+0 به‌ین
یاغیش نامازی
قوراقلیق ایللرینده، بیر کندده یاغیش نامازینا چیخارلار. بیر بکتاشی ده اونلارین آردینجا گئدر. جاماعاتین آرخاسیجا گئدرکن بیر آغاج بوداغی تاپیب باشینی دیک توتاراق اؤز تارلاسینا باتیریب،
- " آللاه! بوراسی بیزیم تارلامیزدیر. هئچ اولماسا یاخشی بیر یاغیش یاغدیر دا، سوواریلسین " ، - دئیر.
یاغیش نامازی بیتینجه هامی ائوه قاییدیر و ائله او آخشام گوجلو بیر یاغیش و دولو یاغماغا باشلار. بکتاشی سحر اؤز تارلاسینا باش چکمه‌یه گئدر. بس نه گؤرسه یاخشی‌دیر؟ دولو، تارلاسینداکی بوتون محصول‌لاری محو ائدیب اونلاری تورپاغا قاتمیشدی. بکتاشی بونو گؤرونجه باشینی گؤیه قالدیرارق آللاها بئله خطاب ائدر:
" آللاهیم گوناه سنده دئییل، سنه تارلانی گؤسترن قورومساقدادیر " .
بؤلوم: حیكایه و گولمه‌جه‌لر