دوکتــــور جـئــــــری
ساتاشما ادبیاتی
گؤروشلر : 0
تاريخ : جمعه 13 مرداد 1391 | یازار : دوکتور جئری
+0 به‌ین


اینترنت قولاغا ضررلی دیر!

دوكتور جئری

پروفسور نصرالدینی قولاغی پانسیمانلی گؤردوم. بیرآز ساتاشماق ایسته دیم.

-        خئیر اولا پروفسور! قولاغین نییه باغلاییبسان قاپی آراسیندا می قالیب ؟- دئیه سوروشدوم. پروفسور درین بیر آخ چكیب دئدی:

-        كئشگه قاپی آراسیندا قالایدی، اینترنتده چوخ گزمیشمده ا اوندان دیر!

اولمایا پروفسوردا منی ساریماق ایسته ییر، دئدیم اؤز- اؤزومه.

-        نه دخلی وار؟! بیز ائشیتمیشیك اینترنتین گؤزه، بویونا، بئله ضرری واردیر آنجاق قولاغا ضررلی اولدوغونو، گونده نئچه كره یوردداشلاری اینترنت له آز اوغراشماق اوچون اویاران تلویزیوندان بئله گؤروب ائشیتمه میشیك.

پروفسور فیسیلدادی:

-        تلویزیونون بو ضررلردن دانیشماسی ضررینه دیر!

ایسته دیم دئییم- نه ضررینه دیر؟-  ائكله دی:

-        هله اینترنتین بورونا دا ضرری واردیر!

چاش- باش اولموشدوم. قاباریب سسیمی قووزادیم:

-        سنی تانری بیر آچیق- آیدین دانیش گؤروم نه دئییرسن منكی بیر شئی باشا دوشمورم!

پروفسور  الی ایله منی یاواشلاماغا چاغیراق پیچیلدادی:

-        باشا دوشمه یه جك نه واركی؟ دئ گؤروم بیلیرسنمی اینترنت پولیسی نه دئمكدیر؟

-        نییه بیر شئی لر ائشیمیشم- دئدیم.

پروفسور سرت- سرت  :

-        سن ائشیدنلری من گؤرموشم- دئدی- دونن بیر نئچه نفر گلیب قولاغیمی ائله بوردولار آز قالدی كؤكوندن چیخا، سونرا: بورونونو چوخ اینترنته سوخسان دیمدیگینی قایچیلایاجاغیق دئیه منی اویاردیلار. ایندی بیلدین نییه اینترنتین قولاغا،  بورونا  ضرری واردیر؟!

پروفسورون بیر قولاغینا بیر بورنونا باخیب دئدیم:

-        بئله لیكله دیلدن باشقا بورون دا باشین بلاسی ایمیش پروفسور!





    بؤلوم: حیكایه و گولمه‌جه‌لر
آرشیو
سون یازی لار
یولداش لار
سایغاج
ایندی بلاق دا : نفر
بوگونون گؤروشو : نفر
دونه نین گؤروشو : نفر
بوتون گؤروش لر : نفر
بو آیین گؤروشو : نفر
باخیش لار :
یازی لار :
یئنیله مه چاغی :