دوکتور جئری
ساتاشما ادبیاتی
گؤروش‌لر : 0
تاريخ : جمعه 11 بهمن 1392 | یازار : دوکتور جئری
+0 به‌ین

چوخ‌ هویت‌لی میللت

دوكتور جئری

بیز آذربایجانلیلار چوخ‌ هویت‌لی میللت‌ایك. بیزیم كیمی چوخ‌ هویت‌لی میللت، سانیرام یئر اوزونده تاپیلماز. چوخ ‌هویت‌لی اولدوغوموزون كؤكو نیسبی‌لیگه ایناندیغیمیزداندیر بلكه. ساده بیر سورغو ایله بیزیم چوخ ‌هویت‌لی اولدوغوموزو آنلاماق چتین دئییل.

سیز هانسی میللتدن‌سینیز؟

بیریسی بیزدن بو سورغونو سوروشسا، اؤنجه سوروشانین كیملیگینی اؤیره‌نیب سونرا یانیتلایاریق سورغوسونو.

سوروشان فارس اولسا، دؤشوموزو قاباغا وئریب، "تورك زبان"-یق دئیه‌ریك.

سوروشان كورد اولسا، "عجم" اولاریق.

سوروشان ائرمنی اولسا، "موسلمان" آدلاندیراریق اؤزوموزو.

سوروشان قوزئی آذربایجانلی اولسا، "ایرانلی"-لاشاریق.

سوروشان توركیه‌لی اولسا، بیز "آذری‌"-ییق افندیم، سؤیله‌یه‌ریك.

سوروشان آذربایجانین سوننی توركلریندن اولسا، "شیعه" اولوب حضرت علی‌نین حاققی‌نین تاپدالانماسیندان سیزلایاریق.

سوروشان زنجان، همدان، قاشقایستان،خلجستان،خوراسان توركو اولسا، اؤزوموزو "آذربایجانلی"-‌ییق دئیه تانیتدیراریق.

سوروشان اؤزوموز اولساق، "چوخ هویت‌لی میللت‌ایك" دئیه‌ریك اؤزو اؤزوموزه.....

 





    بؤلوم: ساتیریک یازی‌لار
آرشیو
سون یازی‌لار
یولداش‌لار
سایغاج
ایندی بلاقدا : نفر
بوگونون گؤروشو : نفر
دونه‌نین گؤروشو : نفر
بوتون گؤروش‌لر : نفر
بو آیین گؤروشو : نفر
باخیش‌لار :
یازی‌لار :
یئنیلنمه چاغی :