Anadili günü gülməcələri

Dr.Jery

Necə Türkcəni rəsmiyyətə mindirmək olar?

   Ustad Fərhixtə ilə dartışırdıq:

- İranda, ikiyüzminlik Erməni xalqının Anadillərində qırx mədrəsəsi, iki danişqah şöbəsi, iki gündəliyi, neçə- neçə dərnəyi ola-ola niyə qırx neçə miliyonluq Türk millətinin heç nəyi yoxdur?

   Ustad başını tovladı:

-Lap Türkəsaya adamsan doktor!...

   Dodağımı büzüşdürdüm:

- Niyə?!..

- Dövlət gecə- gündüz dilinizin rəsmilşədirməsi üçün çalışır ancaq sizin nə xəbəriniz var, nədə əməkdaşlıq eləyirsiniz!

- Necə, necə?!!

- Hə!... şirin dil ilə əriyib yüz- ikiyüzmin nəfər hüduduna yetişəsəniz, inanın həm diliniz rəsmi olacaq, həm mədrsə- məktəb sahibi olacaqsınız!!

Xaça hörmət!

   kitabevində bir gənc ilə qarşılaşdım, boynuna xaç asmışdı. çaşdım:

- Siz bir yandan Türkcə kitab alırsınız, bir yandan da boynuza xaç asmışsınız, Ermənisinizmi?!

- yooox!.. Türkəm , müsəlmanam ..- dedi.

- Amma bu xaç?!..

   güldü:

- İranda xaça yüksək hörmət vardır, bizdə dostlarla birgə xaç asmağa başlamışıq bəlkə dövlət bizim dili də Ermənilər kimi rəsmiyyətə tanısın!!..

Anadili günü bayramlığı

   İsfəndin ikisi Anadili bayramıdır. Bayramlarda, bayramlıq vermək bir dəbdir. Biz də bu gün münasibətilə, dövlət başçılarmızdan kiçicik bir bayramlıq istəyirik!

Yox!... Türk dilini rəsmiyyətə tanımalarını istəmirik; bilirik bu olası deyil!

Yox! .. Türk Fərhəngistanı açmalarını istəmirik; bilirik bu əllərindən gəlməz!

Yox!... Türk dilini danmamalarını istəmirik; bilirik danmamaq olmaz!

Yox!....

İstədiyimiz bayramlıq sadəcə budur :

   Dilimizi qorumaq üçün, Azərbaycanın ostanı radio- televizyon kanallarını bağlayın!

Mədrəsələrin fərqi

   İrandaki bütün mədərsələr daş-kərpiçdən düzəlibsə, öyərnəcilər eyni kitabları oxuyurlarsa, öyrətmənlər eyni dərsləri öyərdirlərsə, kiçicik bir şeydə fərq vardır:

   Genldə, Fars bölgələrində, uşaqlar mədrsəni bitirdikdə, doktor, məhsndis, ustad, bekar,... olurlar, Türk bölgələrində manqurt.

Türkan-i parsigüy Fars dilini təhrim ediblər

   Anadili günü münasibətilə Azərbaycanın "Türkan-i parsigüy" şairləri, bir bildiridə, Dövlət Türk dilini rəsmiyyətə tanımayınca Farsca şeir söyləməkdən əl çəkib Fars millətini şeirsiz qoyacaqlarını bildiriblər.

   Bu şok xəbərdən sarsılan Fars milləti bir göstəridə, " Duyğularımız bu təhrimin altında ovulub xəşil olmadan 5+1 (beş Azərbaycan ostanı+ Tehran ) danışqları başlanmalıdır."deyə dövləti uyarıb.

Millət vəkillərimiz Tehrandadırlar yoxsa bakıda?!

   Ustad dəftəri şappıltı ilə əlini alnına tapdadı:

- Doktor! lap çaşmışam!!...

- Yenə nə olub?!.. -dedim.

- Doğrusu qatmışam, bilmirəm biz seçdiyimiz məclis nümayəndələrini Tehrana göndəririk yoxsa bakıya?!

-Bu nə sözdür ustad, bəllidir Tehrana göndəririk!

   Ustad dəftəri düşüncəyə daldı az sonra:

- Belə isə niyə, ara- sıra İranın bakıdakı böyük elçiliyi nümayəndələrindən," Niyə Azərbaycanlılar Anadillərində təhsil almırlar?" deyə soruşanda, deyirlər: "Azərbaycanlılar anadillərində təhsil almaq istəmirlər!".

sorğu- yanıt

- Azərbaycan İranın başı deyilmi?

- Niyə başıdır!

- Başın dili olmazmı?

- Necə olmaz, dilsiz baş nəyə gərəkdir?!!

- Belə isə niyə İran Türkcə qonuşmur?!

- İranın səsi başqa yerdən çıxır!!...

Dil başa bəla deyil!

   dil başa deyil, gö** Bəladır, uzun danışırsan batum soxurlar!...