+0 به‌ین
بایاتاسؤزلر
دوكتور جئری
مئشه چاققال سیز اولماز
بازار باققال سیز اولماز
هره بیر قیل وئرسه
كوسا ساققال سیز اولماز
ائششگی پالان ساخلار
اوردونو تالان ساخلار
اوشاق كیمی آلدانما
دؤولتی یالان ساخلار
كهلیگی داغدا گزه ر
سوناسی گؤلده اوز ه ر
بئله كی آغا چئزیر
بونا هئچ تومان دؤز ه ر؟
سیرا گلیب چاتاجاق
اوخ كاماندان قاچاجاق
قوجالیقدا آت مینن
قیامتده چاپاجاق
بیر الی یاغدا اولار
بیر الی بالدا اولار
قارغایلا دوست اولانین
دیمدیگی پوخدا اولار
ال اوستونده ال اولار
داما داما سئل اولار
یئتیم داغا چیخاندا
قار اولماسا یئل اولار
آستر اولسا اوست اولماز
ایت دریسی پوست اولماز
دده قورقود سؤزو دور
اسكی دوشمان دوست اولماز
یئیه نیم ، مرنده گل
خویا گل، مرنده گل
خسته لندیم گلمه دین
مالیمی بؤلنده گل
زامانا آی زامانا !
دلی می سن یا قانا؟
قور- قودوق سمند مینیر
توسون حسرت پئیكانا
آریانالار
بیر دین گلدی فر فری
كیتابی دری وری
پاسارگاد قیبله سی دیر
كسروی پئغمبری
چالیری كییو كییو
سیزده كی بو آی كیو
شوونیست ” گربه نره “
فیردوسی پینوكیو
كوروشون تالانلاری
اینگیلیس پالانلاری
فاشیست لری شیشیرتدی
فیردوسی یالانلاری
كوروش ، داریوش ناغیلی
الدن آلدی آغیلی
میللت لر آیا گئتدی
سیز چیخمادیز آغیلی
1390/3/20
بؤلوم: ساتیریک شعرلر