دوکتــــور جـئــــــری
ساتاشما ادبیاتی
گؤروشلر : 0
تاريخ : جمعه 28 مرداد 1390 | یازار : دوکتور جئری
+0 به‌ین

قوردباشی ایقتیصادیات

جیزما- قاراچی : دوكتور جئری

 

سوسیولوقلار دونیادا كومونیزم ، سوسیالیزیم ، كاپیتالیزیم آدلی اوچ چئشید ایقتیصادیاتین اولدوغونو سؤیله ییرلر. اونلار، توپلومدا یاشایان اینسانلاری الین بارماقلارینا اوخشاتاراق، كمونیزمی بؤیوك بارماقلاری كسیب كیچیك بارماق دوزه یینه چاتدیرماق، سوسیالیزمی ، كیچیك بارماقلاری چكیب بؤیوك بارماقجا اوزاتماق ، كاپیتالیزمی ایسه بارماقلاری اؤز حاللارینا بورخماق كیمی بَتیم له یه رك۱  آچیقلاییرلار.آنجاق بوگونلر ایران اؤلكه سینده قورد باشی  آدی وئریلن دؤرودونجو چئیشد ایقتیصادیات اورتایا چیخماقدادیر.

قورد باشی ایقتیصادیات نه دئمكدیر؟

توپلومدا عدالتی ساغلاماق  آدی ایله سوبسید لری نقدی اولاراق دولایسیز۲ بیچیمده خالقا اؤده ییب دولایلی۳ یوللارلا  گئری آلماقدیر.

قورد باشی سؤزونون قایناغی:

شهرین حاكیمی موللانصرالدینین آغیل – اوسونو یوخلاماق اوچون اونا بیر قویون وئریب بیله سیندن ایسته ییر حئیوانی بیر آی سونرا وئردیگی آغیرلیقدا  گئری قایتارسین. موللا قویونا چوخ یئدیرتینجه آغیرلاشدیغینی ، یئدیرتمه یینجه ایسه یونگوللشدیگینی گؤرونجه دوشونجه یه دالیر. سونوندا گئدیب بیر قورد باشی تاپیر. او قویونو دویونجا یئدیردیكدن سونرا قورد باشینی گؤستره رك حئیوانین یئدیگینی بورنوندان گتیریب كؤكلمه سینه انگل اولوردو.بئله لیكله او قویونو آلدیغی آغیرلیقدا حاكیمه گئری قایتاریر.

ایللر سونرا موللانصرالدینین بو یؤنتمی ایقتصادیات بیلیمینه كئچره ك قورد باشی ایقتیصادیاتینی اورتایا چیخارتدی. ایندی ایران دئییلن اؤلكه ده خالق آی باشی بانكالاردان سوبسید پوللارینی آلیب زنگینلر كیمی شیشمك ایسته یینجه گاز، برق ، سو و … فیشلری چیخیب یئللرینی فیس یاتیردیر.

1390/2/30

 

۱- تصویر ائده رك

۲- مستقیم

۳- غیر مستقیم

 

 





    بؤلوم: ساتیریك یازیلار
آرشیو
سون یازی لار
یولداش لار
سایغاج
ایندی بلاق دا : نفر
بوگونون گؤروشو : نفر
دونه نین گؤروشو : نفر
بوتون گؤروش لر : نفر
بو آیین گؤروشو : نفر
باخیش لار :
یازی لار :
یئنیله مه چاغی :