دوکتــــور جـئــــــری
ساتاشما ادبیاتی
گؤروشلر : 0
تاريخ : شنبه 4 اسفند 1397 | یازار : دوکتور جئری
+0 به‌ین

گئجه تونقالی (1397)

ایتمیش کاروانی یولا چاغریر آهای....


قلئیچی مورتوض

شیرین گولوش لریمه باخمایین

ایچه ریم آجی گوینرتی له رینن

دولودور دولو!


وطن سیز یاشامی...........

گئجه ائوده اوتورموشدوم تلفونوم زنگ چالان کیمین گؤتوروب باجیمین سوزلرین دینله ینده لاپدان اؤنکورمه چالیب آغلایا آغلایا دئدی آتام خسته له نیب اوزو قیبله ساری اولسادا بیر آنلیقدا اولسا سنی گوروب جان تاپیشیرماق ایسته ییر؛بو سوزو ائشیدن کیمین زنگ آچیلان طرفدن قارداش آی قارداش دئییه دئییه سس کسیلنده دستک الیمدن دوشوب دونیا باشیما دولاندی؛بو گؤزله نیلمز خبردن گوزلریم دولوب ایکی الیمی باشیما قویاراق چوملتمه اوتوراندا داغ دوزوملو آتامنان گئچیردیگیم گونلر بیر بیر گوزومون اونونده گلنده قایا پارچاسی کیمین سینیب اوز ایچیمه توکولوردوم؛آخی بیلیرسیز قریب اولکه ده یاشادیغیم ایچین ایللر بویو وطن سیز یاشاییب آتا آنامی یوخوندان گوره بیلمیردیم؛بیله می پوزقون حالدا گؤرن اوغلوم بوینومو قوجاقلاییب گوز یاشلاریمی سیلنده ندن بئله کدر اولدوغومو سوروشدو؛یئنی دن اؤزومو اله آلیب یاشایشیمیزدا آتامنان اولان خاطیره لره قاپاناراق اللریمی اوکلییه اوکلییه اوزولوردوم؛ ؛دالغالی اوکیانلارآرخاسیندا یاشادیغیما گوره آتام دونیاسینی دَییشنده گله بیلمه سمده نهایت کی بیر نئچه ایلدن سونرا اولکه یه اوز توتوب آتامین مزاری اوستونه گله رک آتا بالا یئنی دن گوروشمه لی اولدوق؛بو دونه سفریم ده عایله وی گوروشلریمیزی گوز به گوز تزه له ینده هر گئجه بیریسینه قوناق اولوردوم؛بیر گئجه ده باجیلارین بیریسی نین ائوده اولارکن آتامدان صحبت گئدنده یئنی دن آغلایا آغلایا بیر داش پارچاسینی منه گوسته ریب ایضاح وئردی کی قارداش آتام عومرونون سون آنلاری اولاراق یورقون باخیشلارینان قاپی یا گؤز تیکیب سنین گلمه گینی گوزله ییرک اینتظارچکنده بو داش پارچاسی نی اوره گینین باشینا قویدوق کی راحاتجاسینا جان وئره بیلسین؛بوغوض منی توتان داشی الیمده سیخاندا بیرجه کلمه دئییه بیلدیم کی من آتاما اوغول و سیزلره قارداش یوخ بلکه قاراداش اولمالییام..................

+ نوشته شده در جمعه بیست و چهارم اسفند ۱۳۹۷ ساعت 19:0 توسط (قلئی چی مورتوض)  | یک نظر

بیر اؤووج کول.............

سون واقتلارآتامین خسته لیگین نظره آلاراق ائوین ایلک اوشاغی اولدوغوما گوره هئچ اولماسا تکجه بیر ایسته گینی یئرینه یئتیرمک ایسته ییردیم؛ عایله ده آناسیز باجی قارداشلاریمین اینانج یئرینه دونن آتام عومور تارلاسی نین سولقون واقتلارینی یاشاسادا هله ده اوز آرزی ایستکلرینن تویوش(نفس) ووروب کربلا زیارتینه گئتمک ایسته ییردی؛حکیم لرین نظارتی آلتیندا اولماغینا باخمایاراق نهایت کی یایین قورتاراجاق گونلری دئییه اؤزومله آتام ایچین پاس پورت آلیب بیر قوروپ زیارتچی یا قوشولاراق موققدس بیرسفره چیخدیق؛آتام یول اوزونوبیر اینانمیش شیعه کیمین کربلا شهیدلرینه اولان دویغولارینی گوز اونونه گتیریب جوشقو ایلا یولوموزا داوام ائله ینده اوز جانی نین آجی آغریلارینی دا یاددان چیخارتمیشدیر؛بیرگون بیر گئجه یول گئدنده سونرا مقصده یئتیشیب بیر هفته لیک سفریمیزده آتامین فرات قیراغیندان ایمامین حرمه قدرکربلا واقعه سی نین اولایلارینی آچیقلاییب یولداشلاریمیزا ایضاحلار وئرنده گاهدان گورنلرین گوز یاشلارینا سبب اولوردو؛ بیر گونده توربه قارشسیندا دایانیب حضرت علی اکبرینن آتاسی ایمام حسین نین آتا بالا موناسیبتینی اورتایا چکه رک مظلومجاسینا شهید اولماقلاریندان سوز آچاندا منیم ده گوزلریم دولوب های هاینان آغلایاندا بیر آجی حکایه نی یادیما سالدی؛ 1325 نجی ایل محمد ایرضاشاهین آدام اولدورن اوردوباشجیلاری آزاربایجانا باسقین ائله ینده قارا داغین آبیش احمد بولگه سی دئییه موتاللی کندساکینلی ایبراهیم واوغلومئهشدی آتا بالا آفدامات گوتوررک آرخا آرخایا وئرنده قوچاق فدایی کیمین حاققی دانیلمیش یورداشلارینی مودافیعه ائله ییب قانلی قادالی دویوشلردن سونرا نهایت کی شاه سارایینین قاب دیبی یالایان بولگه مولکه دارلاریندان اولان ایبراهیم خان اوغلو اسداله خانین الینه کئچیرلر؛بو وطن خایینی اسیر دوشموش فدایی لریمیزه چوخلو ایشکنجه لر وئرندن سونرا بیر گون عایله سی گوز قارشسیندا آتا بالانی قول قولا باغلاییب اوستلرینه نئفت توکه رک هر ایکیسینی یالقین آلولار آغزینا آتاراق اوت وورمالی اولور؛ او دهشتلی حادیثه نین اوستونن ایللر گئچسه ده هله ده او بیراؤوج کوله صاحاب دورانیمیزیوخدور...........................

+ نوشته شده در جمعه هفدهم اسفند ۱۳۹۷ ساعت 19:21 توسط (قلئی چی مورتوض)  | 2 نظر

بیلمیر.............

اوگونلری یئنی آلدیغیم گونده لیک درگینی(روزنامه)گوتوروب حاجی ایرسولون ائو آل سات ائله یین ایش یئرینه گئده رکن سئوینه سئوینه ژورنالین باش یازیلارینی دوسلار گوسته ریب دئدیم شوکورلر اولسون کی اینقیلاب باشجی لاری قیرخ ایلدن سونرا اوز سعفلرینی باشا دوشوب اولکه ده دَییشیک لیک ائلمک آنلامینا گلیب لر؛بورادا اوتوران دوسلار هره سی اوز بیلیگ لرینی اورتایا قویاندا قیرخ ایل گئچه رکده اولکه داخیلی آپاریلان یانلیش سیاست لرین اوستونه بارماق قویوب ایچ اوزونو آراشدیراندا گاهدان دا سوزلرینین آراسینا گیریب بیربیرلرینی تصلیق له ییردیلر؛بیر آندا خالام اری ایسگندر الیمده کی درگی آلیب باش یازیلارینی گوزدن گئچیره گئچیره باشین تولاییب ایضاح وئردی کی قیرخ ایل گئچه رکده ایران عراق ساواش سیاستیمیز یانلیش؛ اولکه داخیلی گوجلو پارتیالاری هده لمک سیاستیمیز یانلیش؛ سیفارت خانالار دوواریندان آشماق سیاستیمیز یانلیش؛ اوروسییته آرخالانیب هسته انرژی یولا سالماق سیاستیمیز یانلیش؛ قونشو اولکه لر ایشینه قاریشماق سیاستیمیز یانلیش؛ اولکه داخیلی قادینلار باش اورتوگو سیاستیمیز یانلیش؛ کوچه لرده بایراق یاندیریب ایاقلاماق سیاستمیزیانلیش آنا یاسادا گلن اویماقلارین قانونی حاقلارینی وئرمه مک سیاستیمیز یانلیش؛ 1388نجی ایل خالقین یئیشیگه(صاندیق)آتیلان رایینه انگل تورتمک سیاستیمیز یانلیش؛ فیلیسطینه لیوانا(لبنان)عراقا یمنه سیلاح سورسات گوندریب بولگه ده گرگینیک یاراتماق سیاستمیز یانلیش؛ پول و ایقتیصادیات سیاستمیز یانلیش؛ کتدلری بوشالدیب شهره کوچورتمک سیاستیمیز یانلیش؛ بو آندا بیر آهیل آق ساققال کیشی ایچری گیریب سوزوموزه قولاق آساندا الین آتیب ایسگندرین چینینه قویاندا دئدی ایسلام حوکومتی قیرخ ایلین ایچینده آپاردیغی سیاستلر هاممیسی یانلیش اولسادا ایران چرچیوه سینده یاشایان تورک خالقینا قارشی آپاردیغی فارسلاشما سیاستی نی دوزگون آپاریبدیر؛اوستاد دفتری عصبله شن کیمین سیگارئتینی چیخاردیب ایاغا دوراندا ندن بئله دوشونورسوزدئییه سووال وئرنده کیشی علاوه ائله دی کی ایندی ایران ایسلام اولکه سینده هئچ تورک وطنداشی اوز تلفن نوموره سینی آنا دیلینده باجاریب دئییه......................

 نوشته شده در جمعه دهم اسفند ۱۳۹۷ ساعت 18:22 توسط (قلئی چی مورتوض)  | 2 نظر

کسیلمیشم............

بیر ایکی آی اولاردی قالایچی مورتوض یئره گویه یامان یووز دئییه دئییه سارقین(ناخوش) قایین آتاسی نین تاپیلمایان داوا درمانی چین اورت باسدیرماحالی نین داواخاناسینا گئد گل ائله ییب قاباقجادان تانیدیغی دوکتوروجئری یه ساققال توتوب یالوار یاخارینان تاپیلمایان درمانین ایسته ییردی کی یورقان دوشک عوضینه آلتینا نایلون سالینان قایین آتاسینی بو تهلوکه لی خسته لیکدن قورتارسین؛هرواقت اولدوغو کیمین بو گونده هفته نین ایلک گونو اولاراق قالایچی مورتوض داواخانایا اوز توتاندا بیر بوجاق دا چوملتمه قوروب آغیراوزونتولرله هر دنده قوزانیب شوشه آرخاسیندا بویان اویانا گئدن تانیش دوکتورو گوزله ییردی کی نه ایسه........................... سحر تئزدن داواخانایا گلیب گئدنلره سای سالاندا ناهارا یوخون بیر دوکاره خانیم ایچری گیریب الینده کی نوسخانی تور سوزو دوکتوره اوتورنده وورقولاییر کی آغای دوکتور ائله بیل دئییرلر اولکه ده درمان قیتلیغی وار؛دوکتور گوزلوگون اوستونده قادینا باخیب ادب ارکاننان جاوابلاییر کی یوخ جانیم زیرپی شیطانین سوزونه اویمایین الین اوزادیب آرخا یانا دوزدوگو درمانلاری گوسته ره گوسته ره ایضاح وئریر کی باخ بیزیم داواخانادا واجیبی؛ شاف؛کیشی لر دورقوزاق گئییمی؛قادینلارا اوز یاغی؛ تیغ تاراش؛ بارماق چسبی؛ ایاق داشی؛ جانیم سنین ایچین دئسین زیف ساققیز؛ ایشلتمه یاغی جور به جور واردیر؛خانیمین ایسته دیگی داواجاتی نایلونا یغیب یولا سالاندا اودا دوعا سانا ائله یه ائله یه الله کاتدا ایسلامی و قوچو نیظامی بیزه گورمه سین دئییه چوله چیخاندا بیر کتددی یووسون کیشی خایلاغی ایچری گیریب تاپیلمایان بیردرمانی آدین آپاراندا دوکتورجئری بویان اویانا باخاراق ائحمالجا آدی گئدن داوانی میزین آلتیندان چیخاریب کیشی یه وئررکن آلتمیش قات پولون طلب ائله ینده موشترینین قان قالاغی قاریشان کیمین دوکتورو تنقید آلتیناآلاراق سوندا اوجا سسینن دئییر جانیم سن هئچ کسیلمه ییب سن کی؛ایکی آی نوسخاسی قولتوغوندا گلیب گئدن قالایچی کیشی نین بو سوزون ائشیدنده بوغضو توتان کیمین لاپدان شالوارین آشاغی سیرییب دئییر آی آغا من................... ________________________________________________________________________________ دوکتورجئری- قالایچی مورتوضون قلمداشی اولاراق اوزوده بویوک یازیچی و تنقیدچی دیر

+ نوشته شده در جمعه سوم اسفند ۱۳۹۷ ساعت 17:40 توسط (قلئی چی مورتوض)  | نظر بدهید

گورورسن؟...............

هرایل اولدوغو کیمین بو دونه ایران ایسلام اینقیلابی نین قیرخینجی ایل دونومو گونلری دئییه داشقانی گوتوروب کوچه آغزیندا چللک اوتو قاللایاراق آی زنگان یئر آلما سوغانی آلان چاغیریردیم؛ هاچاندان هاچانا خالام اری ایسگندر منه قوشولوب خیاوانا توکولن جاماهاتین های کویونه باخاندا لاپدان بیر تلویزی یا آپاریجی سی منه یاخینلاشیب میکروفونو آغزیما توتاندا دئدی آی عمی سن قدیم آدامسان اینقیلابین ایلک ایللریندن نسه یادیندا وارمی؛ اوچ دورد دنه یئشیک(جعبه)تاخداسیندان آییریب چللک اوتونو قیزیشدیراندا اللریمین قاراسینی دیزلیگیمین(شالوار) دال حیصصه سینه یاخایاخا دئدیم 1356نجی ایللری آتام باش کتدن گیزلیجه آغانین شکیلینی گتیریب اولکه گئدن اولایلاری آچیقلایاراق ائل طایفانی باشا سالماق ایسته ییردی کی نَسه بو توممه تین اوغلو شاه ماخلوغون نئفت پولوسون زادین یئییر؛ منده سئوینجک اولاراق بیر گون او شکیلی چانتاما قویوب مکتب ده صینیف یولداشلاریما گوسته ررکن معللیمین قضبینه توش گلن کیمین بیر آغیر شیلله یئدیم؛ دورد بئش ایل اوستونن گئچندن سونرا یای تعطیلات گونلری دئییه کوچه لری دولانیب قولتوغومدا چورک ساتاندا بیر گون کمیته قارداشلاری(بسیجی)اوستومه یوروش ائله ینده چورگیمی آلیب داغیداراق اوزومه ده بیر دادلی شیلله ویردیلار؛ آپاریجی ساغ اول عمی دئییب یولا دوشنده کئفلی ایسکندر گولومسه ییرک سوروشدو قالایچی مورتوض او شیللئینن بو شیلله ده نه تفووت.........................

+ نوشته شده در جمعه بیست و ششم بهمن ۱۳۹۷ ساعت 17:25 توسط (قلئی چی مورتوض)  | 3 نظر

بس عمی جاندا خبرلری..............

بویوک چیلله قورتاران گونلری دئییه شهر ماقازین لرینین قاباغیندا اَت صفینده دوراندا جاماهات سیخلیغی اولان کیمین لاپدان*خنه یه نین(خانقاه) چی اَت قاپماق حادیثه سی باش وئرنده منن قونشوموز موباحعلی ایاق آلتدا قالمایاق کورو پئشمان قاییدیب ائوه گلنده یول اوزونو موباحعلی خاریجه خبرلری دئییرک بورونونون دلیک لریندن بوغو(بخار) دیزل توتونو کیمین چوله بوراخاندا منه سووال وئردی کی قالایچی مورتوض گئجه تلویزیادان خبرلری ایزله دین دایانمادان داوام ائله دی کی گئچمیش شاهین اوغلو(ولیعهد) چیخیش ائله ییرک موراجعیتینده دئییردی آی میللت من دالیزدا وارام اولکه ده ارزاق قیتلیغی وارسا توکون خیاوانلارا بودونه چئویرلیش اولوب من گلسم هااااااا سویو برقی گازی آفتابوس مشروطلارینی مترونو هله هئچ تیرگه کی دورقوزاق گئیمینی لاپ اولسا بئله شاف کیمین بعضی چوخ ایشله نن درمانلاریدا پولسوز اعلان ائله ییب باشینان جانینان خالقیمیزا قوللوق ائله جه ییم؛ موباحعلی نین بوسوزوندن اوزومو ساخلامادان گولنده بیر حیکایه یادیما دوشدو؛ آخی بیلیرسیز منیم بیر دوکاره اوگئی عمیم وار بو یازیق کیشی اورتا یاشلاریندان آمریکه نین یوخ باغیشلایین چاشدیم حیات یولداشی فاطما گول خانیمین تحریمینه معروض قالاندا دورقوزاغیندان شوغللوزوممه لرکیمین آف توف ائله یه ائله یه گلئی گوذارلی یاشیردی؛هر ایکی آیدان بیر قورخا قورخا کوند ائله ییب فاطما گول خالانین یاتاق اوتاغینا گیرنده حیات یولداشی یوخوسو کال اولان کیمین دوروب اوستونه جوماندا لوممه لن لوت عمی جانی ایاق قابی آغزینا وئریب حییت قاپیسینا کیمین قووالایاراق یامان یووز دئیینده داوا دالاش لاری تنگه نی گوتورودو؛بو ار آرواد قارپیشمالاری نئچه یول کند شورا باشجیسی نین ائوینه چکسه ده آروادین قارداشلاری توکولوب اوندان حمایه ائله سه لرده یازیق عمی نین ایشی یئرده قالیب دالیندا دورانی اولموردو.؛ایللر بویو گولو بورنوندا یاشایان عمی قونشولوق دا بیر ایکی یول قاشی قیللی دول ظریفه یه اوجشسه ده اودا آلینماییب ظریف عمی نین اونا حصر ائتدیگی قزلخوانلیق لاری کند آراسی یاییب گولوشوردورلر؛یای گیره جه گینده بیرگون باغا یولوم دوشنده اوزاقدان اوزاغا گوردوم عمی جان آریلیق دا اوتوروب شئیین الینه آلاراق ساغ یانا چئورینده دئییر آی یازیق آی بئچارا نه قَدَر باشی آشاغا اولاجاقسان دور حاققیوی آل............................ سول طرفه چئویرنده دئییر نه قَدَر باشی یوموشاق اولاجاقسان دور حاققیوی آل....................... ایندی کی دالیندا دورانین وار........................... _______________________________________________________________________________ *خنه یه نین(خانقاه)چی اَت قاپماق مسئله سی بیزیم خالخال بولگه سینده بیر آتاماجا اولاراق خالقین دیلینده ایشله نن سوزدور؛خنه یه اصلینده خالخال هیرو شهرینه یوخون بیر کندین آدیدیرکی او کند جاماهاتی عموماَ سئید نسیللیدیرلرکی آدی کند کتده قدیم دوره لردن قالمیش سئیدن نیار(سید دانیال)آدلی بیر ایمامزادا واردیر؛گئچمیش چاغلاردان دوره بر کندلرین آدامی نذیر اولاراق آپاریب اورادا مال داوار قوربانلیق کسیب پایلاردیرلار؛خنه یه ساکن لری آلدیقلاری قوربانلیق اَتینه باخمایاراق هردن کسیلن قوربانلیق اَتلرینی نذیری پایلایانلارین الیندن آلیب قاچاردیلار؛

+ نوشته شده در جمعه نوزدهم بهمن ۱۳۹۷ ساعت 17:38 توسط (قلئی چی مورتوض)  | 2 نظر

سیزنئجه؟(2).................

1 بیز موسلمانیق

2-بیز یالان دانیشماریق

3بیز دستامازآلمامیش خانیملارین ایشینه باخماریق

4- بیز ناماز قیلمامیش تیکه توتماریق

5-بیز قارینچا(قاریشقا) اولدورمه ریک

6-بیز تویوق باشی کسمه ریک

7-بیز آرا قاتماریق

8-بیز موسیقی یه قولاق آسماریق

9-بیزامیرکه تویوغونا داش آتماریق

10-بیز اوروس الی دَیین اتی یئمه ریک

11-بیز چاینادان گلن بونجول پالتاری گئیمه ریک

 12-بیزقاچاق مال چیلیق ائله مه ریک

 13-بیز اوغورلوغونان باریشماریق

14-بیز ایختیلاس زاد بیلمه ریک

15- بیز نوزول یئمه ریک

16-بیز کیمسه یه قارا یاخماریق

17-بیز اوروشوت خورلوق ائله مه ریک

18-بیزعیراق؛لیوان؛ فیلیسطین؛یمن دویوشچولرینه دال چئویرمه ریک

19- بیز اورت باسدیر ائلمه ریک

20-بیز اوزوموزه اولگوج وورماریق

21-بیز هئچ کیمین آشینا سو قاتماریق

22-بیزهئچ کیمسه نین جیبینه ایجازه سیز ال اوزاتماریق

 23-بیز اوزگه نین سوزون دانیشماریق

24-بیز بیرینین دالینجا شاخ شاخا قوشماریق

25-بیز تیرگک زاد چکمه ریک

26-بیز ایاق یولونا کوندوک سوز(آفدافا) گئتمه ریک

27-بیز ایاق قابی دابانی یاتیرتماریق

28-بیزیالان نان آند ایچمه ریک

 29-بیز قهبه زاد دولاندیرماریق

30- بیز الله دان باغیشلایین چاشدیم آرواددان قورخانیق......................

+ نوشته شده در جمعه دوازدهم بهمن ۱۳۹۷ ساعت 17:12 توسط (قلئی چی مورتوض)  | 3 نظر

پوهروز--مورتوض................

اوگونلری پوهروز قاغام باشکنددن گلیب گئجه عایله وی یغیشیب یانینا گئدنده چای زاد ایچیب ایقتیصادیاتدان گله جکدن و ایران ایسلام اولکه سی نین یمن و سوری یا عملیات اوغورلاریندان دانیشاندان سونرا لاپدان من قالایچی مورتوض بیله سینه سورقو وئرنده کی آی قاغا باشکنده نه خبر وار بورکونو باشیندان گوتوروب ساچ دوزومونو سیغارلایا سیغارلایا دئدی نه خبر اولاجاق باش کندی ساسیق ایی قوخوسو گوتوروب؛نئچه واقتدیر زحمت کش محصوللاریمیز بیربیرلرینین گوتلرین اییله ییرلر کی بو ساسیق(گند)ایی قوخونون سببکارینی تاپیب پیرابلئمی آرادان قالدیرسینلار؛قاغامین سوزو قورتاران کیمین الیمده سیخی علاوه دن اوتا قویوب سانجاغا سورته له ییب اوچ دورد نفس ویراندان سونرا بورنومو قاشییاراق بیر حیکایه یادیما دوشدو؛

بیز اوشاق واقدی کند مکتبی اولاراق ایکینجی صینیفه گئدنده سیپاهی دانیش معللیمیمیز واریدی کی آدینا آقا دئییردیک هرگون سحرسحر مکتبه گلنده بورنون توتوب عصبله شرک اوشاقلاردان سوروشاردی کی بوگونلری کیم پیسیدیب؛ بئله لیک له هر گون بیر اوشاغی قارا تاخدا(تخت سیاه)قارشسینا چاغیریب شو سویود چوموغینان اللریمیزدن ویریب آغلادا آغلادا یولا سالاردی؛تا کی بیر گون اوشاقلار بیرله شه رک شالوارین چیخاردیب گوتون اییله یینده گورورلرکی آاااااااااا.....................

+ نوشته شده در جمعه پنجم بهمن ۱۳۹۷ ساعت 20:24 توسط (قلئی چی مورتوض)  | 4 نظر

منی قارا یولا دویلت آدامی اولایدیم............

ایرحمتدیک آغامعلی دایی اولندن سونرا ائله بیل اوچ دورد میلیون تومن  پولو چیخیر؛دیش باشی توکولموش حیات یولداشی قمر خالا کندین شورا باشجیسی قالایچی مورتوض موراجعیت ائله ینده بئله  قناعته گلیرلرکی پولو آپاریب شهر بانکلارینین بیرینده آمانات قویوب هر آی باشی اوستونه گله نی آلیب گونده لیک ماییش ائله سین؛ بیرایکی ایل اول هر آی باشی پولونون اوستونه گله نی واقتلی واقتیندان توکولسه لرده  بو دونه ایکی اوچ آی اولاردی کی بانک طرفیندن قمر خالانین کارتینا پول توکموردورلر؛ اونا گوره قوجا آرواد تانیش لارین بیرین گوتوروب شهربانکینا موراجیعه ائله یینده گورورلر کی قاپی سی باغلیدیر؛بیردان اوردان سالیق سوراق توتاندا  بئله معلوم اولورکی ایسلام اولکه سینده بانکلاری ال قاپ ائله ییب یوخ بابا........

برشیکاست چیخان کیمین بو قمر خانیمندان پولون گوتوروب آرادان چیخیبلار؛قمر خالا کنده قاییداننان سونرا  تانری نین وئرن گونو الی چلینگلی قاپلاریندا اوتوروب قوچو نیظامنان توتموش گلیب گئده نه یووز دئییردی؛ بو وضعیتدن زینهارا گلن کند جاماهاتی بیرگون شهر ایداره سینه کاغاذ یازیب قارینین عرض حالینی نی یئتیریرلر؛ بئش اون گون اوستونن گئچندن سونرا  بیرگون ایداره طرفیندن گلیرلرکی قمرین ایشینه باخسینلار؛ترس آوا کند جاماهاتی های کوی یه ییغیشان کیمین گلن دویلت آدامی کندین شوراسی لا بیرگه قمرخالانین قاپیسینا گلیب محصوللارا دئمه گه نه سوزون وار سوروشاندا اودا ناله نیفرین ائله یه ائله یه  دئییرآی شورانین دده دلیگینه ساققالینا ........ آی وکیلین آغزینا.........؛آی وزیرین اوزونه.........؛آی بانک ایر یسینین گوزونه...........آرواد لاپدان عاصی کیفیری اولارکن اوزون سویوب آغام علی نین آدین گتیرنده  قالایچی مورتوض تئز قاچیب الین آغیزینا قویاندا دئییر اونو یوخ اونو یوخ........................

+ نوشته شده در جمعه بیست و هشتم دی ۱۳۹۷ ساعت 19:20 توسط (قلئی چی مورتوض)  | 2 نظر

عاغیللی اینسان............

ایلک یارانیشدان فیل قاریشقانی ایاقلیر؛شاه آدام اولدورور؛قورد قویون پارچالاییر؛اینسان باریت دوزله دیب قالا داغیدیر؛آسلان بالالی گئییک قارنی سوکور؛اینسان بومب دوزلدیب ائو یخیر؛تولکو تویوق نینینه سوخولور؛اینسان اوزگه نین ائوینه؛ناققا بالیق اودور؛اینسان یئدیگینی گویشه گینه گتیریر؛هورومچک تور قورور؛اینسان تله قورور؛آیی جینسی مسله اولاراق قابانا طاماح سالمیر؛امما اینسان آتا؛ائششگه؛ ایته؛اینه گه؛گئچی یه ؛نه بیلیم اوز هم جینسینه طاماح سالیر؛هئچ بیر دونقوز اوز دیشیسینی زورلامیر؛ یئری گلنده کیشی  قادینی زولاییر؛گامیش اوز یئددی آرخا توره سینن اولان دیشییه یوخونلوق ائله میر؛امما کوروش طایفا توخومو کیمین آدام وار اوز ننه باجیسینا اوجه شیر؛ایسلام اولکه سینده وکیل خانیمی زولاییر؛حاکیم اوستون باسدیریر؛

یئنه ویریب باشیما اوزو اوزومه دئیینیرم هاااااااااااا

قونشولوقوموزدا سویو شیرین عاطیفه قیزلاربولاغیندان سو ایچیب گئد گئده آدی دیللره دوشنده آناسی گول گَز خالا اونوگوزدن قویموردو؛بو قیزمکتب ایللرینی اوغورلا بیتیرسه ده آییری شهر اوونوئرست لرینه گئتمه گینه عایله سی ایمکان وئرمه ییب عالیه تحصیلدن قالمیشدیر؛امما بو سولارین سوناسی ائل ایچینده ادب ارکانیندان علاوه؛یئرلی یاتاقلی بوی بوخونوینان؛ اوزون ساچلارینان؛قی باخیشلارینان؛آلما یاناقلارینان؛آغ بوخاغینان؛یول گئدنده کهلیک یئریشی نن یاشیدتایلاریندان فرقیله نیب داها دوغروسو اوغلارینا قیزآختاران عایله لرین دیققتینی چکیردی؛گاهدان آناسینین گوزون اوغورلاییب باغ باغچایا چیخاندا گورنلری حیرتده قویوب طالعین خوش اولسون دئییه بیله سینه خئیر دوعا وئریردیلر؛امما آتالار دئمیشکن قیزیل تاختین اولماسین اوغورولو باختین اولسون دئییه؛گنج عاطیفه اوزوندن آسیلی اولمایاراق گلن ائلچی لرینی الی بوش سالیب اوز آلین یازیسینی گوزله مه لی اولور؛ایشینین سونوندا اوزو ماسکالی بیر وارلی کارلی گنج اوغلاننان حیات قورسادا گئتدیگی ائو اونون اوچون ایشکنجه یئرینه دونور؛گئد گئده بیر قیز اوشاغی آناسی اولان عاطیفه قیسقانج ارینین ظولمونه تاب گتیرمه ییب اوز حیاتینا سون قویماق ایسته ینده کورپه بالاسینا بیر مکتوب یازیب آغو ایچه رک حیاتینا سون قویور؛اولومدن سونرا کاغاذی تاپیب اوخویانلار گورورلر کی وصیت ائله ییب قبیر داشیمین اوستونه شکیلینی چکیب آلتیندا یازارسیزکی هله ده قددارکیشی لرین یوموروغو باشیمیزدادیر................

______________________________

گئچن گونلرده ظالیم لر زاوالینا گلمیش ملک کندلی(ملکان)زاهرا نویدپور بالامیزین عذاب اذییتلی روحونا ایتحاف یازدیم

+ نوشته شده در شنبه بیست و دوم دی ۱۳۹۷ ساعت 8:39 توسط (قلئی چی مورتوض)  | یک نظر

نه آتیشماسی؟..........

نه آتیشماسی؟..........

گنج یاشلاریندان باش کنده کوچموش هم یئرلیمیز مئشه نوغدو دئییردی ناواقتدی بی ادبچیلیکدیر شئی باشینا گئچیرتمه(کاندوم)زاوادوندا(کرخانا) گوزتچی ایشله ییرم؛یئدی شکگیزآی امک حاققیمیزی وئرمه دیکلرینه گوره زاوودو یاتیردیب ایشیچیلر بوتویلوکده تانری نین وئرن گونو اورت باسدیرا گئدن شوسا یولونو کسه رک داش زاد دوزوب یولو باغلیردیق کی بلکه هاراییمیزی ائشیدن اولسون؛بیر ایکی آی بو ایشی داوام ائله ینده سونرا بیرگون یولونونان گلن بیر ماللا باشجیسی شیخ آغا باهالی ماشینین ساخلاتدیریب سوزوموز ائشیدن کیمین زاووت صاحابینا ایزنگ آچاراق قارا قورخو گلمه گینن قاداسی جانیما ایشیمیزی یول اوستونه قویدو؛ نئچه او گون قضیه دن سونرا زاووت صاحابی بیله میزی چاغیریب آز چوخ ماییشیمزدان وئرندن بئله هامیلیغان بو قرارگلدیک کی اوزوموزه گلن هفته نین ایلک گونو ایش اوستونه قاییدیب تولیدات داخیلی نی یئنی دن باشلایاراق امت هممشه در صحنه یه خدمات ایرسانلیق ائله ییک؛نوغدوکیشی علاوه ائلیردی کی هممشه اولدوغو کیمین او گونده صوبحه یوخون خوروزون ایلک بانین ائشیدیب نامازی زادی قیلاندان سونرا هاوا قارانلیغیندان گئییب قاپیدا ماشروط ماشینی گوزله ینده قونشوموز قالایچی مورتوض آلا قارانلیغیندا فیسیللایا فیسیللایا ایکی سومو الینده آلیب حیت قاپیلاریندان ایچری گیرنده آتیشما سسینی ائشیدن کیمین گوردوم آلتدان آلتدان دئییر؛اده کوپک اوغلو تیرانپ سس سالما آرواد دورار دده می سویر.....................

+ نوشته شده در یکشنبه شانزدهم دی ۱۳۹۷ ساعت 10:2 توسط (قلئی چی مورتوض)  | یک نظر

هاردان گتیریبسن؟..................

گئچمیش هم یئرلیمیز میرخوسو(خسرو) گنج یاشلاریندان باش کنده کوچوب ایاق اوستو ال قاپ ایشینن آز چوخ اوزونه دام دئش ال ایاق ائله میشدیر؛گئد گئده اوچ اوشاغین آتاسی اولماغینا باخمایاراق آرواد بیله سینن ترس تولاییب اوزون قالماغالدان سونرا نهایت کی ایشلری محکمه یه دوشوب کبینین اجرایا قویان کیمین کیشی نین وار یوخون الیندن آلیب ائودن چیخاریر؛خوسو کیشی ناچارچیلیق دان کنده قاییدیب دام دووار کولگه سینده دالدالاناراق یئری گلنده کند به کند دولانیب آز چوخ دیلنچی  ائله مه گینن عومور گون سوروردو؛و قیشین سَرت سویوق گونلریده دوره سینه یغیشان ایت پیشگینن گئچمیشدن قالان کوهنه کالاوالارینا سیغینب دده سی نین اوجاغینی آخی نه دئییم؛هردنده شهره اوز توتاندا  بیزده یئمله نیب ائوین قوللوقوچوسو بیله سینه کوهنه پال پالتار وئرنده او گونلری دده دلیگیمین کوهنه آباسینی بیله سینه گئدیریب یولا سالمیشدیر؛تانری اوله نیزه ایرحمت ائله سین او گونلری کتده  حوزون یئری اولارکن جاه جالالینان بولگه باشجیمیزشیخ آغانی قارا شوشه لی ماشینا میندیریب مجلیسه واران کیمین کند جاماهاتی وریندن آلقیشلانیب سورقو سالاواتینان منبره قالخاندا قاپی گیره جه یندن خوسو کیشی اَبا چینینده دوروب جاماهاتا الین اوزادا اوزادا یالیغام یولوغام منه یاردیم ائله یین دئییه دولاناندا؛ جانینا قوربان اولدوغوم شیخ آغا مجلیسی آپارماق ایسته ینده نئچه آیه ی شریفه اوخویوب تورکوسون خیرتدایاندا میرخوسونون حوزون یئرینی قاتماغین گوروب دیل دوداغین گمیره گمیره ایکی اوچ سالاوات آلاندان سونرا الین اوزاتدی بیله سینه اَشی او گوزلوگو هاردان گتیریبسن؛او یون جورابی هاردان گتیریبسن؛دووار کوگله سین هاردان گتیربسن؛ائر بئله ایت پیشگی هاردان گتیریبسن؛دده وین کالاواسین هاردان گتیربسن؛گئجه یوخودا گوردگون یاغلی اوزلو سیفیراسینی هاردان گتیریبسن؛چینینده کی اَبانی......................

______________________________

 *بو حیکایه نی ایرحمتدیک حمید آرَش آزادین بیر شعیریندن آلیب یازمیشام

+ نوشته شده در جمعه هفتم دی ۱۳۹۷ ساعت 19:41 توسط (قلئی چی مورتوض)  | یک نظر

چیلله ننه...............

چیلله ننه...............

اسکی چاغلاردان خزل آیینین سون فصیلی دئییه اون یئدی سیندن باشلاییب اون سکگیزینجی گونلرینه قدر *تَکَه قاری یاغیب جاماهات بیربیرلرینن سیخلاشارکن شر قووه لر طرفیندن گونشین توتوقلانماغین دئییب یئر اوزونو قارا باسماغینا اینانیردیلار؛

بو اینانج لا یاشایان اوجقار بیر کند جاماهاتی نین داملاری بیربیرینه سویکه نیب یوللاری اولسایدی دا کتدن قیراقدا دام دئشی اولان چیلله ننه تک یاشاییب عومور گون سوروردو؛

دری دونیادا بیر ائششگی و اون ایکی قازی اولان قاری ننه یای یاز گونلری اولاغینی دوره برقونشولارا کرایه وئریب آز چوخ خیردا دنه آلاراق قیش گونلرینه زومار ییغاندا قاز یومورتالارینی دا ساتانی ساتیب قالانینی چورک یاوانلیق ائلردی؛

هر ایل تَکَه قاری نین یاغماغین گورَن کندآدامی ایده دن؛گوزدان آلمادان گوتوروب قاری نین ائوینه توپلاشارکن گونون گودلمه سیندن دئییب یئر اوزونو قارانلیق باسماغینی بیر بیرلرینن پایلاشارکن قورتولوش یولونا نذیر نیاز ائده دیرلر؛

 لاپدان دانیشدیقلاری ناغیللارقورخولو اولسایدیداگئجه گئچن کیمین ائولرینه اوز توتاندا چیلله ننه دن ایشیقلیق داوامینا خئییر دوعا آلیب گئدردیرلر؛

امما سون ایللری آغیر قار اوجو باتینان  چیلله ننه دن خبرسیز اولان کند آدامی بیرگون  قالایچی موتوض آلتدان اوستن گئیینیب قاری ایاقلایا ایاقلایا گلیب چیلله ننه نین دامینا چیخاندا اَییلیب باجادان سس سالیرکی آی قاری ننه آی قاری ننه گون اوزانارمی؟

دوغوم گونون یاخین گورن چیلله ننه قالایچی نی تانییب اوجا سسینن دئییر گئد منه بیر یئمیش گتیرکی ایچین اوزوم یئییم قابیغینی ائششگیم یئسین دنه لرینده قازلاریم؛قالایچی قاییدیب آز چوخ تپرینج ائدندن سونرا بیر دیبیر قارپیزی چانتایا سالیب علاوه دن قار اوستو یخیلا دورا گتیریب قاری ننه نین باجاسیندان آشاغا ساللاییر؛

اودورکی قاری ننه بیر قارپیزی دورد حیصصه یه بولنده  ایچینی اوزو یئییب قابیغینی ائششگینه وئرنده اوچ یوز آلتمیش  آلتی دنه سینی ده قازلارینا زومار ائله ییر.......................

____________________________________

*(تکه قاری) نین ایضاحی: هر ایل پاییزین سون آیی اولاراق اؤن یئدی گئجه سی تکه بیر چول حیوانی اولاراق اؤن سکگیزین گونونه گئچنده  اؤز دیشی سینی تاپیب موطلق  اوننان جوتلشمه لی اولار؛ و او گونلرده کولک قاریشیق یاغان قارین آدینا ائل آراسی تکه قاری دئییب اسکی چاغلاردا بیلرمیشلر کی پاییزدان اؤن ایکی گون قالیبدیر و بو حیوانلارین جوتلشمه عنعنه سی اؤزو طبعیتده  بیر قریزه اولاراق موطلق او گونده باش توتمالی ایمیش هر حالدا ارکک تکه اون سکگیزینی گونو اوز دیشیسینی تاپیب جوتلشمه سئیدی گلن ایل  اوگونه قَدَر گوزله مه لی اولاجاغیدیر؛

+ نوشته شده در جمعه سی ام آذر ۱۳۹۷ ساعت 18:18 توسط (قلئی چی مورتوض)  | 2 نظر

ایشیق دیره گی..................

ایشیق دیره گی............

1970نجی ایل آقای معللیمین گئدیگی کند اوجقار اولدوغو اوچون قیش آیلاری قار یاغیب یول یولاغی باغلامیشدیر؛امما کند یئنی یئتمه اوشاقلاری مکتبه یغیشیب درس لرینی اوخویاراق وئریلن تکلیفلرینده هوس له یئرینه یئتریردیلر؛اوشاقلار مکتب دن قورتاران کیمین تنگه باجانین قاربورانینا باخمایاراق چول باییردا قار گولله سینن توتموش زولاخ سوروشکنلرینده اویناییردیلار؛اوغلانلارین ایچینده آناسیز موراد ادب ارکانینا گوره آقای معللیم دیقّتین چکیب و بو اوشاغین گله جکلی اولدوغونو دوشونوردو؛قضا ایشی ترس گتیرن کیمین موراد بویوک چیلله اراده لرینده آغیر خسته له نیب یورقان دوشه گه دوشور؛ کند تورکه داواسی ال وئریشلی اولمایاندا گئد گئده آغیر قیزدیرمالاری اوشاغی امنن سالیب اولوم له اوز به اوز قویور؛نهایت کی مورادین آتاسی چاراسیزلیقدان قیشین قار کوله گینه باخمایاراق آلتدان اوستن گئیینیب  سارقین بالاسینی یورقانا بوکه رک اوزونو قارلی یوللارا ویریرکی بلکه شهره چاتدیریب دردینه درمان ائله سین؛آقای معللیم مورادین یالقیزجا اولوم دیریم آنلارینی گورنده بیر ال آغاجی گوتوروب اونلارا قوشولاندا گونن بیرآز ایشله میش کتدن چیخیب شهره دوغرو یول باشلاییرلار؛یول اوزونو آقای معللیم قاری ایاقلاییب زولاغ آچان کیمین باتا چیخا یول گئدیردیلر؛هاوا قارانلیقلاشیب یوللارینی ایتیررکن بو دونه اوزلری  قضایا دوشوب سویوق ال ایاقلارینی آپارارکن آقای معللیم سَرت سویوغا دوزه بیلمه ییب اوتوردوغو یئرده جان تاپیشیریر؛حاقدان عومورو اولان اولمز دئییه مورادین آتاسی بالا قوجاغیندا گونش چیخانا کیمین اولومنن ال به یاخا اولسادا آتا بالاتویوش تویوشه(نفس) وئریب ساق قالیرلار؛ قارقا قوزقون ییغیشماسین گورن یول کروانی یاردیمنان شهر خسته خاناسینا چاتدیریلیب هله لیک آتانین ال ایاغین سویوق آپارسادا حکیملر بالاجا مورادین قاداسی نی قاملاییب درمان ائله ییرک اولومنن قورتاریلار؛اودور کی موراد بویویوب عالیه تحصیللی اولاندا اوروپا اولکه لرینین بیرینده طبابت ایشینه مشغول اولور؛موراد باشینا گلن بو اولایی اوزونده یاشادان کیمین نئچه ایل قاباق عایله سی له بیرگه اولکه یه قاییدیب کنده اوز توتاندا آقای معللیمین آدینا گئدیگلری یول آیریلیغینیدا بیر ایشیق دیره گی قویور کی قیش یولونا چیخان کیمسه لرین قارانلیق یولونا ایشیق سالا بیلسین....................

________________________________

بو حیکایه نی ایلک صینیف معللیم سورو غلامحسین قیزی(ثریا جهانگیری)خاطیرلایاراق آدینا حصر ائله دیم

+ نوشته شده در جمعه بیست و سوم آذر ۱۳۹۷ ساعت 18:28 توسط (قلئی چی مورتوض)  | 2 نظر

آتا اوجاغی....................

آتا اوجاغی.............

 پیرمان کیشی ایرحمت دیک ایلک حیات یولداشیندان اولان سون بئشیک قیزینیدا ار ائوینه یولا سالان کیمین قاییدیب ائوده اونکور اونکور آغلاییردی کی بوندان سونرا چیراغیمی کیم یاندیراجاق؛یاشی نین آلتمیش بئش ایراده لرینی یاشایان پیرمان کاسیب عایله اولماغینا باخمایاراق تک باشینا قالماییم دئییه ایکینجی دونه ائولنمک قرارینا گلیر؛دونیا مالیندان  تکجه بیر حَیَت ائوی اولان پیرمان گاهدان قوجالیق گونلرینی گوز اونونه گتیریب اللرینی اوکله ینده نسه ایشیقلی بیر گله جه گه اومود باغلاییردی؛ اودور کی بیر ایکی ایلین ایچینده  تانری بو یاشلی جوتلوگه بیر اوغلان اوشاغی بخش ائله ییر؛ آنادان چوخ آتاسی نین سئوینجینه سبب اولان کورپه یه علیرضا آدی وئریرلر؛امما طالعین سَرت اوزو توتاراق علیرضا ایلک صینیف مکتبنه گئدنده آناسی دونیاسینی دَیشیر؛گئد گئده پیرمان کیشی یاشا دولوب آنکفاقت اوجو باتینان دوررومونو ایتیریب داییمی یورقان دوشگه دوشمه لی اولور؛ علیرضا یئنی یئتمه اوشاق اولماغینا باخمایاراق خسته آتاسی نین قاییدینا قالیب گون اوزو مکتبه گئدرکن تئز صینیف داشلاریندان آرالانیب ائوه چاتان کیمین گوزو قاپی دا اولان آتاسینین یئمه گینی وئریب خیردا باخیشلارینان بویوک بیرایشی اوزرینه گوتورور؛ آتادان بیر باجیلاری آییری شهرلرده یاشادیقلارینا گوره هر آلتی آیدان بیرخسته یانینا گلسئی دیلرده آتانی آغیر وضعیتده  گوروب تابلاشمادان اوزگونده لیک یاشایش لارینا  قاییتمالی اولوردولار؛دونه دونه کوره کن لر ییغیشیب قایین آتانی قوجالار ائوینه آپارماغی مصلحت گؤرنده بالاجا علیرضا ایاق ایره لی قویوب یوخ آتاما اوزوم باخاجاغام دئییه اونلارین آتاسی اولمه میشدن قورو دام دووارینا گوز تیکمه لرینه سَرت جاواب وئریردی؛خالق گوزو قارشیسیندا آتاسینا آتالیق ائله یین علیرضا مکتب صینیفلرینی ده اوغورلا باشا وورارکن کامپیوتر رشته سینده اونوئرسته گیریب الی ایش توتاندا جانیندا مین دردی یاشادان آتاسی اؤن آلتی ایل یاتاق  خسته لیکدن اذییت چکن سونرا نهایت کی حیاتین دَیشیر؛علیرضا بو دونه ده اوز اللرینن آتاسینی مزارا تاپیریشیب تک باشینا گلن قوناقلارینین قاباغیندا دورور؛قایین آتانین قیرخی چیخمامیش ائوی ساتیریق دئییه کوره کن لر بو دونه ده بیله سینی قیسناغا قویاندا اَمی نین پالتارین گوتوروب ائودن چیخمالی اولور؛سیناقلاری سینایان علیرضا بو آندا گنج اولسادا اوز مودورک لوگ ایله اولایلاری آرخادا قویوب اوزونو ایتیرمه دن آتاسی نین ائوینده چیخاریلسادا اوز قازانجی حسابینا ائولنمگ گونلرینه حاضیر لیق ایشلرینی آپارارکن یئنی دن آتا اوجاغی نی ایشیقلاندیرماق ایسته ییر.................

+ نوشته شده در شنبه هفدهم آذر ۱۳۹۷ ساعت 18:40 توسط (قلئی چی مورتوض)  | 2 نظر

قایین آتامین قارا چانتاسی...............

سحر سحر ایش پالتاری قولتوغومدا فهله میدانیندا دورموشدوم سابیق هم یئرلیمیز خدا قولوکیشی گلدی آی قالایچی مورتوض آروادی بوشاییرام گلیب محکمه قارشسیندا شاهاد گئچه سن؛اوز اوزومه دئیینه دئیینه  قوشولوب عدلییه ایداره سینه گئدنده اورگیمده ویرنیخیردیم دییسن بو گونده ایشیم الیمنن چیخاجاق؛مقصده چاتیب باساقلاری(پیلله) تئز تئز ایکینجی مرتبه یه قالخاراق آرواد دورد اوشاغینان ارینی گؤرن کیمین دوره برده الینه گلن گول قابیلاری گؤتوروب خدا قولو کیشی یه سیری یاندا نهایت کی اینظیباطی مامورلار آراچیلیق ائله ییب ار آروادین ال به یاخا ویریشمالاری آغیز گَپی سویوشه یئندیریلیدی؛ بوغوزونان اوزونو باسا بیلمه یین  آرواد بیر بیر اوشاقلارین الینی توتوب خدا قولویا ساری اوتورنده های باسیردی کی آلا بو سنین اکدیگین اوشاقلار ایشینی یاش گورن خدا قولو منیم الیمنن یاپیشیب اورتایا چکنده اوجا سسین باغیریردی کی آی جاماهات بونون اوشاقلاری دوغماسینا اؤن تانیق وار؛سیز بونا دئیین منیم اکمه گیمه تانیغی گتیرسین؛

ایت ایتی بوغان کیمین یاخامی ار آروادین الیندن آلیب گوذار باشینا قاییداراق اوز اوزومه گولنده  بیر احوالات یادیما دوشدو

آخی بیلیرسیز بیزیم بو قارا چانتالی قایین آتا هر اوچ  دورد آیدان بیر بیزه گلنده خویلو خانیم اونون گتیردیگی کیلو یاریم مرجی نوخودو و آلتی تک دنه قوردو باشی باغلی قویوب اوشاق بویوک بیر یئره ییغیشاندا یئدی قاپی قونشوموشایتی ایله گتیردیگینی آچیب  منیم گوزومه سوخا سوخا نه وارکی آتام بیزه ایللیک زومار گتیریب؛امما گلمه میش قوناق بیزدن گئدنده هئچ ک ک ک به ایداره کشفیاتچی لاریدا بیلمزلر نه آپاریر.................... 

+ نوشته شده در جمعه نهم آذر ۱۳۹۷ ساعت 17:25 توسط (قلئی چی مورتوض)  | یک نظر

ایسته ییر...............

یئنی یئتمه چاغلاریمدان آتاما قوشولوب گور بولاق آلتیندا سالدیغی بارلی بهره لی باغیمیزا گئد گل ائله ینده  توزلو آلما گوللرینن چیتداییب پامبوق کیمین هیوالارینین تامینان بویا باشا چاتیردیم؛داها دوغروسو بو باغدا یئره کوک سالمیش جانلی آغاجلار قارا توت؛ گیرده کان؛ هیوا؛آلبالی؛ گیلاس؛ اریک؛آرخ قیراغی سال سیرا چینارلار؛ منیم تویوش(خیال)وارلیغیمی یام یاشیل لیغا دوغرو آپاریب اوزومده یاشلاشاراق گئد گئده سئوگی هاواسینا کوکله نیردیم؛هردن تنگه باجادا اورک وئردیگیم  قیزا گوز ویراندا سئویب سئویلمه گه جان آتیب داشلارین چاتین نان آخان سو کیمین حزین بیر زومزومه منی اوزونه چاغیریردی؛باغیمیزین گؤزلیگی  کیمین یوخولاریمین بزه گینه دونن بو گوزلچه نی بیر آندا خیالیمنان چیخارا بیلمیردیم؛هردن داراشلیق کوچه ده  قارشی قارشی یا گلنده اورکک باغیشلارینان نه دئمگینی باشا دوشمه ینده اوزومه قاپانیردیم؛نهایت بیرگون کونلون آلیب قارداشلاری گورمه سین دئییه باغیمیزا آپارماق ایسته ینده الینده بیر موی فیدانی نی گوتوروب منیم له باغا گلمه لی اولودو؛بیربیریمیزدن آرالی باغی بوتانی دولاندیقجا آل چیچکلردن دریب یاخاسینا تاخماق آدینان یاناغینی اوپمک ایسته ینده الین قاباغا گتیریب بو ایشه مانع اولوردو؛ چوخلو گزیب یورولاندان سونرا چپر آرخاسیندا اولان قولاج قاتلی سویودآغاجی کولگه سینده اوتورمالی اولدوق؛من یئنی دن قیزین یایلیغی نی گؤتوروب الیمی ساچلارینا اوزاداندا  دالی چکیلیب دئدی گوزومه دَیین کیمین بو باغین اوزومو آغاجی اولمادان گتیردیگیم موی موماسینی بو سویود آغاجی نین یانینا اکمک ایسته ییرم؛اوزومو بیلمه دن بیر آندا آغاجا سویکه نیب یئریمده قورویوب قالاندا گؤردوم؛قیز اینجه بارماقلاریمنان یئری دئشیب مومانی باسدیرا باسدیرا هردن باشین قالدیریب دایاندیغیم سویود آغاجی نین بوی بوخونونا سای گئچیر؛دوداغیمدا مزه حسرتی قالان کیمین بو دونه ده اوو الیمنن چیخیب گون آشیری یاشایشا قایتمالی اولدوق؛ایللر دوندوکجه اوزوم بوتاسی یئره کوک سالیب اورک شکیلی یارپاقلارینان اوتانقاج سویود آغاجینا دولاشا دولاشا اوزونه یئر آچیب قول بوینونا دولادیقجا گونش شویکه لرینده اوننان اسیرگه ییردی؛ایل دولاندی عومور گئچدی نوه الیمی توتان چاغلاریمدا بیر دونه ده او گونلره خاطیرلاییب باغا یولوم دوشنده گوردوم داغ دوزوملو سویود قورو خول بوداقلارینان هله ده باشینا دولاشمیش اوزوم سالخیم لاری آلتینان تابلاشا تابلاشا نَسه دئمک.............   

+ نوشته شده در جمعه دوم آذر ۱۳۹۷ ساعت 17:49 توسط (قلئی چی مورتوض)  | 3 نظر

بو بازار.................

بو بازار............                                                           

قارا یوللو کیمین بو  جوم آخشامیدا اَییلنجه مجلیسیندن آشا آشا به واقت ائوه گلدیگیمه گؤره آرواد باشیما قیشقیریب های سالدی کی گئجه یاریسینا کیمین هارداسان ؛آغزیما گلن کیمین دئدیم  هاردا اولاجاغام آناجانیمی آپارمیشدیم خسته خانایا؛ فیسیلایا فیسیلایا یوخونا گلیب آغزیمی اییله ینده علاوه ائله دی کی خئیر اولا آناجانیوا نه اولوبدور؛

دئدیم نه اولاجاق هممشه کیمین یئنی دن  فیشار قالخیب

قاییدیب یاتاق اوتاغینا گیرنده دئدی نه یاخشی آتاجانیوا بیر زاد اولماییب

دایانمادان دئدیم والله اونوندا بوگونلر ایران ایسلام اولکه دُلاری کیمین شئی یی طییییییییی قالخیر یئنیرقالخیر یئنیر.....................

+ نوشته شده در شنبه بیست و ششم آبان ۱۳۹۷ ساعت 10:33 توسط (قلئی چی مورتوض)  | 3 نظر

ناکام سئوگیلیلر حیکایه سی.........

1325نجی ایل یاشیل یاپراغلارقیزاریب  قار قیرووا آیلاری دئییه  ماراغا  هئشتری بولگه لرینده آغیر دویوش گئتمه گینه باخمایاراق  گنج سالمان باشجیلیق ائتدیگی دسته دن آرالانیب قوجا آناسینا باش ویرماق آدینان بیر دونه ده دوغولوب بویا باشا چاتدیغی شئشه وان کندینه اوز توتمالی اولور؛چوخ آز زامان چرچیوه سینده عایله عضولرینن گوروشوب قولاغی سس ده اولان کیمین یوبانمادان ایکارلی(یَهَر) آتی نین بئلینه شیغاییب کتدن مقصدینه دوغرو قایتماق ایسته ینده یئنی یئتمه چاغلاریندان  اورک وئردیگی قونشو قیزی ائللی خانیم نان اوز به اوزگلیر؛ قارا دمیر کوهله نینن اَنیب سارماشیق کیمین بیربیرلرینه ساریشاندا گؤرمه سینلر دئییه کتدن اوزاقلاشیب یول قیراغی گئدر گلمز بوروق آرخاسینی دالداناجاق ائله یَرَک اورک دویونتولرایله بیربیرلرینن سئویشیب و دردله شیرلر؛حربی گئییملی سالمان بیرنو تفنگ چی ننده قیزین ساچلارینی سیغلایاراق  اوزولمه عزیزم دئییه مین نازایلا گوزونون اوستونه توکولن توکلری قالدیریب بویون اوخشاییردی؛ائللی خانیم باشین آشاغی سالیب گله جک حییات یولداشینا گلئی گوذار ائله یَرَک بوغوزو یاریلان کیمی دئییرسالمان سن بو قانلی دویوشه قاتیلالی گئجه لریوخومو چلپه شیک گوروب اوزنتولرله گله جه گه گوز تیکیرم؛سوزونون داوامیندا علاوه ائله ییرکی بیزدن یاشی آشاغی اولان سئوگی لیلربیربیرلرینن آداغلاشیب توی گونلرینه حاضیرلیق ایشلری آپاریرلار؛

 امما نسه بیز؟!..........................

بیر دونه سالمان اوتانقاج قیزین الین الینه آلاندا دئییر سئودیجه گیم  ایللر بویودورکی خالقیمیز ایرضاشاهین تحقیرلرینه معروض قالاراق منی کیمین دیزی گیر توتان گنج لره گرکدیرکی  قوردوموز میللی حوکومتی حمایه ائله ییب خالقیمیزی خان خایینین الیندن بیر یوللوق قورتارمالی اولاق؛دوروب حالالاشاندا  ائللی گوز یاشلارینان  ساپاقلی آل یایلیغینی سالمانین بوینونا باغلاییب دئییر گئد نفسیم گلینجک بو دونومسوز یولو گوزلمه لی اولاجاغام؛نصراله اوغلوسالمان سیلاح داشلارینا اوز توتاراق  بیر قوچاق فدایی سرکرده سی کیمین وار گوجوینن دویوشوب قارانلیق ایشیغا گوج گلن کیمین ماراغا دیزج رود بولگه سیده قددار دوشمانین الینه گئچیر؛محمد ایرضاشاهین مامورلاری فدایی باشجیلارینی اولدورنی اولدوروب اله گئچنلری گون آشیری شهرین میدانیندا دارا چکنده جاماهات ایچینده آغیردهشت یارانیردی؛بویوک چیلله گیره جه ینده آخشام یئنی دن های دوشنده کی صاباحلاری دارا چکیلن واردیر؛ نصراله کیشی اوزوده بیر قاچاق فدایی لریندن اولاراق بو خبری ائشیدن کیمین اوزاقدان اوزاغا ماراغا شهرینین هنده ورینده باش قولاق گزدیریردی کی گؤره کی بو دونه دارا چکیلن یازیق کیم اولاجاق؛نهایت سحر آچیلاندا سالمانی قولو باغلی دار ایاغینا گتیریب آتاسی بو صحنه نی گؤرن کیمین دوزمه دن اوزونو یئتیریب اوغلونو قورتارماق ایسته ینده نه بیلیم هانسی بیج ننه سی نین اوغلو شاه مامورو سالمانی دارا چکیب آتاسینی دا تحقیرجه سینده دویه رَک اولومله هَدَه له ییر؛بو دهشتلی اولایدان خبرسیز اولان ائللی هر گون یول اوستو داشلارا سویکه نیب گلن کیمسه لردن شهرده نه خبر وار سوزونو سوروشاندا نهایت اونون اورگینن گئچن ناکام دویغولاری یولدان گئچن بیر شاعیرعاشیق بئله یانیقلی سیرالارینان خبری چاتدیرمالی اولور..............................

....................................................

....................................................

....................................................

....................................................

+ نوشته شده در جمعه هجدهم آبان ۱۳۹۷ ساعت 18:13 توسط (قلئی چی مورتوض)  | 5 نظر

اولکه ددوینکید...؟....................

اولکه ددوینکید...؟.............

تانری سیزه ایروزو ائله سین او گونلری ائل طایفامیزین باش بیله نی ایسکندر خالام قاریشیق ایمامین قیرخی دئییه سکگیزینجی دونه  کربلادان گلمیشدیر؛خش خئیرات سیفراسی آچدیغینا گوره دوره بر ائل تانیشا خبردارلیق ائله ینده  ترس آوالیلار باش کتدن بئله آخین ائله ییب گوروشه گلنده تنگه باجا آغیز بوغوز جور به جور باهالی ماشینلارینان دولموشدور؛یئتیشن  ماشینان اَنن کیمین تانری زیاراتیزی قبول ائله سین اوپوش گوروش ائله ییب کیشیلره مچیده واراندا منده قارننه مین قولتوغونا سیخیلیب شبیستانا چیخمالی اولدوق؛مچیدی ایچینده نه های اولماغینا باخمایاراق گئد گئده قادینلارین سس ساوی منبری باسمیشدیر؛اوزون ایللر بیربیرلرینن اوزاق دوشن کند شهر قادینلاری قول باغیلارینی اوینادا اوینادا یئرده گویدن دانیشیب ایران ایسلام اولکه سینین تحریماتینان توتموش کیشی لرین دورقوزگئییم  باهالیغینا کیمین بیربیرلرینن سوز آل وئری ائله ینده گؤردوم کند زننلرینی بیری باش کتدن گلمیش سابیق کی یاشید تایی نی سوالا توتوب کی آی قیز بورون اوزوون کودور؛نه بیلیم بیری او بیریسینه دئییر قاشین اوزوون کودور؛اورتا دیره گین دیبینده اوتوران یانینداکی نین ممه سین ال له ییرک دئییر اوزوون کودور؟؛آلتی ساهاتلیق قورولوش یئمه گینن باشا چاتان کیمین نهایت کی مجلیس قورتاریب قاپی آغزیندا  سوزلری داوام ائله ینده لاپدان گیژگین ذلیخانی گؤردوم یانچاقلی خیرالنسانی دوشه له ییب الین نامیس ناحیه سینه آپاراندا گوله گوله دئییر بو شئی اؤزوون کودور.........................

+ نوشته شده در جمعه یازدهم آبان ۱۳۹۷ ساعت 18:35 توسط (قلئی چی مورتوض)  | 3 نظر

میلیون چولارا..

میلیون چولارا...........

یورقان باسماسین پاییز گئجه سی آخشامنان بیرآز گئتمیش ائوده اوتوروب تلوزیادا گئدن دادلی دوزلو سیراوی کینووا(سریال) باخیردیق؛ اورادا گئدن گولمه لی اُبرازلاردا(رول)فارس قارداشی میلیونچو؛لُر قارداشی قاپیچی؛کورد قارداشی حانبال؛ بلوچ قارداشی قاچاقچی؛ گیلک قارداشی ایاق یولو آغزیندا اوتوران؛ تورک قارداشی دا چایچی رولونو اویناییردیلار؛لاپدان خؤیلو خانیم قولتوغوندا چورک ائوه گیرنده گیلئی گوذار ائله ییرک چورکچی قاسیمین اوقات تالخ لیغیندان دانیشیب وورقوللادی کیشی اوز چورک خاناسی نین آدینی (باشاق) قویماغینا گؤره بلدیه ایداره نیظارتیچی لری وریندن هده له نیب ایش یئری نین آدی دیشیمه سه بالالارینین ایروزو قاپیسی باغلانمالی اولاجاق؛بو سوزو ائشیدن کیمین ایکینجی صینیف درسینه گئدن قیزیم یووش(قلم)دفترین یانیما گتیریب آلدیغی نومره نی بیله می گوسترنده علاوه ائله دی کی مکتب خانادا اورگتمه نیمیز(معلم)دئییردی نسه عرب لر کرتنکه له ییئیب ایاق یولونا گئدنده طهرات آلمیرلار؛.....................................

اشی کینو(فیلم)ائله باشیمی قاتیب کی  لاپ بئله چاش باش ویریرام هااااااااااا

یئدی سکگیز آی قاباغدان تنگه میزه یانی بالالی بیر قهبه عایله سی کیراچی گلمیشکن  طیییییییی گلن گوندن محله ده اولان کیشی لرین میلابین بیتیریب وئره جه گینه ماراغی اولمایان قونشوکیشی لرده قارا یاخماغینان هفته ده بیر یول قولو چوماق کل لرینن قاپی باجالارینی داشا باسیر؛او گون بیزه نوبات چاتارکن قاپیمیزی کسیب آغیزینا گله نی دئیینده بویوک اوغلوم قان قالاغی قاریشان کیمین بیله می یانالادی کی آی آتا سنده بیر دیللنده داااااااااااا قاپی اورتوب اوشاق بویوگو ایچری یغاندا دئدیم  من اونون هاراسینی دئییم؟................

+ نوشته شده در جمعه چهارم آبان ۱۳۹۷ ساعت 18:17 توسط (قلئی چی مورتوض)  | 3 نظر

قانلی قانلی..............

 قیل کؤرپو :دوکتور جئری

اوگونلری یئنی دن جاماهاتی بیربیرینه دَییب هاممی اوزونتولرله گله جکده باش وئرن اولایلاردان دانیشیردیرلار؛آخی بیلیرسیز سوسیال شبکه لرده یاییلمیشدیرکی اؤرت باسدیر بولگه سی نین باش حکیمی دوکتور جئری عملیات وروسایلین اولگوج قاریشیق قیل کورپوسوندن گئچنده توبا توبا دئییه تاموغا(جهنم) آتیب ایرد اولا بیلمیشدیر؛ماخلوق بونا گوره اوزولوردورلر کی بوندان سونرا ارکک اوشاقلاریمیزی کیم موسلمان ائله یه جک؛اونا گوره ترس آوا کند آدامیدا هر گئجه ائویمیزه یغیشیب بو ایشین نه اولاجاغانی دده دلیگیمنن سوراندا منده گولومسه ییرک بیر تاریخی حادثه یادیما دوشدو؛

عباسیلار دورو اولاراق زنادقه ده(مانی)اینانج طرفدارلاری  هده له نیب بیله لرینین کافیر اولدوقلاریندا موسلمان اولکه لر ایتفاقینی پوزماسینلار دئییه قیلینج آغزیندان گئچیررک هاممیسینی دارما داغین ائله ییرلر؛گاهدان اولوردو بو قیرقینلار ایچینده کیمسه نین چوغوللوق عرفه سینده سوچسوز(گناه)موسلمانلاردا اولدوروب ولی امر موسلم....... آداملاری بیلمه رکدن اؤز مسلک داشلارینین قانینا باتیردیلار؛ناحاقجاسینا اولن لرین آدام نفری ییغیشیب ایللر بویودونه دونه حوکومته موراجعیت ائله ییرک یارلیق ایسته ینده سوندا حوکومت قهریه باشجیلاری بو قراره گلیرلرکی بوندان سونرا هر کیمسه زنادیقه لردن کافیر سانیب جازالاندیرماق ایسته سه لر موطلق اونون شالوارین سیرییب دورقوزاغینا باخمالیدیرکی کسیلیب یا یوخ؛ مانی  طرفدالاری اوزون ایللر دهشت ایچینده یاشاماقلارینا  سون قویماق اوچون داراشیب بیربیرلرینین ختنه ائله ییردیلرکی بو شرشبئی دن جان قورتارا بیلسنلر؛تصادف اوزریندن بیر گون جناب خلیفه باشی نین آدام نفرینن شهرین قاپیسیندان چیخیب اووا گئتمه ایسته ینده گؤرورکی بیر خیلک جاماهات یول قیراغیندا بیر بیرلرینین دورقوزاغین کسه ندن سونرا قانلی قانلی یاپیشیب نسه دئییه دئییه یالنی گئدیرلر؛آتین جلوون چئویریب بونلارا یوخونلاشاراق ایشلرینین سببینی سوروشاندا هاممسی بیردن دئییرلر قوربان ایسلام اولکه سینده بیرلیک یاراتماق ایسته ییریک؛ناغیلی دئییب قورتاران  کیمین دیرک آرخاسیندا اوتورموش منوش دایی لاپدان قوزاندی کی یانی سن بویوران بوندان بیزده بیربیریمیزی کسه جه ییک؟........................

+ نوشته شده در جمعه بیست و هفتم مهر ۱۳۹۷ ساعت 13:15 توسط (قلئی چی مورتوض)  | 2 نظر

مصلحت نیظام آدامی...........

هممشه اولدوغو کیمین یئنه ایشدن گلدیم آآآآ ؛آی خؤیلوخانیم آی خؤیلو خانیم؛ باتمان قرآن بئلینن وورسون باخ یئنه ائوده دئییل کی؛

اشی دردیمی هئچ کیمسه یه دئییه بیلمیرم باخ؛ بیزیم بو ائو آدامی هفته نین یئدی گونو بیر گون تنگه قادینلارینین قورودوغو قرآن درسینده دیر؛ بیر گون زینبیه ده قورولان ایروضه ده دیر؛بیر گون دووشان کبیر دوعاسیندادیر؛بیرگون ایمامزادایا گئدن آروادلارا علم گوتوروب باشجی گئتمه ده دیر؛جوم آخشاملاردا جاماهاتی  اوتوز مئتیرلیک خارابیمیزا یغیب نهی از مونکور درسی وئریر، هفته سونودا بیلیرسیزیدا نماز جومعه ده ایستیکبارا دیرسک گوستریر؛بو مصلحت نیظام آدامی ایرحمتدیک قارننه دئمیشکن لاپ اوروفییمی قاتیب باخ؛هله بونلار هئچ  آی باشی دونه دونه برق ؛گاز ؛سو؛پولو یازان مامورلاریچین قاپی آچماقدان یورولمیشام؛هله دونن یوخ ایره لی گون ناهارچاغی یاتمیشدیم لاپدان گؤردوم قاپیمیزی تپیله ییرک بیر قارا ساققالی سوخولدو ایچری نسه آختاراندا کال کال یوخودان دوروب گؤزلریمی اوکلییه اوکلییه آی  آغا نه گزیرسن سوروشاندا بللی اولدوکی یوخسوللارکمیته سینن وئریلن پولو قوطوسونون دالینجا گزیر؛گوجو پیسلیگنن آروادی اکابیر اوخولوندان تاپیب قان قالاغیم قاریشان کیمین قیشقیر باغیر سالدیم کی جانیم  ائوده باش چک آخی؛اودور کی اولکه نیزدن اوزوزدن ایراق آرامیز شئله شیب اوزومو تحریماتدا گؤرنده بیر ایکی گون قضیه دن سونرا گئجه اوشاقلار یاتیشیب بیزده ار آرواد اولاراق یاتاق اوتاغینا گئچیب تاخت اوسته اوزانارکن دیلیمی ایشه سالان کیمین سوزون باشین آچدیم آی خانیم ایروضه میروضه ائله باشیوی قاتیب کی هفته ده بیر یول ایستی یئمک بیله مه پیشیرمیرسن هله هئچ؛پال پالتاریمی یومورسان اودااا هئچ؛گاز؛ برق؛ سو؛مامورلارینا قاپی آچمیرسان اودااااا هئچ؛قاش قارالاندا چیراغلاری یاندیرمیسان اوداااااااااا هئچ ؛منیم بوغازیمدان کسیب بو کمیته صاندیغینا پول توکورسن هئچ بیلیرسن کی بو پوللاری هارالاردا خشله نیر؛یاتدیق یئری سول الیمنن ساق ال بارماقلاریمی سایا سایا دئدیم او پولار جانیم ؛بیرینجی دونه فیلیسطینه گوندریلیرکی بُمبا قاییرسینلار؛لوبنانا گوندریلیرموشک آتسینلار؛یمنه گوندریلیرسیلاح سوروسات الده ائله سینلر؛سوریه دئییه دئییه  گؤردوم ناواقتدیر قوچاغین قیزی یاتیبدیر باخ.......................

+ نوشته شده در جمعه بیستم مهر ۱۳۹۷ ساعت 19:17 توسط (قلئی چی مورتوض)  | 4 نظر

قارا یولا ائو اوغلو؟..................

بو ایلده خیردا باشی حیوانی چول باییردان کنده گتیریب قویون قوزو آرتیمی اولدوغونا گؤره طایفالیغان زیارات تداریک گوروب خوراسانا گئتمک ایسته ینده یئریمی بئش نفرلیک قاطار بلیطی آلیب من قالایچی مورتوضون باشجیلیغینان سفریمیزه داوام ائله ینده هردن قاطاری ایچی اولاراق یان یوره میزدن  بوغونوق سسلری گلیردی؛یول یاریلانیب گئجه قارانلیغی اولاراق گئدگئده قیشقیر باغیر چوخالاندا بیر اوندا گؤردوم اورتا یاش بیرکیشی اؤز اؤزونه دئیینن کیمین اوجا سینن هایقیریرکی منی قارا یولا ائو اوغلو گئدیدیم گاهدان قاطارین پنجره سینه یوخونلاشیب اوزون آتماق ایسته ییر؛تئز یئتیشیب جاماهاتین الیندن آلاراق اوتوراغیمیزا گتیریب بیر ایکی چاشقا چای زاد وئرندن سونرا خودون آلیب دئدیم آخی سنه گلیب؛کیشی اورک دن بیر آه چکیب دئدی عمی دردیمی دئشمه گینن کی دئمک اولماز؛ آرا ساکیتله شیب جاماهات یاتیشاراق اورک بوقچاسین آچیب اوز باشین گلن حیکایه نین باشین آچدی کی؛

آتا اوزو گورمه دن آناما ایکینجی دونه اره گئدنده منی ده ائو اغلو آپارمیشدی؛دده لیگیم گؤن فابریکاسی نین امکدار ایشچی کیمین آیلیق ماییشی نان بیلمه زه یاخشی باخیردی؛منی ایسه یئنی یئتمه چاغلاریمی باشا ووروب یولداشلاریملا بیرگه عسکرلیک سووب  قایداندان سونرا قونشو قیزینان ائوله نیب یاشاماغا باشلایاندا کندحیاتی بیله میزی بئزدیرن کیمین بئش آلتی آیدان سونرا  آروادین جئر جئیزین گوتوروب باش کنده کوچمه لی اولدوق؛آز چوخ فهله لیک دن زاددان  ایش تاپاندا بئش اون تومن چیخاریب گوشایش ائله ییردیک؛آی باشی ائو کراسیندان توتموش گاز؛ برق؛سو پولونو گونده لیک خرجیمیزین اوستونه گلنده آیینان صابین شانپون تاپیب باش گوزوموز یووا بیلمیردیک؛گئدیکجه گوذارانیم چتین له شیب هردن آروادینان عاغیل عاغیلا وئریردیک کی بیر قاچاق یولو تاپاق؛نهایت بو قناعته گلدیک علاوه دن دده لیگینه یانینا قایدیب اونونلا بیرلیکده یاشایاق؛گؤن کرخاناسی سابق فهله سی قوجالیب دئییه خسته گونلرینی باش وئرنده آیلیق ماییشی عاغلیمیزی اودوزان کیمین بو دونه ده آروادینان گوتور ائله دیک کی من هله لیک بیله سینی بوشایاراق دده لیگیم آلسین اولندن سونرا آیلیق ماییشینا صاحاب چیخیب علاوه دن شرعی مئسله اولاراق ایکینجی دونه ائوله نه ریک؛اودورکی چکدیگیمیز خریطه باش توتوب من آراودی بوشایان کیمین دده لیگیم موللا چاغیریب  اؤز نیگاحینا سالدی؛حالبو کی قوجا دیریلیب آراودی الیم آلاراق اوزوموده ائودن چیخارتدی؛بو حیکایه دن دویخوان کیمین چیخیب آلشیقا قاباغیندا سیگارئت یاندیراندا تعجوبله نرک دئدیم بس ایندی هارا گئدیرسن؛ گوزونون یاش توکه توکه دئدی گئدیرم آغام ایمام میرزه  دن آروادی.....................

+ نوشته شده در جمعه سیزدهم مهر ۱۳۹۷ ساعت 19:57 توسط (قلئی چی مورتوض)  | 2 نظر

حوکومتیمیز..............

اشی بو اؤرت باسدیر جاماهاتی نین بیرچیمدیک آبیر حایاسی یوخدور هااااااااااا یازیق ایسلامی حوکومتیمیزی قیساناغا قویورلار کی نه بیلیم باهالیغا رغمن ایش پئشه یوخدور؛الن ناواقدیر بیز دایی باجی اوغلو مال میدانیندا اوزودن ایراق ائششک آل وئرینه باخیریق؛الله ها شوکور  ایشیمزده توتوب ایقتصاد موقاومتی دئییه تحریملری فیرلاییب یئرلی استحصال اولاراق کیریخ؛ قودوق؛ ماجا ؛سوپا؛نهایت ائششک ایشینه........

  هاماش قویماجاق کی اَییه ندی باخ

 نیه  دومسوکلوسن 

دئییرم دایی دانا مانا ساتا بیله ریک

یوخ اشی بیز مال میدانیندا موطلق داخل استحصالی اولاراق ائششک آل وئرایشینه باخیریق؛

جوره به جوره ائششک آلان وطن مالیدیر

هاماش یئری گؤر ائله بیل خاریجی  موشتریمیز وار ..

باجی اوغلو یئریندن دورانا قاباقلایاراق

هه سالام مئستر بویورون جینس اولاراق بوی با بوی جوره به جوره نره ماجاسینان توتموش  ائششکلری گوستره گوستره نهایت کی مئستر میرعابدواللا دایی نین  جینسیندن اولان بیرآت ائششگی نی بَیَنیب قیمت اوسته چنه دویدو ائله ینده سیفته میزی کور ائله یین جورو اوغلو ایسماییل اویاندان چیخدی کی مئستر سیزین اولکه ده مه یه ائششک زاد یوخدور؛

الله شیطان نهلت ائله سین

گون آشیری ایشلریمیز قیزیشان کیمین بیر گون بی ادبچیلیکدی قوللوزدا گئچمیش آروادین دده سی یاریم پالان سوپاسی نی گتیریب ساتیشا قویاندا بیردان اوردان موشتری آخین ائله یین کیمین نهایت بیر یاغلی موشتری یه ساتیب خئیرین گوره سن میندیریب یولا سالدیق

اوچ دورد گونن سونرا کیشی سوپانی قایتاریب گتیردی کی جانیم بو بیله واریث بوتوی باغ باغاتیمیزین آغاجین قاشییر

داوامیرافئینان پولونو یاریسینی  قایتاریب علاوه دن ساتیش میدانچاسینا گتیردیم؛

بئش اؤن گون اوندان سونرا آییری بیر موشتری تاپیلیب اوننان یوللا گله رک بو دونه پولو آلیب یوللا سالدیم

یئنه بیر هفته دن سونرا گوردوم آلیجی عاصی کیفیری اولاراق چکه چکه  سوپانی گتیریب قیشقیر باغیر سالدی بو شو قریب آرپادان سونرا اوت علف یئمه یر؛

گئچمیش قایین آتانین یانیندا اوزومو سیندیرماییم بو دونه ده پولونون یاریسین  اوده ییب سوپانی گئری آلدیم..

یئنه اؤن اون بئش گوندن سونرا بیر آییری موشتری یه سیرییب باشیمیزدان ائله ینده یئریمی  گون گئچمه دن گوردوم  اودا دئینه دئینه سوپانی گتیردی کی آی قالایچی مورتوض بو ذاتی قیریق خلور گیرمیر؛

دؤردونجو معامله اولاراق بیر آغیزلی بورونلو موشتری یه ساتیب پالانین نوخداسین باشینا گئچیردنده هاماش اویاندان تاپیلیب یئدکله دی کی نوخدا پولو ایسته ییرم؛

 خیلاصه نه باشیزی آغریدیم بئش اون مین ده باجی اوغلو ال قاپ ائله ییب سورقو سالاواتینان سوپانی یولا سالدیق؛بئش آی گئچمه دن اودا قایتاریب گتیردی کی نه بیلیم قونشو ناخیرداکی ماچالارا اوجه شیر

ضرل زیانی بوینونا آلان کیمین بو دونه ده پولوننان خیلک کم ائله ییب یولا سالدیم 

نهایت بیر ایل بو سوپاینان دالاشاننان سونرا بیر گون آند قسم نن بیر آییری موشتری قالیب ائله ییب باشیمیزدان ائله ینده

بو یازیق موشتری ده سوپانی بیر ایکی آیدان سونرا ال اوزو قانلی قایتاریب گتیرنده های بیدیر سالیب دئدی جانیم بو یئییه سیز قالمیش چامیشلیق ائلیر؛

چارام یوخلوغوندا بیر گون اوزوم گلر گلمز سوپانی گوتوروب گئچمیش قایین آتایا موراجیعت ائله ییب اولان عیب لرینی آچیقلاییب قاییداندا دونیا گؤرموش آهیل کیشی منی چاغیریب توخداقلیغینان سوپانی یانینا سالیب دئدی اوغلوم بو شو قریبین دالینجا گئدسن تپیکله جک قاباغینجادا گئدسن آغیز آتیب دیشله یه جک ائله یاخشی سی بودورکی یانینا دوشوب بیله  سینن آرالی یولا گئده سن...........................  

+ نوشته شده در جمعه ششم مهر ۱۳۹۷ ساعت 18:27 توسط (قلئی چی مورتوض)  | 2 نظر

لوغا کریم...............

نئچه ایل قاباق آفدامابیل قضاسینا گوره زیندانا دوشوب  اورادا تانیش اولدوغوم کوندوک(آفدافا)اوغرولوغو اوسته یاخالانمیش لوغا کریم یئری گلمیشکن بندی لر یئملندیریب نارکوتیک ماده دن توتموش چاخیرینا کیمین بیله میزه ال ایاق ائلردی؛هر ایکیمیز حبس جزاسینی چکیب قورتاراندان سونرا گئد گئده کریم نارکوتیک ساتیشی نی قیراغا قویوب امما چاخیر زاد ایسته ینده بیله میزه گتیرردی؛بئش آلتی آیدان سونرا بیر گون قوناغیم گلرکن باغ ائوینه چکیلیب سازلی سوزلو گئجه گئچیرتمک ایسته ینده بو دونه ده یولداشادا ایزنگ آچیب هیم جیمینن آندیردیم کی نئچه قوطو ایچگی گؤتوروب باغا گله سن؛واقت وعده یه اوزونو چاتدیرا بیلمه یین کریم بیزی خومار قویان کیمین گئجه میز یاوان گئچه رک ساووب باشدان ائله دیک؛ بیر نئچه آی  اوندان سونرا بیله سینی گوروب گلئی گوذار ائله ینده کی ندن بیزی آسیلی قویدون یئریب قاباغا آغیز بورونون سیله سیله دئدی جانیم من کربلایا گئدندن سونرا موسیقی یه زادا قولاق آسماغی ترک ائله میشم؛امما ایل اوزونو یئری گلمیشکن اَییلنجه لریمیزی چاغیریب لوغالیقلارین ائشیدنده سونونجو یول بئله بیر حیکایه دانیشدی کی.........................

اسکی چاغلاردا بیر گون اوزاق بیر کتدلی محرم دن بئش اؤن گون سونرا  مایدان آتینی مینیب بونلارین کندینه گلیر کی گول میرزه دایی نین نر مایا ائششگینن باسدیرسین؛گلیب قاپیلاریندا دوشرکن آی گول میرزه آی گول میرزه ائوده سن دئییه اوچ یول چاغیراندا گؤرورکی  ائوده ار آروادین قیشقیرباغیرسسی گلیر چوخلو دالاشمادان سونرا بئله معلوم اولور کی گول میرزه  دایی نین ائششگی بو ایل کی محرم شبئی خانلیغیندا ایبن زیادین مرکبی اولدوغونا گوره ائوین خانیمین ایرایضلیق وئرمیر؛ یولداشلار نه دئمه گین باشا دوشه رک قاققا چالیب گولمک ایسته ینده منده اوجا سسینن دئدیم آی کابلایی اولما گول میرزه دایی نین ائششگی ده شبئی خوانلیق دان سونرا موسیقی یه زادا قولاق آسماغی ترک ائله ییب.........................

+ نوشته شده در جمعه سی ام شهریور ۱۳۹۷ ساعت 21:24 توسط (قلئی چی مورتوض)  | 2 نظر

ائلیرمدااااااااااا..............

ائلیرمدااااااااا

الله قبول ائله سین؛هر ایل اولدوغو کیمین بو ایلده منن پوهروز قاغامی تاپدا باش کندینه گتیریبلر کی للش عرشه خوانلیق ائله ییب بوینو چپی لی قاغام دا شبئی خوانلارا باشجیلیق ائله سین ؛محرم گونلری قارا کوینک گئییب باش گؤزوموزه دویه دویه جانینا قوربان اولدوغوم شیخ آغا ایروضه دئیینده منده پای منبری اوخویوب  گؤز یاشلاریمیزی دخیره ی آخیرت ائله میشیک؛تاپدا باش کندجاماهاتی دوره برده وارلی کارلی اولدوقلارینا گؤره هر گئجه خش خئیرات وئریب فاغیر بئچارا محصوللاریمیزی دویوزدوراندا سونرا شبئی خوانلیق گونونه حاضیرلیق ایشلری گئدیردی؛ایمام اجیر وئرسین دئییه هر گئجه دسته نی علم قاریشیق بیر قاپی یا سورویوب سونسوزلارا اوشاق؛ خسته لره شاف؛ قالیب تورشامیش یوخ باغیشلایین نئچه یول گئدیب بوشانمیش قیزلار پوللو ار طلب ائله مه گینن گئد گئده شبئی خوانلیق سته سینی راهلاییب ؛قالایچی مورتوضو شومور؛ ایسکندر ایمام حسین؛کل اوغلان(کالی)معللیم حور ایبن ریاحی؛فاطما باجیم سکینه؛ هاماش باجی اوغلو جناب علی اکبر؛ منوش دایی حرمله؛ قاغامدا هممشه اولدوغو ابن زیاد پالتارینی گئیینیب هردن گون اوزلری مشق ائله ییب یغیشان جاماهاتین گؤز قارشیسیندا آت ائششک اویناداراق موکالیمه لر گئدیردی؛بوگون محرمین دؤردونجو گونو ناهاردان قاباق علاوه دن یاراقلانیب شبئی دسته سی بیر بیرلرینن دالاشاندا بیر اوندا گؤردوم  قاغام دسته دن آرالانیب قارشیداکی چارقاتی سوروشگن بیر قادینین توکلریندن یاپیشاراق دیزی آلتیندا دؤیَشدیریر؛ دالدان قاچیب قولوندان یاپیشاندادئدیم نییا اؤلدورسن ؛قادینی سورویه سورویه  دؤنوب حیرصینن دئدی مملکندی ایسلامی................  

+ نوشته شده در شنبه بیست و چهارم شهریور ۱۳۹۷ ساعت 10:52 توسط (قلئی چی مورتوض)  | 2 نظر

آناسیز قیزین طالعی

آناسیز قیزین طالعی

یئنی یئتمه منصوره نین آناسی اولنن سونرا آتاسی حیات یولداشی نین ایلی چیخمادان علاوه دن ائوله نیب یازیق قیز اوشاغی اؤزوندن سونرا دوغولان ایکی کؤرپه باجیلاری لا بیرگه  آنا محببتینین یانیغی اولارکن بو دونه ننه لیک تاپداغی آلتینا دوشوب خیردا باغیشلارینان جان جییاری اولان باجیلارینا آنالیق ائلمک ایسته یینده گاهدان الله سیز ننه لیگینین قیسناغینا معروض قالیردی؛اؤلوم دیریمینن اؤن اؤن ایکی یاشان چاتان منصوره آناسی نین قویوب گئدیگی ائوین داغیلماسین گؤررک هردن آتاسی نین بوینون قوجاقلاییب درین باخیشلارینان بویون اوخشایاندا آنامین دؤلو صاندیغی بوشالیر دئییه گؤز یاشلارینان  اؤزونه تسلی وئریردی؛ایکی ایلین ایچینده ننه لیگی اوشاغا قالیب بو دونه بیر اوغلان اوشاغی دونیایا گتیرنده داها آتاسی نین اینامینی قازانیب منصوره و ایکی باجیسی نین بو ائوده نه ظولومونن یاشاغینا واقت آییریب گوذرانلارین سوروشموردو؛منصوره  اؤن اوچ یاش اراده لرینده لالا یاناغلی بیر قیز اولدوقیچون ننه لیک تاپداغیندان قورتاریم دئییه اورکدن سئومه دیگی بیر اوغلانا قوشولوب قاچماغینان داها دوغروسو جانینی قورتارماق ایسته ییر؛امما نه یازیق کی الله قارقی یانی پیغبر عصاسینان دویر دئییه منصوره جانین گؤتوروب پناه آپاردیغی ائوده اؤنون کیمسه سیزلیگی دویوب عایله نین گونده لیک ایشی بوینونا دوشرکن گاهدان یورولاندا اؤز اؤزونه قاپانیب نئی نک دؤزرم دئییه گلجک گونلری نین اوغورونو خیال وَرنی سینه ایکی قات دوگون ویرا ویرا داها بر بزکلی ائلمک ایسته ییردی؛امما گئد گئده حییات یولداشی نین نارکوتیک ماده قبول ائتمه سینه نیگرانچیلیغینان یاناشیب اؤز اؤزونه اوشونوردو؛ زامان گئدیگجه حیات یولداشی نین عملی اولماسی تای توشلار ایچینده باشینا سرگی اولان کیمین گله جه یه اومودونو ایتیریب دفعه لرله  اؤزونه قصد ائلمک ایسته ییر؛عومروندن یاریمایان قیزجیقاز بیر واهمالی گئجه ده اوزونو آلو پنچه لرینه وئرمه میشدن  اؤنجه سون اوخشامالارینی  بئله دیله گتیرمیشدیر؛

              ......................................

              .....................................

              ....................................

              ....................................

+ نوشته شده در پنجشنبه پانزدهم شهریور ۱۳۹۷ ساعت 18:51 توسط (قلئی چی مورتوض)  | 2 نظر

گیزله دیم...........

بیزینن داش زاودوندا  فهله  ایشله یین منوش دایی بیرگون ال ایاغین اوکه لییه اوکه لییه منی قیراغا  چکیب دئدی آی قالایچی مورتوض عایله دن گیزلین بیرآز گؤر کفن پولو ییغیب بانکلارین بیرینده قویموشدوم؛ هردن بیر یولوم دوشنده گؤروردوم کی گئدگئده پولوم آزالیر؛علاوه ائله دی بیر گئجه یورقانی باشیما چکیب پولوما فیکیرله شنده بو دؤنه گؤردوم آرواد جیبلریمی آختاریر؛بو سوزدن کدرله نرک سیکاراتیمی  بؤرکومون قاتیندان چیخاریب آداما بیرین آلیشدیریب چکنده دئدیم منوش دایی پولوو گیزلت باخ؛بو سوزو ائشیدن کیمین قانقالاغی قاریشیب دوروب گئتمک ایسته ینده حیرصینن دونوب اللرین اوستومه اوسه اوسه یه اوجا سسینن دئدی گیزلتمک ائله بیزه گلیب وکیل وزیرین  اؤغورلوق باغیشلایین چاشدیم آروادین  الی اَیریلیگینی گیزله دیم شالواریمین جیریغین گیزله دیم  پولومو.......................  

+ نوشته شده در جمعه نهم شهریور ۱۳۹۷ ساعت 20:26 توسط (قلئی چی مورتوض)  | 2 نظر

باشیما سالدی..............

تانری اوله نیزه ایرحمت ائله سین هر جوم آخشامی مزارلیغا گئده رک بیر ایکی هفته قاباغدان بیزیم آدام نفردن بئش اؤن قبیر یوخاری اوستونه قارا چکیلمیش یئنی مزار گؤروردوم کی بیرقوجا کیشی آغلاییب دوره برده کیلریده مورگوله ندیریردی؛بو هفته آخیری علاوه دن قبیر اوستونه گئدیب حالوا خورما پایلاننان سونرا اؤزومو باسمادان آدی گئدن مزارا یوخونلاشیب دیز چوکه رک فاتح  وئرندن سونرا الیمنن قبیری گوسته ریب  سورانداکی نه ییندی؟؛ کیشی آرخالیغی نین قولوینان گؤزلرینین یاشین سیلیب ایکی اللرینی مزار توپراغینا ویرا ویرا اوجا سسینن دئدی

آتام اولوب؛

 آبام اولوب؛

قارداشیم اولوب؛

اوغلوم اولوب؛

قیزیم اولوب؛

حکیمیم اولوب؛

اویناشیم اولوب؛

سیرداشیم اولوب؛

چیراغ یاندیرانیم؛

گؤزتچیم اؤلوب؛

سسیمه سس وئره نیم اولوب؛

یورقانیمی قیزدیرانیم اولوب؛

بورنومو سیله نیم اولوب؛

جانیمی یووانیب اولوب؛

 آدیمی چاغیرانیم اولوب؛

کوهنه یولداشیم اولوب؛

باخدیم طالئعیم اولوب؛

اینامیم اولوب؛

یازیق کیشی ساناغلایا ساناغلایا دؤنوب آرخایا باخاندا گؤردوم آرواد داغ کؤلگه سینی..........................    

+ نوشته شده در جمعه دوم شهریور ۱۳۹۷ ساعت 20:3 توسط (قلئی چی مورتوض)  | 3 نظر

او کندحیاتی...............

اوکندحیاتی..............


اوشاغلیق ایللری گیلاس قوزاسی کیمین قینیمی یارا  یارا

چارپاز مئشه لرینن نفس آلیب

دورو بیلاقلارینان آخیب

یاشیل بیچه نکلرینه بله نیب

وورغون سارماشیقلارینان بوی آتیب

 آخارلی سئلینن گورولله ییب

ساری سونبوللو تارلالارینان باشاقلانیب

پاییز خیالی باغلارینا ساریلیب

کهلیک قاققیلتیسینا قولاق وئریب

بئ یین دامنان آتان آلماسینا دونوب

آل یاناغلی قیزلارا اورک وئریب

تزه گلین باشیندان دوواق گؤتوروب

آخارلی شلاله لریندن مینجیق دوشوروب

خانیم ننه نین بال قایماغلی دورمنجین یئییب

بولوتلار باجاسیندان قورشاق ساللاییب

و پئشه ری یه گیرده کانلارا داش آتا آتا

 یاشادیغیم او کند حیاتی عومور بویو شیرین یوخولاریمین دامازلیغی اولارکن اوزون ایللر کوچوب اوزومنن یاشاتسامدا بیر داها قوجا واقتیمدا شهردن قاییدیب  یئنی دن ایتن گونلریمی تکرار یاشاماق ایسته ینده گؤردوم نه کند او کتدی  نه ده کی من او منم.....................

+ نوشته شده در جمعه بیست و ششم مرداد ۱۳۹۷ ساعت 20:17 توسط (قلئی چی مورتوض)  | 3 نظر

سیزی کیم ائله دی.....................

سیزی کیم ائله دی.....................

دیب کوچه ساکینلی فهله ایشله یین المراد گلیب قونشوموز سیفعلی نین تعمیرات آپاردیغی ائوینده ایشله یرکن  اؤز امک حاققینی آلا بیلمه ینده هر گون قاپیلارینی کسیب پولومو ایسته ییرم دئییه قیشقیر باغیر سالیردی؛هر دونه سیفعلی نین زننی گوله زر خالا چیخیب کیشی یوخدور دئییه قاپینی اوزونه اؤرتوب یولا سالیردی؛بیر ایکی آیین ایچینده المرادین الیندن جانا گلن گوله رز  بیر گون بیله سینی  قیراغا چکیب دئییر کیشی بیلمه سین من سنین پولونو وئررم امما هر چاغ امک حاققینی آلدین گتیر پولومو وئر؛دؤرد بئش آی اؤتوب گول زر خالا باشا دوشنده کی  المراد سیفعلی دن پولونو آلارکن بوروغو دونوب تنگه باجادا دیزلرینه دویه دویه گلیب گئده نین قاباغین کسیب اوجا سینن دئییردی منی المراد ائله دی؛منی المراد ائله دی...

 فاطما کبینین آلیب بوشانناندا سونرا آلدیغی پول پارانی بو دلیکدن او دلیگه سوخوب  ساخلایا بیلمه ینده  مندن گیزلین آپاریب شهرده یئنی آچیلان مالی موسسه لرینه بیرینده قویوب آیلیق ماییش آلیرمیش؛بیر ایلین ایچینده کاراوانلار قوشولوب دونه دونه مئشد و کربلایا گئتمه ینه باخمایاراق قارین بورونونا عملیات ائله ییب یئنی دن  اؤزونو گونده مده ساغلاماق ایسته ییردی؛مالی موسسه لر یوخ  فاطما باجیم برشیکاست چیخاندان طییییییییییی منی بیرا اورا چکیرکی بیر ایش گؤره سی اؤلوم؛بو های کوی تنگه باجادا یاییلان کیمین بیر گون سیفعلی نین خانیمی باققال توکانیندا منی گؤروب یانا یانا دئدی به .........

+ نوشته شده در جمعه نوزدهم مرداد ۱۳۹۷ ساعت 8:9 توسط (قلئی چی مورتوض)  | 2 نظر

اوسته دولانیر.............

اوسته دولانیر.............

اوشاق ایکن ایرحمتدیک قار ننه مین بیزه دانیشدیغی حیکایه لری  هاممیسی ائشیتمه لیدیر امما او ناغیللارین ایچینده (دونیا اوکوز بوینوز اوسته دولانیر) ناغیلی داها منیم دیققتیمی چکمیشدیر؛

کندیمیزده طیییییییی جاماهات خوداد خانا ایشله ییب گونده لیک وئریلن یاوان چوره گیده قورخا قورخا یئییردیلر؛گاهدان اؤز اوشاقلارینی ائولندیرمه اوچون آیلارینان خان سارایینا اؤز توتوب گؤزلمه لی اولوردولار کی بلکه خانین ال آلتیلاری اؤنلارین اوشاق عایله قورماقلارینا ایجازه وئرسینلر؛ائله بو سببدن کند آدامی ایل باشینا خانین جوتون سوروب اکینه جه گین بیچمکلریندن علاوه هر گونده اونون قاباغیندا ایکی قات سالام وئرمه لی اولوردولار؛امما منیم آتام دوره برده یاریم هانپا اولوب اؤزونه ایشله ینده خان دیشین دیشینه قیسیب عایله میزی قیسناغا قویوردو؛ کند آراسی یئنی یئتمه تای توشلار بیج بالالیق ائله ینده هردن اؤزگه نین باغ باغاتینا سوخولوب یئری گلنده قوجا قاری یادا اوجه شیردیلر؛لاپدان اوشاقلار آخشام مال قارانی چولدن گتیرنده کند ساکینلی ایکی گؤزدن علیل کؤروش بابانی قاپیلاریندا کی سکی  اوسته اوتورماغین گؤرنده اوزاقدان ائشه نک آتیب اؤکوز زاد سسی چیخاردیرلارکی اؤز آرالاریندا دئییب گولسونلر؛یازیق کیشی بو صحنه لردن قورخوب حیات یولداشینی سسله ینده اوجادان های سالیردی کی آی آتاش قیزی آی آتاش قیزی کابلا احدین اؤکوزو قارنیمی سوکدو؛ آرواد چوله چیخانا اوشاقلار شیلاق آتیب آرادان چیخارکن گؤز گزدیریب هنده وره باخاندا دئییردی آی کیشی بیراداکی اؤکوز یوخدور؛کؤروش بابا چلینگین یئره تاپداییب قیشقیر باغیر سالاراق دئییردی والله اؤزوم گؤردوم؛گئد گئده بو های کوی کند آراسی یایلاندا خوداد خانین الینه بهانه دوشوب آتاملا حاق حئساب چورتمک ایسته ییردی؛نهایت کی باشیمیزا قاخینج اولان خان نئچه یول داوا دالاشدان سونرا آتامین مال مولکون الیندن آلیب اؤزونده کتدن چیخماق حوکمونو وئریر؛آتام قیشین شاختا بورانیندا ائر بئله واردن الینه گلن یورقان دوشه گینی گؤتوروب قارلی قادالی یوللارا چیخاندا آنامین ال ایاغینی سویوق ویریب او سببدن دونیاسینی دَیشیر؛گؤزون آچاندان اؤز دده بابا سیفراسینین باشینا دیز چوکن آتام شهره گلیب بیزیم گله جه یمیزه بیر گون آغلاماق ایسته ینده اودا آز گئچمه دن دونیاسینی دَیشیر؛بیز اوچ باجی ایکی قارداش حییات داوام ائله ییردئییه چتینلیکلره دؤزه رک اؤز چولوموزو سودان چیخاریب شوکورلرکی اوت اوجاق اولدوق؛بوگونلرده کی عومرومون اللیسینه ایاق قویوب دولتلر آراسی بئله سَرت سانکسییالاری گؤرنده اؤز اؤزومه دئییرم گؤره سن دوغوردانمی دونیا اؤکوز بوینوزو.........................

+ نوشته شده در جمعه دوازدهم مرداد ۱۳۹۷ ساعت 19:57 توسط (قلئی چی مورتوض)  | 2 نظر

ایتگین مزاری..............

ایتگین مزاری................

هر ایل اولدوغو کیمین بو ایلده یای دینجلمک گونلری دئییه آبا اوجاغینا اوز توتوب نوه نتیجه اولاراق آتانین دادلی دوزلو حیکایه لرینی ائشیتمک ایسته ییردیک؛امما نه یازیق کی یوللار یورقونو آتا عومورونون پاییزینی یاشایارکن قولاقلاری آغیر ائشیدیب گوزلریده تودان دوشموشدور؛من عایله نین ایلک ارکویون نوه سی اولاراق هردن آتانی قیلیغینا گیریب سوزه گتیرمک ایسته ینده کیشی نین قاش دوگونلری آچیلمیردی؛نهایت کی بیر گئجه الینده درگی نی اوخویوب ماسا اوستونه قویاندا گؤردوم کدرله نرک اؤز اؤز ایله دئییر؛

بو توپراغین طالعینده نه وار کی سارا  سورو  سرییه لری سوز اوخشاری اولاراق یان یانا دوزلورلر؛آتانی بئله مورگولو گؤروب اوشاقلاری باشیما یغاراق سورغو وئرنده کی نه کدرلنمیسن؛بوغزو توتولان کیمین الین باشینا چکیب بو دونه حیکایه نی بئله باشلادی؛

1325اینجی گونش ایلی قیش ایراده لرینده فارس آدام اؤلدورن محمد ایرضاشاهین قوشونو آستارادان اردبیله دوغرو اوستوموزه یوروش ائله ینده آذاربایجانین میللی حوکومتینی تهلوکه آلتینا آلیب قارلی داغلاری آشاراق اردبیلین هیر نئور کسالا دویوشلرینده الی آفدامات توتان یئرلی جاماهاتی گولله دن گئچیریب خالقین نامیسینادا ال اوزادیردیلار؛بو قانلی دویوش اردبیل بولگه سینی قان چالخایارکن چوخلو فدایی لریمیز شهید اولوب قالانلاریدا ساوالان اتکلرینه قدر دالی چکیلمه لی اولورلار؛بو دویوشکن قوچاقلارین ایچینده سوی کوکو سومرین کندین اولان هازار بئ یین قیزی سرییه آدلی خانیمدا قادین اولماغینا باخمایاراق آفدامات گؤتوروب توپراغیمیزا یوروش ائله ینلرین قاباغیندا قهرمانجاسینا ویریشیردی؛ یئردن گویده باشلارینا گولله یاغان قوچاق فدایی لریمیز اولکه ایستیقالالیتینی قؤروماق اوچون  قاریش قاریش قان وئریب دسته لرینی قورویاندا نهایت کی دؤرد طرفدن قابالانیب(موحاصیره)یئرمی بئش نفره بیر سنکرده اولوم دیریم ساواشینا گیرمه لی اولورلار؛نئچه گون آج با سوسوز دویوشو قاباغا آپاریب آفدامات گولله لری قورتاراندا اؤز یولداشلاریندان بیر نفر جانیندان گئچن فدایی ایسته ییرلر کی دوشمان باشینی قاتیب هله لیک بو تله دن قورتارا بیلسینلر؛

بو آندا سومرینلی سرییه توفنگی قالدیریب توتدوغو سنکردن چوله چیخاندا گیجل یئلی کیمین توزاناق ایچینده دوشمان اوردونوسو گولله یه توتاراق اوجا سسینن دئییر آند اولسون شهیدلرین قانلی کوینه ینه سون نفسیمه قدر سیزینله ویریشاجاغام؛ نهایت گولله سی قورتاریب توفنگی باغرینا باساندا خایین دوشمان گولله سینه توش گلیب اولکه شهیدلر سیراسینا قوشولور؛

؛حیکایه قورتارارکن آتانین گؤزلری دولوب درگیده گی باش یازینین اوستونه بارماق قویاندا گؤردوم یازیلیبدیر کی بیرخالق فدایی سینین ...................   

+ نوشته شده در جمعه پنجم مرداد ۱۳۹۷ ساعت 19:19 توسط (قلئی چی مورتوض)  | نظرات

گؤر با گؤر اؤلو...............

گؤر با گؤر اؤلو..................

بیزیم  بو ترس آوا کندی ایسلام دونیاسی نین بیر پارچاسی اولاراق جاماهاتین یاری سوننو یاری شییه اولدوغلارینا گؤره هردن بیر زادی بهانه ائله ییب قان توکمه ویریشارلار؛ بو دونه  یوخاری باش سوننو عایله سینن اولان گنج خیدیر قولو آشاغی باش شییه عایله سیندن بیر قیزی سئویب اوننان عایله قورماق ایسته ییردی؛ مین بیر چتینلیکلرینن اوزله شن گنج اوغلان اوچ دؤرد ایلین ایچینده نئچه یول کند ایچی سوننو شییه داوا دالاشینا سببکاری اولسایدیدا نهایت کی بیج بالالیغینان قیز عایله سینین ایسته یین بویون اَییب شییه چیلیک اینانجی نی قبول ائله مه ینن ایسته ینه چاتا بیلیر؛عایله قورماق بیله سینه باها قورتاران خیدیر کتده یاشایا بیله جه یین گؤزونه آلیب واقت آشیری شییه لر مچیدینه گلیب جانامازین سویا چکنده یوخاری باش جاماهاتینین قیناغینا معروض قالیردی؛هر ایکی طایفا مچید منبر و قبیرساندیقلاری آییری اولدوغونوگؤره اؤز اینجانلارینا اویغون گونده لیک شرعی ایشلرینه داوام ائله ییردیلر؛لاپدان سوننولر مچیدینده آذان وئریب شییه لر مچیدینده الم گؤتورن خیدیرقولو گئد گئده توره مه سی آرتیب اکینه جک یئر صاحابی اولدوقجا کند ایچینده وارلی کارلی آداملار سیراسینا دوشور؛آلتی یئدی کوره کن و اوغول آتاسی اولان خیدیر بیلدیگیم قارنیمدا دئییه دونه دونه مئشده گئتمه ینن آرواد طایفاسی  نین گؤزوندن یایلیق آسیردی کی من سیزدنم ؛یاشی سَکسه نی اوتن عایله باشجیسی گئچن ایل یای اراده لرینده عومرونو سیزه وئریب دونیاسی نی دییشنده آرواد و اوشاقلارینین سرانجامینان شییه لر قبیرستانیندا باسدیریلیر؛گلیب گئدن  قوناغین ال ایاغی چکیلیب   قیرخی زادی چیخاندان سونرا اؤز یوخاری باش آتابابا آدام نفری وریندن بیر بارماق باسما وصیت نامه سی تاپیلیر کی خیدیر قولو او کاغیذدا یازدیریب  من آتا بابا دینیمنن دونمه میشم؛اودور کی یوخار باش سوننولر ایجماسی بو یازینی الده ائله یندن سونرا گئجه ینن قبیری یاریب اولونو اؤز قبیرستانلاریندا کومله ییرلر؛ایشی بئله گؤرن آشاغی باش شییه جاماهاتی یوروش ائله ییب اولونو قبیردن چیخارداندا منی یوللادیلار شهردن بیر دین خادیمی زاد تاپیب گتیریم؛نم نیشانین دوز گلن کیمین حورمتلی دین خادیمینی بی ادبچیلیکدی اولاغا میندیریب یول اوزونوگله گله صوحبت گئدنده لاپدان آغزیما گلن کیمین سوروشدوم  کی آی آغا شرع موققدس ده بو ایشه نه دئمک اولار؛جانینا قوربان اولدوغوم دین خادیمی دومما گؤزلرینن منه باخیب گولومسه ینده دئدی بونا دئییرلر...............

+ نوشته شده در جمعه بیست و نهم تیر ۱۳۹۷ ساعت 20:2 توسط (قلئی چی مورتوض)  | نظرات

کوره که نی.......................

کوره که نی..............

آی خانیم سالام علیکوم نه عجب بو آخشام ائوده سن؛اشی اللی یول دئمیشم فتقیمین یئللنمه ینه گؤره داها آغیر شئی گؤتوره بیلمیرم گل بو الیمده کی یئر یئمیش نایلونلارینی آل تویوشومو دریم؛

آرواد قاش قاباغینان چیخیب باساغین(پیلله) باشینا بارماغینی بورنونون اوجونا قویاندا آندیرکی قونشولار ائشیدر؛

مین نوصیبتینن ایچری گئچیب پالتاریمی سویوناندا  سوروشدوم به قیز هاردادیر؛

بو دونه گوله گوله دئدی هئچ آداقلی سینا چوله گئدیبلر؛

 باش گؤزومو یوواندان سونرا خان قیزی خؤیلو خانیم دسترخانی سریب دوغراما دوغاسینا چوره گی ازه ازه دئدی اشی سن نه باشی سویوق آدامسان اوغلانین آدام نفری ایزنگ آچمیشدیرلار کی یایین قوتاراجاغی قیزی آپاراجاقلار؛

  دئییرم بیر آز پول پارا وئره سن اوشاقلاری گؤتوروب باش کتدن اوغلانا ایاق قابی اؤزومه ده باش ایرنگینن  توتموش صونعی دیرناق زاد آلیم؛

اؤز کالا کؤتورال دیرناقلاریمی گؤزومون قاباغینا توتوب آغزیم یانان کیمین دئدیم خانیم یانی سن بویوران رایوندا بازارچالاریندا  باش ایرنگی  زاد اولماز کی باش کنده گئدیرسن؛

سیفرانین باشیندان ایاغا دوروب دیل دوداغین گمیره گمیره گؤردوم دئییرکی آخی سنده کیشی سن عایله ده ائله قابیقلی قؤز (گیرده کان)کیمین دیرباخ؛

دؤردونجو قاشیغی دوغادان دؤلدوروب اؤردوما چکنده دئدیم خانیم آخی عایله نین قؤزا  نه داخلی وار؛

سویدوجودان ایکی  تر خیار گتیریب دوغاما دوغرایا دوغرایا علاوه ائله دی آی کیشی بیزیم دری دونیادا بیر قیز و بیر کوره که نیمیز وار من اؤنلارین تویوندا گئیینیب گئچینیب سیندیرماسام هئچ اولار؟

یئمه گی یئییب قاب قاجاغی ییغیشدیراندا وورقولادی کی صاباحلاری ایشدن بیر آز تئز گل کی یئدینجی قونشوموزماه زر خالا اوغلون کسدیریب اؤنون یانینا گئده جه ییک؛

خیلاصه گئجه گئچیب باشیمی یاسدیغا قویاندا آروادین عزیز گیرامی سی اولان کوره که نین شکیلینی تاقچا اوستونده گؤرنده اؤز اؤزومه فیکیرله شیردیم کی منکه ایکی ایل آداقلی قالدیغیمدا بیر یول ایمکان تاپیب آروادین دده ائوینه گئده بیلمه دیم بس بیزیم بو کوره کن .................................؛

خوروز بانی دئییه یوخودان دوروب نامازی زادی قیلاراق قاپیدان چیخاندا آرواد بیر ناخیر نوباسی کیمین یازیلی کاغاذ الیمه وئرنده گؤردوم بیر باشدان یازیب؛

 بئش کیلو قوزو اتی؛ دؤرد بسته ماکارون ؛کیلو یاریم لپه ؛بیر کیلو نوخود؛ اوچ بسته ال کاغاذی؛ ایکی قوطو باش و ایاق قابی یاغی؛ بیردنه ده دنه فیرانسیس مارکالی یئنی ایپار(ادکلن)؛دیرناق توتانی اوستونده؛

قاپینی اؤرتوب یولا دوشنده  دالدان های باسدی کی  ایکی اوچ کیلوودا قارا بادیمجان..............

ایش یئریمه گلیب تزه گلن اؤلولرین سیاهی سینی یووشا(قلم)آلاندا آروادین سوزو بیلمه می توتان کیمین فیکیرله شیردیم کی جانیم عایله نین قوزا نه داخلی اولا بیلر؛

آخشاما یوخون مورده شورخانانی باغلاییب جیبیمده کی پولونان آروادین وئردیگی سیاهی نی وارا وورد ائله یه ائله یه آز چوخدا بازارلیق ائله ییب ائوه گلنده گؤردوم بللی منن قاباق کوره کن نبه نی آلدیریب؛

آرواد تر تله سیک الیمده کیلری آلیب منه محل قویمادان آچدیغی ناغیلین باشینی یاریم قیچ شالوارلیغینان اَییلشمیش کوره که نی چین خیردالایا خیردالایا  بو یان اویانینا گئچیر؛

بیر آز چاغ گئچمه دن قوناغین شرفینه ماسانین اوستونه جوره به جوره یئمک لر دوزوب عایله عوضولری سیفرانی دوشلشدیرنده  منده آروادین قولتوغو آلتینان سوخولوب بیر اوستولو آلتیما چکه رک خیردا خیردا یئمه باشلادیم؛

شام یئییلیب علاوه دن یئمیش(میوه) زاد ماسا اوستونه دوزولنده سوز ماززاقلیغا چکیب آرواد قوناغی آرتیق شنلندیرمه ایچین آتماجالار آتیب بیرلیکده گولوشرکن؛

لاپدان گؤزلریمی کتللی(یاش قابیق) قوزا ذیلله نمیش گؤرنده لوغالانا لوغالانا  الین آتیب یئکه دنه سینی گؤتورنده بیرینجی قابیغینی سویوب منیم قاباغیما قویاندا دئدی بوائوین کیشی سیدیر؛ایکینجی قابیغینی سویوب اؤز قاباغینا قویاندا دئدی بو ائوین قادینی دیر ؛اوچونجو قابیغینی سویوب قیزین قاباغینا قویاندا دئدی بو ائوین اوشاغیدیر قاخلاییب ایچین چیخارداندا ایاغا دوروب اوجا سسینن دئدیم اودا ائوین......................

+ نوشته شده در جمعه بیست و دوم تیر ۱۳۹۷ ساعت 20:45 توسط (قلئی چی مورتوض)  | نظرات

گؤرر....................

گؤرر..............

ایل اوزونو قالایچی مورتوض آراسیرا سیرا کؤت تاپیب ایسلامی حوکومتیمیزین آچدیغی قهبه خانالار یوخ  باغیشلایین چاشدیم سیغه خانالاردان دیرناغی رگلی زاد تاپیب کئف گوذار ائله ینده حییات یولداشی خویلو خانیم ایی بیلن کیمین نئچه یول باش یولوب قاب قاجاق سیندیرما داوالاری دوشنده  بیله سینی نهی از مونکور ایداره لرینه چکیرکی بو ایشین باشیندان چیخارتسین؛ایل اوزونو دونه دونه ایشی نهی از مونکور ایداره سینه دوشن قالایچی مورتوض یول یولاجاغی باشا دوشن کیمین یوخ ایمانیم حاققی دای ائله مه رم دِئییه ضمانت قویمادان اؤزون قورتاریر؛امما  بو دونه خویلو خانیم بیر ساچی قیوریملی سینیان  بیله سینی گؤروب علاوه دن داوالاشما لارینا کوچه جاماهاتینی  یغیشاندا قالایچی ایشینی چاش گؤروب آرادان چیخمالی اولور؛نئچه گون آرالیغدا سفیل سرگردان گزیب بو اولایین آلتیندان قوتاراجاغینا فیکیرله شنده ...........؛خویلوخانیمین شیکایت عرفه سینده بیرگون110 تعجیلی پولوس امکداشلاری  وریندن یاخالانیب اَر آرواد یئدینجی دؤنه مونکورات ایداره سینه گئتمه لی اولورلار؛بو توتوقلانمادا اوزون موباحیثه لر اولدوقچیون تشکیلات باشجیسی شیخ آغا بو دونه قالایچی نی هده له ییب  ضمانت زاد ایسته یین ده مورتوض دا قاباقجادان عملیات ائله ییب چیخاردیغی کیشی لیک یومورتالارینی قولتوق جیبیندن چیخاریب آروادین گؤزونه سوخا سوخا میزین اوستونه قویاندا بوینون اَییب دئییر حاجی آغااااااااااااااا....................   

+ نوشته شده در شنبه شانزدهم تیر ۱۳۹۷ ساعت 11:47 توسط (قلئی چی مورتوض)  | نظرات

دِئیینده..................

دِئییندَه..............

اویناغان جاماهات یئنه یئییب قودوروبلار هااااااااااا؛باش بیلن شیخ آغا یوخ ائله دده ددلیگیمین اوزون گؤرن لیگینن اینقیلابدان بری  ایران ایسلام اولکه سی گوندن گونه اینکیشاف ائله ییب ماخلوغون کئفی سازلاشاندا  بو دونه خیاوانا توکولوب قودورقونلوق ائله ییرلرکی نه وار نه وار گاز؛سو؛برق؛ ارزاق باهالاشیر؛بو نانکورلار دینن دوننان چیخیب  اعتراض آکسی یاسی گئچیرنده یازیق ددده ددلیگیم گئجه لری یاتماییب طییییییی هیجان گئچیریرکی  الله ائله مه میشدن حوکومتیمیز یوخ باغیشلایین چاشدیم سیغه خانا ایرئیس لیگی الیمیزدن .........دریسی یوسما قوجاکیشی ائله قورخوب کی دال قاباقدان چوله گئده بیلمیر؛جانینا قوربان اولدوغوم اوگونلری مانققال اوستونده الی تیتره ییب اوزو قویلو یخیلاندا دوره قونشو زننلری یغیشیب بوغازینا سو زاد توکنده بو قناعته گلدیلر؛طییییییییی دویلت میللت ایشینه قاتیلیب پارتیمیز اولان شیخ آغا قورخوب نئچه گوندور کی منده موم یای زاد ازیب قارنینا یئریدیر کی هئچ اولماسا بیر طرفدن چوله گئده بیلسین؛

نه دئییردیم – هه یادیما دوشدو

قدیم زامان ترس آوا کند ساکینلی اوغرو شیخ علی شیل علی قارداشلاری عاغیل عاغیلا وئریب ؛ گئجه قارانلیغیندا  هئچ کیم بیلمه سین خانین په یه سیندن(طویله) اوچ ایللیک قارا قوچو گتیریب باشین کسه رک قؤورمالیق ائله ینده  خان ایی بیلن کیمین ایکی قارداشی قاندالاییب جازالاندیرماق اوچون طویله سالیب قاپی باجاسینی دارلاییر؛ ال قولو باغلی ایکی قارداش اؤزلرینی باغلی  قاپی آرخاسیندا گؤرنده گاهدان تپیکله شیب شیخ علی اوزون بویوک قارداشا توتوب دئییر وای کوپک اوغلو ددن بئله بئله  سن ائله دین؛گاهداندا شیل علی اؤنو تپیکله ییب عین سوزلری ......................

+ نوشته شده در یکشنبه دهم تیر ۱۳۹۷ ساعت 11:2 توسط (قلئی چی مورتوض)  | نظرات

اولماسیندان......................

اولماسیندان.............

مئشه ده بیر عایله تولکونون دده لری اؤلور؛هر نقدر  دوره بر آغاجلارا اعلامیه زادیاپیشدیرارلار هئچ کس گلمیر؛آخیردا چاراسیز قالیب دال دالا وئررک هره سی بیرطرفدن هنده ورده اولان حیوانلارا موراجعیت ائله یینده؛ قارداشلارین بیری آسلان گؤروب الین دوشونه قویاراق دئییر ای شاهلار شاهی بیز کی سنین  قولاغی داغلی بنده نیک مچیده تشریف بویورویوب منبر یانیندا اوتورارسیز؛آسلان کی گؤتو اوسته اؤتوروب قویروغوینان ملچکلری قاوالیردی لاپدان شیغیر  اوستودونه کی یئری یئری من او توممه تینین زیانکارلیغین بوینوما آلا بیلمه رم؛؛او بیری قارداش گئدیب بیر آیینی گؤررکن آرخالیغینین قولوینان بورون فیرتیغی نی سیله سیله دئییر ای اصل نئجابتده تایی اولمایان دده مین مجلیسینه گله سن؛آیی دا کی آرخاسی اوسته اوزانیب اؤزونو گونه وئرمک دئیدی لاپدان حیرصی توتانلار کیمین یئریندن  دوروب اوستونه جوماراق دئییر یئری یئری من زیربازیرین اوغورلوقلارینا شریک اولا بیلمه رم؛ او بیری قارداش گئدیب بیرچاققاللا راست گلنده باشینا دویه دویه دئییر آی عم اوغلو دده م اولوب یاس توره نینه گله سن؛چاققالدا باشین قالدیریب  بیر اؤنکورمه چالاراق دئییر گئد گئد من او گؤر باگؤرون حیله لرینه قاتیلا بیلمه رم؛ او بیری قارداش دولانیب بیرخوروزا راست گلنده گؤزونون لیلیغین آخیدا آخیدا دئییر آی باشی جیققالی دده مین حوزنونه گله سن؛خوروزدا بو سوزو ائشیدن کیمین ایکی قاناتلارینان قوزانیب قوت قوت قودا؛قوت قوت قودا بونون اوستونه جوماندا دئییر گئد گئد من او گؤر با گؤرون اورشووت خورولوغونا شریک اولا بیلمه رم؛ ؛قارداشلار کور پئشمان قاییدیب اؤلولرینه اوستونه گلنده بالاجا قارداش گئدیب بیر موللایا راست گلنده اللرین گوبه یی اوسته دویوگونله ییب باشین آشاغی سالاراق دئییرکی ای یارانمیشلارین بیرینجیسی دده مین خش خییراتینا گله سن؛موللا تر تله سیک اؤتدوغو سکی نین اوسدن دوروب ایچری گئچنده قال باشیما سو آتیم دِئییرَک عبا عمامه سینی گؤتوروب یولا دوشنده شرعی مسئله اولاراق بیر خیلک جاماهاتدا دالینا دوزولوب تیرلنمیش اؤلونون جاه جالالینان نامازینی قیلیب توپراغا تاپیشیراندا بئله یئدی سینه کیمین هر گئجه مچیده سیفرا زاد ییغیشاندان سونرا منبر چیخیب او ایرحمتدیگین  مومن موسلمانچیلیغیندان؛ اؤروج  توتوب ناماز قیلماسیندان؛ بؤلگه ده گؤردوگو خییره ایشلریندن؛ دوروستکارلیغیندان؛خالقا ال توتماغیندان؛شرعی مسئله لریسینی بیلمه سیندن؛خومس ذکات وئرمه سین؛ناماز جومعه ده حاضیر اولماسیندان؛سوریه دویوشونده ایشتیراک ائلمه یندن ؛ارسیز آروادلاری اؤز حئسابینا زیاراتا آپارماسیندان؛تنگه باجادا نهی از مونکور ائلمه یندن؛امیر که نین ایسیرافیلین قاباغیندا دیرنمه سیندن؛ایللاه کی شیعه ....................

+ نوشته شده در جمعه یکم تیر ۱۳۹۷ ساعت 20:21 توسط (قلئی چی مورتوض)  | نظرات

قارداشلاری.............

الله قبول ائله سین باخ؛ هممشه اولدوغو کیمین بو ماه موبارکیده اوچ دؤرد گون قاباغا گئتمک شرط ایله اؤروج توتوب قارین دؤلوسو ثاواب زاد الده ائله دیک؛ فیطیر بایرامینا اوچ دؤرد گون قالمیشدان کندیمیزین آهیل ساققاللارینان گؤسته ریشی ایله شرعی مسئله اولاراق  کند ائو باشینا فیطریمیز مچیده یغیب اوزاق گؤرن دویلتیمیزین گوشایش  اوجوباتینان دوره برده یوخسول عایله تاپا بیلمه ینده بو قرار گلدیک کی یغدیمیز آرپا بوغدانی معصئمی قوما آپاریب اؤز مرجع تقلیدیمیز اولان شیخ آغانین بیتینه وئریب قاییداق ؛اودور کی بایرام آخشامی من کندیمیز ساوادلی عرضه یازانی ایسکندر هاماش باج اوغلونون ماشی نین راهلاییب یوک یاپی ویراندان سونرا دال دالا وئریب آخشامی چاغی یولا دوشدوک؛ لاققا تاق گئد ها گئد صوبح آذان هکبرده  موققدس قم شهرینه یئتیشیب عالیملر  عالیمی کاتیب لر کاتیبی جانینا قوربان اولدوغوم باشی یئکه شیخ آغانین قاپیسینی سوراغلاییب تاپاندان سونرا جاماهات  سیخلیغی اولاراق هر کس اؤز عایله خرجینن بیر عیدده دمیردن دکل دن؛ بیر عیدده نئفت دولاردان ؛بیر عیدده جیرینگی پول؛بیر عیدده مال قارا ؛بیر عیدده قویون قوزو؛بیر عیدده سوغان یئر آلماسی ؛گتیریب شرعی مسئله اولاراق بوروجونو اوده مک ایسته ینده بیر اوندا گوردوم  نئچه باش بوغو قیرخیلی اوچ دؤرد قیللی قابانی(دؤنگوز) یئدکله ییب ایچری یه گئچیرتمک ایسته ییرلر؛خیلک داوا دالاشدان سونرا  بللی اولدو کی بیزیم ایسلامی حوکومتیمیز امکداشلیغی ائله دیگی ائرمنی...................

+ نوشته شده در جمعه بیست و پنجم خرداد ۱۳۹۷ ساعت 20:23 توسط (قلئی چی مورتوض)  | نظرات

مچیدیمیزده....................


آلو آی آلو

اؤروج عمی سنن

نه ائلیرن نه خبر اتر

نه عجب زنگ ویرمیشان

اوشاقلار

سنین کوچوگون

من اؤزوم

سنین ایتین

آرواد

یالقوزک جانیم یالقوزک

کتده نه خبر اولاجاق

ایت هورور

خوروز بانلیر

اِئششک آنقیریر...............

+ نوشته شده در جمعه هجدهم خرداد ۱۳۹۷ ساعت 20:25 توسط (قلئی چی مورتوض)  | نظرات

حوکومتیمیزدن............

حوکومتیمیزدن................

یای گونلرینین بیرینده یول قیراغی مال اؤتاریردیم؛لاپدان گؤردوم؛ اوشاقلیق یولداشیم اصلی سوی کوکو ترس آوادان اولان باش کند ساکینلی  قوربانعلی ماشینی ساخلاییب قالایچی سن سن دِئییه یانیما گلدی؛اوپوش گؤروشدن سونرا تر تله سیک اؤت قالاییب قفدانی اوستونه قویاندا یان یانا وئریب داغ دره دن دانیشاندا بیردن عاغلیما گلن کیمین سوروشدوم اشی باش کتده نه خبر؛دوردو  بیر باهالی سیکارئتی ماشیندان گتیریب اوجاق اوتوندا آلیشدیرا آلیشدیرا دئدی نه خبر اولاجاق باش کند یئنه قاریشیب؛

1-شیخ آغا یولداشلارینان بورکون آغاج باشینا گئچیریب قاچماغا یئر  طلب ائله ییرلر

2-ایش سیزلر بوش سیفرانی آغاج باشینا گئچیردیب ایش طلب ائله ییرلر

3-دول قادینلار تومانی آغاج باشینا گئچیردیب  ار طلب ائله ییرلر

4-سویو اولمایانلار آفدافانی آغاج باشینا گئچیریب سو طلب ائله ییرلر

5-ایاق یالینلار جیریق باشماغی آغاج باشینا گئچیریب ایاق قابی طلب ائله ییرلر

6-سوروجولر ماشینی آغاج باشینا گئچیریب یاناجاق(بنزین)طلب ائله ییرلر

7-حامامچی لارفیته نی آغاج باشینا گئچیریب  واجیبی طلب ائله ییرلر

8-موتال باسانلار موتالی آغاج باشینا گئچیریب دوز طلب ائله ییرلر

9-دده سی اولنلر کفنی آغاج باشینا گئچیریب قیسطی قبیر طلب ائله ییرلر

10-یولچولار دوگو چانتاسین آغاج باشینا گئچیریب گؤت لرینه سورمه یه وازلیین طلب ائله ییرلر

قوربانعلی سوزو اوزادان کیمین بیر کهلیک اوتو چای بیله سینه سوزوب باشیمی تؤلایاراق یادیما بیر حیکایه دوشدو؛

آخی بیلیرسیز قاباقلار بیر یول حنیفه دایی چرچی اولاراق ائششه ینن بیزیم کنده گلیب ور وسایطین مچیدین قاباغیندا آچاندا؛منیم کیمین عاغیلدان شیرین نیفتیش اوغلو زوربالی هئی گلیب دورتولور کی او خرمادان ایکی دنه وئر منه

حنیفه دایی زارا گلن کیمین آغاجی گؤتوروب هله سیفته ائله مه میشم دئییه بونو اوزاقلاشدیراندا زوربالی دا آجیغیندان گؤزه گؤز ائله ییب یاواججالی چرچی نین ائششه ینی قولتوغونا ویریب دال باساقدان (نردووان) مچیدین دامینا چیخاراراق اوزده آرادان چیخیر؛ب. دونه ده آل وئری توتان حنیفه دایی گولگه ساللانانا کیمین ساتیشین ائله یین علاوه دن وسایطی نی یغیب  بی ادبچیلکدی اولاغین سوراغینی توتاندا بیر اؤندا گؤرور کی مچیدین دامیندادیر؛یازیق کیشی ال ایاغین داغیدیب کند جاماهاتی یغیشیب معلوم اولاندا کی زوربالی لاپدان گول بیکه خالا یئیریب قاباغا ساغ الینن دامدا اوزون قولاغی گوستره گوستره  اوجا سسینن دئییر بس بونو کیم اندیره جک............................

+ نوشته شده در شنبه دوازدهم خرداد ۱۳۹۷ ساعت 11:5 توسط (قلئی چی مورتوض)  | نظرات

ول اوزونو............

یول اوزونو............

&اشد آغا گلدین؛ چوخ یاتئیسان داینان

&دئییرم سن قار ننه مین باش قال ائله من میس قازانجانی گوتوروب  بوروغو دونک

 &کوهنه شیلنگ کوهنه دنپایی کوهنه قاب قاجاغی اولان

&آی مئشه ماحمود قال قال میس نئجه دیر  

&من مویتاتدان بیر شئی آلمیرام آپارین حاجی واهابا

&هه یاخجی ؛یولا دوشدوک

&آی اشد آغا دئییرم خالقین تپ تزه سوغان یئرآلماسی

توکولوب آمماردا قالئی نَسه منیم بو کوهنه فاطما باجیما گونده

اؤن یئردن موشتری تاپیلئ

&ماخلوق نئینه سین  یئنی تحریماتدان قورخوب ایشین ائحتیاطلی گؤریدی داااا

&یوخ داینان آخی تحریماتین باجیما نه داخلی وار

&اشی نئجه نه داخلی وار صاباحالاری لیمان سرحد باغلانیب بی

ادبچیلیکدی دورقوزما درمانی گلمه سه  کیشی لرین.............................

&بیرا باخ گؤروم تحریمات یانی نمنه

&ائله بیل قافان ایشله میرهاااااااااااا

& گؤرمورسن بو آدام اوخشاماز ترامپئت یئنی دن ایسلامی

حوکومتیمیز هده له مه یه باشلاییب

&خوب هده له سین آخیری نه اولاجاق

&په بونا باخ هاااااااااااا

&اشی الله ائله مه میشدن ایسلامی حوکومتیمیز باشینا بیر گلسه

&نه اولاجاق

&تیرگه ییمیز قاباغی...............

&گولاب ایچئی کوپوی اوغلو ترامپ سیخ سانجاغی گوزونه سوخارام

&مین نوصیبتینن اینقلاب ائله میشیک

&دئییرم اشد آغا فاطما باجیما بیر یاخشی موشتری تاپیلسیدی هااااااااااااااااا  

&اؤزوموزو قاییراردیق......................


+ نوشته شده در جمعه چهارم خرداد ۱۳۹۷ ساعت 19:42 توسط (قلئی چی مورتوض)  | نظرات

آغدیر...........

9-آغدیر...............

آتامین بازار آغزیندا یئدی توکانی و هوندور مرتبه لی بیناسی اولسایدیدا اؤز الین تری زحمتینه قازانیب شهرده اؤزونه اعتبار قازانمیشدیر؛عایله ده اوچ باجی بیر قارداش اولاد اولاراق آنام هله یئنی یئتمه چاغلاریمدان  چالیشیردی کی عمیم اوشاقلارینا رغما منده درس اوخویوب عالی تحصیللی اولا بیلیم؛ایلک و اؤرتا صینیف لریمی دویلتین حسابینا اوخوسامدا آتام اؤز جیبینین حئسابینا معللیمه گؤروب واقت به واقت درس مشق گئدیشاتیمین اینکیشاف ائلمه گینی  ایسته ییردی؛بیر آز چتین لیک چکسم ده  ایلک تحصیلاتیمی قورتاریب بودؤنه عایله مین حسابینا تحصیلیمین داوامی اولاراق ایقتیصادیات کورسون اوزره قبول اولونوب اوزاق شهرلرین بیرینده  اؤنوئرسته یه داخیل اولدوم؛گئد گئده عالیه تحصیل موحیطیینن تانیش اولوب درسیمی داوام ائله ینده عایله نین ایراق بیر دلی قانلی اویرنجی کیمین هنده وریمده اولان یولداشلاراقوشولوب تعطیلات گونلری یاتاق خانالاردا اَیلنجه قوروب شننلنمک ایسته ینده گئد گئده  اؤزومو بیلمه دن  نارکوتیک مادده نین دادی داماغیما چیخیردی؛لاپدان چکیب نعشه اولاندا داغی داغ اوستونه قویوب آتامین بیر هوندور بیناسی اوچ ائلمک ایسته ییرم؛امما نه یازیق کی آنامین دالیمیجان آتدیغی بیر کاسا دوروسویو باشیمدا سئل اولوب وارلیغیمی آپارماق ایسته ییردی؛بئله لیک له تحصیلین سونو چاتیب عالیه تحصیل موحیطتینده ایمتحان گونلرینه حاضیرلیق ایشلری آپاریلیب هفته نین ایلک گونو اوچ یوز نفرلیک بیز زالدا طییییی اوشاقلار اؤز ایمتحانلارین دوزگون یازیب  سووالاری جاوابلاریندا نعشه واقتیمین اولمادیغیندان منه وئریلن سوال برگه لرینی تئز تئز قارالاییب ایاغیمین آلتینا توکنده اوستادلارین بیری یاخین گلیب الین چینیمه قویاندا آجی گولومسه ییب دئدی اوغلوم گئچمیش حییات برگه لرین قارالانمیشسادا گله جک عومورونون برگه لری..........................

+ نوشته شده در جمعه بیست و هشتم اردیبهشت ۱۳۹۷ ساعت 20:27 توسط (قلئی چی مورتوض)  | نظرات

اولمالیدیر...........

اؤلمالیدیر.............

طریش دئییردی آتام 1326اینجی گونش ایلی  فدایی باشجیسی اولدوغیچون شاهین زاوالینا گلیب اولکه شهیدلر سیراسینا قوشولاندا وار یوخوموزدا تالاییب آپارمیشدیرلار؛معشیت دوروموموزون گرگین آنلاریندا آنام تک باشینا دؤرد قیزاوشاغی نین قارین دویورماق اوچون منی یئنی یئتمه چاغلاریمدان قونشو کند اولان بیر هانپا مولکه دارین یانیندا نوکر قویدو؛گئدیگیم عایله آغیر حشم و مال قاراچی اولدوقلارینا گؤره گوجوم چاتمایان آغیر ایشلرینی منه اؤتوروب ایلده  بیر یولدا اولسا باشی کسیک آنا باجیلاریما باش ویرا بیلمیردیم؛؛نوکر قالدیغیم ائو آغیر عایله اولاراق مال قارا اؤتارماق توتموش گلن قوناقلارا کیمین قوللوق ائله مه لی اولوردوم؛گئد گئده بو ائوین اوشاق بویوگونون حال خویون اله گتیررک هانپانین اؤرتانجیل قیزی  بزکلی فاطماینان اونسییت قورا بیلمیشدیم؛هردن باغ باغچادا  بیربیریمیزه راست گلیب سئویشنده لاپدان قیز آناسی نین های هارایی کئفیمیزی پوزوردو؛گونوزلر مال اوتاردیغیم داغ دره نین اوشقون گوللری یادیما بزکلی فاطمانین آل یاناقلارینی سالانداگوی قورشاغینا مینیب گله جکده بؤر بؤیاقلی آنلاری یاشاماق ایسته ییردیم؛من بیر نوکر کیمین آغانین قیزینی ایسته ییمه سَرت یاناشیب بو ایشین باش توتماسینا اینانا بیلمیردیم؛دوره بردن آخین ائله ییب گلن وارلی کارلی ائلچی لر منیم اوره ییمدن گئچنلردن خبرسیز اولدوغلارینا عومورلوک ایلک عشقیمی مندن آییرماق ایسته ییردیلر؛آتالاردئمیشکن زامانین ترس اوزو دوننده ایکی شیلله نی بیر اوزه ویرار دِئییه سون ایللرده آنامین آغیرخسته لیگی اؤلومونه سبب اولاندا؛ فاطما دالینجا گله رم دِئییه اوچ دؤرد ایل ائولرینده  دوز چورک کسدیگیم عایله ینن حالال لاشیب یئتیم باجیلاریمین باشی اوستونه قاییتمالی اولدوم؛بیر ایکی ایلده بئلن چیلیک حییاتینان وَر گئدنده بیر گون خبر گلدی کی فاطمانی اره وئریبلر؛فله یین چارخی دولانارکن منده ائوله نیب نئچه اوشاق آتاسی اولاندان بئله یاشایشیمدا هیچ وارلیق فاطما گؤزلیگی کیمین اورک بوشلوغومو دؤلدورا بیلمه دی؛ایللر اؤتوب بیر یول عایله م له بیرگه ساوالان اته یی دِئییه ایستی سولارا یولوموز دوشنده؛یای گونلرینده قوردوموز چادیرین ساغ طرفینده اولان عایله دن تانیش بیر سس منی گئچمیشیمه قایتاراندا ایتیگینی آخداران کیمین اوزاقدان بیر نوه نتیجه لی آهیل قادینی گؤررکن اوره ییمدن خبر گلدی کی بو بزکلی فاطما..........................

+ نوشته شده در جمعه بیست و یکم اردیبهشت ۱۳۹۷ ساعت 19:50 توسط (قلئی چی مورتوض)  | نظرات

-اولموشوقداااا ...........

-اولموشوقداااا ...........

شعبان آینین اؤن بئشینه بیرایکی گون قالمیش مچیدیمیزین سس آپاراتلاری ایشه دوشوب بار بار باغیراندا ماخلوغو بیر طنطنه لی شادلیغا چاغیریب بواَیلنجه گونونه حاضیرلیق ایشله ری آپاریردیلار؛گئچن آخشام جاماهات یغیشیب شادیانه لیک ائله ینده خان قیزی خؤیلو خانیمی قیلیغیما گیردی کی آی کیشی سنده بیر یومور یازیچیسی کیمین توپلانتی یا قاتیل بلکه آلتین پارا(سکه)زاد الده ائله دین ؛آروادین سوزون یئره سالانی دئم ایلانی ویرار دِئییه  دوروب دوققوز قات نیسیه دفتری قولتوغومدا مچیدی ساری یونله دیم ؛ایچری گئچیب قاپی آغزیندا اؤتورماق ایسته ینده ایمان عزیزدیر بیله می منبرین دیبینه موشایت ائله ییب قاباغیما میوه شیره سی قاریشیق یاغلی کوکه سی قویاندا منده باشیمنان ساغ سولومدا اؤتورانلاردان حال سوروشارکن  خیردا خیردا یئمه یه باشلادیم؛باش کددن گلن ایزحمتکش محصوللاریمیز بیر به بیر چیخیش ائله ییب هره سی قوچو نیظامین لوبناندا سوریادا یمن ده الده ائله دیکلری نایلییتلردن دانیشارکن نهایت کی بیله می تریبونا چاغیردیلار؛منده چیخیب عاغیلیما و آغریما گله نی دانیشیب جاماهاتی گولدورنده دوشمانلاریمیز خوش دانیشیغیمی گؤروب آرانی قاتماق ایسته ینده لاپدان خویلو خانیم شبیستانین تاختاسینی سیکه له ییرک مچیدی آلدی باشینا کی موحترم محصوللاریمیز بیز ترس آوا کندی نین جاماهاتی سیزدن  چوخ ایراضییق اونا گؤره کی کوچه میزین آدینی سوریه دن گلن یئنی شهید آدینان عوضله ییب بو شیطان کرخانسی تلگیرامیدا باغلاماغا نایل اولدودونوز؛ بویوک باش اؤغورلاریندا یئرین دَییشدیز؛یوخسول عایله لرین کسیلمه میش اوغلان اوشاقلارینی قیسطی کسیدیریب موسلمان ائله دیز؛

خان قیزینین هایی قورتاریب  منده علاوه دن جاماهاتا خوش اوقات یاراداراق  اؤتورماق ایسته ینده لاپدان اؤرت باسدیرماحالی نین موعتبرم شیخ آغاسی بیله مه یوخونلاشیب الین چینیمه قویاراق گؤزلری گوله گوله نَسَه دئمک ایسته ینده ؛منده آلتدان یوخاری  باخیب بیله سینه دئدیم حاجی آغا اورومو گؤلو قورویاندان بئله دوزلو.......................   

  

+ نوشته شده در جمعه چهاردهم اردیبهشت ۱۳۹۷ ساعت 21:9 توسط (قلئی چی مورتوض)  | نظرات

واررررررررررر................

1-یئمکدن دویمور

2-دانیشماقدان یورولمور

3-ائل طایفا  ایچینه داوا سالیر

4- قونشولارین آشینا سو قاتیر

5-منن کسن پارانی باجیلارینین حسابینا یاتیردیر

6- اؤتوردوغو یئرین دده سینه وئرمیر

7-دیلیمنن دیلچک چیخاردیر

8-هاممی نی اؤزونه بورجلو بیلیر

9-سیخ سانجاغیما مالیات کسیر

10-اؤستوراندا یئره قانشار دورور

11-تویدا اوستورانی بوشلاییب گوله نی یاخالیر

12-بیله می قالای سیز قازاندا چیمیزدیریر

13-منبره چیخاندا آغزینا گله نی دانیشیر

14- ساخسی پاراسینان سوموگومو سورتور

15-اؤز دیلیمی دانیشاندا اوزومه توپورور

16-بوینوزو چاتان یئری قاشیمیر

17-سالام وئرمه یینه دولاشیر

18-یالان وئریر دوغرو آلیر

19-ارکک گئچی دن سوت ساغیر

20-توسباغایا مینیب کوهله نی قامجی لیر

21-دانیشانین جه جیمین جیریر

22-یئری گلنده جَرَه قیریر

23-ایشی نین آشارینا دانیشیر

24-قارقوش ائله ینده یاخاسین دیدیر

25-یاتاق اوتاغیما گؤزتچی آپاراتی قوشور

26-یئمه ییمه ایشلتمه توکور

27-دابانیمین چاتینا ایستی قیر توکور

28-گونده سکگیز یول الین جیبیمه سوخور

29- ائرمنی یه دایی دئییر

30.......................................................

دئییرم بیزیم ائو آدامی نان ایسلامی حوکومتیمیزین نه اوخشارلیغی........................

+ نوشته شده در جمعه هفتم اردیبهشت ۱۳۹۷ ساعت 18:18 توسط (قلئی چی مورتوض)  | نظرات

رادیو بیزیم کتده ......................

ایرادیو بیزیم کدده..................

دده بابا خوناخامیز دیش قویان نورعلی بو دؤنه کنده گلنده اوزوینن بیرسکگیزقووه لی ایرادیول گتیرمیشدیر؛گئجه طییییییییی کندین جاماهاتی اؤتورماغی ماهنا ائله ییب ایرادیولون سسینه قولاق آسماغا گلنده اؤزلرینین بیرقاب کشمیش و یاخود گیرده کان زاد گتیریردیلرکی بو عجایب قوطوسوندا گیریب دانیشان کیمسه لری تانییب سوزلرینه قاتیلسینلار؛شرعییاتدا اولان اؤزگه کیشی لرین سسی کند قادینلارین قولاغینا دَیمز دئییه بو یغیناجاقدان اوزاقدا قالسالاردا گاهدان کیشی لرین گؤزلرین اؤغورلاییب دووار آرخاسینا توپلاشیب اوزلرینی یاشماق یایلیغینان توتسالاردا هردن ایرادیودان گلن سسلری آلیب گولوشه رک بیر بیرلرینین پایلاشاندا نه بیلیم بیری دئییردی بو سس منیم ایرحمتدیک بابامین سسینه اوخشاییر؛نورعلی کیشی  گلن گوندن ائویمیزین در دوواری کوهنه ایمامزاددا کیمین آروادلارین قولاق دایادیغی یئری اولاندا بیر گون قونشوموزچولاق اژدر  داناسینی سوری یه سوری یه گتیردی کی آی نورعلی سن بو قوطوداکی یولداشلاریندان سوروش کی منیم دانام ناواقت دوغاجاق؛صاباحی سی گون سیمایه خالا فئریگینی گتیردی کی بو ناوقت یومورتدایاجاق؛نئچه گوندن سونرا  آت باسدیران علی گلدی کی مایدانیم بالادان چیخیر؛خولاصه هفته بویو قاپیمیز دلیک داش ایمامزاداسی کیمین ماخلوقون یوروش ائله دی گی مکانی اولسادا اوزوموزه گلن جمعه آخشامی ترس اوا کاتداسی نین بویوروقوینان ددم  بیر ائرکج تکه کسیب دوره بر قونشولاری چاغیراراق ائویمیزده نورعلی و اونون ایرادیول دا دانیشان قوناقلارینا سیفیرا آچیب جاماهات یئمه یه باشلایاندا لاپدان ننه لیگیم پرده آرخاسیندان چیخیب شیشیک قولونو نورعلی کیشی یه اوزاداندا اوجا سسینن دئدی کی بونلارین چاتداقدان باشی چیخار.........................  

+ نوشته شده در جمعه سی و یکم فروردین ۱۳۹۷ ساعت 18:27 توسط (قلئی چی مورتوض)  | نظرات

3- خویدوده..............

 خویدوده

ghiasabadi.com/xwedodah.html

نئچه واقتیدی باش قولاغیمی توک باسماغینا گؤره ائوده خؤیلو خانیم بیله می هایا باسدیرکی گئد باشیوی باش گؤزو قیرخدیر؛دای منده آرواد سوزوندن چیخان داش اولار دِئییه دونن آخشام دللک پوهروزون توکانینا گئدیب نوبات گؤزله مه دئییه ال آتیب قارشیدا ماسا اوستونده کی درگینی بیریسینی گؤتوررکن(مجله) بئله بیر یازی اوخودوم؛جنوب حیصصه سی اولاراق میرجاوه چاه باهار بؤلگه سینده بیر مال قاراچی خیلک پول خشله ییب اوزاق  ماحالدان بیر ارکک گامیش گتیریب  اؤزدیشی گامیشینی بهره لندیرمک ایسته ینده اَرکک گامیش یوخونلوق ائله ینده اییندن بیلیرکی اؤز توره مه سینده دیر؛هر حالدا مایا توتماق ایسته کیمسه خشلدیگی پارانی برباد وضعیتده گؤرنده دیشی گامیشی آپاریب اوستو باشینا لئهمه پالچیق زاد یاخاندان سونرا علاوه دن بیربیرلرینه یوخونلاشدیراندا ارکک قالخیب ایشین بیتیرن حالدا بیرآن باشا دوشور کی بو دیشی گامیش ائله اول کی اؤز توره مه سیندن دیر؛ اورادا یوروش ائله ییب صاحابینی بوینوز آلتیندا دیدر بایراق ائله ینده نئچه کیمسه یده خسارت یئتیریب نهایت کی اؤزونده بیرا اورا چیرپیب اؤلدورور؛بو حیکایه منه عجب گلن کیمین باشیمی قیرخدیریب یولومون آغیزیندا گوده قاسیمین قهوه سینه باش ویراندا گؤردوم طییییییییی کند جاماهاتی اؤتوروب تلویزیادا کوروش قبیری دِئییه پاسارگاد زیاراتینا گئدن ماشین سیغلیغی اولارکن کروانلارین یولو باغلاناندا چوخلو جاماهات اَنیب اوزو قویلو سورونه سورونه داش قالاغا یوخونلاشیب اؤزلرین در دووارا سورتنده لاپدان خال اوغلوم اینصافعلی دوروب منی سسله ینده الین ماسانین اوستونه ویریب اوجادا باغیردی کی قالایچی مورتوض هامی دیسکیننده منده سس وئردیم کی.......................

_______________________

مال قارا جینسیندن اولان ارکک گامیش لاریئدی نسیل اؤز توره مه لرینه یوخونلوق ائلمزلر

+ نوشته شده در شنبه بیست و پنجم فروردین ۱۳۹۷ ساعت 20:21 توسط (قلئی چی مورتوض)  | نظرات

ساییلیردی..............................

ساییلیردی     

ماخسودونان ساناز بیر محلده یاشادیقلارینا گؤره بویا باشا چاتاراق گنج یاشلاریندان بیربیرلرینن سئویشیب تحصیل واقتینی بیتیرن جوتلوک ایشه دوشندن بئله نهایت کی آداقلانیب گؤزو آچیقلیغینان توی ائله ییب یاخا بیریاشاماغا باشلاییرلار؛بئش آلتی آی گئچمه دن دئییه گوله قوردوقلار حیات آل بویاغینی ایتیریب آرالاریندا سرینلیک یارانیر؛ گئد گئده سوزلری آلچا اوجا گلن کیمین یئدی آیین گلینی  حییات یولداشینی اونا گلین گؤردی یئنی نومره لی ماشینی گؤتوروب ائودن چیخاراق محکمه یه موراجعیت ائله ییب  ایلکن قرار کسدیکلری ایکی مین دنه آلتون سیککه لی کبینی ایجارایا قویوب شرعی حاققینی حیات یولداشیندان طلب ائله ینده اوغلانین الینین بوش اولدوغوندا زیندانا دوشمه لی اولور؛محبوسلوق حیاتین آجی آغریلارین یاشادان ماخسود بو اولایدان اوره یی درده گله رک گؤتوروب حیات یولداشینا بیر حیکایه یازمالی اولور؛

عزیزیم.........................

ایرحمتدیک قار ننه م دِئییردی عایله میزین کاسیب اولدوغوندا آتام آلتی آیینان گئدیب قاطار یولوندا ایشله ییردی؛علاوه ائله ییردی یئنی یئتمه اولماغیما باخمایاراق بیرگون سیرا داغلار آرخاسی بیر کددن بیزه قوناق گلنده اورتانجیل داییمین خانیمی گلیب منی گؤتوروب ائولرینه آپارمالی اولدو؛او ایرحمتدیک بو سوزلری دانیشاندا آند ماند ائله ییردی کی والله هیچ باشا دوشمه دیم کی ائویمیزه گلن قوناق منی بویوک بابامنان ائلچی لیک ائله ییب اؤز سون بئشیک اوغلانلارینا آداقلاماق ایسته ییرلر؛بویوک بابامدا ایشی بئله گؤرنده گئجه دوره بر کندین آق ساققاللارین چاغیریب دِءدانیشیق ائله یندن سونرا گئجه یاریسی نئچه آق بیرچک خانیمین موشایتینن اوغلان ائویننن گلن قادینلارین نئچه سی داییم گیله گلیب باشیما آل دوواق و بارماغیما اوزوک تاخاندا یئنه نه اولاجاغینی باشا دوشمه دیم؛ایل یاریم آداقلی قالاندان سونرا آنجاق کی عایله لریمیزی قویدوقلاری واقت وعده باشا چاتیب  دؤشان ایلی دِئییه یازین قوتاران گونلرینده کند آراسی ائویمیزده خینا یاخدی اولونوب گلین چیخاراق منی آتا میندیریب اوغلان آدامینین موشایتینن  قایین آتامین ائوینه گتیردیلر؛بیر ایکی گون توی مراسیمی قورولوب چال چاغیردان سونرا نهایت کی بیر گئجه من نن اوزونو گؤرمه دیگیم حییات یولداشیمی بیر دامدا تک قویوب اورادا باشا دوشدوم کی  یئنی بیرحیات باشلامالی اولموشام؛سوزونون داوامیندا آرتیریردی کی من بیر یئنی یئتمه تزه گلین اولاراق آغزی یاشماقلی دؤرد بالدیز و آلتی قایین آروادینین ایچینده یاشاییب باش چیخارتمالی اولاجاغام؛قارننه م عومرونون قوجا واقتلاریندا بو حیکایه نی دانیشاندا علاوه ائله ییردی کی اوچ دورد ایلینن بویوب باشا چاتدیغیم دده بابا عایله منن خبرسیز اولارکن اولوب ایته نیم ننده خبرسیز قالیردیم؛امما من گؤردوم قارننه او سَرت حیاتی وار گوجوینن یاشاییب اؤن بیر اوشاق؛ اؤتوز ایکی نوه؛ دوققوز نتیجه و اوچ دنه کؤتوکجه گؤروب عومور پایینی سوروب حاققا قووشاندا آغیر بیر توره مه نین باشجیسی و آق بیرچه یی...........................

+ نوشته شده در جمعه هفدهم فروردین ۱۳۹۷ ساعت 18:44 توسط (قلئی چی مورتوض)  | نظرات

دریسینی.....................

1-دریسینی..................

نئچه ایللریدی شهره کوچمه ییمیزه باخمایاراق هر ایل اولدوغو کیمین بو ایلده آرواد اوشاغی گؤتوروب بایرام گونلری کنده اوز توتاندا باغ باغچا آرخینی چیخاریب دام دئشین جیریق چاتداغینا باخاندا لاپدان باش کددن خالام اری ایسگندر ایزنگ آچیب دیل دوداق آراسی آندیردی  کی قالایچی مورتوض اؤزوی تئز یئتیر کی جانینا قوربان اولدوغوم اولکه باشجیسی یوخ باغیشلایین چاشدیم طایفامیزین مودوروک و ایروزو برکتلی آق ساققالی شیخ آغا خسته له نیب یورقان دوشه یین باتیریر؛نه ائلمک اولار دده ددلیگیمدیردِئییه ایشلریمی یاریدا قویوب ته به ایاق  شهره دؤننده جانِ بی نفس اؤزومو یئتیریب قاپیلاریندا انن کیمین باش گوزومه ویرا ویرا ایچری گیریب آی آغا سنه گلدی باش طرفینده یئر آلدیم؛دوره بر ایداره جات محصوللاری یوخ جانیم؛ قؤروم قونشو زننلری هره سی بیر تعبیر توکنده الدن بیر تعجیلی یاردیم ماشینی چاغیریب خسته خانایا یئتیرنده جاماهات سیخلیغی اولماغینا باخمایاراق  دالیما آلارکن نوباتسیزحکیمین اوتاغینا گئچریب پرده آرخاسینداکی تاخدا کی اوزاتدیم؛ایمان عزیزدی  طیب باجیلاری دوره له ییب خسته میزین حالینی چاش گؤرن کیمین باش گؤتون توتاندا منده ال ایاغا قالیب اوچ دؤرد یول الیمنن گوستره گوستره دئدیم آقای دوکتور ددده ددلیگیم –ددده ددلیگیم –اودا ایمان عزیزدی سوزومو یئره سالمادان دوردی مایناتدان گئچریب بیر توخداییجی ایینه نی گؤزونون قاباغیندا دولدوروب خسته میزین یانچاغینا سورته له یرک گئچمه ینده یازیق یازیق منه باخیب دئیینده کی جانیم شیخ آغانین گونو قالینلاشیب ؛بیر اوندا گؤردوم مرفش باجیم  ال  آتدی گیژگینلرینه کی الله ائولرین یخسین دده مین دریسی سوغان قابیغیندادا نازیکدی باخ جومهور باشقانی اولاندان  ماخلوق جَندَه یینه دئییب .....................

           

+ نوشته شده در جمعه دهم فروردین ۱۳۹۷ ساعت 21:26 توسط (قلئی چی مورتوض)  | نظرات

قالیر....................

- قالیر...........

اوولدن دئییبلر کی خان اوغلان دایی سینا چکر؛اشی من کددلیگیمنن قافامی ایشه سالیب آت ائششه یی ساتارکن بیر چاینا مارکالی مینی بوس آلیب وئرمیشم بو هاماش باج اوغلونون الینه بودا گؤزونه دوندوگوم سیخ سانجاغا دوشندن دوروب ماشینی خوددامیر کی بایرامی قاباغی  بئش اوچ تومن چیخاریب الیمه قویسون؛آخساق قیچینان  بو ایل کی یئل چرشنبه سیندن  باشلاییب اؤزوم ماشینین یاغینا سویونا باخیب باج اوغلونا شاگیردلیک ائلمه یینن ترس جاهاتینا خدمات ایرسانلیق ائله ییب گونده لیک قوروم قونشو زننلرینین تاپیشیریق اولاراق پاچا بئزیندن توتموش باش خیناسی قَدَر آلیب گتیرنده اوزاق یولدان گلن فهله لری ده عایله لرینه چاتدیریریق؛هرگون سحر تئزدن ماشین خوتداییب شهره گئدنده اؤرتا یاش مَرفش خانیم تویوش ویرا ویرا اوزون ماشینا یئتیریب اوزاق یولدا گلن حییات یولداشی ایسم اله کیشی نی ناواقت گتیرمه ییمیزی سوراندا منده باشیمانان گلر اینشاله دئییه ماشینین قاپیسی نی اؤتوروب یولا دوشوروک تا اینکه بایرامنان اوچ دؤردگون گئتمیش بیر گون شهره واراندا ماشین دایاناجاق یئرینده لاپدان جین کیمین ایسم اله کیشی ساغ الینده  تلیس و چینیننده چانتاسی نان بیله مه یوخونلاشارکن خوسانلاشاندان (کئف احوال)ائله ییب کنده گئدیرسیز سوراندا منده بو اوز اوزوندن اوپوپ اوره ییمده دئدیم سن اولمه یسن آلتی آیین قیسیری مرفش خانیمان موشتولوق آلاجاغام؛اودور سحرتئزدن شهره گتیردیگیمیز قؤروم قونشونو بیربه بیر فیشقالاییب ماشینا یغاندا ال سرسوقاتلی ایسم اله کیشی نی ایراننده نین دال صندلی سینه اوتوردوب یولا دوشدوک؛گون داغ آرخاسینا اَنمه میش بیزده یئتیشیب تنگه ده کد جاماهاتی ماشینی دوره لیینده قاشی سورمه لی مرفش اویاندان تاپیلیب سئوینه سئوینه  اری نین باشی باغلی تلیسی نی گؤتوروب یولا دوشنده دالدان چاغیردیم آی مرفش باجی بایرامینیز موبارک؛ساغ الینن قاباقجا گئدن حییات یولداشینی گوسترنده گوله گوله دونوب بیله مه دئدی هله بیزیم بایرامیمیزین موبارک اولماسینا ................................

+ نوشته شده در جمعه سوم فروردین ۱۳۹۷ ساعت 20:13 توسط (قلئی چی مورتوض)  | نظرات







    بؤلوم:
آرشیو
سون یازی لار
یولداش لار
سایغاج
ایندی بلاق دا : نفر
بوگونون گؤروشو : نفر
دونه نین گؤروشو : نفر
بوتون گؤروش لر : نفر
بو آیین گؤروشو : نفر
باخیش لار :
یازی لار :
یئنیله مه چاغی :