+0 به‌ین
اوروجلوق احوالاتی
یازان :دوکتور جئری
اوروج توتماق
موللا نصرالدینه دئدی لر:
-” اوروج توتماق چتین دیر توتانمیریق”.
موللا کئچی ساققالینی تومارلایاراق :
- ” اورج توتماقدان راحات ایش یئنه اوروج توتماقدیر ” دئدی
- ” نئجه ؟”
-” اورجلوقدان قاباق ات یئمیردیز ایندی ده یئمه یه جکسینیز. اورجلوقدان قاباق یئر- یئمیش یئمیردیز ایندی ده یئمه یه جکسینیز. اورجلوقدان قاباق ….”
اوروج یئمک
بیری موللانصرالدینه دئییر : ” سیزین آجیغینیزا اوروجومو یئییرم! “
موللا اوجادان گوله رک : ” سنین خبرین یوخدور سن اون ایکی آیی اورجسان” دئییر.
نئچه گون اوروج توتموسان؟
بیریندن سورشورلار : ” نئچه گون اوروج توتموسان ؟”
- ” خسته اولدوغوم اوچون یالنیز بیر گون توتا بیلدیم ” دئییر.
عینی سورونو اورادا دوران موللا نصرالدین دن سوروشونجا :
- ” بو آرخاداش مندن بیر گون چوخ توتموش” دئییر.
اوروج اولمایانین جزاسی
موللانصرالدینین قارداشی اوغلو اوروج ، اوروجونو یئمیشدی. دئییشیک سالیب موللانصرالدینی توتموشدولار. یازیق،دگنگ آلتیندا نه قدر باغیریردی من اوروج دئییلم او قدر برک دؤیولوردو…
اوروج یوخسا ناماز
بیریندن سوروشورلار :
- ” ناماز یاخشی دیر یوخسا اوروج؟ “
- ” اوروج ! ”
- “ندن ؟ “
- ” اوروجو یئمک اولار آمما نامازی یوخ “
روشوتخورون اوروج توتماسی
روشوتخور مامور اوروجو باطیل اولماسین دئیه افطاردان سونرا روشوت یئییردی.
اوروج نئجه باطیل اولار؟
دالدادا یئمک یئینده بیری اوستونوزه چیخا!
یارانه لر و اوروجلوق آیی
بیلیرسینیز نییه مرداد آیی یارانه لری اوروجلوق آیی نین باشیندا اؤده ندی؟
دئییلنلره گؤره ، اوروج توتمایانلار گره ک ۶۰ فقیر- یوخسولون قارنینی دویورسونلار. بو شرعی مسئله دوغرولتوسوندا دؤولت و مجلیس یارانه لری اورجلوق آیی نین باشینا سالیب ۷۰ میلیون فقیرین قارینی دویورماقلا ، جانلارینی نئچه ایل اوروج توتماقدان قورتاردیلار.
بیلدیری
آتامیز اوروج اوروج اوغلو بللی اولمایان شخصلر طرفیندن توتولوب بو قونودا بیلگی لری اولانلار بیزی نیگرانچیلقیدان قورتاریب موشتولوق آلسینلار.
رامازان اوروج اوغلو
تانری مالی
مامور بیرینه :
-” اشی اوروجون نییه یئییرسن..” دئییر.
کیشی اؤفکه ایله قیشقیریر :
-” اولان سنه نه !! دده ن مالینی یئییرم ! یئتیم مالینی یئییریم! میللتین مالینی یئییرم! دؤولتین مالینی یئییرم! من بیله رم بیرده تانریم . سیزه کیم دئییبدبدیر تانری ایله قولون آراسینا گیره سیز!!….
بیر نئچه بالالار سؤزو:
اوروجا اؤز وئرسه نیز گلن ایل اون گون تئز گله جک .
اوروجو سن توت یئمه سی مندن.
اوروج اولماسا محرمین قدرینی کیمسه بیلمز.
سحر ، ناهار ، شام یئمه سی بس دئییل اوباشدانلیغادا دورور.
اوروجو یوخسول الی ایله توتارلار.
اوروج یئین قورتولدو اوروج توتان توتولدو.
ائلده اوروج وارایدی، ناماز – مچید واری ایدی ؛ ائلده اوروج قورتولدو، ناماز – مچید قورتولدو.
اوروجلوق قورتاراندا مؤهور – تسبئحین ائله یئره قویا گلن ایل تاپا بیله سن.
کیمی لری اوروج توتورلار اورجولوقدان سونرا میللت – دؤولتین مالینی یئمه یه یئر آچسینلار.
اوروجو دالدا یئ نامازی قاباقدا قیل.
بیری اوروج توتماق اوچون توزاق قورموشدو تورونا محرم دوشدو.
1390/5/14
بؤلوم: حیكایه و گولمه‌جه‌لر