Dr.jery

 Birinci epizod

Səlmas, 1357 bəhmən ayı

    Firdövsi qəhvəxanası şahçıların yığıncaq yeri idi. Ağa Rüstəm qəhvəxananın sahibi, özü əsil səltənətçilərdən olub şahin qaçdığına baxmayaraq,"əlahəzrət bugün-sabah qayıdacaq!"deyə, əksini hələ qəhvəxanın divarından aşağı yerindirməmişdi.

    Axşam başları qəhvəxanada iynə salmağa yer olmazdı. Rüstəm ağanın irnəgli çaylarından nəşələnən şahçılar, şahənşahin xidəmətlərini sayar, hərdən də coşqulanıb xiyabana tökülərək, " cavid şah... cavid şah" şuarı verməyə başlayardılar. Hhərdən də oturub boynu bükük- boynu bükük dərdləşərdilər. bir gün şəhərin böyük çodarı Hacı zöhrab, şahin qaçdığına üzülərək dedi:

- Öz aramızda qalsın şahimizda bətər qorxaqdır, qapı qapıya dəyib tıq səsi çıxınca qoyur qaçır!.. deyən yoxdur; rəhmətliyin oğlu niyə xaricəyə qaçırsan gəl səni beş- on gün pəyədə gizlədim ..ara sakitləşəndən sonra çıx get şahlığın elə da...

    Bəhmənin yirmi ikisində inqilab qələbə çalınca millət xiyabanlara tökülüşüb barmaqlarında zəfər əlamətı tutaraq şadlığa, şuar verməyə başladılar. Cəmiət Firdövsi qəhvəxanasına yaxınlaşınca, ağa Rüstəmin şagirdi tələm-tələsik qəhvəxana girib qışqırdı:

- Ağa Rüstəm!.. ağa Rüstəm!.. tez ol əlahəzrətın əksini aşağı yendir.. inqilabçılar şuar verə-verə buyana gəlirlər.. elə bil deyirlər: barmaqlarımızı soxacayıq şahçıların gözünə!!...

Səlmas, 1393 bəhmən ayı

    Səlmas milləti səhər oyandıqda gözlərinə inana bilmədilər. Firdövsinin mücəssəməsi şəhərin mərkəzindən yox olmuşdu. Birdən- birdə şəhərdə inqilab oldu sanki. Hər ağızdan bir hava çıxırdı.

kimi:

- Firdövsi seleyi ərham üçün Zabilistana gedib büyün sabah gələcək!...

kimi:

- Firdövsi gedib Sultan Məhmud qəznəvinin çeklərinə bərgəşt vursun!

kimi:

- Firdövsi Sultan Məhmudun adamlarının qorxusundan qoyub qaçıb!..-deyir,kimilridə:

- Sultan Məhmud qəznəvinin adamları Firdövsinin başını əkiblər- deyirdilər.

    Bu söyləntilərin ardınca, sarsıntı keçirdən, gecələri yuxu gözlərinə gəlməyən, bu ağır itkidən urmu gölü dərdini unudan qeyrətli vətəndaşlar, ölkənin dörd bucağından, şəhər məsullarini zora basaraq 24 saat içində mücəssəmənin ölüsü ya dirisini tapmalarını istədilər.

    Bu oltimatomun mürəkkəbi qurumamış hər şey aydınlaşdı:

Firdövsi bayram paltarı almaq üçün xəridə getmişdi!

*

bu gün, isfəndin səkkizi, Firdövsi yeni bayram paltarını geyinərək gəlib yenə şəhərin mərkəzində əyləşdi.