بیزه نوبات چاتارکن قاپیمیزی کسیب آغیزینا گله نی دئیینده بویوک اوغلوم قان قالاغی قاریشان کیمین بیله می یانالادی کی آی آتا سنده بیر دیللنده داااااااااااا قاپی اورتوب اوشاق بویوگو ایچری یغاندا دئدیم  من اونون هاراسینی دئییم؟................

+ نوشته شده در جمعه چهارم آبان ۱۳۹۷ ساعت 18:17 توسط (قلئی چی مورتوض)  | نظرات

قانلی قانلی..............

 قیل کؤرپو :دوکتور جئری

اوگونلری یئنی دن جاماهاتی بیربیرینه دَییب هاممی اوزونتولرله گله جکده باش وئرن اولایلاردان دانیشیردیرلار؛آخی بیلیرسیز سوسیال شبکه لرده یاییلمیشدیرکی اؤرت باسدیر بولگه سی نین باش حکیمی دوکتور جئری عملیات وروسایلین اولگوج قاریشیق قیل کورپوسوندن گئچنده توبا توبا دئییه تاموغا(جهنم) آتیب ایرد اولا بیلمیشدیر؛ماخلوق بونا گوره اوزولوردورلر کی بوندان سونرا ارکک اوشاقلاریمیزی کیم موسلمان ائله یه جک؛اونا گوره ترس آوا کند آدامیدا هر گئجه ائویمیزه یغیشیب بو ایشین نه اولاجاغانی دده دلیگیمنن سوراندا منده گولومسه ییرک بیر تاریخی حادثه یادیما دوشدو؛

عباسیلار دورو اولاراق زنادقه ده(مانی)اینانج طرفدارلاری  هده له نیب بیله لرینین کافیر اولدوقلاریندا موسلمان اولکه لر ایتفاقینی پوزماسینلار دئییه قیلینج آغزیندان گئچیررک هاممیسینی دارما داغین ائله ییرلر؛گاهدان اولوردو بو قیرقینلار ایچینده کیمسه نین چوغوللوق عرفه سینده سوچسوز(گناه)موسلمانلاردا اولدوروب ولی امر موسلم....... آداملاری بیلمه رکدن اؤز مسلک داشلارینین قانینا باتیردیلار؛ناحاقجاسینا اولن لرین آدام نفری ییغیشیب ایللر بویودونه دونه حوکومته موراجعیت ائله ییرک یارلیق ایسته ینده سوندا حوکومت قهریه باشجیلاری بو قراره گلیرلرکی بوندان سونرا هر کیمسه زنادیقه لردن کافیر سانیب جازالاندیرماق ایسته سه لر موطلق اونون شالوارین سیرییب دورقوزاغینا باخمالیدیرکی کسیلیب یا یوخ؛ مانی  طرفدالاری اوزون ایللر دهشت ایچینده یاشاماقلارینا  سون قویماق اوچون داراشیب بیربیرلرینین ختنه ائله ییردیلرکی بو شرشبئی دن جان قورتارا بیلسنلر؛تصادف اوزریندن بیر گون جناب خلیفه باشی نین آدام نفرینن شهرین قاپیسیندان چیخیب اووا گئتمه ایسته ینده گؤرورکی بیر خیلک جاماهات یول قیراغیندا بیر بیرلرینین دورقوزاغین کسه ندن سونرا قانلی قانلی یاپیشیب نسه دئییه دئییه یالنی گئدیرلر؛آتین جلوون چئویریب بونلارا یوخونلاشاراق ایشلرینین سببینی سوروشاندا هاممسی بیردن دئییرلر قوربان ایسلام اولکه سینده بیرلیک یاراتماق ایسته ییریک؛ناغیلی دئییب قورتاران  کیمین دیرک آرخاسیندا اوتورموش منوش دایی لاپدان قوزاندی کی یانی سن بویوران بوندان بیزده بیربیریمیزی کسه جه ییک؟........................




+ نوشته شده در جمعه بیست و هفتم مهر ۱۳۹۷ ساعت 13:15 توسط (قلئی چی مورتوض)  | نظرات

مصلحت نیظام آدامی...........

هممشه اولدوغو کیمین یئنه ایشدن گلدیم آآآآ ؛آی خؤیلوخانیم آی خؤیلو خانیم؛ باتمان قرآن بئلینن وورسون باخ یئنه ائوده دئییل کی؛

اشی دردیمی هئچ کیمسه یه دئییه بیلمیرم باخ؛ بیزیم بو ائو آدامی هفته نین یئدی گونو بیر گون تنگه قادینلارینین قورودوغو قرآن درسینده دیر؛ بیر گون زینبیه ده قورولان ایروضه ده دیر؛بیر گون دووشان کبیر دوعاسیندادیر؛بیرگون ایمامزادایا گئدن آروادلارا علم گوتوروب باشجی گئتمه ده دیر؛جوم آخشاملاردا جاماهاتی  اوتوز مئتیرلیک خارابیمیزا یغیب نهی از مونکور درسی وئریر، هفته سونودا بیلیرسیزیدا نماز جومعه ده ایستیکبارا دیرسک گوستریر؛بو مصلحت نیظام آدامی ایرحمتدیک قارننه دئمیشکن لاپ اوروفییمی قاتیب باخ؛هله بونلار هئچ  آی باشی دونه دونه برق ؛گاز ؛سو؛پولو یازان مامورلاریچین قاپی آچماقدان یورولمیشام؛هله دونن یوخ ایره لی گون ناهارچاغی یاتمیشدیم لاپدان گؤردوم قاپیمیزی تپیله ییرک بیر قارا ساققالی سوخولدو ایچری نسه آختاراندا کال کال یوخودان دوروب گؤزلریمی اوکلییه اوکلییه آی  آغا نه گزیرسن سوروشاندا بللی اولدوکی یوخسوللارکمیته سینن وئریلن پولو قوطوسونون دالینجا گزیر؛گوجو پیسلیگنن آروادی اکابیر اوخولوندان تاپیب قان قالاغیم قاریشان کیمین قیشقیر باغیر سالدیم کی جانیم  ائوده باش چک آخی؛اودور کی اولکه نیزدن اوزوزدن ایراق آرامیز شئله شیب اوزومو تحریماتدا گؤرنده بیر ایکی گون قضیه دن سونرا گئجه اوشاقلار یاتیشیب بیزده ار آرواد اولاراق یاتاق اوتاغینا گئچیب تاخت اوسته اوزانارکن دیلیمی ایشه سالان کیمین سوزون باشین آچدیم آی خانیم ایروضه میروضه ائله باشیوی قاتیب کی هفته ده بیر یول ایستی یئمک بیله مه پیشیرمیرسن هله هئچ؛پال پالتاریمی یومورسان اودااا هئچ؛گاز؛ برق؛ سو؛مامورلارینا قاپی آچمیرسان اودااااا هئچ؛قاش قارالاندا چیراغلاری یاندیرمیسان اوداااااااااا هئچ ؛منیم بوغازیمدان کسیب بو کمیته صاندیغینا پول توکورسن هئچ بیلیرسن کی بو پوللاری هارالاردا خشله نیر؛یاتدیق یئری سول الیمنن ساق ال بارماقلاریمی سایا سایا دئدیم او پولار جانیم ؛بیرینجی دونه فیلیسطینه گوندریلیرکی بُمبا قاییرسینلار؛لوبنانا گوندریلیرموشک آتسینلار؛یمنه گوندریلیرسیلاح سوروسات الده ائله سینلر؛سوریه دئییه دئییه  گؤردوم ناواقتدیر قوچاغین قیزی یاتیبدیر باخ.......................

+ نوشته شده در جمعه بیستم مهر ۱۳۹۷ ساعت 19:17 توسط (قلئی چی مورتوض)  | نظرات

قارا یولا ائو اوغلو؟..................

بو ایلده خیردا باشی حیوانی چول باییردان کنده گتیریب قویون قوزو آرتیمی اولدوغونا گؤره طایفالیغان زیارات تداریک گوروب خوراسانا گئتمک ایسته ینده یئریمی بئش نفرلیک قاطار بلیطی آلیب من قالایچی مورتوضون باشجیلیغینان سفریمیزه داوام ائله ینده هردن قاطاری ایچی اولاراق یان یوره میزدن  بوغونوق سسلری گلیردی؛یول یاریلانیب گئجه قارانلیغی اولاراق گئدگئده قیشقیر باغیر چوخالاندا بیر اوندا گؤردوم اورتا یاش بیرکیشی اؤز اؤزونه دئیینن کیمین اوجا سینن هایقیریرکی منی قارا یولا ائو اوغلو گئدیدیم گاهدان قاطارین پنجره سینه یوخونلاشیب اوزون آتماق ایسته ییر؛تئز یئتیشیب جاماهاتین الیندن آلاراق اوتوراغیمیزا گتیریب بیر ایکی چاشقا چای زاد وئرندن سونرا خودون آلیب دئدیم آخی سنه گلیب؛کیشی اورک دن بیر آه چکیب دئدی عمی دردیمی دئشمه گینن کی دئمک اولماز؛ آرا ساکیتله شیب جاماهات یاتیشاراق اورک بوقچاسین آچیب اوز باشین گلن حیکایه نین باشین آچدی کی؛

آتا اوزو گورمه دن آناما ایکینجی دونه اره گئدنده منی ده ائو اغلو آپارمیشدی؛دده لیگیم گؤن فابریکاسی نین امکدار ایشچی کیمین آیلیق ماییشی نان بیلمه زه یاخشی باخیردی؛منی ایسه یئنی یئتمه چاغلاریمی باشا ووروب یولداشلاریملا بیرگه عسکرلیک سووب  قایداندان سونرا قونشو قیزینان ائوله نیب یاشاماغا باشلایاندا کندحیاتی بیله میزی بئزدیرن کیمین بئش آلتی آیدان سونرا  آروادین جئر جئیزین گوتوروب باش کنده کوچمه لی اولدوق؛آز چوخ فهله لیک دن زاددان  ایش تاپاندا بئش اون تومن چیخاریب گوشایش ائله ییردیک؛آی باشی ائو کراسیندان توتموش گاز؛ برق؛سو پولونو گونده لیک خرجیمیزین اوستونه گلنده آیینان صابین شانپون تاپیب باش گوزوموز یووا بیلمیردیک؛گئدیکجه گوذارانیم چتین له شیب هردن آروادینان عاغیل عاغیلا وئریردیک کی بیر قاچاق یولو تاپاق؛نهایت بو قناعته گلدیک علاوه دن دده لیگینه یانینا قایدیب اونونلا بیرلیکده یاشایاق؛گؤن کرخاناسی سابق فهله سی قوجالیب دئییه خسته گونلرینی باش وئرنده آیلیق ماییشی عاغلیمیزی اودوزان کیمین بو دونه ده آروادینان گوتور ائله دیک کی من هله لیک بیله سینی بوشایاراق دده لیگیم آلسین اولندن سونرا آیلیق ماییشینا صاحاب چیخیب علاوه دن شرعی مئسله اولاراق ایکینجی دونه ائوله نه ریک؛اودورکی چکدیگیمیز خریطه باش توتوب من آراودی بوشایان کیمین دده لیگیم موللا چاغیریب  اؤز نیگاحینا سالدی؛حالبو کی قوجا دیریلیب آراودی الیم آلاراق اوزوموده ائودن چیخارتدی؛بو حیکایه دن دویخوان کیمین چیخیب آلشیقا قاباغیندا سیگارئت یاندیراندا تعجوبله نرک دئدیم بس ایندی هارا گئدیرسن؛ گوزونون یاش توکه توکه دئدی گئدیرم آغام ایمام میرزه  دن آروادی.....................

+ نوشته شده در جمعه سیزدهم مهر ۱۳۹۷ ساعت 19:57 توسط (قلئی چی مورتوض)  | نظرات

حوکومتیمیز..............

اشی بو اؤرت باسدیر جاماهاتی نین بیرچیمدیک آبیر حایاسی یوخدور هااااااااااا یازیق ایسلامی حوکومتیمیزی قیساناغا قویورلار کی نه بیلیم باهالیغا رغمن ایش پئشه یوخدور؛الن ناواقدیر بیز دایی باجی اوغلو مال میدانیندا اوزودن ایراق ائششک آل وئرینه باخیریق؛الله ها شوکور  ایشیمزده توتوب ایقتصاد موقاومتی دئییه تحریملری فیرلاییب یئرلی استحصال اولاراق کیریخ؛ قودوق؛ ماجا ؛سوپا؛نهایت ائششک ایشینه........

  هاماش قویماجاق کی اَییه ندی باخ

 نیه  دومسوکلوسن 

دئییرم دایی دانا مانا ساتا بیله ریک

یوخ اشی بیز مال میدانیندا موطلق داخل استحصالی اولاراق ائششک آل وئرایشینه باخیریق؛

جوره به جوره ائششک آلان وطن مالیدیر

هاماش یئری گؤر ائله بیل خاریجی  موشتریمیز وار ..

باجی اوغلو یئریندن دورانا قاباقلایاراق

هه سالام مئستر بویورون جینس اولاراق بوی با بوی جوره به جوره نره ماجاسینان توتموش  ائششکلری گوستره گوستره نهایت کی مئستر میرعابدواللا دایی نین  جینسیندن اولان بیرآت ائششگی نی بَیَنیب قیمت اوسته چنه دویدو ائله ینده سیفته میزی کور ائله یین جورو اوغلو ایسماییل اویاندان چیخدی کی مئستر سیزین اولکه ده مه یه ائششک زاد یوخدور؛

الله شیطان نهلت ائله سین

گون آشیری ایشلریمیز قیزیشان کیمین بیر گون بی ادبچیلیکدی قوللوزدا گئچمیش آروادین دده سی یاریم پالان سوپاسی نی گتیریب ساتیشا قویاندا بیردان اوردان موشتری آخین ائله یین کیمین نهایت بیر یاغلی موشتری یه ساتیب خئیرین گوره سن میندیریب یولا سالدیق

اوچ دورد گونن سونرا کیشی سوپانی قایتاریب گتیردی کی جانیم بو بیله واریث بوتوی باغ باغاتیمیزین آغاجین قاشییر

داوامیرافئینان پولونو یاریسینی  قایتاریب علاوه دن ساتیش میدانچاسینا گتیردیم؛

بئش اؤن گون اوندان سونرا آییری بیر موشتری تاپیلیب اوننان یوللا گله رک بو دونه پولو آلیب یوللا سالدیم

یئنه بیر هفته دن سونرا گوردوم آلیجی عاصی کیفیری اولاراق چکه چکه  سوپانی گتیریب قیشقیر باغیر سالدی بو شو قریب آرپادان سونرا اوت علف یئمه یر؛

گئچمیش قایین آتانین یانیندا اوزومو سیندیرماییم بو دونه ده پولونون یاریسین  اوده ییب سوپانی گئری آلدیم..

یئنه اؤن اون بئش گوندن سونرا بیر آییری موشتری یه سیرییب باشیمیزدان ائله ینده یئریمی  گون گئچمه دن گوردوم  اودا دئینه دئینه سوپانی گتیردی کی آی قالایچی مورتوض بو ذاتی قیریق خلور گیرمیر؛

دؤردونجو معامله اولاراق بیر آغیزلی بورونلو موشتری یه ساتیب پالانین نوخداسین باشینا گئچیردنده هاماش اویاندان تاپیلیب یئدکله دی کی نوخدا پولو ایسته ییرم؛

 خیلاصه نه باشیزی آغریدیم بئش اون مین ده باجی اوغلو ال قاپ ائله ییب سورقو سالاواتینان سوپانی یولا سالدیق؛بئش آی گئچمه دن اودا قایتاریب گتیردی کی نه بیلیم قونشو ناخیرداکی ماچالارا اوجه شیر

ضرل زیانی بوینونا آلان کیمین بو دونه ده پولوننان خیلک کم ائله ییب یولا سالدیم 

نهایت بیر ایل بو سوپاینان دالاشاننان سونرا بیر گون آند قسم نن بیر آییری موشتری قالیب ائله ییب باشیمیزدان ائله ینده

بو یازیق موشتری ده سوپانی بیر ایکی آیدان سونرا ال اوزو قانلی قایتاریب گتیرنده های بیدیر سالیب دئدی جانیم بو یئییه سیز قالمیش چامیشلیق ائلیر؛

چارام یوخلوغوندا بیر گون اوزوم گلر گلمز سوپانی گوتوروب گئچمیش قایین آتایا موراجیعت ائله ییب اولان عیب لرینی آچیقلاییب قاییداندا دونیا گؤرموش آهیل کیشی منی چاغیریب توخداقلیغینان سوپانی یانینا سالیب دئدی اوغلوم بو شو قریبین دالینجا گئدسن تپیکله جک قاباغینجادا گئدسن آغیز آتیب دیشله یه جک ائله یاخشی سی بودورکی یانینا دوشوب بیله  سینن آرالی یولا گئده سن...........................  

+ نوشته شده در جمعه ششم مهر ۱۳۹۷ ساعت 18:27 توسط (قلئی چی مورتوض)  | نظرات

لوغا کریم...............

نئچه ایل قاباق آفدامابیل قضاسینا گوره زیندانا دوشوب  اورادا تانیش اولدوغوم کوندوک(آفدافا)اوغرولوغو اوسته یاخالانمیش لوغا کریم یئری گلمیشکن بندی لر یئملندیریب نارکوتیک ماده دن توتموش چاخیرینا کیمین بیله میزه ال ایاق ائلردی؛هر ایکیمیز حبس جزاسینی چکیب قورتاراندان سونرا گئد گئده کریم نارکوتیک ساتیشی نی قیراغا قویوب امما چاخیر زاد ایسته ینده بیله میزه گتیرردی؛بئش آلتی آیدان سونرا بیر گون قوناغیم گلرکن باغ ائوینه چکیلیب سازلی سوزلو گئجه گئچیرتمک ایسته ینده بو دونه ده یولداشادا ایزنگ آچیب هیم جیمینن آندیردیم کی نئچه قوطو ایچگی گؤتوروب باغا گله سن؛واقت وعده یه اوزونو چاتدیرا بیلمه یین کریم بیزی خومار قویان کیمین گئجه میز یاوان گئچه رک ساووب باشدان ائله دیک؛ بیر نئچه آی  اوندان سونرا بیله سینی گوروب گلئی گوذار ائله ینده کی ندن بیزی آسیلی قویدون یئریب قاباغا آغیز بورونون سیله سیله دئدی جانیم من کربلایا گئدندن سونرا موسیقی یه زادا قولاق آسماغی ترک ائله میشم؛امما ایل اوزونو یئری گلمیشکن اَییلنجه لریمیزی چاغیریب لوغالیقلارین ائشیدنده سونونجو یول بئله بیر حیکایه دانیشدی کی.........................

اسکی چاغلاردا بیر گون اوزاق بیر کتدلی محرم دن بئش اؤن گون سونرا  مایدان آتینی مینیب بونلارین کندینه گلیر کی گول میرزه دایی نین نر مایا ائششگینن باسدیرسین؛گلیب قاپیلاریندا دوشرکن آی گول میرزه آی گول میرزه ائوده سن دئییه اوچ یول چاغیراندا گؤرورکی  ائوده ار آروادین قیشقیرباغیرسسی گلیر چوخلو دالاشمادان سونرا بئله معلوم اولور کی گول میرزه  دایی نین ائششگی بو ایل کی محرم شبئی خانلیغیندا ایبن زیادین مرکبی اولدوغونا گوره ائوین خانیمین ایرایضلیق وئرمیر؛ یولداشلار نه دئمه گین باشا دوشه رک قاققا چالیب گولمک ایسته ینده منده اوجا سسینن دئدیم آی کابلایی اولما گول میرزه دایی نین ائششگی ده شبئی خوانلیق دان سونرا موسیقی یه زادا قولاق آسماغی ترک ائله ییب.........................

+ نوشته شده در جمعه سی ام شهریور ۱۳۹۷ ساعت 21:24 توسط (قلئی چی مورتوض)  | نظرات

ائلیرمدااااااااااا..............

ائلیرمدااااااااا

الله قبول ائله سین؛هر ایل اولدوغو کیمین بو ایلده منن پوهروز قاغامی تاپدا باش کندینه گتیریبلر کی للش عرشه خوانلیق ائله ییب بوینو چپی لی قاغام دا شبئی خوانلارا باشجیلیق ائله سین ؛محرم گونلری قارا کوینک گئییب باش گؤزوموزه دویه دویه جانینا قوربان اولدوغوم شیخ آغا ایروضه دئیینده منده پای منبری اوخویوب  گؤز یاشلاریمیزی دخیره ی آخیرت ائله میشیک؛تاپدا باش کندجاماهاتی دوره برده وارلی کارلی اولدوقلارینا گؤره هر گئجه خش خئیرات وئریب فاغیر بئچارا محصوللاریمیزی دویوزدوراندا سونرا شبئی خوانلیق گونونه حاضیرلیق ایشلری گئدیردی؛ایمام اجیر وئرسین دئییه هر گئجه دسته نی علم قاریشیق بیر قاپی یا سورویوب سونسوزلارا اوشاق؛ خسته لره شاف؛ قالیب تورشامیش یوخ باغیشلایین نئچه یول گئدیب بوشانمیش قیزلار پوللو ار طلب ائله مه گینن گئد گئده شبئی خوانلیق سته سینی راهلاییب ؛قالایچی مورتوضو شومور؛ ایسکندر ایمام حسین؛کل اوغلان(کالی)معللیم حور ایبن ریاحی؛فاطما باجیم سکینه؛ هاماش باجی اوغلو جناب علی اکبر؛ منوش دایی حرمله؛ قاغامدا هممشه اولدوغو ابن زیاد پالتارینی گئیینیب هردن گون اوزلری مشق ائله ییب یغیشان جاماهاتین گؤز قارشیسیندا آت ائششک اویناداراق موکالیمه لر گئدیردی؛بوگون محرمین دؤردونجو گونو ناهاردان قاباق علاوه دن یاراقلانیب شبئی دسته سی بیر بیرلرینن دالاشاندا بیر اوندا گؤردوم  قاغام دسته دن آرالانیب قارشیداکی چارقاتی سوروشگن بیر قادینین توکلریندن یاپیشاراق دیزی آلتیندا دؤیَشدیریر؛ دالدان قاچیب قولوندان یاپیشاندادئدیم نییا اؤلدورسن ؛قادینی سورویه سورویه  دؤنوب حیرصینن دئدی مملکندی ایسلامی................  

+ نوشته شده در شنبه بیست و چهارم شهریور ۱۳۹۷ ساعت 10:52 توسط (قلئی چی مورتوض)  | نظرات

آناسیز قیزین طالعی

آناسیز قیزین طالعی

یئنی یئتمه منصوره نین آناسی اولنن سونرا آتاسی حیات یولداشی نین ایلی چیخمادان علاوه دن ائوله نیب یازیق قیز اوشاغی اؤزوندن سونرا دوغولان ایکی کؤرپه باجیلاری لا بیرگه  آنا محببتینین یانیغی اولارکن بو دونه ننه لیک تاپداغی آلتینا دوشوب خیردا باغیشلارینان جان جییاری اولان باجیلارینا آنالیق ائلمک ایسته یینده گاهدان الله سیز ننه لیگینین قیسناغینا معروض قالیردی؛اؤلوم دیریمینن اؤن اؤن ایکی یاشان چاتان منصوره آناسی نین قویوب گئدیگی ائوین داغیلماسین گؤررک هردن آتاسی نین بوینون قوجاقلاییب درین باخیشلارینان بویون اوخشایاندا آنامین دؤلو صاندیغی بوشالیر دئییه گؤز یاشلارینان  اؤزونه تسلی وئریردی؛ایکی ایلین ایچینده ننه لیگی اوشاغا قالیب بو دونه بیر اوغلان اوشاغی دونیایا گتیرنده داها آتاسی نین اینامینی قازانیب منصوره و ایکی باجیسی نین بو ائوده نه ظولومونن یاشاغینا واقت آییریب گوذرانلارین سوروشموردو؛منصوره  اؤن اوچ یاش اراده لرینده لالا یاناغلی بیر قیز اولدوقیچون ننه لیک تاپداغیندان قورتاریم دئییه اورکدن سئومه دیگی بیر اوغلانا قوشولوب قاچماغینان داها دوغروسو جانینی قورتارماق ایسته ییر؛امما نه یازیق کی الله قارقی یانی پیغبر عصاسینان دویر دئییه منصوره جانین گؤتوروب پناه آپاردیغی ائوده اؤنون کیمسه سیزلیگی دویوب عایله نین گونده لیک ایشی بوینونا دوشرکن گاهدان یورولاندا اؤز اؤزونه قاپانیب نئی نک دؤزرم دئییه گلجک گونلری نین اوغورونو خیال وَرنی سینه ایکی قات دوگون ویرا ویرا داها بر بزکلی ائلمک ایسته ییردی؛امما گئد گئده حییات یولداشی نین نارکوتیک ماده قبول ائتمه سینه نیگرانچیلیغینان یاناشیب اؤز اؤزونه اوشونوردو؛ زامان گئدیگجه حیات یولداشی نین عملی اولماسی تای توشلار ایچینده باشینا سرگی اولان کیمین گله جه یه اومودونو ایتیریب دفعه لرله  اؤزونه قصد ائلمک ایسته ییر؛عومروندن یاریمایان قیزجیقاز بیر واهمالی گئجه ده اوزونو آلو پنچه لرینه وئرمه میشدن  اؤنجه سون اوخشامالارینی  بئله دیله گتیرمیشدیر؛

              ......................................

              .....................................

              ....................................

              ....................................

+ نوشته شده در پنجشنبه پانزدهم شهریور ۱۳۹۷ ساعت 18:51 توسط (قلئی چی مورتوض)  | نظرات

گیزله دیم...........

بیزینن داش زاودوندا  فهله  ایشله یین منوش دایی بیرگون ال ایاغین اوکه لییه اوکه لییه منی قیراغا  چکیب دئدی آی قالایچی مورتوض عایله دن گیزلین بیرآز گؤر کفن پولو ییغیب بانکلارین بیرینده قویموشدوم؛ هردن بیر یولوم دوشنده گؤروردوم کی گئدگئده پولوم آزالیر؛علاوه ائله دی بیر گئجه یورقانی باشیما چکیب پولوما فیکیرله شنده بو دؤنه گؤردوم آرواد جیبلریمی آختاریر؛بو سوزدن کدرله نرک سیکاراتیمی  بؤرکومون قاتیندان چیخاریب آداما بیرین آلیشدیریب چکنده دئدیم منوش دایی پولوو گیزلت باخ؛بو سوزو ائشیدن کیمین قانقالاغی قاریشیب دوروب گئتمک ایسته ینده حیرصینن دونوب اللرین اوستومه اوسه اوسه یه اوجا سسینن دئدی گیزلتمک ائله بیزه گلیب وکیل وزیرین  اؤغورلوق باغیشلایین چاشدیم آروادین  الی اَیریلیگینی گیزله دیم شالواریمین جیریغین گیزله دیم  پولومو.......................  

+ نوشته شده در جمعه نهم شهریور ۱۳۹۷ ساعت 20:26 توسط (قلئی چی مورتوض)  | نظرات

باشیما سالدی..............

تانری اوله نیزه ایرحمت ائله سین هر جوم آخشامی مزارلیغا گئده رک بیر ایکی هفته قاباغدان بیزیم آدام نفردن بئش اؤن قبیر یوخاری اوستونه قارا چکیلمیش یئنی مزار گؤروردوم کی بیرقوجا کیشی آغلاییب دوره برده کیلریده مورگوله ندیریردی؛بو هفته آخیری علاوه دن قبیر اوستونه گئدیب حالوا خورما پایلاننان سونرا اؤزومو باسمادان آدی گئدن مزارا یوخونلاشیب دیز چوکه رک فاتح  وئرندن سونرا الیمنن قبیری گوسته ریب  سورانداکی نه ییندی؟؛ کیشی آرخالیغی نین قولوینان گؤزلرینین یاشین سیلیب ایکی اللرینی مزار توپراغینا ویرا ویرا اوجا سسینن دئدی

آتام اولوب؛

 آبام اولوب؛

قارداشیم اولوب؛

اوغلوم اولوب؛

قیزیم اولوب؛

حکیمیم اولوب؛

اویناشیم اولوب؛

سیرداشیم اولوب؛

چیراغ یاندیرانیم؛

گؤزتچیم اؤلوب؛

سسیمه سس وئره نیم اولوب؛

یورقانیمی قیزدیرانیم اولوب؛

بورنومو سیله نیم اولوب؛

جانیمی یووانیب اولوب؛

 آدیمی چاغیرانیم اولوب؛

کوهنه یولداشیم اولوب؛

باخدیم طالئعیم اولوب؛

اینامیم اولوب؛

یازیق کیشی ساناغلایا ساناغلایا دؤنوب آرخایا باخاندا گؤردوم آرواد داغ کؤلگه سینی..........................    

+ نوشته شده در جمعه دوم شهریور ۱۳۹۷ ساعت 20:3 توسط (قلئی چی مورتوض)  | نظرات

او کندحیاتی...............

اوکندحیاتی..............


اوشاغلیق ایللری گیلاس قوزاسی کیمین قینیمی یارا  یارا

چارپاز مئشه لرینن نفس آلیب

دورو بیلاقلارینان آخیب

یاشیل بیچه نکلرینه بله نیب

وورغون سارماشیقلارینان بوی آتیب

 آخارلی سئلینن گورولله ییب

ساری سونبوللو تارلالارینان باشاقلانیب

پاییز خیالی باغلارینا ساریلیب

کهلیک قاققیلتیسینا قولاق وئریب

بئ یین دامنان آتان آلماسینا دونوب

آل یاناغلی قیزلارا اورک وئریب

تزه گلین باشیندان دوواق گؤتوروب

آخارلی شلاله لریندن مینجیق دوشوروب

خانیم ننه نین بال قایماغلی دورمنجین یئییب

بولوتلار باجاسیندان قورشاق ساللاییب

و پئشه ری یه گیرده کانلارا داش آتا آتا

 یاشادیغیم او کند حیاتی عومور بویو شیرین یوخولاریمین دامازلیغی اولارکن اوزون ایللر کوچوب اوزومنن یاشاتسامدا بیر داها قوجا واقتیمدا شهردن قاییدیب  یئنی دن ایتن گونلریمی تکرار یاشاماق ایسته ینده گؤردوم نه کند او کتدی  نه ده کی من او منم.....................

+ نوشته شده در جمعه بیست و ششم مرداد ۱۳۹۷ ساعت 20:17 توسط (قلئی چی مورتوض)  | نظرات

سیزی کیم ائله دی.....................

سیزی کیم ائله دی.....................

دیب کوچه ساکینلی فهله ایشله یین المراد گلیب قونشوموز سیفعلی نین تعمیرات آپاردیغی ائوینده ایشله یرکن  اؤز امک حاققینی آلا بیلمه ینده هر گون قاپیلارینی کسیب پولومو ایسته ییرم دئییه قیشقیر باغیر سالیردی؛هر دونه سیفعلی نین زننی گوله زر خالا چیخیب کیشی یوخدور دئییه قاپینی اوزونه اؤرتوب یولا سالیردی؛بیر ایکی آیین ایچینده المرادین الیندن جانا گلن گوله رز  بیر گون بیله سینی  قیراغا چکیب دئییر کیشی بیلمه سین من سنین پولونو وئررم امما هر چاغ امک حاققینی آلدین گتیر پولومو وئر؛دؤرد بئش آی اؤتوب گول زر خالا باشا دوشنده کی  المراد سیفعلی دن پولونو آلارکن بوروغو دونوب تنگه باجادا دیزلرینه دویه دویه گلیب گئده نین قاباغین کسیب اوجا سینن دئییردی منی المراد ائله دی؛منی المراد ائله دی...

 فاطما کبینین آلیب بوشانناندا سونرا آلدیغی پول پارانی بو دلیکدن او دلیگه سوخوب  ساخلایا بیلمه ینده  مندن گیزلین آپاریب شهرده یئنی آچیلان مالی موسسه لرینه بیرینده قویوب آیلیق ماییش آلیرمیش؛بیر ایلین ایچینده کاراوانلار قوشولوب دونه دونه مئشد و کربلایا گئتمه ینه باخمایاراق قارین بورونونا عملیات ائله ییب یئنی دن  اؤزونو گونده مده ساغلاماق ایسته ییردی؛مالی موسسه لر یوخ  فاطما باجیم برشیکاست چیخاندان طییییییییییی منی بیرا اورا چکیرکی بیر ایش گؤره سی اؤلوم؛بو های کوی تنگه باجادا یاییلان کیمین بیر گون سیفعلی نین خانیمی باققال توکانیندا منی گؤروب یانا یانا دئدی به .........

+ نوشته شده در جمعه نوزدهم مرداد ۱۳۹۷ ساعت 8:9 توسط (قلئی چی مورتوض)  | نظرات

اوسته دولانیر.............


اوسته دولانیر.............


اوشاق ایکن ایرحمتدیک قار ننه مین بیزه دانیشدیغی حیکایه لری  هاممیسی ائشیتمه لیدیر امما او ناغیللارین ایچینده (دونیا اوکوز بوینوز اوسته دولانیر) ناغیلی داها منیم دیققتیمی چکمیشدیر؛


کندیمیزده طیییییییی جاماهات خوداد خانا ایشله ییب گونده لیک وئریلن یاوان چوره گیده قورخا قورخا یئییردیلر؛گاهدان اؤز اوشاقلارینی ائولندیرمه اوچون آیلارینان خان سارایینا اؤز توتوب گؤزلمه لی اولوردولار کی بلکه خانین ال آلتیلاری اؤنلارین اوشاق عایله قورماقلارینا ایجازه وئرسینلر؛ائله بو سببدن کند آدامی ایل باشینا خانین جوتون سوروب اکینه جه گین بیچمکلریندن علاوه هر گونده اونون قاباغیندا ایکی قات سالام وئرمه لی اولوردولار؛امما منیم آتام دوره برده یاریم هانپا اولوب اؤزونه ایشله ینده خان دیشین دیشینه قیسیب عایله میزی قیسناغا قویوردو؛ کند آراسی یئنی یئتمه تای توشلار بیج بالالیق ائله ینده هردن اؤزگه نین باغ باغاتینا سوخولوب یئری گلنده قوجا قاری یادا اوجه شیردیلر؛لاپدان اوشاقلار آخشام مال قارانی چولدن گتیرنده کند ساکینلی ایکی گؤزدن علیل کؤروش بابانی قاپیلاریندا کی سکی  اوسته اوتورماغین گؤرنده اوزاقدان ائشه نک آتیب اؤکوز زاد سسی چیخاردیرلارکی اؤز آرالاریندا دئییب گولسونلر؛یازیق کیشی بو صحنه لردن قورخوب حیات یولداشینی سسله ینده اوجادان های سالیردی کی آی آتاش قیزی آی آتاش قیزی کابلا احدین اؤکوزو قارنیمی سوکدو؛ آرواد چوله چیخانا اوشاقلار شیلاق آتیب آرادان چیخارکن گؤز گزدیریب هنده وره باخاندا دئییردی آی کیشی بیراداکی اؤکوز یوخدور؛کؤروش بابا چلینگین یئره تاپداییب قیشقیر باغیر سالاراق دئییردی والله اؤزوم گؤردوم؛گئد گئده بو های کوی کند آراسی یایلاندا خوداد خانین الینه بهانه دوشوب آتاملا حاق حئساب چورتمک ایسته ییردی؛نهایت کی باشیمیزا قاخینج اولان خان نئچه یول داوا دالاشدان سونرا آتامین مال مولکون الیندن آلیب اؤزونده کتدن چیخماق حوکمونو وئریر؛آتام قیشین شاختا بورانیندا ائر بئله واردن الینه گلن یورقان دوشه گینی گؤتوروب قارلی قادالی یوللارا چیخاندا آنامین ال ایاغینی سویوق ویریب او سببدن دونیاسینی دَیشیر؛گؤزون آچاندان اؤز دده بابا سیفراسینین باشینا دیز چوکن آتام شهره گلیب بیزیم گله جه یمیزه بیر گون آغلاماق ایسته ینده اودا آز گئچمه دن دونیاسینی دَیشیر؛بیز اوچ باجی ایکی قارداش حییات داوام ائله ییردئییه چتینلیکلره دؤزه رک اؤز چولوموزو سودان چیخاریب شوکورلرکی اوت اوجاق اولدوق؛بوگونلرده کی عومرومون اللیسینه ایاق قویوب دولتلر آراسی بئله سَرت سانکسییالاری گؤرنده اؤز اؤزومه دئییرم گؤره سن دوغوردانمی دونیا اؤکوز بوینوزو.........................


+ نوشته شده در جمعه دوازدهم مرداد ۱۳۹۷ ساعت 19:57 توسط (قلئی چی مورتوض)  | نظرات

ایتگین مزاری..............

ایتگین مزاری................

هر ایل اولدوغو کیمین بو ایلده یای دینجلمک گونلری دئییه آبا اوجاغینا اوز توتوب نوه نتیجه اولاراق آتانین دادلی دوزلو حیکایه لرینی ائشیتمک ایسته ییردیک؛امما نه یازیق کی یوللار یورقونو آتا عومورونون پاییزینی یاشایارکن قولاقلاری آغیر ائشیدیب گوزلریده تودان دوشموشدور؛من عایله نین ایلک ارکویون نوه سی اولاراق هردن آتانی قیلیغینا گیریب سوزه گتیرمک ایسته ینده کیشی نین قاش دوگونلری آچیلمیردی؛نهایت کی بیر گئجه الینده درگی نی اوخویوب ماسا اوستونه قویاندا گؤردوم کدرله نرک اؤز اؤز ایله دئییر؛

بو توپراغین طالعینده نه وار کی سارا  سورو  سرییه لری سوز اوخشاری اولاراق یان یانا دوزلورلر؛آتانی بئله مورگولو گؤروب اوشاقلاری باشیما یغاراق سورغو وئرنده کی نه کدرلنمیسن؛بوغزو توتولان کیمین الین باشینا چکیب بو دونه حیکایه نی بئله باشلادی؛

1325اینجی گونش ایلی قیش ایراده لرینده فارس آدام اؤلدورن محمد ایرضاشاهین قوشونو آستارادان اردبیله دوغرو اوستوموزه یوروش ائله ینده آذاربایجانین میللی حوکومتینی تهلوکه آلتینا آلیب قارلی داغلاری آشاراق اردبیلین هیر نئور کسالا دویوشلرینده الی آفدامات توتان یئرلی جاماهاتی گولله دن گئچیریب خالقین نامیسینادا ال اوزادیردیلار؛بو قانلی دویوش اردبیل بولگه سینی قان چالخایارکن چوخلو فدایی لریمیز شهید اولوب قالانلاریدا ساوالان اتکلرینه قدر دالی چکیلمه لی اولورلار؛بو دویوشکن قوچاقلارین ایچینده سوی کوکو سومرین کندین اولان هازار بئ یین قیزی سرییه آدلی خانیمدا قادین اولماغینا باخمایاراق آفدامات گؤتوروب توپراغیمیزا یوروش ائله ینلرین قاباغیندا قهرمانجاسینا ویریشیردی؛ یئردن گویده باشلارینا گولله یاغان قوچاق فدایی لریمیز اولکه ایستیقالالیتینی قؤروماق اوچون  قاریش قاریش قان وئریب دسته لرینی قورویاندا نهایت کی دؤرد طرفدن قابالانیب(موحاصیره)یئرمی بئش نفره بیر سنکرده اولوم دیریم ساواشینا گیرمه لی اولورلار؛نئچه گون آج با سوسوز دویوشو قاباغا آپاریب آفدامات گولله لری قورتاراندا اؤز یولداشلاریندان بیر نفر جانیندان گئچن فدایی ایسته ییرلر کی دوشمان باشینی قاتیب هله لیک بو تله دن قورتارا بیلسینلر؛

بو آندا سومرینلی سرییه توفنگی قالدیریب توتدوغو سنکردن چوله چیخاندا گیجل یئلی کیمین توزاناق ایچینده دوشمان اوردونوسو گولله یه توتاراق اوجا سسینن دئییر آند اولسون شهیدلرین قانلی کوینه ینه سون نفسیمه قدر سیزینله ویریشاجاغام؛ نهایت گولله سی قورتاریب توفنگی باغرینا باساندا خایین دوشمان گولله سینه توش گلیب اولکه شهیدلر سیراسینا قوشولور؛

؛حیکایه قورتارارکن آتانین گؤزلری دولوب درگیده گی باش یازینین اوستونه بارماق قویاندا گؤردوم یازیلیبدیر کی بیرخالق فدایی سینین ...................   

+ نوشته شده در جمعه پنجم مرداد ۱۳۹۷ ساعت 19:19 توسط (قلئی چی مورتوض)  | نظرات

گؤر با گؤر اؤلو...............

گؤر با گؤر اؤلو..................

بیزیم  بو ترس آوا کندی ایسلام دونیاسی نین بیر پارچاسی اولاراق جاماهاتین یاری سوننو یاری شییه اولدوغلارینا گؤره هردن بیر زادی بهانه ائله ییب قان توکمه ویریشارلار؛ بو دونه  یوخاری باش سوننو عایله سینن اولان گنج خیدیر قولو آشاغی باش شییه عایله سیندن بیر قیزی سئویب اوننان عایله قورماق ایسته ییردی؛ مین بیر چتینلیکلرینن اوزله شن گنج اوغلان اوچ دؤرد ایلین ایچینده نئچه یول کند ایچی سوننو شییه داوا دالاشینا سببکاری اولسایدیدا نهایت کی بیج بالالیغینان قیز عایله سینین ایسته یین بویون اَییب شییه چیلیک اینانجی نی قبول ائله مه ینن ایسته ینه چاتا بیلیر؛عایله قورماق بیله سینه باها قورتاران خیدیر کتده یاشایا بیله جه یین گؤزونه آلیب واقت آشیری شییه لر مچیدینه گلیب جانامازین سویا چکنده یوخاری باش جاماهاتینین قیناغینا معروض قالیردی؛هر ایکی طایفا مچید منبر و قبیرساندیقلاری آییری اولدوغونوگؤره اؤز اینجانلارینا اویغون گونده لیک شرعی ایشلرینه داوام ائله ییردیلر؛لاپدان سوننولر مچیدینده آذان وئریب شییه لر مچیدینده الم گؤتورن خیدیرقولو گئد گئده توره مه سی آرتیب اکینه جک یئر صاحابی اولدوقجا کند ایچینده وارلی کارلی آداملار سیراسینا دوشور؛آلتی یئدی کوره کن و اوغول آتاسی اولان خیدیر بیلدیگیم قارنیمدا دئییه دونه دونه مئشده گئتمه ینن آرواد طایفاسی  نین گؤزوندن یایلیق آسیردی کی من سیزدنم ؛یاشی سَکسه نی اوتن عایله باشجیسی گئچن ایل یای اراده لرینده عومرونو سیزه وئریب دونیاسی نی دییشنده آرواد و اوشاقلارینین سرانجامینان شییه لر قبیرستانیندا باسدیریلیر؛گلیب گئدن  قوناغین ال ایاغی چکیلیب   قیرخی زادی چیخاندان سونرا اؤز یوخاری باش آتابابا آدام نفری وریندن بیر بارماق باسما وصیت نامه سی تاپیلیر کی خیدیر قولو او کاغیذدا یازدیریب  من آتا بابا دینیمنن دونمه میشم؛اودور کی یوخار باش سوننولر ایجماسی بو یازینی الده ائله یندن سونرا گئجه ینن قبیری یاریب اولونو اؤز قبیرستانلاریندا کومله ییرلر؛ایشی بئله گؤرن آشاغی باش شییه جاماهاتی یوروش ائله ییب اولونو قبیردن چیخارداندا منی یوللادیلار شهردن بیر دین خادیمی زاد تاپیب گتیریم؛نم نیشانین دوز گلن کیمین حورمتلی دین خادیمینی بی ادبچیلیکدی اولاغا میندیریب یول اوزونوگله گله صوحبت گئدنده لاپدان آغزیما گلن کیمین سوروشدوم  کی آی آغا شرع موققدس ده بو ایشه نه دئمک اولار؛جانینا قوربان اولدوغوم دین خادیمی دومما گؤزلرینن منه باخیب گولومسه ینده دئدی بونا دئییرلر...............

+ نوشته شده در جمعه بیست و نهم تیر ۱۳۹۷ ساعت 20:2 توسط (قلئی چی مورتوض)  | نظرات

کوره که نی.......................

کوره که نی..............

آی خانیم سالام علیکوم نه عجب بو آخشام ائوده سن؛اشی اللی یول دئمیشم فتقیمین یئللنمه ینه گؤره داها آغیر شئی گؤتوره بیلمیرم گل بو الیمده کی یئر یئمیش نایلونلارینی آل تویوشومو دریم؛

آرواد قاش قاباغینان چیخیب باساغین(پیلله) باشینا بارماغینی بورنونون اوجونا قویاندا آندیرکی قونشولار ائشیدر؛

مین نوصیبتینن ایچری گئچیب پالتاریمی سویوناندا  سوروشدوم به قیز هاردادیر؛

بو دونه گوله گوله دئدی هئچ آداقلی سینا چوله گئدیبلر؛

 باش گؤزومو یوواندان سونرا خان قیزی خؤیلو خانیم دسترخانی سریب دوغراما دوغاسینا چوره گی ازه ازه دئدی اشی سن نه باشی سویوق آدامسان اوغلانین آدام نفری ایزنگ آچمیشدیرلار کی یایین قوتاراجاغی قیزی آپاراجاقلار؛

  دئییرم بیر آز پول پارا وئره سن اوشاقلاری گؤتوروب باش کتدن اوغلانا ایاق قابی اؤزومه ده باش ایرنگینن  توتموش صونعی دیرناق زاد آلیم؛

اؤز کالا کؤتورال دیرناقلاریمی گؤزومون قاباغینا توتوب آغزیم یانان کیمین دئدیم خانیم یانی سن بویوران رایوندا بازارچالاریندا  باش ایرنگی  زاد اولماز کی باش کنده گئدیرسن؛

سیفرانین باشیندان ایاغا دوروب دیل دوداغین گمیره گمیره گؤردوم دئییرکی آخی سنده کیشی سن عایله ده ائله قابیقلی قؤز (گیرده کان)کیمین دیرباخ؛

دؤردونجو قاشیغی دوغادان دؤلدوروب اؤردوما چکنده دئدیم خانیم آخی عایله نین قؤزا  نه داخلی وار؛

سویدوجودان ایکی  تر خیار گتیریب دوغاما دوغرایا دوغرایا علاوه ائله دی آی کیشی بیزیم دری دونیادا بیر قیز و بیر کوره که نیمیز وار من اؤنلارین تویوندا گئیینیب گئچینیب سیندیرماسام هئچ اولار؟

یئمه گی یئییب قاب قاجاغی ییغیشدیراندا وورقولادی کی صاباحلاری ایشدن بیر آز تئز گل کی یئدینجی قونشوموزماه زر خالا اوغلون کسدیریب اؤنون یانینا گئده جه ییک؛

خیلاصه گئجه گئچیب باشیمی یاسدیغا قویاندا آروادین عزیز گیرامی سی اولان کوره که نین شکیلینی تاقچا اوستونده گؤرنده اؤز اؤزومه فیکیرله شیردیم کی منکه ایکی ایل آداقلی قالدیغیمدا بیر یول ایمکان تاپیب آروادین دده ائوینه گئده بیلمه دیم بس بیزیم بو کوره کن .................................؛

خوروز بانی دئییه یوخودان دوروب نامازی زادی قیلاراق قاپیدان چیخاندا آرواد بیر ناخیر نوباسی کیمین یازیلی کاغاذ الیمه وئرنده گؤردوم بیر باشدان یازیب؛

 بئش کیلو قوزو اتی؛ دؤرد بسته ماکارون ؛کیلو یاریم لپه ؛بیر کیلو نوخود؛ اوچ بسته ال کاغاذی؛ ایکی قوطو باش و ایاق قابی یاغی؛ بیردنه ده دنه فیرانسیس مارکالی یئنی ایپار(ادکلن)؛دیرناق توتانی اوستونده؛

قاپینی اؤرتوب یولا دوشنده  دالدان های باسدی کی  ایکی اوچ کیلوودا قارا بادیمجان..............

ایش یئریمه گلیب تزه گلن اؤلولرین سیاهی سینی یووشا(قلم)آلاندا آروادین سوزو بیلمه می توتان کیمین فیکیرله شیردیم کی جانیم عایله نین قوزا نه داخلی اولا بیلر؛

آخشاما یوخون مورده شورخانانی باغلاییب جیبیمده کی پولونان آروادین وئردیگی سیاهی نی وارا وورد ائله یه ائله یه آز چوخدا بازارلیق ائله ییب ائوه گلنده گؤردوم بللی منن قاباق کوره کن نبه نی آلدیریب؛

آرواد تر تله سیک الیمده کیلری آلیب منه محل قویمادان آچدیغی ناغیلین باشینی یاریم قیچ شالوارلیغینان اَییلشمیش کوره که نی چین خیردالایا خیردالایا  بو یان اویانینا گئچیر؛

بیر آز چاغ گئچمه دن قوناغین شرفینه ماسانین اوستونه جوره به جوره یئمک لر دوزوب عایله عوضولری سیفرانی دوشلشدیرنده  منده آروادین قولتوغو آلتینان سوخولوب بیر اوستولو آلتیما چکه رک خیردا خیردا یئمه باشلادیم؛

شام یئییلیب علاوه دن یئمیش(میوه) زاد ماسا اوستونه دوزولنده سوز ماززاقلیغا چکیب آرواد قوناغی آرتیق شنلندیرمه ایچین آتماجالار آتیب بیرلیکده گولوشرکن؛

لاپدان گؤزلریمی کتللی(یاش قابیق) قوزا ذیلله نمیش گؤرنده لوغالانا لوغالانا  الین آتیب یئکه دنه سینی گؤتورنده بیرینجی قابیغینی سویوب منیم قاباغیما قویاندا دئدی بوائوین کیشی سیدیر؛ایکینجی قابیغینی سویوب اؤز قاباغینا قویاندا دئدی بو ائوین قادینی دیر ؛اوچونجو قابیغینی سویوب قیزین قاباغینا قویاندا دئدی بو ائوین اوشاغیدیر قاخلاییب ایچین چیخارداندا ایاغا دوروب اوجا سسینن دئدیم اودا ائوین......................

+ نوشته شده در جمعه بیست و دوم تیر ۱۳۹۷ ساعت 20:45 توسط (قلئی چی مورتوض)  | نظرات

گؤرر....................

گؤرر..............

ایل اوزونو قالایچی مورتوض آراسیرا سیرا کؤت تاپیب ایسلامی حوکومتیمیزین آچدیغی قهبه خانالار یوخ  باغیشلایین چاشدیم سیغه خانالاردان دیرناغی رگلی زاد تاپیب کئف گوذار ائله ینده حییات یولداشی خویلو خانیم ایی بیلن کیمین نئچه یول باش یولوب قاب قاجاق سیندیرما داوالاری دوشنده  بیله سینی نهی از مونکور ایداره لرینه چکیرکی بو ایشین باشیندان چیخارتسین؛ایل اوزونو دونه دونه ایشی نهی از مونکور ایداره سینه دوشن قالایچی مورتوض یول یولاجاغی باشا دوشن کیمین یوخ ایمانیم حاققی دای ائله مه رم دِئییه ضمانت قویمادان اؤزون قورتاریر؛امما  بو دونه خویلو خانیم بیر ساچی قیوریملی سینیان  بیله سینی گؤروب علاوه دن داوالاشما لارینا کوچه جاماهاتینی  یغیشاندا قالایچی ایشینی چاش گؤروب آرادان چیخمالی اولور؛نئچه گون آرالیغدا سفیل سرگردان گزیب بو اولایین آلتیندان قوتاراجاغینا فیکیرله شنده ...........؛خویلوخانیمین شیکایت عرفه سینده بیرگون110 تعجیلی پولوس امکداشلاری  وریندن یاخالانیب اَر آرواد یئدینجی دؤنه مونکورات ایداره سینه گئتمه لی اولورلار؛بو توتوقلانمادا اوزون موباحیثه لر اولدوقچیون تشکیلات باشجیسی شیخ آغا بو دونه قالایچی نی هده له ییب  ضمانت زاد ایسته یین ده مورتوض دا قاباقجادان عملیات ائله ییب چیخاردیغی کیشی لیک یومورتالارینی قولتوق جیبیندن چیخاریب آروادین گؤزونه سوخا سوخا میزین اوستونه قویاندا بوینون اَییب دئییر حاجی آغااااااااااااااا....................   

+ نوشته شده در شنبه شانزدهم تیر ۱۳۹۷ ساعت 11:47 توسط (قلئی چی مورتوض)  | نظرات

دِئیینده..................

دِئییندَه..............

اویناغان جاماهات یئنه یئییب قودوروبلار هااااااااااا؛باش بیلن شیخ آغا یوخ ائله دده ددلیگیمین اوزون گؤرن لیگینن اینقیلابدان بری  ایران ایسلام اولکه سی گوندن گونه اینکیشاف ائله ییب ماخلوغون کئفی سازلاشاندا  بو دونه خیاوانا توکولوب قودورقونلوق ائله ییرلرکی نه وار نه وار گاز؛سو؛برق؛ ارزاق باهالاشیر؛بو نانکورلار دینن دوننان چیخیب  اعتراض آکسی یاسی گئچیرنده یازیق ددده ددلیگیم گئجه لری یاتماییب طییییییی هیجان گئچیریرکی  الله ائله مه میشدن حوکومتیمیز یوخ باغیشلایین چاشدیم سیغه خانا ایرئیس لیگی الیمیزدن .........دریسی یوسما قوجاکیشی ائله قورخوب کی دال قاباقدان چوله گئده بیلمیر؛جانینا قوربان اولدوغوم اوگونلری مانققال اوستونده الی تیتره ییب اوزو قویلو یخیلاندا دوره قونشو زننلری یغیشیب بوغازینا سو زاد توکنده بو قناعته گلدیلر؛طییییییییی دویلت میللت ایشینه قاتیلیب پارتیمیز اولان شیخ آغا قورخوب نئچه گوندور کی منده موم یای زاد ازیب قارنینا یئریدیر کی هئچ اولماسا بیر طرفدن چوله گئده بیلسین؛

نه دئییردیم – هه یادیما دوشدو

قدیم زامان ترس آوا کند ساکینلی اوغرو شیخ علی شیل علی قارداشلاری عاغیل عاغیلا وئریب ؛ گئجه قارانلیغیندا  هئچ کیم بیلمه سین خانین په یه سیندن(طویله) اوچ ایللیک قارا قوچو گتیریب باشین کسه رک قؤورمالیق ائله ینده  خان ایی بیلن کیمین ایکی قارداشی قاندالاییب جازالاندیرماق اوچون طویله سالیب قاپی باجاسینی دارلاییر؛ ال قولو باغلی ایکی قارداش اؤزلرینی باغلی  قاپی آرخاسیندا گؤرنده گاهدان تپیکله شیب شیخ علی اوزون بویوک قارداشا توتوب دئییر وای کوپک اوغلو ددن بئله بئله  سن ائله دین؛گاهداندا شیل علی اؤنو تپیکله ییب عین سوزلری ......................

+ نوشته شده در یکشنبه دهم تیر ۱۳۹۷ ساعت 11:2 توسط (قلئی چی مورتوض)  | نظرات

اولماسیندان......................

اولماسیندان.............

مئشه ده بیر عایله تولکونون دده لری اؤلور؛هر نقدر  دوره بر آغاجلارا اعلامیه زادیاپیشدیرارلار هئچ کس گلمیر؛آخیردا چاراسیز قالیب دال دالا وئررک هره سی بیرطرفدن هنده ورده اولان حیوانلارا موراجعیت ائله یینده؛ قارداشلارین بیری آسلان گؤروب الین دوشونه قویاراق دئییر ای شاهلار شاهی بیز کی سنین  قولاغی داغلی بنده نیک مچیده تشریف بویورویوب منبر یانیندا اوتورارسیز؛آسلان کی گؤتو اوسته اؤتوروب قویروغوینان ملچکلری قاوالیردی لاپدان شیغیر  اوستودونه کی یئری یئری من او توممه تینین زیانکارلیغین بوینوما آلا بیلمه رم؛؛او بیری قارداش گئدیب بیر آیینی گؤررکن آرخالیغینین قولوینان بورون فیرتیغی نی سیله سیله دئییر ای اصل نئجابتده تایی اولمایان دده مین مجلیسینه گله سن؛آیی دا کی آرخاسی اوسته اوزانیب اؤزونو گونه وئرمک دئیدی لاپدان حیرصی توتانلار کیمین یئریندن  دوروب اوستونه جوماراق دئییر یئری یئری من زیربازیرین اوغورلوقلارینا شریک اولا بیلمه رم؛ او بیری قارداش گئدیب بیرچاققاللا راست گلنده باشینا دویه دویه دئییر آی عم اوغلو دده م اولوب یاس توره نینه گله سن؛چاققالدا باشین قالدیریب  بیر اؤنکورمه چالاراق دئییر گئد گئد من او گؤر باگؤرون حیله لرینه قاتیلا بیلمه رم؛ او بیری قارداش دولانیب بیرخوروزا راست گلنده گؤزونون لیلیغین آخیدا آخیدا دئییر آی باشی جیققالی دده مین حوزنونه گله سن؛خوروزدا بو سوزو ائشیدن کیمین ایکی قاناتلارینان قوزانیب قوت قوت قودا؛قوت قوت قودا بونون اوستونه جوماندا دئییر گئد گئد من او گؤر با گؤرون اورشووت خورولوغونا شریک اولا بیلمه رم؛ ؛قارداشلار کور پئشمان قاییدیب اؤلولرینه اوستونه گلنده بالاجا قارداش گئدیب بیر موللایا راست گلنده اللرین گوبه یی اوسته دویوگونله ییب باشین آشاغی سالاراق دئییرکی ای یارانمیشلارین بیرینجیسی دده مین خش خییراتینا گله سن؛موللا تر تله سیک اؤتدوغو سکی نین اوسدن دوروب ایچری گئچنده قال باشیما سو آتیم دِئییرَک عبا عمامه سینی گؤتوروب یولا دوشنده شرعی مسئله اولاراق بیر خیلک جاماهاتدا دالینا دوزولوب تیرلنمیش اؤلونون جاه جالالینان نامازینی قیلیب توپراغا تاپیشیراندا بئله یئدی سینه کیمین هر گئجه مچیده سیفرا زاد ییغیشاندان سونرا منبر چیخیب او ایرحمتدیگین  مومن موسلمانچیلیغیندان؛ اؤروج  توتوب ناماز قیلماسیندان؛ بؤلگه ده گؤردوگو خییره ایشلریندن؛ دوروستکارلیغیندان؛خالقا ال توتماغیندان؛شرعی مسئله لریسینی بیلمه سیندن؛خومس ذکات وئرمه سین؛ناماز جومعه ده حاضیر اولماسیندان؛سوریه دویوشونده ایشتیراک ائلمه یندن ؛ارسیز آروادلاری اؤز حئسابینا زیاراتا آپارماسیندان؛تنگه باجادا نهی از مونکور ائلمه یندن؛امیر که نین ایسیرافیلین قاباغیندا دیرنمه سیندن؛ایللاه کی شیعه ....................

+ نوشته شده در جمعه یکم تیر ۱۳۹۷ ساعت 20:21 توسط (قلئی چی مورتوض)  | نظرات

قارداشلاری.............

الله قبول ائله سین باخ؛ هممشه اولدوغو کیمین بو ماه موبارکیده اوچ دؤرد گون قاباغا گئتمک شرط ایله اؤروج توتوب قارین دؤلوسو ثاواب زاد الده ائله دیک؛ فیطیر بایرامینا اوچ دؤرد گون قالمیشدان کندیمیزین آهیل ساققاللارینان گؤسته ریشی ایله شرعی مسئله اولاراق  کند ائو باشینا فیطریمیز مچیده یغیب اوزاق گؤرن دویلتیمیزین گوشایش  اوجوباتینان دوره برده یوخسول عایله تاپا بیلمه ینده بو قرار گلدیک کی یغدیمیز آرپا بوغدانی معصئمی قوما آپاریب اؤز مرجع تقلیدیمیز اولان شیخ آغانین بیتینه وئریب قاییداق ؛اودور کی بایرام آخشامی من کندیمیز ساوادلی عرضه یازانی ایسکندر هاماش باج اوغلونون ماشی نین راهلاییب یوک یاپی ویراندان سونرا دال دالا وئریب آخشامی چاغی یولا دوشدوک؛ لاققا تاق گئد ها گئد صوبح آذان هکبرده  موققدس قم شهرینه یئتیشیب عالیملر  عالیمی کاتیب لر کاتیبی جانینا قوربان اولدوغوم باشی یئکه شیخ آغانین قاپیسینی سوراغلاییب تاپاندان سونرا جاماهات  سیخلیغی اولاراق هر کس اؤز عایله خرجینن بیر عیدده دمیردن دکل دن؛ بیر عیدده نئفت دولاردان ؛بیر عیدده جیرینگی پول؛بیر عیدده مال قارا ؛بیر عیدده قویون قوزو؛بیر عیدده سوغان یئر آلماسی ؛گتیریب شرعی مسئله اولاراق بوروجونو اوده مک ایسته ینده بیر اوندا گوردوم  نئچه باش بوغو قیرخیلی اوچ دؤرد قیللی قابانی(دؤنگوز) یئدکله ییب ایچری یه گئچیرتمک ایسته ییرلر؛خیلک داوا دالاشدان سونرا  بللی اولدو کی بیزیم ایسلامی حوکومتیمیز امکداشلیغی ائله دیگی ائرمنی...................

+ نوشته شده در جمعه بیست و پنجم خرداد ۱۳۹۷ ساعت 20:23 توسط (قلئی چی مورتوض)  | نظرات

مچیدیمیزده....................


آلو آی آلو

اؤروج عمی سنن

نه ائلیرن نه خبر اتر

نه عجب زنگ ویرمیشان

اوشاقلار

سنین کوچوگون

من اؤزوم

سنین ایتین

آرواد

یالقوزک جانیم یالقوزک

کتده نه خبر اولاجاق

ایت هورور

خوروز بانلیر

اِئششک آنقیریر...............

+ نوشته شده در جمعه هجدهم خرداد ۱۳۹۷ ساعت 20:25 توسط (قلئی چی مورتوض)  | نظرات

حوکومتیمیزدن............

حوکومتیمیزدن................

یای گونلرینین بیرینده یول قیراغی مال اؤتاریردیم؛لاپدان گؤردوم؛ اوشاقلیق یولداشیم اصلی سوی کوکو ترس آوادان اولان باش کند ساکینلی  قوربانعلی ماشینی ساخلاییب قالایچی سن سن دِئییه یانیما گلدی؛اوپوش گؤروشدن سونرا تر تله سیک اؤت قالاییب قفدانی اوستونه قویاندا یان یانا وئریب داغ دره دن دانیشاندا بیردن عاغلیما گلن کیمین سوروشدوم اشی باش کتده نه خبر؛دوردو  بیر باهالی سیکارئتی ماشیندان گتیریب اوجاق اوتوندا آلیشدیرا آلیشدیرا دئدی نه خبر اولاجاق باش کند یئنه قاریشیب؛

1-شیخ آغا یولداشلارینان بورکون آغاج باشینا گئچیریب قاچماغا یئر  طلب ائله ییرلر

2-ایش سیزلر بوش سیفرانی آغاج باشینا گئچیردیب ایش طلب ائله ییرلر

3-دول قادینلار تومانی آغاج باشینا گئچیردیب  ار طلب ائله ییرلر

4-سویو اولمایانلار آفدافانی آغاج باشینا گئچیریب سو طلب ائله ییرلر

5-ایاق یالینلار جیریق باشماغی آغاج باشینا گئچیریب ایاق قابی طلب ائله ییرلر

6-سوروجولر ماشینی آغاج باشینا گئچیریب یاناجاق(بنزین)طلب ائله ییرلر

7-حامامچی لارفیته نی آغاج باشینا گئچیریب  واجیبی طلب ائله ییرلر

8-موتال باسانلار موتالی آغاج باشینا گئچیریب دوز طلب ائله ییرلر

9-دده سی اولنلر کفنی آغاج باشینا گئچیریب قیسطی قبیر طلب ائله ییرلر

10-یولچولار دوگو چانتاسین آغاج باشینا گئچیریب گؤت لرینه سورمه یه وازلیین طلب ائله ییرلر

قوربانعلی سوزو اوزادان کیمین بیر کهلیک اوتو چای بیله سینه سوزوب باشیمی تؤلایاراق یادیما بیر حیکایه دوشدو؛

آخی بیلیرسیز قاباقلار بیر یول حنیفه دایی چرچی اولاراق ائششه ینن بیزیم کنده گلیب ور وسایطین مچیدین قاباغیندا آچاندا؛منیم کیمین عاغیلدان شیرین نیفتیش اوغلو زوربالی هئی گلیب دورتولور کی او خرمادان ایکی دنه وئر منه

حنیفه دایی زارا گلن کیمین آغاجی گؤتوروب هله سیفته ائله مه میشم دئییه بونو اوزاقلاشدیراندا زوربالی دا آجیغیندان گؤزه گؤز ائله ییب یاواججالی چرچی نین ائششه ینی قولتوغونا ویریب دال باساقدان (نردووان) مچیدین دامینا چیخاراراق اوزده آرادان چیخیر؛ب. دونه ده آل وئری توتان حنیفه دایی گولگه ساللانانا کیمین ساتیشین ائله یین علاوه دن وسایطی نی یغیب  بی ادبچیلکدی اولاغین سوراغینی توتاندا بیر اؤندا گؤرور کی مچیدین دامیندادیر؛یازیق کیشی ال ایاغین داغیدیب کند جاماهاتی یغیشیب معلوم اولاندا کی زوربالی لاپدان گول بیکه خالا یئیریب قاباغا ساغ الینن دامدا اوزون قولاغی گوستره گوستره  اوجا سسینن دئییر بس بونو کیم اندیره جک............................

+ نوشته شده در شنبه دوازدهم خرداد ۱۳۹۷ ساعت 11:5 توسط (قلئی چی مورتوض)  | نظرات

یول اوزونو............

یول اوزونو............

&اشد آغا گلدین؛ چوخ یاتئیسان داینان

&دئییرم سن قار ننه مین باش قال ائله من میس قازانجانی گوتوروب  بوروغو دونک

 &کوهنه شیلنگ کوهنه دنپایی کوهنه قاب قاجاغی اولان

&آی مئشه ماحمود قال قال میس نئجه دیر  

&من مویتاتدان بیر شئی آلمیرام آپارین حاجی واهابا

&هه یاخجی ؛یولا دوشدوک

&آی اشد آغا دئییرم خالقین تپ تزه سوغان یئرآلماسی

توکولوب آمماردا قالئی نَسه منیم بو کوهنه فاطما باجیما گونده

اؤن یئردن موشتری تاپیلئ

&ماخلوق نئینه سین  یئنی تحریماتدان قورخوب ایشین ائحتیاطلی گؤریدی داااا

&یوخ داینان آخی تحریماتین باجیما نه داخلی وار

&اشی نئجه نه داخلی وار صاباحالاری لیمان سرحد باغلانیب بی

ادبچیلیکدی دورقوزما درمانی گلمه سه  کیشی لرین.............................

&بیرا باخ گؤروم تحریمات یانی نمنه

&ائله بیل قافان ایشله میرهاااااااااااا

& گؤرمورسن بو آدام اوخشاماز ترامپئت یئنی دن ایسلامی

حوکومتیمیز هده له مه یه باشلاییب

&خوب هده له سین آخیری نه اولاجاق

&په بونا باخ هاااااااااااا

&اشی الله ائله مه میشدن ایسلامی حوکومتیمیز باشینا بیر گلسه

&نه اولاجاق

&تیرگه ییمیز قاباغی...............

&گولاب ایچئی کوپوی اوغلو ترامپ سیخ سانجاغی گوزونه سوخارام

&مین نوصیبتینن اینقلاب ائله میشیک

&دئییرم اشد آغا فاطما باجیما بیر یاخشی موشتری تاپیلسیدی هااااااااااااااااا  

&اؤزوموزو قاییراردیق......................


+ نوشته شده در جمعه چهارم خرداد ۱۳۹۷ ساعت 19:42 توسط (قلئی چی مورتوض)  | نظرات

آغدیر...........

9-آغدیر...............

آتامین بازار آغزیندا یئدی توکانی و هوندور مرتبه لی بیناسی اولسایدیدا اؤز الین تری زحمتینه قازانیب شهرده اؤزونه اعتبار قازانمیشدیر؛عایله ده اوچ باجی بیر قارداش اولاد اولاراق آنام هله یئنی یئتمه چاغلاریمدان  چالیشیردی کی عمیم اوشاقلارینا رغما منده درس اوخویوب عالی تحصیللی اولا بیلیم؛ایلک و اؤرتا صینیف لریمی دویلتین حسابینا اوخوسامدا آتام اؤز جیبینین حئسابینا معللیمه گؤروب واقت به واقت درس مشق گئدیشاتیمین اینکیشاف ائلمه گینی  ایسته ییردی؛بیر آز چتین لیک چکسم ده  ایلک تحصیلاتیمی قورتاریب بودؤنه عایله مین حسابینا تحصیلیمین داوامی اولاراق ایقتیصادیات کورسون اوزره قبول اولونوب اوزاق شهرلرین بیرینده  اؤنوئرسته یه داخیل اولدوم؛گئد گئده عالیه تحصیل موحیطیینن تانیش اولوب درسیمی داوام ائله ینده عایله نین ایراق بیر دلی قانلی اویرنجی کیمین هنده وریمده اولان یولداشلاراقوشولوب تعطیلات گونلری یاتاق خانالاردا اَیلنجه قوروب شننلنمک ایسته ینده گئد گئده  اؤزومو بیلمه دن  نارکوتیک مادده نین دادی داماغیما چیخیردی؛لاپدان چکیب نعشه اولاندا داغی داغ اوستونه قویوب آتامین بیر هوندور بیناسی اوچ ائلمک ایسته ییرم؛امما نه یازیق کی آنامین دالیمیجان آتدیغی بیر کاسا دوروسویو باشیمدا سئل اولوب وارلیغیمی آپارماق ایسته ییردی؛بئله لیک له تحصیلین سونو چاتیب عالیه تحصیل موحیطتینده ایمتحان گونلرینه حاضیرلیق ایشلری آپاریلیب هفته نین ایلک گونو اوچ یوز نفرلیک بیز زالدا طییییی اوشاقلار اؤز ایمتحانلارین دوزگون یازیب  سووالاری جاوابلاریندا نعشه واقتیمین اولمادیغیندان منه وئریلن سوال برگه لرینی تئز تئز قارالاییب ایاغیمین آلتینا توکنده اوستادلارین بیری یاخین گلیب الین چینیمه قویاندا آجی گولومسه ییب دئدی اوغلوم گئچمیش حییات برگه لرین قارالانمیشسادا گله جک عومورونون برگه لری..........................

+ نوشته شده در جمعه بیست و هشتم اردیبهشت ۱۳۹۷ ساعت 20:27 توسط (قلئی چی مورتوض)  | نظرات

اولمالیدیر...........

اؤلمالیدیر.............

طریش دئییردی آتام 1326اینجی گونش ایلی  فدایی باشجیسی اولدوغیچون شاهین زاوالینا گلیب اولکه شهیدلر سیراسینا قوشولاندا وار یوخوموزدا تالاییب آپارمیشدیرلار؛معشیت دوروموموزون گرگین آنلاریندا آنام تک باشینا دؤرد قیزاوشاغی نین قارین دویورماق اوچون منی یئنی یئتمه چاغلاریمدان قونشو کند اولان بیر هانپا مولکه دارین یانیندا نوکر قویدو؛گئدیگیم عایله آغیر حشم و مال قاراچی اولدوقلارینا گؤره گوجوم چاتمایان آغیر ایشلرینی منه اؤتوروب ایلده  بیر یولدا اولسا باشی کسیک آنا باجیلاریما باش ویرا بیلمیردیم؛؛نوکر قالدیغیم ائو آغیر عایله اولاراق مال قارا اؤتارماق توتموش گلن قوناقلارا کیمین قوللوق ائله مه لی اولوردوم؛گئد گئده بو ائوین اوشاق بویوگونون حال خویون اله گتیررک هانپانین اؤرتانجیل قیزی  بزکلی فاطماینان اونسییت قورا بیلمیشدیم؛هردن باغ باغچادا  بیربیریمیزه راست گلیب سئویشنده لاپدان قیز آناسی نین های هارایی کئفیمیزی پوزوردو؛گونوزلر مال اوتاردیغیم داغ دره نین اوشقون گوللری یادیما بزکلی فاطمانین آل یاناقلارینی سالانداگوی قورشاغینا مینیب گله جکده بؤر بؤیاقلی آنلاری یاشاماق ایسته ییردیم؛من بیر نوکر کیمین آغانین قیزینی ایسته ییمه سَرت یاناشیب بو ایشین باش توتماسینا اینانا بیلمیردیم؛دوره بردن آخین ائله ییب گلن وارلی کارلی ائلچی لر منیم اوره ییمدن گئچنلردن خبرسیز اولدوغلارینا عومورلوک ایلک عشقیمی مندن آییرماق ایسته ییردیلر؛آتالاردئمیشکن زامانین ترس اوزو دوننده ایکی شیلله نی بیر اوزه ویرار دِئییه سون ایللرده آنامین آغیرخسته لیگی اؤلومونه سبب اولاندا؛ فاطما دالینجا گله رم دِئییه اوچ دؤرد ایل ائولرینده  دوز چورک کسدیگیم عایله ینن حالال لاشیب یئتیم باجیلاریمین باشی اوستونه قاییتمالی اولدوم؛بیر ایکی ایلده بئلن چیلیک حییاتینان وَر گئدنده بیر گون خبر گلدی کی فاطمانی اره وئریبلر؛فله یین چارخی دولانارکن منده ائوله نیب نئچه اوشاق آتاسی اولاندان بئله یاشایشیمدا هیچ وارلیق فاطما گؤزلیگی کیمین اورک بوشلوغومو دؤلدورا بیلمه دی؛ایللر اؤتوب بیر یول عایله م له بیرگه ساوالان اته یی دِئییه ایستی سولارا یولوموز دوشنده؛یای گونلرینده قوردوموز چادیرین ساغ طرفینده اولان عایله دن تانیش بیر سس منی گئچمیشیمه قایتاراندا ایتیگینی آخداران کیمین اوزاقدان بیر نوه نتیجه لی آهیل قادینی گؤررکن اوره ییمدن خبر گلدی کی بو بزکلی فاطما..........................

+ نوشته شده در جمعه بیست و یکم اردیبهشت ۱۳۹۷ ساعت 19:50 توسط (قلئی چی مورتوض)  | نظرات

-اولموشوقداااا ...........

-اولموشوقداااا ...........

شعبان آینین اؤن بئشینه بیرایکی گون قالمیش مچیدیمیزین سس آپاراتلاری ایشه دوشوب بار بار باغیراندا ماخلوغو بیر طنطنه لی شادلیغا چاغیریب بواَیلنجه گونونه حاضیرلیق ایشله ری آپاریردیلار؛گئچن آخشام جاماهات یغیشیب شادیانه لیک ائله ینده خان قیزی خؤیلو خانیمی قیلیغیما گیردی کی آی کیشی سنده بیر یومور یازیچیسی کیمین توپلانتی یا قاتیل بلکه آلتین پارا(سکه)زاد الده ائله دین ؛آروادین سوزون یئره سالانی دئم ایلانی ویرار دِئییه  دوروب دوققوز قات نیسیه دفتری قولتوغومدا مچیدی ساری یونله دیم ؛ایچری گئچیب قاپی آغزیندا اؤتورماق ایسته ینده ایمان عزیزدیر بیله می منبرین دیبینه موشایت ائله ییب قاباغیما میوه شیره سی قاریشیق یاغلی کوکه سی قویاندا منده باشیمنان ساغ سولومدا اؤتورانلاردان حال سوروشارکن  خیردا خیردا یئمه یه باشلادیم؛باش کددن گلن ایزحمتکش محصوللاریمیز بیر به بیر چیخیش ائله ییب هره سی قوچو نیظامین لوبناندا سوریادا یمن ده الده ائله دیکلری نایلییتلردن دانیشارکن نهایت کی بیله می تریبونا چاغیردیلار؛منده چیخیب عاغیلیما و آغریما گله نی دانیشیب جاماهاتی گولدورنده دوشمانلاریمیز خوش دانیشیغیمی گؤروب آرانی قاتماق ایسته ینده لاپدان خویلو خانیم شبیستانین تاختاسینی سیکه له ییرک مچیدی آلدی باشینا کی موحترم محصوللاریمیز بیز ترس آوا کندی نین جاماهاتی سیزدن  چوخ ایراضییق اونا گؤره کی کوچه میزین آدینی سوریه دن گلن یئنی شهید آدینان عوضله ییب بو شیطان کرخانسی تلگیرامیدا باغلاماغا نایل اولدودونوز؛ بویوک باش اؤغورلاریندا یئرین دَییشدیز؛یوخسول عایله لرین کسیلمه میش اوغلان اوشاقلارینی قیسطی کسیدیریب موسلمان ائله دیز؛

خان قیزینین هایی قورتاریب  منده علاوه دن جاماهاتا خوش اوقات یاراداراق  اؤتورماق ایسته ینده لاپدان اؤرت باسدیرماحالی نین موعتبرم شیخ آغاسی بیله مه یوخونلاشیب الین چینیمه قویاراق گؤزلری گوله گوله نَسَه دئمک ایسته ینده ؛منده آلتدان یوخاری  باخیب بیله سینه دئدیم حاجی آغا اورومو گؤلو قورویاندان بئله دوزلو.......................   

  

+ نوشته شده در جمعه چهاردهم اردیبهشت ۱۳۹۷ ساعت 21:9 توسط (قلئی چی مورتوض)  | نظرات

واررررررررررر................

1-یئمکدن دویمور

2-دانیشماقدان یورولمور

3-ائل طایفا  ایچینه داوا سالیر

4- قونشولارین آشینا سو قاتیر

5-منن کسن پارانی باجیلارینین حسابینا یاتیردیر

6- اؤتوردوغو یئرین دده سینه وئرمیر

7-دیلیمنن دیلچک چیخاردیر

8-هاممی نی اؤزونه بورجلو بیلیر

9-سیخ سانجاغیما مالیات کسیر

10-اؤستوراندا یئره قانشار دورور

11-تویدا اوستورانی بوشلاییب گوله نی یاخالیر

12-بیله می قالای سیز قازاندا چیمیزدیریر

13-منبره چیخاندا آغزینا گله نی دانیشیر

14- ساخسی پاراسینان سوموگومو سورتور

15-اؤز دیلیمی دانیشاندا اوزومه توپورور

16-بوینوزو چاتان یئری قاشیمیر

17-سالام وئرمه یینه دولاشیر

18-یالان وئریر دوغرو آلیر

19-ارکک گئچی دن سوت ساغیر

20-توسباغایا مینیب کوهله نی قامجی لیر

21-دانیشانین جه جیمین جیریر

22-یئری گلنده جَرَه قیریر

23-ایشی نین آشارینا دانیشیر

24-قارقوش ائله ینده یاخاسین دیدیر

25-یاتاق اوتاغیما گؤزتچی آپاراتی قوشور

26-یئمه ییمه ایشلتمه توکور

27-دابانیمین چاتینا ایستی قیر توکور

28-گونده سکگیز یول الین جیبیمه سوخور

29- ائرمنی یه دایی دئییر

30.......................................................

دئییرم بیزیم ائو آدامی نان ایسلامی حوکومتیمیزین نه اوخشارلیغی........................

+ نوشته شده در جمعه هفتم اردیبهشت ۱۳۹۷ ساعت 18:18 توسط (قلئی چی مورتوض)  | نظرات

رادیو بیزیم کتده ......................

ایرادیو بیزیم کدده..................

دده بابا خوناخامیز دیش قویان نورعلی بو دؤنه کنده گلنده اوزوینن بیرسکگیزقووه لی ایرادیول گتیرمیشدیر؛گئجه طییییییییی کندین جاماهاتی اؤتورماغی ماهنا ائله ییب ایرادیولون سسینه قولاق آسماغا گلنده اؤزلرینین بیرقاب کشمیش و یاخود گیرده کان زاد گتیریردیلرکی بو عجایب قوطوسوندا گیریب دانیشان کیمسه لری تانییب سوزلرینه قاتیلسینلار؛شرعییاتدا اولان اؤزگه کیشی لرین سسی کند قادینلارین قولاغینا دَیمز دئییه بو یغیناجاقدان اوزاقدا قالسالاردا گاهدان کیشی لرین گؤزلرین اؤغورلاییب دووار آرخاسینا توپلاشیب اوزلرینی یاشماق یایلیغینان توتسالاردا هردن ایرادیودان گلن سسلری آلیب گولوشه رک بیر بیرلرینین پایلاشاندا نه بیلیم بیری دئییردی بو سس منیم ایرحمتدیک بابامین سسینه اوخشاییر؛نورعلی کیشی  گلن گوندن ائویمیزین در دوواری کوهنه ایمامزاددا کیمین آروادلارین قولاق دایادیغی یئری اولاندا بیر گون قونشوموزچولاق اژدر  داناسینی سوری یه سوری یه گتیردی کی آی نورعلی سن بو قوطوداکی یولداشلاریندان سوروش کی منیم دانام ناواقت دوغاجاق؛صاباحی سی گون سیمایه خالا فئریگینی گتیردی کی بو ناوقت یومورتدایاجاق؛نئچه گوندن سونرا  آت باسدیران علی گلدی کی مایدانیم بالادان چیخیر؛خولاصه هفته بویو قاپیمیز دلیک داش ایمامزاداسی کیمین ماخلوقون یوروش ائله دی گی مکانی اولسادا اوزوموزه گلن جمعه آخشامی ترس اوا کاتداسی نین بویوروقوینان ددم  بیر ائرکج تکه کسیب دوره بر قونشولاری چاغیراراق ائویمیزده نورعلی و اونون ایرادیول دا دانیشان قوناقلارینا سیفیرا آچیب جاماهات یئمه یه باشلایاندا لاپدان ننه لیگیم پرده آرخاسیندان چیخیب شیشیک قولونو نورعلی کیشی یه اوزاداندا اوجا سسینن دئدی کی بونلارین چاتداقدان باشی چیخار.........................  

+ نوشته شده در جمعه سی و یکم فروردین ۱۳۹۷ ساعت 18:27 توسط (قلئی چی مورتوض)  | نظرات

3- خویدوده..............

 خویدوده

ghiasabadi.com/xwedodah.html

نئچه واقتیدی باش قولاغیمی توک باسماغینا گؤره ائوده خؤیلو خانیم بیله می هایا باسدیرکی گئد باشیوی باش گؤزو قیرخدیر؛دای منده آرواد سوزوندن چیخان داش اولار دِئییه دونن آخشام دللک پوهروزون توکانینا گئدیب نوبات گؤزله مه دئییه ال آتیب قارشیدا ماسا اوستونده کی درگینی بیریسینی گؤتوررکن(مجله) بئله بیر یازی اوخودوم؛جنوب حیصصه سی اولاراق میرجاوه چاه باهار بؤلگه سینده بیر مال قاراچی خیلک پول خشله ییب اوزاق  ماحالدان بیر ارکک گامیش گتیریب  اؤزدیشی گامیشینی بهره لندیرمک ایسته ینده اَرکک گامیش یوخونلوق ائله ینده اییندن بیلیرکی اؤز توره مه سینده دیر؛هر حالدا مایا توتماق ایسته کیمسه خشلدیگی پارانی برباد وضعیتده گؤرنده دیشی گامیشی آپاریب اوستو باشینا لئهمه پالچیق زاد یاخاندان سونرا علاوه دن بیربیرلرینه یوخونلاشدیراندا ارکک قالخیب ایشین بیتیرن حالدا بیرآن باشا دوشور کی بو دیشی گامیش ائله اول کی اؤز توره مه سیندن دیر؛ اورادا یوروش ائله ییب صاحابینی بوینوز آلتیندا دیدر بایراق ائله ینده نئچه کیمسه یده خسارت یئتیریب نهایت کی اؤزونده بیرا اورا چیرپیب اؤلدورور؛بو حیکایه منه عجب گلن کیمین باشیمی قیرخدیریب یولومون آغیزیندا گوده قاسیمین قهوه سینه باش ویراندا گؤردوم طییییییییی کند جاماهاتی اؤتوروب تلویزیادا کوروش قبیری دِئییه پاسارگاد زیاراتینا گئدن ماشین سیغلیغی اولارکن کروانلارین یولو باغلاناندا چوخلو جاماهات اَنیب اوزو قویلو سورونه سورونه داش قالاغا یوخونلاشیب اؤزلرین در دووارا سورتنده لاپدان خال اوغلوم اینصافعلی دوروب منی سسله ینده الین ماسانین اوستونه ویریب اوجادا باغیردی کی قالایچی مورتوض هامی دیسکیننده منده سس وئردیم کی.......................

_______________________

مال قارا جینسیندن اولان ارکک گامیش لاریئدی نسیل اؤز توره مه لرینه یوخونلوق ائلمزلر

+ نوشته شده در شنبه بیست و پنجم فروردین ۱۳۹۷ ساعت 20:21 توسط (قلئی چی مورتوض)  | نظرات

ساییلیردی..............................

ساییلیردی     

ماخسودونان ساناز بیر محلده یاشادیقلارینا گؤره بویا باشا چاتاراق گنج یاشلاریندان بیربیرلرینن سئویشیب تحصیل واقتینی بیتیرن جوتلوک ایشه دوشندن بئله نهایت کی آداقلانیب گؤزو آچیقلیغینان توی ائله ییب یاخا بیریاشاماغا باشلاییرلار؛بئش آلتی آی گئچمه دن دئییه گوله قوردوقلار حیات آل بویاغینی ایتیریب آرالاریندا سرینلیک یارانیر؛ گئد گئده سوزلری آلچا اوجا گلن کیمین یئدی آیین گلینی  حییات یولداشینی اونا گلین گؤردی یئنی نومره لی ماشینی گؤتوروب ائودن چیخاراق محکمه یه موراجعیت ائله ییب  ایلکن قرار کسدیکلری ایکی مین دنه آلتون سیککه لی کبینی ایجارایا قویوب شرعی حاققینی حیات یولداشیندان طلب ائله ینده اوغلانین الینین بوش اولدوغوندا زیندانا دوشمه لی اولور؛محبوسلوق حیاتین آجی آغریلارین یاشادان ماخسود بو اولایدان اوره یی درده گله رک گؤتوروب حیات یولداشینا بیر حیکایه یازمالی اولور؛

عزیزیم.........................

ایرحمتدیک قار ننه م دِئییردی عایله میزین کاسیب اولدوغوندا آتام آلتی آیینان گئدیب قاطار یولوندا ایشله ییردی؛علاوه ائله ییردی یئنی یئتمه اولماغیما باخمایاراق بیرگون سیرا داغلار آرخاسی بیر کددن بیزه قوناق گلنده اورتانجیل داییمین خانیمی گلیب منی گؤتوروب ائولرینه آپارمالی اولدو؛او ایرحمتدیک بو سوزلری دانیشاندا آند ماند ائله ییردی کی والله هیچ باشا دوشمه دیم کی ائویمیزه گلن قوناق منی بویوک بابامنان ائلچی لیک ائله ییب اؤز سون بئشیک اوغلانلارینا آداقلاماق ایسته ییرلر؛بویوک بابامدا ایشی بئله گؤرنده گئجه دوره بر کندین آق ساققاللارین چاغیریب دِءدانیشیق ائله یندن سونرا گئجه یاریسی نئچه آق بیرچک خانیمین موشایتینن اوغلان ائویننن گلن قادینلارین نئچه سی داییم گیله گلیب باشیما آل دوواق و بارماغیما اوزوک تاخاندا یئنه نه اولاجاغینی باشا دوشمه دیم؛ایل یاریم آداقلی قالاندان سونرا آنجاق کی عایله لریمیزی قویدوقلاری واقت وعده باشا چاتیب  دؤشان ایلی دِئییه یازین قوتاران گونلرینده کند آراسی ائویمیزده خینا یاخدی اولونوب گلین چیخاراق منی آتا میندیریب اوغلان آدامینین موشایتینن  قایین آتامین ائوینه گتیردیلر؛بیر ایکی گون توی مراسیمی قورولوب چال چاغیردان سونرا نهایت کی بیر گئجه من نن اوزونو گؤرمه دیگیم حییات یولداشیمی بیر دامدا تک قویوب اورادا باشا دوشدوم کی  یئنی بیرحیات باشلامالی اولموشام؛سوزونون داوامیندا آرتیریردی کی من بیر یئنی یئتمه تزه گلین اولاراق آغزی یاشماقلی دؤرد بالدیز و آلتی قایین آروادینین ایچینده یاشاییب باش چیخارتمالی اولاجاغام؛قارننه م عومرونون قوجا واقتلاریندا بو حیکایه نی دانیشاندا علاوه ائله ییردی کی اوچ دورد ایلینن بویوب باشا چاتدیغیم دده بابا عایله منن خبرسیز اولارکن اولوب ایته نیم ننده خبرسیز قالیردیم؛امما من گؤردوم قارننه او سَرت حیاتی وار گوجوینن یاشاییب اؤن بیر اوشاق؛ اؤتوز ایکی نوه؛ دوققوز نتیجه و اوچ دنه کؤتوکجه گؤروب عومور پایینی سوروب حاققا قووشاندا آغیر بیر توره مه نین باشجیسی و آق بیرچه یی...........................

+ نوشته شده در جمعه هفدهم فروردین ۱۳۹۷ ساعت 18:44 توسط (قلئی چی مورتوض)  | نظرات

دریسینی.....................


1-دریسینی..................

نئچه ایللریدی شهره کوچمه ییمیزه باخمایاراق هر ایل اولدوغو کیمین بو ایلده آرواد اوشاغی گؤتوروب بایرام گونلری کنده اوز توتاندا باغ باغچا آرخینی چیخاریب دام دئشین جیریق چاتداغینا باخاندا لاپدان باش کددن خالام اری ایسگندر ایزنگ آچیب دیل دوداق آراسی آندیردی  کی قالایچی مورتوض اؤزوی تئز یئتیر کی جانینا قوربان اولدوغوم اولکه باشجیسی یوخ باغیشلایین چاشدیم طایفامیزین مودوروک و ایروزو برکتلی آق ساققالی شیخ آغا خسته له نیب یورقان دوشه یین باتیریر؛نه ائلمک اولار دده ددلیگیمدیردِئییه ایشلریمی یاریدا قویوب ته به ایاق  شهره دؤننده جانِ بی نفس اؤزومو یئتیریب قاپیلاریندا انن کیمین باش گوزومه ویرا ویرا ایچری گیریب آی آغا سنه گلدی باش طرفینده یئر آلدیم؛دوره بر ایداره جات محصوللاری یوخ جانیم؛ قؤروم قونشو زننلری هره سی بیر تعبیر توکنده الدن بیر تعجیلی یاردیم ماشینی چاغیریب خسته خانایا یئتیرنده جاماهات سیخلیغی اولماغینا باخمایاراق  دالیما آلارکن نوباتسیزحکیمین اوتاغینا گئچریب پرده آرخاسینداکی تاخدا کی اوزاتدیم؛ایمان عزیزدی  طیب باجیلاری دوره له ییب خسته میزین حالینی چاش گؤرن کیمین باش گؤتون توتاندا منده ال ایاغا قالیب اوچ دؤرد یول الیمنن گوستره گوستره دئدیم آقای دوکتور ددده ددلیگیم –ددده ددلیگیم –اودا ایمان عزیزدی سوزومو یئره سالمادان دوردی مایناتدان گئچریب بیر توخداییجی ایینه نی گؤزونون قاباغیندا دولدوروب خسته میزین یانچاغینا سورته له یرک گئچمه ینده یازیق یازیق منه باخیب دئیینده کی جانیم شیخ آغانین گونو قالینلاشیب ؛بیر اوندا گؤردوم مرفش باجیم  ال  آتدی گیژگینلرینه کی الله ائولرین یخسین دده مین دریسی سوغان قابیغیندادا نازیکدی باخ جومهور باشقانی اولاندان  ماخلوق جَندَه یینه دئییب .....................

+ نوشته شده در جمعه دهم فروردین ۱۳۹۷ ساعت 21:26 توسط (قلئی چی مورتوض)  | نظرات

   

قالیر....................

- قالیر...........

اوولدن دئییبلر کی خان اوغلان دایی سینا چکر؛اشی من کددلیگیمنن قافامی ایشه سالیب آت ائششه یی ساتارکن بیر چاینا مارکالی مینی بوس آلیب وئرمیشم بو هاماش باج اوغلونون الینه بودا گؤزونه دوندوگوم سیخ سانجاغا دوشندن دوروب ماشینی خوددامیر کی بایرامی قاباغی  بئش اوچ تومن چیخاریب الیمه قویسون؛آخساق قیچینان  بو ایل کی یئل چرشنبه سیندن  باشلاییب اؤزوم ماشینین یاغینا سویونا باخیب باج اوغلونا شاگیردلیک ائلمه یینن ترس جاهاتینا خدمات ایرسانلیق ائله ییب گونده لیک قوروم قونشو زننلرینین تاپیشیریق اولاراق پاچا بئزیندن توتموش باش خیناسی قَدَر آلیب گتیرنده اوزاق یولدان گلن فهله لری ده عایله لرینه چاتدیریریق؛هرگون سحر تئزدن ماشین خوتداییب شهره گئدنده اؤرتا یاش مَرفش خانیم تویوش ویرا ویرا اوزون ماشینا یئتیریب اوزاق یولدا گلن حییات یولداشی ایسم اله کیشی نی ناواقت گتیرمه ییمیزی سوراندا منده باشیمانان گلر اینشاله دئییه ماشینین قاپیسی نی اؤتوروب یولا دوشوروک تا اینکه بایرامنان اوچ دؤردگون گئتمیش بیر گون شهره واراندا ماشین دایاناجاق یئرینده لاپدان جین کیمین ایسم اله کیشی ساغ الینده  تلیس و چینیننده چانتاسی نان بیله مه یوخونلاشارکن خوسانلاشاندان (کئف احوال)ائله ییب کنده گئدیرسیز سوراندا منده بو اوز اوزوندن اوپوپ اوره ییمده دئدیم سن اولمه یسن آلتی آیین قیسیری مرفش خانیمان موشتولوق آلاجاغام؛اودور سحرتئزدن شهره گتیردیگیمیز قؤروم قونشونو بیربه بیر فیشقالاییب ماشینا یغاندا ال سرسوقاتلی ایسم اله کیشی نی ایراننده نین دال صندلی سینه اوتوردوب یولا دوشدوک؛گون داغ آرخاسینا اَنمه میش بیزده یئتیشیب تنگه ده کد جاماهاتی ماشینی دوره لیینده قاشی سورمه لی مرفش اویاندان تاپیلیب سئوینه سئوینه  اری نین باشی باغلی تلیسی نی گؤتوروب یولا دوشنده دالدان چاغیردیم آی مرفش باجی بایرامینیز موبارک؛ساغ الینن قاباقجا گئدن حییات یولداشینی گوسترنده گوله گوله دونوب بیله مه دئدی هله بیزیم بایرامیمیزین موبارک اولماسینا ................................

+ نوشته شده در جمعه سوم فروردین ۱۳۹۷ ساعت 20:13 توسط (قلئی چی مورتوض)  | نظرات


       





    بؤلوم:
آرشیو
سون یازی‌لار
یولداش‌لار
سایغاج
ایندی بلاقدا : نفر
بوگونون گؤروشو : نفر
دونه‌نین گؤروشو : نفر
بوتون گؤروش‌لر : نفر
بو آیین گؤروشو : نفر
باخیش‌لار :
یازی‌لار :
یئنیلنمه چاغی :